Rgyud pa'i gsol 'debs che chung gsum

From Shangpa Resource Center
Revision as of 17:41, 21 March 2022 by Sengue (talk | contribs)








Resource ID kinnaur10
Title rgyud pa'i gsol 'debs che chung gsum
Topics Lineage prayer
Author author unknown
Link BDRC W4CZ58783 (p.105)
Notes Jakpa lineage

རྒྱལ་བ་ཀུན་གྱི་བདག་པོ་རྡོ་རྗེ་འཆང་། །ཡེ་ཤེས་ཌཱ་ཀི་དཔལ་ལྡན་ནི་གུ་མ། །མཁས་གྲུབ་ཆེན་པོ་ཁྱུང་པོ་རྣལ་འབྱོར་ཞབས།
།གསོལ་བ་འདེབས་སོ་བདག་རྒྱུད་བྱིན་གྱིས་བརློབས། །བླ་མ་ཡེ་ཤེས་ཆོས་སྐུ་རིན་པོ་ཆེ། །བདག་གཞན་ཐེགས་ཆེན་པོས་སྐྱབ་དུ་གསོལ། ཞེས་ཀུན་ལ་འདྲེ།
།དཔག་ཡས་ཡོན་ཏན་མཐར་ཕྱིན་རྨོག་བཅོག་པ། །འཇིག་རྟེན་དབང་པོས་རྗེས་བཟུང་སྐྱེ་རྐང་པ། །གསང་ཆེན་ལམ་རིམས་རྒྱས་མཛད་གཉན་སྟོན་ཞབས། ༴
།འགྲོ་བའི་བླ་མ་སངས་རྒྱས་སྟོན་པར་གྲགས། །ཟབ་རྒྱས་ཆོས་ཚུལ་ཐུགས་ཆུད་ཤངས་ཆེན་པ། །ལྷག་བསམ་གུར་ཆེན་མངའ་བའི་རྒྱལ་མཚན་འབུམ། ༴
།འགྲོ་ཀུན་བྱམས་པས་སྐྱོང་མཛད་བྱམས་པ་དཔལ། །དཀའ་སྤྱད་མཐར་ཕྱིན་དབང་ཕྱུག་རྒྱལ་མཚན་ཞབས། །རླུང་སེམས་དབང་འདུས་མཚན་ལྡན་ལ་ཕྱི་པ། ༴
།བྱམས་དང་ཉིང་རྗེའི་བདག་ཉིད་འདུལ་འཛིན་པ། །བསྟན་པའི་སྒྲོན་མེ་ནམ་མཁའ་བསམ་གྲུབ་པ། །བཀའ་དྲིན་འཁོར་མེད་མཁས་བཙུན་ཆོས་རྗེའི་ཞབས། ༴
།ཀུན་མཁྱེན་གཉིས་པ་བསོད་ནམས་ཆོས་གྲུབ་པ། །བཀའ་དྲིན་འཁོར་མེད་རབ་འབྱམས་དཀོན་བསམ་ཞབས། །ཐུགས་རྗེ་མྱུར་མཛད་ཕྱག་དྲུག་མགོན་པོ་ལ། ༴
།དཔལ་ལྡན་བླ་མ་སྐུ་བཞི་དབྱུག་གིས། །དཀྱིལ་འཁོར་རྣམ་བཞིར་དབང་ཆོག་བཞི་བསྐུར་ནས། །དྲི་མ་རྣམ་བཞི་དག་ནས་རྒྱུད་སྨིན་ཏེ། །ལམ་གྱི་སྣོད་དུ་རུང་བར་བྱིན་གྱིས་བརློབས།
