Difference between revisions of "Mkhas grub thams cad mkhyen pas mgon po'i bskor mdzad pa'i them yig"

From Shangpa Resource Center
Line 3: Line 3:
 
|Tibetan Title=མཁས་གྲུབ་ཐམས་ཅད་མཁྱེན་པས་མགོན་པོའི་སྐོར་ལེགས་པར་རྩད་བཅད་ཅིང་དག་ཐེར་ལེགས་པར་མཛད་པའི་ཐེམ་ཡིག
 
|Tibetan Title=མཁས་གྲུབ་ཐམས་ཅད་མཁྱེན་པས་མགོན་པོའི་སྐོར་ལེགས་པར་རྩད་བཅད་ཅིང་དག་ཐེར་ལེགས་པར་མཛད་པའི་ཐེམ་ཡིག
 
|Wylie Title=mkhas grub thams cad mkhyen pas mgon po'i skor legs par rtsad bcad cing dag ther legs par mdzad pa'i them yig
 
|Wylie Title=mkhas grub thams cad mkhyen pas mgon po'i skor legs par rtsad bcad cing dag ther legs par mdzad pa'i them yig
−
|SubTopics=Chadrupa be bum
+
|Subject=Chadrupa
 +
|SubTopics=Various
 +
|Associated Person=Gelek Pelsang
 
}}
 
}}
 
<span class="main_text">མཁས་གྲུབ་ཐམས་ཅད་མཁྱེན་པས་མགོན་པོའི་སྐོར་ལེགས་པར་རྩད་བཅད་ཅིང་དག་ཐེར་ལེགས་པར་མཛད་པའི་ཐེམ་ཡིག་སོགས་བཞུགས་སོ།། <br /><br />༼ཟི༽ ན་མོ་མ་ཧཱ་ཀཱ་ལ་ཡ།<br /> རྡོ་རྗེ་ནག་པོ་ཆེན་པོ་ཡེ་ཤེས་ཀྱི་མགོན་པོ་ཕྱག་དྲུག་པ་བདུད་འདུལ་དུར་ཁྲོད་ཀྱི་བདག་པོ་ཆེན་པོ་ལ་ཕྱག་འཚལ་ལོ། །མགོན་པོ་འདིའི་གསང་བའི་མན་ངག་བེ་བུམ་དཀར་ནག་གཉིས་ལས། འདི་ནི་བེ་བུམ་ནག་པོ་དུག་ལྟ་བུའི་མན་ངག་ཆིག་བརྒྱུད་མ་ཡིན་པ་སྦྱིན་པའི་སྲོལ་མེད། ཤིན་ཏུ་གཅེས་པའི་སློབ་མ་སྙིང་དང་འདྲ་བ་གཅིག་ཁོ་ན་ལ་བཀའ་རྒྱས་དམ་དུ་གདམས་ཏེ་ཚོགས་ཀྱི་འཁོར་ལོ་དང་། གསེར་གྱི་མཎྜལ་ལ་སོགས་པའི་ངོར། ཡུན་རིང་དུ་སྣོད་ཀྱི་མཚན་ཉིད་བརྟགས་ཏེ་སྦྱིན་པར་བྱ་ཡི། དེ་ལས་གཞན་དུ་ཅི་རུང་རུང་ལ་མ་བརྟགས་པར་སྦྱིན་ན་མགོན་པོ་འཁོར་དང་བཅས་པས་སྙིང་ཁྲག་འཐུང་སྟེ། རང་གཞན་གཉིས་ཀ་རྡོ་རྗེ་དམྱལ་བར་ལྟུང་བར་གདོན་མི་ཟའོ། །དེ་ཡང་སྤྱིར་མགོན་པོ་འདིའི་མན་ངག་ཟབ་པ་དང་ཐུན་མོང་མ་ཡིན་པ་རྣམས་ལ་ཡི་གེ་མན་ངག་རེ་རེ་ལའང་ཚན་པ་ཁ་རེ་བྱས་པའི་ཡི་གེ་གཅིག་ལ་མན་ངག་གི་གནད་མ་ལུས་པ་ཚང་བ་ཆེར་མི་འདུག་ཅིང་། ཁྱད་པར་བེ་བུམ་ནག་པོ་འདི་ནི་ཡོད་པ་ཙམ་ཡང་མི་འདུག