'chi med ye shes kyi khrid

Resource ID	CN27
Title	'chi med ye shes kyi khrid
Topics	Immortality
Sub-Topics	Commentary
Associated Person	Bodong Cholé Namgyel
Link	BDRC W22103 (p.205)
Notes	Commentary of sems 'chi med kyi rtsa ba

8 pages left to input
དེའི་མན་ངག་རང་སེམས་འཆི་མེད་རང་གྲོལ་གྱི་ཁྲིད་ནི།
འཆི་མེ་ཡེ་ཤེས་རང་སྒྲ་འདི་སྐད་ཐོས། རྡོ་རྗེ་འཆང་གིས་ཡེ་ཤེས་ཀྱི་མཁའ་འགྲོ་ནི་གུ་མ་ལ་གདམས་པ་རང་སེམས་འཆི་མེད་ཡེ་ཤེས་ཆེན་པོར་རྟོགས་པའི་ཐབས་འདི་ཉིད་ཡིན་ནོ་གསུང་།
གང་ཞིག་དད་ལྡན་དབང་ཐོབ་དམ་ཚིག་ཅན། །ཞེས་གསུངས་ཏེ།
དད་ལྡན་གྱི་སློབ་མ་སྤྱིར་རྡུལ་ཚོན་གྱི་དཀྱིལ་འཁོར་དུ་དབང་སྐུར་བ་ཐོབ་ཅིང་། ཁྱད་པར་དུ་དིའི་ཏིང་ངེ་འཛིན་གྱི་དབང་ཐོབ་ནས་རྒྱུད་སྨིན་པ་སྡོམ་པ་དང་དམ་ཚིག་མ་ཉམས་སོ། །ཚེ་འདི་བློས་བཏང་ནས་རྩེ་གཅིག་དུ་སྒོམས་པའི་རྣལ་འབྱོར་པས་་་་་་དང་ལྡན་པའི་བླ་མ་མཆོག་ལ་ཚོགས་དང་། གསེར་གྱི་མཎྜལ་ཕུལ། ལུས་ངག་གི་བྱ་བས་མཉེས་པར་བྱས་ཏེ་སྒོམས་པས།
།རྩེ་གཅིག་ཞག་བདུན་ལོ་སྒྲ་ཡིས། །ཇི་ལྟར་ཉོན་མོངས་ལུས་དག་ལ། །ཡེ་ཤེས་ལུས་ནི་རང་དགར་འབྱུང་། །ཞེས་གསུངས་པའི་དོན་་་་་། གཅིག་ལུས་གཅིག་ལ་འཆི་མེད་ཀྱི་ཡེ་ཤེས་དཔལ་རྡོ་རྗེ་འཆང་མངོན་དུ་བྱེད་པའི་ཐབས་སོ།
།འདི་ལ་སྦྱོར་དངོས་རྗེས་གསུམ་ལས།
དང་པོ་ནི། དབེན་པའི་གནས་སུ་སྟན་བདེ་བ་ལ་འདུག་སྟེ། འཆི་བ་མི་རྟག་པ་དང་འཁོར་བའི་སྡུག་བསྔལ་བསམ་ལས་རྒྱུ་འབྲས་ལ་ཡིད་ཆེས་སྐྱེད་ཏེ།
།ཚད་མེད་སེམས་སྐྱེད་སྔོན་འགྲོ་བས། ཅེས་གསུངས་པས་སྐྱབས་འགྲོ་སེམས་སྐྱེད་ཚད་མེད་བཞི་སྒོམ་མོ།
།ཆོ་ག་གསུམ་མམ་སྐད་ཅིག་གིས། །རང་ལུས་ཡི་དམ་ཡབ་ཡུམ་གྱི། ཞེས་སྦྱར་ལ་ལྷའི་སྐྱེར་ཚུལ་ནི། དེ་ཉིད་སྡུས་པ་ལ་སོགས་པར་མངོན་བྱང་ལྔ་གསུངས་པ་ནི། སྟོང་ཉིད་དང་། ཉི་ཟླ་དང་། ས་བོན་དང་། ཕྱག་མཚན་དང་། སྐུ་ཡོངས་སུ་རྫོགས་པ་ལས་བྱང་ཆུབ་ཅེས་དང་། ལ་བའི་ན་བཟའ་ཅན་གྱིས། གདན་དང་། ས་བོན་དང་། སྐུ་སྐྱེད་པ་དང་། འོད་གསལ་དུ་བཞུག་པ་དང་། ཅེས་གསུངས་ཀྱང་ཕྱི་མ་ནི་རྫོགས་རིམ་གྱི་ཆ་སྟེ་ཆོ་ག་གསུམ་ལས་སྐྱེད་པའམ། ཡང་ན་དྲ་བ་རྒྱ་མཚོའི་རྒྱུད་ལས་ཐིག་ལེ་ཁ་སྦྱོར་ལས་སྐྱེད་པ་ཅེས་དང་། བདེ་མཆོག་ཨ་བྷི་དྷ་ན་ལས། ་་་གིས་ནི་རྫོགས་པ་ཡི། རྣལ་འབྱོར་རྣལ་འབྱོར་དམ་པ་ཉིད། ཅེས་གསུངས་པས་ཐིག་ལེ་ཁ་སྦྱོར་རམ། སྐ་ཅིག་དཀྲོངས་སྐྱེད་ལ་སོགས་པ་གང་མོས་པ་ལ་རྟེན་ཏེ་རང་བདེ་མཆོག་ཡབ་ཡུམ་ལྷན་སྐྱེས་སུ་རྣམ་པ་གསལ་བར་སྒོམས་པའི་སྤྱི་བོར་དགོས་པ་གཅིག་བསམ། དེའི་ཐུགས་ཁ་ནས་འོད་ཟེར་འཕྲོས་པས་རང་ལ་ཆོས་འབྲེལ་ཚིག་གཅིག་ཡོད་པའི་བླ་མ་ཐམས་ཅད་དང་། དེ་དག་དང་འབྲེལ་བའི་རྒྱུད་པའི་བླ་མ་སངས་རྒྱས་བྱང་ཆུབ་སེམས་པ་ཡི་དམ་དཀྱིལ་འཁོར་གྱི་ལྷ་ཚོགས་དཔའ་བོ་མཁའ་འགྲོ་ཆོས་སྐྱོང་པའི་བསྲུངས་མ་ཐམས་ཅད་འོད་ཟེར་གྱི་ཚུལ་དུ་བྱུང་ནས་བླ་མ་ལ་ཐིམ་པས་དེ་དག་དང་དབྱེར་མེད་དུ་བསམས་ཏེ།
