Difference between revisions of "Shangs pa bka' brgyud brgyud pa'i rnam thar gsol 'debs"
| (39 intermediate revisions by the same user not shown) | |||
| Line 4: | Line 4: | ||
|Wylie Title=dpal ldan shangs pa bka' brgyud kyi ngo mtshar rin chen brgyud pa'i rnam thar la gsol ba 'debs pa u dum+ba ra'i phreng ba | |Wylie Title=dpal ldan shangs pa bka' brgyud kyi ngo mtshar rin chen brgyud pa'i rnam thar la gsol ba 'debs pa u dum+ba ra'i phreng ba | ||
|Subject=Prayer | |Subject=Prayer | ||
| + | |SubTopics=rnam thar gsol 'debs | ||
|Author=Jamgön Kongtrül Lodrö Thayé | |Author=Jamgön Kongtrül Lodrö Thayé | ||
|BDRC link=[https://www.tbrc.org/#library_work_ViewByOutline-O01DG1049095024%7CW23922 BDRC W23922]<br/>[https://www.tbrc.org/#library_work_ViewByOutline-o20877C2O0283%7CW23605 BDRC W23605]<br/>[https://www.tbrc.org/#library_work_ViewByOutline-o20877C2O0284%7CW23605 BDRC W23605]<br/>[https://www.tbrc.org/#library_work_ViewByOutline-o20877C2O0285%7CW23605 BDRC W23605] | |BDRC link=[https://www.tbrc.org/#library_work_ViewByOutline-O01DG1049095024%7CW23922 BDRC W23922]<br/>[https://www.tbrc.org/#library_work_ViewByOutline-o20877C2O0283%7CW23605 BDRC W23605]<br/>[https://www.tbrc.org/#library_work_ViewByOutline-o20877C2O0284%7CW23605 BDRC W23605]<br/>[https://www.tbrc.org/#library_work_ViewByOutline-o20877C2O0285%7CW23605 BDRC W23605] | ||
| + | |Notes=Some of the prayers have been translated in english in ''Timeless Rapture'', in french in ''Les Chants d'Immortalité'', in polish in ''Ponadczasowa Rozkosz''. | ||
| + | |TranslationFileFR=Prières_namthar_scv5p87.pdf | ||
| + | |TranslationAccessLevel=public | ||
}} | }} | ||
| − | <span class="main_text">༄༅། །དཔལ་ལྡན་ཤངས་པ་བཀའ་བརྒྱུད་ཀྱི་ངོ་མཚར་རིན་ཆེན་བརྒྱུད་པའི་རྣམ་ཐར་ལ་གསོལ་བ་འདེབས་པ་ཨུ་དུམྦ་རའི་ཕྲེང་བ་ཞེས་བྱ་བ་བཞུགས་སོ།།<br /><br />Vajradhara<br /><span class="tibetan_small">ཁྱབ་བདག་རྡོ་རྗེ་འཆང་ཆེན་པོ་ལ་གསོལ་བ་འདེབས་པ་རྡོ་རྗེའི་སྒྲ་དབྱངས་ཞེས་བྱ་བ།</span> <br />རིགས་ཀུན་བདག་ཉིད་ཐོག་མ་ཐ་མ་མེད། །དངོས་གཅིག་བརྟན་གཡོ་ཀུན་ཁྱབ་ཟུང་དུ་འཇུག །རང་བཞིན་འོད་གསལ་བདེ་ཆེན་ཡེ་ཤེས་སྐུ། །ཁྱབ་བདག་རྡོ་རྗེ་འཆང་ལ་གསོལ་བ་འདེབས། <br />།སྤྲོས་པ་ཀུན་བྲལ་སྟོང་ཉིད་སངས་རྒྱས་པ། །རྡོ་རྗེ་བཙུན་མོའི་བྷ་ག་གསང་བའི་དབྱིངས། །ཆོས་འབྱུང་ཐར་པ་ཆེན་པོའི་གྲོང་ཁྱེར་དུ། །གདོད་ནས་མངོན་བྱང་ཆུབ་ལ་གསོལ་བ་འདེབས། <br />།གཉིས་མེད་གཡོ་བ་མེད་དང་རིས་མེད་དང་། །འདོད་དང་མཆོག་ཏུ་མི་འགྱུར་འདོད་ཆགས་ཆེ། །དངོས་དང་དངོས་པོ་མེད་པ་ཟད་པ་དང་། །ཡེ་ཤེས་དང་ནི་སེམས་དཔའ་ཀུན་ཏུ་བཟང་། །ཉོན་མོངས་མེད་དང་ཉོན་མོངས་ཆེན་པོ་དང་། །ལྷན་སྐྱེས་དཔལ་ལྡན་བྱང་སེམས་ཐིག་ལེ་འཛིན། །དཔལ་ལྡན་དུས་ཀྱི་འཁོར་ལོ་རྡོ་རྗེ་དང་། །ཐབས་དང་ཤེས་རབ་བདག་ཉིད་རྣལ་འབྱོར་མཚན། །རྣམ་གྲངས་དུ་མར་ལྡན་ལ་གསོལ་བ་འདེབས། <br />།སྟོང་ཉིད་སྙིང་རྗེ་དབྱེར་མེད་མི་འགྱུར་བའི། །བདེ་བ་ཆེན་པོ་ཡོད་མེད་མཐའ་བཞི་ལས། །རྣམ་གྲོལ་བདེ་གཤེགས་ཀུན་གྱི་ངོ་བོ་ཉིད། །དོན་དམ་ཡེ་ཤེས་སྐུ་ལ་གསོལ་བ་འདེབས། །ཤེས་དང་ཤེས་བྱ་གཅིག་གྱུར་སྤྲོས་པའི་མཐའ། །ཀུན་ལས་རབ་འདས་རྒྱུ་འབྲས་མ་ལུས་པ། །ཡེ་ཤེས་གཅིག་གིས་གཅིག་ཅར་གཟིགས་གྱུར་པ། །དཔེ་བྲལ་ཆོས་ཀྱི་སྐུ་ལ༴ <br />།སྟོང་ཉིད་སྒྲ་བརྙན་ཤར་བའི་ཉིན་མོར་བྱེད། །ངེས་པ་ལྔ་ལྡན་སྐུ་དང་ཞིང་ཁམས་ནི། །སྣང་ལ་རང་བཞིན་མ་གྲུབ་མཁའ་ལྟར་ཁྱབ། །ལོངས་སྤྱོད་ཡོངས་སུ་རྫོགས་ལ༴ <br />།བཟོ་སྐྱེ་མཆོག་སོགས་དག་དང་མ་དག་པའི། །གཟུགས་བརྙན་པདྨ་འདབ་མ་རྒྱས་པའི་སྤྱན། །སྣ་ཚོགས་སྤྲུལ་པས་འགྲོ་བའི་དོན་མཛད་པ། །གང་ལ་གང་འདུལ་སྟོན་ལ༴ <br />།སྣ་ཚོགས་གཟུགས་དང་རྣམ་པ་ཐམས་ཅད་གསུང་། །མི་འགྱུར་བདེ་བ་རྣམ་ཀུན་མཆོག་ལྡན་གྱི། །སྟོང་ཉིད་ཟུང་འཇུག་གསང་བ་བསམ་མི་ཁྱབ། །མི་ཟད་རྒྱུན་གྱི་འཁོར་ལོར༴ <br />།རིགས་དྲུག་བདེན་དོན་རྣམ་པ་བཅུ་གཉིས་དང་། །དེ་ཉིད་བཅུ་དྲུག་རིགས་བརྒྱ་མཐའ་ཡས་རིགས། །གཅིག་པུའི་ཉམས་ཀྱིས་དུ་མའི་གར་མཛད་པ། །རིགས་ཀུན་ཁྱབ་བདག་དེ་ལ༴ <br />།ཆོས་རྣམས་ཀུན་ལ་ཉེ་རིང་མེད་པར་ཁྱབ། །འགྲོ་ཁམས་ཟད་མེད་རྗེས་སུ་འཛིན་པ་ལ། །འཕེལ་འགྲིབ་མི་མངའ་རྟག་པར་བཞུགས་ནས་སུ། །རྩོལ་མེད་དོན་ཆེན་སྒྲུབ་ལ༴ <br />།གཞི་དུས་རང་བཞིན་འོད་གསལ་ངོ་བོ་ཉིད། །ལམ་དུས་ཟག་མེད་བདེ་སྟོང་རྣལ་འབྱོར་གྱིས། །བྲལ་འབྲས་དག་པ་གཉིས་ཀྱི་མཐར་ཐུག་པ། །སྤངས་པ་ཆེན་པོ་དེ༴ <br />།སྒྱུ་མ་རྨི་ལམ་པྲ་ཕབ་བརྒྱད་བཞིན་དུ། །ཇི་སྙེད་ཤེས་བྱ་རྟོག་བྲལ་མ་འཁྲུལ་གཟིགས། །ཆོས་ཅན་ཇི་ལྟ་བ་ཉིད་མངོན་གྱུར་པའི། །རྟོགས་པ་ཆེན་པོ་དེ་ལ༴ <br />།ནམ་མཁའ་ཇི་སྲིད་འགྲོ་བ་མ་ལུས་པའི། །དོན་རྣམས་འབད་མེད་ལྷུན་གྱིས་གྲུབ་པ་ཡི། །དམིགས་མེད་ཐུགས་རྗེ་ཆད་པ་མེད་པར་འཇུག །སེམས་དཔའ་ཆེན་པོ་དེ་ལ༴ <br />།ས་ཆུ་མེ་རླུང་ནམ་མཁའ་ཉི་ཟླ་དང་། །རྣམ་པར་ཤེས་པ་སྒྲིབ་བྲལ་དག་པ་ཡི། །མཐའ་ཡས་སྟོབས་དང་ནམ་ཡང་སྐྱོན་མེད་སོགས། ཡོན་ཏན་བརྒྱད་ལྡན་དེ་ལ༴ <br />།རྟག་པ་དང་ནི་མི་གདུང་རབ་ཏུ་བསིལ། །གཅིག་པུར་འགྱུར་མེད་བདེ་ལྡན་དྲི་མ་མེད། །དགའ་དང་རྟག་ཏུ་མཉམ་འཇོག་ཡིད་དང་བ། །རོ་མྱང་བརྒྱད་དང་ལྡན་ལ༴ <br />།བསམ་གྱིས་མི་ཁྱབ་སྐུ་གསུང་ཐུགས་ལྡན་ཅིང་། །རྫུ་འཕྲུལ་མཐའ་ཡས་གནས་སྐབས་ཀུན་ཏུ་ཁྱབ། །གནས་གྱུར་དོན་སྒྲུབ་བྱང་ཆུབ་སྐྱེད་མཛད་པ། །དབང་ཕྱུག་བརྒྱད་དང་ལྡན་ལ༴ <br />།ལོངས་སྤྱོད་རྫོགས་དང་ཁ་སྦྱོར་བདེ་བ་ཆེ། །རང་བཞིན་མ་མཆིས་སྙིང་རྗེས་ཡོངས་སུ་གང་། །སྐུ་དང་ཡེ་ཤེས་མི་འཆད་མི་འགོགས་པའི། །ཡན་ལག་བདུན་དང་ལྡན་ལ༴ <br />།གཟུགས་ཕྲ་རེག་པ་ཡང་ཞིང་ཀུན་ཏུ་ཁྱབ། །ཡང་དག་ཐོབ་བརྙེས་རབ་གསལ་བརྟེན་དང་ལྡན། །དབང་ཕྱུག་ཆེན་པོ་འདོད་རྒུར་སྒྱུར་བར་མཛད། །ཁྱད་འཕགས་བརྒྱད་ལྡན་དེ་ལ༴ <br />།རང་བཞིན་མེད་ཅིང་རང་རིག་འཕེལ་བ་དང་། །འགྲིབས་པ་མ་མཆིས་རྣམ་པར་མི་རྟོག་པར། །དངོས་པོ་ཀུན་གྱི་གཟུགས་བརྙེན་སྣང་བ་ཡི། །ཟབ་པའི་ཡེ་ཤེས་ལྡན་ལ༴ <br />།བསོད་ནམས་ཡེ་ཤེས་དེ་ཡི་སྤྱོད་ཡུལ་སྣང་། །ཆོས་ཀུན་ལ་དམིགས་ཐམས་ཅད་རྣམ་པས་འཇུག །ཀུན་ནས་ཐམས་ཅད་དོན་སྤྱོད་ཕྲིན་ལས་ཏེ། །རྒྱ་ཆེའི་ཡེ་ཤེས་རྫོགས་ལ༴ <br />།ཡུལ་དང་དུས་ལ་ཉེ་རིང་མ་མཆིས་ཤིང་། །ངོ་བོ་དབྱེར་མེད་དེ་ཉིད་ཐ་མི་དད། །ཆོས་ཀུན་མི་རྟོག་མཉམ་པ་ཉིད་གཟིགས་པས། །ཁྱབ་པའི་ཡེ་ཤེས་བརྙེས་ལ༴ <br />རྒྱུན་མི་ཆད་ཅིང་འགོག་པའི་ཆོས་མི་མངའ། །ཕྲ་རབ་རྡུལ་དང་འགྱུར་པ་གཏན་ནས་སྤངས། །རྒྱལ་སྲས་ཀྱིས་ཀྱང་བསམ་པའི་ཡུལ་ལས་འདས། །རྟག་པའི་ཡེ་ཤེས་ལྡན་ལ༴ <br />།ཁ་སྦྱོར་སྐུ་དང་འགྱུར་མེད་བདེ་བའི་ཐུགས། །རྣམ་པ་སྙིང་རྗེ་རྟོག་པའི་ཉེ་སྦྱོར་ཐིམ། །རླུང་འགག་ཞུ་བདེ་མངོན་གྱུར་བྱང་ཆུབ་སེམས། །མི་འགྱུར་བདེ་བ་རྫོགས་ལ༴ <br />།སྟོང་ཉིད་ལས་སྐྱེས་ལས་སྣང་སྡུག་བསྔལ་འགོགས། །གར་ཡང་ཕྱིན་ཅིང་གཡོ་མེད་རླུང་སེམས་གཟུགས། །ཤེས་བྱ་མི་འགལ་མཚན་དཔེ་རྫོགས་པའི་སྐུ། །རང་འདྲའི་སྤྲིན་ཕུང་འཕྲོ་ལ༴ <br />།གཉིས་ཀ་མ་ཡིན་མི་རྟོག་ཆོས་ཀུན་གྱི། །རང་བཞིན་ལ་བཞུགས་དག་པ་རབ་འབྱམས་སྣང་། །ཀུན་ཏུ་དོན་མཛད་གོ་འཕང་མི་གཡོ་བ། །ཟུང་འཇུག་ཡན་ལག་རྫོགས་ལ༴ <br />།ཡེ་ཤེས་གཅིག་གིས་ཆོས་ཀུན་སྒྲིབ་མེད་གཟིགས། །ཤེས་བྱ་མཉམ་ཉིད་ཇི་སྙེད་མ་འདྲེས་རྟོག །གདུལ་བྱ་འདུལ་མཁྱེན་ཀུན་ལ་རྣམ་མི་རྟོག །ཡེ་ཤེས་ལྔ་དང་ལྡན་ལ༴ <br />།སྟོབས་བཅུ་མི་འཇིགས་བཞི་དང་མ་འདྲེས་ཆོས། །བཅོ་བརྒྱད་སྐྱེ་ལ་ཐུགས་རྗེ་ཆེན་པོ་མངའ། །ཟག་མེད་ཡེ་ཤེས་སྡེ་ཚན་ཉེར་གཅིག་སོགས། །ཆོས་སྐུའི་ཡོན་ཏན་རྫོགས་ལ༴ <br />།མཚན་བཟང་སོ་གཉིས་དཔེ་བྱད་བརྒྱད་ཅུ་དང་། །གསུང་དབྱངས་ཡན་ལག་དྲུག་ཅུ་ལ་སོགས་པ། །གཞན་དོན་གཟུགས་སྐུ་རྣམ་པ་གཉིས་པོ་ཡི། །ཡོན་ཏན་འབྱུང་གནས་དེ་ལ༴ <br />།རྩོལ་མེད་ལྷུན་གྲུབ་རྒྱུན་གྱིས་རྟག་པ་ཡིས། །འགྲོ་ཀུན་ལམ་སྟེགས་ལ་འགོད་ལམ་དུ་གཞུག །ངེས་ལེགས་མཐར་ཕྱིན་མཛད་པའི་ཕྲིན་ལས་ནི། །གང་འདུལ་མཁའ་དང་མཉམ་ལ་གསོལ་བ་འདེབས། <br />།བདག་ཀྱང་སྲིད་ཞིའི་མཐའ་ལ་མི་གནས་པར། །སྐུ་བཞིའི་དབང་ཕྱུག་དངོས་ཀུན་ཁྱབ་པའི་བདག །ཟུང་འཇུག་རྡོ་རྗེ་འཆང་དབང་མྱུར་འགྲུབ་ནས། །མི་ཟད་རྒྱན་གྱི་འཁོར་ལོར་རྟག་སྤྱོད་ཤོག <br /><br /><span class="tibetan_small">༈ | + | <span class="main_text">༄༅། །དཔལ་ལྡན་ཤངས་པ་བཀའ་བརྒྱུད་ཀྱི་ངོ་མཚར་རིན་ཆེན་བརྒྱུད་པའི་རྣམ་ཐར་ལ་གསོལ་བ་འདེབས་པ་ཨུ་དུམྦ་རའི་ཕྲེང་བ་ཞེས་བྱ་བ་བཞུགས་སོ།།<br /><br />Vajradhara<br /><span class="tibetan_small">ཁྱབ་བདག་རྡོ་རྗེ་འཆང་ཆེན་པོ་ལ་གསོལ་བ་འདེབས་པ་རྡོ་རྗེའི་སྒྲ་དབྱངས་ཞེས་བྱ་བ།</span> <br />རིགས་ཀུན་བདག་ཉིད་ཐོག་མ་ཐ་མ་མེད། །དངོས་གཅིག་བརྟན་གཡོ་ཀུན་ཁྱབ་ཟུང་དུ་འཇུག །རང་བཞིན་འོད་གསལ་བདེ་ཆེན་ཡེ་ཤེས་སྐུ། །ཁྱབ་བདག་རྡོ་རྗེ་འཆང་ལ་གསོལ་བ་འདེབས། <br />།སྤྲོས་པ་ཀུན་བྲལ་སྟོང་ཉིད་སངས་རྒྱས་པ། །རྡོ་རྗེ་བཙུན་མོའི་བྷ་ག་གསང་བའི་དབྱིངས། །ཆོས་འབྱུང་ཐར་པ་ཆེན་པོའི་གྲོང་ཁྱེར་དུ། །གདོད་ནས་མངོན་བྱང་ཆུབ་ལ་གསོལ་བ་འདེབས། <br />།གཉིས་མེད་གཡོ་བ་མེད་དང་རིས་མེད་དང་། །འདོད་དང་མཆོག་ཏུ་མི་འགྱུར་འདོད་ཆགས་ཆེ། །དངོས་དང་དངོས་པོ་མེད་པ་ཟད་པ་དང་། །ཡེ་ཤེས་དང་ནི་སེམས་དཔའ་ཀུན་ཏུ་བཟང་། <br />།ཉོན་མོངས་མེད་དང་ཉོན་མོངས་ཆེན་པོ་དང་། །ལྷན་སྐྱེས་དཔལ་ལྡན་བྱང་སེམས་ཐིག་ལེ་འཛིན། །དཔལ་ལྡན་དུས་ཀྱི་འཁོར་ལོ་རྡོ་རྗེ་དང་། །ཐབས་དང་ཤེས་རབ་བདག་ཉིད་རྣལ་འབྱོར་མཚན། །རྣམ་གྲངས་དུ་མར་ལྡན་ལ་གསོལ་བ་འདེབས། <br />།སྟོང་ཉིད་སྙིང་རྗེ་དབྱེར་མེད་མི་འགྱུར་བའི། །བདེ་བ་ཆེན་པོ་ཡོད་མེད་མཐའ་བཞི་ལས། །རྣམ་གྲོལ་བདེ་གཤེགས་ཀུན་གྱི་ངོ་བོ་ཉིད། །དོན་དམ་ཡེ་ཤེས་སྐུ་ལ་གསོལ་བ་འདེབས། <br />།ཤེས་དང་ཤེས་བྱ་གཅིག་གྱུར་སྤྲོས་པའི་མཐའ། །ཀུན་ལས་རབ་འདས་རྒྱུ་འབྲས་མ་ལུས་པ། །ཡེ་ཤེས་གཅིག་གིས་གཅིག་ཅར་གཟིགས་གྱུར་པ། །དཔེ་བྲལ་ཆོས་ཀྱི་སྐུ་ལ༴ <br />།སྟོང་ཉིད་སྒྲ་བརྙན་ཤར་བའི་ཉིན་མོར་བྱེད། །ངེས་པ་ལྔ་ལྡན་སྐུ་དང་ཞིང་ཁམས་ནི། །སྣང་ལ་རང་བཞིན་མ་གྲུབ་མཁའ་ལྟར་ཁྱབ། །ལོངས་སྤྱོད་ཡོངས་སུ་རྫོགས་ལ༴ <br />།བཟོ་སྐྱེ་མཆོག་སོགས་དག་དང་མ་དག་པའི། །གཟུགས་བརྙན་པདྨ་འདབ་མ་རྒྱས་པའི་སྤྱན། །སྣ་ཚོགས་སྤྲུལ་པས་འགྲོ་བའི་དོན་མཛད་པ། །གང་ལ་གང་འདུལ་སྟོན་ལ༴ <br />།སྣ་ཚོགས་གཟུགས་དང་རྣམ་པ་ཐམས་ཅད་གསུང་། །མི་འགྱུར་བདེ་བ་རྣམ་ཀུན་མཆོག་ལྡན་གྱི། །སྟོང་ཉིད་ཟུང་འཇུག་གསང་བ་བསམ་མི་ཁྱབ། །མི་ཟད་རྒྱུན་གྱི་འཁོར་ལོར༴ <br />།རིགས་དྲུག་བདེན་དོན་རྣམ་པ་བཅུ་གཉིས་དང་། །དེ་ཉིད་བཅུ་དྲུག་རིགས་བརྒྱ་མཐའ་ཡས་རིགས། །གཅིག་པུའི་ཉམས་ཀྱིས་དུ་མའི་གར་མཛད་པ། །རིགས་ཀུན་ཁྱབ་བདག་དེ་ལ༴ <br />།ཆོས་རྣམས་ཀུན་ལ་ཉེ་རིང་མེད་པར་ཁྱབ། །འགྲོ་ཁམས་ཟད་མེད་རྗེས་སུ་འཛིན་པ་ལ། །འཕེལ་འགྲིབ་མི་མངའ་རྟག་པར་བཞུགས་ནས་སུ། །རྩོལ་མེད་དོན་ཆེན་སྒྲུབ་ལ༴ <br />།གཞི་དུས་རང་བཞིན་འོད་གསལ་ངོ་བོ་ཉིད། །ལམ་དུས་ཟག་མེད་བདེ་སྟོང་རྣལ་འབྱོར་གྱིས། །བྲལ་འབྲས་དག་པ་གཉིས་ཀྱི་མཐར་ཐུག་པ། །སྤངས་པ་ཆེན་པོ་དེ༴ <br />།སྒྱུ་མ་རྨི་ལམ་པྲ་ཕབ་བརྒྱད་བཞིན་དུ། །ཇི་སྙེད་ཤེས་བྱ་རྟོག་བྲལ་མ་འཁྲུལ་གཟིགས། །ཆོས་ཅན་ཇི་ལྟ་བ་ཉིད་མངོན་གྱུར་པའི། །རྟོགས་པ་ཆེན་པོ་དེ་ལ༴ <br />།ནམ་མཁའ་ཇི་སྲིད་འགྲོ་བ་མ་ལུས་པའི། །དོན་རྣམས་འབད་མེད་ལྷུན་གྱིས་གྲུབ་པ་ཡི། །དམིགས་མེད་ཐུགས་རྗེ་ཆད་པ་མེད་པར་འཇུག །སེམས་དཔའ་ཆེན་པོ་དེ་ལ༴ <br />།ས་ཆུ་མེ་རླུང་ནམ་མཁའ་ཉི་ཟླ་དང་། །རྣམ་པར་ཤེས་པ་སྒྲིབ་བྲལ་དག་པ་ཡི། །མཐའ་ཡས་སྟོབས་དང་ནམ་ཡང་སྐྱོན་མེད་སོགས། ཡོན་ཏན་བརྒྱད་ལྡན་དེ་ལ༴ <br />།རྟག་པ་དང་ནི་མི་གདུང་རབ་ཏུ་བསིལ། །གཅིག་པུར་འགྱུར་མེད་བདེ་ལྡན་དྲི་མ་མེད། །དགའ་དང་རྟག་ཏུ་མཉམ་འཇོག་ཡིད་དང་བ། །རོ་མྱང་བརྒྱད་དང་ལྡན་ལ༴ <br />།བསམ་གྱིས་མི་ཁྱབ་སྐུ་གསུང་ཐུགས་ལྡན་ཅིང་། །རྫུ་འཕྲུལ་མཐའ་ཡས་གནས་སྐབས་ཀུན་ཏུ་ཁྱབ། །གནས་གྱུར་དོན་སྒྲུབ་བྱང་ཆུབ་སྐྱེད་མཛད་པ། །དབང་ཕྱུག་བརྒྱད་དང་ལྡན་ལ༴ <br />།ལོངས་སྤྱོད་རྫོགས་དང་ཁ་སྦྱོར་བདེ་བ་ཆེ། །རང་བཞིན་མ་མཆིས་སྙིང་རྗེས་ཡོངས་སུ་གང་། །སྐུ་དང་ཡེ་ཤེས་མི་འཆད་མི་འགོགས་པའི། །ཡན་ལག་བདུན་དང་ལྡན་ལ༴ <br />།གཟུགས་ཕྲ་རེག་པ་ཡང་ཞིང་ཀུན་ཏུ་ཁྱབ། །ཡང་དག་ཐོབ་བརྙེས་རབ་གསལ་བརྟེན་དང་ལྡན། །དབང་ཕྱུག་ཆེན་པོ་འདོད་རྒུར་སྒྱུར་བར་མཛད། །ཁྱད་འཕགས་བརྒྱད་ལྡན་དེ་ལ༴ <br />།རང་བཞིན་མེད་ཅིང་རང་རིག་འཕེལ་བ་དང་། །འགྲིབས་པ་མ་མཆིས་རྣམ་པར་མི་རྟོག་པར། །དངོས་པོ་ཀུན་གྱི་གཟུགས་བརྙེན་སྣང་བ་ཡི། །ཟབ་པའི་ཡེ་ཤེས་ལྡན་ལ༴ <br />།བསོད་ནམས་ཡེ་ཤེས་དེ་ཡི་སྤྱོད་ཡུལ་སྣང་། །ཆོས་ཀུན་ལ་དམིགས་ཐམས་ཅད་རྣམ་པས་འཇུག །ཀུན་ནས་ཐམས་ཅད་དོན་སྤྱོད་ཕྲིན་ལས་ཏེ། །རྒྱ་ཆེའི་ཡེ་ཤེས་རྫོགས་ལ༴ <br />།ཡུལ་དང་དུས་ལ་ཉེ་རིང་མ་མཆིས་ཤིང་། །ངོ་བོ་དབྱེར་མེད་དེ་ཉིད་ཐ་མི་དད། །ཆོས་ཀུན་མི་རྟོག་མཉམ་པ་ཉིད་གཟིགས་པས། །ཁྱབ་པའི་ཡེ་ཤེས་བརྙེས་ལ༴ <br />རྒྱུན་མི་ཆད་ཅིང་འགོག་པའི་ཆོས་མི་མངའ། །ཕྲ་རབ་རྡུལ་དང་འགྱུར་པ་གཏན་ནས་སྤངས། །རྒྱལ་སྲས་ཀྱིས་ཀྱང་བསམ་པའི་ཡུལ་ལས་འདས། །རྟག་པའི་ཡེ་ཤེས་ལྡན་ལ༴ <br />།ཁ་སྦྱོར་སྐུ་དང་འགྱུར་མེད་བདེ་བའི་ཐུགས། །རྣམ་པ་སྙིང་རྗེ་རྟོག་པའི་ཉེ་སྦྱོར་ཐིམ། །རླུང་འགག་ཞུ་བདེ་མངོན་གྱུར་བྱང་ཆུབ་སེམས། །མི་འགྱུར་བདེ་བ་རྫོགས་ལ༴ <br />།སྟོང་ཉིད་ལས་སྐྱེས་ལས་སྣང་སྡུག་བསྔལ་འགོགས། །གར་ཡང་ཕྱིན་ཅིང་གཡོ་མེད་རླུང་སེམས་གཟུགས། །ཤེས་བྱ་མི་འགལ་མཚན་དཔེ་རྫོགས་པའི་སྐུ། །རང་འདྲའི་སྤྲིན་ཕུང་འཕྲོ་ལ༴ <br />།གཉིས་ཀ་མ་ཡིན་མི་རྟོག་ཆོས་ཀུན་གྱི། །རང་བཞིན་ལ་བཞུགས་དག་པ་རབ་འབྱམས་སྣང་། །ཀུན་ཏུ་དོན་མཛད་གོ་འཕང་མི་གཡོ་བ། །ཟུང་འཇུག་ཡན་ལག་རྫོགས་ལ༴ <br />།ཡེ་ཤེས་གཅིག་གིས་ཆོས་ཀུན་སྒྲིབ་མེད་གཟིགས། །ཤེས་བྱ་མཉམ་ཉིད་ཇི་སྙེད་མ་འདྲེས་རྟོག །གདུལ་བྱ་འདུལ་མཁྱེན་ཀུན་ལ་རྣམ་མི་རྟོག །ཡེ་ཤེས་ལྔ་དང་ལྡན་ལ༴ <br />།སྟོབས་བཅུ་མི་འཇིགས་བཞི་དང་མ་འདྲེས་ཆོས། །བཅོ་བརྒྱད་སྐྱེ་ལ་ཐུགས་རྗེ་ཆེན་པོ་མངའ། །ཟག་མེད་ཡེ་ཤེས་སྡེ་ཚན་ཉེར་གཅིག་སོགས། །ཆོས་སྐུའི་ཡོན་ཏན་རྫོགས་ལ༴ <br />།མཚན་བཟང་སོ་གཉིས་དཔེ་བྱད་བརྒྱད་ཅུ་དང་། །གསུང་དབྱངས་ཡན་ལག་དྲུག་ཅུ་ལ་སོགས་པ། །གཞན་དོན་གཟུགས་སྐུ་རྣམ་པ་གཉིས་པོ་ཡི། །ཡོན་ཏན་འབྱུང་གནས་དེ་ལ༴ <br />།རྩོལ་མེད་ལྷུན་གྲུབ་རྒྱུན་གྱིས་རྟག་པ་ཡིས། །འགྲོ་ཀུན་ལམ་སྟེགས་ལ་འགོད་ལམ་དུ་གཞུག །ངེས་ལེགས་མཐར་ཕྱིན་མཛད་པའི་ཕྲིན་ལས་ནི། །གང་འདུལ་མཁའ་དང་མཉམ་ལ་གསོལ་བ་འདེབས། <br />།བདག་ཀྱང་སྲིད་ཞིའི་མཐའ་ལ་མི་གནས་པར། །སྐུ་བཞིའི་དབང་ཕྱུག་དངོས་ཀུན་ཁྱབ་པའི་བདག །ཟུང་འཇུག་རྡོ་རྗེ་འཆང་དབང་མྱུར་འགྲུབ་ནས། །མི་ཟད་རྒྱན་གྱི་འཁོར་ལོར་རྟག་སྤྱོད་ཤོག <br /><br />Niguma<br /><span class="tibetan_small">༈ [[Niguma|ཡེ་ཤེས་ཌཱ་ཀི་ནི་གུ་མ་]]ལ་གསོལ་བ་འདེབས་པ་ཡེ་ཤེས་སྒྲ་དབྱངས་ཞེས་བྱ་བ།</span> <br />རྡོ་རྗེ་བཙུན་མོ་རྒྱལ་བ་ཀུན་གྱི་ཡུམ། །སྨུག་ནག་རུས་པའི་རྒྱན་ཅན་མཁའ་ལ་སྤྱོད། །སྐལ་ལྡན་རྣམས་ལ་མཆོག་གི་དངོས་གྲུབ་སྟེར། །རྗེ་བཙུན་ནི་གུ་མ་ལ་གསོལ་བ་འདེབས། <br />།ཉི་མ་གུང་པའི་བྱིན་རླབས་ལས་སྤྲུལ་པའི། །ངོ་མཚར་ས་གཞི་ཀ་སྨཱི་ར་ཡི་ལྗོངས། །ཛམྦུའི་གླིང་ན་དཔེ་མེད་རབ་གྲགས་པའི། །གྲོང་ཁྱེར་མཆོག་ཏུ་འཁྲུངས་ལ༴ <br />།རྣམ་དག་བྲམ་ཟེ་ཞི་བའི་གོ་ཆ་ཡི། །རིགས་ཀྱི་ཐིག་ལེར་ནཱ་རོ་ཏ་པ་དང་། །ཡེ་ཤེས་མཁའ་འགྲོ་དྲལ་དང་ལྕམ་མོའི་ཚུལ། །ཉི་ཟླ་ཟུང་འབྲེལ་སྨིན་ལ༴ <br />།རྣམ་ཀུན་མཆོག་ལྡན་སྟོང་པ་ཉིད་ཀྱི་དངོས། །རྒྱལ་ཀུན་སྐྱེད་པའི་གཟུགས་སུ་སྣང་བ་མོ། །སྲིད་པའི་ཚུལ་དུ་རྣམ་པར་འཁྲུལ་པར་ཡང་། །སྲེད་ལེན་མཚམས་སྦྱོར་སྤངས་ལ༴ <br />།གྲངས་མེད་གོང་ནས་ས་དང་ལམ་རྣམས་ཀྱི། །ཕ་རོལ་སོན་པས་རྟེན་འདིར་རང་བྱུང་གི། །གྲུབ་པའི་རྣམ་ཐར་བསམ་མི་ཁྱབ་པ་བརྙེས། །ལྷན་སྐྱེས་མཁའ་འགྲོ་མ་ལ༴ <br />།སྦྱངས་པའི་ངལ་བ་ཆེད་དུ་མ་བརྟེན་པར། །གྲུབ་པའི་དབང་ཕྱུག་དག་གི་གསུང་སྒྲོས་ཙམ། །སྙན་ལ་སེམས་པས་ཆོས་ཀུན་ཁོང་དུ་ཚུད། །རང་གྲོལ་བདེ་བ་ཆེ་ལ༴ <br />།རྒྱུད་དང་གདམས་པའི་ཟབ་དོན་ཕྲ་མོ་ཡིས། །གཅིག་ཤེས་ཀུན་གྲོལ་མཁྱེན་གཉིས་རྩལ་ཁ་རྒྱས། །ཆོས་ཉིད་བདེན་པ་སྒྲིབ་བྲལ་མངོན་སུམ་གཟིགས། །དཔལ་ལྡན་གྲུབ་པ་མོ་ལ༴ <br />།སྟོང་པའི་མཁའ་ལ་ཡིད་མིག་རླུང་བཅིངས་པས། །དྷཱུ་ཏིར་དཔྱིད་ཀྱི་སྒྲུབ་བྱེད་གཟུགས་མཐོང་སྟེ། །དུ་སོགས་རྡོ་རྗེའི་གཟུགས་བརྙན་གཅིག་ཆར་བསྐྱེད། །བསྙེན་པའི་ཡན་ལག་རྫོགས་ལ༴ <br />།སྲོག་རྩོལ་མུན་ཅན་ལྟོ་བར་འགགས་ཤིང་འབབས། །འཁོར་ལོ་དྲུག་ཏུ་སྲོག་ཐུར་མཉམ་སྦྱོར་བས། །འབྱུང་བ་དྲུག་གི་ཉི་ཟླའི་འགྲོད་པ་འགགས། །ཉེར་སྒྲུབ་ཡན་ལག་རྫོགས་ལ༴ <br />།རྒྱ་གསུམ་ལས་འདས་དཔེ་བྲལ་ཕྱག་རྒྱ་ཆེས། །མི་འགྱུར་ལྷན་ཅིག་སྐྱེས་བདེ་རང་འོད་ཀྱི། །རྣམ་བཅུའི་སྒྱུ་ལུས་དབང་པོ་ཐམས་ཅད་པ། །སྒྲུབ་པའི་ཡན་ལག་རྫོགས་ལ༴ <br />།ཉི་ཁྲི་ཆིག་སྟོང་དྲུག་བརྒྱའི་རླུང་འགགས་པས། །དེ་སྙེད་མི་འགྱུར་བདེ་ཐོབ་གཙུག་ཏོར་དུ། །བྱང་སེམས་བརྟན་ལས་ས་རྣམས་ཡུད་ཀྱིས་བགྲོད། །སྒྲུབ་ཆེན་ཡན་ལག་རྫོགས་ལ༴ <br />།ཉེ་རྒྱུའི་སྤྱོད་པས་དགྱེས་རྒུར་རོལ་མཛད་པས། །རྡོ་རྗེ་འཆང་གིས་རྗེས་བཟུང་དངོས་ཉིད་དང་། །སྐལ་པ་མཉམ་ཡང་སློབ་པའི་ཟུང་འཇུག་སྐུས། །མཁའ་ཁྱབ་འགྲོ་དོན་མཛད་ལ༴ <br />།ཆོས་རྣམས་ཐམས་ཅད་སྒྲིབ་མེད་མངོན་སུམ་གྱུར། །ཏིང་འཛིན་སྒོ་མོ་བྱེ་སྙེད་བསམ་ཡས་ཐོབ། །རྒྱལ་ཀུན་གསང་བའི་མཛོད་ལ་རང་དབང་སྒྱུར། །རྒྱལ་བ་ཀུན་ཡུམ་ཁྱེད་ལ༴ <br />།སྟོང་ཉིད་སྙིང་རྗེ་དབྱེར་མེད་བདེ་ཆེན་སྐུ། །བདེ་གཤེགས་སྤྲུལ་པ་ཐུན་མོང་མཆོག་གི་བདག །ས་བཅུའི་དབང་ཕྱུག་འགྲོ་བ་འདྲེན་པའི་དཔལ། །རུས་པའི་རྒྱན་ཅན་དེ་ལ༴ <br />།འཁོར་བར་འཁྱམས་པའི་མ་རྒན་སེམས་ཅན་རྣམས། །གཏིང་མཐའ་མེད་པ་སྡུག་བསྔལ་རྒྱ་མཚོ་ནས། །ཟག་མེད་བདེ་བ་རྒྱས་པའི་ཞིང་ཁམས་སུ། །དམིགས་མེད་ཐུགས་རྗེ་ཆེན་པོས་དྲང་དུ་གསོལ། <br />།ལམ་ཞུགས་སྐལ་ལྡན་བརྩེ་བས་རྗེས་བཟུང་ལ། །འགལ་རྐྱེན་བགེགས་དང་བར་ཆད་ཀུན་ཞི་ཞིང་། །ཉམས་དང་རྟོགས་པ་གོང་དུ་འཕེལ་བ་དང་། །ལམ་ལྔ་ས་བཅུ་མཐར་ཕྱིན་བྱིན་གྱིས་རློབས། <br /><br />Sukhasiddhi<br /><span class="tibetan_small">༈ [[Sukhasiddhi|ཡེ་ཤེས་ཌཱ་ཀི་སུ་ཁ་སིདྡྷི་]]ལ་གསོལ་བ་འདེབས་པ་བདེ་ཆེན་སྒྲ་དབྱངས་ཞེས་བྱ་བ།</span> <br />ཟག་མེད་ལྷན་ཅིག་སྐྱེས་པའི་བདེ་སྟེར་མ། །བཅུ་དྲུག་ལང་ཚོས་གང་བའི་གཟི་མདངས་ཅན། །གནས་གསུམ་མཁའ་འགྲོ་ཡོངས་ཀྱི་ཚོགས་རྗེ་མོ། །བདེ་བའི་དངོས་གྲུབ་ཞབས་ལ་གསོལ་བ་འདེབས། <br />།ཁ་ཆེའི་ཡུལ་དུ་ཁྱིམ་བདག་དབུལ་པོ་ཡི། །ཚུལ་དུ་བསྟན་ནས་ལམ་གྱི་རྟོགས་པ་སྦྱོང་། །དད་དང་སྙིང་རྗེ་ཆེན་པོའི་རྩལ་རྫོགས་པས། ཆགས་མེད་སྦྱིན་པར་བརྩོན་ལ༴ <br />།བསྐལ་པ་གངྒའི་བྱེ་སྙེད་སྔ་རོལ་ནས། །བསོད་ནམས་ཡེ་ཤེས་ཚོགས་ཆེན་མཐར་ཕྱིན་པའི། །སྦྱངས་པ་མངོན་གྱུར་ལས་འཕྲོ་སད་པའི་རྐྱེན། ཁྱིམ་གྱིས་ཐུགས་དབྱུང་གྱུར་ལ༴ <br />།གསང་ཆེན་འབྱུང་གནས་ནུབ་ཕྱོགས་ཨོ་རྒྱན་ཡུལ། །ཕོ་སྐྱེས་དཔའ་བོ་མོ་སྐྱེས་དཔའ་མོ་ཡི། །འདུ་བའི་དབུས་སུ་ཕེབས་པ་ཙམ་གྱིས་ནི། རིགས་ཀྱི་ནུས་པ་སད་ལ༴ <br />།རོ་ལྡན་ཆང་ཚོང་སྤྱོད་པའི་སྒྱུ་ཐབས་སྟོན། །འབྲས་ཆང་ཉེས་བསིང་རྣལ་འབྱོར་མ་ལ་བསྐུར། །ཨ་བ་དྷུ་ཏི་ནགས་ཁྲོད་སྤྱོད་པ་དང་། །དད་པས་ཉེ་མཚམས་སྦྱར་ལ༴ <br />།རྗེ་བཙུན་བེ་རཱུ་པ་ཡིས་རྗེས་སུ་བཟུང་། །གསང་སྒྲུབ་བཞི་རྫོགས་དབང་བསྐུར་སྐད་ཅིག་ལ། །དྲུག་ཅུ་རྩ་གཅིག་ལོན་པའི་རྣམ་སྨིན་ལུས། །བཅུ་དྲུག་ན་ཚོད་གྱུར་ལ༴ <br />།ནང་གི་ལམ་ནས་རྡོ་རྗེའི་ས་ཆེན་རྣམས། །ཡུད་ཙམ་གཅིག་ལ་མངོན་ཏུ་བགྲོད་མཛད་ནས། །ཟག་མེད་འཇའ་ལུས་རྡོ་རྗེའི་སྐུ་རུ་བཞེངས། །མཁའ་སྤྱོད་དབང་ཕྱུག་མ་ལ༴ <br />།ལྷན་ཅིག་སྐྱེས་དངོས་རྡོ་རྗེ་བདག་མེད་མར། །དངོས་སུ་གྱུར་ནས་འཁོར་བ་ཇི་སྲིད་བཞུགས། །ཁམས་གསུམ་འགྲོ་ལ་གཟིགས་པ་དུས་དྲུག་འཇུག །བཅོམ་ལྡན་འདས་མ་ཁྱོད་ལ༴ <br />།གསོལ་བ་འདེབས་ལ་དངོས་སུ་བྱིན་རློབས་ཤིང་། །བརྒྱུད་འཛིན་བུ་རྣམས་འབྲལ་མེད་ཐུགས་རྗེས་བཟུང་། །མཆོག་ཐུན་དངོས་གྲུབ་ལོ་ཟླ་ཙམ་གྱིས་སྟེར། །ཐུགས་རྗེ་ཆེ་མངའ་ཁྱོད་ལ༴ <br />།ཤེས་རབ་ཕར་ཕྱིན་རྡོ་རྗེ་རྣལ་འབྱོར་མ། །འགྲོ་བའི་དོན་དུ་གཟུགས་ཀྱི་སྐུར་སྣང་བས། །ལྟ་བས་མི་ངོམས་མཛེས་སྐུའི་མེ་ཏོག་ནི། །མཚན་དཔེའི་ཟེའུ་འབྲུ་ཆགས་ལ༴ <br />།སྟོང་ཉིད་རང་བཞིན་ཆོས་སྒོ་མཐའ་ཡས་རྣམས། །འགྲོ་བའི་བསམ་པ་ཇི་བཞིན་སྟོན་པའི་གསུང་། །གཞོམ་མེད་སྒྲ་སྙན་རྣམ་པ་ཐམས་ཅད་པ། །ཚངས་དབྱངས་དྲུག་ཅུ་ལྡན་ལ༴ <br />།བདེ་སྟོང་དབྱེར་མེད་ནམ་མཁའི་རྡོ་རྗེའི་དངོས། །བརྟན་གཡོ་ཀུན་ཁྱབ་ལྷན་སྐྱེས་ཟག་པ་མེད། །འོད་གསལ་ཕྱག་རྒྱ་ཆེན་པོའི་ཐུགས་མཆོག་ནི། །ཆོས་ཀུན་འབྱུང་གནས་གྱུར་ལ༴ <br />།བྲལ་སྨིན་ཡོན་ཏན་བྱ་བའི་བདག་ཉིད་ཅན། །བསམ་གྱིས་མི་ཁྱབ་རྣམ་པར་ཐར་པ་འཆང་། །མཚན་ཙམ་ཐོས་པས་ཟག་མེད་བདེ་སྟེར་མ། །ཡིད་བཞིན་ནོར་མཆོག་དེ་ལ༴ <br />།རྒྱལ་བ་སེམས་དཔའ་ཀུན་དང་བདེ་སྦྱོར་མཛད། །འབྱུང་བཞིས་གར་ཁྱབ་དེ་སྙེད་རྣམ་པར་འཕྲུལ། །བུམ་བཟང་ནོར་བུ་དཔག་བསམ་ཤིང་བཞིན་དུ། །ཕྲིན་ལས་ལྷུན་གྱིས་གྲུབ་ལ༴ <br />།ཐུགས་རྗེ་ཉེ་རིང་མི་མངའ་ཀུན་ལ་སྙོམས། །སྐལ་པ་ལྡན་རྣམས་མཁའ་སྤྱོད་ལམ་སྣ་འདྲེན། །བྱམས་པའི་བཞིན་རས་སྙིང་རྗེའི་འཛུམ་བག་ཅན། །སྐྱེ་དགུའི་གཉེན་གཅིག་མ་ལ་གསོལ་བ་འདེབས། <br />།བརྒྱུད་འཛིན་གསོལ་བ་འདེབས་པའི་བུ་རྣམས་ལ། །བརྩེ་བའི་ཞལ་སྟོན་དགྱེས་པའི་ལུང་མཆོག་སྩོལ། །རྡོ་རྗེའི་ཡེ་ཤེས་ཆེན་པོའི་དབང་སྐུར་ལ། །ཉིད་དང་དབྱེ་བ་མེད་པར་བྱིན་གྱིས་རློབས། <br /><br />Maitripa<br /><span class="tibetan_small">༈ [[Maitripa|མངའ་བདག་མཻ་ཏྲི་པ་ཆེན་པོ་]]ལ་གསོལ་བ་འདེབས་པ་བྱམས་པའི་སྒྲ་དབྱངས་ཞེས་བྱ་བ།</span> <br />ཆེ་བའི་ཡོན་ཏན་ནམ་མཁའི་མཐའ་དང་མཉམ། །སྙན་པའི་གྲགས་པས་འཕགས་བོད་ཀུན་དུ་ཁྱབ། །ཕྱགརྒྱ་ཆེ་བརྙེས་ཇོ་བོ་མཻ་ཏྲི་པ། །གཉིས་མེད་རྡོ་རྗེའི་ཞབས་ལ་གསོལ་བ་འདེབས། <br />།བྲམ་ཟེའི་རིགས་ལས་མུ་སྟེགས་པཎྜི་ཏ། །ནཱ་རོ་ཏཱ་པ་མཇལ་ཏེ་ནང་པར་གྱུར། །དབང་དང་གདམས་ངག་ཅི་རིགས་གསན་པ་ཡིས། །སྔོན་སྦྱངས་ལས་འཕྲོ་སད་ལ༴ <br />།ན་ལེནྜ་རུ་བསྟན་ལ་རབ་ཏུ་བྱུང་། །རྩོད་དུས་ཀུན་མཁྱེན་རིན་འབྱུང་ཞི་བ་སོགས། །མཁས་གྲུབ་མང་བསྟེན་རྩོད་བྲལ་པཎ་ཆེན་དུ། །གྲགས་པའི་བ་དན་བསྒྲེངས་ལ༴ <br />།རྣམ་གནོན་ཚུལ་གྱི་གཙུག་ལག་ཁང་དུ་བཞུགས། །བཤད་སྒྲུབ་སྤེལ་མར་མཛད་ཚེ་རྒྱལ་བའི་ཡུམ། །རྡོ་རྗེ་རྣལ་འབྱོར་མ་ཡིས་ཞལ་གཟིགས་ཤིང་། །ལུང་བསྟན་བྱིན་གྱིས་བརླབས་ལ༴ <br />།ཏིང་འཛིན་གྲོགས་སུ་འགྲོ་བའི་དུས་མཁྱེན་ནས། །ནང་གི་ཀུན་སྤྱོད་གསང་ཞིང་སྤྱད་པ་ལ། །གླགས་ལྟའི་སྣང་ངོ་ཆང་དང་བུད་མེད་དག །འོ་མ་དྲིལ་བུར་བསྒྱུར་ལ༴ <br />།དགེ་འདུན་རྣམས་ཀྱིས་གནས་ནས་དབྱུང་བའི་ཚེ། །ཆུ་བོ་གངྒཱར་ལྤགས་གདན་བཏིང་ནས་བཞུད། །གཞན་ཡང་ཐུན་མོང་ཐུན་མོང་མ་ཡིན་པའི། །ནུས་པ་དཔག་མེད་བརྙེས་ལ༴ <br />།ད་རུང་དེ་ཁོ་ན་ཉིད་མ་རྟོགས་པས། ཡི་དམ་ལུང་བཞིན་དཔལ་གྱི་རི་བོའི་ངོགས། །རྒྱལ་བུ་ས་ཀ་ར་དང་ལྷན་ཅིག་ཏུ། །གྲུབ་བརྙེས་བླ་མ་ཚོལ་ལ༴ <br />།ངལ་དུབ་ཐང་ཆད་ཉོན་མོངས་ཉམ་ཐག་ཀྱང་། །ཡིད་ཀྱི་རེ་བ་རྫོགས་པར་མ་གྱུར་ནས། །ཟླ་བ་དྲུག་ཏུ་རྩེ་གཅིག་གསོལ་བཏབ་པས། །འདོད་པའི་དོན་གྲུབ་གྱུར་ལ༴ <br />།བཙུན་མོ་ཟུང་གིས་ཞབས་བརྟེན་རི་ཁྲོད་མགོན། །མངོན་སུམ་མཇལ་ནས་ཟབ་མོའི་བརྡའ་བསྟན་ཅིང་། །དབང་དང་གདམས་པས་རྗེས་བཟུང་གནས་ལུགས་དོན། །འཆད་པར་རྗེས་སུ་གནང་ལ༴ <br />།དོན་དམ་ཇི་བཞིན་གཟིགས་པའི་ཡེ་ཤེས་སྐྱེས། །དཔའ་བོ་མཁའ་འགྲོ་མཐའ་ཡས་གཙོ་བོར་གྱུར། །དབུས་འགྱུར་འཆང་དུ་ཡིད་ལ་མི་བྱེད་པ། །རྒྱ་ཆེར་འཆད་ཅིང་སྤེལ་ལ༴ <br />།བསིལ་བ་ཚལ་དུ་གྲོང་འཇུག་རོལ་རྩེད་སྒྱུར། །ནག་པོ་ཆེན་པོས་བཞེད་པ་མཐའ་དག་སྒྲུབ། །ལྟ་སྟངས་གྲུབ་ཅིང་སྐུ་ལུས་སྣ་ཚོགས་སྤྲུལ། །བས་མཐའ་ནགས་ཁྲོད་འཛིན་ལ༴ <br />།གངྒཱ་དྷ་རི་རཏྣ་དི་བཱི་དང་། །སློབ་དཔོན་ཆེ་བཞི་ལ་སོགས་རྒྱ་བོད་ཀྱི། །གདུལ་བྱ་སྐལ་ལྡན་དུ་མ་སྨིན་མཛད་ནས། །ཟག་མེད་དབྱིངས་སུ་གཤེགས་ལ༴ <br />།བར་དོར་ཕྱག་རྒྱ་ཆེན་པོ་མཆོག་གྲུབ་ཅིང་། །ཡེ་ཤེས་སྐུ་མཆོག་མཁའ་ཁྱབ་ཉིད་དུ་བཞུགས། །བྱང་ཕྱོགས་རྒྱུད་དུ་སྙིང་པོའི་ཕྲིན་ལས་རྒྱུན། །ཐུབ་བསྟན་ཇི་སྲིད་འབབས་ལ༴ <br />།མངའ་བདག་རྒྱལ་སྲས་མཻ་ཏྲི་གུཔྟ་ཡིས། །མོས་པའི་བུ་ལ་ཐུགས་རྗེས་བརྩེར་དགོངས་ཏེ། །བསམ་གྱིས་མི་ཁྱབ་ལྷན་སྐྱེས་ཕྱག་རྒྱ་ཆེ། །གཉུག་མའི་དེ་ཉིད་རྟོགས་པར་བྱིན་གྱིས་རློབས། <br /><br />Dorjé Denpa<br /><span class="tibetan_small">༈ [[Dorjé Denpa|དཔལ་རྡོ་རྗེ་གདན་པ་ཆེན་པོ་]]ལ་གསོལ་བ་འདེབས་པ་རང་བྱུང་སྒྲ་དབྱངས་ཞེས་བྱ་བ།</span> <br />ཉི་མ་ལྟ་བུ་འགྲོ་བློའི་མུན་པ་སེལ། །ཟླ་བ་ལྟ་བུ་མཁྱེན་བརྩེའི་དཀྱིལ་འཁོར་རྒྱས། །ཐུབ་བསྟན་མངའ་བདག་རྡོ་རྗེ་གདན་པ་ཆེ། །བསོད་ནམས་འབྱུང་གནས་ཞབས་ལ༴ <br />།སྟོབས་འབྱོར་ཕུལ་བྱུང་འཕགས་ཡུལ་མ་ལ་བར། །མི་དགེའི་ལས་དང་ངང་གིས་མི་འགྲོགས་ཤིང་། །གཙང་སྦྲའི་ཀུན་སྤྱོད་ལྷུར་ལེན་བྲམ་ཟེའི་ཁྱིམ། །བྱིན་རླབས་དགེ་མཚན་ཤར་ལ༴ <br />།བསྟན་པའི་དཔལ་དུ་བསམ་བཞིན་སྲིད་པ་བཟུང་། །རིགས་གཟུགས་ལོངས་སྤྱོད་ཕུན་སུམ་ཚོགས་པ་ལ། །མ་ཆགས་སྐྱེ་བས་ཐོབ་པའི་བློ་གྲོས་ནི། །དོན་གཉིས་སྒྲུབ་པར་ཕྱོགས་ལ༴ <br />།སྲིད་པའི་བདེ་འབྱོར་རྨི་ལམ་ལྟར་གཟིགས་ནས། །ངེས་འབྱུང་བློ་ཤུགས་དུས་མཐའི་མེ་ལྟར་འབར། །ན་ལནྜ་རུ་བསྟན་ལ་རབ་ཏུ་བྱུང་། །ལེགས་པའི་དོན་ཀུན་གྲུབ་ལ༴ <br />།སྔོན་སྦྱངས་སྟོབས་ཀྱིས་རང་བཞིན་ཉེས་པའི་དྲི། །གཏན་ནས་བྲལ་བས་བཅས་པའི་ལྟུང་བ་དང་། །རྨི་ལམ་དུ་ཡང་འགྲོགས་པར་མི་མཛད་པ། །དོན་གྱི་དགྲ་བཅོམ་ཆེན་པོར༴ <br />།འཕགས་ཡུལ་ཤར་ནུབ་དབུས་ཀྱི་པཎྜིཏ། །གྲུབ་པ་རྣལ་འབྱོར་ཚོགས་ཀྱི་ཐུགས་བཅུད་བཞེས། །ཐོས་པའི་རྒྱ་མཚོར་རྣམ་དཔྱོད་ནོར་བུས་གཏམས། །དགོས་དགུའི་འབྱུང་གནས་གྱུར་ལ༴ <br />།བཅུ་ཕྲག་རིག་པའི་གནས་ལ་འགྲན་ཟླ་བྲལ། །ཁྱད་པར་གསང་སྔགས་ཕྱི་ནང་ཆོས་ཚུལ་ལ། །ཆགས་ཐོགས་ཀུན་སྤངས་ཐམས་ཅད་གཟིགས་པ་བརྙེས། །མཁྱེན་རབ་དབང་ཕྱུག་ཁྱེད་ལ༴ <br />།སྐལ་བཟང་བྱེ་བས་ཕ་ཕོག་ཐོབ་གྱུར་ཀྱང་། །གཏིང་མཐའ་མི་མངོན་གདམས་ངག་ནོར་བུའི་མཛོད། །མཁས་གྲུབ་ཀླུ་དབང་ཀུན་ལས་བསྡུས་པ་བཞིན། །གཞན་ཕྱིར་འཛིན་པར་མཛད་ལ༴ <br />།སྐལ་བཟང་རྒྱལ་བའི་འབྱུང་གནས་མ་ག་དྷར། །ཐུབ་བསྟན་འཛིན་མཛད་རིག་གྲོལ་སྤོབས་པ་ཅན། །རྒྱུ་སྐར་དབུས་སུ་ཟླ་བའི་དཀྱིལ་འཁོར་བཞིན། །ཚོགས་ཀྱི་འདྲེན་པར་གྱུར་ལ༴ <br />།སྙིང་པོ་བྱང་ཆུབ་ཆེན་པོའི་སེངྒེའི་ཁྲིར། །འཇིགས་མེད་ཆོས་ཀྱི་དབང་ཕྱུག་གོ་འཕང་བརྙེས། །རྒྱལ་བས་ལུང་བསྟན་རྡོ་རྗེ་གདན་པ་ཞེས། །གྲགས་པས་འཇིག་རྟེན་ཁྱབ་ལ༴ <br />།རྒྱལ་བ་སྲས་དང་བཅས་པའི་བགྲོད་གཅིག་ལམ། །བྱང་ཆུབ་ཐུགས་མཆོག་ལྷུན་པོ་ལྟར་བརྟན་ཅིང་། བསིལ་ཟེར་བཞིན་དུ་ཕྱོགས་རིས་མེད་ཁྱབ་པས། །རྒྱལ་སྲས་ཐུ་བོར་གྱུར་ལ༴ <br />།རིན་ཆེན་རྒྱ་མཚོ་ལ་སོགས་ཐུན་མིན་དང་། །ཐུན་མོང་གསང་བའི་མཛོད་ལ་མངའ་བརྙེས་པས། གྲུབ་གཉིས་ནོར་བུའི་དཔལ་ལ་རང་དབང་སྒྱུར། །རྡོ་རྗེ་འཛིན་རྒྱལ་ཁྱེད་ལ༴ <br />།མཉམ་མེད་བྱང་ཆུབ་སེམས་ཀྱི་ཕྲིན་ལས་ཀྱིས། །ཕྱོགས་རིས་མེད་པའི་གདུལ་བྱ་ཡོངས་སུ་འདུལ། །བཞུགས་ཡུལ་སྣོད་བཅུད་ཤིན་ཏུ་བཀྲ་ཤིས་མཛད། །མཐོང་ཐོས་དད་པའི་ས་ལ་བཀོད་པ་ཡི། །འབྲེལ་ཚད་དོན་དང་ལྡན་ལ༴ <br />།ཐུབ་དབང་རྒྱལ་སར་ཐུབ་པའི་མཛད་པ་སྐྱོང་། འཕགས་བོད་མཁས་གྲུབ་ཀུན་གྱི་གཙུག་གི་རྒྱན། །འཇིག་རྟེན་ལྷ་དང་བཅས་པས་ཕྱག་བྱས་པ། །མི་ཡི་སེངྒེ་ཁྱོད་ལ༴ <br />།བདག་ཀྱང་ཚུལ་གནས་ཐོས་བསམ་སྒོམ་མཐར་སོན། བྱང་ཆུབ་སེམས་འབྱོངས་འགྲོ་དོན་ཕྱོགས་མེད་འགྲུབ། །ཐུབ་པའི་བསྟན་པ་ཉིན་མོར་བྱེད་ནུས་པ། །སྐྱེས་མཆོག་རྣམས་ཀྱི་རྣམ་ཐར་མྱུར་འགྲུབ་ཤོག <br /><br />Abhayakara<br /><span class="tibetan_small">༈ །[[Abhayakara|འཇིགས་བྲལ་གྱི་སློབ་དཔོན་ཆེན་པོ་ཨཱ་བྷ་ཡཱ་ཀ་ར་གུཔྟ་]]ལ་གསོལ་བ་འདེབས་པ་ཞི་བའི་སྒྲ་དབྱངས་ཞེས་བྱ་བ།</span> <br />ཛམྦུའི་གླིང་དུ་ཉི་ཟླ་ལྟ་བུར་གྲགས། །རྡོ་རྗེ་གདན་དུ་སངས་རྒྱས་ཕྲིན་ལས་མཛད། །རྩོད་པའི་དུས་ཀྱི་ཐམས་ཅད་མཁྱེན་པ་མཆོག །[[Abhayakara|འཇིགས་མེད་འབྱུང་གནས་]]ཞབས་ལ་གསོལ་བ་འདེབས། <br />།ལྷོ་ཕྱོགས་ཛ་ར་ིཁཎྜར་རྒྱལ་རིགས་སུ། །སྐུ་འཁྲུངས་གཞོན་ནུའི་དུས་ནས་སྒྲ་ཚད་དང་། །རིག་བྱེད་ཡན་ལག་དང་བཅས་མུར་འདུག་གི །རྒྱུད་གཞུང་ཕ་རོལ་སོན་ལ༴ <br />།སྐྱེད་མོས་ཚལ་དུ་རྡོ་རྗེ་རྣལ་འབྱོར་མ། །མཛེས་མའི་གཟུགས་ཀྱིས་བསྐུལ་ཏེ་བྷངྒ་ལར། །བྱོན་ནས་མདོ་སྔགས་ཀུན་ལ་མཁས་པར་སྦྱངས། །སྡེ་སྣོད་འཛིན་པར་གྱུར་ལ༴ <br />།རབ་ཏུ་བྱུང་སྟེ་འདུལ་འཛིན་སློབ་དཔོན་མཛད། །དབང་དང་གདམས་ངག་འཕགས་ཡུལ་ཀུན་ཏུ་བཙལ། །ཆོས་ཚུལ་ཀུན་དང་ཁྱད་པར་སྔགས་རྒྱུད་ལ། །མཁྱེན་རབ་ཤིན་ཏུ་རྒྱས་དེར༴ <br />།དཔལ་ལྡན་སོ་སའི་པ་ཡིས་རྗེས་སུ་བཟུང་། །རྡོ་རྗེ་ཕག་མོས་འཆད་རྩོམ་མཛད་པར་བསྐུལ། །དུར་ཁྲོད་ཀུན་ཏུ་བསྒོམས་པས་ཏིང་འཛིན་བརྙེས། །བྱང་སེམས་ནུས་པ་ཅན༴ <br />།རྒྱུད་ནས་བཤད་པའི་ལས་ཚོགས་རབ་འབྱམས་དང་། །བདེན་སྟོབས་གྲུབ་ཅིང་བརྟག་པའི་རིག་པ་ཡིས། །དབུལ་པོའི་ཐབ་ཀྱི་འོག་ནས་གཏེར་འདོན་སོགས། །ངོ་མཚར་མཐའ་ཡས་སྟོན་ལ༴ <br />།རྡོ་རྗེ་གདན་དང་དཔལ་གྱི་ན་ལེནྡྲ། །ཀྲ་མ་ཤཱི་ལ་རྣམས་སུ་མཁན་པོ་མཛད། །ཆོས་ཀྱི་འཁོར་ལོ་རྟག་ཏུ་བསྐོར་བ་ཡིས། །རིགས་ཅན་གདུལ་བྱ་འདུལ༴ <br />།བརྒྱད་སྟོང་འགྲེལ་པ་རྩོམ་ཚེ་ཕྱོགས་བཅུ་ཡི། །སངས་རྒྱས་རྣམས་ཀྱིས་མགྲིན་གཅིག་ཤིས་པ་བརྗོད། །རྡོར་ཕྲེང་རྩོམ་ཚེ་མེ་ཏོག་ཆར་ཆེན་བབས། །ཕག་མོ་སྐུ་ལ་ཞུགས་དེར༴ <br />།སྙེམ་རྩོམ་ཚེ་ཐོག་མཐའ་བར་གསུམ་དུ། །བདེ་དགྱེས་དུས་འཁོར་གསུམ་གྱིས་བཀྲ་ཤིས་སྩལ། །དེ་བཞིན་དོན་ལྡན་ལེགས་པར་བཤད་པའི་གཏེར། །བསྟན་བཅོས་མཐའ་ཡས་བརྩམས་ལ༴ <br />།སྲས་བཅས་རྒྱལ་བ་རྣམས་ཀྱི་དགོངས་ཟབ་དོན། །ཕྱིར་རབས་འགྲོ་ལ་ངག་ལོན་བཞག་པ་བཞིན། །ཕྱིན་ཆད་བསྟན་ལ་འབྱུང་བར་དཀའ་བས་ན། །ལུང་བསྟན་དོན་ཡོད་མཛད་ལ༴ <br />།ནུབ་ཕྱོགས་ཡུལ་དུ་གཙུག་ལག་ཁང་བཞེངས་ཚེ། །ལྷུང་བཟེད་ནམ་མཁར་བཟེད་པ་བཟའ་བཏུང་གིས། །གང་ཞིང་མཐུན་རྐྱེན་གནོད་གནས་དབང་པོས་སྦྱར། །བཞེད་རྒུ་བསམ་པས་འགྲུབ་ལ༴ <br />།ཐེག་ཆེན་པ་རྣམས་གཙུག་གི་ནོར་བུ་སྟེ། །ཉན་ཐོས་པས་ཀྱང་འདུལ་འཛིན་ཆེ་ཞེས་བསྔགས། །རྒྱལ་བའི་བསྟན་ལ་དག་ཐེར་ཆེན་མོ་མཛད། །སྙན་གྲགས་ཕྱོགས་བཅུར་ཁྱབ་ལ༴ <br />།མཁྱེན་རབ་ཐུགས་རྗེ་དབང་ཕྱུག་ནུས་པའི་མཐུ། །ཕུན་སུམ་ཚོགས་པས་ཡོངས་རྫོགས་ཐུབ་པའི་བསྟན། །འཛིན་སྐྱོང་སྤེལ་ལ་ཛམ་གླིང་རྒྱན་རྣམས་དང་། །རྣམ་ཐར་མཚུངས་པར་གྱུར་ལ༴ <br />།དུས་སྐབས་དེ་ཡི་རྒྱ་བོད་མཁས་གྲུབ་ཚོགས། །སློབ་མར་གྱུར་སོགས་མཛད་པ་མཐར་ཕྱིན་ནས། །ཞི་བའི་གནས་གཤེགས་བར་དོར་ཕྱག་རྒྱ་ཆེ། །མཆོག་གི་དངོས་གྲུབ་བརྙེས་ལ༴ <br />།གསོལ་བཏབ་དགེ་བས་ཁྱོད་འདྲའི་བཤེས་གཉེན་གྱིས། །སྐྱེ་ཀུན་རྗེས་བཟུང་སྤངས་རྟོགས་ནོར་བུའི་མཛོད། །རང་དབང་སྤྱོད་ནས་ཐུབ་བསྟན་རིན་པོ་ཆེ། །དར་རྒྱས་ཡུན་རིང་གནས་པའི་བྱེད་པོར་ཤོག <br /><br />Rahula<br /><span class="tibetan_small">༈ །[[Rahula|གྲུབ་ཆེན་རཱ་ཧུ་ལ་གུཔྟ་བཛྲ་]]ལ་གསོལ་བ་འདེབས་པ་རིན་ཆེན་སྒྲ་དབྱངས་ཞེས་བྱ་བ།</span> <br />ཚོགས་གསུམ་རིན་ཆེན་རྡུལ་མང་བརྩེགས་པ་ལས། །ཡོན་ཏན་ལྷུན་པོ་གླིང་བཞིའི་དབུས་ན་མཐོ། །གྲུབ་པ་ལྷ་མཆོག་བྱེ་བས་བསྟན་གྱུར་པ། །[[Rahula|སྒྲ་གཅན་འཛིན་སྦས་]]ཞབས་ལ་གསོལ་བ་འདེབས། <br />།འཕགས་པའི་ལྷོ་ཕྱོགས་ཨེ་ལ་བྷི་ཤའི་ཡུལ། །རྡོ་རྗེ་མཁའ་འགྲོའི་ས་གཞི་ཁྱད་པར་ཅན། གྲོང་ཁྱེར་བྷི་ར་ཛི་རུ་རྒྱལ་རིགས་ནི། །ས་ལ་ལྟ་བུར་འཁྲུངས་ལ༴ <br />།དེ་ཚེ་འོད་དང་སྒྲ་སྙན་དྲི་བཟང་བཅས། །སྤྲུལ་པའི་ལྷ་བཞིས་ཡེ་ཤེས་སྣང་བ་བསྟན། །ངོ་མཚར་དགེ་བའི་མཚན་མ་ལས་བརྩམས་ཏེ། །དེ་བ་ས་ཏྭར་གྲགས་ལ༴ <br />།དགུང་ལོ་ཉི་ཤུའི་བར་དུ་དམ་ཆོས་སྦྱངས། །ཉེར་གཅིག་དུས་སུ་རྡོ་རྗེ་ཚེར་མ་ཡི། །ཟུག་རྔུས་གདུང་ཚེ་རྣལ་འབྱོར་དབང་ཕྱུག་དང་། །ལྷ་བཞིས་བྱིན་བརླབས་སྔོན་གྱི་ལས་ངན་རྣམས། །བསྙུན་གྱིས་ཟད་ནས་ཚེ་འདིར་མཁའ་སྤྱོད་དུ། །འགྲོ་བའི་ལུང་བསྟན་ཐོབ་ལ༴ <br />།རང་བྱུང་སྒྲོལ་མའི་སྤྱན་སྔར་ཞག་ལྔའི་བར། །སྨྱུང་བར་གནས་ཚེ་ཕ་མས་ལྕགས་སུ་གཅུག །རྡོ་རྗེ་རྣལ་འབྱོར་མ་ཡིས་ལེགས་བཀྲོལ་ནས། །ལུང་བསྟན་བྱིན་གྱིས་བརླབས་ལ༴ <br />།རྣམ་གནོན་ཚུལ་གྱིས་བསྔགས་པའི་གཙུག་ལག་ཏུ། །ཡོངས་རྫོགས་ཐུབ་པའི་བསླབ་གཞི་ལེགས་པར་བླངས། །པཎྜི་ཏ་དང་གྲུབ་ཐོབ་ཏུ་མ་ལས། །མདོ་རྒྱུད་རྫོགས་པར་གསན་ལ༴ <br />།ཟབ་མོ་སྔགས་ཀྱི་དོན་ལ་མཉམ་གཞག་ཚེ། །བླ་མས་ཨ་བ་དྷཱུ་ཏིའི་སྤྱོད་པ་ལ། །གནས་པར་བསྐུལ་ཡང་མཁས་པའི་བསྙེམས་པ་ཡིས། །རེ་ཞིག་བཤོལ་བས་ཕྱིས་སུ་རྩེ་གཅིག་ཏུ། <br />།བསྒྲུབས་ཀྱང་མ་གྲུབ་གུ་ཎ་ཨཱ་ཀ་རའི། །བཀའ་བཞིན་ལྗགས་དང་ཡན་ལག་སྤུ་གྲི་ཡིས། །བཅད་པའི་མོད་ལ་ལྷ་བཞིས་ཞལ་གཟིགས་ཤིང་། །སྐུ་ལུས་སོར་ཆུད་གྱུར་ལ༴ <br />།སྤྱན་རས་གཟིགས་དབང་རྡོ་རྗེ་རྣལ་འབྱོར་མ། །རྗེ་བཙུན་སྒྲོལ་མ་མྱུར་མཛད་ཡེ་ཤེས་མགོན། །ནམ་བཞེད་དུས་ན་དངོས་སུ་ཆོས་གསུང་ཞིང་། །བྱིན་རླབས་དངོས་གྲུབ་སྩལ་ལ༴ <br />།ཛྙ་ན་སཱ་ག་ར་ཡི་བཀའ་བཞིན་དུ། །ཞག་བདུན་ཆུར་ཕྱིང་སྲིན་བུ་པད་པ་ཡིས། །སྐུ་ཡི་ཁྲག་འཇིབ་གྲོང་ལ་ཉེ་བ་ཡིས། །ལས་སྒྲིབ་རྩད་ནས་ཟད་ལ༴ <br />།གྲུབ་ཐོབ་རྣལ་འབྱོར་རྣམས་ཀྱི་བཀས་བསྐུལ་ཏེ། །རྫུ་འཕྲུལ་མཐུ་ཡིས་གངས་ཅན་ལྗོངས་སུ་ཕེབས། །མཁས་གྲུབ་ཁྱུང་པོའི་སྤྱན་སྔར་ཡ་མཚན་པའི། །ཆོ་འཕྲུལ་ཐོག་དྲངས་བྱིན་རླབས་ལྷ་བཞི་སོགས། <br />།ཟབ་མོའི་གདམས་ངག་བཀའ་དང་ལག་ལེན་བཅས། །དུ་མ་སྩལ་ཞིང་སྤྲུལ་པའི་དཀྱིལ་འཁོར་དུ། །སྐལ་ལྡན་འགའ་ཞིག་བཅུག་ནས་འཕགས་ཡུལ་དུ། །ཡུད་ཀྱིས་གཤེགས་པར་མཛད་ལ༴ <br />ལྷོ་ཕྱོགས་རབ་བརྟན་རྡོ་རྗེའི་ས་གཞི་རུ། །གཡེངས་སྤངས་སྒྲུབ་པའི་ས་སྡེ་བཙུགས་པ་ཡིས། །ཕྱག་རྒྱ་ཆེན་པོ་མཆོག་གི་དངོས་གྲུབ་དང་། །འཆི་མེད་རིག་འཛིན་བརྙེས་ལ༴ <br />།རི་བོ་ནག་པོ་ཞེས་གྲགས་ཤིང་གི་རིའི། །ཁོང་གསེང་ཉིད་དུ་འཇའ་ལུས་རྡོ་རྗེར་བཞུགས། །སྦྱངས་པའི་མཐར་སོན་ངོ་མཚར་རྨད་བྱུང་བ། །གྲུབ་པའི་དབང་ཕྱུག་མཆོག་ལ་གསོལ་བ་འདེབས། <br />།བདག་ཀྱང་སྒྲིབ་གཉིས་དྲི་མ་ཀུན་ཟད་ནས། །ཡེ་ཤེས་ཉི་མ་ཁོང་ནས་ཤར་བ་ཡིས། །གློ་བུར་མ་རིག་འཁྲུལ་པའི་མུན་ཁང་བཅོམ། །རྡོ་རྗེའི་རིག་འཛིན་ཚེ་འདིར་འགྲུབ་གྱུར་ཅིག <br /><br />Khyungpo Neljor<br /><span class="tibetan_small">༈ །[[Khyungpo Neljor|མཁས་གྲུབ་ཁྱུང་པོ་རྣལ་འབྱོར་]]ལ་གསོལ་བ་འདེབས་པ་མོས་གུས་ཀྱི་སྒྲ་དབྱངས་ཞེས་བྱ་བ།</span> <br />དགེ་ལེགས་ཀུན་འབྱུང་ཐུབ་པའི་བསྟན་པ་ལ། །དུས་གསུམ་འགྲན་ཟླ་བྲལ་བའི་མཁས་གྲུབ་ཆེ། །མཐར་ཐུག་ལྔ་ལྡན་ངོ་མཚར་སྤྲུལ་པའི་སྐུ། །ཁྱུང་པོ་རྣལ་འབྱོར་ཞབས་ལ་གསོལ་བ་འདེབས། <br />།གདོད་ནས་བྱང་ཆུབ་ཆེན་པོ་མངོན་མཛད་ཀྱང་། །ཐུགས་རྗེ་རྒྱུན་མི་འཆད་པས་གདུལ་བྱའི་ངོར། །རྣམ་འཕྲུལ་མཁའ་དང་ཆོས་དབྱིངས་ཁྱབ་པར་སྟོན། །སྐུ་གསུམ་ཡོངས་རྫོགས་ཁྱེད་ལ༴ <br />།བོད་ཡུལ་ས་ཡི་ཐིག་ལེ་དབུ་རུའི་ལྗོངས། །སྙེ་མོའི་གནས་སུ་སྤྲུལ་པའི་མཚན་དཔེ་ཉིད། །གསལ་བའི་མོད་ལ་གྲུབ་ཐོབ་ཨ་མོ་གྷས། །བྱིན་རླབས་ལུང་བསྟན་མཛད་ལ༴ <br />།འདི་ནི་སྤྲུལ་པའི་སྐུ་སྟེ་རྒྱ་གར་བགྲོད། །པཎྜི་ཏ་དང་གྲུབ་ཐོབ་ཐམས་ཅད་ཀྱི། །ཐུགས་བཅུད་བསྡུས་ནས་འགྲོ་རྣམས་སྨིན་གྲོལ་བྱེད། །སྣ་ཚོགས་སྤྲུལ་པས་གདུལ་བྱ་འདུལ་བར་འགྱུར། །ཐེག་ཆེན་སྙིང་པོ་མཐའ་བྲལ་ཆོས་སྒྲ་སྒྲོགས། །མཐར་ཐུག་གསང་སྔགས་བདེ་སྟོང་དབྱེར་མེད་ཀྱི། །སེང་གེའི་ང་རོ་ཕྱོགས་བཅུར་སྒྲོགས་པར་འགྱུར། །དེ་ཡི་ལུས་ནི་བདེ་མཆོག་འཁོར་ལོ་སྟེ། །གསུང་ནི་མ་ཧཱ་མ་ཡའི་བདག་ཉིད་འགྱུར། །ཐུགས་ནི་དཔལ་ལྡན་དགྱེས་པ་རྡོ་རྗེ་སྟེ། །སྤྲུལ་པའི་གནས་མཆོག་གསང་བ་འདུས་པ་ལ། །གསང་གནས་བདེ་སྐྱོང་གཤིན་རྗེ་གཤེད་དུ་འགྱུར། དཀྱིལ་འཁོར་དེ་རྣམས་ལུས་ལ་བཀོད་ནས་ཀྱང་། །གདུལ་བྱ་རྣམས་ལ་དངོས་སུ་སྟོན་པར་བྱེད། །གཞན་ཡང་ཡི་དམ་སྣ་ཚོགས་གཟུགས་བཟུང་ནས། །གདུལ་དཀའི་སྐྱེ་བོ་དཔག་མེད་འདུལ་བར་བྱེད། །ལོ་ནི་བརྒྱ་དང་ལྔ་བཅུ་འཚོ་བར་འགྱུར། །དེ་ཡི་མཐར་ནི་མཛད་པ་བརྟུལ་བའི་ཚེ། །ལྟས་དང་རྫུ་འཕྲུལ་སྣ་ཚོགས་སྟོན་པར་འགྱུར། །དེ་ནས་ཞིང་ཁམས་རྣམ་དག་བདེ་བ་ཅན། །རྒྱལ་བ་ཀུན་བསྔགས་ཞིང་དེར་སངས་རྒྱས་ནས། །ཐེག་ཆེན་ཆོས་ཀྱི་འཁོར་ལོ་བསྐོར་བར་འགྱུར། །ཕྱི་རབས་དད་ལྡན་གདུལ་བྱ་ཐམས་ཅད་ཀུན། རྒྱལ་བའི་ཞིང་དེར་བགྲོད་པར་ཐེ་ཚོམ་མེད། །དེ་སྐད་གསུངས་ནས་བླ་མ་གྲུབ་ཐོབ་དེ། །མཁའ་ལ་བྱ་བཞིན་གཤེགས་ལ༴ <br />།ཀུན་བཟང་རིག་སྣང་འོད་ཀྱི་རྒྱལ་པོ་ཡིས། །བྱིན་རླབས་ངོ་མཚར་ཁྱུང་ཆེན་གདུང་ལས་གྲོལ། །ཡིག་རྩིས་སེམས་ཕྱོགས་བོན་ལ་མཁས་ཤིང་གྲུབ། །དེ་འདུལ་གདུལ་བྱ་བསྐྱངས་ལ༴ <br />།འབྱུང་གནས་སེང་གེ་སྐོར་ནི་རུ་པ་ལས། རྫོགས་ཆེན་སྡེ་གསུམ་ཕྱག་ཆེན་གཞུང་གདམས་གསན། །སོ་སོའི་བསྟན་ལ་སྟོན་པ་གཉིས་པར་གྱུར། །སྐྱེས་ཐོབ་རྩལ་ཆེན་རྫོགས་ལ༴ <br />།སྔོན་སྦྱངས་སྟོབས་ཀྱིས་འཕགས་པའི་ཡུལ་དུ་བགྲོད། །རྡོ་རྗེ་གདན་དུ་སངས་རྒྱས་གཉིས་པ་མཇལ། །སྡེ་སྣོད་གསུམ་དང་རྒྱུད་སྡེ་བཞི་ལ་སོགས། །ཡོངས་རྫོགས་ཐུགས་སུ་ཆུད་ལ༴ <br />།ཁྱོད་ནི་སྔོན་ཚེ་རྒྱལ་བས་ལུང་བསྟན་པའི། །ཉན་ཐོས་རྫུ་འཕྲུལ་ཆེ་སྟེ་བདག་ལ་སོགས། །རྒྱ་གར་མཁས་པས་མཁན་པོ་མི་ནུས་ཞེས། །བསམ་ཡས་ཡུལ་དུ་བསྔགས་ལ༴ <br />།གང་གིས་ལུང་བསྟན་ཇི་བཞིན་བསིལ་ལྡན་ལྗོངས། །སྣང་བ་མཐའ་ཡས་སྒྱུ་འཕྲུལ་གླང་ཐང་པས། །ཚངས་སྤྱོད་ཐར་པའི་རྒྱལ་མཚན་བསླངས་པར་མཛད། །ཐུབ་དབང་གཉིས་པར་གྱུར་ལ༴ <br />།དཀོན་པའི་རིན་ཆེན་གསེར་ཕྱེ་ཕོངས་མེད་ཁྱེར། །གཅེས་པའི་སྲོག་ལ་མ་བལྟས་དཀའ་སྤྱད་ནས། །རྒྱ་དང་བལ་པོའི་ཡུལ་དུ་ལན་བདུན་བྱོན། །སེམས་དཔའ་ཆེན་པོ་ཁྱོད་ལ༴ <br />།རྒྱ་གར་མཁས་པ་བརྒྱ་དང་ལྔ་བཅུ་བསྟེན། །ཁྱད་པར་མཁས་ཤིང་གྲུབ་ཐོབ་ལྔ་བཅུ་དང་། །རྩ་བའི་བླ་མ་ཁྱད་འཕགས་རྣམ་པ་བཞི། །ལོངས་སྐུ་དྲུག་པ་རྡོ་རྗེ་འཆང་ཆེན་ལ། <br />།དངོས་སུ་ཆོས་གསན་ཡེ་ཤེས་མཁའ་འགྲོ་གཉིས། །མཉེས་པར་མཛད་ནས་མཐར་ཐུག་གདམས་ངག་ཞུས། །སྒྲོ་འདོགས་ཆོད་ནས་རྩེ་གཅིག་བསྒྲུབས་པ་ཡིས། །མཆོག་ཐུན་དངོས་གྲུབ་བརྙེས་ལ༴ <br />།སོ་ས་གླིང་མཆོག་སེང་ལྡེང་ནགས་གསེབ་ཏུ། །རྒྱལ་ཡུམ་རྡོ་རྗེ་བཙུན་མོ་ནི་གུ་མས། །ཆིག་བརྒྱུད་རྡོ་རྗེ་འཆང་གི་གསང་མཛོད་གཏད། །ས་བཅུའི་དབང་ཕྱུག་གྱུར་ལ༴ <br />བདེ་སྦྱིན་སྨན་གྱི་ཚལ་དུ་བདག་མེད་མ། །སུ་ཁ་སིདྡྷིས་དབང་བསྐུར་ལུང་བསྟན་ཅིང་། །གདམས་པའི་བདུད་རྩིས་ཐུན་མིན་བྱིན་གྱིས་བརླབས། །དྲུག་པའི་རྒྱལ་ཚབ་གྱུར་ལ༴ <br />[[Atayavajra|གཉིས་མེད་རྡོ་རྗེ]]ས་སྤྲུལ་པའི་དཀྱིལ་འཁོར་དུ། །དབང་བསྐུར་ལུང་ནོད་མངའ་བདག་[[Maitripa|མཻ་ཏྲི་པ]]ར། །ཕྱག་རྒྱ་ཆེ་དང་མགོན་པོའི་གདམས་པ་གསན། །ཆོས་སྐྱོང་བྲན་དུ་ཁོལ་ལ༴ <br />།རྡོ་རྗེ་གདན་དུ་དུས་མཆོད་ཆེན་མོ་མཛད། །ངོ་མཚར་མཚན་ལྟས་ཞག་བཅུ་སྦྲེལ་མར་བྱུང་། །ལྷ་མི་མཁས་གྲུབ་ཀུན་གྱིས་མགྲིན་གཅིག་བསྔགས། །ས་གསུམ་འགྲན་ཟླ་བྲལ་ལ༴ <br />བླ་མ་ཡི་དམ་མཁའ་འགྲོ་ཆོས་སྐྱོང་ཀུན། །མྱུར་མཛད་ཡེ་ཤེས་མགོན་པོར་འདུས་པ་ཉིད། །སྐྱེ་དང་བརྒྱུད་པར་བཅས་པའི་ལྷ་སྐལ་དུ། །དངོས་སུ་ཞལ་བཞེས་ཁྱོད་ལ༴ <br />།ལྷ་བཞིས་རྗེས་བཟུང་གྲུབ་ཆེན་རཱ་ཧུ་ལ། །གདམས་ངག་སྒོ་སྐྱེལ་ཕེབས་ནས་རྒྱུད་སྒྲུབ་ཐབས། །མན་ངག་ལས་ཚོགས་བརྗོད་ལས་འདས་པ་གསན། །ཡ་མཚན་རྫུ་འཕྲུལ་སྟོན་ལ༴ <br />སྤྲུལ་པའི་དཀྱིལ་འཁོར་དུ་མར་དབང་བསྐུར་མཛད། །དགྲ་བགེགས་གཡུལ་ངོ་སྤྲུལ་པའི་དམག་གིས་བཟློག །འཇམ་དཔལ་དབྱངས་ཀྱིས་དམིགས་པའི་སྒྲོམ་བུ་གསུངས། །ནད་གདོན་དངོས་སུ་འདོན་ལ༴ <br />།གཤིན་རྗེའི་ཕོ་ཉ་ལྷ་ཡི་བུ་མོར་སྤྲུལ། །རྟག་འཛིན་ཅན་རྣམས་སྐྱོ་དང་སྤྲོ་བ་སྐྱེད། །རི་བྲག་ཟང་ཐལ་གཅིག་དང་དུ་མ་སོགས། །སྒྱུ་མའི་ཆོ་འཕྲུལ་སྟོན་ལ༴ <br />།བླ་མ་ཌཱ་ཀིའི་ལུང་བཞིན་ཤངས་སུ་ཕེབས། །ཞང་ཞང་ཐོག་དྲངས་དགོན་གནས་བརྒྱ་རྩ་བཏབ། །ཉན་བཤད་སྒོམ་སྒྲུབ་ས་སྟེང་ཁྱབ་པར་མཛད། །བསྟན་པའི་སྒྲོན་མེར་གྱུར་ལ༴ <br />།སྐུ་ལུས་དགྱེས་རྡོར་སྤྲུལ་པའི་ལྷ་དགུ་ལ། །གནས་ལྔ་རྒྱུད་སྡེ་ལྔ་པོ་དངོས་སུ་གྲུབ། །ཆོས་ཁྲི་བརྒྱ་རྩ་བརྒྱད་དུ་དེ་སྙེད་ཀྱི། །སྤྲུལ་པས་ཆོས་སྟོན་མཛད་ལ༴ <br />།རྒྱལ་ཆེན་རིས་བཞིའི་ལྷ་ཡིས་གསོལ་བཏབ་པས། །ཟླ་བདུན་ཏིང་འཛིན་ཟས་ཀྱི་འཚོ་བ་བཅས། །ཏཱ་ལ་སྲིད་ཀྱི་ནམ་མཁར་སྐྱིལ་ཀྲུང་བཞུགས། །ཐེག་ཆེན་ཆོས་འཁོར་བསྐོར་ལ༴ <br />།བླ་མའི་དགོངས་རྫོགས་ལྷ་ཚིམས་མི་རྣམས་གྲོལ། །སངས་རྒྱས་བསྟན་ལ་བྱ་བ་བྱས་སོ་ཞེས། །མེ་ཏོག་ཆར་ཕབ་ཨ་ལ་ལ་ཡི་སྒྲས། །ལྷ་རྣམས་ཆེད་དུ་བརྗོད་ལ༴ <br />བཤད་གྲྭ་ཆེན་མོའི་ཕྲག་དོག་སྤྲུལ་པས་གཞིལ། །མུ་གེའི་དུས་སུ་སྔ་དྲོ་ཐང་ཆེན་ལ། །ས་བོན་བཏབ་པ་ཕྱི་དྲོ་འབྲས་བུར་སྨིན། །སྐྱེ་དགུ་འཚོ་བར་མཛད་ལ༴ <br />།འོག་མིན་བདེ་བ་ཅན་དང་པོ་ཏ་ལར། །ཡུམ་ཆེན་འོད་དཔག་མེད་མགོན་ཐུགས་རྗེ་ཆེས། །སྐྱེ་མེད་རྣམ་གསུམ་ཚེ་སྒྲུབ་བདུད་རྩི་བུམ། །སྙིང་རྗེ་མཁའ་ཁྱབ་སྩལ་ལ༴ <br />།ལྕང་ལོ་ཅན་དང་ཨོ་རྒྱན་གནས་སུ་ཕེབས། །གསང་བདག་རྣལ་འབྱོར་མ་ཡིས་དབང་བསྐུར་ཞིང་། །གསང་རྒྱུད་འབར་དང་འདུ་བའི་གདམས་ངག་གནང་། །ཏིང་འཛིན་འདོད་རྒུར་སྒྱུར་ལ༴ <br />།ཐང་ལྷ་ཤཾ་པོ་མ་དྲོས་པ་ལ་སོགས། །མཐུ་ལྡན་ཆེ་དགུས་སྲོག་གི་སྙིང་པོ་ཕུལ། །དབང་བསྐུར་དམ་བཏགས་བསྟན་པ་སྲུང་བར་བསྐོས། །ཧེ་རུ་ཀ་དཔལ་མཆོག་ལ༴ <br />།སློབ་མ་དབུས་གཙང་ཁམས་གསུམ་ས་གཞི་ལ། །རྨེའུ་སྟོན་དྲི་མེད་ཤེས་རབ་སྡོང་པོ་སྐྱེས། །[[Yorpo Gyamoché|གཡོར་པོ་རྒྱ་མོ་]]ཕན་སེམས་ཡལ་ག་བརྐྱངས། །དངུལ་སྟོན་རིན་དབང་སྙིང་རྗེའི་ལོ་འདབ་རྒྱས། <br />།ལ་སྟོད་དཀོན་མཁར་བྱམས་པའི་མེ་ཏོག་བཀྲ། །ཞང་སྒོམ་ཆོས་སེང་འོད་གསལ་སྙིང་པོ་ལྕི། །རྨོག་ལྕོག་སྒྱུ་ལུས་རྨི་ལམ་འབྲས་བུ་སྨིན། །བླ་མ་ཌཱ་ཀིས་ལུང་བསྟན་རང་མཉམ་གྱི། <br />།སློབ་མའི་མཐར་ཐུག་དྲུག་གིས་གཙོར་མཛད་པའི། །ཚོགས་པའི་མཐར་ཐུག་ཁྲི་ཕྲག་བཅོ་བརྒྱད་ལ། །ལོ་གྲངས་དུ་མར་ཆོས་བསྟན་སྨིན་མཛད་ནས། །སྐུ་ཚེའི་མཐར་ཐུག་བརྒྱ་དང་ལྔ་བཅུའི་མཐར། <br />།རྒྱལ་ཆེན་སྡེ་བཞི་དྲི་ཟའི་རྒྱལ་པོ་སོགས། །འཇིག་རྟེན་ཆེ་དགུས་མྱ་ངན་མི་འདའ་བར། །གསོལ་བཏབ་གྱུར་ལ་ཐུགས་རྗེས་བརྩེར་དགོངས་ནས། །ཆོས་གསུང་ལུང་བསྟན་མཛད་ལ༴ <br />།འོད་དཔག་མེད་པས་བདེ་ཆེན་ཞིང་བཀོད་བསྟན། །ཁྱོད་ནི་སྐྱེ་མཐའི་བྱང་ཆུབ་སེམས་དཔའ་སྟེ། །བདེ་བ་ཅན་དུ་མངོན་པར་བྱང་ཆུབ་འགྱུར། །གང་ཞིག་ཁྱོད་ཀྱི་རྗེས་སུ་སློབ་པ་དང་། <br />།འོད་དཔག་མེད་པའི་མཚན་ཐོས་དེ་དག་ཀྱང་། །བདེ་བ་ཅན་དུ་རྫུ་འཕྲུལ་ཆེན་པོས་སྐྱེ། །བརྒྱུད་འཛིན་རྣམ་གསུམ་མངོན་དགའ་ལ་སོགས་སུ། བྱང་ཆུབ་ལུང་བསྟན་ཐོབ་ལ༴ <br />།བདག་གི་བཀའ་བབས་གདམས་ངག་གནད་འདི་ལྟ། །གང་ནའང་མེད་པས་དབང་པོ་རབ་འབྲིང་ཐ། །རྣམ་སྨིན་བག་ཆགས་བར་དོར་འཚང་རྒྱ་ཞེས། །ངེས་པར་ཞལ་གྱིས་བཞེས་ལ༴ <br />།ང་ལ་དད་རྣམས་བདེ་བ་ཅན་ཞིང་དུ། །གསོལ་བ་ཐོབ་དང་དེར་སྐྱེ་ཐེ་ཚོམ་མེད། །གསུངས་ནས་སྐུ་ལུས་བཀོད་པ་དུ་མ་བསྟན། །དབང་བཅུའི་བདག་ཉིད་ཁྱེད་ལ༴ <br />།རྒྱུད་སྡེ་ལྔ་དང་བྱིན་རླབས་ལྷ་བཞི་སོགས། །སོ་སོའི་སྐུར་དངོས་བཞེངས་ནས་དམ་ཆོས་གསུངས། །འཇའ་འོད་རོལ་མོའི་སྒྲ་ཡིས་གནམ་ས་གང་། །མེ་ཏོག་ཆར་ཆེན་བབས་ལ༴ <br />།ངོ་མཚར་ལྟས་བཅས་བདེ་བ་ཅན་དུ་གཤེགས། །སྐུ་དང་རིང་བསྲེལ་བཀྲ་ཤིས་འཁྱིལ་པ་སོགས། །དད་ལྡན་འདྲེན་ཕྱིར་གདུང་རིགས་དཔག་མེད་སྤྲུལ། །གྲོལ་བ་བཞི་ལྡན་ཁྱོད་ལ༴ <br />།བདུན་ཕྲག་གསུམ་ལ་ཡ་མཚན་ལྟས་བཟང་སྤྲེལ། །མཐོང་གྲོལ་སྐུ་འབུམ་ལྷ་སྐུ་མཁའ་འགྲོ་མས། །དངོས་སུ་མཆོད་ཅིང་ཕྱོགས་བཞིར་འོད་ཟེར་ཤར། །སངས་རྒྱས་དངོས་དང་མཚུངས་ལ་གསོལ་བ་འདེབས། <br />།བསམ་མི་ཁྱབ་པའི་རྣམ་ཐར་རྒྱ་མཚོ་ལས། །གསོལ་འདེབས་ཆུ་ཐིགས་དད་པས་བླངས་པའི་མཐུས། །བདག་དང་འབྲེལ་བཅས་རྗེས་བཟུང་བྱིན་རློབས་ནས། །ཁྱོད་ཀྱི་རྣམ་ཐར་ཚེ་འདིར་མངོན་བྱེད་ཤོག <br />།རྗེ་བཙུན་ཁྱུང་པོ་བསླུ་མེད་སྐྱབས་ཀྱི་མཆོག །འགྲོ་ཀུན་སྤྱི་གཙུག་པད་ཟླའི་གདན་བཞུགས་ལ། །ཐུགས་རྗེ་རྒྱུན་ཆད་མེད་པའི་བཀའ་དྲིན་གྱིས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། <br /><br />Mokchokpa Rinchen Tsöndrü<br /><span class="tibetan_small">༈ །[[Mokchokpa Rinchen Tsöndrü|མཉམ་མེད་རྨོག་ལྕོག་པ་]]ལ་གསོལ་བ་འདེབས་པ་ངོ་མཚར་གྱི་སྒྲ་དབྱངས་ཞེས་བྱ་བ།</span> <br />དོན་གཉིས་ལྷུན་གྱིས་གྲུབ་པ་རྒྱལ་བའི་སྲས། །ཡེ་ཤེས་ཌཱ་ཀིས་ལུང་བསྟན་རྩོད་མེད་ཀྱི། །གྲུབ་པའི་དབང་ཕྱུག་དཔལ་ལྡན་རྨོག་ལྕོག་པ། །རིན་ཆེན་བརྩོན་འགྲུས་ཞབས་ལ་གསོལ་བ་འདེབས། <br />།ཤངས་ཀྱི་ལྷ་ཕུར་ཤེའུའི་རིགས་སུ་འཁྲུངས། །ཆོས་སྒོར་ཞུགས་ནས་བླ་མ་ཚུལ་བཞིན་བསྟེན། །སྒྲོ་འདོགས་ཆོད་ནས་ཉམས་སུ་བཞེས་པ་ཡིས། །ངེས་ཤེས་ཐག་ཆོད་འཁྲུངས་ལ༴ <br />།ཐོས་པ་སྣུམ་དྲེད་ཁྱེར་བའི་གང་ཟག་གིས། །རྐྱེན་བྱས་གདམས་ངག་ཚོལ་བར་དམ་བཅས་ཏེ། །ཁམས་པ་ཨ་སེང་སྤྱན་སྔར་རྒྱུད་རྒྱལ་གྱི། །བསྐྱེད་རྫོགས་ཟབ་མོ་གསན་ལ༴ <br />།བུར་སྒོམ་ཞབས་ལས་རྗེ་བཙུན་རས་ཆུང་པའི། །བསྐྱེད་རྫོགས་ཞུས་ནས་སྒྲུབ་ལ་གཞོལ་བའི་ཚེ། །དགྲ་ལ་རྟགས་བསྟན་རྗེ་བཙུན་རྣལ་འབྱོར་མའི། །ཞལ་གཟིགས་ཏིང་འཛིན་བརྙེས་ལ༴ <br />།དཀོན་མཁར་[[Yorpo Gyamoché|གཡོར་པོ་]]རྡོ་རྗེ་རྒྱལ་སོགས་ལས། །ཕར་ཕྱིན་གཙོར་གྱུར་གཞུང་གདམས་དུ་མ་གསན། །ཁྱད་པར་གྲུབ་ཆེན་ཁྱུང་པོས་རྗེས་སུ་བཟུང་། །མཉེས་པ་དགུ་ཕྲུགས་བསྒྲུབས་ལ༴ <br />།གསེར་གྱི་ཡོན་ཕུལ་རྩ་བའི་བླ་མ་བཞིའི། །གདམས་ངག་ལྷག་མ་མེད་པར་གནང་ནས་ཀྱང་། །ཆིག་བརྒྱུད་བཀའ་བབས་རྟག་ཏུ་བླ་མའི་སྐུ། །རྒྱུད་སྡེའི་ལྷ་རུ་གཟིགས་ལ༴ <br />།སྒྱུ་མ་ལྟ་བུའི་ཏིང་འཛིན་མངོན་དུ་གྱུར། །གཅིག་ཤེས་ཀུན་གྲོལ་མཁྱེན་རབ་རྩལ་ཁ་རྒྱས། །གདུག་པའི་འབྱུང་པོ་མཐའ་དག་བཏུལ་ནས་ཀྱང་། །འགྲོ་མང་བདེར་བཀོད་མཛད་ལ༴ <br />།མི་འཁྲུགས་པ་དང་ཡེ་ཤེས་ཌཱ་ཀི་གཉིས། །ཨིནྡྲ་བོ་དྷི་རྡོ་རྗེ་རྣལ་འབྱོར་མ། །ཁྱད་པར་ཧེ་རུ་ཀ་ཡི་ཞལ་གཟིགས་ཤིང་། །ཟབ་རྒྱས་དམ་ཆོས་གསན་ལ༴ <br />།མཉམ་མེད་དྭགས་པོའི་སྤྱན་སྔར་བྱོན་པའི་ཚེ། །སྐྱེ་བ་དུ་མའི་བུ་གསུངས་དགྱེས་བརྩེར་མཛད། །གཅེར་མཐོང་ཆོས་སྐུ་རྗེན་པར་ངོ་སྤྲད་པས། །རྟོགས་གྲོལ་དུས་མཉམ་གྱུར་ལ༴ <br />།ཕྱག་རྒྱ་ཆེན་པོའི་བཀའ་བབས་བརྒྱུད་པ་གཏད། །ཏིང་འཛིན་རྩལ་རྫོགས་དེ་ནས་ཇི་སྲིད་བར། །ཚེ་འདིའི་རྣམ་རྟོག་སྐྱེ་བར་མ་མྱོང་གསུངས། །སྲིད་ཐའི་བྱང་སེམས་ཁྱོད་ལ༴ <br />།རྨོག་ལྕོག་བྲག་ཏུ་ལོ་གྲངས་བཅུ་གཉིས་པར། །མི་ཟས་སྤངས་ནས་རྩེ་གཅིག་སྒྲུབ་པའི་ཚེ། །མི་གཡོ་ལྷ་བཞི་ཡེ་ཤེས་མགོན་པོ་དང་། །ཌཱ་ཀི་དངོས་སུ་བྱོན་ལ༴ <br />།ཤངས་པའི་དུས་མཆོད་མཛད་ཚེ་བླ་མ་དང་། །འོད་དཔག་མེད་བྱོན་དབུ་མའི་བདུད་རྩི་གནང་། །རྡུལ་གཅིག་སྟེང་ན་རྡུལ་སྙེད་སངས་རྒྱས་ཀྱི། །ཞིང་ཁམས་མངོན་སུམ་གཟིགས་ལ༴ <br />།ཟད་པར་ཟིལ་གནོན་གཞན་གྱིས་མཐོང་བར་སྤྲུལ། །ནམ་མཁར་སྐྱིལ་ཀྲུང་བཞུགས་པས་སྐལ་ལྡན་རྣམས། །དད་ཅིང་རྗེས་བཟུང་གདུལ་བྱ་དཔག་མེད་འདུས། །ཀུན་ཀྱང་སྨིན་གྲོལ་མཛད་ལ༴ <br />།མཚན་དང་གསུང་ཐོས་བཞུགས་གནས་མཇལ་བ་དང་། །དད་ཅིང་མོས་པ་ཙམ་གྱིས་ཏིང་ངེ་འཛིན། །རྒྱུད་ལ་སྐྱེས་ནས་གྲོལ་བ་ཚད་མེད་བྱུང་། །འབྲེལ་ཚད་དོན་ལྡན་ཁྱོད་ལ༴ <br />།དབང་བསྐུར་མཛད་ཚེ་སྐུ་ཡི་གནས་ལྔ་དང་། །རྡུལ་ཚོན་དཀྱིལ་འཁོར་རྒྱུད་སྡེ་ལྔ་ཡི་ལྷར། །དངོས་སུ་གྱུར་པ་སྐལ་ལྡན་ཀུན་གྱིས་མཐོང་། །བྱིན་རླབས་འབྱུང་གནས་ཁྱོད་ལ༴ <br />།བདེ་ལྡན་ཞིང་ནས་རྒྱལ་བའི་རིམ་གྲོ་པ། །སྤྱན་འདྲེན་ཕེབས་ཀྱང་ཞལ་བཞེས་མ་གནང་བར། །ལོ་གསུམ་བརྟན་བཞུགས་ཆོས་ཀྱི་འཁོར་ལོ་བསྐོར། །བུ་སློབ་སྐྱོང་བར་མཛད་ལ༴ <br />།ང་ནི་འདི་ནས་ཤར་ཕྱོགས་མངོན་དགའི་ཞིང་། །འོད་འཕྲོ་ཅན་དུ་མངོན་པར་སངས་རྒྱས་ནས། །ཐེག་ཆེན་འབའ་ཞིག་སྟོན་པར་འགྱུར་རོ་ཞེས། །སེང་གེའི་སྒྲ་ཆེན་བསྒྲགས་ལ༴ <br />།བརྒྱུད་འཛིན་ཐམས་ཅད་ཞིང་དེར་གསོལ་བ་ཐོབ། །རྣམ་དག་ཞིང་མཆོག་དེ་རུ་སྐྱེའོ་གསུངས། །ངོ་མཚར་ཆོ་འཕྲུལ་དཔག་ཏུ་མེད་པ་བསྟན། །འོད་འཕྲོའི་ཞིང་དུ་གཤེགས་ལ༴ <br />།སླར་ཡང་རྫུ་འཕྲུལ་འོད་ཀྱི་ལམ་ལ་བྱོན། །བརྒྱུད་པའི་དབང་ཞུ་འགྲོ་བའི་མགོན་ལ་བཀོན། །ཤེས་རབ་རས་པར་རིགས་བརྒྱུད་མི་འཆད་པའི། །གོ་ས་གཏད་པར་མཛད་ལ་གསོལ་བ་འདེབས། <br />།ཆོས་ཀྱི་རྒྱལ་པོ་རྗེ་བཙུན་རྨོག་ལྕོག་པ། །གསོལ་བ་འདེབས་ལ་ཐུགས་རྗེས་བརྩེར་དགོངས་ཏེ། །སྐུ་གསུང་ཐུགས་ཀྱིས་བྱིན་གྱིས་བརླབས་པ་དང་། །འོད་འཕྲོ་ཅན་གྱི་ཞིང་དུ་འདྲེན་དུ་གསོལ། <br /><br />Öntön Kyergangpa<br /><span class="tibetan_small">༈ །[[Öntön Kyergangpa|དབོན་སྟོན་སྐྱེར་སྒང་པ་ཆེན་པོ་]]ལ་གསོལ་བ་འདེབས་པ་དད་པའི་སྒྲ་དབྱངས་ཞེས་བྱ་བ།</span> <br />བྱམས་པའི་སྤྲིན་ཆེན་འོད་གསལ་མཁའ་ལ་འཁྲིགས། །སྙིང་རྗེའི་ཆར་རྒྱུན་གདུལ་བྱའི་ཞིང་སར་འབེབས། །གྲུབ་གཉིས་འབྲས་བུ་སྨིན་མཛད་སྐྱེར་སྒང་པ། ཆོས་ཀྱི་སིངྒེ་ཞབས་ལ༴ <br />།འཕགས་པའི་ཡུལ་དུ་ཤེས་རབ་གོ་ཆ་སོགས། །ཡོངས་སུ་གྲགས་དང་སྦས་པའི་རྣལ་འབྱོར་པ། །དུ་མར་སྤྲུལ་ནས་གདུལ་བྱ་དཔག་མེད་འདུལ། ཐུགས་རྗེའི་མངའ་བདག་ཁྱེད་ལ༴ <br />།ཙཱི་ནའི་ཡུལ་དུ་ལོག་སྤྱོད་ཆོས་ལ་བཀོད། །ཕྲ་མེན་སྤྲེའུར་རང་གི་རིགས་མཐུན་གྱིས། །རྒྱུ་འབྲས་སྟོང་ཉིད་སྙིང་རྗེའི་ཆོས་བསྟན་མཛད། །གང་འདུལ་སྤྲུལ་པ་འགྱེད་ལ༴ <br />།སྐྱེ་བ་ཀུན་ཏུ་སྤྱན་རས་གཟིགས་དབང་གིས། །རྗེས་སུ་བཟུང་ནས་དོན་གཉིས་ལྷུན་གྱིས་གྲུབ། །གངས་ལྗོངས་འདིར་ཡང་སྣ་ཚོགས་སྤྲུལ་པའི་སྐུས། འཕགས་པའི་ཕྲིན་ལས་བསྒྲུབས་ལ༴ <br />།དབུ་རུར་འགྲོ་བའི་མགོན་འཁྲུངས་སྐྱེར་སྒང་དུ། །ཀུན་མཁྱེན་འབལ་ལས་རང་བྱུང་མདོ་ཕྱོགས་དང་། །ཀླུ་སྦུགས་རྣམས་སུ་གྲུབ་ཐོབ་ལྕེ་སྒོམ་ལས། །འཕགས་པའི་སྨིན་གྲོལ་གསན་ལ༴ <br />།མི་ལོ་ཕྱེད་བཞིར་དཀའ་སྤྱད་དྲག་པོ་ཡིས། །སྒྲུབ་པ་མཛད་པས་ཐུགས་རྗེ་ཆེན་པོ་དང་། །གཤིན་རྗེ་གཤེད་པོས་ཞལ་བསྟན་བྱིན་གྱིས་བརླབས། །རྟག་ཏུ་འབྲལ་བ་མེད་ལ༴ <br />།ཚ་སྒོམ་སྤེན་ཕུག་པ་ལས་རས་ཆུང་དང་། །ཇོ་བོ་བརྒྱུད་པའི་གདམས་ངག་རྫོགས་པར་གསན། །རྐྱེན་ལ་བརྟེན་ནས་རང་སེམས་ཆོས་ཀྱི་སྐུ། །སྐྱེ་མེད་མངོན་སུམ་རྟོགས་ལ༴ <br />།རྗེ་བཙུན་རྨོག་ལྕོག་པ་དང་མཇལ་བའི་ཚེ། །ཡེ་ཤེས་མགོན་པོས་བསུ་ཞིང་བྲན་དུ་ཁོལ། །ཆིག་བརྒྱུད་བཀའ་གཏད་སྣང་།བའི་བདེན་འཛིན་ཞིག །ཏིང་འཛིན་རྩལ་ཆེན་རྫོགས་ལ༴ <br />།སྤྱན་རས་གཟིགས་ཀྱིས་དམ་ཆོས་རྟག་ཏུ་སྩལ། །རྒྱུད་སྡེ་ལྔ་ཡིས་མན་ངག་ཟབ་དོན་གནང་། །གྲུབ་ཐོབ་ཌཱ་ཀི་དུ་མས་གདམས་པ་དང་། །རྗེས་སུ་བསྟན་པར་མཛད་ལ༴ <br />།སྐྱེར་སྒང་ཆོས་ཀྱི་གདན་སར་ཕེབས་པའི་ཚེ། །ཡེ་ཤེས་མགོན་པོའི་འཁོར་རྣམས་དངོས་སུ་འོང་། །བླ་མའི་གདན་སར་མཆོད་འབུལ་སྐྱེལ་པ་ཡི། །ཞབས་ཏོག་གུས་པས་བསྒྲུབས་ལ༴ <br />།མངོན་པར་ཤེས་པས་རིས་མེད་འགྲོ་བ་འདུལ། །ཝ་རུ་ཎ་ཡིས་ཀླུ་ཡི་ནོར་བུ་ཕུལ། །འཁོར་གསུམ་ཡོངས་སུ་དག་པ་ལན་གསུམ་གྱིས། །བླ་མ་མཉེས་པ་བསྒྲུབས་ལ༴ <br />།ཨོ་རྒྱན་གནས་སུ་པདྨ་ཐོད་ཕྲེང་ལས། །དབང་ཆེན་རྟ་མགྲིན་དབང་དང་སྒྲུབ་ཐབས་གསན། །པདྨའི་བཀའ་བཞིན་སྙེ་མོ་ཞུ་ཡས་ལས། །གདམས་ངག་རྫོགས་པར་མཛད་ལ༴ <br />།ཌཱ་ཀི་སྤྲིན་ལྟར་འདུ་བའི་ཞང་སྒོམ་སོགས། །གྲུབ་ཐོབ་རྣམས་ཀྱི་གདམས་པའི་ཟབ་བཅུད་བཞེས། །ཏིང་འཛིན་གཟུངས་ཆུ་ཙམ་གྱིས་ཉམ་ཐག་པའི། །འགྲོ་བ་དཔག་མེད་སྐྱོང་ལ༴ <br />།བཅུ་གཅིག་ཞལ་གྱི་འོད་ཟེར་འཕྲོ་འདུ་ཡིས། །རང་གཞན་ནད་གདོན་སྒྲིབ་དག་ཏིང་འཛིན་སྐྱེས། །དམ་པས་ཞི་བྱེད་དགྱེས་རྡོར་ཡབ་ཡུམ་གྱིས། །དབྱངས་གསལ་བཤགས་པ་བསྟན་ལ༴ <br />།སྙིགས་དུས་ཁྱེད་ཀྱིས་བསྟན་པའི་སྒྲུབ་ལུགས་འདི། །དར་ཞིང་ཞལ་མཐོང་བརྒྱུད་མར་འབྱུང་ངོ་ཞེས། །ཐུགས་རྗེ་ཆེན་པོས་གདུལ་བྱ་འདུལ་བར་བསྐུལ། །འགྲོ་དོན་ནམ་མཁའ་མཉམ་ལ༴ <br />།འདི་ནས་བདེ་ཅན་ཞིང་དུ་བརྫུས་ཏེ་འཁྲུངས། །རྒྱལ་ལས་ཆོས་གསན་སླར་ཡང་ཨོ་རྒྱན་དུ། །སྔགས་ཀྱི་སྤྱོད་པས་རྡོ་རྗེ་འཛིན་གྱི་སར། །འགྲོ་མང་བཀོད་པར་མཛད་ལ༴ <br />།དེ་ནས་མངོན་དགའི་ཞིང་དུ་མི་བསྐྱོད་དྲུང་། །ཚངས་སྤྱོད་མཐར་ཕྱིན་བེཌཱུརྱ་སྣང་གི །འཇིག་རྟེན་ཁམས་སུ་མངོན་པར་སངས་རྒྱས་ནས། །བརྒྱུད་འཛིན་ཞིང་དེར་འདྲེན་ལ༴ <br />།དེ་བཞིན་གཤེགས་པ་དྲི་མེད་ནམ་མཁའི་དཔལ། །སྐུ་ཚེ་ལོ་སྟོང་འདུས་པ་འབུམ་ཕྲག་དགུ །དམ་ཆོས་ལྔ་ཁྲི་དྲུག་སྟོང་གནས་འགྱུར་ཞེས། །མི་འཇིགས་ཞལ་གྱིས་བཞེས་ལ༴ <br />།ཁོ་བོ་མཐོང་ཐོས་དྲན་རེག་དོན་དང་ལྡན། །གསོལ་བ་འདེབས་རྣམས་ཤར་ཕྱོགས་དག་པའི་ཞིང་། །སར་གནས་སེམས་དཔའ་འབའ་ཞིག་འགྱུར་ཅེས་གསུངས། །ཆོས་དབྱིངས་སྙོམས་པར་ཞུགས་ལ་གསོལ་བ་འདེབས། <br />།སྤྱན་རས་གཟིགས་དངོས་དབོན་སྟོན་ཐུགས་རྗེ་ཅན། །བདག་སོགས་ལས་ངན་གྱུར་པའི་གདུལ་བྱ་རྣམས། །ཐུགས་རྗེའི་ལྕགས་ཀྱུས་མྱུར་དུ་བཟུང་ནས་ཀྱང་། །རང་གཞན་དོན་གཉིས་འགྲུབ་པར་བྱིན་གྱིས་རློབས། <br /><br />Sangyé Nyentön<br /><span class="tibetan_small">༈ [[Sangyé Nyentön|སངས་རྒྱས་གཉན་སྟོན་ཆེན་པོ་]]ལ་གསོལ་བ་འདེབས་པ་བྱིན་རླབས་ཀྱི་སྒྲ་དབྱངས་ཞེས་བྱ་བ།</span> <br />ལེགས་པའི་ཡོན་ཏན་མ་ལུས་རབ་ཏུ་རྫོགས། །རྡོ་རྗེ་འཆང་དབང་བཤེས་གཉེན་གཟུགས་སུ་སྟོན། །སྦས་པའི་སངས་རྒྱས་གཉེན་སྟོན་རི་གོང་པ། །ཆོས་ཀྱི་ཤེས་རབ་ཞབས་ལ༴ <br />།ཡོལ་མདར་སཱ་ལ་ལྟ་བུའི་རིགས་སུ་འཁྲུངས། །རང་བྱུང་མ་བཅོས་ཞེན་བྲལ་བློ་དང་ལྡན། །ལུས་དང་ལོངས་སྤྱོད་གང་ལའང་མ་ཆགས་པར། །སྦྱིན་པའི་ཕར་ཕྱིན་རྫོགས་ལ༴ <br />།ངེས་འབྱུང་དྲག་པོས་བསྟན་ལ་རབ་ཏུ་བྱུང་། །ཆོས་འདུལ་དབུ་ཚད་ཕར་ཕྱིན་མཁས་པར་སྦྱངས། །ལྷག་པའི་བསླབ་པ་སྤྱན་གྱི་འབྲས་ལྟར་བསྲུངས། །ཚུལ་ཁྲིམས་ཕར་ཕྱིན་རྫོགས་ལ༴ <br />།ནད་གདོན་རྐྱེན་ངན་དག་ལ་མི་ཞུམ་པར། །དམ་ཆོས་ཕྱིར་དུ་དཀའ་བ་ཆེན་པོ་སྤྱད། །གནོད་ལན་ཀུན་ཀྱང་ཕན་པས་བླན་པ་ཡི། །བཟོད་པའི་ཕར་ཕྱིན་རྫོགས་ལ༴ <br />།ཐོས་པའི་སྒྲོན་མེས་ཕྱི་ཡི་སྒྲོ་འདོགས་བཅད། །བསམ་བྱུང་ཤེས་རབ་ནན་ཏན་དཔག་མེད་མཛད། །ཡེངས་མེད་བསྒྲུབས་པས་འབྲས་བུ་མངོན་དུ་གྱུར། །བརྩོན་འགྲུས་ཕར་ཕྱིན་རྫོགས་ལ༴ <br />།དབོན་སྟོན་ཐུགས་རྗེ་ཆེན་པོས་རྗེས་སུ་བཟུང་། །ཆིག་བརྒྱུད་མཁའ་འགྲོའི་གསང་ཚིག་རྫོགས་པར་གནང་། །སྣང་གྲགས་ཆོས་ཀུན་བདེན་མེད་འཇའ་ལྟར་གཟིགས། །སྒྱུ་མ་རང་ཤར་འཁྲུངས་ལ༴ <br />།དགྱེས་རྡོར་ཕག་མོ་སྤྱན་རས་གཟིགས་དབང་དང་། །ཨཱརྱ་ཏཱ་རེས་ཆོས་ཀྱི་བདུད་རྩི་སྩལ། །ཁྱད་པར་སུ་ཁ་སིདྡྷིས་ངོ་སྤྲད་པས། །རྟོགས་པ་ནམ་མཁའ་མཉམ་ལ༴ <br />།ཡེ་ཤེས་མགོན་པོས་བཀའ་བཞིན་ཕྲིན་ལས་སྒྲུབ། །བ་རུ་ཎ་ཡིས་བྲན་དང་འབངས་སུ་བྱས། །སྣང་སྲིད་ལྷ་འདྲེ་ཆེ་དགུས་དབང་ཞུས་ཏེ། །དེ་དག་ཆོས་སུ་བཀོད་ལ༴ <br />།ཉིན་མཚན་སྒྱུ་མ་རྨི་ལམ་ལྷ་ཡི་སྐུ། །རང་ཤར་བདེ་སྟོང་གཉིས་མེད་ཡེ་ཤེས་དང་། །འདིར་སྣང་འཁྲུལ་པའི་རྟོག་པ་ཡོངས་སུ་ནུབ། །བསམ་གཏན་ཕར་ཕྱིན་རྫོགས་ལ༴ <br />།དུར་ཁྲོད་ནག་པོའི་བཀའ་བཞིན་ལ་སྟོད་པ། །འཕགས་པའི་ཡུལ་ནས་རྫུ་འཕྲུལ་སྟོབས་ཀྱིས་ཕེབས། །འཆི་མེད་འཁྲུལ་འཁོར་གསན་པས་གསང་བའི་བགེགས། །དབྱིངས་སུ་གྲོལ་བར་བསྟན་ལ༴ <br />།བླ་མའི་བཀའ་བཞིན་རི་གོང་དབེན་གནས་སུ། །སྦས་པའི་རྣལ་འབྱོར་ཚུལ་གྱིས་སྐལ་ལྡན་རྣམས། །རྗེས་བཟུང་ཕྱོགས་བཅུའི་རྒྱལ་བའི་ཞིང་ཁམས་ཉུལ། །ས་བཅུའི་དབང་ཕྱུག་ཁྱེད་ལ༴ <br />།གྲུབ་ཆེན་བརྒྱད་ཅུ་ལ་སོགས་དངོས་སུ་བྱོན། །ཞག་གསུམ་བཞུགས་ནས་དབང་དང་དམ་ཆོས་གནང་། །ལུང་བསྟན་གསུང་ཞིང་མཁའ་ལ་གྱ་གྱུར་གཤེགས། །རྒྱལ་སྲས་ཐུ་བོ་ཁྱེད་ལ༴ <br />།སྐྱེ་མེད་དགོངས་པ་མཉམ་རྗེས་ཁོར་ཡུག་དང་། །ཆོས་རྣམས་མ་འདྲེས་ཆུ་ཟླ་ལྟ་བུར་གཟིགས། །དབང་ཐོབ་མངོན་པར་ཤེས་པ་དྲུག་པོ་འཆང་། །ཤེས་རབ་ཕར་ཕྱིན་རྫོགས་ལ༴ <br />།ཐོག་མངའ་བཅུ་གསུམ་སྐུ་ལ་བབས་པའི་ཚེ། །གནམ་ལྕགས་འབར་པ་མེ་ཏོག་རྒྱན་བཞིན་གྱུར། །ཌཱ་ཀིའི་སུན་མ་བཟློག་ནས་རྡོ་རྗེའི་སྐུར། །བྱིན་རླབས་གདུལ་བྱ་འདུལ་ལ༴ <br />།ལྷ་མོ་གནོད་སྦྱིན་དག་གིས་བསྐུལ་བ་བཞིན། །བཟོ་རྒྱུ་བསྡོགས་ཚེ་ཡེ་ཤེས་མགོན་པོ་ཡི། །སྤྲུལ་པས་བཞེངས་ནས་དེ་ལ་དངོས་སུ་ཐིམ། །རང་བྱོན་མགོན་པོ་བསྐྲུན་ལ༴ <br />།རྡོ་རྗེ་འཆང་ཆེན་ཁྱོད་ལ་ཚད་མེད་ཀྱི། །མོས་གུས་སྐྱེས་པ་དེ་ནི་མངོན་འཚང་རྒྱ། །བདག་ཀྱང་ཕྱི་བཞིན་བྱིན་གྱིས་རློབ་བོ་ཞེས། །སུ་ཁས་མངོན་སུམ་གསུངས་ལ༴ <br />།ཁྱེད་ཉིད་གང་གིས་མཐོང་ཐོས་དྲན་པས་ཀྱང་། །དེ་དག་ནམ་ཡང་ལོག་པར་མི་ལྟུང་ཞིང་། །གདུལ་བྱའི་སྲས་སུ་སྐྱེ་བར་བླ་མ་ལྷས། །ལུང་བསྟན་ཡང་ཡང་མཛད་ལ་གསོལ་བ་འདེབས། <br />།ཞིང་འདིའི་གདུལ་བྱ་རེ་ཞིག་རྫོགས་པའི་ཚེ། །ཤར་ཕྱོགས་མེ་ཏོག་བཀྲམ་པའི་ཞིང་དུ་གཤེགས། །རྒྱལ་བ་པདྨོའི་དཔལ་དུ་སངས་རྒྱས་ནས། །ཆོས་ཀྱི་འཁོར་ལོ་བསྐོར་ལ་གསོལ་བ་འདེབས། <br />།འཇིག་རྟེན་མཁྱེན་པ་རྒྱལ་བ་གཉན་སྟོན་པས། །སྒྲིབ་མེད་སངས་རྒྱས་སྤྱན་གྱིས་འདིར་གཟིགས་ལ། །ལས་ངན་ལུས་ངན་གནས་ངན་འཁྱམས་པ་ཡི། །བདག་སོགས་སེམས་ཅན་སྨིན་གྲོལ་མཛད་དུ་གསོལ། <br /><br />Sangyé Tönpa<br /><span class="tibetan_small">༈ །[[Sangyé Tönpa|འགྲོ་མགོན་ཆོས་རྗེ་སྟོན་པ་]]ལ་གསོལ་བ་འདེབས་པ་སེང་གེའི་སྒྲ་དབྱངས་ཞེས་བྱ་བ།</span> <br />ཡིད་བཞིན་ནོར་བུ་ལྟ་བུར་དགོས་འདོད་འབྱུང་། །མཚན་ཐོས་ཙམ་གྱིས་ངན་འགྲོའི་འཇིགས་ལས་སྐྱོབ། །འགྲོ་བའི་མགོན་པོ་སྟོན་པ་ཆོས་ཀྱི་རྗེ། །བརྩོན་འགྲུས་སེང་གེའི་ཞབས་ལ་གསོལ་བ་འདེབས། <br />།ཡ་ངལ་དཀར་པོ་གཤེན་བོན་གྲུབ་པའི་བརྒྱུད། །མཁའ་རེག་རྩ་ཡི་སིལ་མར་མཚན་དཔེ་གསལ། །སྤྱོད་ལམ་ཀུན་ཏུ་ཆོས་ཀྱི་སྣང་བ་མཆེད། །སྔོན་སྦྱངས་བག་ཆགས་སད་ལ༴ <br />།དགུང་ལོ་དགུ་པར་མ་གཅིག་སྤྲུལ་པའི་སྐུ། །བྱོན་ནས་གཅོད་ཀྱི་ཆོས་དབང་སེམས་ལ་བསྐུར། །ཞལ་གདམས་ཆིག་བརྒྱུད་གནང་ཞིང་ལུང་བསྟན་མཛད། །མཁའ་འགྲོའི་སྲས་གཅིག་གྱུར་ལ༴ <br />།འཁོར་བ་བཙོན་ཁང་དམྱལ་མེའི་འོབ་ལྟར་གཟིགས། །དགོས་མེད་སྐྱོ་ཤས་དྲག་པོས་རབ་ཏུ་བྱུང་། །ཡོངས་འཛིན་དུ་མ་བསྟེན་ནས་མདོ་རྒྱུད་སྦྱངས། །སྨྲ་བའི་སེང་གེར་གྱུར་ལ༴ <br />།གྲུབ་ཐོབ་བཟང་ཡུལ་པ་ཡི་ཞལ་སྔ་ནས། །གྲུབ་པའི་རྒྱལ་མོས་བརྒྱུད་པ་བདུན་པ་རུ། །ཚེ་དཔག་མེད་སྤྲུལ་འབྱུང་བར་ལུང་བསྟན་པར། །ངོས་བཟུང་ཆིག་བརྒྱུད་གནང་ལ༴ <br />།སངས་རྒྱས་གཉན་སྟོན་སྤྱན་སྔར་བྱོན་པའི་ཚེ། །དཔའ་བོ་ཌཱ་ཀི་དུ་མས་བསུ་བ་མཛད། །ཆོས་འབྲེལ་ཐོག་མ་ལུས་གསུམ་གདམས་ངག་གནང་། །བླ་མ་སངས་རྒྱས་མཐོང་ལ༴ <br />།སྒྱུ་མ་རྨི་ལམ་སྦྱང་སྤྲུལ་སྤེལ་བ་རྣམས། །དུས་གཅིག་གྲུབ་ནས་ཏིང་འཛིན་རྩལ་ཆེན་རྫོགས། །སྣང་བའི་བདེན་འཛིན་མཐའ་དག་ཧྲུལ་གྱིས་འཇིག །འཁྲུལ་ཞིག་ཆེན་པོ་ཁྱོད་ལ༴ <br />།རྡོ་རྗེ་འཆང་ནས་རིན་ཆེན་བརྒྱུད་པ་ཡིས། །རིམ་པར་ལུང་བསྟན་དེ་དག་གདུལ་བྱ་ཀུན། །ཁྱེད་ཀྱིས་འདུལ་ཞེས་སྙན་བརྒྱུད་གསེར་ཆོས་བཀའ། །ཡོངས་རྫོགས་སྐལ་ལྡན་གྱུར་ལ༴ <br />།ཉིན་མོ་བློ་འདས་བརྗོད་བྲལ་ཕྱག་རྒྱ་ཆེ། །མཚན་སྣང་མཚན་ཉིད་སུམ་ལྡན་ལྷུན་གྲུབ་ཀྱི། །འོད་གསལ་རང་ཤར་ཟུང་འཇུག་རང་བཞིན་འཆར། །རྒྱལ་བ་སྐུ་གསུམ་རྫོགས་ལ༴ <br />།སྐུ་ལ་གྲིབ་མ་མི་མངའ་སེམས་ཅན་གྱི། །བསམ་རྒྱུད་སྐྱེ་བ་དུས་གསུམ་ས་ལེར་མཁྱེན། །དགོངས་པ་གཏད་པས་མཛེ་གདོན་གཅོང་ནད་སོགས། །མོད་ལ་ཞི་བར་མཛད་དེར༴ <br />།དབང་བསྐུར་དུས་སུ་དཔའ་བོ་མཁའ་འགྲོ་ཡིས། །དཀྱིལ་འཁོར་བཞེངས་ཤིང་སོ་སོའི་སྐུ་རུ་བསྟན། །མཚན་ཐོས་ལམ་ཞུགས་ཞལ་མཇལ་ཙམ་གྱིས་ཀྱང་། །ཏིང་འཛིན་མཆོག་སྐྱེད་མཛད་ལ༴ <br />བསམ་གཏན་བྲག་ཏུ་མཁའ་འགྲོ་ནི་གུ་མས། །མུ་ཏིག་ཕྲེང་བ་བརྒྱ་རྩ་བརྒྱད་གནང་སྟེ། །སྦས་པའི་གྲུབ་ཐོབ་དེ་མཚུངས་འབྱུང་བ་ཡིས། །ལུང་བཞིན་སྨིན་གྲོལ་མཛད་ལ༴ <br />།བླ་མའི་བཀའ་བཞིན་དབང་པོ་མཆོག་དམན་དང་། །བཟང་ངན་རྒན་གཞོན་ཕྱོགས་དང་རིས་མེད་པར། །ཉམས་ཁྲིད་ཐེགས་པས་མཚན་གྱི་སྙན་པ་ནི། །རྒྱ་མཚོའི་ཕ་མཐར་ཁྱབ་ལ༴ <br />ཛམ་བུའི་གླིང་གི་ཡུལ་ཆེན་དྲུག་པོ་དང་། །གླིང་ཕྲན་ཚུན་ཆད་གྲུབ་ཐོབ་སློབ་མས་ཁྱབ། །སྐལ་ལྡན་འབུམ་ཕྲག་དུ་མ་སྨིན་མཛད་པའི། །རྣམ་ཐར་བསམ་མི་ཁྱབ་ལ༴ <br />།རིགས་དྲུག་ཁྱབ་བདག་ཡབ་ཡུམ་ལུང་བསྟན་ལྟར། །རིན་ཆེན་བདུན་པའི་ཕྲེང་བར་བྱོན་ནས་ཀྱང་། །རྡོ་རྗེའི་རྒྱ་བཀྲོལ་ཐུབ་བསྟན་ཇི་སྲིད་བར། །ཐར་པའི་ཁ་ལོ་བསྒྱུར་ལ༴ <br />།རྟག་འཛིན་ཅན་རྣམས་ལོངས་མེད་བསྐུལ་བའི་སླད། །འགྲོ་དོན་མཐར་ཕྱིན་འཇའ་འོད་མེ་ཏོག་ཆར། །ས་གཡོ་སྤོས་ངད་བཅས་ཏེ་ཤར་ཕྱོགས་ཞིང་། །མེ་ཏོག་བཀྲམ་པར་གཤེགས་ལ༴ <br />།ལྷ་མིའི་མཆོད་པའི་རྟེན་དུ་ངོ་མཚར་བའི། །གདུང་རིགས་ལྷ་སྐུ་རིང་བསྲེལ་དཔག་མེད་སྤྲུལ། །སྲིད་མཐའི་བར་དུ་དད་ལྡན་བསོད་ནམས་ཞིང་། །མི་ཉམས་རྒྱས་པར་མཛད་ལ་གསོལ་བ་འདེབས། <br />།ས་གསུམ་འགྲན་ཟླ་བྲལ་བ་ཆོས་ཀྱི་རྗེ། །དག་པའི་ཞིང་ནས་ཡེ་ཤེས་སྤྱན་གྱིས་གཟིགས། །གསོལ་འདེབས་བུ་ལ་ཐུགས་རྗེའི་ཤུགས་བསྐྱེད་ལ། །ཚེ་གཅིག་མངོན་འཚང་རྒྱ་བར་བྱིན་གྱིས་རློབས། <br /><br />Tsangma Shangtön<br /><span class="tibetan_small">༈ །[[Tsangma Shangtön|མཁས་གྲུབ་གཙང་མ་ཤངས་སྟོན་]]ལ་གསོལ་བ་འདེབས་པ་དཔལ་གྱི་སྒྲ་དབྱངས་ཞེས་བྱ་བ།</span> <br />མཚན་དཔེའི་མེ་ཏོག་བསླབ་གསུམ་དྲི་ངད་འཕྲོ། མཁྱེན་བརྩེའི་ཟེའུ་འབྲུ་དྲི་མེད་མཛེས་པའི་སྐུ། །མཐོང་ཐོས་དྲན་པས་གདུང་སེལ་ཤངས་སྟོན་པ། །མཁས་གྲུབ་ཆོས་རྗེའི་ཞབས་ལ་གསོལ་བ་འདེབས། <br />།དལ་འབྱོར་སྡོང་པོ་ཚུལ་ཁྲིམས་ལོ་འདབ་རྒྱས། །ཐོས་བསམ་གཞི་བརྟན་ཏིང་འཛིན་པདྨོ་འཛུམ། །ཉམས་རྟོགས་འབྲས་བུའི་རོ་བཅུད་གཡུར་དུ་ཟ། །གཙང་མ་ཤངས་སྟོན་ཞབས་ལ༴ <br />།ཤངས་ཀྱི་ཡུལ་དང་རྭ་རིགས་ཡབ་ཡུམ་ལ། །བཀྲ་ཤིས་དགེ་བའི་ལྟས་བཅས་སྐུ་འཁྲུངས་ནས། །ངེས་འབྱུང་མོས་གུས་སྙིང་རྗེ་ཚད་མེད་པས། །བྱིས་པའི་སྤྱོད་ལས་འདས་ལ༴ <br />།རྙོགས་པ་མེད་པའི་ཚུལ་ཁྲིམས་རྒྱལ་མཚན་འཛིན། །བསླབ་པ་ཕྲ་མོ་དག་ཀྱང་སྲོག་བཞིན་བསྲུང་། །འཆད་རྩོད་རྩོམ་ལ་འགྲན་པའི་ཟླ་དང་བྲལ། །ཐོས་བསམ་རྒྱ་ཆེར་མཛད་ལ༴ <br />།ལོངས་སྤྱོད་མཐའ་དག་ཆོས་ཀྱི་ཕྱོགས་སུ་བཏང་། །ཀྱལ་ཀའི་ཕྱིར་ཡང་བླ་མའི་གསུང་མི་གཅོག །ཚེ་འདིའི་འདུན་གྲོས་ཐམས་ཅད་ལིངས་ཀྱིས་བོར། །རྩེ་གཅིག་སྒྲུབ་པར་གཞོལ་ལ༴ <br />།རི་གོང་ཆོས་རྗེ་སངས་རྒྱས་སྟོན་པའི་ཞལ། །མཐོང་བ་ཙམ་གྱིས་བཅོས་མིན་མོས་གུས་དང་། །ཏིང་འཛིན་མཆོག་སྐྱེས་བདུན་ཕྲག་ཞག་གི་ཁོངས། །ཆོས་དྲུག་ཡོན་ཏན་རྫོགས་ལ༴ <br />ཆིག་བརྒྱུད་བདུད་རྩི་ཐོག་མར་གསོལ་བ་ཡི། །སྐལ་ལྡན་ལུང་བསྟན་འཁོར་གྱི་དང་པོ་ཞེས། །འགྲན་ཟླ་བྲལ་བའི་ཐུགས་སྲས་དམ་པར་མཛད། །མཁས་གྲུབ་རྩོད་མེད་གྱུར་ལ༴ <br />།འདི་དང་ཕྱི་མར་འགྲོ་དོན་དཔག་མེད་འབྱུང་། །བདེ་བ་ཅན་དུ་བཅུ་བཞིའི་ས་ཐོབ་ཅིང་། །བརྒྱུད་འཛིན་དང་བཅས་དག་པ་མཁའ་སྤྱོད་དུ། །འགྲོ་བའི་ལུང་བསྟན་བརྙེས་ལ༴ <br />།རྡོ་རྗེ་ཕག་མོས་དབང་བཞིའི་ངོ་སྤྲོད་སྩལ། །ཨ་ཏིའི་ཁྲིད་གསན་ལྟ་སྟངས་བཅས་མ་ཐག །རིག་པ་ཚད་ཕེབ་འོད་གསལ་རྒྱ་འབྱམས་ཤར། །འཁྲུལ་སྣང་དབྱིངས་སུ་ནུབ་ལ༴ <br />།བགེགས་སྐྱོན་མཐའ་དག་བདེ་བ་ཆེན་པོར་གྲོལ། །ཕྱི་ནང་སྣང་སྲིད་དག་པ་རབ་འབྱམས་གཟིགས། །སྒྲོལ་མས་བྱིན་བརླབས་མཉམ་རྗེས་འཁོར་ཡུག་འདྲེས། །ཌཱ་ཀི་དངོས་སུ་འདུ་ལ༴ <br />།ཕྱིར་མི་ལྡོག་པའི་རྟགས་ཀུན་གསལ་བར་མངའ། །སྐུ་ལ་འབུ་སྲིན་དྲི་མེད་གཟི་མདངས་ལྡན། །ཞལ་རས་མཐོང་བ་ཙམ་གྱིས་སྣང་བ་འགྱུར། །ཐུགས་རྗེ་ཆེ་དངོས་ཁྱེད་ལ༴ <br />།ནད་གདོན་མཐའ་དག་ཞལ་ཆབ་ཙམ་གྱིས་སེལ། །མཐོང་ཐོས་འབྲེལ་བའི་དད་ལྡན་རིས་མེད་ལ། །སྒྱུ་མ་འོད་གསལ་ལ་སོགས་ཏིང་ངེ་འཛིན། །ཚེགས་མེད་འཆར་བར་མཛད་ལ༴ <br />།ཡོན་ཏན་མ་ལུས་སྦས་པའི་ཚུལ་དུ་བཞུགས། །བཞུགས་གདན་ན་བཟའ་ཕྲུགས་གཅིག་མ་གཏོགས་པ། །བདག་གིར་བཟུང་བའི་ཡོ་བྱད་ཀུན་སྤངས་ལ། ཞེན་ལོག་མཐར་ཕྱིན་ཁྱེད་ལ༴ <br />།འགྲོ་དོན་རྒྱ་ཆེར་མཛད་ནས་ཌཱ་ཀི་ཡི། །བསུ་བ་མཁའ་དབྱིངས་ཁྱབ་སོགས་ངོ་མཚར་བའི། །ཆོ་འཕྲུལ་བསྟན་ནས་དག་པའི་ཞིང་དུ་གཤེགས། སྐུ་གདུང་རྒྱས་པར་མཛད་ལ་གསོལ་བ་འདེབས། <br />།དཔལ་ལྡན་བླ་མའི་ཐུགས་རྗེའི་ལྕགས་ཀྱུ་ཡིས། །བདག་སོགས་འཁོར་བའི་འདམ་ལས་མྱུར་དྲངས་ཏེ། །ཚེ་འདིར་བསམ་དོན་ཆོས་བཞིན་འགྲུབ་པ་དང་། །ཕྱི་མར་སྐུ་གསུམ་གོ་འཕང་ཐོབ་མཛད་གསོལ། <br /><br />Samdingpa Shönu Drup<br /><span class="tibetan_small">༈ །[[Shönu Drup|མཁས་གྲུབ་བསམ་སྡིངས་པ་གཞོན་ནུ་གྲུབ་]]ལ་གསོལ་བ་འདེབས་པ་སྙན་པའི་སྒྲ་དབྱངས་ཞེས་བྱ་བ།</span> <br />དྲི་མེད་རྣམ་ཐར་འགྱུར་མེད་རྟོགས་པའི་མཆོག །གཡེལ་མེད་ཐུགས་རྗེ་ཐོགས་མེད་མངོན་པར་ཤེས། །དོན་ལྡན་ཕྲིན་ལས་བདག་ཉིད་བསམ་སྡིངས་པ། །གཞོན་ནུ་གྲུབ་མཆོག་ཞབས་ལ་གསོལ་བ་འདེབས། <br />།བསྔགས་འོད་ཡོན་ཏན་བརྒྱ་ལྡན་ཉང་སྨད་དུ། །ཁྱིམ་བདག་དྲྭ་མར་མཁའ་འགྲོའི་ལྷུམས་སུ་ཞུགས། །བལྟམས་ནས་དགུང་ལོ་བཞི་པར་གྲུབ་པའི་གནས། །གཟིགས་ཚེ་ཏིང་འཛིན་བརྙེས་ལ༴ <br />།སྣར་ཐང་ཆོས་གྲྭར་མཆིམས་ལས་རབ་ཏུ་བྱུང་། །མདོ་རྒྱུད་བསྟན་བཅོས་མན་ངག་ཀུན་ལ་སྦྱངས། །བཙུན་མཁས་ཤེས་རབ་ཟབ་མོའི་ཕ་རོལ་ཕྱིན། །རྣམ་སྤྱོད་འགྲན་ཟླ་བྲལ་ལ༴ <br />།འཁོར་དང་ལོངས་སྤྱོད་ཚེ་འདིའི་དཔལ་འབྱོར་ཀུན། །མཆིལ་མའི་ཐལ་བ་ལྟ་བུར་རིང་དུ་བོར། །དཀའ་ཐུབ་དྲག་པོས་དགེ་སྦྱོར་དཔག་མེད་མཛད། །བྱ་བཏང་རྒྱལ་པོ་ཁྱེད་ལ༴ <br />།མཚན་ལྡན་མཁས་གྲུབ་བརྒྱད་ཅུ་རྩ་གསུམ་བསྟེན། །ཐུགས་ཡིད་གཅིག་འདྲེས་ཐུགས་བཅུད་རྫོགས་པར་བཞེས། །ཀུན་གྱིས་གཟེངས་བསྟོད་ལུང་བསྟན་རྗེས་གནང་ཐོབ། །རྒྱལ་ཚབ་དབང་བརྙེས་གྱུར་ལ༴ <br />།སངས་རྒྱས་སྟོན་པའི་དྲུང་དུ་ཕེབས་པའི་ལམ། །གསོལ་བ་བཏབ་པས་སྒྱུ་ལུས་རྨི་ལམ་གྱི། །ཏིང་འཛིན་རང་འཁྲུངས་ཞལ་རས་མཐོང་ཙམ་གྱིས། །རྟོག་ཚོགས་ཆོས་སྐུར་གྲོལ་ལ༴ <br />།ཆིག་བརྒྱུད་ཐོག་དྲངས་ཟབ་ཆོས་མ་ལུས་པ། །བུམ་པ་གང་བྱོར་སྩལ་ཏེ་ང་ཡིས་ཆོས། །བདག་པོར་འཕྲོད་པས་འགྲོ་དོན་མཛོད་ཅིག་ཅེས། །གནང་བ་ལན་གསུམ་ཐོབ་ལ༴ <br />།བཟོད་མེད་སྙིང་རྗེས་རང་བདེ་རིང་སྤངས་ནས། །ཡེངས་མེད་བརྩོན་པས་ཆོས་སྐུའི་ངང་དུ་འབྱམས། །འཁྲུལ་པའི་སྣང་བ་ནམ་ཡང་མི་མངའ་བ། །འོད་གསལ་ཁོར་ཡུག་གྱུར་ལ༴ <br />།རྫོགས་པ་ཆེ་དང་གསུང་ངག་རིན་པོ་ཆེའི། །དགོངས་ཉམས་མཐར་ཕྱིན་སངས་རྒྱས་ཞིང་ཁམས་དང་། །འགྲོ་དྲུག་གནས་རྣམས་མ་བསྒྲིབས་ས་ལེར་གཟིགས། །ཡེ་ཤེས་སྤྱན་དང་ལྡན་ལ༴ <br />།གཉན་ཁྲོད་དུ་མར་ལུས་སྲོག་ཐེད་ལ་བོར། །སྟོང་ཉིད་སྙིང་རྗེའི་བརྟུལ་ཞུགས་རླབས་ཆེན་གྱིས། །རང་སྣང་དབང་འདུས་གཞན་སྣང་ཟིལ་གྱིས་མནན། །སྤྱོད་ཡུལ་མཐར་ཕྱིན་ཁྱེད་ལ༴ <br />།བླ་མའི་སྤྱན་སྔར་སྨོན་ལམ་མཛད་པའི་ཚེ། །བཀའ་བརྒྱུད་བླ་མ་བྱོན་ནས་བྱིན་གྱིས་བརླབས། །སྣང་སེམས་སྐུ་དང་ཞིང་ཁམས་ཡེ་ཤེས་ལས། །ནམ་ཡང་གཡོ་བ་མེད་ལ༴ <br />།མཐོང་ཐོས་དྲན་རེག་གདུལ་བྱ་ཚད་མེད་པ། །ཐར་པའི་གྲོང་དུ་བཀོད་ནས་ངོ་མཚར་ལྟས། །བསམ་མི་ཁྱབ་བཅས་བདེ་བ་ཅན་དུ་གཤེགས། །རྣམ་འཕྲུལ་མཁའ་མཉམ་བསྟན་ལ༴ <br />།ཆོས་ཀྱི་རྒྱལ་པོ་མཁས་གྲུབ་རིན་པོ་ཆེ། །དག་པའི་ཞིང་ནས་བརྩེ་བས་གཟིགས་མཛོད་ལ། །འགྲོ་ཀུན་སྲིད་པའི་མྱ་ངན་ལས་བསྒྲལ་ཞིང་། །སྒྲུབ་བརྒྱུད་བསྟན་པ་རྒྱས་པའི་དགེ་ལེགས་སྩོལ། <br /><br />Jakchen Gyeltsen Bum<br /><span class="tibetan_small">༈ །[[Gyeltsen Bum|མཁས་བཙུན་འཇག་ཆེན་རྒྱལ་མཚན་འབུམ་]]ལ་གསོལ་བ་འདེབས་པ་རྣམ་གྲོལ་སྒྲ་དབྱངས་ཞེས་བྱ་བ།</span> <br />སྨོན་ལམ་རྒྱ་མཚོ་དྲི་མེད་གཏིང་མཐའ་བྲལ། །རྨད་བྱུང་ཡོན་ཏན་རིན་ཆེན་གཏེར་གྱིས་གང་། །མཁས་བཙུན་སངས་རྒྱས་དཔལ་ལྡན་འཇག་ཆེན་པ། །རྒྱལ་མཚན་འབུམ་པའི་ཞབས་ལ་གསོལ་བ་འདེབས། <br />།གྲུབ་རིགས་ཐིག་ལེ་སྤྲུལ་པའི་སྐུ་རུ་བསྟན། །མ་བསླབ་ཡི་གེ་རང་བརྡོལ་བློ་རྩལ་རྒྱས། །གཟིགས་པ་ཙམ་གྱིས་ཆོས་ཀུན་ཐུགས་ལ་འཁྲུངས། །གང་འདུལ་སྒྱུ་འཕྲུལ་སྟོན་ལ༴ <br />།བསླབ་གཞི་ཀུན་བླངས་སྤང་བྱ་མཐའ་དག་སྤངས། །ངེས་འབྱུང་ཚུལ་ཁྲིམས་འཆལ་མེད་ཕ་རོལ་སོན། །ཐོས་པའི་བདུད་རྩི་ངོམས་པ་མེད་པར་གསོལ། །འཆད་མཁས་གྲགས་པས་ཁྱབ་ལ༴ <br />།རྒྱུན་གཅོད་མཛད་ཚེ་མཁའ་འགྲོས་བྱིན་གྱིས་བརླབས། །བཏུང་བ་ཕལ་པ་རོ་ལྡན་བདུད་རྩིར་གྱུར། །ནག་པོ་ཆེན་པོས་ཞལ་བསྟན་བར་ཆད་བསལ། །རང་བཞིན་རྣལ་འབྱོར་གྱུར་ལ༴ <br />།གཙང་མ་ཤངས་སྟོན་ཆེན་པོས་རྗེས་སུ་བཟུང་། །ཆོས་དང་བཀའ་ལུང་མཐའ་དག་རྫོགས་པར་སྩལ། །ཉམས་རྟོགས་ངེས་ཤེས་དབྱར་གྱི་ལྗོངས་ལྟར་འཁྲུངས། །རྒྱལ་བའི་གདུང་འཛིན་ཁྱེད་ལ༴ <br />།གཉན་ཁྲོད་དུ་མར་སྤྱོད་ཡུལ་མཐར་ཕྱིན་མཛད། །དབེན་པ་རྣམས་སུ་ཡེངས་མེད་སྒྲུབ་ལ་བརྩོན། །བླ་མ་ཡི་དམ་རྣམས་ཀྱིས་ཞལ་བསྟན་ཅིང་། །ཌཱ་ཀིའི་ལུང་བསྟན་ཐོབ་ལ༴ <br />།འོད་གསལ་མདངས་ལས་འཁོར་འདས་ཞིང་ཀུན་གཟིགས། །བླ་མ་རིན་ཆེན་སྣ་ལྔའི་དབང་ཞུ་དང་། །དཔེ་རྣམས་སྩལ་ནས་སྙན་བརྒྱུད་བདག་པོར་བསྐོས། །འགྲོ་དོན་རྗེས་སུ་གནང་༴ <br />།ཞལ་མཐོང་ཙམ་གྱིས་གཞན་སྣང་འགྱུར་བ་དང་། །དགོངས་པ་གཏད་པས་ནད་གདོན་མཐའ་དག་ཞི། །ཆོས་འདོད་ཙམ་ལ་ཏིང་འཛིན་སྐྱེད་པར་ནུས། །སྣང་སེམས་དབང་དུ་མཛད་ལ༴ <br />།ལན་རེ་ཡི་དམ་ལྷ་ཡི་སྐུ་རུ་བཞེངས། །སྐབས་སུ་དཔའ་བོ་ཌཱ་ཀིས་ཞབས་ཏོག་སྒྲུབ། །འབྱུང་པོ་ཆེ་དགུས་འདུད་ཅིང་ཅི་བཅོལ་ཉན། །གྲུབ་པའི་སྤྱི་རྗེ་ཁྱོད་ལ༴ <br />།རྩ་གསུམ་གནང་བ་ཇི་བཞིན་གདམས་ངག་རྣམས། །ཡི་གེར་བཀོད་པས་ཐུབ་བསྟན་ཇི་སྲིད་པར། །སྒྲུབ་བརྒྱུད་སྙིང་པོ་རྒྱུན་མི་ཆད་མཛད་པ། །བཀའ་དྲིན་བསམ་ལས་འདས་ལ༴ <br />།སྐལ་ལྡན་བྱེ་བ་སྙེད་ཀྱི་དོན་མཛད་ནས། །སྐུ་ལུས་བཀོད་པ་དུ་མས་ཆོས་བསྟན་སོགས། །བདེ་ལྡན་ཞིང་དུ་ཆོ་འཕྲུལ་ཆེན་པོས་གཤེགས། །རིང་བསྲེལ་དཔག་མེད་སྤྲུལ་ལ་གསོལ་བ་འདེབས། <br />།རྨུ་རྒོད་བདག་སོགས་སྙིགས་མར་ཆུད་པ་རྣམས། །མཁས་བཙུན་སངས་རྒྱས་ཆེན་པོས་བྱིན་རློབས་ལ། །རང་སེམས་ཆོས་སྐུ་མངོན་སུམ་རྟོགས་པ་དང་། །བསམ་དོན་ཆོས་བཞིན་འགྲུབ་པར་མཛད་དུ་གསོལ། <br /><span class="tibetan_small">།དེ་ནས་འཇག་བསམ་གཉིས་ཀྱི་གདན་སློབ་བརྒྱུད་པ་ནི་མཐའ་ཡས་པས་འབྲི་བར་རྔོ་མི་ཐོགས་ཀྱང་རང་ལུགས་བརྒྱུད་པར་ཤིན་ཏུ་གལ་ཆེ་བ་ནི།</span><br /><br />Khyungpo Tsültrim Gönpo<br /><span class="tibetan_small">།[[Khyungpo Tsültrim Gönpo|ཁྱུང་པོ་ཚུལ་ཁྲིམས་མགོན་པོ་]]ལ་གསོལ་བ་འདེབས་པ་པདྨའི་སྒྲ་དབྱངས་ཞེས་བྱ་བ།</span> <br />སྤྲོས་བྲལ་མཁའ་ལ་ཐུགས་རྗེའི་དཀྱིལ་འཁོར་རྒྱས། །བྱིན་རླབས་འོད་ཀྱིས་སྐྱེ་དགུའི་མུན་པ་སེལ། །ཡེ་ཤེས་སྣང་བ་བསྐྱེད་མཛད་སྤྲུལ་པའི་སྐུ། །ཚུལ་ཁྲིམས་མགོན་པོའི་ཞབས་ལ་གསོལ་བ་འདེབས། <br />།སྐྱེ་འགགས་གནས་བྲལ་ཆོས་སྐུའི་མཁའ་དབྱིངས་ལས། །ངེས་པ་ལྔ་ལྡན་ལོངས་སྤྱོད་སྤྲིན་དུ་སྣང་། །སྣ་ཚོགས་གང་འདུལ་སྤྲུལ་པའི་སྒྱུ་འཕྲུལ་གྱིས། །མཁའ་ཁྱབ་གདུལ་བྱ་འདུལ་ལ༴ <br />།སྲིད་པའི་རྩ་བ་བྱང་ཆུབ་སྙིང་པོར་བཅད། །ཞིང་ཁམས་རྒྱ་མཚོར་རྒྱལ་བའི་ཕྲིན་ལས་ཀྱིས། །ཡོངས་སུ་ཁྱབ་ཀྱང་ཁྱད་པར་དག་པའི་ཞིང་། །བདེ་བ་ཅན་དུ་བཞུགས་ལ༴ <br />།གཞན་སྣང་རྒྱལ་སྲས་སྙིང་སྟོབས་ཆེན་པོ་ཡི། །ངང་ཚུལ་བཟུང་ནས་རྒྱལ་བའི་ཆོས་འཛིན་ཅིང་། །ཞིང་ཁམས་ཡོངས་སྦྱོང་འགྲོ་མང་སྨིན་པ་སོགས། །རྣམ་ཐར་བསམ་མི་ཁྱབ་ལ༴ <br />།རྙོགས་པ་ལྔ་དང་ལྡན་པའི་འཇིག་རྟེན་ལ། །སྙིང་རྗེའི་སྟོབས་ཅན་ལྷག་པར་བརྩེ་བས་ན། །མི་མཇེད་འཛམ་གླིང་བྱང་ཕྱོགས་བསིལ་ལྡན་དུ། །བསམ་བཞིན་སྲིད་པར་རོལ་ལ༴ <br />།སྤང་རྟོགས་ཕ་མཐར་སོན་པས་རང་གི་དོན། །ཆེད་དུ་བྱ་བ་རྡུལ་ཙམ་མ་དམིགས་ཀྱང་། །གདུལ་བྱ་ཐར་པའི་ལམ་དུ་དཀྲི་བའི་ཕྱིར། །བསྟན་པར་རིམ་འཇུག་མཛད་ལ༴ <br />།གསང་གསུམ་རྡུལ་བྲལ་གསེར་གྱི་ལྷུན་པོ་ལ། །ཆོས་ཀྱི་བླ་གོས་ཐུན་མཚམས་དམར་འོད་འཁྱུད། །ལྷག་པའི་བསླབ་པ་ཉི་ཟླའི་དཀྱིལ་འཁོར་གྱིས། །ཁམས་གསུམ་མུན་པ་སེལ་ལ༴ <br />།ཐོས་པའི་ཆུ་གཏེར་མཁྱེན་རབ་ནོར་བུས་གཏམས། །རྨད་བྱུང་བསམ་པའི་རླབས་ཕྲེང་ཀུན་ཏུ་གཡོ། །སྒོམ་པ་རིན་ཆེན་རི་དབང་ལྷུན་མཐོ་བས། །གླིང་བཞིའི་རྒྱན་དུ་གྱུར་ལ༴ <br />།གཙང་མ་ཤངས་སྟོན་ཚུལ་ཁྲིམས་འབུམ་པའི་ཞབས། །བསྙེན་པའི་ཚུལ་མཛད་སྙན་བརྒྱུད་བདུད་རྩིས་བཅུད། །ཐུགས་སུ་བསྐྱིལ་ནས་སྒོམ་པའི་རོ་མྱང་བས། །རྟོགས་གྲོལ་དུས་མཉམ་གྱུར་ལ༴ <br />།སངས་རྒྱས་བྱང་སེམས་རྣམས་ཀྱིས་ལུང་བསྟན་ཅིང་། །གྲུབ་པ་རྣལ་འབྱོར་ཡོངས་ཀྱི་བྱིན་གྱིས་བརླབས། །གནས་གསུམ་མཁའ་འགྲོའི་ཚོགས་ཀྱི་རྗེ་བོ་མཛད། །གདུལ་བཞིའི་ཆོ་འཕྲུལ་སྟོན་ལ༴ <br />།རྡུལ་གཅིག་སྟེང་ན་རྡུལ་སྙེད་ཞིང་ཁམས་གཟིགས། །དེ་སྙེད་རྣམས་སུ་རྣམ་འཕྲུལ་མཐའ་ཡས་སྤྲོ། །རང་རང་སྐད་དུ་ཆོས་སྒོ་བསམ་ཡས་སྟོན། །སངས་རྒྱས་ཕྲིན་ལས་མཛད་ལ༴ <br />།རྒྱལ་འཕགས་རྣམས་དང་བཀའ་ཡི་བགྲོ་བ་མཛད། །མཆོག་གྲུབ་རྣམས་དང་ཉམས་ཀྱི་གླེང་མོ་འཆད། །མཁའ་འགྲོ་རྣམས་དང་གསང་བའི་བརྟུལ་ཞུགས་སྤྱོད། །ངོ་མཚར་བསམ་མི་ཁྱབ་ལ༴ <br />།མཐོང་ཐོས་དྲན་དང་ཆ་ཤས་རེག་པ་ཡང་། །རྣམ་གྲོལ་གཏན་གྱི་བདེ་བར་དབུགས་དབྱུང་སྩལ། །མི་མིན་མི་སྲུན་གདུག་པའི་སེམས་ཞི་ནས། །བྱང་སེམས་མྱུ་གུ་བསྐྲུན་ལ༴ <br />།འཕགས་བོད་མཁས་བཙུན་གྲུབ་པ་མ་ལུས་པའི། །རྣམ་ཐར་སྙིང་པོ་གཅིག་ཏུ་བསྡུས་པ་བཞིན། །འཇིག་རྟེན་གསུམ་ན་འགྲན་གྱི་ཟླ་མེད་པས། །ཁྱུང་པོ་གསུམ་པར་གྲགས་ལ༴ <br />།སྐལ་ལྡན་རྣམས་ལ་གསང་བའི་མཛོད་ཁང་སྩལ། །བདེ་ལྡན་ཞིང་དུ་ཆོ་འཕྲུལ་ཆེན་པོས་གཤེགས། །སླར་ཡང་བསམ་མི་ཁྱབ་པའི་རྣམ་རོལ་གྱིས། །གདུལ་བྱ་འདུལ་བར་མཛད་ལ་གསོལ་བ་འདེབས། <br />།བདག་སོགས་སྐྱེ་དགུའི་ལུས་ངག་ཡིད་གསུམ་ལ། །གསང་བ་གསུམ་གྱི་བྱིན་རླབས་རབ་ཞུགས་ཏེ། །མི་ཟད་རྒྱུན་གྱི་འཁོར་ལོའི་རྣམ་ཐར་སྤྲིན། །ཆོས་དབྱིངས་ཀུན་ཁྱབ་ཁྱོད་དང་མཚུངས་པར་ཤོག <br /><br />Ritrö Rechen Sangyé Sengé<br /><span class="tibetan_small">༈ །[[Sangyé Sengé|བྱ་བྲལ་རི་ཁྲོད་རས་ཆེན་]]ལ་གསོལ་བ་འདེབས་པ་གསང་བའི་སྒྲ་དབྱངས་ཞེས་བྱ་བ།</span> <br />གངས་དཀར་ཁྲོད་དུ་གདོང་ལྔའི་དབང་པོ་བཞིན། །བས་མཐའ་དབེན་པའི་གནས་སུ་ལྟོས་མེད་བཞིས། །བསྙེངས་བྲལ་བརྟུལ་ཞུགས་སྤྱོད་པའི་བྱ་བྲལ་བ། །རི་ཁྲོད་རས་ཆེན་ཞབས་ལ་གསོལ་བ་འདེབས། <br />།སྙིང་པོའི་རིགས་མཆོག་ཡོངས་སུ་སད་པ་ལས། །འདིར་སྣང་བདེ་འབྱོར་རྨི་ལམ་རྒྱལ་སྲིད་ལ། །ཆུ་ཤིང་ལྟ་བུར་སྙིང་པོ་མེད་གཟིགས་ནས། །དལ་འབྱོར་དོན་ཡོད་མཛད་ལ༴ <br />།འཁོར་བའི་གནས་རིས་མཐོ་དམན་གང་དུ་ཡང་། །སྡུག་བསྔལ་རང་བཞིན་ཤ་བཙོན་ཁང་བུ་ལྟར། །ལྟར་སྣང་བདེ་བའང་སྡུག་བསྔལ་རྒྱུར་གཟིགས་ནས། །ངེས་འབྱུང་ཁོང་ནས་བརྡོལ་ལ༴ <br />།ལྷ་མིའི་དབང་ཕྱུག་མཆོག་གི་དཔལ་འབྱོར་ཡང་། །མི་རྟག་འགྱུར་བ་གློག་གི་གར་མཁན་བཞིན། །ཕ་རོལ་རྗེས་འབྲངས་ཏིལ་ཙམ་མེད་གཟིགས་ནས། །ཞེན་ལོག་མཐའ་རུ་ཕྱིན་ལ༴ <br />།རྙེད་བཀུར་གྲགས་སོགས་ཆོས་བརྒྱད་བསླུ་བྲིད་རྣམས། །སྲིན་མོའི་གླིང་བཞིན་ཐར་པའི་སྲོག་གཅོད་དུ། །མཁྱེན་ནས་རྨི་ལམ་དུ་ཡང་དོར་མཛད་པས། །འཁོར་བར་ཕྱི་ཕྱག་འཚལ་ལ༴ <br />།ཆེད་དུ་བཅོས་དང་གཞན་གྱིས་བསྐུལ་མིན་པར། །མཆོག་ལ་དད་གུས་དམན་ལ་སྙིང་རྗེའི་ཤུགས། །འཕེལ་འགྲིབ་མི་མངའ་དུས་མཐའི་མེ་བཞིན་འབར། །རྒྱལ་སྲས་སེམས་དཔའ་ཆེན་པོར༴ <br />།བཤེས་གཉེན་བསྟེན་སོགས་ཆོས་བཞིན་བསྒྲུབ་པའི་བློ། པདྨོའི་མཚོ་ལ་ངང་མོ་འཇུག་པ་བཞིན། །སྐྱེས་བུ་དམ་པའི་རྣམ་ཐར་ཡོངས་རྫོགས་པས། །དགོངས་སྤྱོད་དྲི་མ་མེད་ལ༴ <br />།ཁྱད་པར་ཁྱུང་པོ་གསུམ་པའི་ཞབས་པདྨོ། །མི་ཕྱེད་གུས་པས་གཙུག་གི་རྒྱན་དུ་བཀོད། །མཉེས་པ་རྣམ་དགུའི་ཟབ་གསང་བཅུད་ནོས་ཏེ། །རྒྱལ་བའི་གདུང་འཛིན་གྱུར་ལ༴ <br />།མཆོག་གི་ཙཎྜ་ལཱི་ཡི་གཟི་བརྗིད་འབར། །འཁོར་འདས་ཆོས་ཀུན་སྒྱུ་མའི་ལུས་སུ་རྟོགས། །འོད་གསལ་ཕྱག་རྒྱ་ཆེན་པོར་སྙོམས་པར་འཇུག །ཉིད་འཁྲུལ་ལྷ་སྐུར་ཤར་ལ༴ <br />།འགྱུར་མེད་བདེ་དང་སྟོང་པའི་རོས་མྱོས་ཏེ། །སྣང་སྲིད་ཟིལ་གནོན་བརྟུལ་ཞུགས་གར་བརྒྱ་ཡིས། །འཁྲུལ་པའི་སྣང་བ་དབྱིངས་སུ་བཅིལ་མཛད་པས། །སྐལ་ལྡན་སྤྲོ་བ་བསྐྱེད་ལ༴ <br />།སྙིགས་དུས་ཆོས་མིན་རྣམ་དཔྱོད་བདུད་རིས་ཀྱི། །སྡོང་ཟླར་བཅས་པས་འགྲོ་མང་བསླུས་གཟིགས་ནས། །ཆོས་ལྟར་བཅོས་པའི་གཞན་དབང་མ་ཤོར་བར། །ཡང་དག་ཆོས་མཐར་ཕྱིན་ལ༴ <br />།དྭངས་མའི་སྐུ་ལ་རས་དཀར་བླ་གོས་འཁྱུད། །དོ་ཧའི་གླུ་དབྱངས་དཔལ་གྱི་མགུར་ནས་ལེན། །དགོངས་པའི་དྲོད་གཏད་ལས་ཅན་ཤེས་རྒྱུད་དུ། །རྡོ་རྗེའི་ཡེ་ཤེས་འབེབས་ལ༴ <br />།རྣལ་འབྱོར་དབང་ཕྱུག་ཐུགས་རྗེའི་སྟོབས་སྐྱེད་ལ། བདག་བློ་ཆོས་མིན་གཡང་ས་ལས་སྒྲོལ་ཏེ། །སྲིད་ལ་ངེས་འབྱུང་བྱང་ཆུབ་ཁང་བཟང་དུ། །ཆོས་ཀྱི་རྒྱལ་པོའི་དཔལ་བརྙེས་བྱིན་གྱིས་རློབས། <br /><br />Shangkarwa Rinchen Gyeltsen<br /><span class="tibetan_small">༈ །[[Shangkarwa Rinchen Gyeltsen|མཁྱེན་ལྡན་ཤངས་པ་དཀར་པོ་]]ལ་གསོལ་བ་འདེབས་པ་རྣམ་དག་སྒྲ་དབྱངས་ཞེས་བྱ་བ།</span> <br />དྲི་མེད་མཁྱེན་རབ་ནམ་མཁའི་ཁྱོན་ལྟར་ཡངས། །དམིགས་མེད་བརྩེ་བའི་ཐུགས་རྗེ་གཏིང་མཐའ་བྲལ། །ཕྲིན་ལས་བསམ་མི་ཁྱབ་པའི་ཤངས་དཀར་བ། །རིན་ཆེན་རྒྱལ་མཚན་ཞབས་ལ་གསོལ་བ་འདེབས། <br />།རྟག་ཆད་མཐའ་ལས་རྣམ་གྲོལ་ཆོས་ཀྱི་དབྱིངས། །འགྱུར་བ་མེད་ལས་ཐུགས་རྗེ་ཆེན་པོའི་རྩལ། །མོས་པ་སྣ་ཚོགས་གཟུགས་སུ་རྣམ་འཕྲུལ་པས། །དུས་གསུམ་གདུལ་བྱ་འདུལ་ལ༴ <br />།སྤྲིན་ཚོགས་ནམ་མཁའི་ཀློང་དུ་གཅིག་པ་བཞིན། །བརྒྱུད་འཛིན་གཟུགས་སྐུའི་རྣམ་འགྱུར་དུ་མ་ཡང་། །ཡེ་ཤེས་ཌཱ་ཀིའི་དབྱིངས་སུ་རོ་གཅིག་ཕྱིར། །བསམ་བཞིན་སྲིད་པ་བཟུང་ལ༴ <br />།མཐོ་རིས་འབྱོར་པའི་ལང་ཚོས་མཛེས་པའི་སྐུ། །འདམ་གྱི་ཁྲོད་དུ་སྐྱེས་པའི་པདྨ་བཞིན། །སྲིད་ན་སྲིད་པའི་སྐྱོན་གྱིས་མ་གོས་པས། །ལྷར་བཅས་ངོ་མཚར་སྐྱེད་ལ༴ <br />།རང་བཞིན་གྱིས་གྲུབ་སྤོབས་པའི་ཆུ་གཏེར་དུ། །སྦྱོར་བྱུང་ཐོས་པའི་ཆུ་ཀླུང་བྱེ་བ་སྡུད། །ཡོན་ཏན་ཀུན་གཞི་ལྷག་པའི་ཚུལ་ཁྲིམས་ཀྱི། །གྲོང་ཁྱེར་ཉམས་དགར་འཛེགས་ལ༴ <br />།རིས་མེད་ཚད་མའི་སྐྱེས་བུའི་ཞབས་བསྟེན་ནས། །གདམས་ངག་བདུད་རྩིའི་བཅུད་གསོལ་ཁྱད་པར་དུ། །མཁའ་འགྲོའི་དབང་ཕྱུག་རི་ཁྲོད་རས་ཆེན་ལས། །དོན་བརྒྱུད་རྟོགས་པ་བརྙེས་ལ༴ <br />།རྡོ་རྗེ་འཆང་གི་དགོངས་པའི་བཅུད་ཟབ་མོ། །ཡེ་ཤེས་མཁའ་འགྲོའི་གསང་ཚིག་མ་བསླད་པ། །ཐབས་ལམ་ཆོས་དྲུག་གྲོལ་ལམ་ཕྱག་རྒྱ་ཆེ། །བརྩོན་པས་ཉམས་སུ་བཞེས་ལ༴ <br />།རོ་རྐྱང་ཉི་ཟླའི་བགྲོད་པ་ཀུན་འདར་མར། །བཙན་ཐབས་སྦྱོར་བས་ཡོངས་སུ་བཅིངས་ནས་སུ། །མ་དག་ལས་རླུང་ཟག་པའི་གྲོང་ཁྱེར་གྱི། །འཁྲུལ་འཁོར་བཅོམ་པར་མཛད་ལ༴ <br />།ཞུ་བདེ་འགྱུར་བ་མེད་ལ་བརྟན་པ་ཐོབ། །སྣང་གྲགས་རྟོག་ཚོགས་ཆུ་ཟླ་ལྟ་བུར་གཟིགས། །དཔའ་བོ་རྣལ་འབྱོར་མ་དང་སྐལ་མཉམ་གྱུར། །བདེ་ཆེན་ཡེ་ཤེས་བརྙེས་ལ༴ <br />།སྤྲིན་བྲལ་མཁའ་ལ་ཉིན་བྱེད་དབང་པོ་བཞིན། །རྣམ་དག་སེམས་ལ་ཡེ་ཤེས་ཉི་མ་ཤར། །ཇི་ལྟ་ཇི་སྙེད་མཁྱེན་པའི་སྣང་བ་རྒྱས། །ཆོས་ཉིད་བདེན་པ་གཟིགས་ལ༴ <br />།ཆུ་ཀླུང་རྒྱུན་ཆད་མེད་པར་འབབས་པ་བཞིན། །བརྟན་ཐོབ་སེམས་ལ་མཉམ་རྗེས་རིས་མ་ཆད། །བདེ་གསལ་མི་རྟོག་འཕེལ་གྲིབ་མེད་པར་མྱོང་། །ཉམས་རྟོགས་མཐའ་རུ་ཕྱིན་ལ༴ <br />།རི་རྒྱལ་ལྷུན་པོ་གཡོ་འགུལ་མེད་པ་བཞིན། །འཁྲུལ་རྟོག་རྐྱེན་གྱིས་ནམ་ཡང་གཡོ་བ་མེད། །གཞན་ཏུ་མི་ཚོལ་སངས་རྒྱས་རང་ལས་རྙེད། །འབྲས་བུ་མངོན་གྱུར་ཁྱེད་ལ༴ <br />།རང་དོན་ཟུང་འཇུག་གྲུབ་པའི་རྒྱལ་སར་གཤེགས། །གཞན་དོན་གང་འདུལ་ཕྲིན་ལས་བསམ་ཡས་ཀྱིས། །སྐལ་དམན་ཚར་བཅད་སྐལ་ལྡན་རྗེས་སུ་བཟུང་། །བཀའ་བརྒྱུད་རྒྱལ་རབས་སྤེལ་ལ༴ <br />།ཐར་པའི་ལམ་སྟོན་དགེ་བའི་བཤེས་དང་མཇལ། །ལམ་མཆོག་རྡོ་རྗེ་ཐེག་པའི་གསང་བར་སྤྱོད། །ལམ་གྱི་མངོན་རྟོགས་རྩོལ་མེད་རྒྱུད་ལ་སྐྱེས། །ལམ་གསང་མཐའ་རུ་ཕྱིན་པར་བྱིན་གྱིས་རློབས། <br /><br />Sangyé Pelsang<br /><span class="tibetan_small">༈ །[[Sangyé Pelsang|མཉམ་མེད་སངས་རྒྱས་དཔལ་བཟང་]]ལ་གསོལ་བ་འདེབས་པ་བདུད་རྩིའི་སྒྲ་དབྱངས་ཞེས་བྱ་བ།</span> <br />སངས་རྒྱས་བསྟན་པ་ཡོངས་ཀྱི་དཔལ་དུ་ཤར། །ཁྱད་པར་བཀའ་བརྒྱུད་བསྟན་པའི་མངའ་བདག་མཆོག །འགྲན་ཟླ་ཀུན་བྲལ་མཉམ་མེད་ལྐུགས་ལུང་པ། །སངས་རྒྱས་དཔལ་བཟང་ཞབས་ལ་གསོལ་བ་འདེབས། <br />།དག་པའི་སར་གནས་དབང་ཆེན་ཐོབ་པ་ཡི། །གཟུགས་སྐུའི་ཟླ་གཞོན་གདུལ་བྱའི་ཆུ་སྣོད་དུ། །རྣམ་པར་གསལ་ནས་བསྟན་དང་འགྲོ་དོན་གྱི། །སྒྱུ་འཕྲུལ་ཅི་ཡང་སྟོན་ལ༴ <br />།སྨོན་ལམ་མཐུ་ཅན་སྲིད་བདེའི་སླུ་བྲིད་ཀྱིས། །མི་གཡེང་བཟང་པོ་སྤྱོད་པ་ཆོས་ཉིད་ཕྱིར། །དཔལ་འབྱོར་མཆིལ་མའི་ཐལ་བ་རིང་དུ་བཏང་། །གཏན་བདེའི་འདུན་མ་བརྩམས་ལ༴ <br />།ཆོས་མིན་ཆོས་ལྟར་བཅོས་པས་སྐྱེ་བོ་རྣམས། །འཕྲལ་ཡུན་ངན་འགྲོའི་རྒྱུ་རུ་སྦྱོར་གཟིགས་ནས། །སྟོན་པའི་བསྟན་པ་ཡང་དག་སྙིང་པོའི་ཚུལ། །འཆུག་མེད་བཙལ་བར་མཛད་ལ༴ <br />།འཇིགས་སྐྱོབ་ལེགས་སྨོན་ཙམ་མིན་ཁམས་གསུམ་ལས། །ངེས་པར་འབྱུང་བའི་ཚུལ་ཁྲིམས་ཡིད་བཞིན་ནོར། །ལྷག་བསམ་བྱང་སེམས་རྒྱལ་མཚན་རྩེར་བཀོད་པས། །ཕན་བདེའི་འབྱུང་གནས་གྱུར་ལ༴ <br />།ཤེས་པའི་དོན་རྟོགས་ཤེས་བྱའི་ཆོས་ཀུན་མཁྱེན། །སྐྱེ་མེད་དོན་གཟིགས་འགག་མེད་བརྩེ་བ་ཤར། །ནང་གི་ལམ་བགྲོད་ཕྱི་རུ་ནུས་པའི་མཐུས། །སྣ་ཚོགས་གདུལ་བྱ་འདུལ་ལ༴ <br />།མཁས་གྲུབ་ཀུན་ལས་མདོ་སྔགས་གདམས་པའི་བཅུད། །ངོམས་མེད་བཞེས་ཀྱང་སྔོན་འབྲེལ་བླ་མའི་མཆོག །མཁྱེན་ལྡན་ཤངས་པ་དཀར་པོས་རྗེས་བཟུང་ཞིང་། །ལས་འཕྲོ་སད་པར་མཛད་ལ༴ <br />།སྙན་བརྒྱུད་ནོར་བུའི་མཛོད་ཆེན་རང་ནོར་བཞིན། །ལོངས་སུ་སྤྱད་པས་ཉམས་དང་རྟོགས་པའི་དཔྱིད། །དབྱར་གྱི་སྨན་ལྗོངས་ལྟ་བུར་རྒྱས་པ་ཡིས། །རིན་ཆེན་བརྒྱུད་པ་ཟིན་ལ༴ <br />།མ་དག་རྩ་ཡི་མདུད་པ་མཐའ་དག་གྲོལ། །གཟུང་འཛིན་རྒྱུ་བ་དབུ་མའི་སྦུབས་སུ་ཐིམ། །འཕོ་བཅས་ཐིག་ལེ་འགྱུར་མེད་བདེ་བར་གྲུབ། །གྲུབ་པའི་སྤྱི་རྗེར་གྱུར་ལ༴ <br />།བློས་བྱས་རྩོལ་བའི་འཛིན་སྟངས་དབྱིངས་སུ་ཡལ། །ཐ་མལ་ཞེན་པའི་འཁྲུལ་རྟོག་རང་སར་དག །ཅིར་སྣང་དག་པ་རབ་འབྱམས་ཆེན་པོའི་ངང་། །ཡེ་ཤེས་འཁོར་ལོར་ཤར་ལ༴ <br />།ཀུན་རྫོབ་ལས་སྣང་སྒྱུ་མའི་དཔེ་ལྟར་གཟིགས། །དོན་དམ་ཆོས་སྐུའི་དགོངས་པ་མངོན་དུ་གྱུར། །ཟུང་འཇུག་བདེ་ཆེན་ཡེ་ཤེས་གར་གྱིས་རོལ། །བརྟན་གཡོ་བྱིན་གྱིས་བརླབས་ལ༴ <br />།གང་འབྲེལ་བློ་སྣ་དམ་པའི་ཆོས་ལ་སྒྱུར། །སྐལ་ལྡན་ཚེ་གཅིག་སངས་རྒྱས་ས་ལ་སྐྱེལ། །མི་མིན་གདུག་པའི་སེམས་ཀྱང་ཞི་བར་མཛད། །སྣང་བ་དབང་སྒྱུར་དེ་ལ༴ <br />།གསང་བའི་བརྟུལ་ཞུགས་ཕྱོགས་མེད་གྲུབ་པ་ཡིས། །[[Bodong Cholé Namgyel|ཕྱོགས་ལས་རྣམ་རྒྱལ་]]སྤྱོད་པ་མཐར་ཕྱིན་ཅིང་། །རྡོ་རྗེའི་ལམ་ནས་མི་སློབ་བཟུང་འཇུག་གི། །གོ་འཕང་མངོན་ཏུ་མཛད་ལ༴ <br />།ཕྱི་རུ་ཆོས་བརྒྱད་འཁྲུལ་པའི་རྫུན་ཕུག་ཞིག །ནང་དུ་ཞུ་བདེ་འགྱུར་མེད་འོད་འབར་ཞིང་། །གསང་བ་བློ་བྲལ་ཆོས་སྐུ་རྗེན་པར་མཐོང་། །མཉམ་མེད་སངས་རྒྱས་རྣམ་ཐར་མྱུར་འགྲུབ་ཤོག <br /><br />Namkha Gyeltsen<br /><span class="tibetan_small">༈ །[[Khyungpo Tsültrim Gönpo|ཁྱུང་པོ་ཚུལ་ཁྲིམས་མགོན་པོ་]ནས་འདི་བར་བླ་མ་བཞིའི་རྣམ་ཐར་ཞིབ་པར་མ་མཇལ་བས་སྤྱི་བསྟོད་ཙམ་དུ་བགྱིས་པའོ། <br />།[[Namkha Gyeltsen|རྟོགས་ལྡན་ནམ་མཁའ་རྒྱལ་མཚན་]]ལ་གསོལ་བ་འདེབས་པ་ཟག་མེད་སྒྲ་དབྱངས་ཞེས་བྱ་བ།</span> <br />ནམ་མཁའི་དབྱིངས་སུ་ཉི་མའི་དཀྱིལ་འཁོར་བཞིན། །གངས་ཅན་ལྗོངས་སུ་བཀའ་བརྒྱུད་རིན་པོ་ཆེའི། །བསྟན་པའི་རྒྱལ་མཚན་འཛིན་ལ་མཚུངས་བྲལ་བ། །ནམ་མཁའ་རྒྱལ་མཚན་ཞབས་ལ་གསོལ་བ་འདེབས། <br />།སྤྲོས་པའི་འཆིང་གྲོལ་སྲེད་ལེན་མཚམས་སྦྱོར་ནི། །གདོད་ནས་སྤངས་ཀྱང་སློབ་པའི་ལམ་རྣམས་སུ། །ཐུགས་བསྐྱེད་སྨོན་ལམ་མཐུ་ལས་གཞན་སྣང་དུ། །རྣམ་འཕྲུལ་ཅི་ཡང་སྟོན་ལ༴ <br />།མཁས་གྲུབ་སྐྱེས་མཆོག་དུ་མ་བྱུང་བའི་ཡུལ། །སངས་རྒྱས་གཉིས་པ་པདྨས་བྱིན་བརླབས་པའི། །གནས་མཆོག་ཁྱད་འཕགས་ཤངས་ཕུའི་དགོན་གསར་དུ། །བསམ་བཞིན་སྲིད་པ་བཟུང་ལ༴ <br />།རྣམ་དག་རྗེའུའི་རིགས་དང་ཞང་གི་རུས། །གཟིགས་པས་དགོངས་ཏེ་ལྷུམས་སུ་ཞུགས་པའི་ཚེ། །ངོ་མཚར་དགེ་མཚན་དུ་མས་ཡབ་ཡུམ་གྱི། །ལུས་སེམས་བྱིན་གྱིས་བརླབས་ལ༴ <br />།མཛེས་སྐུ་དཔག་བསམ་གསར་པའི་མྱུ་གུ་ལ། །སྐྱེས་ཐོབ་དགེ་བའི་དྲི་བསུང་ཅི་ཡང་འཕྲོ། །མཐོ་རིས་འབྱོར་པའི་ཁོ་ལག་ཡོངས་རྫོགས་ཤིང་། །བསླབ་གསུམ་མེ་ཏོག་འཛུམ་ལ༴ <br />།དྲན་དང་ཤེས་བཞིན་རྟག་ཏུ་བག་ཡོད་པས། །བཅས་དང་རང་བཞིན་ཁ་ན་མ་ཐོ་བའི། །ཉེས་པའི་དྲི་མས་རྡུལ་ཙམ་མ་གོས་པས། བཙུན་པའི་དཔེ་རུ་གྱུར་ལ༴ <br />།ནགས་ཀྱི་རིན་ཆེན་[[Bodong Cholé Namgyel|ཕྱོགས་ལས་རྣམ་རྒྱལ་]]སོགས། །མཁས་གྲུབ་ཏུ་མའི་ཞབས་རྡུལ་སྤྱི་བོས་བསྙེན། །མོས་གུས་ཤེར་བརྩོན་ཉམས་བཞེས་ནན་ཆགས་ཀྱིས། །ཀུན་གྱི་ཐུགས་སྲས་གྱུར་ལ༴ <br />།ཐེག་པ་གསུམ་དང་རྒྱུད་སྡེ་བཞིས་བསྡུས་པའི། །བཀའ་དང་བསྟན་བཅོས་ཚིག་དོན་ཐུགས་སུ་ཆུད། །འཆད་རྩོད་རྩོམ་ལ་མི་འཇིགས་སྤོབས་པ་བརྙེས། །འགྲན་ཟླ་ཀུན་དང་བྲལ་ལ༴ <br />།གྲུབ་བརྙེས་སངས་རྒྱས་མཚན་ཅན་ཐུགས་ཀྱི་བཅུད། །རྫོགས་པར་བཞེས་ནས་དཀའ་བ་ཁྱད་བསད་དེ། །དབེན་པ་བསྟེན་པས་བསྐྱེད་དང་རྫོགས་པ་ཡི། །ཏིང་འཛིན་དབང་ཐོབ་གྱུར་ལ༴ <br />།བདེ་དྲོད་རང་འབར་བྱང་སེམས་འཛག་མེད་བརྟན། །སྣང་བ་བདེན་མེད་འོད་གསལ་ཁོར་ཡུག་ཤར། །རྨི་ལམ་རྩལ་འབྱོངས་དག་པའི་ཞིང་ཀུན་བགྲོད། །སྤྱན་དང་མངོན་ཤེས་མངའ་ལ༴ <br />།མཉམ་བཞག་འོད་གསལ་ཆོས་སྐུ་མངོན་ཏུ་གྱུར། །རྗེས་ཐོབ་རྩོལ་མེད་སྙིང་རྗེའི་ནུས་པ་ཡིས། །མི་དང་མི་མ་ཡིན་ཀུན་རྒྱུད་དུལ་ཞིང་། །སྣང་བ་དབང་དུ་སྒྱུར་ལ༴ <br />།དུས་འཁོར་ཕག་མོ་སྤྱན་གཟིགས་ཞི་དྲག་སོགས། །ལྷག་པའི་ལྷ་ཞལ་གཞན་ལ་སྟོན་ནུས་ཤིང་། །མཁའ་འགྲོ་ཆོས་སྐྱོང་སྲུང་མ་སྤྲིན་ལྟར་དུ། །ཅི་བཅོལ་ཕྲིན་ལས་གྲུབ་ལ༴ <br />།ཞལ་ཆབ་ཁྲུས་ཆུའི་ཟེགས་མས་ནད་གདོན་འབྱིན། །དགོངས་པ་གཏོད་པ་ཙམ་གྱིས་བར་ཆད་སེལ། །བྱ་བ་ལས་ཀྱི་འཁོར་ལོས་སངས་རྒྱས་ཀྱི། །བསྟན་པ་དར་རྒྱས་མཛད་ལ༴ <br />།ཉིན་གཅིག་ཐོས་པས་ཡིད་ཆེས་ཁོང་ནས་ཤར། །རྣལ་འབྱོར་ཟླ་དུས་གྲུབ་ཐོབ་ལོ་དུས་ཐེབས། །ཚེ་གཅིག་སངས་རྒྱས་ཐོབ་པའི་བཤད་སྒྲུབ་ཀྱི། །སྙན་པས་ས་སྟེང་ཁྱབ་ལ༴ <br />།མདོ་རྒྱུད་དགོངས་པ་ཐོགས་མེད་འཆད་ནུས་ཤིང་། །རིམ་གཉིས་རྩལ་རྫོགས་སྤྱན་དང་མངོན་ཤེས་སོགས། །ལུང་རྟོགས་ཡོན་ཏན་ལྡན་པའི་བུ་སློབ་ནི། །བགྲང་ཡས་བསྐྲུན་པར་མཛད་ལ༴ <br />།ཡར་ངོའི་ཚེས་བཅུར་དྲི་བཟང་ངད་འཐུལ་ཞིང་། །སྒྲ་འོད་ལ་སོགས་ངོ་མཚར་ལྟས་དང་བཅས། །འོད་གསལ་ཆོས་ཀྱི་དབྱིངས་སུ་སྙོམས་ཞུགས་ཏེ། །སྤྲུལ་པའི་སྤྲིན་ཆེན་སྤྲོ་ལ་གསོལ་བ་འདེབས། <br />།དཔལ་ལྡན་བླ་མ་གང་དུ་འཚང་རྒྱ་བའི། །མངོན་དགའི་ཞིང་སྐྱེས་ཐེག་ཆེན་བདུད་རྩི་མྱང་། །མཐོང་ཐོས་དྲན་རེག་འགྲོ་བ་མ་ལུས་ཀུན། །ཞིང་དེའི་གདུལ་བྱར་ཡོངས་སུ་སྨིན་བྱེད་ཤོག <br /><br />Müchen Gyeltsen Pelsang<br /><span class="tibetan_small">༈ །[[Müchen Gyeltsen Pelsang|མུས་ཆེན་རྒྱལ་མཚན་དཔལ་བཟང་]]ལ་གསོལ་བ་འདེབས་པ་འོད་གསལ་སྒྲ་དབྱངས་ཞེས་བྱ་བ།</span> <br />ནམ་མཁའ་བཞིན་དུ་ཕྲིན་ལས་རྒྱ་ཆེ་ཞིང་། །ཉི་ཟླ་ལྟ་བུར་གྲགས་པ་རྣམ་པར་གསལ། །རྒྱ་མཚོ་ཇི་བཞིན་ཡོན་ཏན་མཐའ་དང་བྲལ། །རྒྱལ་བ་མུས་པ་ཆེན་པོར་གསོལ་བ་འདེབས། <br />།སྤྱན་རས་གཟིགས་དབང་འགྲོ་བའི་དོན་དུ་འཕྲུལ། །གཉགས་རིགས་གྲུབ་ཐོབ་བརྒྱུད་པའི་སྲས་སུ་འཁྲུངས། །མེ་ཏོག་ཆར་འབེབས་ས་གཞི་རྣམ་དྲུག་གཡོས། །འཇིག་རྟེན་མགོན་པོ་ཁྱེད་ལ༴ <br />།ཁྲོ་ཕུ་སེམས་དཔའ་ཆེན་པོས་བྱིན་བརླབས་ཤིང་། །འགྲོ་བའི་དཔལ་མགོན་འགྱུར་བར་ལུང་དུ་བསྟན། །གཞོན་ནུ་ཉིད་ནས་འཕགས་པའི་རྣམ་ཐར་གྱིས། །འགྲོ་ཀུན་དགའ་བ་སྐྱེད་ལ༴ <br />།འཇམ་དབྱངས་རིན་ཆེན་རྒྱལ་མཚན་ལ་སོགས་པ། །དམ་པ་དུ་མའི་ཞབས་རྡུལ་སྤྱི་བོར་བླངས། །རིག་པའི་གནས་དང་སྡེ་སྣོད་རྒྱུད་མན་ངག །མི་འཕྲོག་སྤོབས་པ་བརྙེས་ལ༴ <br />།མཐའ་གོང་དཔལ་གྱི་གནས་སུ་སྒྲུབ་ལ་གཞོལ། །རིམ་གཉིས་བྱང་ཆུབ་སེམས་ལ་བརྟན་པ་ཐོབ། །ཆེ་བའི་ཡོན་ཏན་སྙན་པའི་གྲགས་པ་ཡིས། །ནོར་འཛིན་ཁྱོན་ཀུན་ཁྱབ་ལ༴ <br />།ཧོར་གྱི་རྒྱལ་པོས་ཕོ་བྲང་ཏཱའི་ཏུར་དུ། །སྤྱན་དྲངས་འགྲོ་ཕན་བསམ་ལས་འདས་པར་མཛད། །ཆུ་དབར་སྤྲུལ་པའི་གནས་སུ་དཀའ་ཐུབ་ཀྱིས། །སྤངས་རྟོགས་མཐའ་རུ་ཕྱིན་ལ༴ <br />།མཁས་གྲུབ་ཤངས་སྟོན་སྤྱན་སྔར་བྱོན་པའི་ཚེ། །མགོན་པོའི་ལུང་བཞིན་གདམས་ངག་ཟབ་ཆོས་རྣམས། དགྱེས་བཞིན་རྫོགས་པར་གནང་བས་གྲུབ་པ་ཡི། །གོ་འཕང་མཐོན་པོར་གཤེགས་ལ༴ <br />།ཧོར་རྒྱལ་གན་པ་ཆེན་པོས་སྤྱན་དྲངས་ཏེ། །ཧོར་སོགས་ཡུ་གུར་མི་ཉག་ལ་སོགས་པའི། སྐད་རིགས་མི་གཅིག་སྐྱེ་བོ་མཐའ་ཡས་པ། །ཐར་པའི་གནས་སུ་བཀོད་ལ༴ <br />།ལྷ་དབང་ཀླུ་དབང་མི་དབང་འཁོར་དང་བཅས། །མཁས་དང་གྲུབ་པ་ཡོངས་ཀྱིས་མགྲིན་གཅིག་བརྒྱུད། །རྐང་གཉིས་གཙོ་བོ་འཇིག་རྟེན་གསུམ་པོ་ཡི། །གཙུག་གི་ནོར་བུར་གྱུར་ལ༴ <br />།སྤྱན་རས་གཟིགས་སོགས་རྒྱལ་བ་སྲས་བཅས་ཀྱིས། །མདུན་བདར་སྣང་མཐའི་སྤྱན་སྔར་བྱོན་པའི་ཚེ། །གངས་ཅན་བདེ་ལེགས་རྫོགས་ལྡན་བཞིན་ཏུ་རྒྱས། །ཐུགས་རྗེ་ཆེན་པོ་ཁྱེད་ལ༴ <br />།གཉགས་སྟོན་ཆོས་རྗེ་རྒྱལ་མཚན་དཔལ་བཟང་པོས། །མོས་པའི་བུ་ལ་བརྩེ་བས་རབ་དགོངས་ཏེ། །བདག་དང་བདག་འདྲའི་སྡུག་བསྔལ་ལུས་ཅན་རྣམས། །རྣམ་གྲོལ་ས་ལ་བདེ་བླག་འགོད་དུ་གསོལ། <br /><br />Dorjé Shönu<br /><span class="tibetan_small">༈ །[[Dorjé Shönu|མཁས་གྲུབ་རྡོ་རྗེ་གཞོན་ནུ་]]ལ་གསོལ་བ་འདེབས་པ་གཉུག་མའི་སྒྲ་དབྱངས་ཞེས་བྱ་བ།</span> <br />དལ་འབྱོར་རྟེན་ལ་བསླབ་གསུམ་རྒྱན་གྱིས་སྤྲས། །ཐོས་བསམ་སྒོམ་པའི་ནོར་མཆོག་ཟད་མི་ཤེས། །སྐལ་ལྡན་གདུལ་བྱར་ཚེ་གཅིག་སངས་རྒྱས་སྟེར། །རྡོ་རྗེ་གཞོན་ནུའི་ཞབས་ལ་གསོལ་བ་འདེབས། <br />།དབང་པོ་རབ་ཀྱི་རིགས་མཆོག་ཡོངས་སུ་སད། །བཤེས་གཉེན་མང་བསྟེན་གཞུང་ལུགས་དུ་མར་སྦྱངས། །ཁྱད་པར་རྒྱལ་བ་མུས་པ་ཆེན་པོ་ཡིས། །སྙན་བརྒྱུད་བདག་པོར་བསྐོས་ལ༴ <br />།བཤུལ་རིང་ལམ་དུ་འཕུར་པའི་ཚུལ་ལྟར་བགྲོད། །གྲང་བས་མི་བརྫི་ཉི་མའི་དཀྱིལ་འཁོར་བཞིན། །བདེ་དྲོད་རང་འབར་མཁའ་ལ་འཕར་གཡོ་སྒྱུར། །ཐབས་ལམ་མཐར་ཐུག་འབྱོངས་ལ༴ <br />།སྒྱུ་མ་རྨི་ལམ་ཏིང་འཛིན་མཐར་ཕྱིན་ཅིང་། །སྤྱན་དང་མངོན་པར་ཤེས་པའི་རྣམ་ཐར་འཆང་། ལྷ་མིའི་དབང་པོས་བཏུད་ཀྱང་ལྟོས་པ་བྲལ། །ཆོས་བརྒྱད་འཆིང་བ་གྲོལ་ལ༴ <br />།ནང་གི་ཡོན་ཏན་བློ་ཡི་ར་བ་ལས། །འདས་ཀྱང་ཕྱི་ཚུལ་སྦས་པའི་བརྟུལ་ཞུགས་ཀྱིས། །སྒྲུབ་པའི་རྒྱལ་མཚན་གཡེལ་བ་མེད་པར་བཙུགས། །གྲུབ་མཆོག་ཆོས་ཀྱི་རྗེ་ལ༴ <br />།བགྲང་བྱ་དུ་མར་བགྲེས་ཚུལ་མི་མངའ་བར། །ཤིན་ཏུ་ཟོ་བདོག་བདེ་ཞིང་གཟི་མདངས་གསལ། །དངས་མ་བཞི་ཡི་མཉན་ལྕུགས་མཆོག་ལྡན་པ། །འཆི་མེད་གྲུབ་པའི་རྗེ་ལ༴ <br />།ངོ་མཚར་རྨད་བྱུང་སྐྱེས་མཆོག་རྡོ་རྗེའི་མཚན། །བྱིན་རླབས་ཐུགས་རྗེ་བདག་སོགས་འགྲོ་རྒྱུད་ལ། །ཞུགས་ནས་ཚེ་དང་སྒྲུབ་པ་མཐར་ཕྱིན་ཅིང་། །གྲུབ་པ་མཆོག་གི་གོ་འཕང་ལ་འགོད་ཤོག <br /><br />Müchen Namkhé Neljor<br /><span class="tibetan_small">༈ །[[Müchen Namkhé Neljor|མུས་ཆེན་ནམ་མཁའི་རྣལ་འབྱོར་]]ལ་གསོལ་བ་འདེབས་པ་ཟུང་འཇུག་སྒྲ་དབྱངས་ཞེས་བྱ་བ།</span> <br />སྐྱེས་མཆོག་དག་པའི་ཞིང་དུ་མངོན་སངས་རྒྱས། །རྒྱལ་སྲས་རྣམས་ལ་ཐེག་ཆེན་ཆོས་སྒྲ་སྒྲོག །མ་དག་ཞིང་དུ་སྤྲུལ་པས་གཞན་དོན་མཛད། །ནམ་མཁའ་རྒྱལ་མཚན་ཞབས་ལ་གསོལ་བ་འདེབས། <br />།འཕགས་ཡུལ་པཎ་ཆེན་ཉི་མའི་སྙིང་པོའི་ཞབས། །ཐུགས་རྗེ་ཆེ་དང་ཕྱག་ན་རྡོ་རྗེ་ཡིས། །བྱིན་རླབས་གྲུབ་པ་ཡབ་ཡུམ་ལྷུམས་སུ་འཕོས། །དགེ་བའི་ལྟས་བཅས་འཁྲུངས་ལ༴ <br />།བྱིས་པའི་ཚུལ་བསྟན་མངོན་ཤེས་ཐོགས་མེད་མངའ། །འཇིག་རྟེན་བྱ་བ་ཀུན་ལ་ཞེན་པ་ལོག །དད་དང་ཤེས་རབ་སྙིང་རྗེའི་རྩལ་རྒྱས་ཤིང་། །ཐར་པའི་རིགས་མཆོག་སད་ལ༴ <br />།རྒྱལ་སྲས་ཐོགས་མེད་ཞབས་སོགས་དགེ་བའི་བཤེས། །དུ་མ་བསྟེན་ནས་རྗོད་བྱེད་སྡེ་སྣོད་གསུམ། །མཁས་པར་སྦྱངས་ཤིང་བརྗོད་བྱ་བསླབ་གསུམ་གྱིས། །ཐུགས་རྒྱུད་ཡོངས་སུ་གཏམས་ལ༴ <br />།ཁྱད་པར་མུས་ཆེན་རྗེ་དང་གཞོན་ནུ་བར། །ཉམས་ཁྲིད་གསན་ནས་རྩེ་གཅིག་བསྒོམས་པ་ཡིས། །བདེ་དྲོད་རང་འབར་སྒྱུ་མ་རང་ཤར་སོགས། །ཐབས་ལམ་ཡོན་ཏན་རྫོགས་ལ༴ <br />།ཉིན་མཚན་གཡེལ་བ་མེད་པར་སྒྲུབ་ལ་བརྩོན། །ཟག་མེད་བསམ་གཏན་ཟས་ལ་ལོངས་སུ་སྤྱོད། །ཏིང་འཛིན་སྒོ་བརྒྱར་སྙོམས་པར་འཇུག་ཅིང་ལྡང་། །ཚོགས་ཆེན་བླ་མེད་སྤེལ་ལ༴ <br />།བདེ་གཤེགས་ཡི་དམ་མཁའ་འགྲོས་རྗེས་སུ་བཟུང་། །ཆགས་ཐོག་སྤངས་པའི་མངོན་ཤེས་སྤྱན་དང་ལྡན། །བར་དོའི་འགྲོ་བ་མཐའ་དག་རབ་གཟིགས་ནས། །རྣམ་ཀུན་ཐུགས་རྗེས་འཛིན་ལ༴ <br />།ནད་པ་རྣམས་ལ་སྨན་པའི་རྒྱལ་པོ་བཞིན། །འཇིགས་པས་ཉེན་རྣམས་དྲན་པ་ཙམ་གྱིས་སྐྱོབ། །བྱང་ཆུབ་སེམས་ཀྱི་ཕྲིན་ལས་མཐའ་ཡས་པས། །སྐྱེ་དགུའི་མགོན་ཏུ་གྱུར་ལ༴ <br />།མཐོང་ཐོས་དྲན་རེག་ཕྱིར་མི་ལྡོག་ལ་བཀོད། །སྐྱེ་འཆིའི་མཚན་མ་སྤངས་ཀྱང་གདུལ་བྱའི་ངོར། །སངས་རྒྱས་ཞིང་ཁམས་མང་པོར་དུས་གཅིག་ཏུ། །གཤེགས་པའི་ཆོ་འཕྲུལ་བསྟན་ལ༴ <br />།དད་ལྡན་དོན་ཏུ་རིང་བསྲེལ་དཔག་མེད་སྤྲུལ། །ལྷ་མི་ཀུན་གྱིས་སྲིད་མཐའི་བར་དུ་མཆོད། །ངོ་མཚར་མཚན་མ་རྒྱུན་ཆད་མི་མངའ་བ། །བྱིན་རླབས་བསམ་ལས་འདས་ལ༴ <br />།རྗེ་བཙུན་མཉམ་མེད་ནམ་མཁའི་རྣལ་འབྱོར་པས། །གསོལ་འདེབས་བུ་ལ་ཐུགས་རྗེའི་རྩལ་སྤྲུགས་ཏེ། །དམ་ཆོས་སྒྲུབ་པའི་འགལ་རྐྱེན་ཞི་བ་དང་། །མཐུན་རྐྱེན་ཡིད་བཞིན་འགྲུབ་པར་བྱིན་གྱིས་རློབས། <br /><br />Thangtong Gyelpo<br /><span class="tibetan_small">༈ །[[Thangtong Gyelpo|གྲུབ་ཆེན་ཐང་སྟོང་རྒྱལ་པོ་]]ལ་གསོལ་བ་འདེབས་པ་གྲུབ་པའི་སྒྲ་དབྱངས་ཞེས་བྱ་བ།</span> <br />ཐུགས་རྗེ་ཆེ་དང་དབང་ཆེན་རྟ་མགྲིན་རྒྱལ། །དབྱེར་མེད་གཅིག་བསྡུས་མཚོ་སྐྱེས་རྡོ་རྗེ་འཆང་། །སྙིགས་འགྲོའི་སྐྱབས་སུ་སྤྲུལ་པའི་སྒྱུ་འཕྲུལ་སྟོན། །ཐང་སྟོང་རྒྱལ་པོའི་ཞབས་ལ་གསོལ་བ་འདེབས། <br />།དུས་གསུམ་སངས་རྒྱས་ཀུན་མཁྱེན་དོལ་པོ་པ། །གདུལ་དཀའ་འདུལ་ཕྱིར་གྲུབ་པའི་སྐུར་བཞེངས་པ། །ཡེ་ཤེས་ཌཱ་ཀི་ཡོངས་ཀྱི་མིང་གཅིག་པོ། །མཚན་མཆོག་ལྔ་དང་ལྡན་ལ༴ <br />།ལ་སྟོད་བྱང་དུ་རྡོ་རྗེའི་མཚན་དཔེ་གསལ། །འཕགས་པས་བསྐུལ་ཏེ་ཁྱིམ་སྤངས་རབ་ཏུ་བྱུང་། །དབུ་སྐྲ་བསིལ་ཚེ་འཇའ་འོད་མེ་ཏོག་ཁེངས། །བརྩོན་འགྲུས་བཟང་པོའི་ཞབས་ལ༴ <br />།གཞུང་ལུགས་སྦྱོང་ཚེ་ཏིང་འཛིན་ངང་དུ་འབྱམས། །མ་བསླབ་པར་ཡང་ཆོས་ཀུན་ཐུགས་སུ་ཆུད། །ཐོག་མ་ཉིད་ནས་རྫུ་འཕྲུལ་དཔག་མེད་བསྟན། །རང་བྱུང་གྲུབ་པ་ཆེན་པོར༴ <br />།སངས་རྒྱས་བྱང་སེམས་རྣལ་འབྱོར་ཕོ་མོ་དང་། །དགེ་སྦྱོང་རིགས་ངན་ཀུ་སུ་ལུ་པའི་ཚུལ། །ཡང་དག་བླ་མ་ལྔ་བརྒྱ་ཕྲག་གཅིག་ལས། །ཆོས་སྒོ་ཚད་མེད་གསན་ལ༴ <br />།ཐར་པ་གླིང་དུ་ཐུགས་དམ་མཛད་པའི་ཚེ། །རྡོ་རྗེ་འཆང་ཆེན་རིགས་ལྔ་སེམས་དཔའ་བརྒྱད། །ཁྲོ་བཅུ་ལྷ་མོའི་ཚོགས་བཅས་དངོས་སུ་མཇལ། །ལམ་ཟབ་ལ་སོགས་ཟབ་ཆོས་དུ་མ་གསན། །སྒྲིབ་གཉིས་མུན་པ་བྲལ་ལ༴ <br />།ཐུགས་རྗེ་ཕྱོགས་མེད་ཤེས་བྱ་ཐམས་ཅད་མཁྱེན། །རང་སྣང་དབང་སྒྱུར་ལས་བཞིར་མངའ་དབང་བརྙེས། །རྟོགས་པས་རྒྱུད་གྲོལ་བརྟུལ་ཞུགས་མཐའ་རུ་ཕྱིན། །ཆོས་བརྒྱད་ཟིལ་གྱིས་མནན་ལ༴ <br />།གནས་ཆེན་རྣམས་སུ་སྨོན་ལམ་དུ་མ་མཛད། །སྔོན་བྱོན་གྲུབ་ཐོབ་ཡི་དམ་ལྷ་ཚོགས་མཇལ། །དུར་ཁྲོད་རྣམས་སུ་དཔའ་བོ་མཁའ་འགྲོ་དང་། །ཚོགས་ཀྱི་འདུ་བར་རོལ་ལ༴ <br />།ཁ་བ་ཅན་པའི་མི་དང་མི་མ་ཡིན། །གཅན་གཟན་ནད་པ་འོན་ལོང་ཉམ་ཐག་སོགས། །ཁྱོད་སྐུ་མཐོང་ཐོས་དྲན་པས་གནས་སྐབས་སུ། །འཇིགས་པ་ཀུན་ཞི་མཐར་ཐུག་མངོན་མཐོ་དང་། <br />།ངེས་ལེགས་ཐོབ་ཅིང་ཐེག་ཆེན་དམ་ཆོས་དར། །ཁྱད་པར་མཐའ་འཁོབ་ཀླ་ཀློོ་ཐུལ་ཅིག་ཅེས། །སྤྱན་རས་གཟིགས་དང་རྗེ་བཙུན་སྒྲོལ་མ་ཡིས། །ཡང་ཡང་གསུང་གིས་བསྐུལ་ལ༴ <br />།བཅོམ་ལྡན་འདས་ཀྱིས་ཆོས་སྒོ་མཐའ་ཡས་སྩལ། །ཡན་ལག་འབྱུང་ལས་ཤེས་རབ་ཕར་ཕྱིན་གསན། །ཧེ་རུ་ཀ་དང་རྣལ་འབྱོར་མ་དཔལ་གྱིས། །དབང་བསྐུར་རྒྱུད་རྣམས་གཏད་ལ༴ <br />།དུར་ཁྲོད་ཆེན་པོ་ཀེང་རུས་མེ་འབར་དུ། །དཔལ་ཆེན་བི་རཱུ་པ་ཡིས་རྗེས་སུ་བཟུང་། །ལམ་འབྲས་ཡོངས་རྫོགས་དམ་རྫས་བདུད་རྩི་གནང་། །ཟག་པ་རྒྱུན་ཆད་གྱུར་ལ༴ <br />།ཡེ་ཤེས་མཁའ་འགྲོ་ནི་གུ་ལན་གསུམ་དུ། །བྱོན་ནས་དབང་དང་གདམས་ངག་རྫོགས་པར་གནང་། །རྫུ་འཕྲུལ་མངོན་ཤེས་བསམ་མི་ཁྱབ་པར་འཁྲུངས། །གདམས་ངག་ཡི་གེར་བཀོད་ལ་གསོལ་བ་འདེབས། <br />།ཟངས་གླིང་ཡུལ་དུ་གྲུབ་ཆེན་ཤ་བ་རི། །ངོ་སྤྲད་བྱིན་བརླབས་རྡོ་ལ་མེ་འབར་དུ། །བྲམ་ཟེ་མཆོག་སྲེད་ཞབས་ཀྱིས་ནག་པོ་ཆེ། །སྲུང་མར་དངོས་སུ་གཏད་ལ༴ <br />།སྲིན་ཡུལ་ཟངས་མདོག་དཔལ་གྱི་རི་བོའི་རྩེར། །བླ་མ་སྐུ་གསུམ་ཁྱད་པར་ཨོ་རྒྱན་རྗེས། །སྒྲུབ་ཆེན་བརྒྱད་སོགས་དབང་ཆོས་མཐའ་ཡས་པ། །གནང་ནས་ལུང་བསྟན་མཛད་ལ༴ <br />།རྡོ་རྗེ་སེམས་དཔས་ཨ་ཏི་ཡོ་ག་སྩལ། །མཁའ་འགྲོས་བསྐུལ་ཏེ་བོད་ཀྱི་གདུལ་བྱར་གཟིགས། །ཀླ་ཀློའི་ཡུལ་བྱོན་རྫུ་འཕྲུལ་ཚད་མེད་པས། །བཏུལ་ནས་ཆོས་སུ་བཀོད་ལ༴ <br />།རྒྱ་བལ་ཁ་ཆེ་ལི་དང་ཨོ་རྒྱན་ཡུལ། །རྒྱ་ཧོར་ཟླ་བ་ནས་གླིང་ཀ་ལིངྒ། །པྲི་ཡངྐུ་སོགས་འཛམ་གླིང་གླིང་ཕྲན་བཅས། །མཐའ་དག་རྫུ་འཕྲུལ་ཆེན་པོའི་ཞབས་ཀྱིས་གཅགས། <br />།སྐལ་པར་ལྡན་རྣམས་དངོས་སུ་གྲོལ་བར་མཛད། །གཞན་དག་མ་འོངས་པ་ན་རང་ཉིད་ཀྱི། །གདུལ་བྱར་སྨིན་ཕྱིར་ཐབས་མཁས་སྣ་ཚོགས་པས། །ས་སྟེང་ཆོས་ཀྱིས་བཀང་ལ༴ <br />།སྣོད་ལྡན་རྒན་གཞོན་མེད་པ་མཁའ་སྤྱོད་བཀོད། །གཅན་གཟན་རྣམས་ཀྱང་གུས་པས་ཞབས་ཏོག་སྒྲུབ། །ལྷ་སྲིན་སྡེ་བརྒྱད་བཏུལ་ནས་དམ་ལ་བཞག །འབྱུང་བཞི་རང་དབང་སྒྱུར་ལ༴ <br />།ཆུ་ཀླུང་དུ་མ་ལྕགས་ཀྱི་ཟམ་པས་སྦྲེལ། །མཐོང་གྲོལ་བཀྲ་ཤིས་སྒོ་མང་མཆོད་རྟེན་དང་། །རིན་ཆེན་གར་ལུགས་སྐུ་བརྙན་དུ་མ་སོགས། །རྟེན་གསུམ་དཔག་ཡས་བཞེངས་ལ༴ <br />།མཐའ་དམག་ཁ་གནོན་ས་ཡི་མེ་བཙའ་གདབ། །འབྱུང་བཞིའི་གཉེན་པོར་རྟེན་མཆོག་ཀུན་ཏུ་བཀོད། །སྨོན་ལམ་མཛད་པས་ནད་དང་མུ་གེ་ཡི། །འཇིགས་ལས་ཡུན་རིང་བསྐྱབས་ལ༴ <br />།སྨན་གྱི་བླ་མས་བདུད་རྩི་འཆི་སོས་དང་། །ཚེ་དཔག་མེད་ཀྱིས་ཚེ་ཡི་རིལ་བུ་གནང་། །འགྲོ་བ་མཐའ་དག་ནད་གདོན་དུས་མིན་གྱི། །འཆི་བའི་འཇིགས་པ་འཕྲོག་ལ༴ <br />།འཐའ་འཁོབ་ཀ་མ་ཏ་རུ་སྐུ་ལུས་ཀྱི། བཀོད་པ་བསྟན་ཚེ་སྡིག་སྤྱོད་རྒྱལ་བློན་གྱིས། །མེས་བསྲེགས་ཆུ་ཡིས་མ་ཚུགས་དེ་དག་ཀུན། །དད་ཅིང་ཆོས་སུ་བཀོད་ལ༴ <br />།མཆོག་གི་བུ་དྲུག་ཉེ་བའི་སྲས་མཆོག་བརྒྱད། །ཡེ་ཤེས་ཌཱ་ཀི་ལྔ་དང་སྦས་ཚུལ་གྱི། །མཁའ་འགྲོ་བཅུ་དྲུག་དམ་ཚིག་ཌཱ་ཀི་ནི། །བཅོ་བརྒྱད་རིག་འཛིན་ཕོ་མོ་སུམ་ཅུ་བདུན། <br />།ལས་ཅན་ང་བརྒྱད་མི་ལྡོག་ལྔ་བརྒྱ་ཕྲག །གཞན་དོན་ནུས་པ་བྱེ་བ་ཁྲི་བརྒྱད་སོགས། །སྨིན་གྲོལ་མཛད་ནས་གདམས་ངག་སྐབས་བརྒྱད་བསྡུས། །རྒྱལ་ཚབ་མངའ་གསོལ་མཛད་ལ༴ <br />།སྐུ་དངོས་བགྲང་བྱ་བརྒྱ་དང་ཉེར་བརྒྱད་མཐར། །ཆོ་འཕྲུལ་ཟླ་བའི་ཚེས་བཞིར་འོད་ཕུང་དུ། །ནམ་མཁར་གཤེགས་ཚེ་ཐུགས་སྲས་གདུང་དབྱངས་ཀྱིས། །མདུན་མཁར་གཟུགས་སྐུར་བསྟན་ལ༴ <br />།སླར་ཡང་གསོལ་བ་བཏབ་ཚེ་ཁྲུ་གང་སྐུ། །སྒྲུབ་པའི་གནས་བྱོན་འོད་གསལ་ཞག་བདུན་བཞུགས། །ངོ་མཚར་གདུང་རྟེན་ལྷ་མིའི་མཆོད་ཡུལ་དུ། །གཡོ་མེད་བརྟན་པར་བཞུགས་ལ༴ <br />།སླད་ནས་གདུལ་བྱ་སྐལ་ལྡན་རྣམས་ཀྱི་ངོར། །ཉེ་རིང་གང་དུའང་བྱོན་ནས་བྱིན་གྱིས་བརླབས། །བོད་ཡུལ་བདེ་བའི་ཕྲིན་ལས་རྒྱུན་ཆད་མེད། །བཀའ་དྲིན་བསམ་ལས་འདས་ལ༴ <br />།སྤྱན་རས་གཟིགས་དབང་གྲུབ་ཆེན་ཆོས་ཀྱི་རྗེ། །ཁྱེད་ཀྱི་ཐུགས་རྗེ་སྐྱོ་དུབ་མ་མཆིས་པས། །བདག་སོགས་སྐལ་མེད་དུས་མཐར་སྐྱེས་པ་ལ། །ཞལ་སྟོན་བྱིན་གྱིས་བརླབ་པར་མཛད་དུ་གསོལ། <br />།གྲུབ་མཆོག་ཁྱེད་ཀྱི་སྐུ་ཚེ་གདུལ་བྱའི་ཞིང་། །རྣམ་ཐར་སྨོན་ལམ་མཛད་སྟོབས་ཅི་འདྲ་བ། །དེ་འདྲ་ཁོ་ནར་བདག་གིས་མྱུར་འགྲུབ་སྟེ། །ནམ་མཁའ་མཉམ་པའི་འགྲོ་ཀུན་སྒྲོལ་བྱེད་ཤོག །<br /><br />Gyagom Lekpa Gyeltsen<br /><span class="tibetan_small">༈ [[Lekpa Gyeltsen|རྒྱ་སྒོམ་ལེགས་པ་རྒྱལ་མཚན་]]ལ་གསོལ་བ་འདེབས་པ་ལྷན་སྐྱེས་སྒྲ་དབྱངས་ཞེས་བྱ་བ།</span> <br />ཡེ་ཤེས་མཁའ་ལ་གཉུག་མའི་གར་སྟབས་སྒྱུར། །མི་ཤིགས་འོད་གསལ་བདེ་བའི་གཟི་མདངས་འབར། །གྲུབ་པ་མཆོག་གི་ཕྱག་བྱས་རྒྱ་སྒོམ་པ། །ལེགས་པ་རྒྱལ་མཚན་ཞབས་ལ་གསོལ་བ་འདེབས། <br />།འཁོར་བའི་འདུ་འཛི་བརྩོན་ར་བཞིན་ཏུ་བོར། །ངེས་ལེགས་བསྟན་ལ་རྣམ་དག་ཚངས་པར་སྤྱོད། །སྔོན་སྦྱངས་ལས་འཕྲོ་དཀར་པོའི་ཆོས་ལ་སད། །སྐྱེས་བུ་ཆེན་པོའི་ཞབས་ལ༴ <br />།མཁས་ཤིང་དངོས་གྲུབ་བརྙེས་པའི་དགེ་བའི་བཤེས། །མང་དུ་བསྟན་ནས་མདོ་སྔགས་ཆོས་སྤྱི་དང་། །བྱེ་བྲག་དཔལ་ལྡན་ཤངས་པ་བཀའ་བརྒྱུད་ཀྱི། །རིང་ལུགས་རྫོགས་པར་གསན་ལ༴ <br />།གྲུབ་དབང་ནམ་མཁའི་མཚན་གྱིས་རྗེས་སུ་བཟུང་། །སྒྲུབ་ལ་བརྩོན་པ་ཉིན་མཚན་གཡེལ་མེད་མཛད། །ཉམས་རྟོགས་ཡོན་ཏན་ཡར་ངོའི་ཟླ་བཞིན་རྒྱས། །རྣལ་འབྱོར་དབང་ཕྱུག་ཁྱོད་ལ༴ <br />།བྱང་ཆུབ་སེམས་མཆོག་གཉིས་ལ་ཁྱོད་ཀྱི་ཐུགས། །རྟག་ཏུ་གཞོལ་བས་ཉི་ཚེའི་ཕྲིན་ལས་ལ། །མ་བཀོལ་བར་ཡང་ཚར་གཅོད་རྗེས་འཛིན་སོགས། །ཡེ་ཤེས་མགོན་པོས་སྒྲུབ་ལ༴ <br />།བཀོད་པ་ལུས་ཀྱི་སྤྲུལ་བསྒྱུར་ལ་སོགས་པ། །རྣམ་ཐར་བསམ་མི་ཁྱབ་ལ་མངའ་མཛད་ཀྱང་། །རྟག་ཏུ་ཐ་མལ་བརྟུལ་ཞུགས་ལྷུར་མཛད་པ། །སྦས་པའི་སངས་རྒྱས་ཁྱེད་ལ༴ <br />།འཇམ་མགོན་གྲུབ་པའི་དཔའ་བོ་རྒྱལ་ཚབ་ཏུ། །མངའ་ཆེན་གསོལ་བས་བཀའ་བརྒྱུད་གྲུབ་པའི་ཀླུང་། །ཐུབ་བསྟན་ཇི་སྲིད་མི་མཉམ་འབབས་པ་ཡི། །ཕྲིན་ལས་རྨད་དུ་བྱུང་ལ༴ <br />།གཞན་དོན་དགོངས་ཚེ་གདུང་གི་ཆ་ཤས་ལས། །སྤྲུལ་པའི་རིང་བསྲེལ་ཟད་མེད་འཕེལ་བས་ཀྱང་། །སྐལ་ལྡན་དུ་མ་ཐར་པའི་གནས་སུ་བཀོད། །མཛད་པ་མཐར་ཕྱིན་ཁྱེད་ལ༴ <br />།གསོལ་བཏབ་དགེ་བས་བདག་སོགས་འགྲོ་རྒྱུད་ཀྱི། །སྒྲིབ་གཉིས་དྲི་མ་གཏན་ནས་བྱང་བ་དང་། །ལྷན་སྐྱེས་འོད་གསལ་གཉུག་མ་ཆོས་སྐུའི་ཞལ། །གཅེར་མཐོང་སྐུ་གསུམ་རང་ཤར་ཉིད་གྱུར་ཅིག <br /><br />Jetsün Künga Drölchok<br /><span class="tibetan_small">༈ [[Künga Drölchok|རྗེ་བཙུན་ཀུན་དགའ་འགྲོལ་མཆོག་]]ལ་གསོལ་བ་འདེབས་པ་སྨིན་གྲོལ་སྒྲ་དབྱངས་ཞེས་བྱ་བ།</span> <br />རྒྱལ་བས་ལུང་བསྟན་སྤྱོད་འཆང་གྲུབ་པའི་དབང་། །གངས་ཅན་སྙིང་པོའི་བསྟན་པ་སྤེལ་བའི་ཕྱིར། །འཇམ་མགོན་གྲུབ་པའི་དཔའ་བོའི་སྐུར་བསྟན་པ། །ཀུན་དགའ་གྲོལ་མཆོག་ཞབས་ལ་གསོལ་བ་འདེབས། <br />།སྤྲུལ་པའི་ཟླ་ཞལ་གློ་བོ་སྨོན་ཐང་དུ། །འཆར་ཚེ་སྐབས་གསུམ་གྲོང་ནས་འོང་འདྲ་བའི། །པདྨའི་སྡོང་པོ་ཁ་དོག་དྲི་བསུངས་ཅན། །དཔྱིད་ཀྱི་དཔལ་བཞིན་བཞེད་ལ༴ <br />།མཚན་དཔེའི་མེ་ཏོག་འབྱུང་འཁྲུགས་རིག་པ་ཡིས། །གཙེས་པའི་ཚེ་ན་ཐུབ་བསྟན་ཉི་གཞོན་དང་། །འགྲོགས་པའི་མོད་ལ་གེགས་ཀྱི་གཡུལ་ལས་རྒྱལ། །ཆོས་དོན་ངང་གིས་འབྱོར་ལ༴ <br />།ཡུལ་དབུས་རིག་གྲོལ་གཉིས་ལྡན་པདྨོའི་མཚོར། །ལྡོག་མེད་ངང་པ་བཞིན་དུ་དགའ་བས་ཞུགས། །ན་ཚོད་ཕྲ་ཡང་སྙིང་སྟོབས་སྤྱོད་པ་སྦོམ། །སེམས་ཀྱི་མདུད་གྲོལ་མཆོག་ལ༴ <br />།སྔོན་སྦྱངས་སྟོབས་སད་སྡེ་སྣོད་རྩོལ་མེད་མཁྱེན། །དབྱངས་ཅན་མགྲིན་པར་ཞུགས་པའི་བརྗོད་པ་སོགས། །མཁས་ཚུལ་གསུམ་གྱི་རྣམ་དཔྱོད་དར་བབས་པས། །བློ་གསལ་ཡིད་དབང་འཕྲོག་ལ༴ <br />།གཙུག་རྒྱན་ནོར་བུས་ལུང་བསྟན་དབུགས་དབྱུང་མཛད། རིན་ཆེན་རྣམ་བཞིས་གདམས་པའི་གནད་རྣམས་གནང་། །པཎ་ཆེན་གཉིས་ཀྱི་ཐེ་ཚོམ་དྲྭ་བ་བསལ། །བཞེད་དགོངས་ལྷུན་གྱིས་གྲུབ་ལ༴ <br />།བྱ་བཏང་གཉིས་ཀྱིས་རྟོགས་པའི་བོགས་འདོན་མཛད། །ངག་གི་དབང་པོས་ཐ་སྙད་སྤྲོ་བ་བསྐྱེད། །ཁྱད་པར་རྡོ་རྗེ་འཆང་དངོས་རྒྱ་སྒོམ་རྗེས། །ཐུགས་ཀྱི་བང་མཛོད་གཏད་ལ༴ <br />།ཕྱི་ཚུལ་དྲི་མེད་སོ་ཐར་བསླབ་པས་བསྡམས། །ནང་དུ་བྱང་ཆུབ་སེམས་ལ་རང་དབང་འབྱོར། །གསང་བ་སྔགས་ཀྱི་བརྟུལ་ཞུགས་འཆང་རྣམས་ཀྱི། །འཁོར་ལོས་སྒྱུར་བ་མཆོག་ལ༴ <br />།གསང་བདག་གཤིན་རྗེ་གཤེད་པོས་བར་ཆད་བསལ། །དགྱེས་མཛད་ཡབ་ཡུམ་འཁོར་ལོ་སྡོམ་པ་དང་། །རྡོ་རྗེ་རྣལ་འབྱོར་མ་སོགས་ལྷག་པའི་ལྷས། །བྱིན་བརླབས་རྗེས་སུ་བཟུང་ལ༴ <br />།མཁའ་སྤྱོད་དབང་ཕྱུག་རྗེ་བཙུན་ནི་གུ་མས། །ཆོས་དྲུག་ཡེ་ཤེས་མགོན་པོ་ལ་སོགས་པ། །སྩལ་བས་འོད་གསལ་མཐའ་དབུས་མེད་པར་རྟོགས། །ངོ་མཚར་ཉེ་བརྒྱུད་ཐོབ་ལ༴ <br />།སོ་ས་གླིང་དུ་མཁའ་འགྲོ་ཆེན་མོ་དང་། །ཚོགས་ཀྱི་འདུ་བར་སྤྱོད་ཅིང་བྱང་ཆུབ་དུ། །ལུང་བསྟན་མཉམ་རྗེས་འདྲེས་པའི་རྟོགས་པ་སྤེལ། །མཁའ་འགྲོས་བུ་བཞིན་སྐྱོང་ལ༴ <br />།མི་ཏྲ་ཛོ་གིས་སྙིང་པོ་དོན་གསུམ་གནང་། །ལེགས་ལྡན་འབྱེད་ཀྱིས་བརྡ་ཡི་ཆོས་དབང་བསྐུར། །སྟོབས་འཕྲོག་དབང་པོ་རྣམ་ཐོས་སྲས་ལ་སོགས། །ཆོས་སྐྱོང་བྲན་དུ་ཁོལ་ལ༴ <br />།གང་སྣང་སྒྱུ་མའི་རྣམ་རོལ་དུ་ཤར་ནས། །འཛིན་མེད་རང་ཤར་མ་བཅོས་ཞེན་བྲལ་བློས། །མ་ཆགས་བུ་ཆུང་སྤྱོད་པའི་ངང་ཚུལ་གྱིས། །བྱས་ཚད་ཆོས་སུ་འགྲོ་ལ༴ <br />།མཐོང་ཐོས་དྲན་རེག་ངན་འགྲོའི་གནས་སྤོང་བའི། །འབྲེལ་ཚད་དོན་དང་ལྡན་པའི་སྐྱེས་བུ་ཞེས། །བསླུ་མེད་རྡོ་རྗེའི་གསུང་གིས་ཞལ་འཆེས་པ། །སྐྱེ་དགུའི་མགོན་པོར་གྱུར་ལ༴ <br />།གངས་ཅན་གདམས་པའི་ཆུ་ཀླུང་མཐའ་དག་བསྡུས། །ནི་གུའི་ཁྲིད་སྲོལ་བརྒྱ་ཕྲག་ལྷག་པས་མཚོན། །གཞན་ཕན་ནམ་མཁའི་མཐར་ཁྱབ་སྤེལ་མཛད་ནས། །མཁའ་སྤྱོད་གྲོང་དུ་གཤེགས་ལ༴ <br />།སླར་ཡང་འཕགས་བོད་ཨོ་རྒྱན་འགྲོ་ལྡིང་སོགས། །མ་ངེས་གནས་སུ་གང་ལ་གང་འདུལ་གྱི། །སྤྲུལ་པ་དུ་མས་གདུལ་བྱའི་ཞིང་སྦྱངས་ནས། །བླ་མེད་བྱང་ཆུབ་བརྙེས་ལ༴ <br />།སྐྱེ་ཀུན་གྲུབ་པའི་དཔའ་བོས་རྗེས་བཟུང་སྟེ། །གསང་གསུམ་མི་ཟད་རྒྱན་གྱི་འཁོར་ལོ་ཡིས། །རབ་འབྱམས་རྣམ་ཐར་རྒྱ་ཚོའི་སྤྲིན་བཀོད་པ། །རྗེ་བཙུན་ཁྱེད་དང་མཚུངས་པར་མཛད་དུ་གསོལ། <br /><br />Chöku Lhawang Drakpa<br /><span class="tibetan_small">༈ །[[Chöku Lhawang Drakpa|ཆོས་སྐུ་ལྷ་དབང་གྲགས་པ་]]ལ་གསོལ་བ་འདེབས་པ་ཟབ་མོའི་སྒྲ་དབྱངས་ཞེས་བྱ་བ།</span> <br />དཔལ་ལྡན་ཁྱབ་བདག་འགྱུར་མེད་རྡོ་རྗེའི་སྐུ། །གཞོམ་མེད་སྒྲ་དབྱངས་བརྗོད་བྲལ་རྡོ་རྗེའི་གསུང་། བདེ་ཆེན་ཟུང་འཇུག་མཉམ་ཉིད་རྡོ་རྗེའི་ཐུགས། །ལྷ་དབང་གྲགས་པའི་ཞབས་ལ་གསོལ་བ་འདེབས། ཤློ་ཀ་འདི་རྗེ་བཙུན་རིན་པོ་ཆེའི་གསུང་ངོ་། <br />རྡོ་རྗེའི་ལུས་ལ་སྐྱོན་བྲལ་ལང་ཚོས་བརྒྱན། ཟབ་ལམ་ཡོན་ཏན་ཀུན་སྐྱེད་དཔལ་གྱིས་འབྱོར། །བརྟུལ་ཞུགས་སྤྱོད་ལ་བསྙེངས་པ་མེད་པའི་བློ། །སྐྱེས་ཐོབ་རྩལ་ཆེན་རྫོགས་ལ༴ <br />།རྡོ་རྗེའི་རིགས་མཆོག་ཐོག་མ་ཉིད་ནས་སད། གཉིས་འཛིན་བླང་དོར་བྲལ་ཡང་ལྟར་སྣང་གི། །འཁོར་བ་སྒྱུ་མ་ལྟ་བུར་ངེས་འབྱུང་གིས། །བློ་སྣ་ཆོས་སུ་བསྐུལ་ལ༴ <br />།རྡོ་རྗེའི་སློབ་དཔོན་སེམས་ཀྱི་མདུད་གྲོལ་མཆོག །གཙུག་ཏུ་བསྙེན་ནས་མཉེས་པ་རྣམ་གསུམ་བསྒྲུབས། །གསང་བ་གསུམ་གྱི་བྱིན་རླབས་ཡོངས་རྫོགས་ཐོབ། །དམ་པའི་ཐུགས་ཟིན་གྱུར་ལ༴ <br />།རྡོ་རྗེ་ཐེག་པའི་ཡང་བཅུད་རིམ་གཉིས་ལ། འབད་རྩོལ་ཆེན་པོས་སྒྲུབ་པ་མཐའ་རུ་བསྐྱལ། །སྒོམ་བྱུང་སྟོབས་ལས་མཁྱེན་རབ་ཆགས་ཐོགས་མེད། །སྤྱན་དང་མངོན་ཤེས་མངའ་ལ༴ <br />།མོས་གུས་སྟོབས་ཀྱིས་ཅི་སྣང་བླ་མར་གཟིགས། །གཏུམ་མོ་མཐར་ཕྱིན་བདེ་དྲོད་མེ་ལྟར་འབར། །སྒྱུ་ལུས་དབང་ཐོབ་སྣ་ཚོགས་སྤྲུལ་བསྒྱུར་ནུས། །དག་སྣང་རབ་ཏུ་འབྱམས་ལ༴ <br />།གཟུང་འཛིན་རླུང་སེམས་ཨ་བ་དྷཱུ་ཏིར་ཐིམ། །འཁོར་འདས་མ་ལུས་ཆོས་སྐུ་རྗེན་པར་ཤར། །རེ་དོགས་སྙེམས་འཕྲིག་སྤང་བླང་རྡུལ་ཙམ་མེད། །བྱ་བཏང་རྒྱལ་པོ་ཁྱེད་ལ༴ <br />།རྡོ་རྗེའི་ཡེ་ཤེས་ཆེ་ལ་དབང་འབྱོར་པས། །སྐལ་ལྡན་རྣམས་ལ་བྱིན་རླབས་དངོས་སུ་འབེབས། །རྟོགས་པའི་སྟོབས་ཀྱིས་གཞན་སྣང་ཟིལ་གྱིས་གནོན། །རྣལ་འབྱོར་དབང་ཕྱུག་ཁྱེད་ལ༴ <br />ཉིན་སྣང་སྒྱུ་མ་རྨི་ལམ་ལྟ་བུར་གཟིགས། །མཚན་སྣང་རྣམ་དག་འོད་གསལ་ཆེན་པོར་འབྱམས། །ཀུན་ཀྱང་ཟུང་འཇུག་བདེ་ཆེན་ཐིག་ལེར་ཤར། །ཉམས་རྟོགས་མཐའ་རུ་ཕྱིན་ལ༴ <br />ཡེ་ཤེས་མཁའ་འགྲོ་རྣམས་ཀྱིས་བྱིན་གྱིས་བརླབས། །ཕོ་ཉ་གསུམ་འདུས་ཚོགས་ཀྱི་འཁོར་ལོར་སྤྱོད། །ཟོལ་མེད་གྲུབ་པ་ཆེན་པོའི་རྒྱལ་ཐབས་བསྐྱང་། །རྗེ་བཙུན་བྲག་སྟོད་པ་ལ༴ <br />།རྣམ་གྲོལ་བདུད་རྩི་བགོ་བཤར་སྩལ་བ་ཡིས། །གྲུབ་པའི་རྒྱལ་སྲིད་སྐྱོང་བའི་ཉེ་དབང་ཚོགས། །སྒྲོལ་བའི་མགོན་གྱུར་རྗེ་བཙུན་ལྷ་ཡི་དབང་། །མངའ་གསོལ་དོན་ཆེན་མཛད་ལ༴ <br />།ངོ་མཚར་བཀའ་བརྒྱུད་གསེར་གྱི་ཕྲེང་བ་བཟུང་། །བྱིན་རླབས་ཆུ་རྒྱུན་མི་ཟད་གཏེར་གྱུར་བས། །ཤངས་པའི་བསྟན་ལ་བྱ་བ་རླབས་ཆེན་མཛད། །འགྲན་བྲལ་སྐྱེས་མཆོག་ཁྱེད་ལ༴ <br />།འཁྲུལ་མེད་དམ་པ་བསྟེན་ཅིང་བྱིན་རླབས་ཞུགས། །གསང་བའི་ལམ་མཆོག་མཐར་ཕྱིན་དངོས་གྲུབ་ཐོབ། །ཟབ་མོའི་རིང་ལུགས་རྒྱུན་མི་ཆད་སྤེལ་བ། །ཁྱོད་ཀྱི་རྣམ་ཐར་འགྲུབ་པར་བྱིན་གྱིས་རློབས། <span class="tibetan_small">།འདིར་ཇོ་ནང་རྗེ་བཙུན་རིན་པོ་ཆེའི་གསོལ་འདེབས་ཞལ་གསུང་མ་ཁ་འགེངས་བཅས་སྦྱར་རོ། །</span><br /><br />[[Jetsün Taranatha]] (by himself)<br />༈ །ན་མོ་གུ་རུ་བྷྱཿ <span class="tibetan_small">།དཔལ་ལྡན་བླ་མ་དམ་པའི་རྣམ་པར་ཐར་པ་དད་པའི་ལྗོན་ཤིང་ཞེས་བྱ་བ། <br />བླ་མ་དམ་པ་རྣམས་ལ་ཕྱག་འཚལ་ལོ།</span> <br />།ལྷག་པའི་ལྷ་མཆོག་འཇམ་དབྱངས་གྲུབ་པའི་མགོན། །ཀུན་དགའི་དམ་ཆོས་སྙིང་པོའི་དོན་སྟོན་པ། །གང་དེའི་ངོ་མཚར་མཛད་པའི་ཚོགས་རྣམས་ལ། །མཆོག་ཏུ་དང་བའི་ཡིད་ཀྱིས་ཕྱག་འཚལ་ལོ། <br />།དཔག་ཡས་ཚོགས་གཉིས་ཡུན་རིང་གོམས་པའི་མཐུས། །བོད་ཡུལ་དབུས་ཀྱི་ས་ཡི་ཐིག་ལེ་མཆོག །ཆོས་བཟང་ལྷ་ཡི་མདུན་ས་དང་མཚུངས་པར། །སྐྱེ་བའི་ཆོ་འཕྲུལ་སྟོན་ལ་མགོས༴ <br />།འཇམ་པའི་རྡོ་རྗེའི་རྣམ་འཕྲུལ་རྡོ་རྗེའི་མཚན། །སྐད་གཉིས་སྨྲ་བའི་རིགས་སུ་ཉེར་བལྟམས་པ། །ཀུན་བཟང་གྲུབ་པའི་དབང་པོས་ལུང་བསྟན་བཞིན། །རྣམ་འདྲེན་མཆོག་ཏུ་འཁྲུངས་ལ་མགོས༴ <br />།འདུ་བ་རྣམ་བཞིའི་ཁྲུགས་པའི་ཉེར་འཚེ་ཡིས། །རྣམ་པར་གཙེས་པའི་ཚེ་ན་གྲུབ་པའི་མགོན། འབར་བའི་མགོན་པོ་དངོས་སུ་བྱོན་ནས་ཀྱང་། །ཕྱི་ནང་བར་ཆད་བསལ་ལ་མགོས༴ <br />།དེ་ཚེ་རླུང་སེམས་དྷཱུ་ཏིར་ཚུད་པ་ཡིས། །རྒྱལ་བ་སྲས་བཅས་དཔག་ཡས་མཁའ་ལ་གཟིགས། །རྡོ་རྗེ་ཐེག་པའི་བག་ཆགས་ཡོངས་སད་ནས། །དང་བ་སྟོབས་སུ་གྱུར་ལ༴ <br />།གཞན་གྱིས་མ་བསྟན་ཡོངས་སུ་མ་བསྐུལ་བར། །འགྲོ་བ་ཀུན་ལ་སྙིང་རྗེའི་འཇུག་པ་རྒྱས། །ཐེག་མཆོག་ལྷ་དང་རིག་སྔགས་དམ་ཆོས་ཚུལ། །ངང་གིས་ཡོངས་སུ་མཁྱེན་ལ༴ <br />།ཡི་གེའི་ཕྱི་མོ་ལ་སོགས་རང་མཁྱེན་ཅིང་། །སྐྱེས་རབས་གླེང་བཞི་ལ་སོགས་གཏམ་མང་རྣམས། འབད་རྩོལ་མེད་པར་ཐོས་པ་ཙམ་གྱིས་ཆུབ། །འཁོར་མང་དགའ་བ་སྐྱེད་ལ༴ <br />།དགྱེས་པའི་རྡོ་རྗེ་རྡོ་རྗེ་རྣལ་འབྱོར་མ། །མི་གཡོ་སྒྲོལ་མ་འཇམ་པའི་དབྱངས་སོགས་ཀྱི། །སྒྲུབ་ཐབས་དུ་མ་ལོ་བདུན་ལོན་ཚེ་གསུངས། །བློ་གསལ་ཀུན་གྱི་གཙོ་བོར་མགོས༴ <br />།མཁས་མཆོག་བྱམས་པའི་གསུང་ངག་ཉེར་བསྟེན་ཏེ། །སྡེ་སྣོད་གསུམ་དང་དེ་ཡི་དགོངས་འགྲེལ་དང་། །སྒྲ་ཚད་རིག་པའི་གནས་ལྔ་ཀུན་ལ་སྦྱངས། །མཚུངས་མེད་སྨྲ་བའི་སེང་གེར༴ <br />།ཀུན་དགའི་མཚན་ཅན་བླ་མ་ཆོས་རྗེ་ཡི། །ཞབས་པད་ཉེར་བསྟེན་སྡོམ་གསུམ་རིམ་པས་ནོས། །དཔག་ཡས་རྒྱུད་སྡེའི་དབང་ལུང་མན་ངག་གིས། །ཐུགས་རྒྱུད་ཡོངས་སུ་གང་ལ༴ <br />།དཀྱིལ་འཁོར་རྒྱ་མཚོའི་བསྙེན་སྒྲུབ་མཐར་ཕྱིན་ཅིང་། །གསང་སྔགས་རྒྱ་མཚོའི་རྫོགས་རིམ་ཉམས་ལེན་གནད། །རྩེ་གཅིག་བསྒྲུབ་ལ་ཉིན་མཚན་ལྷུར་མཛད་པས། །རྒྱལ་བ་དགྱེས་པའི་ལམ་སྟོན་ལ༴ <br />།མདོ་རྒྱུད་དགོངས་པ་ཇི་བཞིན་ལེགས་མཁྱེན་ནས། །འཆད་དང་རྩོད་དང་རྩོམ་པའི་ཚུལ་ལུགས་ལ། །སྲིད་གསུམ་འདི་ན་མགྲན་པའི་ཟླ་བྲལ་བ། །ཡོན་ཏན་རྒྱ་མཚོ་ཁྱོད་ལ༴ <br />།རྒྱུད་སྡེ་རྒྱ་མཚོའི་ཚོགས་ལ་དབང་འབྱོར་ཞིང་། །འཕགས་པའི་ཡུལ་དང་གངས་རིའི་ཁྲོད་ཀུན་གྱི། །མཁས་གྲུབ་བྱེ་བའི་བཞེད་སྲོལ་ཇི་བཞིན་དུ། །མ་འདྲེས་ཐུགས་སུ་ཆུད་ལ༴ <br />།སྒྱུ་མ་ལྟ་བུའི་ཏིང་འཛིན་མངོན་བརྙེས་པས། །རྨི་ལམ་མཚན་མའི་ཚུལ་དུ་བར་ཆད་བགེགས། །རྣམ་པར་བཏུལ་ནས་སྟོང་ཉིད་ཟབ་མོའི་དོན། །མངོན་དུ་གྱུར་པ་གང་དེར༴ <br />།འཕགས་ཡུལ་མཁས་གྲུབ་ཞལ་ལུང་བདུད་རྩིའི་བཅུད། །སངས་རྒྱས་སྦས་པའི་ཞབས་སོགས་བླ་མ་ལས། །ལེགས་པར་གསན་ནས་ཐུན་མོང་མ་ཡིན་པའི། །ཟབ་དོན་རྒྱ་མཚོའི་བདག་པོར༴ <br />།དཔག་མེད་སྐྱེས་རབས་ཕྲེང་བར་མངོན་འབྲེལ་བའི། གདོད་མའི་མགོན་པོ་རྡོ་རྗེ་སློབ་དཔོན་མཆོག །བརྒྱུད་པ་ཀུན་འདུས་རྩ་བའི་བླ་མ་དང་། །ཐུགས་ཡིད་དབྱེར་མེད་འདྲེས་ལ༴ <br />།གང་ལས་མཐར་ཐུག་དེ་ཉིད་ནོད་པའི་ཚེ། །གནས་ལུགས་གདོད་མ་རང་བཞིན་ལྷན་ཅིག་སྐྱེས། །ཆོས་ཀུན་ངོ་བོ་ཆོས་སྐུ་མངོན་གྱུར་ཏེ། །སྲིད་ཞིའི་མགོན་པོར་གྱུར་ལ༴ <br />།ཟབ་ཅིང་རྒྱ་ཆེ་དཔག་ཡས་དམ་ཆོས་སྟོན། མཐའ་དག་གཅིག་གྱུར་དོན་གྱི་བརྒྱུད་པ་བརྙེས། །རྫོགས་རིམ་ཟབ་མོའི་ཡེ་ཤེས་མངོན་གྱུར་པ། །བདེ་ཆེན་དང་པོའི་རྒྱལ་བར༴ <br />།འཕགས་ཡུལ་ཤིང་རྟ་ཆེན་པོ་བཅུ་དྲུག་དང་། གྲུབ་ཐོབ་འཁོར་ལོས་སྒྱུར་བ་བགྲང་ཡས་ཀྱི། །བཀའ་བབས་བྱིན་གྱིས་བརླབས་པའི་རྟགས་མཚན་ཐོབ། །ཆོས་ཀྱི་རྒྱལ་པོ་བླ་མར༴ <br />།རྡོ་རྗེ་ཐེག་པའི་འཕགས་ལམ་རྗེས་མཐུན་ནས། །བཅུ་གཉིས་རྡོ་རྗེའི་གནས་པ་མངོན་གྱུར་ཏེ། །རྩོད་པའི་དུས་འདིར་རྡོ་རྗེ་འཆང་དབང་གི། །གདུང་འཚོབ་གྱུར་པ་གང་དེར༴ <br />།སྐྱེ་བ་ཀུན་ཏུ་རྗེས་བཟུང་ཡི་དམ་ལྷ། །འཁོར་ལོ་སྡོམ་པའི་བསྙེན་བསྒྲུབ་ལ་བརྩོན་ཚེ། །བདག་ཉིད་ཧེ་རུ་ཀར་གྱུར་མཚན་མ་གཟིགས། །ཡ་མཚན་དཔག་ཡས་མངའ་ལ༴ <br />།སྒྲོལ་མའི་དབང་བཞི་ནོད་ཚེ་རང་གི་ལུས། །མཁའ་འགྲོའི་ཚོགས་ཀྱིས་ཡོངས་སྦྱངས་བྱིན་བརླབས་ཏེ། །མཐའ་དག་རྒྱུད་ཀྱི་གླེགས་བམ་རྣམ་པར་གྱུར། །གསང་སྔགས་བསྟན་པའི་བདག་པོར༴ <br />།རྣལ་འབྱོར་ནམ་མཁའི་དཀྱིལ་འཁོར་མངོན་གཟིགས་ཤིང་། །འཕགས་པ་ལྷ་ཡིས་ཐེ་ཚོམ་དྲ་བ་བསལ། །ཞི་བ་ལྷས་ཀྱང་འདུས་པའི་རྒྱུད་དོན་བསྟན། །ཆོས་རྒྱུད་ཏིང་འཛིན་བརྙེས་ལ༴ <br />།ཡན་ལག་དྲུག་གི་རྣལ་འབྱོར་མཉམ་བཞག་པས། །ཐོག་མར་དགེ་བའི་རྟགས་རྣམས་མཐར་ཕྱིན་ཞིང་། །སྲོག་འཛིན་རྟགས་སྣང་དུ་མ་མངོན་གྱུར་པ། །བཅོས་མིན་ཡེ་ཤེས་གཟིགས་ལ༴ <br />།དཔལ་ལྡན་གསང་འདུས་དོན་ལ་མཉམ་བཞག་པས། །འཇམ་དབྱངས་ཐུགས་རྗེས་ཆོས་ཀུན་དེ་ཉིད་གཟིགས། །ཁྲོ་རྒྱལ་གཤིན་རྗེ་གཤེད་པོས་བྱིན་བརླབས་པས། །མཐུ་སྟོབས་དབང་ཕྱུག་གྱུར་ལ༴ <br />།རྣལ་འབྱོར་གསང་མཐའི་དོན་ལ་མཉམ་གཞག་ཚེ། །རང་ལུས་ལྷ་སྐུའི་གསལ་སྣང་ཆེར་བརྟན་ཞིང་། །གནས་གསུམ་ཕོ་ཉའི་འདུ་བ་ལེགས་ཐོབ་པ། །ལྷན་སྐྱེས་བདེ་ཆེན་ཐོབ་ལ༴ <br />།རྣམ་དག་ཐུགས་མངའ་ཁྱོད་ཀྱི་མནལ་ལམ་དུ། །མདའ་བསྣུན་ཤཱ་བ་རི་དང་ལཱུ་ཡི་པ། །དྲིལ་བུ་འབར་འཛིན་ཞི་བ་སྦས་པ་སོགས། །གྲུབ་མཆོག་ཏུ་མས་ཞལ་བསྟན༴ <br />དེ་དག་རྣམས་ལ་ཐེ་ཚོམ་གཅོད་མཛད་ཅིང་། །རྒྱུད་སྡེའི་དགོངས་དོན་རྣམ་པར་འགྲེལ་བའི་ཚེ། །དཔའ་བོ་མཁའ་འགྲོ་དཔག་ཡས་བརྡ་ཐབས་ཀྱིས། །ཟབ་དོན་ངོ་སྤྲོད་བརྙེས་ལ་མགོས་ཕྱག་འཚལ། <br />།དགའ་ལྡན་གནས་ནས་ཤཱཀྱའི་མཚན་ལྡན་པས། །ཞལ་བསྟན་མི་ཕམ་མགོན་པོས་བདག་ཉིད་ལ། །དངོས་སུ་བྱིན་གྱིས་བརླབས་པའི་མཚན་མ་ཐོབ། །ཆོས་འབྱོར་རྒྱུན་མི་འཆད་ལ༴ <br />།པདྨ་འབྱུང་གནས་ཟླ་འོད་གཞོན་ནུ་དང་། །བརྟོན་པ་བཞི་ལྡན་ལ་སོགས་མཆོག་རྣམས་དང་། །དམ་པ་ཆོས་ཀྱི་བཀའ་མཆིས་ཡོངས་ཐོབ་པ། །བཤེས་གཉེན་མཆོག་གིས་རྗེས་བཟུང་མགོས༴ <br />།ཐོས་བསམ་མཐར་ཕྱིན་རྩེ་གཅིག་སྒྲུབ་ལ་དགྱེས། །ས་སྟེང་ཆོས་ཀྱི་འཁོར་ལོས་ཁྱབ་མཛད་པ། །ཡ་མཚན་མཚུངས་མེད་བླ་མ་རིན་ཆེན་ལ། །མཆོག་ཏུ་གུས་པའི་ཡིད་ཀྱིས་མགོས་ཕྱག་འཚལ། <br /><span class="tibetan_small">།ཅེས་པ་འདི་ཡན་ཆད་སློབ་མའི་ངོར་ཏཱ་ར་ནཱ་ཐས་སྨྲས་པའོ། </span><br /><br />Jetsün Taranatha (By Jamgön Kongtrül)<br /><span class="tibetan_small">།[[Jetsün Taranatha|རྗེ་བཙུན་རིན་པོ་ཆེ]]འི་རྣམ་ཐར་གསོལ་འདེབས་ཁ་སྐོང་དད་པའི་མེ་ཏོག་ཅེས་བྱ་བ།</span> <br />རྒྱལ་བ་ཀུན་གྱི་ཡབ་གྱུར་རྒྱལ་བའི་སྲས། །སྲིད་ཞི་ཀུན་སྤངས་སྲིད་ཞི་ཀུན་གྱི་བདག །དཔལ་ལྡན་འཁོར་ལོ་སྡོམ་པ་བླ་མའི་ཚུལ། །སྒྲོལ་བའི་མགོན་པོའི་ཞབས་ལ་གསོལ་བ་འདེབས། <br />།སྔོན་ཚེ་རྒྱལ་པོའི་ཕོ་བྲང་མཉན་ལྡན་དུ། །གྱད་ཀྱི་གཙོ་བོར་སྟོབས་མཐའ་ཡས་པར་གྱུར། །རྣམ་གཟིགས་དྲུང་དུ་བྱང་ཆུབ་ཐུགས་བསྐྱེད་ནས། །ངེས་པའི་ཡ་མཚན་ཐོབ་ལ་མགོས་ཕྱག་འཚལ། <br />།དེ་ནས་སངས་རྒྱས་ཀུན་དང་རྟག་ཏུ་འགྲོགས། །བྱང་ཆུབ་སྤྱོད་པ་ཁྱད་པར་ཅན་རྣམས་བསྟན། །རྣམ་འཕྲུལ་དཔག་ཏུ་མེད་པས་གདུལ་བྱའི་ཁམས། །ཡོངས་སུ་སྨིན་པར་མཛད་ལ་མགོས༴ <br />།ཤཱཀ་ཐུབ་སྤྱན་སྔར་བྱང་སེམས་ལྔ་བརྒྱའི་དབུས། །བློ་གྲོས་ཤིན་ཏུ་རྣམ་པར་དག་པར་གྱུར། །ངེས་དོན་སྙིང་པོའི་བསྟན་པ་ཕྱོགས་མེད་དུ། །འཛིན་པའི་གོ་ཆ་བཞེས་ལ༴ <br />།གྲུབ་པ་རིག་འཛིན་དྲང་སྲོང་པཎྜི་ཏ། །རྒྱལ་བློན་བྲམ་ཟེ་ཁྱིམ་བདག་ཐ་མལ་པ། །སྣ་ཚོགས་གཟུགས་ཀྱིས་སངས་རྒྱས་བསྟན་སྐྱོང་ཞིང་། །འཁོར་བ་དོང་ནས་སྤྲུགས་ལ༴ <br />།ཤར་ཕྱོགས་མྱ་ངན་བྲལ་བར་དེ་བཞིན་གཤེགས། །ཙམྦྷ་ཀ་དྲུང་འཁོར་ལོས་སྒྱུར་བའི་རྒྱལ། །རི་བོའི་རྩེ་སོགས་སྐུ་ཡི་བཀོད་པ་བརྒྱད། གཅིག་ཆར་སྟོན་པར་མཛད་ལ༴ <br />།དེ་བཞིན་འཇིག་རྟེན་གཞན་དང་བོད་ཡུལ་འདིར། །སྤྲུལ་མང་དུས་གཅིག་སྟོན་ལས་འདྲེན་པའི་གཙོ། །ཨོ་རྒྱན་དཔའ་བོ་བིཥྞུ་རཱ་ཛཱ་ཉིད། །སྤྲུལ་གཞིའི་ཚུལ་དུ་སྟོན་ལ༴ <br />།ཧེ་རུ་ཀ་ཡིས་གསང་བའི་མཛོད་གཏད་ཅིང་། །ཐུབ་པས་ཆོས་ཀུན་བདག་པོར་རྗེས་སུ་གནང་། །ཉེ་སྲས་བརྒྱད་ཀྱིས་མདོ་རྒྱུད་མ་ལུས་པའི། །འབྱུང་གནས་བྱིན་གྱིས་བརླབས་ལ༴ <br />།སྤྱན་རས་གཟིགས་ཀྱིས་འགྲོ་འདུལ་སེམས་དཔར་བསྔགས། །ནམ་མཁའི་སྙིང་པོས་ལྷག་པའི་བསླབ་པ་བྱིན། །རྗེ་བཙུན་སྒྲོལ་མས་རྟག་ཏུ་ཞལ་སྟོན་ཅིང་། །ལུང་བསྟན་ཡེ་ཤེས་སྤོར་ལ༴ <br />།པདྨཱ་ཀ་རས་ཁྲག་འཐུང་དལ་དུ་བཅུག །མཚོ་རྒྱལ་མ་ཡིས་ཟབ་མོའི་བརྡ་དབང་བསྐུར། །[[Dombi Heruka|ཌོམྦྷི་ཧེ་རུ]]ས་གནས་གསུམ་མཁའ་འགྲོ་མའི། །བདག་པོར་མངའ་གསོལ་མཛད་ལ༴ <br />།[[ཙནྡྲ་གོ་མཱི]]ས་ཏིང་འཛིན་ངོ་སྤྲད་མཛད། །བསྙུན་གྱི་ཟུག་རྔུ་འཕགས་པས་དངོས་སུ་བཀྲུས། །དབྱངས་ཅན་ལྷ་མོས་ངག་གི་དབང་ཕྱུག་སྩལ། །བསམ་ཡས་ཡེ་ཤེས་ཡངས་པར་མགོས༴ <br />།གྲུབ་ཆེན་བརྒྱད་ཅུ་ལོ་ཙཱ་རྣལ་འབྱོར་ཚོགས། །གསོལ་བ་བཏབ་རེས་དངོས་སུ་ཆོས་གསུངས་ཤིང་། །[[Abhayakara|ཨ་བྷ་ཡ་]]ཡིས་རྒྱུད་སྡེ་རབ་འབྱམས་ཀྱི། །དཀྱིལ་འཁོར་ཆེན་པོར་གཅུག་ལ༴ <br />།གསང་བ་ཡེ་ཤེས་གསང་བའི་དབང་བཞི་བསྐུར། །ཌཱ་ཀིས་སྨན་མཆོག་རྣམ་རྒྱལ་དངོས་སུ་སྩལ། །དེ་བཱི་ཀོ་ཌིར་མཁའ་འགྲོས་བཀའ་མཆིད་ཀྱིས། །ཆོས་དྲུག་ཐང་མར་བརྡལ་ལ༴ <br />།ལཱུ་ཡི་པཱ་དས་བདེ་ཆེན་ངོ་སྤྲོད་མཛད། །འཁོར་ལོ་གསུམ་དུ་ཚོགས་ཀྱི་འདུ་བ་རོལ། །ཆགས་ཆེན་ལམ་ལས་མཐོང་ཐོས་དྲན་རེག་ཀུན། །རྣམ་གྲོལ་ལུང་བསྟན་ཐོབ་ལ༴ <br />།ཨོ་ཌཱི་ཡ་ན་ཟངས་མདོག་དཔལ་གྱི་རི། །ཤམྦྷ་ལ་རུ་རྫུ་འཕྲུལ་ཞབས་ཀྱིས་བགྲོད། །ཨིནྡྲ་བོ་དྷི་པད་འབྱུང་རིགས་ལྡན་ཆེའི། ཞལ་ལུང་བདུད་རྩི་གསོལ་ལ༴ <br />།རྡོ་རྗེ་ཕག་མོ་དུས་འཁོར་གསང་འདུས་ཀྱིས། །འོད་ཟེར་ཆེན་པོའི་དབང་བསྐུར་རྒྱུད་སྡེའི་དོན། །རྣམ་པར་འགྲེལ་ལ་ལེགས་སོའི་དབུགས་དབྱུང་སྩལ། །གསང་བདག་རྡོ་རྗེ་ཆོས་ལ༴ <br />།འཇམ་དཔལ་དམར་ནག་རྡོ་རྗེ་འཇིག་བྱེད་ཀྱིས། །དབང་བསྐུར་བདུད་སྡེ་འཇོམས་པའི་ལུང་བསྟན་ཐོབ། །བླ་མ་གྲུབ་ཆེན་བརྒྱད་ཀྱིས་བྱིན་བརླབས་པས། །ཆོས་ཀྱི་གཏིང་སླེབ་གྱུར་ལ༴ <br />།ཡེ་ཤེས་ཕེབ་པས་སྣང་གྲག་རྟོག་ཚོགས་ཀུན། །དག་པའི་སྣང་བར་རྒྱ་འབྱམས་རྡོ་རྗེའི་གླུས། །ལས་ཅན་འཁོར་ཚོགས་རྟོགས་གྲོལ་དུས་མཉམ་གྱི། །ཡེ་ཤེས་སད་པར་མཛད་ལ༴ <br />།དབང་བསྐུར་སྒྲུབ་མཆོད་ཆོས་འཁོར་བསྐོར་ལ་སོགས། །མཛད་ཆེན་སྟོན་ཚེ་འཇའ་འོད་མེ་ཏོག་ཆར། །མཁའ་འགྲོ་བརྡ་གླུ་དྲི་བཟང་ངད་པས་ཁྱབ། །སྤྲུལ་བསྒྱུར་ཆོ་འཕྲུལ་སྟོན་ལ༴ <br />།རིང་ལུགས་ཉམས་པ་གསོས་ཤིང་འཁྲུལ་པ་བསལ། །སྔོན་མེད་ཤིང་རྟ་གསར་དུ་དྲངས་ལ་སོགས། །ངེས་དོན་སྙིང་པོ་རྡོ་རྗེ་ཐེག་མཆོག་གི །བསྟན་པ་རྨངས་ནས་གསོས་ལ༴ <br />།ཀུན་མཁྱེན་ཆོས་རྗེས་བདེ་བ་ཅན་ཞིང་བསྟན། །ཕྱིར་མི་ལྡོག་པའི་ཆོས་ཀྱི་རྒྱལ་སྲིད་ཕོག །བུ་སྟོན་ཆེན་པོས་ཆོས་ཀྱི་ཅོད་པན་བཅིངས། །ཐུབ་བསྟན་མངའ་བདག་གྱུར་ལ༴ <br />།བླ་མ་རྣམས་དང་རིས་མེད་མཁས་གྲུབ་ཚོགས། །གྲུབ་མཐར་དགྱེས་པའི་ལེགས་སོའི་ཤིས་བརྗོད་ལྡིར། །སྐྱེ་བ་གསུམ་ནས་མངོན་པར་འཚང་རྒྱ་ཞེས། །སེང་གེའི་སྒྲ་ཆེན་བསྒྲགས་ལ༴ <br />།སངས་རྒྱས་ཞལ་མཐོང་མཐུ་ཆེན་ཆོས་སྐྱོང་རྣམས། །འབངས་སུ་མཆི་ཞིང་སྲོག་གི་སྙིང་པོ་ཕུལ། །མ་ཧཱ་ཀཱ་ལ་ལྕམ་དྲལ་སྡེ་འཁོར་བཅས། །ཅི་བཅོལ་བཀའ་བཞིན་སྒྲུབ་ལ༴ <br />།ཚེ་འདིར་ལྟ་བའི་སྒོ་ནས་བྱ་བ་མཛད། །ཕྱི་མར་མདོ་སྒྱུ་སེམས་སོགས་འགྲོ་ལྡིང་དུ། །དངོས་སུ་སྤེལ་ནས་པདྨ་ཐོད་ཕྲེང་གི། །ཕྲིན་ལས་འཁོར་ལོས་སྒྱུར་ལ༴ <br />།ཕག་མོ་སྒྲོལ་མ་སྤྱོད་འཆང་པདྨ་བདེས། །བསྐུལ་ཞིང་དཔའ་བོ་ཌཱ་ཀིས་གླུ་གར་གདུགས། །ཌཱ་དྲིལ་བདེ་སྐྱོང་བདུད་རྩིས་ཡོངས་མཆོད་དེ། །ཞིང་ཁམས་མཐའ་ཡས་གཤེགས་ལ༴ <br />།བདུད་ཀྱི་གནས་གཡོ་འཇིག་རྟེན་རབ་འབྱམས་སུ། །ངོ་མཚར་ལྟས་སོགས་ཏིང་འཛིན་ས་བརྙེས་ཤིང་། །རིག་མའི་སྐྱེས་བུ་གྲུབ་པའི་དགེ་མཚན་གྱིས། །ཀུན་ཏུ་ཁྱབ་པར་མཛད་ལ༴ <br />།ཨཽ་ཌཱི་ཡ་ནར་བཱིརྱ་རཱ་ཛ་དང་། །འགྲོ་ལྡིང་གནས་སུ་བདེ་བའི་མགོན་པོའི་ཚུལ། །བཻཌཱུརྱ་སྣང་བདེ་བ་ཅན་ཞིང་དུ། ས་བཅུའི་དབང་ཕྱུག་སྟོན་ལ༴ <br />།ངོ་བོ་ལྷན་ཅིག་སྐྱེས་པའི་དྲྭ་བར་སྡོམ། །ཐུན་མོང་སྣང་ངོར་འཇིག་རྟེན་འོད་ལྡན་དུ། །བདེ་གཤེགས་ནམ་མཁའི་ཐིག་ལེར་འཚང་རྒྱ་སོགས། །རྣམ་འཕྲུལ་བསམ་མི་ཁྱབ་ལ་མགོས་ཕྱག་འཚལ། <br />།འཕགས་པའི་ཡུལ་དུ་[[Abhayakara|འཇིགས་འབྱུང་སྦས་པ་]]བཞིན། །ཁྱོད་འདྲའི་གང་ཟག་ཕྱིས་ནས་མ་བྱོན་པའི། །དྲུག་པའི་རྒྱལ་ཚབ་ཉིད་དུ་ངེས་པ་རྙེད། །བླ་མེད་ཧེ་རུ་ཀ་དཔལ་བླ་མ་རྗེར། <br />།གུས་པའི་ཕྱག་འཚལ་ངོ་མཚར་མཆོད་སྤྲིན་འབུལ། །ཉེས་བྱས་ཀུན་བཤགས་དགེ་ལ་རྗེས་ཡི་རང་། །ཆོས་འཁོར་བསྐོར་ཞིང་རྟག་ཏུ་བཞུགས་གསོལ་འདེབས། །དགེ་ཀུན་ཁྱོད་ཀྱི་གོ་འཕང་ཐོབ་ཕྱིར་བསྔོ། <br />།ཀུན་དགའ་སྙིང་པོའི་སྐུ་གསུང་ཐུགས་ཡོན་ཏན། །རྣམ་ཐར་ཕྲིན་ལས་ཅི་འདྲར་བདག་གྱུར་ཏེ། །ཕྱོགས་ལས་རྣམ་རྒྱལ་གསུང་རབ་ཕྱོགས་བཅུར་སྤེལ། །འགྲོ་ཀུན་མཁའ་འགྲོ་དྲྭ་བར་སྡོམ་བྱེད་ཤོག <br />།འདི་ཕྱི་བར་དོ་རྨི་ལམ་དག་ཏུ་ཡང་། །ཏཱ་ར་ནཱ་ཐ་ཉིད་དང་མི་འབྲལ་བར། །གསང་བའི་མཛོད་ཐོབ་བརྟུལ་ཞུགས་ཕྱོགས་མེད་གྲུབ། །ཁ་སྦྱོར་བདེ་ཆེན་རོལ་པར་འཚང་རྒྱ་ཤོག <br />།རྟག་ཏུ་རྗེ་བཙུན་མཉེས་པའི་བྱ་བ་སྒྲུབ། །བྱིན་རླབས་རྒྱུད་ལ་ཞུགས་ནས་རྗེ་ཉིད་དང་། །རྣམ་དབྱེར་མེད་པའི་ཕྲིན་ལས་རབ་འབྱམས་ཀྱིས། །མཁའ་ཁྱབ་འཛམ་གླིང་བཀྲ་ཤིས་དཔལ་འབར་ཤོག <br /><span class="tibetan_small">།ཅེས་རྣམ་ཐར་གསོལ་འདེབས་དད་པའི་ལྗོན་ཤིང་གི་ཁ་སྐོང་དམ་པ་སྔ་མས་མཛད་པ་འགའ་ཞིག་རྒྱས་བསྡུས་མ་འཚམས་པ་དང་ལུང་རྒྱུན་མ་བཞུགས་པས། །རང་གཞན་དད་པའི་གསོལ་འདེབས་ཀྱི་ཚུལ་དུ་ཀརྨ་ངག་དབང་ཡོན་ཏན་རྒྱ་མཚོས་དཔལ་སྤུངས་ཡང་ཁྲོད་དུ་བྲིས་པ་དགེ་ལེགས་འཕེལ། </span><br /><br />Karma Shenpen Öser<br /><span class="tibetan_small">།[[Karma Shenpen Öser|རྗེ་བཙུན་དཔལ་ལྡན་བླ་མ་ཀརྨ་གཞན་ཕན་འོད་ཟེར་]]ལ་གསོལ་བ་འདེབས་པ་དགེ་ལེགས་སྒྲ་དབྱངས་ཞེས་བྱ་བ།</span> <br />གསང་བ་བསམ་མི་ཁྱབ་པའི་རྣམ་ཐར་འཆང་། །ཐ་མལ་སྣང་ངོར་སྦས་པའི་བརྟུལ་ཞུགས་ཅན། །འབྲེལ་ཚད་དོན་ལྡན་གྲུབ་པའི་དབང་ཕྱུག་མཆོག །གཞན་ཕན་འོད་ཟེར་ཞབས་ལ་གསོལ་བ་འདེབས། <br />།ཞེན་ལོག་ངེས་འབྱུང་བཅོས་མིན་ནང་ནས་བརྡོལ། ཤཱཀྱའི་བསྟན་ལ་རྣམ་དག་ཚངས་པར་སྤྱོད། །རྗེ་བཙུན་སྨྲ་བའི་སེང་གེས་བྱིན་བརླབས་པས། །འབྲི་ཀློག་རང་བརྡོལ་མཁྱེན་ལ་གསོལ་བ་འདེབས། <br />།མ་བསྒྲུབས་པར་ཡང་དམར་ནག་མེ་ཕྲེང་ཅན། །ཞལ་བསྟན་ཕྱི་ནང་བར་དུ་གཅོད་པ་བསལ། །མཚན་ལྡན་ཡོངས་འཛིན་དུ་མའི་ཞལ་སྒོ་འགྲིམས། །ཆོས་ཀྱི་བདུད་རྩི་བཞེས་ལ༴ <br />།དབོན་སྟོན་དངོས་བྱོན་སྦས་པའི་རྣལ་འབྱོར་པ། །ཀརྨ་ལྷག་མཐོང་ཞབས་ལས་ཤངས་ཆོས་སོགས། །གདམས་ངག་བཅུད་གསོལ་རྗེ་བཙུན་རྨོག་ལྕོག་པའི། །རྣམ་རོལ་ཞལ་གྱིས་བཞེས་ལ༴ <br />།བློ་སྦྱོང་མཛད་ཚེ་ལོ་གསུམ་ཤིག་ནད་ཀྱིས། །གཙེས་ཀྱང་སྟོང་ཉིད་སྙིང་རྗེའི་དབྱིངས་སུ་དེངས། །དཀའ་སྤྱད་བརྩོན་འགྲུས་བསམ་གྱིས་མི་ཁྱབ་པས། །གདམས་ངག་ཉམས་བཞེས་མཛད་ལ༴ <br />གཏུམ་མོ་སྒྱུ་ལུས་རྨི་ལམ་འོད་གསལ་གྱི། །ཏིང་འཛིན་མཐར་ཐུག་བརྙེས་པས་རླུང་སྦྱོར་གྱིས། །ནད་གདོན་དངོས་སུ་འདོན་སོགས་ཕྱི་ཡི་རྟགས། །བསྙོན་མེད་མངོན་སུམ་སྟོན་ལ༴ <br />ཆོས་བརྒྱད་དྲི་མ་རྨི་ལམ་དུ་ཡང་སྤངས། །ངོ་སྲུང་མཐུན་འཇུག་ནམ་ཡང་མི་མངའ་ཞིང་། །འདིར་ལྟོས་བྱ་བཞག་སློགས་རུལ་བཞིན་ཏུ་དོར། །བྱ་བཏང་རྒྱལ་པོ་ཁྱེད་ལ༴ <br />།ཐོགས་བཅས་ཐོགས་མེད་ཡ་ང་སྐྱུགས་བྲོ་ལ། །བདག་འཛིན་བློས་བཏང་རོ་སྙོམས་ཟློག་སྒོམ་གྱིས། །ཐུགས་དམ་བོགས་ཐོན་བརྟུལ་ཞུགས་རྩལ་ཆེན་རྫོགས། །རྣལ་འབྱོར་དབང་ཕྱུག་ཁྱོད་ལ༴ <br />།ཉམས་དང་རྟོགས་པ་བསམ་མི་ཁྱབ་པ་འཁྲུངས། །གྲུབ་པ་ལྷ་དང་མཁའ་འགྲོས་ཞལ་བསྟན་ཅིང་། །ཆོས་སྲུང་དམ་ཅན་ཚོགས་ཀྱིས་ཕྲིན་ལས་སྒྲུབ། གོང་མའི་བརྒྱུད་པ་ཟིན་ལ༴ <br />།མི་སྣང་ལ་སོགས་སྤྲུལ་བསྒྱུར་ཆོ་འཕྲུལ་མངའ། །འབྱུང་འགྱུར་གནས་སོགས་ལྐོག་གྱུར་དངོས་སུ་མཁྱེན། །དག་པའི་སྣང་ངོར་མར་པ་ལོ་ཙྭ་སོགས། སྤྲུལ་པའི་གཟུགས་སུ་སྟོན་ལ༴ <br />།མ་ངེས་ཐོད་རྒལ་སྤྱོད་པ་སྣ་ཚོགས་པས། །རྐྱེན་སྣང་གང་བྱུང་ཐད་ཀའི་ལམ་དུ་གཅོད། །སྣང་སེམས་དབང་དུ་འདུས་པའི་རྣལ་འབྱོར་པ། །ཀརྨ་མ་ཎིའི་ཞབས་ལ༴ <br />།སྐལ་ལྡན་གདུལ་བྱ་རྣམས་ལ་སྒྲུབ་བརྒྱུད་སྤེལ། །བཟང་ངན་འབྲེལ་ཚད་ཕྱིར་མི་ལྡོག་པ་ཡི། །ཕྲིན་ལས་མཐར་ཕྱིན་འོད་གསལ་ཆེན་པོར་བཞུགས། །ཡེ་ཤེས་སྐུ་མཆོག་ཁྱེད་ལ༴ <br />།དྲན་མཆོག་དཔལ་ལྡན་བླ་མ་རིན་པོ་ཆེ། །སྙིང་གི་ཟེའུ་འབྲུ་ཚངས་པའི་འཁོར་ལོའི་དབུས། །ཐུགས་རྗེ་གཡེལ་བ་མེད་པར་རྟག་བཞུགས་ལ། །སྐུ་གསུང་ཐུགས་ཀྱིས་བྱིན་གྱིས་བརླབ་ཏུ་གསོལ། <br /><br />Jamyang Khyentsé Wangpo<br /><span class="tibetan_small">༈ །[[Jamyang Khyentsé Wangpo|ཐམས་ཅད་མཁྱེན་པ་འཇམ་དབྱངས་མཁྱེན་བརྩེའི་དབང་པོ་]]ལ་གསོལ་བ་འདེབས་པ་བཀྲ་ཤིས་འཁྱིལ་པའི་སྒྲ་དབྱངས་ཞེས་བྱ་བ།</span> <br />ཇི་ལྟ་ཇི་སྙེད་ཤེས་བྱ་ཐམས་ཅད་མཁྱེན། །དམིགས་མེད་ཐུགས་རྗེས་འགྲོ་ལ་བུ་ལྟར་དགོངས། །འཁོར་བ་དོང་སྤྲུགས་ནུས་པའི་ཆོས་ཀྱི་རྒྱལ། །མཁྱེན་བརྩེའི་དབང་པོའི་ཞབས་ལ་གསོལ་བ་འདེབས། <br />།རྒྱལ་བའི་ཡབ་གཅིག་རྗེ་བཙུན་འཇམ་པའི་དབྱངས། །གང་འདུལ་རྣམ་རོལ་ཆོས་དབྱིངས་ཁྱབ་པ་ལས། །སྙིགས་དུས་བསྟན་འགྲོ་སྐྱོབས་པའི་དཔལ་མགོན་ཏུ། །བསམ་བཞིན་སྐྱེ་བ་བཞེས་ལ༴ <br />།མདོ་སྨད་སྡེ་བཞི་དགེ་བཅུའི་སྨན་གྱི་ལྗོངས། །ཕྲིན་ལས་འགྲོ་འདུལ་སྤྲུལ་པའི་གནས་ཀྱི་ཆར། །རྣམ་དག་རིགས་སོགས་མཆོག་གི་གཟིགས་པ་ལྔས། །སྤྲུལ་པའི་སྐུ་རུ་བསྟན་ལ༴ <br />།ཡེ་ཤེས་བརྙེས་པའི་རྣམ་འདྲེན་མཆོག་རྣམས་ཀྱིས། །དམ་པའི་སྐྱེས་བུར་མགྲིན་གཅིག་ལུང་བསྟན་ཅིང་། །ཕལ་པའི་སྤྱོད་ལས་འདས་ཕྱིར་ལྷ་མི་ཀུན། །འགྲོ་བའི་མགོན་དུ་བསྔགས་ལ༴ <br />།དབུས་གཙང་བོད་ཆེན་ཀུན་ཏུ་ཞབས་ཀྱིས་གཅགས། །མཉེས་པ་གསུམ་གྱིས་ཡོངས་འཛིན་བརྒྱ་ལྷག་བསྟན། །སྐྱོ་ངལ་མེད་པར་དམ་ཆོས་ཡོངས་སུ་ཚོལ། ཐུགས་བསྐྱེད་དཔག་ཡས་ཁྱོད་ལ༴ <br />།ས་ཆེན་ཕུག་ཏུ་ཐུགས་དམ་མཛད་པའི་ཚེ། །ལྷག་པའི་ལྷ་ཡི་ཕྱག་རྒྱ་ཐུགས་ཀར་ཐིམ། །སྤོབས་པའི་གཏེར་ཆེན་བརྒྱད་པོ་ཡོངས་སུ་གྲོལ། །མཁྱེན་གཉིས་རྩལ་ཆེན་རྫོགས་ལ༴ <br />།སྒྲ་ཚད་བཟོ་གསོ་གྲངས་གནས་ཚིག་རྒྱན་སོགས། །གནས་ལྔ་རིག་པ་ཡན་ལག་དང་བཅས་པར། །ཕུལ་དུ་སོན་པས་གངས་ཅན་འཛིན་མའི་ཁོངས། །མཁས་པའི་སྙན་པས་ཁྱབ་ལ༴ <br />།འདུལ་མངོན་དབུ་མ་ཕར་ཕྱིན་གསང་སྔགས་ཀྱི། །རྒྱུད་ཀུན་གཟིགས་པ་ཙམ་གྱིས་གཏིང་སླེབ་ཅིང་། །མི་བརྗེད་གཟུངས་ཐོབ་བརྟན་པའི་འཁོར་ལོའི་ཚུལ། །མ་སྦས་གསལ་བར་སྟོན་ལ༴ <br />།དྲི་མེད་ཚུལ་ཁྲིམས་ནོར་བུའི་རྒྱན་ཆས་སྒེག །ཏིང་འཛིན་འཛུམ་དཀར་སྐལ་ལྡན་ཡིད་དབང་འགུགས། །ཤེས་རབ་རོལ་སྒེགས་ས་གསུམ་དཔྱིད་དུ་གཡོ། །བསླབ་གསུམ་དབང་ཕྱུག་ཞབས་ལ༴ <br />།ཟབ་རྒྱས་གནས་ལ་ཆོས་སྤྱན་རྡུལ་དང་བྲལ། །འཆད་རྩོད་རྩོམ་ལ་ཆགས་དང་ཐོགས་པ་མེད། །མཛད་སྤྱོད་ཀུན་ལ་འཁྲུལ་པའི་དྲི་མ་ཟད། །ལྷ་མི་ཡིད་ཆེས་སྐྱེད་ལ༴ <br />།ནང་གི་ཡོན་ཏན་རྒྱ་མཚོ་གཏེར་བཞིན་སྦེད། །གཞན་གྱི་ཡོན་ཏན་ཕྲ་མོར་བསྔགས་ཤིང་འདུད། །བསྟན་འགྲོའི་དོན་དུ་གཅེས་དགུའི་བདོག་པ་ཡང་། །ཙྭ་བཞིན་གཏོང་བར་མཛད་ལ༴ <br />།གཟུངས་དང་ཏིང་འཛིན་མངོན་ཤེས་རྒྱ་མཚོ་མངའ། །འཇིག་རྟེན་གསུམ་གྱིས་མཆོད་འོས་ཉིད་གྱུར་ཀྱང་། །ཁེངས་དྲེགས་མི་མངའ་དམ་ཆོས་ཚིག་གཅིག་ཕྱིར། །དཀའ་ཆེན་དང་དུ་བཞེས་ལ༴ <br />།ལྟར་སྣང་ཆོས་ལ་བརྙེས་པའི་འཛིན་སྐྱོང་སོགས། །འཇིག་རྟེན་བྱ་བཞག་གང་ལའང་ལྟོས་མེད་པས། །འཇིགས་མེད་སེང་གེ་ལྟ་བུར་ཀུན་བཟང་སྤྱོད། །ས་སྟེང་འགྲན་ཟླ་བྲལ་ལ༴ <br />།སྒྲུབ་བརྒྱུད་ཤིང་རྟ་ཆེ་བརྒྱད་རིང་ལུགས་ཀྱི། །གཞུང་གདམས་མན་ངག་ཆུ་ཀླུང་མ་ལུས་པ། །ཐུགས་མཚོར་བསྐྱིལ་ནས་སྨིན་གྲོལ་རྒྱུན་འདེབས་པས། །བསྟན་པའི་སྲོག་རྩ་མཐུད་ལ༴ <br />།ཐུབ་བསྟན་ཡོངས་སུ་རྫོགས་པའི་ཤིང་རྟ་ཆེ། །གདུལ་བྱ་རིས་སུ་མ་ཆད་འདུལ་བའི་གཉེན། །ཕྱོགས་སུ་མ་ལྷུང་གྲུབ་མཐའ་མཐའ་དག་གི། །གཙུག་གི་ནོར་བུར་གྱུར་ལ༴ <br />།ཕྲིན་ལས་ཐམས་ཅད་གཞན་ཕན་འབའ་ཞིག་སྒྲུབ། །འབྲེལ་ཚད་དོན་ལྡན་ངོ་མཚར་ལྟས་མང་མངའ། །བསོད་ནམས་ཚོགས་ཆེན་བསམ་མི་ཁྱབ་པ་བསྐྲུན། །ས་བཅུའི་དབང་ཕྱུག་ཁྱོད་ལ༴ <br />།ཨོ་རྒྱན་ཡབ་ཡུམ་དྲི་མེད་བཤེས་གཉེན་ཞབས། །ཆོས་རྒྱལ་མེས་དབོན་ཆོས་དབང་ཀུན་མཁྱེན་སོགས། །དགུ་ལྡན་བརྒྱུད་པའི་བླ་མ་ཡི་དམ་ལྷས། །བྱིན་བརླབས་དངོས་གྲུབ་སྩལ་ལ༴ <br />།ཁྱད་པར་སློབ་དཔོན་འཇམ་དཔལ་བཤེས་གཉེན་གྱིས། །མདོ་རྒྱུད་གསང་མཛོད་སྩལ་ནས་ཡེ་ཤེས་སྐུར། །བྱིན་གྱིས་བརླབས་པས་ཉིད་དང་དབྱེར་མེད་པའི། །མཁྱེན་རྟོགས་རྫོགས་པར་སད་ལ༴ <br />།བརྩེ་བ་ཆེན་པོ་ཁུ་དབོན་བརྒྱུད་བཅས་ཀྱིས། །དབང་བསྐུར་རྒྱུད་གཏད་གཞན་ཡང་འཕགས་བོད་ཀྱི། །མཁས་གྲུབ་ཏུ་མས་དངོས་ཉམས་རྨི་ལམ་དུ། །ཡང་ཡང་རྗེས་སུ་བཟུང་ལ༴ <br />།འདུས་པའི་དལ་དུ་ཞུགས་ཚེ་སོ་སྟོན་མཆོག །ཡེ་དབང་མཐུ་ཡིས་སྙིགས་མའི་ཕུང་ཁམས་སྦྱངས། །རྡོ་རྗེ་སེམས་དཔའི་གསང་བ་གསུམ་དུ་གྱུར། །རིགས་ཀུན་ཁྱབ་བདག་མཆོག་ལ༴ <br />།རྒྱལ་ཡུམ་རྡོ་རྗེ་བཙུན་མོས་རྗེས་སུ་བཟུང་། །སྣང་སྲིད་དག་པ་རབ་འབྱམས་འཁོར་ལོར་ཤར། །རྡོ་རྗེ་ལུས་ཀྱི་དཀྱིལ་འཁོར་གསལ་བར་གཟིགས། །གྲུབ་པའི་ཁྱུ་མཆོག་ཁྱོད་ལ༴ <br />།ཕྱི་ནང་གནས་གསུམ་མཁའ་འགྲོའི་འདུ་བ་ཐོབ། །འབར་བ་གསུམ་གྱི་ཡེ་ཤེས་གོང་དུ་འཕེལ། །སྤྱོད་པ་གསུམ་གྱི་རྟེན་འབྲེལ་མཐར་ཕྱིན་པའི། །རྣལ་འབྱོར་དབང་ཕྱུག་ཆེན་པོར་གསོལ་བ་འདེབས། <br />།སྐྱེས་རབས་དུ་མའི་ལས་ཀྱི་འཕྲོ་སད་དེ། །མདོ་རྒྱུད་བཀའ་ལུང་དཀོན་པའི་བུ་སྟ་ཀ། རྟེན་མཆོག་དམ་རྫས་ཆུ་ཀླུང་བྱེ་བ་སྙེད། །རྣམ་ཐར་རྒྱ་མཚོར་བསྐྱིལ་ལ༴ <br />།བརྒྱུད་པ་དྲུག་ལྡན་ས་དང་དགོངས་པའི་གཏེར། །དག་སྣང་སྙན་བརྒྱུད་རྗེས་དྲན་ཡང་གཏེར་བཅས། །བཀའ་བབས་རིན་ཆེན་རྣམ་བདུན་རྒྱལ་སྲིད་བརྙེས། །ཆོས་ཀྱི་འཁོར་ལོས་སྒྱུར་ལ༴ <br />།རང་སྣང་དབང་འདུས་གཞན་སྣང་ཟིལ་གྱིས་མནན། །མ་འབད་པར་ཡང་ཕྲིན་ལས་རྣམ་བཞི་འགྲུབ། །ཌཱ་ཀི་ཆོས་སྲུང་མཐུ་ལྡན་དྲེགས་པ་ཡིས། །ཅི་བཅོལ་བཀའ་བཞིན་སྒྲུབ་ལ༴ <br />།ཟབ་རྒྱས་ཆོས་ཀྱི་འཁོར་ལོ་གྲངས་མེད་པས། །སྐལ་ལྡན་བྱེ་སྙེད་སྨིན་ཅིང་གྲོལ་བར་མཛད། །བསམ་གྱིས་མི་ཁྱབ་འཕགས་པའི་རྣམ་ཐར་འཆང་། །ཐུགས་རྗེའི་བདག་ཉིད་ཁྱེད་ལ༴ <br />།མི་ཕྱེད་གུས་པས་རྩེ་གཅིག་གསོལ་བཏབ་མཐུས། །སྐྱེ་བ་འདི་བཟུང་བྱང་ཆུབ་མ་ཐོབ་པར། །དཔལ་ལྡན་བླ་མ་མཆོག་དང་མི་འབྲལ་བར། །རྗེས་སུ་བཟུང་ནས་རྣམ་ཐར་མངོན་བྱེད་ཤོག <br />།མཉེས་པ་གསུམ་གྱིས་ཚུལ་བཞིན་བསྟེན་ནས་ཀྱང་། །ཐུགས་ཀྱི་བཅུད་ཐོབ་ཉམས་ལེན་མཐའ་རུ་ཕྱིན། །ས་དང་ལམ་གྱི་ཡོན་ཏན་ཡོངས་རྫོགས་ཏེ། །རྡོ་རྗེ་འཆང་དབང་གོ་འཕང་འགྲུབ་གྱུར་ཅིག <br />།ཆོས་བཞིན་སྒྲུབ་ལ་བར་ཆད་མི་འབྱུང་ཞིང་། །ལུང་རྟོགས་ཆོས་ལ་རང་དབང་ཐོབ་པ་ཡིས། །ཐུབ་དབང་བསྟན་པ་འཛམ་གླིང་ཀུན་ཏུ་སྤེལ། །ཆོས་ཀྱི་རྒྱལ་པོ་ཁྱེད་དང་མཚུངས་པར་ཤོག <br /><br />[[Jamgön Kongtrül Lodrö Thayé]]<br /><span class="tibetan_small">༈ །དཔལ་ལྡན་བླ་མ་ལ་གསོལ་བ་འདེབས་པ་ཀུན་ཏུ་བཟང་པོའི་སྒྲ་དབྱངས་ཞེས་བྱ་བ།</span> <br />ཀརྨ་བཀའ་བརྒྱུད་བསྟན་པའི་སྣང་བྱེད་མཆོག །ངག་གི་དབང་ཕྱུག་ཡོན་ཏན་རྒྱ་ཆེའི་མཚོ། །དགེ་ལེགས་ཕྲིན་ལས་རླབས་ཕྲེང་ཀུན་ཏུ་ཁྱབ། །དཔལ་ལྡན་བཟང་པོའི་ཞབས་ལ་གསོལ་བ་འདེབས། <br />།ཚར་གཅོད་རྗེས་འཛིན་ཀུན་ཤེས་ཡན་ལག་བཅས། །བཅུ་ཕྲག་རིག་པའི་གནས་ལ་ཐོས་བསམ་དང་། །སྒོམ་པའི་བློ་གྲོས་ཆགས་ཐོགས་བྲལ་བ་ཡིས། །རྣམ་དཔྱོད་མཐའ་ཡས་ལྡན་ལ༴ <br />།པདྨ་དབང་ཆེན་སོགས་ཀྱིས་རྗེས་སུ་བཟུང་། །གར་གྱི་དབང་ཕྱུག་ཐུགས་རྗེའི་རིག་སྔགས་འཆང་། །ཕྲིན་ལས་འགྲོ་བ་འདུལ་བའི་རྩལ་མངའ་བ། །དཔལ་ལྡན་བླ་མ་མཆོག་ལ༴ <br />།གྲུབ་རིགས་འཛིན་པ་ཁྱུང་གི་གདུང་ལས་གྲོལ། །སྦྱངས་པའི་ལས་འཕྲོ་དཀར་པོའི་ཆོས་ལ་སད། །འཁོར་ལོ་གཉིས་ཀྱི་མཐུན་རྐྱེན་ངང་གིས་ཚོགས། །ངོ་མཚར་རྨད་དུ་བྱུང་ལ༴ <br />།གཞན་གནོད་གཞིར་བཅས་སྤོང་བས་རྒྱུད་བསྡམས་ཤིང་། །གཞན་ཕན་གཞིར་བཅས་བསླབ་པའི་གནས་ལ་གཞོལ། །རིམ་གཉིས་མངོན་རྟོགས་ཅི་ཡང་གསལ་བ་ཡི། །གསུམ་ལྡན་རྡོ་རྗེ་འཛིན་པར༴ <br />།མཁས་གྲུབ་དེད་དཔོན་ཡོངས་འཛིན་དུ་མ་བསྟེན། །མདོ་སྔགས་རྒྱ་མཚོར་ལྷག་བསམ་བརྩོན་པས་ཞུགས། །གཞུང་གདམས་མན་ངག་ནོར་བུའི་སྐྱེས་བཟང་གིས། །སྐལ་ལྡན་དབུལ་བ་སེལ་ལ༴ <br />།ཨོ་རྒྱན་དུས་གསུམ་མཁྱེན་པའི་རྡོ་རྗེའི་བཀས། །གཏེར་འབྱིན་གྲུབ་པའི་འཁོར་ལོས་སྒྱུར་རྣམས་ཀྱིས། །རྣམ་སྣང་བཻ་རོ་ཙ་ནའི་རྣམ་འཕྲུལ་དུ། །ལུང་བསྟན་མངའ་གསོལ་མཛད་ལ༴ <br />།རྒྱལ་བ་ཡབ་སྲས་མཆོག་གླིང་མཁྱེན་བརྩེའི་དབང་། །མཆོག་གཟིགས་རྣམས་ཀྱིས་ཏཱ་ར་ནཱ་ཐ་དང་། །འགྱུར་མེད་རྡོ་རྗེའི་སྤྲུལ་པར་ཞལ་བཞེས་ཤིང་། །ཡོངས་འཛིན་མཆོག་ཏུ་བཀུར་ལ༴ <br />།རྒྱལ་བསྟན་རིས་མེད་སྐྱོང་བའི་དག་སྣང་དང་། །འགྲོ་ཕན་རིས་མེད་སྒྲུབ་པའི་ལྷག་བསམ་སྟེ། །གང་བྱུང་ཐད་ཀར་ཁྱེར་བའི་སྤྱོད་ཚུལ་གྱིས། །དམ་པའི་རྣམ་ཐར་འཛིན་ལ༴ <br />།ཙཱ་འདྲ་རིན་ཆེན་བྲག་གི་དབེན་གནས་སུ། །ཚེ་གཅིག་སྒྲུབ་པའི་རྒྱལ་མཚན་བཙུགས་ནས་སུ། །འཆད་རྩོམ་བཀའ་བབས་བསྟན་ལ་བྱ་བ་མཛད། །དོན་གཉིས་ལྷུན་གྱིས་གྲུབ་ལ༴ <br />།རྡོ་རྗེའི་ལུང་གིས་གསལ་བར་བསྔགས་པའི་དོན། །ཧེ་རུ་ཀ་ཡི་སྐུ་གསུང་ཐུགས་ཀྱི་རྟེན། །བསྟན་པ་ཇི་སྲིད་བར་དུ་འགྲོ་ཕན་གྱི། །བཙས་སུ་བསྒྲུབས་པར་མཛད་ལ༴ <br />།མོས་པའི་སྟོབས་དང་རྟེན་འབྲེལ་བསླུ་མེད་མཐུས། །དཔལ་ལྡན་བླ་མ་མཆོག་དང་མི་འབྲལ་ཞིང་། །མཁའ་སྤྱོད་གྲོང་ཁྱེར་ཆེན་པོར་ལྷན་ཅིག་འཚོགས། །རྡོ་རྗེ་སེམས་དཔའི་གནས་མཆོག་ཐོབ་གྱུར་ཅིག <br />།གང་གི་གསང་གསུམ་རྡོ་རྗེ་ལྟར་བརྟན་ཅིང་། །ཟབ་རྒྱས་ཆོས་རྔ་རྟག་ཏུ་སྒྲོགས་པ་ཡིས། བདག་སོགས་ལེགས་པའི་ལམ་ཀུན་མཐར་ཕྱིན་ཅིང་། །བསམ་དོན་ལྷུན་གྲུབ་དགེ་ལེགས་དཔལ་འབར་ཤོག <br /><span class="tibetan_small">།བསྔགས་འོས་ཀྱི་ཡོན་ཏན་ཆ་ཤས་ཕྲ་མོས་ཀྱང་མ་གོས་ཤིང་རང་ཉིད་ལ་བསྟོད་པ་མ་རབས་བླུན་པོའི་ལུགས་སུ་གྱུར་ཀྱང་། སྒྲུབ་བརྩོན་བླ་མ་དམ་པ་པདྨ་ནོར་བུས་ནན་ཏན་ཆེན་པོས་བསྐུལ་ངོར་མ་ལྡོག་ཙམ་དུ་འདུ་གསུམ་པ་ཡོན་ཏན་རྒྱ་མཚོས་སུག་བྲིས་སུ་ུབསྟན་པ་དགེ་ལེགས་འཕེལ། </span><br /><br /><span class="tibetan_small">༈ །དེ་དག་ཐམས་ཅད་ཀྱི་གཞུག་ཏུ་སྤྱིར་སྨོན་ལམ་བྱ་བ་དོན་ཀུན་འགྲུབ་པའི་སྒྲ་དབྱངས་ཞེས་བྱ་བ།</span> <br />།སངས་རྒྱས་ཀུན་དངོས་དཔལ་ལྡན་བླ་མ་རྣམས། །དམིགས་མེད་ཐུགས་རྗེ་ཆེན་པོས་འདིར་གཤེགས་ལ། །མདུན་གྱི་ནམ་མཁར་པད་ཟླའི་གདན་ལ་བཞུགས། །དད་ལྡན་མོས་པའི་བུ་ལ་རྗེས་སུ་དགོངས། །བདག་སོགས་འགྲོ་ཀུན་ཞིང་རྡུལ་གྲངས་སྙེད་ཀྱི། །སྒོ་གསུམ་གུས་པས་བཏུད་དེ་ཕྱག་བགྱིའོ། །དབྱངས་ཀྱི་ཡན་ལག་རྒྱ་མཚོའི་སྒྲ་དབྱངས་ཀྱིས། །རྣམ་པ་ཀུན་ཏུ་བསྟོད་ཅིང་གསོལ་བ་འདེབས། །ལུས་དང་ལོངས་སྤྱོད་དངོས་འབྱོར་ཡིད་ལས་བྱུང་། །ཀུན་བཟང་མཆོད་པའི་སྤྲིན་ཕུང་རྒྱ་མཚོས་མཆོད། །ཐོག་མེད་ནས་བསགས་བཅས་དང་རང་བཞིན་གྱི། །སྡིག་སྒྲིབ་ཉེས་ལྟུང་འགྱོད་པས་བཤགས་ཞིང་བསྡམ། །འཁོར་འདས་ཀུན་གྱི་ཟག་བཅས་ཟག་མེད་ཀྱི། །དགེ་བ་ཀུན་ལ་སྙིང་ནས་རྗེས་ཡི་རང་། །དབང་པོར་འཚམས་པའི་ཐེག་གསུམ་ཆོས་འཁོར་ནི། །འགྲོ་ཁམས་ཇི་སྲིད་བར་དུ་བསྐོར་བར་བསྐུལ། །དམིགས་མེད་ཐུགས་རྗེ་རྒྱུན་ཆད་མེད་པའི་ངང་། །གཟུགས་སྐུ་རྡོ་རྗེ་ལྟ་བུར་རྟག་བརྟན་གསོལ། །འདིས་མཚོན་དུས་གསུམ་ལེགས་སྤྱད་ཅི་མཆིས་པ། །བདག་དང་ཕ་མ་མཁའ་མཉམ་འགྲོ་བ་ཀུན། །དཔལ་ལྡན་བླ་མ་དམ་པའི་སྐུ་གསུང་ཐུགས། །ཡོན་ཏན་ཕྲིན་ལས་མྱུར་དུ་འགྲུབ་ཕྱིར་བསྔོ། <br />།བླ་མ་རྣམས་ཀྱིས་ཐུགས་རྗེས་རྗེས་སུ་བཟུང་། །མ་གུས་ལོག་ལྟ་སྐད་ཅིག་མི་འབྱུང་ཞིང་། །ཞབས་ཏོག་དགུ་ཕྲུགས་སྒོ་ནས་མཉེས་པ་གསུམ། །མཐར་ཕྱིན་ཐུགས་ཡིད་གཅིག་ཏུ་འདྲེ་བར་ཤོག <br />།ཚེ་རབས་ཀུན་ཏུ་རྗེ་བཙུན་ཁྱེད་རྣམས་དང་། སྐད་ཅིག་ཙམ་ཡང་འབྲལ་བ་མ་མཆིས་པར། །ཅི་མཛད་ལེགས་མཐོང་ཅི་གསུང་ཚད་མར་འཛིན། །བླ་མའི་གསང་བ་གསུམ་དང་དབྱེར་མེད་ཤོག <br />།སྙིང་ནས་དད་ཅིང་གསོལ་བ་བཏབ་པའི་མཐུས། །རྡོ་རྗེ་འཆང་ནས་རྩ་བའི་བླ་མའི་བར། །དམ་པ་རྣམས་ཀྱི་རྣམ་ཐར་ཅི་མཆིས་པ། །ཐམས་ཅད་བདག་ཉིད་ཁོ་ནས་འགྲུབ་གྱུར་ཅིག <br /><span class="tibetan_small">།སོ་སྐྱེའི་ཚིག་གི་མགལ་དུམ་ལ། །བྱིན་རླབས་གཟི་བརྗིད་ལྡན་མིན་ཀྱང་། །མོས་པ་ཁོ་ནས་སྦྱར་བའི་དགེས། །བླ་མ་རྣམས་དང་དབྱེར་མེད་ཤོག <br />།བདག་རྒྱུད་ཡོན་ཏན་མི་ལྡན་ཀྱང་། །མཚན་ལྡན་བླ་མས་རྗེས་བཟུང་བས། །བཀའ་བརྒྱུད་འདི་འདྲའི་བྱིན་རླབས་ཐོབ། །བསྟན་འགྲོར་ཕན་འདོད་ལྷག་བསམ་མངའ། <br />།སྐལ་བཟང་འདུ་ཤེས་གསུམ་པའི་སྡེ། །[[Jamgön Kongtrül Lodrö Thayé|ངག་དབང་ཡོན་ཏན་རྒྱ་མཚོ་]]ཡིས། །ཙཱ་འདྲ་རིན་ཆེན་བྲག་མགུལ་དུ། །རྒྱལ་བ་ལྷ་ལས་བབས་པའི་དུས། <br />།སྒྲ་དབྱངས་ཡན་ལག་རྒྱ་མཚོ་ཡི། །གསོལ་འདེབས་རྒྱུད་མངས་སྦྲེངས་པ་འདི། །ས་གསུམ་སྐྱེ་དགུའི་རྣ་བ་རུ། །འབབས་ནས་དབྱངས་སུ་ལེན་པར་ཤོག <br />།དགེ་ལེགས་འཕེལ།། །།</span></span> |
Latest revision as of 12:24, 3 December 2023
| Resource ID | SCv5p87 |
|---|---|
| Title | dpal ldan shangs pa bka' brgyud kyi ngo mtshar rin chen brgyud pa'i rnam thar la gsol ba 'debs pa u dum+ba ra'i phreng ba |
| Topics | Prayer |
| Sub-Topics | rnam thar gsol 'debs |
| Author | Jamgön Kongtrül Lodrö Thayé |
| Link | BDRC W23922 BDRC W23605 BDRC W23605 BDRC W23605 |
| Notes | Some of the prayers have been translated in english in Timeless Rapture, in french in Les Chants d'Immortalité, in polish in Ponadczasowa Rozkosz. |
| Traductions (PDF files) | French |
༄༅། །དཔལ་ལྡན་ཤངས་པ་བཀའ་བརྒྱུད་ཀྱི་ངོ་མཚར་རིན་ཆེན་བརྒྱུད་པའི་རྣམ་ཐར་ལ་གསོལ་བ་འདེབས་པ་ཨུ་དུམྦ་རའི་ཕྲེང་བ་ཞེས་བྱ་བ་བཞུགས་སོ།།
Vajradhara
ཁྱབ་བདག་རྡོ་རྗེ་འཆང་ཆེན་པོ་ལ་གསོལ་བ་འདེབས་པ་རྡོ་རྗེའི་སྒྲ་དབྱངས་ཞེས་བྱ་བ།
རིགས་ཀུན་བདག་ཉིད་ཐོག་མ་ཐ་མ་མེད། །དངོས་གཅིག་བརྟན་གཡོ་ཀུན་ཁྱབ་ཟུང་དུ་འཇུག །རང་བཞིན་འོད་གསལ་བདེ་ཆེན་ཡེ་ཤེས་སྐུ། །ཁྱབ་བདག་རྡོ་རྗེ་འཆང་ལ་གསོལ་བ་འདེབས།
།སྤྲོས་པ་ཀུན་བྲལ་སྟོང་ཉིད་སངས་རྒྱས་པ། །རྡོ་རྗེ་བཙུན་མོའི་བྷ་ག་གསང་བའི་དབྱིངས། །ཆོས་འབྱུང་ཐར་པ་ཆེན་པོའི་གྲོང་ཁྱེར་དུ། །གདོད་ནས་མངོན་བྱང་ཆུབ་ལ་གསོལ་བ་འདེབས།
།གཉིས་མེད་གཡོ་བ་མེད་དང་རིས་མེད་དང་། །འདོད་དང་མཆོག་ཏུ་མི་འགྱུར་འདོད་ཆགས་ཆེ། །དངོས་དང་དངོས་པོ་མེད་པ་ཟད་པ་དང་། །ཡེ་ཤེས་དང་ནི་སེམས་དཔའ་ཀུན་ཏུ་བཟང་།
།ཉོན་མོངས་མེད་དང་ཉོན་མོངས་ཆེན་པོ་དང་། །ལྷན་སྐྱེས་དཔལ་ལྡན་བྱང་སེམས་ཐིག་ལེ་འཛིན། །དཔལ་ལྡན་དུས་ཀྱི་འཁོར་ལོ་རྡོ་རྗེ་དང་། །ཐབས་དང་ཤེས་རབ་བདག་ཉིད་རྣལ་འབྱོར་མཚན། །རྣམ་གྲངས་དུ་མར་ལྡན་ལ་གསོལ་བ་འདེབས།
།སྟོང་ཉིད་སྙིང་རྗེ་དབྱེར་མེད་མི་འགྱུར་བའི། །བདེ་བ་ཆེན་པོ་ཡོད་མེད་མཐའ་བཞི་ལས། །རྣམ་གྲོལ་བདེ་གཤེགས་ཀུན་གྱི་ངོ་བོ་ཉིད། །དོན་དམ་ཡེ་ཤེས་སྐུ་ལ་གསོལ་བ་འདེབས།
།ཤེས་དང་ཤེས་བྱ་གཅིག་གྱུར་སྤྲོས་པའི་མཐའ། །ཀུན་ལས་རབ་འདས་རྒྱུ་འབྲས་མ་ལུས་པ། །ཡེ་ཤེས་གཅིག་གིས་གཅིག་ཅར་གཟིགས་གྱུར་པ། །དཔེ་བྲལ་ཆོས་ཀྱི་སྐུ་ལ༴
།སྟོང་ཉིད་སྒྲ་བརྙན་ཤར་བའི་ཉིན་མོར་བྱེད། །ངེས་པ་ལྔ་ལྡན་སྐུ་དང་ཞིང་ཁམས་ནི། །སྣང་ལ་རང་བཞིན་མ་གྲུབ་མཁའ་ལྟར་ཁྱབ། །ལོངས་སྤྱོད་ཡོངས་སུ་རྫོགས་ལ༴
།བཟོ་སྐྱེ་མཆོག་སོགས་དག་དང་མ་དག་པའི། །གཟུགས་བརྙན་པདྨ་འདབ་མ་རྒྱས་པའི་སྤྱན། །སྣ་ཚོགས་སྤྲུལ་པས་འགྲོ་བའི་དོན་མཛད་པ། །གང་ལ་གང་འདུལ་སྟོན་ལ༴
།སྣ་ཚོགས་གཟུགས་དང་རྣམ་པ་ཐམས་ཅད་གསུང་། །མི་འགྱུར་བདེ་བ་རྣམ་ཀུན་མཆོག་ལྡན་གྱི། །སྟོང་ཉིད་ཟུང་འཇུག་གསང་བ་བསམ་མི་ཁྱབ། །མི་ཟད་རྒྱུན་གྱི་འཁོར་ལོར༴
།རིགས་དྲུག་བདེན་དོན་རྣམ་པ་བཅུ་གཉིས་དང་། །དེ་ཉིད་བཅུ་དྲུག་རིགས་བརྒྱ་མཐའ་ཡས་རིགས། །གཅིག་པུའི་ཉམས་ཀྱིས་དུ་མའི་གར་མཛད་པ། །རིགས་ཀུན་ཁྱབ་བདག་དེ་ལ༴
།ཆོས་རྣམས་ཀུན་ལ་ཉེ་རིང་མེད་པར་ཁྱབ། །འགྲོ་ཁམས་ཟད་མེད་རྗེས་སུ་འཛིན་པ་ལ། །འཕེལ་འགྲིབ་མི་མངའ་རྟག་པར་བཞུགས་ནས་སུ། །རྩོལ་མེད་དོན་ཆེན་སྒྲུབ་ལ༴
།གཞི་དུས་རང་བཞིན་འོད་གསལ་ངོ་བོ་ཉིད། །ལམ་དུས་ཟག་མེད་བདེ་སྟོང་རྣལ་འབྱོར་གྱིས། །བྲལ་འབྲས་དག་པ་གཉིས་ཀྱི་མཐར་ཐུག་པ། །སྤངས་པ་ཆེན་པོ་དེ༴
།སྒྱུ་མ་རྨི་ལམ་པྲ་ཕབ་བརྒྱད་བཞིན་དུ། །ཇི་སྙེད་ཤེས་བྱ་རྟོག་བྲལ་མ་འཁྲུལ་གཟིགས། །ཆོས་ཅན་ཇི་ལྟ་བ་ཉིད་མངོན་གྱུར་པའི། །རྟོགས་པ་ཆེན་པོ་དེ་ལ༴
།ནམ་མཁའ་ཇི་སྲིད་འགྲོ་བ་མ་ལུས་པའི། །དོན་རྣམས་འབད་མེད་ལྷུན་གྱིས་གྲུབ་པ་ཡི། །དམིགས་མེད་ཐུགས་རྗེ་ཆད་པ་མེད་པར་འཇུག །སེམས་དཔའ་ཆེན་པོ་དེ་ལ༴
།ས་ཆུ་མེ་རླུང་ནམ་མཁའ་ཉི་ཟླ་དང་། །རྣམ་པར་ཤེས་པ་སྒྲིབ་བྲལ་དག་པ་ཡི། །མཐའ་ཡས་སྟོབས་དང་ནམ་ཡང་སྐྱོན་མེད་སོགས། ཡོན་ཏན་བརྒྱད་ལྡན་དེ་ལ༴
།རྟག་པ་དང་ནི་མི་གདུང་རབ་ཏུ་བསིལ། །གཅིག་པུར་འགྱུར་མེད་བདེ་ལྡན་དྲི་མ་མེད། །དགའ་དང་རྟག་ཏུ་མཉམ་འཇོག་ཡིད་དང་བ། །རོ་མྱང་བརྒྱད་དང་ལྡན་ལ༴
།བསམ་གྱིས་མི་ཁྱབ་སྐུ་གསུང་ཐུགས་ལྡན་ཅིང་། །རྫུ་འཕྲུལ་མཐའ་ཡས་གནས་སྐབས་ཀུན་ཏུ་ཁྱབ། །གནས་གྱུར་དོན་སྒྲུབ་བྱང་ཆུབ་སྐྱེད་མཛད་པ། །དབང་ཕྱུག་བརྒྱད་དང་ལྡན་ལ༴
།ལོངས་སྤྱོད་རྫོགས་དང་ཁ་སྦྱོར་བདེ་བ་ཆེ། །རང་བཞིན་མ་མཆིས་སྙིང་རྗེས་ཡོངས་སུ་གང་། །སྐུ་དང་ཡེ་ཤེས་མི་འཆད་མི་འགོགས་པའི། །ཡན་ལག་བདུན་དང་ལྡན་ལ༴
།གཟུགས་ཕྲ་རེག་པ་ཡང་ཞིང་ཀུན་ཏུ་ཁྱབ། །ཡང་དག་ཐོབ་བརྙེས་རབ་གསལ་བརྟེན་དང་ལྡན། །དབང་ཕྱུག་ཆེན་པོ་འདོད་རྒུར་སྒྱུར་བར་མཛད། །ཁྱད་འཕགས་བརྒྱད་ལྡན་དེ་ལ༴
།རང་བཞིན་མེད་ཅིང་རང་རིག་འཕེལ་བ་དང་། །འགྲིབས་པ་མ་མཆིས་རྣམ་པར་མི་རྟོག་པར། །དངོས་པོ་ཀུན་གྱི་གཟུགས་བརྙེན་སྣང་བ་ཡི། །ཟབ་པའི་ཡེ་ཤེས་ལྡན་ལ༴
།བསོད་ནམས་ཡེ་ཤེས་དེ་ཡི་སྤྱོད་ཡུལ་སྣང་། །ཆོས་ཀུན་ལ་དམིགས་ཐམས་ཅད་རྣམ་པས་འཇུག །ཀུན་ནས་ཐམས་ཅད་དོན་སྤྱོད་ཕྲིན་ལས་ཏེ། །རྒྱ་ཆེའི་ཡེ་ཤེས་རྫོགས་ལ༴
།ཡུལ་དང་དུས་ལ་ཉེ་རིང་མ་མཆིས་ཤིང་། །ངོ་བོ་དབྱེར་མེད་དེ་ཉིད་ཐ་མི་དད། །ཆོས་ཀུན་མི་རྟོག་མཉམ་པ་ཉིད་གཟིགས་པས། །ཁྱབ་པའི་ཡེ་ཤེས་བརྙེས་ལ༴
རྒྱུན་མི་ཆད་ཅིང་འགོག་པའི་ཆོས་མི་མངའ། །ཕྲ་རབ་རྡུལ་དང་འགྱུར་པ་གཏན་ནས་སྤངས། །རྒྱལ་སྲས་ཀྱིས་ཀྱང་བསམ་པའི་ཡུལ་ལས་འདས། །རྟག་པའི་ཡེ་ཤེས་ལྡན་ལ༴
།ཁ་སྦྱོར་སྐུ་དང་འགྱུར་མེད་བདེ་བའི་ཐུགས། །རྣམ་པ་སྙིང་རྗེ་རྟོག་པའི་ཉེ་སྦྱོར་ཐིམ། །རླུང་འགག་ཞུ་བདེ་མངོན་གྱུར་བྱང་ཆུབ་སེམས། །མི་འགྱུར་བདེ་བ་རྫོགས་ལ༴
།སྟོང་ཉིད་ལས་སྐྱེས་ལས་སྣང་སྡུག་བསྔལ་འགོགས། །གར་ཡང་ཕྱིན་ཅིང་གཡོ་མེད་རླུང་སེམས་གཟུགས། །ཤེས་བྱ་མི་འགལ་མཚན་དཔེ་རྫོགས་པའི་སྐུ། །རང་འདྲའི་སྤྲིན་ཕུང་འཕྲོ་ལ༴
།གཉིས་ཀ་མ་ཡིན་མི་རྟོག་ཆོས་ཀུན་གྱི། །རང་བཞིན་ལ་བཞུགས་དག་པ་རབ་འབྱམས་སྣང་། །ཀུན་ཏུ་དོན་མཛད་གོ་འཕང་མི་གཡོ་བ། །ཟུང་འཇུག་ཡན་ལག་རྫོགས་ལ༴
།ཡེ་ཤེས་གཅིག་གིས་ཆོས་ཀུན་སྒྲིབ་མེད་གཟིགས། །ཤེས་བྱ་མཉམ་ཉིད་ཇི་སྙེད་མ་འདྲེས་རྟོག །གདུལ་བྱ་འདུལ་མཁྱེན་ཀུན་ལ་རྣམ་མི་རྟོག །ཡེ་ཤེས་ལྔ་དང་ལྡན་ལ༴
།སྟོབས་བཅུ་མི་འཇིགས་བཞི་དང་མ་འདྲེས་ཆོས། །བཅོ་བརྒྱད་སྐྱེ་ལ་ཐུགས་རྗེ་ཆེན་པོ་མངའ། །ཟག་མེད་ཡེ་ཤེས་སྡེ་ཚན་ཉེར་གཅིག་སོགས། །ཆོས་སྐུའི་ཡོན་ཏན་རྫོགས་ལ༴
།མཚན་བཟང་སོ་གཉིས་དཔེ་བྱད་བརྒྱད་ཅུ་དང་། །གསུང་དབྱངས་ཡན་ལག་དྲུག་ཅུ་ལ་སོགས་པ། །གཞན་དོན་གཟུགས་སྐུ་རྣམ་པ་གཉིས་པོ་ཡི། །ཡོན་ཏན་འབྱུང་གནས་དེ་ལ༴
།རྩོལ་མེད་ལྷུན་གྲུབ་རྒྱུན་གྱིས་རྟག་པ་ཡིས། །འགྲོ་ཀུན་ལམ་སྟེགས་ལ་འགོད་ལམ་དུ་གཞུག །ངེས་ལེགས་མཐར་ཕྱིན་མཛད་པའི་ཕྲིན་ལས་ནི། །གང་འདུལ་མཁའ་དང་མཉམ་ལ་གསོལ་བ་འདེབས།
།བདག་ཀྱང་སྲིད་ཞིའི་མཐའ་ལ་མི་གནས་པར། །སྐུ་བཞིའི་དབང་ཕྱུག་དངོས་ཀུན་ཁྱབ་པའི་བདག །ཟུང་འཇུག་རྡོ་རྗེ་འཆང་དབང་མྱུར་འགྲུབ་ནས། །མི་ཟད་རྒྱན་གྱི་འཁོར་ལོར་རྟག་སྤྱོད་ཤོག
Niguma
༈ ཡེ་ཤེས་ཌཱ་ཀི་ནི་གུ་མ་ལ་གསོལ་བ་འདེབས་པ་ཡེ་ཤེས་སྒྲ་དབྱངས་ཞེས་བྱ་བ།
རྡོ་རྗེ་བཙུན་མོ་རྒྱལ་བ་ཀུན་གྱི་ཡུམ། །སྨུག་ནག་རུས་པའི་རྒྱན་ཅན་མཁའ་ལ་སྤྱོད། །སྐལ་ལྡན་རྣམས་ལ་མཆོག་གི་དངོས་གྲུབ་སྟེར། །རྗེ་བཙུན་ནི་གུ་མ་ལ་གསོལ་བ་འདེབས།
།ཉི་མ་གུང་པའི་བྱིན་རླབས་ལས་སྤྲུལ་པའི། །ངོ་མཚར་ས་གཞི་ཀ་སྨཱི་ར་ཡི་ལྗོངས། །ཛམྦུའི་གླིང་ན་དཔེ་མེད་རབ་གྲགས་པའི། །གྲོང་ཁྱེར་མཆོག་ཏུ་འཁྲུངས་ལ༴
།རྣམ་དག་བྲམ་ཟེ་ཞི་བའི་གོ་ཆ་ཡི། །རིགས་ཀྱི་ཐིག་ལེར་ནཱ་རོ་ཏ་པ་དང་། །ཡེ་ཤེས་མཁའ་འགྲོ་དྲལ་དང་ལྕམ་མོའི་ཚུལ། །ཉི་ཟླ་ཟུང་འབྲེལ་སྨིན་ལ༴
།རྣམ་ཀུན་མཆོག་ལྡན་སྟོང་པ་ཉིད་ཀྱི་དངོས། །རྒྱལ་ཀུན་སྐྱེད་པའི་གཟུགས་སུ་སྣང་བ་མོ། །སྲིད་པའི་ཚུལ་དུ་རྣམ་པར་འཁྲུལ་པར་ཡང་། །སྲེད་ལེན་མཚམས་སྦྱོར་སྤངས་ལ༴
།གྲངས་མེད་གོང་ནས་ས་དང་ལམ་རྣམས་ཀྱི། །ཕ་རོལ་སོན་པས་རྟེན་འདིར་རང་བྱུང་གི། །གྲུབ་པའི་རྣམ་ཐར་བསམ་མི་ཁྱབ་པ་བརྙེས། །ལྷན་སྐྱེས་མཁའ་འགྲོ་མ་ལ༴
།སྦྱངས་པའི་ངལ་བ་ཆེད་དུ་མ་བརྟེན་པར། །གྲུབ་པའི་དབང་ཕྱུག་དག་གི་གསུང་སྒྲོས་ཙམ། །སྙན་ལ་སེམས་པས་ཆོས་ཀུན་ཁོང་དུ་ཚུད། །རང་གྲོལ་བདེ་བ་ཆེ་ལ༴
།རྒྱུད་དང་གདམས་པའི་ཟབ་དོན་ཕྲ་མོ་ཡིས། །གཅིག་ཤེས་ཀུན་གྲོལ་མཁྱེན་གཉིས་རྩལ་ཁ་རྒྱས། །ཆོས་ཉིད་བདེན་པ་སྒྲིབ་བྲལ་མངོན་སུམ་གཟིགས། །དཔལ་ལྡན་གྲུབ་པ་མོ་ལ༴
།སྟོང་པའི་མཁའ་ལ་ཡིད་མིག་རླུང་བཅིངས་པས། །དྷཱུ་ཏིར་དཔྱིད་ཀྱི་སྒྲུབ་བྱེད་གཟུགས་མཐོང་སྟེ། །དུ་སོགས་རྡོ་རྗེའི་གཟུགས་བརྙན་གཅིག་ཆར་བསྐྱེད། །བསྙེན་པའི་ཡན་ལག་རྫོགས་ལ༴
།སྲོག་རྩོལ་མུན་ཅན་ལྟོ་བར་འགགས་ཤིང་འབབས། །འཁོར་ལོ་དྲུག་ཏུ་སྲོག་ཐུར་མཉམ་སྦྱོར་བས། །འབྱུང་བ་དྲུག་གི་ཉི་ཟླའི་འགྲོད་པ་འགགས། །ཉེར་སྒྲུབ་ཡན་ལག་རྫོགས་ལ༴
།རྒྱ་གསུམ་ལས་འདས་དཔེ་བྲལ་ཕྱག་རྒྱ་ཆེས། །མི་འགྱུར་ལྷན་ཅིག་སྐྱེས་བདེ་རང་འོད་ཀྱི། །རྣམ་བཅུའི་སྒྱུ་ལུས་དབང་པོ་ཐམས་ཅད་པ། །སྒྲུབ་པའི་ཡན་ལག་རྫོགས་ལ༴
།ཉི་ཁྲི་ཆིག་སྟོང་དྲུག་བརྒྱའི་རླུང་འགགས་པས། །དེ་སྙེད་མི་འགྱུར་བདེ་ཐོབ་གཙུག་ཏོར་དུ། །བྱང་སེམས་བརྟན་ལས་ས་རྣམས་ཡུད་ཀྱིས་བགྲོད། །སྒྲུབ་ཆེན་ཡན་ལག་རྫོགས་ལ༴
།ཉེ་རྒྱུའི་སྤྱོད་པས་དགྱེས་རྒུར་རོལ་མཛད་པས། །རྡོ་རྗེ་འཆང་གིས་རྗེས་བཟུང་དངོས་ཉིད་དང་། །སྐལ་པ་མཉམ་ཡང་སློབ་པའི་ཟུང་འཇུག་སྐུས། །མཁའ་ཁྱབ་འགྲོ་དོན་མཛད་ལ༴
།ཆོས་རྣམས་ཐམས་ཅད་སྒྲིབ་མེད་མངོན་སུམ་གྱུར། །ཏིང་འཛིན་སྒོ་མོ་བྱེ་སྙེད་བསམ་ཡས་ཐོབ། །རྒྱལ་ཀུན་གསང་བའི་མཛོད་ལ་རང་དབང་སྒྱུར། །རྒྱལ་བ་ཀུན་ཡུམ་ཁྱེད་ལ༴
།སྟོང་ཉིད་སྙིང་རྗེ་དབྱེར་མེད་བདེ་ཆེན་སྐུ། །བདེ་གཤེགས་སྤྲུལ་པ་ཐུན་མོང་མཆོག་གི་བདག །ས་བཅུའི་དབང་ཕྱུག་འགྲོ་བ་འདྲེན་པའི་དཔལ། །རུས་པའི་རྒྱན་ཅན་དེ་ལ༴
།འཁོར་བར་འཁྱམས་པའི་མ་རྒན་སེམས་ཅན་རྣམས། །གཏིང་མཐའ་མེད་པ་སྡུག་བསྔལ་རྒྱ་མཚོ་ནས། །ཟག་མེད་བདེ་བ་རྒྱས་པའི་ཞིང་ཁམས་སུ། །དམིགས་མེད་ཐུགས་རྗེ་ཆེན་པོས་དྲང་དུ་གསོལ།
།ལམ་ཞུགས་སྐལ་ལྡན་བརྩེ་བས་རྗེས་བཟུང་ལ། །འགལ་རྐྱེན་བགེགས་དང་བར་ཆད་ཀུན་ཞི་ཞིང་། །ཉམས་དང་རྟོགས་པ་གོང་དུ་འཕེལ་བ་དང་། །ལམ་ལྔ་ས་བཅུ་མཐར་ཕྱིན་བྱིན་གྱིས་རློབས།
Sukhasiddhi
༈ ཡེ་ཤེས་ཌཱ་ཀི་སུ་ཁ་སིདྡྷི་ལ་གསོལ་བ་འདེབས་པ་བདེ་ཆེན་སྒྲ་དབྱངས་ཞེས་བྱ་བ།
ཟག་མེད་ལྷན་ཅིག་སྐྱེས་པའི་བདེ་སྟེར་མ། །བཅུ་དྲུག་ལང་ཚོས་གང་བའི་གཟི་མདངས་ཅན། །གནས་གསུམ་མཁའ་འགྲོ་ཡོངས་ཀྱི་ཚོགས་རྗེ་མོ། །བདེ་བའི་དངོས་གྲུབ་ཞབས་ལ་གསོལ་བ་འདེབས།
།ཁ་ཆེའི་ཡུལ་དུ་ཁྱིམ་བདག་དབུལ་པོ་ཡི། །ཚུལ་དུ་བསྟན་ནས་ལམ་གྱི་རྟོགས་པ་སྦྱོང་། །དད་དང་སྙིང་རྗེ་ཆེན་པོའི་རྩལ་རྫོགས་པས། ཆགས་མེད་སྦྱིན་པར་བརྩོན་ལ༴
།བསྐལ་པ་གངྒའི་བྱེ་སྙེད་སྔ་རོལ་ནས། །བསོད་ནམས་ཡེ་ཤེས་ཚོགས་ཆེན་མཐར་ཕྱིན་པའི། །སྦྱངས་པ་མངོན་གྱུར་ལས་འཕྲོ་སད་པའི་རྐྱེན། ཁྱིམ་གྱིས་ཐུགས་དབྱུང་གྱུར་ལ༴
།གསང་ཆེན་འབྱུང་གནས་ནུབ་ཕྱོགས་ཨོ་རྒྱན་ཡུལ། །ཕོ་སྐྱེས་དཔའ་བོ་མོ་སྐྱེས་དཔའ་མོ་ཡི། །འདུ་བའི་དབུས་སུ་ཕེབས་པ་ཙམ་གྱིས་ནི། རིགས་ཀྱི་ནུས་པ་སད་ལ༴
།རོ་ལྡན་ཆང་ཚོང་སྤྱོད་པའི་སྒྱུ་ཐབས་སྟོན། །འབྲས་ཆང་ཉེས་བསིང་རྣལ་འབྱོར་མ་ལ་བསྐུར། །ཨ་བ་དྷུ་ཏི་ནགས་ཁྲོད་སྤྱོད་པ་དང་། །དད་པས་ཉེ་མཚམས་སྦྱར་ལ༴
།རྗེ་བཙུན་བེ་རཱུ་པ་ཡིས་རྗེས་སུ་བཟུང་། །གསང་སྒྲུབ་བཞི་རྫོགས་དབང་བསྐུར་སྐད་ཅིག་ལ། །དྲུག་ཅུ་རྩ་གཅིག་ལོན་པའི་རྣམ་སྨིན་ལུས། །བཅུ་དྲུག་ན་ཚོད་གྱུར་ལ༴
།ནང་གི་ལམ་ནས་རྡོ་རྗེའི་ས་ཆེན་རྣམས། །ཡུད་ཙམ་གཅིག་ལ་མངོན་ཏུ་བགྲོད་མཛད་ནས། །ཟག་མེད་འཇའ་ལུས་རྡོ་རྗེའི་སྐུ་རུ་བཞེངས། །མཁའ་སྤྱོད་དབང་ཕྱུག་མ་ལ༴
།ལྷན་ཅིག་སྐྱེས་དངོས་རྡོ་རྗེ་བདག་མེད་མར། །དངོས་སུ་གྱུར་ནས་འཁོར་བ་ཇི་སྲིད་བཞུགས། །ཁམས་གསུམ་འགྲོ་ལ་གཟིགས་པ་དུས་དྲུག་འཇུག །བཅོམ་ལྡན་འདས་མ་ཁྱོད་ལ༴
།གསོལ་བ་འདེབས་ལ་དངོས་སུ་བྱིན་རློབས་ཤིང་། །བརྒྱུད་འཛིན་བུ་རྣམས་འབྲལ་མེད་ཐུགས་རྗེས་བཟུང་། །མཆོག་ཐུན་དངོས་གྲུབ་ལོ་ཟླ་ཙམ་གྱིས་སྟེར། །ཐུགས་རྗེ་ཆེ་མངའ་ཁྱོད་ལ༴
།ཤེས་རབ་ཕར་ཕྱིན་རྡོ་རྗེ་རྣལ་འབྱོར་མ། །འགྲོ་བའི་དོན་དུ་གཟུགས་ཀྱི་སྐུར་སྣང་བས། །ལྟ་བས་མི་ངོམས་མཛེས་སྐུའི་མེ་ཏོག་ནི། །མཚན་དཔེའི་ཟེའུ་འབྲུ་ཆགས་ལ༴
།སྟོང་ཉིད་རང་བཞིན་ཆོས་སྒོ་མཐའ་ཡས་རྣམས། །འགྲོ་བའི་བསམ་པ་ཇི་བཞིན་སྟོན་པའི་གསུང་། །གཞོམ་མེད་སྒྲ་སྙན་རྣམ་པ་ཐམས་ཅད་པ། །ཚངས་དབྱངས་དྲུག་ཅུ་ལྡན་ལ༴
།བདེ་སྟོང་དབྱེར་མེད་ནམ་མཁའི་རྡོ་རྗེའི་དངོས། །བརྟན་གཡོ་ཀུན་ཁྱབ་ལྷན་སྐྱེས་ཟག་པ་མེད། །འོད་གསལ་ཕྱག་རྒྱ་ཆེན་པོའི་ཐུགས་མཆོག་ནི། །ཆོས་ཀུན་འབྱུང་གནས་གྱུར་ལ༴
།བྲལ་སྨིན་ཡོན་ཏན་བྱ་བའི་བདག་ཉིད་ཅན། །བསམ་གྱིས་མི་ཁྱབ་རྣམ་པར་ཐར་པ་འཆང་། །མཚན་ཙམ་ཐོས་པས་ཟག་མེད་བདེ་སྟེར་མ། །ཡིད་བཞིན་ནོར་མཆོག་དེ་ལ༴
།རྒྱལ་བ་སེམས་དཔའ་ཀུན་དང་བདེ་སྦྱོར་མཛད། །འབྱུང་བཞིས་གར་ཁྱབ་དེ་སྙེད་རྣམ་པར་འཕྲུལ། །བུམ་བཟང་ནོར་བུ་དཔག་བསམ་ཤིང་བཞིན་དུ། །ཕྲིན་ལས་ལྷུན་གྱིས་གྲུབ་ལ༴
།ཐུགས་རྗེ་ཉེ་རིང་མི་མངའ་ཀུན་ལ་སྙོམས། །སྐལ་པ་ལྡན་རྣམས་མཁའ་སྤྱོད་ལམ་སྣ་འདྲེན། །བྱམས་པའི་བཞིན་རས་སྙིང་རྗེའི་འཛུམ་བག་ཅན། །སྐྱེ་དགུའི་གཉེན་གཅིག་མ་ལ་གསོལ་བ་འདེབས།
།བརྒྱུད་འཛིན་གསོལ་བ་འདེབས་པའི་བུ་རྣམས་ལ། །བརྩེ་བའི་ཞལ་སྟོན་དགྱེས་པའི་ལུང་མཆོག་སྩོལ། །རྡོ་རྗེའི་ཡེ་ཤེས་ཆེན་པོའི་དབང་སྐུར་ལ། །ཉིད་དང་དབྱེ་བ་མེད་པར་བྱིན་གྱིས་རློབས།
Maitripa
༈ མངའ་བདག་མཻ་ཏྲི་པ་ཆེན་པོ་ལ་གསོལ་བ་འདེབས་པ་བྱམས་པའི་སྒྲ་དབྱངས་ཞེས་བྱ་བ།
ཆེ་བའི་ཡོན་ཏན་ནམ་མཁའི་མཐའ་དང་མཉམ། །སྙན་པའི་གྲགས་པས་འཕགས་བོད་ཀུན་དུ་ཁྱབ། །ཕྱགརྒྱ་ཆེ་བརྙེས་ཇོ་བོ་མཻ་ཏྲི་པ། །གཉིས་མེད་རྡོ་རྗེའི་ཞབས་ལ་གསོལ་བ་འདེབས།
།བྲམ་ཟེའི་རིགས་ལས་མུ་སྟེགས་པཎྜི་ཏ། །ནཱ་རོ་ཏཱ་པ་མཇལ་ཏེ་ནང་པར་གྱུར། །དབང་དང་གདམས་ངག་ཅི་རིགས་གསན་པ་ཡིས། །སྔོན་སྦྱངས་ལས་འཕྲོ་སད་ལ༴
།ན་ལེནྜ་རུ་བསྟན་ལ་རབ་ཏུ་བྱུང་། །རྩོད་དུས་ཀུན་མཁྱེན་རིན་འབྱུང་ཞི་བ་སོགས། །མཁས་གྲུབ་མང་བསྟེན་རྩོད་བྲལ་པཎ་ཆེན་དུ། །གྲགས་པའི་བ་དན་བསྒྲེངས་ལ༴
།རྣམ་གནོན་ཚུལ་གྱི་གཙུག་ལག་ཁང་དུ་བཞུགས། །བཤད་སྒྲུབ་སྤེལ་མར་མཛད་ཚེ་རྒྱལ་བའི་ཡུམ། །རྡོ་རྗེ་རྣལ་འབྱོར་མ་ཡིས་ཞལ་གཟིགས་ཤིང་། །ལུང་བསྟན་བྱིན་གྱིས་བརླབས་ལ༴
།ཏིང་འཛིན་གྲོགས་སུ་འགྲོ་བའི་དུས་མཁྱེན་ནས། །ནང་གི་ཀུན་སྤྱོད་གསང་ཞིང་སྤྱད་པ་ལ། །གླགས་ལྟའི་སྣང་ངོ་ཆང་དང་བུད་མེད་དག །འོ་མ་དྲིལ་བུར་བསྒྱུར་ལ༴
།དགེ་འདུན་རྣམས་ཀྱིས་གནས་ནས་དབྱུང་བའི་ཚེ། །ཆུ་བོ་གངྒཱར་ལྤགས་གདན་བཏིང་ནས་བཞུད། །གཞན་ཡང་ཐུན་མོང་ཐུན་མོང་མ་ཡིན་པའི། །ནུས་པ་དཔག་མེད་བརྙེས་ལ༴
།ད་རུང་དེ་ཁོ་ན་ཉིད་མ་རྟོགས་པས། ཡི་དམ་ལུང་བཞིན་དཔལ་གྱི་རི་བོའི་ངོགས། །རྒྱལ་བུ་ས་ཀ་ར་དང་ལྷན་ཅིག་ཏུ། །གྲུབ་བརྙེས་བླ་མ་ཚོལ་ལ༴
།ངལ་དུབ་ཐང་ཆད་ཉོན་མོངས་ཉམ་ཐག་ཀྱང་། །ཡིད་ཀྱི་རེ་བ་རྫོགས་པར་མ་གྱུར་ནས། །ཟླ་བ་དྲུག་ཏུ་རྩེ་གཅིག་གསོལ་བཏབ་པས། །འདོད་པའི་དོན་གྲུབ་གྱུར་ལ༴
།བཙུན་མོ་ཟུང་གིས་ཞབས་བརྟེན་རི་ཁྲོད་མགོན། །མངོན་སུམ་མཇལ་ནས་ཟབ་མོའི་བརྡའ་བསྟན་ཅིང་། །དབང་དང་གདམས་པས་རྗེས་བཟུང་གནས་ལུགས་དོན། །འཆད་པར་རྗེས་སུ་གནང་ལ༴
།དོན་དམ་ཇི་བཞིན་གཟིགས་པའི་ཡེ་ཤེས་སྐྱེས། །དཔའ་བོ་མཁའ་འགྲོ་མཐའ་ཡས་གཙོ་བོར་གྱུར། །དབུས་འགྱུར་འཆང་དུ་ཡིད་ལ་མི་བྱེད་པ། །རྒྱ་ཆེར་འཆད་ཅིང་སྤེལ་ལ༴
།བསིལ་བ་ཚལ་དུ་གྲོང་འཇུག་རོལ་རྩེད་སྒྱུར། །ནག་པོ་ཆེན་པོས་བཞེད་པ་མཐའ་དག་སྒྲུབ། །ལྟ་སྟངས་གྲུབ་ཅིང་སྐུ་ལུས་སྣ་ཚོགས་སྤྲུལ། །བས་མཐའ་ནགས་ཁྲོད་འཛིན་ལ༴
།གངྒཱ་དྷ་རི་རཏྣ་དི་བཱི་དང་། །སློབ་དཔོན་ཆེ་བཞི་ལ་སོགས་རྒྱ་བོད་ཀྱི། །གདུལ་བྱ་སྐལ་ལྡན་དུ་མ་སྨིན་མཛད་ནས། །ཟག་མེད་དབྱིངས་སུ་གཤེགས་ལ༴
།བར་དོར་ཕྱག་རྒྱ་ཆེན་པོ་མཆོག་གྲུབ་ཅིང་། །ཡེ་ཤེས་སྐུ་མཆོག་མཁའ་ཁྱབ་ཉིད་དུ་བཞུགས། །བྱང་ཕྱོགས་རྒྱུད་དུ་སྙིང་པོའི་ཕྲིན་ལས་རྒྱུན། །ཐུབ་བསྟན་ཇི་སྲིད་འབབས་ལ༴
།མངའ་བདག་རྒྱལ་སྲས་མཻ་ཏྲི་གུཔྟ་ཡིས། །མོས་པའི་བུ་ལ་ཐུགས་རྗེས་བརྩེར་དགོངས་ཏེ། །བསམ་གྱིས་མི་ཁྱབ་ལྷན་སྐྱེས་ཕྱག་རྒྱ་ཆེ། །གཉུག་མའི་དེ་ཉིད་རྟོགས་པར་བྱིན་གྱིས་རློབས།
Dorjé Denpa
༈ དཔལ་རྡོ་རྗེ་གདན་པ་ཆེན་པོ་ལ་གསོལ་བ་འདེབས་པ་རང་བྱུང་སྒྲ་དབྱངས་ཞེས་བྱ་བ།
ཉི་མ་ལྟ་བུ་འགྲོ་བློའི་མུན་པ་སེལ། །ཟླ་བ་ལྟ་བུ་མཁྱེན་བརྩེའི་དཀྱིལ་འཁོར་རྒྱས། །ཐུབ་བསྟན་མངའ་བདག་རྡོ་རྗེ་གདན་པ་ཆེ། །བསོད་ནམས་འབྱུང་གནས་ཞབས་ལ༴
།སྟོབས་འབྱོར་ཕུལ་བྱུང་འཕགས་ཡུལ་མ་ལ་བར། །མི་དགེའི་ལས་དང་ངང་གིས་མི་འགྲོགས་ཤིང་། །གཙང་སྦྲའི་ཀུན་སྤྱོད་ལྷུར་ལེན་བྲམ་ཟེའི་ཁྱིམ། །བྱིན་རླབས་དགེ་མཚན་ཤར་ལ༴
།བསྟན་པའི་དཔལ་དུ་བསམ་བཞིན་སྲིད་པ་བཟུང་། །རིགས་གཟུགས་ལོངས་སྤྱོད་ཕུན་སུམ་ཚོགས་པ་ལ། །མ་ཆགས་སྐྱེ་བས་ཐོབ་པའི་བློ་གྲོས་ནི། །དོན་གཉིས་སྒྲུབ་པར་ཕྱོགས་ལ༴
།སྲིད་པའི་བདེ་འབྱོར་རྨི་ལམ་ལྟར་གཟིགས་ནས། །ངེས་འབྱུང་བློ་ཤུགས་དུས་མཐའི་མེ་ལྟར་འབར། །ན་ལནྜ་རུ་བསྟན་ལ་རབ་ཏུ་བྱུང་། །ལེགས་པའི་དོན་ཀུན་གྲུབ་ལ༴
།སྔོན་སྦྱངས་སྟོབས་ཀྱིས་རང་བཞིན་ཉེས་པའི་དྲི། །གཏན་ནས་བྲལ་བས་བཅས་པའི་ལྟུང་བ་དང་། །རྨི་ལམ་དུ་ཡང་འགྲོགས་པར་མི་མཛད་པ། །དོན་གྱི་དགྲ་བཅོམ་ཆེན་པོར༴
།འཕགས་ཡུལ་ཤར་ནུབ་དབུས་ཀྱི་པཎྜིཏ། །གྲུབ་པ་རྣལ་འབྱོར་ཚོགས་ཀྱི་ཐུགས་བཅུད་བཞེས། །ཐོས་པའི་རྒྱ་མཚོར་རྣམ་དཔྱོད་ནོར་བུས་གཏམས། །དགོས་དགུའི་འབྱུང་གནས་གྱུར་ལ༴
།བཅུ་ཕྲག་རིག་པའི་གནས་ལ་འགྲན་ཟླ་བྲལ། །ཁྱད་པར་གསང་སྔགས་ཕྱི་ནང་ཆོས་ཚུལ་ལ། །ཆགས་ཐོགས་ཀུན་སྤངས་ཐམས་ཅད་གཟིགས་པ་བརྙེས། །མཁྱེན་རབ་དབང་ཕྱུག་ཁྱེད་ལ༴
།སྐལ་བཟང་བྱེ་བས་ཕ་ཕོག་ཐོབ་གྱུར་ཀྱང་། །གཏིང་མཐའ་མི་མངོན་གདམས་ངག་ནོར་བུའི་མཛོད། །མཁས་གྲུབ་ཀླུ་དབང་ཀུན་ལས་བསྡུས་པ་བཞིན། །གཞན་ཕྱིར་འཛིན་པར་མཛད་ལ༴
།སྐལ་བཟང་རྒྱལ་བའི་འབྱུང་གནས་མ་ག་དྷར། །ཐུབ་བསྟན་འཛིན་མཛད་རིག་གྲོལ་སྤོབས་པ་ཅན། །རྒྱུ་སྐར་དབུས་སུ་ཟླ་བའི་དཀྱིལ་འཁོར་བཞིན། །ཚོགས་ཀྱི་འདྲེན་པར་གྱུར་ལ༴
།སྙིང་པོ་བྱང་ཆུབ་ཆེན་པོའི་སེངྒེའི་ཁྲིར། །འཇིགས་མེད་ཆོས་ཀྱི་དབང་ཕྱུག་གོ་འཕང་བརྙེས། །རྒྱལ་བས་ལུང་བསྟན་རྡོ་རྗེ་གདན་པ་ཞེས། །གྲགས་པས་འཇིག་རྟེན་ཁྱབ་ལ༴
།རྒྱལ་བ་སྲས་དང་བཅས་པའི་བགྲོད་གཅིག་ལམ། །བྱང་ཆུབ་ཐུགས་མཆོག་ལྷུན་པོ་ལྟར་བརྟན་ཅིང་། བསིལ་ཟེར་བཞིན་དུ་ཕྱོགས་རིས་མེད་ཁྱབ་པས། །རྒྱལ་སྲས་ཐུ་བོར་གྱུར་ལ༴
།རིན་ཆེན་རྒྱ་མཚོ་ལ་སོགས་ཐུན་མིན་དང་། །ཐུན་མོང་གསང་བའི་མཛོད་ལ་མངའ་བརྙེས་པས། གྲུབ་གཉིས་ནོར་བུའི་དཔལ་ལ་རང་དབང་སྒྱུར། །རྡོ་རྗེ་འཛིན་རྒྱལ་ཁྱེད་ལ༴
།མཉམ་མེད་བྱང་ཆུབ་སེམས་ཀྱི་ཕྲིན་ལས་ཀྱིས། །ཕྱོགས་རིས་མེད་པའི་གདུལ་བྱ་ཡོངས་སུ་འདུལ། །བཞུགས་ཡུལ་སྣོད་བཅུད་ཤིན་ཏུ་བཀྲ་ཤིས་མཛད། །མཐོང་ཐོས་དད་པའི་ས་ལ་བཀོད་པ་ཡི། །འབྲེལ་ཚད་དོན་དང་ལྡན་ལ༴
།ཐུབ་དབང་རྒྱལ་སར་ཐུབ་པའི་མཛད་པ་སྐྱོང་། འཕགས་བོད་མཁས་གྲུབ་ཀུན་གྱི་གཙུག་གི་རྒྱན། །འཇིག་རྟེན་ལྷ་དང་བཅས་པས་ཕྱག་བྱས་པ། །མི་ཡི་སེངྒེ་ཁྱོད་ལ༴
།བདག་ཀྱང་ཚུལ་གནས་ཐོས་བསམ་སྒོམ་མཐར་སོན། བྱང་ཆུབ་སེམས་འབྱོངས་འགྲོ་དོན་ཕྱོགས་མེད་འགྲུབ། །ཐུབ་པའི་བསྟན་པ་ཉིན་མོར་བྱེད་ནུས་པ། །སྐྱེས་མཆོག་རྣམས་ཀྱི་རྣམ་ཐར་མྱུར་འགྲུབ་ཤོག
Abhayakara
༈ །འཇིགས་བྲལ་གྱི་སློབ་དཔོན་ཆེན་པོ་ཨཱ་བྷ་ཡཱ་ཀ་ར་གུཔྟ་ལ་གསོལ་བ་འདེབས་པ་ཞི་བའི་སྒྲ་དབྱངས་ཞེས་བྱ་བ།
ཛམྦུའི་གླིང་དུ་ཉི་ཟླ་ལྟ་བུར་གྲགས། །རྡོ་རྗེ་གདན་དུ་སངས་རྒྱས་ཕྲིན་ལས་མཛད། །རྩོད་པའི་དུས་ཀྱི་ཐམས་ཅད་མཁྱེན་པ་མཆོག །འཇིགས་མེད་འབྱུང་གནས་ཞབས་ལ་གསོལ་བ་འདེབས།
།ལྷོ་ཕྱོགས་ཛ་ར་ིཁཎྜར་རྒྱལ་རིགས་སུ། །སྐུ་འཁྲུངས་གཞོན་ནུའི་དུས་ནས་སྒྲ་ཚད་དང་། །རིག་བྱེད་ཡན་ལག་དང་བཅས་མུར་འདུག་གི །རྒྱུད་གཞུང་ཕ་རོལ་སོན་ལ༴
།སྐྱེད་མོས་ཚལ་དུ་རྡོ་རྗེ་རྣལ་འབྱོར་མ། །མཛེས་མའི་གཟུགས་ཀྱིས་བསྐུལ་ཏེ་བྷངྒ་ལར། །བྱོན་ནས་མདོ་སྔགས་ཀུན་ལ་མཁས་པར་སྦྱངས། །སྡེ་སྣོད་འཛིན་པར་གྱུར་ལ༴
།རབ་ཏུ་བྱུང་སྟེ་འདུལ་འཛིན་སློབ་དཔོན་མཛད། །དབང་དང་གདམས་ངག་འཕགས་ཡུལ་ཀུན་ཏུ་བཙལ། །ཆོས་ཚུལ་ཀུན་དང་ཁྱད་པར་སྔགས་རྒྱུད་ལ། །མཁྱེན་རབ་ཤིན་ཏུ་རྒྱས་དེར༴
།དཔལ་ལྡན་སོ་སའི་པ་ཡིས་རྗེས་སུ་བཟུང་། །རྡོ་རྗེ་ཕག་མོས་འཆད་རྩོམ་མཛད་པར་བསྐུལ། །དུར་ཁྲོད་ཀུན་ཏུ་བསྒོམས་པས་ཏིང་འཛིན་བརྙེས། །བྱང་སེམས་ནུས་པ་ཅན༴
།རྒྱུད་ནས་བཤད་པའི་ལས་ཚོགས་རབ་འབྱམས་དང་། །བདེན་སྟོབས་གྲུབ་ཅིང་བརྟག་པའི་རིག་པ་ཡིས། །དབུལ་པོའི་ཐབ་ཀྱི་འོག་ནས་གཏེར་འདོན་སོགས། །ངོ་མཚར་མཐའ་ཡས་སྟོན་ལ༴
།རྡོ་རྗེ་གདན་དང་དཔལ་གྱི་ན་ལེནྡྲ། །ཀྲ་མ་ཤཱི་ལ་རྣམས་སུ་མཁན་པོ་མཛད། །ཆོས་ཀྱི་འཁོར་ལོ་རྟག་ཏུ་བསྐོར་བ་ཡིས། །རིགས་ཅན་གདུལ་བྱ་འདུལ༴
།བརྒྱད་སྟོང་འགྲེལ་པ་རྩོམ་ཚེ་ཕྱོགས་བཅུ་ཡི། །སངས་རྒྱས་རྣམས་ཀྱིས་མགྲིན་གཅིག་ཤིས་པ་བརྗོད། །རྡོར་ཕྲེང་རྩོམ་ཚེ་མེ་ཏོག་ཆར་ཆེན་བབས། །ཕག་མོ་སྐུ་ལ་ཞུགས་དེར༴
།སྙེམ་རྩོམ་ཚེ་ཐོག་མཐའ་བར་གསུམ་དུ། །བདེ་དགྱེས་དུས་འཁོར་གསུམ་གྱིས་བཀྲ་ཤིས་སྩལ། །དེ་བཞིན་དོན་ལྡན་ལེགས་པར་བཤད་པའི་གཏེར། །བསྟན་བཅོས་མཐའ་ཡས་བརྩམས་ལ༴
།སྲས་བཅས་རྒྱལ་བ་རྣམས་ཀྱི་དགོངས་ཟབ་དོན། །ཕྱིར་རབས་འགྲོ་ལ་ངག་ལོན་བཞག་པ་བཞིན། །ཕྱིན་ཆད་བསྟན་ལ་འབྱུང་བར་དཀའ་བས་ན། །ལུང་བསྟན་དོན་ཡོད་མཛད་ལ༴
།ནུབ་ཕྱོགས་ཡུལ་དུ་གཙུག་ལག་ཁང་བཞེངས་ཚེ། །ལྷུང་བཟེད་ནམ་མཁར་བཟེད་པ་བཟའ་བཏུང་གིས། །གང་ཞིང་མཐུན་རྐྱེན་གནོད་གནས་དབང་པོས་སྦྱར། །བཞེད་རྒུ་བསམ་པས་འགྲུབ་ལ༴
།ཐེག་ཆེན་པ་རྣམས་གཙུག་གི་ནོར་བུ་སྟེ། །ཉན་ཐོས་པས་ཀྱང་འདུལ་འཛིན་ཆེ་ཞེས་བསྔགས། །རྒྱལ་བའི་བསྟན་ལ་དག་ཐེར་ཆེན་མོ་མཛད། །སྙན་གྲགས་ཕྱོགས་བཅུར་ཁྱབ་ལ༴
།མཁྱེན་རབ་ཐུགས་རྗེ་དབང་ཕྱུག་ནུས་པའི་མཐུ། །ཕུན་སུམ་ཚོགས་པས་ཡོངས་རྫོགས་ཐུབ་པའི་བསྟན། །འཛིན་སྐྱོང་སྤེལ་ལ་ཛམ་གླིང་རྒྱན་རྣམས་དང་། །རྣམ་ཐར་མཚུངས་པར་གྱུར་ལ༴
།དུས་སྐབས་དེ་ཡི་རྒྱ་བོད་མཁས་གྲུབ་ཚོགས། །སློབ་མར་གྱུར་སོགས་མཛད་པ་མཐར་ཕྱིན་ནས། །ཞི་བའི་གནས་གཤེགས་བར་དོར་ཕྱག་རྒྱ་ཆེ། །མཆོག་གི་དངོས་གྲུབ་བརྙེས་ལ༴
།གསོལ་བཏབ་དགེ་བས་ཁྱོད་འདྲའི་བཤེས་གཉེན་གྱིས། །སྐྱེ་ཀུན་རྗེས་བཟུང་སྤངས་རྟོགས་ནོར་བུའི་མཛོད། །རང་དབང་སྤྱོད་ནས་ཐུབ་བསྟན་རིན་པོ་ཆེ། །དར་རྒྱས་ཡུན་རིང་གནས་པའི་བྱེད་པོར་ཤོག
Rahula
༈ །གྲུབ་ཆེན་རཱ་ཧུ་ལ་གུཔྟ་བཛྲ་ལ་གསོལ་བ་འདེབས་པ་རིན་ཆེན་སྒྲ་དབྱངས་ཞེས་བྱ་བ།
ཚོགས་གསུམ་རིན་ཆེན་རྡུལ་མང་བརྩེགས་པ་ལས། །ཡོན་ཏན་ལྷུན་པོ་གླིང་བཞིའི་དབུས་ན་མཐོ། །གྲུབ་པ་ལྷ་མཆོག་བྱེ་བས་བསྟན་གྱུར་པ། །སྒྲ་གཅན་འཛིན་སྦས་ཞབས་ལ་གསོལ་བ་འདེབས།
།འཕགས་པའི་ལྷོ་ཕྱོགས་ཨེ་ལ་བྷི་ཤའི་ཡུལ། །རྡོ་རྗེ་མཁའ་འགྲོའི་ས་གཞི་ཁྱད་པར་ཅན། གྲོང་ཁྱེར་བྷི་ར་ཛི་རུ་རྒྱལ་རིགས་ནི། །ས་ལ་ལྟ་བུར་འཁྲུངས་ལ༴
།དེ་ཚེ་འོད་དང་སྒྲ་སྙན་དྲི་བཟང་བཅས། །སྤྲུལ་པའི་ལྷ་བཞིས་ཡེ་ཤེས་སྣང་བ་བསྟན། །ངོ་མཚར་དགེ་བའི་མཚན་མ་ལས་བརྩམས་ཏེ། །དེ་བ་ས་ཏྭར་གྲགས་ལ༴
།དགུང་ལོ་ཉི་ཤུའི་བར་དུ་དམ་ཆོས་སྦྱངས། །ཉེར་གཅིག་དུས་སུ་རྡོ་རྗེ་ཚེར་མ་ཡི། །ཟུག་རྔུས་གདུང་ཚེ་རྣལ་འབྱོར་དབང་ཕྱུག་དང་། །ལྷ་བཞིས་བྱིན་བརླབས་སྔོན་གྱི་ལས་ངན་རྣམས། །བསྙུན་གྱིས་ཟད་ནས་ཚེ་འདིར་མཁའ་སྤྱོད་དུ། །འགྲོ་བའི་ལུང་བསྟན་ཐོབ་ལ༴
།རང་བྱུང་སྒྲོལ་མའི་སྤྱན་སྔར་ཞག་ལྔའི་བར། །སྨྱུང་བར་གནས་ཚེ་ཕ་མས་ལྕགས་སུ་གཅུག །རྡོ་རྗེ་རྣལ་འབྱོར་མ་ཡིས་ལེགས་བཀྲོལ་ནས། །ལུང་བསྟན་བྱིན་གྱིས་བརླབས་ལ༴
།རྣམ་གནོན་ཚུལ་གྱིས་བསྔགས་པའི་གཙུག་ལག་ཏུ། །ཡོངས་རྫོགས་ཐུབ་པའི་བསླབ་གཞི་ལེགས་པར་བླངས། །པཎྜི་ཏ་དང་གྲུབ་ཐོབ་ཏུ་མ་ལས། །མདོ་རྒྱུད་རྫོགས་པར་གསན་ལ༴
།ཟབ་མོ་སྔགས་ཀྱི་དོན་ལ་མཉམ་གཞག་ཚེ། །བླ་མས་ཨ་བ་དྷཱུ་ཏིའི་སྤྱོད་པ་ལ། །གནས་པར་བསྐུལ་ཡང་མཁས་པའི་བསྙེམས་པ་ཡིས། །རེ་ཞིག་བཤོལ་བས་ཕྱིས་སུ་རྩེ་གཅིག་ཏུ།
།བསྒྲུབས་ཀྱང་མ་གྲུབ་གུ་ཎ་ཨཱ་ཀ་རའི། །བཀའ་བཞིན་ལྗགས་དང་ཡན་ལག་སྤུ་གྲི་ཡིས། །བཅད་པའི་མོད་ལ་ལྷ་བཞིས་ཞལ་གཟིགས་ཤིང་། །སྐུ་ལུས་སོར་ཆུད་གྱུར་ལ༴
།སྤྱན་རས་གཟིགས་དབང་རྡོ་རྗེ་རྣལ་འབྱོར་མ། །རྗེ་བཙུན་སྒྲོལ་མ་མྱུར་མཛད་ཡེ་ཤེས་མགོན། །ནམ་བཞེད་དུས་ན་དངོས་སུ་ཆོས་གསུང་ཞིང་། །བྱིན་རླབས་དངོས་གྲུབ་སྩལ་ལ༴