།མཚན་ལྡན་བླ་མ་མཁྱེན་རྩེ་བསམ་མི་ཁྱབ། །བདག་སོགས་སྙིགས་མའི་དུས་ཀྱི་འགྲོ་རྣམས་ལ། །ལྷུན་གྲུབ་བདེ་དྲོད་འབར་བར་བྱིན་གྱིས་བརློབས། །ཅིར་སྣང་སྒྱུ་མར་ཤེས་པར༴
།ཉིང་འཁྲུལ་རྨི་ལམ་ཟིན་པར༴ །འོད་གསལ་མངོན་དུ་འགྱུར་བར༴ །འཕོ་མེད་འཕོ་བ་འབྱོངས་པར༴ །བར་དོ་ལོངས་སྐུར་འཆར་བར༴
།གཞིའི་གནས་་་་་་་་་་་་འོད་གསལ་མི་ཤིགས་པར། །བླ་མའི་དྲིན་གྱིས་རྟོགས་ཤིང་ལམ་གྱིས་སྐྱང་། །བསྒོམས་པས་ཚེ་འདིར་འབྲུས་མངོན་གྱུར་ནས། །འགྲོ་ཀུན་བདེ་ལ་འགོད་པར་བྱིན་གྱི་བརློབས།

མཁའ་དབྱིངས་སྤྲོས་དང་བྲལ་བའི་ཞིང་ཁམས་སུ། །མཚན་དང་དཔེ་བྱད་བདེ་བའི་ལོངས་སྤྱོད་བརྙེས། །སྐུ་ལྔ་རབ་རྫོགས་རིགས་ཀྱི་བདག་པོ་མཆོག །དྲུག་པ་རྡོ་རྗེ་འཆང་ལ་གསོལ་བ་འདེབས།
།དུག་གསུམ་ནད་སེལ་སྨན་གྱི་ནགས་ཁྲོད་དུ། །ཅིར་སྣང་མ་ངེས་སྣ་ཚོགས་སྒྱུ་མའི་སྐུ། །བདེ་བའི་གར་གྱི་མཆོག་གི་དངོས་གྲུབ་བརྙེས། །ཡེ་ཤེས་ཌཱ་ཀི་མ་ལ༴
།སྔོན་སྦྱངས་སྟོབས་ཀྱིས་དཀར་པོའི་ལས་འཕྲོ་སད། །ཐབས་ཀྱི་དཀའ་བས་ཁྱད་བསད་རྒྱ་གར་བསྒྲོད། །མཁས་གྲུབ་རྒྱ་དང་ལྔ་བཅུའི་བྱིན་བརླབས་པའི། །ཁྱུང་པོ་རྣལ་འབྱོར
།འདོད་ཡོན་ཚེ་འདིའི་བྱ་བ་ཀུན་སྤངས་ནས། །ཡུན་རིངས་དཀའ་སྤྱད་བསྒྲུབ་པ་མཐའ་རུ་ཕྱིན། །འོད་གསལ་འགྲོ་འོང་མེད་པའི་དོན་རྟོགས་པའི། །རིན་ཆེན་སྨོག་ཅོག་པ་ལ༴
།སྔོན་ཚེ་རྒྱལ་བའི་མཛད་པ་མཐའ་རུ་ཕྱིན། །སྙིང་རྗེ་ཆེན་པོས་སྙིགས་དུས་འགྲོ་བའི་དཔལ། །བསླབ་གསུམ་རྣམ་དག་དྲོང་དཀའ་ཐུབ་མཛད། །དབོན་སྟོན་སྐྱེར་རྒང་
།རྒྱ་ཆེན་ཡོན་ཏན་སྦས་པའི་རྣལ་འབྱོར་པ། །མ་ཆགས་སྤྱོད་པ་བུ་ཆུང་ལྟ་བུའི་ཚུལ། །འཇིག་རྟེན་ཆེས་བརྒྱད་དྲི་མས་མ་གོས་པའི། །སངས་རྒྱས་གཉན་སྟོན
