Thabs lam gtum mo

Resource ID	SCv8p747
Title	thabs lam gtum mo
Alt. title	thabs lam gtum mo bsgom pa
Topics	Yantra
Sub-Topics	Various
Author	Niguma
Link	BDRC W23922 BDRC W3CN18508
Notes	Translated in english in the book Lady of illusion

༄༅། །ཐབས་ལམ་གཏུམ་མོ་ནི།།
ན་མོ་གུ་རུ།
ཐབས་ལམ་གཏུམ་མོ་བསྒོམ་པ་ཡིས། །རླུང་སེམས་གནད་དུ་མ་ཚུད་པས། །ལུས་ལ་ཟུག་སྐྱོན་བྱུང་བ་ན། །དབེན་པའི་གནས་སུ་སོང་ནས་ནི། །རྡོ་རྗེའི་གར་ལ་འབད་པར་བྱ།
།དང་པོ་དབུ་མར་བཟུད་པ་ནི། །དྲང་དང་ཚ་བསྡུ་གསུམ་ཡིན་ནོ།
།དང་པོ་དབུ་མར་བཟུད་པ་ནི། །འབོལ་བའི་སྟན་ལ་སྤར་གྱིས་ལངས། །རྐང་པ་གཤིབས་ལ་དྲང་པོར་བསྲང་། །ལག་གཉིས་ཁུ་ཚུར་བརླ་ཟུར་བརྐྱང་། །རླུང་བཟུང་འོག་རླུང་དྲག་པོར་འཐེན། །རྡིག་པ་ལན་གསུམ་བྲང་ལ་བརྡེག །འཕར་བ་གསུམ་བྱ་ལག་པ་ནི། །རྒོད་གཤོག་བཞིན་བརྐྱང་རོ་སྟོད་སྤྲུག
།ལུས་པོ་བསྲངས་ལ་ལག་པ་གཉིས། །ཁུ་ཚུར་བསྣོལ་ལ་ནུ་མར་མནན། །ཀུ་འདེབས་གཡས་གཡོན་དྲག་ཏུ་འཐེན། །ལན་གསུམ་ཡིན་ནོ་རླུང་བཟུང་གཅེས།
།དེ་ནས་ལངས་ལ་ལག་གཉིས་བསྣོལ། །དཔུང་པ་དག་ལ་དག་པར་བྱ། །སྐེད་པ་གཡས་གཡོན་དྲག་པོ་བཅུ།
།དམིགས་པ་ལྟེ་བར་ཨ་བསམས་ལ། །རྩ་རྣམས་ཐིག་ལེ་ཨ་ལ་འདུས། །ཨ་ནི་སྐྱེ་མེད་སྟོང་པར་བསྒོམ། །གསུམ་གསུམ་བྱེད་པ་ཐམས་ཅད་འདྲ། །སྙིང་རླུང་བྱུང་ན་སྙིང་ན་དུ། །ཨ་བསམ་འོད་ཟེར་འཕྲོས་ྤ་ལས། །སེམས་གཏད་དེ་ཡིས་སེལ་བར་བྱེད།
།རྡོ་རྗེའི་གར་གྱི་གདམས་ངག་འདི། །ཡེ་ཤེས་ཌཱ་ཀིའི་གདམས་ངག་གོ། །ཨྀཐིཿ