Mkha' 'gro 'bum bskul

Resource ID	BB208
Title	ye shes mgon po'i mkha' 'gro 'bum bskul
Topics	Chadrupa
Sub-Topics	Various
Author	Dhanasamskrita

TO INPUT
༼མཁའ་འགྲོ་འབུམ་བསྐུལ།༽

མྱུར་མཛད་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ།
།ཧཱུྃ་ཆོས་སྐུ་སྤངས་པའི་དཀྱིལ་འཁོར་དུ། །ས་བཅུའི་དབང་ཕྱུག་མགོན་པོ་ཡི། །གནས་ལ་ངེས་པ་མ་མཆིས་ཀྱང་། །སེམས་ཅན་སོ་སོའི་སྣང་ངོ་ལ། །རྡོ་རྗེ་གདན་གྱི་ལྷོའི་ཕྱོགས། །དུར་ཁྲོད་ཆེན་པོ་བསིལ་བའི་ཚལ། །འཇིགས་སུ་རུང་བའི་གནས་མཆོག་ན། །གཤིན་རྗེའི་ངར་སྐད་དི་རི་རི། །མ་མོའི་བཤུགས་གླུ་ཚེ་རེ་རེ། །ལྷ་འདྲེའི་དམག་ཚོགས་ཉོ་ལོ་ལོ། །ཞུབས་ཅན་རྔ་ཁྲབ་སི་ལི་ལི། །རོ་ལང་གད་རྒྱངས་དིང་སེ་དིང་། །ལྕེ་སྤྱང་ངུ་འབོད་ལྷངས་སེ་ལྷང་། །ཤ་ཟའི་ངར་སྐད་དི་རི་རི། །མཁའ་ལྡིང་རྐན་གཤོག་ཁྲ་ལ་ལ་། །མཁའ་འགྲོའི་བརྡའ་སྐད་ཙེ་རེ་རེ། །དཔའ་བོའི་ཧཱུྃ་སྒྲ་དི་རི་རི། །དཔའ་མོའི་ཕགས་སྒྲ་ཆེམས་སེ་ཆེན། །གྱིང་ཕོ་མཚོན་ཐོག་ཟིང་སེ་ཟིང་། །གྱིང་མོ་མཚོན་ཐོག་ཤ་ར་ར། །རིག་འཛིན་ཆོས་ཀླུ་ཀྱུ་རུ་རུ། །རག་ཏའི་ཨ་རྒ་ཀྱི་ལི་ལི། །ཤ་ཏྲའི་ཞབས་བསིལ་མེ་རེ་རེ། །སྒོ་ལྔའི་མེ་ཏོག་ཐོ་ལོ་ལོ། །གསུར་ཆེན་བདུག་སྤོས་ཆི་ལི་ལི། །ཚིལ་ཆེན་བདུག་སྤོས་ལྷབས་སེ་ལྷབ། །ཚུལ་ཁྲིམས་དྲི་བཟང་སངས་སེ་སངས། །ཙི་ཏའི་ཞལ་ཟས་རི་ལི་ལི། །རྐང་དུ་ཐོད་རྔ་ཁྲ་ལ་ལ། །མི་རྐང་གླིང་བུ་ཀྱུ་རུ་རུ། །ཕོ་བདུད་བྲོ་བརྡུངས་ཆེམས་སེ་ཆེམ། །མོ་བདུད་ཤོན་སྐོར་སྒོ་རོ་རོ། །འཇིགས་པའི་མུན་ནག་ཐིབས་སེ་ཐིབ། །གློག་ཆེན་འོད་འབར་ཁྱུགས་སེ་ཁྱུག །དྲག་པོའི་འབྲུག་སྒྲ་ཆེམས་སེ་ཆེམ། །གནམ་ལྕག་སེར་ཆེན་ཤ་ར་ར། །ལྷ་ཀླུ་གནོད་སྦྱིན་དྲི་ཟ་དང་། །ལྷ་མིན་མཁའ་ལྡིང་མིའམ་ཅི། །ལྟོ་འཕྱེ་སྡེ་བརྒྱད་རང་རང་གིས། །བྲན་འཁོར་ས་ཡ་བྱེ་བ་ཡིས། །འཇིགས་པའི་གད་མོས་ས་གཞི་གཡོའ།
།དེ་ལྟ་བུའི་གནས་མཆོག་ཆེན་པོ་ན། །ཨེ་ཀློང་ཆོས་འབྱུང་གྲུ་གསུམ་འབར་བའི་དབུས། །་་་
་་་ །འདིར་བཤམ་མཆོད་སྤྲིན་རྒྱ་མཚོའི་ཚོགས་བཞེས་ལ། །རྣལ་འབྱོར་བཅོལ་པའི་འཕྲིན་ལས་འགྲུབ་པར་མཛོད། །མཆོག་དང་ཐུན་མོང་དངོས་གྲུབ་རྩལ་དུ་གསོལ།
།ཡེ་ཤེས་མགོན་པོའི་མཁའ་འགྲོ་འབུམ་བསྐུལ་དྷ་ན་སང་ཀྲི་ཏས་མཛད་པ། རྫོགས་སོ།