Rje btsun phyogs las rnam rgyal gyis mdzad pa'i ne gu chos drug gi brgyud rim gsol 'debs

Resource ID	PROVA
Title	rje btsun phyogs las rnam rgyal gyis mdzad pa'i ne gu chos drug gi brgyud rim gsol 'debs
Topics	Lineage prayer
Author	Bodong Cholé Namgyel
Link	BUDA MW2PD20238
Notes	Close to rgyud pa'i gsol 'debs che chung gsum first prayer.

རྗེ་བཙུན་ཕྱོགས་ལས་རྣམ་རྒྱལ་གྱིས་མཛད་པའི་ནེ་གུ་ཆོས་དྲུག་གི་བརྒྱུད་རིམ་གསོལ་འདེབས་བཞུགས་སོ།

རྒྱལ་བ་ཀུན་གྱི་བདག་པོ་རྡོ་རྗེ་འཆང་། །ཡེ་ཤེས་མཁའ་འགྲོ་དཔལ་ལྡན་ནེ་གུ་མ། །མཁས་གྲུབ་ཆེན་པོ་ཁྱུང་པོ་རྣལ་འབྱོར་ཞབས། །གསོལ་བ་འདེབས་སོ་བདག་རྒྱུད་བྱིན་གྱིས་བརློབས།
།དཔག་ཡས་ཡོན་ཏན་མཐར་ཕྱིན་རྨོག་ཅོག་པ། །འཇིག་རྟེན་དབང་པོས་རྗེས་གཟུང་སྐྱེར་སྒང་པ། །གསང་ཆེན་ལམ་རིམ་རྒྱས་མཛད་སྙན་སྟོན་ཞབས།
།འགྲོ་བའི་བླ་མ་སངས་རྒྱས་སྟོན་པར་གྲགས། །མཁས་མཆོག་གྲུབ་པ་མཐར་ཕྱིན་གཞོན་ནུ་གྲུབ། །འགྲོ་ལ་ཐར་པའི་ལམ་སྟོན་ཞང་སྟོན་ཞབས། ༴
།ཟབ་རྒྱས་ཆོས་ཚུལ་ཐུགས་ཆུད་ཤངས་ཆེན་པ། །ལྷག་བསམ་གུར་ཆེན་མངའ་བའི་རྒྱལ་མཚན་འབུམ། ༴
།འགྲོ་ཀུན་བྱམས་པས་སྐྱོང་མཛད་བྱམས་པ་དཔལ། །དཀའ་སྤྱད་མཐར་ཕྱིན་དབང་ཕྱུག་རྒྱལ་མཚན་ཞབས། །རླུང་སེམས་དབང་འདུས་མཚན་ལྡན་ལ་ཕྱི་པ། ༴
།བྱམས་དང་ཉིང་རྗེའི་བདག་ཉིད་འདུལ་འཛིན་པ། །བསྟན་པའི་སྒྲོན་མེ་ནམ་མཁའ་བསམ་གྲུབ་པ། །བཀའ་དྲིན་འཁོར་མེད་མཁས་བཙུན་ཆོས་རྗེའི་ཞབས། ༴
།ཀུན་མཁྱེན་གཉིས་པ་བསོད་ནམས་ཆོས་གྲུབ་པ། །བཀའ་དྲིན་འཁོར་མེད་རབ་འབྱམས་དཀོན་བསམ་ཞབས། །ཐུགས་རྗེ་མྱུར་མཛད་ཕྱག་དྲུག་མགོན་པོ་ལ། ༴
།དཔལ་ལྡན་བླ་མ་སྐུ་བཞི་དབང་ཕྱུག་གིས། །དཀྱིལ་འཁོར་རྣམ་བཞིར་དབང་ཆོག་བཞི་བསྐུར་ནས། །དྲི་མ་རྣམ་བཞི་དག་ནས་རྒྱུད་སྨིན་ཏེ། །ལམ་གྱི་སྣོད་དུ་རུང་བར་བྱིན་གྱིས་བརློབས།
།མཚན་ལྡན་བླ་མ་མཁྱེན་རྩེ་བསམ་མི་ཁྱབ། །བདག་སོགས་སྙིགས་མའི་དུས་ཀྱི་འགྲོ་རྣམས་ལ། །ལྷུན་གྲུབ་བདེ་དྲོད་འབར་བར་བྱིན་གྱིས་བརློབས། །ཅིར་སྣང་སྒྱུ་མར་ཤེས་པར༴
།ཉིང་འཁྲུལ་རྨི་ལམ་ཟིན་པར༴ །འོད་གསལ་མངོན་དུ་འགྱུར་བར༴ །འཕོ་མེད་འཕོ་བ་འབྱོངས་པར༴ །བར་དོ་ལོངས་སྐུར་འཆར་བར༴
།གཞིའི་གནས་ཚུལ་འོད་གསལ་མི་ཤིགས་པར། །བླ་མའི་དྲིན་གྱིས་རྟོགས་ཤིང་ལམ་གྱིས་སྐྱང་། །བསྒོམས་པས་ཚེ་འདིར་འབྲུས་མངོན་གྱུར་ནས། །འགྲོ་ཀུན་བདེ་ལ་འགོད་པར་བྱིན་གྱི་བརློབས།