Rta mgrin la brten pa'i bsrung ba rdo rje'i char 'bebs thun min zhal shes

Resource ID	SCv11p887
Title	rta mgrin la brten pa'i bsrung ba rdo rje'i char 'bebs thun mong ma yin pa'i zhal shes
Topics	Hayagriva
Sub-Topics	Various
Link	BDRC W23922

༈ རྟ་མགྲིན་ལ་བརྟེན་པའི་བསྲུང་བ་རྡོ་རྗེའི་ཆར་འབེབས་ཐུན་མོང་མ་ཡིན་པའི་ཞལ་ཤེས་བཞུགས་སོ།།
༈ ༼ཚེ༽ རྡོ་རྗེའི་ཆར་འབེབས་ཐུན་མོང་མ་ཡིན་པ་ནི།
རང་གི་སྙིང་གར་ཉི་མའི་དཀྱིལ་འཁོར་གྱི་སྟེང་དུ་རྟ་མཆོག་དམར་པོ་རྟ་སྐད་བཞད་པ། ཞལ་གཅིག་ཕྱག་གཉིས་ཀྱི་གཡས་ཐོད་དབྱུགས་དང་གཡོན་ཞགས་པ་འཛིན་པ་ཞབས་གཉིས་འདོར་སྟབས་ཀྱིས་བཞེངས་པ། སྐུ་ལས་འོད་ཟེར་འཕྲོ་བ། དེའི་ཐུགས་ཀར་རྡོ་རྗེ་གཏུམ་པོ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ། གཡས་རྡོ་རྗེ་དང་གཡོན་སྡིགས་མཛུབ་མཛད་པ། ཞབས་བརྐྱང་བསྐུམ་གྱི་ཚུལ་གྱིས་བཞུགས་པ། སྐུ་ལས་འོད་ཟེར་སྔོན་པོ་འཕྲོ་བ། དེའི་ཐུགས་ཀར་སྤྱན་རས་གཟིགས་སྐུ་མདོག་དཀར་པོ་ཕྱག་གཉིས་པདྨ་མཆོག་སྦྱིན་མཛད་པ། རྡོ་རྗེ་སྐྱིལ་མོ་ཀྲུང་གིས་བཞུགས་པ། དེའི་ཐུགས་ཀར་ཐོད་པའི་གའུ། དེའི་ནང་དུ་རིན་པོ་ཆེའི་བུམ་པ། དེའི་ཐུགས་ཀར་འོད་དཔག་མེད། དེའི་ཐུགས་ཀར་རང་གི་རྣམ་པར་ཤེས་པ་འདི་ཁ་ཊྭཾ་ག་གཅིག་ཏུ་བསམ། རྩ་བར་གང་བསྲུང་བའི་མིང་ཡིག་དང་པོ་བསམ། ཐུན་མོང་མིན་པའི་ཞལ་ཤེས་སོ། ཤེས་རབ་ཆེ་ན་ངག་ཏུ་མི་བརྗོད་པར་ཡིད་ཀྱི་གསལ་གདབ། རང་ཡ་ང་བ་དང་ཕ་རོལ་གྱི་རྦོད་གཏོང་ཡོད་པའི་རྟགས་བྱུང་ན་ཐོད་པ་ཁ་སྦྱོར་གྱི་ནང་དུ་རང་གི་ལུས་ཁྲོ་ལས་གྲུབ་པའི་རྡོ་རྗེ་རྩེ་དགུ་པར་བསམ། རྡོ་རྗེའི་ལྟེ་བར་ཁ་ཊྭཾ་ག་སྔར་དང་འདྲ་བ་གཅིག་ལོ་ཡིན་ན། གཉིད་ལོག་ཁར་ཁ་ཊྭཾ་གྱི་རྩེ་དབུ་མའི་ལྟེ་བར་ཧཱུྃ་ཡིག་མཐིང་ཁ་གཅིག་བསམ་མོ།
།དེ་ལ་སེམས་བཟུང་ནས་གཉིད་ལོག་གོ་བསྲུང་བའི་ཞལ་ཤེས་མ་ལུས་པ་རྫོགས་སོ།། །།