Mgon po gsang bsgrub kyi bka

Resource ID	BB249
Title	mgon po gsang bsgrub kyi bka
Topics	White protector
Sub-Topics	Various
Notes	The last praise is different from mgon dkar gyi bstod pa phyogs bcu du gsum ma

TO INPUT
མགོན་པོའི་གསངས་བསྒྲུབས་ཀྱི་བཀའ་བཞུགས་སོ།

མཎྜལ་གྲུ་གསུམ་འཐིང་ནག་མེ་རི་དང་བཅས་པའི་མཐ། ཅི་འབྱོར་པའི་མཆོད་གཏོར་དང་། ཚོགས་ཀྱིས་བསྐོར་ལ། མཎྜལ་ལ་མགོན་པོ་ཕྱག་དྲུག་པ་སྐུ་མདོག་འཐིང་ཀ་ལ་དམར་བའི་མདངས་ཆག་མཆིན་ཁར་བསྐྱེད་ལ། གཞན་དགུག་གཞུག་ལ་སོགས་པ་འདྲ་བ་ལས། ་་་
།བཞིའ་པ་རང་རང་གི་ཐད་སོར་ངོ་སྤྲོད་དོ། །ལྷག་མ་ཐམས་ཅད་གཞན་དང་འདྲའོ། །གསུང་ལ་རིའོ།། ཨྀཐི།།

མགོན་པོ་ཡིད་བཞིན་ནོར་བུ་ལ་ཕྱག་འཚལ་ལོ།
།ཕྱོགས་བཅུའ་དུས་གསུམ་སངས་རྒྱས་ཐམས་ཅད་ཀྱི། །ཐུགས་རྗེ་གཅིག་བསྡུས་རྗེ་བཙུན་སྤྱན་རས་གཟིགས། །དེའི་སྤྲུལ་པ་ཕྱག་དྲུག་མགོན་པོ་ལ། །ལུས་ངག་ཡིད་གསུམ་དང་བས་ཕྱག་འཚལ་ལོ།
།མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གང་རི་ལྟ་བུར་འོད་ཟེར་འཕྲོའ། །ཞལ་གཅིག་ཕྱག་དྲུག་ཞབས་གཉིས་ནོར་བདག་མནན། །འགྲོ་བའི་དབུལ་བ་སེལ་ལ་ཕྱག་འཚལ་ལོ།
།ཕྱག་གཡས་དང་པོ་ཡིད་བཞིན་ནོར་བུ་བསྣམས། །བར་པ་གྲི་གུག་དབུལ་འཕོང་སྡུག་བསྔལ་གཅོད། །ཐ་མ་ཌ་རུས་མཁའ་འགྲོ་དབང་དུ་སྡུད། །ཁམས་གསུམ་དབང་དུ་སྡུད་ལ་ཕྱག་འཚལ་ལོ།
།གཡོན་པ་རིན་ཆེན་བུམ་པ་སྐུ་ལ་བརྟེན། །བར་པ་རྩེ་གསུམ་ཁམ་གསུམ་མ་ལུས་སྒྲོལ། །ཐ་མ་ལྕགས་ཀྱུས་ངན་སོང་གནས་ནས་འདྲེན། །མགོན་པོ་ཐུགས་རྗེ་ཅན་ལ་ཕྱག་འཚལ་ལོ།
།སྐུ་སྟོད་རིན་ཆེན་རྒྱན་གྱིས་རྣམ་པར་བརྒྱན། །སྐུ་སྨད་རིན་ཆེན་ཟུར་བུས་རྣམ་པར་མཛེས། །ཕྱག་ཞབས་ཐམས་ཅད་རིན་ཆེན་ནོར་བུས་རྣམ་པར་བརྒྱན། །འགྲོ་བའི་རེ་འདོད་སྐོངས་ལ་ཕྱག་འཚལ་ལོ།
།ཁྱོད་ནི་ཡིད་ལ་དྲན་པ་ཙམ་གྱིས་ཀྱང༌། །དེའི་མོད་ལ་དབུལ་འཕོངས་སྡུག་བསྔལ་སེལ། །འགྲོ་བའི་རེ་འདོད་ཚུལ་བཞིན་སྐོངས་མཛད་པའི། །ཡིད་བཞིན་ནོར་བུ་ཁྱོད་ལ་ཕྱག་འཚལ་ལོ།
།བདག་ཅག་ཁྱོད་ལ་མཆོད་ཅིང་གུས་བསྟོད་ན། །ཇི་སྲིད་བྱང་ཆུབ་མ་ཐོབ་བར་དུ་ཡང༌། །མགོན་པོ་ཁྱེད་ཀྱི་ཐུགས་རྗེས་རྗེས་བཟུང་ནས། །བྱང་ཆུབ་བསྒྲུབས་པའི་མཐུན་རྐྱེན་འགྲུབ་པར་མཛོད།
།དེའི་དགེའ་བས་བདག་ཀྱང་དེ་བཞིན་དུ། །འགྲོ་བ་རེ་འདོད་ཚུལ་བཞིན་སྐོངས་པ་དང༌། །སེམས་ཅན་སངས་རྒྱས་ས་ལ་འགོད་པ་ཡི། །འགྲོ་བའི་དོན་ལ་མཐུའ་དང་ལྡན་པར་མཛོད།།
།།མགོན་པོ་ཡིད་བཞིན་ནོར་བུ་ལ་བསྟོད་པ་དགོས་འདོད་ཀུན་འབྱུང་ཞེས་བྱ་བ། ཀུ་སུ་ལུ་པ་བརྩོན་རྒྱལ་གྱིས་བསྟོད་པ་དགེའོ།།