Tshogs rnams kyi zur 'debs kyi zhal shes shin tu gsang ba'i yig chung rnams

From Shangpa Resource Center
Revision as of 09:53, 28 April 2022 by Sengue (talk | contribs)








Resource ID Sup24
Title tshogs rnams kyi zur 'debs kyi zhal shes shin tu gsang ba'i yig chung rnams
Topics Chadrupa
Sub-Topics Various
Author Gelek Pelsang
Associated Person Khyungpo Neljor
Sangyé Nyentön
Rahula
Könchok Khar
Sangyé Tönpa
Dalaï Lama Gendün Gyamtso
Zangpo Gyeltsen
Link BDRC W3CN18508 (v3p.186)

57 pages left to input
མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པའི་ལས། ཚོགས་རྣམས་ཀྱི་ཟུར་འདེབས་ཀྱི་ཞལ་ཤེས་ཤིན་ཏུ་གསང་བའི་ཡིག་ཆུང་རྣམས་བཞུགས་སོ།།

དུས་གསུམ་རྒྱལ་བ་ཀུན་གྱི་འཕྲིན་ལས་ནི། །གང་འདུལ་ཐབས་ཀྱིས་གྲགས་པོའི་སྐུར་བསྟན་ནས། །བསྟན་པའི་དགྲ་བགེགས་མ་ལུས་ཚར་གཅོད་པའི། །མྱུར་མཛད་ནག་པོ་ཆེ་ལ་ཕྱག་འཚལ་ལོ།
།གཏོར་ཆེན་གྱི་མཎྜལ་དང་འགྲེལ་བའི་བསྐྱེད་ཆོག་ནི། ཧྲིཿཥྚིས་གསང་། སྭ་བྷ་ཝས་སྟོང་པར་སྦྱངས། སྟོང་པའི་ངང་ལས་མདུན་ཀྱི་གནས་འདིར་དུར་ཁྲོད་ཆེན་པོ་བསིལ་བའི་ཚལ་དུར་ཁྲོད་ཀྱི་མཚན་ཉིད་ཐམས་ཅད་ཡོངས་སུ་རྫོགས་པའི་ཙན་དན་གྱི་ནགས་ཚལ་འཁྲིགས་པའི་དབུས་སུ་ཤིང་ཙན་དན་རྐང་གཅིག་པའི་དྲུང་དུ་ཨེ་ལས་སྐྱེས་པའི་ཆོས་འབྱུང་མཐིང་ནག་ཆེར་འབར་བ། རྩེ་མོ་ཕྲ་བ་ཐུར་དུ་ཟུགས་པ། གདེངས་ཀ་ཆེ་བ་གྱེན་དུ་ཕྱོགས་པ་ཡངས་ཤིང་རྒྱ་ཆེ་བའི་མཐིལ་དུ་ཀི་དམར་པོ་ཡོངས་སུ་གྱུར་པ་ལས། གསད་ཁང་ནག་པོ་གྲུ་གསུམ་པ་ཕྱི་ནག་ལ་ནང་རྩུབ་ཅི་དམར་བ། ནག་པོ་བདུད་ཀྱི་བཙོན་ཁང་། དམར་པོ་བཙན་གྱི་བཤའ་ར། མེ་དང་ཆུ་རླུང་འཁྲུག་པ། ཕྱི་ན་ཞེང་གི་མེ་འབར་བ། ནང་ན་གཏི་མུག་གི་མུན་པ་འཁྲིག་པ། ཟུར་ན་འདོད་ཆགས་ཀྱི་ཁྲག་མཚོ་ཁོལ་བ། སྟོང་ན་ང་རྒྱལ་གྱི་ཐོག་འབབ་པ། འོག་ན་ཕྲ་དོག་གི་རླུང་དམར་འཚུབ་པ། ནད་དང་མཚོན་ཆ་སྣ་ཚོགས་ཀྱི་ཆར་འབབ་པ། རླུང་ནག་འཚུབ་མ་ཕྱི་ནང་མེད་པར་གཡོ་བ། མེ་རབ་ཏུ་འབར་བ། གཤིན་རྗེའི་གྲོང་ཁྱེར་དང་རིགས་དྲུག་གི་དུར་པ། བསོད་བསོད་རྒྱོབ་རྒྱོབ་ཀྱི་སྒྲ་ཆེན་པོ་སྒྲོག་པ། ཞབས་མན་པར་མེད་རྡོ་རྗེ་གདན་ལ་ཐུག་པ། ཤིན་ཏུ་ཡངས་པ་འཇིགས་སུ་རུང་བའི་ནང་དུ། དགྲ་དང་བགེགས་ཐམས་ཅད་ཀྱི་རྣམ་པར་ཤེས་པའི་ངོ་བོ་ནྲི་དང་ཏྲི་ཡོངས་སུ་གྱུར་པ་ལས། དམ་ཉམས་པའི་དགྲ་བགེགས་ཐམས་ཅད་སྐྱ་བ་རིད་པ། ཧཾ་ས། མདངས་ཉམས་པ་ཡིད་མུག་པ། ཁ་ངུ་བ། སྐྲ་ཟེ་བ། ལག་པ་གཉིས་མྱ་ངན་གྱི་ཕྱག་རྒྱ་ཅན། རྐང་ལག་ཐམས་ཅད་ལྕགས་སྒྲོག་གི་བཅིངས་པ། མགོན་མེད་པ། ལྷ་དང་བྲལ་བ། འདར་ཕྲི་ལི་ལི། དབང་པོ་ཐམས་ཅད་ནག་ཀམ་ཀམ་པ་བསྐལ་པ་སྟེང་གི་བར་དུ་ཐར་དུས་མེད་པ། ལྕེ་བྲང་གི་རྒྱ་མདོར་སླེབ་པ། སྙིན་ཀར་ནྲི་དང་ཏྲི་ཛས་མཚན་པ། ཁ་ནས་ཁྲག་འཛག་ཅིང་སིད་སྒྲ་འབྱིན་པ། དྲི་ཆེན་དྲི་ཆུ་ལུད་པ་འཆོར་ཞིན། མཚན་མ་འཕྱང་བ། གཅེར་བུ་གོས་དང་བྲལ་བ། ན་བུན་རླུང་གི་སྐྱོད་པ་ལྟར་འདར་ཕྲིལ་ལི་ལི་སྤྱི་གཙུགས་སུ་གནས་པ།
༈ དེའི་སྟེང་པདྨ་ཅེས་སོགས་གཞུང་བཞིན་བསྐྱེད་ནས། སྤྱན་འདྲེན་གྱི་དམིགས་པ་ནི། རང་གི་ཐུགས་ཀའི་ཧཱུྃ་སྔོན་པོའི་འོད་ཟེར་ལྕགས་ཀྱུའི་རྣམ་པ་ཅན་གྱི་ཤར་ལྷོ་བསིལ་བ་འཚལ་གྱི་དུར་ཁྲོད་ཤིང་ཙན་དན་རྐང་གཅིག་པའི་དྲུང་གི་ཡེ་ཤེས་མགོན་པོའི་ཐུགས་ཀར་ཕོག །ཐུགས་རྒྱུད་བསྐུལ། འཁོར་གནོད་སྦྱིན་ལྷ་མོ་དང་བཅས་པ་སྤྱན་ཧྲིག་ཧྲིག་གཟིགས་པས། གནོད་སྦྱིན་བཞི་ལྷ་མོ་དང་བཅས་པ། དཔལ་མགོན་བདུན་བཅུ་རྩ་ལྔ་དམ་ཅན་རྒྱ་མཚོའི་དམག་ཚོགས་གཡས་སུ། གཡོན་དུ་དཔའ་མོ་རྒྱ་མཚོ་ཐམས་ཅད་ཀྱང་ཌ་མ་རུ་དང་གཡེར་ཁའི་སྒྲ་སིལ་ལི་ལི། ཁྲོལ་ལོ་ལོ། འུར་འུར་ཆེམ་ཆེམ་གར་མཛད་ཅིང་བྱོན་པར་བསམ་ནས་ཧཱུྃ་ཞེས་སོགས་ཀྱི་སྤྱན་དྲངས།
༈ ཧཱུྃ་དྲུག་གི་དམིགས་ནི། ངག་ཏུ་གཏོར་མའི་སྟེང་དུ་ཧཱུྃ་རེ་རེ་གནས་པར་གྱུར། རིང་ཐུགས་ཀའི་ཧཱུྃ། མདུན་གྱི་མགོན་པོའི་ཐུགས་ཀའི་ཧཱུྃ་དང་གཏོར་ཆུང་གི་སྟེང་གི་ཧཱུྃ་གསུམ་ལས་འོད་ཟེར་ཕྱོགས་བཅུར་འཕྲོས་པས། དགྲ་བགེགས་ཐམས་ཅད་གནོད་སྦྱིན་ཀྵེ་ཊ་པ་ལ་སོགས་པའི་ལྕགས་ཀྱུ་ཅན་རྣམས་ཀྱི་སྙིང་ཁ་ནས་བཟུང་། གནོད་སྦྱིན་ཊ་ཀྐི་རཱ་ཛཱ་ལ་སོགས་པའི་ཞགས་པ་ཅན་རྣམས་ཀྱིས་མགྲིན་པ་ནས་བཅིངས་ནས་གནས་གང་དུ་ཡོད་ཀྱང་རང་དབང་མེད་པར་བཀུག་པ་དང་། དཔའོ་དང་དཔའ་མོ་རྣལ་འབྱོར་མ་རྣམས་ཀྱིས་ཐུགས་ཀ་ནས་བྱང་ཆུབ་ཀྱི་སེམས་ཀྱིས་རང་བཞིན་བདུད་རྩིའི་རྣམ་པ་ཅན་དཔག་ཏུ་མེད་པ་དང་། འཁོར་འདས་ཀྱི་བདེ་སྐྱིད་ལྷ་མོའི་དཔལ་འབྱོར། མདོར་ན་འཇིག་རྟེན་དང་འཇིག་རྟེན་ལས་འདས་པའི་བདུད་རྩི་ཐམས་ཅད་བཀུག་ནས་དམ་ཚིག་གི་བདུད་རྩི་དབྱེར་མེད་དུ་གྱུར། ཧཱུྃ་བཀུག་པའི་དགྲ་བགེགས་བསྐྱེལ་ཏེ་འགྲེལ་བ་ལས་གཏི་མུག་ཤའི་རི་བོ། འདོད་ཆགས་ཁྲག་གི་རྒྱ་མཚོ། ཞེང་རུས་པའི་དགྲ་ཁྱོད་ཀྱི་དཀྱིལ་མེར་མེར། མགོན་པོ་་་་་་་་དང་བཅས་པ་ཐམས་ཅད་ཀྱི་ལྗགས་རྡོ་རྗེ་རྩེ་གཅིག་པ་དམར་པོའི་འོད་ཀྱི་སྦུ་གུས་སིབ་སིབ་གསོལ་བར་གྱུར། ཧཱུྃ་བཞི་བརྗོད། མགོན་པོའི་སྤྱི་གཙུག་ཏུ་ཧཱྃ་མཐིང་ནག་མེའི་འོད་ཟེར་རབ་ཏུ་འཕྲོ་བ། སྟོང་གསུམ་ཐམས་ཅད་འོད་ཟེར་གྱིས་གང་བ་གཅིག་ཏུ་གྱུར། ཧཱུྃ་ཧཱུྃ་དེ་ལས་འོད་ཟེར་དྲག་པོ་ཕྱོར་བཅུར་འཕྲོས་པས་དགྲ་བགེགས་བདུག་པ་ཅན་ཐམས་ཅད་ཚར་བཅད། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྒྱུད་བསྐུལ་ནས། དེ་དག་ཐམས་ཅད་ཤིན་ཏུ་འཕྲོས་པའི་གཤིན་རྗེ་གཤེད་ཀྱི་རྣམ་པར་སྤྱན་དྲངས་ནས་མགོན་པོའི་སྤྱི་གཙུག་གི་ཧཱུྃ་ལ་ཐིམ་པར་གྱུར། ཧཱུྃ་དེ་མགོན་པོ་འི་སྤྱི་གཙུག་ནས་ཞུགས་ཏེ། མགྲིན་པར་སླེབ་པ་ན་བཅོམ་ལྡན་འདས་འཇམ་དཔལ་གཤིན་རྗེ་གཤེད་སྐུ་མདོག་མཐིང་ནག་མཐིང་དཀར་དམར་བའི་ཞལ་གསུམ་ཕྱག་དྲུག་གི་གཡས་ཀྱི་དང་པོ་ན་བེ་ཅོན། གཉིས་པ་ན་རལ་གྲི། གསུམ་པ་ན་དགྲ་སྟ། གཡོན་གྱི་དང་པོས་སྡིགས་འཛུབ། གཉིས་པ་ན་མདུད་རྩེ་གསུམ་པ། གསུམ་པ་ན་བ་དན་དམར་པོ་བསྣམས་པ། ཡུམ་བེཏྟ་ལི་སྐུ་ལ་འཁྲིལ་བའི་ཞབས་བཞི་དོར་སྟབས་ཚུལ་དུ་བསྒྲད་པ། སྤྱན་དགུ་དང་ཞལ་སྒྲད་ཅིང་རྣོ་རྡུག་གི་མཆེ་བ་ཟུར་གསུམ་གཙིགས་པ་སྤྱན་རྣམས་དུས་མཐའ་ཡི་མེ་ལྟར་འབར་བ། དབུ་སྐྲ་ཁམ་སེར་གྱེན་དུ་རྫེས་ཤིང་ཐོད་པ་སྐམ་པའོ་ལྔའི་དབུ་རྒྱན་དང་། རློན་པ་ཁྲག་འཛག་པ་ལྔ་བཅུའི་དོ་ཤལ་བྱས་པ། གླང་ཆེན་གྱི་ཀོ་རློན་དང་། ཞིང་ཆེན་གྱི་གཡང་གཞི་དང་། སྟགས་ལྤགས་ཀྱི་ཤམ་ཐབས་སོགས་དུར་ཁྲོད་ཀྱི་ཆས་བརྒྱད་ཀྱི་བརྒྱན་པ། ཡེ་ཤེས་ཀྱི་མེ་རབ་ཏུ་འབར་བའི་དབུས་ན་བརྗིད་ཅིང་བརྔམ་པའི་སྟབས་ཀྱིས་བཞུགས་པར་གྱུར། ཧཱུྃ་ཕཊ། གཤིན་རྗེ་གཤེད་ཆེར་སོང་མགོན་པོ་ཡང་ཆེར་སོང་སྟེ། ས་དང་བར་སྣང་ཐམས་ཅད་གང་སྟེ་མགོན་པོ་དང་དབྱེར་མེད་དུ་འདྲེས་པ་ལས་འཇིག་རྟེན་གསུམ་ན་ང་ལས་ནུས་མཐུ་ཆེ་བ་མེད་མཉམ་པའི་ང་རྒྱལ་གྱིས། གཟི་བརྗིད་ཆེ་བ་མེད་པའི་སྲིད་པ་གསུམ་པོ་ཐམས་ཅད་ཟིལ་གྱིས་མནོན་པའི་མཐུ་སྟོབས་ནུས་པ་དང་ལྡན་པར་གྱུར།
༈ ཡེ་ཤེས་མགོན་པོ་ཕྱག་དྲུག་པའི་ལས་དྲུག་བཤད་པའི་སྐགས་སུ་ཁྱུང་པོའི་ཡིག་ཆུང་གི་དོན་མཁས་གྲུབ་ཐམ་ཅད་མཁྱེན་པས་ལེགས་པར་བཤད་པ་རྣམས་བློ་དམན་པ་དག་གི་བླང་བདེ་བའི་ཕྱི་ཅུང་ཟད་བརྗོད་ན།
ཧཱུྃ། དམ་ཉམས་དགྲ་བགེགས་སྒྲལ་བའི་རོ་སྐྲ་ལས། བྱུང་བའི་རྡོ་རྗེ་ཞགས་པ་ནག་པོ་འདི། །གདོན་བགེགས་འགུགས་ཤིང་འཆིང་ལ་རབ་སྔགས་པ། །མྱུར་མཛད་ནག་པོ་ཆེན་པོའི་ཕྱག་ཏུ་འབུལ། ཞེས་ནས་བསྟན་པ་ཤིག་པའི་དགྲ་བགེགས་རྣམས། བཅིངས་ནས་མྱུར་དུ་འགུགས་པའི་འཕྲིན་ལས་མཛོད། ཅེས་བསྐུལ། རང་དང་མགོན་པོའི་ཐུགས་ཀའི་ཧཱུྃ་ལས་འོད་ཟེར་ལྕགས་ཀྱུ་ལྟ་བུ་འཕྲོས་ཤིང་། མགོན་པོའི་ཕྱག་གཡོན་ཞགས་པ་འཛིན་པའི་སྡིག་འཛུབ་གྱིས་རྩེ་ལས་ཁྲོ་བོ་རབ་ཏུ་བརྔམ་ཤིང་རླུང་གི་ཤུགས་ཅན་ཕྱག་གཉིས་གྱིས་ཞགས་པ་འཛིན་པ་དཔག་ཏུ་མེད་པ་སྤྲོས་སྟེ་དམིགས་པའི་དགྲ་བགེགས་གང་ཡིན་པའི་གནས་སུ་སོང་ནས་འོད་ཟེར་གྱི་ལྕགས་ཀྱུ་སྙིང་ཀར་བཏབ་ཁྲོ་བོ་རྣམས་ཀྱི་མགྲིན་པ་ནས་ཞགས་པས་བཅིངས་ནས་སྒྲུབ་བྱ་གཅེར་བུ་གོས་དང་བྲལ་བ་དེ་སོད་གཅིག་རྒྱོབ་གཅིག་ལ་སོགས་པའི་དགྲ་དྲག་པོ་སྒྲོགས་ཤིང་ཐོགས་པ། དམེདར་ཁྲི་འོངས་ཏེ། གཏོར་ཆུང་རྣམས་ཀྱི་སྟེང་དུ་གཏོར་སྣོད་ནང་དུ་རང་ལ་རྒྱབ་བསྟན་མགོན་པོ་ལ་མདུན་བསྟན་ནས་འདར་ཧེ་ཧེད་འདུག་པར་གྱུར། ཨོཾ་བཛྲ་མ་ཧཱ་ཀཱ་ལ་ཅེས་པ་ནས་བི་ན་ག་ཡ་ག་དགྲ་བགེགས་ཆཻ་མོ་ས་ཤ་བྷནྡྷ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཅེས་ཉེར་གཅིག་ཙམ་རེ་རོལ་མོའི་སྒྲ་དྲག་པོ་དང་བཅས་དམིགས་པ་བརྟན་པོས་ཁུག་པར་བསམ་མོ།
ཧཱུྃ། བསྟན་དགྲ་དམ་ཉམས་དགྲལ་བའི་ཐོད་པ་ལས། བྱུང་བའི་ཅང་ཏེའུ་སྟོང་གསུམ་གཡོ་བྱེད་པ། །དགྲ་བགེགས་མྱོས་ཤིང་འབོག་ལ་བསྔགས་པ་འདིས། ༴ ཡིད་སྨྱོས་དྲན་པ་ཉམས་པའི་འཕྲིན་ལས་མཛོད། ཅེས་བསྐུལ་ནས། མགོན་པོའི་ཕྱག་གཡས་ཀྱིས་མཐའ་མས་ཌ་མ་རུ་དྲག་ཏུ་དཀྲོལ་བས་དགྲ་བགེགས་ཀྱི་ཡིད་སྨྱོས་དྲན་པ་ཉམས་མགོ་འཁོར་དབང་པོའི་སྒོ་ཐམས་ཅད་ནས་ཁྲག་གི་རྒྱུན་ན་ར་ར་བྱུང་བར་གྱུར། ཆཻ་མོ་སྒྲ་མ་ཀུ་རུ་མུརྩ་ཡ་ཅེས་ཉེར་གཅིག་འདྲེ།
ཧཱུྃ། གནམ་ལྕགས་ལས་གྲུབ་འཇིགས་རུང་རྩེ་གསུམ་འདི། ཁྲག་དང་དུག་གི་ངར་བླུད་སྙིང་པོས་མཚན། །གནས་གསུམ་བསྣུན་ནས་བསོད་ལ་བསྔགས་པ་འདིས། ༴ ཞེས་ནས་བསྟན་པ་ཤིག་པའི་དགྲ་བགེགས་འདིའི། གནས་གསུམ་བསྣུན་ལ་བསོད་པའི་འཕྲིན་ལས་མཛོད། ཅེས་བསྐུལ་ནས། མགོན་པོ་ཁྲོས་འཁྲུག་བརྔམས་ནས་ཕྱག་གཡོན་གྱིས་རྩེ་གསུམ་འཛིན་པས་དགྲ་བགེགས་ཀྱི་གནས་གསུམ་དུ་བསྣུན་ནས་བསོད་པའི་འཕྲིན་ལས་མཛད་པར་གྱུར། ཆཻ་མོ་མཱ་རཱ་ཡ་ཧ་ན་ཧ་ན་ཅེས་སོགས།
ཧཱུྃ། གྲི་ལྕགས་ལས་བགྱིས་རྡོ་རྗེ་གྲི་གུག་འདི། ཁྲག་དང་དུག་གི་ངར་བླུད་སྙིང་པོས་མཚན། དམ་ཉམས་སྲོག་རྩ་གཅོད་ལ་བསྔགས་པ་འདིས། ༴ སྲོག་རྩ་མྱུར་དུ་གཅོད་པའི་འཕྲིན་ལས་མཛོད། ཅེས་བསྐུལ་ནས་མགོན་པོའི་ཕྱག་གཡས་ཀྱིས་དང་པོའི་གྲི་གུག་གིས་བསྒྲུབ་བྱའི་བྲང་གཤགས་ཏེ་སྲོག་རྩ་རྦད་ཀྱི་བཅོད་པར་གྱུར། ཆཻ་མོ་མཱ་རཱ་ཡ་ཅེས་སོགས།
ཧཱུྃ། དམ་ཉམས་དགྲ་བགེགས་བསྒྲལ་བའི་མགོ་བོ་ཡི། འཕྲེང་བ་རྒྱུ་སྐར་དོ་ཤལ་དང་མཚུངས་ཤོག མངོན་སྤྱོད་རྩིས་ལ་འདེབས་པར་བྱེད་པ་ཡི། ཁྲག་གི་རྒྱུན་འཛག་ཐོད་པའི་འཕྲེང་བ་འདིས། ༴ མངོན་སྤྱོད་རྩིབས་ལ་བཏབ་ནས་ཤ་ཁྲག་རྣམས། མྱུར་དུ་ཞལ་དུ་གསོལ་བའི་འཕྲིན་ལས་མཛོད། ཅེས་བསྐུལ་ནས། མགོན་པོའི་ཕྱག་གཡས་ཀྱི་བར་པའི་ཕྲེང་བ་འཛིན་པས་དགྲ་བགེགས་ཀྱི་དོན་སྙིང་ལྔ་ཕྱུང་ནས་ཞལ་དུ་དམར་རྩིར་རྩིར་གསོལ་བར་གྱུར། ཆཻ་མོ་མཱ་ར་ཡ་རྦད་རྦད་ཅེས་སོགས།
ཧཱུྃ། དམ་ཉམས་དགྲ་བགེགས་བསྒྲལ་བའི་ཐོད་ནང་དུ། དགྲ་བགེགས་སྙིང་དང་སྙིང་དང་སྙིང་དང་སྙིང་ཁྲག་དྲོ་མེ་དང་། གླང་ཆེན་ལ་སོགས་ཤ་ཁྲག་གིས་བཀང་སྟེ། ཤ་ཁྲག་ཞལ་དུ་གསོལ་བའི་འཕྲིན་ལས་མཛོད། ཅེས་བསྐུལ་ནས། མགོན་པོའི་ཕྱག་གཡོན་གྱི་དང་པོའི་ཐོད་པའི་ནང་དུ་དགྲ་བགེགས་ཤ་ཁྲག་གིས་གང་བ་ཕྲེང་བ་འཛིན་པས་སིབ་སིབ་གསོལ་བར་གྱུར། མཱ་ར་ཡ་ཁ་ཁ་ཁཱ་ཧི་ཁཱ་ཧི་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཅེས་ཉེར་ཅིག་བརྗོད།
༈ དེ་ནས་མྱུར་མཛད་ཡེ་ཤེས་ཀྱི་མགོན་པོ་མ་གཡེལ་ཅིག་ཅེས་བརྗོད་ནས་གཏོར་སྔགས་ཀྱིས་དལ་བུས་ཉེར་ཅིག་འབུལ་ལོ།
ཧཱུྃ། ཁྱབ་བདག་རྡོ་རྗེ་འཆང་དབང་ཤ་ཝ་རི། །མཻ་ཏྲི་ར་ཧཱུ་ཁྱུང་པོ་རྣལ་འབྱོར་དང་། །རིན་ཆེན་བརྩོན་གྲུས་དབོན་སྟོན་སྐྱེར་སྒང་པ། །སྦས་པའི་རྣལ་འབྱོར་སངས་རྒྱས་སྟོན་པ་དང་། །མཁས་གྲུབ་ཤངས་སྟོན་མུས་ཆེན་རྒྱལ་མཚན་དཔལ། །རྡོ་རྗེ་གཞོན་ནུ་ནམ་མཁའི་རྣལ་འབྱོར་དང་། །རྒྱལ་བའི་དབང་པོ་ཀུན་མཁྱེན་གཙོང་ཁ་པ། །མཁས་གྲུབ་ཆོས་རྗེ་བཟང་པོ་རྒྱལ་མཚན་དང་། །ཀུན་དགའ་རྒྱལ་མཚན་དགེ་འདུན་རྒྱ་མཚོའི་དཔལ། །སྐུ་བཞིའི་བདག་ཉིད་ཆོས་ཀྱིས་རྒྱལ་མཚན་སོགས། །དངོས་རྒྱུད་བླ་མ་རྡོ་རྗེ་འཆང་རྣམས་ཀྱིས། །དམ་ཚིག་རྡོ་རྗེ་སྤྱི་བོར་བཞག་ནས་ཀྱང་། །སངས་རྒྱས་བསྟན་པ་ཁྱོད་ཀྱིས་བསྲུངས་ཤིག་ཅེས། །དཀོན་ཅོག་དབུ་འཕངས་ཁྱོད་ཀྱིས་བསྟོད་ཅིག་ཅེས། །རྣམ་དག་དགེ་འདུན་སྡེ་རྣམས་སྐྱོངས་ཤིག་ཅེས། །རྣལ་འབྱོར་བཅོལ་བའི་ལས་འདི་སྒྲུབས་ཤིག་ཅེས། །བཀའ་ལ་བཏགས་པ་ཡིན་ནོ་བཀའ་བཞིན་སྒྲུབས། །དམ་ཚིག་ཕྱག་རྒྱ་མིག་ལ་བསྟན་ནས་ཀྱང་། །སངས་རྒྱས་ཅེས་སོགས་འདྲེ། །རྡོ་རྗེ་ཐ་ཚིག་རྣ་བར་སྒྲགས་ནས་ཀྱང་། །སངས་རྒྱས་དང་༴ །རྡོ་རྗེའི་གནའ་ཆུ་ལྕེ་ལ་བཞག་ནས་ཀྱང་། །སངས་རྒྱས་༴ སྔོན་གྱི་ཁས་སླངས་དམ་ཚིག་མ་བསྙེལ་བར། ༴ཁྱོད་ཀྱིས་བསྲུངས། ལྷ་ཁྱོད་བསྟེན་པའི་ཚེ་ན་སྙིང་མ་རིང་། །ནག་པོ་གཡབ་པའི་ཚེ་ན་སྤྱན་མ་ཏུལ། །དགྲ་ལ་བསྐུལ་བའི་ཚེ་ན་བང་མ་ཕུལ། །སྟོབས་ལྡན་མང་པའི་ཚེ་ན་རྩལ་མ་གཞན། །ནག་པོ་ལས་ལ་རྦད་དུས་མཐུ་མ་ཆུང་། །ཁུག་ཅིག་ཁུག་ཅིག་དམ་ཉམས་དགྲ་བོ་འདི། །བསོད་ཅིག་བསོད་ཅིག་བསྟན་དགྲ་སྡིག་ཅན་འདི། །ཟོ་ཤིག་ཟོ་ཤིག་བློ་སྙིང་ཤ་རུས་རྣམས། །མཐུང་ཅིག་མཐུང་ཅིག་སྙིང་ཁྲག་དྲོ་མོ་འདི། །གསོལ་ལོ་མཆོད་དོ་མྱུར་མཛད་མགོན་པོའི་ཚོགས། །སྒྲུབ་ཤིག་སྒྲུབ་ཤིག་ལས་འདི་མྱུར་དུ་སྒྲུབས།