།བརྒྱུད་པ་ཡི་དམ་མཁའ་འགྲོའི་ལུང་སྟན་ཐོབ། །མོས་པའི་བུ་རྣམས་འབྲེལ་མཛད་དོན་དང་ལྡན། །ཆིག་རྒྱུད་འཆི་མེད་རྡོ་རྗེའི་དོན་རྟོགས་པའི། །སངས་རྒྱས་སྟོན་པའི་ཞབས་ལ༴
།བྱིན་རླབས་ཆུ་བོའི་ཟག་མེད་མངོན་དུ་མཛད། །སྐུ་གསུམ་བདེ་ཆེན་བཀའ་རྒྱུད་བསྟན་པ་འཛིན། །སྨད་འབྱུང་མཛད་པས་སྐྱེ་འགྲོའི་རེ་བ་བསྐོང་། །ཤངས་སྟོན་ཆོས་རྗེའི༴
།ཤེས་བྱའི་གནས་ལ་མཁྱེན་པ་རབ་ཏུ་རྒྱས། །བདེ་གཤེགས་དགོངས་དོན་མ་ལུས་ཐུགས་སུ་ཆུད། །ཟབ་མོའི་ལྟ་བས་རང་གཞན་སྨིན་པར་མཛད། །རྒྱལ་མཚན་འབུམ་པའི་ཞབས་ལ༴
།ཉན་ཐོས་རྫུ་འཕྲུལ་ཆེན་པོས་བྱིན་བརླབས་པའི། །རྣལ་འབྱོར་སྤྲུལ་སྐུའི་འཕྲིན་ལས་རྒྱས་པར་མཛད། །འབྲེལ་མཛད་དོན་ལྡན་མཁའ་སྤྱོད་གནས་སུ་འདྲེན། །འཇག་ཆུང་བྱམས་པའི༴
།ཚེ་འདི་སྤྲོས་པ་མ་ལུས་རབ་དོར་ནས། །དཀའ་སྤྱད་མཐར་ཕྱིན་རི་ཁྲོད་་་་་་་་གས་འཛིན། །བྱིན་བརླབས་སྟོབས་ཀྱི་གཞན་རྒྱུད་གྲོལ་བར་མཛད། །དབང་ཕྱུག་རྒྱལ་མཚན
།ནམ་ཡང་མི་འགྱུར་ཐར་པའི་གོ་འཕང་མཆོག །མཁའ་མཉམ་འགྲོ་ལ་བདེ་བླག་རྩེལ་བའི་ཕྱིར། །རྒྱལ་བ་ཀུན་གྱི་ཕྲིན་ལས་གཅིག་བསྡུས་པའི། །མཚན་ལྡན་ཆོས་རྗེའི༴
།བཀའ་རྒྱུད་ཀུན་གྱི་བཅུད་བསྡུས་བྱིན་བརླབས་ཅན། །འགྲོ་དྲུག་བུ་བཞིན་སྐྱོང་བའི་ཐུགས་རྗེ་ཅན། །མ་ནོར་ལམ་མཆོག་སྟོན་པའི་སྐུ་དྲིན་ཅན། །ངག་དབང་རྒྱལ་མཚན
།ལྷག་བསམ་དག་པས་མཁའ་འགྲོའི་ཕོ་བྲང་དུ། །ཐུབ་དབང་བསྟན་པའི་སྲོག་ཤིང་ལེགས་པར་བརྩུགས། །ཀུན་ཁྱབ་བཟང་པོའི་འཕྲིན་ལས་ཕྱོགས་བཅུར་རྒྱས། །ནམ་མཁའ་བསམ་གྲུབ་ཞབས་ལ༴
།ཐོས་བསམ་སྒོམས་པས་སྒྲིབ་གཉིས་བགས་སངས། །གནས་ལུགས་རྡོགས་པས་བློ་གྲོས་མཁྱེན་པ་རྒྱས། །རྣལ་འབྱོར་དཀར་བའི་ཕྲིན་ལས་ཕྱོགས་བཅུར་དབ། །མཁས་བཙུན་ཆོས་རྗེའི༴