ཁོ་བོས་ཀྱང་མགོན་པོ་འདིའི་ཆོས་སྐོར་རྣམས་བླ་མ་ཁུངས་བཙུན་ཞིང་བརྒྱུད་པ་རྣམ་པར་དག་པ་མཆོག་ཏུ་གྱུར་པ་བཅུ་ཕྲག་ཙམ་ལ་གཏུགས་ནས། བླ་མ་དམ་པ་རྣམས་ལ་མངའ་བའི་གདམས་པ་མ་ལུས་པ་དགྱེས་བཞིན་དུ་སྩལ་བ་ཐམས་ཅད་ལེགས་པར་ཁོང་དུ་ཆུད་པར་བྱས་མོད་ཀྱི། བེ་བུམ་ནག་པོ་འདི་ཞལ་ཤེས་ཆ་ལག་དང་བཅས་པ་རྫོགས་པར་མངའ་བ་ནི་མཁས་གྲུབ་ཤངས་སྟོན་ཚུལ་ཁྲིམས་འབུམ་ལ། མགོན་པོ་རང་ཉིད་ཀྱིས་འདི་ལའང་ངའི་སྒྲུབ་སྐོར་མན་ངག་མ་ལུས་པར་བྱིན་ཅིག་ཅེས་དངོས་སུ་ལུང་བསྟན་ནས་རྗེས་སུ་བཟུང་བའི་མུས་ཆེན་རྒྱལ་མཚན་དཔལ་བཟང་པོ་ལས་དངོས་སུ་གསན་ཞིང་། དེ་ཉིད་ལས་སྲས་ཀྱི་ཐུ་བོ་གྲུབ་ཐོབ་རྡོ་རྗེ་གཞོན་ནུ་ལ་ཡང་ཤངས་པའི་ཆོས་སྐོར་མ་ལུས་པ་ལྷག་མ་མེད་པར་གསན་ནས་ཐུགས་ཉམས་སུ་བཞེས་པས། མངོན་པར་རྟོགས་པའི་ཡོན་ཏན་ཕུལ་དུ་བྱུང་བ་མངའ་ཞིང་། ཡེ་ཤེས་ཀྱི་མགོན་པོ་འདི་ཉིད་ཀྱིས་ཀྱང་དངོས་དང་རྨི་ལམ་དུ་ཡང་ཡང་བྱིན་གྱིས་རླབས་པའི་རྗེ་བཙུན་ནམ་མཁའ་རྒྱལ་མཚན་མུས་པ་ནམ་མཁའི་རྣལ་འབྱོར་པ་ཞེས་ཡོངས་སུ་གྲགས་པ་གཅིག་པུ་ལ་མངའ་ཡི། གཞན་ལ་མི་མང འོ། ཁོ་བོས་དབུས་སུ་སངས་རྒྱས་གཉན་སྟོན་གྱི་གདན་ས་རིམ་པར་བརྒྱུད་པ་ལས་འོངས་བའི་གདམས་པ་ཐོབ་པ་རྣམས་ཀྱི་ནང་ནས། བེ་བུམ་ནག་པོར་ཐ་སྙད་བྱས་པའི་འདིའི་ནང་གི་གདམས་ངག་ཐར་ཐོར་ཁ་ཡར་གཅིག་སྣང་ངོ་། །མཁས་གྲུབ་ཆོས་རྗེའི་གདན་ས་པ་བླ་མ་ཞང་ལས་བསམ་སྡིངས་པའི་ཆོས་སྐོར་མ་ལུས་པ་གསན་པའི་བླ་མ་ལམ་འབྲས་པ་ཆེན་པོ་ཡེ་ཤེས་དཔལ་བའི་ཞལ་སྔ་ནས་ ཁོ་བོས་བསམ་སྡིངས་པའི་ཆོས་སྐོར་མ་ལུས་པར་ཐོབ་པའི་མགོན་པོའི་གདམས་པ་ལ་ཡང་འདི་དག་མི་སྣང་ཞིང་། གཞན་ཡང་འགའ་རེ་མི་སྣང་ངོ་། །འཇག་པ་ནས་བརྒྱུད་པ་ཁོ་བོས་ཐོབ་པ་དང་། མཐོང་བ་རྣམས་ལ་མི་སྣང་ནའང་། འདི་རྫོགས་པ་ཤངས་སྟོན་གྱི་ཆིག་བརྒྱུད་མཛད་པ་ཡིན་ནམ་རྒྱུན་མ་ངེས་སོ། །ཆོས་སྡིངས་པ་དང་གནས་རྙིང་བའི་སྐོར་ནས་བརྒྱུད་པ་ཡོངས་སུ་རྫོགས་པར་ལན་འགའ་རེ་རྣམས་ལ་མི་སྣང་བ་ནི། ཆོས་སྡིངས་པའི་རྟོགས་ལྡན་བགྲེས་པོ་ཁ་ཡར་ལས་ཐོབ་པའི་གཏམ་ལས། མགོན་པོའི་བེ་བུམ་དཀར་ནག་ཁྲ་གསུམ་བྱ་བ་ཆིག་བརྒྱུད་མིན་པ་མི་བྱེད་པ་གཅིག་ཡོད་པ་ཆོས་རྗེ་གངས་པས་མགོན་ཁང་ན་བཞུགས་པའི་མགོན་པོའི་སྐུའི་ཐུགས་ཀར་བཅུག་ནས་དཔེས་རབས་ཆད་པ་ཡིན་ཞེས་ཟེར་རོ། །བེ་བུམ་ཁྲ་བོ་བྱ་བ་ཟུར་པ་གཅིག་ཡོད་པ་ཡིན་ན། དེ་ནི