Rmi lam ngan pa bzlog thabs

Resource ID	SCv11p851
Title	rmi lam ngan pa bzlog thabs
Alt. title	rmi lam ngan pa bzlog pa'i thabs
Topics	Chadrupa
Sub-Topics	Reversal
Link	W23922 BDRC W3CN18508 (v3p.17) WA00KG09215 (p.332)
Notes	In "scroll 4". Version of rmi lam bzlog pa

༈ རྨི་ལམ་ངན་པ་བཟློག་ཐབས་བཞུགས་སོ།
༈ ༼ཇེ༽ མགོན་པོ་ལ་བརྟེན་ནས་རྨི་ལམ་ངན་པ་བཟློག་པའི་ཐབས་ལ། མཚན་མོ་རྨི་ལམ་ངན་པ་རྨིས་ན། གཉིད་སད་མ་ཐག་མདུན་དུ་གཏོར་མ་བཤམས། མདུན་གྱི་ནམ་མཁའ་མགོན་པོ་འཁོར་བཅས་བསྐྱེད། དེ་ལ་ཡེ་ཤེས་པ་སྤྱན་དྲངས་ལ་བསྟིམ་པས། བླ་མ་མགོན་པོ་དབྱེར་མེད་ལ། ཅེས་གསོལ་བ་དྲག་ཏུ་གདབ། བསྟོད་པ་བྱ། དེ་ནས་རྩ་སྔགས་ལ། སརྦ་བིགྷྣན་ཤ་ཏྲུཾ་མཱ་ར་ཡའི་སྤེལ་ཚིག་དང་བཅས་པའི་བཟླས་པ་ཅི་མང་བྱས་ཏེ། དེ་ནས་རང་གི་ཞལ་ནས་མགོན་པོའི་ཞལ་དང་། མགོན་པོའི་ལྟེ་བ་ནས་རང་གི་ལྟེ་བར་འཁོར་བའི་སྔགས་ཀྱི་འཕྲེང་བ་ལས་འོད་ཟེར་མེ་འོད་ལྟ་བུ་འཕྲོས་པས། རྨི་ལམ་ངན་པ་ཇི་ལྟར་རྨིས་པའི་རྣམ་པ་དེ་ལྟར་བསྒོམས་པས། དེ་རྣམས་བྱ་སྒྲོ་མེས་ཚིག་པ་ལྟར་ལྷག་མ་མེད་པར་ཆོམ་ཆོམ་བསྲེག་པར་བསམ་པ་ཡང་ཡང་བྱ། དེ་ནས་གཏོར་མ་བྱིན་རླབས་བྱེད་ན། རྨི་ལམ་ངན་པ་ཇི་ལྟར་རྨིས་བ་དེ་ཡང་། གཏོར་སྣོད་དུ་བཅུག་པར་མོས་ཏེ་བྱིན་གྱིས་བརླབས་པས། འོད་དམར་ཤིག་གེ་བར་སོང་བར་བསྒོམ་ཏེ། མགོན་པོ་འཁོར་བཅས་ཀྱི་ཞལ་ནས། འོད་ཀྱི་སྦུ་གུ་བྱུང་བ་གཏོར་མ་ལ་ཟུག་སྟེ། རྨི་ལམ་ངན་པ་དེང་དེ་སིབ་སིབ་གསོལ་བར་བསམ། དེ་ནས་འཕྲིན་ལས་ཀྱང་བཅོལ་ལོ།
།རྨི་ལམ་ཤིན་ཏུ་ངན་ན་ཉིན་མོའང་གཏོར་མ་བཅས་ལ་གསོལ་བ་བཏབ། བྱང་སྟོངས་སམ་གཏོར་མ་མི་འཛོམ་པའི་སར་རང་གི་མདུན་དུ་ཐོད་པར་དམིགས་པ་བསྐྱེད་ལ་འབུལ་གསུངས། འཛོམས་པའི་ས་འཛིན་གཏོར་སོགས་ཡོད་ཀྱང་གཏོར་ཆུང་བཤམས་པར་བྱའོ། །ཨྀཐིཿ