Difference between revisions of "Rgyud sde lnga'i dkyil 'khor chen por dbang bskur mtshams sbyor snang ba'i go 'byed"

Latest revision as of 17:40, 23 November 2021

Resource ID	SCv5p721
Title	shangs lugs rgyud sde lnga'i dkyil 'khor chen por dbang bskur ba'i mtshams sbyor snang ba'i go 'byed
Topics	Five Tantra Classes
Sub-Topics	Mandala ritual
Author	Jamgön Kongtrül Lodrö Thayé
Link	BDRC W23922 BDRC W23605

༄༅། །ཤངས་ལུགས་རྒྱུད་སྡེ་ལྔའི་དཀྱིལ་འཁོར་ཆེན་པོར་དབང་བསྐུར་བའི་མཚམས་སྦྱོར་སྣང་བའི་གོ་འབྱེད་ཅེས་བྱ་བ་བཞུགས་སོ།།

ན་མོ་གུ་རུ་པཉྩ་ཏནྟྲ་སེ་ན་ཛྙཱ་ན་ནཱ་ཐ་ཡེ།
མཐར་ཐུག་སྟོན་པ་རྣམ་ལྔའི་དཀྱིལ་འཁོར་དང་། །མྱུར་མཛད་ཡེ་ཤེས་མགོན་པོའི་བྱིན་རླབས་ཀྱིས། །གྲུབ་པ་གཉིས་སྩོལ་འདི་ཕྱིའི་བར་ཆད་སོལ། །ཟབ་གསལ་བསྟན་པ་རྒྱས་པའི་དགེ་ལེགས་སྩོལ།
།རྗེ་བཙུན་ཆེན་པོ་ཏཱ་ར་ནཱ་ཐས་མཛད་པའི་སྒྲུབ་དཀྱིལ་ལ་ཁོ་བོས་གསལ་བྱེད་ཞབས་འདེགས་ཞུས་པ་ལ་བརྟེན་ནས་དབང་བསྐུར་བའི་ཚེ། ཐོག་མར་སྒྲུབ་དཀྱིལ་དེ་ཉིད་ལས་ཞིབ་པར་བརྟགས་ཏེ་བཤམ་བཀོད། འདོན་འགྲིགས། ལག་ལེན་སོགས་ཤིན་ཏུ་ངེས་པར་བྱས་ན་དེ་ལས་གསལ་བར་སྨོས་མ་དགོས། སྒྲུབ་གནས་རྙིང་པ་དང་རས་བྲིས་ཀྱི་དཀྱིལ་འཁོར་སྐབས་ས་ཆོག་མི་དགོས། ཐོག་མར་བརྒྱུད་འདེབས་རྣམས་དང་། སྔོན་འགྲོ་ཕྱོགས་སྐྱོང་དང་། གནས་བདག་ཡུལ་བདག་གཏོར་མ་བཏང་། གནས་ཁང་དང་མཆོད་རྫས་བྱིན་བརླབ། སྒྲུབ་ཐབས་ལྟར་སྐྱབས་འགྲོ་ནས་བརྩམས་ཏེ་བདག་བསྐྱེད། བཟླས་པ་ཉེར་བསྡུ། ཐུན་མཚམས་ཀྱི་ལྷར་ལྡང་བའི་བར་རྫོགས་པར་བཏང་། དེ་ནས་སྟ་གོན་ལ་འཇུག་པས་ཆོག་ཀྱང་། སྲུང་བའི་དོན་དུ་སྤྱི་དང་མཐུན་པར་ཕུར་གདབ་སྤྲོ་ན་ས་བཟུང་བའི་སྐབས་སུ་འབྱུང་བ་ལྟར། བདག་ཉིད་ཀྱི་ལུས་ཀྱི་དཀྱིལ་འཁོར་དང་སོགས་ནས་བགེགས་གཏོར་བཏང་། ཧཱུྃ་དཀྱིལ་འཁོར་ཆེན་པོའི་སོགས་ཀྱིས་བཀའ་བསྒོས་ལ། ཕུར་གདབ་རྫོགས་པར་བྱ། དེ་ནས་སའི་ལྷ་མོ་ལྷག་གནས། ལྷ་ལྷག་གནས། བུམ་པ་ལྷག་གནས་བཅས་གྲུབ་ནས། སློབ་མ་ལྷག་གནས་བྱ་སྟེ། སློབ་མ་རྣམས་སྒོ་དྲུང་དུ་འདུས་ཏེ་ལས་བུམ་ཆུས་ཁྲུས་བྱ། གྲལ་དུ་འཁོད་པ་ལ་མེ་ཏོག་བཀྲམ་བསྡུ་བྱས་ལ་སྟ་གོན་གྱི་ཆོས་བཅུ་འདུན་ལས།
དང་པོ་ཐུན་མོང་གི་བསླབ་བྱ་བཤད་པ་ནི།
མཁའ་ཁྱབ་ཀྱི་སེམས་ཅན་ཐམས་ཅད་ཀྱི་དོན་དུ་སྐུ་བཞི་ཡེ་ཤེས་ལྔའི་བདག་ཉིད་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་བྱ། དེའི་ཆེད་དུ་རྒྱུད་སྡེ་ལྔའི་དཀྱིལ་འཁོར་ཆེན་པོར་སྨིན་བྱེད་ཀྱི་དབང་བསྐུར་བ་ཞུས་ཏེ་གྲོལ་བྱེད་རིམ་པ་གཉིས་ཀྱི་རྣལ་འབྱོར་ཟབ་མོ་མཐར་ཕྱིན་པར་བགྱིའོ་སྙམ་དུ་བྱང་ཆུབ་མཆོག་ཏུ་སེམས་བསྐྱེད་པ་དང་། ཆོས་གསན་པའི་ཀུན་སྤྱོད་དང་ཀུན་སློང་རྣམ་པར་དག་པ་མདོ་རྒྱུད་རྣམས་ལས་ཇི་སྐད་གསུངས་པ་བཞིན་ལེགས་པར་གསལ་བཏབ་ནས་གསན་འཚལ། དེའང་འོ་སྐོལ་རྣམས་དལ་འབྱོར་གྱི་ཆོས་བཅོ་བརྒྱད་དང་ལྡན་པའི་མི་ལུས་རིན་པོ་ཆེ་རྙེད་པར་དཀའ་བ་ཐོབ་ཀྱང་འདུས་བྱས་ཐམས་ཅད་མི་རྟག་པའི་རང་བཞིན་ཡིན་པས་འཆི་བ་ནམ་འོང་ཆ་མེད། ཤི་བའི་འོག་ཏུ་རྣམ་ཤེས་ལས་ཀྱི་རྗེས་སུ་འབྲང་བས་དགེ་སྡིག་གི་བླང་དོར་མ་ནོར་བ་ལ་འབད་རྩོལ་བྱ་དགོས། འཁོར་བའི་གནས་རིས་མཐོ་དམན་གང་དུ་སྐྱེས་ཀྱང་སྡུག་བསྔལ་གསུམ་གྱི་རང་བཞིན་ལས་མ་འདས་ཤིང་ཐོག་མ་མེད་པ་ནས་འཁོར་བར་འཁྱམས། སླར་ཡང་མཐའ་མེད་པའི་འཁོར་བའི་སྡུག་བསྔལ་མྱོང་དགོས་ལ་ངེས་འབྱུང་གི་བློ་ཤུགས་དྲག་པོར་བསྐྱེད་ནས་ཐར་པའི་ལམ་ལ་འཇུག་དགོས། ཐར་པའི་ལམ་བཟང་པོ་ནི་ཕྱི་རོལ་མུ་སྟེགས་པ་སོགས་གྲུབ་མཐའ་ངན་པ་གཞན་ལ་མེད། ནང་པ་སངས་རྒྱས་ཁོ་ན་ལ་ཡོད་པས་དཀོན་མཆོག་གསུམ་ལ་སྐྱབས་སུ་འགྲོ་བ་རྩ་བར་བཟུང་ནས་སངས་རྒྱས་ཀྱི་བསྟན་པ་རིན་པོ་ཆེ་ལ་འཇུག་དགོས། དེའང་བདག་ཅག་གི་སྟོན་པ་ཐུགས་རྗེ་དང་བཀའ་དྲིན་ཚད་མ་མཆིས་པ་མཉམ་མེད་ཤཱཀྱའི་དབང་པོ་འདི་ཉིད་ཀྱིས་ཐོག་མར་འདྲེན་པ་གཞན་གྱིས་སྤངས་པའི་རྩོད་ལྡན་སྙིགས་མའི་འགྲོ་བ་རྣམས་ལ་དགོངས་ནས་བྱང་ཆུབ་མཆོག་ཏུ་ཐུགས་བསྐྱེད་པའང་སངས་རྒྱས་གཞན་ལས་ཁྱད་པར་དུ་འཕགས་པ་མཛད། བར་དུ་བསྐལ་པ་གྲངས་མེད་པ་གསུམ་དུ་ཚོགས་བསགས་བསམ་གྱིས་མི་ཁྱབ་པས་ས་བཅུ་དང་ལམ་ལྔ་མཐར་ཕྱིན་ནས་རྩོད་ལྡན་ཚེ་ལོ་བརྒྱ་པའི་དུས་སུ་མ་ག་དྷ་རྡོ་རྗེའི་གདན་དུ་མངོན་པར་རྫོགས་པའི་སངས་རྒྱས་པའི་ཚུལ་བསྟན་ཏེ་ཆོས་ཀྱི་འཁོར་ལོ་བསམ་གྱིས་མི་ཁྱབ་པར་བསྐོར་བ་རྣམས་ལ་ཉན་ཐོས་ཀྱི་ལུགས་སུ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་དུ་གྲགས། དེ་དག་ཀྱང་གདུལ་བྱའི་དབང་པོ་དམན་འབྲིང་། མཆོག་གི་དབང་དུ་བྱས་ནས་སྡེ་སྣོད་གསུམ་དུ་བསྡུ། དེའང་ཐེག་པ་ཆེ་ཆུང་གཉིས་སུ་དབྱེ་བ་ལས་ཐེག་དམན་ལས་ཁྱད་པར་དུ་མས་འཕགས་པ་ཐེག་པ་ཆེན་པོ་བྱང་ཆུབ་སེམས་ཀྱི་ཐེག་པས་ཁྱད་པར་དུ་བྱས་པ་ཡིན། དེ་ལའང་རྒྱུ་ལམ་དུ་བྱས་པ་མཚན་ཉིད་ཀྱི་ཐེག་པ་དང་། འབྲས་བུ་ལམ་དུ་བྱས་པ་གསང་སྔགས་རྡོ་རྗེ་ཐེག་པ་གཉིས་སུ་དབྱེ་བ་ལས། གསང་སྔགས་རྡོ་རྗེ་ཐེག་པ་ནི་སངས་རྒྱས་འདི་ཉིད་ཀྱི་ཐུགས་བསྐྱེད་ཀྱི་སྟོབས་ཀྱིས་བསྟན་པ་འདི་ཁོ་ན་ལ་བྱོན་པ་ལས་འདས་པའི་སངས་རྒྱས་རྣམས་ཀྱིས་ཀྱང་མ་གསུངས། མ་འོངས་པའི་སངས་རྒྱས་རྣམས་ཀྱིས་ཀྱང་གསུང་བར་མི་འགྱུར་བས་ཨུ་དུམྦ་ར་ལྟར་དཀོན་ཅིང་གྲོལ་བ་བཞི་དང་ལྡན་པས་གསང་སྔགས་ཀྱི་སྒོར་ཞུགས་པ་ནི་ཤིན་ཏུ་སྐལ་པ་བཟང་པོ་དང་ལྡན་པ་ཡིན། གསང་སྔགས་ཉིད་སྡེ་སྣོད་གསུམ་པོ་སྤྱི་ཁྱབ་ཡིན་པར་བཞེད་པ་དང་། ཁྱད་པར་ཅན་དུ་བྱས་པ་སོགས་མཆིས་ཀྱང་དཔུང་བཟང་གིས་ཞུས་པ་ལས།
ལྷ་དང་ལྷ་མིན་མི་ལ་ཕན་གདགས་ཕྱིར། །གསང་སྔགས་རིག་སྔགས་རྣམ་པ་སྣ་ཚོགས་དང་། །བྱེ་བ་ཕྲག་གསུམ་དང་ནི་འབུམ་ཕྲག་ལྔ། །རིག་འཛིན་སྡེ་སྣོད་བཤད་པར་རྒྱལ་བས་གསུངས། །ཞེས་དང་།
སློབ་དཔོན་སངས་རྒྱས་གསང་བས། །སངས་རྒྱས་མཆོག་གིས་ཆོས་གསུངས་པ། །མདོ་སྡེ་འདུལ་བ་མངོན་པ་དང་། །རིག་པ་འཛིན་པའི་སྡེ་བཞིར་གནས།
།ཞེས་གསུངས་ཤིང་སློབ་དཔོན་གཞན་གྱིས་ཀྱང་དེ་ལྟར་བསྟན་པ་མང་བས་རིག་པ་འཛིན་པའི་སྡེ་སྣོད་ཅེས་ཁྱད་པར་དུ་འཕགས་པའི་སྡེ་སྣོད་བཞི་པར་བཞག་པ་ལ་ནང་གསེས་ཀྱིས་དབྱེ་བ་གཉིས་ནས་བདུན་གྱི་བར་དུ་བཞག་པ་སོགས་རྣམ་གྲངས་མང་ཡང་སྦྱོང་གཞི་དུས་བཞི། མི་རིགས་བཞི། འདོད་ཆགས་བཞི། དབང་པོ་བཞི་སོགས་བཞི་ཚན་རྣམས་ལ་དགོངས་ནས་རྒྱུད་སྡེ་བཞིར་དབྱེ་བ་ནི་གྲགས་ཆེ་སྟེ།
རྡོ་རྗེ་གུར་ལས། དམན་པ་རྣམས་ལ་བྱ་བའི་རྒྱུད། །བྱ་མིན་རྣལ་འབྱོར་དེ་ལྟག་ལའོ། །སེམས་ཅན་མཆོག་ལ་རྣལ་འབྱོར་རྒྱུད། །རྣལ་འབྱོར་བླ་མེད་དེ་ལྟག་ལའོ།
།ཞེས་སོགས་རྒྱུད་སྡེ་གཞན་ལའང་རྒྱ་ཆེར་འབྱུང་བ་ལྟར་བྱ་སྤྱོད་རྣལ་འབྱོར་བླ་མེད་ཀྱི་རིམ་པར་བཞུགས་པ་རྣམས་ཀྱི་མཆོག་ཏུ་གྱུར་པ་རྣལ་འབྱོར་བླ་མེད་ཀྱི་རྒྱུད་ལ་ཐབས་གཙོ་བོར་སྟོན་པ་ཕའི་རྒྱུད་དང་ཤེས་རབ་གཙོ་བོར་སྟོན་པ་མའི་རྒྱུད་གཉིས་སུ་དབྱེ་བ་ལས་འདིར་སྐབས་སུ་བབ་པ་རྒྱུད་སྡེ་ལྔའི་དཀྱིལ་འཁོར་ཆེན་པོ་འདི་ནི་མཁས་གྲུབ་ཁྱུང་པོ་རྣལ་འབྱོར་དེ་ཉིད་དགུང་གྲངས་ལྔ་བཅུ་བར་རྒྱ་གར་འཕགས་པའི་ཡུལ་དུ་ཕེབས་ཏེ་རྡོ་རྗེ་འཆང་དངོས་ཀྱིས་རྗེས་སུ་བཟུང་བའི་ཡེ་ཤེས་ཀྱི་མཁའ་འགྲོ་རྣམ་པ་གཉིས་དང་། མཁས་གྲུབ་བརྒྱ་དང་ལྔ་བཅུ་ཞབས་པད་བསྟེན་ཏེ་རིག་པའི་གནས་དང་མདོ་རྒྱུད་མན་ངག་ཀུན་ལ་མཁས་པར་སྦྱངས་པས་བཤད་པ་དང་རྩོད་པ་དང་སྒྲུབ་པའི་ལམ་རིམ་གྱི་བཀའ་བབས། གྲུབ་པའི་གོ་འཕང་མཐོན་པོར་གཤེགས། ཁྱད་པར་གཏུམ་མོ་སྟོན་པའི་མཐར་ཐུག །དགྱེས་རྡོར་མཚོན་ཆ་དང་ཐོད་པ་ཅན་ལྷ་དགུས་བསྐོར་བ་གྲུབ་ཆེན་ཌོམྦི་པ་དང་མཚོ་སྐྱེས་ཞབས་ཀྱི་ལུགས། ལས་རྒྱ་སྟོན་པའི་མཐར་ཐུག་བདེ་མཆོག་ལྷ་དྲུག་ཅུ་རྩ་གཉིས་པ་ལཱུ་ཧི་པའི་ལུགས། སྒྱུ་མ་རྨི་ལམ་སྟོན་པའི་མཐར་ཐུག་མ་ཧཱ་མ་ཡ་ལྷ་ལྔ་པ་ཀུ་ཀུ་རི་པའི་ལུགས། འོད་གསལ་སྟོན་པའི་མཐར་ཐུག་གསང་འདུས་མི་བསྐྱོད་རྡོ་རྗེ་ལྷ་སོ་གསུམ་པ་འཕགས་པ་ཡབ་སྲས་ཀྱི་ལུགས། མངོན་སྤྱོད་སྟོན་པའི་མཐར་ཐུག་རྡོ་རྗེ་འཇིགས་བྱེད་ཆེན་པོ་ལྷ་བཅུ་གསུམ་པ་ལ་ལི་ཏ་བཛྲའི་ལུགས་རྣམས་བརྒྱུད་པ་སོ་སོ་ལས་གསན་མོད་ཀྱི་འདིར་དེ་རྣམས་གཅིག་ཏུ་དྲིལ་བའི་བློས་བཏགས་ཀྱིས་དཀྱིལ་འཁོར་གཅིག་ཏུ་མཛད་པ་མ་ཡིན་ཏེ། བཅོམ་ལྡན་འདས་ཐུབ་པའི་དབང་པོས་དཔལ་ལྡན་འབྲས་སྤུངས་ཀྱི་མཆོད་རྟེན་ཆེན་པོར་དུས་འཁོར་རྩ་བའི་རྒྱུད་གསུང་པའི་སྐབས་བདེ་དགྱེས་སོགས་ཀྱི་རྩ་བའི་རྒྱུད་སྡེ་ཐམས་ཅད་སླར་ཡང་བསྟན་པ་དང་། རྒྱུད་སྡེ་གཞན་ཡང་མང་དུ་གསུངས་པའི་ནང་ཚན་རིན་ཆེན་རྒྱ་མཚོ་ཞེས་བྱ་བའི་རྒྱུད་སྡེ་ཆེན་པོ་ལས་རྒྱུད་སྡེ་ལྔ་པོ་འདི་དཀྱིལ་འཁོར་གཅིག་ཏུ་སྒྲུབ་པའི་ཚུལ་གསལ་བར་བསྟན་པའི་རྒྱུད་དེ་ཉིད་ཁྱབ་བདག་རྡོ་རྗེ་འཆང་། རྡོ་རྗེ་སྙིང་པོ། ཡེ་ཤེས་ཀྱི་མཁའ་འགྲོ་མ། ཨིནྡྲ་བྷུ་ཏི། ལྷ་ལྕམ་དཔལ་མོ། ས་མནྟ་བཛྲ། ཛ་ཡ་དེ་བ་ལས་རྡོ་རྗེ་གདན་པ་བར་པ། པུཎྱ་ཀ་རས་གསན་པ་ནི་རིང་བརྒྱུད་དང་། རྡོ་རྗེ་འཆང་། བློ་གྲོས་རིན་ཆེན། ཤ་བ་རི་པ། མངའ་བདག་མཻ་ཏྲི་པ། དྷ་བྱང་ཆུབ་སེམས་དཔའ་ལས་རྡོ་རྗེ་གདན་པ་བར་པས་གསན་པ་ནི་ཉེ་བརྒྱུད་དང་། རྡོ་རྗེ་འཆང་། གྲུབ་པའི་དཔའ་བོ། རཏྣ་ཀ་ར། ཨཱརྱ་བཛྲ། གྲུབ་ཆེན་རཱ་ཧུ་ལས་གསན་པ་ནི་ཤིན་ཏུ་ཉེ་བརྒྱུད་དེ། མཁས་གྲུབ་དེ་གཉིས་ལས་ཁྱུང་པོ་རྣལ་འབྱོར་གྱིས་སྨིན་གྲོལ་རྫོགས་པར་གསན། རྒྱུད་ཆེན་འདི་འཕགས་ཡུལ་གྱི་མཁས་གྲུབ་གཞན་ལ་མ་གྲགས་ཤིང་བོད་དུའང་མ་འགྱུར། འདི་རིགས་གཞན་དུའང་མང་བར་ཡོད་པར་སྣང་བས་བོད་དུ་འགྱུར་བའི་གསུང་རབ་ཉུང་ཤས་ལ་བརྟེན་ནས་མདོ་རྒྱུད་ཀྱི་རིགས་དག་མ་དག་གི་ཁ་ཚོན་བཅད་པ་ནི་ནམ་མཁའ་འདོམས་འཇལ་བའི་དཔེར་སྣང་ངོ་། །མཁས་གྲུབ་ཁྱུང་པོས་རྨོག་ལྕོག་པ་ལ་གནང་སྟེ་དབོན་སྟོན་སྐྱེར་སྒང་པ་སོགས་ནས་རིམ་པར་བརྒྱུད་ད་ལྟའི་བར་དུ་བརྒྱུད་པ་ཟམ་མ་ཆད་པར་བྱོན་པའི་དཀྱིལ་འཁོར་ཆེན་པོ་འདིའི་དབང་བསྐུར་བ་བསྒྲུབ་པར་བགྱི་བ་ལ་སློབ་མ་ལྷག་པར་གནས་པ་དང་དབང་བསྐུར་དངོས་གཞི་གཉིས་སུ་ཡོད་པ་ལས་དེ་རིང་གི་སྐབས་སུ་སྟ་གོན་གྱི་ཆོས་རྣམས་བསྒྲུབ་པར་བགྱི་བ་ཡིན། དེ་ལ་སློབ་དཔོན་གྱི་བྱ་བ་རྣམས་སྔོན་ཏུ་གྲུབ། ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལྷག་གནས་ཀྱི་ཆོས་རྣམས་ཞུ་བའི་ཡོན་དུ་དམིགས་ཏེ་ཞིང་ཁམས་འབུལ་བར་ཞུ། ཞེས་མཎྜལ་འབུལ་དུ་གཞུག །དེ་ནས་དཀྱིལ་ཆོག་ལྟར། སྡོམ་པ་གསུམ་ལ་གནས་པར་བྱ། སོགས་ནས། དེ་རྣམས་ཀྱི་བསམ་པ་རྣམ་དག་བསྐྱེད་དགོས་སོ། །ཞེས་གདམས།
གཉིས་པ་སྤྲོ་བར་བསྐྱེད་པ་ནི། སྔགས་ཀྱི་དངོས་གྲུབ་དོན་གཉེར་གང་། །སོགས་ནས། འདི་འབྲས་འགྲུབ། །ཅེས་གསུངས་ཏེ། སྔགས་ཀྱི་དངོས་གྲུབ་རྡོ་རྗེ་འཛིན་པའི་ཡེ་ཤེས་དོན་དུ་གཉེར་བདག་དཀྱིལ་འཁོར་ཆེན་པོར་གཞུག་པར་བྱའི། ཚེ་འདིའི་བདེ་སྐྱིད་དང་ཕྱི་མ་ལྷའི་གོ་འཕང་དང་། རང་དོན་ཏུ་ཉན་རང་གི་བྱང་ཆུབ་འདོད་པ་རྣམས་ནི་མ་ཡིན་ཏེ། དེ་དག་ནི་དཀྱིལ་འཁོར་དུ་འཇུག་པ་ལ་མ་ལྟོས་པར་ཐབ་དམན་པ་གཞན་ལ་བརྟེན་ནས་བསྒྲུབ་ཏུ་ཡོད་པའི་ཕྱིར་རོ། །དེ་བས་ན་བདག་གཞན་ཐམས་ཅད་སྲིད་ཞིའི་ཕ་རོལ་ཏུ་སོན་པའི་མི་གནས་པའི་མྱ་ངན་ལས་འདས་པ་དོན་ཏུ་གཉེར་བའི་དད་པ་ཅན་བློ་གྲོས་དང་ལྡན་པ་དག་དཀྱིལ་འཁོར་ཆེན་པོར་གཞུག་པར་བྱ་སྟེ། ཚེ་འདིའི་བདེ་འབྲས་དོན་ཏུ་གཉེར་བས་ཞུགས་ན་ཕ་རོལ་གྱི་དོན་མི་འགྲུབ་ཅིང་། གཞན་དོན་ཏུ་མི་གནས་པའི་མྱ་ངན་ལས་འདས་པ་ཐམས་ཅད་མཁྱེན་པའི་སངས་རྒྱས་ལ་དམིགས་ཏེ་ཞུགས་ན་རང་གཞན་གཉིས་ཀའི་དོན་བདེ་བླག་ཏུ་འགྲུབ་པ་ཡིན། ཞེས་གསུངས་པ་ལགས་པས་དོན་ཐུགས་ལ་ངེས་པར་ཞུ།
གསུམ་པ་གསོལ་བ་བཏབ་པ་ནི། སྙིམས་པ་མེ་ཏོག་དང་བཅས་པའི་ཐལ་མོ་སྦྱོར་ལ་འདིའི་རྗེས་ཟློས་ལན་གསུམ་མཛོད། དགའ་ཆེན་ཁྱོད་བདག་སྟོན་པ་སྟེ། སོགས་གསུམ།
བཞི་པ་སྤྲོ་བ་བསྐྱེད་པ་ནི། ཁྱེད་རྣམས་ཁྱད་པར་ཅན་གྱི་ལམ་ཟབ་མོ་རྡོ་རྗེ་ཐེག་པ་ལ་དོན་གཉེར་གྱི་བློ་སྐྱེས་པ་དེ་ཤིན་ཏུ་ལེགས་པ་ཡིན་ནོ། །ཞེས་ཤེས་པའི་ཆེད་དུ་སྤྲོ་བ་བསྐྱེད་པ་འདི་ལ་གསན་པས་ཁྱབ་པར་གདའ། བུ་ཚུར་ཐེག་པ་ནས། བློ་གྲོས་འདི་གྱིས་ཤིག །ཅེས་དང་།
ལྔ་པ་རྟོག་པ་བསྡུ་བ་ནི། རྟོག་པ་ཐམས་ཅད་ནས། བྱིན་མི་རློབ། ཅེས་གསུངས་པས་དབང་གི་ཚིག་རྣ་བ་གཏད་དེ་མི་ཉན་པ་དང་། དོན་ཇི་བཞིན་ཏུ་འཛིན་པར་མི་བྱེད་པ་རྣམས་སྣོད་མིན་སྤངས་བྱར་གསུངས་ཤིང་། དེ་ལྟ་བུ་ལ་དབང་རྫོགས་པར་བསྐུར་ཡང་དབང་དོན་གྱི་ཡེ་ཤེས་ཇི་བཞིན་སྐྱེ་བར་མི་འགྱུར་བས་རྩེ་གཅིག་ཏུ་དད་པས་ཉན་ཅིང་ནན་ཏན་དུ་འཛིན་པར་བྱ་དགོས་སོ།
།དྲུག་པ་སྡོམ་གསུམ་བསྟེན་པ་ནི། དཀོན་མཆོག་ཀུན་འདུས་ཀྱི་བདག་ཉིད་སློབ་དཔོན་གཙོ་བོར་གཞུགས་པའི་དཀྱིལ་འཁོར་ལྷ་ཚོགས་རྣམས་ཀྱི་སྤྱན་སྔར་བདག་གཞན་ནམ་མཁའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་བྱང་ཆུབ་སྙིང་པོ་ལ་མཆིས་ཀྱི་བར་དུ་སྒོ་གསུམ་གུས་པ་ཆེན་པོས་སྐྱབས་སུ་འགྲོ་བ་དང་། སོ་སོར་ཐར་པའི་འདུལ་བ། བྱང་ཆུབ་སེམས་དཔའི་བསླབ་བྱ། རིག་འཛིན་སྔགས་ཀྱི་དམ་ཚིག་རྣམས་ཚུལ་བཞིན་ཏུ་བསྲུང་ཞིང་གཞན་ལ་ཕན་པར་བགྱིད་དོ་སྙམ་པས་འདིའི་རྗེས་ཟློས། བཅོམ་ལྡན་དཀྱིལ་འཁོར་དེས་གསུངས་ཆོས། །སོགས་ནས། སྟོན་པར་བགྱི། ཞེས་ལན་གསུམ།
བདུན་པ་ཡན་ལག་བདུན་པ་བྱ་བ་ནི། ཁྱེད་རང་རྣམས་ཀྱི་མདུན་གྱི་ནམ་མཁར་བླ་མ་དང་གཉིས་སུ་མེད་པའི་བཅོམ་ལྡན་འདས་རྒྱུད་སྡེ་ལྔའི་དཀྱིལ་འཁོར་ལ་དཀོན་མཆོག་གསུམ་དང་རྩ་བ་གསུམ་གྱི་ལྷ་ཚོགས་སྤྲིན་གཏིབས་པ་ལྟ་བུས་བསྐོར་ཏེ་བཞུགས་པའི་སྤྱན་སྔར་བདག་གཞན་སེམས་ཅན་ཐམས་ཅད་ཀྱིས་འཁོར་བ་ཐོག་མ་མེད་པ་ནས་བསགས་པའི་སྡིག་པ་བཤགས་ཤིང་། འཁོར་འདས་ཀུན་གྱི་དགེ་བ་ལ་ཡི་རང་བ་དང་། ཆོས་ཀྱི་འཁོར་ལོ་བསྐོར་བར་བསྐུལ་བ་དང་། རྡོ་རྗེ་ཐེག་པའི་དཀོན་མཆོག་གསུམ་ལ་སྐྱབས་འགྲོ་བ་དང་། སྨོན་འཇུག་བྱང་ཆུབ་མཆོག་ཏུ་སེམས་བསྐྱེད་པ་དང་། དགེ་རྩ་བྱང་ཆུབ་ཆེན་པོར་བསྔོ་ཞིང་ལུས་འབུལ་བ་བཅས་ཡན་ལག་བདུན་པ་ཚུལ་བཞིན་བགྱིའོ། སྙམ་པས་འདིའི་རྗེས་ཟློས། བདག་གིས་སྡིག་པ་བགྱིས་པ་དང་། །སོགས་སྒྲུབ་ཐབས་དབུ་ནས་འབྱུང་བ་ལྟར་ལ། ཁྱོད་ཀྱི་སྐུ་གསུམ་འགྲུབ་པར་ཤོག །བར་ལན་གསུམ།
བརྒྱད་པ་དྲིས་ལེན་ནི། དེ་བཞིན་གཤེགས་པ་ཐམས་ཅད་ཀྱི། །སོགས་ནས། ཁྱོད་འདོད་དམ། ཞེས་དྲིས་པའི་ལན་བཏབ་པ་འདིའི་རྗེས་ཟློས། དེ་བཞིན་གཤེགས་པ་སོགས་ནས། བདག་ཉིད་ཆེན་པོ་བདག་འཚལ་ལོ། །ཞེས་ལན་བཏབ།
དགུ་པ་སྡོམ་པ་བསྒྲགས་པ་ནི། རྡོ་རྗེ་ཐེག་པའི་རྩ་བ་དམ་ཚིག་དང་སྡོམ་པ་ལ་རག་ལས་པས་ཤིན་ཏུ་གལ་ཆེ་བས་སྲུང་སྡོམ་བྱ་དགོས་པ་ནི་འདི་དག་ཡིན་ནོ་ཞེས་བསྒྲགས་པ་འདི་ལ་གསན་འཚལ། སངས་རྒྱས་ཆོས་དང་དགེ་འདུན་ཏེ། །སོགས་ནས། ཡང་དག་བཤད། བར་ལན་གསུམ།
བཅུ་པ་སྡོམ་པ་བཟུང་བ་ནི། ཇི་སྐད་གསུངས་པའི་དམ་ཚིག་དང་སྡོམ་པ་རྣམས་ལེགས་པར་བླངས་ནས་ཚུལ་བཞིན་ཏུ་བསྲུང་སྙམ་པས་འདིའི་རྗེས་ཟློས། སློབ་དཔོན་འདིར་ནི་སོགས་དང་། ཇི་ལྟར་དུས་གསུམ་མགོན་པོ་སོགས་སྒྲུབ་ཐབས་ནས་འབྱུང་བ་ལྟར་ལན་གསུམ་རྗེས་ཟློས་བྱ།
བཅུ་གཅིག་པ་གནས་གསུམ་བྱིན་རླབས་ནི། སློབ་མ་སྐད་ཅིག་གིས་རྡོ་རྗེ་སེམས་དཔའི་སྐུར་གྱུར་པའི་དཔྲལ་བར་ཟླ་བ་ལ་ཨོཾ་ལས་འཁོར་ལོར་ཨོཾ་གྱིས་མཚན་པ་ལས་སྐུ་རྡོ་རྗེ་སྐུ་མདོག་དཀར་པོ་འཁོར་ལོ་དང་དྲིལ་བུ་འཛིན་པ། མགྲིན་པར་སྣ་ཚོགས་པདྨ་ལ་ཨ་ལས་པདྨ་དམར་པོ་ཨཱཿས་མཚན་པ་ལས་གསུང་རྡོ་རྗེ་སྐུ་མདོག་དམར་པོ་པདྨ་དང་དྲིལ་བུ་འཛིན་པ། སྙིང་གར་ཉི་མའི་དཀྱིལ་འཁོར་ལ་ཧཱུྃ་ལས་རྡོ་རྗེར་ཧཱུྃ་གིས་མཚན་པ་ལས་ཐུགས་རྡོ་རྗེ་སྐུ་མདོག་མཐིང་ཁ་རྡོ་རྗེ་དང་དྲིལ་བུ་འཛིན་པ་རྣམས་སུ་གྱུར། སློབ་མའི་གནས་གསུམ་དུ་བདུད་རྩི་ལྔ་དང་དྲི་བཟང་སྦྱར་བའི་ཐིག་ལེ་བྱ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། སངས་རྒྱས་བྱང་སེམས་ཐམས་ཅད་སྐུ་གསུང་ཐུགས་རྡོ་རྗེའི་རྣམ་པར་སྤྱན་དྲངས་སློབ་མའི་གནས་གསུམ་དུ་ཐིམ་པར་གྱུར། ཉེར་སྤྱོད་ལྔ། ཨོཾ་ཨཱཿཧཱུྃ་ལན་གསུམ་གྱིས་བྱིན་བརླབས། དེ་ལྟར་བྱས་པས་ཁྱེད་རང་རྣམས་ཀྱི་ལུས་ངག་ཡིད་གསུམ་གདོད་མ་ནས་རྡོ་རྗེ་གསུམ་གྱི་ངོ་བོར་གནས་པ་དེ་ཆོ་ག་འདིས་ངོ་འཕྲོད་ཅིང་དེ་གསལ་བར་བྱས་པ་ཡིན། དེ་ལྟར་སེམས་བསྐྱེད་ཅིང་སྒོ་གསུམ་ལྷར་བྱས་མ་ཐག་པ་དེ་མཆོད་ཡུལ་དུ་བཟུང་བ་ཡིན། མེ་ཏོག་དབུ་ལ་ཕུལ་ནས་མཆོད་པ་མཛོད། ཨོཾ་བཛྲ་པུཥྤེ་ཨཱཿཧཱུྃ། བདུག་སྤོས་ཤངས་ལ༴ དྷཱུ་པེ། མར་མེ་སྤྱན་ལམ་དུ༴ ཨཱ་ལོ་ཀེ༴ དྲིའི་བྱུགས་པ་ཐུགས་ཀར༴ གནྡྷེ༴ ཞལ་ཟས་ལྗགས་ལ༴ ནཻ་ཝི་དྱ་ཨཱཿཧཱུྃ། ཞེས་པས་མཆོད་པ་ནི་ལུས་ངག་ཡིད་གསུམ་ལྷར་ཤེས་པའི་སྒོ་ནས་འདོད་ཡོན་ལ་མ་ཆགས་པར་ལོངས་སྤྱོད་ཅིག་ཅེས་པའི་དོན་ཡིན་ནོ། །དུས་འདི་ནས་ནི་བཟུང་ནས་སུ། །འཁོར་བའི་ཉེས་པས་མ་གོས་པར། །མཆོད་པ་ཀུན་དང་ལྡན་པ་ཡི། །དུས་ཀུན་དུ་ནི་དགེ་བར་མནོས། །ཞེས་བརྗོད། ཁྱེད་རང་རྣམས་ཀྱིས་རང་གི་གནས་གསུམ་གྱི་རྡོ་རྗེ་གསུམ་ལ་གསོལ་བ་འདེབས་པ་འདིའི་རྗེས་ཟློས། ཨོཾ་སྐུ་ཡི་རྡོ་རྗེ་སྐུ་ཡི་མཆོག །ཡེ་ཤེས་དང་ལྡན་གཏི་མུག་སེལ། །བཅོམ་ལྡན་གཙོ་བོ་སྐུ་རྡོ་རྗེ། །སྐུ་ཡི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། སྐུ་རྡོ་རྗེ་སློབ་མའི་ལུས་ལ་ཐིམ་པས། ལུས་སྐུའི་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཀ་ཡ་བཛྲ་སྭཱ་བྷཱ་ཝ་ཨཏྨ་ཀོ྅ཧཾ། ཞེས་ང་རྒྱལ་ཟིན་དུ་གཞུག །དེ་བཞིན་དུ། གསུང་གི་རྡོ་རྗེ་གསུང་གི་མཆོག །སོ་སོར་རྟོག་པས་འདོད་ཆགས་འཇོམས། །བཅོམ་ལྡན་གཙོ་བོ་གསུང་རྡོ་རྗེ། །གསུང་གི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། གསུང་རྡོ་རྗེ་སློབ་མའི་ངག་ལ་ཐིམ་པས། ངག་གསུང་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཝཱ་ཀ་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ། དེ་བཞིན་དུ། ཐུགས་ཀྱི་རྡོ་རྗེ་ཐུགས་དམ་བསྐུལ། །དག་པའི་རང་བཞིན་ཞེ་སྡང་སྦྱོང་། །བཅོམ་ལྡན་གཙོ་བོ་ཐུགས་རྡོ་རྗེ། །ཐུགས་ཀའི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། ཐུགས་རྡོ་རྗེ་སློབ་མའི་ཡིད་ལ་ཐིམ་པས། ཡིད་ཐུགས་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཙི་ཏྟ་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་སུ་པྲ་ཏིཥྛ་བཛྲེ་སྭཱ་ཧཱ། ཞེས་མེ་ཏོག་འཐོར་ཅིང་བརྟན་པར་ཡང་བྱའོ།
།བཅུ་གཉིས་པ་སོ་ཤིང་དོར་བ་ནི། བ་བྱུང་གིས་བྱུགས་པའི་མཎྜལ་ཐིག་བཞིས་ལེའུ་ཚེ་དགུར་བགོས་པ་ཞིག་བྱས་ལ། བྱང་ཆུབ་ཀྱི་ཤིང་དུ་མོས་པའི་སོ་ཤིང་ཨཱ་ཁཾ་ཝཱི་ར་ཧཱུྃ་ཞེས་བརྗོད་པས་སློབ་མའི་ལག་ཏུ་གཏད་ལ། འཆའ་བའི་ཚུལ་བགྱིས་པས་སྡིག་སྒྲིབ་ཐམས་ཅད་སྐྱུགས་པར་བསམ་ལ་སྔགས་འདིའི་རྗེས་ཟློས་དང་བཅས་ཏེ། སོ་ཤིང་གི་རྭ་བར་དོར་ཞིག །ཨོཾ་ཨཱཿཁཾ་ཝཱི་ར་ཧཱུྃ། ཞེས་འདོར་དུ་གཞུག །དེ་ལྟར་འདོར་བའི་ལྟས་ཀྱི་མཚན་མ་བཤད་པ་ནི། སྤྱི་རྒྱུད་ལས། དེ་ཚེ་བདག་ལ་ལྟ་བ་དང་། །རྩེ་མོ་གྱེན་དུ་འགྲེང་གྱུར་ན། །དེ་ནི་དངོས་གྲུབ་མཆོག་ཅེས་བྱ། །དེ་བཞིན་ཤར་དུ་ཁ་བལྟས་ན། །དེ་ནི་དངོས་གྲུབ་འབྲིང་དུ་བཤད། །མཚམས་དང་བྱང་དུ་ཁ་བལྟས་ན། །འཇིག་རྟེན་པ་ཡི་དངོས་གྲུབ་འགྲུབ། །སོ་ཤིང་དོར་བ་བརྒྱ་ལམ་ཞིག །གལ་ཏེ་ཐུར་དུ་ཁ་བལྟས་ན། །དེ་ནི་ངེས་པར་ས་འོག་གི །དངོས་གྲུབ་དེ་ནི་ཐེ་ཚོམ་མེད། །ཅེས་གསུངས་པ་ལྟར་རོ། །དེས་ནི་གནས་སྐབས་སུ་སྡིག་སྒྲིབ་འདག་ཅིང་དངོས་གྲུབ་ཀྱི་མཚན་ལྟས་ཤེས་པ་དང་མཐར་ཐུག་འཚང་རྒྱ་བའི་ཚེ་བྱང་ཆུབ་ཀྱི་ཤིང་རྩོལ་མེད་དུ་འབྱུང་བའི་རྟེན་འབྲེལ་བསྒྲིགས་པ་ཡིན་ནོ།
།བཅུ་གསུམ་པ་སྲུང་སྐུད་གདགས་པ་ནི། སྲུང་སྐུད་ཁ་དོག་ལྔ་ལྡན་ཁྲུ་གང་བར་མདུད་པ་གསུམ་བཏབ་ལ། ཧཱུྃ་ལས་བྱུང་བའི་སྲུང་སྐུད་མདུད་པ་གསུམ་ལ་ཨོཾ་ཨཱཿཧཱུྃ་ཡོངས་སུ་གྱུར་པ་ལས། སྐུ་གསུང་ཐུགས་རྡོ་རྗེའི་ལྷ་གསུམ། སློབ་དཔོན་གྱི་སྙིང་གའི་ཧཱུྃ་ལས་འོད་འཕྲོས། སངས་རྒྱས་ཐམས་ཅད་ཀྱི་ཐུགས་ཀ་ནས། ཡེ་ཤེས་ཀྱི་སྲད་བུ་རྡོ་རྗེ་གསུམ་དང་བཅས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ ལྷ་གསུམ་ཞུ་བ་ལས་མདུད་པའི་རྣམ་པར་གྱུར། སྐྱེས་པའི་དཔུང་པ་གཡོན་དང་། བུད་མེད་ཀྱི་གཡས་སུ་བཅིངས། འདིའི་གནས་སྐབས་ཀྱི་དགོས་པ་ཁམས་བྱང་ཆུབ་ཀྱི་སེམས་འཕོ་བའི་བར་ཆད་མཐའ་དག་བསྲུང་བ་དང་། མཐར་ཐུག་གི་དགོས་པ་སྐུ་གསུང་ཐུགས་རྡོ་རྗེའི་རང་བཞིན་ཏུ་སངས་རྒྱས་ནས་བདུད་ཀྱིས་མི་ཚུགས་པའོ། །ཞེས་བརྗོད།
བཅུ་བཞི་པ་ཁྱོར་ཆུ་སྦྱིན་པ་ནི། དྲི་བཟང་དང་སྦྱར་བའི་ཆུ་འདི་ཉིད་ཕྱག་གཡས་གཡོན་གང་རུང་གི་ཁྱོར་བར་ཟད་དེ་ཞལ་དུ་བཞེས་ཏེ་ཕྱིར་འཕོ་བས་ངག་གི་ཉེས་སྒྲིབ་ཐམས་ཅད་བྱང་ཞིང་དག་པར་གྱུར་པའི་མོས་པ་མཛོད། ཅེས་པའི་མཐར། ཨོཾ་ཧྲཱིཿབི་ཤུདྡྷ་དྷརྨ་སརྦ་པཱ་པཾ་ནི་ཤྩ་ཨ་སྱ་ཤོ་དྷ་ཡ་སརྦ་བི་ཀལྤཱ་ན་ཨ་པཱ་ན་ཡ་ཧཱུྃ། ཞེས་ལན་གསུམ་གྱིས་ཁྱོར་ཆུ་སྦྱིན། དེས་ནི་གནས་སྐབས་ཀྱི་དགོས་པ་ཁ་དག་པ། ངག་སྒྲིབ་སྦྱོང་བ། རྨི་ལམ་གསལ་པོར་འབྱུང་བ་གསུམ་དང་། མཐར་ཐུག་གི་དགོས་པ་རང་ཉིད་འཚང་རྒྱ་བའི་ཚེ་ན་སྐུ་གསུང་ཐུགས་ཀྱི་དག་པ་གསུམ་འཐོབ་པའོ།
