Khyungpo Tsültrim Gönpo

Resource ID	P11
Date of Birth	13th c.	Date of Death	Unknown
External links	Shangpa Foundation BDRC P2782 Rangjung Yeshe Wiki

Name Variants

khyung po tshul khrims mgon po
khyung po gnyis pa / gsum pa

Teachers

Tsangma Shangtön
Gyeltsen Bum

Students

Sangyé Sengé
Drakpa Tsültrim

Associated works

Associated to work

• Dpal ldan shangs pa'i chos skor gyi 'byung khungs yid kyi mun sel
• Khyung po tshul khrims mgon po'i rnam thar
• Phyag rgya chen po ga'u ma'i dbang bskur

Notes

Tsültrim Gönpo was been raised at Jakchung

W1KG26279: རིན་ཆེན་བདུན་བརྒྱུད་ཕྱི་མའི་དང་པོ་མཁས་གྲུབ་ཤངས་སྟོན་གྱི་སློབ་མ་ཁྱུང་པོ་ཚུལ་ཁྲིམས་མགོན་པོ་ནི། སྤྱི་ལོའི་དུས་རབས་བཅུ་གསུམ་པའི་སྨད་ཙམ་དུ། ཤངས་ཀྱི་སྐྱ་རར་ཁྱུང་པོའི་རིགས་སུ་ཡབ་དཔོན་པོ་མགོན་ནེ་དང་ཡུམ་གྱིར་གྱི་ཕྱུག་མོ་ཀུན་ལྡན་གཉིས་ཀྱི་སྲས་སུ་སྐུ་འཁྲུངས། གྲུབ་ཆེན་ཨོ་རྒྱན་པ་སྐྱ་རར་བྱོན་པའི་དུས་ཤིག་ཁྱིམ་ལས་བྲོས་ཏེ་འཇག་ཆུང་དུ་ཕེབས། སྐབས་དེར་བླ་མ་ཤངས་སྟོན་ལ་མཁས་གྲུབ་ཁྱུང་པོ་མཇལ་བ་རྨིས་པས། ཁོང་གིས་ཁྱོད་རང་གི་ཆོས་ཚོ་ཚང་བར་གཏད་ཀྱི་གསུངས་ནས་དགེ་བསྙེན་བྱས། མིང་ཚུལ་ཁྲིམས་མགོན་པོར་བཏགས། ཁྱོད་བཙུན་པ་བྱེད་པའི་མཁན་པོ་ངས་བསྟན་གྱི་མིང་འདི་ལས་མ་སྤོ། མཁས་གྲུབ་ཁྱུང་པོའི་མཚན་ཡིན་ནོ་གསུངས་ ཞེས་འཁོད་པ་ལྟར། བླ་མ་ཤངས་སྟོན་གྱིས་ཁྱུང་པོ་ཚུལ་ཁྲིམས་མགོན་པོར་མཁས་གྲུབ་ཁྱུང་པོ་དང་འདྲ་བའི་ཡོན་ཏན་མངའ་བ་གཟིགས་ནས་མཚན་ཡང་མཐུན་པར་གསོལ། ཡང་ཤངས་དཀར་བ་རིན་ཆེན་རྒྱལ་མཚན་གྱི་རྣམ་ཐར་དུ་ཡང་ཁུ་བོས་གསུང་（གསུངས་）ནས་མ་ཚོར་ན་མཁས་གྲུབ་ཁྱུང་པོ་བཞུགས་པ་ལ་ཁྲིད་གཅིག་གསན་ ཞེས་འཁོད་པ་སོགས་ལྟར་ན། ཤངས་དཀར་བ་རིན་ཆེན་རྒྱལ་མཚན་གྱི་སྐུ་དུས་ཏེ། སྤྱི་ལོའི་དུས་རབས་བཅུ་བཞི་པའི་སྨད་དང་བཅོ་ལྔ་པའི་སྟོད་དུ་མཁས་གྲུབ་ཁྱུང་པོ་དངོས་བཞུགས་པ་མི་སྲིད་ཀྱང་། ཁྱུང་པོ་གཉིས་པར་མཚན་དེ་རང་བེད་སྤྱད་གནང་ཡོད། འོན་ཀྱང་ཁྱུང་པོ་ཚུལ་ཁྲིམས་མགོན་པོ་འདི་ཉིད་གཅིག་ནས་ཁྱུང་པོའི་རིགས་སུ་འཁྲུངས་པས་རིགས་རུས་མཐུན་པ་དང་། གཉིས་ནས་མཁས་གྲུབ་ཁྱུང་པོ་དང་ཆ་འདྲ་བའི་ཡོན་ཏན་འགའ་ཞིག་ལྡན་པས་མཁས་གྲུབ་ཁྱུང་པོའི་རྣམ་སྤྲུལ་ཡིན་པ་དགག་བྱ་མིན་ཡང་། བླ་མ་ཤངས་སྟོན་གྱིས་སྐུ་གཤེགས་ནས་ལོ་ངོ་བརྒྱ་ལྷག་སོང་བའི་མཁས་གྲུབ་ཁྱུང་པོའི་ཡང་སྲིད་བསྐྱར་དུ་ངོས་འཛིན་གནང་བ་ནི་ག་ལ་ཡིན། དེ་ནི་བླ་མ་རྡོ་རྗེ་གདན་པར་སངས་རྒྱས་གཉིས་པ་དང་། འབྲི་གུང་སྐྱོབ་པ་འཇིག་རྟེན་མགོན་པོར་ཀླུ་སྒྲུབ་གཉིས་པ་ཞེས་འབོད་པ་སོགས་དང་འདྲ་བར། ཁོ་བོས་ཀྱང་ཁྱུང་པོ་གཉིས་པ་ཚུལ་ཁྲིམས་མགོན་པོ་ཞེས་བཀོད་པ་ཡིན།