Difference between revisions of "Gzhan don phun sum tshogs pa'i rten 'brel"

From Shangpa Resource Center
Line 6: Line 6:
 
|Subject=Various
 
|Subject=Various
 
|SubTopics=Various
 
|SubTopics=Various
−
|Author=Niguma
+
|Associated Person=Niguma
 
|BDRC link=[https://www.tbrc.org/#library_work_ViewByOutline-O01DG1049095118%7CW23922 BDRC W23922]<br/>[https://www.tbrc.org/#!rid=W3CN18508 BDRC W3CN18508 (v2p.566)]
 
|BDRC link=[https://www.tbrc.org/#library_work_ViewByOutline-O01DG1049095118%7CW23922 BDRC W23922]<br/>[https://www.tbrc.org/#!rid=W3CN18508 BDRC W3CN18508 (v2p.566)]
 
|Notes=Author according to [[shangs chos dkar chag zab rgyas chos kyi sgo 'byed lde mig]],[[rin po che'i mdzod dkar chag baiDUR+Ya'i lde'u mig]] and  [[phrin las rab rgyas]]
 
|Notes=Author according to [[shangs chos dkar chag zab rgyas chos kyi sgo 'byed lde mig]],[[rin po che'i mdzod dkar chag baiDUR+Ya'i lde'u mig]] and  [[phrin las rab rgyas]]
 
}}
 
}}
 
<span class="main_text">༄༅། །གཞན་དོན་ཕུན་སུམ་ཚོགས་པའི་རྟེན་འབྲེལ་ལོ།།<br /><br />།བླ་མ་དམ་པ་རྣམས་ལ་ཕྱག་འཚལ་ལོ། <br />།གཞན་དོན་མི་འགྲུབ་མི་སྲིད་པའི་རྟེན་འབྲེལ་ནི། །སེམས་བསྐྱེད་སྔོན་དུ་སོང་བས་རང་ཡི་དམ་གྱི་སྤྱི་བོར་རྩ་བའི་བླ་མ་བསྒོམས། དེའི་ཐུགས་ཀ་ནས་འོད་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ཡི་དམ་གྱི་ལྷ་ཚོགས་དང་། ཡེ་ཤེས་ཀྱི་ཆོས་སྐྱོང་དང་བཅས་པ་ཐམས་ཅད་བླ་མ་དེ་ལ་བསྟིམ་མོ། །དེ་ནས་སྙིང་ཁོང་རུས་པའི་གཏིང་ནས་གསོལ་བ་གདབ་པར་བྱ་སྟེ། <br />བླ་མ་སངས་རྒྱས་རིན་པོ་ཆེ། བདག་གི་སྐྱེ་བ་འདི་དང་སྐྱེ་བ་གཞན་དག་ཏུ། གཞན་དོན་འབའ་ཞིག་འགྲུབ་པར་མཛད་དུ་གསོལ། །ཅེས་ལན་གསུམ་བརྗོད་དོ། <br />།དེ་ནས་སེམས་ཅན་ཐམས་ཅད་ལ་སྙིང་རྗེ་ཆེན་པོ་བསྒོམས་པའི་རྐྱེན་གྱིས། སྤྱི་བོའི་བླ་མ་དེ་རང་ལ་ཐིམ་པ་དང་། རང་ཉིད་ཐུགས་རྗེ་ཆེན་པོ་ཤིན་ཏུ་ཆེ་བར་བསྒོམས་ནས། སེམས་ཅན་ཐམས་ཅད་ལ་སྙིང་རྗེ་ཆེན་པོ་གདུངས་གདུངས་པ་བསྒོམས་ལ་སྨོན་ལམ་བཏབ་པར་བྱ་སྟེ། <br />བདག་གིས་དགེ་བའི་རྩ་བ་འདིས། སྐྱེ་བ་འདི་དང་སྐྱེ་བ་གཞན་དག་ཏུ། །གཞན་དོན་འབའ་ཞིག་འགྲུབ་པར་གྱུར་ཅིག །བདག་གི་ལུས་ཀྱིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ངག་གིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ཡིད་ཀྱིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ལུས་ངག་ཡིད་གསུམ་གྱིས་འཁོར་བའི་རྒྱ་མཚོ་ཆེན་པོ་འདི་སྟོངས་པར་མ་གྱུར་གྱི་བར་དུ། སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ཅེས་ལན་གསུམ་བརྗོད་དོ། <br />།ཡང་པདྨ་དྲྭ་བའི་རྒྱུད་ལས་གསུངས་པ་བཞིན་དུ། བདག་ནི་སེམས་ཅན་ཐམས་ཅད་ཀྱི། །མགོན་སྐྱབས་རེ་གནས་གྱུར་ནས་ཀྱང་། །སེམས་ཅན་ཀུན་གྱི་རེ་འདོད་ཀུན། །ཚུལ་བཞིན་དུ་ནི་བསྐོངས་གྱུར་ཅིག །ཅེས་ལན་གསུམ་མམ། <br />།ལྔ་བརྗོད་པར་བྱའོ། །འདི་ལ་ཡོན་ཏན་དཔག་ཏུ་མེད་པ་ཡོད་དོ། །འདི་དང་ཕྱི་མར་གཞན་དོན་མི་འབྱུང་མི་སྲིད་དོ་གསུང་ངོ་། <br />།གཞན་དོན་ཕུན་སུམ་ཚོགས་པ་འབྱུང་བའི་རྟེན་འབྲེལ་རྫོགས་སོ། །མངྒ་ལཾ། །ཤུབྷཾ། །</span>
 
