Edit Text: Rus pa'i lte ba'i tsakra grong khyer dkrugs pa dang lus ngag yid gsum nan pa rnams kyi zhal shes be'u bum nag po'i snying po chags pa rnam gsum gyi man ngag rtags kyi rim pa shog dril nag po'i man ngag rnams

Free text:

<span class="main_text">༈ རུས་པའི་ལྟེ་བའི་ཙཀྲ་གྲོང་ཁྱེར་དཀྲུགས་པ་དང་ལུས་ངག་ཡིད་གསུམ་མནན་པ་རྣམས་ཀྱི་ཞལ་ཤེས་བེའུ་བུམ་ནག་པོའི་སྙིང་པོ་ཆགས་པ་རྣམ་གསུམ་གྱི་མན་ངག་རྟགས་ཀྱི་རིམ་པ་ཤོག་དྲིལ་ནག་པོའི་མན་ངག་རྣམས་བཞུགས་སོ།།<br />༼སེ༽ མ་ཧཱ་ཀཱ་ལ་ན་མོ། <br />བེའུ་བུམ་ནག་པོའི་སྙིང་པོ་འདི། །ཤིན་ཏུ་བརྣག་པས་མན་ངག་སྟེ། །བསྟན་དགྲ་བསྒྲལ་ཕྱིར་བཤད་པར་བྱ། །གཏོར་མའི་ལས་ལ་བརྣག་པ་ཡི། །མན་ངག་འདི་ནི་ཤེས་ཕྱིར་བྲིས། །རུས་པའི་ལྟོ་བ་ཙཀྲ་ནི། །རི་མཉམ་ཕྱེད་སྒོ་སོགས་ཐོག་ལ། །ས་བོན་རྩ་སྔགས་བརྩིན་ཐུན་བཀོད། །ལྟེ་བར་ཎི་ལ་གསང་བར་མི། །ཕྱི་རོལ་ཙཀྲ་རྩིབས་ལྔ་ལ། །འཁོར་དང་ལྷ་མོའི་ས་བོན་སྔགས། །ཡི་གེ་ལྔ་ཡི་གོང་དུ་མིང་། །གཞུག་ལ་ཕྱི་རོལ་ཤཱ་སཱ་ན། །བར་སྐབས་མིང་གཞུག་ཤེས་པར་བྱ། །ཡི་གེ་བཞི་ཡི་གཟོར་ཆེན་གདབ། །གྲོང་ཁྱེར་དཀྲུགས་པའི་ལས་སྦྱོར་ལ། །གྲོང་ཁྱེར་དབུས་སུ་རྒྱལ་བློན་གྱི། །གཟུགས་ཀྱི་སྙིང་གར་ཡི་གེར་གཞུག །ལོགས་པར་བྲེལ་ལ་བཅུག་པ་སྟེ། །རླུང་གི་ས་ནོན་མཚལ་གྱིས་བྲིས། རུས་པ་རྣམས་ཀྱི་རྒྱན་སྟབས་སུ། །གྲི་ལྕགས་སྙུ་གུས་བྱི་ལ་དང་། །བྱི་བ་ར་ཁྱི་དཀར་ནག་ཁྲག །འུག་པ་བྱ་རོག་ཁྲག་དང་སྦྱར། །ནུབ་བྱང་མཚམས་སུ་ཁ་བསྟན་ལ། །ཨ་ཀྟ་ཡ་ཙཀྲ་ཕྱེ། བི་དྷི་ཤ་ས་ར་ཀྲ་ར་ཀྲ་ཡ་ཕྱེ་ཕྱེ། ཤིག་ཤིག་དེ་བྲིས་རང་གི་དྲི་མ་དང་། ཁ་རླངས་སྤངས་ཏེ་སོར་བཞི་སྟེབས། ཁ་སྦྱོར་དབྱེ་བ་གཞུང་བཞིན་བྱེད། །ལུས་ནས་དབབ་པའི་མན་ངག་ལ། །རྟ་རྐྱང་དྲེལ་གསུམ་ཁྲག་དང་ནི། །སྤྱང་ཀི་དོམ་དྲེད་ཁྲག་ཀྱང་བསྲེ། །ཁྲ་དང་བྱ་རོག་ཁྱི་ཡི་བྲུན། །དགུག་གཞུག་དང་བསྟུན་བྱུང་ས་ཅེས། །ངག་ནས་དབབ་པའི་མན་ངག་ལ། །བུད་མེད་རིགས་ནི་མི་གཅིག་པ། །གསུམ་གྱི་ཁུ་བས་གསང་ནས་བྱུགས། ཁ་ནས་མངར་གསུམ་སྲི་ཅེས་བྲི། །སྨྱོས་བྱེད་ཁུ་བས་བུ་ག་བྱུགས། །ཡིད་ནས་དབབ་པའི་མན་ངག་ལ། །ཞིང་ཁང་ནོར་གྱི་རྫས་རྣམས་བྱུགས། །བྱ་སྦྲུལ་ཕག་གི་ཤ་ཡང་ཤེས། །ལུས་ངག་ཡིད་ཀྱི་དབབ་པ་འདི། །མངོན་སྤྱོད་གཏོར་ཆེན་ཞལ་ཤེས་ཏེ། །[[Khyungpo Neljor|ཁྱུང་པོ]]འི་གསུང་གི་མཐར་ཐུག་གོ །<br />༈ ཆགས་པ་རྣམ་གསུམ་མན་ངག་ལ། །ལུས་ནི་ཆགས་བྱེད་གོས་དང་དར། །ཆེ་བ་གསུམ་དང་ཡུངས་ཀར་བཅས། །རུས་སྦལ་རུས་པ་ཐལ་ཆེན་བྱུགས། །བྲིན་བྱ་ཏི་ལོ་ཤ་ཡང་ཤེས། །ངག་གི་ཆགས་བྱེད་མེ་ཏོག་དམར། །ཀ་ར་ཚིལ་ཆེན་ར་འོ་སྦྱར། །ཨཱརྨ་ཏྱེ་ར་ཛ་སྥ་ར་ཎ་ཁཾ། །འདི་བྲིས་ཁ་ཡི་སྟེང་དུ་མནན། །ཡིད་ཀྱི་ཆགས་བྱེད་གསེར་དང་དངུལ། །བྱི་རུ་དུང་དང་སྦྱར་ནས་སུ། །ཐོད་པར་ཨཱདྨ་མུ་ནི་ཁཾ། །ཀྲ་བཾ་རིལ་ཛ་གསུམ། འདི་བྲིས་སྙིང་གར་མནན་ནས་སུ། ཁ་སྦྱོར་དབྱེ་བ་བྱེད་པ་ཡིན། །དུ་བས་བདུག་པས་རྫས་ལ་ནི། །སྔགས་ལ་དབང་ཐོབ་དམ་ཚིག་ཉམས། །མི་མེད་མཛེས་ཅན་སྡོམ་པ་ཤོར། །དྲི་ཆེན་གྲུཾ་ཁྱེ་ར་བྲེ་དང་། །མུ་བྲི་དཀར་ནག་རོལ་སོལ་ལ། །སྲོག་ཚེ་དུ་བ་མཛེས་པར་གཅེས། <br />།མང་ཐོས་[[Gelek Pelsang|དགེ་ལེགས་དཔལ་བཟང་]]གིས། །མཁས་གྲུབ་གོང་མའི་མན་ངག་ལ། །ལྷད་ཞུགས་བསལ་ནས་དག་པར་བྱས། །རྟགས་ཀྱིས་རིམ་པ་འདི་ལྟ་སྟེ། དམག་གི་བརྩོན་ནི་བཟུང་བ་དང་། །བྱིའུ་ཁྲ་ཡི་དེད་པ་དང་། །སྲིན་པོ་དངོས་སུ་འགྲོ་བ་རྣམས། །གཞན་གྱི་དེད་པས་རང་ལ་སྐྱབས། །དེ་ལྟར་རྟགས་ནི་བྱུང་བ་དང་། ཁ་སྦྱོར་དབྱེ་བ་བྱེད་པ་ན། །འོད་ཟེར་རང་ལ་ཐིམ་པ་དང་། །དུད་འགྲོ་སྐྱབས་དང་བྲལ་བ་དང་། །གཅེར་མོ་འགྲོ་བའི་སྣང་བ་འབྱུང་། །དེ་ནས་གཏོར་ཆེན་ལས་ལ་འཇུག །ཤོག་དྲིལ་ནག་པོའི་མན་ངག་རྫོགས་སོ། །ཨྀཐིཿ ས་མ་ཡ།</span>

Summary:

This is a minor edit Watch this page

Cancel