So thar sdom rgyun gsol 'debs

Resource ID	SCv4p837
Title	so thar sdom rgyun gsol 'debs
Topics	Prayer
Sub-Topics	gsol 'debs
Link	BDRC W23922

སོ་ཐར་སྡོམ་རྒྱུན་གསོལ་འདེབས་ནི།

ཟླ་བྲལ་ཐུབ་དབང་གནས་བརྟན་ཤ་རིའི་བུ། །སྒྲ་གཅན་ཟིན་གཉིས་འཕགས་མཆོག་ཀླུ་སྒྲུབ་ཞབས། །གསོལ་བ་འདེབས་སོ་ཡེ་ཤེས་སྤྱན་གྱིས་གཟིགས། །སྡོམ་པའི་ཚུལ་ཁྲིམས་ཉམས་མེད་དངོས་གྲུབ་སྩོལ།
།ཡོན་ཏན་བློ་གྲོས་རིན་ཆེན་བཤེས་གཉེན་དང་། །ཆོས་ཀྱི་བཟང་པོ་ཡོན་ཏན་རྒྱ་མཚོའི་ཞབས། །གསོལ་བ་འདེབས་སོ་ཡེ་ཤེས༴ །སྡོམ་པའི་ཚུལ་ཁྲིམས་ཉམས་མེད༴
།ཆོས་ཀྱི་ཕྲེང་བ་བློ་གྲོས་འབྱུང་གནས་སྦས། །ས་སྟེང་མགྲན་ཟླ་བྲལ་བ་ཤཱཀྱ་ཤྲཱི། །གསོལ་བ་འདེབས་སོ༴ །སྡོམ་པའི་ཚུལ་ཁྲིམས་ཉམས་མེད༴
།བྱང་ཆུབ་དཔལ་བ་བྱང་ཆུབ་གྲགས་པ་དང་། །གཞོན་ནུ་བྱང་ཆུབ་གནས་བརྟན་ཡོན་རྒྱལ་ཞབས། །གསོལ་བ་འདེབས་སོ༴ །སྡོམ་པའི་ཚུལ་ཁྲིམས༴
།ཡོན་ཏན་བློ་གྲོས་འདུལ་འཛིན་སེངྒེ་དཔལ། །རབ་འབྱོར་སེངྒེ་ཆོས་གྲུབ་སེངྒེ་ཞབས། །གསོལ་བ་འདེབས་སོ༴ །སྡོམ་པའི་ཚུལ་ཁྲིམས་ཉམས་མེད༴
།མི་བསྐྱོད་རྒྱལ་བ་མཚུངས་མེད་དཀོན་མཆོག་འབངས། །རྗེ་བཙུན་མི་ཕམ་ཆོས་ཀྱི་དབང་ཕྱུག་ཞབས། །གསོལ་བ་འདེབས་སོ༴ །སྡོམ་པའི་ཚུལ་ཁྲིམས༴
།དཔལ་ལྡན་གར་དབང་དྷརྨ་ཤྭ་ར་དང་། །གྲུབ་དབང་བདུད་རྩི་ཀརྨ་རྣམ་རོལ་ཞབས། །གསོལ་བ་འདེབས་སོ༴ །སྡོམ་པའི་ཚུལ་ཁྲིམས༴
།སྐྱབས་གནས་མཚུངས་མེད་ཐུགས་རྗེའི་གཏེར་གཅིག་པུ། །ཆོས་ཀྱི་དོན་གྲུབ་བསྟན་པའི་ཉིན་བྱེད་ལ། །གསོལ་བ་འདེབས་སོ༴ །སྡོམ་པའི་ཚུལ་ཁྲིམས༴
།བརླབས་ཆེན་ཕྲིན་ལས་ཟབ་མོས་འགྲོ་སྒྲོལ་བ། །བདུད་ལས་རྣམ་རྒྱལ་བསྟན་འཛིན་ཉིན་བྱེད་ཞབས། །གསོལ་བ་འདེབས་སོ༴ །སྡོམ་པའི་ཚུལ་ཁྲིམས༴
།མཁྱེན་བརྩེ་རྨད་བྱུང་ལྷར་བཅས་འགྲོ་བའི་མགོན། །རྒྱལ་དབང་ཐེག་པ་མཆོག་གི་རྡོ་རྗེ་ལ། །གསོལ་བ་འདེབས་སོ༴ །སྡོམ་པའི་ཚུལ་ཁྲིམས༴
།ངེས་དོན་བསྟན་པ་རབ་ཏུ་རྒྱས་པའི་སྡེ། །བསླབ་གསུམ་ཁྲིམས་ལྡན་བཟོད་པ་རབ་བརྟན་ཞབས། །གསོལ་བ་འདེབས་སོ༴ །སྡོམ་པའི་ཚུལ་ཁྲིམས༴
།དགེ་སྦྱོང་ཚུལ་བཟུང་རྣམ་འདྲེན་འགྲོ་བའི་མགོན། །བསླབ་གསུམ་མཛོད་འཛིན་པདྨ་དབང་མཆོག་ལ། །གསོལ་བ་འདེབས་སོ༴ །སྡོམ་པའི་ཚུལ་ཁྲིམས༴
།དམ་ཆོས་འདུལ་བའི་སྡེ་ལ་རྣམ་འདྲེན་པའི། །རྒྱལ་ཚབ་གཉིས་པ་རིག་པའི་རྡོ་རྗེ་ལ། །གསོལ་བ་འདེབས་སོ༴ །སྡོམ་པའི་ཚུལ་ཁྲིམས༴
།དེ་ལྟར་གསོལ་བ་བཏབ་པའི་བྱིན་རླབས་ཀྱིས། །ཉིས་བརྒྱ་ལྔ་བཅུ་རྩ་གསུམ་ཁྲིམས་ཀྱི་གཞི། །འཇུག་པའི་ཚུལ་ཁྲིམས་དང་བཅས་སོ་སོར་ཐར། །ཉམས་མེད་ཉེ་བར་འཁོར་ལྟར་བག་ཡོད་ཤོག
།ཅེས་ཞྭ་དམར་པས་མཛད་པའོ།།