Catalog of transmissions recieved by Rinchen Chökyi Gyelpo

Excerpt from BSRC W3CN861 (Volume 11, p. 214)

དད་པའི་ཡིད་འཕྲོག་བཀའ་བརྒྱུད་མུ་ཏིག་ཕྲེང་བ།
...
p. 214
Niguma's Golden Teachings
ཤངས་པ་བཀའ་རྒྱུད་ནས་བརྒྱུད་པའི་མན་ངག་ཟབ་པ་ལས་ཀྱང་། ཆེས་ཟབ་པ། ཡེ་ཤེས་ཀྱི་མཁའ་འགྲོ་མ་ནི་གུ་མའི་སྙན་རྒྱུད་ཞལ་གྱི་གདམས་པའི་ཆོས་སྐོར་ལ། གསེར་ཆོས་ཆེ་བ་ལྔ་ཡོད་པའི།
དང་པོ་ལ་སྨིན་བྱེད་ཀྱི་དབང་དང་། གྲོལ་བྱེད་ཀྱི་ཁྲིད་གཉིས།
Initiations
དང་པོ་ལ་དཔལ་རྒྱུད་སྡེ་ལྔའི་རྡུལ་ཚོན་གྱི་དཀྱིལ་འཁོར་དུ་དབང་བཞི་རྫོགས་པ། བདེ་མཆོག་ལྷ་ལྔའི་དབང་བཞི་ལུས་སྒྲིགས། ཆོས་དྲུག་གཞུང་ཤིང་གི་བཀའ་བརྒྱད་ནི། སྒྱུ་ལུས་རྨི་ལམ་སྤྱིའི་བཀའ། འཕོ་བ་བར་དོ་སྤྱིའི་བཀའ། ཆོས་དྲུག་སོ་སོའི་བཀའ་སྟེ་བརྒྱད་དོ། །བདེ་མཆོག་མྱུར་སྒྲུབ་ཀྱི་སྐུ་གསུང་ཐུགས་ཀྱི་དབང་།
Instructions, utpattikrama
གྲོལ་བྱེད་ཀྱི་ལམ་ལ། བསྐྱེད་རྫོགས་གཉིས་ཀྱི་དང་པོ་ནི། ཆོས་རྗེ་སངས་རྒྱས་དཔལ་བས་མཛད་པའི། རྒྱུད་སྡེ་ལྔའི་སྒྲུབ་ཐབས་ཡིད་ཀྱི་མུན་སེལ་གྱི་དཀྱིལ་ཆོག་དྲི་མེད་རྣམ་དག །བདེ་མཆོག་ལྷ་ལྔའི་དཀྱིལ་ཆོག་ནི་གུ་མས་མཛད་པ། མངོན་རྟོགས་ཁྱུང་པོས་མཛད་པ། མཆོད་འཕྲེང་། བདེ་མཆོག་གི་མྱུར་སྒྲུབ་ནི་གུ་མས་མཛད་པ། དེའི་གསལ་བྱེད་ཨ་སེང་གིས་མཛད་པ།
ཁྱུང་པོའི་རྒྱུན་གྱི་ཉམས་ལེན་གནད་དྲུག །མི་གཡོ་བའི་དམིགས་པ་སྐོར་གསུམ། རྣམ་འཇོམས་གསང་སྒྲུབ། ཁྱུང་པོའི་འགུར་བརྒྱད་རྩ་འགྲེལ། ཁྱུང་པོའི་བཀྲ་ཤིས་བཀའ་རྒྱ་མ། ནི་གུ་མའི་སྨོན་ལམ།
First Golden Teaching, sampannakrama, The six yogas
