'od zer chen po'i mchog dbang

Resource ID	Sup16
Title	'od zer chen po'i mchog dbang
Alt. title	'od zer chen mo'i mchog dbang
Topics	Initiation
Sub-Topics	Chadrupa
Link	BDRC W3CN18508 (v3p.46)

འོད་ཟེར་ཆེན་མོའི་མཆོག་དབང་།
བླ་མ་མགོན་པོའི་ཞབས་བཏུད་ནས། འོད་ཟེར་ཆེན་པོའི་དབང་བསྐུར་བླང་། ཞབས་ཚིགས་འཐིལ་འཁོར་ལས། འོད་ཟེར་བྱེ་བ་ཁྲག་ཁྲིག་རྒྱ་སྟོང་དྲུག་བཅུ་དྲུག་བཅུ། རང་གི་རྐང་ཐིལ་ལ་ཕོག་པས། དམྱལ་བ་ཚ་དྲང་སྡུག་བསྔལ་བཅོམ། བྱིན་པ་ཕྲ་སྦོམ་འཚམས་དང་། སྤུས་མོ་ནས་འོད་ཟེར་བྱེ་བ་ཁྲག་ཁྲིག་རྒྱ་སྟོང་དྲུག་བཅུ་དྲུག་བཅུ། རང་གི་སྤུས་མོ་དང་རྐང་རང་ལ་ཕོག་པས། ཡིད་བཏགས་བཀྲེས་སྐོམ་གྱི་སྡུག་བསྔལ་ཞི། གནས་སྟོངས་སོ། །ཞབས་ཀྱི་བརླང། སྦོམ་ཕྲའི་འཚམས་དང་། ཡི་འཚམས་ནས་འོད་ཟེར་གོང་བཞིན་བྱུང་། དུད་འགྲོའི་གནས་སྟོངས། ཡི་མགོ་ནས་འོད་ཟེར་གོང་ལྟར་བྱུང་དུད་འགྲོའི་གནས་སྟོངས། ལྟེ་བ་དང་ཕྱག་དྲུག་འཐིལ་ཚིགས་རྣམས་དང་། ལོགས་ཀྱི་རྩིབ་མ་བཅུ་གཉིས་བཅུ་གཉིས་ནས། འོད་ཟེར་བྱེ་བ་ཁྲག་ཁྲིག་རྒྱ་སྟོང་དྲུག་བཅུ་དྲུག་བཅུ་རང་གི་ལག་མགོའི་ཚིགས་དང་། ལྟེ་བ་དང་། རྩིབ་ལོགས་ལ་ཕོག་པས་མི་སྐྱེ་འཆིའི་སྡུག་བསྔལ་དག །ཐུགས་ཁ་དང་། ལག་ངར་ཕྲ་སྦོམ་འཚམས་དང་། གྲི་གུགས་ནས་འོད་ཟེར་གོང་ལྟར་རང་ལ་ཡང་དེར་ཕོག །ནུ་མ་གཉིས་དང་ལྷུ་སྦོམ་ཕྲ་འཚམས་དང་། དཔུང་པ་ནས་འོད་ཟེར་གོང་ལྟར། རང་ལ་ཡང་དེ་ལྟར་ཕོག །མགྲིན་པ་དང་། སོགས་པ། དཔུང་པ་རྣམས་ནས་འོད་ཟེར་བྱེ་བ་ཁྲག་ཁྲིག་རྒྱ་སྟོང་དྲུག་བཅུ་དྲུག་བཅུ་འབྱུང་བའི་དབང་བླང་ངོ་། །གཙུག་ཏོར་དང་། མཛོད་སྤུ་དང་། ཡན་གཉིས་དང་། སྙན་གཉིས་དང་། སྨིན་མ་གཉིས་དང་། ཤངས་ཀྱི་རྩེ་མོ་དང་། འཁུར་ཚོས་གཉིས་དང་། མཆེ་བ་བཞི་དང་། ཚེམས་བཞི་བཅུ་དང་། ལྗགས་དང་། ཨོས་ཀོ་དང་། དེ་རྣམས་སོ་སོ་ནས་ཡས་མར་འོད་ཟེར་བྱེ་བ། ཁྲག་ཁྲིག་རྒྱ་སྟོང་དྲུག་བཅུ་དྲུག་བཅུ་འབྱུང་པའི་དབང་ཞལ་སྲས་དཀྱིལ་འཁོར་ལ་ཡས་མར་ལེན་ནོ། །དབང་འདི་ལན་གཅིག་ཐོབ་པས་མཁས་ཡོད་དུ་སངས་རྒྱའོ། །རྡོ་རྗེ་འཆང་གིས་གསུངས་པས་ཐེ་ཚོམས་ཟ་མི་དགོས། དག་པ་མཁས་ཡོད་མངོན་སངས་རྒྱ་བའི་མཆོག་དབང་ཡིན། ཟབ་རྒྱ། གཏད་རྒྱ། གབ་རྒྱ། བཀའ་རྒྱ། རྒྱ་རིམ་པ་བཞིར་གདབ་པོ།
།རིགས་དྲུག་སོ་སོའི་སྡུག་བསྔལ་གྱི་གནས་རྣམས་སྦྱོང་བའི་འོད་ཟེར་ཆེན་མོའི་མཆོག་དབང་ཟབ་མོ་འདི་ནོར་བུ་རིན་ཆེན་དབང་གི་རྒྱལ་པོ་ཟུར་བརྒྱད་པ་བས་ཀྱང་དུ་དཀོན་ནོ། ལན་ཅིག་ཞུས།