Difference between revisions of "Ye shes kyi mgon po tsin+tA ma Ni phreng ba"
| Line 8: | Line 8: | ||
|BDRC link=[https://www.tbrc.org/#library_work_ViewByOutline-O01DG1049094952%7CW23922 BDRC W23922]<br/>[https://www.tbrc.org/#library_work_ViewByOutline-o20877C2O0294%7CW23605 BDRC W23605]<br/>[https://www.tbrc.org/#!rid=W8LS16295 BDRC W8LS16295 (p.723)] | |BDRC link=[https://www.tbrc.org/#library_work_ViewByOutline-O01DG1049094952%7CW23922 BDRC W23922]<br/>[https://www.tbrc.org/#library_work_ViewByOutline-o20877C2O0294%7CW23605 BDRC W23605]<br/>[https://www.tbrc.org/#!rid=W8LS16295 BDRC W8LS16295 (p.723)] | ||
}} | }} | ||
| − | <span class="main_text">༄༅། །དཔལ་མྱུར་མཛད་ཡེ་ཤེས་ཀྱི་མགོན་པོའི་བྱིན་རླབས་རྗེས་གནང་གི་བཀའ་ཡིག་ཕྱོགས་གཅིག་ཏུ་བསྡེབས་པ་ཙིནྟཱ་མ་ཎིའི་ཕྲེང་བ་ཞེས་བྱ་བ་བཞུགས་སོ།།<br /><br />བླ་མ་དང་མྱུར་མཛད་སྤྱན་རས་གཟིགས་ལ་ཕྱག་འཚལ་ལོ། <br /><span class="tibetan_small">།འགྲོ་བ་ཀུན་ལ་བྱམས་པའི་སྙིང་རྗེའི་སྤྱན། །གདུག་པ་ཅན་ངོར་སྡང་མིག་ལྟར་གཟིགས་པ། །རྒྱལ་བ་ཀུན་བསྐྱེད་བླ་མ་ནག་པོ་ཆེས། །འདི་དང་གཏན་གྱི་བར་ཆད་ཀུན་སོལ་མཛོད། །དཔལ་ལྡན་མགོན་པོའི་རྒྱུད་དང་སྒྲུབ་ཐབས་ཚུལ། །ངོ་མཚར་གསང་བ་ཟབ་མོ་ནམ་མཁའི་མཛོད། །མཚོ་སྐྱེས་རྡོ་རྗེ་བྲམ་ཟེ་ཡབ་སྲས་སོགས། །གྲུབ་མཆོག་ཏུ་མའི་རིམ་པ་ལས་འོངས་ཕྱིར། །མཁས་ཆེན་རྣམས་ཀྱི་ཐུགས་སུའང་མ་བྱོན་པ། །དུས་གསུམ་འབྱོན་པ་སྒྲོལ་བྱེད་ཕྲེང་བ་ལས། །ཤངས་པའི་རིང་ལུགས་རྒྱུ་སྐར་བདག་པོ་གང་། །སྒོ་འབྱེད་བྱིན་རླབས་བཀའ་རྣམས་བཤད་པར་བྱ། <br />།སྙིང་རྗེ་དྲག་པོའི་སྟོབས་སུ་གྱུར་པའི་གསང་བ་གསུམ་གྱིས་རྩོད་པའི་མཐའ་ཡི་གདུལ་བྱ་རིས་སུ་མ་ཆད་པ་མ་གྲོལ་བ་རྣམས་བཙན་ཐབས་སུ་གྲོལ་བར་བྱེད་ཅིང་འདོད་པའི་དོན་ཡིད་བཞིན་དུ་སྩོལ་བ་ལ་ཡེ་ཤེས་དང་། ལས་དང་འཇིག་རྟེན་པའི་ཆོས་སྐྱོང་བ་གང་གིས་ཀྱང་བསྒྲུན་དུ་མེད་ཅིང་སངས་རྒྱས་ཀྱི་གོ་འཕང་མཆོག་སྒྲུབ་པར་བྱེད་པ་མྱུར་མཛད་ཡེ་ཤེས་མགོན་པོའི་ཆོས་སྐོར་[[Khyungpo Neljor|མཁས་གྲུབ་ཁྱུང་པོ་རྣལ་འབྱོར་]]ལ་རྒྱ་གར་གྲུབ་ཐོབ་རྣམ་པ་གཉིས་ཀྱིས་སྩལ་བའི་གདམས་ངག་ཉིད་ཀྱི་ཐུགས་སྲས་གཙོ་བོ་རྣམ་དྲུག་སོགས་ལ་གནང་བ་དང་། ཁྱད་པར་[[Könchok Khar|ལ་སྟོད་པ་དཀོན་མཆོག་མཁར་]]ནས་བརྒྱུད་པའི་སྟོད་ལུགས། [[Mokchokpa Rinchen