།བཅོ་ལྔ་པ་ཀུ་ཤ་སྦྱིན་པ་ནི། དྷཱིཿལས་བྱུང་བའི་ཀུ་ཤ། ཨོཾ་ཨཱཿབཛྲ་དྷྲིཀ་ཧཱུྃ་ཞེས། ལག་པ་གཡས་སུ་བྱིན་ཏེ་སྔས་ཀྱི་དོན་དང་། ཧཱ་ལས་བྱུང་བའི་ཀུ་ཤ་ཨཱཿཁཾ་ཝཱི་ར་ཧཱུྃ་ཞེས། ལག་པ་གཡོན་དུ་སྦྱིན་ཏེ་སྟན་གྱི་དོན་ཏུ་ཟུང་ཞིག །འདིའི་གནས་སྐབས་ཀྱི་དགོས་པ་ཀུ་ཤ་འདི་དག་བྱེད་ཀྱི་རྩ་གཙང་ཞིང་དགེ་བ་ཡིན་པས་རྨི་ལམ་མི་འཁྲུག་པ་དང་བར་ཆད་ཐམས་ཅད་སྲུང་། མ་འོངས་པར་རང་ཉིད་འཚང་རྒྱ་བའི་ཚེ་ཀུ་ཤའི་གདན་རྩོལ་མེད་དུ་འབྱུང་བའི་རྟེན་འབྲེལ་བསྒྲིགས་པའོ།
།བཅུ་དྲུག་པ་ཆོས་བཤད་པ་ནི། དེ་ནས་ཕྱིར་མི་ལྡོག་པ་ཟབ་མོའི་ཆོས་བཤད་པ་ནི། རྒྱུད་ལས་གསུངས་པ་འདི་ལ་གསན་པས་ཁྱབ་པར་གདའ། འཇིག་རྟེན་ཏུ་ནི་སོགས་བརྗོད་ལ་མཐར། ཞེས་གསུངས་པའི་དོན་ཐུགས་ལ་ངེས་པས་གསང་སྔགས་ཀྱི་ཐེག་པ་རྙེད་དཀའ་ཞིང་། རྙེད་ན་ཕན་ཡོན་ཆེན་པོ་དང་ལྡན་པ་དང་། དེ་ལྟར་རྙེད་པ་ལ་སྤྲོ་བ་རྒྱ་ཆེན་པོ་བསྐྱེད་མཛོད།
བཅུ་བདུན་པ་གཟིང་བསྟོད་པ་ནི། ནངས་པར་དཀྱིལ་འཁོར་ཆེན་པོ་མཐོང་བར་འགྱུར་པས་དགའ་བ་རྒྱ་ཆེན་པོ་གྱིས་ལ། ཀུ་ཤའི་གདན་ལ་སེང་གེའི་ཉལ་སྟབས་དང་དགེ་བའི་སེམས་ཀྱིས་ཉོལ་ཤིག །རྨི་ལམ་ཅི་མཐོང་བ་དེ་ཡང་ནངས་པར་ང་ལ་ལེགས་པར་སྨྲོས་ཤིག །ཅེས་བརྗོད་ལ་སློབ་མ་རྣམས་རང་གནས་སུ་བཏང་ངོ་།
གསུམ་པ་ལྷག་གནས་མཇུག་གི་བྱ་བ་ནི། སྟ་གོན་གྱི་དཀྱིལ་འཁོར་ནམ་མཁར་འདེགས་པའི་སྔགས་རྒྱ་སོགས་དང་མཆོད་བསྟོད་གསོལ་གདབ་བཅས་དཀྱིལ་ཆོག་ལྟར་བྱའོ།
།དེ་ནས་ཚོམ་བུ་སོགས་བསྡུས་ལ་རས་བྲིས་ཀྱི་དཀྱིལ་འཁོར་བཀྲམ། དཀྱིལ་འཁོར་ལྔ་པའི་དབུས་སུ་མཉྫའི་སྟེང་དུ་སྔར་སྟ་གོན་བྱས་པའི་བུམ་པ་ལྔ་པོ་ཕྱོགས་མ་ནོར་བ་དགོད། གཙོ་བུམ་ཁར་དུང་ཆུ་གཟུངས་རྡོར་བཅས་དང་། ལས་བུམ་བྱང་དུ་བཞག །དབང་ཆས་གཞན་གང་བདེར་བཞག་ཆོག་ཀྱང་ཀར་ལུགས་ཕྱག་བཞེས་ལྟར་ན་དཀྱིལ་འཁོར་གྱི་ལྷོར་དབུ་རྒྱན། ནུབ་ཏུ་རྡོ་རྗེ། བྱང་དུ་དྲིལ་བུ། མདུན་དུ་རྡོར་དྲིལ་ལྷན་ཅིག་བཅིངས་པ་རྣམས་དང་། ཁ་ཊྭཱཾ་ག་ལ་ཌར་དྲིལ་བཏགས་པ། གྲི་གུག་ཐོད་པ་དངོས་སམ་ཙཀླི། གསང་དབང་ཐོད་ཆང་། རིག་ཙཀ་རྣམས་ཀྱང་ཅི་བདེར་བཞག །རྒྱབ་ཕྱོགས་སུ་འབུལ་གཏོར་ལྔ་ཚོམ། སྲུང་མའི་གཏོར་འབུལ་བཅས་བཀོད། གཞུང་གསལ་ཕྱོགས་མཚམས་བརྒྱད་དུ་རྒྱལ་མཚན་བརྒྱད་དང་མཆོད་པའི་བུམ་པ་བརྒྱད་ཀྱང་དེ་མཉམ་བཀྲམ། མཆོད་པ་ལྷ་ལྟ་གོན་སྐབས་བཤད་པ་ལྟར་དགོས་པས་ཆུ་བཞིའི་སྣོད་དུང་ཞལ་སོགས་བཞི་མདུན་ངོས་སུ་བཞག །མེ་ཏོག །སྤོས། མར་མེ། དྲི་ཆབ། ཞལ་ཟསབཅས་ཉེར་སྤྱོད་ལྔ་ཚར་སུམ་ཅུ་སོ་བདུན་གྱིས་དཀྱིལ་འཁོར་གྱི་མཐའ་བསྐོར། རྗེས་གནང་ཆས། མིག་ཐུར། མེ་ལོང་། དྲིལ་བུ། མདའ་གཞུ། འཁོར་ལོ། དུང་། པུ་སྟི་རྣམས་ཀྱང་སྣོད་གཅིག་ཏུ་ལོགས་གང་བདེར་བཞག །གཞན་ཡང་སྔོན་འགྲོ་གཏོར་མ། ཕྱི་རོལ་གཏོར་མ། ཚོགས་ཀྱི་ཡོ་བྱད། དཀྱིལ་འཁོར་གྱི་མདུན་དུ་ནང་མཆོད་བདུད་རྩི་བཤམ། སྒྲུབ་དཀྱིལ་ལ་དགོས་པའི་ཡོ་བྱད་གཞན་རྣམས་ཀྱང་ཚོགས་པར་བྱའོ།
།དེ་ནས་བརྒྱུད་པའི་གསོལ་འདེབས་སྔོན་དུ་འགྲོ་བས། དཀྱིལ་ཆོག་ནས་འབྱུང་བ་བཞིན་སྦྱོང་བ། ཁྲུས་གསོལ། བགེགས་བསྐྲད་པ་རྣམས་བྱ། མཆོད་པ་བྱིན་བརླབ། སྒྲུབ་ཐབས་ལྟར་སྐྱབས་འགྲོ་ནས་བརྩམས་བདག་བསྐྱེད་བསྡུ་ལྡང་གི་བར་བདག་བསྐྱེད་རྫོགས་པར་བསྒོམ། དཀྱིལ་ཆོག་ལྟར་དཀྱིལ་འཁོར་བསྐྱེད། གཟེང་བསྟོད། སྒྲུབ་པ་ལྔ་ནས་བརྩམས་ཏེ་བཟླས་པ་མཆོད་བསྟོད་ཀྱི་བར་རྒྱས་པར་བཏང་། འདས་གཏོར་སྒྲུབ་ཐབས་ལྟར་འབུལ། མྱུར་མཛད་མགོན་པོ། མཁའ་འགྲོ་སྡེ་ལྔ། འབྱུང་པོ་ཐམས་ཅད་པའི་གཏོར་མ་རྣམས་ནང་གཏོར་དུ་འབུལ། ཕྱི་རོལ་དུ་ཕྱིན་ལ་ཕྱོགས་བཞི་དབུས་ལྔའི་གཏོར་མ་བཏང་། ནང་དུ་ཕྱིན་ལ་སྐོར་བ་དང་གསོལ་གདབ་བྱས་ལ་བདག་འཇུག་རྫོགས་པར་བླང་། དཀྱིལ་འཁོར་ཡོལ་བས་བསྒྲིབ་བོ།
།གཉིས་པ་སློབ་མ་ལ་དབང་བསྐུར་བ་ནི། སློབ་མ་རྣམས་སྒོ་དྲུང་དུ་འདུས་ལ་ལས་བུམ་གྱི་ཆུས་ཁྲུས་བྱ། ཕྱག་བཅས་གྲལ་དུ་འཁོད་ལ་མེ་ཏོག་བཀྲམ་བསྡུ་བྱ། སེམས་བསྐྱེད་གསལ་གདབ་བྱ། དེ་ལ་སྐབས་སུ་བབ་པ་རྒྱུད་ལུང་མན་ངག་ཡིད་ཆེས་ཀྱི་ཚད་མ་ལྡན་ཅིང་། གྲུབ་ཐོབ་བརྒྱུད་པ་བར་མ་ཆད་པའི་སྙན་ནས་སྙན་ཏུ་བྱོན་པའི་བཅོམ་ལྡན་འདས་རྒྱུད་སྡེ་ལྔའི་དཀྱིལ་འཁོར་དུ་དབང་བསྐུར་བྱེད་པ་ལ། བདག་བསྐྱེད་སྔོན་དུ་འགྲོ་བས་མདུན་བསྐྱེད་དཀྱིལ་འཁོར་སྒྲུབ་ཅིང་མཆོད་པ། ཕྱི་ནང་གི་གཏོར་ཆོག་གཏོང་བ། བདག་ཉིད་འཇུག་པ་རྣམས་སྔོན་དུ་གྲུབ་ནས་སློབ་མ་རྣམས་ཀྱི་ངོ་སྐལ་དུ་གྱུར་པ། ལྷ་དང་སྐལ་པ་མཉམ་པའི་ཆེད་དུ་དཀྱིལ་འཁོར་དུ་འཇུག་པའི་ཆོ་ག་དང་། ཞུགས་ནས་མངོན་པར་དབང་བསྐུར་བའི་ཆོ་ག་གཉིས་ཡོད་པ་ལ། ཐོག་མར་བླ་མ་དང་དཀྱིལ་འཁོར་གྱི་གཙོ་བོར་བཅོམ་ལྡན་འདས་རྒྱུད་སྡེ་ཆེན་པོ་ལྔའི་ལྷ་ཚོགས་ཐ་མི་དད་པའི་དྲུང་དུ་འཇུག་པའི་ཆོས་རྣམས་ཞུ་བའི་ཡོན་ཏུ་མཎྜལ་འབུལ་བར་ཞུ། ཞེས་མཎྜལ་འབུལ་དུ་གཞུག །དེ་ནས་ཁྱེད་རང་རྣམས་ཀྱི་ཕྱག་སྙིམ་པ་མེ་ཏོག་དང་བཅས་པས་ཐལ་མོ་སྦྱར་ཏེ་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛད་པར་ཞུ། དགའ་ཆེན་ཁྱོད་བདག་སྟོན་པ་སྟེ། སོགས་སྟ་གོན་སྐབས་ལྟར་ལན་གསུམ། སླར་ཡང་ཁྱད་པར་གྱི་གསོལ་བ་འདེབས་པ་འདིའི་རྗེས་ཟློས། སངས་རྒྱས་ཀུན་གྱི་སོགས་ལན་གསུམ། དེ་ལྟར་གསོལ་བ་བཏབ་པ་ལ་གནང་བ་སྦྱིན་པ་ནི། དེ་བཞིན་གཤེགས་པ་སོགས་ལན་གཅིག །ཁྱེད་རང་རྣམས་དཀྱིལ་འཁོར་གྱི་ཤར་གྱི་སྒོ་ཕྱེས་ཏེ་ནང་དུ་ཞུགས་ནས་ཤར་གྱི་ལྷ་རྣམས་ལ་གནས་པར་མོས་ལ། ཐལ་མོ་གནས་གསུམ་དུ་སྦྱར་བས་དཀྱིལ་འཁོར་གྱི་ལྷ་ལ་སྔགས་འདིའི་རྗེས་ཟློས་དང་བཅས་ཏེ་ཕྱག་མཛོད་ཅིག །ཨོཾ་ན་མ་སྟེ་ཧཱུྃ། ན་མཿམི་ཧཱུྃ། ན་མོ་ན་མཿཧཱུྃ། རྒྱུད་སྡེ་ལྔའི་ལྷ་ཚོགས་རྣམས་ཀྱི་ཞབས་ལ་བཏུད་པའི་ཕྱག་བྱས་པས་ཤིན་ཏུ་མཉེས་པར་མོས་མཛོད། སྒོ་འདི་ཉིད་ནས་ཐོན་ཏེ་གཡས་བསྐོར་གྱིས་ལྷོའི་སྒོ་ཕྱེས་ཏེ་སོགས་གོང་གིས་འགྲེས་ཏེ། ལྷོ་དང་། ནུབ་དང་། བྱང་རྣམས་ནས་ཕྱག་བྱས་ཏེ། གཡས་སྐོར་གྱིས་ཕྱིན་ཏེ་ལྷ་སྣམ་ལ་འཁོད་པར་མོས་ཤིག །སྟ་གོན་སྐབས་ལྟར་མཚམས་སྦྱོར་བཅས་བདུན་རྣམ་དག་བྱ། ཟབ་མོའི་དཀྱིལ་འཁོར་དུ་གཞུག་པ་ལ་རིགས་དང་སྐལ་བ་ཤེས་དགོས་པས། རིགས་ཀྱི་བུ་ཁྱོད་གང་ལ་དགའ། ཞེས་དྲིས་པས་ལན་བཏབ་པར་མོས་ལ་འདིའི་རྗེས་ཟློས། སྐལ་པ་བཟང་ལ་བདག་དགའོ། །ཞེས་དང་། སྐལ་བཟང་དེས་ཁྱོད་ཅི་ཞིག་བྱ། ཞེས་དྲིས་པའི་ལན་དུ། སངས་རྒྱས་མཆོག་འདོད་དམ་ཚིག་ཡིན། ཞེས་ལན་བཏབ།
གདོང་གཡོགས་སྦྱིན་པ་ནི། སྔོན་ཆད་རྒྱུད་སྡེ་ལྔའི་དཀྱིལ་འཁོར་དུ་མ་ཞུགས་པའམ། ཞུགས་ཀྱང་མཚོན་བྱ་དོན་གྱི་དཀྱིལ་འཁོར་མ་མཐོང་བས་བསྐྱར་ནས་འཇུག་པའི་མཆོན་བྱེད་དུ་རས་ཡུག་དམར་པོ་ཁ་ཚར་མ་ཉམས་པ་རེས་གདོང་གཡོགས་བཅིངས་པའི་མོས་པ་མཛོད། ཨོཾ་ཙཀྵུ་རྦྷནྡྷ་ཝ་ར་མ་ཎ་ཡེ་ཧཱུྃ། ཞེས་གདོང་གཡོགས་དམར་པོ་སྦྱིན། དཀྱིལ་འཁོར་གྱི་ལྷ་དང་མཇལ་བའི་ཚེ་ཕྱག་སྟོང་པར་མཇལ་དུ་མི་བཏུབ་པས་ཕྱག་རྟེན་མཚོན་བྱེད་དུ་ཨུ་དུམྦ་ར་སོགས་མཆོག་གི་མེ་ཏོག་སྣ་ལྔའི་ཕྲེང་བ་ཐལ་མོ་སྦྱར་བའི་བར་དུ་བཅུག་ནས་སྙིང་གར་ཐོགས་པར་མོས་ཤིག །ཨོཾ་ཨཱཿཁཾ་བཱི་ར་ཧཱུྃ། ཞེས་མེ་ཏོག་གཏད། སྔགས་ཀྱི་ཐུན་མོངས་མ་ཡིན་པའི་སེམས་བསྐྱེད་པའི་སླད་དུ་སྔོན་གྱི་དེ་བཞིན་གཤེགས་པ་སྲས་དང་བཅས་པ་སྔགས་ཀྱི་སྒོར་སྤྱད་པ་སྤྱོད་པ་རྣམས་ཀྱིས་སྟོང་ཉིད་སྙིང་རྗེའི་སྙིང་པོ་ཅན་བདེ་བ་ཆེན་པོའི་བདག་ཉིད་དུ་ཐུགས་བསྐྱེད་པ་དེ་བཞིན་ཏུ་བདག་གིས་ཀྱང་ཐམས་ཅད་རྣལ་འབྱོར་དང་བདེ་བ་ཆེན་པོར་སེམས་བསྐྱེད་པར་བགྱིའོ་སྙམ་པས་ཐལ་མོ་སྦྱར་བས་འདིའི་རྗེས་ཟློས་མཛོད། ཨོཾ་སརྦ་ཡོ་ག་ཙི་ཏྟ་ཨུཏྤཱ་ད་ཡཱ་མི། སློབ་དཔོན་གྱིས་མེ་ཏོག་དང་བཅས་པའི་རྡོ་རྗེ་སློབ་མའི་སྙིང་གར་བཞག་ལ། སེམས་བསྐྱེད་པ་དེ་བརྟན་པར་བྱ་བའི་མོས་པ་མཛོད། སུ་ར་ཏེ། ནས། ཡ་ཐཱ་སུ་ཁཾ། སློབ་དཔོན་གྱི་ཕྱག་གི་རྡོ་རྗེ་ལ་འཇུས་ཏེ་མདུན་དུ་ཞུགས་པར་མོས་ཤིག །ཛཿཧཱུྃ་བྃ་ཧོཿ ཨཱ་ཁཾ་ཝཱི་ར་ཧཱུྃ། ཞེས་བརྗོད་ལ་ཡོལ་བ་བསལ། དེ་ནས་ཡེ་ཤེས་པ་དབབ་པའི་སྔོན་འགྲོ་དམ་བཞག་བཞི་རིམ་པར་བྱ་བ་ཡིན་ཏེ། ཐོག་མར་ལྷའི་དམ་ཚིག་བསྒྲག་པ་ནི། རྡོ་རྗེ་མགོར་བཞག་ལ། འདི་ནི་དམ་ཚིག་རྡོ་རྗེ་སྟེ། །སོགས་བརྗོད། དེ་ནས་ཉེས་དམིགས་ཀྱི་སྒོ་ནས་དམ་ལ་བཞག་པ་ནི། སྙིང་གར་རྡོ་རྗེ་བཞག་ལ། ཧེ་རུ་ཀ་དཔལ་སོགས་བརྗོད། ཕན་ཡོན་ཉེས་དམིགས་གཉིས་ཀའི་སྒོ་ནས་དམ་ལ་བཞག་ཅིང་། དམ་ཚིག་རྡོ་རྗེའི་ཆུ་སྦྱིན་པ་ནི། དུང་ཆུ་སྦྱིན་ལ། འདི་ནི་ཁྱོད་ཀྱི་སོགས་བརྗོད། རྡོ་རྗེ་སློབ་དཔོན་གྱི་བཀའ་གཉན་པའི་སྒོ་ནས་དམ་ཚིག་བསྒྲག་པ་ནི། རྡོ་རྗེ་སྤྱི་བོར་བཞག་ལ། དེང་ནས་བཟུང་སྟེ་སོགས་བརྗོད། དེ་རྣམས་ཀྱིས་དཀྱིལ་འཁོར་ཕྱིའི་འཇུག་པ་རྣམས་སོང་། ནང་འཇུག་གི་དངོས་གཞི་ཡེ་ཤེས་པ་དབབ་པ་ཞུ་བའི་ཡོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། དེ་བཞིན་གཤེགས་པ་སོགས་ལན་གསུམ། སློབ་དཔོན་གྱིས་རྡོ་རྗེ་རྩེ་གཅིག་པའི་ཕྱག་རྒྱ་སློབ་མའི་སྙིང་གར་གཏད་ལ། འདི་ནི་ཡེ་ཤེས་རྡོ་རྗེ་སོགས་བརྗོད། དེ་ནས་ལྷག་པའི་ལྷ་ལ་གསོལ་བ་གདབ་པ་འདིའི་རྗེས་ཟློས། དཔའ་བོ་དང་རྣལ་འབྱོར་མ་སོགས་ལན་གསུམ། ཁྱེད་རང་རྣམས་ལུས་ཀྱི་གནད་དྲང་པོར་བསྲང་། ངག་གནད་སྲོག་རྩོལ་ཁ་སྦྱར་དུ་འཆིང་། སེམས་ཀྱི་གནད་གཞན་དུ་མ་ཡེངས་པར་དམིགས་པ་འདི་རྩེ་གཅིག་ཏུ་སྒོམས་ཤིག །ཁྱེད་རྣམས་འོད་དཔག་མེད་དམར་པོ་སོགས་དམིགས་པ་སྤྲོས། བྱིན་འབེབས་ཀྱི་སྤོས་སྦྱོར་བདུག་རོལ་མོའི་སྒྲ་དྲག་ཏུ་བྱས་ལ་བྱིན་འབེབས་སྔགས་ལ་ལན་མང་དུ་བརྗོད།
དེ་ནས་བདེན་སྟོབས་བརྗོད་པ་ནི། རྡོལ་དྲིལ་བཅས། ཨ་ཁཾ། ཡང་དག་པ་ཡི་སོགས་བརྗོད། དེ་ནས་སྔར་ནས་འབྲལ་བའི་ལྷའི་རིགས་བརྟག་པའི་སླད་དུ་མེ་ཏོག་འབུལ་བ་ནི། སྔར་བྱིན་པའི་མེ་ཏོག་གི་ཕྲེང་བ་ལས་མ་ཉམས་པའི་མེ་ཏོག་གཅིག་གི་ཕྲེང་བར་མོས་ཏེ་དཀྱིལ་འཁོར་དབུས་ལ་འདོར་བར་མོས་ཏེ་སྔར་ནས་ལས་ཀྱིས་འབྲེལ་བའི་རིགས་ཀྱི་ལྷ་གང་ཡིན་པ་ལ་ཕོག་པར་ཤོག་ཅིག་སྙམ་དུ་ལྟོས་པ་མེད་པར་ཚོམ་བུའི་དཀྱིལ་འཁོར་དུ་དོར་བ་དང་ལྷན་ཅིག་འདིའི་རྗེས་ཟློས་མཛོད། སྔོན་ནས་བསྒྲུབས་པའི་སོགས་བརྗོད་དུ་གཞུག །ཁྱེད་རང་མེ་ཏོག་དཀྱིལ་འཁོར་གྱི་དབུས་སུ་ཕོག་པས་གཙོ་བོའི་རིགས་ཡིན་ནོ། ཞེས་པ་ལྟ་བུ་ཕྱོགས་དང་རིགས་མེ་ཏོག་གང་ལ་ཕོག་པར་བསྒྱུར། དེ་ལྟར་ཕུལ་བའི་མེ་ཏོག་དེ་ཉིད་སླར་ཁྱོད་རང་རྣམས་ཀྱི་སྤྱི་བོར་བཅིངས་པའི་མོས་པ་མཛོད། སངས་རྒྱས་ཀུན་གྱི་སོགས་བརྗོད་ལ་མེ་ཏོག་སླར་སྤྱི་བོར་བཅིང་།
མི་དབྱེ་བ་ནི། སློབ་མའི་མིག་ཏུ་ཨོཾ་ཡིག་རེ་རེ་གསལ། མ་རིག་པའི་སྒྲིབ་གཡོགས་ཇི་མཆིས་པ་ཐམས་ཅད་མིག་དར་དང་ལྷན་གཅིག་ཏུ་བསལ་བའི་མོས་པ་མཛོད། ཧེ་རུ་ཀ་དཔལ་སོགས་བརྗོད་ལ། རྡོ་རྗེས་མིག་དར་དབྱེ། དེ་ལྟར་མ་རིག་པའི་སྒྲིབ་གཡོག་བསལ་ནས་ཡེ་ཤེས་དག་པའི་མིག་ཐོབ་པས་དཀྱིལ་འཁོར་གྱི་ལྷ་ཚོགས་རྣམས་མངོན་སུམ་མཐོང་བར་མོས་ཤིག །དཀྱིལ་འཁོར་བཟང་པོ་འདི་ལ་ལྟོས། །སོགས་བརྗོད། དེ་ནས་ལྷ་ངོ་བོ་རྒྱས་པར་བསྟན་དགོས་པས། མདུན་གྱི་དཀྱིལ་འཁོར་རྡོ་རྗེའི་ས་གཞི་ར་བ་དྲྭ་བ་སོགས་སྒྲུབ་ཐབས་ཀྱི་མངོན་རྟོགས་ལྟར་ལ། ཨེ་ལས་དང་ཡྃ་ལས་སོགས་ས་བོན་རྣམས་བོར་ཏེ། བ་དན་ལ་སོགས་པས་བརྒྱན་པ། རྩིག་པའི་ཕྱི་རོལ་འགྲམ་སྟེགས་ཞེས་པ་ནས། དེ་རྣམས་ཀྱིས་ཡོངས་སུ་བསྐོར་བའི་གཞལ་ལས་ཁང་ཤར་དཀར། ལྷོ་སེར། ནུབ་དམར། བྱང་ལྗང་། དབུས་སྔོ་བའི་སྟེང་དུ། མཚན་ཉིད་ཐམས་ཅད་ཡོངས་སུ་རྫོགས་པའི་གཞལ་མེད་ཁང་དབུས་གཙང་ཁང་ཕྱུར་བུ་དང་བཅས་པ་ལྔ་ཚོམས་སུ་གནས་པ། རྟ་བབས་དང་བྲལ་བ་རྣམས་སོ། །དེ་རྣམས་ཀྱི་སྟེང་གི་ནམ་མཁའ་ལ། སྣ་ཚོགས་པདྨ་འདབ་མ་བརྒྱད་པ་ནས་ ཟླ་བའི་དཀྱིལ་འཁོར་རེ་རེ། དབུས་ཀྱི་གདན་གྱི་སྟེང་དུ། བཅོམ་ལྡན་འདས་དགྱེས་མཛད་རྡོ་རྗེ་སྐུ་མདོག་མཐིང་ནག་ནས། འོད་ཀྱིས་ཁྱབ་པར་མཛད་པའོ། །ཞེས་པའི་བར་གཙོ་བོ་མཚོན་ཆ་ཅན་སྒྲུབ་ཐབས་བཞིན་བསྐྱེད། འདབ་མ་བརྒྱད་ལ་ཤར་དུ་གཽ་རཱི་ནག་མོ་ནས། སའི་དཀྱིལ་འཁོར་འཛིན་པ། ལྷ་མོ་ཐམས་ཅད་ཀྱང་སྤྱན་གསུམ་གསུམ་ནས། དབུས་ན་བཞུགས་པའོ། །ནང་གི་གཞལ་ཡས་ཁང་དབུས་མའི་ལྷ་སྣམ་ཤར་དཀར། ལྷོ་སེར། ནུབ་དམར། བྱང་ལྗང་། དབུས་སྔོ་བའི་སྟེང་དུ། སྣ་ཚོགས་པདྨ་འདབ་མ་བརྒྱད་དང་བཅས་པའི་ལྟེ་བ་ལ་ནས། གར་གྱི་མེ་དཔུང་འབར་བའི་དབུས་ན་བཞུགས་པའོ། །གཞལ་ཡས་ཁང་ཤར་མའི་ནང་ལེའུ་ཚེ་དགུ་པ་ནས། གདུག་པ་ཅན་ཚར་གཅོད་པའོ། །གཞལ་ཡས་ཁང་ལྷོ་མའི་ནང་གི་ལྷ་སྣམ་ནས། གྲི་གུག་ཐོད་པ་བསྣམས་པའོ་འི་བར། གཞལ་ཡས་ཁང་ནུབ་མའི་དབུས་སུ། པདྨ་དམར་པོ་ནས། གང་བའི་བུམ་པ་བཞིའོ། །གཞལ་ཡས་ཁང་བྱང་མའི་དབུས་ཀྱི་ལྟེ་བ་ལ་སྣ་ཚོགས་རྡོ་རྗེ་ནས། གང་བ་བཞི་དང་བཅས་པའོ། །ཕྱིའི་གཞལ་ཡས་ཁང་གི་ཤར་སྒོར་རྟ་གདོང་མ་ནས། དྲིལ་བུ་འཛིན་པའོ། །སྒོ་སྐྱོང་མ་བཞི་ཆར་ཡང་སྤྱན་གསུམ་དང་ལྡན་ཞིང་། སྟག་གི་པགས་པའི་ཤམ་ཐབས་ཅན། དབུ་སྐྲ་དམར་ནས། དབུས་ན་བཞུགས་པའོ། །དཀྱིལ་འཁོར་གྱི་སྟེང་གི་ནམ་མཁའ་ལ་སོགས་བརྗོད། དེ་དག་གིས་དཀྱིལ་འཁོར་དུ་ཕྱི་ནང་གི་འཇུག་པའི་རིམ་པ་རྣམས་སོ། །ཞུགས་ནས་མངོན་པར་དབང་བསྐུར་བ། བུམ་དབང་། གསང་དབང་། ཤེར་དབང་། དབང་བཞི་པ་རྣམས་རིམ་བཞིན་འབྱུང་བའི་དང་པོ་བུམ་དབང་ལ་རྡོ་རྗེ་སློབ་མའི་དབང་དང་སློབ་དཔོན་གྱི་དབང་གཉིས་སུ་ཡོད་པ་ལས། ཐོག་མར་རྡོ་རྗེ་སློབ་མའི་དབང་བསྐུར་ཞུ་བའི་ཡོན་ཏུ་དམིགས་ཏེ་མཎྜལ་ཕུལ་མཛོད། ཞེས་འབུལ་དུ་གཞུག །གསོལ་བ་འདེབས་པ་འདིའི་རྗེས་ཟློས། ཧེ་རུ་ཀ་དཔལ༴ སོགས་ལན་གསུམ། དབང་གི་སྔོན་ཏུ་འགྲོ་བ་བགེགས་སྦྱོང་བའི་སླད་དུ་སློབ་དཔོན་གྱི་ཐུགས་ཀ་ནས་སྤྲུལ་པའི་ཁྲོ་བོ་དང་མཚོན་ཆ་མེ་དཔུང་གི་ཚོགས་དཔག་ཏུ་མེད་པ་སྤྲོས་པས་དབང་གི་ཡེ་ཤེས་སྐྱེ་བ་ལ་བར་དུ་གཅོད་པའི་བགེགས་ཐམས་ཅད་རྒྱང་རིང་དུ་བསྐྲད་ཅིང་བསྒོ་བ་མི་ཉན་པ་ཐམས་ཅད་རྡུལ་ཕྲན་བཞིན་དུ་བརླག་པར་མོས་ཤིག །ཨོཾ་སུམྦྷ་ནི་སོགས་དྲག་ཏུ་བརྗོད་ཅིང་ཡུངས་ཐུན། གུ་གུལ་དུད་པ། རོལ་མོ་དྲག་ཏུ་བྱའོ།
།དེ་ནས་མདུན་ཏུ་ཏིལ་དང་མེ་ཆུ་བཤམ། བདག་གཞན་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་སྙིང་གར་ཡི་གེ་བྃ་གྱི་རྣམ་པར་གནས་པ། ལྟེ་བའི་གཏུམ་མོ་འབར་བའི་འོད་ཟེར་གྱིས་དེད་སྟེ། སྣ་སྒོར་སྡིག་པ་རྭ་ཅན་གྱི་རྣམ་པར་གྱུར་པ་མདུན་གྱི་ཏིལ་ལ་ཐིམ་པར་མོས། ཞེས་བརྗོད་ལ་སྣ་བུག་གཡས་ནས་ཏིལ་ལ་རླུང་འབུད་དུ་གཞུག །བསང་སྦྱང་། འབར་བའི་མེའི་ནང་དུ་ཁྲོ་བོ་རྡོ་རྗེ་མཁའ་འགྲོ་རྡོ་རྗེ་དང་དྲིལ་བུ་འཛིན་པ་ཞལ་གདངས་པའོ། །ཨོཾ་བཛྲ་ཌཱ་ཀི་ཁ་ཁ་ཁཱ་ཧི་ཁཱ་ཧི། སརྦ་པཱ་པཾ་ད་ཧ་ན་བྷསྨི་ཀུ་རུཾ་སྭཱ་ཧཱ། ལན་གསུམ་བརྗོད་ལ། ཏིལ་གཡས་གཡོན་དུ་བསྐོར་ནས། གཡས་སུ་མེ་དང་གཡོན་དུ་ཆུར་དོར་བས། རྡོ་རྗེའི་མཁའ་འགྲོའི་ཞལ་དུ་གསོལ་བ་དང་། རྒྱ་མཚོ་ཆེན་པོར་སྐྱུར་བར་བསམ། མཐར་མེ་ཡང་ཆུ་ནང་དུ་བླུགས་སོ། །དེ་ནས་དབང་དངོས་ལ་དང་པོར་རིག་པའི་དབང་ལྔ་བསྐུར་བ་ལ་ཐོག་མར་མི་བསྐྱོད་པ་ཆུ་དབང་བསྐུར་བའི་སླད་དུ་དམིགས་པ་འདི་བཞིན་ཏུ་མཛོད། བསང་སྦྱང་། སློབ་མ་དང་དབང་རྫས་རྣམ་རྒྱལ་བུམ་ཆུ་སོགས་བརྗོད་པའི་སྐབས་ལས་རྡོར་གྱིས་བུམ་པ་བཞི་པོའི་བུམ་ཆུ་གཙོ་བུམ་དུ་བསྡུ། དེ་ཉིད་ཐོགས་ལ། སློབ་དཔོན་གྱིས་ཁྲུས་སྔོན་ཏུ་འགྲོ་བས་བུམ་དབང་བསྐུར། བརྟན་བྱེད་ཆུ་དབང་། རྡོ་རྗེའི་རིགས་ཀྱི་ལྷ་ཚོགས་དཔག་ཏུ་མེད་པ་བྱུང་ནས་ཁྱེད་རང་རྣམས་ལ་ཐིམ་པ་ལ་ཉེར་སྤྱོད་ལྔས་མཆོད་ཅིང་བསྟོད་པར་བྱས་པའི་མོས་པ་མཛོད། ལས་རྡོར་གྱིས་སློབ་མ་མཆོད་པ་བཏེགས། ཨོཾ་བཛྲ་པུཥྤེ་ནས། ནཻ་ཝི་དྱཱ་ཨཱཿཧཱུྃ་བར་དང་རོལ་མོའམ་དྲིལ་བུ་དཀྲོལ། མི་བསྐྱོད་པ་ནི་སོགས་ཤོ་ལོ་ཀ་གཅིག་གིས་བསྟོད། དེ་ལྟར་ཁྱོད་ལ་ཆུའི་དབང་བསྐུར་བས་སོགས་ནས། མངོན་ཏུ་གྱུར་པ་ཡིན་ནོ། །ཅེས་པའི་བར་དག་པ་བརྗོད། དེ་ནས་རིན་ཆེན་འབྱུང་ལྡན་དབུ་རྒྱན་གྱི་དབང་གི་སླད་དུ་དམིགས་པ་འདི་བཞིན་མཛོད། བསང་སྦྱང་། སློབ་མ་དང་དབང་རྫས་དབུ་རྒྱན་སོགས་ནས་དག་པ་བརྗོད་པའི་བར་གཞུང་ལྟར་བྱ། འདི་ཕྱིན་ཆད་ལ་དེས་འགྲེས་ཏེ། འོད་དཔག་མེད་རྡོ་རྗེའི་དབང་གི་སླད་དུ་དམིགས་པ་འདི་བཞིན་མཛོད། བསང་སྦྱང་། སློབ་མ་དང་དབང་རྫས་རྡོ་རྗེ་སྟོང་པའི་ངང་ལས་སོགས་ནས་དག་པ་བརྗོད་པ་ཡན་སྔར་ལྟར་བྱ། དེ་ནས་དོན་ཡོད་གྲུབ་པ་དྲིལ་བུའི་དབང་གི་སླད་དུ་དམིགས་པ་འདི་བཞིན་མཛོད། བསང་སྦྱང་། སློབ་མ་དང་དབང་རྫས་དྲིལ་བུ་སྟོང་པའི་ངང་ལས་སོགས་ནས་དག་པ་བརྗོད་པའི་བར་སྔར་ལྟར་བྱ། དེ་ནས་རྣམ་པར་སྣང་མཛད་མིང་གི་དབང་གི་སླད་དུ་དམིགས་པ་འདི་བཞིན་མཛོད། བསང་སྦྱང་། སློབ་མ་དབང་རྫས་སོགས་ནས་དག་པ་བརྗོད་པའི་བར་དང་། འདི་ནི་སངས་རྒྱས་ཐམས་ཅད་ཀྱི་སོགས་བརྗོད། གཉིས་པ་རྡོ་རྗེ་སློབ་དཔོན་གྱི་དབང་བསྐུར་ཞུ་བའི་ཡོན་དུ་དམིགས་ཏེ་མཎྜལ་ཕུལ་མཛོད། ཞེས་འབུལ། གསོལ་བ་འདེབས་པ་འདིའི་རྗེས་ཟློས་མཛོད། འཁོར་ལོ་ཕྱིར་མི་ལྡོག་པའི་སོགས་ལན་གསུམ། ཐོག་མར་བརྟུལ་ཞུགས་ཀྱི་དབང་གི་རྗེས་སུ་གནང་བའི་སླད་དུ་དམིགས་པ་འདི་བཞིན་མཛོད། དཀྱིལ་འཁོར་གྱི་ཤར་ཕྱོགས་སུ་སོགས་ནས། ཁ་ཊྭཱཾ་ག་སོགས་གཏད་པའི་བར། དེ་ནས་རྡོར་དྲིལ་དང་དམ་ཚིག་གསུམ་སྦྱིན་པ་ལ་དམིགས་པ་འདི་བཞིན་མཛོད། སློབ་དཔོན་གྱི་ཕྱག་གི་རྡོར་དྲིལ་བསང་སྦྱངས། སྟོང་པའི་ངང་ལས་སོགས་ནས། ཤིས་བརྗོད། ཆུ་དབང་། སུ་པྲ་ཏིཥྛས་བརྟན་པའི་བར་གཞུང་ལྟར་བརྗོད། དེ་ནས་རྗེས་གནང་རྣམས་རིམ་པར་སྦྱིན་པ་ལ་ཐོག་མར་སྒེག་སོགས་བརྒྱད་ཀྱིས་མཆོད་པར་བྱས་པའི་མོས་པ་མཛོད། སློབ་དཔོན་གྱིས་སོ་སོའི་ཕྱག་རྒྱ་བྱས་ལ། སྒེག་དང་བཅས་པའི་ཕྲེང་བ་འཕང་། སོགས་རྫོགས་པར་བརྗོད།
མིག་ཐུར་གྱི་རྗེས་གནང་ནི། པྲཾ་ལས་བྱུང་བའི་ཤེས་རབ་ཀྱི་རང་བཞིན་ཅན་གྱི་ཐུར་མས་ཁྱེད་རང་རྣམས་ཀྱི་དེ་བཞིན་ཉིད་མཐོང་བ་ལ་བསྒྲིབ་པའི་མ་རིག་པའི་ལིང་ཐོག་བསལ་བར་མོས་ཤིག །མིག་ཐུར་གྱིས་མིག་དབྱེ་ཚུལ་བྱས་ལ། ཇི་ལྟར་མིག་མཁན་རྒྱལ་པོ་སོགས་བརྗོད།
མེ་ལོང་གི་རྗེས་གནང་ནི། ཆོས་ཅན་གྱི་སྣང་བ་ཐམས་ཅད་མེ་ལོང་ནང་གི་གཟུགས་བརྙན་ལྟར་ངེས་པའི་སྒོ་ནས་སེམས་ཅན་གྱི་དོན་གྱིས་ཤིག །ཅེས་ཤེས་པའི་སླད་དུ་ཨཱཿལས་སྐྱེས་པའི་མེ་ལོང་། ཆོས་རྣམས་གཟུགས་བརྙན་ལྟ་བུ་སྟེ། སོགས་བརྗོད་ལ་མེ་ལོང་བསྟན།
དྲིལ་བུའི་རྗེས་གནང་ནི། ཨ་ལས་བྱུང་བའི་དྲིལ་བུ་འདིའི་སྒྲས་མཚོན་ཏེ་ཆོས་ཐམས་ཅད་གྲགས་སྟོང་སྐྱེ་བ་མེད་པའི་མཚན་ཉིད་ཅན་དུ་རྟོགས་པར་གྱིས་ཤིག །ཐམས་ཅད་ནམ་མཁའི་སོགས་བརྗོད་ལ་དྲིལ་བུ་དཀྲོལ།
