Dug gsum dag byed zhal gyi bdud rtsi

Resource ID	SN1
Title	dug gsum dag byed zhal gyi bdud rtsi
Alt. title	dug gsum dag byed bdud rtsi
Author	Sangyé Nyentön

༄༅། །དུག་གསུམ་དག་བྱེད་ཞལ་གྱི་བདུད་རྩི་བཞུགས་སོ།།

ན་མོ་གུ་རུ།
ཡང་དག་པར་རྫོགས་པའི་སངས་རྒྱས་ཀྱིས། སེམས་ཅན་གྱི་རྒྱུད་ལ་ཉོན་མོངས་པ་བརྒྱད་ཁྲི་བཞི་སྟོང་ཡོད་པའི་གཉེན་པོར། ཆོས་ཀྱི་སྒོ་མོ་བརྒྱད་ཁྲི་བཞི་སྟོང་གསུངས་ཡང་། ཉོན་མོངས་སྤོང་བའི་གཉེན་པོར་བཐུན་ནོ།
།དེ་ཡང་ཉོན་མོངས་པ་དེ་རྣམས་བསྡུ་ན། གསུམ་དུ་འདུས་འདུས་ཏེ། འདོད་ཆགས། ཞེ་སྡང་། གཏི་མུག་གོ
།དེ་ལྟར་དུག་གསུམ་པོ་སྤང་དགོས་ཏེ། དེ་མ་སྤངས་ན། གནས་སྐབས་མཐར་ཐུག་ཐམས་ཅད་ལ་གནོད་པ་བྱེད་དེ། གནས་སྐབས་སུ་ནད་གདོན་ཐམས་ཅད་བསྐྱེད་པར་བྱེད། མཐར་ཐུག་ངན་སོང་དུ་སྐྱེས་ནས། སྡུག་བསྔལ་མཐའ་དག་ཉམས་སུ་མྱོང་བར་བྱེད་པས། དེ་སྤང་དགོས། དེ་སྤོང་བའི་ཐབས་ལ། འདོད་ཆགས་ལ་མི་སྡུག་པ་རྒྱན་གྱི་འཁོར་ལོ། ཞེ་སྡང་ལ་བྱམས་པ་སྙིང་པོ་བྱང་ཆུབ་ཀྱི་སེམས་བསྒོམ་པ། གཏི་མུག་ལ་སོ་སོར་རྟོག་པའི་ཤེས་རབ་བསྒོམ་གསུང་ངོ་།
།དེ་ལ་ཉོན་མོངས་པ་འདོད་ཆགས་ལྟ་བུ་གཅིག་འཕེལ་ན། གནས་སྐབས་སུ་མོ་གདོན་གྱི་གནོད་པ་འབྱུང་། དེས་བསྐྱེད་པའི་ནད་ལྡང་དུབ་ལ་སོགས་པ་འབྱུང་ངོ་། །མཐར་ཐུག་ཡི་དགས་ཀྱི་སྡུག་བསྔལ་ཉམས་སུ་མྱོང་ངོ་།
།དེ་ལ་རང་གི་སྤྱི་གཙུག་ཏུ་བླ་མ་དམ་པ་བསམ་ལ། མདུན་དུ་བདག་ལ་གནོད་པར་བྱེད་པའི་གདོན་ཐམས་ཅད་འུབ་ཀྱི་འདུས་པར་བསམ་ལ། བླ་མའི་ཐུགས་ཀ་ནས་འོད་བྱུང་པས། བདག་གི་ལུས་ལ་པོག །དེས་༼༽རྐྱེན་བྱས་པ་བཞིན་སོང་ནས། རང་གི་ཤ་དང་ལྤགས་པ་དང་། ནང་འཁྲོལ་དང་བཅས་པ། ཟུལ་གྱི་ཕུད་ནས། མདུན་གྱི་གནོད་བྱེད་ལ་བློས་༼་་་༽ཀྱིས་བྱིན་ནས། ཁྱེད་དགའ་ན་བྱིན་པས་ཆོག་སྙམ་དུ་ཡང་ཡང་བསམ་མོ།
།དེ་ལྟར་བྱས་ནས་རང་གི་ལུས་འདི་ཀེང་རུས་དཀར་པོ་མིག་ཁུང་ཧ་རེ་བ། སོ་སྐྱ་ཙིག་གེ་བ། རུས་པ་སྐྱ་ཏལ་ལེ་བ། རྩིབ་མ་བཀྲ་ཡལ་བ་གཅིག་ཏུ་བསྒོམ་པས་ནས། དེ་ལ་ཡིན་རིང་དུ་གནས་པར་བྱས་ན་ཉོན་མོངས་པ་འདོད་ཆགས་ལས་གྱུར་པ་ཉི་ཁྲི་ཆིག་སྟོང་ལ་སོགས་པ་རང་དག །ཁྱད་པར་༼༽མོ་གདོན་པས་མི་༼༽ཚུགས་༼༽ཆོག་གསུང་ངོ་།
།ཡང་ལུགས་གཅིག་ལ། རང་གི་སྨིན་ཁྲག་ཏུ་ཤུ་བ་ལྟ་བུའི་རྨ་གཅིག་ནས་མཚམས་བྱེད་ན། ཤ་ལ་སོགས་པ་ཀུན་གོང་ལྟར་གནོད་བྱེད་ལ་སྟེར་བར་བྱེད་པ་འདི་ཡང་ལུགས་གཅིག་ཡིན་གསུང་སྟེ། ཕྱག་བཞེས་གོང་མ་ལ་མཛད་དོ།
།འདིའི་ཆ་ལག་ཏུ་༼ནཻ་གུ་མའི་བཞད་པས་༽གདོན་ཁྲིད་ལྟ་བུ་བྱེད་ན། གོང་ལྟར་ཀེང་རུས་སུ་བསྒོམས་པའི་ཁོང་པའི་ནང་དུ། ཡི་དམ་གྱི་ས་བོན་ཧཱུྃ་བསྒོམ་པའམ། ཧཱུྃ་ལས་མེ་འབར་བ་འམ། ལྷ་སྐུ་ཡོངས་སུ་རྫོགས་པར་བསྒོམ་པ་འམ། འཇམ་རྩུབ་ཀྱི་ཚད་བཟུང་ནས་བསྒོམ་པར་བྱ། དེ་དམིགས་པ་རྐྱང་པར་བསྒོམ་པའམ། ་་་ ༦༠༣
་་་ ༦༠༥
ཕྲིས་སྒྲུབ་པར་བྱེད་པ། བླ་མའི་སྒོ་ནས་མི་དང་མི་མ་ཡིན་པ་དབང་དུ་བྱེད་པ་དང་། དམིགས་པ་གཞན་དག་ཕྲན་རྣམས་ནི་བླ་མའི་ཞལ་ལས་རྟོག་པར་བྱའོ།
།དུག་གསུམ་གནད་འགྱུར་ཞལ་གྱི་བདུད་རྩི་འདི། །བླ་མའི་གསུང་བཞིན་བདག་གིས་ཡི་གེར་བཀོད། །དགེ་བ་དྲི་མེད་རྒྱ་ཆེན་གྱུར་པ་དེས། །འགྲོ་ཀུན་ཐམས་ཅད་མཁྱེན་པ་ཐོབ་པར་ཤོག
།དུག་གསུམ་དག་བྱེད་བདུད་རྩི་ཞེས་བྱ་བ་རྫོགས་སོ། །ཤུ་བྷཾ་་་་་་་སརྦཛགཏི
སངས་རྒྱས་གཉན་སྟོན་གྱིས་གསུང་ངོ་།