Edit Text: Snying thig phyag rgya chen po ga'u ma'i sngon 'gro ngag 'don bskal bzang gdul bya 'dzin pa'i bka' brgyud thugs rje'i lcags kyu

Free text:

<span class="main_text">༄༅། །དཔལ་ལྡན་ཤངས་པ་བཀའ་བརྒྱུད་ཀྱི་སྙིང་ཐིག་ཕྱག་རྒྱ་ཆེན་པོ་གའུ་མའི་སྔོན་འགྲོ་ངག་འདོན་བསྐལ་བཟང་གདུལ་བྱ་འཛིན་པའི་བཀའ་བརྒྱུད་ཐུགས་རྗེའི་ལྕགས་ཀྱུ་ཞེས་བྱ་བ་བཞུགས།<br /><br /><span class="tibetan_small">སྐྱབས་གནས་ཀུན་འདུས་བཀའ་བརྒྱུད་རིན་པོ་ཆེ། །དངོས་གྲུབ་ཀུན་འབྱུང་ཡི་དམ་རིན་པོ་ཆེ། །བར་ཆད་ཀུན་བསལ་ཆོས་སྐྱོང་རིན་པོ་ཆེ། །རིན་ཆེན་སེམས་ཀྱི་གནས་ལུགས་རྟོགས་པར་ཤོག</span><br /><span class="tibetan_small">།རྒྱལ་བ་སྲས་བཅས་བགྲོད་གཅིག་ཟབ་ལམ་ཆོས། །རྣལ་འབྱོར་དབང་པོའི་བདེ་གསལ་སྟོང་པའི་ཉམས། །གནས་ལུགས་ཆོས་སྐུ་རྗེན་པར་ངོ་འཕྲོད་གཏམས། །ཕྱག་ཆེན་སྔོན་འགྲོའི་ངག་འདོན་འདི་ལྟར་བྱ།</span><br />དཔལ་ལྡན་རྩ་བའི་བླ་མ་རིན་པོ་ཆེ། །བདག་གི་སྤྱི་བོར་པདྨའི་གདན་བཞུགས་ལ། །བཀའ་དྲིན་ཆེན་པོའི་སྒོ་ནས་རྗེས་བཟུང་སྟེ། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། <br />།དངོས་གྲུབ་ཐམས་ཅད་ཀྱི་འབྱུང་གནས། སྐྱབས་གནས་ཐམས་ཅད་འདུས་པའི་ངོ་བོ། དཔལ་ལྡན་རྩ་བའི་བླ་མ་དམ་པའི་ཞབས་ལ་ཕྱག་འཚལ་ལོ། <br />།བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་རྒྱལ་བ་ཤཱཀྱ་ཐུབ་པའི་ཞབས་ལ་ཕྱག་འཚལ་ལོ།<br />།བདག་གི་ལུས་དང་ངག་དང་ཡིད་ལ་ཕྱི་ནང་གི་བར་དུ་གཅོད་པ་ཐམས་ཅད་ཞི་བ་དང་བསྲུང་ཞིང་བྱིན་གྱིས་བརླབས་ཏུ་གསོལ། <br />དལ་འབྱོར་འདི་ནི་རྙེད་པ་ཤིན་ཏུ་དཀའ། །སྐྱེས་བུའི་དོན་སྒྲུབ་ཐོབ་པརགྱུར་པ་ལ། །ཀལ་ཏེ་འདི་ལ་ཕན་པ་མ་བསྒྲུབས་ན། །ཕྱིས་འདི་ཡང་དག་འབྱོརབ་ག་ལ་འགྱུར། །སྲིད་གསུམ་མི་རྟག་སྟོན་ཀའི་སྤྲིན་དང་འདྲ། །འགྲོ་བའི་སྐྱེ་འཆི་གར་ལ་ལྟ་དང་མཚུངས། །འགྲོ་བའི་ཚེ་འགྲོ་ནམ་མཁའི་གློག་འདྲ་སྟེ། །རི་གཟརའབབ་ཆུ་བཞིན་དུ་མྱུར་མྱོང་འགྲོ། །དུས་ཀྱི་བསྙེན་ནས་རྒྱལ་པོ་འགྲོ་འགྱུརན། །ལོངས་སྤྱོད་མཛའ་དང་གཉེན་བཤེས་རྗེས་མི་འབྲང་། །སྐྱེས་བུ་དག་ནི་གང་དང་གང་འགྲོ་བ། །ལས་ནི་གྲིབ་མ་བཞིན་དུ་རྗེས་སུ་འབྲང་། །སྲེད་སྲིད་མ་རིག་དབང་གིས་སྐྱེ་བོ་རྣམས། །མི་དང་ལྷ་དང་ངན་སོང་རྣམ་གསུམ་པོ། །འགྲོ་བ་ལྔ་པོ་དག་ཏུ་མི་མཁས་འཁོར། །དཔེར་ན་རྫ་མཁན་འཁོར་ལོ་འཁོར་བ་བཞིན། །སྲིད་གསུམ་རྒ་དང་ནད་ཀྱི་སྡུག་བསྔལ་འབར། །འདི་ན་འཆི་མེད་རབ་འབར་མགོན་མེད་དེ། །སྲིད་ལས་བྱུང་ལ་འགྲོ་བ་རྟག་ཏུ་རྨོངས། །བུམ་པར་ཆུད་པའི་བུང་བ་འཁོར་བ་བཞིན། <span class="tibetan_small">ཞེས་བརྗོད་ཅིང་དོན་བསམ་མོ། <br />།དེ་ནས་སྐྱབས་འགྲོ་ནི།</span> མཁའ་དབྱིངས་དག་པར་རིན་ཆེན་སེང་ཁྲིའི་སྟེང་། །གདོད་མའི་མགོན་པོ་བླ་མ་རྡོ་རྗེ་འཆང་། །མཚན་དཔེའི་རྒྱན་ལྡན་དགྱེས་པའི་འཛུམ་ཞལ་ཅན། །ཕྱོགས་བཅུའི་སངས་རྒྱས་ཀུན་འདུས་སྐྱབས་གཅིག་བཞུགས།<br /><span class="tibetan_small">ངག་ཏུ།</span> མ་འགྲོ་བ་ནམ་མཁའ་དང་མཉམས་པའི་སེམས་ཅན་ཐམས་ཅད་སྐྱབས་ཀུན་འདུས་ཀྱི་ངོ་བོ་བླ་མ་རིན་པོ་ཆེ་ལ་སྐྱབས་སུ་མཆི་པ་ལགས་སོ། <span class="tibetan_small">།ཞེས་ལན་བདུན་ཉེར་གཅིག་བརྒྱ་སྟོང་སོགས་ཅི་གྲུབ་བྱ།</span><br /><span class="tibetan_small">སེམས་བསྐྱེད་ནི་ངག་ཏུ།</span> ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ། རྣམ་པ་ཐམས་ཅད་མཁྱེན་པ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཕྱིར་དུ་ཟབ་ལམ་ཕྱག་རྒྱ་ཆེན་པོ་ཉམས་སུ་བླང་བར་བགྱིའོ།<br /><span