]> 2026-04-29T20:11:23+00:00 Rigong 0 en 29.349722222222,90.580277777778 Established: 13th c. ? 1599-1600 Visited by [[Jetsün Taranatha]]. [https://www.shangpafoundation.org/library/sites-page/rigong-monastery/ Shangpa Foundation] [https://www.tbrc.org/#!rid=G342 BDRC G342] yol phu ri gong In ''[[Dpal ldan shangs pa bka' brgyud kyi chos 'byung gser chos zhing gi sa bon - part 2|dpal ldan shangs pa bka' brgyud kyi chos 'byung gser chos zhing gi sa bon]]'' (W1KG26279 p.462): <span class="main_text">དེ་ཡང་ནི་གུའི་བརྒྱུད་འདེབས་སུ་གནས་ཡོལ་ཕུ་རི་གོང་གི་དགོན་པ་རུ། [[Sangyé Nyentön|གཉན་སྟོན་སྦས་པའི་རྣལ་འབྱོར་]]ལ་གསོལ་བ་འདེབས་ཞེས་འཁོད་པ་ལྟར་ཡོལ་རི་གོང་གི་དགོན་གནས་འདི་ནི་ཤངས་པ་བཀའ་བརྒྱུད་ཀྱི་རིན་ཆེན་བདུན་བརྒྱུད་སྔ་མའི་དྲུག་པ་[[Sangyé Nyentön|གཉན་སྟོན་རི་གོང་པ་སངས་རྒྱས་སྟོན་པ་ཆོས་ཀྱི་ཤེས་རབ་]]ཀྱིས་ཕྱག་བཏབ་གནང་བ་དང་། དགོན་འདིའི་ད་ལྟའི་གནས་ཡུལ་ནི་ལྷ་ས་གྲོང་ཁྱེར་ཆུ་ཤུར་རྫོང་བྱེ་ནུབ་ཡུལ་ཤོག་ཁོངས་ཀྱི་རུ་ཁག་བརྒྱད་པ་རི་གོང་གྲོང་ཚོར་ཡིན། སྔར་[[Öntön Kyergangpa|དབོན་སྟོན་སྐྱེར་སྒང་པ]]ས་[[Sangyé Nyentön|གཉན་སྟོན་ཆོས་རྗེ་]]ལ་ན་ཐང་སྔོ་ཕྱམ་མེ་བ་ཞིག་གི་དཀྱིལ་ན་རི་པོ་ཏོ་གཅིག་འདུག དེའི་ཁར་ཁྱོད་ཀྱི་དགོན་པ་འོང་བར་འདུག་ཅེས་ལུང་བསྟན་པ་བཞིན་རི་གོང་གི་དགོན་གནས་འདི་ཡོལ་གྱི་ཕུའི་ན་ཐང་སྔོན་པོ་ཞིག་གི་ཤར་ངོས་སུ་གནས་འདུག<br />དགོན་གནས་འདིར་སྔར་[[རྒྱལ་དབང་དགེ་འདུན་རྒྱ་མཚོ]]འི་མཛད་རྣམ་དུ་མགོན་པོ་བར་སྣང་མ་ཞེས་སུ་གྲགས་པའི་རང་བྱུང་མགོན་པོ་བྱིན་ཅན་ཞིག་བཞུགས་ཡོད་པ་དེ། [[Sangyé