རྫོགས་རིམ་ལ། ཆོས་དྲུག་རྡོ་རྗེའི་ཚིག་རྐང་མཆན་སངས་རྒྱས་དཔལ་བས་བཟང་པ། ཁྱུང་པོའི་ཐེམས་ཡིག་ཚིག་གསལ། ཁྱད་འཕགས་ཀྱི་གདམས་པ་བཅོ་ལྔ་ས་གསུམ། སྒྱུ་ལུས་དབང་པོ་འབྲིང་གི་སྐབས་སུ་གསུང་སྒྲོས་ཟུར་འགེབས་རྒྱལ་མཚན་འབུམ་གྱིས་མཛད་པ། ཆོས་དྲུག་གི་ཁྲིད་ཡིག་གཞོན་ནུ་གྲུབ་གྱིས་མཛད་པ། ཆོས་སྒོ་བ་དྷརྨ་ཤྲཱིས་མཛད་པ། ནི་གུ་མའི་སྒྱུ་མ་ལམ་རིམ་རྩ་འགྲེལ་གཉི་ག །ནི་གུ་མའི་གཞི་ལམ་འབྲས་གསུམ་གནད་དྲུག་གེགས་དྲུག་ལྟ་སྒོམ་སྤྱོད་འབྲས། སྒྱུ་ལུས་སྦྱང་བ་རྣམས་གཉིས། བདག་མེད་མ་ལ་བརྟེན་པའི་སྒྱུ་ལུས་སྦྱང་བ་རྣམ་གསུམ་འདི་ཁྱུང་པོས་མཛད་པ། སྒྱུ་ལུས་འཛིན་པ་རང་གྲོལ། ༼ནི་གུ་མས་མཛད་པའི་སྒྱུ་མ་ལམ་རིམ་རྩ་འགྲེལ། བསྡུས་དོན་དང་བཅས་པ། དམིགས་པ་རིན་པོ་ཆེའི་བསྒྲོམ་བུ། གསང་སྔགས་རྗེས་སུ་ཡི་རང་གི་བཀའ། མན་ངག་བསྐོར། ཕྱག་རྒྱ་ཆེན་པོ་རྟོག་མི་རྟོག༽ སྒྱུ་ལུས་གདན་ཐོག་གཅིག་མ། ཁྱུང་པོས་མཛད་པའི་གནད་འཆུག་མེད་བར་དོ་གསུམ་གྱི་གདམས་པ། རྨོག་ལྕོག་པས་མཛད་པའི་སྒྱུ་ལུས་རྨི་ལམ་གྱི་གེགས་སེལ་འབྱམས་བཅོད་རྒྱས་བསྡུས་གཉིས། ས་བཅད་དང་བཅས་པ། ཉམས་མྱོང་ཡོན་ཏན་རྒྱ་མཚོ་སངས་རྒྱས་སྟོན་པས་མཛད་པ། མུན་སེལ་ཉི་མའི་དཀྱིལ་འཁོར། ཞུ་ལན་ཟླ་བའི་དཀྱིལ་འཁོར། ཞུ་ལན་གེགས་སེལ་སྒྲོན་མེ། འབྱམས་བཅོད་རྣམ་གསུམ་བསྡུས་པ་ཨ་སེང་གྱིས་མཛད་པ། རྨོག་ལྕོག་པས་མཛད་པའི་སྒྱུ་མ་རབ་ཏུ་གསལ་བྱེད་འོད་ཀྱི་འཕྲེང་བ། ལམ་དྲི་མེད་འོད་ཀྱི་འཕྲེང་བ་སངས་རྒྱས་སྟོན་པས་མཛད་པ། དུག་གསུམ་དག་བྱེད་བདུད་རྩི། བདེ་མཆོག་གི་མྱུར་སྒྲུབ་དབུ་མ་ཡི་གེ་བདུན་པ། ཨའི་འོད་ཀྱི་མཆོད་པ། གཞན་དོན་རྟེན་འབྲེལ། འོད་གསལ་འཆར་སྒོ་ངོས་འཛིན། འཕོ་བ་ཡེ་ཤེས་དཀར་ཁུང་། བར་དོ་ཐ་མའི་དམིགས་པ། ནི་གུ་མས་མཛད་པའི་བླ་མའི་དཀྱིལ་ཆོག་དབང་བཀའ། སངས་རྒྱས་སྟོན་པའི་བླ་མའི་སྒྲུབ་ཐབས།
