Mkha' spyod dkar mo'i sgrub thabs

From Shangpa Resource Center








Resource ID SCv7p475
Title mkha' spyod dkar mo'i sgrub thabs
Topics Kechari
Sub-Topics Sadhana
Author Atisha
Link BDRC W23922
BDRC W4CZ58783 (p.373)
BDRC W3CN18508 (p.616)
BDRC W8LS32723
BDRC W22103 (p.238/shorter)

༼མཁའ་སྤྱོད་དཀར་མོའི་སྒྲུབ་ཐབས།༽
བླ་མ་དམ་པ་རྣམས་ལ་ཕྱག་འཚལ་ལོ།
།རྟེན་གྱི་གང་ཟག་མཁའ་སྤྱོད་དཀར་མོ་བསྒོམ་པར་འདོད་པས། སེམས་ཅན་ཐམས་ཅད་ལ་དམིགས་པའི་བྱམས་པ་དང་། སྙིང་རྗེ་བྱང་ཆུབ་ཀྱི་སེམས་སྔོན་དུ་བཏང་ནས། རང་ཡི་དམ་གྱི་ལྷར་སྐད་ཅིག་མར་བསམ་པའི་མདུན་གྱི་ནམ་མཁའ་ལ་ཧྲཱིཿདཀར་པོ་གཅིག་བསམ། ཧྲཱིཿདེ་འོད་དུ་ཞུ་བ་ལས།
ཇོ་མོ་མཁའ་སྤྱོད་མ་དཀར་མོ། སྤྱན་གསུམ་ནམ་མཁའ་ལ་ཧྲིག་ཧྲིག་པ། ཞལ་གཅིག་ཕྱག་གཉིས་པ། ཞལ་མཆེ་བ་གཙིགས་ཤིང་བཞད་པ་སྐུ་མདོག་དཀར་མོ། རུས་པའི་རྒྱན་ཐམས་ཅད་ཀྱིས་བརྒྱན་པ། ཕྱག་གཡས་གྲི་གུག་འཕྱར་བ། གཡོན་ཐོད་པ་ཁྲག་གིས་བཀང་བ་ཕྱིར་བསྟན་ནས་འཛིན་པ། ཞབས་གཉིས་རྒྱབ་ངོས་ནས་ཕྲག་པ་ལ་བཀལ་བ། གཅེར་བུ་སྐྲ་གྲོལ་བ། ཐོད་སྐམ་ལྔའི་དབུ་རྒྱན་དང་། ཐོད་སྐམ་ལྔ་བཅུའི་དོ་ཤལ་བྱས་པ། སྐུ་ཤ་རྒྱས་ཤིང་ནུ་མ་འབུར་བ། གཞོན་ནུ་ལང་ཚོ་དར་ལ་བབ་པ། མེ་རི་དཀར་པོའི་དབུས་ན་བཞུགས་པ་གཅིག་ཏུ་བསམ་ནས།
དེ་ལ་དམིགས་ནས་རང་གི་སྔགས་གསུམ་སྦྲེལ་བཟླས་པ་དང་། དེའི་སྤྱི་བོ་སྙིང་ག་མགྲིན་པ་གསུམ་ནས། འོད་ཁ་དོག་གསུམ་གཅིག་ལ་གཅིག་འཁྲིལ་བའི་ཚུལ་དུ་ཐུགས་ཀ་ནས་བྱུང་སྟེ། རང་གི་སྤྱི་གཙུག་ནས་བྱུང་བས། ལུས་གང་སྟེ་སྡིག་སྒྲིབ་ལ་སོགས་པ་དག་ནས། འོད་ཡར་འཁྱིལ་བ་དང་། བདེ་སིང་བ་ཅིག་བསྒོམ། འཇུག་མི་དམིགས་པར་བསྒོམ། དགེ་བ་བསྔོ་བར་བྱའོ།
།དཔལ་ལྡན་ཨ་ཏི་ཤའི་ལུགས་སོ།། མངྒ་ལཾ།། །།