Bde mchog lha lnga'i dbang bskur gyis lhan thabs

From Shangpa Resource Center








Resource ID SCv10p438
Title bde mchog lha lnga'i dbang bskur gyis lhan thabs
Topics Initiation
Sub-Topics Chakrasamvara
Author Khyungpo Neljor
Link BDRC W23922

༈ བདེ་མཆོག་ལྷ་ལྔའི་དབང་བསྐུར་གྱིས་ལྷན་ཐབས་བཞུགས་སོ།།

༈ དཔལ་ཧེ་རུ་ཀཿལ་ཕྱག་འཚལ་ལོ། །བཅོམ་ལྡན་འདས་འཁོར་ལོ་བདེ་མཆོག་གིས་དབང་། །སྐུ་གསུང་ཐུགས་ཀྱི་དབང་བསྐུར་བར་འདོད་པས། དང་པོར་སློབ་དཔོན་ཕན་ཚུན་བརྟག་ལ། མཚན་ཉིད་དང་ལྡན་པས། མངོན་པར་མཎྜལ་བཞེངས་ཏེ། སྐུ་གསུང་ཐུགས་ཀྱི་དཀྱིལ་འཁོར་གསུམ་པད་མ་འདབ་མ་བཞི་པ། དཀར་དམར་མཐིང་གསུམ་བྲིས་ལ། དབུས་སུ་ཧཱུཾ་བཾ་ཁོག་ལྟར་བྲིས་མཆོད་པ་ཚོགས་གཏོར་བཤམས། རྟེན་དཀྲམ་མོ། དེ་ནས་བདག་ཉིད་མངོན་རྟོགས་བསྒོམ། བཟླས་པ་བརྒྱ་རྩ་བརྒྱད་བྱ། མཆོད་བསྟོད་ཅི་རིགས་པ་བྱ། དེ་ནས་སློབ་མ་ལ་སྐྱབས་འགྲོ་སེམས་བསྐྱེད་བྱ། །མངོན་རྟོགས་ཅུང་ཟད་ཕོག་ལ་ཚོགས་ལ་རོལ། །དེ་ནས་བདག་དང་སློབ་མ་གཉིས་མངོན་པར་རྟོགས་པ་བཞིན་གསལ་བཏབ་ལ། སློ་དཔོན་གྱི་སྤྱི་བོར་ཨོཾ་དཀར་པོ་ལས་འོད་ཟེར་འཕྲོས་པས། སློབ་མའི་སྤྱི་བོར་ཕོག །ལུས་འོད་ཟེར་གྱིས་ཁེངས་པས་ལུས་ཀྱི་གཙོ་བྱས་པའི་སྡིག་སྒྲིབ་ཐམས་ཅད་དག །ལུས་འོད་དཀར་པོས་གང་པས། དུས་གསུམ་བདེ་བར་གཤེགས་པ་ཐམས་ཅད་ཀྱི་སྐུའི་དངོས་གྲུབ་མ་ལུས་པ་ཐོབ། བུམ་པའི་དབང་ཐོབ། ལུས་ཀྱི་དྲི་མ་དག །ལམ་བསྐྱེད་རིམ། འབྲས་བུ་སྤྲུལ་སྐུ་ཐོབ་པའོ། །མགྲིན་པར་ཨཱཿ༴ གསུང་གི་གསང་དབད་༴ དག་གི་གཙོ་བྱས༴ ལམ་གཏུམ་མོ༴ འབྲས་བུ་ལོངས་སྐུ་ཐོབ་པའོ། །ཐུགས་ཀའི་ཧཱུཾ་གིས༴ ཐུགས་ཀྱིས༴ ཤེས་རབ་ཡེ་ཤེས་ཀྱི༴ ཡིད་ཀྱི་གཙོ་བྱས༴ ལམ་གཞན་ལུས༴ འབྲས་བུ་བདེ་ཆེན་ཆོས་སྐུ་ཐོབ་པའོ། །སྐུ་གསུང་ཐུགས་ཐམས་ཅད་ལས་འོད་འཕྲོས། །སྒོ་གསུམ་མཐའ་དག་གི་དྲི་མ་སྦྱངས། མི་རྟོག་པའི་ངང་ལ་བཞག་སྟེ། སྐུ་གསུང་ཐུགས་མཐའ་དག་གི་དངོས་གྲུབ་མ་ལུས་པ་ཐོབ། དབང་བཞི་པ༴ དངོས་འཛིན་མཐའ་དག་དག །ལམ་ཕྱག་ཆེན་སྐྱེ་མེད་༴ འབྲས་བུ་ངོ་བོ་ཉིད་སྐུ་ཐོབ་ཅེས་བརྗོད་དོ། །བསྐྱེད་རིམ་ཟླས་ལུང་བྱའོ། །རྗེས་གཞན་དང་འདྲའོ། །སྐུ་གསུང་ཐུགས་ཀྱི་དབང་བཞིའོ། །བླ་མ་ཤངས་པའི་གདམས་པ་ཡང་དག་པའོ།། ཨྀཐི།།

འདིའི་བརྒྱུད་པ་ནི། །ཆོས་རྗེ་བསྟོན་པ་ཡན་ཆད་དྲུག་དང་འདྲ། རྒན་མོ་ལྷས་པས། བྱང་ཆུབ་དཔལ། ཁྱེ་བྲག་པ། གཞོན་ནུ་དཔལ། བག་སྟོན་པ། བླ་མ་ཚུལ་རྒྱལ་བ། ཀུན་མཁྱེན་པ། ཆོས་རྗེ་ཀུན་དགའ་དཔལ་བ། བླ་མ་བསམ་གཏན་པ། ཐུགས་སྲས་སངས་རྒྱས་དབོན་པོ། དེས་བདག་ལའོ།། ཨྀཐི།།
༈ བདེ་མཆོག་ལྷ་ལྔའི་དབང་བསྐུར་བཞུགས་པ་ཡིན་པར་གདའོ།།