Difference between revisions of "Snang sems gcig tu bsre ba"

From Shangpa Resource Center
Line 6: Line 6:
 
|Subject=Various
 
|Subject=Various
 
|Associated Person=Sangyé Tönpa
 
|Associated Person=Sangyé Tönpa
 +
|BDRC link=[https://www.tbrc.org/#library_work_ViewByOutline-O01DG1049095195%7CW23922 BDRC W23922]
 
}}
 
}}
 
<span class="main_text">༄༅། །སྣང་སེམས་གཅིག་ཏུ་བསྲེ་བ་བཞུགས་སོ།།<br />༼སྣང་བ་རང་གི་སེམས་སུ་ངོ་འཕྲོད་པ།༽<br /><br />བླ་མ་སངས་རྒྱས་རིན་པོ་ཆེ་ལ་ཕྱག་འཚལ་ལོ།<br />།བདེ་བའི་སྟན་ལ་ལུས་སྐྱིལ་ཀྲུང་ལེགས་པར་བྱས་ལ། སེམས་ཅན་ཐམས་ཅད་ཀྱི་དོན་དུ་ཞེ་འདོད་གཏིང་ནས་མེད་པའི་བློ་བསྐྱེད་ལ། རང་གི་ལུས་བདེ་མཆོག་ཏུ་བསྒོམ་པའི་སྤྱི་བོར་པད་ཟླའི་སྟེང་དུ། རྩ་བའི་བླ་མ་སྐུ་དཀར་ལ་འཛུམ་པའི་མདངས་དང་ལྡན་པ་གཅིག་བསམ། དེའི་ཐུགས་ཀ་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཡི་དམ་གྱི་ལྷ་ཚོགས་དང་། དམ་པ་ཆོས་སྐྱོང་བའི་སྲུང་མ། རང་གི་ཆོས་འབྲེལ་ཡོད་ཚད་བསྟིམ་པས་བླ་མ་འོད་དང་འོད་ཟེར་གྱི་རང་བཞིན་མཚན་ཐོས་པ་ཙམ་གྱིས་ཀྱང་ཕྱིར་མི་ལྡོག་པས་ས་ཐོབ་ན། གསོལ་བ་བཏབ་ན་སྨོས་མི་དགོས་པ་གཅིག་བསམ། རང་གི་མདུན་དུ་རང་ལ་གནོད་པར་བྱེད་པའི་གདོན་དང་གཞི་བདག་གིས་གཙོ་བྱས་པའི་མ་ནམ་མཁའ་དང་མཉམ་པའི་སེམས་ཅན་ཐམས་ཅད་ལུས་གུས་པའི་ཐལ་མོ་སྦྱར། ངག་གུས་པས་གསོལ་བ་འདེབས། ཡིད་གུས་པས་མོས་གུས་རྒྱུན་ཆད་མེད་པར་བསམ་ལ། རང་གི་ངག་ཏུ། བླ་མ་སངས་རྒྱས་རིན་པོ་ཆེ་ལ་གསོལ་བ་འདེབ་སོ། བྱས་པ་དང་སེམས་ཅན་ཐམས་ཅད་ཀྱང་ཁུ་དི་རི་རི་གསོལ་བ་འདེབས་པར་བསམ་ལ།བླ་མ་སངས་རྒྱས་རིན་པོ་ཆེ། བདག་གིས་བདག་འཛིན་བློས་ཐོངས་བར་མཛད་དུ་གསོལ། དགོས་མེད་སྣང་བ་རང་སེམས་སུ་རྟོགས་པར་མཛད་དུ་གསོལ། ཅེས་གསོལ་བ་དྲག་ལ་ཡུན་རིང་བར་གདབ་བོ། <br />ཐུན་མཚམས་སུ་ངའི་བླ་མ། ངའི་བླ་མ་སྙམ་པའི་མོ་གུས་གདུང་གདུང་པ་དང་། ང་དོ་ནུབ་འཆི་སྙམ་པའི་བློ་སྣ་ཐུང་སྦུད་པ་དང་། སྣང་བ་འདི་རྨི་ལམ་ཡིན་སྒྱུ་མ་ཡིན་སྙམ་པའི་འདུན་པ་དང་གསུམ་གྱི་དུས་འདའ་བར་བྱའོ། <br />ནུབ་མོ་གཉིད་ཀྱི་དུས་སུ། དུས་ཀྱི་གནད་དང་། ལུས་ཀྱི་གནད་དང་། དམིགས་པའི་གནད་དང་། ཁྱད་པར་དུ་རྟོག་པ་རྨི་ལམ་དུ་ངོས་བཟུང་བར་བྱའོ། <br />ཡང་བླ་མའི་གསོལ་འདེབས་སྔར་དང་འདྲ། ཁྱད་པར་དུ་རང་གི་ལུས་ཡི་དམ་དུ་བསྒོམས་པ་འདི་ཀ་རང་གི་སེམས་སུ་འདུག་སྙམ་པ་སྣང་སེམས་གཅིག་ཏུ་མ་འདྲེས་རིང་ལ་བསྒོམ། དེ་བཞིན་དུ་གཉིད་མ་སོང་བའི་དུས་སུ་བདེ་བའི་རྨི་ལམ་བུ་མེད་གཟུགས་བཟང་བ་དང་འཕྲད་པ་ལྟ་བུ་གང་བྱུང་སྟེ། གཉིད་སད་མ་ཐག་མིག་མ་འབྱེད་པར། བདག་གིས་ཕར་ཕྱིན་པ་མེད། བུད་མེད་ལ་སོགས་པ་གང་གིས་ཀྱང་ཚུར་ལ་འོངས་པ་མེད། རང་གི་སེམས་ངེར་ཤར་བ་ཡིན། སྣང་བ་གང་ཤར་ཀྱང་རང་གི་སེམས་སྣང་སེམས་གཅིག་ཏུ་འདུག་སྙམ་པ་བློ་ཐག་རྦད་ཀྱིས་བཅད་ལ་བསྒོམ་པར་བྱའོ།<br />ཡང་རྨི་ལམ་དུ་ཞེ་སྡང་སྐྱེ་བའི་ཡུལ་བྱུང་ན། རང་གི་སེམས་ཞེ་སྣང་སྐྱེ་བའི་ཡུལ་དུ་ཤར་ནས་འདུག །རང་ལ་རང་ཞེ་སྣང་སྐྱེ་བར་འདུག་སྙམ་དུ་བསྒོམ་མིག་མི་འབྱེད་པར་བསྒོམ། ཕྱེ་ནས་གསོལ་བ་དྲག་པོ་བཏབ་པས། སྣང་སེམས་གཅིག་ཏུ་མ་འདྲེས་རིང་ལ་བསྒོམ་པར་བྱའོ།<br />ཡང་རྨི་ལམ་དུ་ལུང་མ་བསྟན་བཏང་སྙོམས་གྱི་རྨི་ལམ་ཅི་བྱུང་བ་དང་མིག་མི་འབྱེད་པར་རྨི་ལམ་གྱི་ཡུལ་གྱིས་ཚུར་ལ་ཡོངས་པ་མེད། རང་གི་ཕར་ཕྱིན་མེད། རང་གི་སེམས་དེར་ཤར་ནས་འདུག་སྙམ་དུ་སྒོམ། མིག་ཕྱེ་ནས་ཀྱང་རྨི་ལམ་དང་ཁྱད་པར་མེད། ང་རང་མ་རིག་པའི་གཉིད་མ་སད་པས་ལན་སྙམ་དུ་བསམ་ཞིང་གསོལ་བ་དྲག་པོར་གདབ་ཅིང་བསྒོམ་པར་བྱའོ།<br />ཡང་རང་བཅོམ་ལྡན་འདས་བདེ་མཆོག་ཏུ་བསྒོམ་པའི་སྤྱི་བོར་བླ་མ་ལ་སྔར་ལྟར་གསོལ་བ་དྲག་པོ་བཏབ་པའི་རྗེས་ལ་རང་བདེ་མཆོག་ཏུ་བསྒོམ་པ་ནི། སྣང་གི་འདུག་ཀྱང་བདེན་མེད་ཡིན་ཨང་། དེ་བཞིན་དུ་དགྲ་སྡང་བ། གཉེན་བྱམས་པ། བདག་གཞན་ཁང་པ་རི་རྡོ་རྩི་ཤིང་ནགས་ཚལ་ཐམས་ཅད་བདེ་ན་མེད་ཡིན་ཨང་། སྣང་དུས་ན་སྟོང་པས། སྣང་སྟོང་ཡིན་སྙམ་པའི་ཐག་བཅད་ལ་བསྒོམ་པར་བྱའོ།<br />ཡང་སྔར་བཞིན་དུ་གསོལ་བ་བཏབ་ཅིང་བདེན་མེད་དུ་ཕྱམ་མ་སོང་རིང་ལ་བསྒོམ་པར་བྱའོ།<br />བཏང་སྙོམས་ལ་གནད་དུ་འགྲོ་བ་འདི་དཀའ་བ་ཡིན་པས། སྔར་བཞིན་དུ་གསོལ་བ་བཏབ་ཅིང་། བདག་གཞན་ཁང་པ་རི་རྡོ་རྩི་ཤིང་ནགས་ཚལ་དང་། གཟུགས་སྒྲ་ལ་སོགས་པ་ཐམས་ཅད་རང་གི་སེམས་དེར་ཤར་ནས་འདུག་སྣང་དུས་ནས་སྟོང་པས། སྣང་དུས་ནས་འདི་མི་བདེན་པར་འདུག་སྙམ་དུ་ཐག་བཅད་ལ་བསྒོམ་པར་བྱའོ། <br />ཡང་བདེ་སྡུག་བཏང་སྙོམས་གང་བྱུང་ཡང་རང་སེམས་སུ་ཐག་བཅད། སྐབས་སུ་ལྷ་སྐུ་དང་། ཕྲ་རགས་ལ་བསྟན་ལ་བསྒོམ། སེམས་འོད་གསལ། སྐུ་གསུམ་དུ་གཏན་ལ་ཕབ་ལ་བསྒོམ། དེས་ཞག་དང་། ཟླ་བས་སངས་རྒྱས་ཐོབ་པ་ཡིན་གསུང་ངོ་། <br />སྣང་བ་རང་གི་སེམས་སུ་ངོ་འཕྲོད་པ་ཞེས་བྱ་བ་སངས་རྒྱས་སྟོན་པའི་གསུང་བཞིན་དུ། ཡི་གེར་བཀོད་པ་འདི་ཡོངས་སུ་རྫོགས་སོ།། ཤུ་བྷཾ།། །།</span>
 
<span class="main_text">༄༅། །སྣང་སེམས་གཅིག་ཏུ་བསྲེ་བ་བཞུགས་སོ།།<br />༼སྣང་བ་རང་གི་སེམས་སུ་ངོ་འཕྲོད་པ།༽<br /><br />བླ་མ་སངས་རྒྱས་རིན་པོ་ཆེ་ལ་ཕྱག་འཚལ་ལོ།<br />།བདེ་བའི་སྟན་ལ་ལུས་སྐྱིལ་ཀྲུང་ལེགས་པར་བྱས་ལ། སེམས་ཅན་ཐམས་ཅད་ཀྱི་དོན་དུ་ཞེ་འདོད་གཏིང་ནས་མེད་པའི་བློ་བསྐྱེད་ལ། རང་གི་ལུས་བདེ་མཆོག་ཏུ་བསྒོམ་པའི་སྤྱི་བོར་པད་ཟླའི་སྟེང་དུ། རྩ་བའི་བླ་མ་སྐུ་དཀར་ལ་འཛུམ་པའི་མདངས་དང་ལྡན་པ་གཅིག་བསམ། དེའི་ཐུགས་ཀ་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཡི་དམ་གྱི་ལྷ་ཚོགས་དང་། དམ་པ་ཆོས་སྐྱོང་བའི་སྲུང་མ། རང་གི་ཆོས་འབྲེལ་ཡོད་ཚད་བསྟིམ་པས་བླ་མ་འོད་དང་འོད་ཟེར་གྱི་རང་བཞིན་མཚན་ཐོས་པ་ཙམ་གྱིས་ཀྱང་ཕྱིར་མི་ལྡོག་པས་ས་ཐོབ་ན། གསོལ་བ་བཏབ་ན་སྨོས་མི་དགོས་པ་གཅིག་བསམ། རང་གི་མདུན་དུ་རང་ལ་གནོད་པར་བྱེད་པའི་གདོན་དང་གཞི་བདག་གིས་གཙོ་བྱས་པའི་མ་ནམ་མཁའ་དང་མཉམ་པའི་སེམས་ཅན་ཐམས་ཅད་ལུས་གུས་པའི་ཐལ་མོ་སྦྱར། ངག་གུས་པས་གསོལ་བ་འདེབས། ཡིད་གུས་པས་མོས་གུས་རྒྱུན་ཆད་མེད་པར་བསམ་ལ། རང་གི་ངག་ཏུ། བླ་མ་སངས་རྒྱས་རིན་པོ་ཆེ་ལ་གསོལ་བ་འདེབ་སོ། བྱས་པ་དང་སེམས་ཅན་ཐམས་ཅད་ཀྱང་ཁུ་དི་རི་རི་གསོལ་བ་འདེབས་པར་བསམ་ལ།བླ་མ་སངས་རྒྱས་རིན་པོ་ཆེ། བདག་གིས་བདག་འཛིན་བློས་ཐོངས་བར་མཛད་དུ་གསོལ། དགོས་མེད་སྣང་བ་རང་སེམས་སུ་རྟོགས་པར་མཛད་དུ་གསོལ། ཅེས་གསོལ་བ་དྲག་ལ་ཡུན་རིང་བར་གདབ་བོ། <br />ཐུན་མཚམས་སུ་ངའི་བླ་མ། ངའི་བླ་མ་སྙམ་པའི་མོ་གུས་གདུང་གདུང་པ་དང་། ང་དོ་ནུབ་འཆི་སྙམ་པའི་བློ་སྣ་ཐུང་སྦུད་པ་དང་། སྣང་བ་འདི་རྨི་ལམ་ཡིན་སྒྱུ་མ་ཡིན་སྙམ་པའི་འདུན་པ་དང་གསུམ་གྱི་དུས་འདའ་བར་བྱའོ། <br />ནུབ་མོ་གཉིད་ཀྱི་དུས་སུ། དུས་ཀྱི་གནད་དང་། ལུས་ཀྱི་གནད་དང་། དམིགས་པའི་གནད་དང་། ཁྱད་པར་དུ་རྟོག་པ་རྨི་ལམ་དུ་ངོས་བཟུང་བར་བྱའོ། <br />ཡང་བླ་མའི་གསོལ་འདེབས་སྔར་དང་འདྲ། ཁྱད་པར་དུ་རང་གི་ལུས་ཡི་དམ་དུ་བསྒོམས་པ་འདི་ཀ་རང་གི་སེམས་སུ་འདུག་སྙམ་པ་སྣང་སེམས་གཅིག་ཏུ་མ་འདྲེས་རིང་ལ་བསྒོམ། དེ་བཞིན་དུ་གཉིད་མ་སོང་བའི་དུས་སུ་བདེ་བའི་རྨི་ལམ་བུ་མེད་གཟུགས་བཟང་བ་དང་འཕྲད་པ་ལྟ་བུ་གང་བྱུང་སྟེ། གཉིད་སད་མ་ཐག་མིག་མ་འབྱེད་པར། བདག་གིས་ཕར་ཕྱིན་པ་མེད། བུད་མེད་ལ་སོགས་པ་གང་གིས་ཀྱང་ཚུར་ལ་འོངས་པ་མེད། རང་གི་སེམས་ངེར་ཤར་བ་ཡིན། སྣང་བ་གང་ཤར་ཀྱང་རང་གི་སེམས་སྣང་སེམས་གཅིག་ཏུ་འདུག་སྙམ་པ་བློ་ཐག་རྦད་ཀྱིས་བཅད་ལ་བསྒོམ་པར་བྱའོ།<br />ཡང་རྨི་ལམ་དུ་ཞེ་སྡང་སྐྱེ་བའི་ཡུལ་བྱུང་ན། རང་གི་སེམས་ཞེ་སྣང་སྐྱེ་བའི་ཡུལ་དུ་ཤར་ནས་འདུག །རང་ལ་རང་ཞེ་སྣང་སྐྱེ་བར་འདུག་སྙམ་དུ་བསྒོམ་མིག་མི་འབྱེད་པར་བསྒོམ། ཕྱེ་ནས་གསོལ་བ་དྲག་པོ་བཏབ་པས། སྣང་སེམས་གཅིག་ཏུ་མ་འདྲེས་རིང་ལ་བསྒོམ་པར་བྱའོ།<br />ཡང་རྨི་ལམ་དུ་ལུང་མ་བསྟན་བཏང་སྙོམས་གྱི་རྨི་ལམ་ཅི་བྱུང་བ་དང་མིག་མི་འབྱེད་པར་རྨི་ལམ་གྱི་ཡུལ་གྱིས་ཚུར་ལ་ཡོངས་པ་མེད། རང་གི་ཕར་ཕྱིན་མེད། རང་གི་སེམས་དེར་ཤར་ནས་འདུག་སྙམ་དུ་སྒོམ། མིག་ཕྱེ་ནས་ཀྱང་རྨི་ལམ་དང་ཁྱད་པར་མེད། ང་རང་མ་རིག་པའི་གཉིད་མ་སད་པས་ལན་སྙམ་དུ་བསམ་ཞིང་གསོལ་བ་དྲག་པོར་གདབ་ཅིང་བསྒོམ་པར་བྱའོ།<br />ཡང་རང་བཅོམ་ལྡན་འདས་བདེ་མཆོག་ཏུ་བསྒོམ་པའི་སྤྱི་བོར་བླ་མ་ལ་སྔར་ལྟར་གསོལ་བ་དྲག་པོ་བཏབ་པའི་རྗེས་ལ་རང་བདེ་མཆོག་ཏུ་བསྒོམ་པ་ནི། སྣང་གི་འདུག་ཀྱང་བདེན་མེད་ཡིན་ཨང་། དེ་བཞིན་དུ་དགྲ་སྡང་བ། གཉེན་བྱམས་པ། བདག་གཞན་ཁང་པ་རི་རྡོ་རྩི་ཤིང་ནགས་ཚལ་ཐམས་ཅད་བདེ་ན་མེད་ཡིན་ཨང་། སྣང་དུས་ན་སྟོང་པས། སྣང་སྟོང་ཡིན་སྙམ་པའི་ཐག་བཅད་ལ་བསྒོམ་པར་བྱའོ།<br />ཡང་སྔར་བཞིན་དུ་གསོལ་བ་བཏབ་ཅིང་བདེན་མེད་དུ་ཕྱམ་མ་སོང་རིང་ལ་བསྒོམ་པར་བྱའོ།<br />བཏང་སྙོམས་ལ་གནད་དུ་འགྲོ་བ་འདི་དཀའ་བ་ཡིན་པས། སྔར་བཞིན་དུ་གསོལ་བ་བཏབ་ཅིང་། བདག་གཞན་ཁང་པ་རི་རྡོ་རྩི་ཤིང་ནགས་ཚལ་དང་། གཟུགས་སྒྲ་ལ་སོགས་པ་ཐམས་ཅད་རང་གི་སེམས་དེར་ཤར་ནས་འདུག་སྣང་དུས་ནས་སྟོང་པས། སྣང་དུས་ནས་འདི་མི་བདེན་པར་འདུག་སྙམ་དུ་ཐག་བཅད་ལ་བསྒོམ་པར་བྱའོ། <br />ཡང་བདེ་སྡུག་བཏང་སྙོམས་གང་བྱུང་ཡང་རང་སེམས་སུ་ཐག་བཅད། སྐབས་སུ་ལྷ་སྐུ་དང་། ཕྲ་རགས་ལ་བསྟན་ལ་བསྒོམ། སེམས་འོད་གསལ། སྐུ་གསུམ་དུ་གཏན་ལ་ཕབ་ལ་བསྒོམ། དེས་ཞག་དང་། ཟླ་བས་སངས་རྒྱས་ཐོབ་པ་ཡིན་གསུང་ངོ་། <br />སྣང་བ་རང་གི་སེམས་སུ་ངོ་འཕྲོད་པ་ཞེས་བྱ་བ་སངས་རྒྱས་སྟོན་པའི་གསུང་བཞིན་དུ། ཡི་གེར་བཀོད་པ་འདི་ཡོངས་སུ་རྫོགས་སོ།། ཤུ་བྷཾ།། །།</span>

Revision as of 11:47, 31 January 2019








Resource ID SCv8p708
Title snang sems gcig tu bsre ba
Alt. title snang ba rang gi sems su ngo 'phrod pa
Topics Various
Associated Person Sangyé Tönpa
Link BDRC W23922

༄༅། །སྣང་སེམས་གཅིག་ཏུ་བསྲེ་བ་བཞུགས་སོ།།
༼སྣང་བ་རང་གི་སེམས་སུ་ངོ་འཕྲོད་པ།༽

བླ་མ་སངས་རྒྱས་རིན་པོ་ཆེ་ལ་ཕྱག་འཚལ་ལོ།
།བདེ་བའི་སྟན་ལ་ལུས་སྐྱིལ་ཀྲུང་ལེགས་པར་བྱས་ལ། སེམས་ཅན་ཐམས་ཅད་ཀྱི་དོན་དུ་ཞེ་འདོད་གཏིང་ནས་མེད་པའི་བློ་བསྐྱེད་ལ། རང་གི་ལུས་བདེ་མཆོག་ཏུ་བསྒོམ་པའི་སྤྱི་བོར་པད་ཟླའི་སྟེང་དུ། རྩ་བའི་བླ་མ་སྐུ་དཀར་ལ་འཛུམ་པའི་མདངས་དང་ལྡན་པ་གཅིག་བསམ། དེའི་ཐུགས་ཀ་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཡི་དམ་གྱི་ལྷ་ཚོགས་དང་། དམ་པ་ཆོས་སྐྱོང་བའི་སྲུང་མ། རང་གི་ཆོས་འབྲེལ་ཡོད་ཚད་བསྟིམ་པས་བླ་མ་འོད་དང་འོད་ཟེར་གྱི་རང་བཞིན་མཚན་ཐོས་པ་ཙམ་གྱིས་ཀྱང་ཕྱིར་མི་ལྡོག་པས་ས་ཐོབ་ན། གསོལ་བ་བཏབ་ན་སྨོས་མི་དགོས་པ་གཅིག་བསམ། རང་གི་མདུན་དུ་རང་ལ་གནོད་པར་བྱེད་པའི་གདོན་དང་གཞི་བདག་གིས་གཙོ་བྱས་པའི་མ་ནམ་མཁའ་དང་མཉམ་པའི་སེམས་ཅན་ཐམས་ཅད་ལུས་གུས་པའི་ཐལ་མོ་སྦྱར། ངག་གུས་པས་གསོལ་བ་འདེབས། ཡིད་གུས་པས་མོས