Chos rje ston pa'i 'chi med

Resource ID	SCv7p241
Title	chos rje ston pa'i 'chi med
Topics	Immortality
Sub-Topics	Chant, Instructions
Author	Sangyé Tönpa
Link	BDRC W23922 BDRC W3CN18508 (v2p.143) BDRC W8LS16295 (p.525) BDRC W22103 (p.416)
Notes	Source-text concerning Mahamudra. Translated in english in Timeless Rapture: Inspired Verse Of The Shangpa Masters p.120

༈ །ཆོས་རྗེ་སྟོན་པའི་འཆི་མེད་ཡོད།

རྒྱལ་བ་དུས་གསུམ་སངས་རྒྱས་ཀྱི། །འཆི་མེད་ཡེ་ཤེས་ཁྱོད་ལ་འདུད། །སེམས་བསྐྱེད་བླ་མའི་རྣལ་འབྱོར་དང་། །ལྡན་པས་གསོལ་བ་གདབ་བྱས་ནས། །རང་ལུས་སྣང་སྟོང་ལྷ་སྐུ་སེམས། །སེམས་དང་ལྷ་སྐུ་དབྱེར་མེད་པའི། །ངོ་བོ་སྟོང་ཉིད་སངས་རྒྱས་ཀྱིས། །མ་གཟིགས་མི་གཟིགས་གཟིགས་མི་འགྱུར། །དེ་ལ་ན་རྒྱུ་འཆི་རྒྱུ་དང་། །འཁོར་བར་མྱང་འདས་དགག་སྒྲུབ་བྲལ། །དེ་དོན་སྐད་ཅིག་རྟོགས་པའམ། །དྲན་ཐོས་རེག་པར་གྱུར་པ་དེ། །མཚམས་སྦྱོར་ངན་ཞིང་དྲན་ཉམས་ཀྱང་། །གནད་གཅོད་སྡུག་བསྔལ་རང་དག་ནས། །བར་དོ་དང་པོའི་འོད་གསལ་དང་། །ལོངས་སྐུ་དབྱེར་མེད་སྤྲུལ་སྐུ་ཡི། །གཞན་དོན་ལྷུན་གྲུབ་རྒྱུན་ཆད་མེད། །རྒྱལ་བའི་དགོངས་པ་འཆི་མེད་འདི། །སློབ་མ་མཆོག་གི་དོན་དུ་བཀོད། །དགེ་དེས་མཁའ་མཉམ་སེམས་ཅན་རྣམས། །འཆི་མེད་ཡེ་ཤེས་དོན་རྟོགས་ཤོག
།རང་སེམས་འཆི་མེད་རང་གྲོལ་རྗེ་བཙུན་བཱིརྻ་སིང་ཧའི་བུ་དམ་པ་སློབ་མ་ཡང་རབ་ཀྱི་དོན་དུ་བཀོད་པ་འདི་རྫོགས་སོ།
།ནས་ཁལ་ལྔ་བརྒྱ། གསེར་ཞོ་བདུན། མཛོ་ཅིག །མིན་རས་ཀྱི་ན་བཟའ་ཕྲུག་ཅིག་ཕུལ་ནས་ཞུས་ཏེ་ཉམས་སུ་མྱོང་བར་བྱས་སོ། །དགེའོ།།

མཁས་གྲུབ་ཆོས་རྗེའི་དྲུང་དུ། འཆི་མེད་ཀྱི་གནད་ཡིག་ཅིག་ཐུགས་ལ་འདོགས་པར་ཞུས་པས། གདམས་པ་འདིའི་གནད་ཉམས་སུ་བླངས་ན། མདོ་རྒྱུད་མན་ངག་ཐམས་ཅད་འདིའི་གནད་ཡིག་ཏུ་ཡོད། །ཉམས་ལེན་ལ་འབད་པ་ཐོན། ཚིག་དོན་ལ་བཞིག་པ་ཆུག་ལ་མ་བརྗེད་པ་གྱིས། །གནད་ཡིག་འདི་ཆེ་བ་ལགས་གསུང་ངོ་། །ཨྀཐིཿ །།