།བསོད་ནམས་རྒྱ་མཚོའི་དཔལ་ལ་ལེགས་འཁྲུངས་ཤིང་། །ཆོས་ཀྱི་རྒྱལ་མཚན་བསླབ་གསུམ་ཡལ་གས་མཛེས། །གཞན་ཕན་མེ་ཏོག་དངོས་གྲུབ་འབྲས་བུ་བརྗིད། །བསོད་ནམས་ཆོས་གྲུབ་ཞབས་ལ༴
།དཀོན་མཆོག་གསུམ་འདུས་ངོ་བོ་རྡོ་རྗེ་འཆང་། །བསམ་འཕེལ་དབང་གི་རྒྱལ་པོ་ཡིད་བཞིན་ནོར། །དོན་གཉིས་ལྷུན་གྲུབ་བདག་སོགས་འགྲོ་བའི་དཔལ། །རབ་འབྱམས་ཆོས་རྗེའི་ཞབས་ལ་གསོལ་བ་འདེབས།
།འདས་དང་མ་བྱོན་ད་ལྟར་དུས་གསུམ་དུ། །རྒྱ་ཆེན་ལྷུན་གྱིས་གྲུབ་པའི་འཕྲིན་ལས་ཀྱིས། །གང་ལ་གང་འདུལ་འགྲོ་དོན་ཆོས་ཀྱི་རྗེ། །རྒྱུད་པ་རིན་ཆེན་རྣམས་ལ༴
།སངས་རྒྱས་སྣང་བ་མཐའ་ཡས་ལུང་སྟན་ཞིང་། །འཁོར་བ་མ་སྟོངས་བར་དུ་གཞན་དོན་མཛད། །ཐུགས་རྗེ་རྒྱུན་མི་ཆད་པའི་འཕྲིན་ལས་ཅན། །ཕྱག་དྲུག་མགོན་པོའི་ཞབས་ལ༴
།བདག་སོགས་མ་རིག་རྨོངས་པའི་འགྲོ་བ་ལ། །ཚད་མེད་ཐུགས་རྗེ་ཉི་མའི་འོད་ཟེར་གྱིས། །གཟུང་འཛིན་དངོས་པོའི་རབ་རིབ་ཀུན་བསལ་ནས། །སེམས་ཉིད་ཆོས་སྐུར་རྟོགས་པར་བྱིན་གྱིས་བརློབས།
།བླ་མ་སངས་རྒྱས་ཆོས་སྐུ་རིན་པོ་ཆེ། །བདག་གཞན་ཐུགས་རྗེ་ཆེན་པོས་སྐྱབ་དུ་གསོལ། ཅེས་སོ། ཨྀཐི།

གནས་འོག་མིན་ཆོས་ཀྱི་ཕོ་བྲང་དུ། །སངས་རྒྱས་རྡོ་རྗེ་འཆང་ལ་གསོལ་བ་འདེབས། །བླ་མ་དང་མགོན་པོ་དབྱེར་མེད་ལ་གསོལ་བ་འདེབས།
།མགོན་པོ་མི་ཕམ་ངལ་པོའི་དགོན་པ་རུ། །དཔལ་ལྡན་ཤ་ཝ་རི་དབྱུག་ལ༴
།གྲོང་ཁྱེར་སེར་སྐྱའི་དགོན་གནས་མཆོག་རུ། །མངའ་བདག་མཻ་ཏྲི་པ་ཆེན་པོ་ལ༴
།རི་བོ་ནག་པོའི་ཁོང་སེང་དུ། །བསྒྲུབ་ཆེན་ར་ཧུ་ཆེན་པོ་ལ༴
ཞོང་ཤོང་དཔལ་གྱི་དགོན་པ་རུ། །གྲུབ་ཆེན་ཁྱུང་པོ་རྣལ་འབྱོར་ལ༴
