Bde mchog dbu ma yig bdun

From Shangpa Resource Center







Resource ID SCv9p493
Title bde mchog dbu ma yig bdun
Topics Chakrasamvara
Sub-Topics Seven syllabes of Avadhuti
Author Niguma
Link BDRC W23922
BDRC W23922

༼༄༅། །བདེ་མཆོག་དབུ་མ་ཡིག་བདུན་བཞུགས་སོ།། །།༽

།དཔལ་འཁོར་ལོ་སྡོམ་པ་ལ་ཕྱག་འཚལ་ལོ།
།སྤྱི་བོ་རུ་ནི་བརྟན་པར་བྱ། དབུ་མ་ཡི་གེ་བདུན་པས་དགང་། ཞེས་བདེ་མཆོག་གི་རྒྱུད་ལས་གསུངས་པའི་དོན་ནི།
རང་བདེ་མཆོག་ཏུ་བསྒོམས་པའི་རྩ་དབུ་མ་རག་དུང་ལྟ་བུ། ཁ་ཆེ་ཤེས་འཕོངས་ན་མར་ལ་ཧར་སོང་ཡོད་པ། ཁ་ཆུང་ཤེས་སྤྱི་བོར་ཟུག་པ་གཅིག་བསམ། དེ་ནས་རང་གི་སྤྱི་བོར་པདྨ་སྔོན་པོ་འདབ་མ་དྲུག་པ་གཅིག་བསམ། ལྟེ་བ་ལ་ཨོཾ། འདབ་མ་མདུན་མ་ནས་བརྩམས་ཏེ། གཡས་བསྐོར་དུ། ཧྲཱིཿཧ་ཧ་ཧཱུྃ་ཧཱུྃ་ཕཊ་ཅེས་རང་འཐག་འཁོར་དུ་བསམ་མོ། དེ་ནས་སྤྱི་བོའི་པདྨ་དང་ཡིག་འབྲུ་ལ་དམིགས་པ་ཡི་གེ་བདུན་པ་ཁ་ཡར་ཅིག་བཟླས་སོ། དེ་ནིས་སྤྱི་བོ་རུ་ནི་བརྟན་པར་བྱ་ཞེས་པའི་དོན་ཏོ།
དེ་ནས་རང་གི་རྩ་དབུ་མ་ཡི་གེ་བདུན་པས་སྔོ་མེར་གྱིས་གང་བར་བསམ་མོ།
སྤྱི་བོ་ནས་སྤྲོ་མི་དགོས་གསུངས། དེ་ནས་ཡིག་འབྲུ་ཚེ་ཡར་མར་ལ་སྔོ་ཕུང་ཕུང་། འོད་ཟེར་ཁ་དོག་སྔོན་པོ་སྔོ་དཀྲུག་འདུག་པར་བསམ། འོད་ཟེར་ནང་དུ་འཕྲོས་པས་རང་གི་སྡིག་སྒྲིབ་དག །ཕྱི་རུ་འཕྲོས་པས་སེམས་ཅན་ཐམས་ཅད་ཀྱི་སྡིག་སྒྲིབ་དག་པར་བསམ་ཞིང་བཟླས་པ་བྱས་གསུངས། ལམ་ཁྱེར་གྱི་ཆོས་གསུམ་དང་ལྡན་པར་བྱས་ཀྱང་འགལ་བ་མེད་གསུངས་སོ།
ཇོ་བོ་ནཱ་རོ་པས་དེ་ལྟ་བུའི་བཟླས་པ་འབུམ་ཕྲག་གཅིག་བཟླས་པས། ས་གཡོ་བ་དང་། ལུང་བསྟན་ཐོབ་པ་ཡིན་གསུངས་སོ།
དེ་ལྟ་བུའི་གདམ་ངག་འདི། ཇོ་བོ་ཆེན་པོ་ནཱ་རོ་པས། ཡེ་ཤེས་ཀྱི་མཁའ་འགྲོ་མ་ནི་གུ་མ་ལ་གསུངས། དེས་ཁྱུང་པོ་རྣལ་འབྱོར་ལ་གནང་། དེས་རཏྣ་བིརྱ་ལ་གནང་། དེས་སངས་རྒྱས་དབོན་སྟོན་ལ། དེ་ཡན་ཆན་དུ་ལས་ཅན་རེ་རེ་ལ་ཆིག་བརྒྱུད་ལས་མེད། སྟེར་བའི་དུས་སུ། ཚོགས་འཁོར་བརྒྱ་རྩ་བརྒྱད་དམ། ཉི་ཤུ་རྩ་གཅིག་བཟླས་ནས་སྟེར་གསུངས། དེས་སངས་རྒྱས་གཉན་སྟོན་ལ། དེས་བསྒྲོས་ཁར་སློབ་མ་རེ་རེ་གཉིས་གཉིས་ལ་བྱིན་གསུང་། དེས་སངས་རྒྱས་སྟོན་པ། དེས་ཆོས་རྗེ་ཤངས་སྟོན་ལ། ཆོས་རྗེ་སྟོན་པའི་གསུང་ལ་ཟིན་བྲིས་ལན་བཞི་བྱས་ནས་བསྡུས་པ་ཡིན་གསུངས་སོ།