Dom gyi chu 'dzin la brten pa'i rlung sgrub kyi rab zhag bdun 'bring brgyad tha ma dgu la dgra po 'gum pa

Resource ID	SCv11p868
Title	dom gyi chu 'dzin la brten pa'i rlung sgrub kyi rab zhag bdun / 'bring brgyad / tha ma dgu la dgra bo 'gum par
Alt. title	k+She tra pA la'i las sbyor
Topics	Kshetrapala
Sub-Topics	rlung bsgrub
Author	Gelek Pelsang
Link	BDRC W23922 WA00KG09215 (p.342)
Notes	Close to k+She tra pa la'i rlung sgrub bzlog med ha la khong song man ngag.

༈ དོམ་གྱི་ཆུ་འཛིན་ལ་བརྟེན་པའི་༼ཀྴེ་ཏྲ་པཱ་ལའི་༽རླུང་སྒྲུབ་ཀྱིས་རབ་ཞག་བདུན། འབྲིང་བརྒྱད། ཐ་མ་དགུ་ལ་དགྲ་བོ་འགུམ་པར་བཞུགས་སོ།།
༼ནེ༽ མ་ཧཱ་ཀཱ་ལ་ན་མོ།
ཀྵེ་ཏྲ་པཱ་ལའི་ལས་སྦྱོར་ལ། །དོམ་གྱི་ཆུ་འཛིན་ནང་དུ་ནི། །ལིངྒ་སྔགས་ཅན་བྲིས་ནས་སུ། །སྙིང་གར་མིང་རུས་སྔགས་ཀྱིས་བསྐོར། །དུག་ཁྲག་ཟག་རྫས་བྱུགས་ནས་སུ། །བ་སུ་ཏ་ཡིས་གཟུངས་ཐག་ནི། །གྲི་རུས་གྲི་གུག་སྐེད་སྣེར་སྦྱར། །སྐྱེར་པའི་ཕུར་པ་མཛུབ་གང་ལ། །གྲི་ལྕགས་ངར་བླུད་དེ་ལ་ནི། །གཟུངས་ཐག་སྣེ་མོ་བརྟགས་པ་གཅེས། །དོམ་སེན་སྣེ་ཕུག་ཡུག་སྐྲས་གདམས། །རང་ཉིད་ཡེ་ཤེས་མགོན་པོར་བསྐྱེད། །ཕུར་པ་ཆོ་ག་གསུམ་ལས་ནི། །ལས་ཀྱི་མགོན་པོར་བསྐྱེད་པ་ལ། །དགྲ་བོའི་བུ་ག་ཞགས་པས་གདམས། །གྲི་གུག་ཀུན་གྱི་སྲོག་རྩ་བཅད། །སྙིང་ཁྲག་ཐམས་ཅད་ཞལ་དུ་གསོལ། །གཙོ་བོའི་བསྙེན་པ་ཁྲི་ཕྲག་གཅིག །རང་གི་ཐུགས་ཀའི་ཧཱུྃ་ལས་ནི། །འོད་འཕྲོས་ལས་མཁན་བསྐུལ་བར་བསམ།
ཨོཾ་ཀྵེ་ཏྲ་པཱ་ལ་བིགྷྣན་ཆེ་གེ་མོ་མཱ་ར་ཡ་ཧཱུྃ་ཕཊ།
།ཞག་བདུན་བར་དུ་བསྒྲུབ་གྱུར་ན། །རབ་ནི་བདུན་ལ་འབྲིང་ནི་བརྒྱད། །ཐ་མ་ཞག་དགུའི་ནང་དུ་འགུམ། །གཏོར་མ་ཕུལ་ཞིང་ཕྲིན་ལས་བཅོལ། །ཞིང་སྐྱོང་ལས་སྦྱོར་མང་ཡོད་ཀྱང་། །འདི་ལས་ཟབ་པ་ང་ལ་མེད། །དེ་ཕྱིར་སྙིང་གི་བུ་ལ་གཏད།
།མང་ཐོས་དགེ་ལེགས་དཔལ་བཟང་གིས། །མཁས་གྲུབ་གོང་མའི་མན་ངག་ལ། །ལྷད་ཞུགས་བསལ་ནས་དག་པར་བྱས།
།ཀྵེ་ཏྲ་པཱ་ལའི་རླུང་བསྒྲུབ་ཀྱི་ཤོག་དྲིལ་ཏེ་གཉིས་པའོ།།