Gtso 'dus brgyud pa'i gsol 'debs dngos grub char 'bebs

From Shangpa Resource Center








Resource ID Tar2
Title gtso 'dus brgyud pa'i gsol 'debs dngos grub char 'bebs
Topics Lineage prayer
Author Jetsün Taranatha
Link BDRC W1KG5786 v20 p236
Notes See Ni gu'i bla brgyud kha skong

༄༅། །གཙོ་འདུས་བརྒྱུད་པའི་གསོལ་འདེབས་དངོས་གྲུབ་ཆར་འབེབས་བཞུགས།

རྡོར་འཆང་ནཻ་གུ་ཁྱུང་པོ་ རྨོག་ཅོག་པ། །སྐྱེར་སྒང་གཉན་སྟོན་སངས་སྟོན་ཤངས་སྟོན་པ། །ཚུལ་མགོན་རས་ཆེན་ཤངས་དཀར་སྐྱུད་ལུང་པ། །ནམ་རྒྱལ་རྒྱ་སྒོམ་རྗེ་ལ་གསོལ་བ་འདེབས།
གྲོལ་མཆོག་ལྷར་གྲགས་ཀུན་རྒྱལ་སྒྲོལ་བའི་མགོན། །ཀུན་མཚོན་བྱམས་མགོན་ལྷུན་བློ་འཇམ་པའི་དབྱངས། །གྲགས་པ་བློས་སྟོབས་འཇིགས་མེད་རྣམ་པར་རྒྱལ། །ཆོས་འཕེལ་རྒྱ་མཚོའི་སྡེ་ལ་གསོལ་བ་འདེབས།
།སྐུ་གསུང་ཐུགས་ཡོན་འཕྲིན་ལས་འདུས་པའི་དཔལ། །བདེ་ཀྱཻ་འཇིགས་གསང་མཧཱ་མ་ཡ་སོགས། །གཙོ་མཆོག་ལྔ་པའི་དཀྱིལ་འཁོར་ལྷ་ཚོགས་ལ། །རབ་གུས་གསོལ་འདེབས་མཆོག་ཐུན་དངོས་གྲུབ་སྩོལ།
།གཏུམ་མོའི་བདེ་དྲོད་སྒྱུ་མའི་རང་ཉམས་དང་། །རྨི་ལམ་རང་ཟིན་རྩོལ་མེད་འོད་གསལ་ཤར། །འཕོ་མེད་ལེགས་རྟོགས་བར་དོ་དང་པོ་ལ། །རང་སེམས་ལོངས་སྐུར་འཆར་བར་བྱིན་གྱིས་རློབས།
།འདིའི་ཐོག་མཐའི་ཤོ་ལོ་ཀ་གཉིས་པོ་ནི་རྗེ་གྲོལ་མཆོག་གི་རྡོ་རྗེའི་ལྗགས་ཀྱིས་སྩལ་བ་དངོས་ཡིན་ལ། བར་གྱིས་ཁ་བསྐང་གི་ཤོ་ལོ་ཀ་ཟུང་ནི་དྷརྨ་ཝཱརྟའི་གནང་བའོ། །དགེ་ལེགས་འཕེལ།
སྐྱབས་འགྲོ་ནི།
སངས་རྒྱས་ཆོས་དང་དགེ་འདུན་ནི། །བླ་མ་ཡི་དམ་མཁའ་འགྲོ་དང་། ཁྲོ་བོ་ཆོས་སྐྱོང་བཅས་པ་ལ། །བདག་ནི་གུས་པས་སྐྱབས་སུ་མཆི། །ལན་གསུམ།
སེམས་བསྐྱེད་ནི།
ཀྱཻ་མ་སེས་ཅན་སྡུག་བསྔལ་ཆིང་། །ཀུན་རྟོག་ལ་ནི་མངོན་པར་ཞེན། །དེ་ཡི་རྟོག་པ་གཞོམ་ཕྱིར་བདག །དཔལ་ལྡན་ཧེ་རུ་ཀར་བསྒོམ་བྱ། །ལན་གསུམ།
ཡེ་ཤེས་ལྔ་ནི།
སྔོན་པོ་མི་བསྐྱོད་པ། ལྗང་གུ་དོན་ཡོད་གྲུབ་པ། དཀར་པོ་རྣམ་པར་སྣང་མཛད། སེར་པོ་རིན་ཆེན་འབྱུང་ལྡན། དམར་པོ་སྣང་བ་མཐའ་ཡས་སོ།