Dpal ldan lha mo'i phyag g.yon gyi thod pa la brten nas dgra bo phung du 'jug pa

Resource ID	SCv11p890
Title	shog dril bdun pa la dpal ldan lha mo'i phyag g.yon gyi thod pa la brten nas dgra bo phung du 'jug pa
Topics	Pelden Lhamo
Sub-Topics	Various
Author	Gelek Pelsang
Link	BDRC W23922 WA00KG09215 (p.356)

༈ ཤོག་དྲིལ་བདུན་པ་ལ། དཔལ་ལྡན་ལྷ་མོའི་ཕྱག་གཡོན་གྱི་ཐོད་པ་ལ་བརྟེན་ནས་དགྲ་བོ་ཕུང་དུ་འཇུག་པ་བཞུགས་སོ།
༈ ༼ཝེ༽ མ་ཧཱ་ཀཱ་ལ་ན་མོ།
དཔལ་ལྡན་ལྷ་མོའི་ཕྱག་གཡོན་གྱི་ཐོད་པ་ལ་རྟེན་ནས་དགྲ་བོ་ཕུང་དུ་འཇུག་པ་ནི།
ནལ་བུའི་ཐོད་པར་ཕུང་ཤུལ་གྱི་ས་དང་། ལྷ་ཁང་རྙིང་པའི་ས། ལམ་གྱི་བཞི་མདོ། འཁྲུག་པ་ཆེན་པོ་བྱུང་བའི་ས་རྣམས་བསྡུས་ལ། རྟ་དྲེལ་བོང་གསུམ་གྱི་གཅིན་དང་སྦྱར་ལ་རྔ་མོང་གི་གཟུགས་འཛུབ་གང་པ་བྱ། ར་ཁྱི། བྱི་བ། བྱི་ལ། བྱ་རོག །འུག་པའི་ཁྲག་གི་བྱུགས། གྲི་ཐལ་དང་། སྔར་གྱི་ས་བསྡུས་པ་ལ་སྤྲེའུའི་ཁྲག་གིས་བྱུགས་པ་ལ་འཐེབ་གང་པ་སྐྱོན། དེའི་ལག་གཡས་པར་གྲོང་ཁྱེར་དཀྲུག་པའི་སྔགས་བྲིས་ལ་བཏགས། གཡོན་པའི་སོར་མོ་ལྔ་བསྒྲད་པར་བྱ། མགོན་པོ་འཁོར་བཅས་ལ་གཏོར་མ་ཕུལ་ལ་ཕྲིན་ལས་བཅོལ། ལྷ་མོའི་འབོད་པའི་སྔགས་ཀྱི་གཤམ་དུ་གྲོང་ཁྱེར་དཀྲུག་པའི་སྔགས་བཏགས་པ་ཞག་གསུམ་གྱི་བར་དུ། ཐུན་རྫས་སྔགས་ལ་རབ་གནས་བྱ། །ཐུན་རྫས་ཀྱི་ཐོད་པ་བྱུར་གྱིས་བཀང་། ཉི་ཟླ་དང་བྲལ་བའི་སྲོད་ཙམ་ལ་དགྲ་བོའི་ཁང་པའི་བྱང་ཤར་དུ་དོང་བྲུས་ལ་སྦ། ཕྱིན་ཅི་ལོག་ཏུ་བསྐོར་བྱ་ཞིང་ཐུན་ལྷག་མ་རྣམས་གཏོར། ཕྱི་མིག་མི་བལྟ་བར་རང་གནས་སུ་ལོག་ལ་བསྐང་བཤགས་ཞག་གསུམ་གྱི་བར་དུ་བྱ། དེས་ནི་ཕ་རོལ་ཕུང་བར་འགྱུར་རོ།།