Drag po'i sbyin sreg

Resource ID	BB223
Title	drag po'i sbyin sreg
Alt. title	bla ma ra hu la'i gdams pa mgon po'i sbyin bsregs mun sel
Topics	Chadrupa
Sub-Topics	Fire offering
Author	Rahula

TO INPUT
མགོན་པོ་ཕྱག་དྲུག་པའི་ཆོས་སྐོར་ལས། གྲག་པོའི་སྦྱིན་བསྲེགས་སྐོར་བཞུགས་སོ།

བླ་མ་ཐུགས་རྗེའི་མངའ་བདག་རྡོ་རྗེ་ལེགས་ལྡན་ལ་ཕྱག་འཚལ་ལོ།
།དྲག་པོའི་སྦྱིན་བསྲེགས་བྱེད་པར་འདོད་པས། འདི་ལྟར་བརྟག་པར་བྱ་སྟེ། མཎྜལ་གྲུ་བཞིའ་ལ་ཕྱོགས་རེ་ལ་ཁྲུ་དོ་དོ་ཡོད་པ་བྱས་ལ། དེའི་སྟེང་དུ་ཁྲུ་ག་ཟླུམ་པོར་བྱས་པའི་ཁར། སྒྱེད་སུ་ཟུར་གསུམ་པ་ནག་པོ་གསུམ་གཟུགས། གླང་ང་བསྐལ། ནང་དུ་བྱེ་མ་བླུག་ལ། ཤུད་ཤིང་སེ་བ་ལ་སོགས་ཚེར་མ་ཅན་གྱིས་ཕྱོགས་གསུམ་ཀ་ནས་མེ་བཅུག་ལ་དྲག་ཏུ་སྦར། བྱེ་མ་ཚིག་པ་དང་རམ་ལས་མེ་དཔུང་བསྐྱེད། ཤོག་བུ་ལ་གནོད་བྱེད་དུ་ཡོད་པའི་མིང་གཟུགས་ལིང་ག་བྲི་ཞིང་། བདག་ལ་གནོད་པར་བྱེད་པའི་རྒྱལ་པོ་ལ་སོགས་པ་མ་ར་ཡ་མ་ར་ཡ་སོད་སོད་བྱ་བ་བྲིས་ལ་ལིང་གའི་སྙིང་ཁར་བཞུགས། དེ་འབྲུབ་ཁུང་གྲུ་གསུམ་ལོག་རེ་ལ་ཁྲུ་རེ་ཡོད་པ་དང་། འཕངས་སུ་སོར་བཞི་ཡོད་པའི་ནང་དུ་བཅུག་ལ། ལིང་གའི་སྐེར་ཐེ་གུ་ནག་པོ་བཏག་ནས་རང་གི་སྲིན་ལག་ལ་བསྐྲིས་ཏེ། མགོན་པོའི་སྔགས་རིང་ནས་ཁ་ཁ། ཁཱ་ཧཱི་ཁཱ་ཧཱི། བཏོན་ལ་སྔགས་གཞན་ཚོ་མང་དུ་བགྲང་ཞིང་གཟིའ་བརྗིད་བསྐྱེད་ལ་དགུག་གཞུག་མང་དུ་བྱ། ཁུག་སྙམ་ཡིད་ཆེས་པ་དང་། མགོན་པོའི་ཕྱག་མཚན་ལས་སྤྲོས་པའི་ཁྲོ་ཆུང་མང་པོས་ཕྱག་མཚན་གྱིས་ཉལ་ཀྱིས་གཏུབས་པར་བསམས་ཏེ། ༩༤ ་་་
དེའི་སྟེངས་དུ་སླང་ང་སྦུབ་ལ། དེའི་སྟེངས་དུ་གཏོར་ཆེན་བཞག་ནས། མགོན་པོ་ལ་དབུལ། འདོད་པའི་དོན་ལ་གསོལ་བ་འདེབས། གཏོར་མ་དང་སྒྲ་དང་བཅས་ལ་བཏང་། མགོན་རང་བཞིན་གྱི་གནས་སུ་གཤེགས་སུ་གསོལ། འཁོར་གྱི་གཏོར་མ་རྣམས་ཀྱང་བཏང་། ཟིན་པ་དང་སླང་ང་ཁ་དབྱེའ། སོལ་བ་སས་མནན། ནང་པར་ཕྱགས་ལ་ཆུའམ། རླུང་ལ་བསྐུར་བར་བྱའོ།
།དྲག་པོའི་སྦྱིན་བསྲེག་གི་ལས་སྦྱོར། ཨྀཐི།།