ཅེས་ལེས་དྲུག་དང་མནན་བསད་ཀྱིས་གཏོར་ཆུང་འབུལ་བའི་གོང་དུ་བརྗོད་པ་ཡིན་ནོ། །གཏོར་ཆེན་གྱི་མཎྜལ་དང་འགྲེལ་བའི་བསྐྱེད་ཆོག་དང་བསྐུལ་འདི་རྣམས་ཐུགས་དམ་རྣམས་ཀྱིས་བསྐུལ་བའི་ངོར། ཆོས་སྨྲ་བའི་བཙུན་པ་དགེ་འདུན་རྒྱ་མཚོའི་དཔལ་གྱིས་ཆོས་འཁོར་རྒྱལ་བཀྲ་ཤིས་ལྷུན་གྱིས་གྲུབ་པའི་ཕྲེང་དུ་སྦྱར་བའོ།
༈ མྱུར་མཛད་ཡེ་ཤེས་མགོན་པོ་ཕྱག་དྲུག་པའི་གཏོར་ཆེན་གྱི་ཟུར་འདེབས་བཞུགས་སོ།
བླ་མ་དང་མགོན་པོ་དབྱེར་མེད་པ་ཕྱག་འཚལ་ལོ། །གཏོར་ཆེན་གྱིས་ཟུར་འདེབས་ནི། དཀྱིལ་འཁོར་འཁོར་དང་འབྲེལ་བའི་གཏོར་མའི་བཤམས་ཚུལ་ནི། མཎྜལ་གྱི་ཁ་ཁྱེར་ལ། ཕྱོགས་བཞིར་གནོད་སྦྱིན་བཞི། འཚམས་བཞིར་ཤར་དུ་ལྷ་མོ་ཕྱག་བཞི་མ། ཤར་ལྷོར་དུས་མཚན་མ། ལྷོ་ནུབ་ཏུ་དཔལ་མགོན་བདུན་བཅུའི་གཏོར་མ་གྲུ་གསུམ་པ། ནུབ་བྱང་དམ་ཅན་རྒྱ་མཚོའི་གཏོར་མ་གྲུ་གསུམ་པ་གཉིས་ཀའང་ཐོག་གི་འདེའུ་ལྟར་བྱེད་པ་ཡིན་སྔགས་ཀྱི་རྒྱུན་དང་སྐང་བའི་རྒྱུན་མ་ཆག་པ་གལ་ཆེ། བསྐང་བའི་རྒྱུན་གྱི་འཁུ་ལྡེག་ཆུང་ཞིང་ལས་མྱུར་བའི་གནད་ཡོད། ཉིན་མཚན་ཐུན་དྲུག་གི་ཐུན་གྱི་འཇུག་ཏུ་ལས་དྲུག་གིས་དམིགས་པས་ལིང་ག་དང་། གཏོར་ཆུང་ལ་དགུག་གཞུག་དང་གཟུ་སྤངས་སོགས་ཚིག་རེ་རེ་ལ་ཕྱོགས་གཅིག་ཏུ་སྡེབས་པས་འདོན་ཆ་ལྟར་བྱའོ། །ཐུན་སྔ་མ་མ་བཞག་པར་ཕྱི་མ་མགོ་འཛུགས་ནང་མཆོད་ནས་བརྩམ་པ་ཡིན། སྔགས་ཐུན་པ་ཡང་སྔ་མ་དང་ཕྱི་མ་གཉིས་སྒྲིགས་ཏེ་བསྙེན་པ་དང་བསྐང་བའི་རྒྱུན་ཡང་དེ་ལྟར་བྱའོ།
།ཐུན་ཐ་མར་གཏོར་ཆེན་ཕྱིར་འཁྱེར་རན་པ་ན་ཐུན་ཡོད་པ་རྣམས་ཀྱི་གཏོར་ཆུང་ཉེར་གཅིག་སོང་ཐུན་གཏོར་འབུལ་བ་སོགས་གོང་ལྟར་བྱའོ། །བསྟོད་བསྐུལ་དང་བཟློག་པ་ཟིན་པ་དང་བསྒྲུབ་པ་པོ་ཐམས་ཅད་ཕྱོགས་གཅིག་ཏུ་འཁོད་དེ་གཏོར་ཆེན་གྱི་ལྷ་ནམ་པར་གཏེག་ནས། གཏོར་ཆེན་དང་འཁོར་གྱིས་དགོས་གཏོར་ཐམས་ཅད་གསོ་བྲན་བྱིན་བརླབས་བྱས་ལ་རོལ་མོ་དབྱངས་དང་བཅས་པས། ས་བཅུའི་དབང་ཕྱུག་མགོན་པོ་ནི་ཞེས་པ་ནས་ད་བཅོལ་ལས་ཀྱི་རྟེན་དུ་འབུལ། ཞེས་པའི་བར་ངག་དལ་ཅིང་ང་རྒྱལ་ཤུགས་བརྟནོས་ཡིད་ཆེས་གདུང་ཤུགས་དྲག་པོས་བྱ་བ་ཡིན་ནོ། །དེ་ནས་གཙོ་བོ་ལ་སྙིང་པོ་དང་རྩ་སྔགས་ཕྱེ་མར་བཟླས་པ་བརྒྱ་རྩའམ་སྐབས་དང་སྦྱར་བས་འབུལ། འཁོར་རྣམས་ལ་རང་རང་གི་སྔགས་དང་ཤ་ས་ན་སྦྱར་བ་ཉེར་ཅིག་རེ་ཙམ་གྱིས་འབུལ་ལོ། །དམྱི་པ་དྲག་པོ་བྱ་ཕྱི་ནང་གི་མཆོ། གཏོར་རྫོངས་གིས་རང་གི་དགྲ་བགེགས་སྒྲོལ་བ་ལ་བྲག་བསྲེས་པའི་ཕུད། ནད་པ་ལ་སྨན་ཕུད། རྒྱས་པ་ལ་སོགས་ལ་གསེར་སྐྱེམས་ཀྱིས་མཆོད་དོ། དེ་ནས་ས་བཅུའི་དབང་ཕྱུག་སྤྲུལ་པའི་སྐུ། ཞེས་སོགས་དྲག་པོས། ཁྱོད་ལ་ཞུ་ཞིང་གསོལ་བ་ནི། ཞེས་པ་ནས། བཅོལ་བའི་འཕྲིན་ལས་འགྲུབ་པར་མཛོད་ཅེས་པའི་བར་བརྔམས་བརྗིད་དང་ལྡན་པར་བྱ། དེ་ནས་སྒོ་དབྱེ་ལམ་ཕྱེ་སོང་བྱས་ལ་གཏོར་ཆེན་རྒྱང་རིང་དུ་སྐྱལ་ལོ། །ཆོས་སྐུ་ཡངས་པའི་ཕོ་བྲང་ནས། ས་བཅུའི་དབང་ཕྱུག་མགོན་པོ་ནི། ཞེས་སོགས་མཁའ་འགྲོ་འབུམ་བསྐུལ་དང་བཟློག་པ་བྱ། ལིང་ག་ཡོད་ན་སྦྱིན་སྲེགས་རྒྱས་བསྡུས་བསྐབས་དང་སྦྱར། བསྒྲུབ་པ་པོ་ཐམས་ཅད་གཙོ་བོ་རྐྱང་པས་ཀྱང་ངོ་། དེའི་རིང་སྔགས་ཐུན་པ་ནང་དུ་བར་མ་ཆད་པ་དགོས་ནང་དུ་སླེབ་དུས་དངོས་གྲུབ་ཞུ་བ་དང་སྔགས་རྒྱུན་བཞག །གཏོར་མ་གསར་པ་ཤིན་ཏུ་བཟང་བ་ཞིག་བཤམས་ནས་འབུལ། ཕྱི་ནང་གིས་མཆེད། གྲུབ་ན་བསྐང་པོ་རྒྱས་པ་ཞིག་བྱ། བསྟོད་པ་མངའ་གསོལ་བྱས་སྟེ་འཇུག་རྣམས་ཆོ་ག་ལྟར་བྱའོ།
།གཏོར་ཆེན་གྱིས་བསྐབས་སུ་འཁོར་བཞིས་ལས་བྱེད་མི་ཉན་པའི་རྟགས་བྱུང་བ་ན། མགོན་པོའི་སྐུའི་གཟི་མདངས་བསྐྱེད་པ་ལ་གཤིན་རྗེ་གཤེད་ཞལ་གསུམ་ཕྱག་དྲུག་པ་ཞལ་གཡས་སྐར། གཡོན་དམར། དབུས་མཐིང་ནག །ཕྱག་དང་པོ་གཉིས་ཀྱིས་ཐོད་པ། བར་པ་གཉིས་རྡོར་དྲིལ། ཐ་མ་གཉིས་རལ་གྲི་དག་པདྨ། སྟག་གི་ཤམ་ཐབས། གླང་ཆེན་གྱི་བསྟོད་གཡོགས། སྦྲུལ་དང་རུས་པའི་རྒྱན་དྲུག་ཅན་ཐོད་པ་སྐམ་རློན་གྱིས་རྒྱན་པའོ།
།སྐབས་དང་སྦྱར་ན་རྡོ་རྗེ་འཇིགས་བྱེད་ཀྱི་སྐུ་ཡོངས་སུ་རྫོགས་པའི། དཔའ་བོ་གཅིག་པ་གང་རུང་བྱས་ན་ལེགས། དེ་ལྟ་བུའི་སྐུའི་གཟི་མདངས་བསྐྱེད་པའི་རྗེས་སུ་མགོན་པོའི་མཆེ་བ་ཡ་སོ་གཉིས་ལ་ཡ་དང་ཀྵེ། མ་སོ་གཉིས་ལ་ཛཿབྷྱོཿབསམ་ལ་མགོན་པོའི་མཆེ་བ་བཞི་རྩིགས་ཤིང་སྤྱང་གསུམ་དྲག་ཏུ་གཟིར་བས་གནོད་སྦྱིན་བཞི་འདར་ཕྱི་ལི་རང་དབང་མེད་པར་ལས་བྱེད་པར་བསམ་མོ། །འདི་མེད་འོར་གྱིས་ལས་མི་བྱེད་གར་ཐཽད་བྱེད་མི་ཉན་ཤིན་ཏུ་མཉན་ནོ།
།གཏོར་ཆེན་གྱིས་དུས་སུ་གཙོ་བོས་ལས་མི་བྱེད་པའི་ཉམས་བྱུང་བ་ན། གནད་དབབ་ཀྱི་བླ་མ་ལ་གསོལ་བ་གདབ། དམིགས་མན་ངག་བཞིན་བྱའོ། །དེ་ནས་རང་ཡི་དམ་དུ་གསལ་བའི་ཐུགས་ཀའི་སོན་དང་བསྔགས་འཕྲེང་ལས་འོད་ཟེར་འཕྲོས་རང་གི་ཞལ་ནས་མགོན་པོའི་ཞལ་དུ་ཞུགས་ཏེ་ཐུགས་ཀའི་ཧཱུྃ་དེ་བླང་སྟེ་་་་བ་ནས་བྱུང་རང་གི་ལྟེ་བ་ནས་ཞུགས། ཐུགས་ཀའི་ཧཱུྃ་ཡིག་ཞབས་ཀྱུ་ལ་ཐིམ་པར་བསམ་ནས་རྩ་སྔགས་བརྒྱ་རྩ་ཙམ་བཟླ།
འཁུ་ལྡོག་བྱེད་པའི་རྟགས་བྱུང་ན་སྲོག་བཅིངས་བ་ནི། རང་གིས་ཐུགས་ཁར་ཧཱུྃ་ཡིག་གི་ཞབས་སུ་མགོན་པོའི་ས་བོན་ཧཱུྃ་ཡིག་མགོ་ཕྱིར་བསྟན་མནན་པ་དང་། དེའི་མཐར་མགོན་པོའི་སྙིང་པོ་མགོ་ཕྱིར་བསྟན་ཉལ་སྟབས་དང་། དེའི་སྟེང་དུ་ཡི་དམ་གྱི་སྙིང་པོ་གྱེན་དུ་ལངས་པ་དང་། ཕྱི་རོལ་དུ་ཨ་ལི་ཀ་ལི་གཉིས་སྒྲགས་ཀྱིས་བསྐོར་བར་བསམ་པ་ཡིན་ནོ། །སྔགས་སྟོང་ཙམ་བཟླ་རང་གི་ལ་རང་གི་ཐུགས་ཀའི་ས་བོན་ལས་འོད་ཟེར་ཚ་ཞིང་ཙུབ་པ་འཕྲོས་ཤིང་རང་གི་ཞལ་ནས་མགོན་པོའི་ཞལ་དུ་ཞུགས་ཐུགས་ཀའི་ཧཱུྃ་ལ་ཕོག་པས་མགོན་པོའི་སྐྲག་མདངས་མཐུ་སྟོབས་ནུས་པ་ཐམས་ཅད་དང་སྲོག་གི་ངོ་བོ་ཧཱུྃ་ཅེར་ཏེ་ལངས། མགོན་པོའི་ལྟེ་བ་ནས་རང་གིས་ལྟེར་ཞུགས་ཏེ་ཐུགས་ཀའི་ཧཱུྃ་ཡིག་གི་གདན་དུ་བྱས་པའི་རང་དབང་མེད་པར་ལས་བྱེད་པར་བསམ། དེས་མ་ཞི་ན་སྙིང་པོའི་འཇུག་ནས་ཡར་བཟློག་ནས་བརྒྱ་རྩ་བརྒྱད་བཟླས། དེ་ལས་མང་ན་མི་ཉན་རང་གི་སྤྱི་བོར་ཡི་དམ་གྱི་སྐུ་རྫོགས་པར་བསྒོམས། དེས་འཁུ་ལྡོག་འབྱུང་མི་སྲིད་ཅིང་ལས་རང་དབང་མེད་པར་བྱེད་དོ། །གཏོར་ཆེན་གྱི་བཟུར་འདེབས་འདི་ནི་མཁས་གྲུབ་རིན་པོ་ཆེའི་ཕྱག་ལེན་མངོན་གསུམ་དུ་མཐོང་ཞིང་། གསུང་རྒྱུན་ཞལ་ཤེས་ལག་འཁྲིད་དུ་བྱས་པ་འདི་ནུབ་ཀྱི་དོགས་པས་བཟང་པོ་རྒྱལ་མཚན་བདག་གིས་ཡི་གེར་བཀོད་པ་མཁའ་འགྲོ་ཆོས་སྐྱོངས་རྣམས་ཀྱིས་བཟོད་པར་མཛད་དུ་གསོལ།
༈ བླ་མ་དམ་པའི་ཞབས་ལ་ཕྱག་འཚལ་ལོ། དེ་ཁོ་ན་ཉིད་ཀྱི་བརྟེན་གྱི་སྐབས་སུ། རང་ཉིད་ལྷག་པའི་ལྷ་ཡི་དམ་གང་རུང་དུ་གསལ་ནས། རང་གི་སྙིང་ཀར་གསལ་བའི་ཌ་ཀི་མ་གསལ། དེའི་ཐུགས་ཀར་ཆོས་འབྱུང་གྲུ་གསུམ་གྱི་དབུས་སུ་མགོན་པོ་མཚོན་གང་ཙམ་གཅིག་གསལ་གཏབ་ནས་དེ་ལ་གདུང་ཤུགས་དྲག་པོས་གསོལ་བ་འདེབས་པའོ།
།སྲོག་འཁོར་ཆེན་མོའི་བྲི་ཐབས་ནི། རོ་རས་སམ་ཤོག་བུ་ལ་མགོན་པོའི་སྐུ་ལེགས་པར་བྲིས་ནས། ༡ ཐོག་མར་ལྟེ་བ་ལ་མི་སྤྱོད་པའི་སྐུ་སེར་བཞིའི་གང་བབས་བྲི་དེའི་ཐུགས་ཀར་ཧཱུྃ་བྲིའོ། ༢ དེའི་ཕྱི་མུ་ཁྱུད་གཉིས་པ་ལ་མི་སྤྱོད་པའི་མདུན་ནས་སྔགས་མགོ་ཙམ་སྟེ། ཨོཾ་བཛྲ་མཧཱ་ཀཱ་ལ་ཀྵིཾ་ཀྵེ་ཊ་བྷིག་ནན་བི་ན་ཡ་ཀ་ཧཱུྃ་ཧཱུྃ་ཕཊཿ བདག་བསྒྲུབ་པ་པོ་འདི་ཞེས་བྱ་བ་ལ་ལུས་དང་གྲིབ་མ་བཞིན་དུ་འགྲོགས་ནས་མཆོག་དང་མཐུན་མོང་གི་དངོས་གྲུབ་སྩལ་དུ་གསོལ། ཞེས་པའམ་རིངས་རིག་པས་སྦྱར། དེས་གཞན་རྣམས་ཀྱི་སྔགས་ཀྱི་ཁ་བསྒྱུར་རིག་པས་མཚུངས། ༣ དེའི་ཕྱི་རོལ་མུ་ཁྱུད་ཡང་ས་གཅིག་བསྐོར་ནས་དེའི་ནང་བསྐོར་རྩིབས་བརྒྱད་ལེགས་པར་བྲིས། ཐོག་མར་མདུན་ནས་གསང་བའི་ཌ་ཀི་མ་དམར་མོ་གཡས་གྲི་གུག་གཡོན་ཐོད་ཁྲག །དེ་ནས་རྩིབས་རྣམས་གཡས་བསྐོར་དུ་རིམ་པ་བཞིན་དུ་ལྷ་མོ་ཕྱག་བཞི་མ་དང་ཕྱག་གཉིས་མ། ཀྵེ་ཊ་པ་ལ། དེའི་ཡུམ། ཛི་ན་མི་ཏྲ། ཊ་ཀི་རཱ་ཛཱ། ཏྲཀྴད་རྣམ་མགོ་ཕྱི་ལ་བསྟན་ནས་སྐུ་མདོག་ཕྱག་མཚན་རྣམས་གཞུང་བཞིན་བྲིའོ། །དེ་བརྒྱད་ཀྱི་ཐུགས་ཁར་ཙཀྲ་རྩིབས་དྲུག་ལ་སོ་སོའི་ས་བོནའམ་སོ་སོའི་སྔགས་ཁྱོན་དང་བསྟུན་ནས་བྲིའོ། ༤ །དེའི་ཕྱི་རོལ་གྱིས་མུ་ཁྱུད་ལ་བླ་མ་རྣམས་ཀྱི་མཚན་རྡོ་རྗེ་འཆང༌ནས་རང་གི་རྩ་བའི་བླ་མའི་བར་རམ་གང་འདོད་སྦྱར། རྒྱལ་བ་རྡོ་རྗེ་འཆང་ཆེན་པོ་ལ་གསོལ་བ་འདེབས་སོ། བདག་ལ་བྱིན་གྱིས་བརླབས་ཏུ་གསོལ། དེས་གཞན་ལ་རིགས་འདྲེའོ། ༥ །དེའི་ཕྱི་རོལ་མུ་ཁྱུད་ལ་ལིང་ཙེ་བཅུའི་བཅད་ནས་ལིང་རྩེ་རེ་རེའི་ནང་དུ་ཌ་ཀི་མ་སྐུ་མདོག་དམར་མོ་གཡས་ཌ་མ་རུ་དང་གཡོན་ཐོད་པ་བདུད་རྩིས་གང་བ་འཛིན་པ། ཞབས་གཡས་སྐུམ་གཡོན་རྐྱང་བ། ཐུགས་ཀར་ཧྲིཿ སྐུའི་གཡས་གཡོན་དུ་ཚེག་དྲག་རེ་བྲིའོ། ༦ །དེའི་ཕྱི་རོལ་མུ་ཁྱུད་ལ་ན་ར་ཀྲིཾ་ཀྲིཾ་ལ་འདོད་གསོལ་རིག་པས་སྦྱར། ཚར་མང་ཉུང་རིག་པས་དཔྲད། ༧ །དེའི་ཕྱི་རོལ་པདྨ་འདབ་མ་བཅུ་ལ་ཕྱོགས་སྐྱོངས་བཅུ་བཀོད། སྐུ་མདོག་ཕྱག་མཚན་བསྟོད་བསྐུལ་ལྟར་བྱའོ། ༨ །དེའི་ཕྱི་རོལ་མུ་ཁྱུད་ལ་ཨོཾ་ཨཀ་ན་ཡེ་སྭཱ་ཧཱ། ཅེས་སོགས་རིམ་པས་བྲིས་ནས་འདོད་གསོལ་སྦྱར། ༩ །དེའི་ཕྱི་རོལ་མུ་ཁྱུད་ལ་མགོན་པོའི་ཕྱག་མཚན་དྲུག་གཡས་དང་གཡོན་རིམ་པ་བཞིན་ཏུ་བཀོད། ༡༠ །དེའི་ཕྱི་རོལ་མུ་ཁྱུད་ལ་ཤ་ས་ན་ལ་འདོད་གསོལ་རིག་པས་སྦྱར། ༡༡ །དེའི་ཕྱི་རོལ་མུ་ཁྱུད་ལ་ཕྱོགས་བཞིར་རྒྱལ་ཆེན་བཞིའི་སྐུ་སྤྱི་འགྲོ་ལྟར་བྲིས། རྒྱལ་ཆེན་རྣམས་ཀྱི་སྐུའི་བར་འཚམས་ལ་འོད་ཟེར་ནི་མེའི་རྣམ་པའི་་་་་་རིས་བྲིས་པའི་འཚམས་སུ་འཁོར་ལྔའམ་བདུན་གྱི་ཕྱག་མཚན་བཀོད་ནས་བྲིས། ༡༢ དེའི་ཕྱི་རོལ་མུ་ཁྱུད་ལ་ཡེ་དྷརྨ་འདོད་གསོལ་བཅས་བྲིའོ།
།བརྡབ་ཆོག་ནི་ལྷའི་སྐུ་དང་སྔགས་ཀྱི་མགོ་གཏད་ཚུལ་སྔ་མ་ལས་བཟློག་སྟེ་བྲིའོ། །འདོད་གསོལ་ལས་དང་བསྡུན།
བེ་བུམ་ནག་པོའི་ལིང་ག་བྲི་ཐབས་ནི། རོ་རས་འམ་དུག་ཤོག་ལ་ལིངྒ་མཚན་ཉིད་ཚང་བ་བྲིས་པའི་ལྟེར་་་་་། དེའི་མཐར་དགྲའོ་འདི་ཞེས་བྱ་བའི་ལུས་ངག་ཡིད་གསུམ་ཨཾ་ཀུ་ཤ་ཛ་ཛའི་གང་བདེར་བྱའོ། །དེའི་ཕྱི་རོལ་མུ་ཁྱུད་ཡང་པ་ཅིག་བསྐོར་ནས། ཕྱེད་དགོས་པའི་རྩིབས་བཅུ་བཅུ་བཀོད་ནས་རྩིབས་རྣམས་པོ་འཐབ་པ་བྲི། སོ་བར་ལ་དགྲོའི་འདི་ཞེས་བྱ་བ་མཱ་ར་ཡ་ཧཱུྃ་ཕཊ། རྩིབས་སོ་རེ་ལ་རྩ་སྔགས་འབྲུ་བཅུ་གཡས་བསྐོར་དོང་ཁ་ནང་ལྟ། དེའི་ནང་མའི་སྔགས་འབྲུ་བཅུ་རྩིབས་རེ་ལ་གཡོན་བསྐོར་མགོ་ཕྱིར་ལྟ་བྲིའོ། །དེའི་ཕྱི་རོལ་རྩིབས་ལྔ་མགོ་ནང་ལྟ་བྲིའོ། །རྩིབས་རྣམས་རིམ་པ་བཞིན་ལྷ་མོ་དང་གནོད་ནི་བཞིའི་སྔགས་ཀྱི་འཇུག་ཏུ་དགྲའོ་འདི་ཞེས་བྱ་བ་མཱ་ར་ཡ་ཧཱུྃ་ཕཊ། སྔགས་མགོ་ནང་བསྟན་བྲིའོ། །རུ་པའི་མགོའི་ཐད་དུ་སྔགས་མགོ་བསྟན་ལ་ཤ་ས་ན་སྤེལ་ཚིག་དང་བཅས་པ་བྲིའོ། །དེའི་ཕྱི་རོལ་ཛ་དང་ཁྲམ་བྲིའོ།
།གྲོང་ཁྱེར་དཀྲུག་པའི་འཁོར་ལོ་ནི། དུག་ཤོག་ལ་མུ་ཁྱུད་ཡང་ས་གཅིག་བསྐོར་ནས། དེ་ལ་རེ་མིག་དགུ་བཅད། དབུས་སུ་རྒྱལ་པོའི་རུ་པ། རེ་མིག་བརྒྱད་ལ་བློན་པོའི་གྲོས་བྱེད་པའི་འཁོར་རྣམས་རྒྱལ་པོ་ལ་མགོ་བཏད་ནས་བྲིའོ། །དེ་རྣམས་ཀྱི་སྙིང་ཁར་དགྲའོ་འདི་ཞེས་བྱ་བ་ཨ་ཀར་ཥ་ཡ་བྷེ་ཤ་ཞེས་སིགས་བྲིའོ། །མན་ངག་བཞིན་དུ་སྟེབ་ནས་གཏོར་ཆེན་ནང་དུ་འཇུག་གོ །ལིངྒ་འདི་རྣམས་ལ་ཁ་སྦྱོར་དབྱེ་བ་བྱེད་པ་གལ་ཆེའོ།
།ལུས་ངག་ཡིད་གསུམ་དབབ་པའི་སྐབས་སུ་གཞན་གོ་སླ། མྱོས་བྱེད་ཁུ་བས་ཞེས་པ་ད་དུ་རའི་ཁུ་བ་ལ་བྱེད། མངར་གསུམ་ནི་ཀ་ར་བུ་རམ་སྦྲ་རྩི། ཟ་འོག་ནི་དགེ་སྣོང་སྡོམ་པ་ཉམས་པའི་དྲི་ཆེན།
ཡང་རིགས་ཅིག་ལ་རྩིབས་ཉི་ཤུ་མི་བྱེད་པར། རུ་པའི་ལྟོ་བར་དབུས་སུ་ཟླུམ་པོ་ཡང་ས་ཅིག་བསྐོར། དེ་ཕྱི་རོལ་དུ་གྲིག་བཞི་པོ་ཕྱི་ལ་བསྟན་ནས་ལྟེ་བར་ཧཱུྃ། སོ་ནང་དུ་བཛྲ་མཧཱ་ཀཱ་ལའི་དགྲ་བགེགས་མར་ར་ཡ་ཧཱུྃ་ཧཱུྃ་ཕཊ་ཕཊ། དེའི་ཕྱི་རོལ་རྩིབས་ལྔ་དང་ཤ་ས་ན་བཀོད་ལུགས་འདྲའོ། །རེ་ཞིག་རྫོགས་སོ།

