Dgra bo tshar bcod pa'i rlung bsgrub pa gtso bo dang 'khor gyi las tshogs gnyis kyi dang po la rdzas sngags ting nge 'dzin la brten pa'i mgon po'i rlung bsgrub kyi lo thog 'dzoms shing thog babs pa

Resource ID	SCv11p862
Title	dgra bo tshar bcod pa'i rlung bsgrub pa gtso bo dang 'khor gyi las tshogs gnyis kyi dang po la / rdzas sngags ting nge 'dzin la brten pa'i mgon po'i rlung bsgrub kyi lo thog 'dzoms shing thog babs pa
Topics	Chadrupa
Sub-Topics	rlung bsgrub
Author	Gelek Pelsang
Link	BDRC W23922 WA00KG09215 (p.338)

༈ དགྲ་བོ་ཚར་གཅོད་པའི་རླུང་བསྒྲུབ་ལ་གཙོ་བོ་དང་། འཁོར་གྱི་ལས་ཚོགས་གཉིས་ཀྱི་དང་པོ་ལ། རྫས་སྔགས་ཏིང་ངེ་འཛིན་ལ་བརྟེན་པའི་མགོན་པོའི་རླུང་བསྒྲུབ་ཀྱི་ལོ་ཐོག་འཇོམས་ཤིང་ཐོག་དབབ་པ་བཞུགས་སོ།།
༈ ༼ཏེ༽ གཉིས་པ་རྡོར་བཟླས་ཀྱི་ཤོག་དྲིལ་གཞན་དུ་གསལ། །གསུམ་པ་དགྲ་བོ་ཚར་བཅད་པའི་རླུང་སྒྲུབ་ལ། གཙོ་བོ་དང་། འཁོར་གྱི་གཉིས། དང་པོ་ལ་ལོ་ཏོག་འཇོམས་ཤིང་ཐོག་དབབ་པ་དང་། སྦོས་ཏེ་བད་པའོ།
།དང་པོ་ནི། ཤ་བ་རི་དབང་ཕྱུག་གི་རྒྱུད་ནས་ཕྱུང་སྟེ། གུཔྟ་བཛྲ་ལ་གནང་། དེས་ཁྱུང་པོ་ལ་གྱོགས་པོའི་བྲག་ཏུ་གནང་། དེ་ཉིད་ཀྱི་སྐུ་རགས་ཀྱི་ཐིམ་ཁུང་ནས་ཕྱུང་བ་འདི་ལྟར་རོ།
།ཡེ་ཤེས་མགོན་པོའི་ཏིང་འཛིན་གྱིས། །རཱ་ཧུ་ལ་དང་སྡེ་བརྒྱད་རྣམས། །དམིགས་པས་བཀུག་ལ་མདུན་དུ་བཞག །གཏོར་མ་ཕུལ་ལ་འཕྲིན་ལས་བཅོལ། །མི་མེད་མཛེ་པོ་ལྐུག་པའི་ཁྲག །བ་ར་དཀར་གྱི་འོ་མ་སྦྱར། །རྡོ་ལེབ་སྟེང་དུ་ཨེ་ཝཾ་བྲིས། །དེ་དབུས་མཐོ་བསྐོར་ས་བོན་བཀོད། །དྲག་པོའི་བུད་ཤིང་བརྩེགས་པར་བྱ། །གར་དམིགས་ཟག་པས་སྔགས་བརྗོད་བྲི། །ཡུལ་གྱི་ཕྱོགས་སུ་གཟགས་པར་བྱ། །བ་ལིཾ་གྲི་ཤིའི་ཁྲག་གིས་བྱུགས། །ལྕེ་འབེབས་ཤིང་གི་གྲི་གསུམ་ལ། །གོང་གི་བྱུང་པས་ངར་ཡང་བླུད། །ལོགས་ལ་སྔགས་བྲིས་རྩེ་རུ་གཙུགས། ཡུངས་ཀར་ནག །ཚ་བ་གསུམ། ར་དུག་པ། ད་དུ་རའི་འབྲུས། མིའི་ཤ་ཚིལ་རྣམས་སོ། །གཡས་སུ་ཐུན་རྫས་བཞག་པར་བྱ། །གཡོན་དུ་ལྕགས་སམ་རྡོ་ལེབ་ལ། །སྔར་གྱི་ཁུ་བས་སྔར་བཞིན་བྲི། །ས་བོན་སྟེང་དུ་རང་གཏོར་བཞག །བགེགས་དང་གཟའ་གཉིས་བརྗེ་བ་ཤེས། །ཡུལ་བདག་གཏོར་མ་བཀའ་བསྒོ་ཞིང་། །ཐབས་ནི་བསངས་སྦྱངས་སྟོང་པའི་ངང་། །ཆོ་ག་གསུམ་ལས་གཙོ་བོ་བསྐྱེད། །སྡེ་བརྒྱད་དྲེགས་པའི་འཁོར་གྱིས་བསྐོར། །ཆོ་ག་བཞིན་དུ་དགུག་གཞུག་བྱ། །དཔལ་འབར་གཙུགས་ལ་མེ་ཡང་སྦྱར། །ཐུན་རྫས་བསྲེག་ཅིང་སྔགས་འདི་བགྲང་། །ཆུ་ཤིང་ཕུར་པའི་རྩེ་མོ་ལ། །ཐོག་མེད་ལ་སྦྱར་སྙིང་གར་གཟུག །ཟག་པས་ལིངྒ་བྱུགས་པ་ཅེས། །སྐུ་ཡི་ལྷ་གཏོར་ཞབས་སུ་བཅུག །མང་ཉུང་རིག་པས་དཔྱད་པར་བྱ། །ལོ་ཐོག་འཛོམས་ན་མི་དགོས་སོ། །གཏོར་མ་ཕུལ་ལ་མེར་བསྲེགས་ཏེ། །དེ་དང་དུས་མཉམ་རང་ལངས་ལ། །རཱ་ཧུ་ལ་ནི་ཞབས་ཀྱིས་ཕུལ། །དྲེགས་པའི་དམགས་ཚོགས་དེར་འགྲོ་ནས། །ལོ་ཐོག་འཇོམས་པའི་ལས་མཛད་གྱུར། །དྲི་ཟ་ཅན་གྱིས་གཏོར་མ་དེ། །ལྷར་བསྐྱེད་དགྲ་ཡུལ་མཐོང་བར་འཕངས། །ཕྱི་མིག་མི་བལྟ་རང་གནས་ལོག །སེར་བསྲུང་ལིངྒ་སྔགས་ཀྱིས་མནན། །རྒྱ་གྲམ་ལམ་གྱི་གཞི་མདོར་སྦ། །མེ་ལྕེ་ས་ཡི་མན་ངག་ནི། །གོང་དུ་བསྟན་པ་དེ་རུ་ཤེས།
།མང་ཐོས་དགེ་ལེགས་དཔལ་བཟང་གིས། །མཁས་གྲུབ་གོང་མའི་མན་ངག་ལ། །ལྷད་བཞུགས་བསལ་ནས་དག་པར་བྱས།
།ས་མ་ཡ། གུ་ཧྱ། འདི་ལོ་ཐོག་འཇོམས་པའི་ཤོག་དྲིལ་ལོ།