]> 2026-04-29T17:30:41+00:00 Lhaphu Mokchok 0 en 29.702222222222,89.43 Established: 12th c. 15th c. [[Lekpa Gyeltsen]] transmit the teachings of Niguma to [[Künga Drölchok]]. [https://www.shangpafoundation.org/library/sites-page/mokchok-monastery/ Shangpa Foundation] [https://www.tbrc.org/#!rid=G2CN11086 BDRC G2CN11086] lha phu rmog lcog In ''[[Dpal ldan shangs pa bka' brgyud kyi chos 'byung gser chos zhing gi sa bon - part 2|dpal ldan shangs pa bka' brgyud kyi chos 'byung gser chos zhing gi sa bon]]'' (W1KG26279 p.456): <span class="main_text">དེ་ཡང་ནི་གུའི་བརྒྱུད་འདེབས་ལས་ཤངས་ལྷ་ཕུ་རྨོག་ལྕོག་གི་དགོན་པ་རུ། མཉམ་མེད་[[Mokchokpa Rinchen Tsöndrü|རིན་ཆེན་བརྩོན་འགྲུས་]]ལ་གསོལ་བ་འདེབས་ཞེས་འཁོད་པ་བཞིན། དགོན་འདི་ནི་ཤངས་ལུགས་གདམས་པའི་ཆིག་བརྒྱུད་ཀྱི་བརྒྱུད་པ་བཞི་པ་[[Mokchokpa Rinchen Tsöndrü|རྨོག་ལྕོག་པ་རིན་ཆེན་བརྩོན་འགྲུས་]]ཀྱིས་ཡུལ་ལ་གཡང་ཆགས་ལྷ་ཕུའི་ངོགས་སུ་ཕྱག་བཏབ་ཅིང་། དེང་[[རྣམ་གླིང་]]རྫོང་[[ར་ཐང་]]ཡུལ་ཤོག་[[གད་ར་]]གྲོང་ཚོའི་ཁོངས་སུ་གནས། དགོན་འདིར་རྨོག་ལྕོག་ཅེས་བརྗོད་དོན་ཡང་རི་རྨོག་འདྲ་བའི་སྟེང་དགོན་པ་ལྕོག་འདྲ་བ་བཞེངས་པས་ཡིན་ཞེས་གྲགས། ཁུལ་དེའི་མི་རྣམས་ཀྱི་ཁ་རྒྱུན་དུ་རྨོག་ལྕོག་སྒྲུབ་ཁང་”ཞེས་འབོད་ཅིང་། རྗེ་རྨོག་ལྕོག་པས་དགོན་གནས་མ་བཏབ་གོང་སྒྲུབ་པ་ལ་ཞུགས་སའི་སྒྲུབ་ཁང་སྒོ་ལྷོ་ཕྱོགས་སུ་བསྟན་པ་དེ་རི་གཤམ་དུ་མཇལ་རྒྱུ་འདུག །[[Mokchokpa Rinchen Tsöndrü|མཉམ་མེད་རྨོག་ལྕོག་པ་རིན་ཆེན་བརྩོན་འགྲུས་]]ཀྱིས་སྤྱིར་མི་ཟས་སྤངས་ནས་མི་ལོ་བཅུ་གཉིས་རིང་སྒྲུབ་པ་བསྐྱོན་ས་དེ་ཡིན་ལ། ཁུལ་དེའི་ཤོད་རྒྱུན་དུ་ཁོང་སྒྲུབ་པ་མཐར་ཕྱིན་རྗེས་རྨོག་ལྕོག་གི་བྲག་རིའི་རྩེ་ལས་ཐོན་པར་གྲགས། ད་ལྟ་སྒྲུབ་ཁང་དེའི་ཕྱི་རོལ་དུ་མ་ཎི་ཁང་ཆུང་ངུ་གཉིས་ཀྱང་བཞེངས་འདུག སྔར་སྒྲུབ་ཕུག་གཤམ་དུ་ལམ་བུ་བཟོ་སྐབས་སྒྲུབ་ཁང་དེར་གཏོར་སྐྱོན་ཅུང་ཟད་ཕོག རྨོག་ལྕོག་གི་གནས་འདི་ནི་[[Mokchokpa Rinchen Tsöndrü|ཆོས་རྗེ་རྨོག་ལྕོག་པ་]]དང་[[Öntön