༈ དཔལ་ཡེ་ཤེས་ཀྱི་མགོན་པོ་ཕྱག་དྲུག་པའི་ཆོས་བསྐོར་ལས། བསྲུང་བཟློག་བསད་གསུམ་གྱི་མན་ངག་ཞལ་གདམས་དང་བཅས་པ་བཞུགས་སོ།
གུ་རུ་མཧཱ་ཀ་ལ་ལ་ན་མོ། མྱུར་མཛད་ཡེ་ཤེས་ཀྱི་མགོན་པོའི་སྒོ་ནས་བསྲུང་བཟློག་བསད་གསུམ་གྱིས་སྒོ་ནས་ལས་ཁ་ཚར་དང་བཅས་བསྲུང་བའི་མན་ངག་ལས་མ་གསལ་བར་ངག་ནས་རྒྱུད་པ་རྣམས་ཕྱོགས་གཅིག་ཏུ་བྲི་བར་བྱ་བ་ནི། བསྲུང་བ་རྡོ་རྗེའི་ཆར་འབེབས་ལ། གུ་རུ་མཧཱ་ཀ་ལ་ས་པ་རི་ཝ་ར་བཛྲ་ས་མ་ཛཿན་མོ་གུ་རུ་བྷྱེ། ན་མོ་ཤྲིར་མཧཱ་ཀ་ལ་བྷྱེ། གུ་རུ་མཧཱ་ཀ་ལ་ས་པ་རི་ཝ་ར་ཨརྒྷཾ་ནས་ཤཔྟའི་བར་བརྗོད་ལ་སྡོམ་པ་བཟུང་། བསོད་ནམས་ཀྱི་ཚོགས་བསགས་ནས་ཚོགས་ཞིང་ཡེ་ཤེས་པ་རྣམས་བདག་ལ་ཐིམ་པར་གྱུར། དེ་ནས་བསྲུང་འཁོར་དུ་བཤད་པ་ལྟར་བསྒོམས་ལ། རྡོ་རྗེ་ར་བའི་ཕྱིར་རོལ་གྱི་ཤར་དུ་མགོན་པོ་སྐུ་མདོག་མཐིང་ནག་ཞལ་གཅིག་ཕྱག་གཉིས་གཡས་རལ་གྲི་དང་གཡོན་ཕུག་འཛིན་པ། ལྷོར་མགོན་པོ་མཐིང་ནག་ཞལ་གཅིག་ཕྱག་གཉིས་གཡས་ནེའུ་ལེ་སྐུ་ལ་བརྟེན་ཅིང་གཡོན་ཐོད་ཁྲག་འཛིན་པ་དར་ནག་པོའི་འཇོར་བེར་གསོལ་བ། ནུབ་ཏུ་རེ་མ་ཏི་ནག་མོ་ཞལ་གཅིག་ཕྱག་གཉིས་གཡས་རལ་གྲི་དང་གཡོན་སྐྲ་དང་བཅས་པའི་ཐོད་ཁྲག་འཛིན་པ་གཅེར་མོ་ཁྲག་གིས་ཐིག་ལེས་རྒྱན་པ། བྱང་དུ་མགོན་པོ་གྲི་གུག་ཅན་གཡས་གྲི་གུག་གཡོན་ཐོད་པ་འཛིན་པ། བཞི་ཀའང་ཞལ་གདང་ཤིང་མཆེ་བ་རྩིགས་པ། སྤྱན་གསུམ་མར་ལ་ཟླུམ་པ་མི་མགོ་སྐམ་པོ་ལྔས་རྒྱན་པ། རློན་པ་ལྔ་བཅུ་ཡིས་དོ་ཤལ་ཅན། ཞབས་གཡས་སྐུམས་ཤིང་གཡོན་རྐྱངས་པའི་གར་སྟབས་ཅན། ཤར་ལྷོར་ཀྵེ་ཊ་པ་ལ་མཐིང་ནག་གཡས་སྒྱུ་མའི་ཞགས་པ་དང་གཡོན་སྡིག་འཛུབ་མེ་འབར་བ། བྱང་ཤར་དུ་ཏྲཀྵ་ཤད་ནག་པོ་ཞལ་གཅིག་ཕྱག་གཉིས་གཡས་རུ་མཚན་དམར་པོ་དང་གཡོན་ཐོད་ཁྲག་འཛིན་པ་རྟ་ནག་རྟིང་དཀར་ལ་ལྕིབས་པ། བཞི་ཀའང་མི་མགོ་སྐམ་པོ་ལྔས་བརྒྱན་པ། རློན་པ་ལྔ་བཅུའི་དོ་ཤལ་ཅན་སྤྲུལ་པ་དུ་མ་འཕྲོ་ཞིང་། གནོད་སྦྱིན་དཔག་ཏུ་མེད་པས་བསྐོར་བའོ། །སྟེང་གི་ནིར་རྡོ་རྗེ་འཆང་ལ་རྒྱུད་པའི་བླ་མ་རྣམས་ཀྱི་བསྐོར་བ། ཤར་དུ་སྤྱན་རས་གཟིགས་མདྨ་འཛིན་པ། ལྷོར་ཚེ་དཔག་མེད་མགོན་པོ་སྐུ་མདོག་སེར་པོ་གཡས་ལྕགས་ཀྱུ་གཡོན་བུམ་པ་འཛིན་པ། ནུབ་ཏུ་རྣལ་འབྱོར་མ་དམར་མོ་གྲི་གུག་དང་ཐོད་པ་འཛིན་པ། བྱང་དུ་སྒྲོལ་མ་ལྗང་ཁུ་ཨུཏྤ་ལ་དང་མཆོག་སྦྱིན་ཕྱག་རྒྱ་མཛད་པ། བཞི་ཀའང་བཞེངས་པ་ཡུམ་གཉིས་ནུ་མ་འབུར་ཞིང་བཞད་པའི་ཉམས་དང་ལྡན་པ། ཡབ་གཉིས་ཁྲོ་ཞིང་འཛུམ་པའི་རྣམ་པ་ཅན། རང་འདྲའི་སྤྲུལ་པ་དུ་མ་འཕྲོ་བར་གྱུར། དེ་དག་གིས་ཞེས་པ་ནས་ཧཱུྃ་གིས་མཚན་པ་ཧཱུྃ་ལས་འོད་ཟེར་འཕྲོས་པས། བསྲུངས་བའི་འཁོརལ་ལོ་མགོན་པོའི་ཚོགས་དང་གན་ཡང་སངས་རྒྱས་དང་བྱང་ཆུབ་སེམས་དཔའི་ཚོགས་དཔག་ཏུ་མེད་པ་ཁྲོ་བོ་དང་ཁྲོ་མོའི་རྣམ་པར་སྤྱན་དྲངས། ཨོཾ་ཤྲི་མཧཱ་ཀ་ལ་ས་པ་རི་ཝ་ར་ཨེ་ཧྱེ་ཁྲིཾ་ཉེར་གཅིག་གིས་སྤྱན་དྲངས་ལ་མཆོད། ཛཿཧཱུྃ་བཾ་ཧོཿ བསྙེན་པ་བྱ། དེ་ནས་དམིགས་པ་གསལ་གདབ་རང་གི་མདུན་རྒྱབ་རྣམས་སུ་ཡེ་ཤེས་པ་བཞུགས་པ་དང་བསྲུངས་བྱ་རྣམས་དུས་མཉམས་གཅིག་ཏུ་གནས་པར་བསམ་མོ། །ངག་ཏུ་ཨོཾ་བཛྲ་རཀྵ་ཧཱུྃ་རཀྵ་ཧཱུྃ། རྡོ་རྗེའི་ཕྱི་སྡམ་དང་བསྲུངས་འཁོར་བསྟེན་པར་བྱས། རྡོ་རྗེའི་ཆར་འབེབས་ཐུན་མོངས་བའི་ཞལ་ཤེས་སོ།
།ཐུན་མོངས་མ་ཡིན་པ་ནི། རང་གི་སྙིང་ཀར་ཉི་མའི་དལ་གྱིས་སྟེང་དུ་རྟ་མཆོག་དམར་པོ་རྟ་སྐད་བཞད་པ་ཞལ་གཅིག་ཕྱག་གཉིས་གཡས་ཐོད་དབྱུག་གཡོན་ཞག་པ་འཛིན་པ་ཞབས་གཉིས་དོར་སྟབས་ཀྱི་བཞེངས་པ། སྐུ་ལས་འོད་ཟེར་འཕྲོ་བ། དེའི་ཐུག་དཀར་རྡོ་རྗེ་གཏུམ་པོ་སྐུག་མཐིང་ནག་ཞལ་གཅིག་ཕྱག་གཉིས་པ་གཡས་རྡོ་རྗེ་དང་གཡོན་སྡིག་འཛུབ་མཛད་པ། རྡོ་རྗེའི་དཀྱིལ་དཀྲུང་གིས་བཞུགས་པ། དེའི་ཐུགས་ཁར་ཐོད་པའི་གའུ། དེའི་ནང་དུ་རིན་པོ་ཆེའི་བུམ་པ། དེའི་ཐུགས་ཁར་འོད་དཔག་མེད། བུམ་པའི་ནང་དུ་རང་གི་རྣམ་པར་ཤེས་པ་ཁ་ཊཾ་རྩེ་གསུམ་གཅིག་ཏུ་བསམ། རྩ་བར་གང་བསྲུངས་བ་དེའི་མིང་ཡིག་དང་པོ་བསམ། ཐུན་མོངས་མ་ཡིན་པའི་ཞལ་ཤེས་སོ།
༈ ཤིན་ཏུ་ཅེས་པའི་མན་ངག་ནི། ཤེས་རབ་ཆེ་ན་ངག་ཏུ་མི་བརྗོད་པར་ཡིད་ཀྱིས་གསལ་གདབ། བློས་མ་ཅོག་ངག་ཏུ་འདོན་མི་ནུས་ན་རང་་་་་་་་བ་དང་། ཕ་རོལ་གྱི་རྦོད་སྟོང་ཡོད་པའི་རྟགས་བྱུང་ན་ཐོད་པ་ཁ་སྦྱོར་གྱིས་གུར་ཁང་གི་ནང་དུ་རང་གི་ལུད་པོ་འདི་ཁྲོ་ལས་གྲུབ་པའི་རྡོ་རྗེ་རྩེ་དགུ་པར་བསམ། དེའི་ལྟེར་ཁ་ཊཾ་ག་སྔར་དང་འདྲ། མཚན་མོ་ཡིན་ན་གཉིད་ལོག་པར་ཁ་ཊཾ་གིས་རྩེ་དབུས་མའི་རྩེ་མོར་ཧཱུྃ་ཡིག་མཐིང་ག་གཅིག་བསམ་ལ་དེ་ལ་སེམས་འཛིན་ལ་གཉིས་ལོགས་གསུངས་པའི་ཞལ་ཤེས་མ་ལུས་པ་རྫོགས་སོ།
༈ བཟློག་པ་སྟོབས་ཆེན་བ་ཤུག་བཟློག་གིས་ཞལ་ཤེས་ནི། རང་གིས་ངག་ཏུ་ཧཱུྃ་གི་སྒྲ་སྒྲོགས་ཏེ་མགོན་པོ་རྣམས་ཀྱིས་ཞལ་ཕྱིར་གཟིགས་ཕྱིང་གིས་ལྷ་ཐམས་ཅད་ཀྱིས་སྒྲ་འབྲུག་ལྟར་སྒྲོག་པར་བསམ། རྡོ་རྗེའི་ར་གཅིག་ཏུ་གནས་པའི་ནང་ཐམས་ཅད་བར་འཚམས་མེད་པར་དུམ་བུ་གཅིག་ཏུ་གྱུར། བླ་བྲེས་ཀྱི་རྡོ་རྗེའི་ར་རྩེ་རྣམས་མཐུར་དུ་བསྟན། བར་གྱི་རྡོ་རྗེ་ཕྱེད་པའི་སྣེ་མོ་གྲི་གུག་གི་ཕྲེང་བས་འཁོར་ཡུག་ཏུ་འཁོར་བ་ལ། འཁོར་ལོའི་རྩེ་མོ་རེག་པ་ཙམ་གྱི་རྩིབ་བར་དུ་ཎི་ལྗང་ཁུ་ལས་བྱད་མ་ལུས་རིད་པ་སྐྲ་འཛིངས་པ་ལུས་ལ་ཤུ་བ་འཁོར་བ་མགོན་སྐྱབས་དང་བྲལ་བ་སྤྱི་བོ་ས་ལ་བརྩུགས་པར་བསམ། འཁོར་ལོ་མྱུར་ལ་དྲག་ཏུ་འཁོར་བས་ཁོའི་དུགས་གསུམ་གྱི་སྒྲིབ་པ་སྦྱངས་ནས་རྣམ་ཤེས་པདྨ་ཅན་དུ་འཕོ་ནས་ཤ་རུས་དམར་ཐཽར་སོང་བ་གཏོར་མར་གྱུར་པར་བསམ་ལ། བསྒྲལ་བའི་ལས་དྲུག་གི་དམིགས་པ་བྱེད། གཏོར་མ་དེ་མཚོན་ཆར་བསམ་ལ་ཁོ་ཡི་ལུས་ཀྱི་དབུས་སུ་སྲོག་གི་རྟེན་ཏིལ་དམར་གྱི་མར་མེ་ལྟ་བུ་དེ་ལ་རྒྱབ་པས་ནག་ཐུམ་གྱི་གཏང་བར་བསམ་ལ་གཏོར་ཆུང་བཏེག །དེང་དུས་མཉམ་དུ་བཀའ་བསྟོད་བརྒྱད་ལ་སོགས་པ་རྣམས་ཀྱི་ཤ་ཁྲག་ལྷག་མ་མེད་པར་གསོལ་བར་བསམ། རྣམས་ཤེས་སྤར་བ་གོ་དང་འདྲ། རླུང་ལས་ནི་འཁོར་ལོ་དཔེ་ཆུང་ལྟར་བྲིས་ལ་རབ་ཏུ་གནས་པའི་ཆོ་ག་བྱས་རང་གིས་ལོ་བདུད་སྟེང་དུ་འཁོར་ལོ་བསྐོར། ཨྀཐི།།
༈ གསད་པ་དུག་མདའ་ནག་པོའི་ཞལ་ཤེས་ནི། ཐུན་མོངས་བ་གོང་དང་འདྲ། ཐུན་མོངས་མ་ཡིན་པ་ནི། འཁོར་ལོའི་འོག་གི་རྭ་རྩེ་གྲི་གུག་གི་འཁོར་ལོ་སྙིང་དཀར་ནག་འཚམས་སུ་འཁོར་ཚུལ་འཁོར་ལོ་བསྐོར་བ་དེ་འདྲ་བས་སོ། །སྲོག་རྩ་རྦད་རྦད་བཅད་པར་བསམ་ལ་སྔགས་དྲག་ཏུ་བརྗོད། འཁོར་ལོ་དཔེའུ་ཆུང་ལྟར་བྲིས་ནས་གྲི་གུག་གི་སྟེང་དུ་འབྱུང་འཇུག་ཞལ་ལས་འབྱུང་བ་ལྟར་བཀོད་ལ་བཟློག་པའི་འཁོར་ལོའི་འཕགས་སོར་བསྐོར་འདི་ཡི་ཁ་ཚར་བྱད་མ་ཚོགས་སུ་ཟ་བ་སོགས་གན་དུ་ཡོད་དོ།
།ཐུན་མོངས་མ་ཡིན་པའི་ཞལ་ཤེས་ནི། གྲུ་གསུམ་དངོ་གྲུས་པའི་ནང་དུ་ལིངྒ་སྔགས་ཀྱི་བསྐོར་བར་བྱད་མ་དགུག་བཞུགས་བྱས་ཏེ། ཤིང་སྐྱེར་ས་ལ་བྱས་ལ་གྲིག་གི་སྔགས་རིང་ཐུང་ཤམ་བུ་དང་བཅས་པ་བྲིས་ལ་སྙིང་ཁར་བཞུགས། དེའི་སྟེང་དུ་ཨ་ལི་ཀ་ལི་རྟེན་འབྲེལ་སྙིང་པོ་མགོན་པོའི་སྔགས་རིང་ཐུང་རྣམས་གྲིག་གི་དུག་ཤོག་གི་གྲོ་ག་ལ་བྲིས་ལ་ཡིག་འབྲུ་རྣམས་མ་འབྲེལ་བ་བཏུབ་ཐུན་རྫས་རྣམས་དང་སྦྱར་ལ་ཆོས་སྲུང་བཀབ། དེའི་ཁར་གཡང་གཞི་སྡེབ་ཆོག་གི་འཁོར་ལོ་ཡོད་ན་བཀབ། མེད་ན་སྟེང་དུ་དྲག་གཏོར་བཞག་ལ་ཐུན་གཏོར་འབུལ། འདིས་བྱད་མ་སྔར་མེད་ཀྱང་ཕྱིས་འབྲས་ནས་མི་དང་མི་མིན་གང་གིས་བྲུབས་ཀྱང་རང་བྲུབ་ཐེ་མདེ་དེ་གདོན་མི་ཟའོ།
།ཡང་བཟློག་བསྲུངས་བ་སྟོབས་སྐྱེད་ཀྱིས་ཞལ་གདམས་ལ། རང་གི་རྦད་པ་དེ་ཁའི་བཟློག་ན་བྱའི་གན་མི་དགོས་སོ། །བཟློག་པའི་རྟགས་བྱུང་ན་ལས་མཁན་དེའི་སྤྱི་བོར། གན་བཞུགས་དུ་གསལ། མགོན་པོའི་ཐུགས་ཁར་རང་གི་ཡི་དམ་དེ་ཤིན་ཏུ་འཕྲོས་པར་བསམ། རང་གི་ཐུགས་ཀ་ནས་འོད་ཟེར་འཕྲོས་པས་རྒྱུད་དེ་བཞིའི་ལྷ་ཚོགས་རྣམས་སྤྱན་དྲངས་པ་ཡི་དམ་དེ་ལ་བསྟིམ། ཁྲིཾ་ཉེར་གཅིག་གིས་ཡེ་ཤེས་པ་སྤྱན་དྲངས་ལ་མགོན་པོ་ལ་བསྟིམ། རིགས་ལྔ་དང་རྒྱུད་པའི་བླ་མ་རྣམས་སྤྱན་དྲངས་ལ་་་་་་་་་་་་་་་ལ་བསྟིམ། དེ་ནས་གསོལ་གདབ་དམིགས་པ་ཤིན་ཏུ་གསལ་བས། མགོན་པོ་ལུས་ཀྱི་རྒྱབ་ཏུ་གོས་གྱོན་པ་ལྟ་བུར་གྱུར་ནས་སྔར་ལས་གཟི་བརྗིད་འབར་བ་བསམ། དུས་གཅིག་ཏུ་་་་་་་་་་་་་ཁོའི་སྤྱི་བོར་སླེབ་པ་ན་རྡོ་རྗེ་རྩེ་ལྔ་པ་གཅིག་ཏུ་གྱུར་བསམ། ཕྱག་མཚན་དཔག་ཏུ་མེད་པ་སྤྱན་དྲངས་ཁོའི་ཕྱག་མཚན་བསྟིམ། རང་ཡི་དམ་དུ་གསལ་བའི་ལྟེ་བ་མན་ཆད་བཀའ་སྡོད་གནས་པ་ལ་རང་གི་བཀའ་སྒོ་བ་ཉན་ཅིང་གོས་ཡར་ལ་ལྟ་མི་ནུས་པར་བསམ། སྔགས་བཟླས་ཚུལ་གཞུང་དུ་གསལ། རང་གི་ལྕེའི་སྟེང་དུ་ཨ་ལི་ཀ་ལིའི་འཕྲེང་བ་བསམ་ནས་ཉེར་གཅིག་བརྗོད་པས་ངག་བྱིན་གྱིས་སླབས། རྟེན་འབྲེལ་སྙིང་པོ་བདུན་གྱི་ངག་གི་ནུས་པ་བརྟེན་པར་བྱས། བདེན་པ་བརྡར་དམ་ཚིག་སྒྲགས་མ་ཉེས་པའི་དཔངས་གཟུགས། ཁོའི་ཉེས་པ་བརྗོད།
ཐུན་མོངས་མ་ཡིན་པའི་ཞལ་ཤེས་ནི། སྔགས་མཁན་འཁུ་བཟློག་གི་རྟགས་མིན་པ་མི་བྱེད་པ་ནི། རང་ཡི་དམ་ཡེ་ཤེས་ཀྱི་མགོན་པོར་གསལ་བའི་ཐུགས་ཀའི་ཧཱུྃ་ལས་ཧཱུྃ་གཅིག་ཆེད་འོད་ཟེར་ཚ་ལ་རྩུབ་པ་འཕྲོ་བ་དང་བཅས་པ་ཡར་བྱུང། ཁོའི་སྣ་བུག་གཡས་སུ་མགོ་བོ་ཐུར་དུ་བསྟན་ནས་སོང་། སྙིང་ཁར་སླེབ་པ་དང་ཁོའི་སོན་ལ་ཧཱུྃ་གིས་ཞབས་ཀྱུས་ལྕགས་ཀྱུ་གཏབ་པ་ལྟར་དྲངས་ཏེ་ཡར་བྱུང་ནས་སྣ་བུག་གཡོན་ནས་ཐོན། རང་གི་གཡས་ནས་བཞུགས་ནས་ཧཱུྃ་ལ་ཐིམ་པར་བསམ། དེ་ནི་སྲོག་འཕྲོག་པའོ།
།ལས་མཁན་མྱང་བའི་ཞལ་ཤེས་ནི། རང་གི་ཐུགས་ཁ་ནས་འོད་ཟེར་ཁོ་ལ་ཕོག །ཁོ་འོད་དུ་ཞུ་བ་ལས་རང་གི་སོན་དུ་བསྒོམ། ས་བོན་དེ་ཡོངས་སུ་གྱུར་པ་ལས་མགོན་པོར་བསམ། དེའི་ཞབས་འོག་ཏུ་ཁོ་མགོ་ལྟེབ་ནས་ཞབས་ཀྱི་མགོ་བོ་མནན་པར་བསམ། ཁོ་མ་བཟོད་ནས་སྲོག་སྙིང་ཕུལ། དེས་ལས་བྱེད་པར་ཁས་སླངས་པར་བསམ་ལ་གོང་གིས་སྟོབས་སྐྱེད་ཡང་ཡང་བྱས་ལ་དེ་ནས་ལས་ལ་སྦྱར། ཡང་བཟློག་མན་ངག་མ་ལུས་པ་རྫོགས་སོ།
།སླར་བཟློག་ཉམས་པ་ཀུན་བསོའི་མན་ངག་ནི། གན་རྣམས་གཞུངས་དུ་གསལ། རྡོ་རྗེའི་ཡར་རྩེ་རྭ་ལྔ་རིག་ལྔར་བསམ། མར་རྩེ་རྭ་ལྔ་ཡུམ་ལྔར་བསམ། ཡི་དམ་དུ་གསལ་བའི་སྤྱི་བོར་སྣ་ཚོགས་རྡོ་རྗེ་རྐང་མཐིལ་རྡོ་རྗེའི་ས་གཞི། རྩིབས་ལོགས་རྡོ་རྗེའི་རྭ་བ། ལྤགས་པ་རྡོ་རྗེའི་གུར་དང་བླ་བྲེས། བ་སྤུ་མདའི་དྲ་བ། སྐྲ་སེན་ཡེ་ཤེས་ཀྱི་མེ་རབ་ཏུ་འབར་བ། ཐུན་མོང་གི་ལུས་ཀྱི་བསྲུང་འཁོར། ཐུན་མོང་མ་ཡིན་པའི་ལུས་ཀྱི་བསྲུང་འཁོར་ནི། གོ་ཆའི་ལྷ་བཀོད་རྩིང་། ཁྲོ་བཅུ་ལུས་ལ་བཀོད་ནས་ཡི་གེ་བརྒྱ་པ་བརྗོད་ལ་ཨ་ལི་ཀ་ལིའི་ཁྱབ་བྱང་ལྟ་བུ་ལ། འོད་ཟེར་རྒྱུན་ཐག་ལྟ་བུ་བྱས་པའི་གོ་ཁྲབ་ལུས་ལ་གྱོན་པར་བསམ། རླུང་གི་ལས་སྦྱོར་གོང་ལྟར་བྱའོ། །སླར་བཟློག་མན་ངག་མ་ལུས་པ་རྫོགས་སོ། །འདི་ཡིས་མན་ངག་མ་ལུས་པ་མཁས་གྲུབ་རིན་པོ་ཆེའི་ཞལ་ལས་རྒྱུད་ཅིང་། བསོད་ནམས་མཚན་ཅན་གྱི་གསུངས། ལས་ཇི་ལྟར་བྱུང་བ་རྣམས་བརྗེད་ཀྱི་དོགས་ནས་ཡི་གེར་བྲིས་པའོ། །བསྟན་བསྲུངས་རྣམས་ལ་བཟོད་པར་གསོལ།
སངས་རྒྱས་མཉན་སྟོན་གྱི་ངག་སྐྲོལ་བའི་ལུགས་ལ། སྟོང་ཉིད་ཀྱི་ངང་ལས་རང་གི་ལྕེ་རལ་གྲི་སོར་བཞི་པར་བསྒོམ། དེའི་ཆང་ཟུང་ཀྱི་ནང་དུ་ཡིག་གེ་ཏྲཾ་ལྗང་ཁུ་གཅིག་བསམ། དེ་ལས་འོད་འཕྲོས་པའི་འཇིག་རྟེན་དང་འཇིག་རྟེན་ལས་བཟླས་པའི་དངོས་གྲུབ་ཐམས་ཅད་ཐོབ་པར་བསམ་ལ་ཨོཾ་ཏྲཾ་ཧྲིཿཀ་པ་ལ་རཀྵ་རཀྵ་སྭ་ཧཱ། ཉིན་རེ་ལ་ལན་བདུན་བདུན་བརྗོད་ན་ངག་ནུས་པ་དང་ལྡན་པར་འགྱུར་རོ། །སངས་རྒྱས་མཉན་སྟོན་ལུགས་ཀྱི་ངག་སྐྲོལ་ལོ།