མདའ་གཞུའི་རྗེས་གནང་ནི། རང་དོན་ཡིད་བྱེད་ཀྱི་བློ་སྤངས་པའི་སླད་དུ་ཧོཿལས་བྱུང་བའི་མདའ་གཞུ། ཐབས་ཀྱི་མདའ་དྲུག་ཤེས་རབ་ཀྱི་གཞུ་ལ་བཀང་སྟེ་ཕྱོགས་བཞི་དང་སྟེང་འོག་ཏུ་འཕངས་པས་བདུད་བཞི་དང་ཉན་རང་གི་སེམས་ཡིད་ལ་བྱེད་པ་བཅོམ་པ་ཡིན་སྙམ་དུ་མོས་ཤིག །དེ་བཞིན་གཤེགས་པ་སོགས་བརྗོད་ལ་མདའ་གཞུ་གཏད་ཅིང་འཕང་པའི་ཚུལ་བྱར་གཞུག །དེ་ནས་ཆོས་བཤད་པའི་རྗེས་སུ་གནང་བ་ནི། རྐང་འོག་གཉིས་སུ་འཁོར་ལོ་བྱིན་པར་མོས་ཤིག །ཨོཾ་བཛྲ་ཧེ་ཏུ་མཾ་སོགས་བརྗོད་ལ་འཁོར་ལོ་རྐང་འོག་ཏུ་གཞུག །ཆོས་ཀྱི་དུང་ཆེན་འབུད་པར་གྱིས་ཤིག་ཅེས་པའི་དོན། ཨོཾ་བཛྲ་བྷཱ་ཥ་རཾ་སོགས་བརྗོད་ལ་ལག་གཡས་སུ་དུང་གཏད། རྒྱུད་ལུང་མན་ངག་འདིའི་སྒོ་ནས་ཆོས་ཤོད་ལ་སེམས་ཅན་གྱི་དོན་གྱིས་ཤིག་ཅེས་པའི་བརྡ་ལ་རྒྱུད་ཀྱི་གླེགས་བམ་གཏད་པའི་མོས་པ་གྱིས། ཨོཾ་མ་ཧཱ་དྷརྨ་ཧཱུྃ་སོགས་བརྗོད་ལ་གླེགས་བམ་གཏད། ཚུལ་ཇི་ལྟ་བུས་ཆོས་འཆད་ན་སྐབས་སོ་སོར་བབས་པའི་རིགས་ལྔའི་ཏིང་ངེ་འཛིན་གྱི་ཕྲིན་ལས་རྣམས་སྒྲུབ་ཅིག་ཞེས་པའི་དོན་དུ་རིགས་ལྔའི་རྗེས་སུ་གནང་བ་ནི། འཁོར་ལོ་སོགས་རིགས་ལྔའི་ཕྱག་མཚན་རིམ་པར་གཏད་ལ། འཇིག་རྟེན་ཁམས་ནི་སོགས་བརྗོད། སེམས་ཅན་གྱི་དོན་གང་ལ་གང་འཚམས་ཀྱིས་བྱ་བའི་སླད་དུ་ཕྲིན་ལས་བཞི་དང་གྲུབ་པ་བརྒྱད་ཀྱི་རྗེས་སུ་གནང་བར་མོས་ཤིག །མཆོག་སྦྱིན་གྱི་ཕྱག་རྒྱ་བསྟན་ལ། ཞི་དང་རྒྱས་དང་སོགས་བརྗོད། རང་ཉིད་ལྷག་པའི་ལྷའི་ང་རྒྱལ་གྱིས་འདོད་ཡོན་ལྔ་ཚོགས་སུ་རོལ་པའི་རྗེས་སུ་གནང་བའི་བྱིན་པ་མོས། བདག་ཉིད་སངས་རྒྱས་སོགས་བརྗོད། སྣང་སྟོང་དབྱེར་མེད་ཀྱི་ལྷ་སྒོམ་པའི་རྗེས་སུ་གནང་བ་བྱིན་པར་མོས། འདིར་འཛོམ་ན་རྒྱུད་སྡེ་གཙོ་བོའམ་ཙཀླི་སོགས་བསྟེན། མ་འཛོམ་ཀྱང་ཆོག །འདོད་ཆགས་བྲལ་བ་སོགས་བརྗོད། གསུང་གསང་སྔགས་ཀྱི་རྗེས་གནང་སྩལ་བར་མོས་ཤིག །མེ་ཏོག་འཐོར་ལ། རིགས་ལྔ་འདི་ལ་སོགས་ལན་གསུམ། ཁྱེད་རང་རྣམས་ཀྱིས་སློབ་དཔོན་ལ་མེ་ཏོག་འབུལ་བཞིན་པས་འདིའི་རྗེས་ཟློས། རིགས་ལྔ་བདག་ལ་སོགས་ལན་གསུམ། སླར་མེ་ཏོག་འཐོར་ལ། སྔགས་ཀྱི་དངོས་གྲུབ་སོགས་བརྗོད། དེ་ལྟར་དབང་གིས་རྒྱུད་སྨིན་པའི་སློབ་མ་རྣམས་བྱང་ཆུབ་མཆོག་ཏུ་ལུང་བསྟན་པ་ཡིན་ཏེ། སློབ་དཔོན་གྱིས་སྣམ་སྦྱར་མནབ། གྲྭ་གཉིས་རི་དྭགས་ཀྱི་རྣ་བ་ལྟར་བྱས་ཕྱག་གཡོན་པས་ཐུགས་ཀར་བཟུང་གཡས་མི་འཇིགས་པའི་རྒྱས་རྡོར་དྲིལ་བཟུང་ལ། སློབ་དཔོན་བཅོམ་ལྡན་འདས་སོགས་བརྗོད། སྣམ་སྦྱར་ཕུད་ལ་སྐྱབས་སྦྱིན་གྱིས་རྒྱས། ཁྱེད་རང་རྣམས་དེང་ནས་བཟུང་སྟེ་སྲིད་པའི་ངན་འགྲོ་ལས་རྟག་ཏུ་བཏོན་པར་དབུགས་དབྱུང་བར་མོས་ཤིག །གསང་ཆེན་མཆོག་གི་སོགས་བརྗོད། དེ་ནས་བརྟུལ་ཞུགས་ཀྱི་རྗེས་གནང་བྱིན་པར་མོས་ཤིག །དབང་རྫས་རྡོ་རྗེས་བསང་སྦྱངས། སྟོང་པའི་ངང་ལས་སོགས་གཞུང་ལྟར་བརྗོད་ལ་གཏད། དེ་ནས་རྟེན་བརྟེན་པའི་དཀྱིལ་འཁོར་པ་རྣམས་ཀྱི་དག་པ་བརྗོད་པར་འདི་ལ་གསན་འཚལ། སེམས་ཅན་དོན་ཕྱིར་སེམས་བསྐྱེད་པས་སོགས་དང་། དེ་ལྟར་ན་རས་བྲིས་ཀྱི་དཀྱིལ་འཁོར་དུ་ཞུགས་སོགས་བུམ་དབང་གི་དག་པའང་བརྗོད། དེ་ནས་དབང་གོང་མ་གསུམ་ཞུ་བའི་ཐུན་མོང་དུ་དམིགས་ཏེ་མཎྜལ་ཕུལ། ཐུན་མོང་དུ་གསོལ་བ་འདེབས་པ་འདིའི་རྗེས་ཟློས། བདག་ནི་འཁོར་བར་བྱིང་བ་སོགས་ལན་གསུམ། སློབ་དཔོན་བཅོམ་ལྡན་འདས་སོགས་ནས། ཡབ་ཀྱི་གསང་གནས་ཧཱུྃ་སོགས་མཁའ་གསང་བྱིན་བརླབས་སྒྲུབ་ཐབས་ལྟར་ལ། ཐུགས་ཀར་རྗེས་སུ་ཆགས་པའི་མེས་སོགས་ནས། ཨཏྨཱ་ཀོ྅་ཧཾ་བར་བརྗོད། གཉིས་པ་གསང་བའི་དབང་བསྐུར་ཞུ་བའི་ཡོན་ཏུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། ཨོཾ་བཅོམ་ལྡན་ཞི་བ་ཆེན་པོ་སོགས་ལན་གསུམ་བརྗོད། དེ་ནས་དམིགས་པ་འདི་བཞིན་ཏུ་མཛོད། ཨོཾ་ཨཱཿཧཱུྃ་སོགས་ནས་ཛཿཧཱུྃ་བྃ་ཧོཿའི་བར། ལུས་ཀྱི་དཀྱིལ་འཁོར་མ་མཐོང་བའི་བརྡར་གདོང་གཡོགས་འཆིངས་མཛོད། ཨཱ་ཁཾ་བཱི་ར་ཧཱུྃ་གིས་མིག་དར་བཅིང་། བདེན་གཉིས་དབྱེར་མེད་དུ་སེམས་བསྐྱེད་པར་མོས་ལ་འདིའི་རྗེས་ཟློས། ཨོཾ་བཛྲ་ཡོ་ག་སོགས། སློབ་དཔོན་དཀྱིལ་འཁོར་གྱི་གཙོ་བོའི་མཁའ་གསང་ནས་བྱོན་པའི་དཀར་དམར་བྱང་ཆུབ་སེམས་ཀྱི་རྒྱུན་ཁྱེད་རང་རྣམས་ལ་བྱིན་པར་མོས་ཤིག །བདུད་རྩི་སྦྱིན་ལ། ཇི་ལྟར་བཅོམ་ལྡན་སོགས་སྔགས་བཅས་བརྗོད། ཁྱེད་རྣམས་ཀྱིས་སྔགས་འདིའི་རྗེས་ཟློས་དང་བཅས་བདུད་རྩི་མྱོང་ཞིག །ཨ་ཧོ་མ་ཧཱ་སུ་ཁཾ། དེ་བཞིན་ཏུ་ཤེས་རབ་རྡོ་རྗེ་སོགས་ཀྱིས་བདུད་རྩི་སྦྱིན་པའི་ཚིགས་བཅད་བཅས་ལན་གཅིག་བསྐྱར་ཏེ་བྱིན། བྱང་སེམས་དཀར་དམར་གྱིས་ལུས་ཀྱི་རྩ་གནས་ཐམས་ཅད་ལ་ཁྱབ་རང་བཞིན་བརྒྱད་ཅུའི་རྟོག་པ་དབྱིངས་སུ་ཐིམ། གསལ་སྟོང་རྣམ་པར་མི་རྟོག་པའི་ཡེ་ཤེས་རྒྱུད་ལ་སྐྱེས་པར་མོས་ལ་མཉམ་པར་ཞོག་མཛོད། དར་གཅིག་བཞག །ལུས་ཀྱི་དཀྱིལ་འཁོར་མཐོང་བའི་བརྡར་གདོང་གཡོགས་སོལ་མཛོད། ཨོཾ་ཨཱཿཧཱུྃ་ཞེས་གདོང་གཡོགས་བཀྲོལ། དེ་ལྟར་ཀུན་རྫོབ་བྱང་ཆུབ་སེམས་ཀྱི་སོགས་རྟོགས་པ་བརྗོད། གསུམ་པ་ཤེས་རབ་ཡེ་ཤེས་ཀྱི་དབང་བསྐུར་ཞུ་བའི་ཕྱིར་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། དུས་གསུམ་སངས་རྒྱས་སོགས་ལན་གསུམ། བྷ་གའི་དཀྱིལ་འཁོར་མ་མཐོང་བའི་བརྡར་གདོང་གཡོགས་འཆིང་མཛོད། སྔགས་བཅས་མིག་དར་བཅིང་། མཚན་ཉིད་ཐམས་ཅད་ཡོངས་སུ་རྫོགས་པའི་སོགས་ནས། དངོས་གྲུབ་མེད། བར་བརྗོད་ལ་རིག་ཙཀ་གཏད། དེ་ལྟར་བྱིན་པའི་ལྷ་མོ་དེས་ཀྱང་འདི་སྐད་དྲིས་པའི་མོས་པ་མཛོད། བདུད་རྩི་བཟའ་དང་སོགས་ནས། བདེ་བྱེད་སྨྲོས། བར་བརྗོད། སྤྲོ་བས་ལན་འདེབས་པར་མོས་ལ་འདིའི་རྗེས་ཟློས། ལྷ་མོ་ཅི་ཕྱིར་ནས། འོ་བྱེད་པ། བར་བརྗོད། ལྷ་མོ་དགྱེས་ནས་འདི་སྐད་གསུངས་ཏེ་པང་དུ་བྱོན་པར་མོས་ཤིག །ཨ་ཧོ་ང་ཡི་སོགས་བརྗོད། དེ་ནས་ཁྱེད་རང་རྣམས་དགྱེས་མཛད་རྡོ་རྗེ་མཚོན་ཆ་ཅན་སོགས་དང་། མཁའ་གསང་བྱིན་རླབས་གོང་ལྟར་བྱ། སློབ་དཔོན་གྱི་ཐུགས་ཀའི་སོགས་ནས། བརྟན་པར་གྱུར་པར་མོས་ལ་མཉམ་པར་ཞོག་མཛོད། བྷ་གའི་དཀྱིལ་འཁོར་མཐོང་བའི་བརྡར་གདོང་གཡོགས་སོལ་མཛོད། ཨོཾ་ཨཱཿཧཱུྃ། གདོང་གཡོགས་བཀྲོལ། དེ་ལྟར་བྷ་གའི་དཀྱིལ་འཁོར་སོགས་རྟོགས་པ་བརྗོད། བཞི་པ་ཆེན་པོ་ཚིག་དབང་རིན་པོ་ཆེ་ཞུ་བའི་ཡོན་ཏུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། ཁྱོད་ཞབས་པདྨོའི་སོགས་ལན་གསུམ། རྡོ་རྗེའི་ཚིག་འདིའི་དོན་རྗེས་སུ་དྲན་པས་གང་དུའང་རྣམ་པར་མི་རྟོག་པའི་ཡེ་ཤེས་ཆེན་པོའི་དབྱིངས་སུ་ལྟར་མེད་པའི་ཚུལ་གྱིས་ལྟོས་ལ་མཉམ་པར་ཞོག་མཛོད། ཡེ་ཤེས་འདི་ནི་སོགས་ནས། སྐད་ཅིག་དེ་ལ་སྒོམ། བར་བརྗོད་ལ་ཅུང་ཟད་མཉམ་པར་བཞག །ཐུན་མོང་མ་ཡིན་པའི་དམ་ཚིག་བསྒྲགས་པ་འདི་ལ་གསན་འཚལ། དེ་ལྟར་ན་དོན་དམ་བྱང་ཆུབ་སེམས་ཀྱི་སོགས་རྟོག་པ་བརྗོད། དེ་དག་རྣམས་ཀྱིས་རིན་ཆེན་རྒྱ་མཚོའི་རྒྱུད་ཀྱི་དགོངས་དོན་སློབ་དཔོན་རྡོ་རྗེ་གདན་པའི་ཐུགས་དམ་མཁས་གྲུབ་ཁྱུང་པོ་རྣལ་འབྱོར་ལས་བརྒྱུད་པའི་རྒྱུད་སྡེ་ལྔའི་དཀྱིལ་འཁོར་ཆེན་པོར་དབང་བསྐུར་བ་ལེགས་པར་གྲུབ་པ་ཡིན་པས་དེ་དག་གི་སྐབས་སུ་ཐོབ་ཅིང་ཁས་བླངས་པའི་རྩ་བ་དང་ཡན་ལག་གི་དམ་ཚིག་དང་སྡོམ་པ་མཐའ་དག་ཚུལ་བཞིན་ཏུ་བསྲུང་བའི་མོས་པས་འདིའི་རྗེས་ཟློས། གཙོ་བོས་ཇི་ལྟར་སོགས་གསུམ། དབང་བསྐུར་རྫོགས་པར་ཐོབ་པའི་གཏང་རག་གི་ཡོན་ཏུ་དམིགས་ཏེ་མཎྜལ་ཕུལ། ལུས་ལོངས་སྤྱོད་དགེ་བའི་རྩ་བ་དང་བཅས་པ་ཐམས་ཅད་འཁོར་ལོས་སྒྱུར་བའི་རྒྱལ་སྲིད་ཀྱི་འབྱོར་པ་ལྟར་སྤྲུལ་ཏེ་འབུལ་ན་ཆ་ཤས་ནས་བཞེས་ཏེ་ལོངས་སྤྱད་དུ་གསོལ་སྙམ་པས་འདིའི་རྗེས་ཟློས། དེང་ནས་བརྩམས་ཏེ་སོགས་གསུམ། རྣམ་དཀར་གྱི་དགེ་རྩ་མཐའ་དག་འཁོར་གསུམ་རྣམ་པར་མི་རྟོག་པའི་དབྱིངས་སུ་བསྔོ་བས་རྒྱས་འདེབས་པ་དང་འདི་ཉིད་ཀྱི་སྒོ་ནས་ཀྱང་རང་དང་གཞན་གྱི་དོན་རྒྱ་ཆེན་པོར་བསྒྲུབ་པར་མཛོད་ཅིག །བསོད་ནམས་འདི་ཡིས་སོགས་བསྔོ་སྨོན་ཤིས་བརྗོད་གང་འོས་བྱའོ།
།དེ་ནས་རྗེས་ཀྱི་ཆོ་ག་ནི། ཚོགས་མཆོད་འདོད་ན་བདེ་མཆོག་ལྷ་ལྔ་ལྟར་བྱ། གཞུང་དུ་མ་བཤད་པས་མ་གྲུབ་ཀྱང་ཆོག །དཀྱིལ་ཆོག་གི་གཤམ་ནས་འབྱུང་བ་ལྟར་མཆོད་པ་རྣམས་ཁ་གསོས་ལ་བྱིན་བརླབ། མཆོད་བསྟོད་བྱ། བཅོམ་ལྡན་འདས་དཔལ་དགྱེས་མཛད་རྡོ་རྗེའི་སོགས་བརྗོད་ལ་དངོས་གྲུབ་ཞུ། ཡིག་བརྒྱ་ལན་ཉེར་གཅིག་བཟླ། བཟོད་གསོལ་བྱ། དཀྱིལ་འཁོར་རས་བྲིས་སྐབས། ཕྱོགས་བཅུ་ན་བཞུགས་པའི་སོགས་སྤྱི་ལྟར་བརྗོད་ལ་ཡེ་ཤེས་པ་རྣམས་རྟེན་དང་དཀྱིལ་འཁོར་ལ་བརྟན་བཞུགས་བྱ། དམ་ཚིག་པའི་དཀྱིལ་འཁོར་ཨོཾ་ཨཱཿཧཱུྃ་གིས་རང་གི་སྙིང་གར་ཐིམ་པར་གྱུར། ཞེས་མོས། སྔར་ཕུར་གདབ་བྱས་ན། ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི་སརྦ་ཨརྠ་ས་དྷ་ནི་སྭཱ་ཧཱ། ཞེས་སྤྱན་མའི་སྔགས་ཀྱིས་ཕུར་བུ་རྣམས་དབྱུང་། སྔགས་དེ་ཉིད་ཀྱིས་ཕུར་ཁུང་དགང་། སྐྱེ་ཞིང་སྐྱེ་བར་རིགས་མཆོག་ཏུ། །སོགས་ཐུན་མོང་མ་ཡིན་པའི་བསྔོ་སྨོན་རྒྱས་པ་དང་ཤིས་བརྗོད་བྱས་རོལ་མོ་སྙན་པར་དཀྲོལ་བཞིན་མེ་ཏོག་གི་ཆར་དབབ་བོ།
།མི་ཕྱེད་རྡོ་རྗེ་བཞི་ཡི་ཡེ་ཤེས་ནི། །མི་ཟད་རྒྱན་འཁོར་ལྔ་ཡི་དཀྱིལ་འཁོར་དུ། །ཤར་བའི་དབྱངས་དང་མཉམ་པར་ཉིད་གྱུར་ནས། །སྲིད་འགྲོར་དེ་ཡི་ཕྱག་རྒྱས་ཐོབ་པར་ཤོག
།འདིའང་རྗེ་བཙུན་རིན་པོ་ཆེ་ནས་མཛད་པའི་སྒྲུབ་དཀྱིལ་གྱི་ཞབས་འདེགས་དང་། སྔ་ཕྱིར་བསྐུལ་བ་པོ་མང་ཞིག་གི་སླད་དུ་ཀརྨ་བཀའ་བརྒྱུད་ཀྱི་གྲལ་མཐར་འཁོད་པ་ཀརྨ་ངག་དབང་ཡོན་ཏན་རྒྱ་མཚོའམ་བློ་གྲོས་མཐའ་ཡས་པའི་སྡེས་རང་ལོ་གྱ་བདུན་པར་དཔལ་སྤུངས་ཡང་ཁྲོད་ཤྲཱི་དེ་བི་ཀོ་ཊ་ཙ་འདྲ་རིན་ཆེན་བྲག་གི་སྒྲུབ་གནས་སུ་བགྱིས་པའི་ཡི་གེ་པ་ནི་གམ་དུ་འཁོད་པ་བློ་གསལ་གསང་སྔགས་བསྟན་འཛིན་ནས་བགྱིས་པ་དགེ་ལེགས་འཕེལ།། །།

@@ Line 6: / Line 6: @@
 |SubTopics=Mandala ritual
 |Author=Jamgön Kongtrül Lodrö Thayé
+|BDRC link=[https://www.tbrc.org/#library_work_ViewByOutline-O01DG1049095030%7CW23922 BDRC W23922]<br/>[https://www.tbrc.org/#library_work_ViewByOutline-o20877C2O0253%7CW23605 BDRC W23605]
 }}
-<span class="main_text">༄༅། །ཤངས་ལུགས་རྒྱུད་སྡེ་ལྔའི་དཀྱིལ་འཁོར་ཆེན་པོར་དབང་བསྐུར་བའི་མཚམས་སྦྱོར་སྣང་བའི་གོ་འབྱེད་ཅེས་བྱ་བ་བཞུགས་སོ།།<br /><br />ན་མོ་གུ་རུ་པཉྩ་ཏནྟྲ་སེ་ན་ཛྙཱ་ན་ནཱ་ཐ་ཡེ། <br /><span class="tibetan_small">མཐར་ཐུག་སྟོན་པ་རྣམ་ལྔའི་དཀྱིལ་འཁོར་དང་། །མྱུར་མཛད་ཡེ་ཤེས་མགོན་པོའི་བྱིན་རླབས་ཀྱིས། །གྲུབ་པ་གཉིས་སྩོལ་འདི་ཕྱིའི་བར་ཆད་སོལ། །ཟབ་གསལ་བསྟན་པ་རྒྱས་པའི་དགེ་ལེགས་སྩོལ། </span><br /><span class="tibetan_small">།རྗེ་བཙུན་ཆེན་པོ་ཏཱ་ར་ནཱ་ཐས་མཛད་པའི་སྒྲུབ་དཀྱིལ་ལ་ཁོ་བོས་གསལ་བྱེད་ཞབས་འདེགས་ཞུས་པ་ལ་བརྟེན་ནས་དབང་བསྐུར་བའི་ཚེ། ཐོག་མར་སྒྲུབ་དཀྱིལ་དེ་ཉིད་ལས་ཞིབ་པར་བརྟགས་ཏེ་བཤམ་བཀོད། འདོན་འགྲིགས། ལག་ལེན་སོགས་ཤིན་ཏུ་ངེས་པར་བྱས་ན་དེ་ལས་གསལ་བར་སྨོས་མ་དགོས། སྒྲུབ་གནས་རྙིང་པ་དང་རས་བྲིས་ཀྱི་དཀྱིལ་འཁོར་སྐབས་ས་ཆོག་མི་དགོས། ཐོག་མར་བརྒྱུད་འདེབས་རྣམས་དང་། སྔོན་འགྲོ་ཕྱོགས་སྐྱོང་དང་། གནས་བདག་ཡུལ་བདག་གཏོར་མ་བཏང་། གནས་ཁང་དང་མཆོད་རྫས་བྱིན་བརླབ། སྒྲུབ་ཐབས་ལྟར་སྐྱབས་འགྲོ་ནས་བརྩམས་ཏེ་བདག་བསྐྱེད། བཟླས་པ་ཉེར་བསྡུ། ཐུན་མཚམས་ཀྱི་ལྷར་ལྡང་བའི་བར་རྫོགས་པར་བཏང་། དེ་ནས་སྟ་གོན་ལ་འཇུག་པས་ཆོག་ཀྱང་། སྲུང་བའི་དོན་དུ་སྤྱི་དང་མཐུན་པར་ཕུར་གདབ་སྤྲོ་ན་ས་བཟུང་བའི་སྐབས་སུ་འབྱུང་བ་ལྟར། བདག་ཉིད་ཀྱི་ལུས་ཀྱི་དཀྱིལ་འཁོར་དང་སོགས་ནས་བགེགས་གཏོར་བཏང་། ཧཱུྃ་དཀྱིལ་འཁོར་ཆེན་པོའི་སོགས་ཀྱིས་བཀའ་བསྒོས་ལ། ཕུར་གདབ་རྫོགས་པར་བྱ། དེ་ནས་སའི་ལྷ་མོ་ལྷག་གནས། ལྷ་ལྷག་གནས། བུམ་པ་ལྷག་གནས་བཅས་གྲུབ་ནས། སློབ་མ་ལྷག་གནས་བྱ་སྟེ། སློབ་མ་རྣམས་སྒོ་དྲུང་དུ་འདུས་ཏེ་ལས་བུམ་ཆུས་ཁྲུས་བྱ། གྲལ་དུ་འཁོད་པ་ལ་མེ་ཏོག་བཀྲམ་བསྡུ་བྱས་ལ་སྟ་གོན་གྱི་ཆོས་བཅུ་འདུན་ལས། </span><br /><span class="tibetan_small">དང་པོ་ཐུན་མོང་གི་བསླབ་བྱ་བཤད་པ་ནི།</span> <br />མཁའ་ཁྱབ་ཀྱི་སེམས་ཅན་ཐམས་ཅད་ཀྱི་དོན་དུ་སྐུ་བཞི་ཡེ་ཤེས་ལྔའི་བདག་ཉིད་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་བྱ། དེའི་ཆེད་དུ་རྒྱུད་སྡེ་ལྔའི་དཀྱིལ་འཁོར་ཆེན་པོར་སྨིན་བྱེད་ཀྱི་དབང་བསྐུར་བ་ཞུས་ཏེ་གྲོལ་བྱེད་རིམ་པ་གཉིས་ཀྱི་རྣལ་འབྱོར་ཟབ་མོ་མཐར་ཕྱིན་པར་བགྱིའོ་སྙམ་དུ་བྱང་ཆུབ་མཆོག་ཏུ་སེམས་བསྐྱེད་པ་དང་། ཆོས་གསན་པའི་ཀུན་སྤྱོད་དང་ཀུན་སློང་རྣམ་པར་དག་པ་མདོ་རྒྱུད་རྣམས་ལས་ཇི་སྐད་གསུངས་པ་བཞིན་ལེགས་པར་གསལ་བཏབ་ནས་གསན་འཚལ། དེའང་འོ་སྐོལ་རྣམས་དལ་འབྱོར་གྱི་ཆོས་བཅོ་བརྒྱད་དང་ལྡན་པའི་མི་ལུས་རིན་པོ་ཆེ་རྙེད་པར་དཀའ་བ་ཐོབ་ཀྱང་འདུས་བྱས་ཐམས་ཅད་མི་རྟག་པའི་རང་བཞིན་ཡིན་པས་འཆི་བ་ནམ་འོང་ཆ་མེད། ཤི་བའི་འོག་ཏུ་རྣམ་ཤེས་ལས་ཀྱི་རྗེས་སུ་འབྲང་བས་དགེ་སྡིག་གི་བླང་དོར་མ་ནོར་བ་ལ་འབད་རྩོལ་བྱ་དགོས། འཁོར་བའི་གནས་རིས་མཐོ་དམན་གང་དུ་སྐྱེས་ཀྱང་སྡུག་བསྔལ་གསུམ་གྱི་རང་བཞིན་ལས་མ་འདས་ཤིང་ཐོག་མ་མེད་པ་ནས་འཁོར་བར་འཁྱམས། སླར་ཡང་མཐའ་མེད་པའི་འཁོར་བའི་སྡུག་བསྔལ་མྱོང་དགོས་ལ་ངེས་འབྱུང་གི་བློ་ཤུགས་དྲག་པོར་བསྐྱེད་ནས་ཐར་པའི་ལམ་ལ་འཇུག་དགོས། ཐར་པའི་ལམ་བཟང་པོ་ནི་ཕྱི་རོལ་མུ་སྟེགས་པ་སོགས་གྲུབ་མཐའ་ངན་པ་གཞན་ལ་མེད། ནང་པ་སངས་རྒྱས་ཁོ་ན་ལ་ཡོད་པས་དཀོན་མཆོག་གསུམ་ལ་སྐྱབས་སུ་འགྲོ་བ་རྩ་བར་བཟུང་ནས་སངས་རྒྱས་ཀྱི་བསྟན་པ་རིན་པོ་ཆེ་ལ་འཇུག་དགོས། དེའང་བདག་ཅག་གི་སྟོན་པ་ཐུགས་རྗེ་དང་བཀའ་དྲིན་ཚད་མ་མཆིས་པ་མཉམ་མེད་ཤཱཀྱའི་དབང་པོ་འདི་ཉིད་ཀྱིས་ཐོག་མར་འདྲེན་པ་གཞན་གྱིས་སྤངས་པའི་རྩོད་ལྡན་སྙིགས་མའི་འགྲོ་བ་རྣམས་ལ་དགོངས་ནས་བྱང་ཆུབ་མཆོག་ཏུ་ཐུགས་བསྐྱེད་པའང་སངས་རྒྱས་གཞན་ལས་ཁྱད་པར་དུ་འཕགས་པ་མཛད། བར་དུ་བསྐལ་པ་གྲངས་མེད་པ་གསུམ་དུ་ཚོགས་བསགས་བསམ་གྱིས་མི་ཁྱབ་པས་ས་བཅུ་དང་ལམ་ལྔ་མཐར་ཕྱིན་ནས་རྩོད་ལྡན་ཚེ་ལོ་བརྒྱ་པའི་དུས་སུ་མ་ག་དྷ་རྡོ་རྗེའི་གདན་དུ་མངོན་པར་རྫོགས་པའི་སངས་རྒྱས་པའི་ཚུལ་བསྟན་ཏེ་ཆོས་ཀྱི་འཁོར་ལོ་བསམ་གྱིས་མི་ཁྱབ་པར་བསྐོར་བ་རྣམས་ལ་ཉན་ཐོས་ཀྱི་ལུགས་སུ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་དུ་གྲགས། དེ་དག་ཀྱང་གདུལ་བྱའི་དབང་པོ་དམན་འབྲིང་། མཆོག་གི་དབང་དུ་བྱས་ནས་སྡེ་སྣོད་གསུམ་དུ་བསྡུ། དེའང་ཐེག་པ་ཆེ་ཆུང་གཉིས་སུ་དབྱེ་བ་ལས་ཐེག་དམན་ལས་ཁྱད་པར་དུ་མས་འཕགས་པ་ཐེག་པ་ཆེན་པོ་བྱང་ཆུབ་སེམས་ཀྱི་ཐེག་པས་ཁྱད་པར་དུ་བྱས་པ་ཡིན། དེ་ལའང་རྒྱུ་ལམ་དུ་བྱས་པ་མཚན་ཉིད་ཀྱི་ཐེག་པ་དང་། འབྲས་བུ་ལམ་དུ་བྱས་པ་གསང་སྔགས་རྡོ་རྗེ་ཐེག་པ་གཉིས་སུ་དབྱེ་བ་ལས། གསང་སྔགས་རྡོ་རྗེ་ཐེག་པ་ནི་སངས་རྒྱས་འདི་ཉིད་ཀྱི་ཐུགས་བསྐྱེད་ཀྱི་སྟོབས་ཀྱིས་བསྟན་པ་འདི་ཁོ་ན་ལ་བྱོན་པ་ལས་འདས་པའི་སངས་རྒྱས་རྣམས་ཀྱིས་ཀྱང་མ་གསུངས། མ་འོངས་པའི་སངས་རྒྱས་རྣམས་ཀྱིས་ཀྱང་གསུང་བར་མི་འགྱུར་བས་ཨུ་དུམྦ་ར་ལྟར་དཀོན་ཅིང་གྲོལ་བ་བཞི་དང་ལྡན་པས་གསང་སྔགས་ཀྱི་སྒོར་ཞུགས་པ་ནི་ཤིན་ཏུ་སྐལ་པ་བཟང་པོ་དང་ལྡན་པ་ཡིན། གསང་སྔགས་ཉིད་སྡེ་སྣོད་གསུམ་པོ་སྤྱི་ཁྱབ་ཡིན་པར་བཞེད་པ་དང་། ཁྱད་པར་ཅན་དུ་བྱས་པ་སོགས་མཆིས་ཀྱང་དཔུང་བཟང་གིས་ཞུས་པ་ལས། <br />ལྷ་དང་ལྷ་མིན་མི་ལ་ཕན་གདགས་ཕྱིར། །གསང་སྔགས་རིག་སྔགས་རྣམ་པ་སྣ་ཚོགས་དང་། །བྱེ་བ་ཕྲག་གསུམ་དང་ནི་འབུམ་ཕྲག་ལྔ། །རིག་འཛིན་སྡེ་སྣོད་བཤད་པར་རྒྱལ་བས་གསུངས། །ཞེས་དང་། <br />སློབ་དཔོན་སངས་རྒྱས་གསང་བས། །སངས་རྒྱས་མཆོག་གིས་ཆོས་གསུངས་པ། །མདོ་སྡེ་འདུལ་བ་མངོན་པ་དང་། །རིག་པ་འཛིན་པའི་སྡེ་བཞིར་གནས། <br />།ཞེས་གསུངས་ཤིང་སློབ་དཔོན་གཞན་གྱིས་ཀྱང་དེ་ལྟར་བསྟན་པ་མང་བས་རིག་པ་འཛིན་པའི་སྡེ་སྣོད་ཅེས་ཁྱད་པར་དུ་འཕགས་པའི་སྡེ་སྣོད་བཞི་པར་བཞག་པ་ལ་ནང་གསེས་ཀྱིས་དབྱེ་བ་གཉིས་ནས་བདུན་གྱི་བར་དུ་བཞག་པ་སོགས་རྣམ་གྲངས་མང་ཡང་སྦྱོང་གཞི་དུས་བཞི། མི་རིགས་བཞི། འདོད་ཆགས་བཞི། དབང་པོ་བཞི་སོགས་བཞི་ཚན་རྣམས་ལ་དགོངས་ནས་རྒྱུད་སྡེ་བཞིར་དབྱེ་བ་ནི་གྲགས་ཆེ་སྟེ། <br />རྡོ་རྗེ་གུར་ལས། དམན་པ་རྣམས་ལ་བྱ་བའི་རྒྱུད། །བྱ་མིན་རྣལ་འབྱོར་དེ་ལྟག་ལའོ། །སེམས་ཅན་མཆོག་ལ་རྣལ་འབྱོར་རྒྱུད། །རྣལ་འབྱོར་བླ་མེད་དེ་ལྟག་ལའོ། <br />།ཞེས་སོགས་རྒྱུད་སྡེ་གཞན་ལའང་རྒྱ་ཆེར་འབྱུང་བ་ལྟར་བྱ་སྤྱོད་རྣལ་འབྱོར་བླ་མེད་ཀྱི་རིམ་པར་བཞུགས་པ་རྣམས་ཀྱི་མཆོག་ཏུ་གྱུར་པ་རྣལ་འབྱོར་བླ་མེད་ཀྱི་རྒྱུད་ལ་ཐབས་གཙོ་བོར་སྟོན་པ་ཕའི་རྒྱུད་དང་ཤེས་རབ་གཙོ་བོར་སྟོན་པ་མའི་རྒྱུད་གཉིས་སུ་དབྱེ་བ་ལས་འདིར་སྐབས་སུ་བབ་པ་རྒྱུད་སྡེ་ལྔའི་དཀྱིལ་འཁོར་ཆེན་པོ་འདི་ནི་མཁས་གྲུབ་ཁྱུང་པོ་རྣལ་འབྱོར་དེ་ཉིད་དགུང་གྲངས་ལྔ་བཅུ་བར་རྒྱ་གར་འཕགས་པའི་ཡུལ་དུ་ཕེབས་ཏེ་རྡོ་རྗེ་འཆང་དངོས་ཀྱིས་རྗེས་སུ་བཟུང་བའི་ཡེ་ཤེས་ཀྱི་མཁའ་འགྲོ་རྣམ་པ་གཉིས་དང་། མཁས་གྲུབ་བརྒྱ་དང་ལྔ་བཅུ་ཞབས་པད་བསྟེན་ཏེ་རིག་པའི་གནས་དང་མདོ་རྒྱུད་མན་ངག་ཀུན་ལ་མཁས་པར་སྦྱངས་པས་བཤད་པ་དང་རྩོད་པ་དང་སྒྲུབ་པའི་ལམ་རིམ་གྱི་བཀའ་བབས། གྲུབ་པའི་གོ་འཕང་མཐོན་པོར་གཤེགས། ཁྱད་པར་གཏུམ་མོ་སྟོན་པའི་མཐར་ཐུག །དགྱེས་རྡོར་མཚོན་ཆ་དང་ཐོད་པ་ཅན་ལྷ་དགུས་བསྐོར་བ་གྲུབ་ཆེན་ཌོམྦི་པ་དང་མཚོ་སྐྱེས་ཞབས་ཀྱི་ལུགས། ལས་རྒྱ་སྟོན་པའི་མཐར་ཐུག་བདེ་མཆོག་ལྷ་དྲུག་ཅུ་རྩ་གཉིས་པ་ལཱུ་ཧི་པའི་ལུགས། སྒྱུ་མ་རྨི་ལམ་སྟོན་པའི་མཐར་ཐུག་མ་ཧཱ་མ་ཡ་ལྷ་ལྔ་པ་ཀུ་ཀུ་རི་པའི་ལུགས། འོད་གསལ་སྟོན་པའི་མཐར་ཐུག་གསང་འདུས་མི་བསྐྱོད་རྡོ་རྗེ་ལྷ་སོ་གསུམ་པ་འཕགས་པ་ཡབ་སྲས་ཀྱི་ལུགས། མངོན་སྤྱོད་སྟོན་པའི་མཐར་ཐུག་རྡོ་རྗེ་འཇིགས་བྱེད་ཆེན་པོ་ལྷ་བཅུ་གསུམ་པ་ལ་ལི་ཏ་བཛྲའི་ལུགས་རྣམས་བརྒྱུད་པ་སོ་སོ་ལས་གསན་མོད་ཀྱི་འདིར་དེ་རྣམས་གཅིག་ཏུ་དྲིལ་བའི་བློས་བཏགས་ཀྱིས་དཀྱིལ་འཁོར་གཅིག་ཏུ་མཛད་པ་མ་ཡིན་ཏེ། བཅོམ་ལྡན་འདས་ཐུབ་པའི་དབང་པོས་དཔལ་ལྡན་འབྲས་སྤུངས་ཀྱི་མཆོད་རྟེན་ཆེན་པོར་དུས་འཁོར་རྩ་བའི་རྒྱུད་གསུང་པའི་སྐབས་བདེ་དགྱེས་སོགས་ཀྱི་རྩ་བའི་རྒྱུད་སྡེ་ཐམས་ཅད་སླར་ཡང་བསྟན་པ་དང་། རྒྱུད་སྡེ་གཞན་ཡང་མང་དུ་གསུངས་པའི་ནང་ཚན་རིན་ཆེན་རྒྱ་མཚོ་ཞེས་བྱ་བའི་རྒྱུད་སྡེ་ཆེན་པོ་ལས་རྒྱུད་སྡེ་ལྔ་པོ་འདི་དཀྱིལ་འཁོར་གཅིག་ཏུ་སྒྲུབ་པའི་ཚུལ་གསལ་བར་བསྟན་པའི་རྒྱུད་དེ་ཉིད་ཁྱབ་བདག་རྡོ་རྗེ་འཆང་། རྡོ་རྗེ་སྙིང་པོ། ཡེ་ཤེས་ཀྱི་མཁའ་འགྲོ་མ། ཨིནྡྲ་བྷུ་ཏི། ལྷ་ལྕམ་དཔལ་མོ། ས་མནྟ་བཛྲ། ཛ་ཡ་དེ་བ་ལས་རྡོ་རྗེ་གདན་པ་བར་པ། པུཎྱ་ཀ་རས་གསན་པ་ནི་རིང་བརྒྱུད་དང་། རྡོ་རྗེ་འཆང་། བློ་གྲོས་རིན་ཆེན། ཤ་བ་རི་པ། མངའ་བདག་མཻ་ཏྲི་པ། དྷ་བྱང་ཆུབ་སེམས་དཔའ་ལས་རྡོ་རྗེ་གདན་པ་བར་པས་གསན་པ་ནི་ཉེ་བརྒྱུད་དང་། རྡོ་རྗེ་འཆང་། གྲུབ་པའི་དཔའ་བོ། རཏྣ་ཀ་ར། ཨརྱ་བཛྲ། གྲུབ་ཆེན་རཱ་ཧུ་ལས་གསན་པ་ནི་ཤིན་ཏུ་ཉེ་བརྒྱུད་དེ། མཁས་གྲུབ་དེ་གཉིས་ལས་ཁྱུང་པོ་རྣལ་འབྱོར་གྱིས་སྨིན་གྲོལ་རྫོགས་པར་གསན། རྒྱུད་ཆེན་འདི་འཕགས་ཡུལ་གྱི་མཁས་གྲུབ་གཞན་ལ་མ་གྲགས་ཤིང་བོད་དུའང་མ་འགྱུར། འདི་རིགས་གཞན་དུའང་མང་བར་ཡོད་པར་སྣང་བས་བོད་དུ་འགྱུར་བའི་གསུང་རབ་ཉུང་ཤས་ལ་བརྟེན་ནས་མདོ་རྒྱུད་ཀྱི་རིགས་དག་མ་དག་གི་ཁ་ཚོན་བཅད་པ་ནི་ནམ་མཁའ་འདོམས་འཇལ་བའི་དཔེར་སྣང་ངོ་། །མཁས་གྲུབ་ཁྱུང་པོས་རྨོག་ལྕོག་པ་ལ་གནང་སྟེ་དབོན་སྟོན་སྐྱེར་སྒང་པ་སོགས་ནས་རིམ་པར་བརྒྱུད་ད་ལྟའི་བར་དུ་བརྒྱུད་པ་ཟམ་མ་ཆད་པར་བྱོན་པའི་དཀྱིལ་འཁོར་ཆེན་པོ་འདིའི་དབང་བསྐུར་བ་བསྒྲུབ་པར་བགྱི་བ་ལ་སློབ་མ་ལྷག་པར་གནས་པ་དང་དབང་བསྐུར་དངོས་གཞི་གཉིས་སུ་ཡོད་པ་ལས་དེ་རིང་གི་སྐབས་སུ་སྟ་གོན་གྱི་ཆོས་རྣམས་བསྒྲུབ་པར་བགྱི་བ་ཡིན། དེ་ལ་སློབ་དཔོན་གྱི་བྱ་བ་རྣམས་སྔོན་ཏུ་གྲུབ། ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལྷག་གནས་ཀྱི་ཆོས་རྣམས་ཞུ་བའི་ཡོན་དུ་དམིགས་ཏེ་ཞིང་ཁམས་འབུལ་བར་ཞུ། <span class="tibetan_small">ཞེས་མཎྜལ་འབུལ་དུ་གཞུག །དེ་ནས་དཀྱིལ་ཆོག་ལྟར།</span> སྡོམ་པ་གསུམ་ལ་གནས་པར་བྱ། <span class="tibetan_small">སོགས་ནས།</span> དེ་རྣམས་ཀྱི་བསམ་པ་རྣམ་དག་བསྐྱེད་དགོས་སོ། <span class="tibetan_small">།ཞེས་གདམས། </span><br /><span class="tibetan_small">གཉིས་པ་སྤྲོ་བར་བསྐྱེད་པ་ནི།</span> སྔགས་ཀྱི་དངོས་གྲུབ་དོན་གཉེར་གང་། <span class="tibetan_small">།སོགས་ནས།</span> འདི་འབྲས་འགྲུབ། །ཅེས་གསུངས་ཏེ། སྔགས་ཀྱི་དངོས་གྲུབ་རྡོ་རྗེ་འཛིན་པའི་ཡེ་ཤེས་དོན་དུ་གཉེར་བདག་དཀྱིལ་འཁོར་ཆེན་པོར་གཞུག་པར་བྱའི། ཚེ་འདིའི་བདེ་སྐྱིད་དང་ཕྱི་མ་ལྷའི་གོ་འཕང་དང་། རང་དོན་ཏུ་ཉན་རང་གི་བྱང་ཆུབ་འདོད་པ་རྣམས་ནི་མ་ཡིན་ཏེ། དེ་དག་ནི་དཀྱིལ་འཁོར་དུ་འཇུག་པ་ལ་མ་ལྟོས་པར་ཐབ་དམན་པ་གཞན་ལ་བརྟེན་ནས་བསྒྲུབ་ཏུ་ཡོད་པའི་ཕྱིར་རོ། །དེ་བས་ན་བདག་གཞན་ཐམས་ཅད་སྲིད་ཞིའི་ཕ་རོལ་ཏུ་སོན་པའི་མི་གནས་པའི་མྱ་ངན་ལས་འདས་པ་དོན་ཏུ་གཉེར་བའི་དད་པ་ཅན་བློ་གྲོས་དང་ལྡན་པ་དག་དཀྱིལ་འཁོར་ཆེན་པོར་གཞུག་པར་བྱ་སྟེ། ཚེ་འདིའི་བདེ་འབྲས་དོན་ཏུ་གཉེར་བས་ཞུགས་ན་ཕ་རོལ་གྱི་དོན་མི་འགྲུབ་ཅིང་། གཞན་དོན་ཏུ་མི་གནས་པའི་མྱ་ངན་ལས་འདས་པ་ཐམས་ཅད་མཁྱེན་པའི་སངས་རྒྱས་ལ་དམིགས་ཏེ་ཞུགས་ན་རང་གཞན་གཉིས་ཀའི་དོན་བདེ་བླག་ཏུ་འགྲུབ་པ་ཡིན། ཞེས་གསུངས་པ་ལགས་པས་དོན་ཐུགས་ལ་ངེས་པར་ཞུ། <br /><span class="tibetan_small">གསུམ་པ་གསོལ་བ་བཏབ་པ་ནི།</span> སྙིམས་པ་མེ་ཏོག་དང་བཅས་པའི་ཐལ་མོ་སྦྱོར་ལ་འདིའི་རྗེས་ཟློས་ལན་གསུམ་མཛོད། དགའ་ཆེན་ཁྱོད་བདག་སྟོན་པ་སྟེ། <span class="tibetan_small">སོགས་གསུམ། </span><br /><span class="tibetan_small">བཞི་པ་སྤྲོ་བ་བསྐྱེད་པ་ནི།</span> ཁྱེད་རྣམས་ཁྱད་པར་ཅན་གྱི་ལམ་ཟབ་མོ་རྡོ་རྗེ་ཐེག་པ་ལ་དོན་གཉེར་གྱི་བློ་སྐྱེས་པ་དེ་ཤིན་ཏུ་ལེགས་པ་ཡིན་ནོ། །ཞེས་ཤེས་པའི་ཆེད་དུ་སྤྲོ་བ་བསྐྱེད་པ་འདི་ལ་གསན་པས་ཁྱབ་པར་གདའ། བུ་ཚུར་ཐེག་པ་<span class="tibetan_small">ནས།</span> བློ་གྲོས་འདི་གྱིས་ཤིག <span class="tibetan_small">།ཅེས་དང་། </span><br /><span class="tibetan_small">ལྔ་པ་རྟོག་པ་བསྡུ་བ་ནི།</span> རྟོག་པ་ཐམས་ཅད་<span class="tibetan_small">ནས།</span> བྱིན་མི་རློབ། ཅེས་གསུངས་པས་དབང་གི་ཚིག་རྣ་བ་གཏད་དེ་མི་ཉན་པ་དང་། དོན་ཇི་བཞིན་ཏུ་འཛིན་པར་མི་བྱེད་པ་རྣམས་སྣོད་མིན་སྤངས་བྱར་གསུངས་ཤིང་། དེ་ལྟ་བུ་ལ་དབང་རྫོགས་པར་བསྐུར་ཡང་དབང་དོན་གྱི་ཡེ་ཤེས་ཇི་བཞིན་སྐྱེ་བར་མི་འགྱུར་བས་རྩེ་གཅིག་ཏུ་དད་པས་ཉན་ཅིང་ནན་ཏན་དུ་འཛིན་པར་བྱ་དགོས་སོ། <br /><span class="tibetan_small">།དྲུག་པ་སྡོམ་གསུམ་བསྟེན་པ་ནི།</span> དཀོན་མཆོག་ཀུན་འདུས་ཀྱི་བདག་ཉིད་སློབ་དཔོན་གཙོ་བོར་གཞུགས་པའི་དཀྱིལ་འཁོར་ལྷ་ཚོགས་རྣམས་ཀྱི་སྤྱན་སྔར་བདག་གཞན་ནམ་མཁའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་བྱང་ཆུབ་སྙིང་པོ་ལ་མཆིས་ཀྱི་བར་དུ་སྒོ་གསུམ་གུས་པ་ཆེན་པོས་སྐྱབས་སུ་འགྲོ་བ་དང་། སོ་སོར་ཐར་པའི་འདུལ་བ། བྱང་ཆུབ་སེམས་དཔའི་བསླབ་བྱ། རིག་འཛིན་སྔགས་ཀྱི་དམ་ཚིག་རྣམས་ཚུལ་བཞིན་ཏུ་བསྲུང་ཞིང་གཞན་ལ་ཕན་པར་བགྱིད་དོ་སྙམ་པས་འདིའི་རྗེས་ཟློས། བཅོམ་ལྡན་དཀྱིལ་འཁོར་དེས་གསུངས་ཆོས། <span class="tibetan_small">།སོགས་ནས།</span> སྟོན་པར་བགྱི། <span class="tibetan_small">ཞེས་ལན་གསུམ། </span><br /><span class="tibetan_small">བདུན་པ་ཡན་ལག་བདུན་པ་བྱ་བ་ནི།</span> ཁྱེད་རང་རྣམས་ཀྱི་མདུན་གྱི་ནམ་མཁར་བླ་མ་དང་གཉིས་སུ་མེད་པའི་བཅོམ་ལྡན་འདས་རྒྱུད་སྡེ་ལྔའི་དཀྱིལ་འཁོར་ལ་དཀོན་མཆོག་གསུམ་དང་རྩ་བ་གསུམ་གྱི་ལྷ་ཚོགས་སྤྲིན་གཏིབས་པ་ལྟ་བུས་བསྐོར་ཏེ་བཞུགས་པའི་སྤྱན་སྔར་བདག་གཞན་སེམས་ཅན་ཐམས་ཅད་ཀྱིས་འཁོར་བ་ཐོག་མ་མེད་པ་ནས་བསགས་པའི་སྡིག་པ་བཤགས་ཤིང་། འཁོར་འདས་ཀུན་གྱི་དགེ་བ་ལ་ཡི་རང་བ་དང་། ཆོས་ཀྱི་འཁོར་ལོ་བསྐོར་བར་བསྐུལ་བ་དང་། རྡོ་རྗེ་ཐེག་པའི་དཀོན་མཆོག་གསུམ་ལ་སྐྱབས་འགྲོ་བ་དང་། སྨོན་འཇུག་བྱང་ཆུབ་མཆོག་ཏུ་སེམས་བསྐྱེད་པ་དང་། དགེ་རྩ་བྱང་ཆུབ་ཆེན་པོར་བསྔོ་ཞིང་ལུས་འབུལ་བ་བཅས་ཡན་ལག་བདུན་པ་ཚུལ་བཞིན་བགྱིའོ། སྙམ་པས་འདིའི་རྗེས་ཟློས། བདག་གིས་སྡིག་པ་བགྱིས་པ་དང་། <span class="tibetan_small">།སོགས་སྒྲུབ་ཐབས་དབུ་ནས་འབྱུང་བ་ལྟར་ལ།</span> ཁྱོད་ཀྱི་སྐུ་གསུམ་འགྲུབ་པར་ཤོག <span class="tibetan_small">།བར་ལན་གསུམ། </span><br /><span class="tibetan_small">བརྒྱད་པ་དྲིས་ལེན་ནི།</span> དེ་བཞིན་གཤེགས་པ་ཐམས་ཅད་ཀྱི། <span class="tibetan_small">།སོགས་ནས།</span> ཁྱོད་འདོད་དམ། ཞེས་དྲིས་པའི་ལན་བཏབ་པ་འདིའི་རྗེས་ཟློས། དེ་བཞིན་གཤེགས་པ་སོགས་ནས། བདག་ཉིད་ཆེན་པོ་བདག་འཚལ་ལོ། <span class="tibetan_small">།ཞེས་ལན་བཏབ། </span><br /><span class="tibetan_small">དགུ་པ་སྡོམ་པ་བསྒྲགས་པ་ནི།</span> རྡོ་རྗེ་ཐེག་པའི་རྩ་བ་དམ་ཚིག་དང་སྡོམ་པ་ལ་རག་ལས་པས་ཤིན་ཏུ་གལ་ཆེ་བས་སྲུང་སྡོམ་བྱ་དགོས་པ་ནི་འདི་དག་ཡིན་ནོ་ཞེས་བསྒྲགས་པ་འདི་ལ་གསན་འཚལ། སངས་རྒྱས་ཆོས་དང་དགེ་འདུན་ཏེ། <span class="tibetan_small">།སོགས་ནས།</span> ཡང་དག་བཤད། <span class="tibetan_small">བར་ལན་གསུམ། </span><br /><span class="tibetan_small">བཅུ་པ་སྡོམ་པ་བཟུང་བ་ནི།</span> ཇི་སྐད་གསུངས་པའི་དམ་ཚིག་དང་སྡོམ་པ་རྣམས་ལེགས་པར་བླངས་ནས་ཚུལ་བཞིན་ཏུ་བསྲུང་སྙམ་པས་འདིའི་རྗེས་ཟློས། སློབ་དཔོན་འདིར་ནི་སོགས་དང་། ཇི་ལྟར་དུས་གསུམ་མགོན་པོ་<span class="tibetan_small">སོགས་སྒྲུབ་ཐབས་ནས་འབྱུང་བ་ལྟར་ལན་གསུམ་རྗེས་ཟློས་བྱ། </span><br /><span class="tibetan_small">བཅུ་གཅིག་པ་གནས་གསུམ་བྱིན་རླབས་ནི།</span> སློབ་མ་སྐད་ཅིག་གིས་རྡོ་རྗེ་སེམས་དཔའི་སྐུར་གྱུར་པའི་དཔྲལ་བར་ཟླ་བ་ལ་ཨོཾ་ལས་འཁོར་ལོར་ཨོཾ་གྱིས་མཚན་པ་ལས་སྐུ་རྡོ་རྗེ་སྐུ་མདོག་དཀར་པོ་འཁོར་ལོ་དང་དྲིལ་བུ་འཛིན་པ། མགྲིན་པར་སྣ་ཚོགས་པདྨ་ལ་ཨ་ལས་པདྨ་དམར་པོ་ཨཱཿས་མཚན་པ་ལས་གསུང་རྡོ་རྗེ་སྐུ་མདོག་དམར་པོ་པདྨ་དང་དྲིལ་བུ་འཛིན་པ། སྙིང་གར་ཉི་མའི་དཀྱིལ་འཁོར་ལ་ཧཱུྃ་ལས་རྡོ་རྗེར་ཧཱུྃ་གིས་མཚན་པ་ལས་ཐུགས་རྡོ་རྗེ་སྐུ་མདོག་མཐིང་ཁ་རྡོ་རྗེ་དང་དྲིལ་བུ་འཛིན་པ་རྣམས་སུ་གྱུར། <span class="tibetan_small">སློབ་མའི་གནས་གསུམ་དུ་བདུད་རྩི་ལྔ་དང་དྲི་བཟང་སྦྱར་བའི་ཐིག་ལེ་བྱ།</span> སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། སངས་རྒྱས་བྱང་སེམས་ཐམས་ཅད་སྐུ་གསུང་ཐུགས་རྡོ་རྗེའི་རྣམ་པར་སྤྱན་དྲངས་སློབ་མའི་གནས་གསུམ་དུ་ཐིམ་པར་གྱུར། <span class="tibetan_small">ཉེར་སྤྱོད་ལྔ།</span> ཨོཾ་ཨཱཿཧཱུྃ་<span class="tibetan_small">ལན་གསུམ་གྱིས་བྱིན་བརླབས།</span> དེ་ལྟར་བྱས་པས་ཁྱེད་རང་རྣམས་ཀྱི་ལུས་ངག་ཡིད་གསུམ་གདོད་མ་ནས་རྡོ་རྗེ་གསུམ་གྱི་ངོ་བོར་གནས་པ་དེ་ཆོ་ག་འདིས་ངོ་འཕྲོད་ཅིང་དེ་གསལ་བར་བྱས་པ་ཡིན། དེ་ལྟར་སེམས་བསྐྱེད་ཅིང་སྒོ་གསུམ་ལྷར་བྱས་མ་ཐག་པ་དེ་མཆོད་ཡུལ་དུ་བཟུང་བ་ཡིན། མེ་ཏོག་དབུ་ལ་ཕུལ་ནས་མཆོད་པ་མཛོད། ཨོཾ་བཛྲ་པུཥྤེ་ཨཱཿཧཱུྃ། བདུག་སྤོས་ཤངས་ལ༴ དྷཱུ་པེ། མར་མེ་སྤྱན་ལམ་དུ༴ ཨཱ་ལོ་ཀེ༴ དྲིའི་བྱུགས་པ་ཐུགས་ཀར༴ གནྡྷེ༴ ཞལ་ཟས་ལྗགས་ལ༴ ནཻ་ཝི་དྱ་ཨཱཿཧཱུྃ། ཞེས་པས་མཆོད་པ་ནི་ལུས་ངག་ཡིད་གསུམ་ལྷར་ཤེས་པའི་སྒོ་ནས་འདོད་ཡོན་ལ་མ་ཆགས་པར་ལོངས་སྤྱོད་ཅིག་ཅེས་པའི་དོན་ཡིན་ནོ། །དུས་འདི་ནས་ནི་བཟུང་ནས་སུ། །འཁོར་བའི་ཉེས་པས་མ་གོས་པར། །མཆོད་པ་ཀུན་དང་ལྡན་པ་ཡི། །དུས་ཀུན་དུ་ནི་དགེ་བར་མནོས། <span class="tibetan_small">།ཞེས་བརྗོད།</span> ཁྱེད་རང་རྣམས་ཀྱིས་རང་གི་གནས་གསུམ་གྱི་རྡོ་རྗེ་གསུམ་ལ་གསོལ་བ་འདེབས་པ་འདིའི་རྗེས་ཟློས། ཨོཾ་སྐུ་ཡི་རྡོ་རྗེ་སྐུ་ཡི་མཆོག །ཡེ་ཤེས་དང་ལྡན་གཏི་མུག་སེལ། །བཅོམ་ལྡན་གཙོ་བོ་སྐུ་རྡོ་རྗེ། །སྐུ་ཡི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། སྐུ་རྡོ་རྗེ་སློབ་མའི་ལུས་ལ་ཐིམ་པས། ལུས་སྐུའི་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཀ་ཡ་བཛྲ་སྭཱ་བྷཱ་ཝ་ཨཏྨ་ཀོ྅ཧཾ། <span class="tibetan_small">ཞེས་ང་རྒྱལ་ཟིན་དུ་གཞུག །དེ་བཞིན་དུ།</span> གསུང་གི་རྡོ་རྗེ་གསུང་གི་མཆོག །སོ་སོར་རྟོག་པས་འདོད་ཆགས་འཇོམས། །བཅོམ་ལྡན་གཙོ་བོ་གསུང་རྡོ་རྗེ། །གསུང་གི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། གསུང་རྡོ་རྗེ་སློབ་མའི་ངག་ལ་ཐིམ་པས། ངག་གསུང་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཝཱ་ཀ་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ། <span class="tibetan_small">དེ་བཞིན་དུ།</span> ཐུགས་ཀྱི་རྡོ་རྗེ་ཐུགས་དམ་བསྐུལ། །དག་པའི་རང་བཞིན་ཞེ་སྡང་སྦྱོང་། །བཅོམ་ལྡན་གཙོ་བོ་ཐུགས་རྡོ་རྗེ། །ཐུགས་ཀའི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། ཐུགས་རྡོ་རྗེ་སློབ་མའི་ཡིད་ལ་ཐིམ་པས། ཡིད་ཐུགས་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཙི་ཏྟ་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་སུ་པྲ་ཏིཥྛ་བཛྲེ་སྭཱ་ཧཱ། <span class="tibetan_small">ཞེས་མེ་ཏོག་འཐོར་ཅིང་བརྟན་པར་ཡང་བྱའོ། </span><br /><span class="tibetan_small">།བཅུ་གཉིས་པ་སོ་ཤིང་དོར་བ་ནི། བ་བྱུང་གིས་བྱུགས་པའི་མཎྜལ་ཐིག་བཞིས་ལེའུ་ཚེ་དགུར་བགོས་པ་ཞིག་བྱས་ལ།</span> བྱང་ཆུབ་ཀྱི་ཤིང་དུ་མོས་པའི་སོ་ཤིང་ཨཱ་ཁཾ་ཝཱི་ར་ཧཱུྃ་<span class="tibetan_small">ཞེས་བརྗོད་པས་སློབ་མའི་ལག་ཏུ་གཏད་ལ།</span> འཆའ་བའི་ཚུལ་བགྱིས་པས་སྡིག་སྒྲིབ་ཐམས་ཅད་སྐྱུགས་པར་བསམ་ལ་སྔགས་འདིའི་རྗེས་ཟློས་དང་བཅས་ཏེ། སོ་ཤིང་གི་རྭ་བར་དོར་ཞིག །ཨོཾ་ཨཱཿཁཾ་ཝཱི་ར་ཧཱུྃ། <span class="tibetan_small">ཞེས་འདོར་དུ་གཞུག</span> །དེ་ལྟར་འདོར་བའི་ལྟས་ཀྱི་མཚན་མ་བཤད་པ་ནི། སྤྱི་རྒྱུད་ལས། དེ་ཚེ་བདག་ལ་ལྟ་བ་དང་། །རྩེ་མོ་གྱེན་དུ་འགྲེང་གྱུར་ན། །དེ་ནི་དངོས་གྲུབ་མཆོག་ཅེས་བྱ། །དེ་བཞིན་ཤར་དུ་ཁ་བལྟས་ན། །དེ་ནི་དངོས་གྲུབ་འབྲིང་དུ་བཤད། །མཚམས་དང་བྱང་དུ་ཁ་བལྟས་ན། །འཇིག་རྟེན་པ་ཡི་དངོས་གྲུབ་འགྲུབ། །སོ་ཤིང་དོར་བ་བརྒྱ་ལམ་ཞིག །གལ་ཏེ་ཐུར་དུ་ཁ་བལྟས་ན། །དེ་ནི་ངེས་པར་ས་འོག་གི །དངོས་གྲུབ་དེ་ནི་ཐེ་ཚོམ་མེད། །ཅེས་གསུངས་པ་ལྟར་རོ། །དེས་ནི་གནས་སྐབས་སུ་སྡིག་སྒྲིབ་འདག་ཅིང་དངོས་གྲུབ་ཀྱི་མཚན་ལྟས་ཤེས་པ་དང་མཐར་ཐུག་འཚང་རྒྱ་བའི་ཚེ་བྱང་ཆུབ་ཀྱི་ཤིང་རྩོལ་མེད་དུ་འབྱུང་བའི་རྟེན་འབྲེལ་བསྒྲིགས་པ་ཡིན་ནོ། <br /><span class="tibetan_small">།བཅུ་གསུམ་པ་སྲུང་སྐུད་གདགས་པ་ནི། སྲུང་སྐུད་ཁ་དོག་ལྔ་ལྡན་ཁྲུ་གང་བར་མདུད་པ་གསུམ་བཏབ་ལ།</span> ཧཱུྃ་ལས་བྱུང་བའི་སྲུང་སྐུད་མདུད་པ་གསུམ་ལ་ཨོཾ་ཨཱཿཧཱུྃ་ཡོངས་སུ་གྱུར་པ་ལས། སྐུ་གསུང་ཐུགས་རྡོ་རྗེའི་ལྷ་གསུམ། སློབ་དཔོན་གྱི་སྙིང་གའི་ཧཱུྃ་ལས་འོད་འཕྲོས། སངས་རྒྱས་ཐམས་ཅད་ཀྱི་ཐུགས་ཀ་ནས། ཡེ་ཤེས་ཀྱི་སྲད་བུ་རྡོ་རྗེ་གསུམ་དང་བཅས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ ལྷ་གསུམ་ཞུ་བ་ལས་མདུད་པའི་རྣམ་པར་གྱུར། <span class="tibetan_small">སྐྱེས་པའི་དཔུང་པ་གཡོན་དང་། བུད་མེད་ཀྱི་གཡས་སུ་བཅིངས།</span> འདིའི་གནས་སྐབས་ཀྱི་དགོས་པ་ཁམས་བྱང་ཆུབ་ཀྱི་སེམས་འཕོ་བའི་བར་ཆད་མཐའ་དག་བསྲུང་བ་དང་། མཐར་ཐུག་གི་དགོས་པ་སྐུ་གསུང་ཐུགས་རྡོ་རྗེའི་རང་བཞིན་ཏུ་སངས་རྒྱས་ནས་བདུད་ཀྱིས་མི་ཚུགས་པའོ། <span class="tibetan_small">།ཞེས་བརྗོད། </span><br /><span class="tibetan_small">བཅུ་བཞི་པ་ཁྱོར་ཆུ་སྦྱིན་པ་ནི།</span> དྲི་བཟང་དང་སྦྱར་བའི་ཆུ་འདི་ཉིད་ཕྱག་གཡས་གཡོན་གང་རུང་གི་ཁྱོར་བར་ཟད་དེ་ཞལ་དུ་བཞེས་ཏེ་ཕྱིར་འཕོ་བས་ངག་གི་ཉེས་སྒྲིབ་ཐམས་ཅད་བྱང་ཞིང་དག་པར་གྱུར་པའི་མོས་པ་མཛོད། <span class="tibetan_small">ཅེས་པའི་མཐར།</span> ཨོཾ་ཧྲཱིཿབི་ཤུདྡྷ་དྷརྨ་སརྦ་པཱ་པཾ་ནི་ཤྩ་ཨ་སྱ་ཤོ་དྷ་ཡ་སརྦ་བི་ཀལྤཱ་ན་ཨ་པཱ་ན་ཡ་ཧཱུྃ། <span class="tibetan_small">ཞེས་ལན་གསུམ་གྱིས་ཁྱོར་ཆུ་སྦྱིན།</span> དེས་ནི་གནས་སྐབས་ཀྱི་དགོས་པ་ཁ་དག་པ། ངག་སྒྲིབ་སྦྱོང་བ། རྨི་ལམ་གསལ་པོར་འབྱུང་བ་གསུམ་དང་། མཐར་ཐུག་གི་དགོས་པ་རང་ཉིད་འཚང་རྒྱ་བའི་ཚེ་ན་སྐུ་གསུང་ཐུགས་ཀྱི་དག་པ་གསུམ་འཐོབ་པའོ།<br /><span class="tibetan_small">།བཅོ་ལྔ་པ་ཀུ་ཤ་སྦྱིན་པ་ནི།</span> དྷཱིཿལས་བྱུང་བའི་ཀུ་ཤ། ཨོཾ་ཨཱཿབཛྲ་དྷྲིཀ་ཧཱུྃ་<span class="tibetan_small">ཞེས།</span> ལག་པ་གཡས་སུ་བྱིན་ཏེ་སྔས་ཀྱི་དོན་དང་། ཧཱ་ལས་བྱུང་བའི་ཀུ་ཤ་ཨཱཿཁཾ་ཝཱི་ར་ཧཱུྃ་<span class="tibetan_small">ཞེས།</span> ལག་པ་གཡོན་དུ་སྦྱིན་ཏེ་སྟན་གྱི་དོན་ཏུ་ཟུང་ཞིག །འདིའི་གནས་སྐབས་ཀྱི་དགོས་པ་ཀུ་ཤ་འདི་དག་བྱེད་ཀྱི་རྩ་གཙང་ཞིང་དགེ་བ་ཡིན་པས་རྨི་ལམ་མི་འཁྲུག་པ་དང་བར་ཆད་ཐམས་ཅད་སྲུང་། མ་འོངས་པར་རང་ཉིད་འཚང་རྒྱ་བའི་ཚེ་ཀུ་ཤའི་གདན་རྩོལ་མེད་དུ་འབྱུང་བའི་རྟེན་འབྲེལ་བསྒྲིགས་པའོ། <br /><span class="tibetan_small">།བཅུ་དྲུག་པ་ཆོས་བཤད་པ་ནི།</span> དེ་ནས་ཕྱིར་མི་ལྡོག་པ་ཟབ་མོའི་ཆོས་བཤད་པ་ནི། རྒྱུད་ལས་གསུངས་པ་འདི་ལ་གསན་པས་ཁྱབ་པར་གདའ། འཇིག་རྟེན་ཏུ་ནི་<span class="tibetan_small">སོགས་བརྗོད་ལ་མཐར།</span> ཞེས་གསུངས་པའི་དོན་ཐུགས་ལ་ངེས་པས་གསང་སྔགས་ཀྱི་ཐེག་པ་རྙེད་དཀའ་ཞིང་། རྙེད་ན་ཕན་ཡོན་ཆེན་པོ་དང་ལྡན་པ་དང་། དེ་ལྟར་རྙེད་པ་ལ་སྤྲོ་བ་རྒྱ་ཆེན་པོ་བསྐྱེད་མཛོད། <br /><span class="tibetan_small">བཅུ་བདུན་པ་གཟིང་བསྟོད་པ་ནི།</span> ནངས་པར་དཀྱིལ་འཁོར་ཆེན་པོ་མཐོང་བར་འགྱུར་པས་དགའ་བ་རྒྱ་ཆེན་པོ་གྱིས་ལ། ཀུ་ཤའི་གདན་ལ་སེང་གེའི་ཉལ་སྟབས་དང་དགེ་བའི་སེམས་ཀྱིས་ཉོལ་ཤིག །རྨི་ལམ་ཅི་མཐོང་བ་དེ་ཡང་ནངས་པར་ང་ལ་ལེགས་པར་སྨྲོས་ཤིག <span class="tibetan_small">།ཅེས་བརྗོད་ལ་སློབ་མ་རྣམས་རང་གནས་སུ་བཏང་ངོ་། </span><br /><span class="tibetan_small">གསུམ་པ་ལྷག་གནས་མཇུག་གི་བྱ་བ་ནི། སྟ་གོན་གྱི་དཀྱིལ་འཁོར་ནམ་མཁར་འདེགས་པའི་སྔགས་རྒྱ་སོགས་དང་མཆོད་བསྟོད་གསོལ་གདབ་བཅས་དཀྱིལ་ཆོག་ལྟར་བྱའོ། </span><br /><span class="tibetan_small">།དེ་ནས་ཚོམ་བུ་སོགས་བསྡུས་ལ་རས་བྲིས་ཀྱི་དཀྱིལ་འཁོར་བཀྲམ། དཀྱིལ་འཁོར་ལྔ་པའི་དབུས་སུ་མཉྫའི་སྟེང་དུ་སྔར་སྟ་གོན་བྱས་པའི་བུམ་པ་ལྔ་པོ་ཕྱོགས་མ་ནོར་བ་དགོད། གཙོ་བུམ་ཁར་དུང་ཆུ་གཟུངས་རྡོར་བཅས་དང་། ལས་བུམ་བྱང་དུ་བཞག །དབང་ཆས་གཞན་གང་བདེར་བཞག་ཆོག་ཀྱང་ཀར་ལུགས་ཕྱག་བཞེས་ལྟར་ན་དཀྱིལ་འཁོར་གྱི་ལྷོར་དབུ་རྒྱན། ནུབ་ཏུ་རྡོ་རྗེ། བྱང་དུ་དྲིལ་བུ། མདུན་དུ་རྡོར་དྲིལ་ལྷན་ཅིག་བཅིངས་པ་རྣམས་དང་། ཁ་ཊྭཱཾ་ག་ལ་ཌར་དྲིལ་བཏགས་པ། གྲི་གུག་ཐོད་པ་དངོས་སམ་ཙཀླི། གསང་དབང་ཐོད་ཆང་། རིག་ཙཀ་རྣམས་ཀྱང་ཅི་བདེར་བཞག །རྒྱབ་ཕྱོགས་སུ་འབུལ་གཏོར་ལྔ་ཚོམ། སྲུང་མའི་གཏོར་འབུལ་བཅས་བཀོད། གཞུང་གསལ་ཕྱོགས་མཚམས་བརྒྱད་དུ་རྒྱལ་མཚན་བརྒྱད་དང་མཆོད་པའི་བུམ་པ་བརྒྱད་ཀྱང་དེ་མཉམ་བཀྲམ། མཆོད་པ་ལྷ་ལྟ་གོན་སྐབས་བཤད་པ་ལྟར་དགོས་པས་ཆུ་བཞིའི་སྣོད་དུང་ཞལ་སོགས་བཞི་མདུན་ངོས་སུ་བཞག །མེ་ཏོག །སྤོས། མར་མེ། དྲི་ཆབ། ཞལ་ཟསབཅས་ཉེར་སྤྱོད་ལྔ་ཚར་སུམ་ཅུ་སོ་བདུན་གྱིས་དཀྱིལ་འཁོར་གྱི་མཐའ་བསྐོར། རྗེས་གནང་ཆས། མིག་ཐུར། མེ་ལོང་། དྲིལ་བུ། མདའ་གཞུ། འཁོར་ལོ། དུང་། པུ་སྟི་རྣམས་ཀྱང་སྣོད་གཅིག་ཏུ་ལོགས་གང་བདེར་བཞག །གཞན་ཡང་སྔོན་འགྲོ་གཏོར་མ། ཕྱི་རོལ་གཏོར་མ། ཚོགས་ཀྱི་ཡོ་བྱད། དཀྱིལ་འཁོར་གྱི་མདུན་དུ་ནང་མཆོད་བདུད་རྩི་བཤམ། སྒྲུབ་དཀྱིལ་ལ་དགོས་པའི་ཡོ་བྱད་གཞན་རྣམས་ཀྱང་ཚོགས་པར་བྱའོ། </span><br /><span class="tibetan_small">།དེ་ནས་བརྒྱུད་པའི་གསོལ་འདེབས་སྔོན་དུ་འགྲོ་བས། དཀྱིལ་ཆོག་ནས་འབྱུང་བ་བཞིན་སྦྱོང་བ། ཁྲུས་གསོལ། བགེགས་བསྐྲད་པ་རྣམས་བྱ། མཆོད་པ་བྱིན་བརླབ། སྒྲུབ་ཐབས་ལྟར་སྐྱབས་འགྲོ་ནས་བརྩམས་བདག་བསྐྱེད་བསྡུ་ལྡང་གི་བར་བདག་བསྐྱེད་རྫོགས་པར་བསྒོམ། དཀྱིལ་ཆོག་ལྟར་དཀྱིལ་འཁོར་བསྐྱེད། གཟེང་བསྟོད། སྒྲུབ་པ་ལྔ་ནས་བརྩམས་ཏེ་བཟླས་པ་མཆོད་བསྟོད་ཀྱི་བར་རྒྱས་པར་བཏང་། འདས་གཏོར་སྒྲུབ་ཐབས་ལྟར་འབུལ། མྱུར་མཛད་མགོན་པོ། མཁའ་འགྲོ་སྡེ་ལྔ། འབྱུང་པོ་ཐམས་ཅད་པའི་གཏོར་མ་རྣམས་ནང་གཏོར་དུ་འབུལ། ཕྱི་རོལ་དུ་ཕྱིན་ལ་ཕྱོགས་བཞི་དབུས་ལྔའི་གཏོར་མ་བཏང་། ནང་དུ་ཕྱིན་ལ་སྐོར་བ་དང་གསོལ་གདབ་བྱས་ལ་བདག་འཇུག་རྫོགས་པར་བླང་། དཀྱིལ་འཁོར་ཡོལ་བས་བསྒྲིབ་བོ། </span><br /><span class="tibetan_small">།གཉིས་པ་སློབ་མ་ལ་དབང་བསྐུར་བ་ནི། སློབ་མ་རྣམས་སྒོ་དྲུང་དུ་འདུས་ལ་ལས་བུམ་གྱི་ཆུས་ཁྲུས་བྱ། ཕྱག་བཅས་གྲལ་དུ་འཁོད་ལ་མེ་ཏོག་བཀྲམ་བསྡུ་བྱ། སེམས་བསྐྱེད་གསལ་གདབ་བྱ།</span> དེ་ལ་སྐབས་སུ་བབ་པ་རྒྱུད་ལུང་མན་ངག་ཡིད་ཆེས་ཀྱི་ཚད་མ་ལྡན་ཅིང་། གྲུབ་ཐོབ་བརྒྱུད་པ་བར་མ་ཆད་པའི་སྙན་ནས་སྙན་ཏུ་བྱོན་པའི་བཅོམ་ལྡན་འདས་རྒྱུད་སྡེ་ལྔའི་དཀྱིལ་འཁོར་དུ་དབང་བསྐུར་བྱེད་པ་ལ། བདག་བསྐྱེད་སྔོན་དུ་འགྲོ་བས་མདུན་བསྐྱེད་དཀྱིལ་འཁོར་སྒྲུབ་ཅིང་མཆོད་པ། ཕྱི་ནང་གི་གཏོར་ཆོག་གཏོང་བ། བདག་ཉིད་འཇུག་པ་རྣམས་སྔོན་དུ་གྲུབ་ནས་སློབ་མ་རྣམས་ཀྱི་ངོ་སྐལ་དུ་གྱུར་པ། ལྷ་དང་སྐལ་པ་མཉམ་པའི་ཆེད་དུ་དཀྱིལ་འཁོར་དུ་འཇུག་པའི་ཆོ་ག་དང་། ཞུགས་ནས་མངོན་པར་དབང་བསྐུར་བའི་ཆོ་ག་གཉིས་ཡོད་པ་ལ། ཐོག་མར་བླ་མ་དང་དཀྱིལ་འཁོར་གྱི་གཙོ་བོར་བཅོམ་ལྡན་འདས་རྒྱུད་སྡེ་ཆེན་པོ་ལྔའི་ལྷ་ཚོགས་ཐ་མི་དད་པའི་དྲུང་དུ་འཇུག་པའི་ཆོས་རྣམས་ཞུ་བའི་ཡོན་ཏུ་མཎྜལ་འབུལ་བར་ཞུ། <span class="tibetan_small">ཞེས་མཎྜལ་འབུལ་དུ་གཞུག</span> །དེ་ནས་ཁྱེད་རང་རྣམས་ཀྱི་ཕྱག་སྙིམ་པ་མེ་ཏོག་དང་བཅས་པས་ཐལ་མོ་སྦྱར་ཏེ་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛད་པར་ཞུ། དགའ་ཆེན་ཁྱོད་བདག་སྟོན་པ་སྟེ། <span class="tibetan_small">སོགས་སྟ་གོན་སྐབས་ལྟར་ལན་གསུམ།</span> སླར་ཡང་ཁྱད་པར་གྱི་གསོལ་བ་འདེབས་པ་འདིའི་རྗེས་ཟློས། སངས་རྒྱས་ཀུན་གྱི་<span class="tibetan_small">སོགས་ལན་གསུམ།</span> དེ་ལྟར་གསོལ་བ་བཏབ་པ་ལ་གནང་བ་སྦྱིན་པ་ནི། དེ་བཞིན་གཤེགས་པ་<span class="tibetan_small">སོགས་ལན་གཅིག</span> །ཁྱེད་རང་རྣམས་དཀྱིལ་འཁོར་གྱི་ཤར་གྱི་སྒོ་ཕྱེས་ཏེ་ནང་དུ་ཞུགས་ནས་ཤར་གྱི་ལྷ་རྣམས་ལ་གནས་པར་མོས་ལ། ཐལ་མོ་གནས་གསུམ་དུ་སྦྱར་བས་དཀྱིལ་འཁོར་གྱི་ལྷ་ལ་སྔགས་འདིའི་རྗེས་ཟློས་དང་བཅས་ཏེ་ཕྱག་མཛོད་ཅིག །ཨོཾ་ན་མ་སྟེ་ཧཱུྃ། ན་མཿམི་ཧཱུྃ། ན་མོ་ན་མཿཧཱུྃ། རྒྱུད་སྡེ་ལྔའི་ལྷ་ཚོགས་རྣམས་ཀྱི་ཞབས་ལ་བཏུད་པའི་ཕྱག་བྱས་པས་ཤིན་ཏུ་མཉེས་པར་མོས་མཛོད། སྒོ་འདི་ཉིད་ནས་ཐོན་ཏེ་གཡས་བསྐོར་གྱིས་ལྷོའི་སྒོ་ཕྱེས་ཏེ་<span class="tibetan_small">སོགས་གོང་གིས་འགྲེས་ཏེ། ལྷོ་དང་། ནུབ་དང་། བྱང་རྣམས་ནས་ཕྱག་བྱས་ཏེ།</span> གཡས་སྐོར་གྱིས་ཕྱིན་ཏེ་ལྷ་སྣམ་ལ་འཁོད་པར་མོས་ཤིག <span class="tibetan_small">།སྟ་གོན་སྐབས་ལྟར་མཚམས་སྦྱོར་བཅས་བདུན་རྣམ་དག་བྱ།</span> ཟབ་མོའི་དཀྱིལ་འཁོར་དུ་གཞུག་པ་ལ་རིགས་དང་སྐལ་བ་ཤེས་དགོས་པས། རིགས་ཀྱི་བུ་ཁྱོད་གང་ལ་དགའ། ཞེས་དྲིས་པས་ལན་བཏབ་པར་མོས་ལ་འདིའི་རྗེས་ཟློས། སྐལ་པ་བཟང་ལ་བདག་དགའོ། <span class="tibetan_small">།ཞེས་དང་།</span> སྐལ་བཟང་དེས་ཁྱོད་ཅི་ཞིག་བྱ། ཞེས་དྲིས་པའི་ལན་དུ། སངས་རྒྱས་མཆོག་འདོད་དམ་ཚིག་ཡིན། <span class="tibetan_small">ཞེས་ལན་བཏབ། </span><br /><span class="tibetan_small">གདོང་གཡོགས་སྦྱིན་པ་ནི།</span> སྔོན་ཆད་རྒྱུད་སྡེ་ལྔའི་དཀྱིལ་འཁོར་དུ་མ་ཞུགས་པའམ། ཞུགས་ཀྱང་མཚོན་བྱ་དོན་གྱི་དཀྱིལ་འཁོར་མ་མཐོང་བས་བསྐྱར་ནས་འཇུག་པའི་མཆོན་བྱེད་དུ་རས་ཡུག་དམར་པོ་ཁ་ཚར་མ་ཉམས་པ་རེས་གདོང་གཡོགས་བཅིངས་པའི་མོས་པ་མཛོད། ཨོཾ་ཙཀྵུ་རྦྷནྡྷ་ཝ་ར་མ་ཎ་ཡེ་ཧཱུྃ། <span class="tibetan_small">ཞེས་གདོང་གཡོགས་དམར་པོ་སྦྱིན།</span> དཀྱིལ་འཁོར་གྱི་ལྷ་དང་མཇལ་བའི་ཚེ་ཕྱག་སྟོང་པར་མཇལ་དུ་མི་བཏུབ་པས་ཕྱག་རྟེན་མཚོན་བྱེད་དུ་ཨུ་དུམྦ་ར་སོགས་མཆོག་གི་མེ་ཏོག་སྣ་ལྔའི་ཕྲེང་བ་ཐལ་མོ་སྦྱར་བའི་བར་དུ་བཅུག་ནས་སྙིང་གར་ཐོགས་པར་མོས་ཤིག །ཨོཾ་ཨཱཿཁཾ་བཱི་ར་ཧཱུྃ། <span class="tibetan_small">ཞེས་མེ་ཏོག་གཏད།</span> སྔགས་ཀྱི་ཐུན་མོངས་མ་ཡིན་པའི་སེམས་བསྐྱེད་པའི་སླད་དུ་སྔོན་གྱི་དེ་བཞིན་གཤེགས་པ་སྲས་དང་བཅས་པ་སྔགས་ཀྱི་སྒོར་སྤྱད་པ་སྤྱོད་པ་རྣམས་ཀྱིས་སྟོང་ཉིད་སྙིང་རྗེའི་སྙིང་པོ་ཅན་བདེ་བ་ཆེན་པོའི་བདག་ཉིད་དུ་ཐུགས་བསྐྱེད་པ་དེ་བཞིན་ཏུ་བདག་གིས་ཀྱང་ཐམས་ཅད་རྣལ་འབྱོར་དང་བདེ་བ་ཆེན་པོར་སེམས་བསྐྱེད་པར་བགྱིའོ་སྙམ་པས་ཐལ་མོ་སྦྱར་བས་འདིའི་རྗེས་ཟློས་མཛོད། ཨོཾ་སརྦ་ཡོ་ག་ཙི་ཏྟ་ཨུཏྤཱ་ད་ཡཱ་མི། <span class="tibetan_small">སློབ་དཔོན་གྱིས་མེ་ཏོག་དང་བཅས་པའི་རྡོ་རྗེ་སློབ་མའི་སྙིང་གར་བཞག་ལ།</span> སེམས་བསྐྱེད་པ་དེ་བརྟན་པར་བྱ་བའི་མོས་པ་མཛོད། སུ་ར་ཏེ། <span class="tibetan_small">ནས།</span> ཡ་ཐཱ་སུ་ཁཾ། སློབ་དཔོན་གྱི་ཕྱག་གི་རྡོ་རྗེ་ལ་འཇུས་ཏེ་མདུན་དུ་ཞུགས་པར་མོས་ཤིག །ཛཿཧཱུྃ་བྃ་ཧོཿ ཨཱ་ཁཾ་ཝཱི་ར་ཧཱུྃ། <span class="tibetan_small">ཞེས་བརྗོད་ལ་ཡོལ་བ་བསལ།</span> དེ་ནས་ཡེ་ཤེས་པ་དབབ་པའི་སྔོན་འགྲོ་དམ་བཞག་བཞི་རིམ་པར་བྱ་བ་ཡིན་ཏེ། ཐོག་མར་ལྷའི་དམ་ཚིག་བསྒྲག་པ་ནི། <span class="tibetan_small">རྡོ་རྗེ་མགོར་བཞག་ལ།</span> འདི་ནི་དམ་ཚིག་རྡོ་རྗེ་སྟེ། <span class="tibetan_small">།སོགས་བརྗོད།</span> དེ་ནས་ཉེས་དམིགས་ཀྱི་སྒོ་ནས་དམ་ལ་བཞག་པ་ནི། <span class="tibetan_small">སྙིང་གར་རྡོ་རྗེ་བཞག་ལ།</span> ཧེ་རུ་ཀ་དཔལ་<span class="tibetan_small">སོགས་བརྗོད།</span> ཕན་ཡོན་ཉེས་དམིགས་གཉིས་ཀའི་སྒོ་ནས་དམ་ལ་བཞག་ཅིང་། དམ་ཚིག་རྡོ་རྗེའི་ཆུ་སྦྱིན་པ་ནི། <span class="tibetan_small">དུང་ཆུ་སྦྱིན་ལ།</span> འདི་ནི་ཁྱོད་ཀྱི་<span class="tibetan_small">སོགས་བརྗོད།</span> རྡོ་རྗེ་སློབ་དཔོན་གྱི་བཀའ་གཉན་པའི་སྒོ་ནས་དམ་ཚིག་བསྒྲག་པ་ནི། <span class="tibetan_small">རྡོ་རྗེ་སྤྱི་བོར་བཞག་ལ།</span> དེང་ནས་བཟུང་སྟེ་<span class="tibetan_small">སོགས་བརྗོད།</span> དེ་རྣམས་ཀྱིས་དཀྱིལ་འཁོར་ཕྱིའི་འཇུག་པ་རྣམས་སོང་། ནང་འཇུག་གི་དངོས་གཞི་ཡེ་ཤེས་པ་དབབ་པ་ཞུ་བའི་ཡོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། དེ་བཞིན་གཤེགས་པ་<span class="tibetan_small">སོགས་ལན་གསུམ། སློབ་དཔོན་གྱིས་རྡོ་རྗེ་རྩེ་གཅིག་པའི་ཕྱག་རྒྱ་སློབ་མའི་སྙིང་གར་གཏད་ལ།</span> འདི་ནི་ཡེ་ཤེས་རྡོ་རྗེ་<span class="tibetan_small">སོགས་བརྗོད།</span> དེ་ནས་ལྷག་པའི་ལྷ་ལ་གསོལ་བ་གདབ་པ་འདིའི་རྗེས་ཟློས། དཔའ་བོ་དང་རྣལ་འབྱོར་མ་<span class="tibetan_small">སོགས་ལན་གསུམ།</span> ཁྱེད་རང་རྣམས་ལུས་ཀྱི་གནད་དྲང་པོར་བསྲང་། ངག་གནད་སྲོག་རྩོལ་ཁ་སྦྱར་དུ་འཆིང་། སེམས་ཀྱི་གནད་གཞན་དུ་མ་ཡེངས་པར་དམིགས་པ་འདི་རྩེ་གཅིག་ཏུ་སྒོམས་ཤིག །ཁྱེད་རྣམས་འོད་དཔག་མེད་དམར་པོ་<span class="tibetan_small">སོགས་དམིགས་པ་སྤྲོས། བྱིན་འབེབས་ཀྱི་སྤོས་སྦྱོར་བདུག་རོལ་མོའི་སྒྲ་དྲག་ཏུ་བྱས་ལ་བྱིན་འབེབས་སྔགས་ལ་ལན་མང་དུ་བརྗོད། </span><br /><span class="tibetan_small">དེ་ནས་བདེན་སྟོབས་བརྗོད་པ་ནི། རྡོལ་དྲིལ་བཅས།</span> ཨ་ཁཾ། ཡང་དག་པ་ཡི་<span class="tibetan_small">སོགས་བརྗོད།</span> དེ་ནས་སྔར་ནས་འབྲལ་བའི་ལྷའི་རིགས་བརྟག་པའི་སླད་དུ་མེ་ཏོག་འབུལ་བ་ནི། སྔར་བྱིན་པའི་མེ་ཏོག་གི་ཕྲེང་བ་ལས་མ་ཉམས་པའི་མེ་ཏོག་གཅིག་གི་ཕྲེང་བར་མོས་ཏེ་དཀྱིལ་འཁོར་དབུས་ལ་འདོར་བར་མོས་ཏེ་སྔར་ནས་ལས་ཀྱིས་འབྲེལ་བའི་རིགས་ཀྱི་ལྷ་གང་ཡིན་པ་ལ་ཕོག་པར་ཤོག་ཅིག་སྙམ་དུ་ལྟོས་པ་མེད་པར་ཚོམ་བུའི་དཀྱིལ་འཁོར་དུ་དོར་བ་དང་ལྷན་ཅིག་འདིའི་རྗེས་ཟློས་མཛོད། སྔོན་ནས་བསྒྲུབས་པའི་<span