Smin dka' 'tshol ba'i yig chung

Resource ID	SCv8p704
Title	smin dka' 'tshol ba'i yig chung
Topics	Various
Sub-Topics	Various by unknown author
Link	BDRC W23922 BDRC W3CN18508 (v2p.505)

༄༅། །སྨིན་དཀའ་འཚོལ་བའི་ཡིག་ཆུང་།།

ན་མོ་གུ་རུ།
བླ་མའི་ཞལ་ནས། སྨིན་ཀ་འཚོལ་བ་ཆེན་པོ་དང་། ཆུང་ངུ་གཉིས་ཡིན་གསུང་།
ཆེན་པོ་ནི། དུས་རྒྱུན་དུ་ཉིན་པར་ཡང་ལས་རྒྱུ་འབྲས་ལ་འཛེམ་པ། བློ་ཆོས་སུ་སོང་བ་འོང་གསུང་། ནུབ་མོ་ཡང་དག་པའི་སྣང་བཤས་ཆེ་བ། དགེ་སྦྱོར་འབའ་ཞིག་ཏུ་འགྲོ་བ་འོང་གསུང་། དེའི་དུས་སུ་ཉིན་པར་སྒྱུ་མ་རང་ཤར་དུ་བྱུང་བའི་ནུབ་མོ་དེ། ལྷ་སྐུ་རང་ཤར་དུ་ལམ་མི་བྱུང་བའི་དུས་སུ། སྐབས་སྐབས་སུ་ཉེན་མོངས་པ་རགས་པ་ཐོལ་ཐོལ་བ་འདོདཆགས་སམ། དགྲ་ལ་བརྟེན་པ་ཞེ་སྡང་ངམ། དོར་འདི་ལྟ་བུ་ང་ལ་ཡོད་ན་དགའ་སྙམ་པ་གདུངས་གདུངས་པ་གཅིག་འོང་པས། དེའི་དུས་སུ་ཉེན་མོངས་པ་འབུར་འཇོམས་སུ་བཏང་ནས། དགེ་སྦྱོར་མ་བྱས་ན། སྔར་གྱི་དགེ་སྦྱོར་ཅི་བྱས་པ་ཐམས་ཅད་དེར་གོལ་འགྲོ་བས། ཐམས་ཅད་མཁྱེན་པའི་སངས་རྒྱས་མ་གཏོགས་པ་གང་ཡང་ཡིད་ལ་བྱར་མི་བཏུབ་གསུང་། སེམས་ཅན་གྱི་དོན་དུ་སྨོན་ལམ་བཏབ་ན་ཞུས་པས། དེ་ཡང་ཡིན་ཏེ་ཉོན་མོངས་པ་འབུར་འཇོམས་སུ་བཏང་ནས། ཞག་གཅིག་གཉིས་དགེ་སྦྱོར་རང་ལ་གནད་དུ་གཏོགས་པ་གལ་ཆེ་གསུང་།
སྨིན་ཀ་འཚོལ་བ་ཆུང་ངུ་ནི། མཚན་མོ་ལྷ་སྐུ་བྱུང་ཚད་ཀྱི་ཉིན་མོ་སྨོནལམ་འདེབས་པ་དང་། དགེ་སྦྱོརལ་གནད་དུ་གཏོགས་པ་གལཆེ་གསུང་ངོ་། གདམས་ངག་འདི་སློབ་མ། རྟོགས་པ་ཡོད་ངོ་ཤེས་པ་མིན་པ་ལ་བྱིནན། མཁའ་འགྲོ་མ་རྣམས་ཁྲག་ཏུ་སྐྱུག །འཁྲུགས་ནས་འགྲོ་བས་རང་གི་ཚེའི་བར་ཆོད་དུ་འགྲོ། སློབ་མ་རྟོགས་པ་ཡོད་པ་ལ་སྟེར་རྩན། ཚོགས་འཁོར་བརྒྱ་རྩའམ། ལོ་གྲངས་བཏང་ནས། གདོད་སྟེརབ་ཡིན་གསུང་།། ཨྀཐིཿ །།