།ཛྙ་ན་སཱ་ག་ར་ཡི་བཀའ་བཞིན་དུ། །ཞག་བདུན་ཆུར་ཕྱིང་སྲིན་བུ་པད་པ་ཡིས། །སྐུ་ཡི་ཁྲག་འཇིབ་གྲོང་ལ་ཉེ་བ་ཡིས། །ལས་སྒྲིབ་རྩད་ནས་ཟད་ལ༴
།གྲུབ་ཐོབ་རྣལ་འབྱོར་རྣམས་ཀྱི་བཀས་བསྐུལ་ཏེ། །རྫུ་འཕྲུལ་མཐུ་ཡིས་གངས་ཅན་ལྗོངས་སུ་ཕེབས། །མཁས་གྲུབ་ཁྱུང་པོའི་སྤྱན་སྔར་ཡ་མཚན་པའི། །ཆོ་འཕྲུལ་ཐོག་དྲངས་བྱིན་རླབས་ལྷ་བཞི་སོགས།
།ཟབ་མོའི་གདམས་ངག་བཀའ་དང་ལག་ལེན་བཅས། །དུ་མ་སྩལ་ཞིང་སྤྲུལ་པའི་དཀྱིལ་འཁོར་དུ། །སྐལ་ལྡན་འགའ་ཞིག་བཅུག་ནས་འཕགས་ཡུལ་དུ། །ཡུད་ཀྱིས་གཤེགས་པར་མཛད་ལ༴
ལྷོ་ཕྱོགས་རབ་བརྟན་རྡོ་རྗེའི་ས་གཞི་རུ། །གཡེངས་སྤངས་སྒྲུབ་པའི་ས་སྡེ་བཙུགས་པ་ཡིས། །ཕྱག་རྒྱ་ཆེན་པོ་མཆོག་གི་དངོས་གྲུབ་དང་། །འཆི་མེད་རིག་འཛིན་བརྙེས་ལ༴
།རི་བོ་ནག་པོ་ཞེས་གྲགས་ཤིང་གི་རིའི། །ཁོང་གསེང་ཉིད་དུ་འཇའ་ལུས་རྡོ་རྗེར་བཞུགས། །སྦྱངས་པའི་མཐར་སོན་ངོ་མཚར་རྨད་བྱུང་བ། །གྲུབ་པའི་དབང་ཕྱུག་མཆོག་ལ་གསོལ་བ་འདེབས།
།བདག་ཀྱང་སྒྲིབ་གཉིས་དྲི་མ་ཀུན་ཟད་ནས། །ཡེ་ཤེས་ཉི་མ་ཁོང་ནས་ཤར་བ་ཡིས། །གློ་བུར་མ་རིག་འཁྲུལ་པའི་མུན་ཁང་བཅོམ། །རྡོ་རྗེའི་རིག་འཛིན་ཚེ་འདིར་འགྲུབ་གྱུར་ཅིག
Khyungpo Neljor
༈ །མཁས་གྲུབ་ཁྱུང་པོ་རྣལ་འབྱོར་ལ་གསོལ་བ་འདེབས་པ་མོས་གུས་ཀྱི་སྒྲ་དབྱངས་ཞེས་བྱ་བ།
དགེ་ལེགས་ཀུན་འབྱུང་ཐུབ་པའི་བསྟན་པ་ལ། །དུས་གསུམ་འགྲན་ཟླ་བྲལ་བའི་མཁས་གྲུབ་ཆེ། །མཐར་ཐུག་ལྔ་ལྡན་ངོ་མཚར་སྤྲུལ་པའི་སྐུ། །ཁྱུང་པོ་རྣལ་འབྱོར་ཞབས་ལ་གསོལ་བ་འདེབས།
།གདོད་ནས་བྱང་ཆུབ་ཆེན་པོ་མངོན་མཛད་ཀྱང་། །ཐུགས་རྗེ་རྒྱུན་མི་འཆད་པས་གདུལ་བྱའི་ངོར། །རྣམ་འཕྲུལ་མཁའ་དང་ཆོས་དབྱིངས་ཁྱབ་པར་སྟོན། །སྐུ་གསུམ་ཡོངས་རྫོགས་ཁྱེད་ལ༴
།བོད་ཡུལ་ས་ཡི་ཐིག་ལེ་དབུ་རུའི་ལྗོངས། །སྙེ་མོའི་གནས་སུ་སྤྲུལ་པའི་མཚན་དཔེ་ཉིད། །གསལ་བའི་མོད་ལ་གྲུབ་ཐོབ་ཨ་མོ་གྷས། །བྱིན་རླབས་ལུང་བསྟན་མཛད་ལ༴
།འདི་ནི་སྤྲུལ་པའི་སྐུ་སྟེ་རྒྱ་གར་བགྲོད། །པཎྜི་ཏ་དང་གྲུབ་ཐོབ་ཐམས་ཅད་ཀྱི། །ཐུགས་བཅུད་བསྡུས་ནས་འགྲོ་རྣམས་སྨིན་གྲོལ་བྱེད། །སྣ་ཚོགས་སྤྲུལ་པས་གདུལ་བྱ་འདུལ་བར་འགྱུར། །ཐེག་ཆེན་སྙིང་པོ་མཐའ་བྲལ་ཆོས་སྒྲ་སྒྲོགས། །མཐར་ཐུག་གསང་སྔགས་བདེ་སྟོང་དབྱེར་མེད་ཀྱི། །སེང་གེའི་ང་རོ་ཕྱོགས་བཅུར་སྒྲོགས་པར་འགྱུར། །དེ་ཡི་ལུས་ནི་བདེ་མཆོག་འཁོར་ལོ་སྟེ། །གསུང་ནི་མ་ཧཱ་མ་ཡའི་བདག་ཉིད་འགྱུར། །ཐུགས་ནི་དཔལ་ལྡན་དགྱེས་པ་རྡོ་རྗེ་སྟེ། །སྤྲུལ་པའི་གནས་མཆོག་གསང་བ་འདུས་པ་ལ། །གསང་གནས་བདེ་སྐྱོང་གཤིན་རྗེ་གཤེད་དུ་འགྱུར། དཀྱིལ་འཁོར་དེ་རྣམས་ལུས་ལ་བཀོད་ནས་ཀྱང་། །གདུལ་བྱ་རྣམས་ལ་དངོས་སུ་སྟོན་པར་བྱེད། །གཞན་ཡང་ཡི་དམ་སྣ་ཚོགས་གཟུགས་བཟུང་ནས། །གདུལ་དཀའི་སྐྱེ་བོ་དཔག་མེད་འདུལ་བར་བྱེད། །ལོ་ནི་བརྒྱ་དང་ལྔ་བཅུ་འཚོ་བར་འགྱུར། །དེ་ཡི་མཐར་ནི་མཛད་པ་བརྟུལ་བའི་ཚེ། །ལྟས་དང་རྫུ་འཕྲུལ་སྣ་ཚོགས་སྟོན་པར་འགྱུར། །དེ་ནས་ཞིང་ཁམས་རྣམ་དག་བདེ་བ་ཅན། །རྒྱལ་བ་ཀུན་བསྔགས་ཞིང་དེར་སངས་རྒྱས་ནས། །ཐེག་ཆེན་ཆོས་ཀྱི་འཁོར་ལོ་བསྐོར་བར་འགྱུར། །ཕྱི་རབས་དད་ལྡན་གདུལ་བྱ་ཐམས་ཅད་ཀུན། རྒྱལ་བའི་ཞིང་དེར་བགྲོད་པར་ཐེ་ཚོམ་མེད། །དེ་སྐད་གསུངས་ནས་བླ་མ་གྲུབ་ཐོབ་དེ། །མཁའ་ལ་བྱ་བཞིན་གཤེགས་ལ༴
།ཀུན་བཟང་རིག་སྣང་འོད་ཀྱི་རྒྱལ་པོ་ཡིས། །བྱིན་རླབས་ངོ་མཚར་ཁྱུང་ཆེན་གདུང་ལས་གྲོལ། །ཡིག་རྩིས་སེམས་ཕྱོགས་བོན་ལ་མཁས་ཤིང་གྲུབ། །དེ་འདུལ་གདུལ་བྱ་བསྐྱངས་ལ༴
།འབྱུང་གནས་སེང་གེ་སྐོར་ནི་རུ་པ་ལས། རྫོགས་ཆེན་སྡེ་གསུམ་ཕྱག་ཆེན་གཞུང་གདམས་གསན། །སོ་སོའི་བསྟན་ལ་སྟོན་པ་གཉིས་པར་གྱུར། །སྐྱེས་ཐོབ་རྩལ་ཆེན་རྫོགས་ལ༴
།སྔོན་སྦྱངས་སྟོབས་ཀྱིས་འཕགས་པའི་ཡུལ་དུ་བགྲོད། །རྡོ་རྗེ་གདན་དུ་སངས་རྒྱས་གཉིས་པ་མཇལ། །སྡེ་སྣོད་གསུམ་དང་རྒྱུད་སྡེ་བཞི་ལ་སོགས། །ཡོངས་རྫོགས་ཐུགས་སུ་ཆུད་ལ༴
།ཁྱོད་ནི་སྔོན་ཚེ་རྒྱལ་བས་ལུང་བསྟན་པའི། །ཉན་ཐོས་རྫུ་འཕྲུལ་ཆེ་སྟེ་བདག་ལ་སོགས། །རྒྱ་གར་མཁས་པས་མཁན་པོ་མི་ནུས་ཞེས། །བསམ་ཡས་ཡུལ་དུ་བསྔགས་ལ༴
།གང་གིས་ལུང་བསྟན་ཇི་བཞིན་བསིལ་ལྡན་ལྗོངས། །སྣང་བ་མཐའ་ཡས་སྒྱུ་འཕྲུལ་གླང་ཐང་པས། །ཚངས་སྤྱོད་ཐར་པའི་རྒྱལ་མཚན་བསླངས་པར་མཛད། །ཐུབ་དབང་གཉིས་པར་གྱུར་ལ༴
།དཀོན་པའི་རིན་ཆེན་གསེར་ཕྱེ་ཕོངས་མེད་ཁྱེར། །གཅེས་པའི་སྲོག་ལ་མ་བལྟས་དཀའ་སྤྱད་ནས། །རྒྱ་དང་བལ་པོའི་ཡུལ་དུ་ལན་བདུན་བྱོན། །སེམས་དཔའ་ཆེན་པོ་ཁྱོད་ལ༴
།རྒྱ་གར་མཁས་པ་བརྒྱ་དང་ལྔ་བཅུ་བསྟེན། །ཁྱད་པར་མཁས་ཤིང་གྲུབ་ཐོབ་ལྔ་བཅུ་དང་། །རྩ་བའི་བླ་མ་ཁྱད་འཕགས་རྣམ་པ་བཞི། །ལོངས་སྐུ་དྲུག་པ་རྡོ་རྗེ་འཆང་ཆེན་ལ།
།དངོས་སུ་ཆོས་གསན་ཡེ་ཤེས་མཁའ་འགྲོ་གཉིས། །མཉེས་པར་མཛད་ནས་མཐར་ཐུག་གདམས་ངག་ཞུས། །སྒྲོ་འདོགས་ཆོད་ནས་རྩེ་གཅིག་བསྒྲུབས་པ་ཡིས། །མཆོག་ཐུན་དངོས་གྲུབ་བརྙེས་ལ༴
།སོ་ས་གླིང་མཆོག་སེང་ལྡེང་ནགས་གསེབ་ཏུ། །རྒྱལ་ཡུམ་རྡོ་རྗེ་བཙུན་མོ་ནི་གུ་མས། །ཆིག་བརྒྱུད་རྡོ་རྗེ་འཆང་གི་གསང་མཛོད་གཏད། །ས་བཅུའི་དབང་ཕྱུག་གྱུར་ལ༴
བདེ་སྦྱིན་སྨན་གྱི་ཚལ་དུ་བདག་མེད་མ། །སུ་ཁ་སིདྡྷིས་དབང་བསྐུར་ལུང་བསྟན་ཅིང་། །གདམས་པའི་བདུད་རྩིས་ཐུན་མིན་བྱིན་གྱིས་བརླབས། །དྲུག་པའི་རྒྱལ་ཚབ་གྱུར་ལ༴
གཉིས་མེད་རྡོ་རྗེས་སྤྲུལ་པའི་དཀྱིལ་འཁོར་དུ། །དབང་བསྐུར་ལུང་ནོད་མངའ་བདག་མཻ་ཏྲི་པར། །ཕྱག་རྒྱ་ཆེ་དང་མགོན་པོའི་གདམས་པ་གསན། །ཆོས་སྐྱོང་བྲན་དུ་ཁོལ་ལ༴
།རྡོ་རྗེ་གདན་དུ་དུས་མཆོད་ཆེན་མོ་མཛད། །ངོ་མཚར་མཚན་ལྟས་ཞག་བཅུ་སྦྲེལ་མར་བྱུང་། །ལྷ་མི་མཁས་གྲུབ་ཀུན་གྱིས་མགྲིན་གཅིག་བསྔགས། །ས་གསུམ་འགྲན་ཟླ་བྲལ་ལ༴
བླ་མ་ཡི་དམ་མཁའ་འགྲོ་ཆོས་སྐྱོང་ཀུན། །མྱུར་མཛད་ཡེ་ཤེས་མགོན་པོར་འདུས་པ་ཉིད། །སྐྱེ་དང་བརྒྱུད་པར་བཅས་པའི་ལྷ་སྐལ་དུ། །དངོས་སུ་ཞལ་བཞེས་ཁྱོད་ལ༴
།ལྷ་བཞིས་རྗེས་བཟུང་གྲུབ་ཆེན་རཱ་ཧུ་ལ། །གདམས་ངག་སྒོ་སྐྱེལ་ཕེབས་ནས་རྒྱུད་སྒྲུབ་ཐབས། །མན་ངག་ལས་ཚོགས་བརྗོད་ལས་འདས་པ་གསན། །ཡ་མཚན་རྫུ་འཕྲུལ་སྟོན་ལ༴
སྤྲུལ་པའི་དཀྱིལ་འཁོར་དུ་མར་དབང་བསྐུར་མཛད། །དགྲ་བགེགས་གཡུལ་ངོ་སྤྲུལ་པའི་དམག་གིས་བཟློག །འཇམ་དཔལ་དབྱངས་ཀྱིས་དམིགས་པའི་སྒྲོམ་བུ་གསུངས། །ནད་གདོན་དངོས་སུ་འདོན་ལ༴
།གཤིན་རྗེའི་ཕོ་ཉ་ལྷ་ཡི་བུ་མོར་སྤྲུལ། །རྟག་འཛིན་ཅན་རྣམས་སྐྱོ་དང་སྤྲོ་བ་སྐྱེད། །རི་བྲག་ཟང་ཐལ་གཅིག་དང་དུ་མ་སོགས། །སྒྱུ་མའི་ཆོ་འཕྲུལ་སྟོན་ལ༴
།བླ་མ་ཌཱ་ཀིའི་ལུང་བཞིན་ཤངས་སུ་ཕེབས། །ཞང་ཞང་ཐོག་དྲངས་དགོན་གནས་བརྒྱ་རྩ་བཏབ། །ཉན་བཤད་སྒོམ་སྒྲུབ་ས་སྟེང་ཁྱབ་པར་མཛད། །བསྟན་པའི་སྒྲོན་མེར་གྱུར་ལ༴
།སྐུ་ལུས་དགྱེས་རྡོར་སྤྲུལ་པའི་ལྷ་དགུ་ལ། །གནས་ལྔ་རྒྱུད་སྡེ་ལྔ་པོ་དངོས་སུ་གྲུབ། །ཆོས་ཁྲི་བརྒྱ་རྩ་བརྒྱད་དུ་དེ་སྙེད་ཀྱི། །སྤྲུལ་པས་ཆོས་སྟོན་མཛད་ལ༴
།རྒྱལ་ཆེན་རིས་བཞིའི་ལྷ་ཡིས་གསོལ་བཏབ་པས། །ཟླ་བདུན་ཏིང་འཛིན་ཟས་ཀྱི་འཚོ་བ་བཅས། །ཏཱ་ལ་སྲིད་ཀྱི་ནམ་མཁར་སྐྱིལ་ཀྲུང་བཞུགས། །ཐེག་ཆེན་ཆོས་འཁོར་བསྐོར་ལ༴
།བླ་མའི་དགོངས་རྫོགས་ལྷ་ཚིམས་མི་རྣམས་གྲོལ། །སངས་རྒྱས་བསྟན་ལ་བྱ་བ་བྱས་སོ་ཞེས། །མེ་ཏོག་ཆར་ཕབ་ཨ་ལ་ལ་ཡི་སྒྲས། །ལྷ་རྣམས་ཆེད་དུ་བརྗོད་ལ༴
བཤད་གྲྭ་ཆེན་མོའི་ཕྲག་དོག་སྤྲུལ་པས་གཞིལ། །མུ་གེའི་དུས་སུ་སྔ་དྲོ་ཐང་ཆེན་ལ། །ས་བོན་བཏབ་པ་ཕྱི་དྲོ་འབྲས་བུར་སྨིན། །སྐྱེ་དགུ་འཚོ་བར་མཛད་ལ༴
།འོག་མིན་བདེ་བ་ཅན་དང་པོ་ཏ་ལར། །ཡུམ་ཆེན་འོད་དཔག་མེད་མགོན་ཐུགས་རྗེ་ཆེས། །སྐྱེ་མེད་རྣམ་གསུམ་ཚེ་སྒྲུབ་བདུད་རྩི་བུམ། །སྙིང་རྗེ་མཁའ་ཁྱབ་སྩལ་ལ༴
།ལྕང་ལོ་ཅན་དང་ཨོ་རྒྱན་གནས་སུ་ཕེབས། །གསང་བདག་རྣལ་འབྱོར་མ་ཡིས་དབང་བསྐུར་ཞིང་། །གསང་རྒྱུད་འབར་དང་འདུ་བའི་གདམས་ངག་གནང་། །ཏིང་འཛིན་འདོད་རྒུར་སྒྱུར་ལ༴
།ཐང་ལྷ་ཤཾ་པོ་མ་དྲོས་པ་ལ་སོགས། །མཐུ་ལྡན་ཆེ་དགུས་སྲོག་གི་སྙིང་པོ་ཕུལ། །དབང་བསྐུར་དམ་བཏགས་བསྟན་པ་སྲུང་བར་བསྐོས། །ཧེ་རུ་ཀ་དཔལ་མཆོག་ལ༴
།སློབ་མ་དབུས་གཙང་ཁམས་གསུམ་ས་གཞི་ལ། །རྨེའུ་སྟོན་དྲི་མེད་ཤེས་རབ་སྡོང་པོ་སྐྱེས། །གཡོར་པོ་རྒྱ་མོ་ཕན་སེམས་ཡལ་ག་བརྐྱངས། །དངུལ་སྟོན་རིན་དབང་སྙིང་རྗེའི་ལོ་འདབ་རྒྱས།
།ལ་སྟོད་དཀོན་མཁར་བྱམས་པའི་མེ་ཏོག་བཀྲ། །ཞང་སྒོམ་ཆོས་སེང་འོད་གསལ་སྙིང་པོ་ལྕི། །རྨོག་ལྕོག་སྒྱུ་ལུས་རྨི་ལམ་འབྲས་བུ་སྨིན། །བླ་མ་ཌཱ་ཀིས་ལུང་བསྟན་རང་མཉམ་གྱི།
།སློབ་མའི་མཐར་ཐུག་དྲུག་གིས་གཙོར་མཛད་པའི། །ཚོགས་པའི་མཐར་ཐུག་ཁྲི་ཕྲག་བཅོ་བརྒྱད་ལ། །ལོ་གྲངས་དུ་མར་ཆོས་བསྟན་སྨིན་མཛད་ནས། །སྐུ་ཚེའི་མཐར་ཐུག་བརྒྱ་དང་ལྔ་བཅུའི་མཐར།
།རྒྱལ་ཆེན་སྡེ་བཞི་དྲི་ཟའི་རྒྱལ་པོ་སོགས། །འཇིག་རྟེན་ཆེ་དགུས་མྱ་ངན་མི་འདའ་བར། །གསོལ་བཏབ་གྱུར་ལ་ཐུགས་རྗེས་བརྩེར་དགོངས་ནས། །ཆོས་གསུང་ལུང་བསྟན་མཛད་ལ༴
།འོད་དཔག་མེད་པས་བདེ་ཆེན་ཞིང་བཀོད་བསྟན། །ཁྱོད་ནི་སྐྱེ་མཐའི་བྱང་ཆུབ་སེམས་དཔའ་སྟེ། །བདེ་བ་ཅན་དུ་མངོན་པར་བྱང་ཆུབ་འགྱུར། །གང་ཞིག་ཁྱོད་ཀྱི་རྗེས་སུ་སློབ་པ་དང་།
།འོད་དཔག་མེད་པའི་མཚན་ཐོས་དེ་དག་ཀྱང་། །བདེ་བ་ཅན་དུ་རྫུ་འཕྲུལ་ཆེན་པོས་སྐྱེ། །བརྒྱུད་འཛིན་རྣམ་གསུམ་མངོན་དགའ་ལ་སོགས་སུ། བྱང་ཆུབ་ལུང་བསྟན་ཐོབ་ལ༴
།བདག་གི་བཀའ་བབས་གདམས་ངག་གནད་འདི་ལྟ། །གང་ནའང་མེད་པས་དབང་པོ་རབ་འབྲིང་ཐ། །རྣམ་སྨིན་བག་ཆགས་བར་དོར་འཚང་རྒྱ་ཞེས། །ངེས་པར་ཞལ་གྱིས་བཞེས་ལ༴
།ང་ལ་དད་རྣམས་བདེ་བ་ཅན་ཞིང་དུ། །གསོལ་བ་ཐོབ་དང་དེར་སྐྱེ་ཐེ་ཚོམ་མེད། །གསུངས་ནས་སྐུ་ལུས་བཀོད་པ་དུ་མ་བསྟན། །དབང་བཅུའི་བདག་ཉིད་ཁྱེད་ལ༴
།རྒྱུད་སྡེ་ལྔ་དང་བྱིན་རླབས་ལྷ་བཞི་སོགས། །སོ་སོའི་སྐུར་དངོས་བཞེངས་ནས་དམ་ཆོས་གསུངས། །འཇའ་འོད་རོལ་མོའི་སྒྲ་ཡིས་གནམ་ས་གང་། །མེ་ཏོག་ཆར་ཆེན་བབས་ལ༴
།ངོ་མཚར་ལྟས་བཅས་བདེ་བ་ཅན་དུ་གཤེགས། །སྐུ་དང་རིང་བསྲེལ་བཀྲ་ཤིས་འཁྱིལ་པ་སོགས། །དད་ལྡན་འདྲེན་ཕྱིར་གདུང་རིགས་དཔག་མེད་སྤྲུལ། །གྲོལ་བ་བཞི་ལྡན་ཁྱོད་ལ༴
།བདུན་ཕྲག་གསུམ་ལ་ཡ་མཚན་ལྟས་བཟང་སྤྲེལ། །མཐོང་གྲོལ་སྐུ་འབུམ་ལྷ་སྐུ་མཁའ་འགྲོ་མས། །དངོས་སུ་མཆོད་ཅིང་ཕྱོགས་བཞིར་འོད་ཟེར་ཤར། །སངས་རྒྱས་དངོས་དང་མཚུངས་ལ་གསོལ་བ་འདེབས།
།བསམ་མི་ཁྱབ་པའི་རྣམ་ཐར་རྒྱ་མཚོ་ལས། །གསོལ་འདེབས་ཆུ་ཐིགས་དད་པས་བླངས་པའི་མཐུས། །བདག་དང་འབྲེལ་བཅས་རྗེས་བཟུང་བྱིན་རློབས་ནས། །ཁྱོད་ཀྱི་རྣམ་ཐར་ཚེ་འདིར་མངོན་བྱེད་ཤོག
།རྗེ་བཙུན་ཁྱུང་པོ་བསླུ་མེད་སྐྱབས་ཀྱི་མཆོག །འགྲོ་ཀུན་སྤྱི་གཙུག་པད་ཟླའི་གདན་བཞུགས་ལ། །ཐུགས་རྗེ་རྒྱུན་ཆད་མེད་པའི་བཀའ་དྲིན་གྱིས། །མཆོག་དང་ཐུན་མོང་དངོས་གྲུབ་སྩལ་དུ་གསོལ།
Mokchokpa Rinchen Tsöndrü
༈ །མཉམ་མེད་རྨོག་ལྕོག་པ་ལ་གསོལ་བ་འདེབས་པ་ངོ་མཚར་གྱི་སྒྲ་དབྱངས་ཞེས་བྱ་བ།
དོན་གཉིས་ལྷུན་གྱིས་གྲུབ་པ་རྒྱལ་བའི་སྲས། །ཡེ་ཤེས་ཌཱ་ཀིས་ལུང་བསྟན་རྩོད་མེད་ཀྱི། །གྲུབ་པའི་དབང་ཕྱུག་དཔལ་ལྡན་རྨོག་ལྕོག་པ། །རིན་ཆེན་བརྩོན་འགྲུས་ཞབས་ལ་གསོལ་བ་འདེབས།
།ཤངས་ཀྱི་ལྷ་ཕུར་ཤེའུའི་རིགས་སུ་འཁྲུངས། །ཆོས་སྒོར་ཞུགས་ནས་བླ་མ་ཚུལ་བཞིན་བསྟེན། །སྒྲོ་འདོགས་ཆོད་ནས་ཉམས་སུ་བཞེས་པ་ཡིས། །ངེས་ཤེས་ཐག་ཆོད་འཁྲུངས་ལ༴
།ཐོས་པ་སྣུམ་དྲེད་ཁྱེར་བའི་གང་ཟག་གིས། །རྐྱེན་བྱས་གདམས་ངག་ཚོལ་བར་དམ་བཅས་ཏེ། །ཁམས་པ་ཨ་སེང་སྤྱན་སྔར་རྒྱུད་རྒྱལ་གྱི། །བསྐྱེད་རྫོགས་ཟབ་མོ་གསན་ལ༴
།བུར་སྒོམ་ཞབས་ལས་རྗེ་བཙུན་རས་ཆུང་པའི། །བསྐྱེད་རྫོགས་ཞུས་ནས་སྒྲུབ་ལ་གཞོལ་བའི་ཚེ། །དགྲ་ལ་རྟགས་བསྟན་རྗེ་བཙུན་རྣལ་འབྱོར་མའི། །ཞལ་གཟིགས་ཏིང་འཛིན་བརྙེས་ལ༴
།དཀོན་མཁར་གཡོར་པོ་རྡོ་རྗེ་རྒྱལ་སོགས་ལས། །ཕར་ཕྱིན་གཙོར་གྱུར་གཞུང་གདམས་དུ་མ་གསན། །ཁྱད་པར་གྲུབ་ཆེན་ཁྱུང་པོས་རྗེས་སུ་བཟུང་། །མཉེས་པ་དགུ་ཕྲུགས་བསྒྲུབས་ལ༴
།གསེར་གྱི་ཡོན་ཕུལ་རྩ་བའི་བླ་མ་བཞིའི། །གདམས་ངག་ལྷག་མ་མེད་པར་གནང་ནས་ཀྱང་། །ཆིག་བརྒྱུད་བཀའ་བབས་རྟག་ཏུ་བླ་མའི་སྐུ། །རྒྱུད་སྡེའི་ལྷ་རུ་གཟིགས་ལ༴
།སྒྱུ་མ་ལྟ་བུའི་ཏིང་འཛིན་མངོན་དུ་གྱུར། །གཅིག་ཤེས་ཀུན་གྲོལ་མཁྱེན་རབ་རྩལ་ཁ་རྒྱས། །གདུག་པའི་འབྱུང་པོ་མཐའ་དག་བཏུལ་ནས་ཀྱང་། །འགྲོ་མང་བདེར་བཀོད་མཛད་ལ༴
།མི་འཁྲུགས་པ་དང་ཡེ་ཤེས་ཌཱ་ཀི་གཉིས། །ཨིནྡྲ་བོ་དྷི་རྡོ་རྗེ་རྣལ་འབྱོར་མ། །ཁྱད་པར་ཧེ་རུ་ཀ་ཡི་ཞལ་གཟིགས་ཤིང་། །ཟབ་རྒྱས་དམ་ཆོས་གསན་ལ༴
།མཉམ་མེད་དྭགས་པོའི་སྤྱན་སྔར་བྱོན་པའི་ཚེ། །སྐྱེ་བ་དུ་མའི་བུ་གསུངས་དགྱེས་བརྩེར་མཛད། །གཅེར་མཐོང་ཆོས་སྐུ་རྗེན་པར་ངོ་སྤྲད་པས། །རྟོགས་གྲོལ་དུས་མཉམ་གྱུར་ལ༴
།ཕྱག་རྒྱ་ཆེན་པོའི་བཀའ་བབས་བརྒྱུད་པ་གཏད། །ཏིང་འཛིན་རྩལ་རྫོགས་དེ་ནས་ཇི་སྲིད་བར། །ཚེ་འདིའི་རྣམ་རྟོག་སྐྱེ་བར་མ་མྱོང་གསུངས། །སྲིད་ཐའི་བྱང་སེམས་ཁྱོད་ལ༴
།རྨོག་ལྕོག་བྲག་ཏུ་ལོ་གྲངས་བཅུ་གཉིས་པར། །མི་ཟས་སྤངས་ནས་རྩེ་གཅིག་སྒྲུབ་པའི་ཚེ། །མི་གཡོ་ལྷ་བཞི་ཡེ་ཤེས་མགོན་པོ་དང་། །ཌཱ་ཀི་དངོས་སུ་བྱོན་ལ༴
།ཤངས་པའི་དུས་མཆོད་མཛད་ཚེ་བླ་མ་དང་། །འོད་དཔག་མེད་བྱོན་དབུ་མའི་བདུད་རྩི་གནང་། །རྡུལ་གཅིག་སྟེང་ན་རྡུལ་སྙེད་སངས་རྒྱས་ཀྱི། །ཞིང་ཁམས་མངོན་སུམ་གཟིགས་ལ༴
།ཟད་པར་ཟིལ་གནོན་གཞན་གྱིས་མཐོང་བར་སྤྲུལ། །ནམ་མཁར་སྐྱིལ་ཀྲུང་བཞུགས་པས་སྐལ་ལྡན་རྣམས། །དད་ཅིང་རྗེས་བཟུང་གདུལ་བྱ་དཔག་མེད་འདུས། །ཀུན་ཀྱང་སྨིན་གྲོལ་མཛད་ལ༴
།མཚན་དང་གསུང་ཐོས་བཞུགས་གནས་མཇལ་བ་དང་། །དད་ཅིང་མོས་པ་ཙམ་གྱིས་ཏིང་ངེ་འཛིན། །རྒྱུད་ལ་སྐྱེས་ནས་གྲོལ་བ་ཚད་མེད་བྱུང་། །འབྲེལ་ཚད་དོན་ལྡན་ཁྱོད་ལ༴
།དབང་བསྐུར་མཛད་ཚེ་སྐུ་ཡི་གནས་ལྔ་དང་། །རྡུལ་ཚོན་དཀྱིལ་འཁོར་རྒྱུད་སྡེ་ལྔ་ཡི་ལྷར། །དངོས་སུ་གྱུར་པ་སྐལ་ལྡན་ཀུན་གྱིས་མཐོང་། །བྱིན་རླབས་འབྱུང་གནས་ཁྱོད་ལ༴
།བདེ་ལྡན་ཞིང་ནས་རྒྱལ་བའི་རིམ་གྲོ་པ། །སྤྱན་འདྲེན་ཕེབས་ཀྱང་ཞལ་བཞེས་མ་གནང་བར། །ལོ་གསུམ་བརྟན་བཞུགས་ཆོས་ཀྱི་འཁོར་ལོ་བསྐོར། །བུ་སློབ་སྐྱོང་བར་མཛད་ལ༴
།ང་ནི་འདི་ནས་ཤར་ཕྱོགས་མངོན་དགའི་ཞིང་། །འོད་འཕྲོ་ཅན་དུ་མངོན་པར་སངས་རྒྱས་ནས། །ཐེག་ཆེན་འབའ་ཞིག་སྟོན་པར་འགྱུར་རོ་ཞེས། །སེང་གེའི་སྒྲ་ཆེན་བསྒྲགས་ལ༴
།བརྒྱུད་འཛིན་ཐམས་ཅད་ཞིང་དེར་གསོལ་བ་ཐོབ། །རྣམ་དག་ཞིང་མཆོག་དེ་རུ་སྐྱེའོ་གསུངས། །ངོ་མཚར་ཆོ་འཕྲུལ་དཔག་ཏུ་མེད་པ་བསྟན། །འོད་འཕྲོའི་ཞིང་དུ་གཤེགས་ལ༴
།སླར་ཡང་རྫུ་འཕྲུལ་འོད་ཀྱི་ལམ་ལ་བྱོན། །བརྒྱུད་པའི་དབང་ཞུ་འགྲོ་བའི་མགོན་ལ་བཀོན། །ཤེས་རབ་རས་པར་རིགས་བརྒྱུད་མི་འཆད་པའི། །གོ་ས་གཏད་པར་མཛད་ལ་གསོལ་བ་འདེབས།
།ཆོས་ཀྱི་རྒྱལ་པོ་རྗེ་བཙུན་རྨོག་ལྕོག་པ། །གསོལ་བ་འདེབས་ལ་ཐུགས་རྗེས་བརྩེར་དགོངས་ཏེ། །སྐུ་གསུང་ཐུགས་ཀྱིས་བྱིན་གྱིས་བརླབས་པ་དང་། །འོད་འཕྲོ་ཅན་གྱི་ཞིང་དུ་འདྲེན་དུ་གསོལ།
Öntön Kyergangpa
༈ །དབོན་སྟོན་སྐྱེར་སྒང་པ་ཆེན་པོ་ལ་གསོལ་བ་འདེབས་པ་དད་པའི་སྒྲ་དབྱངས་ཞེས་བྱ་བ།
བྱམས་པའི་སྤྲིན་ཆེན་འོད་གསལ་མཁའ་ལ་འཁྲིགས། །སྙིང་རྗེའི་ཆར་རྒྱུན་གདུལ་བྱའི་ཞིང་སར་འབེབས། །གྲུབ་གཉིས་འབྲས་བུ་སྨིན་མཛད་སྐྱེར་སྒང་པ། ཆོས་ཀྱི་སིངྒེ་ཞབས་ལ༴
།འཕགས་པའི་ཡུལ་དུ་ཤེས་རབ་གོ་ཆ་སོགས། །ཡོངས་སུ་གྲགས་དང་སྦས་པའི་རྣལ་འབྱོར་པ། །དུ་མར་སྤྲུལ་ནས་གདུལ་བྱ་དཔག་མེད་འདུལ། ཐུགས་རྗེའི་མངའ་བདག་ཁྱེད་ལ༴
།ཙཱི་ནའི་ཡུལ་དུ་ལོག་སྤྱོད་ཆོས་ལ་བཀོད། །ཕྲ་མེན་སྤྲེའུར་རང་གི་རིགས་མཐུན་གྱིས། །རྒྱུ་འབྲས་སྟོང་ཉིད་སྙིང་རྗེའི་ཆོས་བསྟན་མཛད། །གང་འདུལ་སྤྲུལ་པ་འགྱེད་ལ༴
།སྐྱེ་བ་ཀུན་ཏུ་སྤྱན་རས་གཟིགས་དབང་གིས། །རྗེས་སུ་བཟུང་ནས་དོན་གཉིས་ལྷུན་གྱིས་གྲུབ། །གངས་ལྗོངས་འདིར་ཡང་སྣ་ཚོགས་སྤྲུལ་པའི་སྐུས། འཕགས་པའི་ཕྲིན་ལས་བསྒྲུབས་ལ༴
།དབུ་རུར་འགྲོ་བའི་མགོན་འཁྲུངས་སྐྱེར་སྒང་དུ། །ཀུན་མཁྱེན་འབལ་ལས་རང་བྱུང་མདོ་ཕྱོགས་དང་། །ཀླུ་སྦུགས་རྣམས་སུ་གྲུབ་ཐོབ་ལྕེ་སྒོམ་ལས། །འཕགས་པའི་སྨིན་གྲོལ་གསན་ལ༴
།མི་ལོ་ཕྱེད་བཞིར་དཀའ་སྤྱད་དྲག་པོ་ཡིས། །སྒྲུབ་པ་མཛད་པས་ཐུགས་རྗེ་ཆེན་པོ་དང་། །གཤིན་རྗེ་གཤེད་པོས་ཞལ་བསྟན་བྱིན་གྱིས་བརླབས། །རྟག་ཏུ་འབྲལ་བ་མེད་ལ༴
།ཚ་སྒོམ་སྤེན་ཕུག་པ་ལས་རས་ཆུང་དང་། །ཇོ་བོ་བརྒྱུད་པའི་གདམས་ངག་རྫོགས་པར་གསན། །རྐྱེན་ལ་བརྟེན་ནས་རང་སེམས་ཆོས་ཀྱི་སྐུ། །སྐྱེ་མེད་མངོན་སུམ་རྟོགས་ལ༴
།རྗེ་བཙུན་རྨོག་ལྕོག་པ་དང་མཇལ་བའི་ཚེ། །ཡེ་ཤེས་མགོན་པོས་བསུ་ཞིང་བྲན་དུ་ཁོལ། །ཆིག་བརྒྱུད་བཀའ་གཏད་སྣང་།བའི་བདེན་འཛིན་ཞིག །ཏིང་འཛིན་རྩལ་ཆེན་རྫོགས་ལ༴
།སྤྱན་རས་གཟིགས་ཀྱིས་དམ་ཆོས་རྟག་ཏུ་སྩལ། །རྒྱུད་སྡེ་ལྔ་ཡིས་མན་ངག་ཟབ་དོན་གནང་། །གྲུབ་ཐོབ་ཌཱ་ཀི་དུ་མས་གདམས་པ་དང་། །རྗེས་སུ་བསྟན་པར་མཛད་ལ༴
།སྐྱེར་སྒང་ཆོས་ཀྱི་གདན་སར་ཕེབས་པའི་ཚེ། །ཡེ་ཤེས་མགོན་པོའི་འཁོར་རྣམས་དངོས་སུ་འོང་། །བླ་མའི་གདན་སར་མཆོད་འབུལ་སྐྱེལ་པ་ཡི། །ཞབས་ཏོག་གུས་པས་བསྒྲུབས་ལ༴
།མངོན་པར་ཤེས་པས་རིས་མེད་འགྲོ་བ་འདུལ། །ཝ་རུ་ཎ་ཡིས་ཀླུ་ཡི་ནོར་བུ་ཕུལ། །འཁོར་གསུམ་ཡོངས་སུ་དག་པ་ལན་གསུམ་གྱིས། །བླ་མ་མཉེས་པ་བསྒྲུབས་ལ༴
།ཨོ་རྒྱན་གནས་སུ་པདྨ་ཐོད་ཕྲེང་ལས། །དབང་ཆེན་རྟ་མགྲིན་དབང་དང་སྒྲུབ་ཐབས་གསན། །པདྨའི་བཀའ་བཞིན་སྙེ་མོ་ཞུ་ཡས་ལས། །གདམས་ངག་རྫོགས་པར་མཛད་ལ༴
།ཌཱ་ཀི་སྤྲིན་ལྟར་འདུ་བའི་ཞང་སྒོམ་སོགས། །གྲུབ་ཐོབ་རྣམས་ཀྱི་གདམས་པའི་ཟབ་བཅུད་བཞེས། །ཏིང་འཛིན་གཟུངས་ཆུ་ཙམ་གྱིས་ཉམ་ཐག་པའི། །འགྲོ་བ་དཔག་མེད་སྐྱོང་ལ༴
།བཅུ་གཅིག་ཞལ་གྱི་འོད་ཟེར་འཕྲོ་འདུ་ཡིས། །རང་གཞན་ནད་གདོན་སྒྲིབ་དག་ཏིང་འཛིན་སྐྱེས། །དམ་པས་ཞི་བྱེད་དགྱེས་རྡོར་ཡབ་ཡུམ་གྱིས། །དབྱངས་གསལ་བཤགས་པ་བསྟན་ལ༴
།སྙིགས་དུས་ཁྱེད་ཀྱིས་བསྟན་པའི་སྒྲུབ་ལུགས་འདི། །དར་ཞིང་ཞལ་མཐོང་བརྒྱུད་མར་འབྱུང་ངོ་ཞེས། །ཐུགས་རྗེ་ཆེན་པོས་གདུལ་བྱ་འདུལ་བར་བསྐུལ། །འགྲོ་དོན་ནམ་མཁའ་མཉམ་ལ༴
།འདི་ནས་བདེ་ཅན་ཞིང་དུ་བརྫུས་ཏེ་འཁྲུངས། །རྒྱལ་ལས་ཆོས་གསན་སླར་ཡང་ཨོ་རྒྱན་དུ། །སྔགས་ཀྱི་སྤྱོད་པས་རྡོ་རྗེ་འཛིན་གྱི་སར། །འགྲོ་མང་བཀོད་པར་མཛད་ལ༴
།དེ་ནས་མངོན་དགའི་ཞིང་དུ་མི་བསྐྱོད་དྲུང་། །ཚངས་སྤྱོད་མཐར་ཕྱིན་བེཌཱུརྱ་སྣང་གི །འཇིག་རྟེན་ཁམས་སུ་མངོན་པར་སངས་རྒྱས་ནས། །བརྒྱུད་འཛིན་ཞིང་དེར་འདྲེན་ལ༴
།དེ་བཞིན་གཤེགས་པ་དྲི་མེད་ནམ་མཁའི་དཔལ། །སྐུ་ཚེ་ལོ་སྟོང་འདུས་པ་འབུམ་ཕྲག་དགུ །དམ་ཆོས་ལྔ་ཁྲི་དྲུག་སྟོང་གནས་འགྱུར་ཞེས། །མི་འཇིགས་ཞལ་གྱིས་བཞེས་ལ༴
།ཁོ་བོ་མཐོང་ཐོས་དྲན་རེག་དོན་དང་ལྡན། །གསོལ་བ་འདེབས་རྣམས་ཤར་ཕྱོགས་དག་པའི་ཞིང་། །སར་གནས་སེམས་དཔའ་འབའ་ཞིག་འགྱུར་ཅེས་གསུངས། །ཆོས་དབྱིངས་སྙོམས་པར་ཞུགས་ལ་གསོལ་བ་འདེབས།
།སྤྱན་རས་གཟིགས་དངོས་དབོན་སྟོན་ཐུགས་རྗེ་ཅན། །བདག་སོགས་ལས་ངན་གྱུར་པའི་གདུལ་བྱ་རྣམས། །ཐུགས་རྗེའི་ལྕགས་ཀྱུས་མྱུར་དུ་བཟུང་ནས་ཀྱང་། །རང་གཞན་དོན་གཉིས་འགྲུབ་པར་བྱིན་གྱིས་རློབས།
Sangyé Nyentön
༈ སངས་རྒྱས་གཉན་སྟོན་ཆེན་པོ་ལ་གསོལ་བ་འདེབས་པ་བྱིན་རླབས་ཀྱི་སྒྲ་དབྱངས་ཞེས་བྱ་བ།
ལེགས་པའི་ཡོན་ཏན་མ་ལུས་རབ་ཏུ་རྫོགས། །རྡོ་རྗེ་འཆང་དབང་བཤེས་གཉེན་གཟུགས་སུ་སྟོན། །སྦས་པའི་སངས་རྒྱས་གཉེན་སྟོན་རི་གོང་པ། །ཆོས་ཀྱི་ཤེས་རབ་ཞབས་ལ༴
།ཡོལ་མདར་སཱ་ལ་ལྟ་བུའི་རིགས་སུ་འཁྲུངས། །རང་བྱུང་མ་བཅོས་ཞེན་བྲལ་བློ་དང་ལྡན། །ལུས་དང་ལོངས་སྤྱོད་གང་ལའང་མ་ཆགས་པར། །སྦྱིན་པའི་ཕར་ཕྱིན་རྫོགས་ལ༴
།ངེས་འབྱུང་དྲག་པོས་བསྟན་ལ་རབ་ཏུ་བྱུང་། །ཆོས་འདུལ་དབུ་ཚད་ཕར་ཕྱིན་མཁས་པར་སྦྱངས། །ལྷག་པའི་བསླབ་པ་སྤྱན་གྱི་འབྲས་ལྟར་བསྲུངས། །ཚུལ་ཁྲིམས་ཕར་ཕྱིན་རྫོགས་ལ༴
།ནད་གདོན་རྐྱེན་ངན་དག་ལ་མི་ཞུམ་པར། །དམ་ཆོས་ཕྱིར་དུ་དཀའ་བ་ཆེན་པོ་སྤྱད། །གནོད་ལན་ཀུན་ཀྱང་ཕན་པས་བླན་པ་ཡི། །བཟོད་པའི་ཕར་ཕྱིན་རྫོགས་ལ༴
།ཐོས་པའི་སྒྲོན་མེས་ཕྱི་ཡི་སྒྲོ་འདོགས་བཅད། །བསམ་བྱུང་ཤེས་རབ་ནན་ཏན་དཔག་མེད་མཛད། །ཡེངས་མེད་བསྒྲུབས་པས་འབྲས་བུ་མངོན་དུ་གྱུར། །བརྩོན་འགྲུས་ཕར་ཕྱིན་རྫོགས་ལ༴
།དབོན་སྟོན་ཐུགས་རྗེ་ཆེན་པོས་རྗེས་སུ་བཟུང་། །ཆིག་བརྒྱུད་མཁའ་འགྲོའི་གསང་ཚིག་རྫོགས་པར་གནང་། །སྣང་གྲགས་ཆོས་ཀུན་བདེན་མེད་འཇའ་ལྟར་གཟིགས། །སྒྱུ་མ་རང་ཤར་འཁྲུངས་ལ༴
།དགྱེས་རྡོར་ཕག་མོ་སྤྱན་རས་གཟིགས་དབང་དང་། །ཨཱརྱ་ཏཱ་རེས་ཆོས་ཀྱི་བདུད་རྩི་སྩལ། །ཁྱད་པར་སུ་ཁ་སིདྡྷིས་ངོ་སྤྲད་པས། །རྟོགས་པ་ནམ་མཁའ་མཉམ་ལ༴
།ཡེ་ཤེས་མགོན་པོས་བཀའ་བཞིན་ཕྲིན་ལས་སྒྲུབ། །བ་རུ་ཎ་ཡིས་བྲན་དང་འབངས་སུ་བྱས། །སྣང་སྲིད་ལྷ་འདྲེ་ཆེ་དགུས་དབང་ཞུས་ཏེ། །དེ་དག་ཆོས་སུ་བཀོད་ལ༴
།ཉིན་མཚན་སྒྱུ་མ་རྨི་ལམ་ལྷ་ཡི་སྐུ། །རང་ཤར་བདེ་སྟོང་གཉིས་མེད་ཡེ་ཤེས་དང་། །འདིར་སྣང་འཁྲུལ་པའི་རྟོག་པ་ཡོངས་སུ་ནུབ། །བསམ་གཏན་ཕར་ཕྱིན་རྫོགས་ལ༴
།དུར་ཁྲོད་ནག་པོའི་བཀའ་བཞིན་ལ་སྟོད་པ། །འཕགས་པའི་ཡུལ་ནས་རྫུ་འཕྲུལ་སྟོབས་ཀྱིས་ཕེབས། །འཆི་མེད་འཁྲུལ་འཁོར་གསན་པས་གསང་བའི་བགེགས། །དབྱིངས་སུ་གྲོལ་བར་བསྟན་ལ༴
།བླ་མའི་བཀའ་བཞིན་རི་གོང་དབེན་གནས་སུ། །སྦས་པའི་རྣལ་འབྱོར་ཚུལ་གྱིས་སྐལ་ལྡན་རྣམས། །རྗེས་བཟུང་ཕྱོགས་བཅུའི་རྒྱལ་བའི་ཞིང་ཁམས་ཉུལ། །ས་བཅུའི་དབང་ཕྱུག་ཁྱེད་ལ༴
།གྲུབ་ཆེན་བརྒྱད་ཅུ་ལ་སོགས་དངོས་སུ་བྱོན། །ཞག་གསུམ་བཞུགས་ནས་དབང་དང་དམ་ཆོས་གནང་། །ལུང་བསྟན་གསུང་ཞིང་མཁའ་ལ་གྱ་གྱུར་གཤེགས། །རྒྱལ་སྲས་ཐུ་བོ་ཁྱེད་ལ༴
།སྐྱེ་མེད་དགོངས་པ་མཉམ་རྗེས་ཁོར་ཡུག་དང་། །ཆོས་རྣམས་མ་འདྲེས་ཆུ་ཟླ་ལྟ་བུར་གཟིགས། །དབང་ཐོབ་མངོན་པར་ཤེས་པ་དྲུག་པོ་འཆང་། །ཤེས་རབ་ཕར་ཕྱིན་རྫོགས་ལ༴
།ཐོག་མངའ་བཅུ་གསུམ་སྐུ་ལ་བབས་པའི་ཚེ། །གནམ་ལྕགས་འབར་པ་མེ་ཏོག་རྒྱན་བཞིན་གྱུར། །ཌཱ་ཀིའི་སུན་མ་བཟློག་ནས་རྡོ་རྗེའི་སྐུར། །བྱིན་རླབས་གདུལ་བྱ་འདུལ་ལ༴
།ལྷ་མོ་གནོད་སྦྱིན་དག་གིས་བསྐུལ་བ་བཞིན། །བཟོ་རྒྱུ་བསྡོགས་ཚེ་ཡེ་ཤེས་མགོན་པོ་ཡི། །སྤྲུལ་པས་བཞེངས་ནས་དེ་ལ་དངོས་སུ་ཐིམ། །རང་བྱོན་མགོན་པོ་བསྐྲུན་ལ༴
།རྡོ་རྗེ་འཆང་ཆེན་ཁྱོད་ལ་ཚད་མེད་ཀྱི། །མོས་གུས་སྐྱེས་པ་དེ་ནི་མངོན་འཚང་རྒྱ། །བདག་ཀྱང་ཕྱི་བཞིན་བྱིན་གྱིས་རློབ་བོ་ཞེས། །སུ་ཁས་མངོན་སུམ་གསུངས་ལ༴
།ཁྱེད་ཉིད་གང་གིས་མཐོང་ཐོས་དྲན་པས་ཀྱང་། །དེ་དག་ནམ་ཡང་ལོག་པར་མི་ལྟུང་ཞིང་། །གདུལ་བྱའི་སྲས་སུ་སྐྱེ་བར་བླ་མ་ལྷས། །ལུང་བསྟན་ཡང་ཡང་མཛད་ལ་གསོལ་བ་འདེབས།
།ཞིང་འདིའི་གདུལ་བྱ་རེ་ཞིག་རྫོགས་པའི་ཚེ། །ཤར་ཕྱོགས་མེ་ཏོག་བཀྲམ་པའི་ཞིང་དུ་གཤེགས། །རྒྱལ་བ་པདྨོའི་དཔལ་དུ་སངས་རྒྱས་ནས། །ཆོས་ཀྱི་འཁོར་ལོ་བསྐོར་ལ་གསོལ་བ་འདེབས།
།འཇིག་རྟེན་མཁྱེན་པ་རྒྱལ་བ་གཉན་སྟོན་པས། །སྒྲིབ་མེད་སངས་རྒྱས་སྤྱན་གྱིས་འདིར་གཟིགས་ལ། །ལས་ངན་ལུས་ངན་གནས་ངན་འཁྱམས་པ་ཡི། །བདག་སོགས་སེམས་ཅན་སྨིན་གྲོལ་མཛད་དུ་གསོལ།
Sangyé Tönpa
༈ །འགྲོ་མགོན་ཆོས་རྗེ་སྟོན་པ་ལ་གསོལ་བ་འདེབས་པ་སེང་གེའི་སྒྲ་དབྱངས་ཞེས་བྱ་བ།
ཡིད་བཞིན་ནོར་བུ་ལྟ་བུར་དགོས་འདོད་འབྱུང་། །མཚན་ཐོས་ཙམ་གྱིས་ངན་འགྲོའི་འཇིགས་ལས་སྐྱོབ། །འགྲོ་བའི་མགོན་པོ་སྟོན་པ་ཆོས་ཀྱི་རྗེ། །བརྩོན་འགྲུས་སེང་གེའི་ཞབས་ལ་གསོལ་བ་འདེབས།
།ཡ་ངལ་དཀར་པོ་གཤེན་བོན་གྲུབ་པའི་བརྒྱུད། །མཁའ་རེག་རྩ་ཡི་སིལ་མར་མཚན་དཔེ་གསལ། །སྤྱོད་ལམ་ཀུན་ཏུ་ཆོས་ཀྱི་སྣང་བ་མཆེད། །སྔོན་སྦྱངས་བག་ཆགས་སད་ལ༴
།དགུང་ལོ་དགུ་པར་མ་གཅིག་སྤྲུལ་པའི་སྐུ། །བྱོན་ནས་གཅོད་ཀྱི་ཆོས་དབང་སེམས་ལ་བསྐུར། །ཞལ་གདམས་ཆིག་བརྒྱུད་གནང་ཞིང་ལུང་བསྟན་མཛད། །མཁའ་འགྲོའི་སྲས་གཅིག་གྱུར་ལ༴
།འཁོར་བ་བཙོན་ཁང་དམྱལ་མེའི་འོབ་ལྟར་གཟིགས། །དགོས་མེད་སྐྱོ་ཤས་དྲག་པོས་རབ་ཏུ་བྱུང་། །ཡོངས་འཛིན་དུ་མ་བསྟེན་ནས་མདོ་རྒྱུད་སྦྱངས། །སྨྲ་བའི་སེང་གེར་གྱུར་ལ༴
།གྲུབ་ཐོབ་བཟང་ཡུལ་པ་ཡི་ཞལ་སྔ་ནས། །གྲུབ་པའི་རྒྱལ་མོས་བརྒྱུད་པ་བདུན་པ་རུ། །ཚེ་དཔག་མེད་སྤྲུལ་འབྱུང་བར་ལུང་བསྟན་པར། །ངོས་བཟུང་ཆིག་བརྒྱུད་གནང་ལ༴
།སངས་རྒྱས་གཉན་སྟོན་སྤྱན་སྔར་བྱོན་པའི་ཚེ། །དཔའ་བོ་ཌཱ་ཀི་དུ་མས་བསུ་བ་མཛད། །ཆོས་འབྲེལ་ཐོག་མ་ལུས་གསུམ་གདམས་ངག་གནང་། །བླ་མ་སངས་རྒྱས་མཐོང་ལ༴
།སྒྱུ་མ་རྨི་ལམ་སྦྱང་སྤྲུལ་སྤེལ་བ་རྣམས། །དུས་གཅིག་གྲུབ་ནས་ཏིང་འཛིན་རྩལ་ཆེན་རྫོགས། །སྣང་བའི་བདེན་འཛིན་མཐའ་དག་ཧྲུལ་གྱིས་འཇིག །འཁྲུལ་ཞིག་ཆེན་པོ་ཁྱོད་ལ༴
།རྡོ་རྗེ་འཆང་ནས་རིན་ཆེན་བརྒྱུད་པ་ཡིས། །རིམ་པར་ལུང་བསྟན་དེ་དག་གདུལ་བྱ་ཀུན། །ཁྱེད་ཀྱིས་འདུལ་ཞེས་སྙན་བརྒྱུད་གསེར་ཆོས་བཀའ། །ཡོངས་རྫོགས་སྐལ་ལྡན་གྱུར་ལ༴
།ཉིན་མོ་བློ་འདས་བརྗོད་བྲལ་ཕྱག་རྒྱ་ཆེ། །མཚན་སྣང་མཚན་ཉིད་སུམ་ལྡན་ལྷུན་གྲུབ་ཀྱི། །འོད་གསལ་རང་ཤར་ཟུང་འཇུག་རང་བཞིན་འཆར། །རྒྱལ་བ་སྐུ་གསུམ་རྫོགས་ལ༴
།སྐུ་ལ་གྲིབ་མ་མི་མངའ་སེམས་ཅན་གྱི། །བསམ་རྒྱུད་སྐྱེ་བ་དུས་གསུམ་ས་ལེར་མཁྱེན། །དགོངས་པ་གཏད་པས་མཛེ་གདོན་གཅོང་ནད་སོགས། །མོད་ལ་ཞི་བར་མཛད་དེར༴
།དབང་བསྐུར་དུས་སུ་དཔའ་བོ་མཁའ་འགྲོ་ཡིས། །དཀྱིལ་འཁོར་བཞེངས་ཤིང་སོ་སོའི་སྐུ་རུ་བསྟན། །མཚན་ཐོས་ལམ་ཞུགས་ཞལ་མཇལ་ཙམ་གྱིས་ཀྱང་། །ཏིང་འཛིན་མཆོག་སྐྱེད་མཛད་ལ༴
བསམ་གཏན་བྲག་ཏུ་མཁའ་འགྲོ་ནི་གུ་མས། །མུ་ཏིག་ཕྲེང་བ་བརྒྱ་རྩ་བརྒྱད་གནང་སྟེ། །སྦས་པའི་གྲུབ་ཐོབ་དེ་མཚུངས་འབྱུང་བ་ཡིས། །ལུང་བཞིན་སྨིན་གྲོལ་མཛད་ལ༴
།བླ་མའི་བཀའ་བཞིན་དབང་པོ་མཆོག་དམན་དང་། །བཟང་ངན་རྒན་གཞོན་ཕྱོགས་དང་རིས་མེད་པར། །ཉམས་ཁྲིད་ཐེགས་པས་མཚན་གྱི་སྙན་པ་ནི། །རྒྱ་མཚོའི་ཕ་མཐར་ཁྱབ་ལ༴
ཛམ་བུའི་གླིང་གི་ཡུལ་ཆེན་དྲུག་པོ་དང་། །གླིང་ཕྲན་ཚུན་ཆད་གྲུབ་ཐོབ་སློབ་མས་ཁྱབ། །སྐལ་ལྡན་འབུམ་ཕྲག་དུ་མ་སྨིན་མཛད་པའི། །རྣམ་ཐར་བསམ་མི་ཁྱབ་ལ༴
།རིགས་དྲུག་ཁྱབ་བདག་ཡབ་ཡུམ་ལུང་བསྟན་ལྟར། །རིན་ཆེན་བདུན་པའི་ཕྲེང་བར་བྱོན་ནས་ཀྱང་། །རྡོ་རྗེའི་རྒྱ་བཀྲོལ་ཐུབ་བསྟན་ཇི་སྲིད་བར། །ཐར་པའི་ཁ་ལོ་བསྒྱུར་ལ༴
།རྟག་འཛིན་ཅན་རྣམས་ལོངས་མེད་བསྐུལ་བའི་སླད། །འགྲོ་དོན་མཐར་ཕྱིན་འཇའ་འོད་མེ་ཏོག་ཆར། །ས་གཡོ་སྤོས་ངད་བཅས་ཏེ་ཤར་ཕྱོགས་ཞིང་། །མེ་ཏོག་བཀྲམ་པར་གཤེགས་ལ༴
།ལྷ་མིའི་མཆོད་པའི་རྟེན་དུ་ངོ་མཚར་བའི། །གདུང་རིགས་ལྷ་སྐུ་རིང་བསྲེལ་དཔག་མེད་སྤྲུལ། །སྲིད་མཐའི་བར་དུ་དད་ལྡན་བསོད་ནམས་ཞིང་། །མི་ཉམས་རྒྱས་པར་མཛད་ལ་གསོལ་བ་འདེབས།
།ས་གསུམ་འགྲན་ཟླ་བྲལ་བ་ཆོས་ཀྱི་རྗེ། །དག་པའི་ཞིང་ནས་ཡེ་ཤེས་སྤྱན་གྱིས་གཟིགས། །གསོལ་འདེབས་བུ་ལ་ཐུགས་རྗེའི་ཤུགས་བསྐྱེད་ལ། །ཚེ་གཅིག་མངོན་འཚང་རྒྱ་བར་བྱིན་གྱིས་རློབས།
Tsangma Shangtön
༈ །མཁས་གྲུབ་གཙང་མ་ཤངས་སྟོན་ལ་གསོལ་བ་འདེབས་པ་དཔལ་གྱི་སྒྲ་དབྱངས་ཞེས་བྱ་བ།
མཚན་དཔེའི་མེ་ཏོག་བསླབ་གསུམ་དྲི་ངད་འཕྲོ། མཁྱེན་བརྩེའི་ཟེའུ་འབྲུ་དྲི་མེད་མཛེས་པའི་སྐུ། །མཐོང་ཐོས་དྲན་པས་གདུང་སེལ་ཤངས་སྟོན་པ། །མཁས་གྲུབ་ཆོས་རྗེའི་ཞབས་ལ་གསོལ་བ་འདེབས།
།དལ་འབྱོར་སྡོང་པོ་ཚུལ་ཁྲིམས་ལོ་འདབ་རྒྱས། །ཐོས་བསམ་གཞི་བརྟན་ཏིང་འཛིན་པདྨོ་འཛུམ། །ཉམས་རྟོགས་འབྲས་བུའི་རོ་བཅུད་གཡུར་དུ་ཟ། །གཙང་མ་ཤངས་སྟོན་ཞབས་ལ༴
།ཤངས་ཀྱི་ཡུལ་དང་རྭ་རིགས་ཡབ་ཡུམ་ལ། །བཀྲ་ཤིས་དགེ་བའི་ལྟས་བཅས་སྐུ་འཁྲུངས་ནས། །ངེས་འབྱུང་མོས་གུས་སྙིང་རྗེ་ཚད་མེད་པས། །བྱིས་པའི་སྤྱོད་ལས་འདས་ལ༴
།རྙོགས་པ་མེད་པའི་ཚུལ་ཁྲིམས་རྒྱལ་མཚན་འཛིན། །བསླབ་པ་ཕྲ་མོ་དག་ཀྱང་སྲོག་བཞིན་བསྲུང་། །འཆད་རྩོད་རྩོམ་ལ་འགྲན་པའི་ཟླ་དང་བྲལ། །ཐོས་བསམ་རྒྱ་ཆེར་མཛད་ལ༴
།ལོངས་སྤྱོད་མཐའ་དག་ཆོས་ཀྱི་ཕྱོགས་སུ་བཏང་། །ཀྱལ་ཀའི་ཕྱིར་ཡང་བླ་མའི་གསུང་མི་གཅོག །ཚེ་འདིའི་འདུན་གྲོས་ཐམས་ཅད་ལིངས་ཀྱིས་བོར། །རྩེ་གཅིག་སྒྲུབ་པར་གཞོལ་ལ༴
།རི་གོང་ཆོས་རྗེ་སངས་རྒྱས་སྟོན་པའི་ཞལ། །མཐོང་བ་ཙམ་གྱིས་བཅོས་མིན་མོས་གུས་དང་། །ཏིང་འཛིན་མཆོག་སྐྱེས་བདུན་ཕྲག་ཞག་གི་ཁོངས། །ཆོས་དྲུག་ཡོན་ཏན་རྫོགས་ལ༴
ཆིག་བརྒྱུད་བདུད་རྩི་ཐོག་མར་གསོལ་བ་ཡི། །སྐལ་ལྡན་ལུང་བསྟན་འཁོར་གྱི་དང་པོ་ཞེས། །འགྲན་ཟླ་བྲལ་བའི་ཐུགས་སྲས་དམ་པར་མཛད། །མཁས་གྲུབ་རྩོད་མེད་གྱུར་ལ༴
།འདི་དང་ཕྱི་མར་འགྲོ་དོན་དཔག་མེད་འབྱུང་། །བདེ་བ་ཅན་དུ་བཅུ་བཞིའི་ས་ཐོབ་ཅིང་། །བརྒྱུད་འཛིན་དང་བཅས་དག་པ་མཁའ་སྤྱོད་དུ། །འགྲོ་བའི་ལུང་བསྟན་བརྙེས་ལ༴
།རྡོ་རྗེ་ཕག་མོས་དབང་བཞིའི་ངོ་སྤྲོད་སྩལ། །ཨ་ཏིའི་ཁྲིད་གསན་ལྟ་སྟངས་བཅས་མ་ཐག །རིག་པ་ཚད་ཕེབ་འོད་གསལ་རྒྱ་འབྱམས་ཤར། །འཁྲུལ་སྣང་དབྱིངས་སུ་ནུབ་ལ༴
།བགེགས་སྐྱོན་མཐའ་དག་བདེ་བ་ཆེན་པོར་གྲོལ། །ཕྱི་ནང་སྣང་སྲིད་དག་པ་རབ་འབྱམས་གཟིགས། །སྒྲོལ་མས་བྱིན་བརླབས་མཉམ་རྗེས་འཁོར་ཡུག་འདྲེས། །ཌཱ་ཀི་དངོས་སུ་འདུ་ལ༴
།ཕྱིར་མི་ལྡོག་པའི་རྟགས་ཀུན་གསལ་བར་མངའ། །སྐུ་ལ་འབུ་སྲིན་དྲི་མེད་གཟི་མདངས་ལྡན། །ཞལ་རས་མཐོང་བ་ཙམ་གྱིས་སྣང་བ་འགྱུར། །ཐུགས་རྗེ་ཆེ་དངོས་ཁྱེད་ལ༴
།ནད་གདོན་མཐའ་དག་ཞལ་ཆབ་ཙམ་གྱིས་སེལ། །མཐོང་ཐོས་འབྲེལ་བའི་དད་ལྡན་རིས་མེད་ལ། །སྒྱུ་མ་འོད་གསལ་ལ་སོགས་ཏིང་ངེ་འཛིན། །ཚེགས་མེད་འཆར་བར་མཛད་ལ༴
།ཡོན་ཏན་མ་ལུས་སྦས་པའི་ཚུལ་དུ་བཞུགས། །བཞུགས་གདན་ན་བཟའ་ཕྲུགས་གཅིག་མ་གཏོགས་པ། །བདག་གིར་བཟུང་བའི་ཡོ་བྱད་ཀུན་སྤངས་ལ། ཞེན་ལོག་མཐར་ཕྱིན་ཁྱེད་ལ༴
།འགྲོ་དོན་རྒྱ་ཆེར་མཛད་ནས་ཌཱ་ཀི་ཡི། །བསུ་བ་མཁའ་དབྱིངས་ཁྱབ་སོགས་ངོ་མཚར་བའི། །ཆོ་འཕྲུལ་བསྟན་ནས་དག་པའི་ཞིང་དུ་གཤེགས། སྐུ་གདུང་རྒྱས་པར་མཛད་ལ་གསོལ་བ་འདེབས།
།དཔལ་ལྡན་བླ་མའི་ཐུགས་རྗེའི་ལྕགས་ཀྱུ་ཡིས། །བདག་སོགས་འཁོར་བའི་འདམ་ལས་མྱུར་དྲངས་ཏེ། །ཚེ་འདིར་བསམ་དོན་ཆོས་བཞིན་འགྲུབ་པ་དང་། །ཕྱི་མར་སྐུ་གསུམ་གོ་འཕང་ཐོབ་མཛད་གསོལ།
Samdingpa Shönu Drup
༈ །མཁས་གྲུབ་བསམ་སྡིངས་པ་གཞོན་ནུ་གྲུབ་ལ་གསོལ་བ་འདེབས་པ་སྙན་པའི་སྒྲ་དབྱངས་ཞེས་བྱ་བ།
དྲི་མེད་རྣམ་ཐར་འགྱུར་མེད་རྟོགས་པའི་མཆོག །གཡེལ་མེད་ཐུགས་རྗེ་ཐོགས་མེད་མངོན་པར་ཤེས། །དོན་ལྡན་ཕྲིན་ལས་བདག་ཉིད་བསམ་སྡིངས་པ། །གཞོན་ནུ་གྲུབ་མཆོག་ཞབས་ལ་གསོལ་བ་འདེབས།
།བསྔགས་འོད་ཡོན་ཏན་བརྒྱ་ལྡན་ཉང་སྨད་དུ། །ཁྱིམ་བདག་དྲྭ་མར་མཁའ་འགྲོའི་ལྷུམས་སུ་ཞུགས། །བལྟམས་ནས་དགུང་ལོ་བཞི་པར་གྲུབ་པའི་གནས། །གཟིགས་ཚེ་ཏིང་འཛིན་བརྙེས་ལ༴
།སྣར་ཐང་ཆོས་གྲྭར་མཆིམས་ལས་རབ་ཏུ་བྱུང་། །མདོ་རྒྱུད་བསྟན་བཅོས་མན་ངག་ཀུན་ལ་སྦྱངས། །བཙུན་མཁས་ཤེས་རབ་ཟབ་མོའི་ཕ་རོལ་ཕྱིན། །རྣམ་སྤྱོད་འགྲན་ཟླ་བྲལ་ལ༴
།འཁོར་དང་ལོངས་སྤྱོད་ཚེ་འདིའི་དཔལ་འབྱོར་ཀུན། །མཆིལ་མའི་ཐལ་བ་ལྟ་བུར་རིང་དུ་བོར། །དཀའ་ཐུབ་དྲག་པོས་དགེ་སྦྱོར་དཔག་མེད་མཛད། །བྱ་བཏང་རྒྱལ་པོ་ཁྱེད་ལ༴
།མཚན་ལྡན་མཁས་གྲུབ་བརྒྱད་ཅུ་རྩ་གསུམ་བསྟེན། །ཐུགས་ཡིད་གཅིག་འདྲེས་ཐུགས་བཅུད་རྫོགས་པར་བཞེས། །ཀུན་གྱིས་གཟེངས་བསྟོད་ལུང་བསྟན་རྗེས་གནང་ཐོབ། །རྒྱལ་ཚབ་དབང་བརྙེས་གྱུར་ལ༴
།སངས་རྒྱས་སྟོན་པའི་དྲུང་དུ་ཕེབས་པའི་ལམ། །གསོལ་བ་བཏབ་པས་སྒྱུ་ལུས་རྨི་ལམ་གྱི། །ཏིང་འཛིན་རང་འཁྲུངས་ཞལ་རས་མཐོང་ཙམ་གྱིས། །རྟོག་ཚོགས་ཆོས་སྐུར་གྲོལ་ལ༴
།ཆིག་བརྒྱུད་ཐོག་དྲངས་ཟབ་ཆོས་མ་ལུས་པ། །བུམ་པ་གང་བྱོར་སྩལ་ཏེ་ང་ཡིས་ཆོས། །བདག་པོར་འཕྲོད་པས་འགྲོ་དོན་མཛོད་ཅིག་ཅེས། །གནང་བ་ལན་གསུམ་ཐོབ་ལ༴
།བཟོད་མེད་སྙིང་རྗེས་རང་བདེ་རིང་སྤངས་ནས། །ཡེངས་མེད་བརྩོན་པས་ཆོས་སྐུའི་ངང་དུ་འབྱམས། །འཁྲུལ་པའི་སྣང་བ་ནམ་ཡང་མི་མངའ་བ། །འོད་གསལ་ཁོར་ཡུག་གྱུར་ལ༴
།རྫོགས་པ་ཆེ་དང་གསུང་ངག་རིན་པོ་ཆེའི། །དགོངས་ཉམས་མཐར་ཕྱིན་སངས་རྒྱས་ཞིང་ཁམས་དང་། །འགྲོ་དྲུག་གནས་རྣམས་མ་བསྒྲིབས་ས་ལེར་གཟིགས། །ཡེ་ཤེས་སྤྱན་དང་ལྡན་ལ༴
།གཉན་ཁྲོད་དུ་མར་ལུས་སྲོག་ཐེད་ལ་བོར། །སྟོང་ཉིད་སྙིང་རྗེའི་བརྟུལ་ཞུགས་རླབས་ཆེན་གྱིས། །རང་སྣང་དབང་འདུས་གཞན་སྣང་ཟིལ་གྱིས་མནན། །སྤྱོད་ཡུལ་མཐར་ཕྱིན་ཁྱེད་ལ༴
།བླ་མའི་སྤྱན་སྔར་སྨོན་ལམ་མཛད་པའི་ཚེ། །བཀའ་བརྒྱུད་བླ་མ་བྱོན་ནས་བྱིན་གྱིས་བརླབས། །སྣང་སེམས་སྐུ་དང་ཞིང་ཁམས་ཡེ་ཤེས་ལས། །ནམ་ཡང་གཡོ་བ་མེད་ལ༴
།མཐོང་ཐོས་དྲན་རེག་གདུལ་བྱ་ཚད་མེད་པ། །ཐར་པའི་གྲོང་དུ་བཀོད་ནས་ངོ་མཚར་ལྟས། །བསམ་མི་ཁྱབ་བཅས་བདེ་བ་ཅན་དུ་གཤེགས། །རྣམ་འཕྲུལ་མཁའ་མཉམ་བསྟན་ལ༴
།ཆོས་ཀྱི་རྒྱལ་པོ་མཁས་གྲུབ་རིན་པོ་ཆེ། །དག་པའི་ཞིང་ནས་བརྩེ་བས་གཟིགས་མཛོད་ལ། །འགྲོ་ཀུན་སྲིད་པའི་མྱ་ངན་ལས་བསྒྲལ་ཞིང་། །སྒྲུབ་བརྒྱུད་བསྟན་པ་རྒྱས་པའི་དགེ་ལེགས་སྩོལ།
Jakchen Gyeltsen Bum
༈ །མཁས་བཙུན་འཇག་ཆེན་རྒྱལ་མཚན་འབུམ་ལ་གསོལ་བ་འདེབས་པ་རྣམ་གྲོལ་སྒྲ་དབྱངས་ཞེས་བྱ་བ།
སྨོན་ལམ་རྒྱ་མཚོ་དྲི་མེད་གཏིང་མཐའ་བྲལ། །རྨད་བྱུང་ཡོན་ཏན་རིན་ཆེན་གཏེར་གྱིས་གང་། །མཁས་བཙུན་སངས་རྒྱས་དཔལ་ལྡན་འཇག་ཆེན་པ། །རྒྱལ་མཚན་འབུམ་པའི་ཞབས་ལ་གསོལ་བ་འདེབས།
།གྲུབ་རིགས་ཐིག་ལེ་སྤྲུལ་པའི་སྐུ་རུ་བསྟན། །མ་བསླབ་ཡི་གེ་རང་བརྡོལ་བློ་རྩལ་རྒྱས། །གཟིགས་པ་ཙམ་གྱིས་ཆོས་ཀུན་ཐུགས་ལ་འཁྲུངས། །གང་འདུལ་སྒྱུ་འཕྲུལ་སྟོན་ལ༴
།བསླབ་གཞི་ཀུན་བླངས་སྤང་བྱ་མཐའ་དག་སྤངས། །ངེས་འབྱུང་ཚུལ་ཁྲིམས་འཆལ་མེད་ཕ་རོལ་སོན། །ཐོས་པའི་བདུད་རྩི་ངོམས་པ་མེད་པར་གསོལ། །འཆད་མཁས་གྲགས་པས་ཁྱབ་ལ༴
།རྒྱུན་གཅོད་མཛད་ཚེ་མཁའ་འགྲོས་བྱིན་གྱིས་བརླབས། །བཏུང་བ་ཕལ་པ་རོ་ལྡན་བདུད་རྩིར་གྱུར། །ནག་པོ་ཆེན་པོས་ཞལ་བསྟན་བར་ཆད་བསལ། །རང་བཞིན་རྣལ་འབྱོར་གྱུར་ལ༴
