Bla ma zhi khro'i tshe dbang bskur tshul

From Shangpa Resource Center








Resource ID TGL3
Title bla ma zhi khro'i tshe dbang bskur tshul
Topics Initiation
Sub-Topics Various
Link BDRC W23917 (p. 469)

༄༅། །བླ་མ་ཞི་ཁྲོའི་ཚེ་དབང་བསྐུར་ཚུལ་བཞུགས་སོ།

དབང་བསྐུར་བའི་ཚེ། །སློབ་མ་ཡང་སློབ་དཔོན་གྱིས་ཉམས་སུ་བླང་བྱ་ལྟར། ཚེ་དཔག་མེད་ལོངས་སྤྱོད་རྫོགས་པའི་སྐུར་བསྐྱེད། དེའི་སྤྱི་གཙུག་ཏུ་ཐོ་བརྩེགས་སུ་བླ་མ་བརྒྱུད་པ་རྣམས་བསྐྱེད། དེ་རྣམས་ཀྱི་ཐུགས་ཀ་ནས་འོད་ཟེར་འཕྲོས་། བླ་ཚེ་འཐོར་བ། ཡར་བ། ཉམས་པ་སོགས་བསྡུས། བླ་མ་བརྒྱུད་པ་རྣམས་ལ་ཐིམ། ཡང་འོད་ཟེར་འཕྲོས། །ཕྱི་སྣོད་ཀྱི་འཇིག་རྟེན་གྱི་བཅུད། ནང་བཅུད་ཀྱི་སེམས་ཅན་གྱི་ཚེ་དང་བསོད་ནམས། སངས་རྒྱས་བྱང་སེམས་རྣམས་ཀྱི་བྱིན་རླབས་བསྡུས་གོང་བཞིན་བསྟིམ། མཐར་བླ་མ་བརྒྱུད་པའི་སྐུ་ལས་འཆི་མེད་ཚེའི་ཆུ་རྒྱུན་དཀར་པོ་བབས། སློབ་མའི་ལུས་ཀྱི་ནང་གང༌། འཆི་མེད་ཚེའི་དངོས་གྲུབ་ཐོབ་པར་བསམས་ལ། ཨོཾ་ཨཱཿཧཱུྃ་ཧྲཱིཿཧྲཱིཿ །སྣང་བ་མཐའ་ཡས་སོགས་བརྗོད་ལ། དབང་བསྐུར། འཆི་མེད་ཚེ་ཡི་དཔལ་ལ་ལོངས་སྤྱོད་ཅིང་། །ཞེས་སོགས་ཀྱིས་ཚེ་ཆང་ཚེ་རིལ་སྦྱིན། དཔོན་སློབ་མི་འབྲལ་སོགས་ཀྱི་ཤིས་པ་བརྗོད། །རྗེས་བླ་མ་བརྒྱུད་པ་རིམ་པར་འོད་དུ་ཞུ། གཅིག་ལ་གཅིག་ཐིམ་པ་སློབ་མ་ལ་བསྟིམས་པས་འཆི་མེད་ཚེའི་དངོས་གྲུབ་ཐོབ་པརབསམ་མོ།།