Difference between revisions of "Rje btsun mu tig phreng ba"
| (12 intermediate revisions by the same user not shown) | |||
| Line 3: | Line 3: | ||
|Tibetan Title=རྗེ་བཙུན་མུ་ཏིག་ཕྲེང་བ། | |Tibetan Title=རྗེ་བཙུན་མུ་ཏིག་ཕྲེང་བ། | ||
|Wylie Title=rje btsun mu tig phreng ba | |Wylie Title=rje btsun mu tig phreng ba | ||
| + | |Subject=Various | ||
| + | |SubTopics=Various by Niguma | ||
|Author=Niguma | |Author=Niguma | ||
| + | |Associated Person=Khyungpo Neljor | ||
| + | |BDRC link=[https://www.tbrc.org/#library_work_ViewByOutline-O01DG1049095202%7CW23922 BDRC W23922]<br/>[https://www.tbrc.org/#!rid=W3CN18508 BDRC W3CN18508 (v2p.468)]<br/>[http://purl.bdrc.io/resource/MW2PD20238_5A39B9 BUDA MW2PD20238] | ||
| + | |Notes=This text is included in [[rje btsun mu tig gi 'phreng ba'i zhal gdams kyi rim pa]] | ||
}} | }} | ||
| − | <span class="main_text">༄༅། །རྗེ་བཙུན་མུ་ཏིག་ཕྲེང་བ་བཞུགས་སོ།། <br /><br />བླ་མ་རྣམས་དང་ཡི་དམ་ལ། །ལུས་ངག་ཡིད་གསུམ་གུས་བཏུད་ནས། །ཡེ་ཤེས་མཁའ་འགྲོ་ནཻ་གུ་མའི། །ཞལ་གྱི་གདམས་པ་བྲི་བར་བྱ།<br />།དེ་ལ་རྗེ་བཙུན་མུ་ཏིག་ཕྲེང་བ་བསྒོམ་པར་འདོད་པས། །དབེན་པའི་གནས་སུ་འབོལ་བའི་གདན་ལ། །ལུས་རྣམ་སྣང་གི་ཆོས་བདུན་གྱིས་འདུག་སྟེ། །སེམས་བསྐྱེད་སྔོན་དུ་འགྲོ་བས། །རང་ཉིད་དཔལ་འཁོར་ལོ་སྡོམ་པར་སྐད་ཅིག་གིས་བསྐྱེད་ལ་རྩ་གསུམ་གསལ་བདབ་བོ། <br />དེ་ནས་གཡས་ར་ས་ནའི་མར། ཨཱ་ལི་བཅུ་དྲུག་སྟར་ལ་རྒྱུས་པ་ལྟར་དཀར་ཕྲེང་ངེ་བསམ། | + | <span class="main_text">༄༅། །རྗེ་བཙུན་མུ་ཏིག་ཕྲེང་བ་བཞུགས་སོ།། <br /><br />བླ་མ་རྣམས་དང་ཡི་དམ་ལ། །ལུས་ངག་ཡིད་གསུམ་གུས་བཏུད་ནས། །ཡེ་ཤེས་མཁའ་འགྲོ་ནཻ་གུ་མའི། །ཞལ་གྱི་གདམས་པ་བྲི་བར་བྱ།<br />།དེ་ལ་རྗེ་བཙུན་མུ་ཏིག་ཕྲེང་བ་བསྒོམ་པར་འདོད་པས། །དབེན་པའི་གནས་སུ་འབོལ་བའི་གདན་ལ། །ལུས་རྣམ་སྣང་གི་ཆོས་བདུན་གྱིས་འདུག་སྟེ། །སེམས་བསྐྱེད་སྔོན་དུ་འགྲོ་བས། །རང་ཉིད་དཔལ་འཁོར་ལོ་སྡོམ་པར་སྐད་ཅིག་གིས་བསྐྱེད་ལ་རྩ་གསུམ་གསལ་བདབ་བོ། <br />དེ་ནས་གཡས་ར་ས་ནའི་མར། ཨཱ་ལི་བཅུ་དྲུག་སྟར་ལ་རྒྱུས་པ་ལྟར་དཀར་ཕྲེང་ངེ་བསམ། གཡོན་ལ་ལཱ་ནའམ་ནང་ན་མར་ཀཱ་ལི་སུམ་བཅུ་རྩ་གཉིས་བྱེ་རུ་བཅག་པའི་མདོག་དམར་ཕྲེང་༼བྲེ་༽ངེ་བ་བསམ། དེ་གཉིས་འོད་ཀྱི་རང་བཞིན་དུ་རྩ་ནང་ན་མར་ཕྲིལ་ལི་ལི་སོང་བ་དང་། ལྟེ་བའི་འོག་རྩ་གསུམ་འདོམས་པའི་སར་སླེབས་པ་དང་། གཡས་གཡོན་གྱི་རྩ་གཉིས་པོའི་སྣ་ཨ་ཝ་དྷཱུ་ཏཱི་ཁ་དང་ངེ་ཡོད་པའི་ནང་དུ་ཡར་ཞབས་འཁྱོགས་ཏེ་ཚུད་པ་དང་། ཡིག་འབྲུ་རྣམས་རྩ་སྣ་གཉིས་ནས་ཨ་ཝ་དྷཱུ་ཏཱིའི་ནང་ན་ཡར་དཀར་དམར་དུ་ཕྲིལ་ལི་ལི་སོང་བས། ལྟེ་བ་སྤྲུལ་པའི་འཁོར་ལོ་ན། རྩ་རིན་པོ་ཆེའི་གཞལ་ཡས་ཁང་ཞེས་བྱ་བ། རྩ་མདུད་པ་གྲུ་གསུམ་ཡོད་པ་དེ་ཆོས་འབྱུང་གྲུ་གསུམ་ཕྱི་དཀར་ལ་ནང་དམར་བ་གཅིག་ཏུ་བསམ་ལ། དེ་ཡིག་འབྲུ་རྣམས་སྐྱིལ་བ་བཞིན་དུ་ཆོས་འབྱུང་གི་ནང་དུ་དཀར་དམར་ཁྱིལ་ལེ་འཁྱིལ་བས། ཡིག་འབྲུ་རྣམས་འོད་ཀྱི་རང་བཞིན་དུ་ལྟེམ་གྱིས་ཞུ་བ་དང་འོད་དེ་ལས་རྗེ་བཙུན་མ་རིམ་གྱིས་བསྐྱེད། དེ་ཡང་དང་པོ་ཞབས་ཀྱི་བོལ་གོང་མན། དེ་ནས་པུས་མོ། སྐེད་པ། མགྲིན་པ། དབུ་མན་རྫོགས་པར་བསྐྱེད། དེ་ཡང་ཞལ་གཅིག་ཕྱག་གཉིས་པ་སྐུ་མདོག་དམར་མོ། རུས་པའི་རྒྱན་ལྔས་སྤྲས་པ། སྤྱན་གསུམ་ཧྲིག་གེ་གཟིགས་པ། ཞལ་ཆེ་བ་གཙགས་ཤིང་བཞད་པ། ཐོད་པ་སྐམ་པོ་ལྔའི་དབུ་རྒྱན་ཅན། རློན་པ་ལྔ་བཅུའི་དོ་ཤལ་ཅན། གཡས་པ་རྡོ་གྲི་གུག་སོ་ནང་དུ་བསྟན་ནས་དཔུང་པའི་ཐད་ཀར་འཛིན་པ། གཅེར་བུ་སྐྲ་གྲོལ་བ། སྐུ་ཤ་རྒྱས་ཤིང་ནུ་མ་འབུར་བ་ཞབས་གཡས་བསྐུམ་གཡོན་བརྐྱངས་པས་ཆོས་འབྱུང་གི་ནང་དུ་གར་སྟབས་སུ་བཞུགས་ཤིང་། གཞོན་ནུ་ལང་ཚོ་དར་ལ་བབ་པ། མེ་དཔུང་འབར་བའི་གསེབ་ཏུ་བཞུགས་པ་གཅིག་ཏུ་བསམ། དེ་ནས་སྣང་ལ་རང་བཞིན་མེད་པ་མེ་ལོང་ནང་གི་གཟུགས་བརྙན་ལྟ་བུ་གསལ་སིང་ངེ་བ་དེ་ལ་དམིགས་ནས། སྔགས་གསུམ་སྦྲེལ་གྱི་ཨོཾ་གཉིས་བཞག་པའི་ཅི་ཙམ་ནུས་བཟླས་པར་བྱའོ། དེ་ལ་སྐྱོ་ན་རྗེ་བཙུན་མའི་ཕྱག་གཡས་པས་རྡོ་རྗེ་གྲི་གུག་དེ་ཇེ་དམའ་ཇེ་དམའ་ལ་ཕྱག་གཡོན་མའི་ཐོད་པའི་ནང་དུ་བཅུག་ནས། གྲི་གུག་གིས་ཐོད་པའི་བདུ་རྩི་དཀྲུགས་པས་ཐོད་པ་འདོ་དུ་ལྟེམ་གྱིས་ཞུ་སྟེ། གྲི་གུག་ལ་ཐིམ་པར་བསམ་མོ། གྲི་གུག་འོད་དུ་ཞུ་ནས་རྗེ་བཙུན་མ་ལ་ཐིམ། རྗེ་བཙུན་མ་འོད་དུ་ཞུ་སྟེ་འོད་ཀྱི་ཕུང་པོ་གཅིག་ཏུ་གྱུར་པ་དང་། འོད་དེ་མེ་ལོང་ལ་ཧ་བཏབ་པ་བཞིན་དུ་མཐའ་ནས་འདུས་ནས་དབུས་སུ་ཡལ་བ་དང་། དེའི་ངང་ལ་སྐྱེ་མེད་ཕྱག་རྒྱ་ཆེན་པོར་ལྷན་གྱིས་བཞག་གོ །དེ་ལ་ཇི་སྲིད་པ་དེ་སྲིད་བཞག་གོ །དེ་ལ་སྐྱོན་སྟོང་པའི་ངང་ལས་རང་ཉིད་ཡི་དམ་ལྷར་ལངས་ལ་སྤྱོད་ལམ་བྱ། རྗེས་ལ་དགེ་བ་བྱང་ཆུབ་ཏུ་བསྔོ་བར་བྱའོ། དེ་ལྟར་མ་ཆག་པར་ཉམས་སུ་བླངས་ན་ཕྱིའི་བར་ཆད་གདོན་བགེགས། ནང་གི་བར་ཆད་འདུ་བ་རྣམ་བཞི། གསང་བའི་བར་ཆད་འཁྲུལ་རྟོག་ཉོན་མོངས་པས་མི་ཚུགས་སོ། རང་གི་རྒྱུད་ལ་ཡོན་ཏན་གྱི་ཆོས་མ་སྐྱེས་པ་བསྐྱེད་པ་དང་། བསྐྱེད་པ་གནས་པ་དང་། གནས་པ་གོང་ནས་གོང་དུ་འཕེལ་བ་ལ་སོགས་པའི་ཡོན་ཏན་དཔག་ཏུ་མེད་པ་ཡོད་དོ། འདིའི་བསྙེན་པ་བྱེད་པར་འདོད་ན། སེམས་བསྐྱེད་ལ་ལྷ་སྔར་བཞིན་བསྒོམས་པ་ལ་དམིགས་ནས། སྔགས་གསུམ་ཕྲལ་ལ། ཨོཾ་སརྦ་བུདྡྷ་ལ་སུམ་བརྒྱ། བཛྲ་བཻ་རོ་ཙལ་སུམ་བརྒྱུ། བཛྲ་བཻ་རོ་ཙ་ན་ལ་སུམ་བརྒྱ་བཟླས་ཏེ་དགུ་བརྒྱ་སོང་བ་དང་། དེ་ནས་སྔགས་ཅིག་ཏུ་དྲིལ་ལ་ཨོཾ་གཉིས་བཞག་སྟེ། དེ་ལ་འབུམ་གྱི་བར་དུ་བཟླས་པར་བྱའོ། དེ་ལྟར་བྱས་ན་ཕན་ཡོན་དཔག་ཏུ་མེད་དོ། <br />ཇོ་བོ་མུ་ཏིག་ཕྲེང་བ་རྫོགས་སོ།།</span> |
Latest revision as of 10:50, 2 April 2024
| Resource ID | SCv8p730 |
|---|---|
| Title | rje btsun mu tig phreng ba |
| Topics | Various |
| Sub-Topics | Various by Niguma |
| Author | Niguma |
| Associated Person | Khyungpo Neljor |
| Link | BDRC W23922 BDRC W3CN18508 (v2p.468) BUDA MW2PD20238 |