class="tibetan_small">སོགས་བརྗོད་དུ་གཞུག</span> །ཁྱེད་རང་མེ་ཏོག་དཀྱིལ་འཁོར་གྱི་དབུས་སུ་ཕོག་པས་གཙོ་བོའི་རིགས་ཡིན་ནོ། <span class="tibetan_small">ཞེས་པ་ལྟ་བུ་ཕྱོགས་དང་རིགས་མེ་ཏོག་གང་ལ་ཕོག་པར་བསྒྱུར།</span> དེ་ལྟར་ཕུལ་བའི་མེ་ཏོག་དེ་ཉིད་སླར་ཁྱོད་རང་རྣམས་ཀྱི་སྤྱི་བོར་བཅིངས་པའི་མོས་པ་མཛོད། སངས་རྒྱས་ཀུན་གྱི་<span class="tibetan_small">སོགས་བརྗོད་ལ་མེ་ཏོག་སླར་སྤྱི་བོར་བཅིང་། </span><br /><span class="tibetan_small">མི་དབྱེ་བ་ནི།</span> སློབ་མའི་མིག་ཏུ་ཨོཾ་ཡིག་རེ་རེ་གསལ། མ་རིག་པའི་སྒྲིབ་གཡོགས་ཇི་མཆིས་པ་ཐམས་ཅད་མིག་དར་དང་ལྷན་གཅིག་ཏུ་བསལ་བའི་མོས་པ་མཛོད། ཧེ་རུ་ཀ་དཔལ་<span class="tibetan_small">སོགས་བརྗོད་ལ། རྡོ་རྗེས་མིག་དར་དབྱེ།</span> དེ་ལྟར་མ་རིག་པའི་སྒྲིབ་གཡོག་བསལ་ནས་ཡེ་ཤེས་དག་པའི་མིག་ཐོབ་པས་དཀྱིལ་འཁོར་གྱི་ལྷ་ཚོགས་རྣམས་མངོན་སུམ་མཐོང་བར་མོས་ཤིག །དཀྱིལ་འཁོར་བཟང་པོ་འདི་ལ་ལྟོས། <span class="tibetan_small">།སོགས་བརྗོད། དེ་ནས་ལྷ་ངོ་བོ་རྒྱས་པར་བསྟན་དགོས་པས།</span> མདུན་གྱི་དཀྱིལ་འཁོར་རྡོ་རྗེའི་ས་གཞི་ར་བ་དྲྭ་བ་<span class="tibetan_small">སོགས་སྒྲུབ་ཐབས་ཀྱི་མངོན་རྟོགས་ལྟར་ལ།</span> ཨེ་ལས་དང་ཡྃ་ལས་<span class="tibetan_small">སོགས་ས་བོན་རྣམས་བོར་ཏེ།</span> བ་དན་ལ་སོགས་པས་བརྒྱན་པ། རྩིག་པའི་ཕྱི་རོལ་འགྲམ་སྟེགས་<span class="tibetan_small">ཞེས་པ་ནས།</span> དེ་རྣམས་ཀྱིས་ཡོངས་སུ་བསྐོར་བའི་གཞལ་ལས་ཁང་ཤར་དཀར། ལྷོ་སེར། ནུབ་དམར། བྱང་ལྗང་། དབུས་སྔོ་བའི་སྟེང་དུ། མཚན་ཉིད་ཐམས་ཅད་ཡོངས་སུ་རྫོགས་པའི་གཞལ་མེད་ཁང་དབུས་གཙང་ཁང་ཕྱུར་བུ་དང་བཅས་པ་ལྔ་ཚོམས་སུ་གནས་པ། རྟ་བབས་དང་བྲལ་བ་རྣམས་སོ། །དེ་རྣམས་ཀྱི་སྟེང་གི་ནམ་མཁའ་ལ། སྣ་ཚོགས་པདྨ་འདབ་མ་བརྒྱད་པ་<span class="tibetan_small">ནས་</span> ཟླ་བའ་ིདཀྱིལ་འཁོར་རེ་རེ། དབུས་ཀྱི་གདན་གྱི་སྟེང་དུ། བཅོམ་ལྡན་འདས་དགྱེས་མཛད་རྡོ་རྗེ་སྐུ་མདོག་མཐིང་ནག་<span class="tibetan_small">ནས།</span> འོད་ཀྱིས་ཁྱབ་པར་མཛད་པའོ། <span class="tibetan_small">།ཞེས་པའི་བར་གཙོ་བོ་མཚོན་ཆ་ཅན་སྒྲུབ་ཐབས་བཞིན་བསྐྱེད།</span> འདབ་མ་བརྒྱད་ལ་ཤར་དུ་གཽ་རཱི་ནག་མོ་<span class="tibetan_small">ནས།</span> སའི་དཀྱིལ་འཁོར་འཛིན་པ། ལྷ་མོ་ཐམས་ཅད་ཀྱང་སྤྱན་གསུམ་གསུམ་<span class="tibetan_small">ནས།</span> དབུས་ན་བཞུགས་པའོ། །ནང་གི་གཞལ་ཡས་ཁང་དབུས་མའི་ལྷ་སྣམ་ཤར་དཀར། ལྷོ་སེར། ནུབ་དམར། བྱང་ལྗང་། དབུས་སྔོ་བའི་སྟེང་དུ། སྣ་ཚོགས་པདྨ་འདབ་མ་བརྒྱད་དང་བཅས་པའི་ལྟེ་བ་ལ་<span class="tibetan_small">ནས།</span> གར་གྱི་མེ་དཔུང་འབར་བའི་དབུས་ན་བཞུགས་པའོ། །གཞལ་ཡས་ཁང་ཤར་མའི་ནང་ལེའུ་ཚེ་དགུ་པ་<span class="tibetan_small">ནས།</span> གདུག་པ་ཅན་ཚར་གཅོད་པའོ། །གཞལ་ཡས་ཁང་ལྷོ་མའི་ནང་གི་ལྷ་སྣམ་<span class="tibetan_small">ནས།</span> གྲི་གུག་ཐོད་པ་བསྣམས་པའོ་<span class="tibetan_small">འི་བར།</span> གཞལ་ཡས་ཁང་ནུབ་མའི་དབུས་སུ། པདྨ་དམར་པོ་<span class="tibetan_small">ནས།</span> གང་བའི་བུམ་པ་བཞིའོ། །གཞལ་ཡས་ཁང་བྱང་མའི་དབུས་ཀྱི་ལྟེ་བ་ལ་སྣ་ཚོགས་རྡོ་རྗེ་<span class="tibetan_small">ནས།</span> གང་བ་བཞི་དང་བཅས་པའོ། །ཕྱིའི་གཞལ་ཡས་ཁང་གི་ཤར་སྒོར་རྟ་གདོང་མ་<span class="tibetan_small">ནས།</span> དྲིལ་བུ་འཛིན་པའོ། །སྒོ་སྐྱོང་མ་བཞི་ཆར་ཡང་སྤྱན་གསུམ་དང་ལྡན་ཞིང་། སྟག་གི་པགས་པའི་ཤམ་ཐབས་ཅན། དབུ་སྐྲ་དམར་<span class="tibetan_small">ནས།</span> དབུས་ན་བཞུགས་པའོ། །དཀྱིལ་འཁོར་གྱི་སྟེང་གི་ནམ་མཁའ་ལ་<span class="tibetan_small">སོགས་བརྗོད།</span> དེ་དག་གིས་དཀྱིལ་འཁོར་དུ་ཕྱི་ནང་གི་འཇུག་པའི་རིམ་པ་རྣམས་སོ། །ཞུགས་ནས་མངོན་པར་དབང་བསྐུར་བ། བུམ་དབང་། གསང་དབང་། ཤེར་དབང་། དབང་བཞི་པ་རྣམས་རིམ་བཞིན་འབྱུང་བའི་དང་པོ་བུམ་དབང་ལ་རྡོ་རྗེ་སློབ་མའི་དབང་དང་སློབ་དཔོན་གྱི་དབང་གཉིས་སུ་ཡོད་པ་ལས། ཐོག་མར་རྡོ་རྗེ་སློབ་མའི་དབང་བསྐུར་ཞུ་བའི་ཡོན་ཏུ་དམིགས་ཏེ་མཎྜལ་ཕུལ་མཛོད། <span class="tibetan_small">ཞེས་འབུལ་དུ་གཞུག</span> །གསོལ་བ་འདེབས་པ་འདིའི་རྗེས་ཟློས། ཧེ་རུ་ཀ་དཔལ༴ <span class="tibetan_small">སོགས་ལན་གསུམ།</span> དབང་གི་སྔོན་ཏུ་འགྲོ་བ་བགེགས་སྦྱོང་བའི་སླད་དུ་སློབ་དཔོན་གྱི་ཐུགས་ཀ་ནས་སྤྲུལ་པའི་ཁྲོ་བོ་དང་མཚོན་ཆ་མེ་དཔུང་གི་ཚོགས་དཔག་ཏུ་མེད་པ་སྤྲོས་པས་དབང་གི་ཡེ་ཤེས་སྐྱེ་བ་ལ་བར་དུ་གཅོད་པའི་བགེགས་ཐམས་ཅད་རྒྱང་རིང་དུ་བསྐྲད་ཅིང་བསྒོ་བ་མི་ཉན་པ་ཐམས་ཅད་རྡུལ་ཕྲན་བཞིན་དུ་བརླག་པར་མོས་ཤིག །ཨོཾ་སུམྦྷ་ནི་<span class="tibetan_small">སོགས་དྲག་ཏུ་བརྗོད་ཅིང་ཡུངས་ཐུན། གུ་གུལ་དུད་པ། རོལ་མོ་དྲག་ཏུ་བྱའོ། </span><br /><span class="tibetan_small">།དེ་ནས་མདུན་ཏུ་ཏིལ་དང་མེ་ཆུ་བཤམ།</span> བདག་གཞན་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་སྙིང་གར་ཡི་གེ་བྃ་གྱི་རྣམ་པར་གནས་པ། ལྟེ་བའི་གཏུམ་མོ་འབར་བའི་འོད་ཟེར་གྱིས་དེད་སྟེ། སྣ་སྒོར་སྡིག་པ་རྭ་ཅན་གྱི་རྣམ་པར་གྱུར་པ་མདུན་གྱི་ཏིལ་ལ་ཐིམ་པར་མོས། <span class="tibetan_small">ཞེས་བརྗོད་ལ་སྣ་བུག་གཡས་ནས་ཏིལ་ལ་རླུང་འབུད་དུ་གཞུག །བསང་སྦྱང་།</span> འབར་བའི་མེའི་ནང་དུ་ཁྲོ་བོ་རྡོ་རྗེ་མཁའ་འགྲོ་རྡོ་རྗེ་དང་དྲིལ་བུ་འཛིན་པ་ཞལ་གདངས་པའོ། །ཨོཾ་བཛྲ་ཌཱ་ཀི་ཁ་ཁ་ཁཱ་ཧི་ཁཱ་ཧི། སརྦ་པཱ་པཾ་ད་ཧ་ན་བྷསྨི་ཀུ་རུཾ་སྭཱ་ཧཱ། <span class="tibetan_small">ལན་གསུམ་བརྗོད་ལ། ཏིལ་གཡས་གཡོན་དུ་བསྐོར་ནས།</span> གཡས་སུ་མེ་དང་གཡོན་དུ་ཆུར་དོར་བས། རྡོ་རྗེའི་མཁའ་འགྲོའི་ཞལ་དུ་གསོལ་བ་དང་། རྒྱ་མཚོ་ཆེན་པོར་སྐྱུར་བར་<span class="tibetan_small">བསམ། མཐར་མེ་ཡང་ཆུ་ནང་དུ་བླུགས་སོ།</span> །དེ་ནས་དབང་དངོས་ལ་དང་པོར་རིག་པའི་དབང་ལྔ་བསྐུར་བ་ལ་ཐོག་མར་མི་བསྐྱོད་པ་ཆུ་དབང་བསྐུར་བའི་སླད་དུ་དམིགས་པ་འདི་བཞིན་ཏུ་མཛོད། <span class="tibetan_small">བསང་སྦྱང་།</span> སློབ་མ་དང་དབང་རྫས་རྣམ་རྒྱལ་བུམ་ཆུ་<span class="tibetan_small">སོགས་བརྗོད་པའི་སྐབས་ལས་རྡོར་གྱིས་བུམ་པ་བཞི་པོའི་བུམ་ཆུ་གཙོ་བུམ་དུ་བསྡུ། དེ་ཉིད་ཐོགས་ལ། སློབ་དཔོན་གྱིས་ཁྲུས་སྔོན་ཏུ་འགྲོ་བས་བུམ་དབང་བསྐུར། བརྟན་བྱེད་ཆུ་དབང་།</span> རྡོ་རྗེའི་རིགས་ཀྱི་ལྷ་ཚོགས་དཔག་ཏུ་མེད་པ་བྱུང་ནས་ཁྱེད་རང་རྣམས་ལ་ཐིམ་པ་ལ་ཉེར་སྤྱོད་ལྔས་མཆོད་ཅིང་བསྟོད་པར་བྱས་པའི་མོས་པ་མཛོད། <span class="tibetan_small">ལས་རྡོར་གྱིས་སློབ་མ་མཆོད་པ་བཏེགས།</span> ཨོཾ་བཛྲ་པུཥྤེ་<span class="tibetan_small">ནས།</span> ནཻ་ཝི་དྱཱ་ཨཱཿཧཱུྃ་<span class="tibetan_small">བར་དང་རོལ་མོའམ་དྲིལ་བུ་དཀྲོལ།</span> མི་བསྐྱོད་པ་ནི་<span class="tibetan_small">སོགས་ཤོ་ལོ་ཀ་གཅིག་གིས་བསྟོད།</span> དེ་ལྟར་ཁྱོད་ལ་ཆུའི་དབང་བསྐུར་བས་<span class="tibetan_small">སོགས་ནས།</span> མངོན་ཏུ་གྱུར་པ་ཡིན་ནོ། <span class="tibetan_small">།ཅེས་པའི་བར་དག་པ་བརྗོད།</span> དེ་ནས་རིན་ཆེན་འབྱུང་ལྡན་དབུ་རྒྱན་གྱི་དབང་གི་སླད་དུ་དམིགས་པ་འདི་བཞིན་མཛོད། <span class="tibetan_small">བསང་སྦྱང་།</span> སློབ་མ་དང་དབང་རྫས་དབུ་རྒྱན་<span class="tibetan_small">སོགས་ནས་དག་པ་བརྗོད་པའི་བར་གཞུང་ལྟར་བྱ། འདི་ཕྱིན་ཆད་ལ་དེས་འགྲེས་ཏེ།</span> འོད་དཔག་མེད་རྡོ་རྗེའི་དབང་གི་སླད་དུ་དམིགས་པ་འདི་བཞིན་མཛོད། <span class="tibetan_small">བསང་སྦྱང་།</span> སློབ་མ་དང་དབང་རྫས་རྡོ་རྗེ་སྟོང་པའི་ངང་ལས་<span class="tibetan_small">སོགས་ནས་དག་པ་བརྗོད་པ་ཡན་སྔར་ལྟར་བྱ།</span> དེ་ནས་དོན་ཡོད་གྲུབ་པ་དྲིལ་བུའི་དབང་གི་སླད་དུ་དམིགས་པ་འདི་བཞིན་མཛོད། <span class="tibetan_small">བསང་སྦྱང་།</span> སློབ་མ་དང་དབང་རྫས་དྲིལ་བུ་སྟོང་པའི་ངང་ལས་<span class="tibetan_small">སོགས་ནས་དག་པ་བརྗོད་པའི་བར་སྔར་ལྟར་བྱ།</span> དེ་ནས་རྣམ་པར་སྣང་མཛད་མིང་གི་དབང་གི་སླད་དུ་དམིགས་པ་འདི་བཞིན་མཛོད། <span class="tibetan_small">བསང་སྦྱང་།</span> སློབ་མ་དབང་རྫས་<span class="tibetan_small">སོགས་ནས་དག་པ་བརྗོད་པའི་བར་དང་།</span> འདི་ནི་སངས་རྒྱས་ཐམས་ཅད་ཀྱི་<span class="tibetan_small">སོགས་བརྗོད།</span> གཉིས་པ་རྡོ་རྗེ་སློབ་དཔོན་གྱི་དབང་བསྐུར་ཞུ་བའི་ཡོན་དུ་དམིགས་ཏེ་མཎྜལ་ཕུལ་མཛོད། <span class="tibetan_small">ཞེས་འབུལ།</span> གསོལ་བ་འདེབས་པ་འདིའི་རྗེས་ཟློས་མཛོད། འཁོར་ལོ་ཕྱིར་མི་ལྡོག་པའི་<span class="tibetan_small">སོགས་ལན་གསུམ།</span> ཐོག་མར་བརྟུལ་ཞུགས་ཀྱི་དབང་གི་རྗེས་སུ་གནང་བའི་སླད་དུ་དམིགས་པ་འདི་བཞིན་མཛོད། དཀྱིལ་འཁོར་གྱི་ཤར་ཕྱོགས་སུ་<span class="tibetan_small">སོགས་ནས། ཁ་ཊྭཱཾ་ག་སོགས་གཏད་པའི་བར།</span> དེ་ནས་རྡོར་དྲིལ་དང་དམ་ཚིག་གསུམ་སྦྱིན་པ་ལ་དམིགས་པ་འདི་བཞིན་མཛོད། <span class="tibetan_small">སློབ་དཔོན་གྱི་ཕྱག་གི་རྡོར་དྲིལ་བསང་སྦྱངས།</span> སྟོང་པའི་ངང་ལས་<span class="tibetan_small">སོགས་ནས། ཤིས་བརྗོད། ཆུ་དབང་།</span> སུ་པྲ་ཏིཥྛ<span class="tibetan_small">ས་བརྟན་པའི་བར་གཞུང་ལྟར་བརྗོད།</span> དེ་ནས་རྗེས་གནང་རྣམས་རིམ་པར་སྦྱིན་པ་ལ་ཐོག་མར་སྒེག་སོགས་བརྒྱད་ཀྱིས་མཆོད་པར་བྱས་པའི་མོས་པ་མཛོད། <span class="tibetan_small">སློབ་དཔོན་གྱིས་སོ་སོའི་ཕྱག་རྒྱ་བྱས་ལ།</span> སྒེག་དང་བཅས་པའི་ཕྲེང་བ་འཕང་། <span class="tibetan_small">སོགས་རྫོགས་པར་བརྗོད། </span><br /><span class="tibetan_small">མིག་ཐུར་གྱི་རྗེས་གནང་ནི།</span> པྲཾ་ལས་བྱུང་བའི་ཤེས་རབ་ཀྱི་རང་བཞིན་ཅན་གྱི་ཐུར་མས་ཁྱེད་རང་རྣམས་ཀྱི་དེ་བཞིན་ཉིད་མཐོང་བ་ལ་བསྒྲིབ་པའི་མ་རིག་པའི་ལིང་ཐོག་བསལ་བར་མོས་ཤིག <span class="tibetan_small">།མིག་ཐུར་གྱིས་མིག་དབྱེ་ཚུལ་བྱས་ལ།</span> ཇི་ལྟར་མིག་མཁན་རྒྱལ་པོ་<span class="tibetan_small">སོགས་བརྗོད། </span><br /><span class="tibetan_small">མེ་ལོང་གི་རྗེས་གནང་ནི།</span> ཆོས་ཅན་གྱི་སྣང་བ་ཐམས་ཅད་མེ་ལོང་ནང་གི་གཟུགས་བརྙན་ལྟར་ངེས་པའི་སྒོ་ནས་སེམས་ཅན་གྱི་དོན་གྱིས་ཤིག །ཅེས་ཤེས་པའི་སླད་དུ་ཨཱཿལས་སྐྱེས་པའི་མེ་ལོང་། ཆོས་རྣམས་གཟུགས་བརྙན་ལྟ་བུ་སྟེ། <span class="tibetan_small">སོགས་བརྗོད་ལ་མེ་ལོང་བསྟན། </span><br /><span class="tibetan_small">དྲིལ་བུའི་རྗེས་གནང་ནི།</span> ཨ་ལས་བྱུང་བའི་དྲིལ་བུ་འདིའི་སྒྲས་མཚོན་ཏེ་ཆོས་ཐམས་ཅད་གྲགས་སྟོང་སྐྱེ་བ་མེད་པའི་མཚན་ཉིད་ཅན་དུ་རྟོགས་པར་གྱིས་ཤིག །ཐམས་ཅད་ནམ་མཁའི་<span class="tibetan_small">སོགས་བརྗོད་ལ་དྲིལ་བུ་དཀྲོལ། </span><br /><span class="tibetan_small">མདའ་གཞུའི་རྗེས་གནང་ནི།</span> རང་དོན་ཡིད་བྱེད་ཀྱི་བློ་སྤངས་པའི་སླད་དུ་ཧོཿལས་བྱུང་བའི་མདའ་གཞུ། ཐབས་ཀྱི་མདའ་དྲུག་ཤེས་རབ་ཀྱི་གཞུ་ལ་བཀང་སྟེ་ཕྱོགས་བཞི་དང་སྟེང་འོག་ཏུ་འཕངས་པས་བདུད་བཞི་དང་ཉན་རང་གི་སེམས་ཡིད་ལ་བྱེད་པ་བཅོམ་པ་ཡིན་སྙམ་དུ་མོས་ཤིག །དེ་བཞིན་གཤེགས་པ་<span class="tibetan_small">སོགས་བརྗོད་ལ་མདའ་གཞུ་གཏད་ཅིང་འཕང་པའི་ཚུལ་བྱར་གཞུག</span> །དེ་ནས་ཆོས་བཤད་པའི་རྗེས་སུ་གནང་བ་ནི། རྐང་འོག་གཉིས་སུ་འཁོར་ལོ་བྱིན་པར་མོས་ཤིག །ཨོཾ་བཛྲ་ཧེ་ཏུ་མཾ་<span class="tibetan_small">སོགས་བརྗོད་ལ་འཁོར་ལོ་རྐང་འོག་ཏུ་གཞུག</span> །ཆོས་ཀྱི་དུང་ཆེན་འབུད་པར་གྱིས་ཤིག་ཅེས་པའི་དོན། ཨོཾ་བཛྲ་བྷཱ་ཥ་རཾ་<span class="tibetan_small">སོགས་བརྗོད་ལ་ལག་གཡས་སུ་དུང་གཏད།</span> རྒྱུད་ལུང་མན་ངག་འདིའི་སྒོ་ནས་ཆོས་ཤོད་ལ་སེམས་ཅན་གྱི་དོན་གྱིས་ཤིག་ཅེས་པའི་བརྡ་ལ་རྒྱུད་ཀྱི་གླེགས་བམ་གཏད་པའི་མོས་པ་གྱིས། ཨོཾ་མ་ཧཱ་དྷརྨ་ཧཱུྃ་<span class="tibetan_small">སོགས་བརྗོད་ལ་གླེགས་བམ་གཏད།</span> ཚུལ་ཇི་ལྟ་བུས་ཆོས་འཆད་ན་སྐབས་སོ་སོར་བབས་པའི་རིགས་ལྔའི་ཏིང་ངེ་འཛིན་གྱི་ཕྲིན་ལས་རྣམས་སྒྲུབ་ཅིག་ཞེས་པའི་དོན་དུ་རིགས་ལྔའི་རྗེས་སུ་གནང་བ་ནི། <span class="tibetan_small">འཁོར་ལོ་སོགས་རིགས་ལྔའི་ཕྱག་མཚན་རིམ་པར་གཏད་ལ།</span> འཇིག་རྟེན་ཁམས་ནི་<span class="tibetan_small">སོགས་བརྗོད།</span> སེམས་ཅན་གྱི་དོན་གང་ལ་གང་འཚམས་ཀྱིས་བྱ་བའི་སླད་དུ་ཕྲིན་ལས་བཞི་དང་གྲུབ་པ་བརྒྱད་ཀྱི་རྗེས་སུ་གནང་བར་མོས་ཤིག <span class="tibetan_small">།མཆོག་སྦྱིན་གྱི་ཕྱག་རྒྱ་བསྟན་ལ།</span> ཞི་དང་རྒྱས་དང་<span class="tibetan_small">སོགས་བརྗོད།</span> རང་ཉིད་ལྷག་པའི་ལྷའི་ང་རྒྱལ་གྱིས་འདོད་ཡོན་ལྔ་ཚོགས་སུ་རོལ་པའི་རྗེས་སུ་གནང་བའི་བྱིན་པ་མོས། བདག་ཉིད་སངས་རྒྱས་<span class="tibetan_small">སོགས་བརྗོད།</span> སྣང་སྟོང་དབྱེར་མེད་ཀྱི་ལྷ་སྒོམ་པའི་རྗེས་སུ་གནང་བ་བྱིན་པར་མོས། <span class="tibetan_small">འདིར་འཛོམ་ན་རྒྱུད་སྡེ་གཙོ་བོའམ་ཙཀླི་སོགས་བསྟེན། མ་འཛོམ་ཀྱང་ཆོག</span> །འདོད་ཆགས་བྲལ་བ་<span class="tibetan_small">སོགས་བརྗོད།</span> གསུང་གསང་སྔགས་ཀྱི་རྗེས་གནང་སྩལ་བར་མོས་ཤིག <span class="tibetan_small">།མེ་ཏོག་འཐོར་ལ།</span> རིགས་ལྔ་འདི་ལ་<span class="tibetan_small">སོགས་ལན་གསུམ།</span> ཁྱེད་རང་རྣམས་ཀྱིས་སློབ་དཔོན་ལ་མེ་ཏོག་འབུལ་བཞིན་པས་འདིའི་རྗེས་ཟློས། རིགས་ལྔ་བདག་ལ་<span class="tibetan_small">སོགས་ལན་གསུམ། སླར་མེ་ཏོག་འཐོར་ལ།</span> སྔགས་ཀྱི་དངོས་གྲུབ་<span class="tibetan_small">སོགས་བརྗོད།</span> དེ་ལྟར་དབང་གིས་རྒྱུད་སྨིན་པའི་སློབ་མ་རྣམས་བྱང་ཆུབ་མཆོག་ཏུ་ལུང་བསྟན་པ་ཡིན་ཏེ། <span class="tibetan_small">སློབ་དཔོན་གྱིས་སྣམ་སྦྱར་མནབ། གྲྭ་གཉིས་རི་དྭགས་ཀྱི་རྣ་བ་ལྟར་བྱས་ཕྱག་གཡོན་པས་ཐུགས་ཀར་བཟུང་གཡས་མི་འཇིགས་པའི་རྒྱས་རྡོར་དྲིལ་བཟུང་ལ།</span> སློབ་དཔོན་བཅོམ་ལྡན་འདས་<span class="tibetan_small">སོགས་བརྗོད། སྣམ་སྦྱར་ཕུད་ལ་སྐྱབས་སྦྱིན་གྱིས་རྒྱས།</span> ཁྱེད་རང་རྣམས་དེང་ནས་བཟུང་སྟེ་སྲིད་པའི་ངན་འགྲོ་ལས་རྟག་ཏུ་བཏོན་པར་དབུགས་དབྱུང་བར་མོས་ཤིག །གསང་ཆེན་མཆོག་གི་<span class="tibetan_small">སོགས་བརྗོད།</span> དེ་ནས་བརྟུལ་ཞུགས་ཀྱི་རྗེས་གནང་བྱིན་པར་མོས་ཤིག <span class="tibetan_small">།དབང་རྫས་རྡོ་རྗེས་བསང་སྦྱངས།</span> སྟོང་པའི་ངང་ལས་<span class="tibetan_small">སོགས་གཞུང་ལྟར་བརྗོད་ལ་གཏད།</span> དེ་ནས་རྟེན་བརྟེན་པའི་དཀྱིལ་འཁོར་པ་རྣམས་ཀྱི་དག་པ་བརྗོད་པར་འདི་ལ་གསན་འཚལ། སེམས་ཅན་དོན་ཕྱིར་སེམས་བསྐྱེད་པས་<span class="tibetan_small">སོགས་དང་།</span> དེ་ལྟར་ན་རས་བྲིས་ཀྱི་དཀྱིལ་འཁོར་དུ་ཞུགས་<span class="tibetan_small">སོགས་བུམ་དབང་གི་དག་པའང་བརྗོད།</span> དེ་ནས་དབང་གོང་མ་གསུམ་ཞུ་བའི་ཐུན་མོང་དུ་དམིགས་ཏེ་མཎྜལ་ཕུལ། ཐུན་མོང་དུ་གསོལ་བ་འདེབས་པ་འདིའི་རྗེས་ཟློས། བདག་ནི་འཁོར་བར་བྱིང་བ་<span class="tibetan_small">སོགས་ལན་གསུམ།</span> སློབ་དཔོན་བཅོམ་ལྡན་འདས་<span class="tibetan_small">སོགས་ནས།</span> ཡབ་ཀྱི་གསང་གནས་ཧཱུྃ་<span class="tibetan_small">སོགས་མཁའ་གསང་བྱིན་བརླབས་སྒྲུབ་ཐབས་ལྟར་ལ།</span> ཐུགས་ཀར་རྗེས་སུ་ཆགས་པའི་མེས་<span class="tibetan_small">སོགས་ནས།</span> ཨཏྨཱ་ཀོ྅་ཧཾ་<span class="tibetan_small">བར་བརྗོད།</span> གཉིས་པ་གསང་བའི་དབང་བསྐུར་ཞུ་བའི་ཡོན་ཏུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། ཨོཾ་བཅོམ་ལྡན་ཞི་བ་ཆེན་པོ་<span class="tibetan_small">སོགས་ལན་གསུམ་བརྗོད།</span> དེ་ནས་དམིགས་པ་འདི་བཞིན་ཏུ་མཛོད། ཨོཾ་ཨཱཿཧཱུྃ་<span class="tibetan_small">སོགས་ནས་</span>ཛཿཧཱུྃ་བྃ་ཧོཿ<span class="tibetan_small">འི་བར།</span> ལུས་ཀྱི་དཀྱིལ་འཁོར་མ་མཐོང་བའི་བརྡར་གདོང་གཡོགས་འཆིངས་མཛོད། ཨཱ་ཁཾ་བཱི་ར་ཧཱུྃ་<span class="tibetan_small">གིས་མིག་དར་བཅིང་།</span> བདེན་གཉིས་དབྱེར་མེད་དུ་སེམས་བསྐྱེད་པར་མོས་ལ་འདིའི་རྗེས་ཟློས། ཨོཾ་བཛྲ་ཡོ་ག་<span class="tibetan_small">སོགས།</span> སློབ་དཔོན་དཀྱིལ་འཁོར་གྱི་གཙོ་བོའི་མཁའ་གསང་ནས་བྱོན་པའི་དཀར་དམར་བྱང་ཆུབ་སེམས་ཀྱི་རྒྱུན་ཁྱེད་རང་རྣམས་ལ་བྱིན་པར་མོས་ཤིག <span class="tibetan_small">།བདུད་རྩི་སྦྱིན་ལ།</span> ཇི་ལྟར་བཅོམ་ལྡན་<span class="tibetan_small">སོགས་སྔགས་བཅས་བརྗོད།</span> ཁྱེད་རྣམས་ཀྱིས་སྔགས་འདིའི་རྗེས་ཟློས་དང་བཅས་བདུད་རྩི་མྱོང་ཞིག །ཨ་ཧོ་མ་ཧཱ་སུ་ཁཾ། དེ་བཞིན་ཏུ་ཤེས་རབ་རྡོ་རྗེ་<span class="tibetan_small">སོགས་ཀྱིས་བདུད་རྩི་སྦྱིན་པའི་ཚིགས་བཅད་བཅས་ལན་གཅིག་བསྐྱར་ཏེ་བྱིན།</span> བྱང་སེམས་དཀར་དམར་གྱིས་ལུས་ཀྱི་རྩ་གནས་ཐམས་ཅད་ལ་ཁྱབ་རང་བཞིན་བརྒྱད་ཅུའི་རྟོག་པ་དབྱིངས་སུ་ཐིམ། གསལ་སྟོང་རྣམ་པར་མི་རྟོག་པའི་ཡེ་ཤེས་རྒྱུད་ལ་སྐྱེས་པར་མོས་ལ་མཉམ་པར་ཞོག་མཛོད། <span class="tibetan_small">དར་གཅིག་བཞག</span> །ལུས་ཀྱི་དཀྱིལ་འཁོར་མཐོང་བའི་བརྡར་གདོང་གཡོགས་སོལ་མཛོད། ཨོཾ་ཨཱཿཧཱུྃ་<span class="tibetan_small">ཞེས་གདོང་གཡོགས་བཀྲོལ།</span> དེ་ལྟར་ཀུན་རྫོབ་བྱང་ཆུབ་སེམས་ཀྱི་<span class="tibetan_small">སོགས་རྟོགས་པ་བརྗོད།</span> གསུམ་པ་ཤེས་རབ་ཡེ་ཤེས་ཀྱི་དབང་བསྐུར་ཞུ་བའི་ཕྱིར་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། དུས་གསུམ་སངས་རྒྱས་<span class="tibetan_small">སོགས་ལན་གསུམ།</span> བྷ་གའི་དཀྱིལ་འཁོར་མ་མཐོང་བའི་བརྡར་གདོང་གཡོགས་འཆིང་མཛོད། <span class="tibetan_small">སྔགས་བཅས་མིག་དར་བཅིང་།</span> མཚན་ཉིད་ཐམས་ཅད་ཡོངས་སུ་རྫོགས་པའི་<span class="tibetan_small">སོགས་ནས།</span> དངོས་གྲུབ་མེད། <span class="tibetan_small">བར་བརྗོད་ལ་རིག་ཙཀ་གཏད།</span> དེ་ལྟར་བྱིན་པའི་ལྷ་མོ་དེས་ཀྱང་འདི་སྐད་དྲིས་པའི་མོས་པ་མཛོད། བདུད་རྩི་བཟའ་དང་<span class="tibetan_small">སོགས་ནས།</span> བདེ་བྱེད་སྨྲོས། <span class="tibetan_small">བར་བརྗོད།</span> སྤྲོ་བས་ལན་འདེབས་པར་མོས་ལ་འདིའི་རྗེས་ཟློས། ལྷ་མོ་ཅི་ཕྱིར་<span class="tibetan_small">ནས།</span> འོ་བྱེད་པ། <span class="tibetan_small">བར་བརྗོད།</span> ལྷ་མོ་དགྱེས་ནས་འདི་སྐད་གསུངས་ཏེ་པང་དུ་བྱོན་པར་མོས་ཤིག །ཨ་ཧོ་ང་ཡི་<span class="tibetan_small">སོགས་བརྗོད།</span> དེ་ནས་ཁྱེད་རང་རྣམས་དགྱེས་མཛད་རྡོ་རྗེ་མཚོན་ཆ་ཅན་<span class="tibetan_small">སོགས་དང་། མཁའ་གསང་བྱིན་རླབས་གོང་ལྟར་བྱ།</span> སློབ་དཔོན་གྱི་ཐུགས་ཀའི་<span class="tibetan_small">སོགས་ནས།</span> བརྟན་པར་གྱུར་པར་མོས་ལ་མཉམ་པར་ཞོག་མཛོད། བྷ་གའི་དཀྱིལ་འཁོར་མཐོང་བའི་བརྡར་གདོང་གཡོགས་སོལ་མཛོད། ཨོཾ་ཨཱཿཧཱུྃ། <span class="tibetan_small">གདོང་གཡོགས་བཀྲོལ།</span> དེ་ལྟར་བྷ་གའི་དཀྱིལ་འཁོར་<span class="tibetan_small">སོགས་རྟོགས་པ་བརྗོད།</span> བཞི་པ་ཆེན་པོ་ཚིག་དབང་རིན་པོ་ཆེ་ཞུ་བའི་ཡོན་ཏུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། ཁྱོད་ཞབས་པདྨོའི་<span class="tibetan_small">སོགས་ལན་གསུམ།</span> རྡོ་རྗེའི་ཚིག་འདིའི་དོན་རྗེས་སུ་དྲན་པས་གང་དུའང་རྣམ་པར་མི་རྟོག་པའི་ཡེ་ཤེས་ཆེན་པོའི་དབྱིངས་སུ་ལྟར་མེད་པའི་ཚུལ་གྱིས་ལྟོས་ལ་མཉམ་པར་ཞོག་མཛོད། ཡེ་ཤེས་འདི་ནི་<span class="tibetan_small">སོགས་ནས།</span> སྐད་ཅིག་དེ་ལ་སྒོམ། <span class="tibetan_small">བར་བརྗོད་ལ་ཅུང་ཟད་མཉམ་པར་བཞག</span> །ཐུན་མོང་མ་ཡིན་པའི་དམ་ཚིག་བསྒྲགས་པ་འདི་ལ་གསན་འཚལ། དེ་ལྟར་ན་དོན་དམ་བྱང་ཆུབ་སེམས་ཀྱི་<span class="tibetan_small">སོགས་རྟོག་པ་བརྗོད།</span> དེ་དག་རྣམས་ཀྱིས་རིན་ཆེན་རྒྱ་མཚོའི་རྒྱུད་ཀྱི་དགོངས་དོན་སློབ་དཔོན་རྡོ་རྗེ་གདན་པའི་ཐུགས་དམ་མཁས་གྲུབ་ཁྱུང་པོ་རྣལ་འབྱོར་ལས་བརྒྱུད་པའི་རྒྱུད་སྡེ་ལྔའི་དཀྱིལ་འཁོར་ཆེན་པོར་དབང་བསྐུར་བ་ལེགས་པར་གྲུབ་པ་ཡིན་པས་དེ་དག་གི་སྐབས་སུ་ཐོབ་ཅིང་ཁས་བླངས་པའི་རྩ་བ་དང་ཡན་ལག་གི་དམ་ཚིག་དང་སྡོམ་པ་མཐའ་དག་ཚུལ་བཞིན་ཏུ་བསྲུང་བའི་མོས་པས་འདིའི་རྗེས་ཟློས། གཙོ་བོས་ཇི་ལྟར་<span