Mgon dkar yid bzhin nor bu la gnad nas bskul ba'i tshigs bcad

Resource ID	Gönkar21
Title	mgon dkar yid bzhin nor bu la gnad nas bskul ba'i tshigs bcad
Topics	White protector
Sub-Topics	Prayer
Author	Sangyé Püntsok
Link	BDRC W23681 (p. 296)

༄༅། །མགོན་དཀར་ཡིད་བཞིན་ནོར་བུ་ལ་གནད་ནས་བསྐུལ་བའི་ཚིགས་བཅད་བཞུགས་སོ།

།དཔལ་ལྡན་བརྩེ་བའི་གཏེར་ཆེན་སྤྱན་རས་གཟིགས། །སྙིགས་མའི་གནས་ཚུལ་གཟིགས་པས་ཐུགས་འབྱུང་ནས། །ཞག་བདུན་བརྒྱལ་ཞིང་སླར་ཡང་དགོངས་པའི་ཕུལ། །སྙིགས་མའི་སེམས་ཅན་ཚེ་ཐུང་བར་ཆད་མང༌། །རྐྱེན་དབང་འགྲོ་ཞིང་ལོངས་སྤྱོད་འཚོ་བ་དམན། །སྒྲུབ་ལོང་མེད་པར་བར་ཆད་དབང་དུ་འགྲོ། །དམ་ཚིག་མི་བསྲུང་དམེ་འཁྲུག་ཆོས་མིན་བྱེད། །ཆོས་བྱེད་རློམས་ཀྱང་བར་དོ་མི་ཆོད་པ། །དེ་དག་གཟིགས་ནས་ཡུན་ལ་མི་ལྟོས་པར། །དྲན་ཅིང་གསོལ་བ་བཏབ་པ་ཙམ་གྱིས་ཀྱང༌། །བསམ་ཀུན་ཡིད་བཞིན་ནོར་ལྟར་འགྲུབ་ཅེས་པའི། །བདེན་པ་གནད་ནས་བསྐུལ་ཞིང་གསོལ་བ་འདེབས། །དབུལ་ཕོངས་སྡིག་སྡུག་གིས་གཟིར་མགོན་མེད་རྣམས། །ཡིད་ལ་རེ་བ་མཐའ་དག་རྫོགས་བགྱིད་པའི། །སྦྱིན་པའི་ཕ་རོལ་ཕྱིན་འབྲས་བསོད་ནམས་ཚོགས། །མྱུར་དུ་རྫོགས་པར་བྱིན་གྱིས་བརླབ་ཏུ་གསོལ།
།ཞེས་པ་འདི་ཡང་བྷ་དནྟ་བུདྡྷ་ལཀྵྨཱིཾས་དཔལ་ཨེ་ཝཾ་ཆོས་ལྡན་གྱི་གཙུག་ལག་ཁང་དུ་བགྱིས་པའོ།།