བདག་གིས་གཙོ་བྱས་པའི་སེམས་ཅན་ཐམས་ཅད་གསོལ་བ་གདབ་པ་ནི། བླ་མ་རིན་པོ་ཆེ། བདག་གིས་སེམས་ཅན་ཐམས་ཅད་ཀྱི་དོན་དུ་བདག་འཛིན་བློ་ཡིས་ཐོངས་པར༴ དགོས་མེད་རྒྱུད་ལ་སྐྱེ་བར༴ རང་སེམས་འཆི་མེད་རང་གྲོལ་དུ་རྟོགས་པར་བྱིན་གྱིས་རླབ་དུ་གསོལ། ཞེས་གསོལ་བ་དྲག་དུ་བཏབ་པས་བླ་མའི་སྐུ་ལས་འོད་ཟེར་འཕྲོས་ཏེ་རང་གི་ལུས་ངག་ཡིད་གསུམ་གྱི་སྡིག་སྒྲིབ་སྦྱངས་ནས་ཤིན་དུ་དག་པར་བསམ་མོ། །དེ་དག་གི་གནས་པར་རྒྱས་པར་ནི་བླ་མའི་ཞལ་ལས་ཤེས་པར་བྱ་ཞིང་། ཟབ་ཆོས་རྣམས་ཀྱི་སྤྱིར་འགྲོ་བླ་མའི་རྣལ་འབྱོར་ཡིན་གསུང་ངོ། །དེ་ནས་རང་གི་ལུས་ངག་ཡིད་གསུམ་གནད་ལ་ཕབ་སྟེ།

དངོས་གཞི་སྐྱེད་རྫོགས་ཀྱི་རྣལ་འབྱོར་བསྒོམ་པར་བྱ་བ་ནི།
འབིར་ཝ་པས། ངོ་བོ་ཟུང་འཇུག་ཏུ་བསྒོམ་པར་བཞེད་ཏེ།
བརྟག་གཉིས་ལས། སྐྱེད་པའི་རིམ་པ་ཉིད་དང་ནི། །རྫོགས་པ་ཡི་ཡང་རིམ་པ་ཉིད། །རིམ་གཉིས་མཉམ་པར་གནས་ནས་ནི། ཞེས་དང་།
རིམ་ལྔ་ལས། སྐྱེད་པའི་རིམ་དང་རྫོགས་པའི་རིམ། སོ་སོའི་ཆར་ནི་སྣང་གྱུར་ནས། གང་དུ་ཡང་དབང་འདྲེས་གྱུར་པ། ཟུང་དུ་འཇུག་པར་དེ་བཤད་དོ། ཅེས་དང་།
འདུས་པའི་རྒྱུད་ཕྱི་མ་ལས། སངས་རྒྱས་རྣམས་ཀྱིས་ཆོས་བསྟན་པ། །རིམ་པ་གཉིས་ལ་ཡང་དག་རྟེན། །སྐྱེད་པའི་རིམ་པ་དང༌པོ་སྟེ། །རྫོགས་པའི་རིམ་པ་གཉིས་པ་ཡིན། ཞེས་པ་ལ་སོགས་པ་ལ་རྟེན་ནས་སྐྱེད་རྫོགས་རིམ་ཅན་དང་ཟུང་འཇུག་ཏུ་སྒོམ་པ་དང་། འཕགས་པ་ཡབ་སྲསནི་སྐྱེད་རིམ་ལ་བརྟན་པ་ཐོབ་ནས་རྫོགས་རིམ་སྒོམ་སྟེ།
རིམ་ལྔ་ལས། སྐྱེད་པའི་རིམ་ལ་ལེགས་གནས་ནས། །རྫོགས་པའི་རིམ་པ་རབ་དུ་སྒོམ། ཅེས་གསུངས་པས། དེ་དག་གི་ས་འཚམས་ལ་སོགས་པ་ནི་འདིར་མ་སྤྲོས་སོ།

།དེ་ལ་གཉིས་པ་དངོས་གཞི་ལ་བདུན་ཏེ། སྐྱེད་རིམ་ལྷ་སྦྱོང་བའི་དམིགས་པ་དང་། སྣང་སྟོང་ཟུང་འཇུག་སྤྲོས་བྲལ་དུ་ཐག་གཅད་པ་དང་། རྡོ་རྗེའི་ཚིག་བཞིས་འཆི་མེད་དུ་ངོ་སྤྲད་པ་དང་། ཞར་ལ་སྐྱེད་རྫོགས་ཀྱི་གོལ་བ་བསྟན་པ་དང་། བར་དོར་ལོངས་སྐུ་འཆི་མེད་རྟོགས་པ་དཔེ་དང་བཅས་ཏེ་བསྟན་པ་དང་། གཞན་དོན་ཕྲིན་ལས་་་་་་་་བ་འབྱུང་བར་བསྟན་པ་དང་། དེ་དག་གི་དོན་སྡུས་ཏེ་བསྟན་པ་དང་བདུན་ནོ།