་གུས་རྒྱུན་ཆད་མེད་པར་བསམ་ལ། རང་གི་ངག་ཏུ། བླ་མ་སངས་རྒྱས་རིན་པོ་ཆེ་ལ་གསོལ་བ་འདེབ་སོ། བྱས་པ་དང་སེམས་ཅན་ཐམས་ཅད་ཀྱང་ཁུ་དི་རི་རི་གསོལ་བ་འདེབས་པར་བསམ་ལ།བླ་མ་སངས་རྒྱས་རིན་པོ་ཆེ། བདག་གིས་བདག་འཛིན་བློས་ཐོངས་བར་མཛད་དུ་གསོལ། དགོས་མེད་སྣང་བ་རང་སེམས་སུ་རྟོགས་པར་མཛད་དུ་གསོལ། ཅེས་གསོལ་བ་དྲག་ལ་ཡུན་རིང་བར་གདབ་བོ།
ཐུན་མཚམས་སུ་ངའི་བླ་མ། ངའི་བླ་མ་སྙམ་པའི་མོ་གུས་གདུང་གདུང་པ་དང་། ང་དོ་ནུབ་འཆི་སྙམ་པའི་བློ་སྣ་ཐུང་སྦུད་པ་དང་། སྣང་བ་འདི་རྨི་ལམ་ཡིན་སྒྱུ་མ་ཡིན་སྙམ་པའི་འདུན་པ་དང་གསུམ་གྱི་དུས་འདའ་བར་བྱའོ།
ནུབ་མོ་གཉིད་ཀྱི་དུས་སུ། དུས་ཀྱི་གནད་དང་། ལུས་ཀྱི་གནད་དང་། དམིགས་པའི་གནད་དང་། ཁྱད་པར་དུ་རྟོག་པ་རྨི་ལམ་དུ་ངོས་བཟུང་བར་བྱའོ།
ཡང་བླ་མའི་གསོལ་འདེབས་སྔར་དང་འདྲ། ཁྱད་པར་དུ་རང་གི་ལུས་ཡི་དམ་དུ་བསྒོམས་པ་འདི་ཀ་རང་གི་སེམས་སུ་འདུག་སྙམ་པ་སྣང་སེམས་གཅིག་ཏུ་མ་འདྲེས་རིང་ལ་བསྒོམ། དེ་བཞིན་དུ་གཉིད་མ་སོང་བའི་དུས་སུ་བདེ་བའི་རྨི་ལམ་བུ་མེད་གཟུགས་བཟང་བ་དང་འཕྲད་པ་ལྟ་བུ་གང་བྱུང་སྟེ། གཉིད་སད་མ་ཐག་མིག་མ་འབྱེད་པར། བདག་གིས་ཕར་ཕྱིན་པ་མེད། བུད་མེད་ལ་སོགས་པ་གང་གིས་ཀྱང་ཚུར་ལ་འོངས་པ་མེད། རང་གི་སེམས་ངེར་ཤར་བ་ཡིན། སྣང་བ་གང་ཤར་ཀྱང་རང་གི་སེམས་སྣང་སེམས་གཅིག་ཏུ་འདུག་སྙམ་པ་བློ་ཐག་རྦད་ཀྱིས་བཅད་ལ་བསྒོམ་པར་བྱའོ།
ཡང་རྨི་ལམ་དུ་ཞེ་སྡང་སྐྱེ་བའི་ཡུལ་བྱུང་ན། རང་གི་སེམས་ཞེ་སྣང་སྐྱེ་བའི་ཡུལ་དུ་ཤར་ནས་འདུག །རང་ལ་རང་ཞེ་སྣང་སྐྱེ་བར་འདུག་སྙམ་དུ་བསྒོམ་མིག་མི་འབྱེད་པར་བསྒོམ། ཕྱེ་ནས་གསོལ་བ་དྲག་པོ་བཏབ་པས། སྣང་སེམས་གཅིག་ཏུ་མ་འདྲེས་རིང་ལ་བསྒོམ་པར་བྱའོ།
