Lha bzhi'i sgo nas gzhan la dbang bskur ba

Resource ID	SCv11p212
Title	lha bzhi'i sgo nas gzhan la dbang bskur ba
Topics	Initiation
Sub-Topics	Combined Accomplishment of the Four Deities
Link	BDRC W23922

༈ ལྷ་བཞིའི་སྒོ་ནས་གཞན་ལ་དབང་བསྐུར་བ་བཞུགས་སོ།།

༈ ༼ཐི༽ ལྷ་བཞིའི་དབང་གཞན་ལ་བསྐུར་བ་ནི།
མཎྜལ་པདྨ་འདབ་བཞིའི་སྟེང་དུ་ལྷ་རྣམས་བསྐྱེད། ཡེ་ཤེས་པ་བསྟིམ་ལ་མཆོད་བསྟོད་བྱ། ཚོགས་ཀྱི་ཡོ་བྱད་རྣམས་དབུལ། དེ་ནས་སློབ་མའི་སྤྱི་བོར་ལྷ་རྣམས་དམ་ཚིག་པའི་ཚུལ་དུ་བསྐྱེད། མཎྜལ་གྱི་ལྷ་ཚོགས་ལ་གསོལ་བ་བཏབ་པས། ལྷ་རྣམས་རིམ་གྱིས་རྦད་ཆད་ནས་སྤྱི་བོར་བྱོན་པ་དང་། བྱིན་གྱིས་རློབས་སྙམ་དུ་ཡང་ཡང་མོས་གུས་བྱས་པས། ནད་གདོན་སྡིག་སྒྲིབ་ཐམས་ཅད་སངས་ཀྱིས་དག་པར་བསམ་མོ། །དེ་ནས་ལྷ་བཞི་བླ་མ་ལ་བསྟིམ་པ་དང་། དབང་བཞི་བླང་ངོ་། །སྣོད་ལྡན་རེ་ཙམ་ལ་སྟེར་ན་རང་ལ་དབང་བསྐུར་བ་ལྟར་བྱའོ།
།འདིའི་བརྒྱུད་པ་ནི། རྡོ་རྗེ་འཆང་། རཱ་ཧུ་ལ། དེས་ཤངས་པ། དེས་རྨོག་ལྕོག་པ། དེས་སྐྱེར་སྒང་པ། དེས་སངས་རྒྱས་གཉན་སྟོན། དེས་སངས་རྒྱས་སྟོན་པ། དེས་བླ་མ་ཤངས་སྟོན། དེས་རྒྱལ་བ་མུས་ཆེན་པོ། དེས་བླ་མ་རྡོ་རྗེ་གཞོན་ནུ། དེས་རིན་ཆེན་ནམ་མཁའི་རྣལ་འབྱོར་པ། དེས་རྡོ་རྗེ་འཛིན་པ་ཆེན་པོ་དགེ་ལེགས་དཔལ་བཟང་པོ། དེས་རྗེ་བཙུན་དམ་པ་ཆོས་ཀྱི་རྒྱལ་མཚན་དཔལ་བཟང་པོ། དེས་བདག་ཀུན་དགའ་དགེ་ལེགས་རིན་ཆེན་རྒྱལ་མཚན་དཔལ་བཟང་པོ་ལ་ཐུགས་བརྩེ་བའི་སྒོ་ནས་དགྱེས་བཞིན་དུ་གནང་བ་ལགས་སོ།། །།