Second Golden Teaching, The three integrations
གསེར་ཆོས་གཉིས་པ། འཆུག་མེད་ལམ་ཁྱེར་གསུམ་གྱི་སྐོར་ལ། བླ་མ་ལམ་ཁྱེར། ཡི་དམ་ལམ་ཁྱེར། སྒྱུ་མ་ལམ་ཁྱེར་གསུམ་གྱི་བཀའ། རྡོ་རྗེའི་ཚིག་རྐང་། ཁྲིད་ཡིག༼རྒྱལ་མཚན་འབུམ་གྱིས་མཛད་པ། ཁྲིད་ཡིག་སངས་རྒྱས་དཔལ་བས་མཛད་པ།༽
Third Golden Teaching, Mahamudra Gauma
གསེར་ཆོས་གསུམ་པ། ཕྱག་རྒྱ་ཆེན་པོ་གའུ་མའི། ཟབ་བཀའ། ཁྲིད་ཡིག་གསེར་གླིང་པས་མཛད་པ། ༼ཁྲིད་ཡིག་རྒྱལ་མཚན་འབུམ་གྱིས་མཛད་པ། ཁྲིད་ཡིག་རྡོ་རྗེ་ཚིག་གི་མདུད་འགྲོལ་དང་། སེམས་ཀྱི་གནས་ལུགས་གསལ་བའི་མེ་ལོང་སངས་རྒྱས་དཔལ་བས་མཛད་པ།༽
གསེར་ཆོས་བཞི་པ། རང་སེམས་འཆི་མེད་རང་གྲོལ་གྱི་སྐོར་ལ། སེམས་འཆི་མེད་ཀྱི་བཀའ། རྡོ་རྗེའི་ཚིག་རྐང་། ༼ཁྲིད་ཡིག་རྒྱལ་མཚན་འབུམ་གྱིས་མཛད་པ། ཁྲིད་ཡིག་ཚིག་འགྲེལ་ཟུང་འཇུག་གསལ་བ་ཞེས་པ་སངས་རྒྱས་དཔལ་བས་མཛད་པ།༽ རྨོག་ལྕོག་པ། སྐྱེས་རྒང་པ། གཉན་སྟོན། སངས་རྒྱས་སྟོན་པ་རྣམས་ཀྱིས་མཛད་པའི་ཞལ་གདམས།
Biographies
བླ་མའི་རྣམ་ཐར་ལ། ཁྱུང་པོའི་རྣམ་ཐར། མཉམ་མེད་རྨོག་ལྕོག་པའི་རྣམ་ཐར། སྐྱེས་རྒང་པའི་རྣམ་ཐར་རྒྱས་པ། སངས་རྒྱས་གཉན་སྟོན་གྱི་རྣམ་ཐར། སངས་རྒྱས་སྟོན་པའི་རྣམ་ཐར་ཆེ་བ། ནང་གི་རྣམ་ཐར། མྱ་ངན་འདས་ཆུང། ༼ཤངས་སྟོན་ཚུལ་ཁྲིམས་འབུམ་གྱི་རྣམ་ཐར། འཇག་ཆེན་རྒྱལ་མཚན་འབུམ་གྱི་རྣམ་ཐར། འཇག་ཆུང་བྱམས་པ་དཔལ་གྱི་རྣམ་ཐར། སངས་རྒྱས་དཔལ་བའི་རྣམ་ཐར་མྱ་ངན་འདས་ཆུང་མ། མཁས་གྲུབ་ཆོས་རྗེའི་རྣམ་ཐར་མྱ་ངན་འདས་ཆུང་མ།༽
Fourth Golden Teaching, Immortality
