Yungs kar gyis bsnyen pas bgegs tshar bcad pa

Resource ID	SCv11p845
Title	yungs kar gyis bsnyen pas bgegs tshar bcad pa
Topics	Chadrupa
Sub-Topics	Various
Link	BDRC W23922

༈ ཡུངས་ཀར་གྱིས་བསྙེན་པས་བགེགས་ཚར་བཅད་པ་བཞུགས་སོ།།
༈ ༼ངེ༽ ཡུངས་ཀར་གྱི་བསྙེན་པ་ལ། རང་ཁྲོ་བོ་བསྐྱེད་པ་གོང་ལྟར་བྱ། མདུན་དུ་ཡུངས་ཀར་བཞག རང་གི་ཐུགས་ཀའི་ས་བོན་གྱིས་འོད་ཟེར་གྱིས་ཁྲོ་བོའི་ཚོགས་དཔག་ཏུ་མེད་པ་མདུན་གྱི་ནམ་མཁར་སྤྱན་དྲངས། ཕྱི་ནང་གསང་བའི་མཆོད་པས་མཆོད། དེ་དག་གི་སྐུ་ལས་རང་རང་དང་འདྲ་བའི་ཁྲོ་བོའི་ཚོགས་དཔག་ཏུ་མེད་པ་ཧཱུྃ་དང་ཕཊ་ཀྱི་སྒྲ་སྒྲོགས་པ་ནམ་མཁའ་ནས་ཆར་བབས་པ་བཞིན་བྱོན། ཡུངས་ཀར་རྣམས་ཀྱིས་སྔོན་དུ་མཁའ་འགྲོ་དཔག་ཏུ་མེད་པ་བསྐྱེད་པ་ལ་བསྟིམ་ཞིང་། སྔགས་དྲག་ཏུ་བཟླས་སོ། །དེ་ནས་བགེགས་བསྐྲོད་ཚེ། ཡུངས་ཀར་གྱིས་བྲབས་པ་ལ་ཁྲོ་བོའི་ཚོགས་དཔག་ཏུ་མེད་པ་འཕྲོས་པས་བགེགས་ཐམས་ཅད་ཚར་བཅད་པར་བསམ། ཨྀཐིཿ