'byam gcod

From Shangpa Resource Center







Resource ID SLv8p503
Title 'byam gcod

sgyu lus kyi 'byams gcod rtsa 'grel

Alt. title sgyu lus kyi 'byams gcod rtsa 'grel
Topics Illusory body
Sub-Topics Instructions
Link BDRC W3CN766
BDRC W8LS37032 (p.240)

Work in progress
༄༅། །འབྱམས་གཅོད་བཞུགས་སོ།།

བླ་མ་དམ་པ་རྣམས་ལ་ཕྱག་འཚལ་ལོ།
སྤྱིར་སྒྱུ་ལུས་༼རྨི་ལམ་༽བསྒོམ་པ་ལས། འབྱམ་༼འབྱམ་་་བྲ་༽བྱུང་བ་གཅོད་དགོས་ལ།
དེ་ཡང་༼དང་པོ་༽འཁྲུལ་འབྱམ་ལ་གཞན་འཁྲུལ་པའི་རྗེས་སུ་འབྲང་བ་དང་། རང་གི་འཁྲུལ་པ་ཆོད་མ་ཆོད་གཉིས་བྱུང་བས། དེའི་གཉེན་པོར་ཉིན་པར་༼རང་གི་སེམས་༽ཐམས་ཅད་སེམས་རང་འཁྲུལ་པའི་སྣང་བར་ཤེས་པར་བྱས་ལ་གཞན་གྱི་འཁྲུལ་པ་རྗེས་སུ་མི་བཏགས། རང་གི་འཁྲུལ་པ་ཆོད་པ་ལ་རང་སྣང་སྒྱུ་མར་ཆོད་པར་བྱའོ། དེ་ཡང་༼དབང་པོ་འབྲིང་༽ཚིག་གཞན་གྱི་བར་དུ་མ་ཆོད་པར་བྲིས་༼དབང་པོ་ཐ་མ་༽ལ། ༼ཏིང་ངེ་འཛིན་༽མལ་གཅིག་ཏུ་སྐྱེས་པ། གྲོག་དུ་བླ་མ་༼དབང་པོ་རབ་༽དམ་པ་བརྟེན་པས། འབྱམ་གཅོད་ཐམས་ཅད་རང་ཆོད་དུ་འགྲོ་གསུངས།
སད་འབྱམ་༼དེ་ཡང་དང་པོའི་༽ལ་རང་གི་སྙིང་ཁར་བདེ་མཆོག་བསམ་ལ། དེའི་ཐུགས་ཁ་ནས་འོད་༼ཟེར་ཁ་དོག་་་་གས་༽འཕྲོས་ཏེ། སྤྱི་བོ་ནས་འོད་འཕྲོས་ཏེ་བཏོན་ནས་ནམ་མཁའ་གང་བའི་འོད་ཀྱི་རྩེ་མོ་ལ་བདེ་མཆོག་རིགས་བསྡུས་ཀྱི་གཞལ་ཡས་ཁང་དུར་ཁྲོད་དང་བཅས་པ་བསམ་ལ། དེ་རྣམས་ལ་བློས་སྤྲུལ་པའི་མཆོད་པ་དཔག་ཏུ་མེད་པ་ཕུལ་ལ་འདི་ཐམས་ཅད་སྒྱུ་མ་ཡིན། རྨི་ལམ་ཡིན། དོ་ནུབ་རྨི་ལམ་དུ་ཡང་འདི་ལྟར་ཡིན་སྙམ་དུ་འདུན་པ་བྱའོ། དེ་ནས་གཞལ་ཡས་ཁང་དུར་ཁྲོད་དང་བཅས་པ་འཁོར་རྣམས་ལ་བསྡུས་ལ། དེ་རྣམས་གཙོ་བོ་ལ་བསྡུས། གཙོ་བོ་རང་གི་ ༣ སྙིང་ཁའི་བདེ་མཆོག་ལ་ཐིམ་པ་ལ། དམིགས་པ་བཟུང་ཞིང་། འདུན་པས་འཕངས་པ་ལྟར་སྦྱང་གསུངས་ངོ་།