༈ མཧཱ་ཀ་ལ་ལ་ན་མོ། བེ་བུམ་ནག་པོར་བག་ཟན་ལ་དྲག་པོ་ནག་པོས་ཁ་སྒྱུར་པའི་བྱ་རོག་གསུམ་གྱི་གཟུགས་གཏོར་མའི་ལོགས་གསུམ་ལ་གཙུགས་ཞེས་པའི་སྐབས་སུ། གཤིན་རྗེ་གཤེད་ཀྱི་སྒོ་ནས་གཟི་མདངས་བསྐྱེད་ལ། བདག་ཉིད་ཀྱི་ཐུན་མོང་པའི་སོན་ལས་འོད་ཟེར་རབ་ཏུ་འཕྲོས་པས་མགོན་པོའི་ཐུགས་ཀའི་ཧཱུྃ་ལ་ཕོག །ཐུགས་རྒྱུད་བསྐུལ་ཏེ་ཐུགས་ཀའི་ཧཱུྃ་ལས་མར་མེ་གཅིག་ལས་གཉིས་ཆད་ཀྱི་ཚུལ་དུ་ཧཱུྃ་གསུམ་རྒྱང་གི་མགོན་པོའི་སྤྱན་གསུམ་ཀྱི་སྒོས་རྒྱང་གིས་ཐོན་ནས་བག་ཟན་གྱིས་བྱ་རོགས་གསུམ་ལ་ཐིམ་པར་བསམ། དེ་ཡོངས་སུ་གྱུར་པ་ལས་ཧཱུྃ་ལས་མགོན་པོའི་ཐུགས་ཀྱི་སྤྲུལ་པ་དམ་ཉམས་དགྲ་བགེགས་ཐམས་ཅད་བརླག་པར་བྱེད་པའི་བྱ་རོག་མཐིང་ནག་འབར་བའི་འཆུ་སྡེར་གྱི་དགྲོའི་གློ་སྙིང་འབྱིན་ཞིང་བསྟན་དགྲ་ཐམས་ཅད་ཞེ་ལ་གནགས་ཏེ་དགྲོའི་སྲོག་དབུགས་སྐད་གཅིག་ཉིད་ལ་བསྡུད་བཅིང་། མགོན་པོ་འཁོར་བཅས་ལ་གཡས་བསྐོར་དུ་དཀྱིལ་ལི་ལི་ལྡིང་བར་བསམ་ལ། སྙིང་པོ་དང་རྩ་སྔགས་ལ་སྤེལ་ཚིག་བཏགས་ལ་བཟླས་པར་བྱའོ། །ཨྀཐི།།
བསྲུང་བ། བཟློག་པ། བསད་པ། དགྲོ་བཀུག་པ་སོགས་མན་ངག་ཞལ་ལས་ཤེས་སོ། །ས་མ་ཡ་གུ་ཧྱ། བསྟན་པ་བསྲུངས་ལ་ཉེ་བར་འཁོ་བའི་མན་ངག་ཕྲ་མོ་འདི་རྣམས་ལ་ཞལ་ལས་ཤེས་པར་བྱ་བའི་གནད་ཞིབ་ཅིང་མང་བར་གསུངས་པ་དག་བརྗེད་པས་འཇིགས་པ་དང་། ཁོ་བོ་དུས་ཀྱི་ཕོ་ཉས་ཁྱི་ར་པར་གྱུར་ན་མན་ངག་ཆེན་པོ་རྣམས་ཉམས་ཀྱི་དོགས་ནས། སྙན་རྒྱུད་ཡི་གེར་པ་ལ་ཆོས་བདག་མཁའ་འགྲོ་དང་། མགོན་པོ་འཁོར་བཅས་ལ་བཟོད་པར་གསོལ།