གསེར་ཆོས་བཞི་པོའི་བརྒྱུད་པ་ནི། རྒྱལ་བ་རྡོ་རྗེ་འཆང་། ཡེ་ཤེས་མཁའ་འགྲོ་ནི་གུ་མ། མཁས་གྲུབ་ཁྱུང་པོ་རྣལ་འབྱོར། མཉམ་མེད་རྨོག་ལྕོག་པ་རིན་ཆེན་བརྩོན་འགྲུས། དབོན་སྟོན་སྐྱེར་སྒང་པ་དར་མ་སེག་གེ །གཉན་སྟོན་ཆོས་ཀྱི་ཤེས་རབ། སངས་རྒྱས་སྟོན་པ་བརྩོན་འགྲུས་སེང་གེ །ཤངས་སྟོན་ཚུལ་ཁྲིལས་འབུམ། ཤངས་སྟོན་འཇག་པ་རྒྱལ་མཚན་འབུམ། བླ་ཆེན་བྱམས་པ་དཔལ། གྲུབ་ཆེན་སངས་རྒྱས་དར། མཉམ་མེད་སངས་རྒྱས་དཔལ། བདག་གི་བླ་མ་འཕགས་པ་རིན་ཆེན། དེས་བདག་རིན་ཆེན་ཆོས་རྒྱལ་ལ་གནང་ངོ་།
།ཡང་བརྒྱུད་པ་རིན་ཆེན་བདུན། ཤངས་སྟོན་ཚུལ་ཁྲིལས་འབུམ། ཁྱུང་པོ་ཚུལ་ཁྲིམས་མགོན་པོ། རས་ཆེན་རི་ཁྲོད་པ། ཁམས་པ་སངས་རྒྱས་སེག་གེ །མཁས་གྲུབ་ཤངས་པ་དཀར་པོ་རིན་ཆེན་རྒྱལ་མཚན། མཉམ་མེད་སྐུངས་ལུངས་པ་སངས་རྒྱས་དཔལ། བདག་གི་བླ་མ་དུས་ཞབས་པ། དེས་བདག་རིན་ཆེན་ཆོས་རྒྱལ་ལ་གནང་ངོ་། །འདི་དག་ནི་ཆོས་སྐོར་རྫོགས་པའི་བརྒྱུད་པའོ།
།བརྒྱུད་པ་ཕྱི་མ་འདམ་ལ། རྒྱུད་སྡེ་ལྔའི་དབང་རྒྱུད་ལ། ཁྱུང་པོ་ཚུལ་ཁྲིམས་མགོན་པོའི་གོང་དུ་བླ་མ་རྒྱལ་མཚན་འབུམ་བཞུག་དགོས་སོ།
།ཡང་བརྒྱུད་རིམ་ཅིག་ནི། རིན་ཆེན་བདུན། རྨོག་ལྕོག་པ་སྤྲུལ་སྐུ་རིན་ཆེན་བློ་གྲོས། བླ་མ་གསེར་གླིང་པ་བཀྲ་ཤིས་དཔལ། བླ་མ་རྡོ་རྗེ་དཔལ། ཆོས་སྒོ་བ་ཆོས་དཔལ་ཤེས་རབ། བསམ་ཡས་པ་ཆོས་ཀྱི་རྒྱལ་མཚན། མཉམ་མེད་འཁྲུལ་ཞིག་པ་གཞོན་ནུ་འོད། ཆོས་རྗེ་དུས་ཞབས་པ་འཕགས་པ་རིན་ཆེན་དེས་བདག་རིན་ཆེན་ཆོས་རྒྱལ་ལ་གནང་ངོ་།
།ཡང་རིན་ཆེན་བདུན། མཁས་གྲུབ་གཞོན་ནུ་གྲུབ། གྲུབ་ཐོབ་ཨའི་སེང་གེ །གསེར་གླིང་བ་བཀྲ་ཤིས་དཔལ། བླ་མ་རྡོ་རྗེ་དཔལ། ཆོས་སྒོ་བ་ཆོས་དཔལ་ཤེས་རབ། བསམ་ཡས་པ་ཆོས་ཀྱི་རྒྱལ་མཚན། མཉམ་མེད་འཁྲུལ་ཞིག་པ་གཞོན་ནུ་འོད། ཆོས་རྗེ་དུས་ཞབས་པ་འཕགས་པ་རིན་ཆེན། དེས་བདག་རིན་ཆེན་ཆོས་རྒྱལ་དཔལ་བཟང་པོ་ལ་གནང་ངོ་།
Fifth Golden Teaching, The khechari