།གཙང་མ་ཤངས་སྟོན་ཆེན་པོས་རྗེས་སུ་བཟུང་། །ཆོས་དང་བཀའ་ལུང་མཐའ་དག་རྫོགས་པར་སྩལ། །ཉམས་རྟོགས་ངེས་ཤེས་དབྱར་གྱི་ལྗོངས་ལྟར་འཁྲུངས། །རྒྱལ་བའི་གདུང་འཛིན་ཁྱེད་ལ༴
།གཉན་ཁྲོད་དུ་མར་སྤྱོད་ཡུལ་མཐར་ཕྱིན་མཛད། །དབེན་པ་རྣམས་སུ་ཡེངས་མེད་སྒྲུབ་ལ་བརྩོན། །བླ་མ་ཡི་དམ་རྣམས་ཀྱིས་ཞལ་བསྟན་ཅིང་། །ཌཱ་ཀིའི་ལུང་བསྟན་ཐོབ་ལ༴
།འོད་གསལ་མདངས་ལས་འཁོར་འདས་ཞིང་ཀུན་གཟིགས། །བླ་མ་རིན་ཆེན་སྣ་ལྔའི་དབང་ཞུ་དང་། །དཔེ་རྣམས་སྩལ་ནས་སྙན་བརྒྱུད་བདག་པོར་བསྐོས། །འགྲོ་དོན་རྗེས་སུ་གནང་༴
།ཞལ་མཐོང་ཙམ་གྱིས་གཞན་སྣང་འགྱུར་བ་དང་། །དགོངས་པ་གཏད་པས་ནད་གདོན་མཐའ་དག་ཞི། །ཆོས་འདོད་ཙམ་ལ་ཏིང་འཛིན་སྐྱེད་པར་ནུས། །སྣང་སེམས་དབང་དུ་མཛད་ལ༴
།ལན་རེ་ཡི་དམ་ལྷ་ཡི་སྐུ་རུ་བཞེངས། །སྐབས་སུ་དཔའ་བོ་ཌཱ་ཀིས་ཞབས་ཏོག་སྒྲུབ། །འབྱུང་པོ་ཆེ་དགུས་འདུད་ཅིང་ཅི་བཅོལ་ཉན། །གྲུབ་པའི་སྤྱི་རྗེ་ཁྱོད་ལ༴
།རྩ་གསུམ་གནང་བ་ཇི་བཞིན་གདམས་ངག་རྣམས། །ཡི་གེར་བཀོད་པས་ཐུབ་བསྟན་ཇི་སྲིད་པར། །སྒྲུབ་བརྒྱུད་སྙིང་པོ་རྒྱུན་མི་ཆད་མཛད་པ། །བཀའ་དྲིན་བསམ་ལས་འདས་ལ༴
།སྐལ་ལྡན་བྱེ་བ་སྙེད་ཀྱི་དོན་མཛད་ནས། །སྐུ་ལུས་བཀོད་པ་དུ་མས་ཆོས་བསྟན་སོགས། །བདེ་ལྡན་ཞིང་དུ་ཆོ་འཕྲུལ་ཆེན་པོས་གཤེགས། །རིང་བསྲེལ་དཔག་མེད་སྤྲུལ་ལ་གསོལ་བ་འདེབས།
།རྨུ་རྒོད་བདག་སོགས་སྙིགས་མར་ཆུད་པ་རྣམས། །མཁས་བཙུན་སངས་རྒྱས་ཆེན་པོས་བྱིན་རློབས་ལ། །རང་སེམས་ཆོས་སྐུ་མངོན་སུམ་རྟོགས་པ་དང་། །བསམ་དོན་ཆོས་བཞིན་འགྲུབ་པར་མཛད་དུ་གསོལ།
།དེ་ནས་འཇག་བསམ་གཉིས་ཀྱི་གདན་སློབ་བརྒྱུད་པ་ནི་མཐའ་ཡས་པས་འབྲི་བར་རྔོ་མི་ཐོགས་ཀྱང་རང་ལུགས་བརྒྱུད་པར་ཤིན་ཏུ་གལ་ཆེ་བ་ནི།
Khyungpo Tsültrim Gönpo
།ཁྱུང་པོ་ཚུལ་ཁྲིམས་མགོན་པོ་ལ་གསོལ་བ་འདེབས་པ་པདྨའི་སྒྲ་དབྱངས་ཞེས་བྱ་བ།
སྤྲོས་བྲལ་མཁའ་ལ་ཐུགས་རྗེའི་དཀྱིལ་འཁོར་རྒྱས། །བྱིན་རླབས་འོད་ཀྱིས་སྐྱེ་དགུའི་མུན་པ་སེལ། །ཡེ་ཤེས་སྣང་བ་བསྐྱེད་མཛད་སྤྲུལ་པའི་སྐུ། །ཚུལ་ཁྲིམས་མགོན་པོའི་ཞབས་ལ་གསོལ་བ་འདེབས།
།སྐྱེ་འགགས་གནས་བྲལ་ཆོས་སྐུའི་མཁའ་དབྱིངས་ལས། །ངེས་པ་ལྔ་ལྡན་ལོངས་སྤྱོད་སྤྲིན་དུ་སྣང་། །སྣ་ཚོགས་གང་འདུལ་སྤྲུལ་པའི་སྒྱུ་འཕྲུལ་གྱིས། །མཁའ་ཁྱབ་གདུལ་བྱ་འདུལ་ལ༴
།སྲིད་པའི་རྩ་བ་བྱང་ཆུབ་སྙིང་པོར་བཅད། །ཞིང་ཁམས་རྒྱ་མཚོར་རྒྱལ་བའི་ཕྲིན་ལས་ཀྱིས། །ཡོངས་སུ་ཁྱབ་ཀྱང་ཁྱད་པར་དག་པའི་ཞིང་། །བདེ་བ་ཅན་དུ་བཞུགས་ལ༴
།གཞན་སྣང་རྒྱལ་སྲས་སྙིང་སྟོབས་ཆེན་པོ་ཡི། །ངང་ཚུལ་བཟུང་ནས་རྒྱལ་བའི་ཆོས་འཛིན་ཅིང་། །ཞིང་ཁམས་ཡོངས་སྦྱོང་འགྲོ་མང་སྨིན་པ་སོགས། །རྣམ་ཐར་བསམ་མི་ཁྱབ་ལ༴
།རྙོགས་པ་ལྔ་དང་ལྡན་པའི་འཇིག་རྟེན་ལ། །སྙིང་རྗེའི་སྟོབས་ཅན་ལྷག་པར་བརྩེ་བས་ན། །མི་མཇེད་འཛམ་གླིང་བྱང་ཕྱོགས་བསིལ་ལྡན་དུ། །བསམ་བཞིན་སྲིད་པར་རོལ་ལ༴
།སྤང་རྟོགས་ཕ་མཐར་སོན་པས་རང་གི་དོན། །ཆེད་དུ་བྱ་བ་རྡུལ་ཙམ་མ་དམིགས་ཀྱང་། །གདུལ་བྱ་ཐར་པའི་ལམ་དུ་དཀྲི་བའི་ཕྱིར། །བསྟན་པར་རིམ་འཇུག་མཛད་ལ༴
།གསང་གསུམ་རྡུལ་བྲལ་གསེར་གྱི་ལྷུན་པོ་ལ། །ཆོས་ཀྱི་བླ་གོས་ཐུན་མཚམས་དམར་འོད་འཁྱུད། །ལྷག་པའི་བསླབ་པ་ཉི་ཟླའི་དཀྱིལ་འཁོར་གྱིས། །ཁམས་གསུམ་མུན་པ་སེལ་ལ༴
།ཐོས་པའི་ཆུ་གཏེར་མཁྱེན་རབ་ནོར་བུས་གཏམས། །རྨད་བྱུང་བསམ་པའི་རླབས་ཕྲེང་ཀུན་ཏུ་གཡོ། །སྒོམ་པ་རིན་ཆེན་རི་དབང་ལྷུན་མཐོ་བས། །གླིང་བཞིའི་རྒྱན་དུ་གྱུར་ལ༴
།གཙང་མ་ཤངས་སྟོན་ཚུལ་ཁྲིམས་འབུམ་པའི་ཞབས། །བསྙེན་པའི་ཚུལ་མཛད་སྙན་བརྒྱུད་བདུད་རྩིས་བཅུད། །ཐུགས་སུ་བསྐྱིལ་ནས་སྒོམ་པའི་རོ་མྱང་བས། །རྟོགས་གྲོལ་དུས་མཉམ་གྱུར་ལ༴
།སངས་རྒྱས་བྱང་སེམས་རྣམས་ཀྱིས་ལུང་བསྟན་ཅིང་། །གྲུབ་པ་རྣལ་འབྱོར་ཡོངས་ཀྱི་བྱིན་གྱིས་བརླབས། །གནས་གསུམ་མཁའ་འགྲོའི་ཚོགས་ཀྱི་རྗེ་བོ་མཛད། །གདུལ་བཞིའི་ཆོ་འཕྲུལ་སྟོན་ལ༴
།རྡུལ་གཅིག་སྟེང་ན་རྡུལ་སྙེད་ཞིང་ཁམས་གཟིགས། །དེ་སྙེད་རྣམས་སུ་རྣམ་འཕྲུལ་མཐའ་ཡས་སྤྲོ། །རང་རང་སྐད་དུ་ཆོས་སྒོ་བསམ་ཡས་སྟོན། །སངས་རྒྱས་ཕྲིན་ལས་མཛད་ལ༴
།རྒྱལ་འཕགས་རྣམས་དང་བཀའ་ཡི་བགྲོ་བ་མཛད། །མཆོག་གྲུབ་རྣམས་དང་ཉམས་ཀྱི་གླེང་མོ་འཆད། །མཁའ་འགྲོ་རྣམས་དང་གསང་བའི་བརྟུལ་ཞུགས་སྤྱོད། །ངོ་མཚར་བསམ་མི་ཁྱབ་ལ༴
།མཐོང་ཐོས་དྲན་དང་ཆ་ཤས་རེག་པ་ཡང་། །རྣམ་གྲོལ་གཏན་གྱི་བདེ་བར་དབུགས་དབྱུང་སྩལ། །མི་མིན་མི་སྲུན་གདུག་པའི་སེམས་ཞི་ནས། །བྱང་སེམས་མྱུ་གུ་བསྐྲུན་ལ༴
།འཕགས་བོད་མཁས་བཙུན་གྲུབ་པ་མ་ལུས་པའི། །རྣམ་ཐར་སྙིང་པོ་གཅིག་ཏུ་བསྡུས་པ་བཞིན། །འཇིག་རྟེན་གསུམ་ན་འགྲན་གྱི་ཟླ་མེད་པས། །ཁྱུང་པོ་གསུམ་པར་གྲགས་ལ༴
།སྐལ་ལྡན་རྣམས་ལ་གསང་བའི་མཛོད་ཁང་སྩལ། །བདེ་ལྡན་ཞིང་དུ་ཆོ་འཕྲུལ་ཆེན་པོས་གཤེགས། །སླར་ཡང་བསམ་མི་ཁྱབ་པའི་རྣམ་རོལ་གྱིས། །གདུལ་བྱ་འདུལ་བར་མཛད་ལ་གསོལ་བ་འདེབས།
།བདག་སོགས་སྐྱེ་དགུའི་ལུས་ངག་ཡིད་གསུམ་ལ། །གསང་བ་གསུམ་གྱི་བྱིན་རླབས་རབ་ཞུགས་ཏེ། །མི་ཟད་རྒྱུན་གྱི་འཁོར་ལོའི་རྣམ་ཐར་སྤྲིན། །ཆོས་དབྱིངས་ཀུན་ཁྱབ་ཁྱོད་དང་མཚུངས་པར་ཤོག
Ritrö Rechen Sangyé Sengé
༈ །བྱ་བྲལ་རི་ཁྲོད་རས་ཆེན་ལ་གསོལ་བ་འདེབས་པ་གསང་བའི་སྒྲ་དབྱངས་ཞེས་བྱ་བ།
གངས་དཀར་ཁྲོད་དུ་གདོང་ལྔའི་དབང་པོ་བཞིན། །བས་མཐའ་དབེན་པའི་གནས་སུ་ལྟོས་མེད་བཞིས། །བསྙེངས་བྲལ་བརྟུལ་ཞུགས་སྤྱོད་པའི་བྱ་བྲལ་བ། །རི་ཁྲོད་རས་ཆེན་ཞབས་ལ་གསོལ་བ་འདེབས།
།སྙིང་པོའི་རིགས་མཆོག་ཡོངས་སུ་སད་པ་ལས། །འདིར་སྣང་བདེ་འབྱོར་རྨི་ལམ་རྒྱལ་སྲིད་ལ། །ཆུ་ཤིང་ལྟ་བུར་སྙིང་པོ་མེད་གཟིགས་ནས། །དལ་འབྱོར་དོན་ཡོད་མཛད་ལ༴
།འཁོར་བའི་གནས་རིས་མཐོ་དམན་གང་དུ་ཡང་། །སྡུག་བསྔལ་རང་བཞིན་ཤ་བཙོན་ཁང་བུ་ལྟར། །ལྟར་སྣང་བདེ་བའང་སྡུག་བསྔལ་རྒྱུར་གཟིགས་ནས། །ངེས་འབྱུང་ཁོང་ནས་བརྡོལ་ལ༴
།ལྷ་མིའི་དབང་ཕྱུག་མཆོག་གི་དཔལ་འབྱོར་ཡང་། །མི་རྟག་འགྱུར་བ་གློག་གི་གར་མཁན་བཞིན། །ཕ་རོལ་རྗེས་འབྲངས་ཏིལ་ཙམ་མེད་གཟིགས་ནས། །ཞེན་ལོག་མཐའ་རུ་ཕྱིན་ལ༴
།རྙེད་བཀུར་གྲགས་སོགས་ཆོས་བརྒྱད་བསླུ་བྲིད་རྣམས། །སྲིན་མོའི་གླིང་བཞིན་ཐར་པའི་སྲོག་གཅོད་དུ། །མཁྱེན་ནས་རྨི་ལམ་དུ་ཡང་དོར་མཛད་པས། །འཁོར་བར་ཕྱི་ཕྱག་འཚལ་ལ༴
།ཆེད་དུ་བཅོས་དང་གཞན་གྱིས་བསྐུལ་མིན་པར། །མཆོག་ལ་དད་གུས་དམན་ལ་སྙིང་རྗེའི་ཤུགས། །འཕེལ་འགྲིབ་མི་མངའ་དུས་མཐའི་མེ་བཞིན་འབར། །རྒྱལ་སྲས་སེམས་དཔའ་ཆེན་པོར༴
།བཤེས་གཉེན་བསྟེན་སོགས་ཆོས་བཞིན་བསྒྲུབ་པའི་བློ། པདྨོའི་མཚོ་ལ་ངང་མོ་འཇུག་པ་བཞིན། །སྐྱེས་བུ་དམ་པའི་རྣམ་ཐར་ཡོངས་རྫོགས་པས། །དགོངས་སྤྱོད་དྲི་མ་མེད་ལ༴
།ཁྱད་པར་ཁྱུང་པོ་གསུམ་པའི་ཞབས་པདྨོ། །མི་ཕྱེད་གུས་པས་གཙུག་གི་རྒྱན་དུ་བཀོད། །མཉེས་པ་རྣམ་དགུའི་ཟབ་གསང་བཅུད་ནོས་ཏེ། །རྒྱལ་བའི་གདུང་འཛིན་གྱུར་ལ༴
།མཆོག་གི་ཙཎྜ་ལཱི་ཡི་གཟི་བརྗིད་འབར། །འཁོར་འདས་ཆོས་ཀུན་སྒྱུ་མའི་ལུས་སུ་རྟོགས། །འོད་གསལ་ཕྱག་རྒྱ་ཆེན་པོར་སྙོམས་པར་འཇུག །ཉིད་འཁྲུལ་ལྷ་སྐུར་ཤར་ལ༴
།འགྱུར་མེད་བདེ་དང་སྟོང་པའི་རོས་མྱོས་ཏེ། །སྣང་སྲིད་ཟིལ་གནོན་བརྟུལ་ཞུགས་གར་བརྒྱ་ཡིས། །འཁྲུལ་པའི་སྣང་བ་དབྱིངས་སུ་བཅིལ་མཛད་པས། །སྐལ་ལྡན་སྤྲོ་བ་བསྐྱེད་ལ༴
།སྙིགས་དུས་ཆོས་མིན་རྣམ་དཔྱོད་བདུད་རིས་ཀྱི། །སྡོང་ཟླར་བཅས་པས་འགྲོ་མང་བསླུས་གཟིགས་ནས། །ཆོས་ལྟར་བཅོས་པའི་གཞན་དབང་མ་ཤོར་བར། །ཡང་དག་ཆོས་མཐར་ཕྱིན་ལ༴
།དྭངས་མའི་སྐུ་ལ་རས་དཀར་བླ་གོས་འཁྱུད། །དོ་ཧའི་གླུ་དབྱངས་དཔལ་གྱི་མགུར་ནས་ལེན། །དགོངས་པའི་དྲོད་གཏད་ལས་ཅན་ཤེས་རྒྱུད་དུ། །རྡོ་རྗེའི་ཡེ་ཤེས་འབེབས་ལ༴
།རྣལ་འབྱོར་དབང་ཕྱུག་ཐུགས་རྗེའི་སྟོབས་སྐྱེད་ལ། བདག་བློ་ཆོས་མིན་གཡང་ས་ལས་སྒྲོལ་ཏེ། །སྲིད་ལ་ངེས་འབྱུང་བྱང་ཆུབ་ཁང་བཟང་དུ། །ཆོས་ཀྱི་རྒྱལ་པོའི་དཔལ་བརྙེས་བྱིན་གྱིས་རློབས།
Shangkarwa Rinchen Gyeltsen
༈ །མཁྱེན་ལྡན་ཤངས་པ་དཀར་པོ་ལ་གསོལ་བ་འདེབས་པ་རྣམ་དག་སྒྲ་དབྱངས་ཞེས་བྱ་བ།
དྲི་མེད་མཁྱེན་རབ་ནམ་མཁའི་ཁྱོན་ལྟར་ཡངས། །དམིགས་མེད་བརྩེ་བའི་ཐུགས་རྗེ་གཏིང་མཐའ་བྲལ། །ཕྲིན་ལས་བསམ་མི་ཁྱབ་པའི་ཤངས་དཀར་བ། །རིན་ཆེན་རྒྱལ་མཚན་ཞབས་ལ་གསོལ་བ་འདེབས།
།རྟག་ཆད་མཐའ་ལས་རྣམ་གྲོལ་ཆོས་ཀྱི་དབྱིངས། །འགྱུར་བ་མེད་ལས་ཐུགས་རྗེ་ཆེན་པོའི་རྩལ། །མོས་པ་སྣ་ཚོགས་གཟུགས་སུ་རྣམ་འཕྲུལ་པས། །དུས་གསུམ་གདུལ་བྱ་འདུལ་ལ༴
།སྤྲིན་ཚོགས་ནམ་མཁའི་ཀློང་དུ་གཅིག་པ་བཞིན། །བརྒྱུད་འཛིན་གཟུགས་སྐུའི་རྣམ་འགྱུར་དུ་མ་ཡང་། །ཡེ་ཤེས་ཌཱ་ཀིའི་དབྱིངས་སུ་རོ་གཅིག་ཕྱིར། །བསམ་བཞིན་སྲིད་པ་བཟུང་ལ༴
།མཐོ་རིས་འབྱོར་པའི་ལང་ཚོས་མཛེས་པའི་སྐུ། །འདམ་གྱི་ཁྲོད་དུ་སྐྱེས་པའི་པདྨ་བཞིན། །སྲིད་ན་སྲིད་པའི་སྐྱོན་གྱིས་མ་གོས་པས། །ལྷར་བཅས་ངོ་མཚར་སྐྱེད་ལ༴
།རང་བཞིན་གྱིས་གྲུབ་སྤོབས་པའི་ཆུ་གཏེར་དུ། །སྦྱོར་བྱུང་ཐོས་པའི་ཆུ་ཀླུང་བྱེ་བ་སྡུད། །ཡོན་ཏན་ཀུན་གཞི་ལྷག་པའི་ཚུལ་ཁྲིམས་ཀྱི། །གྲོང་ཁྱེར་ཉམས་དགར་འཛེགས་ལ༴
།རིས་མེད་ཚད་མའི་སྐྱེས་བུའི་ཞབས་བསྟེན་ནས། །གདམས་ངག་བདུད་རྩིའི་བཅུད་གསོལ་ཁྱད་པར་དུ། །མཁའ་འགྲོའི་དབང་ཕྱུག་རི་ཁྲོད་རས་ཆེན་ལས། །དོན་བརྒྱུད་རྟོགས་པ་བརྙེས་ལ༴
།རྡོ་རྗེ་འཆང་གི་དགོངས་པའི་བཅུད་ཟབ་མོ། །ཡེ་ཤེས་མཁའ་འགྲོའི་གསང་ཚིག་མ་བསླད་པ། །ཐབས་ལམ་ཆོས་དྲུག་གྲོལ་ལམ་ཕྱག་རྒྱ་ཆེ། །བརྩོན་པས་ཉམས་སུ་བཞེས་ལ༴
།རོ་རྐྱང་ཉི་ཟླའི་བགྲོད་པ་ཀུན་འདར་མར། །བཙན་ཐབས་སྦྱོར་བས་ཡོངས་སུ་བཅིངས་ནས་སུ། །མ་དག་ལས་རླུང་ཟག་པའི་གྲོང་ཁྱེར་གྱི། །འཁྲུལ་འཁོར་བཅོམ་པར་མཛད་ལ༴
།ཞུ་བདེ་འགྱུར་བ་མེད་ལ་བརྟན་པ་ཐོབ། །སྣང་གྲགས་རྟོག་ཚོགས་ཆུ་ཟླ་ལྟ་བུར་གཟིགས། །དཔའ་བོ་རྣལ་འབྱོར་མ་དང་སྐལ་མཉམ་གྱུར། །བདེ་ཆེན་ཡེ་ཤེས་བརྙེས་ལ༴
།སྤྲིན་བྲལ་མཁའ་ལ་ཉིན་བྱེད་དབང་པོ་བཞིན། །རྣམ་དག་སེམས་ལ་ཡེ་ཤེས་ཉི་མ་ཤར། །ཇི་ལྟ་ཇི་སྙེད་མཁྱེན་པའི་སྣང་བ་རྒྱས། །ཆོས་ཉིད་བདེན་པ་གཟིགས་ལ༴
།ཆུ་ཀླུང་རྒྱུན་ཆད་མེད་པར་འབབས་པ་བཞིན། །བརྟན་ཐོབ་སེམས་ལ་མཉམ་རྗེས་རིས་མ་ཆད། །བདེ་གསལ་མི་རྟོག་འཕེལ་གྲིབ་མེད་པར་མྱོང་། །ཉམས་རྟོགས་མཐའ་རུ་ཕྱིན་ལ༴
།རི་རྒྱལ་ལྷུན་པོ་གཡོ་འགུལ་མེད་པ་བཞིན། །འཁྲུལ་རྟོག་རྐྱེན་གྱིས་ནམ་ཡང་གཡོ་བ་མེད། །གཞན་ཏུ་མི་ཚོལ་སངས་རྒྱས་རང་ལས་རྙེད། །འབྲས་བུ་མངོན་གྱུར་ཁྱེད་ལ༴
།རང་དོན་ཟུང་འཇུག་གྲུབ་པའི་རྒྱལ་སར་གཤེགས། །གཞན་དོན་གང་འདུལ་ཕྲིན་ལས་བསམ་ཡས་ཀྱིས། །སྐལ་དམན་ཚར་བཅད་སྐལ་ལྡན་རྗེས་སུ་བཟུང་། །བཀའ་བརྒྱུད་རྒྱལ་རབས་སྤེལ་ལ༴
།ཐར་པའི་ལམ་སྟོན་དགེ་བའི་བཤེས་དང་མཇལ། །ལམ་མཆོག་རྡོ་རྗེ་ཐེག་པའི་གསང་བར་སྤྱོད། །ལམ་གྱི་མངོན་རྟོགས་རྩོལ་མེད་རྒྱུད་ལ་སྐྱེས། །ལམ་གསང་མཐའ་རུ་ཕྱིན་པར་བྱིན་གྱིས་རློབས།
Sangyé Pelsang
༈ །མཉམ་མེད་སངས་རྒྱས་དཔལ་བཟང་ལ་གསོལ་བ་འདེབས་པ་བདུད་རྩིའི་སྒྲ་དབྱངས་ཞེས་བྱ་བ།
སངས་རྒྱས་བསྟན་པ་ཡོངས་ཀྱི་དཔལ་དུ་ཤར། །ཁྱད་པར་བཀའ་བརྒྱུད་བསྟན་པའི་མངའ་བདག་མཆོག །འགྲན་ཟླ་ཀུན་བྲལ་མཉམ་མེད་ལྐུགས་ལུང་པ། །སངས་རྒྱས་དཔལ་བཟང་ཞབས་ལ་གསོལ་བ་འདེབས།
།དག་པའི་སར་གནས་དབང་ཆེན་ཐོབ་པ་ཡི། །གཟུགས་སྐུའི་ཟླ་གཞོན་གདུལ་བྱའི་ཆུ་སྣོད་དུ། །རྣམ་པར་གསལ་ནས་བསྟན་དང་འགྲོ་དོན་གྱི། །སྒྱུ་འཕྲུལ་ཅི་ཡང་སྟོན་ལ༴
།སྨོན་ལམ་མཐུ་ཅན་སྲིད་བདེའི་སླུ་བྲིད་ཀྱིས། །མི་གཡེང་བཟང་པོ་སྤྱོད་པ་ཆོས་ཉིད་ཕྱིར། །དཔལ་འབྱོར་མཆིལ་མའི་ཐལ་བ་རིང་དུ་བཏང་། །གཏན་བདེའི་འདུན་མ་བརྩམས་ལ༴
།ཆོས་མིན་ཆོས་ལྟར་བཅོས་པས་སྐྱེ་བོ་རྣམས། །འཕྲལ་ཡུན་ངན་འགྲོའི་རྒྱུ་རུ་སྦྱོར་གཟིགས་ནས། །སྟོན་པའི་བསྟན་པ་ཡང་དག་སྙིང་པོའི་ཚུལ། །འཆུག་མེད་བཙལ་བར་མཛད་ལ༴
།འཇིགས་སྐྱོབ་ལེགས་སྨོན་ཙམ་མིན་ཁམས་གསུམ་ལས། །ངེས་པར་འབྱུང་བའི་ཚུལ་ཁྲིམས་ཡིད་བཞིན་ནོར། །ལྷག་བསམ་བྱང་སེམས་རྒྱལ་མཚན་རྩེར་བཀོད་པས། །ཕན་བདེའི་འབྱུང་གནས་གྱུར་ལ༴
།ཤེས་པའི་དོན་རྟོགས་ཤེས་བྱའི་ཆོས་ཀུན་མཁྱེན། །སྐྱེ་མེད་དོན་གཟིགས་འགག་མེད་བརྩེ་བ་ཤར། །ནང་གི་ལམ་བགྲོད་ཕྱི་རུ་ནུས་པའི་མཐུས། །སྣ་ཚོགས་གདུལ་བྱ་འདུལ་ལ༴
།མཁས་གྲུབ་ཀུན་ལས་མདོ་སྔགས་གདམས་པའི་བཅུད། །ངོམས་མེད་བཞེས་ཀྱང་སྔོན་འབྲེལ་བླ་མའི་མཆོག །མཁྱེན་ལྡན་ཤངས་པ་དཀར་པོས་རྗེས་བཟུང་ཞིང་། །ལས་འཕྲོ་སད་པར་མཛད་ལ༴
།སྙན་བརྒྱུད་ནོར་བུའི་མཛོད་ཆེན་རང་ནོར་བཞིན། །ལོངས་སུ་སྤྱད་པས་ཉམས་དང་རྟོགས་པའི་དཔྱིད། །དབྱར་གྱི་སྨན་ལྗོངས་ལྟ་བུར་རྒྱས་པ་ཡིས། །རིན་ཆེན་བརྒྱུད་པ་ཟིན་ལ༴
།མ་དག་རྩ་ཡི་མདུད་པ་མཐའ་དག་གྲོལ། །གཟུང་འཛིན་རྒྱུ་བ་དབུ་མའི་སྦུབས་སུ་ཐིམ། །འཕོ་བཅས་ཐིག་ལེ་འགྱུར་མེད་བདེ་བར་གྲུབ། །གྲུབ་པའི་སྤྱི་རྗེར་གྱུར་ལ༴
།བློས་བྱས་རྩོལ་བའི་འཛིན་སྟངས་དབྱིངས་སུ་ཡལ། །ཐ་མལ་ཞེན་པའི་འཁྲུལ་རྟོག་རང་སར་དག །ཅིར་སྣང་དག་པ་རབ་འབྱམས་ཆེན་པོའི་ངང་། །ཡེ་ཤེས་འཁོར་ལོར་ཤར་ལ༴
།ཀུན་རྫོབ་ལས་སྣང་སྒྱུ་མའི་དཔེ་ལྟར་གཟིགས། །དོན་དམ་ཆོས་སྐུའི་དགོངས་པ་མངོན་དུ་གྱུར། །ཟུང་འཇུག་བདེ་ཆེན་ཡེ་ཤེས་གར་གྱིས་རོལ། །བརྟན་གཡོ་བྱིན་གྱིས་བརླབས་ལ༴
།གང་འབྲེལ་བློ་སྣ་དམ་པའི་ཆོས་ལ་སྒྱུར། །སྐལ་ལྡན་ཚེ་གཅིག་སངས་རྒྱས་ས་ལ་སྐྱེལ། །མི་མིན་གདུག་པའི་སེམས་ཀྱང་ཞི་བར་མཛད། །སྣང་བ་དབང་སྒྱུར་དེ་ལ༴
།གསང་བའི་བརྟུལ་ཞུགས་ཕྱོགས་མེད་གྲུབ་པ་ཡིས། །ཕྱོགས་ལས་རྣམ་རྒྱལ་སྤྱོད་པ་མཐར་ཕྱིན་ཅིང་། །རྡོ་རྗེའི་ལམ་ནས་མི་སློབ་བཟུང་འཇུག་གི། །གོ་འཕང་མངོན་ཏུ་མཛད་ལ༴
།ཕྱི་རུ་ཆོས་བརྒྱད་འཁྲུལ་པའི་རྫུན་ཕུག་ཞིག །ནང་དུ་ཞུ་བདེ་འགྱུར་མེད་འོད་འབར་ཞིང་། །གསང་བ་བློ་བྲལ་ཆོས་སྐུ་རྗེན་པར་མཐོང་། །མཉམ་མེད་སངས་རྒྱས་རྣམ་ཐར་མྱུར་འགྲུབ་ཤོག
Namkha Gyeltsen
༈ །[[Khyungpo Tsültrim Gönpo|ཁྱུང་པོ་ཚུལ་ཁྲིམས་མགོན་པོ་]ནས་འདི་བར་བླ་མ་བཞིའི་རྣམ་ཐར་ཞིབ་པར་མ་མཇལ་བས་སྤྱི་བསྟོད་ཙམ་དུ་བགྱིས་པའོ།
།རྟོགས་ལྡན་ནམ་མཁའ་རྒྱལ་མཚན་ལ་གསོལ་བ་འདེབས་པ་ཟག་མེད་སྒྲ་དབྱངས་ཞེས་བྱ་བ།
ནམ་མཁའི་དབྱིངས་སུ་ཉི་མའི་དཀྱིལ་འཁོར་བཞིན། །གངས་ཅན་ལྗོངས་སུ་བཀའ་བརྒྱུད་རིན་པོ་ཆེའི། །བསྟན་པའི་རྒྱལ་མཚན་འཛིན་ལ་མཚུངས་བྲལ་བ། །ནམ་མཁའ་རྒྱལ་མཚན་ཞབས་ལ་གསོལ་བ་འདེབས།
།སྤྲོས་པའི་འཆིང་གྲོལ་སྲེད་ལེན་མཚམས་སྦྱོར་ནི། །གདོད་ནས་སྤངས་ཀྱང་སློབ་པའི་ལམ་རྣམས་སུ། །ཐུགས་བསྐྱེད་སྨོན་ལམ་མཐུ་ལས་གཞན་སྣང་དུ། །རྣམ་འཕྲུལ་ཅི་ཡང་སྟོན་ལ༴
།མཁས་གྲུབ་སྐྱེས་མཆོག་དུ་མ་བྱུང་བའི་ཡུལ། །སངས་རྒྱས་གཉིས་པ་པདྨས་བྱིན་བརླབས་པའི། །གནས་མཆོག་ཁྱད་འཕགས་ཤངས་ཕུའི་དགོན་གསར་དུ། །བསམ་བཞིན་སྲིད་པ་བཟུང་ལ༴
།རྣམ་དག་རྗེའུའི་རིགས་དང་ཞང་གི་རུས། །གཟིགས་པས་དགོངས་ཏེ་ལྷུམས་སུ་ཞུགས་པའི་ཚེ། །ངོ་མཚར་དགེ་མཚན་དུ་མས་ཡབ་ཡུམ་གྱི། །ལུས་སེམས་བྱིན་གྱིས་བརླབས་ལ༴
།མཛེས་སྐུ་དཔག་བསམ་གསར་པའི་མྱུ་གུ་ལ། །སྐྱེས་ཐོབ་དགེ་བའི་དྲི་བསུང་ཅི་ཡང་འཕྲོ། །མཐོ་རིས་འབྱོར་པའི་ཁོ་ལག་ཡོངས་རྫོགས་ཤིང་། །བསླབ་གསུམ་མེ་ཏོག་འཛུམ་ལ༴
།དྲན་དང་ཤེས་བཞིན་རྟག་ཏུ་བག་ཡོད་པས། །བཅས་དང་རང་བཞིན་ཁ་ན་མ་ཐོ་བའི། །ཉེས་པའི་དྲི་མས་རྡུལ་ཙམ་མ་གོས་པས། བཙུན་པའི་དཔེ་རུ་གྱུར་ལ༴
།ནགས་ཀྱི་རིན་ཆེན་ཕྱོགས་ལས་རྣམ་རྒྱལ་སོགས། །མཁས་གྲུབ་ཏུ་མའི་ཞབས་རྡུལ་སྤྱི་བོས་བསྙེན། །མོས་གུས་ཤེར་བརྩོན་ཉམས་བཞེས་ནན་ཆགས་ཀྱིས། །ཀུན་གྱི་ཐུགས་སྲས་གྱུར་ལ༴
།ཐེག་པ་གསུམ་དང་རྒྱུད་སྡེ་བཞིས་བསྡུས་པའི། །བཀའ་དང་བསྟན་བཅོས་ཚིག་དོན་ཐུགས་སུ་ཆུད། །འཆད་རྩོད་རྩོམ་ལ་མི་འཇིགས་སྤོབས་པ་བརྙེས། །འགྲན་ཟླ་ཀུན་དང་བྲལ་ལ༴
།གྲུབ་བརྙེས་སངས་རྒྱས་མཚན་ཅན་ཐུགས་ཀྱི་བཅུད། །རྫོགས་པར་བཞེས་ནས་དཀའ་བ་ཁྱད་བསད་དེ། །དབེན་པ་བསྟེན་པས་བསྐྱེད་དང་རྫོགས་པ་ཡི། །ཏིང་འཛིན་དབང་ཐོབ་གྱུར་ལ༴
།བདེ་དྲོད་རང་འབར་བྱང་སེམས་འཛག་མེད་བརྟན། །སྣང་བ་བདེན་མེད་འོད་གསལ་ཁོར་ཡུག་ཤར། །རྨི་ལམ་རྩལ་འབྱོངས་དག་པའི་ཞིང་ཀུན་བགྲོད། །སྤྱན་དང་མངོན་ཤེས་མངའ་ལ༴
།མཉམ་བཞག་འོད་གསལ་ཆོས་སྐུ་མངོན་ཏུ་གྱུར། །རྗེས་ཐོབ་རྩོལ་མེད་སྙིང་རྗེའི་ནུས་པ་ཡིས། །མི་དང་མི་མ་ཡིན་ཀུན་རྒྱུད་དུལ་ཞིང་། །སྣང་བ་དབང་དུ་སྒྱུར་ལ༴
།དུས་འཁོར་ཕག་མོ་སྤྱན་གཟིགས་ཞི་དྲག་སོགས། །ལྷག་པའི་ལྷ་ཞལ་གཞན་ལ་སྟོན་ནུས་ཤིང་། །མཁའ་འགྲོ་ཆོས་སྐྱོང་སྲུང་མ་སྤྲིན་ལྟར་དུ། །ཅི་བཅོལ་ཕྲིན་ལས་གྲུབ་ལ༴
།ཞལ་ཆབ་ཁྲུས་ཆུའི་ཟེགས་མས་ནད་གདོན་འབྱིན། །དགོངས་པ་གཏོད་པ་ཙམ་གྱིས་བར་ཆད་སེལ། །བྱ་བ་ལས་ཀྱི་འཁོར་ལོས་སངས་རྒྱས་ཀྱི། །བསྟན་པ་དར་རྒྱས་མཛད་ལ༴
།ཉིན་གཅིག་ཐོས་པས་ཡིད་ཆེས་ཁོང་ནས་ཤར། །རྣལ་འབྱོར་ཟླ་དུས་གྲུབ་ཐོབ་ལོ་དུས་ཐེབས། །ཚེ་གཅིག་སངས་རྒྱས་ཐོབ་པའི་བཤད་སྒྲུབ་ཀྱི། །སྙན་པས་ས་སྟེང་ཁྱབ་ལ༴
།མདོ་རྒྱུད་དགོངས་པ་ཐོགས་མེད་འཆད་ནུས་ཤིང་། །རིམ་གཉིས་རྩལ་རྫོགས་སྤྱན་དང་མངོན་ཤེས་སོགས། །ལུང་རྟོགས་ཡོན་ཏན་ལྡན་པའི་བུ་སློབ་ནི། །བགྲང་ཡས་བསྐྲུན་པར་མཛད་ལ༴
།ཡར་ངོའི་ཚེས་བཅུར་དྲི་བཟང་ངད་འཐུལ་ཞིང་། །སྒྲ་འོད་ལ་སོགས་ངོ་མཚར་ལྟས་དང་བཅས། །འོད་གསལ་ཆོས་ཀྱི་དབྱིངས་སུ་སྙོམས་ཞུགས་ཏེ། །སྤྲུལ་པའི་སྤྲིན་ཆེན་སྤྲོ་ལ་གསོལ་བ་འདེབས།
།དཔལ་ལྡན་བླ་མ་གང་དུ་འཚང་རྒྱ་བའི། །མངོན་དགའི་ཞིང་སྐྱེས་ཐེག་ཆེན་བདུད་རྩི་མྱང་། །མཐོང་ཐོས་དྲན་རེག་འགྲོ་བ་མ་ལུས་ཀུན། །ཞིང་དེའི་གདུལ་བྱར་ཡོངས་སུ་སྨིན་བྱེད་ཤོག
Müchen Gyeltsen Pelsang
༈ །མུས་ཆེན་རྒྱལ་མཚན་དཔལ་བཟང་ལ་གསོལ་བ་འདེབས་པ་འོད་གསལ་སྒྲ་དབྱངས་ཞེས་བྱ་བ།
ནམ་མཁའ་བཞིན་དུ་ཕྲིན་ལས་རྒྱ་ཆེ་ཞིང་། །ཉི་ཟླ་ལྟ་བུར་གྲགས་པ་རྣམ་པར་གསལ། །རྒྱ་མཚོ་ཇི་བཞིན་ཡོན་ཏན་མཐའ་དང་བྲལ། །རྒྱལ་བ་མུས་པ་ཆེན་པོར་གསོལ་བ་འདེབས།
།སྤྱན་རས་གཟིགས་དབང་འགྲོ་བའི་དོན་དུ་འཕྲུལ། །གཉགས་རིགས་གྲུབ་ཐོབ་བརྒྱུད་པའི་སྲས་སུ་འཁྲུངས། །མེ་ཏོག་ཆར་འབེབས་ས་གཞི་རྣམ་དྲུག་གཡོས། །འཇིག་རྟེན་མགོན་པོ་ཁྱེད་ལ༴
།ཁྲོ་ཕུ་སེམས་དཔའ་ཆེན་པོས་བྱིན་བརླབས་ཤིང་། །འགྲོ་བའི་དཔལ་མགོན་འགྱུར་བར་ལུང་དུ་བསྟན། །གཞོན་ནུ་ཉིད་ནས་འཕགས་པའི་རྣམ་ཐར་གྱིས། །འགྲོ་ཀུན་དགའ་བ་སྐྱེད་ལ༴
།འཇམ་དབྱངས་རིན་ཆེན་རྒྱལ་མཚན་ལ་སོགས་པ། །དམ་པ་དུ་མའི་ཞབས་རྡུལ་སྤྱི་བོར་བླངས། །རིག་པའི་གནས་དང་སྡེ་སྣོད་རྒྱུད་མན་ངག །མི་འཕྲོག་སྤོབས་པ་བརྙེས་ལ༴
།མཐའ་གོང་དཔལ་གྱི་གནས་སུ་སྒྲུབ་ལ་གཞོལ། །རིམ་གཉིས་བྱང་ཆུབ་སེམས་ལ་བརྟན་པ་ཐོབ། །ཆེ་བའི་ཡོན་ཏན་སྙན་པའི་གྲགས་པ་ཡིས། །ནོར་འཛིན་ཁྱོན་ཀུན་ཁྱབ་ལ༴
།ཧོར་གྱི་རྒྱལ་པོས་ཕོ་བྲང་ཏཱའི་ཏུར་དུ། །སྤྱན་དྲངས་འགྲོ་ཕན་བསམ་ལས་འདས་པར་མཛད། །ཆུ་དབར་སྤྲུལ་པའི་གནས་སུ་དཀའ་ཐུབ་ཀྱིས། །སྤངས་རྟོགས་མཐའ་རུ་ཕྱིན་ལ༴
།མཁས་གྲུབ་ཤངས་སྟོན་སྤྱན་སྔར་བྱོན་པའི་ཚེ། །མགོན་པོའི་ལུང་བཞིན་གདམས་ངག་ཟབ་ཆོས་རྣམས། དགྱེས་བཞིན་རྫོགས་པར་གནང་བས་གྲུབ་པ་ཡི། །གོ་འཕང་མཐོན་པོར་གཤེགས་ལ༴
།ཧོར་རྒྱལ་གན་པ་ཆེན་པོས་སྤྱན་དྲངས་ཏེ། །ཧོར་སོགས་ཡུ་གུར་མི་ཉག་ལ་སོགས་པའི། སྐད་རིགས་མི་གཅིག་སྐྱེ་བོ་མཐའ་ཡས་པ། །ཐར་པའི་གནས་སུ་བཀོད་ལ༴
།ལྷ་དབང་ཀླུ་དབང་མི་དབང་འཁོར་དང་བཅས། །མཁས་དང་གྲུབ་པ་ཡོངས་ཀྱིས་མགྲིན་གཅིག་བརྒྱུད། །རྐང་གཉིས་གཙོ་བོ་འཇིག་རྟེན་གསུམ་པོ་ཡི། །གཙུག་གི་ནོར་བུར་གྱུར་ལ༴
།སྤྱན་རས་གཟིགས་སོགས་རྒྱལ་བ་སྲས་བཅས་ཀྱིས། །མདུན་བདར་སྣང་མཐའི་སྤྱན་སྔར་བྱོན་པའི་ཚེ། །གངས་ཅན་བདེ་ལེགས་རྫོགས་ལྡན་བཞིན་ཏུ་རྒྱས། །ཐུགས་རྗེ་ཆེན་པོ་ཁྱེད་ལ༴
།གཉགས་སྟོན་ཆོས་རྗེ་རྒྱལ་མཚན་དཔལ་བཟང་པོས། །མོས་པའི་བུ་ལ་བརྩེ་བས་རབ་དགོངས་ཏེ། །བདག་དང་བདག་འདྲའི་སྡུག་བསྔལ་ལུས་ཅན་རྣམས། །རྣམ་གྲོལ་ས་ལ་བདེ་བླག་འགོད་དུ་གསོལ།
Dorjé Shönu
༈ །མཁས་གྲུབ་རྡོ་རྗེ་གཞོན་ནུ་ལ་གསོལ་བ་འདེབས་པ་གཉུག་མའི་སྒྲ་དབྱངས་ཞེས་བྱ་བ།
དལ་འབྱོར་རྟེན་ལ་བསླབ་གསུམ་རྒྱན་གྱིས་སྤྲས། །ཐོས་བསམ་སྒོམ་པའི་ནོར་མཆོག་ཟད་མི་ཤེས། །སྐལ་ལྡན་གདུལ་བྱར་ཚེ་གཅིག་སངས་རྒྱས་སྟེར། །རྡོ་རྗེ་གཞོན་ནུའི་ཞབས་ལ་གསོལ་བ་འདེབས།
།དབང་པོ་རབ་ཀྱི་རིགས་མཆོག་ཡོངས་སུ་སད། །བཤེས་གཉེན་མང་བསྟེན་གཞུང་ལུགས་དུ་མར་སྦྱངས། །ཁྱད་པར་རྒྱལ་བ་མུས་པ་ཆེན་པོ་ཡིས། །སྙན་བརྒྱུད་བདག་པོར་བསྐོས་ལ༴
།བཤུལ་རིང་ལམ་དུ་འཕུར་པའི་ཚུལ་ལྟར་བགྲོད། །གྲང་བས་མི་བརྫི་ཉི་མའི་དཀྱིལ་འཁོར་བཞིན། །བདེ་དྲོད་རང་འབར་མཁའ་ལ་འཕར་གཡོ་སྒྱུར། །ཐབས་ལམ་མཐར་ཐུག་འབྱོངས་ལ༴
།སྒྱུ་མ་རྨི་ལམ་ཏིང་འཛིན་མཐར་ཕྱིན་ཅིང་། །སྤྱན་དང་མངོན་པར་ཤེས་པའི་རྣམ་ཐར་འཆང་། ལྷ་མིའི་དབང་པོས་བཏུད་ཀྱང་ལྟོས་པ་བྲལ། །ཆོས་བརྒྱད་འཆིང་བ་གྲོལ་ལ༴
།ནང་གི་ཡོན་ཏན་བློ་ཡི་ར་བ་ལས། །འདས་ཀྱང་ཕྱི་ཚུལ་སྦས་པའི་བརྟུལ་ཞུགས་ཀྱིས། །སྒྲུབ་པའི་རྒྱལ་མཚན་གཡེལ་བ་མེད་པར་བཙུགས། །གྲུབ་མཆོག་ཆོས་ཀྱི་རྗེ་ལ༴
།བགྲང་བྱ་དུ་མར་བགྲེས་ཚུལ་མི་མངའ་བར། །ཤིན་ཏུ་ཟོ་བདོག་བདེ་ཞིང་གཟི་མདངས་གསལ། །དངས་མ་བཞི་ཡི་མཉན་ལྕུགས་མཆོག་ལྡན་པ། །འཆི་མེད་གྲུབ་པའི་རྗེ་ལ༴
།ངོ་མཚར་རྨད་བྱུང་སྐྱེས་མཆོག་རྡོ་རྗེའི་མཚན། །བྱིན་རླབས་ཐུགས་རྗེ་བདག་སོགས་འགྲོ་རྒྱུད་ལ། །ཞུགས་ནས་ཚེ་དང་སྒྲུབ་པ་མཐར་ཕྱིན་ཅིང་། །གྲུབ་པ་མཆོག་གི་གོ་འཕང་ལ་འགོད་ཤོག
Müchen Namkhé Neljor
༈ །མུས་ཆེན་ནམ་མཁའི་རྣལ་འབྱོར་ལ་གསོལ་བ་འདེབས་པ་ཟུང་འཇུག་སྒྲ་དབྱངས་ཞེས་བྱ་བ།
སྐྱེས་མཆོག་དག་པའི་ཞིང་དུ་མངོན་སངས་རྒྱས། །རྒྱལ་སྲས་རྣམས་ལ་ཐེག་ཆེན་ཆོས་སྒྲ་སྒྲོག །མ་དག་ཞིང་དུ་སྤྲུལ་པས་གཞན་དོན་མཛད། །ནམ་མཁའ་རྒྱལ་མཚན་ཞབས་ལ་གསོལ་བ་འདེབས།
།འཕགས་ཡུལ་པཎ་ཆེན་ཉི་མའི་སྙིང་པོའི་ཞབས། །ཐུགས་རྗེ་ཆེ་དང་ཕྱག་ན་རྡོ་རྗེ་ཡིས། །བྱིན་རླབས་གྲུབ་པ་ཡབ་ཡུམ་ལྷུམས་སུ་འཕོས། །དགེ་བའི་ལྟས་བཅས་འཁྲུངས་ལ༴
།བྱིས་པའི་ཚུལ་བསྟན་མངོན་ཤེས་ཐོགས་མེད་མངའ། །འཇིག་རྟེན་བྱ་བ་ཀུན་ལ་ཞེན་པ་ལོག །དད་དང་ཤེས་རབ་སྙིང་རྗེའི་རྩལ་རྒྱས་ཤིང་། །ཐར་པའི་རིགས་མཆོག་སད་ལ༴
།རྒྱལ་སྲས་ཐོགས་མེད་ཞབས་སོགས་དགེ་བའི་བཤེས། །དུ་མ་བསྟེན་ནས་རྗོད་བྱེད་སྡེ་སྣོད་གསུམ། །མཁས་པར་སྦྱངས་ཤིང་བརྗོད་བྱ་བསླབ་གསུམ་གྱིས། །ཐུགས་རྒྱུད་ཡོངས་སུ་གཏམས་ལ༴
།ཁྱད་པར་མུས་ཆེན་རྗེ་དང་གཞོན་ནུ་བར། །ཉམས་ཁྲིད་གསན་ནས་རྩེ་གཅིག་བསྒོམས་པ་ཡིས། །བདེ་དྲོད་རང་འབར་སྒྱུ་མ་རང་ཤར་སོགས། །ཐབས་ལམ་ཡོན་ཏན་རྫོགས་ལ༴
།ཉིན་མཚན་གཡེལ་བ་མེད་པར་སྒྲུབ་ལ་བརྩོན། །ཟག་མེད་བསམ་གཏན་ཟས་ལ་ལོངས་སུ་སྤྱོད། །ཏིང་འཛིན་སྒོ་བརྒྱར་སྙོམས་པར་འཇུག་ཅིང་ལྡང་། །ཚོགས་ཆེན་བླ་མེད་སྤེལ་ལ༴
།བདེ་གཤེགས་ཡི་དམ་མཁའ་འགྲོས་རྗེས་སུ་བཟུང་། །ཆགས་ཐོག་སྤངས་པའི་མངོན་ཤེས་སྤྱན་དང་ལྡན། །བར་དོའི་འགྲོ་བ་མཐའ་དག་རབ་གཟིགས་ནས། །རྣམ་ཀུན་ཐུགས་རྗེས་འཛིན་ལ༴
།ནད་པ་རྣམས་ལ་སྨན་པའི་རྒྱལ་པོ་བཞིན། །འཇིགས་པས་ཉེན་རྣམས་དྲན་པ་ཙམ་གྱིས་སྐྱོབ། །བྱང་ཆུབ་སེམས་ཀྱི་ཕྲིན་ལས་མཐའ་ཡས་པས། །སྐྱེ་དགུའི་མགོན་ཏུ་གྱུར་ལ༴
།མཐོང་ཐོས་དྲན་རེག་ཕྱིར་མི་ལྡོག་ལ་བཀོད། །སྐྱེ་འཆིའི་མཚན་མ་སྤངས་ཀྱང་གདུལ་བྱའི་ངོར། །སངས་རྒྱས་ཞིང་ཁམས་མང་པོར་དུས་གཅིག་ཏུ། །གཤེགས་པའི་ཆོ་འཕྲུལ་བསྟན་ལ༴
།དད་ལྡན་དོན་ཏུ་རིང་བསྲེལ་དཔག་མེད་སྤྲུལ། །ལྷ་མི་ཀུན་གྱིས་སྲིད་མཐའི་བར་དུ་མཆོད། །ངོ་མཚར་མཚན་མ་རྒྱུན་ཆད་མི་མངའ་བ། །བྱིན་རླབས་བསམ་ལས་འདས་ལ༴
།རྗེ་བཙུན་མཉམ་མེད་ནམ་མཁའི་རྣལ་འབྱོར་པས། །གསོལ་འདེབས་བུ་ལ་ཐུགས་རྗེའི་རྩལ་སྤྲུགས་ཏེ། །དམ་ཆོས་སྒྲུབ་པའི་འགལ་རྐྱེན་ཞི་བ་དང་། །མཐུན་རྐྱེན་ཡིད་བཞིན་འགྲུབ་པར་བྱིན་གྱིས་རློབས།
Thangtong Gyelpo
༈ །གྲུབ་ཆེན་ཐང་སྟོང་རྒྱལ་པོ་ལ་གསོལ་བ་འདེབས་པ་གྲུབ་པའི་སྒྲ་དབྱངས་ཞེས་བྱ་བ།
ཐུགས་རྗེ་ཆེ་དང་དབང་ཆེན་རྟ་མགྲིན་རྒྱལ། །དབྱེར་མེད་གཅིག་བསྡུས་མཚོ་སྐྱེས་རྡོ་རྗེ་འཆང་། །སྙིགས་འགྲོའི་སྐྱབས་སུ་སྤྲུལ་པའི་སྒྱུ་འཕྲུལ་སྟོན། །ཐང་སྟོང་རྒྱལ་པོའི་ཞབས་ལ་གསོལ་བ་འདེབས།
།དུས་གསུམ་སངས་རྒྱས་ཀུན་མཁྱེན་དོལ་པོ་པ། །གདུལ་དཀའ་འདུལ་ཕྱིར་གྲུབ་པའི་སྐུར་བཞེངས་པ། །ཡེ་ཤེས་ཌཱ་ཀི་ཡོངས་ཀྱི་མིང་གཅིག་པོ། །མཚན་མཆོག་ལྔ་དང་ལྡན་ལ༴
།ལ་སྟོད་བྱང་དུ་རྡོ་རྗེའི་མཚན་དཔེ་གསལ། །འཕགས་པས་བསྐུལ་ཏེ་ཁྱིམ་སྤངས་རབ་ཏུ་བྱུང་། །དབུ་སྐྲ་བསིལ་ཚེ་འཇའ་འོད་མེ་ཏོག་ཁེངས། །བརྩོན་འགྲུས་བཟང་པོའི་ཞབས་ལ༴
།གཞུང་ལུགས་སྦྱོང་ཚེ་ཏིང་འཛིན་ངང་དུ་འབྱམས། །མ་བསླབ་པར་ཡང་ཆོས་ཀུན་ཐུགས་སུ་ཆུད། །ཐོག་མ་ཉིད་ནས་རྫུ་འཕྲུལ་དཔག་མེད་བསྟན། །རང་བྱུང་གྲུབ་པ་ཆེན་པོར༴
།སངས་རྒྱས་བྱང་སེམས་རྣལ་འབྱོར་ཕོ་མོ་དང་། །དགེ་སྦྱོང་རིགས་ངན་ཀུ་སུ་ལུ་པའི་ཚུལ། །ཡང་དག་བླ་མ་ལྔ་བརྒྱ་ཕྲག་གཅིག་ལས། །ཆོས་སྒོ་ཚད་མེད་གསན་ལ༴
།ཐར་པ་གླིང་དུ་ཐུགས་དམ་མཛད་པའི་ཚེ། །རྡོ་རྗེ་འཆང་ཆེན་རིགས་ལྔ་སེམས་དཔའ་བརྒྱད། །ཁྲོ་བཅུ་ལྷ་མོའི་ཚོགས་བཅས་དངོས་སུ་མཇལ། །ལམ་ཟབ་ལ་སོགས་ཟབ་ཆོས་དུ་མ་གསན། །སྒྲིབ་གཉིས་མུན་པ་བྲལ་ལ༴
།ཐུགས་རྗེ་ཕྱོགས་མེད་ཤེས་བྱ་ཐམས་ཅད་མཁྱེན། །རང་སྣང་དབང་སྒྱུར་ལས་བཞིར་མངའ་དབང་བརྙེས། །རྟོགས་པས་རྒྱུད་གྲོལ་བརྟུལ་ཞུགས་མཐའ་རུ་ཕྱིན། །ཆོས་བརྒྱད་ཟིལ་གྱིས་མནན་ལ༴
།གནས་ཆེན་རྣམས་སུ་སྨོན་ལམ་དུ་མ་མཛད། །སྔོན་བྱོན་གྲུབ་ཐོབ་ཡི་དམ་ལྷ་ཚོགས་མཇལ། །དུར་ཁྲོད་རྣམས་སུ་དཔའ་བོ་མཁའ་འགྲོ་དང་། །ཚོགས་ཀྱི་འདུ་བར་རོལ་ལ༴
།ཁ་བ་ཅན་པའི་མི་དང་མི་མ་ཡིན། །གཅན་གཟན་ནད་པ་འོན་ལོང་ཉམ་ཐག་སོགས། །ཁྱོད་སྐུ་མཐོང་ཐོས་དྲན་པས་གནས་སྐབས་སུ། །འཇིགས་པ་ཀུན་ཞི་མཐར་ཐུག་མངོན་མཐོ་དང་།
།ངེས་ལེགས་ཐོབ་ཅིང་ཐེག་ཆེན་དམ་ཆོས་དར། །ཁྱད་པར་མཐའ་འཁོབ་ཀླ་ཀློོ་ཐུལ་ཅིག་ཅེས། །སྤྱན་རས་གཟིགས་དང་རྗེ་བཙུན་སྒྲོལ་མ་ཡིས། །ཡང་ཡང་གསུང་གིས་བསྐུལ་ལ༴
།བཅོམ་ལྡན་འདས་ཀྱིས་ཆོས་སྒོ་མཐའ་ཡས་སྩལ། །ཡན་ལག་འབྱུང་ལས་ཤེས་རབ་ཕར་ཕྱིན་གསན། །ཧེ་རུ་ཀ་དང་རྣལ་འབྱོར་མ་དཔལ་གྱིས། །དབང་བསྐུར་རྒྱུད་རྣམས་གཏད་ལ༴
།དུར་ཁྲོད་ཆེན་པོ་ཀེང་རུས་མེ་འབར་དུ། །དཔལ་ཆེན་བི་རཱུ་པ་ཡིས་རྗེས་སུ་བཟུང་། །ལམ་འབྲས་ཡོངས་རྫོགས་དམ་རྫས་བདུད་རྩི་གནང་། །ཟག་པ་རྒྱུན་ཆད་གྱུར་ལ༴
།ཡེ་ཤེས་མཁའ་འགྲོ་ནི་གུ་ལན་གསུམ་དུ། །བྱོན་ནས་དབང་དང་གདམས་ངག་རྫོགས་པར་གནང་། །རྫུ་འཕྲུལ་མངོན་ཤེས་བསམ་མི་ཁྱབ་པར་འཁྲུངས། །གདམས་ངག་ཡི་གེར་བཀོད་ལ་གསོལ་བ་འདེབས།
།ཟངས་གླིང་ཡུལ་དུ་གྲུབ་ཆེན་ཤ་བ་རི། །ངོ་སྤྲད་བྱིན་བརླབས་རྡོ་ལ་མེ་འབར་དུ། །བྲམ་ཟེ་མཆོག་སྲེད་ཞབས་ཀྱིས་ནག་པོ་ཆེ། །སྲུང་མར་དངོས་སུ་གཏད་ལ༴
།སྲིན་ཡུལ་ཟངས་མདོག་དཔལ་གྱི་རི་བོའི་རྩེར། །བླ་མ་སྐུ་གསུམ་ཁྱད་པར་ཨོ་རྒྱན་རྗེས། །སྒྲུབ་ཆེན་བརྒྱད་སོགས་དབང་ཆོས་མཐའ་ཡས་པ། །གནང་ནས་ལུང་བསྟན་མཛད་ལ༴
།རྡོ་རྗེ་སེམས་དཔས་ཨ་ཏི་ཡོ་ག་སྩལ། །མཁའ་འགྲོས་བསྐུལ་ཏེ་བོད་ཀྱི་གདུལ་བྱར་གཟིགས། །ཀླ་ཀློའི་ཡུལ་བྱོན་རྫུ་འཕྲུལ་ཚད་མེད་པས། །བཏུལ་ནས་ཆོས་སུ་བཀོད་ལ༴
།རྒྱ་བལ་ཁ་ཆེ་ལི་དང་ཨོ་རྒྱན་ཡུལ། །རྒྱ་ཧོར་ཟླ་བ་ནས་གླིང་ཀ་ལིངྒ། །པྲི་ཡངྐུ་སོགས་འཛམ་གླིང་གླིང་ཕྲན་བཅས། །མཐའ་དག་རྫུ་འཕྲུལ་ཆེན་པོའི་ཞབས་ཀྱིས་གཅགས།
།སྐལ་པར་ལྡན་རྣམས་དངོས་སུ་གྲོལ་བར་མཛད། །གཞན་དག་མ་འོངས་པ་ན་རང་ཉིད་ཀྱི། །གདུལ་བྱར་སྨིན་ཕྱིར་ཐབས་མཁས་སྣ་ཚོགས་པས། །ས་སྟེང་ཆོས་ཀྱིས་བཀང་ལ༴
།སྣོད་ལྡན་རྒན་གཞོན་མེད་པ་མཁའ་སྤྱོད་བཀོད། །གཅན་གཟན་རྣམས་ཀྱང་གུས་པས་ཞབས་ཏོག་སྒྲུབ། །ལྷ་སྲིན་སྡེ་བརྒྱད་བཏུལ་ནས་དམ་ལ་བཞག །འབྱུང་བཞི་རང་དབང་སྒྱུར་ལ༴
།ཆུ་ཀླུང་དུ་མ་ལྕགས་ཀྱི་ཟམ་པས་སྦྲེལ། །མཐོང་གྲོལ་བཀྲ་ཤིས་སྒོ་མང་མཆོད་རྟེན་དང་། །རིན་ཆེན་གར་ལུགས་སྐུ་བརྙན་དུ་མ་སོགས། །རྟེན་གསུམ་དཔག་ཡས་བཞེངས་ལ༴
།མཐའ་དམག་ཁ་གནོན་ས་ཡི་མེ་བཙའ་གདབ། །འབྱུང་བཞིའི་གཉེན་པོར་རྟེན་མཆོག་ཀུན་ཏུ་བཀོད། །སྨོན་ལམ་མཛད་པས་ནད་དང་མུ་གེ་ཡི། །འཇིགས་ལས་ཡུན་རིང་བསྐྱབས་ལ༴
།སྨན་གྱི་བླ་མས་བདུད་རྩི་འཆི་སོས་དང་། །ཚེ་དཔག་མེད་ཀྱིས་ཚེ་ཡི་རིལ་བུ་གནང་། །འགྲོ་བ་མཐའ་དག་ནད་གདོན་དུས་མིན་གྱི། །འཆི་བའི་འཇིགས་པ་འཕྲོག་ལ༴
།འཐའ་འཁོབ་ཀ་མ་ཏ་རུ་སྐུ་ལུས་ཀྱི། བཀོད་པ་བསྟན་ཚེ་སྡིག་སྤྱོད་རྒྱལ་བློན་གྱིས། །མེས་བསྲེགས་ཆུ་ཡིས་མ་ཚུགས་དེ་དག་ཀུན། །དད་ཅིང་ཆོས་སུ་བཀོད་ལ༴
།མཆོག་གི་བུ་དྲུག་ཉེ་བའི་སྲས་མཆོག་བརྒྱད། །ཡེ་ཤེས་ཌཱ་ཀི་ལྔ་དང་སྦས་ཚུལ་གྱི། །མཁའ་འགྲོ་བཅུ་དྲུག་དམ་ཚིག་ཌཱ་ཀི་ནི། །བཅོ་བརྒྱད་རིག་འཛིན་ཕོ་མོ་སུམ་ཅུ་བདུན།
།ལས་ཅན་ང་བརྒྱད་མི་ལྡོག་ལྔ་བརྒྱ་ཕྲག །གཞན་དོན་ནུས་པ་བྱེ་བ་ཁྲི་བརྒྱད་སོགས། །སྨིན་གྲོལ་མཛད་ནས་གདམས་ངག་སྐབས་བརྒྱད་བསྡུས། །རྒྱལ་ཚབ་མངའ་གསོལ་མཛད་ལ༴
།སྐུ་དངོས་བགྲང་བྱ་བརྒྱ་དང་ཉེར་བརྒྱད་མཐར། །ཆོ་འཕྲུལ་ཟླ་བའི་ཚེས་བཞིར་འོད་ཕུང་དུ། །ནམ་མཁར་གཤེགས་ཚེ་ཐུགས་སྲས་གདུང་དབྱངས་ཀྱིས། །མདུན་མཁར་གཟུགས་སྐུར་བསྟན་ལ༴
།སླར་ཡང་གསོལ་བ་བཏབ་ཚེ་ཁྲུ་གང་སྐུ། །སྒྲུབ་པའི་གནས་བྱོན་འོད་གསལ་ཞག་བདུན་བཞུགས། །ངོ་མཚར་གདུང་རྟེན་ལྷ་མིའི་མཆོད་ཡུལ་དུ། །གཡོ་མེད་བརྟན་པར་བཞུགས་ལ༴
།སླད་ནས་གདུལ་བྱ་སྐལ་ལྡན་རྣམས་ཀྱི་ངོར། །ཉེ་རིང་གང་དུའང་བྱོན་ནས་བྱིན་གྱིས་བརླབས། །བོད་ཡུལ་བདེ་བའི་ཕྲིན་ལས་རྒྱུན་ཆད་མེད། །བཀའ་དྲིན་བསམ་ལས་འདས་ལ༴
།སྤྱན་རས་གཟིགས་དབང་གྲུབ་ཆེན་ཆོས་ཀྱི་རྗེ། །ཁྱེད་ཀྱི་ཐུགས་རྗེ་སྐྱོ་དུབ་མ་མཆིས་པས། །བདག་སོགས་སྐལ་མེད་དུས་མཐར་སྐྱེས་པ་ལ། །ཞལ་སྟོན་བྱིན་གྱིས་བརླབ་པར་མཛད་དུ་གསོལ།
།གྲུབ་མཆོག་ཁྱེད་ཀྱི་སྐུ་ཚེ་གདུལ་བྱའི་ཞིང་། །རྣམ་ཐར་སྨོན་ལམ་མཛད་སྟོབས་ཅི་འདྲ་བ། །དེ་འདྲ་ཁོ་ནར་བདག་གིས་མྱུར་འགྲུབ་སྟེ། །ནམ་མཁའ་མཉམ་པའི་འགྲོ་ཀུན་སྒྲོལ་བྱེད་ཤོག །
Gyagom Lekpa Gyeltsen
༈ རྒྱ་སྒོམ་ལེགས་པ་རྒྱལ་མཚན་ལ་གསོལ་བ་འདེབས་པ་ལྷན་སྐྱེས་སྒྲ་དབྱངས་ཞེས་བྱ་བ།
ཡེ་ཤེས་མཁའ་ལ་གཉུག་མའི་གར་སྟབས་སྒྱུར། །མི་ཤིགས་འོད་གསལ་བདེ་བའི་གཟི་མདངས་འབར། །གྲུབ་པ་མཆོག་གི་ཕྱག་བྱས་རྒྱ་སྒོམ་པ། །ལེགས་པ་རྒྱལ་མཚན་ཞབས་ལ་གསོལ་བ་འདེབས།
།འཁོར་བའི་འདུ་འཛི་བརྩོན་ར་བཞིན་ཏུ་བོར། །ངེས་ལེགས་བསྟན་ལ་རྣམ་དག་ཚངས་པར་སྤྱོད། །སྔོན་སྦྱངས་ལས་འཕྲོ་དཀར་པོའི་ཆོས་ལ་སད། །སྐྱེས་བུ་ཆེན་པོའི་ཞབས་ལ༴
།མཁས་ཤིང་དངོས་གྲུབ་བརྙེས་པའི་དགེ་བའི་བཤེས། །མང་དུ་བསྟན་ནས་མདོ་སྔགས་ཆོས་སྤྱི་དང་། །བྱེ་བྲག་དཔལ་ལྡན་ཤངས་པ་བཀའ་བརྒྱུད་ཀྱི། །རིང་ལུགས་རྫོགས་པར་གསན་ལ༴
།གྲུབ་དབང་ནམ་མཁའི་མཚན་གྱིས་རྗེས་སུ་བཟུང་། །སྒྲུབ་ལ་བརྩོན་པ་ཉིན་མཚན་གཡེལ་མེད་མཛད། །ཉམས་རྟོགས་ཡོན་ཏན་ཡར་ངོའི་ཟླ་བཞིན་རྒྱས། །རྣལ་འབྱོར་དབང་ཕྱུག་ཁྱོད་ལ༴
།བྱང་ཆུབ་སེམས་མཆོག་གཉིས་ལ་ཁྱོད་ཀྱི་ཐུགས། །རྟག་ཏུ་གཞོལ་བས་ཉི་ཚེའི་ཕྲིན་ལས་ལ། །མ་བཀོལ་བར་ཡང་ཚར་གཅོད་རྗེས་འཛིན་སོགས། །ཡེ་ཤེས་མགོན་པོས་སྒྲུབ་ལ༴
།བཀོད་པ་ལུས་ཀྱི་སྤྲུལ་བསྒྱུར་ལ་སོགས་པ། །རྣམ་ཐར་བསམ་མི་ཁྱབ་ལ་མངའ་མཛད་ཀྱང་། །རྟག་ཏུ་ཐ་མལ་བརྟུལ་ཞུགས་ལྷུར་མཛད་པ། །སྦས་པའི་སངས་རྒྱས་ཁྱེད་ལ༴
།འཇམ་མགོན་གྲུབ་པའི་དཔའ་བོ་རྒྱལ་ཚབ་ཏུ། །མངའ་ཆེན་གསོལ་བས་བཀའ་བརྒྱུད་གྲུབ་པའི་ཀླུང་། །ཐུབ་བསྟན་ཇི་སྲིད་མི་མཉམ་འབབས་པ་ཡི། །ཕྲིན་ལས་རྨད་དུ་བྱུང་ལ༴
།གཞན་དོན་དགོངས་ཚེ་གདུང་གི་ཆ་ཤས་ལས། །སྤྲུལ་པའི་རིང་བསྲེལ་ཟད་མེད་འཕེལ་བས་ཀྱང་། །སྐལ་ལྡན་དུ་མ་ཐར་པའི་གནས་སུ་བཀོད། །མཛད་པ་མཐར་ཕྱིན་ཁྱེད་ལ༴
།གསོལ་བཏབ་དགེ་བས་བདག་སོགས་འགྲོ་རྒྱུད་ཀྱི། །སྒྲིབ་གཉིས་དྲི་མ་གཏན་ནས་བྱང་བ་དང་། །ལྷན་སྐྱེས་འོད་གསལ་གཉུག་མ་ཆོས་སྐུའི་ཞལ། །གཅེར་མཐོང་སྐུ་གསུམ་རང་ཤར་ཉིད་གྱུར་ཅིག
Jetsün Künga Drölchok
༈ རྗེ་བཙུན་ཀུན་དགའ་འགྲོལ་མཆོག་ལ་གསོལ་བ་འདེབས་པ་སྨིན་གྲོལ་སྒྲ་དབྱངས་ཞེས་བྱ་བ།
རྒྱལ་བས་ལུང་བསྟན་སྤྱོད་འཆང་གྲུབ་པའི་དབང་། །གངས་ཅན་སྙིང་པོའི་བསྟན་པ་སྤེལ་བའི་ཕྱིར། །འཇམ་མགོན་གྲུབ་པའི་དཔའ་བོའི་སྐུར་བསྟན་པ། །ཀུན་དགའ་གྲོལ་མཆོག་ཞབས་ལ་གསོལ་བ་འདེབས།
།སྤྲུལ་པའི་ཟླ་ཞལ་གློ་བོ་སྨོན་ཐང་དུ། །འཆར་ཚེ་སྐབས་གསུམ་གྲོང་ནས་འོང་འདྲ་བའི། །པདྨའི་སྡོང་པོ་ཁ་དོག་དྲི་བསུངས་ཅན། །དཔྱིད་ཀྱི་དཔལ་བཞིན་བཞེད་ལ༴
།མཚན་དཔེའི་མེ་ཏོག་འབྱུང་འཁྲུགས་རིག་པ་ཡིས། །གཙེས་པའི་ཚེ་ན་ཐུབ་བསྟན་ཉི་གཞོན་དང་། །འགྲོགས་པའི་མོད་ལ་གེགས་ཀྱི་གཡུལ་ལས་རྒྱལ། །ཆོས་དོན་ངང་གིས་འབྱོར་ལ༴
།ཡུལ་དབུས་རིག་གྲོལ་གཉིས་ལྡན་པདྨོའི་མཚོར། །ལྡོག་མེད་ངང་པ་བཞིན་དུ་དགའ་བས་ཞུགས། །ན་ཚོད་ཕྲ་ཡང་སྙིང་སྟོབས་སྤྱོད་པ་སྦོམ། །སེམས་ཀྱི་མདུད་གྲོལ་མཆོག་ལ༴
།སྔོན་སྦྱངས་སྟོབས་སད་སྡེ་སྣོད་རྩོལ་མེད་མཁྱེན། །དབྱངས་ཅན་མགྲིན་པར་ཞུགས་པའི་བརྗོད་པ་སོགས། །མཁས་ཚུལ་གསུམ་གྱི་རྣམ་དཔྱོད་དར་བབས་པས། །བློ་གསལ་ཡིད་དབང་འཕྲོག་ལ༴
།གཙུག་རྒྱན་ནོར་བུས་ལུང་བསྟན་དབུགས་དབྱུང་མཛད། རིན་ཆེན་རྣམ་བཞིས་གདམས་པའི་གནད་རྣམས་གནང་། །པཎ་ཆེན་གཉིས་ཀྱི་ཐེ་ཚོམ་དྲྭ་བ་བསལ། །བཞེད་དགོངས་ལྷུན་གྱིས་གྲུབ་ལ༴
།བྱ་བཏང་གཉིས་ཀྱིས་རྟོགས་པའི་བོགས་འདོན་མཛད། །ངག་གི་དབང་པོས་ཐ་སྙད་སྤྲོ་བ་བསྐྱེད། །ཁྱད་པར་རྡོ་རྗེ་འཆང་དངོས་རྒྱ་སྒོམ་རྗེས། །ཐུགས་ཀྱི་བང་མཛོད་གཏད་ལ༴