༈ ན་མོ་མཧཱ་ཀ་ལ་ཡེ། དཔལ་འབར་གྱི་དགྲ་བགེགས་གསད་པ་ནི། ལིང་ག་རྣམས་སྙུག་མ་ལ་མགོ་མཇུག་ལོག་ལ། དུད་འགྲོ་ཀྱི་རས་ཀྱི་རས་ཀྱི་རས་ཀྱི་དཀྲིས་ལ་སྣུམ་ལ་སྒྲེས་པ་དེ་ཤན་པའི་གླིང་ནས་མེ་གླང་ལ་སྟག་ལོ་པའམ། ཕག་ལོ་པ་མི་གསད་མྱོང་བ་གཅིག་གིས་མེ་གླང་ལ་སྦར། དེ་ཤིན་ཏུ་ཚ་ཞིང་བསྲེགས་པར་བསམ་ལ་གཏོར་ཆེན་གྱི་མདུན་ངོས་སུ་ཟུག །དམིགས་པ་ནི་རང་ཡི་དམ་དུ་གསལ་བའི་ཐུགས་ཀའི་ཧཱུྃ་ལས་འོད་ཟེར་མེ་འོད་ལྟ་བུ་འཕྲོས་པས་མགོན་པོའི་ཐུགས་ཀའི་ཧཱུྃ་ལ་ཕོག །ཐུགས་རྒྱུད་བསྐུལ་ཏེ་བདག་མདུན་་་་་ཐུགས་ཀ་ནས་མེ་ལྕེ་དྲག་ལ་རྩུབ་པ་འཁྱིལ་ཞིང་ཆད་པ་འབར་བའི་རྣམ་པ་དཔག་ཏུ་མེད་པ་འཕྲོས་ཏེ་དགྲ་བགེགས་ཀྱི་ཉོན་མོངས་ཀྱི་གཟུགས་ཆུང་ཐུལ་གྱིས་བསྲེགས་པའི་ཞུན་བདུད་རྩིར་གྱུར་ནས། མགོན་པོ་འཁོར་བཅས་ཀྱི་གསོལ་བས་དགྲ་བགེགས་བྱད་མའི་མིང་ཙམ་ཡང་མ་ལུས་པར་བསམ་ལ་གཙོ་བོའི་སྙིང་པོ་དང་རྩ་སྔགས་ལ་སྤེལ་ཚིག་སྦྱར་ལ་དྲག་ཏུ་བཟླས་སོ། །སློབ་དཔོན་རིན་པོ་ཆེ་ཆོས་བསྟན་པའི་ཕྱག་དཔེ་ལས་བཙུན་པ་རིན་ཆེན་བཟང་གི་འོལ་ཁ་སྟག་རྩེའི་གཞིས་ཁ་ནས་བྲིས་སོ།

