'chi med kyi dbang bskur

Resource ID	Sup10
Title	'chi med kyi dbang bskur
Topics	Initiation
Sub-Topics	Immortality
Link	BDRC W8LS32725 (p.226)

༄༅། །འཆི་མེད་ཀྱི་དབང་བསྐུར་བཞུགས་སོ།།

ཙཀྲ་སཾ་ཝ་ར་ན་མོ།
འཆི་མེད་ཀྱི་དབང་བསྐུར་འདོད་པས། མཎྜལ་འདབ་བཞི་པ། ལྟེ་བ་དང་ཤར་མཐིང་། ལྷོ་སེར། ནུབ་དམར། བྱང་ལྗང་གུའོ།
།མེ་ཏོག་གི་ཚོམ་བུ་ལྔ་བཀོད་ནས་ལྷ་ལྔ་བསྐྱེད། ཡེ་ཤེས་པ་གཞུག་པ་ལ་སོགས་པ་དང་། སློབ་མའི་སྔོན་འགྲོ་རྣམས་གོང་བཞིན་ཡིན་ནོ།
།དེ་ལ་གཙོ་བོ་ལ་བུམ་དབང་གི་གསོལ་བ་བཏབ་པས། སྨིན་ཕྲག་ནས་བདེ་མཆོག་དཔག་ཏུ་མེད་པ་བྱུང་ནས། སློབ་མའི་སྤྱི་བོར་ཐིམ་པས་ལུས་དག །བུམ་དབང་དང་སྤྲུལ་སྐུ་ཐོབ། གཙོ་བོའི་མགྲིན་པ་ནས་བདེ་མཆོག་དཔག་ཏུ་མེད་པ་བྱུང་ནས། སློབ་མའི་མགྲིན་པར་ཐིམ། ངག་གི་དག །གསང་དབང་དང་ལོངས་སྐུ་ཐོབ། གསུམ་པའི་གསོལ་བ་བཏབ་པས། གཙོ་བོའི་ཐུགས་ཀ་ནས་བདེ་མཆོག་དཔག་ཏུ་མེད་པ་བྱུང་། སློབ་མའི་སྙིང་གར་ཐིམ་པས། ཡིད་ཀྱི་དག དབང་གསུམ་ཤེས་རབ་ཡེ་ཤེས་དང་། ཆོས་སྐུ་ཐོབ། བཞི་པའི་གསོལ་བ་བཏབ་པས། སྤྱི་བོའི་བདེ་མཆོག་མགྲིན་པ་ལ་ཐིམ། དེ་སྙིང་ག་ལ་ཐིམ་ནས། འོད་དུ་ཡལ་བ་དང་། ཕྱག་རྒྱ་ཆེན་པོ་ལ་བཞག་གོ། །མཎྜལ་འབུལ་བ་དང་། རྗེས་ཀྱི་ཆོས་རྣམས་གོང་བཞིན་ཡིན།
འཆི་མེད་ཀྱི་དབང་བསྐུར་རྫོགས་སོ། །གཞན་ལ་མ་སྤེལ་གསང་བ་ཤིན་ཏུ་གཅེས། ཨྀཐི། དགེའོ།