ཡང་རྨི་ལམ་དུ་ལུང་མ་བསྟན་བཏང་སྙོམས་གྱི་རྨི་ལམ་ཅི་བྱུང་བ་དང་མིག་མི་འབྱེད་པར་རྨི་ལམ་གྱི་ཡུལ་གྱིས་ཚུར་ལ་ཡོངས་པ་མེད། རང་གི་ཕར་ཕྱིན་མེད། རང་གི་སེམས་དེར་ཤར་ནས་འདུག་སྙམ་དུ་སྒོམ། མིག་ཕྱེ་ནས་ཀྱང་རྨི་ལམ་དང་ཁྱད་པར་མེད། ང་རང་མ་རིག་པའི་གཉིད་མ་སད་པས་ལན་སྙམ་དུ་བསམ་ཞིང་གསོལ་བ་དྲག་པོར་གདབ་ཅིང་བསྒོམ་པར་བྱའོ།
ཡང་རང་བཅོམ་ལྡན་འདས་བདེ་མཆོག་ཏུ་བསྒོམ་པའི་སྤྱི་བོར་བླ་མ་ལ་སྔར་ལྟར་གསོལ་བ་དྲག་པོ་བཏབ་པའི་རྗེས་ལ་རང་བདེ་མཆོག་ཏུ་བསྒོམ་པ་ནི། སྣང་གི་འདུག་ཀྱང་བདེན་མེད་ཡིན་ཨང་། དེ་བཞིན་དུ་དགྲ་སྡང་བ། གཉེན་བྱམས་པ། བདག་གཞན་ཁང་པ་རི་རྡོ་རྩི་ཤིང་ནགས་ཚལ་ཐམས་ཅད་བདེ་ན་མེད་ཡིན་ཨང་། སྣང་དུས་ན་སྟོང་པས། སྣང་སྟོང་ཡིན་སྙམ་པའི་ཐག་བཅད་ལ་བསྒོམ་པར་བྱའོ།
ཡང་སྔར་བཞིན་དུ་གསོལ་བ་བཏབ་ཅིང་བདེན་མེད་དུ་ཕྱམ་མ་སོང་རིང་ལ་བསྒོམ་པར་བྱའོ།
བཏང་སྙོམས་ལ་གནད་དུ་འགྲོ་བ་འདི་དཀའ་བ་ཡིན་པས། སྔར་བཞིན་དུ་གསོལ་བ་བཏབ་ཅིང་། བདག་གཞན་ཁང་པ་རི་རྡོ་རྩི་ཤིང་ནགས་ཚལ་དང་། གཟུགས་སྒྲ་ལ་སོགས་པ་ཐམས་ཅད་རང་གི་སེམས་དེར་ཤར་ནས་འདུག་སྣང་དུས་ནས་སྟོང་པས། སྣང་དུས་ནས་འདི་མི་བདེན་པར་འདུག་སྙམ་དུ་ཐག་བཅད་ལ་བསྒོམ་པར་བྱའོ།
ཡང་བདེ་སྡུག་བཏང་སྙོམས་གང་བྱུང་ཡང་རང་སེམས་སུ་ཐག་བཅད། སྐབས་སུ་ལྷ་སྐུ་དང་། ཕྲ་རགས་ལ་བསྟན་ལ་བསྒོམ། སེམས་འོད་གསལ། སྐུ་གསུམ་དུ་གཏན་ལ་ཕབ་ལ་བསྒོམ། དེས་ཞག་དང་། ཟླ་བས་སངས་རྒྱས་ཐོབ་པ་ཡིན་གསུང་ངོ་།
སྣང་བ་རང་གི་སེམས་སུ་ངོ་འཕྲོད་པ་ཞེས་བྱ་བ་སངས་རྒྱས་སྟོན་པའི་གསུང་བཞིན་དུ། ཡི་གེར་བཀོད་པ་འདི་ཡོངས་སུ་རྫོགས་སོ།། ཤུ་བྷཾ།། །།

Retrieved from "https://www.shanpafoundation-resourcecenter.net/index.php?title=Snang_sems_gcig_tu_bsre_ba&oldid=4983"
  • Powered by MediaWiki
  • Powered by Semantic MediaWiki