།ཕྱི་ཚུལ་དྲི་མེད་སོ་ཐར་བསླབ་པས་བསྡམས། །ནང་དུ་བྱང་ཆུབ་སེམས་ལ་རང་དབང་འབྱོར། །གསང་བ་སྔགས་ཀྱི་བརྟུལ་ཞུགས་འཆང་རྣམས་ཀྱི། །འཁོར་ལོས་སྒྱུར་བ་མཆོག་ལ༴
།གསང་བདག་གཤིན་རྗེ་གཤེད་པོས་བར་ཆད་བསལ། །དགྱེས་མཛད་ཡབ་ཡུམ་འཁོར་ལོ་སྡོམ་པ་དང་། །རྡོ་རྗེ་རྣལ་འབྱོར་མ་སོགས་ལྷག་པའི་ལྷས། །བྱིན་བརླབས་རྗེས་སུ་བཟུང་ལ༴
།མཁའ་སྤྱོད་དབང་ཕྱུག་རྗེ་བཙུན་ནི་གུ་མས། །ཆོས་དྲུག་ཡེ་ཤེས་མགོན་པོ་ལ་སོགས་པ། །སྩལ་བས་འོད་གསལ་མཐའ་དབུས་མེད་པར་རྟོགས། །ངོ་མཚར་ཉེ་བརྒྱུད་ཐོབ་ལ༴
།སོ་ས་གླིང་དུ་མཁའ་འགྲོ་ཆེན་མོ་དང་། །ཚོགས་ཀྱི་འདུ་བར་སྤྱོད་ཅིང་བྱང་ཆུབ་དུ། །ལུང་བསྟན་མཉམ་རྗེས་འདྲེས་པའི་རྟོགས་པ་སྤེལ། །མཁའ་འགྲོས་བུ་བཞིན་སྐྱོང་ལ༴
།མི་ཏྲ་ཛོ་གིས་སྙིང་པོ་དོན་གསུམ་གནང་། །ལེགས་ལྡན་འབྱེད་ཀྱིས་བརྡ་ཡི་ཆོས་དབང་བསྐུར། །སྟོབས་འཕྲོག་དབང་པོ་རྣམ་ཐོས་སྲས་ལ་སོགས། །ཆོས་སྐྱོང་བྲན་དུ་ཁོལ་ལ༴
།གང་སྣང་སྒྱུ་མའི་རྣམ་རོལ་དུ་ཤར་ནས། །འཛིན་མེད་རང་ཤར་མ་བཅོས་ཞེན་བྲལ་བློས། །མ་ཆགས་བུ་ཆུང་སྤྱོད་པའི་ངང་ཚུལ་གྱིས། །བྱས་ཚད་ཆོས་སུ་འགྲོ་ལ༴
།མཐོང་ཐོས་དྲན་རེག་ངན་འགྲོའི་གནས་སྤོང་བའི། །འབྲེལ་ཚད་དོན་དང་ལྡན་པའི་སྐྱེས་བུ་ཞེས། །བསླུ་མེད་རྡོ་རྗེའི་གསུང་གིས་ཞལ་འཆེས་པ། །སྐྱེ་དགུའི་མགོན་པོར་གྱུར་ལ༴
།གངས་ཅན་གདམས་པའི་ཆུ་ཀླུང་མཐའ་དག་བསྡུས། །ནི་གུའི་ཁྲིད་སྲོལ་བརྒྱ་ཕྲག་ལྷག་པས་མཚོན། །གཞན་ཕན་ནམ་མཁའི་མཐར་ཁྱབ་སྤེལ་མཛད་ནས། །མཁའ་སྤྱོད་གྲོང་དུ་གཤེགས་ལ༴
།སླར་ཡང་འཕགས་བོད་ཨོ་རྒྱན་འགྲོ་ལྡིང་སོགས། །མ་ངེས་གནས་སུ་གང་ལ་གང་འདུལ་གྱི། །སྤྲུལ་པ་དུ་མས་གདུལ་བྱའི་ཞིང་སྦྱངས་ནས། །བླ་མེད་བྱང་ཆུབ་བརྙེས་ལ༴
།སྐྱེ་ཀུན་གྲུབ་པའི་དཔའ་བོས་རྗེས་བཟུང་སྟེ། །གསང་གསུམ་མི་ཟད་རྒྱན་གྱི་འཁོར་ལོ་ཡིས། །རབ་འབྱམས་རྣམ་ཐར་རྒྱ་ཚོའི་སྤྲིན་བཀོད་པ། །རྗེ་བཙུན་ཁྱེད་དང་མཚུངས་པར་མཛད་དུ་གསོལ།
Chöku Lhawang Drakpa
༈ །ཆོས་སྐུ་ལྷ་དབང་གྲགས་པ་ལ་གསོལ་བ་འདེབས་པ་ཟབ་མོའི་སྒྲ་དབྱངས་ཞེས་བྱ་བ།
དཔལ་ལྡན་ཁྱབ་བདག་འགྱུར་མེད་རྡོ་རྗེའི་སྐུ། །གཞོམ་མེད་སྒྲ་དབྱངས་བརྗོད་བྲལ་རྡོ་རྗེའི་གསུང་། བདེ་ཆེན་ཟུང་འཇུག་མཉམ་ཉིད་རྡོ་རྗེའི་ཐུགས། །ལྷ་དབང་གྲགས་པའི་ཞབས་ལ་གསོལ་བ་འདེབས། ཤློ་ཀ་འདི་རྗེ་བཙུན་རིན་པོ་ཆེའི་གསུང་ངོ་།
རྡོ་རྗེའི་ལུས་ལ་སྐྱོན་བྲལ་ལང་ཚོས་བརྒྱན། ཟབ་ལམ་ཡོན་ཏན་ཀུན་སྐྱེད་དཔལ་གྱིས་འབྱོར། །བརྟུལ་ཞུགས་སྤྱོད་ལ་བསྙེངས་པ་མེད་པའི་བློ། །སྐྱེས་ཐོབ་རྩལ་ཆེན་རྫོགས་ལ༴
།རྡོ་རྗེའི་རིགས་མཆོག་ཐོག་མ་ཉིད་ནས་སད། གཉིས་འཛིན་བླང་དོར་བྲལ་ཡང་ལྟར་སྣང་གི། །འཁོར་བ་སྒྱུ་མ་ལྟ་བུར་ངེས་འབྱུང་གིས། །བློ་སྣ་ཆོས་སུ་བསྐུལ་ལ༴
།རྡོ་རྗེའི་སློབ་དཔོན་སེམས་ཀྱི་མདུད་གྲོལ་མཆོག །གཙུག་ཏུ་བསྙེན་ནས་མཉེས་པ་རྣམ་གསུམ་བསྒྲུབས། །གསང་བ་གསུམ་གྱི་བྱིན་རླབས་ཡོངས་རྫོགས་ཐོབ། །དམ་པའི་ཐུགས་ཟིན་གྱུར་ལ༴
།རྡོ་རྗེ་ཐེག་པའི་ཡང་བཅུད་རིམ་གཉིས་ལ། འབད་རྩོལ་ཆེན་པོས་སྒྲུབ་པ་མཐའ་རུ་བསྐྱལ། །སྒོམ་བྱུང་སྟོབས་ལས་མཁྱེན་རབ་ཆགས་ཐོགས་མེད། །སྤྱན་དང་མངོན་ཤེས་མངའ་ལ༴
།མོས་གུས་སྟོབས་ཀྱིས་ཅི་སྣང་བླ་མར་གཟིགས། །གཏུམ་མོ་མཐར་ཕྱིན་བདེ་དྲོད་མེ་ལྟར་འབར། །སྒྱུ་ལུས་དབང་ཐོབ་སྣ་ཚོགས་སྤྲུལ་བསྒྱུར་ནུས། །དག་སྣང་རབ་ཏུ་འབྱམས་ལ༴
།གཟུང་འཛིན་རླུང་སེམས་ཨ་བ་དྷཱུ་ཏིར་ཐིམ། །འཁོར་འདས་མ་ལུས་ཆོས་སྐུ་རྗེན་པར་ཤར། །རེ་དོགས་སྙེམས་འཕྲིག་སྤང་བླང་རྡུལ་ཙམ་མེད། །བྱ་བཏང་རྒྱལ་པོ་ཁྱེད་ལ༴
།རྡོ་རྗེའི་ཡེ་ཤེས་ཆེ་ལ་དབང་འབྱོར་པས། །སྐལ་ལྡན་རྣམས་ལ་བྱིན་རླབས་དངོས་སུ་འབེབས། །རྟོགས་པའི་སྟོབས་ཀྱིས་གཞན་སྣང་ཟིལ་གྱིས་གནོན། །རྣལ་འབྱོར་དབང་ཕྱུག་ཁྱེད་ལ༴
ཉིན་སྣང་སྒྱུ་མ་རྨི་ལམ་ལྟ་བུར་གཟིགས། །མཚན་སྣང་རྣམ་དག་འོད་གསལ་ཆེན་པོར་འབྱམས། །ཀུན་ཀྱང་ཟུང་འཇུག་བདེ་ཆེན་ཐིག་ལེར་ཤར། །ཉམས་རྟོགས་མཐའ་རུ་ཕྱིན་ལ༴
ཡེ་ཤེས་མཁའ་འགྲོ་རྣམས་ཀྱིས་བྱིན་གྱིས་བརླབས། །ཕོ་ཉ་གསུམ་འདུས་ཚོགས་ཀྱི་འཁོར་ལོར་སྤྱོད། །ཟོལ་མེད་གྲུབ་པ་ཆེན་པོའི་རྒྱལ་ཐབས་བསྐྱང་། །རྗེ་བཙུན་བྲག་སྟོད་པ་ལ༴
།རྣམ་གྲོལ་བདུད་རྩི་བགོ་བཤར་སྩལ་བ་ཡིས། །གྲུབ་པའི་རྒྱལ་སྲིད་སྐྱོང་བའི་ཉེ་དབང་ཚོགས། །སྒྲོལ་བའི་མགོན་གྱུར་རྗེ་བཙུན་ལྷ་ཡི་དབང་། །མངའ་གསོལ་དོན་ཆེན་མཛད་ལ༴
།ངོ་མཚར་བཀའ་བརྒྱུད་གསེར་གྱི་ཕྲེང་བ་བཟུང་། །བྱིན་རླབས་ཆུ་རྒྱུན་མི་ཟད་གཏེར་གྱུར་བས། །ཤངས་པའི་བསྟན་ལ་བྱ་བ་རླབས་ཆེན་མཛད། །འགྲན་བྲལ་སྐྱེས་མཆོག་ཁྱེད་ལ༴
།འཁྲུལ་མེད་དམ་པ་བསྟེན་ཅིང་བྱིན་རླབས་ཞུགས། །གསང་བའི་ལམ་མཆོག་མཐར་ཕྱིན་དངོས་གྲུབ་ཐོབ། །ཟབ་མོའི་རིང་ལུགས་རྒྱུན་མི་ཆད་སྤེལ་བ། །ཁྱོད་ཀྱི་རྣམ་ཐར་འགྲུབ་པར་བྱིན་གྱིས་རློབས། །འདིར་ཇོ་ནང་རྗེ་བཙུན་རིན་པོ་ཆེའི་གསོལ་འདེབས་ཞལ་གསུང་མ་ཁ་འགེངས་བཅས་སྦྱར་རོ། །
Jetsün Taranatha (by himself)
༈ །ན་མོ་གུ་རུ་བྷྱཿ །དཔལ་ལྡན་བླ་མ་དམ་པའི་རྣམ་པར་ཐར་པ་དད་པའི་ལྗོན་ཤིང་ཞེས་བྱ་བ།
བླ་མ་དམ་པ་རྣམས་ལ་ཕྱག་འཚལ་ལོ།
།ལྷག་པའི་ལྷ་མཆོག་འཇམ་དབྱངས་གྲུབ་པའི་མགོན། །ཀུན་དགའི་དམ་ཆོས་སྙིང་པོའི་དོན་སྟོན་པ། །གང་དེའི་ངོ་མཚར་མཛད་པའི་ཚོགས་རྣམས་ལ། །མཆོག་ཏུ་དང་བའི་ཡིད་ཀྱིས་ཕྱག་འཚལ་ལོ།
།དཔག་ཡས་ཚོགས་གཉིས་ཡུན་རིང་གོམས་པའི་མཐུས། །བོད་ཡུལ་དབུས་ཀྱི་ས་ཡི་ཐིག་ལེ་མཆོག །ཆོས་བཟང་ལྷ་ཡི་མདུན་ས་དང་མཚུངས་པར། །སྐྱེ་བའི་ཆོ་འཕྲུལ་སྟོན་ལ་མགོས༴
།འཇམ་པའི་རྡོ་རྗེའི་རྣམ་འཕྲུལ་རྡོ་རྗེའི་མཚན། །སྐད་གཉིས་སྨྲ་བའི་རིགས་སུ་ཉེར་བལྟམས་པ། །ཀུན་བཟང་གྲུབ་པའི་དབང་པོས་ལུང་བསྟན་བཞིན། །རྣམ་འདྲེན་མཆོག་ཏུ་འཁྲུངས་ལ་མགོས༴
།འདུ་བ་རྣམ་བཞིའི་ཁྲུགས་པའི་ཉེར་འཚེ་ཡིས། །རྣམ་པར་གཙེས་པའི་ཚེ་ན་གྲུབ་པའི་མགོན། འབར་བའི་མགོན་པོ་དངོས་སུ་བྱོན་ནས་ཀྱང་། །ཕྱི་ནང་བར་ཆད་བསལ་ལ་མགོས༴
།དེ་ཚེ་རླུང་སེམས་དྷཱུ་ཏིར་ཚུད་པ་ཡིས། །རྒྱལ་བ་སྲས་བཅས་དཔག་ཡས་མཁའ་ལ་གཟིགས། །རྡོ་རྗེ་ཐེག་པའི་བག་ཆགས་ཡོངས་སད་ནས། །དང་བ་སྟོབས་སུ་གྱུར་ལ༴
།གཞན་གྱིས་མ་བསྟན་ཡོངས་སུ་མ་བསྐུལ་བར། །འགྲོ་བ་ཀུན་ལ་སྙིང་རྗེའི་འཇུག་པ་རྒྱས། །ཐེག་མཆོག་ལྷ་དང་རིག་སྔགས་དམ་ཆོས་ཚུལ། །ངང་གིས་ཡོངས་སུ་མཁྱེན་ལ༴
།ཡི་གེའི་ཕྱི་མོ་ལ་སོགས་རང་མཁྱེན་ཅིང་། །སྐྱེས་རབས་གླེང་བཞི་ལ་སོགས་གཏམ་མང་རྣམས། འབད་རྩོལ་མེད་པར་ཐོས་པ་ཙམ་གྱིས་ཆུབ། །འཁོར་མང་དགའ་བ་སྐྱེད་ལ༴
།དགྱེས་པའི་རྡོ་རྗེ་རྡོ་རྗེ་རྣལ་འབྱོར་མ། །མི་གཡོ་སྒྲོལ་མ་འཇམ་པའི་དབྱངས་སོགས་ཀྱི། །སྒྲུབ་ཐབས་དུ་མ་ལོ་བདུན་ལོན་ཚེ་གསུངས། །བློ་གསལ་ཀུན་གྱི་གཙོ་བོར་མགོས༴
།མཁས་མཆོག་བྱམས་པའི་གསུང་ངག་ཉེར་བསྟེན་ཏེ། །སྡེ་སྣོད་གསུམ་དང་དེ་ཡི་དགོངས་འགྲེལ་དང་། །སྒྲ་ཚད་རིག་པའི་གནས་ལྔ་ཀུན་ལ་སྦྱངས། །མཚུངས་མེད་སྨྲ་བའི་སེང་གེར༴
།ཀུན་དགའི་མཚན་ཅན་བླ་མ་ཆོས་རྗེ་ཡི། །ཞབས་པད་ཉེར་བསྟེན་སྡོམ་གསུམ་རིམ་པས་ནོས། །དཔག་ཡས་རྒྱུད་སྡེའི་དབང་ལུང་མན་ངག་གིས། །ཐུགས་རྒྱུད་ཡོངས་སུ་གང་ལ༴
།དཀྱིལ་འཁོར་རྒྱ་མཚོའི་བསྙེན་སྒྲུབ་མཐར་ཕྱིན་ཅིང་། །གསང་སྔགས་རྒྱ་མཚོའི་རྫོགས་རིམ་ཉམས་ལེན་གནད། །རྩེ་གཅིག་བསྒྲུབ་ལ་ཉིན་མཚན་ལྷུར་མཛད་པས། །རྒྱལ་བ་དགྱེས་པའི་ལམ་སྟོན་ལ༴
།མདོ་རྒྱུད་དགོངས་པ་ཇི་བཞིན་ལེགས་མཁྱེན་ནས། །འཆད་དང་རྩོད་དང་རྩོམ་པའི་ཚུལ་ལུགས་ལ། །སྲིད་གསུམ་འདི་ན་མགྲན་པའི་ཟླ་བྲལ་བ། །ཡོན་ཏན་རྒྱ་མཚོ་ཁྱོད་ལ༴
།རྒྱུད་སྡེ་རྒྱ་མཚོའི་ཚོགས་ལ་དབང་འབྱོར་ཞིང་། །འཕགས་པའི་ཡུལ་དང་གངས་རིའི་ཁྲོད་ཀུན་གྱི། །མཁས་གྲུབ་བྱེ་བའི་བཞེད་སྲོལ་ཇི་བཞིན་དུ། །མ་འདྲེས་ཐུགས་སུ་ཆུད་ལ༴
།སྒྱུ་མ་ལྟ་བུའི་ཏིང་འཛིན་མངོན་བརྙེས་པས། །རྨི་ལམ་མཚན་མའི་ཚུལ་དུ་བར་ཆད་བགེགས། །རྣམ་པར་བཏུལ་ནས་སྟོང་ཉིད་ཟབ་མོའི་དོན། །མངོན་དུ་གྱུར་པ་གང་དེར༴
།འཕགས་ཡུལ་མཁས་གྲུབ་ཞལ་ལུང་བདུད་རྩིའི་བཅུད། །སངས་རྒྱས་སྦས་པའི་ཞབས་སོགས་བླ་མ་ལས། །ལེགས་པར་གསན་ནས་ཐུན་མོང་མ་ཡིན་པའི། །ཟབ་དོན་རྒྱ་མཚོའི་བདག་པོར༴
།དཔག་མེད་སྐྱེས་རབས་ཕྲེང་བར་མངོན་འབྲེལ་བའི། གདོད་མའི་མགོན་པོ་རྡོ་རྗེ་སློབ་དཔོན་མཆོག །བརྒྱུད་པ་ཀུན་འདུས་རྩ་བའི་བླ་མ་དང་། །ཐུགས་ཡིད་དབྱེར་མེད་འདྲེས་ལ༴
།གང་ལས་མཐར་ཐུག་དེ་ཉིད་ནོད་པའི་ཚེ། །གནས་ལུགས་གདོད་མ་རང་བཞིན་ལྷན་ཅིག་སྐྱེས། །ཆོས་ཀུན་ངོ་བོ་ཆོས་སྐུ་མངོན་གྱུར་ཏེ། །སྲིད་ཞིའི་མགོན་པོར་གྱུར་ལ༴
།ཟབ་ཅིང་རྒྱ་ཆེ་དཔག་ཡས་དམ་ཆོས་སྟོན། མཐའ་དག་གཅིག་གྱུར་དོན་གྱི་བརྒྱུད་པ་བརྙེས། །རྫོགས་རིམ་ཟབ་མོའི་ཡེ་ཤེས་མངོན་གྱུར་པ། །བདེ་ཆེན་དང་པོའི་རྒྱལ་བར༴
།འཕགས་ཡུལ་ཤིང་རྟ་ཆེན་པོ་བཅུ་དྲུག་དང་། གྲུབ་ཐོབ་འཁོར་ལོས་སྒྱུར་བ་བགྲང་ཡས་ཀྱི། །བཀའ་བབས་བྱིན་གྱིས་བརླབས་པའི་རྟགས་མཚན་ཐོབ། །ཆོས་ཀྱི་རྒྱལ་པོ་བླ་མར༴
།རྡོ་རྗེ་ཐེག་པའི་འཕགས་ལམ་རྗེས་མཐུན་ནས། །བཅུ་གཉིས་རྡོ་རྗེའི་གནས་པ་མངོན་གྱུར་ཏེ། །རྩོད་པའི་དུས་འདིར་རྡོ་རྗེ་འཆང་དབང་གི། །གདུང་འཚོབ་གྱུར་པ་གང་དེར༴
།སྐྱེ་བ་ཀུན་ཏུ་རྗེས་བཟུང་ཡི་དམ་ལྷ། །འཁོར་ལོ་སྡོམ་པའི་བསྙེན་བསྒྲུབ་ལ་བརྩོན་ཚེ། །བདག་ཉིད་ཧེ་རུ་ཀར་གྱུར་མཚན་མ་གཟིགས། །ཡ་མཚན་དཔག་ཡས་མངའ་ལ༴
།སྒྲོལ་མའི་དབང་བཞི་ནོད་ཚེ་རང་གི་ལུས། །མཁའ་འགྲོའི་ཚོགས་ཀྱིས་ཡོངས་སྦྱངས་བྱིན་བརླབས་ཏེ། །མཐའ་དག་རྒྱུད་ཀྱི་གླེགས་བམ་རྣམ་པར་གྱུར། །གསང་སྔགས་བསྟན་པའི་བདག་པོར༴
།རྣལ་འབྱོར་ནམ་མཁའི་དཀྱིལ་འཁོར་མངོན་གཟིགས་ཤིང་། །འཕགས་པ་ལྷ་ཡིས་ཐེ་ཚོམ་དྲ་བ་བསལ། །ཞི་བ་ལྷས་ཀྱང་འདུས་པའི་རྒྱུད་དོན་བསྟན། །ཆོས་རྒྱུད་ཏིང་འཛིན་བརྙེས་ལ༴
།ཡན་ལག་དྲུག་གི་རྣལ་འབྱོར་མཉམ་བཞག་པས། །ཐོག་མར་དགེ་བའི་རྟགས་རྣམས་མཐར་ཕྱིན་ཞིང་། །སྲོག་འཛིན་རྟགས་སྣང་དུ་མ་མངོན་གྱུར་པ། །བཅོས་མིན་ཡེ་ཤེས་གཟིགས་ལ༴
།དཔལ་ལྡན་གསང་འདུས་དོན་ལ་མཉམ་བཞག་པས། །འཇམ་དབྱངས་ཐུགས་རྗེས་ཆོས་ཀུན་དེ་ཉིད་གཟིགས། །ཁྲོ་རྒྱལ་གཤིན་རྗེ་གཤེད་པོས་བྱིན་བརླབས་པས། །མཐུ་སྟོབས་དབང་ཕྱུག་གྱུར་ལ༴
།རྣལ་འབྱོར་གསང་མཐའི་དོན་ལ་མཉམ་གཞག་ཚེ། །རང་ལུས་ལྷ་སྐུའི་གསལ་སྣང་ཆེར་བརྟན་ཞིང་། །གནས་གསུམ་ཕོ་ཉའི་འདུ་བ་ལེགས་ཐོབ་པ། །ལྷན་སྐྱེས་བདེ་ཆེན་ཐོབ་ལ༴
།རྣམ་དག་ཐུགས་མངའ་ཁྱོད་ཀྱི་མནལ་ལམ་དུ། །མདའ་བསྣུན་ཤཱ་བ་རི་དང་ལཱུ་ཡི་པ། །དྲིལ་བུ་འབར་འཛིན་ཞི་བ་སྦས་པ་སོགས། །གྲུབ་མཆོག་ཏུ་མས་ཞལ་བསྟན༴
དེ་དག་རྣམས་ལ་ཐེ་ཚོམ་གཅོད་མཛད་ཅིང་། །རྒྱུད་སྡེའི་དགོངས་དོན་རྣམ་པར་འགྲེལ་བའི་ཚེ། །དཔའ་བོ་མཁའ་འགྲོ་དཔག་ཡས་བརྡ་ཐབས་ཀྱིས། །ཟབ་དོན་ངོ་སྤྲོད་བརྙེས་ལ་མགོས་ཕྱག་འཚལ།
།དགའ་ལྡན་གནས་ནས་ཤཱཀྱའི་མཚན་ལྡན་པས། །ཞལ་བསྟན་མི་ཕམ་མགོན་པོས་བདག་ཉིད་ལ། །དངོས་སུ་བྱིན་གྱིས་བརླབས་པའི་མཚན་མ་ཐོབ། །ཆོས་འབྱོར་རྒྱུན་མི་འཆད་ལ༴
།པདྨ་འབྱུང་གནས་ཟླ་འོད་གཞོན་ནུ་དང་། །བརྟོན་པ་བཞི་ལྡན་ལ་སོགས་མཆོག་རྣམས་དང་། །དམ་པ་ཆོས་ཀྱི་བཀའ་མཆིས་ཡོངས་ཐོབ་པ། །བཤེས་གཉེན་མཆོག་གིས་རྗེས་བཟུང་མགོས༴
།ཐོས་བསམ་མཐར་ཕྱིན་རྩེ་གཅིག་སྒྲུབ་ལ་དགྱེས། །ས་སྟེང་ཆོས་ཀྱི་འཁོར་ལོས་ཁྱབ་མཛད་པ། །ཡ་མཚན་མཚུངས་མེད་བླ་མ་རིན་ཆེན་ལ། །མཆོག་ཏུ་གུས་པའི་ཡིད་ཀྱིས་མགོས་ཕྱག་འཚལ།
།ཅེས་པ་འདི་ཡན་ཆད་སློབ་མའི་ངོར་ཏཱ་ར་ནཱ་ཐས་སྨྲས་པའོ།
Jetsün Taranatha (By Jamgön Kongtrül)
།རྗེ་བཙུན་རིན་པོ་ཆེའི་རྣམ་ཐར་གསོལ་འདེབས་ཁ་སྐོང་དད་པའི་མེ་ཏོག་ཅེས་བྱ་བ།
རྒྱལ་བ་ཀུན་གྱི་ཡབ་གྱུར་རྒྱལ་བའི་སྲས། །སྲིད་ཞི་ཀུན་སྤངས་སྲིད་ཞི་ཀུན་གྱི་བདག །དཔལ་ལྡན་འཁོར་ལོ་སྡོམ་པ་བླ་མའི་ཚུལ། །སྒྲོལ་བའི་མགོན་པོའི་ཞབས་ལ་གསོལ་བ་འདེབས།
།སྔོན་ཚེ་རྒྱལ་པོའི་ཕོ་བྲང་མཉན་ལྡན་དུ། །གྱད་ཀྱི་གཙོ་བོར་སྟོབས་མཐའ་ཡས་པར་གྱུར། །རྣམ་གཟིགས་དྲུང་དུ་བྱང་ཆུབ་ཐུགས་བསྐྱེད་ནས། །ངེས་པའི་ཡ་མཚན་ཐོབ་ལ་མགོས་ཕྱག་འཚལ།
།དེ་ནས་སངས་རྒྱས་ཀུན་དང་རྟག་ཏུ་འགྲོགས། །བྱང་ཆུབ་སྤྱོད་པ་ཁྱད་པར་ཅན་རྣམས་བསྟན། །རྣམ་འཕྲུལ་དཔག་ཏུ་མེད་པས་གདུལ་བྱའི་ཁམས། །ཡོངས་སུ་སྨིན་པར་མཛད་ལ་མགོས༴
།ཤཱཀ་ཐུབ་སྤྱན་སྔར་བྱང་སེམས་ལྔ་བརྒྱའི་དབུས། །བློ་གྲོས་ཤིན་ཏུ་རྣམ་པར་དག་པར་གྱུར། །ངེས་དོན་སྙིང་པོའི་བསྟན་པ་ཕྱོགས་མེད་དུ། །འཛིན་པའི་གོ་ཆ་བཞེས་ལ༴
།གྲུབ་པ་རིག་འཛིན་དྲང་སྲོང་པཎྜི་ཏ། །རྒྱལ་བློན་བྲམ་ཟེ་ཁྱིམ་བདག་ཐ་མལ་པ། །སྣ་ཚོགས་གཟུགས་ཀྱིས་སངས་རྒྱས་བསྟན་སྐྱོང་ཞིང་། །འཁོར་བ་དོང་ནས་སྤྲུགས་ལ༴
།ཤར་ཕྱོགས་མྱ་ངན་བྲལ་བར་དེ་བཞིན་གཤེགས། །ཙམྦྷ་ཀ་དྲུང་འཁོར་ལོས་སྒྱུར་བའི་རྒྱལ། །རི་བོའི་རྩེ་སོགས་སྐུ་ཡི་བཀོད་པ་བརྒྱད། གཅིག་ཆར་སྟོན་པར་མཛད་ལ༴
།དེ་བཞིན་འཇིག་རྟེན་གཞན་དང་བོད་ཡུལ་འདིར། །སྤྲུལ་མང་དུས་གཅིག་སྟོན་ལས་འདྲེན་པའི་གཙོ། །ཨོ་རྒྱན་དཔའ་བོ་བིཥྞུ་རཱ་ཛཱ་ཉིད། །སྤྲུལ་གཞིའི་ཚུལ་དུ་སྟོན་ལ༴
།ཧེ་རུ་ཀ་ཡིས་གསང་བའི་མཛོད་གཏད་ཅིང་། །ཐུབ་པས་ཆོས་ཀུན་བདག་པོར་རྗེས་སུ་གནང་། །ཉེ་སྲས་བརྒྱད་ཀྱིས་མདོ་རྒྱུད་མ་ལུས་པའི། །འབྱུང་གནས་བྱིན་གྱིས་བརླབས་ལ༴
།སྤྱན་རས་གཟིགས་ཀྱིས་འགྲོ་འདུལ་སེམས་དཔར་བསྔགས། །ནམ་མཁའི་སྙིང་པོས་ལྷག་པའི་བསླབ་པ་བྱིན། །རྗེ་བཙུན་སྒྲོལ་མས་རྟག་ཏུ་ཞལ་སྟོན་ཅིང་། །ལུང་བསྟན་ཡེ་ཤེས་སྤོར་ལ༴
།པདྨཱ་ཀ་རས་ཁྲག་འཐུང་དལ་དུ་བཅུག །མཚོ་རྒྱལ་མ་ཡིས་ཟབ་མོའི་བརྡ་དབང་བསྐུར། །ཌོམྦྷི་ཧེ་རུས་གནས་གསུམ་མཁའ་འགྲོ་མའི། །བདག་པོར་མངའ་གསོལ་མཛད་ལ༴
།ཙནྡྲ་གོ་མཱིས་ཏིང་འཛིན་ངོ་སྤྲད་མཛད། །བསྙུན་གྱི་ཟུག་རྔུ་འཕགས་པས་དངོས་སུ་བཀྲུས། །དབྱངས་ཅན་ལྷ་མོས་ངག་གི་དབང་ཕྱུག་སྩལ། །བསམ་ཡས་ཡེ་ཤེས་ཡངས་པར་མགོས༴
།གྲུབ་ཆེན་བརྒྱད་ཅུ་ལོ་ཙཱ་རྣལ་འབྱོར་ཚོགས། །གསོལ་བ་བཏབ་རེས་དངོས་སུ་ཆོས་གསུངས་ཤིང་། །ཨ་བྷ་ཡ་ཡིས་རྒྱུད་སྡེ་རབ་འབྱམས་ཀྱི། །དཀྱིལ་འཁོར་ཆེན་པོར་གཅུག་ལ༴
།གསང་བ་ཡེ་ཤེས་གསང་བའི་དབང་བཞི་བསྐུར། །ཌཱ་ཀིས་སྨན་མཆོག་རྣམ་རྒྱལ་དངོས་སུ་སྩལ། །དེ་བཱི་ཀོ་ཌིར་མཁའ་འགྲོས་བཀའ་མཆིད་ཀྱིས། །ཆོས་དྲུག་ཐང་མར་བརྡལ་ལ༴
།ལཱུ་ཡི་པཱ་དས་བདེ་ཆེན་ངོ་སྤྲོད་མཛད། །འཁོར་ལོ་གསུམ་དུ་ཚོགས་ཀྱི་འདུ་བ་རོལ། །ཆགས་ཆེན་ལམ་ལས་མཐོང་ཐོས་དྲན་རེག་ཀུན། །རྣམ་གྲོལ་ལུང་བསྟན་ཐོབ་ལ༴
།ཨོ་ཌཱི་ཡ་ན་ཟངས་མདོག་དཔལ་གྱི་རི། །ཤམྦྷ་ལ་རུ་རྫུ་འཕྲུལ་ཞབས་ཀྱིས་བགྲོད། །ཨིནྡྲ་བོ་དྷི་པད་འབྱུང་རིགས་ལྡན་ཆེའི། ཞལ་ལུང་བདུད་རྩི་གསོལ་ལ༴
།རྡོ་རྗེ་ཕག་མོ་དུས་འཁོར་གསང་འདུས་ཀྱིས། །འོད་ཟེར་ཆེན་པོའི་དབང་བསྐུར་རྒྱུད་སྡེའི་དོན། །རྣམ་པར་འགྲེལ་ལ་ལེགས་སོའི་དབུགས་དབྱུང་སྩལ། །གསང་བདག་རྡོ་རྗེ་ཆོས་ལ༴
།འཇམ་དཔལ་དམར་ནག་རྡོ་རྗེ་འཇིག་བྱེད་ཀྱིས། །དབང་བསྐུར་བདུད་སྡེ་འཇོམས་པའི་ལུང་བསྟན་ཐོབ། །བླ་མ་གྲུབ་ཆེན་བརྒྱད་ཀྱིས་བྱིན་བརླབས་པས། །ཆོས་ཀྱི་གཏིང་སླེབ་གྱུར་ལ༴
།ཡེ་ཤེས་ཕེབ་པས་སྣང་གྲག་རྟོག་ཚོགས་ཀུན། །དག་པའི་སྣང་བར་རྒྱ་འབྱམས་རྡོ་རྗེའི་གླུས། །ལས་ཅན་འཁོར་ཚོགས་རྟོགས་གྲོལ་དུས་མཉམ་གྱི། །ཡེ་ཤེས་སད་པར་མཛད་ལ༴
།དབང་བསྐུར་སྒྲུབ་མཆོད་ཆོས་འཁོར་བསྐོར་ལ་སོགས། །མཛད་ཆེན་སྟོན་ཚེ་འཇའ་འོད་མེ་ཏོག་ཆར། །མཁའ་འགྲོ་བརྡ་གླུ་དྲི་བཟང་ངད་པས་ཁྱབ། །སྤྲུལ་བསྒྱུར་ཆོ་འཕྲུལ་སྟོན་ལ༴
།རིང་ལུགས་ཉམས་པ་གསོས་ཤིང་འཁྲུལ་པ་བསལ། །སྔོན་མེད་ཤིང་རྟ་གསར་དུ་དྲངས་ལ་སོགས། །ངེས་དོན་སྙིང་པོ་རྡོ་རྗེ་ཐེག་མཆོག་གི །བསྟན་པ་རྨངས་ནས་གསོས་ལ༴
།ཀུན་མཁྱེན་ཆོས་རྗེས་བདེ་བ་ཅན་ཞིང་བསྟན། །ཕྱིར་མི་ལྡོག་པའི་ཆོས་ཀྱི་རྒྱལ་སྲིད་ཕོག །བུ་སྟོན་ཆེན་པོས་ཆོས་ཀྱི་ཅོད་པན་བཅིངས། །ཐུབ་བསྟན་མངའ་བདག་གྱུར་ལ༴
།བླ་མ་རྣམས་དང་རིས་མེད་མཁས་གྲུབ་ཚོགས། །གྲུབ་མཐར་དགྱེས་པའི་ལེགས་སོའི་ཤིས་བརྗོད་ལྡིར། །སྐྱེ་བ་གསུམ་ནས་མངོན་པར་འཚང་རྒྱ་ཞེས། །སེང་གེའི་སྒྲ་ཆེན་བསྒྲགས་ལ༴
།སངས་རྒྱས་ཞལ་མཐོང་མཐུ་ཆེན་ཆོས་སྐྱོང་རྣམས། །འབངས་སུ་མཆི་ཞིང་སྲོག་གི་སྙིང་པོ་ཕུལ། །མ་ཧཱ་ཀཱ་ལ་ལྕམ་དྲལ་སྡེ་འཁོར་བཅས། །ཅི་བཅོལ་བཀའ་བཞིན་སྒྲུབ་ལ༴
།ཚེ་འདིར་ལྟ་བའི་སྒོ་ནས་བྱ་བ་མཛད། །ཕྱི་མར་མདོ་སྒྱུ་སེམས་སོགས་འགྲོ་ལྡིང་དུ། །དངོས་སུ་སྤེལ་ནས་པདྨ་ཐོད་ཕྲེང་གི། །ཕྲིན་ལས་འཁོར་ལོས་སྒྱུར་ལ༴
།ཕག་མོ་སྒྲོལ་མ་སྤྱོད་འཆང་པདྨ་བདེས། །བསྐུལ་ཞིང་དཔའ་བོ་ཌཱ་ཀིས་གླུ་གར་གདུགས། །ཌཱ་དྲིལ་བདེ་སྐྱོང་བདུད་རྩིས་ཡོངས་མཆོད་དེ། །ཞིང་ཁམས་མཐའ་ཡས་གཤེགས་ལ༴
།བདུད་ཀྱི་གནས་གཡོ་འཇིག་རྟེན་རབ་འབྱམས་སུ། །ངོ་མཚར་ལྟས་སོགས་ཏིང་འཛིན་ས་བརྙེས་ཤིང་། །རིག་མའི་སྐྱེས་བུ་གྲུབ་པའི་དགེ་མཚན་གྱིས། །ཀུན་ཏུ་ཁྱབ་པར་མཛད་ལ༴
།ཨཽ་ཌཱི་ཡ་ནར་བཱིརྱ་རཱ་ཛ་དང་། །འགྲོ་ལྡིང་གནས་སུ་བདེ་བའི་མགོན་པོའི་ཚུལ། །བཻཌཱུརྱ་སྣང་བདེ་བ་ཅན་ཞིང་དུ། ས་བཅུའི་དབང་ཕྱུག་སྟོན་ལ༴
།ངོ་བོ་ལྷན་ཅིག་སྐྱེས་པའི་དྲྭ་བར་སྡོམ། །ཐུན་མོང་སྣང་ངོར་འཇིག་རྟེན་འོད་ལྡན་དུ། །བདེ་གཤེགས་ནམ་མཁའི་ཐིག་ལེར་འཚང་རྒྱ་སོགས། །རྣམ་འཕྲུལ་བསམ་མི་ཁྱབ་ལ་མགོས་ཕྱག་འཚལ།
།འཕགས་པའི་ཡུལ་དུ་འཇིགས་འབྱུང་སྦས་པ་བཞིན། །ཁྱོད་འདྲའི་གང་ཟག་ཕྱིས་ནས་མ་བྱོན་པའི། །དྲུག་པའི་རྒྱལ་ཚབ་ཉིད་དུ་ངེས་པ་རྙེད། །བླ་མེད་ཧེ་རུ་ཀ་དཔལ་བླ་མ་རྗེར།
།གུས་པའི་ཕྱག་འཚལ་ངོ་མཚར་མཆོད་སྤྲིན་འབུལ། །ཉེས་བྱས་ཀུན་བཤགས་དགེ་ལ་རྗེས་ཡི་རང་། །ཆོས་འཁོར་བསྐོར་ཞིང་རྟག་ཏུ་བཞུགས་གསོལ་འདེབས། །དགེ་ཀུན་ཁྱོད་ཀྱི་གོ་འཕང་ཐོབ་ཕྱིར་བསྔོ།
།ཀུན་དགའ་སྙིང་པོའི་སྐུ་གསུང་ཐུགས་ཡོན་ཏན། །རྣམ་ཐར་ཕྲིན་ལས་ཅི་འདྲར་བདག་གྱུར་ཏེ། །ཕྱོགས་ལས་རྣམ་རྒྱལ་གསུང་རབ་ཕྱོགས་བཅུར་སྤེལ། །འགྲོ་ཀུན་མཁའ་འགྲོ་དྲྭ་བར་སྡོམ་བྱེད་ཤོག
།འདི་ཕྱི་བར་དོ་རྨི་ལམ་དག་ཏུ་ཡང་། །ཏཱ་ར་ནཱ་ཐ་ཉིད་དང་མི་འབྲལ་བར། །གསང་བའི་མཛོད་ཐོབ་བརྟུལ་ཞུགས་ཕྱོགས་མེད་གྲུབ། །ཁ་སྦྱོར་བདེ་ཆེན་རོལ་པར་འཚང་རྒྱ་ཤོག
།རྟག་ཏུ་རྗེ་བཙུན་མཉེས་པའི་བྱ་བ་སྒྲུབ། །བྱིན་རླབས་རྒྱུད་ལ་ཞུགས་ནས་རྗེ་ཉིད་དང་། །རྣམ་དབྱེར་མེད་པའི་ཕྲིན་ལས་རབ་འབྱམས་ཀྱིས། །མཁའ་ཁྱབ་འཛམ་གླིང་བཀྲ་ཤིས་དཔལ་འབར་ཤོག
།ཅེས་རྣམ་ཐར་གསོལ་འདེབས་དད་པའི་ལྗོན་ཤིང་གི་ཁ་སྐོང་དམ་པ་སྔ་མས་མཛད་པ་འགའ་ཞིག་རྒྱས་བསྡུས་མ་འཚམས་པ་དང་ལུང་རྒྱུན་མ་བཞུགས་པས། །རང་གཞན་དད་པའི་གསོལ་འདེབས་ཀྱི་ཚུལ་དུ་ཀརྨ་ངག་དབང་ཡོན་ཏན་རྒྱ་མཚོས་དཔལ་སྤུངས་ཡང་ཁྲོད་དུ་བྲིས་པ་དགེ་ལེགས་འཕེལ།
Karma Shenpen Öser
།རྗེ་བཙུན་དཔལ་ལྡན་བླ་མ་ཀརྨ་གཞན་ཕན་འོད་ཟེར་ལ་གསོལ་བ་འདེབས་པ་དགེ་ལེགས་སྒྲ་དབྱངས་ཞེས་བྱ་བ།
གསང་བ་བསམ་མི་ཁྱབ་པའི་རྣམ་ཐར་འཆང་། །ཐ་མལ་སྣང་ངོར་སྦས་པའི་བརྟུལ་ཞུགས་ཅན། །འབྲེལ་ཚད་དོན་ལྡན་གྲུབ་པའི་དབང་ཕྱུག་མཆོག །གཞན་ཕན་འོད་ཟེར་ཞབས་ལ་གསོལ་བ་འདེབས།
།ཞེན་ལོག་ངེས་འབྱུང་བཅོས་མིན་ནང་ནས་བརྡོལ། ཤཱཀྱའི་བསྟན་ལ་རྣམ་དག་ཚངས་པར་སྤྱོད། །རྗེ་བཙུན་སྨྲ་བའི་སེང་གེས་བྱིན་བརླབས་པས། །འབྲི་ཀློག་རང་བརྡོལ་མཁྱེན་ལ་གསོལ་བ་འདེབས།
།མ་བསྒྲུབས་པར་ཡང་དམར་ནག་མེ་ཕྲེང་ཅན། །ཞལ་བསྟན་ཕྱི་ནང་བར་དུ་གཅོད་པ་བསལ། །མཚན་ལྡན་ཡོངས་འཛིན་དུ་མའི་ཞལ་སྒོ་འགྲིམས། །ཆོས་ཀྱི་བདུད་རྩི་བཞེས་ལ༴
།དབོན་སྟོན་དངོས་བྱོན་སྦས་པའི་རྣལ་འབྱོར་པ། །ཀརྨ་ལྷག་མཐོང་ཞབས་ལས་ཤངས་ཆོས་སོགས། །གདམས་ངག་བཅུད་གསོལ་རྗེ་བཙུན་རྨོག་ལྕོག་པའི། །རྣམ་རོལ་ཞལ་གྱིས་བཞེས་ལ༴
།བློ་སྦྱོང་མཛད་ཚེ་ལོ་གསུམ་ཤིག་ནད་ཀྱིས། །གཙེས་ཀྱང་སྟོང་ཉིད་སྙིང་རྗེའི་དབྱིངས་སུ་དེངས། །དཀའ་སྤྱད་བརྩོན་འགྲུས་བསམ་གྱིས་མི་ཁྱབ་པས། །གདམས་ངག་ཉམས་བཞེས་མཛད་ལ༴
གཏུམ་མོ་སྒྱུ་ལུས་རྨི་ལམ་འོད་གསལ་གྱི། །ཏིང་འཛིན་མཐར་ཐུག་བརྙེས་པས་རླུང་སྦྱོར་གྱིས། །ནད་གདོན་དངོས་སུ་འདོན་སོགས་ཕྱི་ཡི་རྟགས། །བསྙོན་མེད་མངོན་སུམ་སྟོན་ལ༴
ཆོས་བརྒྱད་དྲི་མ་རྨི་ལམ་དུ་ཡང་སྤངས། །ངོ་སྲུང་མཐུན་འཇུག་ནམ་ཡང་མི་མངའ་ཞིང་། །འདིར་ལྟོས་བྱ་བཞག་སློགས་རུལ་བཞིན་ཏུ་དོར། །བྱ་བཏང་རྒྱལ་པོ་ཁྱེད་ལ༴
།ཐོགས་བཅས་ཐོགས་མེད་ཡ་ང་སྐྱུགས་བྲོ་ལ། །བདག་འཛིན་བློས་བཏང་རོ་སྙོམས་ཟློག་སྒོམ་གྱིས། །ཐུགས་དམ་བོགས་ཐོན་བརྟུལ་ཞུགས་རྩལ་ཆེན་རྫོགས། །རྣལ་འབྱོར་དབང་ཕྱུག་ཁྱོད་ལ༴
།ཉམས་དང་རྟོགས་པ་བསམ་མི་ཁྱབ་པ་འཁྲུངས། །གྲུབ་པ་ལྷ་དང་མཁའ་འགྲོས་ཞལ་བསྟན་ཅིང་། །ཆོས་སྲུང་དམ་ཅན་ཚོགས་ཀྱིས་ཕྲིན་ལས་སྒྲུབ། གོང་མའི་བརྒྱུད་པ་ཟིན་ལ༴
།མི་སྣང་ལ་སོགས་སྤྲུལ་བསྒྱུར་ཆོ་འཕྲུལ་མངའ། །འབྱུང་འགྱུར་གནས་སོགས་ལྐོག་གྱུར་དངོས་སུ་མཁྱེན། །དག་པའི་སྣང་ངོར་མར་པ་ལོ་ཙྭ་སོགས། སྤྲུལ་པའི་གཟུགས་སུ་སྟོན་ལ༴
།མ་ངེས་ཐོད་རྒལ་སྤྱོད་པ་སྣ་ཚོགས་པས། །རྐྱེན་སྣང་གང་བྱུང་ཐད་ཀའི་ལམ་དུ་གཅོད། །སྣང་སེམས་དབང་དུ་འདུས་པའི་རྣལ་འབྱོར་པ། །ཀརྨ་མ་ཎིའི་ཞབས་ལ༴
།སྐལ་ལྡན་གདུལ་བྱ་རྣམས་ལ་སྒྲུབ་བརྒྱུད་སྤེལ། །བཟང་ངན་འབྲེལ་ཚད་ཕྱིར་མི་ལྡོག་པ་ཡི། །ཕྲིན་ལས་མཐར་ཕྱིན་འོད་གསལ་ཆེན་པོར་བཞུགས། །ཡེ་ཤེས་སྐུ་མཆོག་ཁྱེད་ལ༴
།དྲན་མཆོག་དཔལ་ལྡན་བླ་མ་རིན་པོ་ཆེ། །སྙིང་གི་ཟེའུ་འབྲུ་ཚངས་པའི་འཁོར་ལོའི་དབུས། །ཐུགས་རྗེ་གཡེལ་བ་མེད་པར་རྟག་བཞུགས་ལ། །སྐུ་གསུང་ཐུགས་ཀྱིས་བྱིན་གྱིས་བརླབ་ཏུ་གསོལ།
Jamyang Khyentsé Wangpo
༈ །ཐམས་ཅད་མཁྱེན་པ་འཇམ་དབྱངས་མཁྱེན་བརྩེའི་དབང་པོ་ལ་གསོལ་བ་འདེབས་པ་བཀྲ་ཤིས་འཁྱིལ་པའི་སྒྲ་དབྱངས་ཞེས་བྱ་བ།
ཇི་ལྟ་ཇི་སྙེད་ཤེས་བྱ་ཐམས་ཅད་མཁྱེན། །དམིགས་མེད་ཐུགས་རྗེས་འགྲོ་ལ་བུ་ལྟར་དགོངས། །འཁོར་བ་དོང་སྤྲུགས་ནུས་པའི་ཆོས་ཀྱི་རྒྱལ། །མཁྱེན་བརྩེའི་དབང་པོའི་ཞབས་ལ་གསོལ་བ་འདེབས།
།རྒྱལ་བའི་ཡབ་གཅིག་རྗེ་བཙུན་འཇམ་པའི་དབྱངས། །གང་འདུལ་རྣམ་རོལ་ཆོས་དབྱིངས་ཁྱབ་པ་ལས། །སྙིགས་དུས་བསྟན་འགྲོ་སྐྱོབས་པའི་དཔལ་མགོན་ཏུ། །བསམ་བཞིན་སྐྱེ་བ་བཞེས་ལ༴
།མདོ་སྨད་སྡེ་བཞི་དགེ་བཅུའི་སྨན་གྱི་ལྗོངས། །ཕྲིན་ལས་འགྲོ་འདུལ་སྤྲུལ་པའི་གནས་ཀྱི་ཆར། །རྣམ་དག་རིགས་སོགས་མཆོག་གི་གཟིགས་པ་ལྔས། །སྤྲུལ་པའི་སྐུ་རུ་བསྟན་ལ༴
།ཡེ་ཤེས་བརྙེས་པའི་རྣམ་འདྲེན་མཆོག་རྣམས་ཀྱིས། །དམ་པའི་སྐྱེས་བུར་མགྲིན་གཅིག་ལུང་བསྟན་ཅིང་། །ཕལ་པའི་སྤྱོད་ལས་འདས་ཕྱིར་ལྷ་མི་ཀུན། །འགྲོ་བའི་མགོན་དུ་བསྔགས་ལ༴
།དབུས་གཙང་བོད་ཆེན་ཀུན་ཏུ་ཞབས་ཀྱིས་གཅགས། །མཉེས་པ་གསུམ་གྱིས་ཡོངས་འཛིན་བརྒྱ་ལྷག་བསྟན། །སྐྱོ་ངལ་མེད་པར་དམ་ཆོས་ཡོངས་སུ་ཚོལ། ཐུགས་བསྐྱེད་དཔག་ཡས་ཁྱོད་ལ༴
།ས་ཆེན་ཕུག་ཏུ་ཐུགས་དམ་མཛད་པའི་ཚེ། །ལྷག་པའི་ལྷ་ཡི་ཕྱག་རྒྱ་ཐུགས་ཀར་ཐིམ། །སྤོབས་པའི་གཏེར་ཆེན་བརྒྱད་པོ་ཡོངས་སུ་གྲོལ། །མཁྱེན་གཉིས་རྩལ་ཆེན་རྫོགས་ལ༴
།སྒྲ་ཚད་བཟོ་གསོ་གྲངས་གནས་ཚིག་རྒྱན་སོགས། །གནས་ལྔ་རིག་པ་ཡན་ལག་དང་བཅས་པར། །ཕུལ་དུ་སོན་པས་གངས་ཅན་འཛིན་མའི་ཁོངས། །མཁས་པའི་སྙན་པས་ཁྱབ་ལ༴
།འདུལ་མངོན་དབུ་མ་ཕར་ཕྱིན་གསང་སྔགས་ཀྱི། །རྒྱུད་ཀུན་གཟིགས་པ་ཙམ་གྱིས་གཏིང་སླེབ་ཅིང་། །མི་བརྗེད་གཟུངས་ཐོབ་བརྟན་པའི་འཁོར་ལོའི་ཚུལ། །མ་སྦས་གསལ་བར་སྟོན་ལ༴
།དྲི་མེད་ཚུལ་ཁྲིམས་ནོར་བུའི་རྒྱན་ཆས་སྒེག །ཏིང་འཛིན་འཛུམ་དཀར་སྐལ་ལྡན་ཡིད་དབང་འགུགས། །ཤེས་རབ་རོལ་སྒེགས་ས་གསུམ་དཔྱིད་དུ་གཡོ། །བསླབ་གསུམ་དབང་ཕྱུག་ཞབས་ལ༴
།ཟབ་རྒྱས་གནས་ལ་ཆོས་སྤྱན་རྡུལ་དང་བྲལ། །འཆད་རྩོད་རྩོམ་ལ་ཆགས་དང་ཐོགས་པ་མེད། །མཛད་སྤྱོད་ཀུན་ལ་འཁྲུལ་པའི་དྲི་མ་ཟད། །ལྷ་མི་ཡིད་ཆེས་སྐྱེད་ལ༴
།ནང་གི་ཡོན་ཏན་རྒྱ་མཚོ་གཏེར་བཞིན་སྦེད། །གཞན་གྱི་ཡོན་ཏན་ཕྲ་མོར་བསྔགས་ཤིང་འདུད། །བསྟན་འགྲོའི་དོན་དུ་གཅེས་དགུའི་བདོག་པ་ཡང་། །ཙྭ་བཞིན་གཏོང་བར་མཛད་ལ༴
།གཟུངས་དང་ཏིང་འཛིན་མངོན་ཤེས་རྒྱ་མཚོ་མངའ། །འཇིག་རྟེན་གསུམ་གྱིས་མཆོད་འོས་ཉིད་གྱུར་ཀྱང་། །ཁེངས་དྲེགས་མི་མངའ་དམ་ཆོས་ཚིག་གཅིག་ཕྱིར། །དཀའ་ཆེན་དང་དུ་བཞེས་ལ༴
།ལྟར་སྣང་ཆོས་ལ་བརྙེས་པའི་འཛིན་སྐྱོང་སོགས། །འཇིག་རྟེན་བྱ་བཞག་གང་ལའང་ལྟོས་མེད་པས། །འཇིགས་མེད་སེང་གེ་ལྟ་བུར་ཀུན་བཟང་སྤྱོད། །ས་སྟེང་འགྲན་ཟླ་བྲལ་ལ༴
།སྒྲུབ་བརྒྱུད་ཤིང་རྟ་ཆེ་བརྒྱད་རིང་ལུགས་ཀྱི། །གཞུང་གདམས་མན་ངག་ཆུ་ཀླུང་མ་ལུས་པ། །ཐུགས་མཚོར་བསྐྱིལ་ནས་སྨིན་གྲོལ་རྒྱུན་འདེབས་པས། །བསྟན་པའི་སྲོག་རྩ་མཐུད་ལ༴
།ཐུབ་བསྟན་ཡོངས་སུ་རྫོགས་པའི་ཤིང་རྟ་ཆེ། །གདུལ་བྱ་རིས་སུ་མ་ཆད་འདུལ་བའི་གཉེན། །ཕྱོགས་སུ་མ་ལྷུང་གྲུབ་མཐའ་མཐའ་དག་གི། །གཙུག་གི་ནོར་བུར་གྱུར་ལ༴
།ཕྲིན་ལས་ཐམས་ཅད་གཞན་ཕན་འབའ་ཞིག་སྒྲུབ། །འབྲེལ་ཚད་དོན་ལྡན་ངོ་མཚར་ལྟས་མང་མངའ། །བསོད་ནམས་ཚོགས་ཆེན་བསམ་མི་ཁྱབ་པ་བསྐྲུན། །ས་བཅུའི་དབང་ཕྱུག་ཁྱོད་ལ༴
།ཨོ་རྒྱན་ཡབ་ཡུམ་དྲི་མེད་བཤེས་གཉེན་ཞབས། །ཆོས་རྒྱལ་མེས་དབོན་ཆོས་དབང་ཀུན་མཁྱེན་སོགས། །དགུ་ལྡན་བརྒྱུད་པའི་བླ་མ་ཡི་དམ་ལྷས། །བྱིན་བརླབས་དངོས་གྲུབ་སྩལ་ལ༴
།ཁྱད་པར་སློབ་དཔོན་འཇམ་དཔལ་བཤེས་གཉེན་གྱིས། །མདོ་རྒྱུད་གསང་མཛོད་སྩལ་ནས་ཡེ་ཤེས་སྐུར། །བྱིན་གྱིས་བརླབས་པས་ཉིད་དང་དབྱེར་མེད་པའི། །མཁྱེན་རྟོགས་རྫོགས་པར་སད་ལ༴
།བརྩེ་བ་ཆེན་པོ་ཁུ་དབོན་བརྒྱུད་བཅས་ཀྱིས། །དབང་བསྐུར་རྒྱུད་གཏད་གཞན་ཡང་འཕགས་བོད་ཀྱི། །མཁས་གྲུབ་ཏུ་མས་དངོས་ཉམས་རྨི་ལམ་དུ། །ཡང་ཡང་རྗེས་སུ་བཟུང་ལ༴
།འདུས་པའི་དལ་དུ་ཞུགས་ཚེ་སོ་སྟོན་མཆོག །ཡེ་དབང་མཐུ་ཡིས་སྙིགས་མའི་ཕུང་ཁམས་སྦྱངས། །རྡོ་རྗེ་སེམས་དཔའི་གསང་བ་གསུམ་དུ་གྱུར། །རིགས་ཀུན་ཁྱབ་བདག་མཆོག་ལ༴
།རྒྱལ་ཡུམ་རྡོ་རྗེ་བཙུན་མོས་རྗེས་སུ་བཟུང་། །སྣང་སྲིད་དག་པ་རབ་འབྱམས་འཁོར་ལོར་ཤར། །རྡོ་རྗེ་ལུས་ཀྱི་དཀྱིལ་འཁོར་གསལ་བར་གཟིགས། །གྲུབ་པའི་ཁྱུ་མཆོག་ཁྱོད་ལ༴
།ཕྱི་ནང་གནས་གསུམ་མཁའ་འགྲོའི་འདུ་བ་ཐོབ། །འབར་བ་གསུམ་གྱི་ཡེ་ཤེས་གོང་དུ་འཕེལ། །སྤྱོད་པ་གསུམ་གྱི་རྟེན་འབྲེལ་མཐར་ཕྱིན་པའི། །རྣལ་འབྱོར་དབང་ཕྱུག་ཆེན་པོར་གསོལ་བ་འདེབས།
།སྐྱེས་རབས་དུ་མའི་ལས་ཀྱི་འཕྲོ་སད་དེ། །མདོ་རྒྱུད་བཀའ་ལུང་དཀོན་པའི་བུ་སྟ་ཀ། རྟེན་མཆོག་དམ་རྫས་ཆུ་ཀླུང་བྱེ་བ་སྙེད། །རྣམ་ཐར་རྒྱ་མཚོར་བསྐྱིལ་ལ༴
།བརྒྱུད་པ་དྲུག་ལྡན་ས་དང་དགོངས་པའི་གཏེར། །དག་སྣང་སྙན་བརྒྱུད་རྗེས་དྲན་ཡང་གཏེར་བཅས། །བཀའ་བབས་རིན་ཆེན་རྣམ་བདུན་རྒྱལ་སྲིད་བརྙེས། །ཆོས་ཀྱི་འཁོར་ལོས་སྒྱུར་ལ༴
།རང་སྣང་དབང་འདུས་གཞན་སྣང་ཟིལ་གྱིས་མནན། །མ་འབད་པར་ཡང་ཕྲིན་ལས་རྣམ་བཞི་འགྲུབ། །ཌཱ་ཀི་ཆོས་སྲུང་མཐུ་ལྡན་དྲེགས་པ་ཡིས། །ཅི་བཅོལ་བཀའ་བཞིན་སྒྲུབ་ལ༴
།ཟབ་རྒྱས་ཆོས་ཀྱི་འཁོར་ལོ་གྲངས་མེད་པས། །སྐལ་ལྡན་བྱེ་སྙེད་སྨིན་ཅིང་གྲོལ་བར་མཛད། །བསམ་གྱིས་མི་ཁྱབ་འཕགས་པའི་རྣམ་ཐར་འཆང་། །ཐུགས་རྗེའི་བདག་ཉིད་ཁྱེད་ལ༴
།མི་ཕྱེད་གུས་པས་རྩེ་གཅིག་གསོལ་བཏབ་མཐུས། །སྐྱེ་བ་འདི་བཟུང་བྱང་ཆུབ་མ་ཐོབ་པར། །དཔལ་ལྡན་བླ་མ་མཆོག་དང་མི་འབྲལ་བར། །རྗེས་སུ་བཟུང་ནས་རྣམ་ཐར་མངོན་བྱེད་ཤོག
།མཉེས་པ་གསུམ་གྱིས་ཚུལ་བཞིན་བསྟེན་ནས་ཀྱང་། །ཐུགས་ཀྱི་བཅུད་ཐོབ་ཉམས་ལེན་མཐའ་རུ་ཕྱིན། །ས་དང་ལམ་གྱི་ཡོན་ཏན་ཡོངས་རྫོགས་ཏེ། །རྡོ་རྗེ་འཆང་དབང་གོ་འཕང་འགྲུབ་གྱུར་ཅིག
།ཆོས་བཞིན་སྒྲུབ་ལ་བར་ཆད་མི་འབྱུང་ཞིང་། །ལུང་རྟོགས་ཆོས་ལ་རང་དབང་ཐོབ་པ་ཡིས། །ཐུབ་དབང་བསྟན་པ་འཛམ་གླིང་ཀུན་ཏུ་སྤེལ། །ཆོས་ཀྱི་རྒྱལ་པོ་ཁྱེད་དང་མཚུངས་པར་ཤོག
Jamgön Kongtrül Lodrö Thayé
༈ །དཔལ་ལྡན་བླ་མ་ལ་གསོལ་བ་འདེབས་པ་ཀུན་ཏུ་བཟང་པོའི་སྒྲ་དབྱངས་ཞེས་བྱ་བ།
ཀརྨ་བཀའ་བརྒྱུད་བསྟན་པའི་སྣང་བྱེད་མཆོག །ངག་གི་དབང་ཕྱུག་ཡོན་ཏན་རྒྱ་ཆེའི་མཚོ། །དགེ་ལེགས་ཕྲིན་ལས་རླབས་ཕྲེང་ཀུན་ཏུ་ཁྱབ། །དཔལ་ལྡན་བཟང་པོའི་ཞབས་ལ་གསོལ་བ་འདེབས།
།ཚར་གཅོད་རྗེས་འཛིན་ཀུན་ཤེས་ཡན་ལག་བཅས། །བཅུ་ཕྲག་རིག་པའི་གནས་ལ་ཐོས་བསམ་དང་། །སྒོམ་པའི་བློ་གྲོས་ཆགས་ཐོགས་བྲལ་བ་ཡིས། །རྣམ་དཔྱོད་མཐའ་ཡས་ལྡན་ལ༴
།པདྨ་དབང་ཆེན་སོགས་ཀྱིས་རྗེས་སུ་བཟུང་། །གར་གྱི་དབང་ཕྱུག་ཐུགས་རྗེའི་རིག་སྔགས་འཆང་། །ཕྲིན་ལས་འགྲོ་བ་འདུལ་བའི་རྩལ་མངའ་བ། །དཔལ་ལྡན་བླ་མ་མཆོག་ལ༴
།གྲུབ་རིགས་འཛིན་པ་ཁྱུང་གི་གདུང་ལས་གྲོལ། །སྦྱངས་པའི་ལས་འཕྲོ་དཀར་པོའི་ཆོས་ལ་སད། །འཁོར་ལོ་གཉིས་ཀྱི་མཐུན་རྐྱེན་ངང་གིས་ཚོགས། །ངོ་མཚར་རྨད་དུ་བྱུང་ལ༴
།གཞན་གནོད་གཞིར་བཅས་སྤོང་བས་རྒྱུད་བསྡམས་ཤིང་། །གཞན་ཕན་གཞིར་བཅས་བསླབ་པའི་གནས་ལ་གཞོལ། །རིམ་གཉིས་མངོན་རྟོགས་ཅི་ཡང་གསལ་བ་ཡི། །གསུམ་ལྡན་རྡོ་རྗེ་འཛིན་པར༴
།མཁས་གྲུབ་དེད་དཔོན་ཡོངས་འཛིན་དུ་མ་བསྟེན། །མདོ་སྔགས་རྒྱ་མཚོར་ལྷག་བསམ་བརྩོན་པས་ཞུགས། །གཞུང་གདམས་མན་ངག་ནོར་བུའི་སྐྱེས་བཟང་གིས། །སྐལ་ལྡན་དབུལ་བ་སེལ་ལ༴
།ཨོ་རྒྱན་དུས་གསུམ་མཁྱེན་པའི་རྡོ་རྗེའི་བཀས། །གཏེར་འབྱིན་གྲུབ་པའི་འཁོར་ལོས་སྒྱུར་རྣམས་ཀྱིས། །རྣམ་སྣང་བཻ་རོ་ཙ་ནའི་རྣམ་འཕྲུལ་དུ། །ལུང་བསྟན་མངའ་གསོལ་མཛད་ལ༴
།རྒྱལ་བ་ཡབ་སྲས་མཆོག་གླིང་མཁྱེན་བརྩེའི་དབང་། །མཆོག་གཟིགས་རྣམས་ཀྱིས་ཏཱ་ར་ནཱ་ཐ་དང་། །འགྱུར་མེད་རྡོ་རྗེའི་སྤྲུལ་པར་ཞལ་བཞེས་ཤིང་། །ཡོངས་འཛིན་མཆོག་ཏུ་བཀུར་ལ༴
།རྒྱལ་བསྟན་རིས་མེད་སྐྱོང་བའི་དག་སྣང་དང་། །འགྲོ་ཕན་རིས་མེད་སྒྲུབ་པའི་ལྷག་བསམ་སྟེ། །གང་བྱུང་ཐད་ཀར་ཁྱེར་བའི་སྤྱོད་ཚུལ་གྱིས། །དམ་པའི་རྣམ་ཐར་འཛིན་ལ༴
།ཙཱ་འདྲ་རིན་ཆེན་བྲག་གི་དབེན་གནས་སུ། །ཚེ་གཅིག་སྒྲུབ་པའི་རྒྱལ་མཚན་བཙུགས་ནས་སུ། །འཆད་རྩོམ་བཀའ་བབས་བསྟན་ལ་བྱ་བ་མཛད། །དོན་གཉིས་ལྷུན་གྱིས་གྲུབ་ལ༴
།རྡོ་རྗེའི་ལུང་གིས་གསལ་བར་བསྔགས་པའི་དོན། །ཧེ་རུ་ཀ་ཡི་སྐུ་གསུང་ཐུགས་ཀྱི་རྟེན། །བསྟན་པ་ཇི་སྲིད་བར་དུ་འགྲོ་ཕན་གྱི། །བཙས་སུ་བསྒྲུབས་པར་མཛད་ལ༴
།མོས་པའི་སྟོབས་དང་རྟེན་འབྲེལ་བསླུ་མེད་མཐུས། །དཔལ་ལྡན་བླ་མ་མཆོག་དང་མི་འབྲལ་ཞིང་། །མཁའ་སྤྱོད་གྲོང་ཁྱེར་ཆེན་པོར་ལྷན་ཅིག་འཚོགས། །རྡོ་རྗེ་སེམས་དཔའི་གནས་མཆོག་ཐོབ་གྱུར་ཅིག
།གང་གི་གསང་གསུམ་རྡོ་རྗེ་ལྟར་བརྟན་ཅིང་། །ཟབ་རྒྱས་ཆོས་རྔ་རྟག་ཏུ་སྒྲོགས་པ་ཡིས། བདག་སོགས་ལེགས་པའི་ལམ་ཀུན་མཐར་ཕྱིན་ཅིང་། །བསམ་དོན་ལྷུན་གྲུབ་དགེ་ལེགས་དཔལ་འབར་ཤོག
།བསྔགས་འོས་ཀྱི་ཡོན་ཏན་ཆ་ཤས་ཕྲ་མོས་ཀྱང་མ་གོས་ཤིང་རང་ཉིད་ལ་བསྟོད་པ་མ་རབས་བླུན་པོའི་ལུགས་སུ་གྱུར་ཀྱང་། སྒྲུབ་བརྩོན་བླ་མ་དམ་པ་པདྨ་ནོར་བུས་ནན་ཏན་ཆེན་པོས་བསྐུལ་ངོར་མ་ལྡོག་ཙམ་དུ་འདུ་གསུམ་པ་ཡོན་ཏན་རྒྱ་མཚོས་སུག་བྲིས་སུ་ུབསྟན་པ་དགེ་ལེགས་འཕེལ།
༈ །དེ་དག་ཐམས་ཅད་ཀྱི་གཞུག་ཏུ་སྤྱིར་སྨོན་ལམ་བྱ་བ་དོན་ཀུན་འགྲུབ་པའི་སྒྲ་དབྱངས་ཞེས་བྱ་བ།
།སངས་རྒྱས་ཀུན་དངོས་དཔལ་ལྡན་བླ་མ་རྣམས། །དམིགས་མེད་ཐུགས་རྗེ་ཆེན་པོས་འདིར་གཤེགས་ལ། །མདུན་གྱི་ནམ་མཁར་པད་ཟླའི་གདན་ལ་བཞུགས། །དད་ལྡན་མོས་པའི་བུ་ལ་རྗེས་སུ་དགོངས། །བདག་སོགས་འགྲོ་ཀུན་ཞིང་རྡུལ་གྲངས་སྙེད་ཀྱི། །སྒོ་གསུམ་གུས་པས་བཏུད་དེ་ཕྱག་བགྱིའོ། །དབྱངས་ཀྱི་ཡན་ལག་རྒྱ་མཚོའི་སྒྲ་དབྱངས་ཀྱིས། །རྣམ་པ་ཀུན་ཏུ་བསྟོད་ཅིང་གསོལ་བ་འདེབས། །ལུས་དང་ལོངས་སྤྱོད་དངོས་འབྱོར་ཡིད་ལས་བྱུང་། །ཀུན་བཟང་མཆོད་པའི་སྤྲིན་ཕུང་རྒྱ་མཚོས་མཆོད། །ཐོག་མེད་ནས་བསགས་བཅས་དང་རང་བཞིན་གྱི། །སྡིག་སྒྲིབ་ཉེས་ལྟུང་འགྱོད་པས་བཤགས་ཞིང་བསྡམ། །འཁོར་འདས་ཀུན་གྱི་ཟག་བཅས་ཟག་མེད་ཀྱི། །དགེ་བ་ཀུན་ལ་སྙིང་ནས་རྗེས་ཡི་རང་། །དབང་པོར་འཚམས་པའི་ཐེག་གསུམ་ཆོས་འཁོར་ནི། །འགྲོ་ཁམས་ཇི་སྲིད་བར་དུ་བསྐོར་བར་བསྐུལ། །དམིགས་མེད་ཐུགས་རྗེ་རྒྱུན་ཆད་མེད་པའི་ངང་། །གཟུགས་སྐུ་རྡོ་རྗེ་ལྟ་བུར་རྟག་བརྟན་གསོལ། །འདིས་མཚོན་དུས་གསུམ་ལེགས་སྤྱད་ཅི་མཆིས་པ། །བདག་དང་ཕ་མ་མཁའ་མཉམ་འགྲོ་བ་ཀུན། །དཔལ་ལྡན་བླ་མ་དམ་པའི་སྐུ་གསུང་ཐུགས། །ཡོན་ཏན་ཕྲིན་ལས་མྱུར་དུ་འགྲུབ་ཕྱིར་བསྔོ།
།བླ་མ་རྣམས་ཀྱིས་ཐུགས་རྗེས་རྗེས་སུ་བཟུང་། །མ་གུས་ལོག་ལྟ་སྐད་ཅིག་མི་འབྱུང་ཞིང་། །ཞབས་ཏོག་དགུ་ཕྲུགས་སྒོ་ནས་མཉེས་པ་གསུམ། །མཐར་ཕྱིན་ཐུགས་ཡིད་གཅིག་ཏུ་འདྲེ་བར་ཤོག
།ཚེ་རབས་ཀུན་ཏུ་རྗེ་བཙུན་ཁྱེད་རྣམས་དང་། སྐད་ཅིག་ཙམ་ཡང་འབྲལ་བ་མ་མཆིས་པར། །ཅི་མཛད་ལེགས་མཐོང་ཅི་གསུང་ཚད་མར་འཛིན། །བླ་མའི་གསང་བ་གསུམ་དང་དབྱེར་མེད་ཤོག
།སྙིང་ནས་དད་ཅིང་གསོལ་བ་བཏབ་པའི་མཐུས། །རྡོ་རྗེ་འཆང་ནས་རྩ་བའི་བླ་མའི་བར། །དམ་པ་རྣམས་ཀྱི་རྣམ་ཐར་ཅི་མཆིས་པ། །ཐམས་ཅད་བདག་ཉིད་ཁོ་ནས་འགྲུབ་གྱུར་ཅིག
།སོ་སྐྱེའི་ཚིག་གི་མགལ་དུམ་ལ། །བྱིན་རླབས་གཟི་བརྗིད་ལྡན་མིན་ཀྱང་། །མོས་པ་ཁོ་ནས་སྦྱར་བའི་དགེས། །བླ་མ་རྣམས་དང་དབྱེར་མེད་ཤོག
།བདག་རྒྱུད་ཡོན་ཏན་མི་ལྡན་ཀྱང་། །མཚན་ལྡན་བླ་མས་རྗེས་བཟུང་བས། །བཀའ་བརྒྱུད་འདི་འདྲའི་བྱིན་རླབས་ཐོབ། །བསྟན་འགྲོར་ཕན་འདོད་ལྷག་བསམ་མངའ།
།སྐལ་བཟང་འདུ་ཤེས་གསུམ་པའི་སྡེ། །ངག་དབང་ཡོན་ཏན་རྒྱ་མཚོ་ཡིས། །ཙཱ་འདྲ་རིན་ཆེན་བྲག་མགུལ་དུ། །རྒྱལ་བ་ལྷ་ལས་བབས་པའི་དུས།
།སྒྲ་དབྱངས་ཡན་ལག་རྒྱ་མཚོ་ཡི། །གསོལ་འདེབས་རྒྱུད་མངས་སྦྲེངས་པ་འདི། །ས་གསུམ་སྐྱེ་དགུའི་རྣ་བ་རུ། །འབབས་ནས་དབྱངས་སུ་ལེན་པར་ཤོག
།དགེ་ལེགས་འཕེལ།། །།
This work is licensed under a Creative Commons Attribution-Non Commercial-ShareAlike 3.0 Unported License