༈ ན་མོ་སངས་རྒྱས་ཀྱི་བདེན་པ་དང་། ཆོས་དགེ་འདུན། གསང་སྔགས་྾ རིགས་སྔགས་྾ གཟུང་྾ ཕྱག་྾ སྙིང་པོ་྾ ཏིང་ངེ་འཛིན་རྣམས་ཀྱི། ཁྱད་པར་དུ་ཡང་བཅོམ་ལྡན་འདས་འཇམ་དཔལ་གཤིན་རྗེ་གཤེད་ཀྱི་ལྷ་ཚོགས་འཁོར་དང་བཅས་པ་བཅས་པ་དང་། མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས་འཁོར་དང་བཅས་པ་རྣམས་ཀྱི་྾ བདེན་པ་ཆེན་པོའི་བྱིན་གྱིས་བརླབས་པ་ལ་རྟེན་ནས། སྤྱིར་སངས་རྒྱས་ཀྱི་བསྟན་དགྲ། དགེ་འདུན་གྱི་སྤྱི་དགྲ། དཔལ་ལྡན་བླ་མ་དམ་པའི་སྐུ་དགྲ། ཁྱད་པར་དུ་ཡང་བདག་ཅག་དཔོན་སློབ་དགོན་ནས་སྡེ་དང་བཅས་པ་ལ་ཕོད་བརྩུགས་པ། དོ་བ་་་་བ་སྔ་དགྲ་ལག་ཏུ་བླངས་པ། ད་དགྲ་ཐད་དུ་ལོང་པ། ཕྱི་དགྲ་ཞེ་ལ་བསམ་པའི་དམ་ཉམས་པའི་དགྲོ་འདི་མཐོ་སྲིད་པའི་རྩེ། དམའ་རྒྱ་མཚོའི་གཏིང་། ས་འོག་ས་སྟེང་ས་བླ། བསྲུང་པའི་གུར་ཁང་། ཉི་ཟླའི་སྣམ་ཕྲག །རིབ་ཀྱི་ཁོང་སེང་སྲིད་པ་གསུམ་གྱིས་གནས་གང་དུ་ཡོད་ཀྱང་མགོན་སྐྱབས་བྱེད་པའི་ལྷ་དང་ཕྲལ་ནས་ཚེ་དང་བསོད་ནམས་ཀྱི་དབང་དུ་མ་གཏང་བར་སྐད་གཅིག་གི་རང་དབང་མེད་པར་འདི་དཁུག་གཅིག

