Gtor chen byin rlabs

Resource ID	SCv6p391
Title	gtor chen byin rlabs
Topics	Chadrupa
Sub-Topics	Various
Link	BDRC W23922

གཏོར་ཆེན་བྱིན་རླབས་ནི།

ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩིའི་རྒྱུན་ཟླ་བའི་འོད་ཟེར་ལྟ་བུ་རྒྱུན་མི་འཆད་པ་བཀུག་སྟེ་ཐིམ་པར་མོས། ཨོཾ་ཨཱཿཧཱུྃ་ཧ་ཧོ་ཧྲཱིཿ བརྒྱ་རྩ་བརྒྱད་བཟླ།
ཧཱུྃ་དྲུག་གི་བྱིན་རླབས་ནི། དེའང་རྒྱས་པ་དང་དབང་གི་སྐབས་སུ།
ཧཱུྃ་ཞེས་བརྗོད་པས་གཏོར་ཆུང་རྣམས་ཀྱི་སྟེང་དུ་ཧཱུྃ་རེ་རེ་གསལ་བར་གྱུར། ཧཱུྃ་གཏོར་མའི་སྟེང་གི་ཧཱུྃ་ལས་འོད་ཟེར་ལྕགས་ཀྱུ་ལྟ་བུ་ཕྱོགས་བཅུར་འཕྲོས་པས་དཔའ་བོ་རྣལ་འབྱོར་མ་ཐམས་ཅད་ཀྱི་ཐུགས་ཀ་ནས་བྱང་ཆུབ་སེམས་ཀྱི་བདུད་རྩི་བཀུག་ནས་གཏོར་མ་ལ་ཐིམ་པར་བསམ།
ཧཱུྃ་མགོན་པོ་འཁོར་དང་བཅས་པའི་ལྗགས་ཧཱུྃ་ལས་སྐྱེས་པའི་རྡོ་རྗེ་དམར་པོ་རྩེ་གཅིག་པའི་འོད་ཀྱི་སྦུ་གུ་གཏོར་མ་ལ་ཟུག་པར་བསམ།
སླར་ཡང་།
ཧཱུྃ་ཧཱུྃ་ཧཱུྃ་གིས། མགོན་པོ་འཁོར་དང་བཅས་པའི་ལྗགས་འོད་ཀྱི་སྦུ་གུས་བདུད་རྩིའི་བཅུད་སིབ་སིབ་བརྔུབ་སྟེ་གསོལ་བར་བསམ་ལ།
སྙིང་པོ་ལ་གཏོར་སྔགས་བཏགས་པ་ལན་བདུན་དང་། རྩ་སྔགས་ཤཱ་ས་ན་ལ་ཡི་དཾ་བ་ལིཾ་ཁ་ཁ་སོགས་གཏོར་སྔགས་བསྒྱུར་བ་ལན་བདུན་གྱིས་ཕུལ། དྲག་པོའི་སྐབས།
དགྲ་བགེགས་དང་བར་ཆད་ཐམས་ཆད་བཀུག་ནས་གཏོར་མ་ལ་བཅུག་པས་ངོ་བོ་དགྲ་བགེགས་ཀྱི་ཤ་ཁྲག་ལ་རྣམ་པ་བདུད་རྩིའི་རྒྱ་མཚོར་གྱུར།
སརྦ་མངྒ་ལཾ།། །།