class="tibetan_small">དག་བྱེད་ཨའི་སྟོང་ར་ནི།</span> རང་གི་སྤྱི་བོར་པདྨ་དང་ཟླ་བའི་གདན་ལ་དྲིན་ཅན་རྩ་བའི་བླ་མ་སྐུ་གཟི་མདངས་དང་ལྡན་པ། བལྟ་བའི་ཆོག་མི་ཤེས་པ། བདག་ལ་དགྱེས་པའི་ཞལ་འཛུམ་བག་དང་ལྡན་པ་གསལ་བཏབ།<br /><span class="tibetan_small">ངག་ཏུ།</span> དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ་སེམས་ཅན་ཐམས་ཅད་ཀྱི་དོན་དུ། བདག་གི་ནད་གདོན་ཐམས་ཅད་ཞི་བར་མཛད་དུ་གསོལ། སྡིག་སྒྲིབ་ཐམས་ཅད་འདག་པར་མཛད་དུ་གསོལ། ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ། <span class="tibetan_small">མཐར།</span> <br />བླ་མ་འོད་ཞུ་སྤྱི་བོ་ནས་ཞུགས་ཐིམ། །ཀླད་པ་གཏི་མུག་རང་བཞིན་ཡལ་ཚུལ་སྦྱངས། །ཐོད་པ་དུང་ཁང་གཞལ་ཡས་ཁ་དོག་དཀར། །དེ་ནང་ཆོས་འབྱུང་དཀར་པོ་གྲུ་གསུམ་པ། །དངས་གསལ་ཤེལ་སྣོད་ལྟ་བུ་གསལ་བའི་དབུས། །བླ་མ་རང་སེམས་སྤྲོས་བྲལ་སྐྱེ་མེད་མཚོན། །ཨ་ཡིག་དཀར་པོ་དངས་གསལ་འོད་དཀར་འཕྲོ། །ཞེས་པ་གྲིམས་ལྷོད་རན་པོའི་དེ་ལ་གཏད། <span class="tibetan_small">དེ་རྗེས་ཨ་ཐུང་བཟླས་པ་ཉེར་གཅིག་ཙམ། </span><br />ཨ་ལས་འོད་ཟེར་བདུད་རྩིའི་ཆུ་རྒྱུན་བབས། །ཐོག་མེད་ནས་བསགས་སྡིག་སྒྲིབ་ཉེས་ལྟུང་དཀོར། །སྡོམ་གསུམ་དང་འགལ་དམ་ཚིག་ཉམས་ཆགས་ཀུན། །སྒོ་དགུ་པ་སྤུའི་ཁུང་བུ་ཚུན་ཆད་ནས། །དུད་སོལ་ཁུ་བའི་རྣམ་པར་ནག་པུར་ཐོན། །ས་འོག་ཐག་རིང་སོང་ཞིང་ཡལ་བར་བསམ། །བདུད་རྩི་དྭངས་གསལ་རྒྱུན་གྱིས་རང་ལུས་གང་། །ཤེལ་གོང་གཡའ་དག་ལྟ་བུ་ལྡན་ནེ་སྒོམས། <span class="tibetan_small">དེ་ལྟ་བུའི་དམིགས་པ་ལན་གྲངས་བརྒྱ་རྩ་ཙམ་ཞག་བདུན་སོགས་མང་དུ་བསྒོམས།</span><br /><span class="tibetan_small">ཟབ་ལམ་བླ་མའི་རྣལ་འབྱོར་ནི།</span> མདུན་གྱི་ནམ་མཁར་རིན་ཆེན་སེང་ཁྲིའི་སྟེང་། །སྣ་ཚོགས་པདྨ་ཉི་ཟླ་བརྩེགས་པའི་གདན། །རྒྱལ་ཀུན་ཐུགས་ཀྱི་ཀློང་ཡངས་འོག་མིན་ནས། །ཁྱབ་བདག་རྩ་བའི་བླ་མ་རྡོ་རྗེ་འཆང་། །སྐུ་མདོག་སྔོན་པོ་ཞལ་གཅིག་ཕྱག་གཉིས་པ། །བདེ་སྟོང་ཟུང་འཇུག་རྡོར་དྲིལ་ཐུགས་ཀར་བསྣོལ། །མཚན་དཔེའི་དཔལ་རྫོགས་དར་དང་རིན་ཆེན་བརྒྱན། །འོད་ཟེར་སྣང་བའི་སངས་རྒྱས་ཞིང་ཀུན་ཁྱབ། །གསང་གསུམ་མཛད་པ་འཕྲིན་ལས་མཁའ་དང་མཉམ། །དབྱིངས་དང་ཡེ་ཤེས་གཉིས་མེད་ཆོས་ཀྱི་སྐུ། །ཐུགས་ཡིད་དབྱེར་མེད་ཁྱབ་བདག་རང་ཞལ་ལྟ། །བརྒྱུད་པའི་བླ་མ་ཡི་དམ་ལྷ་ཚོགས་དང་། །སངས་རྒྱས་བྱང་སེམས་མཁའ་འགྲོ་ཆོས་སྐྱོང་ཚོགས། །ཀུན་བཟང་མཆོད་སྤྲིན་རྒྱ་མཚོའི་དབུས་ན་བཞུགས། <br />དྲིན་ཅན་བླ་མ་རིན་པོ་ཆེ། །ཆོས་སྐུའི་ཐུགས་ལ་ལོངས་སྐུའི་གསུང་། །སྤྲུལ་སྐུའི་ཚུལ་གྱིས་འགྲོ་དོན་མཛད། །མཚན་དཔེའི་གཟི་བརྗིད་འབར་བ་ལ། །གསུང་དབྱངས་ཡན་ལག་རྒྱ་མཚོའི་བཀའ། །ཐུགས་ནི་བདེ་གསལ་རྒྱ་མཚོ་འདྲ། །བརྒྱུད་ལྡན་བླ་མའི་ཚོགས་ཀྱིས་བསྐོར། །ཡི་དམ་ལྷ་ཚོགས་སྤྲིན་ལྟར་འཐིབས། །མཁའ་འགྲོ་མང་པོའི་ཚོགས་དང་བཅས། །ཆོས་སྐྱོང་བསྲུངས་མ་ཁྲོམ་ལྟར་ཚོགས། །སྤྲུལ་པ་བུ་ཡུག་བཞིན་དུ་འཚུབས། །ཕོ་ཉ་མང་པོ་གློག་ལྟར་འབྱུག །རིག་འཛིན་གྲུབ་པའི་ཚོགས་ཀྱིས་བསྐོར། །མཆོད་སྤྲིན་རྒྱ་མཚོའི་ཚོགས་དང་བཅས། །ཐུགས་རྗེའི་དབང་གིས་འདིར་བྱོན་ལ། །ད་ལྟ་བདག་ལ་བྱིན་གྱིས་རློབས། །མྱུར་བ་ཉིད་དུ་བྱིན་གྱིས་རློབས། །གདན་ཐོག་འདི་རུ་བྱིན་གྱིས་རློབས། །ལུས་ལ་བདེ་ཆེན་བསྐྱེད་དུ་གསོལ། །ངག་ལ་ནུས་པ་བསྐྱེད་དུ་གསོལ། །སེམས་ལ་ཡེ་ཤེས་དབབ་དུ་གསོལ། །དབང་བཞི་ད་ལྟ་བསྐུར་དུ་གསོལ། །ཉམས་དང་རྟོགས་པ་བསྐྱེད་དུ་གསོལ། །འར་མ་འུར་མར་བྱིན་གྱིས་རློབས། །བན་མ་བུན་མར་བྱིན་གྱིས་རློབས། །ཆལ་མ་ཆིལ་མར་བྱིན་གྱིས་རློབས། །རྩ་བ་བརྒྱུད་པའི་བླ་མས་བྱིན་གྱིས་རློབས། །ཡི་དམ་ལྷ་ཚོགས་བྱིན་གྱིས་རློབས། །དཔའ་བོ་མཁའ་འགྲོས་བྱིན་གྱིས་རློབས། །ཆོས་སྐྱོང་བསྲུངས་མས་བྱིན་གྱིས་རློབས། །ཀུན་འདུས་བླ་མས་བྱིན་གྱིས་རློབས། །རྗེ་བཙུན་བླ་མས་བྱིན་གྱིས་རློབས། <span