<span class="main_text">༄༅། །གཞན་དོན་ཕུན་སུམ་ཚོགས་པའི་རྟེན་འབྲེལ་ལོ།།<br /><br />།བླ་མ་དམ་པ་རྣམས་ལ་ཕྱག་འཚལ་ལོ། <br />།གཞན་དོན་མི་འགྲུབ་མི་སྲིད་པའི་རྟེན་འབྲེལ་ནི། །སེམས་བསྐྱེད་སྔོན་དུ་སོང་བས་རང་ཡི་དམ་གྱི་སྤྱི་བོར་རྩ་བའི་བླ་མ་བསྒོམས། དེའི་ཐུགས་ཀ་ནས་འོད་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ཡི་དམ་གྱི་ལྷ་ཚོགས་དང་། ཡེ་ཤེས་ཀྱི་ཆོས་སྐྱོང་དང་བཅས་པ་ཐམས་ཅད་བླ་མ་དེ་ལ་བསྟིམ་མོ། །དེ་ནས་སྙིང་ཁོང་རུས་པའི་གཏིང་ནས་གསོལ་བ་གདབ་པར་བྱ་སྟེ། <br />བླ་མ་སངས་རྒྱས་རིན་པོ་ཆེ། བདག་གི་སྐྱེ་བ་འདི་དང་སྐྱེ་བ་གཞན་དག་ཏུ། གཞན་དོན་འབའ་ཞིག་འགྲུབ་པར་མཛད་དུ་གསོལ། །ཅེས་ལན་གསུམ་བརྗོད་དོ། <br />།དེ་ནས་སེམས་ཅན་ཐམས་ཅད་ལ་སྙིང་རྗེ་ཆེན་པོ་བསྒོམས་པའི་རྐྱེན་གྱིས། སྤྱི་བོའི་བླ་མ་དེ་རང་ལ་ཐིམ་པ་དང་། རང་ཉིད་ཐུགས་རྗེ་ཆེན་པོ་ཤིན་ཏུ་ཆེ་བར་བསྒོམས་ནས། སེམས་ཅན་ཐམས་ཅད་ལ་སྙིང་རྗེ་ཆེན་པོ་གདུངས་གདུངས་པ་བསྒོམས་ལ་སྨོན་ལམ་བཏབ་པར་བྱ་སྟེ། <br />བདག་གིས་དགེ་བའི་རྩ་བ་འདིས། སྐྱེ་བ་འདི་དང་སྐྱེ་བ་གཞན་དག་ཏུ། །གཞན་དོན་འབའ་ཞིག་འགྲུབ་པར་གྱུར་ཅིག །བདག་གི་ལུས་ཀྱིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ངག་གིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ཡིད་ཀྱིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ལུས་ངག་ཡིད་གསུམ་གྱིས་འཁོར་བའི་རྒྱ་མཚོ་ཆེན་པོ་འདི་སྟོངས་པར་མ་གྱུར་གྱི་བར་དུ། སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ཅེས་ལན་གསུམ་བརྗོད་དོ། <br />།ཡང་པདྨ་དྲྭ་བའི་རྒྱུད་ལས་གསུངས་པ་བཞིན་དུ། བདག་ནི་སེམས་ཅན་ཐམས་ཅད་ཀྱི། །མགོན་སྐྱབས་རེ་གནས་གྱུར་ནས་ཀྱང་། །སེམས་ཅན་ཀུན་གྱི་རེ་འདོད་ཀུན། །ཚུལ་བཞིན་དུ་ནི་བསྐོངས་གྱུར་ཅིག །ཅེས་ལན་གསུམ་མམ། <br />།ལྔ་བརྗོད་པར་བྱའོ། །འདི་ལ་ཡོན་ཏན་དཔག་ཏུ་མེད་པ་ཡོད་དོ། །འདི་དང་ཕྱི་མར་གཞན་དོན་མི་འབྱུང་མི་སྲིད་དོ་གསུང་ངོ་། <br />།གཞན་དོན་ཕུན་སུམ་ཚོགས་པ་འབྱུང་བའི་རྟེན་འབྲེལ་རྫོགས་སོ། །མངྒ་ལཾ། །ཤུབྷཾ། །</span>

Revision as of 07:56, 28 January 2022








Resource ID SCv7p625
Title gzhan don phun sum tshogs pa'i rten 'brel
Alt. title gzhan don mi 'grub mi srid pa
Topics Various
Sub-Topics Various
Associated Person Niguma
Link BDRC W23922
BDRC W3CN18508 (v2p.566)
Notes Author according to shangs chos dkar chag zab rgyas chos kyi sgo 'byed lde mig,rin po che'i mdzod dkar chag baiDUR+Ya'i lde'u mig and phrin las rab rgyas

༄༅། །གཞན་དོན་ཕུན་སུམ་ཚོགས་པའི་རྟེན་འབྲེལ་ལོ།།

།བླ་མ་དམ་པ་རྣམས་ལ་ཕྱག་འཚལ་ལོ།
།གཞན་དོན་མི་འགྲུབ་མི་སྲིད་པའི་རྟེན་འབྲེལ་ནི། །སེམས་བསྐྱེད་སྔོན་དུ་སོང་བས་རང་ཡི་དམ་གྱི་སྤྱི་བོར་རྩ་བའི་བླ་མ་བསྒོམས། དེའི་ཐུགས་ཀ་ནས་འོད་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ཡི་དམ་གྱི་ལྷ་ཚོགས་དང་། ཡེ་ཤེས་ཀྱི་ཆོས་སྐྱོང་དང་བཅས་པ་ཐམས་ཅད་བླ་མ་དེ་ལ་བསྟིམ་མོ། །དེ་ནས་སྙིང་ཁོང་རུས་པའི་གཏིང་ནས་གསོལ་བ་གདབ་པར་བྱ་སྟེ།
བླ་མ་སངས་རྒྱས་རིན་པོ་ཆེ། བདག་གི་སྐྱེ་བ་འདི་དང་སྐྱེ་བ་གཞན་དག་ཏུ། གཞན་དོན་འབའ་ཞིག་འགྲུབ་པར་མཛད་དུ་གསོལ། །ཅེས་ལན་གསུམ་བརྗོད་དོ།
།དེ་ནས་སེམས་ཅན་ཐམས་ཅད་ལ་སྙིང་རྗེ་ཆེན་པོ་བསྒོམས་པའི་རྐྱེན་གྱིས། སྤྱི་བོའི་བླ་མ་དེ་རང་ལ་ཐིམ་པ་དང་། རང་ཉིད་ཐུགས་རྗེ་ཆེན་པོ་ཤིན་ཏུ་ཆེ་བར་བསྒོམས་ནས། སེམས་ཅན་ཐམས་ཅད་ལ་སྙིང་རྗེ་ཆེན་པོ་གདུངས་གདུངས་པ་བསྒོམས་ལ་སྨོན་ལམ་བཏབ་པར་བྱ་སྟེ།
བདག་གིས་དགེ་བའི་རྩ་བ་འདིས། སྐྱེ་བ་འདི་དང་སྐྱེ་བ་གཞན་དག་ཏུ། །གཞན་དོན་འབའ་ཞིག་འགྲུབ་པར་གྱུར་ཅིག །བདག་གི་ལུས་ཀྱིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ངག་གིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ཡིད་ཀྱིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ལུས་ངག་ཡིད་གསུམ་གྱིས་འཁོར་བའི་རྒྱ་མཚོ་ཆེན་པོ་འདི་སྟོངས་པར་མ་གྱུར་གྱི་བར་དུ། སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ཅེས་ལན་གསུམ་བརྗོད་དོ།
།ཡང་པདྨ་དྲྭ་བའི་རྒྱུད་ལས་གསུངས་པ་བཞིན་དུ། བདག་ནི་སེམས་ཅན་ཐམས་ཅད་ཀྱི། །མགོན་སྐྱབས་རེ་གནས་གྱུར་ནས་ཀྱང་། །སེམས་ཅན་ཀུན་གྱི་རེ་འདོད་ཀུན། །ཚུལ་བཞིན་དུ་ནི་བསྐོངས་གྱུར་ཅིག །ཅེས་ལན་གསུམ་མམ།
།ལྔ་བརྗོད་པར་བྱའོ། །འདི་ལ་ཡོན་ཏན་དཔག་ཏུ་མེད་པ་ཡོད་དོ། །འདི་དང་ཕྱི་མར་གཞན་དོན་མི་འབྱུང་མི་སྲིད་དོ་གསུང་ངོ་།
།གཞན་དོན་ཕུན་སུམ་ཚོགས་པ་འབྱུང་བའི་རྟེན་འབྲེལ་རྫོགས་སོ། །མངྒ་ལཾ། །ཤུབྷཾ། །

Retrieved from "https://www.shanpafoundation-resourcecenter.net/index.php?title=Gzhan_don_phun_sum_tshogs_pa%27i_rten_%27brel&oldid=17460"
  • Powered by MediaWiki
  • Powered by Semantic MediaWiki