Edit Text: Dgra bo tshar bcod pa'i rlung bsgrub pa gtso bo dang 'khor gyi las tshogs gnyis kyi dang po la rdzas sngags ting nge 'dzin la brten pa'i mgon po'i rlung bsgrub kyi lo thog 'dzoms shing thog babs pa

Free text:

<span class="main_text">༈ དགྲ་བོ་ཚར་བཅོད་པའི་རླུང་བསྒྲུབ་པ་གཙོ་བོ་དང་འཁོར་གྱི་ལས་ཚོགས་གཉིས་ཀྱི་དང་པོ་ལ། རྫས་སྔགས་ཏིང་ངེ་འཛིན་ལ་བརྟེན་པའི་མགོན་པོའི་རླུང་བསྒྲུབ་ཀྱི་ལོ་ཐོག་འཛོམས་ཤིང་ཐོག་བབས་པ་བཞུགས་སོ།།<br />༼ཏེ༽ གཉིས་པ་རྡོར་བཟླས་ཀྱི་ཤོག་དྲིལ་གཞན་དུ་གསལ། །གསུམ་པ་དགྲ་བོ་ཚར་བཅད་པའི་རླུང་བསྒྲུབ་ལ། གཙོ་བོ་དང་འཁོར་གྱི་གཉིས། དང་པོ་ལ། ལོ་ཏོག་འཛོམས་ཤིང་ཐོག་དབབས་དང་། སྦོས་ཏེ་བད་པའོ། <br />།དང་པོ་ནི། [[Shavaripa|ཤ་བ་རི་དབང་ཕྱུག]]་གིས་རྒྱུད་ནས་ཕྱུང་སྟེ་[[Rahula|གུཔྟ་བཛྲ་]]ལ་གནང་། དེས་[[Khyungpo Neljor|ཁྱུང་པོ་]]ལ་གྱོགས་པོའི་བྲག་ཏུ་གནང་དེ་ཉིད་ཀྱི་སྐུ་རགས་ཀྱི་ཐིམ་ཁུང་ནས་བྱུང་བ་འདི་ལྟར་རོ། །ཡེ་ཤེས་མགོན་པོའི་ཏིང་འཛིན་གྱིས། །[[Rahula|རཱ་ཧུ་ལ་]]དང་སྡེ་བརྒྱད་རྣམས། །དམིགས་པས་བཀུག་ལ་མདུན་དུ་བཞག །གཏོར་མ་ཕུལ་ལ་ཕྲིན་ལས་བཅོལ། །མི་མེད་མཛེ་ཕོ་ལྐུགས་པའི་ཁྲག །བ་ར་དཀར་གྱི་འོ་མ་སྦྱར། །རྡོ་ལེབ་སྟེང་དུ་ཨེ་ཝཾ་བྲིས། །དེ་དབུས་མཐོ་བསྐོར་ས་བོན་བཀོད། དྲག་པོའི་བུད་ཤིང་བརྩེགས་པར་བྱ། །གར་དམིགས་ཟག་པས་སྔགས་བརྗོད་བྲི། །ཡུལ་གྱི་ཕྱོགས་སུ་བཟླས་པར་བྱ། །བ་ལིཾ་གྲི་ཤིའི་ཁྲག་གིས་བྱུག །ལྕེ་འབེབས་ཤིང་གི་གྲི་གསུམ་ལ། །གོང་རྫས་བྱུགས་པས་ངར་ཡང་བླུད། །ལོང་ལ་སྔགས་བྲིས་རྩེ་རུ་བཙུགས། ཡུངས་ཀར་ནག་ཚང་བ་གསུམ་ར་དུག་པར་ད་དུ་ར་ཡི་འབྲུས་མི་ཡི་ཤ་ཚིལ་རྣམས། །གཡས་སུ་ཐུན་རྫས་བཞག་པར་བྱ། །གཡོན་དུ་ལྕགས་སམ་རྡོ་ལེབ་ལ། །སྔར་གྱི་ཁུ་བས་སྔར་བཞིན་བྲི། །ས་བོན་སྟེང་དུ་རང་གཏོར་བཞག །བགེགས་དང་གཟའ་གཉིས་བརྗེ་བ་ཤེས། །ཡུལ་བདག་གཏོར་མ་བཀའ་བསྒོ་ཞིང་། །ཐབས་ནི་བསང་སྦྱངས་སྟོང་པའི་ངང་། །ཆོ་ག་གསུམ་ལས་གཙོ་བོ་བསྐྱེད། །སྡེ་བརྒྱད་དྲེགས་པའི་འཁོར་གྱིས་བསྐོར། །ཆོ་ག་བཞིན་དུ་དགུག་གཞུག་བྱ། །དཔལ་འབར་གཙུགས་ལ་མེ་ཡང་སྦར། །ཐུན་རྫས་བསྲེག་ཅིང་སྔགས་འདི་བགྲང་། །ཆུ་ཤིང་ཕུར་པའི་རྩེ་མོ་ལ། །ཐོག་མེད་ལ་སྦྱར་སྙིང་གར་ཟུག །ཟུག་པས་ལིང་ག་བྱུགས་པ་ཅེས། །སྐུ་ཡི་ལྷ་གཏོར་ཞབས་སུ་བཅུག །མང་ཉུང་རིག་པས་དཔྱད་པར་བྱ། །ལོ་ཐོག་འཛོམས་ན་མི་དགོས་སོ། །གཏོར་མ་ཕུལ་ལ་མེར་བསྲེགས་ཏེ། །དེ་དང་དུས་མཉམ་རང་ལངས་ལ། །[[Rahula|རཱ་ཧུ་ལ་]]ནི་ཞབས་ཀྱི་ཕུལ། །དྲེགས་པའི་དམག་ཚོགས་དེར་འགྲོ་ནས། །ལོ་ཐོག་འཛོམས་པའི་ལས་མཛད་གྱུར། །དྲི་ཟ་ཅན་གྱིས་གཏོར་མ་དེ། །ལྷར་བསྐྱེད་དགྲ་ཡུལ་མཐོང་བར་འཕངས། །ཕྱི་མིག་མི་བལྟ་རང་ཡུལ་ལོག །སེར་བསྲུང་ལིངྒ་སྔགས་ཀྱི་མནན། །རྒྱ་གྲམ་ལམ་གྱི་བཞི་མདོ་སྦ། །མེ་ལྕེ་ས་ཡི་མན་ངག་ནི། །གང་དུ་བསྟན་པ་དེ་རུ་ཤེས། <br />མང་ཐོས་[[Gelek Pelsang|དགེ་ལེགས་དཔལ་བཟང་]]གིས། །མཁས་གྲུབ་གོང་མའི་མན་ངག་ལ། །ལྷད་བཞུགས་བསལ་ནས་དག་པར་བྱས། །ས་མ་ཡ།གུ་ཧྱ། འདི་ལོ་ཐོག་འཛོམས་པའི་ཤོག་དྲིལ་ལོ།</span>

Summary:

This is a minor edit Watch this page

Cancel