Tsöndrü|རྨོག་ལྕོག་པ་རིན་ཆེན་བརྩོན་འགྲུས་]]ནས་བརྒྱུད་པའི་སྨད་ལུགས་གཉིས་ཤིན་ཏུ་གྲགས་ཆེ་ཞིང་གྲུབ་མཐའ་ཀུན་གྱིས་ཚད་མར་འཛིན་པ་ལས། མགོན་པོ་སྟོད་ལུགས་ལ་དབང་བསྐུར་རྗེས་གནང་མན་ངག་གི་རྣམ་གྲངས་ཟབ་ལ་རྒྱ་ཆེ་བ་བཞུགས་པར་སྣང་ཡང་དེང་སང་བེ་བུམ་རྩ་བ་ཙམ་གྱི་ལུང་རྒྱུན་དང་། རྗེས་གནང་འགའ་ཞིག་བྱིན་རླབས་ཆུ་བོ་གཅིག་ཏུ་འདྲེས་པ་ཙམ་ལས་རྒྱུན་ཤིན་ཏུ་དཀོན་ཅིང་། སྨད་ལུགས་[[Müchen Namkhé Neljor|མུས་ཆེན་ནམ་མཁའི་རྣལ་འབྱོར་]]ནས་བརྒྱུད་པ་འདི་ཉིད་རྗེ་རིན་པོ་ཆེ་ཡབ་སྲས་ཀྱི་ཕྲིན་ལས་དང་ལྷན་ཅིག་འཛམ་གླིང་ཀུན་ཏུ་ཁྱབ་པས་གངས་ཅན་དུ་བྱོན་པའི་ཆོས་སྐྱོང་ཞིག་ལ་མཆོད་སྒྲུབ་ཀྱི་ཕྲིན་ལས་ཀྱང་མགོན་པོ་འདི་ཉིད་རྒྱ་ཆེ་བར་སྣང་། འདིའི་རྗེས་གནང་གི་བཀའ་སྲོལ་ས་ཀར་སོགས་ལ་རྩ་བ་མཐིང་དཀར་གཉིས་ཙམ་ལས་མི་བཞུགས་ཤིང་། དེའང་གྲུབ་མཐའ་རང་ལུགས་ཀྱི་ལག་ལེན་དང་བསྟུན་པས་རྩ་བའི་གནད་དང་མཐུན་མིན་ཅི་རིགས་འདུག [[Jetsün Taranatha|ཇོ་ནང་རྗེ་བཙུན་ཆེན་པོ་]]གོང་འོག་ལ་རྣམ་པར་དག་པའི་བཀའ་སྲོལ་འགའ་ཞིག་བཞུགས་པར་འདུག་ཀྱང་དེང་སང་རིན་འབྱུང་ནང་གི་བཀའ་ལྔ་པོ་ལས་གཞན་གྱི་རྒྱུན་མི་བཞུགས། [[Gelek Pelsang|མཁས་གྲུབ་དགེ་དཔལ་]]བས་བཀའ་ཆེན་བཅུ་གསུམ་མཐའ་རྟེན་དང་བཅས་པར་བསྡུས་པ་དང་། གཅིག་བརྒྱུད་ཀྱི་བཀའ་གསུམ། བེ་བུམ་ཁྱད་པར་ཅན་གྱི་ལུང་དང་བཅས་པ་དགེ་ཕྱོགས་སུ་དར་སྲོལ་ཆེ་ཞིང་། མགོན་པོ་འདི་ཉིད་བརྟེན་པ་ལ་མེད་དུ་མི་རུང་བར་མཐོང་ནས། ལྷ་མོ་གཅིག་བརྒྱུད་ཀྱི་བཀའ་མ་གཏོགས་གཞན་ཚང་བ་ཁོ་བོས་ཀྱང་ཐམས་ཅད་མཁྱེན་པ་[[Jamyang Khyentsé Wangpo|མཁྱེན་བརྩེའི་དབང་པོ]]འི་ཞལ་སྔ་ནས་བཀའ་དྲིན་དུ་ཐོབ་པ་ཡིན་ནོ། <br />།དེའི་ལུགས་ལ་[[Ngawang Tendzin Trinlé|སྐྱི་ཤོད་སྤྲུལ་སྐུ་བསྟན་འཛིན་ཕྲིན་ལས་]]ཀྱི་ཡིག་ཆ་མཆིས་ནའང་། འདིར་[[རྗེ་བཙུན་ཐམས་ཅད་མཁྱེན་པ]]འི་བཀའ་སྲོལ་རྒྱུན་བཞུགས་པ་རྣམས་འདི་ཉིད་གཙོ་བོར་བྱས། མི་བཞུགས་པ་རྣམས་ཁ་བསྐངས་ཏེ་བཤད་པར་བྱའོ། <br />།དེའང་[[Kyishö Tendzin Trinlé|སྐྱི་ཤོད་པ]]འི་ཡིག་ཆར། རྩ་བ་རྗེས་གནང་བར་ཆད་ཀུན་སེལ། དེ་ལ་དམིགས་པའི་ཁྱད་པར་བསྒྱུར་བ་གཏོར་དབང་བར་ཆད་ཀུན་སེལ། གྲིབ་སེལ་མགོན་པོ། བླ་མགོན་དབྱེར་མེད། གནད་དབབ་དང་མཁའ་འགྲོ་དབང་སྡུད་ལྷན་ཅིག་པ། མགོན་པོ་མཆིན་ཁ། [[Saraha|ས་ར་ཧ]]འི་ལུགས་ཀྱི་ཞལ་གསུམ་ཕྱག་དྲུག །མགོན་པོ་རྒྱན་ཅན་གསང་སྒྲུབ་ཡུམ་ཅན། ལྷ་བཞི་དྲིལ་སྒྲུབ། དབང་གི་རྒྱལ་པོ། ཚེ་བདག་མགོན་པོ། མགོན་པོ་སྙིང་ཞུགས། ཡིད་བཞིན་ནོར་བུ་རྣམས་དང་། <br />སྤྱིའི་མཐའ་རྟེན་བརྟུལ་ཞུགས་ཀྱི་རྗེས་སུ་གནང་བ་བཅས་ཀྱི་གོ་རིམ་དུ་བཞུགས་ནའང་། དེར་མགོན་སེར་བློ་འཕེལ་གྱི་བཀའ་མ་ཚང་བ་དཀྱུས་སུ་བཅུག