་བདག་གི་ཐོབ་པ་རྣམས་ལ་ཡང་མི་སྣང་ངོ་། །འདི་ལ་ཡི་གེ་ཐོར་བུ་མང་དུ་སྣང་ཞིང་། མན་ངག་རེ་རེ་བ་ཁ་སྦྱོར་དབྱེ་བ་ལྟ་བུ་དང་། གཏོར་མའི་བསད་ལས་ལྟ་བུ་དང་སེར་བ་དབབ་པ་ལྟ་བུ་ལ་སོགས་རེ་རེ་ལའང་ཡིག་ཆུང་ཚན་པ་མི་འདྲ་བ་མང་པོ་བྱས་ནས་རྟོགས་དཀའ་བར་འདུག་པ་དང་། ལག་ལེན་ལ་སྦྱོར་བ་ལ་མི་གསལ་བ་མང་རབ་སྣང་བས་ལག་ཏུ་ལེན་པ་དཀའ་བར་འདུག་པ་དང་། ཞལ་ཤེས་གལ་ཆེན་འགའ་རེ་སྣང་བ་མ་ཤེས་ན་ཡི་གེ་ཙམ་ཡོད་ཀྱང་དགོས་པ་ཅི་ཡང་མི་འགྲུབ་པར་འདུག་པ་དང་། སྤྱིར་འདི་དག་སྣོད་མིན་ལ་འཕེལ་ན་རང་གཞན་ལ་གནོད་པའི་དགག་བྱ་ཤིན་ཏུ་ཆེ་བར་སྣང་ནའང་། མན་ངག་འདི་དག་ལྷག་མ་མེད་པ་གཅིག་མ་ཤེས་ན། རྒྱུད་སྡེ་ཆེན་མོ་རྣམས་ཀྱི་དགོངས་པ་གྲུབ་ཆེན་གྱིས་བཀྲལ་བའི་བསྐྱེད་རྫོགས་ཀྱི་མན་ངག་མཆོག་ཏུ་གྱུར་པ་དག་ཉམས་སུ་ལེན་པ་ཙམ་གྱི་བཞག་ནས། ཆོས་སྐྱོང་གི་གཏོར་མ་དང་། གསོལ་འདེབས་ཙམ་གྱི་ལམ་བགྲོད་དུ་རེ་བ་མ་གཏོགས། བསྟན་བསྲུང་ཕུལ་དུ་བྱུང་བའི་ཁྱད་པར་འདོན་རྒྱུ་ཅི་ཡང་མེད་པར་བསྟན་པ་ལ་དགྲ་དང་། ཆོས་ལ་བར་ཆད་སྟོབས་ལྡན་བྱུང་བའི་ཚེ། ཆོས་སྐྱོང་གི་གོ་བླངས་བྱེད་དུ་རེ་བ་མ་གཏོགས་པ་ལས་ལ་སྦྱོར་བའི་འཕྲིན་ལས་བསྐུལ་ཐབས་ཁྱད་པར་ཅན་ལག་ལེན་ལ་འགེལ་ལུགས་ཅི་ཡང་མི་ཤེས་པར་བསྟན་བསྲུང་མིང་ཙམ་དུ་གྱུར་པ་འབའ་ཞིག་མཐོང་བ་རྣམས་ཀྱིས་ཡིད་ལེགས་པར་བསྐུལ་ཏེ་བསྟན་པ་འབའ་ཞིག་སྙིང་ཁོང་དུ་བཅུག་ནས། མགོན་པོ་འཁོར་བཅས་ལ་གསོལ་བ་ནན་ཆེར་བཏབ་པ་སྔོན་དུ་བཏང་བར་བྱས་ཤིང་། མན་ངག་ཡི་གེར་འཁོད་པ་ལ་འཕངས་པའི་བསམ་པ་མ་བྱས་པར་བེ་བུམ་ནག་པོའི་མན་ངག་གི་ཡི་གེ་ཐོར་བུ་ཚན་ཅན་ཡོད་པ་རྣམས་དཀྱུས་གཅིག་ཏུ་བསྒྲིགས་ནས། ལག་ལེན་བྱེད་ཚུལ་གསལ་ཞིང་གོ་བདེ་བར་བླ་མའི་ཞལ་ཤེས་ཁྱད་པར་ཅན་རྣམས་རང་རང་གི་སྐབས་སུ་སྦྱར་ཏེ་ཁོ་བོ་མཁས་གྲུབ་ཐམས་ཅད་མཁྱེན་པ་དགེ་ལེགས་དཔལ་བཟང་གིས་ཡི་གེར་བཀོད་པ་འདི་ལ་བླ་མ་མགོན་པོ་འཁོར་དང་བཅས་པས་བཟོད་པར་མཛད་ནས་བྱིན་གྱིས་བརླབ་ཏུ་གསོལ།། །།</span>
 
<span class="main_text">མཁས་གྲུབ་ཐམས་ཅད་མཁྱེན་པས་མགོན་པོའི་སྐོར་ལེགས་པར་རྩད་བཅད་ཅིང་དག་ཐེར་ལེགས་པར་མཛད་པའི་ཐེམ་ཡིག་སོགས་བཞུགས་སོ།། <br /><br />༼ཟི༽ ན་མོ་མ་ཧཱ་ཀཱ་ལ་ཡ།<br /> རྡོ་རྗེ་ནག་པོ་ཆེན་པོ་ཡེ་ཤེས་ཀྱི་མགོན་པོ་ཕྱག་དྲུག་པ་བདུད་འདུལ་དུར་ཁྲོད་ཀྱི་བདག་པོ་ཆེན་པོ་ལ་ཕྱག་འཚལ་ལོ། །མགོན་པོ་འདིའི་གསང་བའི་མན་ངག་བེ་བུམ་དཀར་ནག་གཉིས་ལས། འདི་ནི་བེ་བུམ་ནག་པོ་དུག་ལྟ་བུའི་མན་ངག་ཆིག་བརྒྱུད་མ་ཡིན་པ་སྦྱིན་པའི་སྲོལ་མེད། ཤིན་ཏུ་གཅེས་པའི་སློབ་མ་སྙིང་དང་འདྲ་བ་གཅིག་ཁོ་ན་ལ་བཀའ་རྒྱས་དམ་དུ་གདམས་ཏེ་ཚོགས་ཀྱི་འཁོར་ལོ་དང་། གསེར་གྱི་མཎྜལ་ལ་སོགས་པའི་ངོར། ཡུན་རིང་དུ་སྣོད་ཀྱི་མཚན་ཉིད་བརྟགས་ཏེ་སྦྱིན་པར་བྱ་ཡི། དེ་ལས་གཞན་དུ་ཅི་རུང་རུང་ལ་མ་བརྟགས་པར་སྦྱིན་ན་མགོན་པོ་འཁོར་དང་བཅས་པས་སྙིང་ཁྲག་འཐུང་སྟེ། རང་གཞན་གཉིས་ཀ་རྡོ་རྗེ་དམྱལ་བར་ལྟུང་བར་གདོན་མི་ཟའོ། །དེ་ཡང་སྤྱིར་མགོན་པོ་འདིའི་མན་ངག་ཟབ་པ་དང་ཐུན་མོང་མ་ཡིན་པ་རྣམས་ལ་ཡི་གེ་མན་ངག་རེ་རེ་ལའང་ཚན་པ་ཁ་རེ་བྱས་པའི་ཡི་གེ་གཅིག་ལ་མན་ངག་གི་གནད་མ་ལུས་པ་ཚང་བ་ཆེར་མི་འདུག་ཅིང་། ཁྱད་པར་བེ་བུམ་ནག་པོ་འདི་ནི་ཡོད་པ་ཙམ་ཡང་མི་འདུག ཁོ་བོས་ཀྱང་མགོན་པོ་འདིའི་ཆོས་སྐོར་རྣམས་བླ་མ་ཁུངས་བཙུན་ཞིང་བརྒྱུད་པ་རྣམ་པར་དག་པ་མཆོག་ཏུ་གྱུར་པ་བཅུ་ཕྲག་ཙམ་ལ་གཏུགས་ནས། བླ་མ་དམ་པ་རྣམས་ལ་མངའ་བའི་གདམས་པ་མ་ལུས་པ་དགྱེས་བཞིན་དུ་སྩལ་བ་ཐམས་ཅད་ལེགས་པར་ཁོང་དུ་ཆུད་པར་བྱས་མོད་ཀྱི། བེ་བུམ་ནག་པོ་འདི་ཞལ་ཤེས་ཆ་ལག་དང་བཅས་པ་རྫོགས་པར་མངའ་བ་ནི་མཁས་གྲུབ་ཤངས་སྟོན་ཚུལ་ཁྲིམས་འབུམ་ལ། མགོན་པོ་རང་ཉིད་ཀྱིས་འདི་ལའང་ངའི་སྒྲུབ་སྐོར་མན་ངག་མ་ལུས་པར་བྱིན་ཅིག་ཅེས་དངོས་སུ་ལུང་བསྟན་ནས་རྗེས་སུ་བཟུང་བའི་མུས་ཆེན་རྒྱལ་མཚན་དཔལ་བཟང་པོ་ལས་དངོས་སུ་གསན་ཞིང་། དེ་ཉིད་ལས་སྲས་ཀྱི་ཐུ་བོ་གྲུབ་ཐོབ་རྡོ་རྗེ་གཞོན་ནུ་ལ་ཡང་ཤངས་པའི་ཆོས་སྐོར་མ་ལུས་པ་ལྷག་མ་མེད་པར་གསན་ནས་ཐུགས་ཉམས་སུ་བཞེས་པས། མངོན་པར་རྟོགས་པའི་ཡོན་ཏན་ཕུལ་དུ་བྱུང་བ་མངའ་ཞིང་། ཡེ་ཤེས་ཀྱི་མགོན་པོ་འདི་ཉིད་ཀྱིས་ཀྱང་དངོས་དང་རྨི་ལམ་དུ་ཡང་ཡང་བྱིན་གྱིས་རླབས་པའི་རྗེ་བཙུན་ནམ་མཁའ་རྒྱལ་མཚན་མུས་པ་ནམ་མཁའི་རྣལ་འབྱོར་པ་ཞེས་ཡོངས་སུ་གྲགས་པ་གཅིག་པུ་ལ་མངའ་ཡི། གཞན་ལ་མི་མང འོ། ཁོ་བོས་དབུས་སུ་སངས་རྒྱས་གཉན་སྟོན་གྱི་གདན་ས་རིམ་པར་བརྒྱུད་པ་ལས་འོངས་བའི་གདམས་པ་ཐོབ་པ་རྣམས་ཀྱི་ནང་ནས། བེ་བུམ་ནག་པོར་ཐ་སྙད་བྱས་པའི་འདིའི་ནང་གི་གདམས་ངག་ཐར་ཐོར་ཁ་ཡར་གཅིག་སྣང་ངོ་། །མཁས་གྲུབ་ཆོས་རྗེའི་གདན་ས་པ་བླ་མ་ཞང་ལས་བསམ་སྡིངས་པའི་ཆོས་སྐོར་མ་ལུས་པ་གསན་པའི་བླ་མ་ལམ་འབྲས་པ་ཆེན་པོ་ཡེ་ཤེས་དཔལ་བའི་ཞལ་སྔ་ནས་ ཁོ་བོས་བསམ་སྡིངས་པའི་ཆོས་སྐོར་མ་ལུས་པར་ཐོབ་པའི་མགོན་པོའི་གདམས་པ་ལ་ཡང་འདི་དག་མི་སྣང་ཞིང་། གཞན་ཡང་འགའ་རེ་མི་སྣང་ངོ་། །འཇག་པ་ནས་བརྒྱུད་པ་ཁོ་བོས་ཐོབ་པ་དང་། མཐོང་བ་རྣམས་ལ་མི་སྣང་ནའང་། འདི་རྫོགས་པ་ཤངས་སྟོན་གྱི་ཆིག་བརྒྱུད་མཛད་པ་ཡིན་ནམ་རྒྱུན་མ་ངེས་སོ། །ཆོས་སྡིངས་པ་དང་གནས་རྙིང་བའི་སྐོར་ནས་བརྒྱུད་པ་ཡོངས་སུ་རྫོགས་པར་ལན་འགའ་རེ་རྣམས་ལ་མི་སྣང་བ་ནི། ཆོས་སྡིངས་པའི་རྟོགས་ལྡན་བགྲེས་པོ་ཁ་ཡར་ལས་ཐོབ་པའི་གཏམ་ལས། མགོན་པོའི་བེ་བུམ་དཀར་ནག་ཁྲ་གསུམ་བྱ་བ་ཆིག་བརྒྱུད་མིན་པ་མི་བྱེད་པ་གཅིག་ཡོད་པ་ཆོས་རྗེ་གངས་པས་མགོན་ཁང་ན་བཞུགས་པའི་མགོན་པོའི་སྐུའི་ཐུགས་ཀར་བཅུག་ནས་དཔེས་རབས་ཆད་པ་ཡིན་ཞེས་ཟེར་རོ། །བེ་བུམ་ཁྲ་བོ་བྱ་བ་ཟུར་པ་གཅིག་ཡོད་པ་ཡིན་ན། དེ་ནི་བདག་གི་ཐོབ་པ་རྣམས་ལ་ཡང་མི་སྣང་ངོ་། །འདི་ལ་ཡི་གེ་ཐོར་བུ་མང་དུ་སྣང་ཞིང་། མན་ངག་རེ་རེ་བ་ཁ་སྦྱོར་དབྱེ་བ་ལྟ་བུ་དང་། གཏོར་མའི་བསད་ལས་ལྟ་བུ་དང་སེར་བ་དབབ་པ་ལྟ་བུ་ལ་སོགས་རེ་རེ་ལའང་ཡིག་ཆུང་ཚན་པ་མི་འདྲ་བ་མང་པོ་བྱས་ནས་རྟོགས་དཀའ་བར་འདུག་པ་དང་། ལག་ལེན་ལ་སྦྱོར་བ་ལ་མི་གསལ་བ་མང་རབ་སྣང་བས་ལག་ཏུ་ལེན་པ་དཀའ་བར་འདུག་པ་དང་། ཞལ་ཤེས་གལ་ཆེན་འགའ་རེ་སྣང་བ་མ་ཤེས་ན་ཡི་གེ་ཙམ་ཡོད་ཀྱང་དགོས་པ་ཅི་ཡང་མི་འགྲུབ་པར་འདུག་པ་དང་། སྤྱིར་འདི་དག་སྣོད་མིན་ལ་འཕེལ་ན་རང་གཞན་ལ་གནོད་པའི་དགག་བྱ་ཤིན་ཏུ་ཆེ་བར་སྣང་ནའང་། མན་ངག་འདི་དག་ལྷག་མ་མེད་པ་གཅིག་མ་ཤེས་ན། རྒྱུད་སྡེ་ཆེན་མོ་རྣམས་ཀྱི་དགོངས་པ་གྲུབ་ཆེན་གྱིས་བཀྲལ་བའི་བསྐྱེད་རྫོགས་ཀྱི་མན་ངག་མཆོག་ཏུ་གྱུར་པ་དག་ཉམས་སུ་ལེན་པ་ཙམ་གྱི་བཞག་ནས། ཆོས་སྐྱོང་གི་གཏོར་མ་དང་། གསོལ་འདེབས་ཙམ་གྱི་ལམ་བགྲོད་དུ་རེ་བ་མ་གཏོགས། བསྟན་བསྲུང་ཕུལ་དུ་བྱུང་བའི་ཁྱད་པར་འདོན་རྒྱུ་ཅི་ཡང་མེད་པར་བསྟན་པ་ལ་དགྲ་དང་། ཆོས་ལ་བར་ཆད་སྟོབས་ལྡན་བྱུང་བའི་ཚེ། ཆོས་སྐྱོང་གི་གོ་བླངས་བྱེད་དུ་རེ་བ་མ་གཏོགས་པ་ལས་ལ་སྦྱོར་བའི་འཕྲིན་ལས་བསྐུལ་ཐབས་ཁྱད་པར་ཅན་ལག་ལེན་ལ་འགེལ་ལུགས་ཅི་ཡང་མི་ཤེས་པར་བསྟན་བསྲུང་མིང་ཙམ་དུ་གྱུར་པ་འབའ་ཞིག་མཐོང་བ་རྣམས་ཀྱིས་ཡིད་ལེགས་པར་བསྐུལ་ཏེ་བསྟན་པ་འབའ་ཞིག་སྙིང་ཁོང་དུ་བཅུག་ནས། མགོན་པོ་འཁོར་བཅས་ལ་གསོལ་བ་ནན་ཆེར་བཏབ་པ་སྔོན་དུ་བཏང་བར་བྱས་ཤིང་། མན་ངག་ཡི་གེར་འཁོད་པ་ལ་འཕངས་པའི་བསམ་པ་མ་བྱས་པར་བེ་བུམ་ནག་པོའི་མན་ངག་གི་ཡི་གེ་ཐོར་བུ་ཚན་ཅན་ཡོད་པ་རྣམས་དཀྱུས་གཅིག་ཏུ་བསྒྲིགས་ནས། ལག་ལེན་བྱེད་ཚུལ་གསལ་ཞིང་གོ་བདེ་བར་བླ་མའི་ཞལ་ཤེས་ཁྱད་པར་ཅན་རྣམས་རང་རང་གི་སྐབས་སུ་སྦྱར་ཏེ་ཁོ་བོ་མཁས་གྲུབ་ཐམས་ཅད་མཁྱེན་པ་དགེ་ལེགས་དཔལ་བཟང་གིས་ཡི་གེར་བཀོད་པ་འདི་ལ་བླ་མ་མགོན་པོ་འཁོར་དང་བཅས་པས་བཟོད་པར་མཛད་ནས་བྱིན་གྱིས་བརླབ་ཏུ་གསོལ།། །།</span>

Revision as of 17:57, 28 January 2019








Resource ID SCv11p285
Title mkhas grub thams cad mkhyen pas mgon po'i skor legs par rtsad bcad cing dag ther legs par mdzad pa'i them yig
Topics Chadrupa
Sub-Topics Various
Associated Person Gelek Pelsang

མཁས་གྲུབ་ཐམས་ཅད་མཁྱེན་པས་མགོན་པོའི་སྐོར་ལེགས་པར་རྩད་བཅད་ཅིང་དག་ཐེར་ལེགས་པར་མཛད་པའི་ཐེམ་ཡིག་སོགས་བཞུགས་སོ།།

༼ཟི༽ ན་མོ་མ་ཧཱ་ཀཱ་ལ་ཡ།
རྡོ་རྗེ་ནག་པོ་ཆེན་པོ་ཡེ་ཤེས་ཀྱི་མགོན་པོ་ཕྱག་དྲུག་པ་བདུད་འདུལ་དུར་ཁྲོད་ཀྱི་བདག་པོ་ཆེན་པོ་ལ་ཕྱག་འཚལ་ལོ། །མགོན་པོ་འདིའི་གསང་བའི་མན་ངག་བེ་བུམ་དཀར་ནག་གཉིས་ལས། འདི་ནི་བེ་བུམ་ནག་པོ་དུག་ལྟ་བུའི་མན་ངག་ཆིག་བརྒྱུད་མ་ཡིན་པ་སྦྱིན་པའི་སྲོལ་མེད། ཤིན་ཏུ་གཅེས་པའི་སློབ་མ་སྙིང་དང་འདྲ་བ་གཅིག་ཁོ་ན་ལ་བཀའ་རྒྱས་དམ་དུ་གདམས་ཏེ་ཚོགས་ཀྱི་འཁོར་ལོ་དང་། གསེར་གྱི་མཎྜལ་ལ་སོགས་པའི་ངོར། ཡུན་རིང་དུ་སྣོད་ཀྱི་མཚན་ཉིད་བརྟགས་ཏེ་སྦྱིན་པར་བྱ་ཡི། དེ་ལས་གཞན་དུ་ཅི་རུང་རུང་ལ་མ་བརྟགས་པར་སྦྱིན་ན་མགོན་པོ་འཁོར་དང་བཅས་པས་སྙིང་ཁྲག་འཐུང་སྟེ། རང་གཞན་གཉིས་ཀ་རྡོ་རྗེ་དམྱལ་བར་ལྟུང་བར་གདོན་མི་ཟའོ། །དེ་ཡང་སྤྱིར་མགོན་པོ་འདིའི་མན་ངག་ཟབ་པ་དང་ཐུན་མོང་མ་ཡིན་པ་རྣམས་ལ་ཡི་གེ་མན་ངག་རེ་རེ་ལའང་ཚན་པ་ཁ་རེ་བྱས་པའི་ཡི་གེ་གཅིག་ལ་མན་ངག་གི་གནད་མ་ལུས་པ་ཚང་བ་ཆེར་མི་འདུག་ཅིང་། ཁྱད་པར་བེ་བུམ་ནག་པོ་འདི་ནི་ཡོད་པ་ཙམ་ཡང་མི་འདུག