class="tibetan_small">སོགས་གསུམ།</span> དབང་བསྐུར་རྫོགས་པར་ཐོབ་པའི་གཏང་རག་གི་ཡོན་ཏུ་དམིགས་ཏེ་མཎྜལ་ཕུལ། ལུས་ལོངས་སྤྱོད་དགེ་བའི་རྩ་བ་དང་བཅས་པ་ཐམས་ཅད་འཁོར་ལོས་སྒྱུར་བའི་རྒྱལ་སྲིད་ཀྱི་འབྱོར་པ་ལྟར་སྤྲུལ་ཏེ་འབུལ་ན་ཆ་ཤས་ནས་བཞེས་ཏེ་ལོངས་སྤྱད་དུ་གསོལ་སྙམ་པས་འདིའི་རྗེས་ཟློས། དེང་ནས་བརྩམས་ཏེ་<span class="tibetan_small">སོགས་གསུམ།</span> རྣམ་དཀར་གྱི་དགེ་རྩ་མཐའ་དག་འཁོར་གསུམ་རྣམ་པར་མི་རྟོག་པའི་དབྱིངས་སུ་བསྔོ་བས་རྒྱས་འདེབས་པ་དང་འདི་ཉིད་ཀྱི་སྒོ་ནས་ཀྱང་རང་དང་གཞན་གྱི་དོན་རྒྱ་ཆེན་པོར་བསྒྲུབ་པར་མཛོད་ཅིག །བསོད་ནམས་འདི་ཡིས་<span class="tibetan_small">སོགས་བསྔོ་སྨོན་ཤིས་བརྗོད་གང་འོས་བྱའོ། </span><br /><span class="tibetan_small">།དེ་ནས་རྗེས་ཀྱི་ཆོ་ག་ནི། ཚོགས་མཆོད་འདོད་ན་བདེ་མཆོག་ལྷ་ལྔ་ལྟར་བྱ། གཞུང་དུ་མ་བཤད་པས་མ་གྲུབ་ཀྱང་ཆོག །དཀྱིལ་ཆོག་གི་གཤམ་ནས་འབྱུང་བ་ལྟར་མཆོད་པ་རྣམས་ཁ་གསོས་ལ་བྱིན་བརླབ། མཆོད་བསྟོད་བྱ།</span> བཅོམ་ལྡན་འདས་དཔལ་དགྱེས་མཛད་རྡོ་རྗེ<span class="tibetan_small">འི་སོགས་བརྗོད་ལ་དངོས་གྲུབ་ཞུ། ཡིག་བརྒྱ་ལན་ཉེར་གཅིག་བཟླ། བཟོད་གསོལ་བྱ། དཀྱིལ་འཁོར་རས་བྲིས་སྐབས།</span> ཕྱོགས་བཅུ་ན་བཞུགས་པའི་<span class="tibetan_small">སོགས་སྤྱི་ལྟར་བརྗོད་ལ་ཡེ་ཤེས་པ་རྣམས་རྟེན་དང་དཀྱིལ་འཁོར་ལ་བརྟན་བཞུགས་བྱ།</span> དམ་ཚིག་པའི་དཀྱིལ་འཁོར་ཨོཾ་ཨཱཿཧཱུྃ་གིས་རང་གི་སྙིང་གར་ཐིམ་པར་གྱུར། <span class="tibetan_small">ཞེས་མོས། སྔར་ཕུར་གདབ་བྱས་ན།</span> ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི་སརྦ་ཨརྠ་ས་དྷ་ནི་སྭཱ་ཧཱ། <span class="tibetan_small">ཞེས་སྤྱན་མའི་སྔགས་ཀྱིས་ཕུར་བུ་རྣམས་དབྱུང་། སྔགས་དེ་ཉིད་ཀྱིས་ཕུར་ཁུང་དགང་།</span> སྐྱེ་ཞིང་སྐྱེ་བར་རིགས་མཆོག་ཏུ། <span class="tibetan_small">།སོགས་ཐུན་མོང་མ་ཡིན་པའི་བསྔོ་སྨོན་རྒྱས་པ་དང་ཤིས་བརྗོད་བྱས་རོལ་མོ་སྙན་པར་དཀྲོལ་བཞིན་མེ་ཏོག་གི་ཆར་དབབ་བོ། </span><br /><span class="tibetan_small">།མི་ཕྱེད་རྡོ་རྗེ་བཞི་ཡི་ཡེ་ཤེས་ནི། །མི་ཟད་རྒྱན་འཁོར་ལྔ་ཡི་དཀྱིལ་འཁོར་དུ། །ཤར་བའི་དབྱངས་དང་མཉམ་པར་ཉིད་གྱུར་ནས། །སྲིད་འགྲོར་དེ་ཡི་ཕྱག་རྒྱས་ཐོབ་པར་ཤོག </span><br /><span class="tibetan_small">།འདིའང་རྗེ་བཙུན་རིན་པོ་ཆེ་ནས་མཛད་པའི་སྒྲུབ་དཀྱིལ་གྱི་ཞབས་འདེགས་དང་། སྔ་ཕྱིར་བསྐུལ་བ་པོ་མང་ཞིག་གི་སླད་དུ་ཀརྨ་བཀའ་བརྒྱུད་ཀྱི་གྲལ་མཐར་འཁོད་པ་ཀརྨ་ངག་དབང་ཡོན་ཏན་རྒྱ་མཚོའམ་བློ་གྲོས་མཐའ་ཡས་པའི་སྡེས་རང་ལོ་གྱ་བདུན་པར་དཔལ་སྤུངས་ཡང་ཁྲོད་ཤྲཱི་དེ་བི་ཀོ་ཊ་ཙ་འདྲ་རིན་ཆེན་བྲག་གི་སྒྲུབ་གནས་སུ་བགྱིས་པའི་ཡི་གེ་པ་ནི་གམ་དུ་འཁོད་པ་བློ་གསལ་གསང་སྔགས་བསྟན་འཛིན་ནས་བགྱིས་པ་དགེ་ལེགས་འཕེལ།། །།</span></span>
+<span class="main_text">༄༅། །ཤངས་ལུགས་རྒྱུད་སྡེ་ལྔའི་དཀྱིལ་འཁོར་ཆེན་པོར་དབང་བསྐུར་བའི་མཚམས་སྦྱོར་སྣང་བའི་གོ་འབྱེད་ཅེས་བྱ་བ་བཞུགས་སོ།།<br /><br />ན་མོ་གུ་རུ་པཉྩ་ཏནྟྲ་སེ་ན་ཛྙཱ་ན་ནཱ་ཐ་ཡེ། <br /><span class="tibetan_small">མཐར་ཐུག་སྟོན་པ་རྣམ་ལྔའི་དཀྱིལ་འཁོར་དང་། །མྱུར་མཛད་ཡེ་ཤེས་མགོན་པོའི་བྱིན་རླབས་ཀྱིས། །གྲུབ་པ་གཉིས་སྩོལ་འདི་ཕྱིའི་བར་ཆད་སོལ། །ཟབ་གསལ་བསྟན་པ་རྒྱས་པའི་དགེ་ལེགས་སྩོལ། </span><br /><span class="tibetan_small">།[[Jetsün Taranatha|རྗེ་བཙུན་ཆེན་པོ་ཏཱ་ར་ནཱ་ཐ]]ས་མཛད་པའི་སྒྲུབ་དཀྱིལ་ལ་ཁོ་བོས་གསལ་བྱེད་ཞབས་འདེགས་ཞུས་པ་ལ་བརྟེན་ནས་དབང་བསྐུར་བའི་ཚེ། ཐོག་མར་སྒྲུབ་དཀྱིལ་དེ་ཉིད་ལས་ཞིབ་པར་བརྟགས་ཏེ་བཤམ་བཀོད། འདོན་འགྲིགས། ལག་ལེན་སོགས་ཤིན་ཏུ་ངེས་པར་བྱས་ན་དེ་ལས་གསལ་བར་སྨོས་མ་དགོས། སྒྲུབ་གནས་རྙིང་པ་དང་རས་བྲིས་ཀྱི་དཀྱིལ་འཁོར་སྐབས་ས་ཆོག་མི་དགོས། ཐོག་མར་བརྒྱུད་འདེབས་རྣམས་དང་། སྔོན་འགྲོ་ཕྱོགས་སྐྱོང་དང་། གནས་བདག་ཡུལ་བདག་གཏོར་མ་བཏང་། གནས་ཁང་དང་མཆོད་རྫས་བྱིན་བརླབ། སྒྲུབ་ཐབས་ལྟར་སྐྱབས་འགྲོ་ནས་བརྩམས་ཏེ་བདག་བསྐྱེད། བཟླས་པ་ཉེར་བསྡུ། ཐུན་མཚམས་ཀྱི་ལྷར་ལྡང་བའི་བར་རྫོགས་པར་བཏང་། དེ་ནས་སྟ་གོན་ལ་འཇུག་པས་ཆོག་ཀྱང་། སྲུང་བའི་དོན་དུ་སྤྱི་དང་མཐུན་པར་ཕུར་གདབ་སྤྲོ་ན་ས་བཟུང་བའི་སྐབས་སུ་འབྱུང་བ་ལྟར། བདག་ཉིད་ཀྱི་ལུས་ཀྱི་དཀྱིལ་འཁོར་དང་སོགས་ནས་བགེགས་གཏོར་བཏང་། ཧཱུྃ་དཀྱིལ་འཁོར་ཆེན་པོའི་སོགས་ཀྱིས་བཀའ་བསྒོས་ལ། ཕུར་གདབ་རྫོགས་པར་བྱ། དེ་ནས་སའི་ལྷ་མོ་ལྷག་གནས། ལྷ་ལྷག་གནས། བུམ་པ་ལྷག་གནས་བཅས་གྲུབ་ནས། སློབ་མ་ལྷག་གནས་བྱ་སྟེ། སློབ་མ་རྣམས་སྒོ་དྲུང་དུ་འདུས་ཏེ་ལས་བུམ་ཆུས་ཁྲུས་བྱ། གྲལ་དུ་འཁོད་པ་ལ་མེ་ཏོག་བཀྲམ་བསྡུ་བྱས་ལ་སྟ་གོན་གྱི་ཆོས་བཅུ་འདུན་ལས། </span><br /><span class="tibetan_small">དང་པོ་ཐུན་མོང་གི་བསླབ་བྱ་བཤད་པ་ནི།</span> <br />མཁའ་ཁྱབ་ཀྱི་སེམས་ཅན་ཐམས་ཅད་ཀྱི་དོན་དུ་སྐུ་བཞི་ཡེ་ཤེས་ལྔའི་བདག་ཉིད་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་བྱ། དེའི་ཆེད་དུ་རྒྱུད་སྡེ་ལྔའི་དཀྱིལ་འཁོར་ཆེན་པོར་སྨིན་བྱེད་ཀྱི་དབང་བསྐུར་བ་ཞུས་ཏེ་གྲོལ་བྱེད་རིམ་པ་གཉིས་ཀྱི་རྣལ་འབྱོར་ཟབ་མོ་མཐར་ཕྱིན་པར་བགྱིའོ་སྙམ་དུ་བྱང་ཆུབ་མཆོག་ཏུ་སེམས་བསྐྱེད་པ་དང་། ཆོས་གསན་པའི་ཀུན་སྤྱོད་དང་ཀུན་སློང་རྣམ་པར་དག་པ་མདོ་རྒྱུད་རྣམས་ལས་ཇི་སྐད་གསུངས་པ་བཞིན་ལེགས་པར་གསལ་བཏབ་ནས་གསན་འཚལ། དེའང་འོ་སྐོལ་རྣམས་དལ་འབྱོར་གྱི་ཆོས་བཅོ་བརྒྱད་དང་ལྡན་པའི་མི་ལུས་རིན་པོ་ཆེ་རྙེད་པར་དཀའ་བ་ཐོབ་ཀྱང་འདུས་བྱས་ཐམས་ཅད་མི་རྟག་པའི་རང་བཞིན་ཡིན་པས་འཆི་བ་ནམ་འོང་ཆ་མེད། ཤི་བའི་འོག་ཏུ་རྣམ་ཤེས་ལས་ཀྱི་རྗེས་སུ་འབྲང་བས་དགེ་སྡིག་གི་བླང་དོར་མ་ནོར་བ་ལ་འབད་རྩོལ་བྱ་དགོས། འཁོར་བའི་གནས་རིས་མཐོ་དམན་གང་དུ་སྐྱེས་ཀྱང་སྡུག་བསྔལ་གསུམ་གྱི་རང་བཞིན་ལས་མ་འདས་ཤིང་ཐོག་མ་མེད་པ་ནས་འཁོར་བར་འཁྱམས། སླར་ཡང་མཐའ་མེད་པའི་འཁོར་བའི་སྡུག་བསྔལ་མྱོང་དགོས་ལ་ངེས་འབྱུང་གི་བློ་ཤུགས་དྲག་པོར་བསྐྱེད་ནས་ཐར་པའི་ལམ་ལ་འཇུག་དགོས། ཐར་པའི་ལམ་བཟང་པོ་ནི་ཕྱི་རོལ་མུ་སྟེགས་པ་སོགས་གྲུབ་མཐའ་ངན་པ་གཞན་ལ་མེད། ནང་པ་སངས་རྒྱས་ཁོ་ན་ལ་ཡོད་པས་དཀོན་མཆོག་གསུམ་ལ་སྐྱབས་སུ་འགྲོ་བ་རྩ་བར་བཟུང་ནས་སངས་རྒྱས་ཀྱི་བསྟན་པ་རིན་པོ་ཆེ་ལ་འཇུག་དགོས། དེའང་བདག་ཅག་གི་སྟོན་པ་ཐུགས་རྗེ་དང་བཀའ་དྲིན་ཚད་མ་མཆིས་པ་མཉམ་མེད་ཤཱཀྱའི་དབང་པོ་འདི་ཉིད་ཀྱིས་ཐོག་མར་འདྲེན་པ་གཞན་གྱིས་སྤངས་པའི་རྩོད་ལྡན་སྙིགས་མའི་འགྲོ་བ་རྣམས་ལ་དགོངས་ནས་བྱང་ཆུབ་མཆོག་ཏུ་ཐུགས་བསྐྱེད་པའང་སངས་རྒྱས་གཞན་ལས་ཁྱད་པར་དུ་འཕགས་པ་མཛད། བར་དུ་བསྐལ་པ་གྲངས་མེད་པ་གསུམ་དུ་ཚོགས་བསགས་བསམ་གྱིས་མི་ཁྱབ་པས་ས་བཅུ་དང་ལམ་ལྔ་མཐར་ཕྱིན་ནས་རྩོད་ལྡན་ཚེ་ལོ་བརྒྱ་པའི་དུས་སུ་མ་ག་དྷ་རྡོ་རྗེའི་གདན་དུ་མངོན་པར་རྫོགས་པའི་སངས་རྒྱས་པའི་ཚུལ་བསྟན་ཏེ་ཆོས་ཀྱི་འཁོར་ལོ་བསམ་གྱིས་མི་ཁྱབ་པར་བསྐོར་བ་རྣམས་ལ་ཉན་ཐོས་ཀྱི་ལུགས་སུ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་དུ་གྲགས། དེ་དག་ཀྱང་གདུལ་བྱའི་དབང་པོ་དམན་འབྲིང་། མཆོག་གི་དབང་དུ་བྱས་ནས་སྡེ་སྣོད་གསུམ་དུ་བསྡུ། དེའང་ཐེག་པ་ཆེ་ཆུང་གཉིས་སུ་དབྱེ་བ་ལས་ཐེག་དམན་ལས་ཁྱད་པར་དུ་མས་འཕགས་པ་ཐེག་པ་ཆེན་པོ་བྱང་ཆུབ་སེམས་ཀྱི་ཐེག་པས་ཁྱད་པར་དུ་བྱས་པ་ཡིན། དེ་ལའང་རྒྱུ་ལམ་དུ་བྱས་པ་མཚན་ཉིད་ཀྱི་ཐེག་པ་དང་། འབྲས་བུ་ལམ་དུ་བྱས་པ་གསང་སྔགས་རྡོ་རྗེ་ཐེག་པ་གཉིས་སུ་དབྱེ་བ་ལས། གསང་སྔགས་རྡོ་རྗེ་ཐེག་པ་ནི་སངས་རྒྱས་འདི་ཉིད་ཀྱི་ཐུགས་བསྐྱེད་ཀྱི་སྟོབས་ཀྱིས་བསྟན་པ་འདི་ཁོ་ན་ལ་བྱོན་པ་ལས་འདས་པའི་སངས་རྒྱས་རྣམས་ཀྱིས་ཀྱང་མ་གསུངས། མ་འོངས་པའི་སངས་རྒྱས་རྣམས་ཀྱིས་ཀྱང་གསུང་བར་མི་འགྱུར་བས་ཨུ་དུམྦ་ར་ལྟར་དཀོན་ཅིང་གྲོལ་བ་བཞི་དང་ལྡན་པས་གསང་སྔགས་ཀྱི་སྒོར་ཞུགས་པ་ནི་ཤིན་ཏུ་སྐལ་པ་བཟང་པོ་དང་ལྡན་པ་ཡིན། གསང་སྔགས་ཉིད་སྡེ་སྣོད་གསུམ་པོ་སྤྱི་ཁྱབ་ཡིན་པར་བཞེད་པ་དང་། ཁྱད་པར་ཅན་དུ་བྱས་པ་སོགས་མཆིས་ཀྱང་དཔུང་བཟང་གིས་ཞུས་པ་ལས། <br />ལྷ་དང་ལྷ་མིན་མི་ལ་ཕན་གདགས་ཕྱིར། །གསང་སྔགས་རིག་སྔགས་རྣམ་པ་སྣ་ཚོགས་དང་། །བྱེ་བ་ཕྲག་གསུམ་དང་ནི་འབུམ་ཕྲག་ལྔ། །རིག་འཛིན་སྡེ་སྣོད་བཤད་པར་རྒྱལ་བས་གསུངས། །ཞེས་དང་། <br />སློབ་དཔོན་སངས་རྒྱས་གསང་བས། །སངས་རྒྱས་མཆོག་གིས་ཆོས་གསུངས་པ། །མདོ་སྡེ་འདུལ་བ་མངོན་པ་དང་། །རིག་པ་འཛིན་པའི་སྡེ་བཞིར་གནས། <br />།ཞེས་གསུངས་ཤིང་སློབ་དཔོན་གཞན་གྱིས་ཀྱང་དེ་ལྟར་བསྟན་པ་མང་བས་རིག་པ་འཛིན་པའི་སྡེ་སྣོད་ཅེས་ཁྱད་པར་དུ་འཕགས་པའི་སྡེ་སྣོད་བཞི་པར་བཞག་པ་ལ་ནང་གསེས་ཀྱིས་དབྱེ་བ་གཉིས་ནས་བདུན་གྱི་བར་དུ་བཞག་པ་སོགས་རྣམ་གྲངས་མང་ཡང་སྦྱོང་གཞི་དུས་བཞི། མི་རིགས་བཞི། འདོད་ཆགས་བཞི། དབང་པོ་བཞི་སོགས་བཞི་ཚན་རྣམས་ལ་དགོངས་ནས་རྒྱུད་སྡེ་བཞིར་དབྱེ་བ་ནི་གྲགས་ཆེ་སྟེ། <br />རྡོ་རྗེ་གུར་ལས། དམན་པ་རྣམས་ལ་བྱ་བའི་རྒྱུད། །བྱ་མིན་རྣལ་འབྱོར་དེ་ལྟག་ལའོ། །སེམས་ཅན་མཆོག་ལ་རྣལ་འབྱོར་རྒྱུད། །རྣལ་འབྱོར་བླ་མེད་དེ་ལྟག་ལའོ། <br />།ཞེས་སོགས་རྒྱུད་སྡེ་གཞན་ལའང་རྒྱ་ཆེར་འབྱུང་བ་ལྟར་བྱ་སྤྱོད་རྣལ་འབྱོར་བླ་མེད་ཀྱི་རིམ་པར་བཞུགས་པ་རྣམས་ཀྱི་མཆོག་ཏུ་གྱུར་པ་རྣལ་འབྱོར་བླ་མེད་ཀྱི་རྒྱུད་ལ་ཐབས་གཙོ་བོར་སྟོན་པ་ཕའི་རྒྱུད་དང་ཤེས་རབ་གཙོ་བོར་སྟོན་པ་མའི་རྒྱུད་གཉིས་སུ་དབྱེ་བ་ལས་འདིར་སྐབས་སུ་བབ་པ་རྒྱུད་སྡེ་ལྔའི་དཀྱིལ་འཁོར་ཆེན་པོ་འདི་ནི་[[Khyungpo Neljor|མཁས་གྲུབ་ཁྱུང་པོ་རྣལ་འབྱོར་]]དེ་ཉིད་དགུང་གྲངས་ལྔ་བཅུ་བར་རྒྱ་གར་འཕགས་པའི་ཡུལ་དུ་ཕེབས་ཏེ་རྡོ་རྗེ་འཆང་དངོས་ཀྱིས་རྗེས་སུ་བཟུང་བའི་ཡེ་ཤེས་ཀྱི་མཁའ་འགྲོ་རྣམ་པ་གཉིས་དང་། མཁས་གྲུབ་བརྒྱ་དང་ལྔ་བཅུ་ཞབས་པད་བསྟེན་ཏེ་རིག་པའི་གནས་དང་མདོ་རྒྱུད་མན་ངག་ཀུན་ལ་མཁས་པར་སྦྱངས་པས་བཤད་པ་དང་རྩོད་པ་དང་སྒྲུབ་པའི་ལམ་རིམ་གྱི་བཀའ་བབས། གྲུབ་པའི་གོ་འཕང་མཐོན་པོར་གཤེགས། ཁྱད་པར་གཏུམ་མོ་སྟོན་པའི་མཐར་ཐུག །དགྱེས་རྡོར་མཚོན་ཆ་དང་ཐོད་པ་ཅན་ལྷ་དགུས་བསྐོར་བ་[[Dombi Heruka|གྲུབ་ཆེན་ཌོམྦི་པ་]]དང་མཚོ་སྐྱེས་ཞབས་ཀྱི་ལུགས། ལས་རྒྱ་སྟོན་པའི་མཐར་ཐུག་བདེ་མཆོག་ལྷ་དྲུག་ཅུ་རྩ་གཉིས་པ་[[Luipa|ལཱུ་ཧི་པ]]འི་ལུགས། སྒྱུ་མ་རྨི་ལམ་སྟོན་པའི་མཐར་ཐུག་མ་ཧཱ་མ་ཡ་ལྷ་ལྔ་པ་[[Kukuripa|ཀུ་ཀུ་རི་པ]]འི་ལུགས། འོད་གསལ་སྟོན་པའི་མཐར་ཐུག་གསང་འདུས་མི་བསྐྱོད་རྡོ་རྗེ་ལྷ་སོ་གསུམ་པ་འཕགས་པ་ཡབ་སྲས་ཀྱི་ལུགས། མངོན་སྤྱོད་སྟོན་པའི་མཐར་ཐུག་རྡོ་རྗེ་འཇིགས་བྱེད་ཆེན་པོ་ལྷ་བཅུ་གསུམ་པ་[[Lalitavajra|ལ་ལི་ཏ་བཛྲ]]འི་ལུགས་རྣམས་བརྒྱུད་པ་སོ་སོ་ལས་གསན་མོད་ཀྱི་འདིར་དེ་རྣམས་གཅིག་ཏུ་དྲིལ་བའི་བློས་བཏགས་ཀྱིས་དཀྱིལ་འཁོར་གཅིག་ཏུ་མཛད་པ་མ་ཡིན་ཏེ། བཅོམ་ལྡན་འདས་ཐུབ་པའི་དབང་པོས་དཔལ་ལྡན་འབྲས་སྤུངས་ཀྱི་མཆོད་རྟེན་ཆེན་པོར་དུས་འཁོར་རྩ་བའི་རྒྱུད་གསུང་པའི་སྐབས་བདེ་དགྱེས་སོགས་ཀྱི་རྩ་བའི་རྒྱུད་སྡེ་ཐམས་ཅད་སླར་ཡང་བསྟན་པ་དང་། རྒྱུད་སྡེ་གཞན་ཡང་མང་དུ་གསུངས་པའི་ནང་ཚན་རིན་ཆེན་རྒྱ་མཚོ་ཞེས་བྱ་བའི་རྒྱུད་སྡེ་ཆེན་པོ་ལས་རྒྱུད་སྡེ་ལྔ་པོ་འདི་དཀྱིལ་འཁོར་གཅིག་ཏུ་སྒྲུབ་པའི་ཚུལ་གསལ་བར་བསྟན་པའི་རྒྱུད་དེ་ཉིད་ཁྱབ་བདག་རྡོ་རྗེ་འཆང་། [[རྡོ་རྗེ་སྙིང་པོ]]། [[ཡེ་ཤེས་ཀྱི་མཁའ་འགྲོ་མ]]། [[ཨིནྡྲ་བྷུ་ཏི]]། ལྷ་ལྕམ་དཔལ་མོ། ས་མནྟ་བཛྲ། ཛ་ཡ་དེ་བ་ལས་[[Dorjé Denpa|རྡོ་རྗེ་གདན་པ་]]བར་པ། [[Dorjé Denpa|པུཎྱ་ཀ་ར]]ས་གསན་པ་ནི་རིང་བརྒྱུད་དང་། རྡོ་རྗེ་འཆང་། [[Bodhisattva ratnamati|བློ་གྲོས་རིན་ཆེན]]། [[Shavaripa|ཤ་བ་རི་པ]]། [[Maitripa|མངའ་བདག་མཻ་ཏྲི་པ]]། [[དྷ་བྱང་ཆུབ་སེམས་དཔའ་]]ལས་[[རྡོ་རྗེ་གདན་པ་]]བར་པས་གསན་པ་ནི་ཉེ་བརྒྱུད་དང་། རྡོ་རྗེ་འཆང་། [[གྲུབ་པའི་དཔའ་བོ]]། [[རཏྣ་ཀ་ར]]། [[ཨཱརྱ་བཛྲ]]། [[Rahula|གྲུབ་ཆེན་རཱ་ཧུ་ལ]]ས་གསན་པ་ནི་ཤིན་ཏུ་ཉེ་བརྒྱུད་དེ། མཁས་གྲུབ་དེ་གཉིས་ལས་[[Khyungpo Neljor|ཁྱུང་པོ་རྣལ་འབྱོར་]]གྱིས་སྨིན་གྲོལ་རྫོགས་པར་གསན། རྒྱུད་ཆེན་འདི་འཕགས་ཡུལ་གྱི་མཁས་གྲུབ་གཞན་ལ་མ་གྲགས་ཤིང་བོད་དུའང་མ་འགྱུར། འདི་རིགས་གཞན་དུའང་མང་བར་ཡོད་པར་སྣང་བས་བོད་དུ་འགྱུར་བའི་གསུང་རབ་ཉུང་ཤས་ལ་བརྟེན་ནས་མདོ་རྒྱུད་ཀྱི་རིགས་དག་མ་དག་གི་ཁ་ཚོན་བཅད་པ་ནི་ནམ་མཁའ་འདོམས་འཇལ་བའི་དཔེར་སྣང་ངོ་། །[[Khyungpo Neljor|མཁས་གྲུབ་ཁྱུང་པོ]]ས་[[Mokchokpa Rinchen Tsöndrü|རྨོག་ལྕོག་པ་]]ལ་གནང་སྟེ་[[Öntön Kyergangpa|དབོན་སྟོན་སྐྱེར་སྒང་པ་]]སོགས་ནས་རིམ་པར་བརྒྱུད་ད་ལྟའི་བར་དུ་བརྒྱུད་པ་ཟམ་མ་ཆད་པར་བྱོན་པའི་དཀྱིལ་འཁོར་ཆེན་པོ་འདིའི་དབང་བསྐུར་བ་བསྒྲུབ་པར་བགྱི་བ་ལ་སློབ་མ་ལྷག་པར་གནས་པ་དང་དབང་བསྐུར་དངོས་གཞི་གཉིས་སུ་ཡོད་པ་ལས་དེ་རིང་གི་སྐབས་སུ་སྟ་གོན་གྱི་ཆོས་རྣམས་བསྒྲུབ་པར་བགྱི་བ་ཡིན། དེ་ལ་སློབ་དཔོན་གྱི་བྱ་བ་རྣམས་སྔོན་ཏུ་གྲུབ། ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལྷག་གནས་ཀྱི་ཆོས་རྣམས་ཞུ་བའི་ཡོན་དུ་དམིགས་ཏེ་ཞིང་ཁམས་འབུལ་བར་ཞུ། <span class="tibetan_small">ཞེས་མཎྜལ་འབུལ་དུ་གཞུག །དེ་ནས་དཀྱིལ་ཆོག་ལྟར།</span> སྡོམ་པ་གསུམ་ལ་གནས་པར་བྱ། <span class="tibetan_small">སོགས་ནས།</span> དེ་རྣམས་ཀྱི་བསམ་པ་རྣམ་དག་བསྐྱེད་དགོས་སོ། <span class="tibetan_small">།ཞེས་གདམས། </span><br /><span class="tibetan_small">གཉིས་པ་སྤྲོ་བར་བསྐྱེད་པ་ནི།</span> སྔགས་ཀྱི་དངོས་གྲུབ་དོན་གཉེར་གང་། <span class="tibetan_small">།སོགས་ནས།</span> འདི་འབྲས་འགྲུབ། །ཅེས་གསུངས་ཏེ། སྔགས་ཀྱི་དངོས་གྲུབ་རྡོ་རྗེ་འཛིན་པའི་ཡེ་ཤེས་དོན་དུ་གཉེར་བདག་དཀྱིལ་འཁོར་ཆེན་པོར་གཞུག་པར་བྱའི། ཚེ་འདིའི་བདེ་སྐྱིད་དང་ཕྱི་མ་ལྷའི་གོ་འཕང་དང་། རང་དོན་ཏུ་ཉན་རང་གི་བྱང་ཆུབ་འདོད་པ་རྣམས་ནི་མ་ཡིན་ཏེ། དེ་དག་ནི་དཀྱིལ་འཁོར་དུ་འཇུག་པ་ལ་མ་ལྟོས་པར་ཐབ་དམན་པ་གཞན་ལ་བརྟེན་ནས་བསྒྲུབ་ཏུ་ཡོད་པའི་ཕྱིར་རོ། །དེ་བས་ན་བདག་གཞན་ཐམས་ཅད་སྲིད་ཞིའི་ཕ་རོལ་ཏུ་སོན་པའི་མི་གནས་པའི་མྱ་ངན་ལས་འདས་པ་དོན་ཏུ་གཉེར་བའི་དད་པ་ཅན་བློ་གྲོས་དང་ལྡན་པ་དག་དཀྱིལ་འཁོར་ཆེན་པོར་གཞུག་པར་བྱ་སྟེ། ཚེ་འདིའི་བདེ་འབྲས་དོན་ཏུ་གཉེར་བས་ཞུགས་ན་ཕ་རོལ་གྱི་དོན་མི་འགྲུབ་ཅིང་། གཞན་དོན་ཏུ་མི་གནས་པའི་མྱ་ངན་ལས་འདས་པ་ཐམས་ཅད་མཁྱེན་པའི་སངས་རྒྱས་ལ་དམིགས་ཏེ་ཞུགས་ན་རང་གཞན་གཉིས་ཀའི་དོན་བདེ་བླག་ཏུ་འགྲུབ་པ་ཡིན། ཞེས་གསུངས་པ་ལགས་པས་དོན་ཐུགས་ལ་ངེས་པར་ཞུ། <br /><span class="tibetan_small">གསུམ་པ་གསོལ་བ་བཏབ་པ་ནི།</span> སྙིམས་པ་མེ་ཏོག་དང་བཅས་པའི་ཐལ་མོ་སྦྱོར་ལ་འདིའི་རྗེས་ཟློས་ལན་གསུམ་མཛོད། དགའ་ཆེན་ཁྱོད་བདག་སྟོན་པ་སྟེ། <span class="tibetan_small">སོགས་གསུམ། </span><br /><span class="tibetan_small">བཞི་པ་སྤྲོ་བ་བསྐྱེད་པ་ནི།</span> ཁྱེད་རྣམས་ཁྱད་པར་ཅན་གྱི་ལམ་ཟབ་མོ་རྡོ་རྗེ་ཐེག་པ་ལ་དོན་གཉེར་གྱི་བློ་སྐྱེས་པ་དེ་ཤིན་ཏུ་ལེགས་པ་ཡིན་ནོ། །ཞེས་ཤེས་པའི་ཆེད་དུ་སྤྲོ་བ་བསྐྱེད་པ་འདི་ལ་གསན་པས་ཁྱབ་པར་གདའ། བུ་ཚུར་ཐེག་པ་<span class="tibetan_small">ནས།</span> བློ་གྲོས་འདི་གྱིས་ཤིག <span class="tibetan_small">།ཅེས་དང་། </span><br /><span class="tibetan_small">ལྔ་པ་རྟོག་པ་བསྡུ་བ་ནི།</span> རྟོག་པ་ཐམས་ཅད་<span class="tibetan_small">ནས།</span> བྱིན་མི་རློབ། ཅེས་གསུངས་པས་དབང་གི་ཚིག་རྣ་བ་གཏད་དེ་མི་ཉན་པ་དང་། དོན་ཇི་བཞིན་ཏུ་འཛིན་པར་མི་བྱེད་པ་རྣམས་སྣོད་མིན་སྤངས་བྱར་གསུངས་ཤིང་། དེ་ལྟ་བུ་ལ་དབང་རྫོགས་པར་བསྐུར་ཡང་དབང་དོན་གྱི་ཡེ་ཤེས་ཇི་བཞིན་སྐྱེ་བར་མི་འགྱུར་བས་རྩེ་གཅིག་ཏུ་དད་པས་ཉན་ཅིང་ནན་ཏན་དུ་འཛིན་པར་བྱ་དགོས་སོ། <br /><span class="tibetan_small">།དྲུག་པ་སྡོམ་གསུམ་བསྟེན་པ་ནི།</span> དཀོན་མཆོག་ཀུན་འདུས་ཀྱི་བདག་ཉིད་སློབ་དཔོན་གཙོ་བོར་གཞུགས་པའི་དཀྱིལ་འཁོར་ལྷ་ཚོགས་རྣམས་ཀྱི་སྤྱན་སྔར་བདག་གཞན་ནམ་མཁའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་བྱང་ཆུབ་སྙིང་པོ་ལ་མཆིས་ཀྱི་བར་དུ་སྒོ་གསུམ་གུས་པ་ཆེན་པོས་སྐྱབས་སུ་འགྲོ་བ་དང་། སོ་སོར་ཐར་པའི་འདུལ་བ། བྱང་ཆུབ་སེམས་དཔའི་བསླབ་བྱ། རིག་འཛིན་སྔགས་ཀྱི་དམ་ཚིག་རྣམས་ཚུལ་བཞིན་ཏུ་བསྲུང་ཞིང་གཞན་ལ་ཕན་པར་བགྱིད་དོ་སྙམ་པས་འདིའི་རྗེས་ཟློས། བཅོམ་ལྡན་དཀྱིལ་འཁོར་དེས་གསུངས་ཆོས། <span class="tibetan_small">།སོགས་ནས།</span> སྟོན་པར་བགྱི། <span class="tibetan_small">ཞེས་ལན་གསུམ། </span><br /><span class="tibetan_small">བདུན་པ་ཡན་ལག་བདུན་པ་བྱ་བ་ནི།</span> ཁྱེད་རང་རྣམས་ཀྱི་མདུན་གྱི་ནམ་མཁར་བླ་མ་དང་གཉིས་སུ་མེད་པའི་བཅོམ་ལྡན་འདས་རྒྱུད་སྡེ་ལྔའི་དཀྱིལ་འཁོར་ལ་དཀོན་མཆོག་གསུམ་དང་རྩ་བ་གསུམ་གྱི་ལྷ་ཚོགས་སྤྲིན་གཏིབས་པ་ལྟ་བུས་བསྐོར་ཏེ་བཞུགས་པའི་སྤྱན་སྔར་བདག་གཞན་སེམས་ཅན་ཐམས་ཅད་ཀྱིས་འཁོར་བ་ཐོག་མ་མེད་པ་ནས་བསགས་པའི་སྡིག་པ་བཤགས་ཤིང་། འཁོར་འདས་ཀུན་གྱི་དགེ་བ་ལ་ཡི་རང་བ་དང་། ཆོས་ཀྱི་འཁོར་ལོ་བསྐོར་བར་བསྐུལ་བ་དང་། རྡོ་རྗེ་ཐེག་པའི་དཀོན་མཆོག་གསུམ་ལ་སྐྱབས་འགྲོ་བ་དང་། སྨོན་འཇུག་བྱང་ཆུབ་མཆོག་ཏུ་སེམས་བསྐྱེད་པ་དང་། དགེ་རྩ་བྱང་ཆུབ་ཆེན་པོར་བསྔོ་ཞིང་ལུས་འབུལ་བ་བཅས་ཡན་ལག་བདུན་པ་ཚུལ་བཞིན་བགྱིའོ། སྙམ་པས་འདིའི་རྗེས་ཟློས། བདག་གིས་སྡིག་པ་བགྱིས་པ་དང་། <span class="tibetan_small">།སོགས་སྒྲུབ་ཐབས་དབུ་ནས་འབྱུང་བ་ལྟར་ལ།</span> ཁྱོད་ཀྱི་སྐུ་གསུམ་འགྲུབ་པར་ཤོག <span class="tibetan_small">།བར་ལན་གསུམ། </span><br /><span class="tibetan_small">བརྒྱད་པ་དྲིས་ལེན་ནི།</span> དེ་བཞིན་གཤེགས་པ་ཐམས་ཅད་ཀྱི། <span class="tibetan_small">།སོགས་ནས།</span> ཁྱོད་འདོད་དམ། ཞེས་དྲིས་པའི་ལན་བཏབ་པ་འདིའི་རྗེས་ཟློས། དེ་བཞིན་གཤེགས་པ་སོགས་ནས། བདག་ཉིད་ཆེན་པོ་བདག་འཚལ་ལོ། <span class="tibetan_small">།ཞེས་ལན་བཏབ། </span><br /><span class="tibetan_small">དགུ་པ་སྡོམ་པ་བསྒྲགས་པ་ནི།</span> རྡོ་རྗེ་ཐེག་པའི་རྩ་བ་དམ་ཚིག་དང་སྡོམ་པ་ལ་རག་ལས་པས་ཤིན་ཏུ་གལ་ཆེ་བས་སྲུང་སྡོམ་བྱ་དགོས་པ་ནི་འདི་དག་ཡིན་ནོ་ཞེས་བསྒྲགས་པ་འདི་ལ་གསན་འཚལ། སངས་རྒྱས་ཆོས་དང་དགེ་འདུན་ཏེ། <span class="tibetan_small">།སོགས་ནས།</span> ཡང་དག་བཤད། <span class="tibetan_small">བར་ལན་གསུམ། </span><br /><span class="tibetan_small">བཅུ་པ་སྡོམ་པ་བཟུང་བ་ནི།</span> ཇི་སྐད་གསུངས་པའི་དམ་ཚིག་དང་སྡོམ་པ་རྣམས་ལེགས་པར་བླངས་ནས་ཚུལ་བཞིན་ཏུ་བསྲུང་སྙམ་པས་འདིའི་རྗེས་ཟློས། སློབ་དཔོན་འདིར་ནི་སོགས་དང་། ཇི་ལྟར་དུས་གསུམ་མགོན་པོ་<span class="tibetan_small">སོགས་སྒྲུབ་ཐབས་ནས་འབྱུང་བ་ལྟར་ལན་གསུམ་རྗེས་ཟློས་བྱ། </span><br /><span class="tibetan_small">བཅུ་གཅིག་པ་གནས་གསུམ་བྱིན་རླབས་ནི།</span> སློབ་མ་སྐད་ཅིག་གིས་རྡོ་རྗེ་སེམས་དཔའི་སྐུར་གྱུར་པའི་དཔྲལ་བར་ཟླ་བ་ལ་ཨོཾ་ལས་འཁོར་ལོར་ཨོཾ་གྱིས་མཚན་པ་ལས་སྐུ་རྡོ་རྗེ་སྐུ་མདོག་དཀར་པོ་འཁོར་ལོ་དང་དྲིལ་བུ་འཛིན་པ། མགྲིན་པར་སྣ་ཚོགས་པདྨ་ལ་ཨ་ལས་པདྨ་དམར་པོ་ཨཱཿས་མཚན་པ་ལས་གསུང་རྡོ་རྗེ་སྐུ་མདོག་དམར་པོ་པདྨ་དང་དྲིལ་བུ་འཛིན་པ། སྙིང་གར་ཉི་མའི་དཀྱིལ་འཁོར་ལ་ཧཱུྃ་ལས་རྡོ་རྗེར་ཧཱུྃ་གིས་མཚན་པ་ལས་ཐུགས་རྡོ་རྗེ་སྐུ་མདོག་མཐིང་ཁ་རྡོ་རྗེ་དང་དྲིལ་བུ་འཛིན་པ་རྣམས་སུ་གྱུར། <span class="tibetan_small">སློབ་མའི་གནས་གསུམ་དུ་བདུད་རྩི་ལྔ་དང་དྲི་བཟང་སྦྱར་བའི་ཐིག་ལེ་བྱ།</span> སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། སངས་རྒྱས་བྱང་སེམས་ཐམས་ཅད་སྐུ་གསུང་ཐུགས་རྡོ་རྗེའི་རྣམ་པར་སྤྱན་དྲངས་སློབ་མའི་གནས་གསུམ་དུ་ཐིམ་པར་གྱུར། <span class="tibetan_small">ཉེར་སྤྱོད་ལྔ།</span> ཨོཾ་ཨཱཿཧཱུྃ་<span class="tibetan_small">ལན་གསུམ་གྱིས་བྱིན་བརླབས།</span> དེ་ལྟར་བྱས་པས་ཁྱེད་རང་རྣམས་ཀྱི་ལུས་ངག་ཡིད་གསུམ་གདོད་མ་ནས་རྡོ་རྗེ་གསུམ་གྱི་ངོ་བོར་གནས་པ་དེ་ཆོ་ག་འདིས་ངོ་འཕྲོད་ཅིང་དེ་གསལ་བར་བྱས་པ་ཡིན། དེ་ལྟར་སེམས་བསྐྱེད་ཅིང་སྒོ་གསུམ་ལྷར་བྱས་མ་ཐག་པ་དེ་མཆོད་ཡུལ་དུ་བཟུང་བ་ཡིན། མེ་ཏོག་དབུ་ལ་ཕུལ་ནས་མཆོད་པ་མཛོད། ཨོཾ་བཛྲ་པུཥྤེ་ཨཱཿཧཱུྃ། བདུག་སྤོས་ཤངས་ལ༴ དྷཱུ་པེ། མར་མེ་སྤྱན་ལམ་དུ༴ ཨཱ་ལོ་ཀེ༴ དྲིའི་བྱུགས་པ་ཐུགས་ཀར༴ གནྡྷེ༴ ཞལ་ཟས་ལྗགས་ལ༴ ནཻ་ཝི་དྱ་ཨཱཿཧཱུྃ། ཞེས་པས་མཆོད་པ་ནི་ལུས་ངག་ཡིད་གསུམ་ལྷར་ཤེས་པའི་སྒོ་ནས་འདོད་ཡོན་ལ་མ་ཆགས་པར་ལོངས་སྤྱོད་ཅིག་ཅེས་པའི་དོན་ཡིན་ནོ། །དུས་འདི་ནས་ནི་བཟུང་ནས་སུ། །འཁོར་བའི་ཉེས་པས་མ་གོས་པར། །མཆོད་པ་ཀུན་དང་ལྡན་པ་ཡི། །དུས་ཀུན་དུ་ནི་དགེ་བར་མནོས། <span class="tibetan_small">།ཞེས་བརྗོད།</span> ཁྱེད་རང་རྣམས་ཀྱིས་རང་གི་གནས་གསུམ་གྱི་རྡོ་རྗེ་གསུམ་ལ་གསོལ་བ་འདེབས་པ་འདིའི་རྗེས་ཟློས། ཨོཾ་སྐུ་ཡི་རྡོ་རྗེ་སྐུ་ཡི་མཆོག །ཡེ་ཤེས་དང་ལྡན་གཏི་མུག་སེལ། །བཅོམ་ལྡན་གཙོ་བོ་སྐུ་རྡོ་རྗེ། །སྐུ་ཡི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། སྐུ་རྡོ་རྗེ་སློབ་མའི་ལུས་ལ་ཐིམ་པས། ལུས་སྐུའི་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཀ་ཡ་བཛྲ་སྭཱ་བྷཱ་ཝ་ཨཏྨ་ཀོ྅ཧཾ། <span class="tibetan_small">ཞེས་ང་རྒྱལ་ཟིན་དུ་གཞུག །དེ་བཞིན་དུ།</span> གསུང་གི་རྡོ་རྗེ་གསུང་གི་མཆོག །སོ་སོར་རྟོག་པས་འདོད་ཆགས་འཇོམས། །བཅོམ་ལྡན་གཙོ་བོ་གསུང་རྡོ་རྗེ། །གསུང་གི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། གསུང་རྡོ་རྗེ་སློབ་མའི་ངག་ལ་ཐིམ་པས། ངག་གསུང་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཝཱ་ཀ་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ། <span class="tibetan_small">དེ་བཞིན་དུ།</span> ཐུགས་ཀྱི་རྡོ་རྗེ་ཐུགས་དམ་བསྐུལ། །དག་པའི་རང་བཞིན་ཞེ་སྡང་སྦྱོང་། །བཅོམ་ལྡན་གཙོ་བོ་ཐུགས་རྡོ་རྗེ། །ཐུགས་ཀའི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། ཐུགས་རྡོ་རྗེ་སློབ་མའི་ཡིད་ལ་ཐིམ་པས། ཡིད་ཐུགས་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཙི་ཏྟ་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་སུ་པྲ་ཏིཥྛ་བཛྲེ་སྭཱ་ཧཱ། <span class="tibetan_small">ཞེས་མེ་ཏོག་འཐོར་ཅིང་བརྟན་པར་ཡང་བྱའོ། </span><br /><span class="tibetan_small">།བཅུ་གཉིས་པ་སོ་ཤིང་དོར་བ་ནི། བ་བྱུང་གིས་བྱུགས་པའི་མཎྜལ་ཐིག་བཞིས་ལེའུ་ཚེ་དགུར་བགོས་པ་ཞིག་བྱས་ལ།</span> བྱང་ཆུབ་ཀྱི་ཤིང་དུ་མོས་པའི་སོ་ཤིང་ཨཱ་ཁཾ་ཝཱི་ར་ཧཱུྃ་<span class="tibetan_small">ཞེས་བརྗོད་པས་སློབ་མའི་ལག་ཏུ་གཏད་ལ།</span> འཆའ་བའི་ཚུལ་བགྱིས་པས་སྡིག་སྒྲིབ་ཐམས་ཅད་སྐྱུགས་པར་བསམ་ལ་སྔགས་འདིའི་རྗེས་ཟློས་དང་བཅས་ཏེ། སོ་ཤིང་གི་རྭ་བར་དོར་ཞིག །ཨོཾ་ཨཱཿཁཾ་ཝཱི་ར་ཧཱུྃ། <span class="tibetan_small">ཞེས་འདོར་དུ་གཞུག</span> །དེ་ལྟར་འདོར་བའི་ལྟས་ཀྱི་མཚན་མ་བཤད་པ་ནི། སྤྱི་རྒྱུད་ལས། དེ་ཚེ་བདག་ལ་ལྟ་བ་དང་། །རྩེ་མོ་གྱེན་དུ་འགྲེང་གྱུར་ན། །དེ་ནི་དངོས་གྲུབ་མཆོག་ཅེས་བྱ། །དེ་བཞིན་ཤར་དུ་ཁ་བལྟས་ན། །དེ་ནི་དངོས་གྲུབ་འབྲིང་དུ་བཤད། །མཚམས་དང་བྱང་དུ་ཁ་བལྟས་ན། །འཇིག་རྟེན་པ་ཡི་དངོས་གྲུབ་འགྲུབ། །སོ་ཤིང་དོར་བ་བརྒྱ་ལམ་ཞིག །གལ་ཏེ་ཐུར་དུ་ཁ་བལྟས་ན། །དེ་ནི་ངེས་པར་ས་འོག་གི །དངོས་གྲུབ་དེ་ནི་ཐེ་ཚོམ་མེད། །ཅེས་གསུངས་པ་ལྟར་རོ། །དེས་ནི་གནས་སྐབས་སུ་སྡིག་སྒྲིབ་འདག་ཅིང་དངོས་གྲུབ་ཀྱི་མཚན་ལྟས་ཤེས་པ་དང་མཐར་ཐུག་འཚང་རྒྱ་བའི་ཚེ་བྱང་ཆུབ་ཀྱི་ཤིང་རྩོལ་མེད་དུ་འབྱུང་བའི་རྟེན་འབྲེལ་བསྒྲིགས་པ་ཡིན་ནོ། <br /><span class="tibetan_small">།བཅུ་གསུམ་པ་སྲུང་སྐུད་གདགས་པ་ནི། སྲུང་སྐུད་ཁ་དོག་ལྔ་ལྡན་ཁྲུ་གང་བར་མདུད་པ་གསུམ་བཏབ་ལ།</span> ཧཱུྃ་ལས་བྱུང་བའི་སྲུང་སྐུད་མདུད་པ་གསུམ་ལ་ཨོཾ་ཨཱཿཧཱུྃ་ཡོངས་སུ་གྱུར་པ་ལས། སྐུ་གསུང་ཐུགས་རྡོ་རྗེའི་ལྷ་གསུམ། སློབ་དཔོན་གྱི་སྙིང་གའི་ཧཱུྃ་ལས་འོད་འཕྲོས། སངས་རྒྱས་ཐམས་ཅད་ཀྱི་ཐུགས་ཀ་ནས། ཡེ་ཤེས་ཀྱི་སྲད་བུ་རྡོ་རྗེ་གསུམ་དང་བཅས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ ལྷ་གསུམ་ཞུ་བ་ལས་མདུད་པའི་རྣམ་པར་གྱུར། <span class="tibetan_small">སྐྱེས་པའི་དཔུང་པ་གཡོན་དང་། བུད་མེད་ཀྱི་གཡས་སུ་བཅིངས།</span> འདིའི་གནས་སྐབས་ཀྱི་དགོས་པ་ཁམས་བྱང་ཆུབ་ཀྱི་སེམས་འཕོ་བའི་བར་ཆད་མཐའ་དག་བསྲུང་བ་དང་། མཐར་ཐུག་གི་དགོས་པ་སྐུ་གསུང་ཐུགས་རྡོ་རྗེའི་རང་བཞིན་ཏུ་སངས་རྒྱས་ནས་བདུད་ཀྱིས་མི་ཚུགས་པའོ། <span class="tibetan_small">།ཞེས་བརྗོད། </span><br /><span class="tibetan_small">བཅུ་བཞི་པ་ཁྱོར་ཆུ་སྦྱིན་པ་ནི།</span> དྲི་བཟང་དང་སྦྱར་བའི་ཆུ་འདི་ཉིད་ཕྱག་གཡས་གཡོན་གང་རུང་གི་ཁྱོར་བར་ཟད་དེ་ཞལ་དུ་བཞེས་ཏེ་ཕྱིར་འཕོ་བས་ངག་གི་ཉེས་སྒྲིབ་ཐམས་ཅད་བྱང་ཞིང་དག་པར་གྱུར་པའི་མོས་པ་མཛོད། <span class="tibetan_small">ཅེས་པའི་མཐར།</span> ཨོཾ་ཧྲཱིཿབི་ཤུདྡྷ་དྷརྨ་སརྦ་པཱ་པཾ་ནི་ཤྩ་ཨ་སྱ་ཤོ་དྷ་ཡ་སརྦ་བི་ཀལྤཱ་ན་ཨ་པཱ་ན་ཡ་ཧཱུྃ། <span class="tibetan_small">ཞེས་ལན་གསུམ་གྱིས་ཁྱོར་ཆུ་སྦྱིན།</span> དེས་ནི་གནས་སྐབས་ཀྱི་དགོས་པ་ཁ་དག་པ། ངག་སྒྲིབ་སྦྱོང་བ། རྨི་ལམ་གསལ་པོར་འབྱུང་བ་གསུམ་དང་། མཐར་ཐུག་གི་དགོས་པ་རང་ཉིད་འཚང་རྒྱ་བའི་ཚེ་ན་སྐུ་གསུང་ཐུགས་ཀྱི་དག་པ་གསུམ་འཐོབ་པའོ།<br /><span class="tibetan_small">།བཅོ་ལྔ་པ་ཀུ་ཤ་སྦྱིན་པ་ནི།</span> དྷཱིཿལས་བྱུང་བའི་ཀུ་ཤ། ཨོཾ་ཨཱཿབཛྲ་དྷྲིཀ་ཧཱུྃ་<span class="tibetan_small">ཞེས།</span> ལག་པ་གཡས་སུ་བྱིན་ཏེ་སྔས་ཀྱི་དོན་དང་། ཧཱ་ལས་བྱུང་བའི་ཀུ་ཤ་ཨཱཿཁཾ་ཝཱི་ར་ཧཱུྃ་<span class="tibetan_small">ཞེས།</span> ལག་པ་གཡོན་དུ་སྦྱིན་ཏེ་སྟན་གྱི་དོན་ཏུ་ཟུང་ཞིག །འདིའི་གནས་སྐབས་ཀྱི་དགོས་པ་ཀུ་ཤ་འདི་དག་བྱེད་ཀྱི་རྩ་གཙང་ཞིང་དགེ་བ་ཡིན་པས་རྨི་ལམ་མི་འཁྲུག་པ་དང་བར་ཆད་ཐམས་ཅད་སྲུང་། མ་འོངས་པར་རང་ཉིད་འཚང་རྒྱ་བའི་ཚེ་ཀུ་ཤའི་གདན་རྩོལ་མེད་དུ་འབྱུང་བའི་རྟེན་འབྲེལ་བསྒྲིགས་པའོ། <br /><span class="tibetan_small">།བཅུ་དྲུག་པ་ཆོས་བཤད་པ་ནི།</span> དེ་ནས་ཕྱིར་མི་ལྡོག་པ་ཟབ་མོའི་ཆོས་བཤད་པ་ནི། རྒྱུད་ལས་གསུངས་པ་འདི་ལ་གསན་པས་ཁྱབ་པར་གདའ། འཇིག་རྟེན་ཏུ་ནི་<span class="tibetan_small">སོགས་བརྗོད་ལ་མཐར།</span> ཞེས་གསུངས་པའི་དོན་ཐུགས་ལ་ངེས་པས་གསང་སྔགས་ཀྱི་ཐེག་པ་རྙེད་དཀའ་ཞིང་། རྙེད་ན་ཕན་ཡོན་ཆེན་པོ་དང་ལྡན་པ་དང་། དེ་ལྟར་རྙེད་པ་ལ་སྤྲོ་བ་རྒྱ་ཆེན་པོ་བསྐྱེད་མཛོད། <br /><span class="tibetan_small">བཅུ་བདུན་པ་གཟིང་བསྟོད་པ་ནི།</span> ནངས་པར་དཀྱིལ་འཁོར་ཆེན་པོ་མཐོང་བར་འགྱུར་པས་དགའ་བ་རྒྱ་ཆེན་པོ་གྱིས་ལ། ཀུ་ཤའི་གདན་ལ་སེང་གེའི་ཉལ་སྟབས་དང་དགེ་བའི་སེམས་ཀྱིས་ཉོལ་ཤིག །རྨི་ལམ་ཅི་མཐོང་བ་དེ་ཡང་ནངས་པར་ང་ལ་ལེགས་པར་སྨྲོས་ཤིག <span class="tibetan_small">།ཅེས་བརྗོད་ལ་སློབ་མ་རྣམས་རང་གནས་སུ་བཏང་ངོ་། </span><br /><span class="tibetan_small">གསུམ་པ་ལྷག་གནས་མཇུག་གི་བྱ་བ་ནི། སྟ་གོན་གྱི་དཀྱིལ་འཁོར་ནམ་མཁར་འདེགས་པའི་སྔགས་རྒྱ་སོགས་དང་མཆོད་བསྟོད་གསོལ་གདབ་བཅས་དཀྱིལ་ཆོག་ལྟར་བྱའོ། </span><br /><span class="tibetan_small">།དེ་ནས་ཚོམ་བུ་སོགས་བསྡུས་ལ་རས་བྲིས་ཀྱི་དཀྱིལ་འཁོར་བཀྲམ། དཀྱིལ་འཁོར་ལྔ་པའི་དབུས་སུ་མཉྫའི་སྟེང་དུ་སྔར་སྟ་གོན་བྱས་པའི་བུམ་པ་ལྔ་པོ་ཕྱོགས་མ་ནོར་བ་དགོད། གཙོ་བུམ་ཁར་དུང་ཆུ་གཟུངས་རྡོར་བཅས་དང་། ལས་བུམ་བྱང་དུ་བཞག །དབང་ཆས་གཞན་གང་བདེར་བཞག་ཆོག་ཀྱང་ཀར་ལུགས་ཕྱག་བཞེས་ལྟར་ན་དཀྱིལ་འཁོར་གྱི་ལྷོར་དབུ་རྒྱན། ནུབ་ཏུ་རྡོ་རྗེ། བྱང་དུ་དྲིལ་བུ། མདུན་དུ་རྡོར་དྲིལ་ལྷན་ཅིག་བཅིངས་པ་རྣམས་དང་། ཁ་ཊྭཱཾ་ག་ལ་ཌར་དྲིལ་བཏགས་པ། གྲི་གུག་ཐོད་པ་དངོས་སམ་ཙཀླི། གསང་དབང་ཐོད་ཆང་། རིག་ཙཀ་རྣམས་ཀྱང་ཅི་བདེར་བཞག །རྒྱབ་ཕྱོགས་སུ་འབུལ་གཏོར་ལྔ་ཚོམ། སྲུང་མའི་གཏོར་འབུལ་བཅས་བཀོད། གཞུང་གསལ་ཕྱོགས་མཚམས་བརྒྱད་དུ་རྒྱལ་མཚན་བརྒྱད་དང་མཆོད་པའི་བུམ་པ་བརྒྱད་ཀྱང་དེ་མཉམ་བཀྲམ། མཆོད་པ་ལྷ་ལྟ་གོན་སྐབས་བཤད་པ་ལྟར་དགོས་པས་ཆུ་བཞིའི་སྣོད་དུང་ཞལ་སོགས་བཞི་མདུན་ངོས་སུ་བཞག །མེ་ཏོག །སྤོས། མར་མེ། དྲི་ཆབ། ཞལ་ཟསབཅས་ཉེར་སྤྱོད་ལྔ་ཚར་སུམ་ཅུ་སོ་བདུན་གྱིས་དཀྱིལ་འཁོར་གྱི་མཐའ་བསྐོར། རྗེས་གནང་ཆས། མིག་ཐུར། མེ་ལོང་། དྲིལ་བུ། མདའ་གཞུ། འཁོར་ལོ། དུང་། པུ་སྟི་རྣམས་ཀྱང་སྣོད་གཅིག་ཏུ་ལོགས་གང་བདེར་བཞག །གཞན་ཡང་སྔོན་འགྲོ་གཏོར་མ། ཕྱི་རོལ་གཏོར་མ། ཚོགས་ཀྱི་ཡོ་བྱད། དཀྱིལ་འཁོར་གྱི་མདུན་དུ་ནང་མཆོད་བདུད་རྩི་བཤམ། སྒྲུབ་དཀྱིལ་ལ་དགོས་པའི་ཡོ་བྱད་གཞན་རྣམས་ཀྱང་ཚོགས་པར་བྱའོ། </span><br /><span class="tibetan_small">།དེ་ནས་བརྒྱུད་པའི་གསོལ་འདེབས་སྔོན་དུ་འགྲོ་བས། དཀྱིལ་ཆོག་ནས་འབྱུང་བ་བཞིན་སྦྱོང་བ། ཁྲུས་གསོལ། བགེགས་བསྐྲད་པ་རྣམས་བྱ། མཆོད་པ་བྱིན་བརླབ། སྒྲུབ་ཐབས་ལྟར་སྐྱབས་འགྲོ་ནས་བརྩམས་བདག་བསྐྱེད་བསྡུ་ལྡང་གི་བར་བདག་བསྐྱེད་རྫོགས་པར་བསྒོམ། དཀྱིལ་ཆོག་ལྟར་དཀྱིལ་འཁོར་བསྐྱེད། གཟེང་བསྟོད། སྒྲུབ་པ་ལྔ་ནས་བརྩམས་ཏེ་བཟླས་པ་མཆོད་བསྟོད་ཀྱི་བར་རྒྱས་པར་བཏང་། འདས་གཏོར་སྒྲུབ་ཐབས་ལྟར་འབུལ། མྱུར་མཛད་མགོན་པོ། མཁའ་འགྲོ་སྡེ་ལྔ། འབྱུང་པོ་ཐམས་ཅད་པའི་གཏོར་མ་རྣམས་ནང་གཏོར་དུ་འབུལ། ཕྱི་རོལ་དུ་ཕྱིན་ལ་ཕྱོགས་བཞི་དབུས་ལྔའི་གཏོར་མ་བཏང་། ནང་དུ་ཕྱིན་ལ་སྐོར་བ་དང་གསོལ་གདབ་བྱས་ལ་བདག་འཇུག་རྫོགས་པར་བླང་། དཀྱིལ་འཁོར་ཡོལ་བས་བསྒྲིབ་བོ། </span><br /><span class="tibetan_small">།གཉིས་པ་སློབ་མ་ལ་དབང་བསྐུར་བ་ནི། སློབ་མ་རྣམས་སྒོ་དྲུང་དུ་འདུས་ལ་ལས་བུམ་གྱི་ཆུས་ཁྲུས་བྱ། ཕྱག་བཅས་གྲལ་དུ་འཁོད་ལ་མེ་ཏོག་བཀྲམ་བསྡུ་བྱ། སེམས་བསྐྱེད་གསལ་གདབ་བྱ།</span> དེ་ལ་སྐབས་སུ་བབ་པ་རྒྱུད་ལུང་མན་ངག་ཡིད་ཆེས་ཀྱི་ཚད་མ་ལྡན་ཅིང་། གྲུབ་ཐོབ་བརྒྱུད་པ་བར་མ་ཆད་པའི་སྙན་ནས་སྙན་ཏུ་བྱོན་པའི་བཅོམ་ལྡན་འདས་རྒྱུད་སྡེ་ལྔའི་དཀྱིལ་འཁོར་དུ་དབང་བསྐུར་བྱེད་པ་ལ། བདག་བསྐྱེད་སྔོན་དུ་འགྲོ་བས་མདུན་བསྐྱེད་དཀྱིལ་འཁོར་སྒྲུབ་ཅིང་མཆོད་པ། ཕྱི་ནང་གི་གཏོར་ཆོག་གཏོང་བ། བདག་ཉིད་འཇུག་པ་རྣམས་སྔོན་དུ་གྲུབ་ནས་སློབ་མ་རྣམས་ཀྱི་ངོ་སྐལ་དུ་གྱུར་པ། ལྷ་དང་སྐལ་པ་མཉམ་པའི་ཆེད་དུ་དཀྱིལ་འཁོར་དུ་འཇུག་པའི་ཆོ་ག་དང་། ཞུགས་ནས་མངོན་པར་དབང་བསྐུར་བའི་ཆོ་ག་གཉིས་ཡོད་པ་ལ། ཐོག་མར་བླ་མ་དང་དཀྱིལ་འཁོར་གྱི་གཙོ་བོར་བཅོམ་ལྡན་འདས་རྒྱུད་སྡེ་ཆེན་པོ་ལྔའི་ལྷ་ཚོགས་ཐ་མི་དད་པའི་དྲུང་དུ་འཇུག་པའི་ཆོས་རྣམས་ཞུ་བའི་ཡོན་ཏུ་མཎྜལ་འབུལ་བར་ཞུ། <span class="tibetan_small">ཞེས་མཎྜལ་འབུལ་དུ་གཞུག</span> །དེ་ནས་ཁྱེད་རང་རྣམས་ཀྱི་ཕྱག་སྙིམ་པ་མེ་ཏོག་དང་བཅས་པས་ཐལ་མོ་སྦྱར་ཏེ་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛད་པར་ཞུ། དགའ་ཆེན་ཁྱོད་བདག་སྟོན་པ་སྟེ། <span class="tibetan_small">སོགས་སྟ་གོན་སྐབས་ལྟར་ལན་གསུམ།</span> སླར་ཡང་ཁྱད་པར་གྱི་གསོལ་བ་འདེབས་པ་འདིའི་རྗེས་ཟློས། སངས་རྒྱས་ཀུན་གྱི་<span class="tibetan_small">སོགས་ལན་གསུམ།</span> དེ་ལྟར་གསོལ་བ་བཏབ་པ་ལ་གནང་བ་སྦྱིན་པ་ནི། དེ་བཞིན་གཤེགས་པ་<span class="tibetan_small">སོགས་ལན་གཅིག</span> །ཁྱེད་རང་རྣམས་དཀྱིལ་འཁོར་གྱི་ཤར་གྱི་སྒོ་ཕྱེས་ཏེ་ནང་དུ་ཞུགས་ནས་ཤར་གྱི་ལྷ་རྣམས་ལ་གནས་པར་མོས་ལ། ཐལ་མོ་གནས་གསུམ་དུ་སྦྱར་བས་དཀྱིལ་འཁོར་གྱི་ལྷ་ལ་སྔགས་འདིའི་རྗེས་ཟློས་དང་བཅས་ཏེ་ཕྱག་མཛོད་ཅིག །ཨོཾ་ན་མ་སྟེ་ཧཱུྃ། ན་མཿམི་ཧཱུྃ། ན་མོ་ན་མཿཧཱུྃ། རྒྱུད་སྡེ་ལྔའི་ལྷ་ཚོགས་རྣམས་ཀྱི་ཞབས་ལ་བཏུད་པའི་ཕྱག་བྱས་པས་ཤིན་ཏུ་མཉེས་པར་མོས་མཛོད། སྒོ་འདི་ཉིད་ནས་ཐོན་ཏེ་གཡས་བསྐོར་གྱིས་ལྷོའི་སྒོ་ཕྱེས་ཏེ་<span class="tibetan_small">སོགས་གོང་གིས་འགྲེས་ཏེ། ལྷོ་དང་། ནུབ་དང་། བྱང་རྣམས་ནས་ཕྱག་བྱས་ཏེ།</span> གཡས་སྐོར་གྱིས་ཕྱིན་ཏེ་ལྷ་སྣམ་ལ་འཁོད་པར་མོས་ཤིག <span class="tibetan_small">།སྟ་གོན་སྐབས་ལྟར་མཚམས་སྦྱོར་བཅས་བདུན་རྣམ་དག་བྱ།</span> ཟབ་མོའི་དཀྱིལ་འཁོར་དུ་གཞུག་པ་ལ་རིགས་དང་སྐལ་བ་ཤེས་དགོས་པས། རིགས་ཀྱི་བུ་ཁྱོད་གང་ལ་དགའ། ཞེས་དྲིས་པས་ལན་བཏབ་པར་མོས་ལ་འདིའི་རྗེས་ཟློས། སྐལ་པ་བཟང་ལ་བདག་དགའོ། <span class="tibetan_small">།ཞེས་དང་།</span> སྐལ་བཟང་དེས་ཁྱོད་ཅི་ཞིག་བྱ། ཞེས་དྲིས་པའི་ལན་དུ། སངས་རྒྱས་མཆོག་འདོད་དམ་ཚིག་ཡིན། <span class="tibetan_small">ཞེས་ལན་བཏབ། </span><br /><span class="tibetan_small">གདོང་གཡོགས་སྦྱིན་པ་ནི།</span> སྔོན་ཆད་རྒྱུད་སྡེ་ལྔའི་དཀྱིལ་འཁོར་དུ་མ་ཞུགས་པའམ། ཞུགས་ཀྱང་མཚོན་བྱ་དོན་གྱི་དཀྱིལ་འཁོར་མ་མཐོང་བས་བསྐྱར་ནས་འཇུག་པའི་མཆོན་བྱེད་དུ་རས་ཡུག་དམར་པོ་ཁ་ཚར་མ་ཉམས་པ་རེས་གདོང་གཡོགས་བཅིངས་པའི་མོས་པ་མཛོད། ཨོཾ་ཙཀྵུ་རྦྷནྡྷ་ཝ་ར་མ་ཎ་ཡེ་ཧཱུྃ། <span class="tibetan_small">ཞེས་གདོང་གཡོགས་དམར་པོ་སྦྱིན།</span> དཀྱིལ་འཁོར་གྱི་ལྷ་དང་མཇལ་བའི་ཚེ་ཕྱག་སྟོང་པར་མཇལ་དུ་མི་བཏུབ་པས་ཕྱག་རྟེན་མཚོན་བྱེད་དུ་ཨུ་དུམྦ་ར་སོགས་མཆོག་གི་མེ་ཏོག་སྣ་ལྔའི་ཕྲེང་བ་ཐལ་མོ་སྦྱར་བའི་བར་དུ་བཅུག་ནས་སྙིང་གར་ཐོགས་པར་མོས་ཤིག །ཨོཾ་ཨཱཿཁཾ་བཱི་ར་ཧཱུྃ། <span class="tibetan_small">ཞེས་མེ་ཏོག་གཏད།</span> སྔགས་ཀྱི་ཐུན་མོངས་མ་ཡིན་པའི་སེམས་བསྐྱེད་པའི་སླད་དུ་སྔོན་གྱི་དེ་བཞིན་གཤེགས་པ་སྲས་དང་བཅས་པ་སྔགས་ཀྱི་སྒོར་སྤྱད་པ་སྤྱོད་པ་རྣམས་ཀྱིས་སྟོང་ཉིད་སྙིང་རྗེའི་སྙིང་པོ་ཅན་བདེ་བ་ཆེན་པོའི་བདག་ཉིད་དུ་ཐུགས་བསྐྱེད་པ་དེ་བཞིན་ཏུ་བདག་གིས་ཀྱང་ཐམས་ཅད་རྣལ་འབྱོར་དང་བདེ་བ་ཆེན་པོར་སེམས་བསྐྱེད་པར་བགྱིའོ་སྙམ་པས་ཐལ་མོ་སྦྱར་བས་འདིའི་རྗེས་ཟློས་མཛོད། ཨོཾ་སརྦ་ཡོ་ག་ཙི་ཏྟ་ཨུཏྤཱ་ད་ཡཱ་མི། <span class="tibetan_small">སློབ་དཔོན་གྱིས་མེ་ཏོག་དང་བཅས་པའི་རྡོ་རྗེ་སློབ་མའི་སྙིང་གར་བཞག་ལ།</span> སེམས་བསྐྱེད་པ་དེ་བརྟན་པར་བྱ་བའི་མོས་པ་མཛོད། སུ་ར་ཏེ། <span class="tibetan_small">ནས།</span> ཡ་ཐཱ་སུ་ཁཾ། སློབ་དཔོན་གྱི་ཕྱག་གི་རྡོ་རྗེ་ལ་འཇུས་ཏེ་མདུན་དུ་ཞུགས་པར་མོས་ཤིག །ཛཿཧཱུྃ་བྃ་ཧོཿ ཨཱ་ཁཾ་ཝཱི་ར་ཧཱུྃ། <span class="tibetan_small">ཞེས་བརྗོད་ལ་ཡོལ་བ་བསལ།</span> དེ་ནས་ཡེ་ཤེས་པ་དབབ་པའི་སྔོན་འགྲོ་དམ་བཞག་བཞི་རིམ་པར་བྱ་བ་ཡིན་ཏེ། ཐོག་མར་ལྷའི་དམ་ཚིག་བསྒྲག་པ་ནི། <span class="tibetan_small">རྡོ་རྗེ་མགོར་བཞག་ལ།</span> འདི་ནི་དམ་ཚིག་རྡོ་རྗེ་སྟེ། <span class="tibetan_small">།སོགས་བརྗོད།</span> དེ་ནས་ཉེས་དམིགས་ཀྱི་སྒོ་ནས་དམ་ལ་བཞག་པ་ནི། <span class="tibetan_small">སྙིང་གར་རྡོ་རྗེ་བཞག་ལ།</span> ཧེ་རུ་ཀ་དཔལ་<span class="tibetan_small">སོགས་བརྗོད།</span> ཕན་ཡོན་ཉེས་དམིགས་གཉིས་ཀའི་སྒོ་ནས་དམ་ལ་བཞག་ཅིང་། དམ་ཚིག་རྡོ་རྗེའི་ཆུ་སྦྱིན་པ་ནི། <span class="tibetan_small">དུང་ཆུ་སྦྱིན་ལ།</span> འདི་ནི་ཁྱོད་ཀྱི་<span class="tibetan_small">སོགས་བརྗོད།</span> རྡོ་རྗེ་སློབ་དཔོན་གྱི་བཀའ་གཉན་པའི་སྒོ་ནས་དམ་ཚིག་བསྒྲག་པ་ནི། <span class="tibetan_small">རྡོ་རྗེ་སྤྱི་བོར་བཞག་ལ།</span> དེང་ནས་བཟུང་སྟེ་<span class="tibetan_small">སོགས་བརྗོད།</span> དེ་རྣམས་ཀྱིས་དཀྱིལ་འཁོར་ཕྱིའི་འཇུག་པ་རྣམས་སོང་། ནང་འཇུག་གི་དངོས་གཞི་ཡེ་ཤེས་པ་དབབ་པ་ཞུ་བའི་ཡོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། དེ་བཞིན་གཤེགས་པ་<span class="tibetan_small">སོགས་ལན་གསུམ། སློབ་དཔོན་གྱིས་རྡོ་རྗེ་རྩེ་གཅིག་པའི་ཕྱག་རྒྱ་སློབ་མའི་སྙིང་གར་གཏད་ལ།</span> འདི་ནི་ཡེ་ཤེས་རྡོ་རྗེ་<span class="tibetan_small">སོགས་བརྗོད།</span> དེ་ནས་ལྷག་པའི་ལྷ་ལ་གསོལ་བ་གདབ་པ་འདིའི་རྗེས་ཟློས། དཔའ་བོ་དང་རྣལ་འབྱོར་མ་<span class="tibetan_small">སོགས་ལན་གསུམ།</span> ཁྱེད་རང་རྣམས་ལུས་ཀྱི་གནད་དྲང་པོར་བསྲང་། ངག་གནད་སྲོག་རྩོལ་ཁ་སྦྱར་དུ་འཆིང་། སེམས་ཀྱི་གནད་གཞན་དུ་མ་ཡེངས་པར་དམིགས་པ་འདི་རྩེ་གཅིག་ཏུ་སྒོམས་ཤིག །ཁྱེད་རྣམས་འོད་དཔག་མེད་དམར་པོ་<span class="tibetan_small">སོགས་དམིགས་པ་སྤྲོས། བྱིན་འབེབས་ཀྱི་སྤོས་སྦྱོར་བདུག་རོལ་མོའི་སྒྲ་དྲག་ཏུ་བྱས་ལ་བྱིན་འབེབས་སྔགས་ལ་ལན་མང་དུ་བརྗོད། </span><br /><span class="tibetan_small">དེ་ནས་བདེན་སྟོབས་བརྗོད་པ་ནི། རྡོལ་དྲིལ་བཅས།</span> ཨ་ཁཾ། ཡང་དག་པ་ཡི་<span class="tibetan_small">སོགས་བརྗོད།</span> དེ་ནས་སྔར་ནས་འབྲལ་བའི་ལྷའི་རིགས་བརྟག་པའི་སླད་དུ་མེ་ཏོག་འབུལ་བ་ནི། སྔར་བྱིན་པའི་མེ་ཏོག་གི་ཕྲེང་བ་ལས་མ་ཉམས་པའི་མེ་ཏོག་གཅིག་གི་ཕྲེང་བར་མོས་ཏེ་དཀྱིལ་འཁོར་དབུས་ལ་འདོར་བར་མོས་ཏེ་སྔར་ནས་ལས་ཀྱིས་འབྲེལ་བའི་རིགས་ཀྱི་ལྷ་གང་ཡིན་པ་ལ་ཕོག་པར་ཤོག་ཅིག་སྙམ་དུ་ལྟོས་པ་མེད་པར་ཚོམ་བུའི་དཀྱིལ་འཁོར་དུ་དོར་བ་དང་ལྷན་ཅིག་འདིའི་རྗེས་ཟློས་མཛོད། སྔོན་ནས་བསྒྲུབས་པའི་<span class="tibetan_small">སོགས་བརྗོད་དུ་གཞུག</span> །ཁྱེད་རང་མེ་ཏོག་དཀྱིལ་འཁོར་གྱི་དབུས་སུ་ཕོག་པས་གཙོ་བོའི་རིགས་ཡིན་ནོ། <span class="tibetan_small">ཞེས་པ་ལྟ་བུ་ཕྱོགས་དང་རིགས་མེ་ཏོག་གང་ལ་ཕོག་པར་བསྒྱུར།</span> དེ་ལྟར་ཕུལ་བའི་མེ་ཏོག་དེ་ཉིད་སླར་ཁྱོད་རང་རྣམས་ཀྱི་སྤྱི་བོར་བཅིངས་པའི་མོས་པ་མཛོད། སངས་རྒྱས་ཀུན་གྱི་<span class="tibetan_small">སོགས་བརྗོད་ལ་མེ་ཏོག་སླར་སྤྱི་བོར་བཅིང་། </span><br /><span class="tibetan_small">མི་དབྱེ་བ་ནི།</span> སློབ་མའི་མིག་ཏུ་ཨོཾ་ཡིག་རེ་རེ་གསལ། མ་རིག་པའི་སྒྲིབ་གཡོགས་ཇི་མཆིས་པ་ཐམས་ཅད་མིག་དར་དང་ལྷན་གཅིག་ཏུ་བསལ་བའི་མོས་པ་མཛོད། ཧེ་རུ་ཀ་དཔལ་<span class="tibetan_small">སོགས་བརྗོད་ལ། རྡོ་རྗེས་མིག་དར་དབྱེ།</span> དེ་ལྟར་མ་རིག་པའི་སྒྲིབ་གཡོག་བསལ་ནས་ཡེ་ཤེས་དག་པའི་མིག་ཐོབ་པས་དཀྱིལ་འཁོར་གྱི་ལྷ་ཚོགས་རྣམས་མངོན་སུམ་མཐོང་བར་མོས་ཤིག །དཀྱིལ་འཁོར་བཟང་པོ་འདི་ལ་ལྟོས། <span class="tibetan_small">།སོགས་བརྗོད། དེ་ནས་ལྷ་ངོ་བོ་རྒྱས་པར་བསྟན་དགོས་པས།</span> མདུན་གྱི་དཀྱིལ་འཁོར་རྡོ་རྗེའི་ས་གཞི་ར་བ་དྲྭ་བ་<span class="tibetan_small">སོགས་སྒྲུབ་ཐབས་ཀྱི་མངོན་རྟོགས་ལྟར་ལ།</span> ཨེ་ལས་དང་ཡྃ་ལས་<span class="tibetan_small">སོགས་ས་བོན་རྣམས་བོར་ཏེ།</span> བ་དན་ལ་སོགས་པས་བརྒྱན་པ། རྩིག་པའི་ཕྱི་རོལ་འགྲམ་སྟེགས་<span class="tibetan_small">ཞེས་པ་ནས།</span> དེ་རྣམས་ཀྱིས་ཡོངས་སུ་བསྐོར་བའི་གཞལ་ལས་ཁང་ཤར་དཀར། ལྷོ་སེར། ནུབ་དམར། བྱང་ལྗང་། དབུས་སྔོ་བའི་སྟེང་དུ། མཚན་ཉིད་ཐམས་ཅད་ཡོངས་སུ་རྫོགས་པའི་གཞལ་མེད་ཁང་དབུས་གཙང་ཁང་ཕྱུར་བུ་དང་བཅས་པ་ལྔ་ཚོམས་སུ་གནས་པ། རྟ་བབས་དང་བྲལ་བ་རྣམས་སོ། །དེ་རྣམས་ཀྱི་སྟེང་གི་ནམ་མཁའ་ལ། སྣ་ཚོགས་པདྨ་འདབ་མ་བརྒྱད་པ་<span class="tibetan_small">ནས་</span> ཟླ་བའི་དཀྱིལ་འཁོར་རེ་རེ། དབུས་ཀྱི་གདན་གྱི་སྟེང་དུ། བཅོམ་ལྡན་འདས་དགྱེས་མཛད་རྡོ་རྗེ་སྐུ་མདོག་མཐིང་ནག་<span class="tibetan_small">ནས།</span> འོད་ཀྱིས་ཁྱབ་པར་མཛད་པའོ། <span class="tibetan_small">།ཞེས་པའི་བར་གཙོ་བོ་མཚོན་ཆ་ཅན་སྒྲུབ་ཐབས་བཞིན་བསྐྱེད།</span> འདབ་མ་བརྒྱད་ལ་ཤར་དུ་གཽ་རཱི་ནག་མོ་<span class="tibetan_small">ནས།</span> སའི་དཀྱིལ་འཁོར་འཛིན་པ། ལྷ་མོ་ཐམས་ཅད་ཀྱང་སྤྱན་གསུམ་གསུམ་<span class="tibetan_small">ནས།</span> དབུས་ན་བཞུགས་པའོ། །ནང་གི་གཞལ་ཡས་ཁང་དབུས་མའི་ལྷ་སྣམ་ཤར་དཀར། ལྷོ་སེར། ནུབ་དམར། བྱང་ལྗང་། དབུས་སྔོ་བའི་སྟེང་དུ། སྣ་ཚོགས་པདྨ་འདབ་མ་བརྒྱད་དང་བཅས་པའི་ལྟེ་བ་ལ་<span class="tibetan_small">ནས།</span> གར་གྱི་མེ་དཔུང་འབར་བའི་དབུས་ན་བཞུགས་པའོ། །གཞལ་ཡས་ཁང་ཤར་མའི་ནང་ལེའུ་ཚེ་དགུ་པ་<span class="tibetan_small">ནས།</span> གདུག་པ་ཅན་ཚར་གཅོད་པའོ། །གཞལ་ཡས་ཁང་ལྷོ་མའི་ནང་གི་ལྷ་སྣམ་<span class="tibetan_small">ནས།</span> གྲི་གུག་ཐོད་པ་བསྣམས་པའོ་<span class="tibetan_small">འི་བར།</span> གཞལ་ཡས་ཁང་ནུབ་མའི་དབུས་སུ། པདྨ་དམར་པོ་<span class="tibetan_small">ནས།</span> གང་བའི་བུམ་པ་བཞིའོ། །གཞལ་ཡས་ཁང་བྱང་མའི་དབུས་ཀྱི་ལྟེ་བ་ལ་སྣ་ཚོགས་རྡོ་རྗེ་<span class="tibetan_small">ནས།</span> གང་བ་བཞི་དང་བཅས་པའོ། །ཕྱིའི་གཞལ་ཡས་ཁང་གི་ཤར་སྒོར་རྟ་གདོང་མ་<span