།དང་པོ་ནི། རང་ལུས་ཡི་དམ་ཡབ་ཡུམ་གྱི། །སྤྱི་གཙུག་ས་བོན་འོད་ཟེར་གྱིས། །ལུས་ཀྱི་ཕྱི་ནང་ཐམས་ཅད་ཀུན། །དག་ཅིང་སྟོང་གསལ་ཉིད་སྦྱངས་པས། །སྣང་སྟོང་འཇའ་ཚོན་འོད་ཀྱི་སྐུ། །རང་བཞིན་མེད་བཞིན་སྐུ་མདོག་དང་། །ཞལ་ཕྱག་རྒྱན་དང་མེ་ཕུང་བཅས། །གསལ་ལ་རྟོག་པ་མེད་པ་ཡི། །ཟག་མེད་བདེ་སྟོང་ཆེན་པོར་ལྟོས། ཅེས་གསུངས་པའི་དོན་ལ།
ཡབ་སྦྱང་། ཡུམ་སྦྱང་བ་གཉིས་སོ།
།ཡབ་ལ་ཕྱི་སྦྱང་། ནང་སྦྱང་། བརྒྱན་ཕྱག་མཚན་སྦྱང་བ་དང་གསུམ་ལས།
དང་པོ་བླ་མའི་རྣལ་འབྱོར་དང་། དབང་བླང་བ་སྔར་བཞིན་བྱས་ལ། རང་བདེ་མཆོག་དུ་སྒོམས་ཏེ། རྣམ་པ་གསལ་བ། རྣམ་དག་དྲན་པ། ང་རྒྱལ་བསྟན་པར་བྱའོ། །དེ་ཡང་ཐ་མལ་སྦྱོང་བྱེད་ཀྱི་གཉེན་པོ་ཡིན་པས་གསལ་བ་གལ་ཆེ་སྟེ། ཞལ་ཕྱག་བརྒྱན་དང་ཕྱག་མཚན་རྣམས། ཤིན་ཏུ་གསལ་བ་ཉིད་དུ་བསྒོམ། ཅེས་གསུངས་སོ།
།རྣམ་དག་དྲན་པ་ནི། རྟགས་དང་དོན་གྱི་རྣམ་དག་དྲན་པར་བྱེད་དེ། བྱང་ཆུབ་ཕྱོགས་ཀྱི་རང་བཞིན་ཅན། །མེ་ལོང་གཟུགས་རྙན་བཞིན་གསལ་ལྟ། ཅེས་གསུངས་སོ།
།ང་རྒྱལ་བརྟན་པ་ནི། སངས་རྒྱས་རྣལ་འབྱོར་ང་རྒྱལ་གྱིས། །སངས་རྒྱས་རྣལ་འབྱོར་ཉིད་དུ་འགྲུབ། ཅེས་གསུངས་པའི་ཆོས་གསུམ་དང་ལྡན་པར་བྱའོ། །དེ་ལྟར་གསལ་བའི་སྐྲ་འཚམས་འདིར་ཧཱུྃ་སྔོན་པོ་ཡེ་ཤེས་ལྔའི་རང་བཞིན་བཻ་དུརྻ་གཞུ་བ་ལྟ་བུ་ཡིག་གིས་ལྟ་མི་བཟོད་པ། འདོད་འོད་ཟེར་མེར་མེར་རེ་འཕྲོ་བ། དེ་ཉིད་ཀྱིས་ལྷ་སྐུ་མང་འོད་མོག་མོག་པོར་བྱས་པར་བསམ། དེའི་འོད་ཀྱིས་རང་གི་སྨིན་འཚམས་ཡན་ཆད་གསལ་དངས་སུ་མེར་མེར། དེ་མན་ཆད་བཻ་དུརྻའི་སྡོང་པོ་ལ་ཐལ་འབྱི་་་་གྱིས་གཡོགས་པ་ལྟ་བུ་གནག་མོག་གེ་བར་བསམ། དེ་བཞིན་དུ་སྣ་རྩེ། ཞལ་སྒོ། ཨོས་ཀོ། མགྲིན་པ། སྙིང་ཁ། ལྟེ་བ། སུམ་ཕྲག །པུས་མོ། ལོང་བུ། རྐང་པའི་མཐེ་བོང་ཡན་ཅད་གསལ་མི་གསལ་སྔར་བཞིན་སྒོམ། རེ་རེ་ལའང་བླ་མའི་རྣལ་འབྱོར་ལ་སོགས་པ་སྔར་བཞིན་བྱའོ།
།དེ་ལྟར་སྒོམ་པ་དེ་ཡིན་ནས་སྒོམ། མིན་པར་ཡང་སྒོམ།
དང་པོ་ནི། སྒོམ་མི་དགོས་ལ། མ་ཡིན་པར་ནི་སྒོམས་ཀྱང་དོན་མེད་ཟེར་ན། མིན་པ་ལ་མིན་པར་མ་ཤེས་པའི་ཕྱིར་སྐྱོན་དེ་མེད་གསུང་ངོ་། །མདོ་རྒྱུད་མན་ངག་ཀུན་ཀྱང་མཐུན་པར་གསུངས་ཏེ།
ཟླ་བ་སྒྲོན་མེའི་མདོ་ལས། །བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ། །འགྲོ་བ་འདི་དག་མ་ལུས་སངས་རྒྱས་རྒྱུ། ཅེས་དང་།
ཡུམ་ལས། སངས་རྒྱས་རྣམས་འཇིག་རྟེན་དུ་བྱོན་ཡང་རུང༌། མ་བྱོན་ཡང་རུང༌། སེམས་ཅན་འདི་དག་ནི་དུས་རྟག་ཏུ་ཆོས་སྐུའི་སྙིང་པོ་ཅན་ནོ། །ཅེས་དང་།