མགོན་པོ་སྙིང་ཞུགས་གཅིག་བརྒྱུད་ཡིན་པས་ཟུར་དུ་ཕྱེས་པའི་བཅུ་གསུམ་དང་། གོ་རིམ་ཡང་སྒྲུབ་ཐབས་རིན་འབྱུང་རྩ་བར་བྱས། དེར་མ་བཞུགས་པ་རྣམས་ཁ་བསྐངས་ཏེ་བཤད་པར་བྱའོ། །དེ་ལ་ཀུན་གྱི་རྩ་བར་གྱུར་པ་བཀའ་ཆེན་དང་པོ་རྗེས་གནང་བར་ཆད་ཀུན་སེལ་རྗེ་བཙུན་རིན་པོ་ཆེའི་གསུང་རབ་ལས་བྱུང་བ་ལ་ཁ་འཕང་ནག་འགྲོས་སུ་བསྡེབས་པ་ནི།། །།</span><span class="main_text"><br /><br />Dispeller of All Obstacles<br /><br />༼༄༅། །བར་ཆད་ཀུན་སེལ།།༽<br /><span class="tibetan_small">༈ ཨོཾ་སྭ་སྟི། སྤྱན་རས་གཟིགས་དབང་སྒྲོལ་མ་དང་། །རྡོ་རྗེ་ཕག་མོས་ལེགས་བརྒྱན་པ། །བྱིན་རླབས་མགོན་པོ་ཆེར་བཏུད་ནས། །ཏིང་འཛིན་དབང་བསྐུར་ཆོ་ག་བཤད།</span><br /><span class="tibetan_small">བར་ཆད་ཀུན་སེལ་གྱི་བཀའ་བྱེད་པར་འདོད་པས་གནས་དབེན་པར་ཉེར་དགུ་ལ་སོགས་པའི་དུས་བཟང་པོར་མཎྜལ་ཟླུམ་པོའི་དབུས་སུ་ཆོས་འབྱུང་གྲུ་གསུམ་མཐིང་ཁ་མེ་རི་ཅན་རྩེ་མོ་ཚུར་བསྟན་པ། དབུས་སུ་ཉི་གདན་དྲུག་ལ་ཚོམ་བུ་སྐུ་མདོག་དང་མཐུན་པར་འགོད། ཕྱི་རོལ་གྲུ་བཅད་དམར་པོ། ཟླུམ་སྐོར་གྱི་ཕྱི་ལའང་རྡོ་རྭ་མེ་རི་བྱ། དེར་མཉྫིའི་སྟེང་དུ། ཐོད་པའི་སྣོད་གང་ཡང་རུང་བའི་ནང་དུ། བདུད་རྩི་ལྔས་སྦགས་པའི་གཏོར་མ་ནོར་གཟུགས་མ་ཆེ་བ་རེ་འགོད་ཅིང་། འཁོར་གྱི་གཏོར་མ་བཞེངས་ན། སྣོད་དེ་ཉིད་དུ་གནོད་སྦྱིན་ལ་རྩེ་མོ་གཡས་སུ་དཀྱུས་པ་གྲུ་གསུམ། ལས་མགོན་ལ་གྲུ་གསུམ་ཕྲ་མོ། གཞན་གསུམ་ལ་ཟླུམ་པོ་ཕྲ་མོ་རེ་བྱ། གཏོར་མ་ཆེན་པོ་ལ་མདའ་དར་དང་། ཙཀ་ལི་བཙུགས། འབུལ་གཏོར་རྒྱས་པ་བཤམས་ན་གཏོར་སྒྲུབ་ཡིན་ལ། བསྡུ་ན་ཟླུམ་གཏོར་ཆེ་བ་ཞིག་མདུན་དུ་བཤམས། ནང་མཆོད་དང་། མཆོད་པ་གཞན་རྣམས་ཅི་བདེ་བར་བསྒྲིགས། དེ་ནས་སློབ་དཔོན་གྱི་བྱ་བ་ནི། སྔོན་འགྲོ་གཏོར་མ་བཤམས་ལ།</span><br />སུམྦྷ<span class="tibetan_small">ས་བསང་།</span> སྭ་བྷཱ་ཝ<span class="tibetan_small">ས་སྦྱང་།</span> ཨོཾ་ཨཱཿཧཱུྃ་ཧ་ཧོཿཧྲཱིཿ<span class="tibetan_small">ཞེས་བྱིན་གྱིས་བརླབ།</span> ཕཻཾ་བཛྲ་ཨཱ་རལླི་ཧོཿ ཛཿཧཱུྃ་བྃ་ཧོཿ བཛྲ་ཌཱ་ཀི་ནཱི་ས་མ་ཡ་སྟྭཾ། ཌྀ་ཥྱ་ཧོཿ<span class="tibetan_small">ས་མགྲོན་རྣམས་བཀུག</span> ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤཱ་ཙི་ཨུནྨཱ་ད་ཨ་པ་སྨ་ར་ཌཱ་ཀ་ཌཱ་ཀི་ནྱ་ད་ཡཿ ཨི་དཾ་བ་ལིཾ་གྲྀཧྞནྟུ་ས་མ་ཡ་རཀྵནྟུ་མ་མ་སརྦ་སིདྡྷི་མྨེ་པྲ་ཡཙྪནྟུ་ཡ་ཐཻ་བཾ་ཡ་ཐཻཥྚཾ་བྷུཉྫ་ཐ་ཛི་གྷ་ཐ་པི་པ་ཐ་མཱ་ཏི་ཀྲ་མ་ཐ། མ་མ་སརྦ་ཀཱ་ར་ཏ་ཡ་སཏྶུ་ཁཾ་བི་ཤུདྡྷ་ཡེ། ས་ཧཱ་ཡི་ཀཱ་བྷ་ཝནྟུ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། <span class="tibetan_small">ལན་གསུམ་གྱིས་ཕུལ།</span> ཨོཾ་བཛྲ་ཨརྒྷཾ་པྲ་ཏཱིཙྪ་ཧཱུྃ་སྭཱ་ཧཱ། <span