རྨོག་ཅོག་བྲག་གི་དགོན་པ་རུ། །མཉམ་མེད་རིན་ཆེན་བརྩོན་འགྲུས་ལ༴
སྟོད་ལུགས་སྐྱེར་རྒང་དགོན་པ་རུ། །དབོན་སྟོན་ཐུགས་རྗེ་ཆེན་པོ་ལ༴
རི་གོང་དཔལ་གྱི་དགོན་པ་རུ། །གཉན་སྟོན་སྦས་པའི་རྣལ་འབྱོར་ལ༴
།ཆོས་འཁོར་གསང་བའི་བྲག་ཕུག་རུ། །འགྲོ་མགོན་སངས་རྒྱས་སྟོན་པ་ལ༴
འཇག་ཆུང་དཔལ་གྱི་དགོན་པ་རུ། །གྲུབ་ཐོབ་ཤངས་སྟོན་ཆོས་རྗེ་ལ༴
།མུས་མཐའ་དཔལ་གྱི་དགོན་པ་རུ། །བྱང་སེམས་རྒྱལ་མཚན་འབུམ་པ་ལ༴
།དགའ་ལྡན་རྩེ་མོའི་དགོན་པ་རུ། །འཇག་ཆུང་བྱམས་པ་དཔལ་ལ༴
།དབེན་གནས་དཔལ་གྱི་རིན་རྫོང་དུ། །བསྒྲུབ་ཆེན་དབང་ཕྱུག་རྒྱལ་མཚན་ལ༴
།ལ་ཕྱི་གངས་ཀྱི་ར་བ་རུ། །མཁས་གྲུབ་ནམ་མཁའ་རྒྱལ་མཚན་ལ༴
།རི་ཁྲོད་ཕྱོགས་མེད་དབེན་གནས་སུ། །འདུལ་འཛིན་ངག་དབང་རྒྱལ་མཚན་ལ༴
།རས་ཆེན་མཁའ་སྤྱོད་དབེན་གནས་སུ། །བསྟན་འཛིན་ནམ་མཁའ་བསམ་གྲུབ་ལ༴
།ཆོས་འཁོར་སྒང་གི་དབེན་གནས་སུ། །མཚུངས་མེད་མཁས་བཙུན་ཆོས་རྗེ་ལ༴
།བདེ་ཆེན་རྐང་བཞིའི་གཉན་ཁྲོད་དུ། །དྲན་མཆོག་བསོད་ནམས་ཆོས་གྲུབ་ལ༴
།སྤྱི་ཙུག་ཉི་ཟླའི་གདན་སྟེངས་སུ། །མཁས་གྲུབ་རབ་འབྱམས་ཆོས་རྗེ་ལ༴
།བསིལ་བ་ཚལ་གྱི་དུར་ཁྲོད་དུ། །ཕྱག་དྲུག་ཡེ་ཤེས་མགོན་པོ་ལ༴
།ཐབས་ལམ་བདེ་དྲོད་འབར་བར་བྱིན་གྱིས་བརློབས། །སྒྱུ་ལུས་ཆགས་སྡང་གྲོལ་བར་བྱིན་གྱིས་བརློབས།
།ཉིང་འཁྲུལ་རྨི་ལམ་ཟིན་པར༴ །འོད་གསལ་མངོན་དུ་འགྱུར་བར་བྱིན་གྱིས་བརློབས།
།འཕོ་མེད་འཕོ་བ་འབྱོངས་པར༴ །བར་དོ་ལོངས་སྐུ་འཆར་བར༴
།མ་རྣམས་བདེ་བ་དང་ལྡན་པར༴ །འགྲོ་རྣམས་བསྡུལ་དང་བྲལ་བར༴
།ཀུན་གྱིས་སངས་རྒྱས་ཐོབ་པར༴ །བདེ་གཤེགས་རྣམས་ཐུགས་དགོངས༴
།ཞལ་བཞུགས་རྣམས་སྐུ་ཁམས་བཟང་བ་སོགས་ཤོལོ་ཀ་གཅིག་ལ་སོགས་སྐབས་དང་སྦྱར་ལ་བྱའོ། །དགེའོ། ཨྀཐི།