class="tibetan_small">ཞེས་བརྗོད། </span><br /><span class="tibetan_small">དེ་ནས་མཎྜལ་བཀའ་རྒྱ་མ་ནི།</span> བཀོད་པ་ཤིན་དུ་ལེགས་པའི་མཎྜལ་མཆོག །དབུས་ཀྱི་རི་རྒྱལ་གླིང་བཞི་གླིང་ཕྲན་བཅས། །གསལ་བྱེད་ཉི་མ་ཟླ་བའི་བསྐོར་ཞིང་མཛེས། །ཕྱི་རོལ་ལྕགས་རི་བར་ནི་རོལ་མཚོས་བརྒྱན། །རིན་ཆེན་དཔག་བསམ་ཤིང་དང་འདོད་འཇོའི་བ། །རྒྱལ་སྲིད་སྣ་བདུན་རིན་ཆེན་གཏེར་བརྒྱད་དང་། །མ་རྨོས་ལོ་ཏོག་ཡན་ལག་བརྒྱད་ལྡན་ཆུ། །ཕྱི་ནང་གསང་གསུམ་མཆོད་སྤྲིན་བསམ་མི་ཁྱབ། །དགའ་ཞིང་སྤྲོ་བར་བྱ་བའི་མཎྜལ་འདི། །དེ་ཉིད་བསྒྲུབ་པར་འདོད་པའི་རྣལ་འབྱོར་པའི། །བརྩོན་པའི་སྟོབས་ཀྱི་བླ་མ་ཡི་དམ་དང་། །རྒྱལ་བ་རྒྱ་མཚོའི་ཚོགས་ལ་དབུལ་བར་བྱ། །སངས་རྒྱས་ཀུན་གྱི་གདུང་འཛིན་རྣལ་འབྱོར་པའི། །མཉེས་བྱེད་མཎྜལ་བཟང་པོ་འདི་ཕུལ་བས། །ཉེས་སྐྱོན་འཁྲུལ་བའི་ཚོགས་རྣམས་ཀུན་སྤངས་ནས། །མཆོག་དང་ཐུན་མོང་དངོས་གྲུབ་ཐོབ་པར་ཤོག <span class="tibetan_small">།ཅེས་པ་ལན་མང་དུ་འབུལ།</span><br /><span class="tibetan_small">དེ་ནས་བཀའ་བརྒྱུད་རིན་པོ་ཆེའི་གསོལ་འདེབས་ནི།</span> ན་མོ་གུ་རུ། ཕ་བླ་མ་རྣམས་ལ་ཕྱག་འཙལ་ལོ། །གནས་སྤྱི་གཙུག་ཉི་ཟླའི་གདན་སྟེངས་སུ། །དྲིན་ཅན་རྩ་བའི་བླ་མ་ལ་གསོལ་བ་འདེབས། །གསོལ་བ་འདེབས་སོ་བླ་མ་རིན་པོ་ཆེ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །གནས་འོག་མིན་ཆོས་ཀྱི་ཕོ་བྲང་དུ། །ཆོས་སྐུ་རྡོ་རྗེ་འཆང་ཆེན་ལ་གསོལ༴ གསོལ་བ༴ གསོལ་བ༴ །སེང་ལྡང་འཁྲུགས་པའི་ནགས་ཁྲོད་དུ། །[[Niguma|ཡེ་ཤེས་མཁའ་འགྲོ་ནཻ་གུ་]]ལ༴ གསོལ་བ༴ གསོལ༴ །ནུབ་བདེ་བ་ཅན་གྱི་ཞིང་ཁམས་སུ། །[[Khyungpo Neljor|མཁས་གྲུབ་ཁྱུང་པོ་རྣལ་འབྱོར་]]ལ༴ ༴ ༴ །ཤར་མངོན་པར་དགའ་བའི་ཞིང་ཁམས་སུ། །[[Mokchokpa Rinchen Tsöndrü|རྨོག་ལྕོག་པ་རིན་ཆེན་བརྩོན་འགྲུས་]]ལ༴ ༴ ༴ །ཤར་འོད་འཕྲོ་ཅན་གྱི་ཞིང་ཁམས་སུ། །[[Öntön Kyergangpa|དབོན་སྟོན་སྐྱེར་སྒང་ཆེན་པོ་]]ལ༴ ༴ ༴ །ཤར་མེ་ཏོག་བཀྲམ་པའི་ཞིང་ཁམས་སུ། །[[Sangyé Nyentön|གཉན་སྟོན་སྦས་པའི་སངས་རྒྱས་]]ལ༴ ༴ ༴ །དག་པ་ཤར་ཕྱོགས་ཀྱི་ཞིང་ཁམས་སུ། །[[Sangyé Tönpa|འགྲོ་མགོན་སངས་རྒྱས་སྟོན་པ་]]ལ༴ ༴ ༴ །ཆོས་སྐུ་སྟོན་པའི་ཞབས་དྲུང་དུ། །[[Tsangma Shangtön|མཁས་གྲུབ་གཙང་མ་ཤངས་སྟོན་]]ལ༴ ༴ ༴ །ནུབ་པདྨ་ཅན་གྱི་ཞིང་ཁམས་སུ། །[[Khyungpo Tsültrim Gönpo|ཁྱུང་པོ་ཚུལ་ཁྲིམས་མགོན་པོ་]]ལ༴ ༴ ༴ །སྟེང་དགའ་ལྡན་ལྷ་ཡི་གཞལ་ཡས་སུ། །[[Sangyé Sengé|བྱ་བྲལ་བ་རི་ཁྲོད་རས་ཆེན་]]ལ༴ ༴ ༴ །བྱང་ཤམ་བྷ་ལ་ཡི་ཕོ་བྲང་དུ། །[[Shangkarwa Rinchen Gyeltsen|ཤངས་དཀར་བ་རིན་ཆེན་རྒྱལ་མཚན་]]ལ༴ ༴ ༴ །ལྷ་མི་འཁྲུགས་མགོན་པོའི་ཞིང་ཁམས་སུ། །[[Sangyé Pelsang|མཉམ་མེད་སངས་རྒྱས་དཔལ་བཟང་]]ལ༴ ༴ ༴ །རྗེ་བླ་མ་གོང་མའི་གདན་ས་རུ། །[[Namkha Gyeltsen|གྲུབ་ཆེན་ནམ་མཁའ་རྒྱལ་མཚན་]]ལ༴ ༴ ༴ །ཞིང་མེ་ཏོག་པདྨོའི་ཟེའུ་འབྲུ་ལ། །[[Lekpa Gyeltsen|རྒྱ་སྒོམ་ལེགས་པ་རྒྱལ་མཚན་]]ལ༴ ༴ ༴ །ཕྱོགས་མེད་ཡངས་པའི་རྒྱལ་ཁམས་སུ། །[[Yenpa Lodé|བྱ་བཏང་ཡན་པ་བློ་བདེ་]]ལ༴ ༴ ༴ །བྲག་སྟོད་ཆོས་ཀྱི་ཕོ་བྲང་དུ། །[[Chöku Lhawang Drakpa|ཐུགས་སྲས་ལྷ་དབང་གྲགས་པ་]]ལ༴ ༴ ༴ །ཁམས་གསུམ་སྨིན་གྲོལ་གྱི་ཞིང་ཁམས་སུ། །[[Jetsün Taranatha|འཇམ་དབྱངས་ཀུན་དགའ་སྙིང་པོ་]]ལ༴ ༴ ༴ །གནས་ཡང་དགོན་ཆོས་ཀྱི་ཕོ་བྲང་དུ། །[[Künga Sönam|མཁས་གྲུབ་ཀུན་དགའ་བསོད་ནམས་]]ལ༴ ༴ ༴ །གནས་རྨོག་ལྕོག་རྡོ་རྗེའི་ཕོ་བྲང་དུ། །[[Mokchokpa Jatang Künga Yeshé|ངག་དབང་ཀུན་དགའ་ཡེ་ཤེས་]]ལ༴ ༴ ༴ །ཆོས་དབྱིངས་དག་པའི་ཞིང་ཁམས་སུ། །[[Yönten Gönpo|བྱམས་པ་ཡོན་ཏན་མགོན་པོ་]]ལ༴ ༴ ༴ །གནས་ཇོ་ནང་དབེན་པའི་རི་ཁྲོད་དུ། །[[Ngawang Lodrö|ངག་དབང་ཀུན་དགའ་བློ་གྲོས་]]ལ༴ ༴ ༴ །བོད་གནས་སྨན་ཤག་ཕོ་བྲང་དུ། །[[Trülshik Ngawang Jamyang|འཚོ་བྱེད་ངག་དབང་འཇམ་དབྱངས་]]ལ༴ ༴ ༴ །གནས་རྟག་བརྟན་ཆོས་ཀྱི་ཕོ་བྲང་དུ། །[[Drakpa Chöpel|ཇེ་ཀིརྟི་དྷརྨ་ཝརྡི་]]ལ༴ ༴ ༴ །་་་ལྡང་དཀར་གྲུབ་གནས་ཆེན་པོ་རུ། །[[Künzang Chöjor|རིག་འཛིན་ཀུན་བཟང་ཆོས་འབྱོར་]]ལ༴ ༴ ༴ །ཡུལ་གཙང་སྟོད་སྤོབ་རའི་གནས་མཆོག་ཏུ། །[[Lobsang Thutop|བློ་བཟང་མཐུ་སྟོབས་དཔལ་བཟང་]]ལ༴ ༴ ༴ །ཡུལ་གར་བཞུགས་རང་སྣར་དག་པའི་དབུས། །[[Könchok Jigmé Namgyel|དཀོན་མཆོག་འཇིགས་མེད་རྣམ་རྒྱལ་]]ལ༴ ༴ ༴ །ཤར་མངོན་པར་དགའ་བའི་ཞིང་ཁམས་སུ། །[[Ngawang Chöpel|རྒྱལ་བ་ངག་དབང་ཆོས་འཕེལ་]]ལ༴ ༴ ༴ །གནས་གར་བཞུགས་ཆོས་ཀྱི་ཕོ་བྲང་དུ། །[[Norbu Zangpo|རྗེ་བཙུན་མ་ཎི་བྷ་དྲ་]]ལ༴ ༴ ༴ །གནས་བསམ་འགྲུབ་ཡེ་ཤེས་ཀྱི་ཕོ་བྲང་དུ། །[[Künga Yönten Gyamtso|ཀུན་དགའ་ཡོན་ཏན་རྒྱ་མཚོ་]]ལ༴ ༴ ༴ །གནས་རང་སྣང་དག་པ་མཁའ་སྤྱོད་དུ། །[[Namnang Dorjé|རིག་འཛིན་དྷརྨ་བྷ་དྲ་]]ལ༴ ༴ ༴ <span class="tibetan_small">།གནས་མི་ཕམ་མགོན་པོའི་ཞབས་དྲུང་དུ། །ཁྱབ་བདག་[[Künga Gyurmé|ཀུན་དགའ་འགྱུར་མེད་]]ལ་གསོལ་བ་འདེབས། གསོལ་བ༴ གསོལ༴ །གནས་རང་སྣང་ཟག་མེད་ཆོས་དབྱིངས་སུ། །[[Tenpé Nyima|དཀོན་མཆོག་བསྟན་པའི་ཉི་མ་]]ལ༴ ༴ ༴ །གནས་བདེ་ཆེན་དོན་གྱི་གཞལ་ཡས་སུ། །[[བདེ་ཆེན་བདེ་བའི་རྡོ་རྗེ]]ར་ལ༴ ༴ ༴ </span>།སེམས་དག་པའི་ལུས་པ་ངོས་མེད་དུ། །མཆོད་ལྕམ་རྡོ་རྗེ་སྤུན་གྲོགས་ལ༴ ༴ ༴ །རང་ལུས་རྒྱལ་བའི་དཀྱིལ་འཁོར་དུ། །ཡི་དམ་རྒྱུད་སྡེའི་ལྷ་ཚོགས་ལ༴ ༴ ༴ །བསིལ་བ་ཚལ་གྱི་དུར་ཁྲོད་དུ། །མྱུར་མཛད་ཡེ་ཤེས་མགོན་པོ་ལ༴ ༴ ༴ །ཡུལ་ཉི་ཤུ་རྩ་བཞིའི་ནུས་མཆོག་ཏུ། །ཆོས་བདག་དཔའ་བོ་མཁའ་འགྲོ་ལ་གསོལ་བ་འདེབས། །གསོལ་བ་འདེབས་སོ་བླ་མ་རིན་པོ་ཆེ། །གསོལ་བ་འདེབས་སོ་བདག་རྒྱུད་ལ་བྱིན་གྱིས་རློབས། <span class="tibetan_small">ཞེས་དང་སླར་ཡང་བླ་མ་ལ་མོས་གུས་དྲག་པོས་འདི་ལྟར།</span><br />དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ། བདག་གིས་བདག་འཛིན་བློས་ཐོངས་པར་མཛད་དུ་གསོལ། དགོས་མེད་རྒྱུད་ལ་སྐྱེ་བར་མཛད་དུ་གསོལ། སྒྱུ་ལུས་འབྱོངས་བར་མཛད་དུ་གསོལ། རྨི་ལམ་འབྱོངས་པར་མཛད་དུ་གསོལ། འོད་གསལ་ཕྱག་རྒྱ་ཆེན་པོ་མཆོག་གི་དངོས་གྲུབ་ད་ལྟ་ཉིད་དུ་མྱུར་བ་ཉིད་དུ་འདུག་ས་འདི་ཉིད་དུ་ཐོབ་པར་བྱིན་གྱིས་བརླབས་ཏུ་གསོལ། <br /><span class="tibetan_small">དེ་ནས་བླ་མའི་སྐུ་ལས་དབང་བཞི་བླང་པས་ནི་ངག་ཏུ།</span> དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ་ལ། ཕྱི་མེ་ཏོག་བདུག་སྤོས། ནང་ཤ་ལྔ་བདུད་རྩི་ལྔ། གསང་བ་བདེ་སྟོང་གི་ཡེ་ཤེས། ཡང་གསང་དེ་ཁོ་ན་ཉིད་ཀྱི་མཆོད་པ་དམ་པ་རྣམས་འབུལ་ལོ། །བཞེས་ནས་བདག་ལ་དབང་བཞི་རྫོགས་པར་བསྐུར་དུ་གསོལ། ཅེས་གསོལ་བ་དྲག་དུ་བཏབ་པས། བླ་མའི་སྐུ་ལས་ཡེ་ཤེས་ཀྱི་བདུད་རྩིའི་རྒྱུན་དཀར་ལ་དྭངས་པ་ཉམས་བདེ་བ་དང་ལྡན་པ་དྲག་དུ་བབས། སྤྱི་བོ་ནས་ཞུགས། སྨིན་མཚམས་ཡན་ཆད་གང་། བུམ་དབང་ཐོབ། སྐུའི་དངོས་གྲུབ་སྩལ། ཡང་བདུད་རྩིའི་ཆུ་རྒྱུན་གྱིས་མགྲིན་པ་ཡན་ཆད་གང་། གསང་དབང་ཐོབ། གསུང་གི་དངོས་གྲུབ་སྩལ། ཡང་སྙིང་ག་ཡན་ཆད་གང་། ཤེས་རབ་ཡེ་ཤེས་ཀྱི་དབང་ཐོབ། ཐུགས་ཀྱི་དངོས་གྲུབ་སྩལ། ཡང་བདུད་རྩིའི་ཆུ་རྒྱུན་ལྟེ་བ་སོགས་ནས་བརྒྱུད། རྐང་མཐིལ་ཡན་ཆད་ལུས་ཀྱི་ནང་ཐམས་ཅད་གང་། དབང་བཞི་པ་ཐོབ། སྐུ་གསུང་ཐུགས་དངོས་གྲུབ་ཐམས་ཅད་སྩལ། བླ་མ་ཉིད་ཀྱང་འོད་དུ་ལྟེམ་སྟེ་ཞུ་ནས་རང་ལ་ཐིམ། བླ་མའི་སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་གཅིག་ཏུ་གྱུར་པ་ལ་མཉམ་པར་བཞག<br /><span class="tibetan_small">།དེ་ནས་འཁྲིད་དངོས་ལ་སྔོན་འགྲོ་རང་བབས་རྣམ་གསུམ་སོགས་ཕྱག་ཆེན་གའུ་མ་བཞིན་བསྒོམ་ནས། དེ་རྗེས་བོགས་འདོན་སྐབས་མོས་གུས་ཚད་མེད་ལ་བརྟེན་ནས་བོགས་འདོན་པ་ནི། སྤྱི་བོར་བླ་མ་སངས་རྒྱས་དངོས་ཡིན་པ། ཐུགས་ཆོས་ཀྱི་སྐུ་མཛད་སྤྱོད་འཕྲིན་ལས་ཐམས་ཅད་གཞན་དོན་གཟུགས་སྐུ་རྣམ་གཉིས་སངས་རྒྱས་བྱང་སེམས་ཡི་དམ་མཁའ་འགྲོ་ཆོས་སྐྱོངས་ཐམས་ཅད་འདུས་པའི་ངོ་བོ་ཡིན་པར་ཐག་གཅད་དོ། །བདག་གནས་ལུགས་ལ་བཀྲི་བར་མཛད་པ་བཀའ་དྲིན་ཆེ། བཀའ་དྲིན་ལ་ནམ་ཡང་འཁོར་བ་མེད་སྙམས་པས་མོས་གུས་ཀྱི་གདུངས་ཤུགས་དྲག་པོས་གསོལ་བ་རྩེ་གཅིག་ཏུ་འདེབས་པ་ནི།</span><br />མཚན་ལྡན་གྱི་བླ་མ་ཐུགས་རྗེ་ཅན། །མགོན་གཅིག་ཆོག་རྒྱལ་པོ་ལ་གསོལ་བ་འདེབས། །སེམས་གནས་ལུགས་རྗེན་པར་རྟོགས་པ་དང༌། །ཕ་ཁྱེད་ཀྱི་ཐུགས་དང་མཉམ་པར་ཤོག <br />།བརྒྱུད་པ་ཀུན་འདུས་ཀྱི་རྡོ་རྗེ་འཆང་ཆེན། །སྐྱབས་གནས་ཀུན་འདུས་ཀྱི་བླ་མ་དམ་པ། །དངོས་གྲུབ་འབྱུང་གནས་ཀྱི་ཡི་དམ་ལྷ་ཚོགས། །ཕ་བླ་མ་དྲིན་ཅན་ཆོས་རྗེ། །དུས་ཀུན་དུ་ཐུགས་རྗེས་གཟིགས་ཤིག །བདག་རེ་ས་གཞན་ན་མ་མཆིས། །རྒྱུད་བྱིན་རླབས་ཆུ་བོས་སྨིན་ནས། །མ་འགྲོ་དྲུག་ཐར་པར་དྲོངས་ཤིག <br />།བར་ཆད་ཀུན་སེལ་གྱི་མཁའ་འགྲོ་ཆོས་སྐྱོང༌། །དམ་ཚིག་རྗེས་དྲན་གྱི་རྡོ་རྗེ་སྤུན་གྲོགས། །རྟག་དུ་བྱམས་པ་མ་འདྲིས་པའི་མཛའ་བཤེས། །ཕ་བླ་མ་དྲིན་ཅན་ཆོས་རྗེ། །དུས་ཀུན་དུ་ཐུགས་རྗེས་གཟིགས་ཤིག །བདག་རེ་ས་གཞན་ན་མ་མཆིས། །རྒྱུད་བྱིན་རླབས་ཆུ་བོས་སྨིན་ནས། །མ་འགྲོ་དྲུག་ཐར་པར་དྲོངས་ཤིག <br />།རྒྱལ་བ་རྒྱ་མཚོ་སྲས་བཅས་ཀྱི་ངོ་བོ། །ལུང་རྟོགས་དམ་ཆོས་མ་ལུས་པའི་གཏེར་མཛོད། །འཕགས་ཚོགས་འདུས་པ་ཀུན་འདུས་ཀྱི་གཙོ་བོ། །ཕ་བླ་མ་དྲིན་ཅན་ཆོས་རྗེ། །དུས་ཀུན་དུ་ཐུགས་རྗེས་གཟིགས་ཤིག །བདག་རེ་ས་གཞན་ན་མ་མཆིས། །རྒྱུད་བྱིན་རླབས་ཆུ་བོས་སྨིན་ནས། །མ་འགྲོ་དྲུག་ཐར་པར་དྲོངས་ཤིག <br />།སྤྲོས་བྲལ་མཁའ་ཁྱབ་རང་རིག་གི་ཆོས་སྐུ། །བདེ་སྟོང་དབྱེར་མེད་ཀྱི་རང་གསལ་ལོངས་སྐུ། །གང་འདུལ་ཐུགས་རྗེ་མཁའ་ཁྱབ་ཀྱི་སྤྲུལ་སྐུ། །ཕ་བླ་མ་དྲིན་ཅན་ཆོས་རྗེ། །དུས་ཀུན་དུ་ཐུགས་རྗེས་གཟིགས་ཤིག །བདག་རེ་ས་གཞན་ན་མ་མཆིས། །རྒྱུད་བྱིན་རླབས་ཆུ་བོས་སྨིན་ནས། །མ་འགྲོ་དྲུག་ཐར་པར་དྲོངས་ཤིག<br />།ཆོས་ཀུན་གཟིགས་པའི་མཁྱེན་པ་མཐའ་ཡས། །ཉེ་རིང་མི་མངའ་བརྩེ་བའི་ཀློང་ཡངས། །འཕྲིན་ལས་མཐའ་མེད་ནུས་མཐུའི་བདག་པོ། །ཕ་བླ་མ་དྲིན་ཅན་ཆོས་རྗེ། །དུས་ཀུན་དུ་ཐུགས་རྗེས་གཟིགས་ཤིག །བདག་རེ་ས་གཞན་ན་མ་མཆིས། །རྒྱུད་བྱིན་རླབས་ཆུ་བོས་སྨིན་ནས། །མ་འགྲོ་དྲུག་ཐར་པར་དྲོངས་ཤིག<br />།དགོས་འདོད་ཀུན་འབྱུང་ཡིད་བཞིན་གྱི་ནོར་བུ། །བདེ་སྐྱིད་ཀུན་སྩོལ་དཔག་བསམ་གྱི་ཤིང་ཆེན། །རྒྱུན་ཆད་མེད་པ་གཞན་ཕན་གྱི་ཆུ་བོ། །ཕ་བླ་མ་དྲིན་ཅན་ཆོས་རྗེ། །དུས་ཀུན་དུ་ཐུགས་རྗེས་གཟིགས་ཤིག །བདག་རེ་ས་གཞན་ན་མ་མཆིས། །རྒྱུད་བྱིན་རླབས་ཆུ་བོས་སྨིན་ནས། །མ་འགྲོ་དྲུག་ཐར་པར་དྲོངས་ཤིག<br />།འཕོངས་བསྐྱབ་ཀུན་སེལ་གཏེར་ཆེན་གྱི་བུམ་བཟང༌། །སྲིད་གསུམ་མུན་སེལ་གྱི་རྡོ་རྗེ་ཉི་མ། །ཉོན་མོངས་གདུང་སེལ་གྱི་རྒྱུ་སྐར་བདག་པོ། །ཕ་བླ་མ་དྲིན་ཅན་ཆོས་རྗེ། །དུས་ཀུན་དུ་ཐུགས་རྗེས་གཟིགས་ཤིག །བདག་རེ་ས་གཞན་ན་མ་མཆིས། །རྒྱུད་བྱིན་རླབས་ཆུ་བོས་སྨིན་ནས། །མ་འགྲོ་དྲུག་ཐར་པར་དྲོངས་ཤིག <br />།བརྟན་གཡོ་ཀུན་ཁྱབ་ཀྱི་རྡོ་རྗེ་སློབ་དཔོན། །བདེ་ཆེན་འགྱུར་མེད་ཀྱི་ལྷན་ཅིག་སྐྱེས་དགའ། །རང་རྩལ་འགྱུར་མེད་ཀྱི་རྣམ་པ་ཀུན་ལྡན། །ཕ་བླ་མ་དྲིན་ཅན་ཆོས་རྗེ། །དུས་ཀུན་དུ་ཐུགས་རྗེས་གཟིགས་ཤིག །བདག་རེ་ས་གཞན་ན་མ་མཆིས། །རྒྱུད་བྱིན་རླབས་ཆུ་བོས་སྨིན་ནས། །མ་འགྲོ་དྲུག་ཐར་པར་དྲོངས་ཤིག <br />།བདག་སེམས་མ་བཅོས་སོ་མའི་རིག་པ། ཁམས་གསུམ་སྣང་སྲིད་དྲན་རྟོག་གི་འཆར་སྒོ། །ཐམས་ཅད་ཁྱེད་ཐུགས་འོད་གསལ་དུ་རོ་མཉམ། །ཕ་བླ་མ་དྲིན་ཅན་ཆོས་རྗེ། །དུས་ཀུན་དུ་ཐུགས་རྗེས་གཟིགས་ཤིག །བདག་རེ་ས་གཞན་ན་མ་མཆིས། །རྒྱུད་བྱིན་རླབས་ཆུ་བོས་སྨིན་ནས། །མ་འགྲོ་དྲུག་ཐར་པར་དྲོངས་ཤིག <br />།མཐའ་ཡས་འགྲོ་བའི་སྐྱབས་གནས་གཅིག་བུ། །འགྲོ་ཀུན་བདེ་ལ་འགོད་མཛད་ཁྱོད་ཉིད། །སྐྱོབ་པ་བླ་མེད་འདྲེན་མཆོག་ཆོས་རྗེ། །ཕ་བླ་མ་དྲིན་ཅན་ཆོས་རྗེ། །དུས་ཀུན་དུ་ཐུགས་རྗེས་གཟིགས་ཤིག །བདག་རེ་ས་གཞན་ན་མ་མཆིས། །རྒྱུད་བྱིན་རླབས་ཆུ་བོས་སྨིན་ནས། །མ་འགྲོ་དྲུག་ཐར་པར་དྲོངས་ཤིག <br />།བདག་སོགས་མཁའ་མཉམ་གྱི་སེམས་ཅན་ལ་ཐུགས་རྗེས་གཟིགས། །མ་རྒན་སེམས་ཅན་རྣམས་ལ་ཐུགས་རྗེས་གཟིགས། །འཁོར་བར་གཏན་འཁྱམས་བྱེད་ལ་ཐུགས་རྗེས་གཟིགས། །འཁྲུལ་བའི་འཁོར་ལོ་བསྐོར་ལ་ཐུགས་རྗེས་གཟིགས། །གདེང་མེད་རྟག་རྩིས་ཅན་ལ་ཐུགས་རྗེས་གཟིགས། །སྡུག་བསྔལ་གཡོས་སྦྱོར་མཁན་ལ་ཐུགས་རྗེས་གཟིགས། །དད་མེད་ཕོ་ཚོད་མཁན་ལ་ཐུགས་རྗེས་གཟིགས། <br />།རང་སེམས་གནས་ལུགས་མ་རྟོགས་པ་ལ་གཟིགས་སུ་གསོལ། །ཉོན་མོངས་རང་གར་ཤོར་བ་རྣམས་ལ་གཟིགས་སུ་གསོལ། །རིག་པ་ཕྱིར་ལྟས་ཤོར་བ་རྣམས་ལ་གཟིགས་སུ་གསོལ། །ཆོས་མེད་བཟང་རྫུར་ཤོར་བ་རྣམས་ལ་གཟིགས་སུ་གསོལ། <br />།བློ་རྒོད་གྱོང་པོ་ཐུལ་བར་བྱིན་གྱིས་རློབས། །མི་རྟག་འཆི་བ་དྲན་པར་བྱིན་གྱིས་རློབས། །ཞེན་མེད་ངེས་འབྱུང་སྐྱེ་བར་བྱིན་གྱིས་རློབས། །ཡིད་ཆེས་དད་པ་སྐྱེ་བར་བྱིན་གྱིས་རློབས། །ལེ་ལོ་རྣམ་གཡེང་སྤངས་པར་བྱིན་གྱིསརློབས། །རང་སེམས་གནས་ལུགས་རྟོགས་པར་བྱིན་གྱིས་རློབས། །ཉོན་མོངས་ཡེ་ཤེས་སུ་འཆར་བར་བྱིན་གྱིས་རློབས། །འགྲོ་ཀུན་སྨིན་གྲོལ་ལ་འགོད་པར་བྱིན་གྱིས་རློབས། <br /><span class="tibetan_small">ཞེས་བླ་མའི་མོས་གུས་ཀྱི་ཡིད་བསྒྱུར་བས་རང་བཞིན་སྤྲོས་བྲལ་གྱི་ཡེ་ཤེས་ལྷག་པར་ཤར་བ་ན། དེ་གའི་ངང་ལ་མཉམ་པར་བཞག །དེ་ནས་བླ་མ་ང་དཔལ་མྱུར་མཛད་ཡེ་ཤེས་ཀྱི་མགོན་པོ་དབྱེར་མེད་པའི་མོས་གུས་གྱིས།</span><br />ཧཱུྃ་མྱུར་མཛད་སྤྱན་རས་གཟིགས་ལ་ཕྱག་འཚལ་ལོ། །ཞབས་གདུབ་དང་བཅས་བི་ནཱ་ཡ་ཀ་མནན། །ནག་པོ་ཆེན་པོ་སྟག་གི་ཤམ་ཐབས་ཅན། །ཕྱག་དྲུག་སྦྲུལ་གྱི་རྒྱན་གྱིས་རྣམ་པར་བརྒྱན། །གཡས་པ་གྲི་གུག་པར་པ་འཕྲིང་བ་འཛིན། །ཐ་མ་ཌཱ་མ་རུ་ནི་དྲག་ཏུ་འཁྲོལ། །གཡོན་པ་ཐོད་པ་དང་ནི་མདུང་རྩེ་གསུམ། །དེ་བཞིན་ཞགས་པ་བཟུང་ནས་འཆིང་བར་བྱེད། །དྲག་པོའི་ཞལ་གདངས་མཆེ་བ་རྣམ་པར་གཙིགས། །སྤྱན་གསུམ་དྲག་པོའི་དབུ་སྐྲ་གྱེན་དུ་འབར། །དཔྲལ་བར་སིནྡཱུ་ར་ཡི་ཐིག་ལེས་བྱུང་། །སྤྱི་བོར་མི་བསྐྱོད་རྒྱལ་པོས་རྒྱས་བཏབ་བརྟན། །ཁྲག་འཛག་མི་མགོ་ལྔ་བཅུའི་དོ་ཤལ་ཅན། །རིན་ཆེན་ཐོད་སྐམ་ལྔ་ཡིས་དབུ་ལ་བརྒྱན། །ཤིང་ལས་བྱོན་ནས་གཏོར་མ་ལེན་མཛད་པའི། །དཔལ་ལྡན་ཕྱག་དྲུག་པ་ལ་ཕྱག་འཚལ་བསྟོད།<br /><span class="tibetan_small">ཞེས་མོས་གུས་དྲག་པའི་ངང་ནས་གསོལ་འདེབས་ཅི་ནུས་བྱ་མཐར།</span><br />སངས་རྒྱས་ཀུན་དངོས་བླ་མ་རིན་པོ་ཆེ། །བར་ཆད་སྲུང་ཕྱིར་ཆོས་སྐྱོང་བཀའ་སྡོད་སྐུ། །སྒྲུབ་པ་པོ་ལ་བུ་བཞིན་གཟིགས་མཛད་པའི། །བླ་མ་མགོན་པོ་དབྱེར་མེད་ལ་ཕྱག་འཚལ། །རྡོ་རྗེ་སེམས་དཔའི་ངོ་བོ་སྒྲིབ་ཀུན་སྦྱོང་། །ཉིད་ཀྱི་དཔྲལ་བར་བརྟེན་པའི་ཆོས་འབྱུང་དབྱིབས། །སིནྡཱུར་ཐིག་ལེ་ཡུམ་གཅིག་རྣལ་འབྱོར་མ། །ཆོས་ཀུན་བསྐྱེད་མ་ཁྱོད་ལ་ཕྱག །དེ་དབུས་ཧྲཱིཿཡིག་དཔལ་ལྡན་འཇིག་རྟེན་མགོན། ཁམས་གསུམ་དབང་བསྒྱུར་མཁའ་འགྲོ་མ་རྣམས་སྤྲོ། །འགུགས་བྱེད་བཅུ་གསུམ་ཡིག་འབྲུའི་གསང་སྔགས་མཆོག །འཕགས་མ་སྒྲོལ་མ་ཁྱོད་ལ་ཕྱག །མི་བསྐྱོད་དབང་ཕྱུག་རིགས་ཀྱི་བདག་པོར་བཞུགས། །བཅོམ་ལྡན་གཤིན་རྗེ་གཤེད་ཀྱི་མཐུ་སྟོབས་སྦྱིན། ཁྱོད་ལ་ཕྱག་འཚལ་སྙིང་ནས་སྐྱབས་སུ་མཆི། །རྟག་ཏུ་གསོལ་བ་འདེབས་སོ་བྱིན་གྱིས་རློབས། །སྒྲུབ་ལ་བར་ཆད་མེད་པར་བྱིན་གྱིས་རློབས། །ཆོས་ཀུན་སྒྱུ་མར་རྟོགས་པར་བྱིན་གྱིས་རློབས། །རྨི་ལམ་རང་གྲོལ་འཆར་བར་བྱིན་གྱིས་རློབས། །གཏུམ་མོའི་བདེ་ཆེན་འཆར་བར་བྱིན་གྱིས་རློབས། །འོད་གསལ་ཕྱག་ཆེན་རྟོགས་པར་བྱིན་གྱིས་རློབས། །ཚེ་འདིར་སངས་རྒྱས་ཐོབ་པར་བྱིན་གྱིས་རློབས། །བར་དོའི་འཇིགས་པ་སེལ་བར་བྱིན་གྱིས་རློབས། །བར་དོར་ལོངས་སྐུ་ཐོབ་པར་བྱིན་གྱིས་རློབས། །འགལ་རྐྱེན་ཐམས་ཅད་ཞི་བར་བྱིན་གྱིས་རློབས། །མཐུན་རྐྱེན་ཐམས་ཅད་འགྲུབ་པར་བྱིན་གྱིས་རློབས། །ཐུགས་ཡིད་གཉིས་སུ་མེད་པར་བྱིན་གྱིས་རློབས། །སངས་རྒྱས་བསྟན་པ་རྒྱས་པར་བྱིན་གྱིས་རློབས།<br /><span class="tibetan_small">།དེ་ནས་བཀྲ་ཤིས་ནི།</span> ཡོན་ཏན་རབ་རྫོགས་གངས་ཀྱི་རི་བོ་བཞིན། །བྱིན་རླབས་ཆུ་བོས་སྐལ་བཟང་ཚིམ་མཛད་ཅིང་། །རང་སེམས་ལྷན་ཅིག་སྐྱེས་པ་སྟོན་མཛད་པའི། །ཆོས་རྗེ་བླ་མ་མཆོག་གི་བཀྲ་ཤིས་ཤོག <br />།སྒྲུབ་པ་པོ་ལ་བུ་བཞིན་གཟིགས་མཛད་ཅིང་། །མི་འབྲལ་ལུས་དང་གྲིབ་མ་ཇི་བཞིན་དུ། །དམ་ཚིག་ཅན་ལ་དངོས་གྲུབ་སྟེར་མཛད་པའི། །ཡི་དམ་ལྷ་ཚོགས་རྣམས་ཀྱིས་བཀྲ་ཤིས་ཤོག <br />།དམ་ཅན་སྒྲུབ་པ་པོ་ཡི་རྗེས་འབྲང་ཞིང་། །ཞི་དང་རྒྱས་དང་དབང་དང་མངོན་སྤྱོད་སོགས། །སྣ་ཚོགས་འཕྲིན་ལས་ཚུལ་བཞིན་སྒྲུབ་མཛད་པའི། །ཆོས་སྐྱོངས་བསྲུང་མ་རྣམས་ཀྱི་བཀྲ་ཤིས་ཤོག <br />།སྣང་སྲིད་རང་གྲོལ་སྒྱུ་མ་རྨི་ལམ་བཞིན། །བདེ་བ་ཆེན་པོ་རྒྱུན་ཆད་མེད་པའི་ཉམས། །ཡིད་ལ་བྱར་མེད་སྟོང་གསལ་ནམ་མཁའི་ངང་། །བདེ་ཆེན་ཕྱག་རྒྱ་ཆེན་པོའི་བཀྲ་ཤིས་ཤོག <br />།སྒྲུབ་པ་པོ་ལ་བརྟེན་ཅིང་མཆོད་པ་དང་། །སྐུར་པ་འདེབས་པའི་སྐྱེ་འགྲོ་གང་ཡིན་པ། །ཐམས་ཅད་བྱང་ཆུབ་ལམ་ལ་འགོད་མཛད་པའི། །མཉམ་མེད་བྱང་ཆུབ་སེམས་ཀྱི་བཀྲ་ཤིས་ཤོག <br />།འཁོར་བ་མྱ་ངན་འདས་པ་ཐམས་ཅད་ཀྱི། །བཀྲ་ཤིས་གོ་འཕང་ཇི་སྙེད་ཡོད་པ་རྣམས། །ཕུན་སུམ་ཚོགས་པ་ཆུ་བོའི་གཞུང་བཞིན་དུ། །སྐྱེ་འགྲོ་ཡོངས་ལ་རྟག་ཏུ་བཀྲ་ཤིས་ཤོག <br />།བསོད་ནམས་དར་རྒྱས་རི་རྒྱལ་ལྷུན་པོ་བཞིན། །སྙན་གྲགས་ཆེན་པོ་ནམ་མཁའ་བཞིན་དུ་ཁྱབ། །ཚེ་རིང་ནད་མེད་གཞན་དོན་ལྷུན་༼གྱིས་གྲུབ།༽ །ཡོན་ཏན་རྒྱ་མཚོ་མཆོག་གི་བཀྲ་ཤིས་ཤོག<br /><span class="tibetan_small">།དེ་ལྟར་གདམས་པ་འདི་བསྐོར་ཉམས་སུ་ལེན་པ་རྣམས་[[Jetsün Taranatha|རྗེ་བཙུན་ཏཱ་ར་ནཱ་ཐ]]ས་མཛད་པའི་ཤངས་ལུག་ཕྱག་རྒྱ་ཆེན་པོ་འ་་་་་་་་་གའུ་མ་དང་། དེས་སེམས་ཚོལ་ཞལ་ཤེས་[[Yönten Gönpo|བྱ་བཏང་པ་བྱམས་པ་ཡོན་ཏན་མགོན་པོ]]ས་མཛད་པ། ཁྱད་པར་རྗེ་བཙུན་དམ་པའི་ཞལ་གདམས་མགུར་འབུམ་གྱི་སྐོར་རྣམས་བླ་མ་དམ་པ་ལ་ངོ་་་་་་ཞུས་ནས་ལེགས་པར་ཁོང་དུ་ཆུད་པར་བྱས་ནས། དལ་བའི་རྟེན་བཟང་འདི་ཉིད་ཉིན་མཚན་ཆོས་ཀྱིས་དོན་ལྡན་དུ་བྱེད་པར་བྱའོ། <br />།དེ་ལྟར་[[Jetsün