ཁོ་བོས་ཀྱང་མགོན་པོ་འདིའི་ཆོས་སྐོར་རྣམས་བླ་མ་ཁུངས་བཙུན་ཞིང་བརྒྱུད་པ་རྣམ་པར་དག་པ་མཆོག་ཏུ་གྱུར་པ་བཅུ་ཕྲག་ཙམ་ལ་གཏུགས་ནས། བླ་མ་དམ་པ་རྣམས་ལ་མངའ་བའི་གདམས་པ་མ་ལུས་པ་དགྱེས་བཞིན་དུ་སྩལ་བ་ཐམས་ཅད་ལེགས་པར་ཁོང་དུ་ཆུད་པར་བྱས་མོད་ཀྱི། བེ་བུམ་ནག་པོ་འདི་ཞལ་ཤེས་ཆ་ལག་དང་བཅས་པ་རྫོགས་པར་མངའ་བ་ནི་མཁས་གྲུབ་ཤངས་སྟོན་ཚུལ་ཁྲིམས་འབུམ་ལ། མགོན་པོ་རང་ཉིད་ཀྱིས་འདི་ལའང་ངའི་སྒྲུབ་སྐོར་མན་ངག་མ་ལུས་པར་བྱིན་ཅིག་ཅེས་དངོས་སུ་ལུང་བསྟན་ནས་རྗེས་སུ་བཟུང་བའི་མུས་ཆེན་རྒྱལ་མཚན་དཔལ་བཟང་པོ་ལས་དངོས་སུ་གསན་ཞིང་། དེ་ཉིད་ལས་སྲས་ཀྱི་ཐུ་བོ་གྲུབ་ཐོབ་རྡོ་རྗེ་གཞོན་ནུ་ལ་ཡང་ཤངས་པའི་ཆོས་སྐོར་མ་ལུས་པ་ལྷག་མ་མེད་པར་གསན་ནས་ཐུགས་ཉམས་སུ་བཞེས་པས། མངོན་པར་རྟོགས་པའི་ཡོན་ཏན་ཕུལ་དུ་བྱུང་བ་མངའ་ཞིང་། ཡེ་ཤེས་ཀྱི་མགོན་པོ་འདི་ཉིད་ཀྱིས་ཀྱང་དངོས་དང་རྨི་ལམ་དུ་ཡང་ཡང་བྱིན་གྱིས་རླབས་པའི་རྗེ་བཙུན་ནམ་མཁའ་རྒྱལ་མཚན་མུས་པ་ནམ་མཁའི་རྣལ་འབྱོར་པ་ཞེས་ཡོངས་སུ་གྲགས་པ་གཅིག་པུ་ལ་མངའ་ཡི། གཞན་ལ་མི་མང འོ། ཁོ་བོས་དབུས་སུ་སངས་རྒྱས་གཉན་སྟོན་གྱི་གདན་ས་རིམ་པར་བརྒྱུད་པ་ལས་འོངས་བའི་གདམས་པ་ཐོབ་པ་རྣམས་ཀྱི་ནང་ནས། བེ་བུམ་ནག་པོར་ཐ་སྙད་བྱས་པའི་འདིའི་ནང་གི་གདམས་ངག་ཐར་ཐོར་ཁ་ཡར་གཅིག་སྣང་ངོ་། །མཁས་གྲུབ་ཆོས་རྗེའི་གདན་ས་པ་བླ་མ་ཞང་ལས་བསམ་སྡིངས་པའི་ཆོས་སྐོར་མ་ལུས་པ་གསན་པའི་བླ་མ་ལམ་འབྲས་པ་ཆེན་པོ་ཡེ་ཤེས་དཔལ་བའི་ཞལ་སྔ་ནས་ ཁོ་བོས་བསམ་སྡིངས་པའི་ཆོས་སྐོར་མ་ལུས་པར་ཐོབ་པའི་མགོན་པོའི་གདམས་པ་ལ་ཡང་འདི་དག་མི་སྣང་ཞིང་། གཞན་ཡང་འགའ་རེ་མི་སྣང་ངོ་། །འཇག་པ་ནས་བརྒྱུད་པ་ཁོ་བོས་ཐོབ་པ་དང་། མཐོང་བ་རྣམས་ལ་མི་སྣང་ནའང་། འདི་རྫོགས་པ་ཤངས་སྟོན་གྱི་ཆིག་བརྒྱུད་མཛད་པ་ཡིན་ནམ་རྒྱུན་མ་ངེས་སོ། །ཆོས་སྡིངས་པ་དང་གནས་རྙིང་བའི་སྐོར་ནས་བརྒྱུད་པ་ཡོངས་སུ་རྫོགས་པར་ལན་འགའ་རེ་རྣམས་ལ་མི་སྣང་བ་ནི། ཆོས་སྡིངས་པའི་རྟོགས་ལྡན་བགྲེས་པོ་ཁ་ཡར་ལས་ཐོབ་པའི་གཏམ་ལས། མགོན་པོའི་བེ་བུམ་དཀར་ནག་ཁྲ་གསུམ་བྱ་བ་ཆིག་བརྒྱུད་མིན་པ་མི་བྱེད་པ་གཅིག་ཡོད་པ་ཆོས་རྗེ་གངས་པས་མགོན་ཁང་ན་བཞུགས་པའི་མགོན་པོའི་སྐུའི་ཐུགས་ཀར་བཅུག་ནས་དཔེས་རབས་ཆད་པ་ཡིན་ཞེས་ཟེར་རོ། །བེ་བུམ་ཁྲ་བོ་བྱ་བ་ཟུར་པ་གཅིག་ཡོད་པ་ཡིན་ན། དེ་ནི་བདག་གི་ཐོབ་པ་རྣམས་ལ་ཡང་མི་སྣང་ངོ་། །འདི་ལ་ཡི་གེ་ཐོར་བུ་མང་དུ་སྣང་ཞིང་། མན་ངག་རེ་རེ་བ་ཁ་སྦྱོར་དབྱེ་བ་ལྟ་བུ་དང་། གཏོར་མའི་བསད་ལས་ལྟ་བུ་དང་སེར་བ་དབབ་པ་ལྟ་བུ་ལ་སོགས་རེ་རེ་ལའང་ཡིག་ཆུང་ཚན་པ་མི་འདྲ་བ་མང་པོ་བྱས་ནས་རྟོགས་དཀའ་བར་འདུག་པ་དང་། ལག་ལེན་ལ་སྦྱོར་བ་ལ་མི་གསལ་བ་མང་རབ་སྣང་བས་ལག་ཏུ་ལེན་པ་དཀའ་བར་འདུག་པ་དང་། ཞལ་ཤེས་གལ་ཆེན་འགའ་རེ་སྣང་བ་མ་ཤེས་ན་ཡི་གེ་ཙམ་ཡོད་ཀྱང་དགོས་པ་ཅི་ཡང་མི་འགྲུབ་པར་འདུག་པ་དང་། སྤྱིར་འདི་དག་སྣོད་མིན་ལ་འཕེལ་ན་རང་གཞན་ལ་གནོད་པའི་དགག་བྱ་ཤིན་ཏུ་ཆེ་བར་སྣང་ནའང་། མན་ངག་འདི་དག་ལྷག་མ་མེད་པ་གཅིག་མ་ཤེས་ན། རྒྱུད་སྡེ་ཆེན་མོ་རྣམས་ཀྱི་དགོངས་པ་གྲུབ་ཆེན་གྱིས་བཀྲལ་བའི་བསྐྱེད་རྫོགས་ཀྱི་མན་ངག་མཆོག་ཏུ་གྱུར་པ་དག་ཉམས་སུ་ལེན་པ་ཙམ་གྱི་བཞག་ནས། ཆོས་སྐྱོང་གི་གཏོར་མ་དང་། གསོལ་འདེབས་ཙམ་གྱི་ལམ་བགྲོད་དུ་རེ་བ་མ་གཏོགས། བསྟན་བསྲུང་ཕུལ་དུ་བྱུང་བའི་ཁྱད་པར་འདོན་རྒྱུ་ཅི་ཡང་མེད་པར་བསྟན་པ་ལ་དགྲ་དང་། ཆོས་ལ་བར་ཆད་སྟོབས་ལྡན་བྱུང་བའི་ཚེ། ཆོས་སྐྱོང་གི་གོ་བླངས་བྱེད་དུ་རེ་བ་མ་གཏོགས་པ་ལས་ལ་སྦྱོར་བའི་འཕྲིན་ལས་བསྐུལ་ཐབས་ཁྱད་པར་ཅན་ལག་ལེན་ལ་འགེལ་ལུགས་ཅི་ཡང་མི་ཤེས་པར་བསྟན་བསྲུང་མིང་ཙམ་དུ་གྱུར་པ་འབའ་ཞིག་མཐོང་བ་རྣམས་ཀྱིས་ཡིད་ལེགས་པར་བསྐུལ་ཏེ་བསྟན་པ་འབའ་ཞིག་སྙིང་ཁོང་དུ་བཅུག་ནས། མགོན་པོ་འཁོར་བཅས་ལ་གསོལ་བ་ནན་ཆེར་བཏབ་པ་སྔོན་དུ་བཏང་བར་བྱས་ཤིང་། མན་ངག་ཡི་གེར་འཁོད་པ་ལ་འཕངས་པའི་བསམ་པ་མ་བྱས་པར་བེ་བུམ་ནག་པོའི་མན་ངག་གི་ཡི་གེ་ཐོར་བུ་ཚན་ཅན་ཡོད་པ་རྣམས་དཀྱུས་གཅིག་ཏུ་བསྒྲིགས་ནས། ལག་ལེན་བྱེད་ཚུལ་གསལ་ཞིང་གོ་བདེ་བར་བླ་མའི་ཞལ་ཤེས་ཁྱད་པར་ཅན་རྣམས་རང་རང་གི་སྐབས་སུ་སྦྱར་ཏེ་ཁོ་བོ་མཁས་གྲུབ་ཐམས་ཅད་མཁྱེན་པ་དགེ་ལེགས་དཔལ་བཟང་གིས་ཡི་གེར་བཀོད་པ་འདི་ལ་བླ་མ་མགོན་པོ་འཁོར་དང་བཅས་པས་བཟོད་པར་མཛད་ནས་བྱིན་གྱིས་བརླབ་ཏུ་གསོལ།། །།

Retrieved from "https://www.shanpafoundation-resourcecenter.net/index.php?title=Mkhas_grub_thams_cad_mkhyen_pas_mgon_po%27i_bskor_mdzad_pa%27i_them_yig&oldid=4837"
  • Powered by MediaWiki
  • Powered by Semantic MediaWiki