༈ བླ་མ་མགོན་པོ་དབྱེར་མེད་འདུད། མགོན་པོ་ཕྱག་དྲུག་འཁོར་བཅས་ཀྱི། གྲིབ་སེལ་གནད་དབབ་བཤད་པར་བྱ། ཞེས་གསུངས་པའི་གནད་ཀྱི་གདམས་པ་ནི། མདུན་དུ་མགོན་པོ་འཁོར་བཅས་བསྐྱེད་ལ་དེ་ལ་ཡེ་ཤེས་པ་བསྟིམ། ་་་ ༢༡༤
་་་ །གནད་འབེབས་འདི་ཕལ་ཆེ་བ་ལ་མི་གནང་ངོ་། །མང་ཐོས་དགེ་ལེགས་དཔལ་བཟང་གིས། མཁས་གྲུབ་གོང་མའི་མན་ངག་ལ། ལྷད་ཞུགས་གསལ་ནས་དག་པར་བྱས། ས་མ་བརྒྱ།

༒ བླ་མ་མགོན་པོ་དབྱེར་མེད་ཀྱི་ཞལ་ཤེས་ཐུན་མོང་དང་ཐུན་མོང་མ་ཡིན་པའི་གདམས་རྣམས་ཕྱོགས་གཅིག་ཏུ་བསྡུས་པ་ཤིན་ཏུ་གསང་བའི་ཡིག་ཆུང་རྣམས་བཞུགས་སོ།
བླ་མ་མགོན་པོ་དབྱེར་མེད་ཀྱི་ཞལ་ཤེས་ཐུན་མོང་དང་ཐུན་མོང་མ་ཡིན་པ་གཉིས། དངཔོ་ནི་མགོན་པོའི་སྤྱི་གཙུག་ཏུ་དྲིན་ཅན་རྩ་བའི་བླ་མ་དེ་ཉིད་སྐུ་མདོག་སེར་པོ་ཅེས་པ་ནས་ངོ་བོར་གྱུར་པའི་སྐུ་ལས་འོད་འཕྲོས། ༢༡༧
་་་རང་ཉིད་ཀྱི་ནད་གདོན་བར་ཆད་ཐམས་ཅད་ཞི་ཞིང་བྱིན་གྱིས་བརླབ་པར་བསམ། བྱིན་བརླབས་དེ་བསྟན་པའི་ཕྱིར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརློབས་ཞིག །ཅེས་སོགས་བྱེད་དོ།
༈ གྲིབ་བསེལ་ཐུན་མོང་དང་ཐུན་མོང་མ་ཡིན་པ་གཉིས། གནད་དབབ་དང་གསུམ། དངཔོ་ནི་མགོན་པོའི་སྤྱི་གཙུག་ཏུ་དྲིན་ཅན་རྩ་བའི་བླ་མ་དེ་ཉིད་སྐུ་མདོག་དཀར་པོ་ཞེས་པ་ནས་ལྷ་ཚོགས་སྤྱན་དྲངས་ཅེས་པའི་བར་ཏེ། ་་་ ༢༡༨
གཉིས་པ་གྲིབ་བསེལ་ཐུན་མོང་བ་ནི། ༢༢༠
མགོན་པོའི་གནད་དབབ་ནི། ༢༢༠
བརྟེན་བཞིའི་གནད་གསུམ་གྱི་ཞལ་ཤེས་ལ། ༢༢༡
གཉིས་པ་ནི་བྱང་བུ་དེ་ཉིད་མགོན་པོར་བསྐྱེད་ཡེ་ཤེས་པ་སྤྱན་དྲངས་ནས་བསྟིམ་པ་སོགས་ཀྱུས་ལྟར་བྱ། ༢༢༢
ནང་བརྟེན་འཆའ་བ་ལ་སྔར་ལྟར་གཉིས་ལས། ༢༢༢
གཉིས་པ་ནི་དེ་ལྟ་བུའི་མདའ་དེ་ཉིད་མགོན་པོ་དམ་ཚིག་པར་བསྐྱེད་ཡེ་ཤེས་པ་སྤྱན་དྲངས་ནས་བཞུགས་པ་སོགས་ཀྱུས་ལྟར་བྱེད། བཟླས་པ་དང་གཏོར་མ་ཡང་དེ་ཉིད་ལ་འབུལ་ཞིང་བསྟོད་པ་སོགས་བྱེད། ་་་ ༢༢༣
གསང་བརྟེན་ལ་གཉིས་ལས། དང་པོ་ནི་དཔའོ་སྟེ་སྐྱེས་པ་སྐྱེས་པ་ཤིན་ཏུ་རྒོད་པ་གཡུལདུ་དུས་་་ ༢༢༣
།གཉིས་པ་ནི་དེ་ཉིད་མགོན་པོར་བསྐྱེད་པ་སོགས་ཕྱི་བརྟེན་དང་འདྲ་ཞིང་དེ་ཉིད་ཞུ་བ་དང་མི་ཞུ་བ་གཉིས་ཡོད་པ་གང་ཐད་བྱའོ།
།དེ་ཁོ་ན་ཉིད་ཀྱི་བརྟེན་ཡང་ཟེར། བླ་མ་མགོན་པོ་ཐུན་མོངས་མ་ཡིན་པ་ཡང་ཟེར། ་་་ ༢༢༣
གནད་གསུམ་ནི་དཔྲལ་བའི་སིནྡྷུ་ར་ལ་བརྟེན་ནས་མཁའ་འགྲོ་དབང་དུ་བསྡུད་པ་ནི་སྔར་ལྟར་གཉིས་ལས། དང་པོ་ནི་མགོན་པོའི་སྤྱི་གཙུག་ཏུ་དྲིན་ཅན་རྩ་བའི་བླ་མ་དེ་ཉིད་སྐུ་མདོག་དམར་པོ་་་ ༢༢༤
།གཉིས་པ་ནི་དབུས་སུ་ཧྲཱིཿབཀོད་པ་ཡན་འདྲ་བ། ་་་ ༢༢༥
གཤིན་རྗེ་གཤེད་ཀྱི་སྒོས་སྐུའི་གཟིད་བརྗིད་བསྐྱེད་པ་གཉིས་ལས། དང་པོ་ནི་མདུན་ཀྱི་མགོན་པོའི་ཐུགས་ཀར་ཉི་གདན་་་ ༢༢༥
།གཉིས་པ་ནི་གན་འདྲ་བ་ལ་མགོན་པོའི་ཐུགས་ཀའི་ཧཱུྃ་ཡིག་དེ་ཉིད་མགོན་པོ་དང་ཡི་དམ་གཉིས་ཀའི་ཐུགས་གཉིས་སུ་མེད་པའི་ཡེ་ཤེས་ཡིན་སྙམས་དུ་བསམ།
གསུམ་པ་ནི་སྤྱི་བོའི་མི་སྤྱོད་པ་ལ་བརྟེན་ནས་གཤེད་རྒྱུད་འཇི་དུ་གཏོང་བའི་གནད་ལ་གཉིས་ལས། དང་པོ་ནི་མགོན་པོའི་སྤྱི་བོར་རིགས་བདག་མི་སྤྱོད་པ་ཡོད་པ་དེའི་སྐུ་ལས་འོད་ཟེར་འཕྲོས། ་་་ ༢༢༦
གཉིས་པ་ནི་རང་ཡི་དམ་དུ་གསལ་བའི་སྤྱི་བོར་ཡོད་པའི་མི་སྤྱོད་པའི་ཐུ་ཀ་ནས་འོད་ཟེར་ཕྱོགས་བཅུར་འཕྲོས། ་་་ ༢༢༦
གནད་དབབ་ལ་གཉིས་ལས་དང་པོ་ལ། བླ་མ་གནད་ལ་དབབ་པ། མཁའ་འགྲོ་གནད་ལ་དབབ་པ། མགོན་པོ་གནད་ལ་དབབ་པའོ། །དང་པོ་ནི་བླ་མ་སྐུ་མདོག་་་ ༢༢༦
མགོན་པོ་གནད་དབབ་ནི། ༢༢༧
།གཉིས་པ་ནི་རང་ཡི་དམ་དུ་གསལ་བའི་ཐུགས་ཀ་ནས་་་ ༢༢༧
ཧཱུྃ་དྲུག་གི་གཏོར་མ་འབུལ་བའི་སྔོན་དུ་ཆོས་སྐྱོངས་རྣམས་སྙིང་ཆུ་བསྲེ་བ་ནི། ་་་ ༢༢༥
མགོན་པོ་ལ་གཏོར་མ་འབུལ་ན་ཧཱུྃ་དྲུག་གི་གདམས་པ་ལ་བཞི། ཞི་བའི་ཧཱུྃ་དྲུག །རྒྱས་པའི། དབང་གི །དྲག་པོའི་ཧཱུྃ་དྲུག་གོ དང་པོ་ནི་ཐོད་པ་ཕྱི་དཀར་་་ ༢༢༨
རྒྱས་པའི་ཧཱུྃ་དྲུག་གདམས་པ་ནི། ཐོད་པའི་ནང་གི་བདུད་རྩི་ཁོག་སེར་པོ། ་་་ ༢༢༩
དབང་ལ་བདུད་རྩི་ཁོག་དམར་པོ་ཧཱུྃ་ཡིག་དམར་པོ་བྱེད་པ་མ་ཏོགས་གན་འདྲ།
དྲག་པོའི་ཧཱུྃ་དྲུག་གི་གདམས་པ་ནི། ཐོད་་་ ༢༢༩
།ཐལ་མོ་བརྡབ་པའི་ཞལ་ཤེས་ནི། བླ་མ་མགོན་པོ་དབྱེར་མེད་་་ ༢༢༩
མགོན་པོ་ཁྱི་ལྟར་འཁྱིད་པའི་གདམས་པ་ནི། གཏོར་མ་ཕུལ་བསྟོད་པ་སོགས་་་ ༢༢༩
།མགོན་པོ་གཅིག་ལ་གཏོར་མ་ཕུལ་བས་ཆོས་སྐྱོངས་གང་བརྟེན་པ་ཐམས་ཅད་ལ་གཏོར་མ་ཕུལ་བར་འགྲོ་བའི་གདམས་པ་ནི། ་་་ ༢༣༠
དགྲོ་སྦགས་པ་ཡང་ཟེར། བྱ་ཤ་སྦགས་པ་ཡང་ཟེར་བའི་ཞལ་གདམས་ནི། ་་་ ༢༣༠
འཁོན་ཟས་སུ་ཟ་བའི་གདམས་པ་ནི། ་་་ ༢༣༠
དགྲོ་བའི་ཚོགས་སུ་རོལ་བ་ནི། ་་་ ༢༣༠
དགྲལ་བའི་ལས་དྲུག་གི་ཞལ་ཤེས་ནི། ་་་ ༢༣༡
མགོན་པོ་ནི་གཏེར་བསྲུང་གི་ཞལ་ཤེས་ནི། ་་་ ༢༣༡
མགོན་པོའི་ལམ་བསྲུངས་ནི། ་་་ ༢༣༢
།ཡང་ན་མགོན་པོ་འཁོར་བཅས་ནམ་མཁའ་གང་བ་རང་དང་ལྷན་གཅིག་བྱོན་པར་བསམ་པ་གང་རུང་བྱེད།
ཡང་དཀར་གྱི་ཞལ་ཤེས་ནི། ་་་ ༢༣༢
གུ་གུལ་གྱི་ཞལ་ཤེས་ནི། ་་་ ༢༣༢
རབ་གནས་སྔོན་འགྲོའི་གུ་གུལ་གྱི་བསྙེན་པ་ལ། ་་་ ༢༣༣
ན་མོ་མཧཱ་ཀ་ལ་ཡེ། ཞི་རྒྱས་དབང་དྲག་གི་དམིགས་པ་ཞལ་ལས་ཤེས་པར་བྱའོ་ཞེས་པའི་སྐབས་སུ། ་་་ ༢༣༣
རྒྱས་པ་ལ་ཏིང་ངེ་འཛིན་སེམས་དཔའི་མཐའ་བསྐོར་དུ་སྔགས་འཕྲེང་སེར་གཙོ་མའི་མདོག་ལྟ་བུ་་་་་ ༢༣༥
དབང་ལ་ཏིང་ངེ་འཛིན་སེམས་དཔའི་མཐའ་བསྐོར་དུ་སྔགས་འཕྲེང་དམར་པོ་པདྨ་ར་གའི་མདོག་ལྟ་བུ་་་་་ ༢༣༥
རང་གི་དབང་དུ་དགྲོ་བསྡུད་པའི་ཕྱིར་དབང་གི་དགུག་པར་འདོད་ན་ཐུན་རྒྱར་ཁྲུང་ནང་དུ་རྐང་་་་་ ༢༣༦
ཞི་རྒྱས་སོགས་ལ་སོ་སོར་སྒྲུབ་པའི་མཆོད་པ་ཇི་ལྟར་བྱ་བ་ལ། ཞི་བའི་་་་ ༢༣༧
རྒྱས་པ་ལ་རྒྱུད་ཞོ་ཟན་ལས་བྱས་པའི་དབྱིབས་རིན་པོ་ཆེ་འདྲ་བ་ཐེབ་ཀྱུ་གོང་དང་འདྲ། མེ་ཏོག་སེར་པོ་སོགས་ཁོག་བསྒྱུར་ལ་བྱའོ།
།དབང་ལ་གཏོར་མའི་རྒྱས་པ་དང་འདྲ་བ་ལས་སྣ་ཚོགས་པའི་ཤིང་ཏོག་དམར་པོ་དང་མེ་ཏོག་དམར་པོ་ལ་སོགས་པའི་མཆོད་རྫས་རྣམས་བསྒྲུབ་པར་བྱའོ། །་་་ ༢༣༧
སོ་སོའི་སྔགས་ཀྱི་ཤམ་བུ་མདོགས་ལུག་ནི། ཞི་བ་ལ་རྩ་སྔགས་ཀྱི་འཇུག་ཏུ་ནཱ་ག་ཛྭ་ལ་སརྦ་དུཥྚཾ་ཤ་ཏྲུཾ་ཤནྟིང་ཀུ་རུ་ཨོཾ།
དབང་ལ་མཧཱ་ག་ན་སིདྡྷི་ཝ་ཤཾ་ཀུ་རུ་ཧོ། སྐྲད་པ་ལ་ཨུ་ཙི་ཏ་ཡ་ཕཊ།
གསད་པ་ལ་སརྦ་བིགྷན་དུཥྚཾ་ཤ་ཏྲུཾ་དི་ན་མེ་ཀེ་ན་མཱ་ར་ཡ་ཧཱུྃ་ཧཱུྃ་ཕཊ་ཕཊ་སྭཱ་ཧཱ།
ཐུན་མོངས་བའི་རྦད་པ་སོགས་ཞལ་ལས་ཤེས་ཞེས་པ་ནི། ་་་ ༢༣༨
ཡང་ན་དཔལ་ཡེ་ཤེས་ཀྱི་མགོན་པོ་གསུམ་འདར་ཞིང་གཡོ་བར་མཛད་པ། ་་་ ༢༣༨
སྒྲུབ་དུས་ཕྱི་འབྲང་གི་བགེགས་བྱུང་ན་བསྐྲད་པ་དང་མནན་པའི་ཐབས་གཉིས་ལས། བསྐྲད་པ་ནི་་་་ ༢༣༩
།དེས་ཀྱང་མ་ཐུབ་ན་མནན་པའི་ཐབས་གཉིས་ལས། རིབ་ཀྱི་ཞབས་སུ་མནན་པ་ནི། ་་་ ༢༣༩
གཉིས་པ་ལ་མནན་སྔགས་ཤམས་བུ་ཅན་གྱི་སྔགས་བཟླའོ། ་་་ ༢༤༠
དེས་ཀྱང་མ་ཐུབ་ན་གསད་པའི་མན་ངག་བྱ་བ་ནི། ་་་ ༢༤༠
བསྙེན་པའི་དུས་ཀྱི་སྔགས་འཁོར་གྱི་དམིགས་པ་ལ། ་་་ ༢༤༠
ཁ་གཅིག་སྔགས་འཁོར་ཚུལ་སྔར་ལྟར་འདྲ་བ་ལ་འོད་ཟེར་་་་་ ༢༤༡
ཡང་སྐབས་སུ་རང་གི་ཐུགས་ཀ་ནས་འོད་ཟེར་འཕྲོས་མགོན་པོའི་ཐུགས་ཀར་ཕོག་པས་གཉིས་སུ་མེད་པའི་ཡེ་ཤེས་བསྐུལ་ནས་རང་གི་གང་འདོད་པའི་འཕྲིན་ལས་སྒྲུབ་པར་ཁས་སླངས།
ཡང་མགོན་པོའི་ཐུགས་ཀ་ནས་འོད་ཟེར་འཕྲོས་འཁོར་རྣམས་ཀྱི་ཐུགས་ཀར་ཕོག་པས་བདག་བསྒྲུབ་པ་པོ་ལས་བཞིའི་རབ་གྱིས་སྒྲུབ་པའིརི་ཅི་སྒོས་པའི་ལས་རྣམས་བྲན་གྱི་ཚུལ་བཞིན་ངེས་པར་བྱེད་པར་བསྒོམས།
ཡང་བསྙེན་སྒྲུབ་ཀྱི་སྐབས་སུ་སེམས་མི་བདེ་བ་ལ་སོགས་པ་བགེགས་བྱུང་ན་སེལ་བའི་ྟྷབས་ནི་མན་ངག་འདི་ལྟར་བྱ་སྟེ། ་་་ ༢༤༢
་་་ ཞལ་ཤེས་ཤིན་ཏུ་ཟབ་པ་དམ་ཚིག་དང་ལྡན་པ་རེ་རེ་ཙམ་ལ་མ་ཏོགས་པ་ལ་གཏེར་ན་དམ་ཚིག་འགལ་གསུངས། མཁས་གྲུབ་ཆེན་པོ་དགེ་ལེགས་དཔལ་བཟང་པོའི་མན་ངག་ཞལ་ཤེས་ཤིན་ཏུ་ཆེས་ཟབ་པ་ཡིན་ནོ།