བདེ་འབྱམ་༼དང་དབང་མེད་པར་༽ལ་ཡུལ་མཐོང་བ་ཙམ་ལ་ཆགས་པ་སྐྱེས་ན། དེས་ཐར་པ་ལ་བར་དུ་གཅོད་པ་ཡིན་པས། ༼ཀུ་སུ་ལུའི་ཚོགས་སོགས་དང་༽ཏིང་ངེ་འཛིན་གྱི་དབང་བསྐུར་༼དང་བསྒྲག་ལ་༽ནུས་ཚད་བྱའོ། ཡང་བདེ་བ་རྒྱས་ཏེ། དབང་པོ་ལྡང་བ་ལ་རྩོལ་བ་མ་བྱུང་ན། ཉམས་མྱོང་རྒྱུད་ལ་སྐྱེས་པས་དཔེ་འབྱམ་བྱ་བ་༼ཐིག་ལེ་ཉམ་པ་༽ལམ་གྱི་བར་ཆད་༼དུ་འགྲོ་བ་༽ཡིན་པས། རང་གི་དབང་པོའི་རྩེ་ལ་པད་མ་འདབ་མ་བཞི་པ་གཅིག་བསམ། དེ་དབང་པོའི་ནང་ན་ཡར་སོང་བས། སྨད་སྟོང་པ་ལ་བདེ་བ་སྤྱི་བོའི་༼ཐིག་ལེ་༽ཧཾ་ལ་བསྐྱལ་བར་བསམ་གསུངས་སོ།
ཡང་༼འདོད་ཆགས་༽བདེ་བས་རྒྱས་༼ཕོ་མོའི་༽ཏེ་སེམས་དེ་ཕྱོགས་ཉམ་ཚེར་འགྲོ་ན། གཉིས་སྣང་གི་རྟོག་པ་དང་བྲལ་བར་བྱ་སྟེ། ༼རང་དང་ཆག་པ་སྐྱེ་བམ་ཡུལ་གཉིས་ཀྱི་༽རང་གི་ལུས་སྟོད་ཀིང་རྒྱུས། སྨད་སྟོང་པར་བསམ་པའི་ཕྱོགས་བཞིར་གཏི་མུག་ལས་བྱུང་བའི་ས་བདག་༼རྒྱབ་དུ་༽ཁྲོ་བོ། ཞེ་སྡང་ལས་བྱུང་བའི་གཤིན་རྗེ་མ་༼གཡས་སུ་༽ནག་ལ་འཇིགས་པ། ༼མདུན་དུ་༽འདོད་ཆགས་ལས་བྱུང་བའི་ཡུལ་ཡིད་དུ་འོང་བ་དང་། དུག་གསུམ་ཆ་༼གཡོན་དུ་༽མཉམ་པ་ལས་བྱུང་བའི་གདོལ་པ་ནག་པོ་བསམ་མོ། དེ་ཡང་ཁོང་པའི་ནང་དུ་རང་གི་རིག་པ་ཡི་དམ་གྱི་ལྷ་སྣང་ལ་རང་བཞིན་མེད་པ། མེ་རཾ་དང་བཅས་པ་བསམ་ལ། ཕྱོགས་བཞིའི་གཟུགས་རིམ་པ་༼བཞིན་མདུན་ནས་༽་་་་་རང་གི་ཀིང་རྒྱུས་ལ་ཐིལ་པ་ ༤ དང་། ༼གཟུགས་དེ་རྣམས་སྣང་ལ་རང་བཞིན་མེད་པ་༽ཡི་དམ་གྱི་མེས་བསྲེགས་པས། རང་ཡི་དམ་སྣང་༼དེ་རྣམས་སྒྱུ་མ་རྨི་ལམ་འདུན་པ་བྱ་༽ལ་རང་བཞིན་མེད་པར་བྱས་ལ། ངས་ཟུང་འཇུག་འདི་ལ་བརྟེན་ནས་ཆགས་སྟང་གི་ཉོན་མོང་པ་ཐམས་ཅད་སྒྱུ་མར་ཤེས་པར་བྱས་ལ། འདི་ཐམས་ཅད་རྨི་ལམ་ཡིན། སྒྱུ་མ་ཡིན་སྙམ་དུ་བསམ་པར་བྱའོ། ཡང་དེ་ལྟར་བསྒོམ་པའི་རྗེས་ལ། ཡི་དམ་༼གསང་