class="tibetan_small">དེ་བཞིན་དུ།</span> པཱདྱཾ། བཛྲ་པུཥྤེ་ཨཱཿཧཱུྃ་<span class="tibetan_small">ནས་</span> ཤབྡ<span class="tibetan_small">འི་བར་གྱིས་མཆོད།</span><br />ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །འཇིག་རྟེན་སྐྱོང་བ་བརྒྱད་པོ་དང་། །གནོད་སྦྱིན་ཚོགས་རྣམས་མ་ལུས་དང་། །སྲིན་པོའི་ཚོགས་རྣམས་མ་ལུས་དང་། འབྱུང་པོའི་ཚོགས༴ ཤ་ཟའི་ཚོགས༴ སྨྱོ་བྱེད་ཚོགས༴ རྗེད་བྱེད་ཚོགས༴ མ་མོའི་ཚོགས༴ དེ་ལ་སོགས་ཏེ་འབྱུང་པོའི་ཚོགས། །མ་ལུས་ཇི་སྙེད་ཡོད་པ་རྣམས། །འདིར་གཤེགས་བདག་ལ་དགོངས་སུ་གསོལ། །རྣལ་འབྱོར་བདག་ཅག་འཁོར་བཅས་ལ། <span class="tibetan_small">།ཞེས་པ་ནས།</span> ཡིད་ལ་འདོད་པ་ཀུན་འགྲུབ་ཤོག །དམ་ཅན་ཁྱེད་རྣམས་དཀྱིལ་འཁོར་གྱི། །ལས་ལ་སྲུང་བ་དམ་པ་དང་། །ཡུལ་ཕྱོགས་འདི་དང་སྦྱིན་བདག་དང་། །སློབ་མ་ལ་ཡང་ཤིས་པར་མཛོད། །གསང་སྤྱོད་ལྟ་བར་མི་དབང་བའི། །འབྱུང་པོའི་ཚོགས་རྣམས་གང་ཡིན་པ། །གཏོར་མའི་ལྷག་མ་འདི་ལོངས་ལ། །ད་ལྟ་ཉིད་དུ་གཞན་དུ་དེངས། །ཅི་སྟེ་འགྲོ་བར་མི་བྱེད་ན། །རྡོ་རྗེ་འཛིན་ཆེན་ཁྲོས་པའི་བཀས། །མཚོན་ཆ་འབར་བའི་སྤྲིན་སྤྲོས་ནས། །ལུས་སེམས་རྡུལ་དུ་བརླག་ཏ་རེ། <span class="tibetan_small">ཞེས་གཏོར་མ་ཕྱིར་དོར་ལ་དྲག་སྔགས་རོལ་མོ་བཅས་མཚམས་བཅད། གནས་ཡོ་བྱིན་རླབས་ནི་གོང་ལྟར་བསང་སྦྱང་།</span> <br />སྟོང་པའི་ངང་ལས་ཧཱུྃ་ཡིག་ལས་བྱུང་བའི་སྲུང་འཁོར་གྱི་ནང་དུ་ཆུད་པའི་བྷྲཱུྃ་ལས་གནས་ཁང་གཞལ་མེད་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ། ཨོཾ་ཨཱཿཧཱུྃ་རྣམས་ལས་བྱུང་ཞིང་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་ལ་སོགས་པ་མཆོད་པའི་ཡོ་བྱད་བཟང་ཞིང་གྱ་ནོམ་པ། ཡུལ་དུས་ཆད་པ་མེད་པར་ཡོངས་སུ་ཁྱབ་ཅིང་། རྣམ་འཕྲུལ་བསམ་གྱིས་མི་ཁྱབ་པ་རང་བཞིན་བདེ་སྟོང་གི་ཡེ་ཤེས། རྣམ་པ་མཆོད་རྫས་ཀྱི་སྤྲིན་ཕུང་། བྱེད་ལས་རང་གཞན་མཐའ་དག་ཟག་མེད་ཀྱི་བདེ་བས་ཚིམ་པར་བྱེད་པས་ཕྱི་ནང་ཐམས་ཅད་དུ་གང་བར་གྱུར། <br />ཨོཾ་བཛྲ་ཨརྒྷཾ་སྭཱ་ཧཱ། <span class="tibetan_small">དེ་བཞིན་ཏུ།</span> པཱདྱཾ། ཨོཾ་བཛྲ་པུཥྤེ་ཨཱཿཧཱུྃ། <span class="tibetan_small">དེ་བཞིན་ཏུ།</span> དྷཱུ་པེ། ཨཱ་ལོ་ཀེ། གནྡྷེ། ནཻ་ཝི་དྱ། ཤབྡ་ཨཱཿཧཱུྃ། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨཱ་བརྟ་ཡ་ཨཱ་བརྟ་ཡ་ཧོཿ ཨོཾ་བཛྲ་སྥ་ར་ཎ་ཁཾ། <span