| Notes | This text is included in rje btsun mu tig gi 'phreng ba'i zhal gdams kyi rim pa |
༄༅། །རྗེ་བཙུན་མུ་ཏིག་ཕྲེང་བ་བཞུགས་སོ།།
བླ་མ་རྣམས་དང་ཡི་དམ་ལ། །ལུས་ངག་ཡིད་གསུམ་གུས་བཏུད་ནས། །ཡེ་ཤེས་མཁའ་འགྲོ་ནཻ་གུ་མའི། །ཞལ་གྱི་གདམས་པ་བྲི་བར་བྱ།
།དེ་ལ་རྗེ་བཙུན་མུ་ཏིག་ཕྲེང་བ་བསྒོམ་པར་འདོད་པས། །དབེན་པའི་གནས་སུ་འབོལ་བའི་གདན་ལ། །ལུས་རྣམ་སྣང་གི་ཆོས་བདུན་གྱིས་འདུག་སྟེ། །སེམས་བསྐྱེད་སྔོན་དུ་འགྲོ་བས། །རང་ཉིད་དཔལ་འཁོར་ལོ་སྡོམ་པར་སྐད་ཅིག་གིས་བསྐྱེད་ལ་རྩ་གསུམ་གསལ་བདབ་བོ།
དེ་ནས་གཡས་ར་ས་ནའི་མར། ཨཱ་ལི་བཅུ་དྲུག་སྟར་ལ་རྒྱུས་པ་ལྟར་དཀར་ཕྲེང་ངེ་བསམ། གཡོན་ལ་ལཱ་ནའམ་ནང་ན་མར་ཀཱ་ལི་སུམ་བཅུ་རྩ་གཉིས་བྱེ་རུ་བཅག་པའི་མདོག་དམར་ཕྲེང་༼བྲེ་༽ངེ་བ་བསམ། དེ་གཉིས་འོད་ཀྱི་རང་བཞིན་དུ་རྩ་ནང་ན་མར་ཕྲིལ་ལི་ལི་སོང་བ་དང་། ལྟེ་བའི་འོག་རྩ་གསུམ་འདོམས་པའི་སར་སླེབས་པ་དང་། གཡས་གཡོན་གྱི་རྩ་གཉིས་པོའི་སྣ་ཨ་ཝ་དྷཱུ་ཏཱི་ཁ་དང་ངེ་ཡོད་པའི་ནང་དུ་ཡར་ཞབས་འཁྱོགས་ཏེ་ཚུད་པ་དང་། ཡིག་འབྲུ་རྣམས་རྩ་སྣ་གཉིས་ནས་ཨ་ཝ་དྷཱུ་ཏཱིའི་ནང་ན་ཡར་དཀར་དམར་དུ་ཕྲིལ་ལི་ལི་སོང་བས། ལྟེ་བ་སྤྲུལ་པའི་འཁོར་ལོ་ན། རྩ་རིན་པོ་ཆེའི་གཞལ་ཡས་ཁང་ཞེས་བྱ་བ། རྩ་མདུད་པ་གྲུ་གསུམ་ཡོད་པ་དེ་ཆོས་འབྱུང་གྲུ་གསུམ་ཕྱི་དཀར་ལ་ནང་དམར་བ་གཅིག་ཏུ་བསམ་ལ། དེ་ཡིག་འབྲུ་རྣམས་སྐྱིལ་བ་བཞིན་དུ་ཆོས་འབྱུང་གི་ནང་དུ་དཀར་དམར་ཁྱིལ་ལེ་འཁྱིལ་བས། ཡིག་འབྲུ་རྣམས་འོད་ཀྱི་རང་བཞིན་དུ་ལྟེམ་གྱིས་ཞུ་བ་དང་འོད་དེ་ལས་རྗེ་བཙུན་མ་རིམ་གྱིས་བསྐྱེད། དེ་ཡང་དང་པོ་ཞབས་ཀྱི་བོལ་གོང་མན། དེ་ནས་པུས་མོ། སྐེད་པ། མགྲིན་པ། དབུ་མན་རྫོགས་པར་བསྐྱེད། དེ་ཡང་ཞལ་གཅིག་ཕྱག་གཉིས་པ་སྐུ་མདོག་དམར་མོ། རུས་པའི་རྒྱན་ལྔས་སྤྲས་པ། སྤྱན་གསུམ་ཧྲིག་གེ་གཟིགས་པ། ཞལ་ཆེ་བ་གཙགས་ཤིང་བཞད་པ། ཐོད་པ་སྐམ་པོ་ལྔའི་དབུ་རྒྱན་ཅན། རློན་པ་ལྔ་བཅུའི་དོ་ཤལ་ཅན། གཡས་པ་རྡོ་གྲི་གུག་སོ་ནང་དུ་བསྟན་ནས་དཔུང་པའི་ཐད་ཀར་འཛིན་པ། གཅེར་བུ་སྐྲ་གྲོལ་བ། སྐུ་ཤ་རྒྱས་ཤིང་ནུ་མ་འབུར་བ་ཞབས་གཡས་བསྐུམ་གཡོན་བརྐྱངས་པས་ཆོས་འབྱུང་གི་ནང་དུ་གར་སྟབས་སུ་བཞུགས་ཤིང་། གཞོན་ནུ་ལང་ཚོ་དར་ལ་བབ་པ། མེ་དཔུང་འབར་བའི་གསེབ་ཏུ་བཞུགས་པ་གཅིག་ཏུ་བསམ། དེ་ནས་སྣང་ལ་རང་བཞིན་མེད་པ་མེ་ལོང་ནང་གི་གཟུགས་བརྙན་ལྟ་བུ་གསལ་སིང་ངེ་བ་དེ་ལ་དམིགས་ནས། སྔགས་གསུམ་སྦྲེལ་གྱི་ཨོཾ་གཉིས་བཞག་པའི་ཅི་ཙམ་ནུས་བཟླས་པར་བྱའོ། དེ་ལ་སྐྱོ་ན་རྗེ་བཙུན་མའི་ཕྱག་གཡས་པས་རྡོ་རྗེ་གྲི་གུག་དེ་ཇེ་དམའ་ཇེ་དམའ་ལ་ཕྱག་གཡོན་མའི་ཐོད་པའི་ནང་དུ་བཅུག་ནས། གྲི་གུག་གིས་ཐོད་པའི་བདུ་རྩི་དཀྲུགས་པས་ཐོད་པ་འདོ་དུ་ལྟེམ་གྱིས་ཞུ་སྟེ། གྲི་གུག་ལ་ཐིམ་པར་བསམ་མོ། གྲི་གུག་འོད་དུ་ཞུ་ནས་རྗེ་བཙུན་མ་ལ་ཐིམ། རྗེ་བཙུན་མ་འོད་དུ་ཞུ་སྟེ་འོད་ཀྱི་ཕུང་པོ་གཅིག་ཏུ་གྱུར་པ་དང་། འོད་དེ་མེ་ལོང་ལ་ཧ་བཏབ་པ་བཞིན་དུ་མཐའ་ནས་འདུས་ནས་དབུས་སུ་ཡལ་བ་དང་། དེའི་ངང་ལ་སྐྱེ་མེད་ཕྱག་རྒྱ་ཆེན་པོར་ལྷན་གྱིས་བཞག་གོ །དེ་ལ་ཇི་སྲིད་པ་དེ་སྲིད་བཞག་གོ །དེ་ལ་སྐྱོན་སྟོང་པའི་ངང་ལས་རང་ཉིད་ཡི་དམ་ལྷར་ལངས་ལ་སྤྱོད་ལམ་བྱ། རྗེས་ལ་དགེ་བ་བྱང་ཆུབ་ཏུ་བསྔོ་བར་བྱའོ། དེ་ལྟར་མ་ཆག་པར་ཉམས་སུ་བླངས་ན་ཕྱིའི་བར་ཆད་གདོན་བགེགས། ནང་གི་བར་ཆད་འདུ་བ་རྣམ་བཞི། གསང་བའི་བར་ཆད་འཁྲུལ་རྟོག་ཉོན་མོངས་པས་མི་ཚུགས་སོ། རང་གི་རྒྱུད་ལ་ཡོན་ཏན་གྱི་ཆོས་མ་སྐྱེས་པ་བསྐྱེད་པ་དང་། བསྐྱེད་པ་གནས་པ་དང་། གནས་པ་གོང་ནས་གོང་དུ་འཕེལ་བ་ལ་སོགས་པའི་ཡོན་ཏན་དཔག་ཏུ་མེད་པ་ཡོད་དོ། འདིའི་བསྙེན་པ་བྱེད་པར་འདོད་ན། སེམས་བསྐྱེད་ལ་ལྷ་སྔར་བཞིན་བསྒོམས་པ་ལ་དམིགས་ནས། སྔགས་གསུམ་ཕྲལ་ལ། ཨོཾ་སརྦ་བུདྡྷ་ལ་སུམ་བརྒྱ། བཛྲ་བཻ་རོ་ཙལ་སུམ་བརྒྱུ། བཛྲ་བཻ་རོ་ཙ་ན་ལ་སུམ་བརྒྱ་བཟླས་ཏེ་དགུ་བརྒྱ་སོང་བ་དང་། དེ་ནས་སྔགས་ཅིག་ཏུ་དྲིལ་ལ་ཨོཾ་གཉིས་བཞག་སྟེ། དེ་ལ་འབུམ་གྱི་བར་དུ་བཟླས་པར་བྱའོ། དེ་ལྟར་བྱས་ན་ཕན་ཡོན་དཔག་ཏུ་མེད་དོ།
ཇོ་བོ་མུ་ཏིག་ཕྲེང་བ་རྫོགས་སོ།།
This work is licensed under a Creative Commons Attribution-Non Commercial-ShareAlike 3.0 Unported License
