]> 2026-04-29T14:31:56+00:00 Karma Lhateng 0 en 31.830555555556,96.916111111111 Established: 1147 or 1185 [https://www.shangpafoundation.org/library/sites-page/karma-lhateng/ Shangpa Foundation] [https://www.tbrc.org/#!rid=G4812 BDRC G4812] karma lha steng 'chi med dga' tshal Original seat of the Karmapa trülku, founded by the first Karmapa, [[Düsum Khyenpa]]. The retreat center (founded by Ritrö Künzang Rinpoché ?) is run by Lama Phurbu Tsering.<br/> In ''[[Dpal ldan shangs pa bka' brgyud kyi chos 'byung gser chos zhing gi sa bon - part 2|dpal ldan shangs pa bka' brgyud kyi chos 'byung gser chos zhing gi sa bon]]'' (W1KG26279 p.548): <span class="main_text">ཀརྨ་ལྷ་སྟེང་གི་དགོན་ནི་ཞྭ་ནག་ཅོད་པན་འཛིན་པ་[[ཀརྨ་ཀུན་མཁྱེན་རང་བྱུང་རྡོ་རྗེ]]ས་གནས་ཁྱད་པར་ཅན་དུ་གཟིགས་ཏེ་གདན་ས་བཏབ་པས་ཀརྨ་ལྷ་སྟེང་དགོན་ཞེས་སུ་གྲགས། དགོན་འདིའི་ཆོས་བརྒྱུད་སྤྱི་ཀརྨ་ཀམ་ཚང་ཡིན་པ་ལ། བཤད་སྒྲུབ་ཟུང་འབྲེལ་གྱི་བསྟན་པ་སྤེལ་བའི་ཤངས་པའི་སྒྲུབ་སྡེ་གཅིག་དང་། བཀའ་པོད་ལྔ་སོགས་སློབ་གཉེར་གནང་སའི་བཤད་གྲྭ་གཅིག་ཡོད། དགོན་འདིར་ད་བར་རྒྱ་སྟོང་གསེར་གསུམ་དུ་གྲགས་པའི་སྤྲུལ་སྐུ་རྣམ་པ་གསུམ་བྱོན་པ་སྟེ། འཇའ་མོ་སྐུ་ཕྲེང་བཅུ་གཉིས། སྟོང་ནང་སྐུ་ཕྲེང་དགུ། གསེར་སྤྲུལ་སྐུ་ཕྲེང་བརྒྱད་བཅས་སོ། དེ་དག་ལས་འཇའ་མོ་སྐུ་ཕྲེང་བཅུ་གཅིག་པ་ཀརྨ་སྨྲ་བའི་སེང་གེས་ཙཱ་འདྲའི་སྒྲུབ་སྡེར་[[དཔལ་ལྡན་མཁྱེན་བརྩེ་འོད་ཟེར་]]གྱི་དྲུང་ནས་ཤངས་ཆོས་འགའ་གསན་མྱོང་བ་དང་། གསེར་སྤྲུལ་སྐུ་ཕྲེང་བརྒྱད་པ་རིག་འཛིན་རྒྱ་མཚོས་[[གུ་དྲག་རིན་པོ་ཆེ]]འི་དྲུང་ནས་ཤངས་པའི་ཆོས་སྐོར་འགའ་ཞིག་གསན་བཞེས་གནང་ཐོག་ཙཱ་འདྲ་སྒྲུབ་ཁང་དུའང་ཞུགས་མྱོང་། དེང་དགེ་འདུན་འདུས་པའི་སྡེ་བརྒྱ་དང་ཉི་ཤུ་ཙམ་བཞུགས་པའོ།<br/> །དེ་ཡང་སྒྲུབ་སྡེ་འཆི་མེད་དགའ་ཚལ་འདི་ཉིད་གང་དུ་ཆགས་པའི་གནས་ནི་བོད་ཀྱི་མདོ་ཆེན་གསུམ་གྱི་ཡ་གྱལ་ཆབ་མདོའི་མངའ་ཁོངས། དེང་བོད་ལྗོངས་ཆབ་མདོ་རྫོང་ཡོར་པ་ཡུལ་ཤོག་ལྷ་རྫ་ཚོན་ཡོལ་པ་གྲོང་ཚོའི་ཉེ་འགྲམ་ཆབ་མདོ་རྫོང་སྲིད་གཞུང་གནས་ཡུལ་ནས་སྤྱི་ལེ་100ཙམ་ཡོད། སྔོན་སི་ཏུ་འགྲོ་མགོན་རས་ཆེན་གྱིས་གནས་འདིར་ཞབས་ཀྱིས་བཅགས་ཤིང་ལོ་དགུ་ཟླ་དགུ་ཞག་མ་དགུར་སྒྲུབ་པ་མཛད་པས་དཔལ་ཆེན་མ་ཧཱ་ཀ་ལའི་ཞལ་གཟིགས། མི་བསྲུན་གདུག་པ་ཅན་མཐའ་དག་བྲན་དུ་བཀོལ་ཞིང་བདེ་ལེགས་ཀྱི་སྣང་བས་ཁྱབ་པར་མཛད། དེ་རྗེས་སྤྱི་ལོ་1921ལོར་རྣལ་འབྱོར་པ་[[རི་ཁྲོད་ཀུན་བཟང་རིན་པོ་ཆེ]]ས་ཕྱག་བཏབ་ཅིང་། རྒྱལ་བ་རྡོ་རྗེ་འཆང་དངོས་ནས་ཡེ་ཤེས་ཀྱི་ཌཱ་ཀི་ནི་གུ་མ། སུ་ཁ་སིདྡྷི་དང་། ཁྱད་དུ་འཕགས་པའི་བླ་མ་བཅུ་གསུམ་སོགས་ཀྱིས་བོད་ཡུལ་གྱི་གྲུབ་པའི་དབང་ཕྱུག་[[Khyungpo Neljor|ཁྱུང་པོ་རྣལ་འབྱོར་]]ལ་བརྒྱུད་པའི་ཤངས་པའི་གསེར་ཆོས་མཐའ་དག་ཉམས་སུ་བཞེས་པའི་སྒྲུབ་བརྩོན་གྱི་དགེ་འདུན་མང་དུ་བཞུགས། ལྷ་འདྲེའི་འཚུབ་འགྱུར་གྱི་རྐྱེན་པས་དགེ་འདུན་པ་འགའ་ལ་སྙུང་ཚབས་ཆེན་པོ་བྱུང་བས། སླར་ཡང་སྤྱི་ལོ1925ལོར་[[དཔལ་ལྡན་མཁྱེན་བརྩེ་འོད་ཟེར་]]ཕེབས་ཏེ་ས་འདུལ་དང་དྲག་པོའི་མེ་མཆོད་བླུགས་ནས་རིམ་འགྲོ་སྣ་སེལ་མཛད་ཅིང་ཟླ་བ་གསུམ་བཞུགས། དཔལ་ལྡན་སྔགས་སྲུང་མའི་ཞལ་གཟིགས་ཤིང་བྲག་ལ་འཐིམ་པའི་རྗེས་ད་ལྟ་ཡང་གསལ་བར་མཇལ་རྒྱུ་ཡོད། ཁོང་གིས་ཤངས་ཆོས་སྒྲུབ་སྡེའི་བླ་གྲྭ་རྣམས་ལ་ཤངས་ལུགས་སོགས་ཉེར་མཁོའི་དབང་ལུང་ཅི་རིགས་མཛད། སྒྲུབ་སྡེར་ཆུ་མེད་ཀྱང་། རྗེ་འདིས་ས་ཆ་ཞིག་བསྟན་ནས་འདིར་བརྐོས་དང་ཆུ་ཡོད་འདྲ་གསུངས། དེར་བརྐོས་པས་ཆུ་ཟད་མེད་བབས། དེ་ནས་བཟུང་ད་ལྟའི་བར་སྒྲུབ་ཁང་དེར་རྐྱེན་ཆག་མི་བྱུང་བར་སྣང་། ཕྱིས་[[དཔལ་ལྡན་མཁྱེན་བརྩེ་འོད་ཟེར་]]ཉིད་མཁན་ཆེན་དྲུང་རིན་པོ་ཆེ་དང་ལྷན་དུ་ཀརྨ་ལྷ་སྟེང་དུ་ཕེབས་སྐབས། སྙུང་གཞི་ལྕི་བས་ཞབས་གྲས་བླ་གྲྭ་རྣམས་གཙོས་སྐུ་རིམ་ཞབས་བརྟན་མང་དུ་བསྒྲུབས། སྙིང་ཁམས་ཇེ་དྭངས་ཀྱིས་ལོ་མཇུག་དགུ་ཆེན་འཚོགས་ཕེབས་གནང་། དེར་ཉམས་རྟོགས་ཕུན་སུམ་ཚོགས་པའི་བླ་མ་བསོད་དར་སྒྲུབ་དཔོན་དུ་བསྐོས། དེ་ནས་སྟག་གསར་འཕྲིན་ལས། སྟག་གསར་ཀ་འདུལ་བཅས་ཀྱིས་སྒྲུབ་དཔོན་མཛད་ཅིང་དུས་འགྱུར་མ་བྱུང་གི་བར་དུ་སྒྲུབ་ལ་བརྩོན་ཞིང་ཉམས་རྟོགས་མཐར་ཕྱིན་གྱི་རྣལ་འབྱོར་པ་བར་མ་ཆད་པར་བྱོན། དམངས་གཙོའི་བཅོས་བསྒྱུར་སྐབས་སྒྲུབ་ཁང་རྩ་གཏོར་དུ་སོང་། སྒྲུབ་སྡེ་འདིར་ཤངས་པའི་ཆོས་སྐོར་ཉམས་ལེན་གནང་བའི་དུས་ཡུན་ནི་ཕྱག་ཆེན་གའུ་མར་ཟླ་བ་གཉིས་དང༌། ནི་གུ་ཆོས་དྲུག་གི་དངོས་གཞི་ལ་ཁྱོན་ཟླ་བ་གསུམ་དང་ཉིན་ཉེར་བཞི་ཙམ་སྟེ། གཏུམ་མོ་ལ་ཉིན་ཉེར་གཅིག །སྒྱུ་ལུས་ལ་ཟླ་བ་གཅིག །རྨི་ལམ་ལ་ཉིན་ཉེར་བརྒྱད། འཕོ་བ་ལ་ཉིན་བདུན། བར་དོ་ལ་ཉིན་བདུན། འོད་གསལ་ལ་ཉིན་ཉེར་གཅིག་སོགས་སྤྱིར་ཙཱ་འདྲ་རིན་ཆེན་བྲག་གི་སྒྲུབ་སྡེ་དང་མཚུངས་ཀྱང་། སྒྲུབ་པ་སྡོམ་པའི་དུས་ནི་བོད་ཟླ་བརྒྱད་པའི་ཚེས་ཉེར་དྲུག་ཡིན། <br/> སླར་རྒྱལ་བསྟན་ཡང་དར་དུས་ཀྱི་སྤྱི་ལོ1987ལོར་བསྐྱར་འཛུགས་གནང་རྗེས། སྒྲུབ་ཐེངས་རེ་ལ་ལོ་གསུམ་ཕྱོགས་གསུམ་རེ་བྱས་པའི་ད་བར་ཁྱོན་སྒྲུབ་ཐེངས་བརྒྱད་ལ་སླེབས་ཡོད། སྒྲུབ་ཐེངས་དང་པོར་རྣལ་འབྱོར་པ་[[གུ་དྲག་རིན་པོ་ཆེ]]ས་སྒྲུབ་དཔོན་མཛད་ཅིང་། སྒྲུབ་དཔོན་འདི་ཉིད་དུས་འགྱུར་མ་བྱུང་གོང་སྒྲུབ་སྡེ་འཆི་མེད་དགའ་ཚལ་ཉིད་དུ་སྒྲུབ་ཐེངས་གཉིས་དང་། དཔལ་སྤུངས་ཡང་ཁྲོད་ཙཱ་འདྲ་རིན་ཆེན་བྲག་གི་སྒྲུབ་གནས་སུ་སྒྲུབ་ཐེངས་གཅིག་བཅས་སྒྲུབ་པར་ཞུགས་ནས་ཉམས་བཞེས་མཐར་ཕྱིན་གནང་། སྒྲུབ་ཐེངས་དང་པོ་དེར་སྒྲུབ་བླ་དྲུག་དང་། གཉིས་པར་དགུ། གསུམ་པར་དགུ། བཞི་པར་བཅུ། ལྔ་པར་བརྒྱད། དྲུག་པར་བརྒྱད། བདུན་པར་བཅུ། སྒྲུབ་ཐེངས་བརྒྱད་པ་འདིར་[[སྒྲུབ་དཔོན་ཕུར་བུ་ཚེ་རིང་]]གིས་ཁྱོན་ལྷ་སྟེང་དགོན་རང་ནས་ཡིན་པའི་སྒྲུབ་བླ་བཅུ་དྲུག་ལ་དབང་ཁྲིད་དང་འདོན་བྱ་ཅི་རིགས་བར་མ་ཆད་པར་བསྩལ་མུས་ལ། སྒྲུབ་བླ་རྣམས་ལས་དགུང་གྲངས་ཆུང་ཤོས་ཉི་ཤུ་དང་། ཆེ་ཤོས་ཉེར་ལྔར་སོན་པ་བཅས་སོ།།</span> G37 Monastery 2024-10-06T10:30:02Z 2460589.9375232 Karma Lhateng 0 1 list 3 [[Category:Person]] [[Monastery founded::Karma Lhateng]] Karma Lhateng 0 1 list 3 [[Category:Person]] [[PlacesPrimarySeat::Karma Lhateng]] Karma Lhateng 0 1 list 3 [[Category:Person]] [[PlacesBirth::Karma Lhateng]] Karma Lhateng 0 1 list 3 [[Category:Person]] [[PlacesDeath::Karma Lhateng]] Karma Lhateng