Myur mdzad ye shes kyi mgon po la tshogs mchod

Resource ID	KRK4
Title	myur mdzad ye shes kyi mgon po la tshogs mchod
Topics	Chadrupa
Sub-Topics	Ganapuja
Author	Kalu Dorjé Chang
Associated Person	Bokar Rinpoché

༄༅། །མྱུར་མཛད་ཡེ་ཤེས་ཀྱི་མགོན་པོ་ལ་ཚོགས་མཆོད་བཞུགས་སོ།།

།རྃ་ཡྃ་ཁྃ། ༀ་ཨཱཿཧཱུྃ།
།དཀོན་མཆོག་རྩ་གསུམ་ཀུན་འདུས་བྱིན་རླབས་གཏེར། །བླ་མ་ཡེ་ཤེས་མགོན་པོ་འཁོར་དང་བཅས། །དབྱིངས་ནས་སྐུར་བཞེངས་འདིར་གཤེགས་གདན་ལ་བཞུགས།
།ཕྱི་ནང་གསང་བའི་མཆོད་སྤྲིན་བསམ་ཡས་དང་། །ཞལ་ཟས་ཚོགས་ཀྱི་མཆོད་པ་འདི་ཕུལ་བས། །ཟག་མེད་བདེ་ཆེན་ངང་དུ་མཉེས་ཤིང་ཚིམ། ག་ན་ཙཀྲ་པཱུ་ཛ་ཁཱ་ཧི།
།ཐུགས་དམ་བསྐང་ཞིང་ཉམས་ཆགས་སྡིག་སྒྲིབ་བཤགས། །མཆོག་ཐུན་དངོས་གྲུབ་མ་ལུས་དུས་འདིར་རྩོལ། །གཟུང་འཛིན་འཁྲུལ་རྟོག་རང་རིག་ཀློང་དུ་བསྒྲལ། སརྦ་ཤཏྲཱུཾ་མ་ར་ཡ་ཕཊ།
།དག་ཉམས་བདེ་སྟོང་ཡེ་ཤེས་ཆེན་པོའི་ངང་། །སྲིད་ཞི་མཉམ་ཉིད་བདེ་བ་ཆེན་པོར་རོལ། ཨ་ལ་ལ་ཧོ།
མཐར་ལྷག་འབེབས། དེ་ནས།
།ཕུད་ལྷག་བདུད་རྩིའི་རྒྱ་མཚོར་གྱུར་པ་འདི། །འཇིག་རྟེན་ཚུལ་འཛིན་མགྲོན་རིགས་ཀུན་ལ་བསྔོ། །རྣལ་འབྱོར་སྐྱོང་ཞིང་བར་དུ་གཅོད་པ་ཟློག ཨུ་རྩིཀྲ་བ་ལིཾ་ཏ་ཁཱ་ཧི།
།དགེ་འདིས་ཕྱག་རྒྱ་ཆེན་པོའི་དོན་རྟོགས་ཏེ། །འགྲོ་བ་མ་ལུས་འདྲེན་པའི་དེད་དཔོན་ཤོག
།ཅེས་པའང་འབོ་དཀར་མཆོག་སྤྲུལ་རིན་པོ་ཆེས་བླ་མ་ཡེ་ཤེས་མགོན་པོ་ལ་བརྟེན་ནས་རང་གཞན་ཚོགས་བསགས་སྒྲིབ་སྦྱོང་ཆེད་ཚོགས་འབུམ་སོགས་གྲངས་མང་བསགས་བདེ་དགོས་ཚུལ་གྱིས་རྟེན་དང་ལྷ་རས་བཅས་བསྐུལ་ངོར་གང་དྲན་ཤར་མར་བྲིས་པ་ཀརྨ་རང་བྱུང་ཀུན་ཁྱབ་ནས་བསྨྲས་པ། བཀྲ་ཤིས།།