བརྒྱན་སྟུག་པོ་བཀོད་པའི་མདོ་ལས། །ཇི་ལྟར་རིན་ཆེན་རྣམ་པར་དག །རི་བྲག་མེ་ཡིས་གཅད་གཏུབས་ཀྱང་། །རྒྱལ་པོའི་ཅོད་པན་བརྒྱན་ཡིན་པས། །ཅོད་པན་ཉིད་དུ་གདགས་པར་བྱ། །དེ་བཞིན་ཀུན་གཞིའི་རྣམ་ཤེས་ཀྱང་། །ཉོན་མོངས་བག་ཆགས་གཅད་་་་་་་ས་ཀྱང་། །རྣམ་དག་སངས་རྒྱས་རིགས་ཡིན་ཏེ། །སངས་རྒྱས་ཉིད་དུ་དེ་བཟུང་ངོ་། །ཞེས་དང་།
མྱ་ངན་འདས་ཆུང་ལས། རིགས་ཀྱི་བུ། དེ་བཞིན་གཤེགས་པའི་སྙིང་པོ་ནི་སེམས་ཅན་ཐམས་ཅད་ལ་ཡོད་པ་ལ་མཐོང་མ་ནུས་པ་ཙམ་དུ་ཟད་དོ། །ཅེས་དང་།
མདའ་ཀ་ཡེ་ཤེས་ལས། སེམས་ནི་ཡེ་ཤེས་འབྱུང་བའི་རྒྱུ། །སངས་རྒྱས་གཞན་དུ་མ་ཚོལ་ཅིག །ཞེས་པ་དང་།
གསང་འདུས་ལས། མདོར་ན་ཕུང་པོ་ལྔ་རྣམས་ནི། །སངས་རྒྱས་ལྔར་ནི་རབ་ཏུ་གྲགས། །རྡོ་རྗེ་སྐྱེ་མཆེད་འདི་དག་ཀྱང་། །བྱང་ཆུབ་སེམས་དཔའི་དཀྱིལ་འཁོར་མཆོག །ཅེས་དང་།
བདེ་མཆོག་ཨ་བྷི་དྷ་ན་ལས། ཁམས་གསུམ་པ་་་་་་སེམས་ཅན་ཀུན། །ཧེ་རུ་ཀ་སོགས་བལྟ་བྱ་ཞིང་། ཞེས་དང་།
སཾ་བུ་ཊི་ལས། སངས་རྒྱས་ཐམས་ཅད་བདག་ཉིད་ཡིན། །ར་ས་ཡ་ནའི་བདེ་བ་ཡིས། །རྡོ་རྗེ་སེམས་དཔའི་དཔལ་དང་ཚེ། །ལང་ཚོ་ནད་མེད་བདེ་མཆོག་འགྲུབ། ཅེས་དང་།
རྡོ་རྗེ་མཁའ་འགྲོ་ལས། གཟུགས་ནི་སངས་རྒྱས་རྣམ་སྣང་མཛད། །ཚོར་བ་རྡོ་རྗེ་ཉི་མ་ཡིན། །འདུ་ཤེས་པད་མ་གར་དབང་སྟེ། །འདུ་བྱེད་རྡོ་རྗེ་རྒྱལ་པོ་ཡིན། །རྣམ་ཤེས་རྡོ་རྗེ་སེམས་དཔའ་སྟེ། ཅེས་དང་།
ཧེ་བཛྲ་ལས། སེམས་ཅན་རྣམས་ནི་སངས་རྒྱས་ཉིད། །འོན་ཀྱང་བློ་བུར་དྲི་མས་སྒྲིབས། །དེ་བསལ་ནས་ནི་སངས་རྒྱས་ཉིད། ཞེས་དང་། སངས་རྒྱས་མ་ཡིན་སེམས་ཅན་ནི། །གཅིག་ཀྱང་ཡོད་པ་མ་ཡིན་ནོ། །ཞེས་དང་། ལུས་ལ་ཡེ་ཤེས་ཆེན་པོ་གནས། ཅེས་པ་ལ་སོགས་པ་གསུངས་པས་གཞིའི་ཉེས་པ་ཟག་མེད་མངོན་དུ་འགྱུར་བའི་ཕྱིར་ཡིན་ནོ་གསུང་ངོ་།
།སློབ་དཔོན་རྡོ་རྗེ་དྲིལ་བུ་པས། འགྲོ་བ་འདི་དག་རང་བཞིན་གྱིས། །གྲུབ་པའི་དཀྱིལ་འཁོར་གཉིས་མེད་པའོ། །ཞེས་དང་།
ནག་པོ་པའི་དཀྱིལ་ཆོག་ལས། བདག་ཉིད་སངས་རྒྱས་ཐམས་ཅད་དང་། །རྣལ་འབྱོར་མ་ནི་ཀུན་གྱི་དངོས། །དེ་བས་འབད་པ་ཐམས་ཅད་ཀྱིས། །ཧེ་རུ་ཀ་དཔལ་བདག་མཆོད་དོ། །ཞེས་གསུངས་སོ།
གཉིས་པ་ནང་སྦྱང་བ་ནི། སྔོན་འགྲོ་རྣམས་སྔར་བཞིན་བྱས་ཏེ། དངོས་གཞི་སྐྲ་འཚམས་ཀྱི་ཧཱུྃ་ལས་འོད་ཟེར་མེར་མེར་འཕྲོས། སྤྱི་བོ་ཚངས་པའི་བུ་ཁ་ན་མར་ཞུགས། ལུས་ནང་གི་སྨིན་འཚམས་ཡན་ཆད་ཀྱི་མི་གཙང་་་་་་་ལྗན་ལྗིན་དུ་སྣང་བ་ཐམས་ཅད་སྦྱངས་་་་་་་་་་གི་བུམ་པ་གཡའ་དག་པ་བཞིན་ཕྱི་གསལ་ནང་གསལ་དུ་བསམ། རང་ཉིད་ལྷར་གསལ་བའི་དུ་བཞིན་དྲི་མ་དང་སྐྱོན་གྱིས་མ་གོས་པར་་་་་་ཀྱང་སྐྲ་འཚམས་ཀྱི་ཧཱུྃ་དེ་འོད་ཀྱི་རང་བཞིན་འཆར་དྲགས་པས་དེ་མན་ཆད་་་་་་་། མོག་གེ་བ་བྱས་པ་ལྟ་བུ་བསམ་གསུང་། རྩ་བའི་ཧཱུྃའམ་་་་་ཀྱི་འཚམས་ལ་སེམས་ཡུད་དེ་གཏ་་་་་རྣམ་རྟོག་གི་ཆོམ་རྐུན་གྱི་གནོད་པ་མ་བྱུང་གི་བར་དུ་སྒོམ་མོ། །ཡང་སྔོན་འགྲོ་རྣམས་སྔར་བཞིན་བྱས་ཏེ་ཧཱུྃ་གི་འོད་ཟེར་ཇེ་འཕྲོ་ལ་ཤངས་ཀྱི་ནང་། ཞལ་སྒོ། ཨོསྐོའི་ནང་དེ་བཞིན་དུ་མགྲིན་པ། སྙིང་ཁ་ལྟེ་བ་ཡན་ཆད་གསལ་དངས་འོད་ཀྱི་རང་བཞིན་ཅན། དེ་མན་ཆད་་་་་ མོག་གེ་བའི་ངང་ལ་སེམས་བཟུང་། ཡང་ཧཱུྃ་ལས་འོད་འཕྲོས་པས། སུམ་ཕྲག །པུས་མོ། ལོང་བུ། སོར་མོའི་རྩེ་མོ་ཡན་ཆད་ཕྱི་གསལ་ནང་གསལ་ནང་ཕྲུ་མ་ཕུས་བཏབ་པ་ལྟ་བུ་ཕྱི་འཇའ་འོད་ཀྱི་རྣམ་པ་གསལ་ལ་དངས་པར་སྒོམས་པའི་རིག་པ་སྙིང་ཁ་ཙམ་དུ་གསལ་ལེ། ཧྲིག་གེ་བཞག །དེ་ལྟར་སྒོམས་པས་ལུས་འབྱོངས་ནས་འཇའ་ལུས་དང་། སེམས་འབྱོངས་ནས་ཆོས་སྐུར་གྱུར་པ་དེ་ལ་ཚེ་གཅིག་ལུས་གཅིག་གིས་སངས་རྒྱས་ཞེས་གསུངས་སོ། །རྩེ་གཅིག་ཏུ་སྒོམས་པས་ཚེ་འདིའི་ཉོན་མོངས་རྣམ་རྟོག་ཇེ་ཆུང་ལ་མཐར་རང་ལུས་ལྷ་སྐུ་སྣང་ལ་རང་བཞིན་མེད་པ་འཇའ་འོད་ལྟ་བུའི་སྐུ་རང་ཤར་དུ་འབྱུང་། དྲིལ་བུ་པ། ན་རོ་པ། ནི་གུ་མ། ཁྱུང་པོ་རྣལ་འབྱོར། རཏྣ་བིརྻ་ལ་སོགས་པའི་བླ་མ་རྣམས་ལ་ལྷ་སྐུ་རང་ཤར་བྱུང་བའི་ལོ་རྒྱུས་གསུང་། གཞན་ཡང་མང་དུ་གསུང་། དཔལ་དགའ་་་་་། རྒོད་ཚང་པ། ཟུར་ཆུང་ཤེས་རབ་གྲགས་ལ་སོགས་པ་གསུང་ངོ་།
གསུམ་པ་བརྒྱན་ཕྱག་མཚན་སྦྱང་བ་ནི། སྔར་བཞིན་སྔོན་འགྲོ་སྒོམས་པའི་ངང་ནས། སྐྲ་འཚམས་ཀྱི་ཧཱུྃ་གི་འོད་་་་ཐོད་པའི་དབུ་བརྒྱན་རཏྣའི་ཟེ་ཀྲོག་དང་བཅས་པ་ཡང་ཕྱི་གསལ་ནང་གསལ་འོད་ཀྱི་རང་བཞིན་ཅན་དུ་བསམ། དེ་བཞིན་དུ་དབུ་སྐྲ་ཐོར་ཅོག་གི་ཡིད་བཞིན་ནོར་བུ། འཚོགས་མའི་རྡོ་རྗེ་རྒྱ་ཁྲམ། གཡོན་གྱི་ཟླ་བ། འཁོར་ལོ། རྣ་ཆ། མགུལ་རྒྱན། ཕྱག་ཞབས་ཀྱི་གདུབ་བུ། སྐ་རགས། ཐལ་ཆེན་གྱི་རྒྱ། མི་མགོ་རློན་པ་ལྔ་བཅུའི་དོ་ཤལ། སྟག་གི་ལྤགས་པའི་ཤམ་ཐབས། མེ་དཔུང་དང་། རྡོ་རྗེ་དྲིལ་བུ་ལ་སོགས་པ་བརྒྱན་ཕྱག་མཚན་ཐམས་ཅད་ལ་ཧུྃ་གི་འོད་ཀྱིས་ཁྱབ་པ་དང་། གསལ་དངས་འོད་ཀྱི་རང་བཞིན་ནམ་མཁའ་དངས་པ་ལ་གཟའ་སྐར་ཤར་བ་ལྟ་བུ་བརྒྱན་གྱིས་སྐུ་མི་སྒྲིབ། སྐུས་ཀྱང་བརྒྱན་མི་སྒྲིབ་པར་བསམ་མོ། །དེ་ལྟར་གསལ་བར་སྒོམས་པས་གནས་སྐབས་དང་མཐར་ཐུག་གི་འདོད་དོན་འགྲུབ་པའི་ཕྱིར། ད་གདན་ལ་སོགས་པ་བརྟན་ཞིང་ཆེ་བས་གཞི་བརྟན་པ་དང་། ཚེ་རིང་ལང་ཚོ་དང་ལྡན་ཞིང་བདེ་བ་རྒྱས་པས་ནི་ཁམས་བཟང་། ནད་ཉུང་། སྤྱན་གཉིས་དམར་ལ་ཟླུམ་པ། མཆེ་བ་རྣོ་ལ་རིང་བ། རུས་བརྒྱན་དཀར་ལ་རིང་བ་མི་མགོ་ཁྲག་འཇག་པ་ལ་སོགས་པ་གསལ་བས་སྣང་བ་ཟིལ་གྱིས་གནོན་པའི་དགོས་པ་ཡོད་པས་ལྷ་སྒོམ་པའི་དུས་སུ་་་་་་་་་་མི་བྱ་བར་གསལ་ཞིང་རོ་མྱང་བར་བྱས་ལ་སྒོམ་ཞེས་གསུངས་སོ། །རྣམ་དག་ཀྱང་དྲན་པར་བྱས་ཏེ། ཆོས་ཉིད་ལས་མི་འགྱུར་བའི་ཕྱིར་སྐུ་མདོག་སྔོན་པོ། ཚོགས་གཉིས་རྫོགས་པའི་ཕྱིར་རལ་པའི་ཐོར་ཅོག །རྟོགས་པ་འཕེལ་བའི་བརྡར་ཚེས་གཅིག་ཟླ་བ། ཕྲིན་ལས་སྣ་ཚོགས་ཀྱི་བརྡར་སྣ་ཚོགས་དྲེ། ཐབས་ཀྱི་ངོ་བོ་ཆགས་པ་དང་མྱང་འདས་ཀྱི་མཐའ་མནན་པའི་བརྡར་གཡས་བསྐྱང་། ཤེས་རབ་ཀྱིས་ཞེ་སྡང་དང་འཁོར་བའི་མཐའ་མནན་པའི་ཕྱིར་གཡོན་སྐུམ་པ་ལ་སོགས་ཤེས་པར་བྱའོ།
གཉིས་པ་ཡུམ་སྦྱང་བ་ལ་གསུམ་གྱི་དང་པོ་ཕྱི་སྦྱང་བ་ནི། ་་་
༢༡༢ གཉིས་པ་ཡུམ་གྱི་ནང་སྦྱང་བ་ཡང་། ་་་
༢༡༢ གསུམ་པ་ཡུམ་གྱི་ཕྱག་མཚན་སྦྱང་བ་ལ་སྔོན་འགྲོ་རྣམས་སྔར་བཞིན་བྱས་པའི་ཡུམ་གྱི་་་་

༢༡༣ གཉིས་པ་སྣང་སྟོང་ཟུང་འཇུག་སྤྲོས་བྲལ་དུ་ཐག་གཅད་པ་ནི། །རང་ལུས་སྣང་སྟོང་ལྷ་སྐུ་སེམས། །སེམས་ནི་སྣང་སྟོང་ལྷ་སྐུ་སེམས། །སེམས་དང་ལྷ་སྐུ་དབྱེར་མེད་དེ། །རྨི་ལམ་དུས་དང་་ཆུ་ཟླ་ལྟར། ཞེས་གསུངས་ཏེ། ་་་
༢༡༤ དེ་ཉིད་ཟུང་འཇུག་སྤྲོས་བྲལ་དུ་ཐག་གཅད་པ་དང་བཞི་ལས།
དང་པོ་ནི། འཁོར་་་
གུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །རྣམ་པར་ཤེས་པའི་གནས་དོན་རྣམས། །ཕྱི་རོལ་གྱུར་པ་ཅུང་ཟད་མེད། །ཅེས་པ་དང་།
ལང་ཀར་གཤེགས་པ་ལས། །བག་ཆགས་ཀྱིས་ནི་དཀྲུགས་པའི་སེམས། །དོན་དུ་སྣང་བ་རབ་ཏུ་འབྱུང་། །དོན་ཡོད་མ་ཡིན་སེམས་ཉིད་དེ། །ཕྱི་རོལ་དོན་མཐོང་ལོག་པ་ཡིན།
ཞེས་དང་སུམ་་་་་་་པ་ལས། དངོས་གཅིག་ཡིད་ལ་ཐ་དད་ཕྱིར། །དོན་མ་གྲུབ་པར་འདོད་པ་ཡིན། ཞེས་པ་དང་།
ས་ར་ཧས། སེམས་ཉིད་གཅིག་པུ་ཀུན་གྱི་ས་བོན་ཏེ། །གང་ལ་སྲིད་དང་མྱ་ངན་འདས་འཕྲོ་བ། །འདོད་པའི་འབྲས་བུ་རབ་ཏུ་སྟེར་བ་ཡིན། །ཡིད་བཞིན་ནོར་འདྲའི་སེམས་ལ་ཕྱག་འཚལ་ལོ། །ཞེས་གསུངས་པས་སེམས་ལས་མ་གཏོགས་པའི་ཆོས་གཞན་མ་གྲུབ་པར་་་་་་་་་་་ཅིང་ངོས་ཤེས་སྐྱེད་དོ།
༢༡༤ །གཉིས་པ་རང་ལུས་ལྷ་སྐུར་སྣང་བ་འདི་་་
༢༡༤ གསུམ་པ་རང་སེམས་ལྷ་སྐུར་ཤར་བ་བདེན་མེད་དུ་བསྟན་པ་ནི། ་་་
བཞི་པ་དེ་་་་་་་་་་་ཟུང་འཇུག་་་་་་་་་་་་་་་་་པ་ནི། །རང་བཞིན་ཟུང་འཇུག་ཆེན་པོ་ཡི། །ངོ་བོ་རྗོད་བྲལ་བློ་འདས་ཏེ། །དེ་ནི་དུས་གསུམ་སངས་རྒྱས་ཀྱིས། །མ་གཟིགས་མི་གཟིགས་གཟིགས་མི་འགྱུར། ཞེས་གསུངས་པའི་་་་
༢༡༥ ཁྱུང་པོ་རྣལ་འབྱོར་གྱི་ཞལ་ནས། །ལུས་གསུམ་གདམས་པས་མ་ཟིན་ན། །འཁྲུལ་པ་འབའ་ཞིག་རྗེས་སུ་འཇུག །ཅེས་སོ།
དེས་ན་སྔར་ ་་་ ལོངས་སྐུ་རང་ཤར་དུ་འབྱུང་སྟེ།
།རྣམ་སྨིན་བག་ཆགས་ཡིད་ཀྱི་ལུས། །གནད་ཀྱིས་ཟིན་པ་རྒྱལ་བའི་སྐུ། ཞེས་པ་ལ་སོགས་པ་གསུངས་པས་རང་སེམས་ལྷ་སྐུ་སྒྱུ་མ་ལྟ་བུ་དེ་ལ་གསུམ་སྟེ།