༼བླ་མ་ར་ཧུ་ལའི་གདམས་པ།༽
བསྒྲུབས་པའི་ལས་ལ་སྦྱར་བ་ནི། མཎྜལ་གྱི་སྟེངས་དུ་འབྲུབ་ཁུང་ངོས་རེ་ལ་ཁུ་རེ་ཡོད་པ་ཟུར་གསུམ་བྱས་པ། ཁྲུ་ཕྱེད་ཟུབས་སུ་བརྐོའ། སོར་གཉིས་ཕྱིར་དགྱེའ་བ་ལ་སོགས་སྤྱི་དང་མཐུན། རོ་སོལ་དང་། དུག་ཆུས་ནག་པོར་བྱུགས། ཁ་ཁྱེར་ལ་མི་རྐང་གི་རྩང་གཟུགས། དབུས་སུ་ཧཱུྃ་བྲིའོ། །དེར་ཤིང་གདུག་པ་ཅན་ཐབས་ཁུང་གི་དབྱིབས་དང་མཐུན་པར་རྩིག་གོ
།གིང་ག་བྲི་བ་ནི། རོ་སོལ་ལ་དུག་ཆུ་དང་མི་ཁྲག་གིས་བྲི། དགྲ་ལ་བྱེད་ན་ཎྲི་བྲི། འདྲེ་ལ་བྱེད་ན་ཏྲི་བྲི། དུ་ཡོད་ཀྱི་མིང་བྲིས་ལ་མཛེའ་ཐོད་དམ། ༩༩ ་་་
ལས་ཟིན་པ་དང་མགོན་པོ་ལ་གཏོར་མ་དབུལ། བསྟོད་པ་བྱ། རང་ལྷར་གསལ་བ། མེ་ཆོས་སྐྱོངས་དུ་གསལ་བ། བསྲེགས་རྫས་གནོད་བྱེད་དུ་གསལ་བ། གསུམ་པོ་གལ་ཆེའོ།
།བླ་མ་ར་ཧུ་ལའི་གདམས་པ་རྫོགས་སོ།།

༼མགོན་པོའི་སྦྱིན་བསྲེགས་མུན་སེལ།༽
ན་མོ་གྷུ་རུ།
།མགོན་པོའི་སྦྱིན་བསྲེགས་བྱེད་པའི་དུས་སུ་གཏོར་མ་ལྔ་བྱེད་པ་ལ། གཅིག་བླ་མ་དང་མགོན་པོ་ལ། གཅིག་འཁོར་ན་གནས་པ་ལ། གཅིག་ཡུལ་བདག་ལ། གཅིག་གྲའ་ལ་བྱེད་ན་དགྲའ་དེ་སྐྱོབས་པའི་ལྷ་ལ་བྱིན་ལ་བཀའ་བསྒོའ། འདྲེའ་ལ་བྱེད་ན་ཡང་དེ་བཞིན་དུ་བྱ། གཞིའ་བདག་དང་གནོད་བྱེད་ཀྱི་གཏོར་མ་སྔོན་དུ་བཏང་ནས་བཀའ་བསྒོའ་བྱའོ། །དེ་མིན་གྱི་གཏོར་མ་ཚོ་རྟར་བཟུངས་ནས་སྦྱིན་བསྲེགས་ཐོན་པ་དང་བཏང་རག་གི་ཚུལ་དུ་བཏང་ངོ་། །སྔོན་དུ་བསྙེན་པ་བསྐྱེས་ཞིང་། བསྒྲུབས་པ་ནི། མཎྜལ་མདའ་གང་གྲུ་བཞི་པ་གཅིག་གི་སྟེངས་དུ་གྲུ་གསུམ་རྩེ་མོ་ལྷོར་བསྟན་པ། ལྟ་བ་ཧཱུྃ་གིས་མཚན་པ་མེ་རི་དང་བཅས་པ་བྲི། དེའི་སྟེངས་དུ་དཔལ་གཏོར་ཆེ་བ་གཅིག་ལ། མདའ་རྒོད་སྒྲོ་མ་དར་ནག་ཁ་གང་བཏག་པ་གཅིག་གཟུགས། བསྙེན་པ་བྱ། དེ་ལ་རྟགས་རྨི་ལམ་དུ་ཨ་ཙ་ར་དང་། བུད་མེད་རོག་བྱེད་པ་ལ་སོགས་པ་བྱུང་བ་དང་། སྒྲུབ་པ་བྱས་སྟེ། དུས་མར་ངོའོ། །སྐར་མ་སྒུག་གུ་དང་། ༡༠༢ ་་་
།དེ་ནི་མནན་པའོ། །དེ་ནས་རོལ་མོའི་སྒྲ་དང་བཅས་ལ། གཏོར་མ་དགྲའ་ཕྱོགས་སུ་བཏང་། ཐལ་བ་རྣམས་བསྡུས་ལ་དགྲའི་ཕྱོགས་སུ་ཕྱར་བས། དགྲའ་ལ་ནད་དང་མཚོན་གྱིས་ཆར་དུ་ཕེབ་པས། དགྲའི་བདུན་རྒྱུད་ཚུན་རྩད་ནས་བཅད་པར་བསམ་མོ། །དེ་ནི་འཕངས་པའོ། །མནན་བསྲེགས་འཕང་གསུམ་གཅིག་ཏུ་དྲིལ་བ་ཤིན་ཏུ་ཟབས་པ། དེ་ནས་ནང་དུ་བཀྲ་ཤིས་ཀྱི་ཚིགས་སུ་བཅད་པ་མང་པོ་ཡང་བརྗོད་པར་བྱའོ།
།མགོན་པོའི་སྦྱིན་བསྲེགས་མུན་སེལ་ཞེས་བྱ་བ་རྫོགས་སོ།