༈ མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པའི་མཁའ་འགྲོ་འབུམ་བསྐུལ་ལ་སོགས་པའི་ཉེར་ཁོ་སྣ་ཚོགས་བཞུགས་སོ།
ཆོས་སྐུ་ཡང་པའི་ཕོ་བྲང་ནས། །ས་བཅུའི་དབང་ཕྱུག་མགོན་པོ་ནི། །གནས་ལ་ངོས་པར་མ་འཆིས་ཀྱང་། །སེམས་ཅན་སོ་སོའི་གནང་པོས་ལ། ཞེས་པ་ནས་འཇིགས་པའི་གད་མོས་པ་གཞི་གཡོ། ་་་ ༢༤༣
་་་ །བཅོལ་ལོ་བསྟོད་དོ་མཐུ་མ་ཆུང་། །རྟགས་དང་མཚན་མ་མྱུར་དུ་སྟོན། ཅེས་པའོ།

༒ ཀྵེ་ཊ་པ་ལའི་སྒྲུབ་ཐབས་ཐན་འགྲེད་མན་ངག་ཞུགས་སོ།
བླ་མ་བསྟན་བསྲུངས་འཁོར་བཅས་ལ། སྒོ་གསུམ་གུས་པས་ཕྱག་འཚལ་ལོ། ཞབ་བླ་མ་རྨོག་ལྕོག་པའི་ཞལ་ནས། ངས་བླ་མ་དམ་པ་རྣམས་ལ་མོས་གུས་བྱས་ཤིང་། ་་་ ༢༤༥
་་་ བླ་མ་ཤངས་པས་རེ་རེ་ཙམ་ལས་མི་གཏོར་བའི་བཀའ་རྒྱས་བཏབ་བོ། །བསྟན་བསྲུང་སྲོག་སྔགས་བླ་མ་ཤངས་པའི་བཀའ་བརྒྱ་མ་གན་ལ་མེད་པའི་གསང་བདག་གལ་ཆེའོ། །ཨྀཐི།།

༒ བསྟན་ལ་སྡང་བའི་དམ་ཉམས་རྣམས། མ་ཧཱ་ཀ་ལའི་ཆུ་འཕྲུལ་གྱིས། ་་་ ༢༤༨
་་་ ཁ་བསག་དང་གཡོ་སྒྱུ་ཅན་ལ་སྦྱིན་ན་ཀྵེ་ཏ་པཱ་ལ་ཁྱོད་ཀྱི་སྙིང་ཁྲག་དམར་པོར་ཕྱུང་ཞིག །ཨྀཐི།།

༒ ཤྲི་མཧཱ་ཀ་ལ་ན་མོ། མཧཱ་ཀ་ལའི་འཁོར་ལོའི་མན་ངག་ནི། མུ་ཁྱུད་བཞིའི་ལྟེ་བ་ལ་ལིང་ག་ལྕེ་ཕྱིར་ཕྱུང་ལ་དེའི་སྟེང་དུ་ཆཻ་མོ་མན་ཏྲ་གུ་ཡ་རྦད་བྷྱོ་ཐིམ་ཐིཾ་ཁྲིཾ། ཞེས་པ་དང་། ་་་ ༢༥༠
་་་ཤུལ་དང་། མཛེ་ཕོ་དང་ཕྱི་བ་ལ་སོགས་པ་གང་རིག་རིགས་ལ་བྱའོ། །ཨྀཐི།། འདི་སུ་ཐཻད་ལ་སྦྱིན་ན་ཀྵེ་ཏ་པ་ལ་ཡབ་ཡུམ་གྱིས་སྙིང་ཕྱུང་ཤིག་ས་མ་རྒྱ།

༈ མྱུར་མཛད་ཡེ་ཤེས་མགོན་པོ་ལ་ཕྱག་འཚལ་ལོ། །འདིར་བཀའ་སྡོད་ལ་བརྟེན་པའི་གཏོར་མའི་ལས་སྦྱོར་ནི། དེ་ལ་་་་་ ༢༥༢
་་་ །འདི་ནི་མན་ངག་དང་བཅས་པ་ཕྱོགས་གཅིག་ཏུ་སྒྲིལ་བ་ཡིན་པས་སུ་ལ་ཡང་མ་སྟེར་ཞིག །རྣལ་འབྱོར་གྱི་དབང་ཕྱུག་ར་ཧུ་ལ་ཉིད་ཀྱིས་མགོན་པོ་ཞིང་སྐྱོངས་དུ་སྒྲུབ་པའི་མན་ངག་འདི་མཉམ་མེད་ཁྱུང་པོ་རྣལ་འབྱོར་ལ་གནང་ནས་རིམ་པར་རྒྱུད་པའོ། །མང་ཐོས་དགེ་ལེགས་དཔལ་བཟང་གི མཁས་གྲུབ་གོང་མའི་མན་ངག་ལ། ལྷད་ཞུགས་གསལ་ནས་དག་པར་བྱས། མཁས་པའི་དབང་པོ་ཉང་སྟོན་དབོན་པོས་གསེར་ཞོ་ལྔའི་མཎྜལ་ཕུལ་ནས་ཞུས། ཨྀཐི།།

༒ མྱུར་མཛད་སྤྱན་རས་གཟིགས་ལ་ཕྱག་འཚལ་ལོ། །རྫོགས་རིམ་རླུང་གིས་གཅིག་རླུང་ནི། །ཡེ་ཤེས་མགོན་པོའི་སྤྱི་གཙུག་ཏུ། །དབང་གི་རྒྱལ་པོ་བསྒོམ་བྱས་ཏེ། །འོད་ཟེར་གཟི་བརྗིད་ལྡན་པར་བསམ། །གཡེལ་བ་མེད་པར་གསོལ་བ་གདབ། །ཐུན་མོངས་དངོས་གྲུབ་སྣ་ཚོགས་དང་། །སངས་རྒྱས་ལོ་བཟླས་འགྲུབ་པར་འགྱུར། ཞེས་གསུངས་པས། རྣལ་འབྱོར་པ་དམ་ཚིག་དང་ལྡན་པས་སྐད་གཅིག་གིས་མགོན་པོ་ཡབ་ཡུམ་བསྒོམ་ཞིང་། ་་་ ༢༥༦
་་་ རླུང་སེམས་མགོན་པོ་རླུང་དང་བསྲེས་ནས་བསྐྱེད་རྫོགས་ཟུག་ཏུ་སྒྲུབ་པའི་མན་ངག་ནི་སངས་རྒྱས་བསྙན་སྟོན་གྱིས་དྲུང་དུ་སངས་རྒྱས་སྟོན་པས་སེར་ཞྭ་བརྒྱ་རྩ་བརྒྱད་ཕུལ་ནས་ཡང་ཡང་གསོལ་བ་གཏབ་པས། མགོན་པོ་ཞག་བདུན་ནས་འགྲུབ་པའི་རླུང་སྒྲུབ་གཅིག་རྒྱུད་མ་འདི་གནང་བ་ཡིན་ནོ།

༒ ས་གདོན་བསྲུངས་བའི་མན་ངག་ནི། བདུད་རྩི་སྨན་གྱིས་འདུལ་༼ཅོལ་ཞི་ཏུལ་མ་༽བ་དང་། ་་་ ༢༥༧
་་་ །བུམ་ནང་མར་མེ་བཞིན་ཏུ་ནི། །གདམས་པའི་གནད་རྣམས་སྦ་བར་བགྱིས། ཞེས་པའི་གསང་ཚིག་འདི་ཉིད་ནི། གུསྟ་ལ་ནི་བཛྲས་གསུངས་སོ།

༒ རྒྱལ་བ་ཀུན་གྱི་ཐུགས་རྗེ་ཅིག་བསྡུས་པའི། །སྤྱན་རས་གཟིགས་དབང་མྱུར་མཛད་ཕྱག་དྲུག་པ། །བླ་མ་མགོན་པོ་དབྱེར་མེད་གུས་བཏུད་ནས། །ཐུན་མོངས་མིན་པའི་ཞལ་གདམ་བྱི་བར་བྱ།
།རྒྱུ་རྐྱེན་བརྟེན་འགྲེལ་ཕུན་གསུམ་ཚོགས་པ་ལ་བརྟེན་ནས་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པའི་ཐུན་མོངས་མ་ཡིན་པའི་མན་ངག་ཞལ་ཤེས་སྙན་རྒྱུད་ལྷ་རང་ཤར་ཕྱག་བརྒྱ་ཆེན་པོ་བསྒོམ་པ་འདི་ལ་དོན་གྱི་གཙོ་བ་རྣམ་པ་བཞི་ཏེ། རྩ་དང་ལྷ་དང་གསལ་གཏབ་པ། བྱིན་རླབས་ཞུ་བ། ང་རྒྱལ་བྱེད་པ། ལས་ལ་སྦྱར་བ་དང་བཞི་ལས།
དང་པོ་ནི། རྩ་དབུ་མ་སྦོམ་ཕྲ་སྦ་ལྕགས་་་་་ ༢༥༩
གཉིས་པ་ནི། རང་གི་སྤྱི་བོར་་་ ༢༦༠
གསུམ་པ་ནི། དི་ལ་སེམས་གཏད་ནས་མགོན་པོ་དངོས་ཡིན་་་ ༢༦༦
བཞི་པ་ལ་དང་པོ་སྦྱངས་བའི་རིམ་པ་ནི། ་་་ ༢༦༧
༢༦༩ ་་་ ཕལ་ཆེར་གྱི་མཁའ་སྤྱོད་མ་ནམ་མཁའ་ལ་འཕུར་ཏེ་ཕྱིས་མཁྱེད་དུ་འཕོ་བར་བྱའོ། ཨྀཐི།།

བུམ་དཀར་པོའི་གདམས་པའི་སྙིང་པོ་མཆོག །བླ་མ་མགོན་པོ་རང་ཉིད་མགོན་པོ་རུ། །དབྱེར་མེད་སྒྲུབ་པའི་ཟབ་ལམ་རྨད་བྱུང་བ། །ཆོས་བྱེད་རྣམས་ཀྱང་བར་དོའི་འཇིགས་པ་ལས། །ཐར་པ་དཀར་བ་གཟིགས་ནས་ཐུགས་རྗེ་པའི། །བར་དོའི་མགོན་པོར་གྲགས་པའི་གདམས་པ་མཆོག །ལས་སྦྱོར་འཕོ་བའི་མན་ངག་འདི་དག་ནི། །སྙན་ནས་སྙན་དུ་རྒྱུད་པ་མ་ཏོགས་པར། །སྔོན་ཆད་ཡི་གེར་བྲིས་པ་གཏན་མེད་ཀྱིས། རྗེད་པས་འཇིགས་ཏེ་གསོལ་བ་ལེགས་གཏབ་ཏེ། །བླ་མས་རྗེས་ཟུང་ཀུན་དགའ་བདེ་ལེགས་ཀྱིས། །ལྷན་སྐྱེས་བདེ་ཆེན་ཆོས་ཀྱི་ཕོ་བྲང་དུ། །ཡི་གེ་བྲིས་ལ་བླ་མ་མགོན་པོ་ཡིས། །ཟོད་པར་ཞེས་ལ་སྒྲིབ་པར་མ་གྱུར་གི །དབང་དང་གདམ་པ་མ་ཐོབ་པར། །དཔེ་སྟོན་རང་དཀར་འཇུག་བྱེད་ན། །མགོན་པོ་གཏིང་ནས་འཁྲུགས་གྱུར་པས། རང་སྲོག་རང་གི་མ་སྤྱོད་ཅིག །མཁས་གྲུབ་ཁྱུང་པོ་རྣལ་འབྱོར་གྱི། །ལ་སྟོད་དཀོན་དཀར་དེ་ཉིད་ལ། །སྙན་རྒྱུད་བཀའ་རྒྱས་གདམས་ནས་གནང་། །སུ་ལའང་དཔེ་ཙམ་མ་སྟོན་ཅིག སརྦ་མངྒལཾ།