Kyergangpa|དབོན་སྟོན་སྐྱེར་སྒང་པ་]]གཉིས་ཐོག་མར་མཇལ་ས་ཡང་ཡིན། [[Mokchokpa Rinchen Tsöndrü|ཆོས་རྗེ་རྨོག་ལྕོག་པ་ཆེན་པོ་]]མངོན་པར་དགའ་བའི་ཞིང་ཁམས་འོད་འཕྲོ་ཅན་ཞེས་བྱ་བར་ཕེབས་རྗེས། རྨོག་ལྕོག་གི་གདན་ས་འདི་དང་ཉེ་བའི་སྤང་པོའི་སྤྱིལ་བུར་རིན་ཆེན་བདུན་བརྒྱུད་ཕྱི་མའི་བདུན་པ་[[Lekpa Gyeltsen|རྒྱ་སྒོམ་ལེགས་པ་རྒྱལ་མཚན་]]བཞུགས་ཡོད་པ་ཡང་། ནི་གུའི་རྒྱབ་ཆོས་གླུའི་ཕྲེང་བ་ལས་མ་གི་ཤེད་ཤངས་ཕུའི་རྨོག་ལྕོག་གི །ཕོ་བྲང་དེ་སྤང་པོའི་སྤྱིལ་བུ་ན། །མི་གཟུགས་ལ་ཞུ་བདེའི་འོད་འབར་བ། རྒྱ་སྒོམ་རྡོ་རྗེ་འཆང་ཆེན་དེ་ན་བཞུགས་ཞེས་འཁོད་པ་ལྟར་རོ།<br />།ད་ལྟ་ཆོས་རྗེ་རྨོག་ལྕོག་པས་ཕྱག་བཏབ་པའི་དགོན་གནས་འདིར་དམངས་གཙོའི་བཅོས་བསྒྱུར་གོང་བཙུན་མ་ཞལ་གྲངས་བཞི་བཅུ་ཙམ་ཡོད་པའི་རྙིང་མའི་དགོན་སྡེ་ཞིག་གི་འདུ་ཁང་དང༌། ཤག་ཁང་ལ་སོགས་པའི་རྩིག་ཤུལ་མང་པོ་ཞིག་མཇལ་རྒྱུ་འདུག་ལ། སྔར་དགོན་འདིར་རྟེན་གཙོ་གུར་དྲག་གིས་གཙོས་པའི་སྐུ་གསུང་ཐུགས་རྟེན་མང་དུ་བཞུགས་པ་དང་། གཞན་ཡང་གསེར་གྱི་རྔ་དང་སྦུབ་ཆལ། ལྷག་པར་དུ་ཆོས་རྗེ་རྨོག་ལྕོག་པའི་དབུ་ཞྭ་དམར་པོ་ཞིག་དང་སྒོམ་གཞོང་། གཤམ་ཐབ། ཞབས་ཕྱག་སོགས་ཡོད་པ་ལོ་ན་སྨིན་པའི་བགྲེས་སོང་འགས་དངོས་སུ་མཇལ་མྱོང་འདུག རྟེན་དེ་དག་ལས་རེ་ཟུང་ཞིག་རྨོག་ལྕོག་བྲག་གི་ལྟག་ཏུ་ཡོད་པའི་ལྷ་རྟེན་དེའི་གཟུངས་སུ་ཡོད་པ་ཕུད། མང་ཆེ་བ་མེ་ཆུའི་པང་དུ་བསྐུར་ཟིན་པས་མཇལ་བའི་སྐལ་པ་བྲལ།</span><br/><br/> In ''[[gtsang rnam gling khul gyi dgon sde'i gnas bshad dad pa'i dmigs bu]]'' (W3KG116 p.347): <span class="main_text">དྲུག་པ། ར་ཐང་ཤང་ཁུལ།<br/>གཅིག རྨོག་ལྕོག་དགོན།<br/>དེང་ར་ཐང་ཤང་གད་ར་གྲོང་ཚོའི་ཁོངས་སུ་གནས་ཤིང་། [[Ni gu'i brgyud 'debs|ནི་གུའི་བརྒྱུད་འདེབས།]] ལས་ཤངས་ལྷ་ཕུ་རྨོག་ལྕོག་གི་དགོན་པ་རུ། །མཉམ་མེད་རིན་ཆེན་བརྩོན་འགྲུས་ལ་གསོལ་བ་འདེབས། །ཞེས་འཁོད་པ་བཞིན། དགོན་འདི་ནི་ཤངས་ལུགས་གདམས་པའི་ཆིག་བརྒྱུད་ཀྱི་བརྒྱུད་པ་བཞི་པ་[[Mokchokpa Rinchen