Nyentön|གཉན་སྟོན་རི་གོང་པ་]]ཉིད་གནས་འདིར་བཞུགས་པའི་དགུན་སྨད་ཅིག་ལྷ་མོ་དང་ཀྵེ་ཏྲ་པཱ་ལ་གཉིས་བྱུང་ནས་མགོན་པོའི་སྐུ་བཞེང་པ་ཞུ་ཟེར་བས། ཁོང་གིས་ཀྵེ་ཏྲ་པཱ་ལར་ཁྱོད་ཀྱིས་མི་མ་བསད་ན་ངས་མགོན་པོའི་སྐུ་བཞེངས་གསུངས། ཐོ་རངས་ཁར་མགོན་པོ་འཁོར་བཅས་ཐམས་ཅད་གནད་ལ་བསྐུལ་བའི་དཔའ་བོ། ཌ་མ་རུ་དང་གཡེར་ཁ་ཐོགས་པ་ཞིག་བྱོན་ནས་མགོན་པོས་གཡས་སུ་བཞུགས་ཤིང་དཔའ་མོ་དེ་གཡོན་དུ་བཞུགས། དེ་ལྟར་དཔའ་བོ་དཔའ་མོ་གཉིས་ཀྱིས་གནད་ནས་བསྐུལ་ཞིང་འཛུམ་གྱིས་བསུས་པས། ནུས་པ་ཆེ་ཞིང་བཀྲ་ཤིས་ལ་ལས་མྱུར་བའི་གནད་ཀྱང་དེ་ལས་བྱུང་བ་ལགས། མགོན་པོ་འདི་ཉིད་ཀྱི་བྱུང་ཚུལ་སྐོར་ཅུང་མི་འདྲ་བ་ཡང་། [[རྒྱལ་དབང་དགེ་འདུན་རྒྱ་མཚོ་]]ཉིད་ཡོལ་རི་གོང་གི་མགོན་པོ་མཇལ་སྙམ་པའི་མནལ་ལམ་དུ་ཨ་ཙ་ར་སྔོན་པོ་རས་ཀྱི་ཤམ་ཐབས་ཅན་ཞིག་བྱུང་ནས། [[Sangyé Nyentön|སངས་རྒྱས་གཉན་སྟོན་]]ལ། ཁྱེད་དགེ་སྦྱོར་བྱེད་པ་ལ་དམིགས་པའི་རྟེན་ཅིག་དགོས་པ་ཡིན་པས་མགོན་པོའི་སྐུ་ཞིག་ཨེ་བཞེང་ཟེར་བ་ལ། འོ་ན་ཅིས་ཀྱང་བཞེང་ཞུས་ནས་འཇིམ་པ་དང་རིན་པོ་ཆེ་མང་པོ་སྤུངས་པས། བཞེང་མ་དགོས་པར་མགོན་པོའི་སྐུ་རང་བྱུང་དུ་བྱོན། ཨ་ཙ་ར་དེ་ཡང་ཡེ་ཤེས་མགོན་པོར་འཐིམ་པའི་རྟེན་བཤད་མཛད་འདུག <br />།ཕྱིས་འཇམ་དབྱངས་མཁྱེན་བརྩེ་དབང་པོས་ལྕགས་ཟམ་ཕ་རིའི་ཕྱོགས་སུ་ཡོལ་རི་གོང་ཞེས་པ་ཤངས་པ་བཀའ་བརྒྱུད་ཀྱི་གྲུབ་ཆེན་རི་གོང་པ་སངས་རྒྱས་གཉེན་༼གཉན་༽སྟོན་གྱི་སྒྲུབ་གནས་མགོན་པོ་བྱིན་ཅན་སོགས་ཡོད་ཅེས་གསུངས་པ་དང་། [[Jetsün Taranatha|ཇོ་ནང་ཏཱ་ར་ནཱ་ཐ]]ས་སྤྱི་ལོ་༡༦༠༠ལོར་གནས་འདིར་མཛད་པའི་དཔལ་ལྡན་ཤངས་པའི་གསེར་ཆོས་ལམ་རིམ་དང་འབྲེལ་བའི་ཞལ་གདམས་བདུད་རྩིའི་སྙིང་པོ་ཞེས་བྱ་བའི་མཇུག་ཏུ་རང་ལོ་ཉེར་ལྔ་པ་ལ་རི་གོང་དཔལ་གྱི་མགོན་པོའི་གནས་རང་བྱུང་མགོན་པོའི་དྲུང་དུ་ཚོགས་ཀྱི་འཁོར་ལོའི་ཚེ་གླུར་བླངས་པ་ཞེས་གསུངས་པ་ལྟར་བྱིན་རླབས་ཀྱི་མཚན་ཁ་ཤིན་ཏུ་འབར་བའི་རང་བྱུང་གི་མགོན་པོ་འདི་ཉིད་རི་གོང་གི་དགོན་གནས་སྤྱི་ལས་ཀྱང་ཁྱད་པར་དུ་འཕགས་པ་ལྟ་བུར་སྣང་། [[Künga Drölchok|རྗེ་བཙུན་ཀུན་དགའ་གྲོལ་མཆོག་]]གིས་ཀྱང་[[Sangyé Nyentön|གཉན་སྟོན་སྦས་པའི་རྣལ་འབྱོར་]]གྱིས་བཞེང་པར་བརྩམས་པའི་མགོན་པོ་རང་བྱོན་དེའི་དྲུང་དུ་ཤངས་ཆོས་ཞུ་སའི་བླ་མ་བརྟགས་པ་སོགས་མཛད།<br />དམངས་གཙོའི་བཅོས་བསྒྱུར་གོང་ས་ཆ་འདིར་ཡོལ་རི་གོང་བ་ཞེས་ཤོད་དྲུང་ཞིག་གི་གཞིས་ཀ་ཡོད། སྤྱི་ལོ་༡༩༥༩ལོའི་གོང་བོད་ས་གནས་སྲིད་གཞུང་གི་དབུས་ཁུལ་དགོན་ཁག་གཞུང་ཁྲའི་ནང་དགོན་གནས་འདིར་ཁྱོན་དགེ་འདུན་ཞལ་གྲངས་བཞི་བཅུ་ཞེ་གསུམ་ཡོད་པ་གསལ། དགོན་འདི་རིག་གསར་སྐབས་རྩ་གཏོར་དུ་སོང་ལ། དེང་རི་བོང་གི་དབྱིབས་དང་འདྲ་བའི་བྲག་སྟེང་གི་རྩེ་མོར་མགོན་ཁང་ཆུང་ངུ་ཞིག་ལས་ལྷག་མེད་པ་དང་། དེའི་ནང་མགོན་པོ་བར་སྣང་མའི་བཞུགས་ཁྲི་ཡང་མཇལ་རྒྱུ་འདུག མགོན་ཁང་གནས་སའི་བྲག་རྡོག་དེའི་ཤར་ལྷོའི་མཚམས་སུ་སྔར་གྱི་རི་གོང་དགོན་པའི་རྩིག་ཤུལ་འགའ་ཞིག་མཇལ་རྒྱུ་འདུག་ལ། དེང་མགོན་ཁང་འོག་གི་བྲག་རིའི་སྟེང་དུ་ཡང་རི་གོང་གྲོང་ཚོའི་ཁྱིམ་ཚང་འགའ་ཤས་ཀྱི་ཁང་པ་ཆགས་འདུག དེ་ཡང་[[Milarepa|རྗེ་བཙུན་མི་ལ]]འི་རྣམ་མགུར་དུ་དམ་ཆོས་ཡོད་ཚེ་ཞབས་ཏོག་མེད། །ཞབས་ཏོག་སླེབས་ཚེ་ཐིགས་པས་གདུངས་ཞེས་པ་ལྟར་ལོ་མང་གི་ཆར་རླུང་ཁྲོད་མགོན་ཁང་འདིའི་ཐོག་ཁར་རྡིབ་སྐྱོན་བྱུང་བའི་ཨི་ཁུང་གཉིས་འདུག་ལ། གདུང་ལྕམ་ཡང་མང་ཆེ་བ་རུལ་སྐྱོན་ཤོར་ནས་ད་ལྟ་འགྱེལ་ལ་ཁད་པའི་སྡོང་རྒན་ཞིག་དང་འདྲ། ཤུལ་འདི་མཇལ་བ་ཙམ་གྱིས་སྔར་རྗེ་ཙོང་ཁ་པས་ཞིག་གསོ་མ་མཛད་གོང་གི་རྫིང་ཕྱིའི་བྱམས་པའང་ཡིད་སེམས་ལ་ལྷང་ལྷང་འཆར་གྱི་འདུག སྐབས་དེའི་རྫིང་ཕྱིའི་བྱམས་པར་ཞབས་ཏོགས་ཇི་ལྟར་དབེན་ཡང་སྐུ་རྟེན་མ་སྟོངས་ཙམ་དུ་བཞུགས་ཡོད། འོན་ཀྱང་མགོན་ཁང་འདིར་ཡེ་ཤེས་མགོན་པོ་ཡང་བཞུགས་ཁྲིའི་སྟེང་ནས་ཡལ་སོང་བ་ལྟར་སྐུ་ལུས་ཀྱི་ཆ་ཤས་ཙམ་ཡང་མཇལ་རྒྱུ་མི་འདུག དེ་ལྟར་ད་ལྟའི་མགོན་ཁང་ཤིན་ཏུ་ཉམ་ང་བ་འདི་ནི་ཤངས་པ་བཀའ་བརྒྱུད་ལ་ཉམས་དམས་ཤུགས་ཆེ་བྱུང་བའི་དཔང་རྟགས་དམར་རྗེན་ཞིག་ཀྱང་ཡིན།</span> G4 Monastery 2024-10-05T16:40:00Z 2460589.1944444 Rigong 0 1 list 3 [[Category:Person]] [[PlacesBirth::Rigong]] Rigong 0 1 list 3 [[Category:Person]] [[PlacesDeath::Rigong]] Rigong 0 1 list 3 [[Category:Person]] [[PlacesPrimarySeat::Rigong]] Rigong 0 1 list 3 [[Category:Person]] [[Monastery founded::Rigong]] Rigong