།ངོ་བོ་བརྗོད་བྲལ་བློ་འདས། རང་བཞིན་དབྱེར་མེད་་་་་་་་་། མཚན་ཉིད་མ་འདྲེས་ཡོངས་རྫོགས་བྱ་བ་ཡིན།
ཡེ་ཤེས་རྒྱ་མཚོའི་རྒྱུད་ལས། ལྷ་སྐུ་སྣང་སྟོང་སྒྱུ་མ་ཡི། །ངོ་བོ་བརྗོད་བྲལ་བློ་ལས་འདས། །རང་བཞིན་དབྱེར་མེད་མཐའ་བྲལ་ཏེ། །མཚན་ཉིད་མ་འདྲེས་ཡོངས་རྫོགས་ཏེ། །དེ་ལྟར་ཆོས་རྣམས་ཐམས་ཅད་ཀུན། །མཁས་པས་ཡོངས་སུ་ཤེས་པར་བྱ། ཞེས་བཤད་པས། ངོ་བོ་ལ་མཐའ་་་
་་་སྐྱེད་རིམ། ཞེས་བྱའོ།
།དེ་གཉིས་རང་བཞི་དབྱེར་མེད་མཐའ་བྲལ་ཡིན་ཏེ། ་་་

གསུམ་པ་རྡོ་རྗེའི་ཚིག་བཞིས་འཆི་མེད་དུ་ངོ་སྤྲད་པ་ནི། དེ་ལ་ན་རྒྱུ་འཆི་རྒྱུ་དང་། །འཁོར་བ་་མྱང་འདས་མ་གྲུབ་ཅིང་། འཕོ་བྱ་འཕོ་བྱེད་བྲལ་བས་ན། །དེ་ཕྱིར་འཆི་མེད་རང་གྲོལ་ལོ། །ཞེས་གསུངས་པའི་དོན་ཉམས་སུ་ལེན་པ་ལ། སྐྱབས་འགྲོ་ནས། ལྷ་སྐུ་སྐྱེ་འགག་གནས་གསུམ་ལ་སོགས་པ་དང་་་་ གླིང་རས་ཀྱི་གསུང་གིས། བཞི་བརྒྱ་རྩབཞིའི་ནད་འདུས་ཀྱང་། །རོ་སྙོམས་སྒོམ་པའི་་་ ་་་ཞེས་དང་། རྗེ་དམ་པ་ཁ་རག་སྒོམ་བྱུང་། སངས་རྒྱས་སྟོན་པ་ལ་སོགས་པའི་་་
༼ ༽

༢༡༦ བཞི་པ་རིམ་གཉིས་ཀྱི་གོལ་སྒྲིབ་བསྟན་པ་ནི།
།དེ་ལྟར་མ་རྟོགས་རྣལ་འབྱོར་པས། །བསྐལ་པར་སྒྲུབས་ཀྱང་དོན་མེད་འགྱུར། །ལོག་པའི་ལམ་ཞུགས་ཁོ་ནར་ཟད། ཅེས་གསུགས་པའི་དོན་ནི།
དེ་ལྟར་སྐྱེད་རྫོགས་ཟུང་འཇུག་དུ་མ་སྒོམས་ན་ཕྱོགས་་་་་་ཞེན་འཛིན་ཅན་གྱིས་བསྐལ་པའི་བར་དུ་སྒོམས་ཀྱང་དོན་མེད་ཏེ། ཁ་ཅིག་སྐྱེད་རིམ་་་་་་་དང་། ཀུན་བཏགས་ཡིན་པས་མི་དགོས་ཟེར་བ་དང་། ཡང་སྣང་སེམས་ཀྱིས་ཀུན་ནས་སླང་ན་རུ་དྲར་གོལ་ལ། ཆགས་སེམས་ཀྱིས་ཀུན་ནས་སླང་ན་གཟུགས་ཁམས་སུ་གོལ་་་་་ལོག་པ་ལམ་ཞུགས་ཁོ་ན་ཡིན་ནོ། །ཞེས་གསུངས་པས་རྒྱས་པར་ཞལ་ལས་ཤེས་སོ།

།ལྔ་པ་བར་དོར་ལོངས་སྐུ་འཆི་མེད་རྟོགས་པ་དཔེ་དང་བཅས་ཏེ་བསྟན་པ་ལ། ་་་དཔེ་གསུམ་དང་བཅས་པའོ།
།དང་པོ་ནི། ་་་ བར་དོའི་ལམ་རྫོགས་སོ།
།འདིར་མན་ངག་ཀྱང་་་་ ་་་སེམས་ཆོས་སྐུར་བརྟན་པ་ཐོབ་པོ། །ཞེས་གསུང་པ་ནི།
།གང་གིས་མཚམས་མེད་ལྔ་རྫོགས་ཀྱང་། །འཆི་ཁའི་ཚེའམ་དུས་གཞན་དུ། །འཆི་མེད་རྡོ་རྗེའི་ཚིག་རྐང་བཞི། །སྐ་ཅིག་ཡུད་ཙམ་གཅིག་པའམ། །དྲན་ཐོས་རེག་པར་གྱུར་པས་ཀྱང་། ༼ ༽ །གནད་གཅོད་སྡུག་བསྔལ་རང་དག་ནས། །བར་དོར་ལོངས་སྐུར་མངོན་སངས་རྒྱ། །སྒྲིབ་པ་ཆུང་བ་སྨོས་ཅི་དགོས། །འདི་ནི་འཆུག་མེད་གནད་ཡིན་ནོ། །ཞེས་གསུང་པ་ནི། ་་་ སྐྱེས་ནས་ཉམས་སུ་བླང་བ་ནི་འཆུག་མེད་ཀྱི་གནད་ཡིན་ནོ་གསུང་།
༢༡༨ གཉིས་པ་དེའི་དཔེ་གསུམ་ནི། སྔར་གོམས་་་ ་་་དང་འཕྲུལ་འཁོར་ནི།