།གསེར་ཆོས་ལྔ་པ། མཁའ་སྤྱོད་མ་དཀར་དམར་གྱི་སྐོར་ལ། མཁའ་སྤྱོད་མ་དཀར་མོའི་དབང་། ཇོ་བོ་རྗེའི་སྒྲུབ་ཐབས། དེའི་ལུགས་ཀྱི་བོད་ཡིག །ཁྱུང་པོ་ལུགས་ཀྱི་སྒྲུབ་ཐབས། ལུས་གསང་བྱིན་གྱིས་བརླབ་པ། དམ་ཚིག་བསོ་བ། གཏོར་མའི་མན་ངག མཁའ་སྤྱོད་ཀྱི་རིལ་བུ་སྒྲུབ་པ། འཕོ་བའི་མན་ངག །ཇོ་བོ་རྗེས་མཛད་པའི་བསྟོད་པ། ཁྲིད་ཆུང་མཁའ་སྤྱོད་སུམ་སྤྲུགས་མ་དཀར་མོའི་སྐོར་རོ།
Rahula
།རཱ་ཧུ་ལ་གུཔྟ་ལུགས་ཀྱི། མཁའ་སྤྱོད་དམར་མོའི་དབང་། སྐྱེ་གནས་ལྔ་ཅིག་ཆར་དུ་དགག་པའི་འཕོ་བ། གྲིབ་སེལ་རྣམས་ཀྱི་བརྒྱུད་པ་ནི། རྡོ་རྗེ་རྣལ་འབྱོར་མ། ཇོ་བོ་རྗེ་དཔལ་ལྡན་ཨ་ཏིཤ། དེ་ལ་ཁྱུང་པོ་རྣལ་འབྱོར་གྱིས་མཁའ་སྤྱོད་མ་དཀར་མོ་གསན།
ཡང་རྡོ་རྗེ་རྣལ་འབྱོར་མ། རཱ་ཧུ་ལ་གུཔྟ། དེ་ལ་ཁྱུང་པོ་རྣལ་འབྱོར་གྱིས། མཁའ་སྤྱོད་མ་དམར་མོ་གསན། མཉམ་མེད་རྨོག་ལྕོག་པ་རིན་ཆེན་བརྩོན་འགྲུས། དབོན་སྟོན་སྐྱེར་སྒང་པ་དར་མ་སེག་གེ །གཉན་སྟོན་ཆོས་ཀྱི་ཤེས་རབ། སངས་རྒྱས་སྟོན་པ་བརྩོན་འགྲུས་སེང་གེ །ཤངས་སྟོན་ཚུལ་ཁྲིལས་འབུམ། ཤངས་སྟོན་འཇག་པ་རྒྱལ་མཚན་འབུམ། བླ་ཆེན་བྱམས་པ་དཔལ། གྲུབ་ཆེན་སངས་རྒྱས་དར། མཉམ་མེད་སངས་རྒྱས་དཔལ། བདག་གི་བླ་མ་འཕགས་པ་རིན་ཆེན། དེས་བདག་རིན་ཆེན་ཆོས་རྒྱལ་ལ་གནང་ངོ་།
།ཇོ་བོ་མུ་ཏིག་ཕྲེང་བ། འཇ་ལུས་སྒྲུབ་པ། ནད་དག་སྦྱང་། རྩའི་གདམས་པ་རྣམ་གསུམ། རྩ་སྒོར་རླུང་འདོན་པ། རྩ་རླུང་བསྐུམ། རྩ་ཁ་འབྱེད་པ། རྡོ་རྗེའི་བ་ར། ནད་སེལ་འཁྲུལ་འཁོར། རྒྱུད་གསུམ་དྲིལ་བའི་མན་ངག །རྣམས་ཀྱི་བརྒྱུད་པ་ནི། བླ་མ་འཇག་པ་བྱམས་པ་དཔལ་ཡན་འདྲ། དེས་བླ་མ་ཆོས་ཀྱི་གྲགས་པ། སྐུངས་ལུང་བ་སངས་རྒྱས་དཔལ། བདག་གི་བླ་མ་དུས་ཞབས་པ། དེས་བདག་རིན་ཆེན་ཆོས་རྒྱལ་ལ་གནང་ངོ་།