གནས་ཀྱི་ཐིག་ལེ་༽གྱི་སྨིན་འཚམས་སུ་ཐིག་ལེ་དཀར་པོ་གསང་གནས་སུ་དམར་པོ་དམིགས་ལ་སྨིན་འཚམས་སུ་སོང་སྟེ། དཀར་པོ་དང་༼སྐབས་སུ་རེག་པ་དང་༽འབྲོས་དེད་དུ་འཁོར་བས་བདེ་བ་སྐྱེ་བར་དམིགས་ལ། སྐབས་སུ་དེ་གཉིས་མཇལ་བས་ཀྱང་། བདེ་སིང་སིང་བསམ། དེ་ནས་དེ་གཉིས་འདྲེས་ཏེ། ཐིག་ལེའི་རང་བཞིན་སྟོང་པ་ལ་རྣམ་པ་བདེ་བ་ལ་དམིགས་པ་བཟུང་གསུངས་སོ་༼ཡིད་རང་བཞིན་རྨི་ལམ།༽
༼དེས་རྨི་ལམ་༽མ་ཟིན་ན་རླུང་བཟུངས་ལ། དམིགས་པ་༼གོང་གི་༽དེ་ཉིད་ལ་བསྐྱར་ཡིན་བཟུང་ངོ་། ༼དེས་ཀྱང་༽མ་ཟིན་ན་སྲ་མ་ལྟར་ཡི་དམ་དུ་བསམ་ལ་ཐིག་ལེ་གཉིས་སྟེང་རླུང་ཐིག་ལེ་དཀར་པོ་དང་འགྲོག །འགེ་རླུང་ཐིག་ལེ་དམང་པོ་དང་འགྲོགས་ནས་བྱུང་ནས། ལྟེ་བར་འབྲེས་དེད་གྱི་ཚུལ་དུ་འཁོར་བས་བདེ་བ་ལ་དམིགས་ལ་རླུང་༼གཉིས་ཁ་སྦྱོར་༽བཟུང་། དེ་ནས་དེ་གཉིས་འདྲེས་པས་སྨིན་འཚམས་སུ་༼བསམ་ལ་༽བཟུང་་་་་༼རླུང་གཉིས་ཁ་སྦྱར་ལ་༽གསུངས་སོ།
དེ་ནས་སྨིན་འཚམས་གྱི་ཐིག་ལེ་མདུན་དུ་བཏོན་ལ། ཡི་དམ་དུ་གྱུར་པར་བསམ། ཡི་དམ་ཕྱག་རྒྱ་ཆེན་པོར་བཞུག་གོ ཡང་དེ་ལས་ཟུང་འཇུག་དུ་ ༥ ལྟང་བར་བྱས་ཏེ། འདིས་ཟུང་འཇུག་དུ་འབྱམ་པར་བྱ་བ་སྒྱུ་མ་མཚན་བཅས་སུ་སོང་བའི་བར་དོར་འབྱམ་ཀྱིས་དོག་པ་ལ། འདིར་ཕྱི་ལྷ་སྐུ་ཟུང་འཇུག་དུ་བསླབ་ལ། གཅོད་དགོས་པ་ཡིན་གསུང་ངོ་།
དེ་ནས་མདུན་དུ་ཡི་དམ་གྱི་༼སྣང་ལ་རང་བཞིན་མེད་པ་༽ལྷ་དང་རང་ཡང་སྣང་ལ་རང་བཞིན་མེད་པར་བསམ་པའི། ཐུགས་ཁ་གཉིས་སུ་ཧཱུྃ་བསམ་ལ།
དེ་ནས་རང་གི་ཐུགས་ཁའི་ཧཱུྃ་ལ་སྔགས་ཀྱིས་བསྐོར་བ་དེ་འཕྲིང་བ་ལྟར་སོང་སྟེ། མདུན་གྱི་ཐུགས་ཁའི་ཧཱུྃ་ལ་འཁོར། ཡང་རང་གི་ཧཱུྃ་ལ་བསྐོར་བར་དམིགས་ལ། ཡི་དམ་གྱི་སྔགས་བཟླས། དེ་ནས་མདུན་གྱི་ཡི་དམ་རང་ལ་ཐིམ་པ་དང་། རང་སྣང་ལ་རང་བཞིན་མེད་པ་ལྷའི་སྐུར་བསམ་་་་གསུངས་སོ།
