]> 2026-04-29T16:32:05+00:00 Lenpé Chilbu 0 en 29.906944444444,91.366111111111 Established: 11th c. [https://www.shangpafoundation.org/library/sites-page/lenpa/ Shangpa Foundation] [https://collab.its.virginia.edu/wiki/renaissanceold/Lenpa%20%28lan%20pa%29.html University of Virginia] lan pa'i spyil bu lan pa spyil bu lan pa spyil po len pa spyil phu len pa spyil pa <span class="main_text">W1KG26279: ལན་པའི་སྤྱིལ་བུ་ཞེས་པའི་དགོན་གནས་འདིའི་མཚན་མི་འདྲ་བ་ཡང་། བཀའ་གདམས་ཆོས་འབྱུང་གསལ་བའི་སྒྲོན་མེར་ཇོ་བོ་ལེན་པ་སྤྱིལ་ཕུར་ཕེབས་དུས་ཞེས་དང་། ཀློང་རྡོལ་བླ་མའི་གསུང་འབུམ་དུ་[[Atisha|ཇོ་བོ་ཨ་ཏི་ཤ་]]ལེན་པ་སྤྱིལ་པུར་ཕེབས་སྐབས་ཞེས་པའི་ནང་ལེན་པ་སྤྱིལ་པ་ཞེས་ཐོན་པ། དེ་མིན་དཔྱད་ཡིག་གཞན་རེ་ཟུང་ལ་སྐྱིལ་བུ་ཞེས་པ་སོགས་ཀྱང་ཐོན་མོད། འདིར་ཤངས་པའི་དཔྱད་ཡིག་རྣམས་ལ་ཡོངས་སུ་གྲགས་པ་ལྟར་ལན་པའི་སྤྱིལ་བུ་ཞེས་བྲིས་པ་ཡིན། དགོན་ཤུལ་འདི་ནི་དེང་[[འཕན་པོ་ལྷུན་གྲུབ་]]རྫོང་[[ལྕང་ར་ཤར་]]ཡུལ་ཤོག་[[ལན་པ་]]གྲོང་ཚོའི་ལྷོ་ངོས་ཀྱི་ཕུར་ཤིང་སེ་བ་སོགས་ཡོད་པའི་ནགས་ཁྲོད་དུ་གནས་ཤིང་། [[Khyungpo Neljor|མཁས་གྲུབ་ཁྱུང་པོ་རྣལ་འབྱོར་]]གནས་དེར་སྒོམ་སྒྲུབ་ལ་ཞུགས་པའི་ཚེ་ཌཱ་ཀི་མ་དཔག་ཏུ་མེད་པ་བྱོན་ནས་ཁོང་གི་དགོན་གནས་ཤངས་སུ་ཡོད་པའི་ལུང་བསྟན་མཛད་པ་ཡང་། མཁས་གྲུབ་ཁྱུང་པོའི་རྣམ་ཐར་ལས་ལན་པའི་སྤྱིལ་བུར་སྒོམ་ཙ་ན། མཁའ་འགྲོ་མ་དཔག་ཏུ་མེད་པ་འདུས་ནས། ཁྱེད་ཀྱི་དགོན་པ་ཤངས་ན་ཡོད་ཀྱིས་དེར་གདུལ་བྱ་སྐྱོངས་ཞེས་གསུང་ངོ་ཞེས་འཁོད་པ་ལྟར་ཡིན། ཡང་རྣམ་ཐར་དེ་ཉིད་ལས་དེ་ནས་ཤངས་ལ་འགྲོ་སྙམ་ཙ་ན། ཐོ་རངས་གཅིག་ཁ་བ་ཆེན་པོ་བྱུང་བའི་ནམ་ལང་མ་ཐག་ཨ་ཙ་ར་གཅིག་མཇལ་ཟེར་གྱིན་འདུག་ཟེར་བ་ལ། ང་མཚམས་སུ་ཡོད་པས་མི་འཕྲད་བྱས་པས། ང་རྒྱ་གར་ཐག་རིང་ནས་འོང་པས་ན་བ་ཡིན། འཕྲད་དགོས་ཟེར་བས་འཕྲད་དོ་ཞེས་གསལ་བ་ལྟར། མཁས་གྲུབ་ཁྱུང་པོ་མཁའ་འགྲོའི་ལུང་བསྟན་བཞིན་ཤངས་ལ་ཕེབས་སྙམ་པའི་ཐོ་རངས་ཤིག་གནས་འདིར་[[Rahula|གྲུབ་ཆེན་ར་ཧུ་ལ་]]བྱོན་ནས་ཁོང་དང་ཐོག་མར་མཇལ། མཁས་གྲུབ་ཁྱུང་པོ་ལན་པར་ཕེབས་པའི་དུས་ནི་[[Cheka|འཆད་ཁ་དགོན་]]ཕྱག་བཏབ་རྗེས་དང་[[Shongshong|ཤངས་ཞོང་ཞོང་དགོན་]]ཕྱག་མ་བཏབ་གོང་དུ་ཡིན་པས་ཧ་ལམ་སྤྱི་ལོ1115ལོ་ནས་སྤྱི་ལོ་1121ལོའི་བར་མིན་ནམ་སྙམ། འོན་ཀྱང་གནས་དེར་[[Khyungpo Neljor|མཁས་གྲུབ་ཁྱུང་པོ་རྣལ་འབྱོར་]]དུས་ཡུན་ཇི་ཙམ་བཞུགས་མིན་གྱི་དཔྱད་གཞི་ཁ་གསལ་མ་རྙེད་པས་ཁ་ཚོན་གཅོད་པར་དཀའ། <br /> དགོན་འདིར་[[Khyungpo Neljor|མཁས་གྲུབ་ཁྱུང་པོ་རྣལ་འབྱོར་]]དགོན་གནས་འདིར་བཞུགས་མྱོང་བ་ཕུད། གཞན་ཡང་དབུས་གཙང་མཁས་པ་མི་བཅུའི་གྲས་ཀྱི་[[རྦ་ཚུལ་ཁྲིམས་བློ་གྲོས་]]ཀྱིས་གནས་འདི་བཟུང་བ་དང་། བཀའ་གདམས་བསྟན་པའི་སྤྱི་མེས་[[Atisha|ཇོ་བོ་རྗེ་དཔལ་ལྡན་ཨ་ཏི་ཤ་]]ཡེར་པ་ནས་ཀ་བ་[[ཤཱཀྱ་དབང་ཕྱུག་]]གིས་སྤྱན་དྲངས་ཏེ་ཟླ་བ་གཅིག་ཙམ་རིང་བཞུགས་ནས་[[ཆོས་རྗེ་འབྲོམ་སྟོན་པ་]]སོགས་ཀྱི་སློབ་མ་རྣམས་ལ་ཆོས་གསུང་མྱོང་བ་མ་ཟད། ཆོས་བློན་བྲན་ཀ་དཔལ་གྱིས་ཇོ་བོར་བར་ཆད་གཏོང་བར་བརྩམས་པ། ཇོ་བོས་རྟ་མགྲིན་ཤྭ་ན་བཞིས་བསྐོར་བའི་སྒྲུབ་ཐབས་མཛད་ནས་བྲན་ཀ་བཏུལ་བའི་ལོ་རྒྱུས་བཀའ་གདམས་ཕ་ཆོས་དང་མྱང་ཆོས་འབྱུང་སོགས་སུ་བྱུང་བ་བཞིན་ཆོས་བློན་བྲན་ཀ་དཔལ་དེ་ཉིད་གནས་འདིར་ཐོག་མར་ཇོ་བོའི་བསྟན་པ་སྲུང་བའི་སྲུང་མར་བསྐོས། ད་དུང་ཇོ་བོ་རྗེས་ཞང་ཀ་མ་པའི་ཡུམ་ལ་བུ་བཟང་པོ་ཀ་མ་པ་འདི་ཉིད་འབྱུང་བར་ལུང་བསྟན་པ་སོགས་མཛད། <br /> དེ་མིན་ཕྱག་རྒྱ་ཆེན་པོ་སོ་ལུགས་（དུང་དཀར་ཚིག་མཛོད་དུ་སྐམ་ལུགས་ཞེས་འཁོད་）ཀྱི་བརྒྱུད་འཛིན་སྐྱེས་མཆོག་བསམ་གཏན་དཔལ་བ་（སྤྱི་ལོ1291ལོ་ནས་1366ལོ་བར་）ཐོག་མར་རང་ཉིད་ཀྱི་མཁན་པོ་ཆོས་ཀྱི་རྒྱལ་མཚན་གྱི་ཕྱག་ཕྱིར་ཕེབས། མཁན་པོ་ཆིབས་བརྡབས་བྱུང་ནས་སྐུ་གཤེགས་རྐྱེན་ཐུགས་སེམས་ལ་སྐྱོ་ཤས་དྲག་པོ་སྐྱེས་ནས། དུས་རབས་བཅུ་བཞི་པའི་ནང་སྤྲོ་ཞིང་མཁན་པོ་གཞོན་རིན་དང་ལྷན་དུ་འཕན་ཡུལ་ལན་པའི་ཕུར་རྒྱ་བྲག་[[ཆོས་རྗེ་རྡོ་རྗེ་གཞོན་ནུ]]འི་དྲུང་དུ་ཕེབས། ལུང་པའི་མདར་སླེབས་པ་ཙམ་ནས་བླ་མའི་ཚུལ་ཁྲིམས་ཀྱི་དྲི་བཟང་ཚོར་བས་མོས་གུས་ཆེས་ཆེར་སྐྱེས་ནས་དོན་བརྒྱུད་ཁྲིད་སོགས་ཆོས་མང་དུ་གསན་རྗེས་བླ་མ་ཡང་སངས་རྒྱས་སུ་མཐོང་བ་སོགས་ཀྱི་ཉམས་རྟོགས་ཕུན་སུམ་ཚོགས་པ་སྐྱེས། དད་ལྡན་གྱི་སློབ་མ་མང་པོར་ཕྱག་རྒྱ་ཆེན་པོའི་ཁྲིད་གསུངས་པས་རིའི་རྩ་བ་ཐམས་ཅད་རང་ཤོང་གི་སྤྱིལ་བུས་བཀང་ཞེས་པ་དེའི་ཐོག་ནས་མ་གཞི་ལན་པའི་སྤྱིལ་བུ་ཞེས་པའི་ས་མིང་དེ་ནི་ཇོ་བོ་རྗེ་དང་མཁས་གྲུབ་ཁྱུང་པོ་སོགས་བཞུགས་པའི་དུས་ཏེ་སྤྱི་ལོའི་དུས་རབས་བཅུ་གཅིག་བཅུ་གཉིས་པའི་ནང་ཡོད་ཀྱང་། སྐྱེས་མཆོག་བསམ་གཏན་དཔལ་བ་བཞུགས་པའི་སྐུ་དུས་སུ་སློབ་མ་རྣམས་སྒྲུབ་པ་ཉམས་ལེན་གནང་སའི་སྤྱིལ་བུ་མང་པོས་ཁེངས་ཡོད་རྐྱེན་ས་མིང་དེའི་དོན་སྔར་ལས་ཀྱང་གསལ་པོར་མཚོན་པར་བྱས་ཡོད། ཞར་ལ་ཞུ་རྒྱུར། སྐྱེས་མཆོག་བསམ་གཏན་དཔལ་བ་དང་གང་དེའི་སློབ་མ་རྣམས་ཀྱིས་ཆོས་ལུགས་གཞན་ལ་ཆགས་སྡང་ཕྱོགས་རིས་སུ་བཅད་པའི་གཏམ་ཚིག་ཙམ་ཡང་མི་སྒེང་བ་མ་ཟད། སྐྱ་སེར་སྐྱེ་བོ་ཀུན་ལ་དག་སྣང་སྒོམ་པ་ཡང་། དེབ་སྔོན་ལས་རང་ཚེ་བློས་བཏང་ནས་སྒྲུབ་པ་ལ་འཇུག །ཆོས་ལུགས་གང་ལའང་ཚིག་གཅིག་ཙམ་མི་སྨོད། ཕྲད་པའི་སྐྱེ་བོ་རབ་ཏུ་བྱུང་བ་ལྟ་ཞོག །ཁྱིམ་པ་ལ་ཡང་དག་སྣང་སྒོམ་པ་ནི་འདི་རྣམས་ཀྱི་ཆོས་ལུགས་ཡིན་ནོ་ཞེས་འཁོད་པ་ལྟར་གྱི་ངོ་མཚར་བའི་མཛད་པ་རྣམས་ངེད་ཕྱི་རབས་པ་རྣམས་ཀྱིས་སློབ་སྦྱོང་བྱེད་དགོས་པ་གལ་ཆེའོ།</span> PL3 Hermitage 2021-03-30T09:55:51Z 2459303.9137847 Lenpé Chilbu 0 1 list 3 [[Category:Person]] [[Monastery founded::Lenpé Chilbu]] Lenpé Chilbu 0 1 list 3 [[Category:Person]] [[PlacesPrimarySeat::Lenpé Chilbu]] Lenpé Chilbu 0 1 list 3 [[Category:Person]] [[PlacesBirth::Lenpé Chilbu]] Lenpé Chilbu 0 1 list 3 [[Category:Person]] [[PlacesDeath::Lenpé Chilbu]] Lenpé Chilbu