།སྐུ་གསུམ་ལམ་ཁྱེར་གྱི་རྡོ་རྗེའི་ཚིག་རྐང་། དེའི་འགྲེལ་པ་ཁྱུང་པོས་མཛད་པ། སྣང་བ་རང་སེམས་ཀྱི་ཁྲིད་རྣམས་ཀྱི་བརྒྱུད་པ་ནི་གོང་དང་འདྲའོ།
།མཁའ་འགྲོའི་སྙན་བརྒྱུད་རྣལ་འབྱོར་པའི་བར་ཆད་བསྲུང་བ་རྣམ་ཤེས་ཡི་དམ་ལ་འཕོ་བའི་མན་ངག་གི་བརྒྱུད་པ་ནི། རིན་ཆེན་བདུན། གྲུབ་ཐོབ་ཨ་སེང་། བླ་མ་གསེར་གླིང་བ་བཀྲ་ཤིས་དཔལ། བླ་མ་རྡོ་རྗེ་དཔལ། དྷརྨ་ཤྲཱི་པྲཛྙཱ། ཆོས་གྲགས་པ། སྐུངས་ལུང་པ་སངས་རྒྱས་དཔལ། འཕགས་པ་རིན་ཆེན། དེས་བདག་རིན་ཆེན་ཆོས་རྒྱལ་ལ་གནང་ངོ་།
།ཀླུའི་རྒྱལ་པོ་མཆོག་སྦྱིན་ལ་དངོས་གྲུབ་བླང་བའི་བརྒྱུད་པ་ནི། རིན་ཆེན་བདུན། མཁས་གྲུབ་ཆོས་རྗེ། བླ་མ་བསམ་གཏན་རིན་ཆེན། གསེར་གླིང་པ་མན་སྔ་མ་བཞིན་ནོ།
Sukhasiddhi
།ཡེ་ཤེས་ཀྱི་མཁའ་འགྲོ་མ་སུ་ཁ་སིདྡྷིའི་ཆོས་སྐོར་ལ། གསང་སྒྲུབ་ཀྱི་བཀའ་བསྐྱེད་རིམ་བཟླས་པ་དང་བཅས་པ། ཆོས་དྲུག་སོ་སོའི་ཁྲིད། གསང་སྒྲུབ་ལྟེ་བ་སྤྲུལ་འཁོར་གྱི་རྒྱ་གཞུང་། གསང་སྒྲུབ་ཀྱི་མན་ངག་གཉན་སྟོན་གྱིས་མཛད་པ། ཞལ་གདམས་སུ་ཁ་མ་ཉིད་ཀྱིས་གཉན་སྟོན་ལ་གསུངས་པ། མཁའ་འགྲོ་དང་རང་སེམས་གཉིས་མེད་དུ་ཕྱག་རྒྱ་ཆེན་པོར་ངོ་སྤྲོད་པ། བདེ་བ་དགུག་ཐབས་དང་བཅས་པའི་བརྒྱུད་པ་ནི། རྒྱལ་བ་རྡོ་རྗེ་འཆང་། སློབ་དཔོན་ནག་པོ་འབིར་ཝ་པ། མཁའ་འགྲོ་མ་སུ་ཁ་སིདྡྷི། མཁས་གྲུབ་ཁྱུང་པོ་རྣལ་འབྱོར། རྨོག་ལྕོག་པ་རཏྣ་བིརྻ། དབོན་སྟོན་དྷརྨ་སིངྷ། གཉན་སྟོན་དྷརྨ་པྲཛྙཱ། སངས་རྒྱས་སྟོན་པ་བིརྻ་སིངྷ། ཤངས་པ་སྟོན་ཆུང་། འཇག་པ་རྒྱལ་མཚན་འབུམ། བླ་མ་བྱམས་པ་དཔལ། གྲུབ་ཆེན་སངས་རྒྱས་དར། མཉམ་མེད་སངས་རྒྱས་དཔལ། ཆོས་རྗེ་དུས་ཞབས་པ་ཨརྻ་རཏྣ། དེས་བདག་ལ་གནང་ངོ་།