དེ་ནས་བླ་མའི་བྱིན་བརླབས་རྒྱུད་ལ་གཞོག་པ་ནི། རང་གི་སྤྱི་བོར་ཨ་ལི་ཀ་ལི་དཀར་༼ཨ་ལི་ཀ་ལི་༽དམར་ལས་ཟླ་བ་དང་ཉི་མར་བསམ་པའི་སྟེང་དུ་བླ་མ་འོད་ཀྱི་རང་བཞིན་དུ་བསམ། ཨ་ལི་ཀ་ལིའི་སྣང་བ་ཡང་མ་འགག་པར་བསམ་ལ། ངག་དུ་ཡང་དེ་བརྗོད་དེ་ལ་ཡང་འོད་སྟེང་དུ་འཕྲོས་པས་བླ་མའི་སྐུ་གང་བས། བླ་མ་ལ་བརྟེན་པའི་ཉེས་པ་རྣམས་དག་ཏེ། བླ་མའི་ཐུགས་མཉེས་པར་བསམ་མོ། དེ་ནས་་་་ཨ་ལི་ཀ་ལི་བླ་མའི་ཤད་ནས་བྱུང་ནས། རང་གི་སྤྱི་བོ་ནས་རྩ་རོ་རྐྱང་བརྒྱུད་ ༦ དེ་ལུས་གང་བ་དང་། རང་ལ་བླ་མའི་སྐུ་གསུང་ཐུགས་ཀྱི་ཡོན་ཏན་གྱི་བྱིན་གྱིས་བརླབས་པ་ཡིན་སྙམ་དུ་བསམ་པའོ། མཁྲོའི་བྱིན་བརླབས་རྒྱུད་ལ་ཞུགས་པ་ནི། རང་ཡི་དམ་སུ་བསམ་པའི་ཡུམ་གྱི་སྨིན་འཚམས་ནས་འོད་ཟེར་༼གཅིག་བྱུང་བས་༽དམར་པོ་ལས་ཡུམ་དེ་འདྲ་བ་༼ཁོ་ན་༽གཅིག་མདུན་གྱི་ནམ་མཁའ་ལ་བསྐྱེད་པའི་སྨིན་འཚམས་ནས་ཨ་ལ་གསང་༼ཡུམ་དེའི་༽གནས་ནས་ཀ་ལི་བྱུང་ནས་སྟེང་དུ་འཕྲོས་པས་འཛིན་ནེ་ཐམས་ཅད་ཨ་ལི་ཀ་ལིའི་སྒྲས་གང་༼བར་བྱུང་༽སྟེ། དེ་ནས་དེ་རྣམས་མདུན་གྱི་ནམ་མཁའི་སྤྱི་བོར་ཐིམ་པས་༼ཡུམ་བསྐེད་པ་དེའི་༽ཤང་བུག་ནས་བྱུང་༼་་་་་༽ རང་གི་ཡུམ་གྱི་ཤང་བུག་ནས་ཞུགས་ནས། ཡུམ་གྱི་གསང་གནས་ནས་བྱུང་སྟེ། རང་གི་གསང་གནས་ནས་ཞུགས་སྟེ། ༼རང་གི་ཡུམ་གྱི་༽ཞལ་ནས་ཞལ་དུ་ཞུགས་སྟེ། ༼ཡུམ་གྱི་༽གསང་བར་བྱུང་སྟེ། ༼ཞལ་གཉིས་སུ་༽འཁོར་༼བ་༽ལ་དམིགས་ཤིང་རང་གི་ཡང་༼ཨ་ལི་ཀ་ལི་༽ངག་དུ་དེ་བརྗོད། དེ་ནས་ཡུམ་རང་ལ་ཐིམ་པ་དང་། རང་སྣང་ལ་རང་བཞིན་མེད་པའི་སྐུ་དེ་གསལ་བར་བྱས་ལ། ངས་ཟུང་འཇུག་གི་སྐུ་དེ་ལ་བརྟེན་ནས་སེམས་ཅན་གྱི་དོན་བྱ་དེ་ཡང་རྨི་ལམ་ཡིན་སྒྱུ་མ་ཡིན་སྙམ་པའི་འདུན་པ་བྱ་བ་གལ་ཆེ་གསུངས་སོ།