།གལ་ཏེ་ལུས་སེམས་རྐྱེན་དབང་གིས། །འཆི་ཁར་གསལ་བར་མ་གྱུར་ཀྱང་། །དཔེར་ན་སྒྱོགས་ཀྱི་འཕྲུལ་འཁོར་བཞིན། །སྔར་གྱི་གནད་ཀྱིས་བར་མ་དོར། །རྒྱལ་བ་ལོངས་སྐུ་རང་ཤར་འབྱུང་། ཞེས་དང་།
མཉམ་བཞག་་་་་་་་་་་་་དཔེ། །འཚམས་སྦྱར་ངན་པས་རྒྱུད་བཀྲུགས་ཀྱང་། །གསལ་དངས་རྫིང་བུར་རྡོ་རྒྱབ་བཞིན། །སྔར་གྱི་གནད་ཀྱིས་བར་མ་དོར། །ལོངས་སྐུ་བདེ་ཆེན་རང་ཤར་འབྱུང་། ཅེས་དང་།
ཡེ་ཤེས་འཆི་མེད་ཟུང་འབྲེལ་གྱི་དཔེ་ནི། །བརྟན་པར་མ་གྱུར་ལོང་མེད་ཀྱང་། །བཅོ་ལྔའི་ཉི་རྒས་ཟླ་ཤར་་་་་་། །འདི་འམ་འཆི་ཁའི་དྲན་ཐོས་ཀྱིས། །བར་དོར་ལོངས་སྐུ་ཐེ་ཚོམ་མེད། ཅེས་གསུངས་ལ།
རྒྱུད་ལས། ཇི་ལྟར་ཆུ་་་

དྲུག་པ་ཕྲིལ་ལས་་་་་་་་བ་དུ་འབྱུང་བ་ནི། །རང་སེམས་སྐྱེ་མེད་ཆོས་སྐུ་ལས། །འགག་མེད་ལོངས་སྐུར་རང་ཤར་གྱིས། །འཁོར་བའི་རྒྱ་མཚོ་མ་སྟོངས་བར། །གང་འདུལ་གཞན་དོན་ལྷུན་གྱིས་གྲུབ། །ངོ་བོ་རྣམ་པ་ཕྲིན་ལས་གསུས། །ཟུང་འཇུག་ཆེན་པོར་རྟོགས་པར་བྱ། ཞེས་གསུངས་པ་ཡིན་ནོ།

བདུན་པ་དེག་གི་དོན་སྡུས་ཏེ་བསྟན་པ་ནི། །འཆི་བ་ཞེས་བྱ་རྣམ་རྟོག་སྟེ། །འཆི་རྒྱུ་མེད་པ་དབང་པོ་རབ། །དེ་དོན་སྐ་ཅིག་རྟོགས་གྱུར་པས། །དག་པ་བདེ་སྟོང་མཁའ་སྤྱོད་འགྲོ། །དུས་གསུམ་རྒྱལ་བས་འདི་རྟོགས་པས། །བདུད་བཏུལ་སངས་རྒྱས་འཁོར་ལོ་བསྐོར། ཞེས་པའི་དོན་རྣམས་སྔར་རྒྱས་བར་བསྟན་ཟིན་་་་་།
ཕྱི་དོན་གསུམ་པ་མཇུག་གི་ཆོས་སྐུ་བ་ནི། དེ་ལྟར་རྟོགས་ཤིང་་་་ ་་་ཆོས་སྐྱེད་པའོ།
༢༡༩ །དང་པོ་ནི། །དེ་ཕྱིར་རྒྱལ་བའི་ཐུགས་བཅུད་འདི། །མདོ་རྒྱུད་དུ་མ་བསྟན་གྱུར་ཀྱང་། །དམ་པའི་དྲིན་གྱི་མ་གཏོགས་པར། །ཐབས་གཞན་གང་གིས་རྙེད་མི་འགྱུར། །དེ་ཕྱིར་བླ་མ་མཆོག་སྟེན་ནས། །གུས་ཤིང་མཉེས་པ་མཆོག་ཡིན་ནོ།
།ཞེས་པའི་དོན་ནི། ཚེ་གཅིག་ལུས་གཅིག་ལ་རང་སེམས་འཆི་མེད་ཕྱག་རྒྱ་ཆེན་པོའི་རྟོགས་པ་སྐྱེ་བ་ནི་བླ་་་་
གཉིས་པའི་དོན་ནི། །སྙིགས་མར་ལོག་བལྟས་རྒྱུད་དཀྲུགས་ཚེ། །ཡིད་ཆེས་ལུང་གིས་བརྒྱན་པར་བྱའོ།
།ཅེས་པའི་དོན་ནི། སེམས་ཉིད་ལྷ་སྣང་དང་། ་་་
།འཆི་མེད་ཡེ་ཤེས་ཆེན་པོ་འདི། །ཆིག་རྒྱུད་རྡོ་རྗེའི་རྒྱ་ཡིས་གདབ། །མི་རབས་བདུན་ནས་གསུམ་ལའོ། །རང་སེམས་འཆི་མེད་རང་གྲོལ་རྫོགས་སོ།
།ཞེས་པའི་དོན་ནི། སེམས་ཉིད་ཀྱི་ངོ་བོ་སྐྱེ་འཆི་དང་བྲལ་བ་ཡིན་ལ། ་་་
རང་སེམས་འཆི་མེད་རང་གྲོལ་ཡེ་ཤེས་ཀྱི་མཁའ་འགྲོ་མ་ནི་གུ་མས་ཁྱུང་པོ་རྣལ་འབྱོར་ལ་དབང་དང་གདམ་ངག་མ་ལུས་པར་གནང་ཞིང་། རྟོགས་པའི་ཆིག་རྒྱུད་ཐོབ། དེ་ནས་རིམ་གྱིས་རྒྱུད་ཏེ་ཟབ་ལམ་གྱི་སྙིང་པོ་འདི་འཕེལ་བ་ཡིན་ནོ།
༢༢༠ འཆི་མེད་ཡེ་ཤེས་ཀྱི་ཁྲིད་ལེའུ་ཆེན་གསུམ་པ་རྫོགས་སོ།