class="tibetan_small">ནས།</span> དྲིལ་བུ་འཛིན་པའོ། །སྒོ་སྐྱོང་མ་བཞི་ཆར་ཡང་སྤྱན་གསུམ་དང་ལྡན་ཞིང་། སྟག་གི་པགས་པའི་ཤམ་ཐབས་ཅན། དབུ་སྐྲ་དམར་<span class="tibetan_small">ནས།</span> དབུས་ན་བཞུགས་པའོ། །དཀྱིལ་འཁོར་གྱི་སྟེང་གི་ནམ་མཁའ་ལ་<span class="tibetan_small">སོགས་བརྗོད།</span> དེ་དག་གིས་དཀྱིལ་འཁོར་དུ་ཕྱི་ནང་གི་འཇུག་པའི་རིམ་པ་རྣམས་སོ། །ཞུགས་ནས་མངོན་པར་དབང་བསྐུར་བ། བུམ་དབང་། གསང་དབང་། ཤེར་དབང་། དབང་བཞི་པ་རྣམས་རིམ་བཞིན་འབྱུང་བའི་དང་པོ་བུམ་དབང་ལ་རྡོ་རྗེ་སློབ་མའི་དབང་དང་སློབ་དཔོན་གྱི་དབང་གཉིས་སུ་ཡོད་པ་ལས། ཐོག་མར་རྡོ་རྗེ་སློབ་མའི་དབང་བསྐུར་ཞུ་བའི་ཡོན་ཏུ་དམིགས་ཏེ་མཎྜལ་ཕུལ་མཛོད། <span class="tibetan_small">ཞེས་འབུལ་དུ་གཞུག</span> །གསོལ་བ་འདེབས་པ་འདིའི་རྗེས་ཟློས། ཧེ་རུ་ཀ་དཔལ༴ <span class="tibetan_small">སོགས་ལན་གསུམ།</span> དབང་གི་སྔོན་ཏུ་འགྲོ་བ་བགེགས་སྦྱོང་བའི་སླད་དུ་སློབ་དཔོན་གྱི་ཐུགས་ཀ་ནས་སྤྲུལ་པའི་ཁྲོ་བོ་དང་མཚོན་ཆ་མེ་དཔུང་གི་ཚོགས་དཔག་ཏུ་མེད་པ་སྤྲོས་པས་དབང་གི་ཡེ་ཤེས་སྐྱེ་བ་ལ་བར་དུ་གཅོད་པའི་བགེགས་ཐམས་ཅད་རྒྱང་རིང་དུ་བསྐྲད་ཅིང་བསྒོ་བ་མི་ཉན་པ་ཐམས་ཅད་རྡུལ་ཕྲན་བཞིན་དུ་བརླག་པར་མོས་ཤིག །ཨོཾ་སུམྦྷ་ནི་<span class="tibetan_small">སོགས་དྲག་ཏུ་བརྗོད་ཅིང་ཡུངས་ཐུན། གུ་གུལ་དུད་པ། རོལ་མོ་དྲག་ཏུ་བྱའོ། </span><br /><span class="tibetan_small">།དེ་ནས་མདུན་ཏུ་ཏིལ་དང་མེ་ཆུ་བཤམ།</span> བདག་གཞན་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་སྙིང་གར་ཡི་གེ་བྃ་གྱི་རྣམ་པར་གནས་པ། ལྟེ་བའི་གཏུམ་མོ་འབར་བའི་འོད་ཟེར་གྱིས་དེད་སྟེ། སྣ་སྒོར་སྡིག་པ་རྭ་ཅན་གྱི་རྣམ་པར་གྱུར་པ་མདུན་གྱི་ཏིལ་ལ་ཐིམ་པར་མོས། <span class="tibetan_small">ཞེས་བརྗོད་ལ་སྣ་བུག་གཡས་ནས་ཏིལ་ལ་རླུང་འབུད་དུ་གཞུག །བསང་སྦྱང་།</span> འབར་བའི་མེའི་ནང་དུ་ཁྲོ་བོ་རྡོ་རྗེ་མཁའ་འགྲོ་རྡོ་རྗེ་དང་དྲིལ་བུ་འཛིན་པ་ཞལ་གདངས་པའོ། །ཨོཾ་བཛྲ་ཌཱ་ཀི་ཁ་ཁ་ཁཱ་ཧི་ཁཱ་ཧི། སརྦ་པཱ་པཾ་ད་ཧ་ན་བྷསྨི་ཀུ་རུཾ་སྭཱ་ཧཱ། <span class="tibetan_small">ལན་གསུམ་བརྗོད་ལ། ཏིལ་གཡས་གཡོན་དུ་བསྐོར་ནས།</span> གཡས་སུ་མེ་དང་གཡོན་དུ་ཆུར་དོར་བས། རྡོ་རྗེའི་མཁའ་འགྲོའི་ཞལ་དུ་གསོལ་བ་དང་། རྒྱ་མཚོ་ཆེན་པོར་སྐྱུར་བར་<span class="tibetan_small">བསམ། མཐར་མེ་ཡང་ཆུ་ནང་དུ་བླུགས་སོ།</span> །དེ་ནས་དབང་དངོས་ལ་དང་པོར་རིག་པའི་དབང་ལྔ་བསྐུར་བ་ལ་ཐོག་མར་མི་བསྐྱོད་པ་ཆུ་དབང་བསྐུར་བའི་སླད་དུ་དམིགས་པ་འདི་བཞིན་ཏུ་མཛོད། <span class="tibetan_small">བསང་སྦྱང་།</span> སློབ་མ་དང་དབང་རྫས་རྣམ་རྒྱལ་བུམ་ཆུ་<span class="tibetan_small">སོགས་བརྗོད་པའི་སྐབས་ལས་རྡོར་གྱིས་བུམ་པ་བཞི་པོའི་བུམ་ཆུ་གཙོ་བུམ་དུ་བསྡུ། དེ་ཉིད་ཐོགས་ལ། སློབ་དཔོན་གྱིས་ཁྲུས་སྔོན་ཏུ་འགྲོ་བས་བུམ་དབང་བསྐུར། བརྟན་བྱེད་ཆུ་དབང་།</span> རྡོ་རྗེའི་རིགས་ཀྱི་ལྷ་ཚོགས་དཔག་ཏུ་མེད་པ་བྱུང་ནས་ཁྱེད་རང་རྣམས་ལ་ཐིམ་པ་ལ་ཉེར་སྤྱོད་ལྔས་མཆོད་ཅིང་བསྟོད་པར་བྱས་པའི་མོས་པ་མཛོད། <span class="tibetan_small">ལས་རྡོར་གྱིས་སློབ་མ་མཆོད་པ་བཏེགས།</span> ཨོཾ་བཛྲ་པུཥྤེ་<span class="tibetan_small">ནས།</span> ནཻ་ཝི་དྱཱ་ཨཱཿཧཱུྃ་<span class="tibetan_small">བར་དང་རོལ་མོའམ་དྲིལ་བུ་དཀྲོལ།</span> མི་བསྐྱོད་པ་ནི་<span class="tibetan_small">སོགས་ཤོ་ལོ་ཀ་གཅིག་གིས་བསྟོད།</span> དེ་ལྟར་ཁྱོད་ལ་ཆུའི་དབང་བསྐུར་བས་<span class="tibetan_small">སོགས་ནས།</span> མངོན་ཏུ་གྱུར་པ་ཡིན་ནོ། <span class="tibetan_small">།ཅེས་པའི་བར་དག་པ་བརྗོད།</span> དེ་ནས་རིན་ཆེན་འབྱུང་ལྡན་དབུ་རྒྱན་གྱི་དབང་གི་སླད་དུ་དམིགས་པ་འདི་བཞིན་མཛོད། <span class="tibetan_small">བསང་སྦྱང་།</span> སློབ་མ་དང་དབང་རྫས་དབུ་རྒྱན་<span class="tibetan_small">སོགས་ནས་དག་པ་བརྗོད་པའི་བར་གཞུང་ལྟར་བྱ། འདི་ཕྱིན་ཆད་ལ་དེས་འགྲེས་ཏེ།</span> འོད་དཔག་མེད་རྡོ་རྗེའི་དབང་གི་སླད་དུ་དམིགས་པ་འདི་བཞིན་མཛོད། <span class="tibetan_small">བསང་སྦྱང་།</span> སློབ་མ་དང་དབང་རྫས་རྡོ་རྗེ་སྟོང་པའི་ངང་ལས་<span class="tibetan_small">སོགས་ནས་དག་པ་བརྗོད་པ་ཡན་སྔར་ལྟར་བྱ།</span> དེ་ནས་དོན་ཡོད་གྲུབ་པ་དྲིལ་བུའི་དབང་གི་སླད་དུ་དམིགས་པ་འདི་བཞིན་མཛོད། <span class="tibetan_small">བསང་སྦྱང་།</span> སློབ་མ་དང་དབང་རྫས་དྲིལ་བུ་སྟོང་པའི་ངང་ལས་<span class="tibetan_small">སོགས་ནས་དག་པ་བརྗོད་པའི་བར་སྔར་ལྟར་བྱ།</span> དེ་ནས་རྣམ་པར་སྣང་མཛད་མིང་གི་དབང་གི་སླད་དུ་དམིགས་པ་འདི་བཞིན་མཛོད། <span class="tibetan_small">བསང་སྦྱང་།</span> སློབ་མ་དབང་རྫས་<span class="tibetan_small">སོགས་ནས་དག་པ་བརྗོད་པའི་བར་དང་།</span> འདི་ནི་སངས་རྒྱས་ཐམས་ཅད་ཀྱི་<span class="tibetan_small">སོགས་བརྗོད།</span> གཉིས་པ་རྡོ་རྗེ་སློབ་དཔོན་གྱི་དབང་བསྐུར་ཞུ་བའི་ཡོན་དུ་དམིགས་ཏེ་མཎྜལ་ཕུལ་མཛོད། <span class="tibetan_small">ཞེས་འབུལ།</span> གསོལ་བ་འདེབས་པ་འདིའི་རྗེས་ཟློས་མཛོད། འཁོར་ལོ་ཕྱིར་མི་ལྡོག་པའི་<span class="tibetan_small">སོགས་ལན་གསུམ།</span> ཐོག་མར་བརྟུལ་ཞུགས་ཀྱི་དབང་གི་རྗེས་སུ་གནང་བའི་སླད་དུ་དམིགས་པ་འདི་བཞིན་མཛོད། དཀྱིལ་འཁོར་གྱི་ཤར་ཕྱོགས་སུ་<span class="tibetan_small">སོགས་ནས། ཁ་ཊྭཱཾ་ག་སོགས་གཏད་པའི་བར།</span> དེ་ནས་རྡོར་དྲིལ་དང་དམ་ཚིག་གསུམ་སྦྱིན་པ་ལ་དམིགས་པ་འདི་བཞིན་མཛོད། <span class="tibetan_small">སློབ་དཔོན་གྱི་ཕྱག་གི་རྡོར་དྲིལ་བསང་སྦྱངས།</span> སྟོང་པའི་ངང་ལས་<span class="tibetan_small">སོགས་ནས། ཤིས་བརྗོད། ཆུ་དབང་།</span> སུ་པྲ་ཏིཥྛ<span class="tibetan_small">ས་བརྟན་པའི་བར་གཞུང་ལྟར་བརྗོད།</span> དེ་ནས་རྗེས་གནང་རྣམས་རིམ་པར་སྦྱིན་པ་ལ་ཐོག་མར་སྒེག་སོགས་བརྒྱད་ཀྱིས་མཆོད་པར་བྱས་པའི་མོས་པ་མཛོད། <span class="tibetan_small">སློབ་དཔོན་གྱིས་སོ་སོའི་ཕྱག་རྒྱ་བྱས་ལ།</span> སྒེག་དང་བཅས་པའི་ཕྲེང་བ་འཕང་། <span class="tibetan_small">སོགས་རྫོགས་པར་བརྗོད། </span><br /><span class="tibetan_small">མིག་ཐུར་གྱི་རྗེས་གནང་ནི།</span> པྲཾ་ལས་བྱུང་བའི་ཤེས་རབ་ཀྱི་རང་བཞིན་ཅན་གྱི་ཐུར་མས་ཁྱེད་རང་རྣམས་ཀྱི་དེ་བཞིན་ཉིད་མཐོང་བ་ལ་བསྒྲིབ་པའི་མ་རིག་པའི་ལིང་ཐོག་བསལ་བར་མོས་ཤིག <span class="tibetan_small">།མིག་ཐུར་གྱིས་མིག་དབྱེ་ཚུལ་བྱས་ལ།</span> ཇི་ལྟར་མིག་མཁན་རྒྱལ་པོ་<span class="tibetan_small">སོགས་བརྗོད། </span><br /><span class="tibetan_small">མེ་ལོང་གི་རྗེས་གནང་ནི།</span> ཆོས་ཅན་གྱི་སྣང་བ་ཐམས་ཅད་མེ་ལོང་ནང་གི་གཟུགས་བརྙན་ལྟར་ངེས་པའི་སྒོ་ནས་སེམས་ཅན་གྱི་དོན་གྱིས་ཤིག །ཅེས་ཤེས་པའི་སླད་དུ་ཨཱཿལས་སྐྱེས་པའི་མེ་ལོང་། ཆོས་རྣམས་གཟུགས་བརྙན་ལྟ་བུ་སྟེ། <span class="tibetan_small">སོགས་བརྗོད་ལ་མེ་ལོང་བསྟན། </span><br /><span class="tibetan_small">དྲིལ་བུའི་རྗེས་གནང་ནི།</span> ཨ་ལས་བྱུང་བའི་དྲིལ་བུ་འདིའི་སྒྲས་མཚོན་ཏེ་ཆོས་ཐམས་ཅད་གྲགས་སྟོང་སྐྱེ་བ་མེད་པའི་མཚན་ཉིད་ཅན་དུ་རྟོགས་པར་གྱིས་ཤིག །ཐམས་ཅད་ནམ་མཁའི་<span class="tibetan_small">སོགས་བརྗོད་ལ་དྲིལ་བུ་དཀྲོལ། </span><br /><span class="tibetan_small">མདའ་གཞུའི་རྗེས་གནང་ནི།</span> རང་དོན་ཡིད་བྱེད་ཀྱི་བློ་སྤངས་པའི་སླད་དུ་ཧོཿལས་བྱུང་བའི་མདའ་གཞུ། ཐབས་ཀྱི་མདའ་དྲུག་ཤེས་རབ་ཀྱི་གཞུ་ལ་བཀང་སྟེ་ཕྱོགས་བཞི་དང་སྟེང་འོག་ཏུ་འཕངས་པས་བདུད་བཞི་དང་ཉན་རང་གི་སེམས་ཡིད་ལ་བྱེད་པ་བཅོམ་པ་ཡིན་སྙམ་དུ་མོས་ཤིག །དེ་བཞིན་གཤེགས་པ་<span class="tibetan_small">སོགས་བརྗོད་ལ་མདའ་གཞུ་གཏད་ཅིང་འཕང་པའི་ཚུལ་བྱར་གཞུག</span> །དེ་ནས་ཆོས་བཤད་པའི་རྗེས་སུ་གནང་བ་ནི། རྐང་འོག་གཉིས་སུ་འཁོར་ལོ་བྱིན་པར་མོས་ཤིག །ཨོཾ་བཛྲ་ཧེ་ཏུ་མཾ་<span class="tibetan_small">སོགས་བརྗོད་ལ་འཁོར་ལོ་རྐང་འོག་ཏུ་གཞུག</span> །ཆོས་ཀྱི་དུང་ཆེན་འབུད་པར་གྱིས་ཤིག་ཅེས་པའི་དོན། ཨོཾ་བཛྲ་བྷཱ་ཥ་རཾ་<span class="tibetan_small">སོགས་བརྗོད་ལ་ལག་གཡས་སུ་དུང་གཏད།</span> རྒྱུད་ལུང་མན་ངག་འདིའི་སྒོ་ནས་ཆོས་ཤོད་ལ་སེམས་ཅན་གྱི་དོན་གྱིས་ཤིག་ཅེས་པའི་བརྡ་ལ་རྒྱུད་ཀྱི་གླེགས་བམ་གཏད་པའི་མོས་པ་གྱིས། ཨོཾ་མ་ཧཱ་དྷརྨ་ཧཱུྃ་<span class="tibetan_small">སོགས་བརྗོད་ལ་གླེགས་བམ་གཏད།</span> ཚུལ་ཇི་ལྟ་བུས་ཆོས་འཆད་ན་སྐབས་སོ་སོར་བབས་པའི་རིགས་ལྔའི་ཏིང་ངེ་འཛིན་གྱི་ཕྲིན་ལས་རྣམས་སྒྲུབ་ཅིག་ཞེས་པའི་དོན་དུ་རིགས་ལྔའི་རྗེས་སུ་གནང་བ་ནི། <span class="tibetan_small">འཁོར་ལོ་སོགས་རིགས་ལྔའི་ཕྱག་མཚན་རིམ་པར་གཏད་ལ།</span> འཇིག་རྟེན་ཁམས་ནི་<span class="tibetan_small">སོགས་བརྗོད།</span> སེམས་ཅན་གྱི་དོན་གང་ལ་གང་འཚམས་ཀྱིས་བྱ་བའི་སླད་དུ་ཕྲིན་ལས་བཞི་དང་གྲུབ་པ་བརྒྱད་ཀྱི་རྗེས་སུ་གནང་བར་མོས་ཤིག <span class="tibetan_small">།མཆོག་སྦྱིན་གྱི་ཕྱག་རྒྱ་བསྟན་ལ།</span> ཞི་དང་རྒྱས་དང་<span class="tibetan_small">སོགས་བརྗོད།</span> རང་ཉིད་ལྷག་པའི་ལྷའི་ང་རྒྱལ་གྱིས་འདོད་ཡོན་ལྔ་ཚོགས་སུ་རོལ་པའི་རྗེས་སུ་གནང་བའི་བྱིན་པ་མོས། བདག་ཉིད་སངས་རྒྱས་<span class="tibetan_small">སོགས་བརྗོད།</span> སྣང་སྟོང་དབྱེར་མེད་ཀྱི་ལྷ་སྒོམ་པའི་རྗེས་སུ་གནང་བ་བྱིན་པར་མོས། <span class="tibetan_small">འདིར་འཛོམ་ན་རྒྱུད་སྡེ་གཙོ་བོའམ་ཙཀླི་སོགས་བསྟེན། མ་འཛོམ་ཀྱང་ཆོག</span> །འདོད་ཆགས་བྲལ་བ་<span class="tibetan_small">སོགས་བརྗོད།</span> གསུང་གསང་སྔགས་ཀྱི་རྗེས་གནང་སྩལ་བར་མོས་ཤིག <span class="tibetan_small">།མེ་ཏོག་འཐོར་ལ།</span> རིགས་ལྔ་འདི་ལ་<span class="tibetan_small">སོགས་ལན་གསུམ།</span> ཁྱེད་རང་རྣམས་ཀྱིས་སློབ་དཔོན་ལ་མེ་ཏོག་འབུལ་བཞིན་པས་འདིའི་རྗེས་ཟློས། རིགས་ལྔ་བདག་ལ་<span class="tibetan_small">སོགས་ལན་གསུམ། སླར་མེ་ཏོག་འཐོར་ལ།</span> སྔགས་ཀྱི་དངོས་གྲུབ་<span class="tibetan_small">སོགས་བརྗོད།</span> དེ་ལྟར་དབང་གིས་རྒྱུད་སྨིན་པའི་སློབ་མ་རྣམས་བྱང་ཆུབ་མཆོག་ཏུ་ལུང་བསྟན་པ་ཡིན་ཏེ། <span class="tibetan_small">སློབ་དཔོན་གྱིས་སྣམ་སྦྱར་མནབ། གྲྭ་གཉིས་རི་དྭགས་ཀྱི་རྣ་བ་ལྟར་བྱས་ཕྱག་གཡོན་པས་ཐུགས་ཀར་བཟུང་གཡས་མི་འཇིགས་པའི་རྒྱས་རྡོར་དྲིལ་བཟུང་ལ།</span> སློབ་དཔོན་བཅོམ་ལྡན་འདས་<span class="tibetan_small">སོགས་བརྗོད། སྣམ་སྦྱར་ཕུད་ལ་སྐྱབས་སྦྱིན་གྱིས་རྒྱས།</span> ཁྱེད་རང་རྣམས་དེང་ནས་བཟུང་སྟེ་སྲིད་པའི་ངན་འགྲོ་ལས་རྟག་ཏུ་བཏོན་པར་དབུགས་དབྱུང་བར་མོས་ཤིག །གསང་ཆེན་མཆོག་གི་<span class="tibetan_small">སོགས་བརྗོད།</span> དེ་ནས་བརྟུལ་ཞུགས་ཀྱི་རྗེས་གནང་བྱིན་པར་མོས་ཤིག <span class="tibetan_small">།དབང་རྫས་རྡོ་རྗེས་བསང་སྦྱངས།</span> སྟོང་པའི་ངང་ལས་<span class="tibetan_small">སོགས་གཞུང་ལྟར་བརྗོད་ལ་གཏད།</span> དེ་ནས་རྟེན་བརྟེན་པའི་དཀྱིལ་འཁོར་པ་རྣམས་ཀྱི་དག་པ་བརྗོད་པར་འདི་ལ་གསན་འཚལ། སེམས་ཅན་དོན་ཕྱིར་སེམས་བསྐྱེད་པས་<span class="tibetan_small">སོགས་དང་།</span> དེ་ལྟར་ན་རས་བྲིས་ཀྱི་དཀྱིལ་འཁོར་དུ་ཞུགས་<span class="tibetan_small">སོགས་བུམ་དབང་གི་དག་པའང་བརྗོད།</span> དེ་ནས་དབང་གོང་མ་གསུམ་ཞུ་བའི་ཐུན་མོང་དུ་དམིགས་ཏེ་མཎྜལ་ཕུལ། ཐུན་མོང་དུ་གསོལ་བ་འདེབས་པ་འདིའི་རྗེས་ཟློས། བདག་ནི་འཁོར་བར་བྱིང་བ་<span class="tibetan_small">སོགས་ལན་གསུམ།</span> སློབ་དཔོན་བཅོམ་ལྡན་འདས་<span class="tibetan_small">སོགས་ནས།</span> ཡབ་ཀྱི་གསང་གནས་ཧཱུྃ་<span class="tibetan_small">སོགས་མཁའ་གསང་བྱིན་བརླབས་སྒྲུབ་ཐབས་ལྟར་ལ།</span> ཐུགས་ཀར་རྗེས་སུ་ཆགས་པའི་མེས་<span class="tibetan_small">སོགས་ནས།</span> ཨཏྨཱ་ཀོ྅་ཧཾ་<span class="tibetan_small">བར་བརྗོད།</span> གཉིས་པ་གསང་བའི་དབང་བསྐུར་ཞུ་བའི་ཡོན་ཏུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། ཨོཾ་བཅོམ་ལྡན་ཞི་བ་ཆེན་པོ་<span class="tibetan_small">སོགས་ལན་གསུམ་བརྗོད།</span> དེ་ནས་དམིགས་པ་འདི་བཞིན་ཏུ་མཛོད། ཨོཾ་ཨཱཿཧཱུྃ་<span class="tibetan_small">སོགས་ནས་</span>ཛཿཧཱུྃ་བྃ་ཧོཿ<span class="tibetan_small">འི་བར།</span> ལུས་ཀྱི་དཀྱིལ་འཁོར་མ་མཐོང་བའི་བརྡར་གདོང་གཡོགས་འཆིངས་མཛོད། ཨཱ་ཁཾ་བཱི་ར་ཧཱུྃ་<span class="tibetan_small">གིས་མིག་དར་བཅིང་།</span> བདེན་གཉིས་དབྱེར་མེད་དུ་སེམས་བསྐྱེད་པར་མོས་ལ་འདིའི་རྗེས་ཟློས། ཨོཾ་བཛྲ་ཡོ་ག་<span class="tibetan_small">སོགས།</span> སློབ་དཔོན་དཀྱིལ་འཁོར་གྱི་གཙོ་བོའི་མཁའ་གསང་ནས་བྱོན་པའི་དཀར་དམར་བྱང་ཆུབ་སེམས་ཀྱི་རྒྱུན་ཁྱེད་རང་རྣམས་ལ་བྱིན་པར་མོས་ཤིག <span class="tibetan_small">།བདུད་རྩི་སྦྱིན་ལ།</span> ཇི་ལྟར་བཅོམ་ལྡན་<span class="tibetan_small">སོགས་སྔགས་བཅས་བརྗོད།</span> ཁྱེད་རྣམས་ཀྱིས་སྔགས་འདིའི་རྗེས་ཟློས་དང་བཅས་བདུད་རྩི་མྱོང་ཞིག །ཨ་ཧོ་མ་ཧཱ་སུ་ཁཾ། དེ་བཞིན་ཏུ་ཤེས་རབ་རྡོ་རྗེ་<span class="tibetan_small">སོགས་ཀྱིས་བདུད་རྩི་སྦྱིན་པའི་ཚིགས་བཅད་བཅས་ལན་གཅིག་བསྐྱར་ཏེ་བྱིན།</span> བྱང་སེམས་དཀར་དམར་གྱིས་ལུས་ཀྱི་རྩ་གནས་ཐམས་ཅད་ལ་ཁྱབ་རང་བཞིན་བརྒྱད་ཅུའི་རྟོག་པ་དབྱིངས་སུ་ཐིམ། གསལ་སྟོང་རྣམ་པར་མི་རྟོག་པའི་ཡེ་ཤེས་རྒྱུད་ལ་སྐྱེས་པར་མོས་ལ་མཉམ་པར་ཞོག་མཛོད། <span class="tibetan_small">དར་གཅིག་བཞག</span> །ལུས་ཀྱི་དཀྱིལ་འཁོར་མཐོང་བའི་བརྡར་གདོང་གཡོགས་སོལ་མཛོད། ཨོཾ་ཨཱཿཧཱུྃ་<span class="tibetan_small">ཞེས་གདོང་གཡོགས་བཀྲོལ།</span> དེ་ལྟར་ཀུན་རྫོབ་བྱང་ཆུབ་སེམས་ཀྱི་<span class="tibetan_small">སོགས་རྟོགས་པ་བརྗོད།</span> གསུམ་པ་ཤེས་རབ་ཡེ་ཤེས་ཀྱི་དབང་བསྐུར་ཞུ་བའི་ཕྱིར་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། དུས་གསུམ་སངས་རྒྱས་<span class="tibetan_small">སོགས་ལན་གསུམ།</span> བྷ་གའི་དཀྱིལ་འཁོར་མ་མཐོང་བའི་བརྡར་གདོང་གཡོགས་འཆིང་མཛོད། <span class="tibetan_small">སྔགས་བཅས་མིག་དར་བཅིང་།</span> མཚན་ཉིད་ཐམས་ཅད་ཡོངས་སུ་རྫོགས་པའི་<span class="tibetan_small">སོགས་ནས།</span> དངོས་གྲུབ་མེད། <span class="tibetan_small">བར་བརྗོད་ལ་རིག་ཙཀ་གཏད།</span> དེ་ལྟར་བྱིན་པའི་ལྷ་མོ་དེས་ཀྱང་འདི་སྐད་དྲིས་པའི་མོས་པ་མཛོད། བདུད་རྩི་བཟའ་དང་<span class="tibetan_small">སོགས་ནས།</span> བདེ་བྱེད་སྨྲོས། <span class="tibetan_small">བར་བརྗོད།</span> སྤྲོ་བས་ལན་འདེབས་པར་མོས་ལ་འདིའི་རྗེས་ཟློས། ལྷ་མོ་ཅི་ཕྱིར་<span class="tibetan_small">ནས།</span> འོ་བྱེད་པ། <span class="tibetan_small">བར་བརྗོད།</span> ལྷ་མོ་དགྱེས་ནས་འདི་སྐད་གསུངས་ཏེ་པང་དུ་བྱོན་པར་མོས་ཤིག །ཨ་ཧོ་ང་ཡི་<span class="tibetan_small">སོགས་བརྗོད།</span> དེ་ནས་ཁྱེད་རང་རྣམས་དགྱེས་མཛད་རྡོ་རྗེ་མཚོན་ཆ་ཅན་<span class="tibetan_small">སོགས་དང་། མཁའ་གསང་བྱིན་རླབས་གོང་ལྟར་བྱ།</span> སློབ་དཔོན་གྱི་ཐུགས་ཀའི་<span class="tibetan_small">སོགས་ནས།</span> བརྟན་པར་གྱུར་པར་མོས་ལ་མཉམ་པར་ཞོག་མཛོད། བྷ་གའི་དཀྱིལ་འཁོར་མཐོང་བའི་བརྡར་གདོང་གཡོགས་སོལ་མཛོད། ཨོཾ་ཨཱཿཧཱུྃ། <span class="tibetan_small">གདོང་གཡོགས་བཀྲོལ།</span> དེ་ལྟར་བྷ་གའི་དཀྱིལ་འཁོར་<span class="tibetan_small">སོགས་རྟོགས་པ་བརྗོད།</span> བཞི་པ་ཆེན་པོ་ཚིག་དབང་རིན་པོ་ཆེ་ཞུ་བའི་ཡོན་ཏུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། ཁྱོད་ཞབས་པདྨོའི་<span class="tibetan_small">སོགས་ལན་གསུམ།</span> རྡོ་རྗེའི་ཚིག་འདིའི་དོན་རྗེས་སུ་དྲན་པས་གང་དུའང་རྣམ་པར་མི་རྟོག་པའི་ཡེ་ཤེས་ཆེན་པོའི་དབྱིངས་སུ་ལྟར་མེད་པའི་ཚུལ་གྱིས་ལྟོས་ལ་མཉམ་པར་ཞོག་མཛོད། ཡེ་ཤེས་འདི་ནི་<span class="tibetan_small">སོགས་ནས།</span> སྐད་ཅིག་དེ་ལ་སྒོམ། <span class="tibetan_small">བར་བརྗོད་ལ་ཅུང་ཟད་མཉམ་པར་བཞག</span> །ཐུན་མོང་མ་ཡིན་པའི་དམ་ཚིག་བསྒྲགས་པ་འདི་ལ་གསན་འཚལ། དེ་ལྟར་ན་དོན་དམ་བྱང་ཆུབ་སེམས་ཀྱི་<span class="tibetan_small">སོགས་རྟོག་པ་བརྗོད།</span> དེ་དག་རྣམས་ཀྱིས་རིན་ཆེན་རྒྱ་མཚོའི་རྒྱུད་ཀྱི་དགོངས་དོན་སློབ་དཔོན་རྡོ་རྗེ་གདན་པའི་ཐུགས་དམ་མཁས་གྲུབ་ཁྱུང་པོ་རྣལ་འབྱོར་ལས་བརྒྱུད་པའི་རྒྱུད་སྡེ་ལྔའི་དཀྱིལ་འཁོར་ཆེན་པོར་དབང་བསྐུར་བ་ལེགས་པར་གྲུབ་པ་ཡིན་པས་དེ་དག་གི་སྐབས་སུ་ཐོབ་ཅིང་ཁས་བླངས་པའི་རྩ་བ་དང་ཡན་ལག་གི་དམ་ཚིག་དང་སྡོམ་པ་མཐའ་དག་ཚུལ་བཞིན་ཏུ་བསྲུང་བའི་མོས་པས་འདིའི་རྗེས་ཟློས། གཙོ་བོས་ཇི་ལྟར་<span class="tibetan_small">སོགས་གསུམ།</span> དབང་བསྐུར་རྫོགས་པར་ཐོབ་པའི་གཏང་རག་གི་ཡོན་ཏུ་དམིགས་ཏེ་མཎྜལ་ཕུལ། ལུས་ལོངས་སྤྱོད་དགེ་བའི་རྩ་བ་དང་བཅས་པ་ཐམས་ཅད་འཁོར་ལོས་སྒྱུར་བའི་རྒྱལ་སྲིད་ཀྱི་འབྱོར་པ་ལྟར་སྤྲུལ་ཏེ་འབུལ་ན་ཆ་ཤས་ནས་བཞེས་ཏེ་ལོངས་སྤྱད་དུ་གསོལ་སྙམ་པས་འདིའི་རྗེས་ཟློས། དེང་ནས་བརྩམས་ཏེ་<span class="tibetan_small">སོགས་གསུམ།</span> རྣམ་དཀར་གྱི་དགེ་རྩ་མཐའ་དག་འཁོར་གསུམ་རྣམ་པར་མི་རྟོག་པའི་དབྱིངས་སུ་བསྔོ་བས་རྒྱས་འདེབས་པ་དང་འདི་ཉིད་ཀྱི་སྒོ་ནས་ཀྱང་རང་དང་གཞན་གྱི་དོན་རྒྱ་ཆེན་པོར་བསྒྲུབ་པར་མཛོད་ཅིག །བསོད་ནམས་འདི་ཡིས་<span class="tibetan_small">སོགས་བསྔོ་སྨོན་ཤིས་བརྗོད་གང་འོས་བྱའོ། </span><br /><span class="tibetan_small">།དེ་ནས་རྗེས་ཀྱི་ཆོ་ག་ནི། ཚོགས་མཆོད་འདོད་ན་བདེ་མཆོག་ལྷ་ལྔ་ལྟར་བྱ། གཞུང་དུ་མ་བཤད་པས་མ་གྲུབ་ཀྱང་ཆོག །དཀྱིལ་ཆོག་གི་གཤམ་ནས་འབྱུང་བ་ལྟར་མཆོད་པ་རྣམས་ཁ་གསོས་ལ་བྱིན་བརླབ། མཆོད་བསྟོད་བྱ།</span> བཅོམ་ལྡན་འདས་དཔལ་དགྱེས་མཛད་རྡོ་རྗེ<span class="tibetan_small">འི་སོགས་བརྗོད་ལ་དངོས་གྲུབ་ཞུ། ཡིག་བརྒྱ་ལན་ཉེར་གཅིག་བཟླ། བཟོད་གསོལ་བྱ། དཀྱིལ་འཁོར་རས་བྲིས་སྐབས།</span> ཕྱོགས་བཅུ་ན་བཞུགས་པའི་<span class="tibetan_small">སོགས་སྤྱི་ལྟར་བརྗོད་ལ་ཡེ་ཤེས་པ་རྣམས་རྟེན་དང་དཀྱིལ་འཁོར་ལ་བརྟན་བཞུགས་བྱ།</span> དམ་ཚིག་པའི་དཀྱིལ་འཁོར་ཨོཾ་ཨཱཿཧཱུྃ་གིས་རང་གི་སྙིང་གར་ཐིམ་པར་གྱུར། <span class="tibetan_small">ཞེས་མོས། སྔར་ཕུར་གདབ་བྱས་ན།</span> ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི་སརྦ་ཨརྠ་ས་དྷ་ནི་སྭཱ་ཧཱ། <span class="tibetan_small">ཞེས་སྤྱན་མའི་སྔགས་ཀྱིས་ཕུར་བུ་རྣམས་དབྱུང་། སྔགས་དེ་ཉིད་ཀྱིས་ཕུར་ཁུང་དགང་།</span> སྐྱེ་ཞིང་སྐྱེ་བར་རིགས་མཆོག་ཏུ། <span class="tibetan_small">།སོགས་ཐུན་མོང་མ་ཡིན་པའི་བསྔོ་སྨོན་རྒྱས་པ་དང་ཤིས་བརྗོད་བྱས་རོལ་མོ་སྙན་པར་དཀྲོལ་བཞིན་མེ་ཏོག་གི་ཆར་དབབ་བོ། </span><br /><span class="tibetan_small">།མི་ཕྱེད་རྡོ་རྗེ་བཞི་ཡི་ཡེ་ཤེས་ནི། །མི་ཟད་རྒྱན་འཁོར་ལྔ་ཡི་དཀྱིལ་འཁོར་དུ། །ཤར་བའི་དབྱངས་དང་མཉམ་པར་ཉིད་གྱུར་ནས། །སྲིད་འགྲོར་དེ་ཡི་ཕྱག་རྒྱས་ཐོབ་པར་ཤོག </span><br /><span class="tibetan_small">།འདིའང་[[Jetsün Taranatha|རྗེ་བཙུན་རིན་པོ་ཆེ་]]ནས་མཛད་པའི་སྒྲུབ་དཀྱིལ་གྱི་ཞབས་འདེགས་དང་། སྔ་ཕྱིར་བསྐུལ་བ་པོ་མང་ཞིག་གི་སླད་དུ་ཀརྨ་བཀའ་བརྒྱུད་ཀྱི་གྲལ་མཐར་འཁོད་པ་[[Jamgön Kongtrül Lodrö Thayé|ཀརྨ་ངག་དབང་ཡོན་ཏན་རྒྱ་མཚོའམ་བློ་གྲོས་མཐའ་ཡས་]]པའི་སྡེས་རང་ལོ་གྱ་བདུན་པར་དཔལ་སྤུངས་ཡང་ཁྲོད་ཤྲཱི་དེ་བི་ཀོ་ཊ་ཙ་འདྲ་རིན་ཆེན་བྲག་གི་སྒྲུབ་གནས་སུ་བགྱིས་པའི་ཡི་གེ་པ་ནི་གམ་དུ་འཁོད་པ་བློ་གསལ་གསང་སྔགས་བསྟན་འཛིན་ནས་བགྱིས་པ་དགེ་ལེགས་འཕེལ།། །།</span></span>

Difference between revisions of "Rgyud sde lnga'i dkyil 'khor chen por dbang bskur mtshams sbyor snang ba'i go 'byed"

Latest revision as of 17:40, 23 November 2021

About

Contact

Support us

License