།ལུས་འཆི་མེད་ཀྱི་བཀའི་ཆོ་ག །བྱིན་རླབས་དང་བཅས་པ། འཆི་མེད་འཁྲུལ་འཁོར་གྱི་མན་ངག་སངས་རྒྱས་སྟོན་པས་མཛད་པའི་བརྒྱུད་པ་ནི། རྡོ་རྗེ་འཆང་། རྣལ་འབྱོར་གྱི་དབང་ཕྱུག་འབིར་ཝ་པ། སློབ་དཔོན་བྲམ་ཟེ་ནག་པོ། བླ་མ་དུར་ཁྲོད་ནག་པོ། བླ་མ་ལ་སྟོད་མགོན་པོ། སངས་རྒྱས་གཉན་སྟོན། སངས་རྒྱས་སྟོན་པ་མན་གོང་དང་འདྲ།
རྟ་མགྲིན་གསང་སྒྲུབ་ཀྱི་དབང་། སྒྲུབ་ཐབས། འཁོར་ལོ་དང་བཅས་པའི་བརྒྱུད་པ་ནི། སློབ་དཔོན་པདྨ་འབྱུང་གནས། སྐྱེར་སྒང་པ། གཉན་སྟོན་པ། སངས་རྒྱས་སྟོན་པ། ཤངས་སྟོན། རྒྱལ་མཚན་འབུམ། བྱམས་པ་དཔལ། སངས་རྒྱས་དར། སངས་རྒྱས་དཔལ། ཆོས་རྗེ་དུས་འཁོར་བ། དེས་བདག་ལ་གནང་ངོ་།
།ཡང་ཤངས་སྟོན་གྱིས། གསེར་གླིང་བ་བཀྲ་ཤིས་དཔལ། རྡོ་རྗེ་དཔལ། ཆོས་དཔལ་ཤེས་རབ། རྒོད་སྤྲུག་གྲགས་པ་འབྱུང་གནས། འགོས་ལོཙྪ་བ་གཞོན་ནུ་དཔལ། དེ་གཉི་ག་ལ་རྒྱལ་དབང་བསོད་ནམས་རྒྱལ་མཚན། དེས་བདག་ལ་ལེགས་པར་གནང་ངོ་།
།སངས་རྒྱས་སྟོན་པས་མཛད་པའི་བཅོད་ཀྱི་གཞུང་ཁྲིད་རིན་ཆེན་འཕྲེང་བ། ཆོས་དབང་སེམས་ལ་བསྐུར་བ། གདན་ཐོག་ཅིག་མ། དམ་པའི་དམིགས་པ་སྐོར་གསུམ་གྱི་བརྒྱུད་པ་ནི། སངས་རྒྱས། འཇམ་དཔལ་སྨྲ་བའི་སེང་གེ བྲམ་ཟེ་ཨཱརྻ་དེ་བ། དམ་པ་མི་ཕམ་མགོན་པོ། སྐྱོ་བསོད་ནམས་བླ་མ། དེ་ལ་མ་ཅིག་ལབས་ཀྱི་སྒྲོན་མ།
ཡང་ཡུམ་ཆེན་མོ། རྗེ་བཙུན་མ་སྒྲོལ་མ། མཁའ་འགྲོ་སུ་ཁ་སིདྡྷི། ཕ་དམ་པ་རྒྱ་གར། དེ་ལ་མ་ཅིག་ལབས་ཀྱི་སྒྲོན་མས་གསན། ཁུ་སྒོམ་ཆོས་ཀྱི་སེང་གེ །དོལ་པ་ཟང་ཐལ། རྒྱ་ནག་གཅེར་བུ། སངས་རྒྱས་རབ་སྟོན་བསོད་ནམས་གཞོན་ནུ། སངས་རྒྱས་དགེ་སློང་ཟལ་མོ་བ། སུམ་སྟོན་རས་པ་དྷརྨ་བཛྲ། སངས་རྒྱས་སྟོན་པ་བརྩོན་འགྲུས་སེང་གེ །ཤངས་སྟོན་ཚུལ་ཁྲིམས་འབུམ། བླ་མ་རྒྱལ་མཚན་འབུམ། བླ་མ་བྱམས་པ་དཔལ། གྲུབ་ཆེན་སངས་རྒྱས་དར། མཉམ་མེད་སངས་རྒྱས་དཔལ། ཆོས་རྗེ་དུས་ཞབས་པ་ཨཱརྻ་རཏྣ། དེས་བདག་ལ་གནང་ངོ་།
་་་