གཞན་ཡང་བདེ་འབྱམ་བཅད་པ་ལ། ༼རྒྱུད་ལས་༽ཡུལ་དང་དབང་པོ་སྦྱར་བྱས་ལ། དེ་ཉིད་སྒྱུ་མར་༼དེ་ཉིད་ཀྱིས་བསྟན་པར་བྱ་༽ཤེས་པར་བྱ། ཅེས་དེ་ལས་རྒྱབ་བརྟེན་ནས་གཅོད་ལུག་ ༧ ཀྱང་ཡོད་སྟེ་འདིར་མི་སྟོན་༼ཅིང་བཀའ་ཆད་༽གསུང་ངོ་།
ཡང་སྒྱུ་ལ་ལ་དཔེ་དོན་གཉིས་ལས། དཔེ་ནི་སྣང་བ་ཐམས་ཅད་ཀྱང་། རང་བཞིན་མེད་པ་དཔེའ་༼སྒྱུ་མ་༽ཡིན་ལ། དོན་ནི་རང་གི་སྒྱུ་མ་ཉམས་སུ་མྱོང་པས། རྨི་ལམ་ཟིན་ནས་སྣང་བ་མ་འགག་པ། རང་བཞིན་མེད་པར་ཤེས་པ་དེ་ཡིན་ནོ། དེ་སྦྱངས་པ་མེ་ལོང་གི་གཟུགས་བརྙེན་ལ་བརྟེནས། སྦྱོང་བ་ལག་པ་༼སྟོད་སྨད་བྱས་ནས་༽དེ་མི་དགོས་ཤིང་མི་ཕན་པའི་རང་ལྷ་སྐུར་བསྒོམ་པ་དེ་བདེ། འདི་དབྱིན་ནས་དང་ཁ་དོག་དང་། རྒྱན་ལ་སོགས་པ་འདི་འདྲ་བར་སྣང་། རང་གི་བློས་བཀོད་པ་༼སྐུ་དོག་དང་ཞལ་ཕཡག་ལ་སོགས་༽ལས་བདེན་པར་གྲུབ་པ་ཅི་ཡང་མེད། དེ་བཞིན་དུ་སྣང་ཞིང་སྲིད་པས་བསྡུས་པའི་ཆོས་ཐམས་ཅད་ཀྱང་ཕྱི་རོལ་བག་ཆགས་ཀྱི་རྐྱེན་ལས་བྱུང་བ་ལ། ནང་འཛིན་པ་འང་རྟོག་པ་ལས་བྱུང་བ་མ་གཏོག་པ་བདེན་པར་གྲུབ་པ་མེད་སྙམ་དུ་ཉིན་པར་འདུན་པས་སྦྱང་ཤིང་། ཉལ་དུས་སུ་རང་གི་སྙིང་གི་དཀྱིལ་དུ་བླ་མ་འོད་ཀྱི་རང་བཞིན་དུ་བསམ་ལ། དེའི་སྐུ་སྟོད་ནས་འོད་ཟེར་དཀར་པོ་བྱུང་ནས་རང་གི་སྟོད་གང་སྟེ་གཏི་མུག་སྦྱང་། སྐུའི་སྨང་ནས་འོད་ཟེར་དམར་པོ་བྱུང་ནས། རང་གི་སྨད་དེ་གང་ནས་འདོད་ཆགས་དག་པར་བསམས་ནས་རྨི་ལམ་བཟུང་༼རྨི་ལམ་༽གསུངས་སོ།
ཡང་འཁྲུལ་འབྱམ་རྩ་བ་མ་ཆོད་གདམ་ངག་ལ་ཐེ་ཙོམ་༼ཡང་ན་༽ཟ་ན། ཏིང་ངེ་འཛིན་ ༨ གྱི་དབང་བསྐུར་དང་། རྣོར་ནང་༼གཉིས་བསྒྲུག་༽གི་ཚུགས་སོགས་མང་དུ་བྱ་གསུང་ངོ་།
ཡང་ན་སྐུ་གསུང་ཐུགས་ཀྱི་རྡོ་རྗེ་གཅིག་དུ་བསྒོམ་པ་ནི། རང་གི་སྤྱི་བོའི་ཧཾ་ཐིག་ལེ་དཀར་པོར་གྱུར་ཏེ་མར་བྱུང་། ལྟེ་བའི་ཨོཾ་ཐིག་ལེ་དམར་པོར་གྱུར། རང་གི་དབང་པོའི་རྩེ་མོར་ཐིག་ལེ་དམར་པོ་གཅིག་བསམ། དེ་ཡར་ནང་བཟློག་སྟེ། ཐིག་ལེ་གསུམ་པོ་གཅིག་དུ་གྱུར་ནས། རང་གི་སྙིང་གི་དཀྱིལ་དུ་ཐིག་ལེ་འོད་ཀྱི་རྣམ་པ་སྣང་ལ་རང་བཞིན་མེད་པར་བསམ། དེ་ལས་ཐིག་ལེ་འཕྲོས་༼འོད་ཀྱི་རང་བཞིན་དུ་༽ཏེ། གང་ལྟ་བར་འདོད་པའི་གནས་སུ་ཕྲོས་སོང་ནས། གང་ལྟ་བར་འདོད་པ་དེའི་སྙིང་ཁར་བཅུག་ལ་རང་གི་ཐིག་ལེ་ལས་འོད་བ་ཐག་ལྟུས་སྦྲེལ་བ་ལ་བརྟེན་ནས་བལྟ་༼ཡུལ་སྣང་༽གསུང་ངོ་། ཕྱིར་ན་སྒྱུ་ལུས་སྒོམ་པ་༼ཆག་པས་འབྱམ་པས་དམིགས་༽ལ་ཆག་པ་ལྷུག་པར་སྐྱེས་ནས། བར་དོར་བག་ཆགས་ལྡང་བས་སྒྱུ་མར་ཆོད་པར་བྱ། འཁྲུལ་འབྱམས་ཀྱི་བག་ཆགས་བར་དོར་ལྡང་དགོས་པའི། ཐ་མལ་༼འདེ་ཉིད་༽གྱི་ལུས་ཡི་དམ་དུ་བསྒྱུར་བར་བྱ་སྟེ། ལྷ་སྐུ་ལས་དེ་ལྟུ་དཔག་དུ་མེད་པ་སྤྲེས། ཡང་ང་༼སྣང་བ་ཐམས་ཅད་ཡི་དམ་སུ་་་་ལ་༽ལ་བསྡུས་པ་འདི་རྨི་ལམ་ཡིན། སྒྱུ་མ་ཡིན། རྨི་ལམ་དུ་ཡང་དེ་ལྟར། བར་དོར་ཡང་དེ་ལྟར་ཤེས་པར་བྱ་སྙམ་དུ་བསམ། ངག་གི་ཅི་༼གྲག་སྟོང་དུ་༽སྒྲས་པ་སྔགས་སུ་མོས་པ་བྱ། སེམས་དྲན་རྟོག་ཐམས་ཅད་སྐྱེ་མེད་དུ་ཆོད་པར་བྱ་བ་གལ་ཆེའོ། དེ་ཡང་བག་ཆགས་ཀྱི་ ༩ ལུས་ཀྱིས་གར་ཕྱིན་ཡང་། ཁྱབ་བྱེད་རླུང་གི་འབྲེལ་མ་ཆད་པས། སད་དུས་རྣམ་སྨིན་ལུས་ལ་སེམས་གནས་སོ། དེ་ཡང་འབྲེལ་པ་ཆེ་བའི་དུས་སུ་ཡིད་ཀྱིས་གཞན་དུ་ཕྱིན་དུས་སུ། རྣམ་སྨིན་གྱི་ལུས་མེད་དུ་དོག་པ་དང་། དེ་དང་དེ་ལ་འཇུག་པ་༼དྲག་པོ་དང་བཅས་ནས་༽ཚོལ་དགོས་ལ། འབྲེལ་པ་༼བག་ཆགས་ཀྱི་༽ཕྲ་བའི་དུས་སུ་རྣམ་སྨིན་གྱི་ལུས་གང་ལ་ཡོད་ཤེས་ལ། དེ་དང་དེར་འཇུག་པ་དང་། དེ་ནས་འགྲོ་བ་ལ་ཚེག་མེད་གསུངས་སོ།
ཡང་སྒྱུ་མའི་བྱིན་བརླབ་ལ་འཕོ་བ་ནི། རང་ཡི་དམ་དུ་གནས་པའི་སྤྱི་བོར་བདེ་མཆོག་དྲུག་བཅུ་རྩ་གཉིས་ཀྱི་ད་ལ་དང་། མགྲིན་པར་མ་ཧཱ་མ་ཡ་ལྷ་ལྔ་དང་། སྙིང་ཁར་དགྱེས་མཛད་ལྷ་དགུ་དང་། ལྟེ་བར་གསང་བར་འདུས་པ་ལྷ་བཅུ་དགུ་དང་། གསང་གནས་སུ་གཞིན་རྗེ་གཤེད་ལྷ་བཅུ་བདུན་གྱི་ད་ལ་བསམ། མ་ཤེས་ན་དེ་རྣམས་ཀྱི་གཙོ་བོ་བསམ་མོ། དེ་ནས་བདེ་མཆོག་གི་གཙོ་བོའི་ཐུགས་ཁ་ནས་འོད་འཕྲོས་བས་སངས་རྒྱས་ཐམས་ཅད་ཀྱི་སྐུའི་ཡོན་ཏན་བསྡུས། རང་གི་ལུས་གང་བར་བསམ། དེ་བཞིན་དུ་མགྲིན་པའི་མ་ཧ་མ་ཡས་གསུངས་གི་༼སངས་རྒྱས་ཐམས་ཅད་ཡས་བསྡུས་༽དང་། དགྱེས་རྡོར་གྱི་ཐུགས་ཀྱི་དང་། གསང་འདུས་ཀྱི་ཡོན་ཏན་གྱི་དང་། གཤིན་རྗེ་གཤེད་ལས་༼གསང་གནས་གཤིན་རྗེ་གཤེད་༽འདེ་འཕྲོས་པས་སངས་རྒྱས་ཐམས་ཅད་ཀྱི་འཕྲིས་བསྡུས་པ་དེ་ ༡༠ ཉིད་ལ་ཐིམ་པར་བསམ་ཞིང་། ལྷ་རྣམ་ཀྱི་སྔགས་ཤེས་ན་བརྗོད། མི་ཤེས་ན། ཨོཾ་ཨཱ་ཧཱུྃ་ཧཱུྃ་ཧཱུྃ་ཞེས་བརྗོད་པར་བྱའོ། དེ་ནས་གཤིན་རྗེ་གཤེད་འོད་དུ་ཞུ་ནས་རང་གི་ཕྲག་དོག་དག་པར་བྱས། ལྟེ་བ་༼གསང་འདུས་༽ལ་ཐིམ་སྟེ་ལྟེ་བའི་༼གསང་འདུས་༽འོད་དུ་ཞུ། ང་རྒྱལ་སྦྱངས་ཐུགས་ཁར་ཐིམ། ཐུགས་ཁའི་༼དགྱེས་རྡོར་༽འོད་དུ་ཞུ་ཞེ་སྡང་སྦྱང་། མགྲིན་པར་ཐིམ། མགྲིན་པར་འོད་དུ་ཞུ། འོད་ཆགས་༼བདེ་མཆོག་༽སྦྱངས་སྤྱི་བོར་ཐིམ། སྤྱི་བོའི་ལྷ་ཚུགས་འོད་དུ་ཞུ། གཏི་མུག་སྦྱང་ཏེ་སྤྱི་བོར་ཐིམ་པ་དང་། བདེ་མཆོག་རིགས་ལྔའི་དཀྱིལ་འཁོར་དུ་གྱུར་པ་དང་། དེ་དག་གི་ཐུགས་ཁ་ནས་འོད་ལྔ་བྱུང་སྟེ། རང་གི་ལུས་གང་བས་དུག་ལྔ་སྦྱང་ཤིང་ཡེ་ཤེས་ལྔ་སྒྱུད་ལ་སྐྱེས་པར་བསམ་ཞིང་། སྔར་ལྟར་སྔགས་བརྗོད་དེ་ཡང་ལྷ་རྣམས་རིམ་གྱི་ཐིམ་སྟེ། དེ་ཡང་མཐའ་ནས་གཙོ་བོ་ལ་ཐིམ་པ་ལ་རང་གི་རིགས་པ་བཅུག་ལ། རྣམ་སྨིན་གྱི་ལུས་པོ་རང་དག་ལ་སོང་བར་བསམ། རིགས་པ་ལྷ་སྐུ་སྣང་ལ་རང་བཞིན་མེད་པ་སྒྱུནན་དུ་གནས་པར་བྱའོ། གསུངས་སོ།
་་་་་་་་ལྡན་བླ་མའི་༼ཤང་པ་༽གསུང་གི་བདུད་འདི། དྲན་པས་སྣོད་༼པས་༽དུ་བརྗོད་ངས་བརྟུལ་༼ཀྱི་༽དབོན་༼པར་༽བྱས་༼སོ༽། འཁོར་བའི་༼སྙོན་མོངས་པ་༽ནང་རྣམས་ཞི་བར་བྱེད་པའི་མཆོག་༼འདི།༽ སྐལ་ངན་རྣམས་ཀྱིས་ཉམ་སུ་བླང་བར་ཞུ།། །