Mdze thod dang mon thod la brten pa'i mnan gtad

Resource ID	SCv11p629
Title	mdze thod dang mon thod la brten pa'i mnan gtad
Topics	Chadrupa
Sub-Topics	Instructions
Link	BDRC W23922 BDRC W3CN18508 (v3p.16)

༈ མཛེ་ཐོད་དང་མོན་ཐོད་ལ་བརྟེན་པའི་མནན་གཏད་བཞུགས་སོ།།
༈ ༼ཧི༽ ན་མ་ཋ་ཤྲཱི་མ་ཧཱ་ཀཱ་ལ་ཡ། ཟླ་བ་དང་ཉི་མ་ནག་པོ། གཟའ་དང་སྐར་མ་དྲག་པོ་ལ་ཁ་ལྷོར་བལྟས་ཏེ། མཛེ་ཐོད་དང་མོན་གྱི་ཐོད་པ་དང་དེའི་ཁྲག་གི་འཁོར་ལོ་རྩིབས་བརྒྱད་པ་རེ་རེ་བྲིས་པ་ལ། ལྟེ་བར་བསྒྲུབ་བྱའི་གཟུགས་དཔེའུ་ཆུང་ལྟར་བྲིས་ཏེ། རྩིབས་བརྒྱད་ལ། མ་ཧཱ་ཀཱ་ལ་ཡ། མཿརཿཛཿདུཿཏྲིཿཐཿཏྲིཿསརྦ་ཆྒཻ་མོ་ལ་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲྀཧྣ་གྲྀཧྣ། བྷནྡྷ་བྷནྡྷ། ད་ཧ་ད་ཧ། པ་ཙ་པ་ཙ། དི་ན་མེ་ཀེ་ན་ཆྒཻ་མོ་ཤ་ཏྲུཾ་མཱ་ར་ཡ་ཧཱུྃ་ཕཊ། ཅེས་པ་ཡིག་མགོ་ཕྱིར་བསྟན་ནས་རྩིབས་རེ་བྲིས་ནས། ལིངྒ་བསྐྱེད་ཆོག་དགུག་སོགས་བྱས། ལྟེ་བར་བྲིས་པ་དེ་བསྒྲུབ་བྱ་དངོས་སུ་མོས་ཏེ་འཁོར་ལོའི་རབ་གནས་བསད་པའི་འཁོར་ལོའི་རབ་གནས་ལྟར་བྱས་ནས་ཐོད་པ་གཉིས་ལྟག་དཔྲལ་ཐད་ཀར་འོང་ཞིང་། ལིངྒ་གཉིས་ཀྱང་མགོ་དང་མགོ། རྐང་པ་དང་རྐང་པ་ཐད་ཀར་འོང་བ་བྱས་ནས་ཁ་སྦྱར་ཏེ་ཤི་སྐྲའི་སྐུད་པས་རྒྱ་གྲམ་དུ་བཅིངས། དུར་ཁྲོད་དང་། ཀླུ་དྲག་པོ་གནས་པ་དང་། མཆོད་རྟེན་གྱི་འོག་གང་ཡང་རུང་བར་སྦས་ན། འཆི་བའམ་མཛེས་ཁྱེར་བ་སོགས་གདོང་ཐོགས་པ་མེད་པར་འབྱུང་ན་འགྱུར་རོ། །འདིའི་ཚེ་རང་རྟགས་སྤང་ཞིང་གཞན་རྟགས་ཡོད་ན་རྣོའོ། །སྒྲུབ་བྱ་མང་ན་ལིངྒ་མང་བར་བྱའོ། །ཞག་བདུན་གྱིས་འགྲུབ་ཅེས་ཟེར་ཡང་། །ཞག་ཉེར་གཅིག་ལ་རྟགས་ཀུན་འོང་བར་སྣང་ངོ་། །ག་ལ་མཱ་ར་ཀ་རས་ཟླ་བ་གཅིག་ལ་ཕྱི་རོལ་པ་འབུམ་སྟེ་སྟོང་དུ་བཅུག་པའི་མན་ངག་ཀྱང་འདི་ཡིན་ནོ།
།གུ་ཧྱ་གུ་ཧྱ་ས་མ་ཡ།། །།