Taranatha|རྗེ་བཙུན་གྲུབ་པའི་དབང་ཕྱུག་ཆེན་པོ་རྭ་ལོ་ཙཱ་གསུམ་པ་ཏཱ་ར་ནཱ་ཐ]]ས་ཞལ་སྔ་ནས། །ཉམས་ལེན་གྱི་རྒྱལ་པོ་མོས་གུས་ཡིན། །མཐུན་རྐྱེན་གྱི་རྒྱལ་པོ་ངེས་འབྱུང་ཡིན། །བྱ་བྱེད་ཀྱི་རྒྱལ་པོ་བྱར་མེད་ཡིན། །མཉམ་བཞག་གི་རྒྱལ་པོ་རང་ཤར་ཡིན། །རྒྱལ་པོ་བཞི་ལྡན་གྱི་གདམས་ངག་འདི། །མཚན་ལྡན་བླ་མའི་གསུང་ངག་ཡིན། །གྲུབ་ཐོབ་ཡོངས་ཀྱི་ཐུགས་བཅུད་ཡིན། །ཏཱ་ར་ནཱ་ཐའི་ཉམས་མྱོང་ཡིན། ཞེས་གསུངས་པའི་གདམས་པ་ཉམས་སུ་ལེན་ཚུལ་སྔོན་འགྲོའི་རིམ་པ་འདི་སྟག་ལོ་ཧོར་ཟླ་བདུན་པའི་ཚེས་བཞི་ལ་རྗེ་བླ་མ་རིན་པོ་ཆེ་ཆོས་ཀྱི་དབྱིངས་སུ་ཐིམ་པའི་དུས་ཀྱི་ཚེ།<br />༈ ཟླ་བ་དེ་ཉིད་ཀྱི་ཉེར་བདུན་དུས་ཆེན། རྒྱལ་བའི་ལུང་བསྟན་པའི་རྒྱ་གར་གྱི་[[གྲུབ་ཆེན་ནག་པོ་པ་]]བདེ་ཆེན་སྤྱོད་པའི་རྡོ་རྗེའི་ངོ་བོ་རྗེ་[[Künga Drölchok|དམ་པ་འཇམ་མགོན་གྲུབ་པའི་དཔའ་བོ་]]ཉིད་ལ་བུ་ཆེན་མང་དུ་ཡོད་ཀྱང་ཐུགས་ཀྱི་སྲས་སུ་གྱུར་པའི་ཐུགས་སྲས་[[Chöku Lhawang Drakpa|ལྷ་དབང་གྲགས་པ་]]དང་། ཐ་མལ་ཤེས་པའི་རང་བཞིན་གནས་ལུགས་ཕྱག་རྒྱ་ཆེན་པོའི་རྟོགས་པ་མངོན་དུ་གྱུར་པའི་[[Chöku Lhawang Drakpa|བཀའ་བརྒྱུད་རྟོགས་ལྡན་ལྷ་དབང་གྲགས་པ་]]དང། མངོན་ཤེས་དང་་་་་་་་གྲུབ་རྟག་ལ་མངའ་བསྙེས་པའི་[[Chöku Lhawang Drakpa|གྲུབ་པའི་དབང་ཕྱུག་ལྷ་དབང་གྲགས་པ་]]སྟེ། མཚན་སྙན་པའི་སྒྲ་དབྱངས་དུ་མའི་དཔལ་གྱི་བརྒྱན་པ་རྩ་རླུང་ལ་རང་དབང་ཐོབ། འཆི་མེད་རྡོ་རྗེའི་སྐུ་བརྙེས། དགུང་ལོ་བརྒྱ་དང་ཉི་ཤུ་ལྷག་པར་འཚོ་ཞིང་གཞུགས་པ་སོགས་ཤིན་ཏུ་ངོ་མཚར་དུ་མའི་བརྒྱན་པའི་གྲུབ་མཆོག་དམ་པ་གང་དེ་ལ་རྗེ་བཙུན་ཐམས་ཅད་མཁྱེན་པ་ཆེན་པོའི་མགུར་འབུམ་དུ་ཡང་། རྗེ་མཚན་ལྡན་གྱི་བླ་མ་སྐུ་དྲིན་ཅན། [[Chöku Lhawang Drakpa|ཕ་ལྷ་དབང་གྲགས་པ]]འི་ཞབས་ལ་འདུད། ཁོང་རྟོགས་ལྡན་མ་ཡིན་གྲུབ་ཐོབ་ཡིན། །གྲུབ་ཐོབ་མ་ཟེར་སངས་རྒྱས་གྱིས། །ལས་ངན་མ་དག་པས་མི་ངས་ཀྱང་། །སྔོན་བླ་མ་སངས་རྒྱས་སེམས་ཅན་དུ་མཐོང་། །དུས་དེ་ཙམ་ལྟས་ན་ཆོས་སྐུར་གདའ། །སྐུ་གསུམ་རིན་པོ་ཆེ་ལ་གསོལ་བ་འདེབས། ཞེས་གསུངས་པའི་རྗེ་གྲུབ་ཆེན་རིན་པོ་ཆེ་དེ་ཉིད་ཀྱི་དུས་ཆེན་ལ།<br />༈ དཔལ་འཁོར་ལོ་སྡོམ་པའི་བླ་མའི་གྲུབ་ཐབས་ཆེན་པོའི་སྐལ་བཟང༌འཇུག་ངོགས་དང་། [[Phyag drug pa'i sgrub thabs|བླ་མ་མགོན་པོ་དབྱེར་མེད་དཔལ་མྱུར་མཛད་ཡེ་ཤེས་མགོན་པོ་ཕྱག་དྲུག་པའི་སྒྲུབ་མཆོད་འཕྲིན་ལས་གཏེར་མཛོད་]]དང་། གཏིང་སྐྱེས་བྲག་དཀར་ཀྱི་བདུད་མགོན་ཆེན་པོ་ཏྲཀྴད་ལྕམ་དྲལ་མཆོད་གཏོར་ཕུལ་ཤིང་གསོལ་བ་བཏབ་ནས། [[Namnang Dorjé|རིགས་པ་འཛིན་པ་རྣམ་སྣང་རྡོ་རྗེ]]འི་ཧོར་ཟླ་བདུན་པའི་ཉེར་བདུན་དུས་ཆེན་ལ་མོག་བརྩམས་ནས་ཧོར་ཟླ་བརྒྱད་པའི་ཡར་ངོའི་ཚེ་བཅུ་ལ་བླ་མ་དཔལ་འཁོར་ལོ་སྡོམ་པ་ཆེན་པོས་སྒྲུབ་མཆོད་སྐབས་སྨྲས་པ་ཚེ་བཅུ་གསུམ་དཔལ་བཅོམ་ལྡན་འདས་མ་སྒྲོལ་མ་རྣལ་འབྱོར་མའི་སྒྲུབས་མཆོད་སྐབས་ཡི་གེར་ཕབ་སྟེ། དེ་ཡང་བཀའ་བརྒྱུད་བསྟབ་པའི་བདོག་ཕ་བླ་མ་སྙི་བ་སྒོམ་ཆེན་གྱི་ཞལ་སྔ་ནས། དངོས་པོའི་བསྙེན་བཀུར་མ་མཆིས་ཀྱང༌། །བསྒྲུབ་པ་ཉམས་སུ་ལེན་མཁའ་ཀྱིས། །ཆོས་སྐུ་གཅིག་ཏུ་མ་གྱུར་བར། །བྱིན་རླབས་ཀྱི་ཆུ་རྒྱུན་མ་གཅད་ཅིག ཞེས་གསུངས་པ་ལྟར་རོ།<br />།འདིར་སྒྲས་པ། བླ་མའི་མོས་གུས་ངེས་འབྱུང་བྱང་ཆུབ་སེམས། །བསྐྱེད་རྫོགས་ལམ་གྱི་རིམ་པའི་སྤྲོས་བཅས་ཀུན། །སྤྲོས་མེད་གནས་ལུགས་རྟོགས་པའི་ཐབས་གྱུར་ནས། །ཆོས་སྐུ་ཕྱག་རྒྱ་ཆེན་པོ་མངོན་གཟིགས་ཤོག །ལྷ་བསྒོམ་སྔགས་བཟླས་ཨུ་ཚུགས་འཛིན་པ་དམ། །བདེ་གསལ་ཉམས་ལ་ཞེན་པའི་གོལ་ས་ངན། །འཁོར་འདས་སེམས་སུ་མ་ཤེས་རེ་དོག་བདུད། །མ་བཅོས་གཟུག་མའི་ཀློང་དུ་ཞིང་གྱུར་ཅིག །གཅིག་ཆོགས་རྒྱལ་པོ་བླ་མ་རིན་པོ་ཆེ། །མོས་གུས་ལོངས་སྤྱོད་བསྒྲུབ་པའི་མཆོད་པའི་མཐུས། །བསྟན་པའི་སྙིང་པོ་བསྒྲུབ་རྒྱུད་རིན་པོ་ཆེ། །ཕྱོགས་ཀུན་དར་རྒྱས་ཡུན་རིང་གནས་པར་ཤོག སརྦ་མངྒ་ལཾ།</span></span>

Summary:

This is a minor edit Watch this page

Cancel