Rang la dbang blang ba'i gnad mchog khyad bcu dpag pa

Resource ID	SCv11p80
Title	rang la dbang blang ba'i gnad mchog khyad bcu dpag pa
Alt. title	gtor dbang bar chad kun sel gyi rgya gzhung
Topics	Chadrupa
Sub-Topics	Empowerment of Oneself
Author	Sangyé Tönpa
Associated Person	Sangyé Nyentön
Link	W23922 BDRC W3CN18508 (v3p.21) WA00KG09215 (p.30)

༈ རང་ལ་དབང་བླང་བའི་གནད་མཆོག་ཁྱད་དཔག་པ་བཞུགས་སོ།།
༈ ༼ཙ༽ བླ་མ་མགོན་པོར་བཅས་ལ་འདུད། །མདུན་ནམ་གཡས་གཡོན་གང་བདེ་བར། །མགོན་པོ་བསྐྱེད་ལ་ཡེ་ཤེས་བསྟིམ། །དེ་ཡི་སྤྱི་བོར་བླ་མ་བསམ། །རང་གཞན་རྣམས་ཀྱི་མགོན་པོ་ལ། །གསོལ་བ་དྲག་ཏུ་བཏབ་པ་ཡིས། །དཔྲལ་བ་མགྲིན་པ་ཐུགས་ཀ་ནས། །ནུས་མཐུ་ཕུན་སུམ་ཚོགས་པ་ཡིས། །འོད་ཟེར་ཁ་དོག་ལྔ་བྱུང་སྟེ། །རང་གི་གནས་གསུམ་ཐིམ་པ་ཡིས། །ལུས་ངག་ཡིད་གསུམ་སྡིག་སྒྲིབ་དང་། །ནད་གདོན་བར་ཆད་དག་པར་བསམ། །བུམ་པ་གསང་བའི་དབང་དང་ནི། །ཤེས་རབ་ཡེ་ཤེས་ཐོབ་པའོ།
།གསོལ་བ་ཡང་གཅིག་བཏབ་པ་ཡི། །མགོན་པོའི་སྐུ་ལུས་ཐམས་ཅད་ལས། །འོད་ཟེར་དམར་ནག་མང་པོ་ཆད། །ལུས་ལ་ཐིམ་པས་གོང་བཞིན་བསམ། །དེ་ནས་རང་ཉིད་མགོན་པོར་བསྒོམས། །ལྷ་སྐུ་བདེ་ཆེན་རང་ཤར་ལ། །མི་རྟོག་ཉིད་དུ་བཞག་པར་བྱ། །བཞི་པ་ཕྱག་རྒྱ་ཆེན་པོའོ།
།ནད་གདོན་སྡིག་སྒྲིབ་ཐམས་ཅད་ཀུན། །སྐད་ཅིག་ཉིད་ལ་སེལ་བྱེད་པའི། །གནད་མཆོག་ཁྱད་པར་འཕགས་པ་འདི། །མགོན་པོ་སངས་རྒྱས་གཉན་སྟོན་ལ། །དངོས་སུ་གསུངས་ནས་མཁའ་ལ་གཤེགས། །སངས་རྒྱས་སྟོན་པ་ཉིད་ལ་གནང་། །ལན་གསུམ་ཞུས་ནས་དག་པར་བྱས། །གུ་ཧྱ་ས་མ་ཡ།། །།