Tsöndrü|རྨོག་ལྕོག་པ་རིན་ཆེན་བརྩོན་འགྲུས་]](སྤྱི་ལོ་1110-1170)ཀྱིས་སྤྱི་ལོའི་དུས་རབས་བཅུ་གཉིས་པའི་ནང་ཕྱག་བཏབ། དགོན་འདིར་རྨོག་ལྕོག་ཅེས་བརྗོད་དོན་ནི་རི་རྨོག་འདྲ་བའི་སྟེང་དགོན་པ་ལྕོག་འདྲ་བ་བཞེངས་པས་སོ། །ཁུལ་དེའི་མི་རྣམས་ཀྱི་ཁ་རྒྱུན་དུ་རྨོག་ལྕོག་སྒྲུབ་ཁང་ཞེས་འབོད་ཅིང༌། རྗེ་རྨོག་ལྕོག་པས་དགོན་གནས་མ་བཏབ་གོང་མི་ལོ་བཅུ་གཉིས་རིང་སྤྱིར་མི་ཟས་སྤངས་ནས་སྒྲུབ་པ་ལ་ཞུགས་སའི་སྒྲུབ་ཁང་སྒོ་ལྷོ་ཕྱོགས་སུ་ས་བསྟན་པ་དེ་རི་གཤམ་དུ་མཇལ་རྒྱུ་ཡོད།<br/>སྔར་གྱི་རྨོག་ལྕོག་དགོན་ཉམས་རྒུད་དུ་སོང་བའི་ཤུལ་དུ་མོ་དགོན་ཞིག་ཉམས་གསོ་བསྐྱར་སྐྲུན་བྱས། དེ་ཡང་[[བཀའ་བརྒྱུད་གསེར་ཕྲེང་]]། དུ་རྨོག་ལྕོག་ཏུ་རྗེ་བཅུ་པའི་ཆོས་ཁྲིར་གསོལ་འདེབས་མཛད་ཅེས་འཁོད་པ་ལྟར། རབ་བྱུང་བཅུ་གཉིས་པའི་མེ་རྟ་(སྤྱི་ལོ་1726)ལོར་ཏྲེ་ཧོ་[[སྐུ་ཕྲེང་བཞི་པ་བློ་བཟང་ཆོས་ཀྱི་དབང་པོ་]](སྤྱི་ལོ་1683-1730)རྨོག་ལྕོག་སྒྲུབ་ཁང་དུ་ཕེབས་ནས། [http://purl.bdrc.io/resource/P1382 ཀརྨ་སྐུ་ཕྲེང་བཅུ་པ་ཀརྨ་ཆོས་དབྱིངས་རྡོ་རྗེ]འི་(སྤྱི་ལོ་1604-1674)བཞུགས་ཁྲིར་གསོལ་འདེབས་མཛད་པ་གསལ་བས། དགོན་གནས་འདིར་ཀརྨ་སྐུ་ཕྲེང་བཅུ་པ་ཡང་ཕེབས་མྱོང་བ་འདྲ། རབ་བྱུང་བཅོ་ལྔ་པའི་ས་བྱ་(སྤྱི་ལོ་1909)ལོར་[http://purl.bdrc.io/resource/P215 པཎ་ཆེན་ཆོས་ཀྱི་ཉི་མ་](སྤྱི་ལོ་1883-1937)དབུས་འགྱུར་ལྷ་ལྡན་དུ་ཆིབས་བསྒྱུར་མཛད་པའི་ཕེབས་ལམ་ན་དཀར་མདོ་རུ་འབྱོར་ཉེར་རྨོག་ལྕོག་བཙུན་མ་སོ་དྲུག་ཆིབས་བསུའི་སེར་སྦྲེང་དུ་ཕེབས་པས། སྐབས་དེར་དགོན་འདིར་མ་མཐར་ཡང་བཙུན་མ་སུམ་ཅུ་སོ་དྲུག་ཡོད་པ་ཤེས་ཐུབ། དམངས་གཙོའི་བཅོས་བསྒྱུར་གཏོང་མཚམས་སུ་བཙུན་མ་ཞལ་གྲངས་བཞི་བཅུ་ཙམ་ཡོད་པའི་སྔ་འགྱུར་རྙིང་མའི་མོ་དགོན་ཞིག་ཡིན།<br/>ད་ལྟ་རྨོག་ལྕོག་གི་བྲག་རྩེར་སྔར་གྱི་འདུ་ཁང་དང་། ཤག་ཁང་ལ་སོགས་པའི་རྩིག་ཤུལ་མང་པོ་ཞིག་མཇལ་རྒྱུ་འདུག་ལ། སྔར་དགོན་འདིའི་ནང་རྟེན་དུ་གུ་དྲག་གིས་གཙོས་པའི་སྐུ་གསུང་ཐུགས་རྟེན་དུ་མ་དང༌། གཞན་ཡང་གསེར་གྱི་རྔ་དང་སྦུབ་ཆལ། ལྷག་པར་དུ་ཆོས་རྗེ་རྨོག་ལྕོག་པའི་དབུ་ཞྭ་དམར་པོ་ཞིག་དང་སྒོམ་གཞོང༌། གཤམ་ཐབ། ཞབས་ཕྱག་སོགས་ཡོད་པ་ལོ་ན་སྨིན་པའི་བགྲེས་སོང་འགས་དངོས་སུ་མཇལ་མྱོང་ཟེར། རྟེན་དེ་དག་ལས་རེ་ཟུང་ཞིག་རྨོག་ལྕོག་བྲག་གི་ལྟག་ཏུ་ཡོད་པའི་ལྷ་རྟེན་དེའི་གཟུངས་སུ་ཡོད་པ་ཕུད། མང་ཆེ་བ་མེ་ཆུའི་པང་དུ་བསྐུར་ཟིན་པས་མཇལ་བའི་བསྐལ་པ་བྲལ། མི་ལོ་འགའ་ཤས་ཀྱི་གོང་རོལ་དུ་ཁུལ་དེའི་དད་ལྡན་རྣམས་ཀྱིས་རྨོག་ལྕོག་སྒྲུབ་ཁང་ཡོད་སའི་ཉེ་འཁོར་དུ་བཞེངས་གནང་བའི་གཙུག་ལག་ཁང་གི་ནང་རྟེན་དུ་སྟོན་པ་ཤཱཀྱ་ཐུབ་པ་དང༌། སློབ་དཔོན་པདྨ་འབྱུང་གནས། མཁས་གྲུབ་ཁྱུང་པོ་རྣལ་འབྱོར། རྨོག་ལྕོག་རིན་ཆེན་བརྩོན་འགྲུས། སྐྱེར་སྒང་ཆོས་ཀྱི་སེང་གེ་སོགས་ཀྱི་སྐུ་བརྙན་དང་། ད་ཡོད་ཤངས་པའི་ཆོས་དཔེ་ཡོངས་རྫོགས། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོའི་གསུང་འབུམ་སོགས་ཀྱི་ནང་རྟེན་རྣམས་བཞུགས། དགོན་འདི་དང་སྐུ་ལུང་དགོན་གྱི་སྐོར་ཅུང་ཟད་ཞིབ་པ་[[Rmog lcog pa'i rnam thar|རྨོག་ལྕོག་པ་རིན་ཆེན་བརྩོན་འགྲུས་ཀྱི་རྣམ་ཐར་]]དང༌། མགུར་ཚོ། མགོན་པོ་ཕྱག་དྲུག་གི་ཆོས་འབྱུང་། རྨོག་ལྕོག་གི་གནས་ཡིག་བཅས་བཞུགས་སོ། །ཞེས་པའི་དཔེ་དེབ་ཏུ་གཟིགས་པར་འཚལ།<br/>གཞན་ཡང་། [[Thokmé Zangpo|རྒྱལ་སྲས་ཐོགས་མེད་བཟང་པོ]]འི་(སྤྱི་ལོ་1295-1369)དངོས་སློབ་ཅིག་གིས་བླ་མ་ཉིད་ལ་རི་རྨོག་འདྲ་བ་ཞིག་གི་སྟེང་དུ། དགོན་པ་ལྕོག་ཙམ་ཞིག་རྒྱབ་ན་ཇི་ལྟར་རིགས་ཞེས་ཞུས་པས་བླ་མའི་བཀའ་ལྟར་ཕྱག་བཏབ་ཅིང༌། དེའི་རྗེས་ཐོགས་སུ་མངོན་ཤེས་ཐོགས་མེད་དུ་མངའ་བ་ཀུན་སྤངས་ནམ་མཁའ་གྲགས་ཀྱིས་དངུལ་ཆུ་རྨོག་ལྕོག་བཟུང་ཞེས་པའི་དངུལ་ཆུ་རྨོག་ལྕོག་དགོན་ནི་བཞད་དངུལ་ཆུའི་རི་སྟེང་དུ་གནས་པ་འདྲ་བས། འདི་དང་མི་འཁྲུལ་བ་གལ་ཆེའོ།</span> G10 Monastery 2024-10-08T11:36:05Z 2460591.9833912 Lhaphu Mokchok 0 1 list 3 [[Category:Person]] [[PlacesBirth::Lhaphu Mokchok]] Lhaphu Mokchok 0 1 list 3 [[Category:Person]] [[PlacesDeath::Lhaphu Mokchok]] Lhaphu Mokchok 0 1 list 3 [[Category:Person]] [[PlacesPrimarySeat::Lhaphu Mokchok]] Lhaphu Mokchok 0 1 list 3 [[Category:Person]] [[Monastery founded::Lhaphu Mokchok]] Lhaphu Mokchok Mokchokpa Rinchen Tsöndrü 0 en Mokchokpa Rinchen Tsöndrü Monastery founded 102 en Monastery founded