Lus gsang byin rlabs

Resource ID	SCv7p479
Title	lus gsang byin rlabs
Topics	Kechari
Sub-Topics	Instructions
Link	BDRC W23922 BDRC W4CZ58783 (p.375) BDRC W3CN18508 (p.618) BDRC W8LS32723 BDRC W22103 (p.239) BDRC W8LS36545 (p.198 alt.)

༼ལུས་གསང་བྱིན་རླབས།༽
ན་མོ་གུ་རུ།
འདི་ལ་གསུམ་དུ་གསུངས་པ་ལས། སྐུ་བསྒོམ་པ་སྔོན་དུ་སོང་ནས།
གཉིས་པ་ལུས་བྱིན་གྱིས་རླབས་པ་ནི།
རྗེ་བཙུན་མ་སྔར་བཞིན་དུ་བསྒོམས་ལ། རང་གི་སྤྱི་བོར་བྱོན་པར་བསམ་སྟེ། དེའི་པདྨ་ནས་བྱང་སེམས་འོད་དམར་པོའི་ཚུལ་དུ་འཕྲོས་ཏེ་བྱུང་བ་དང་། རང་གི་སྤྱི་བོའི་ཚངས་བུག་ན་མར་སོང་སྟེ། ལུས་ཐམས་ཅད་འོད་ཀྱི་རང་བཞིན་དུ་དམར་ལྡེམ་ལྡེམ་དུ་འདུག་པ་དང་། རང་གི་རྒྱུད་ལ་བདེ་བ་ཁྱད་པར་ཅན་སིང་སིང་པ་སྐྱེས་པར་བསམ། དེ་ནས་ལུས་འོད་ཀྱི་རང་བཞིན་དེ་མེ་ལོང་གི་རླངས་བཞིན་མཐའ་ནས་བསྡུས་ནས་དབུས་སུ་ཡལ་བ་དང་། སྟོང་པ་ཉིད་དེའི་ངང་ལ་ལྷོད་ཀྱིས་གློད་ལ། རིག་པ་དངས་སིང་ངེ་བཞག་གོ
།གསུམ་པ་གསང་བ་བྱིན་གྱི་རླབས་པ་ནི།
རང་ལ་ཉོན་མོངས་པ་འདོད་ཆགས་དྲག་པོ་སྐྱེས་ནས། རྡོ་རྗེ་ནོར་བུའི་རྩེ་མོར་རྗེ་བཙུན་མ་སྔར་དང་འདྲ་བ་བསམས་ལ། དེ་འོད་དུ་ལྟེམ་གྱི་ཞུ་བ་དང་། འོད་དེ་གསང་བའི་རྡོ་རྗེ་ནས་ཡར་ཞུགས་ཏེ་སོང་། ལུས་ཐམས་ཅད་འོད་ཀྱིས་མེར་ཁེངས་པ་དང་། ཉོན་མོངས་པ་འདོད་ཆགས་སངས་ཀྱིས་དག་པས་ལུས་འོང་གི་རང་བཞིན་དུ་ལྡེམ་ལྡེམ་འདུག་པར་བསམ། དེ་ནས་འོད་མེ་ལོང་གི་རླངས་བཞིན་དུ་མཐའ་ནས་འདུས་ནས་དབུས་སུ་ཡལ་བ་དང་། སྟོང་པ་ཉིད་དེའི་ངང་དུ་རིག་པ་མ་བཅོས་པར་ལྷོད་ཀྱིས་གློད་ལ་རིག་པ་དྭངས་སིང་ངེ་བཞག་གོ །སྦྱོར་རྗེས་གཉིས་སྔར་དང་འདྲའོ།། །།