class="tibetan_small">རོལ་མོས་བྱིན་འབེབས་ཤིང་།</span> ཨོཾ་བཛྲ་གྷཱཎྜེ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཏྲ་པྲ་ཙཱ་ལི་ཏེ། པྲ་ཛྙཱ་པཱ་ར་མི་ཏཱ་ནཱ་ད་སམྦྷ་ཝ་ཏེ་བཛྲ་དྷརྨ་ཧྲི་ད་ཡ་སནྟོ་ཥ་ནི་ཧཱུྃ་ཧཱུྃ་ཧཱུྃ་ཧོཿཧོཿཧོཿཨཱཿཁཾ་སྭཱ་ཧཱ། <span class="tibetan_small">ཞེས་ལན་གསུམ་བརྗོད།</span> <br /><span class="tibetan_small">དེ་ནས་བདག་བསྐྱེད་ནི། རྟ་མགྲིན་གསང་སྒྲུབ་བམ་རྒྱུད་སྡེ་གང་ཡང་རུང་བ་ལ་བྱ་ཆོག་ཀྱང་། རྒྱུད་སྡེ་ལྔ་གཙོ་བསྡུས་ཀྱི་ལུས་དཀྱིལ་ཙམ་ལ་བརྟེན་པ་ཆེས་ལེགས་པས་དེའི་ཡིག་ཆ་ཟུར་གསལ་ལྟར། བདུད་རྩི་བྱིན་རླབས། སྐྱབས་སེམས་སྲུང་འཁོར་ནས་བརྩམས། བཟླས་པ། བསྡུ་ལྡང་གི་བར་དུ་གྲུབ་པ་དང་། མདུན་བསྐྱེད་</span>ཨ་མྲྀ་ཏ་<span class="tibetan_small">དང་།</span> སྭ་བྷཱ་ཝ<span class="tibetan_small">ས་བསང་སྦྱང་།</span> <br />སྟོང་པའི་ངང་ལས། མདུན་དུ་ཧཱུྃ་ཡིག་ལས་བྱུང་བའི་སྲུང་འཁོར་གྱི་ནང་མི་བཟད་པའི་དུར་ཁྲོད་ཆེན་པོའི་དབུས་སུ། པྃ་ལས་པདྨ་དང་། རྃ་ལས་ཉི་མའི་སྟེང་དུ། གཾ་དཀར་པོ་འོད་དུ་ཞུ་བ་ལས། དཔལ་ཚོགས་ཀྱི་བདག་པོ་སྐུ་མདོག་དཀར་པོ་གླང་པོ་ཆེའི་དབུ་ལ་སྤྱན་གསུམ་པ་ཕྱག་གཡས་སའི་སྙིང་པོ་ལ་ཕུག་ལོ་མ་དང་བཅས་པ་ཞལ་དུ་གསོལ་བ། གཡོན་ཐོད་པ་བདུད་རྩིས་གང་བ་འཛིན་པ། དར་དང་རིན་པོ་ཆེས་བརྒྱན་པ་ཉལ་སྟབས་སུ་གནས་པ། དེའི་སྟེང་དུ་ཧཱུྃ་མཐིང་ནག་ལས་གྲི་གུག་ཧཱུྃ་གིས་མཚན་པ། དེ་ལས་འོད་ཟེར་འཕྲོས། དགྲ་བགེགས་གདུག་པ་ཅན་ཐམས་ཅད་ཚར་བཅད། འཕགས་པ་མཆོད། སེམས་ཅན་གྱི་དོན་བྱས། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། སྐྱེ་འགྲོའི་རེ་བ་ཚུལ་བཞིན་དུ་སྐོང་བ། སྐུ་མདོག་དུས་མཐའི་སྤྲིན་ལྟར་རབ་ཏུ་གནག་པ། ཞལ་གཅིག་ཕྱག་དྲུག་པ། དམར་ལ་ཟླུམ་པའི་སྤྱན་གསུམ་སྡང་མིག་ཏུ་གཟིགས་པ། ཞལ་གདངས་ཤིང་མཆེ་བ་གཙིགས་པ། ལྗགས་འདྲིལ་བ། རབ་ཏུ་བཞད་པ། སྨ་ར་དང་སྨིན་མ་དང་། དབུ་སྐྲ་དམར་སེར་གྱེན་དུ་བརྫེས་པ། དཔྲལ་བར་སིནྡཱུ་རའི་ཐིག་ལེས་བྱུགས་པ། སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ་ཕྱག་གཡས་དང་པོས་རྡོ་རྗེ་གྲི་གུག་དང་། གཡོན་དང་པོས་ཐོད་པ་ཁྲག་གིས་གང་བ་ཐུགས་ཀར་སྟེང་འོག་ཏུ་འཛིན་པ། གཡས་བར་པས་ཐོད་སྐམ་གྱི་ཕྲེང་བ། ཐ་མས་ཌཱ་མ་རུ་དྲག་ཏུ་འཁྲོལ་བ། གཡོན་གཉིས་པ་ན་མདུང་རྩེ་གསུམ་པ། ཐ་མ་ན་རྡོ་རྗེ་ཞགས་པ་བསྣམས་པ། ཞབས་གཉིས་སྲིད་གསུམ་རྣམ་པར་གནོན་པའི་ཤུགས་ཅན་མཉམ་པའི་སྟབས་ཀྲིག་ཀྲིག་ཞབས་ཀྱིས་བགེགས་ཀྱི་རྒྱལ་པོ་མནན་པ། སྟག་ལྤགས་ཀྱི་ཤམ་ཐབས་ལ། དར་ལྗང་གུའི་སྐེ་རགས་བཅིངས་པ། སྦྲུལ་སྔོན་པོས་དབུ་སྐྲ་བཅིངས་ཤིང་། དམར་པོའི་སྙན་ཆ། ཁྲ་བོའི་དཔུང་རྒྱན། དཀར་པོའི་མགུལ་རྒྱན། སེར་པོའི་ལག་གདུབ། ལྗང་གུའི་དོ་ཤལ། དཀར་པོའི་རྐང་གདུབ་དང་སྐ་རགས་ཅན། ཕྱག་ཞབས་ཐམས་ཅད་དྲིལ་བུ་གཡེར་ཁའི་ཕྲེང་བ་དང་ལྡན་པ། སྦོམ་ཐུང་ཡན་ལག་ཧྲག་པ། གཟི་བརྗིད་མཐའ་ཡས་པ། མི་མགོ་སྐམ་པོ་ལྔའི་དབུ་རྒྱན་རིན་པོ་ཆེའི་རྩེ་བྲན་ཅན་དང་། རློན་པ་ཁྲག་འཛག་ལྔ་བཅུའི་དོ་ཤལ་བྱས་པ། རུས་པའི་རྒྱན་དྲུག་གིས་མཛེས་པ། འཇིགས་པའི་ང་རོ་འབྲུག་ལྟར་སྒྲོག་པས། བདུད་དང་བགེགས་ཐམས་ཅད་བརླག་པར་མཛད་པ། བསྐལ་པའི་མེ་ལྟ་བུ་ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་ཤིང་། ཙན་དན་གྱི་སྡོང་པོ་ལ་རྒྱབ་བརྟེན་པའོ། །དེའི་གཡོན་དུ་ཁྲག་ཞག་འཁྲུགས་པའི་རྒྱ་མཚོའི་དབུས་སུ། བྷྱོཿལས་དཔལ་ལྡན་ལྷ་མོ་འདོད་པ་ཁམས་ཀྱི་དབང་ཕྱུག་མ། སྐུ་མདོག་ནག་མོ་ཕྱག་གཡས་བདུད་ཀྱི་ཁྲམ་ཤིང་ནག་པོ་ཕྱར་ཞིང་། གཡོན་ནད་ཀྱི་རྐྱལ་པ་འཛིན་པ། མེ་རླུང་འཚུབ་མའི་དབུས་ན་བཞུགས་ཤིང་། དྲེའུ་རྟ་རྐང་གསུམ་ལ་ཆིབས་པ། འཁོར་ཤ་ཟ་དང་མ་མོ་མཁའ་འགྲོ་འབུམ་སྡེས་བསྐོར་བའོ། །གཙོ་བོའི་མདུན་དུ་ཧཱུྃ་ལས་གནོད་སྦྱིན་ཀྵེ་ཏྲ་པཱ་ལ། སྐུ་མདོག་མཐིང་ནག་ཁ་གདངས་ཤིང་མཆེ་བ་གཙིགས་ནས་དགྲ་ལ་འོ་དོད་འབོད་པ། ཤངས་ནས་དུས་མཐའི་རླུང་ལྡང་བ། ཕྱག་གཡས་གྲི་གུག་ནམ་མཁའ་ལ་ཕྱར་བས་ལྷ་དང་ལྷ་མ་ཡིན་ཐམས་ཅད་སྐྲག་པར་བྱེད་པ། གཡོན་ཐོད་ཁྲག་དགྲ་བགེགས་ཀྱི་སྙིང་དང་བཅས་པ་གཙོ་བོའི་ཞལ་དུ་སྟོབ་པ། དོམ་ནག་སྨྱོན་པ་ལ་ཆིབས་པ། གཡས་སུ་བྷྱོཿལས་དབང་ཕྱུག་ཛི་ན་མི་ཏྲ་སྐུ་མདོག་དམར་ནག གཡས་ཌཱ་མ་རུ་འཁྲོལ་ཞིང་། གཡོན་ཐོད་ཁྲག་འཛིན་པ། རྒྱབ་ཏུ་ཛཿལས་གཤིན་རྗེ་ཊཱཀྐི་རཱ་ཛ་སྐུ་མདོག་དམར་ནག ཕྱག་གཡས་ཞགས་པ་དགྲ་ལ་འཕེན་ཅིང་། གཡོན་སྡིགས་མཛུབ་གནོད་བྱེད་ལ་སྡིགས་པ། གཡོན་དུ་དུ་ལས་བདུད་མགོན་ཆེན་པོ་ཏྲཀྴད་སྐུ་མདོག་ནག་པོ་ཕྱག་གཡས་རུ་མཚོན་མདུང་དམར་རྩེ་གསུམ་པ་དགྲ་བོའི་སྙིང་གར་བསྣུན་པ། གཡོན་ཐོད་པ་ཁྲག་གིས་གང་བ་བསྣམས་པ། ཡ་སོས་མ་མཆུ་མནན་པ། དར་ནག་གི་འཇོལ་བེར་དང་། སག་ཏིའི་ལྷམ་ཡུ་རིང་གསོལ་བ། གསེར་གྱི་སྐེ་རགས་བཅིངས་པ། བདུད་རྟ་ནག་པོ་རྟིང་དཀར་ལ་ཆིབས་པ། བཞི་ཀའང་ཁྲོ་བོ་ལས་མཁན་གྱི་ཆ་བྱད་ཡོངས་སུ་རྫོགས་པའོ། །དེའི་ཕྱི་རོལ་དུ་ཤར་དུ་བརྒྱ་བྱིན། ཤར་ལྷོར་མེ་ལྷ། ལྷོར་གཤིན་རྗེ། ལྷོ་ནུབ་ཏུ་སྲིན་པོ། ནུབ་ཏུ་ཆུ་ལྷ། ནུབ་བྱང་དུ་རླུང་ལྷ། བྱང་དུ་གནོད་སྦྱིན། བྱང་ཤར་དུ་འབྱུང་པོ། སྟེང་དུ་ཚངས་པ། འོག་ཏུ་ས་བདག་སྟེ་ཕྱོགས་སྐྱོང་བཅུ། གཞན་ཡང་ལྷ་ཆེན་པོ་བརྒྱད། ཀླུ་ཆེན་པོ་བརྒྱད། གཟའ་ཆེན་པོ་བརྒྱད། འཇིགས་བྱེད་ཆེན་པོ་དགུ། རྒྱུ་སྐར་ཉི་ཤུ་རྩ་བརྒྱད། རྒྱལ་པོ་ཆེན་པོ་བཞི་སྟེ། གཙང་རིས་ཀྱི་མགོན་པོ་བདུན་ཅུ་རྩ་ལྔ་པོ་ཐམས་ཅད་ཀྱང་འཁོར་བྱེ་བ་བྱེ་བའི་ཚོགས་ཀྱིས་བསྐོར་བ། དེའི་ཕྱི་རོལ་དུ་དམ་ཅན་རྒྱ་མཚོའི་དམག་ཚོགས་ཤ་ལ་དགའ་བ། ཁྲག་ལ་རོལ་བ། སྙིང་རྗེ་མེད་པ། ཁ་གདངས་བ། མིག་རྩ་དམར་བ། ལག་ན་གདུག་པའི་མཚོན་ཆ་སྣ་ཚོགས་པ་ཐོགས་པ་སྐད་ཅིག་ལ་སྐྱེ་འགྲོ་ཐམས་ཅད་ཀྱི་སྲོག་དབུགས་སྡུད་པ། གནོད་སྦྱིན་དང་། སྲིན་པོ་དང་། གཤིན་རྗེ་དང་། བདུད་དང་མ་མོའི་ཆ་ལུགས་ཅན། ས་གཞི་བར་སྣང་ནམ་མཁའི་དབྱིངས་ཐམས་ཅད་ཡོངས་སུ་གང་བ། ཐམས་ཅད་ཀྱང་སྒྲུབ་པ་པོའི་རེ་འདོད་ཚུལ་བཞིན་དུ་སྐོང་བར་མཛད་པའོ།།དེ་ཐམས་ཅད་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ། ཙནྡན་གྱི་ཤིང་རྐང་གཅིག་པའི་དྲུང་ནས། མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། སྟེང་ན་རྩ་བརྒྱུད་ཀྱི་བླ་མ། གཡས་ན་དཔའ་བོ་ངར་དང་བཅས་ཤིང་། གཡོན་ན་དཔའ་མོ་འཛུམ་དང་བཅས་པ། བཀའ་སྡོད་ཞིང་སྐྱོང་ཕོ་ཉ། དམ་ཅན་རྒྱ་མཚོའི་དམག་ཚོགས་དང་བཅས་པ་ཐམས་ཅད་སྐད་ཅིག་ཉིད་ལ་ཌཱ་མ་རུ་དང་དྲིལ་བུ་གཡེར་ཁའི་སྒྲ་སི་ལི་ལི། ཁྲོ་ལོ་ལོ། འུར་འུར་ཆེམ་ཆེམ་བྱོན་པར་གྱུར། <br />ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལ་ཆེ། །དཔལ་ལྡན་མགོན་པོ་འཁོར་དང་བཅས། །དཀྱིལ་འཁོར་གནས་འདིར་གཤེགས་སུ་གསོལ། །ཀྵེ་ཏྲ་པཱ་ལ་ལ་སོགས་པ། །འཁོར་གྱི་བཀའ་ཉན་གནོད་སྦྱིན་ཚོགས། །བསྟན་པ་བསྲུང་བར་ཞལ་བཞེས་པའི། །དམ་ཅན་རྒྱ་མཚོ་གཤེགས་སུ་གསོལ། །དཀྱིལ་འཁོར་གནས་འདིར་གཤེགས་ནས་ཀྱང་། །རྒྱན་གྱི་གཏོར་མ་འདི་བཞེས་ལ། །རྟགས་དང་མཚན་མ་སྟོན་པ་དང་། །བཅོལ་བའི་ཕྲིན་ལས་གྲུབ་པར་མཛོད། <br />ཨོཾ་བཛྲ་མ་ཧཱ་ཀཱ་ལ་ས་པ་རི་ཝཱ་ར་<span class="tibetan_small">ཞེས་པའི་རྗེས་སུ་ཀྵིཾ་རིང་པོ་ཉི་ཤུ་རྩ་གཅིག་བརྗོད། དེ་ནས་</span>ཀྵིཾ་<span class="tibetan_small">གི་གནས་སུ་</span>ཨེ་ཧྱེ་ཧི་<span class="tibetan_small">བཅུག་པ་དང་།</span> བཛྲ་ས་མཱ་ཛཿ<span class="tibetan_small">བཅུག་པ་རྣམས་ལན་གསུམ་གསུམ་བརྗོད་པས། མྱུར་མཛད་འཁོར་བཅས་སྤྱན་དྲངས།</span> ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། <br />ཧཱུྃ། བདུད་འདུལ་དམག་དཔོན་ནག་པོ་ཆེ། །རབ་བརྗིད་འཁོར་གྱི་ཚོགས་དང་བཅས། །དགྲ་བགེགས་མ་ལུས་འདུལ་བའི་ཕྱིར། །ནག་པོ་ཆེན་པོ་བཞུགས་སུ་གསོལ། པདྨ་ཀ་མ་ལ་སྟྭཾ། <br />ཨོཾ་ཤྲཱི་མ་ཧཱ་ཀཱ་ལ་ཡ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། <span class="tibetan_small">དེ་བཞིན་དུ།</span> པཱདྱཾ། པུཥྤེ། དྷུ་པེ། ཨཱ་ལོ་ཀེ། གནྡྷེ། ནཻ་ཝི་དྱ། ཤབྡ་<span class="tibetan_small">ཞེས་སྦྱར་ཏེ། །སྙིང་པོའི་མཐར་འབྲུ་གསུམ་བཏགས་ལ་ནང་མཆོད་འབུལ།</span> <br />ཆོས་དབྱིངས་ངང་ལས་མ་གཡོས་ཀྱང་། །གདུག་པ་འདུལ་ཕྱིར་ཁྲོས་པའི་སྐུ། །བསྟན་པའི་རུ་དྲ་འཇོམས་མཛད་པའི། །ནག་པོ་ཆེ་ལ་ཕྱག་འཚལ་བསྟོད། <br /><span class="tibetan_small">།དེ་ནས་གསོལ་འདེབས་ནི།</span> ན་མོ་བུདྡྷ་ཡ། ན་མོ་གུ་རུ་ཧེ། བཛྲ་བཱི་ར་བཱི་རེ་ཎི། ཤྲཱི་ཌཱ་ཀ་ཌཱ་ཀི་ནི། ཛོ་ག་ཛོ་གི་ནཱི། སརྦ་བུདྡྷ་བོ་དྷི་སཏྭ་ཡ་ཤ་ར་ཎཾ་གཙྪ་མི། ཀྱེ་ཀྱེ་ཕྱོགས་བཅུ་དུས་གསུམ་ན་བཞུགས་པའི་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱིས་བྱིན་གྱིས་རློབས་ཤིག །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱིས་བྱིན་གྱིས་རློབས་ཤིག །དཔའ་བོ་དང་དཔའ་མོར་བཅས་པ་རྣམས་ཀྱིས༴ སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས༴ དཔལ་ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས༴ ཡེ་ཤེས་ལ་སྒྲིབ་པ་མི་མངའ་བ། ཐུགས་རྗེ་ལ་ཕྱི་བཤོལ་མི་མངའ་བ། མཐུ་དང་ནུས་པ་ལ་ཐོགས་པ་མི་མངའ་བ། བྱིན་རླབས་ལ་རྒྱང་རིང་ཐུང་མི་མངའ་བ། ཁྱེད་རྣམས་ཀྱི་སྐུའི་སྒོ་ནས་བྱིན་གྱིས་རློབས་ཤིག །གསུང་གི་སྒོ་ནས༴ ཐུགས་ཀྱི་སྒོ་ནས༴ སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པའི་སྒོ་ནས༴ ད་ལྟ་ཉིད་དུ༴ མྱུར་བ་ཉིད་དུ༴ འདུག་ས་འདི་ཉིད་དུ་བྱིན་གྱིས་བརླབ་ཏུ་གསོལ། <br />བླ་མ་མགོན་པོ་དབྱེར་མེད་ལ། །བདག་ནི་དད་པས་གསོལ་འདེབས་ཀྱི། །བདག་དང་སེམས་ཅན་ཐམས་ཅད་ཀྱི། །ཉོན་མོངས་མ་ལུས་བསལ་བ་དང་། །དངོས་གྲུབ་མ་ལུས་སྩལ་དུ་གསོལ།<br /><span class="tibetan_small">།དེ་ནས་བཤགས་པ་བྱ་བ་ནི། རྡོ་རྗེ་སེམས་དཔའི་ཡི་གེ་བརྒྱ་པ་ལན་ཉི་ཤུ་རྩ་གཅིག་བཟླས་པའི་མཐར།</span> <br />རྡོ་རྗེ་འཆང་དང་དཔལ་ལྡན་[[Shavaripa|ཤཱ་བཱ་རི]]། །རྒྱལ་བ་[[Maitripa|མཻ་ཏྲི་]]གྲུབ་ཆེན་[[Rahula|རཱ་ཧུ་ལ]]། །ཨ་མི་དྷེ་བ་ལོ་ཀེ་ཤྭ་ར་དང་། །ཧ་ཡ་གྲཱི་བ་པདྨ་འབྱུང་གནས་དཔལ། །[[Kyungpo Neljor|ཁྱུང་པོ་ཛོ་ཀི་]][[Mokchokpa Rinchen Tsöndrü|རཏྣ་བིཪྻ་]]དང་། །[[Öntön Kyergangpa|དྷརྨ་སིངྷ་]][[Sangyé Nyentön|དྷརྨ་པྲ་ཛྙཱ་]]དང་། །[[Sangyé Tönpa|བིཪྻ་སིངྷ་]][[མཁས་གྲུབ་ཆོས་རྗེ་]]སོགས། །རིན་ཆེན་བརྒྱུད་པའི་བླ་མ་དགོངས་སུ་གསོལ། །འགྲོ་བའི་རེ་སྐོང་ཡོན་ཏན་རབ་རྫོགས་པའི། །བརྒྱུད་ལྡན་བླ་མ་དུས་གསུམ་སངས་རྒྱས་ལ། །དག་པ་གཉིས་ལྡན་ཆོས་སྐུར་མ་རྟོགས་པར། །འཇིག་རྟེན་རྟོག་བཅས་དབང་གྱུར་མཐོལ་ལོ་བཤགས། སྐུ་གསུང་ཐུགས་དང་ཡོན་ཏན་ཕྲིན་ལས་དང་། །ཕྱི་ནང་གསང་བའི་ལྷ་རྣམས་དགོངས་སུ་གསོལ། །བདག་ཅག་ཐེག་མཆོག་སྔགས་ཀྱི་སྒོར་ཞུགས་ནས། །རྩ་བ་ཡན་ལག་འགལ་ཉམས་མཐོལ་ལོ་བཤགས། །མཐུ་སྟོབས་ནུས་པ་ཕྲིན་ལས་ཕུན་ཚོགས་ཤིང་། །སྐད་ཅིག་དྲན་པས་བར་ཆད་ཐམས་ཅད་སོལ། །འདུ་འབྲལ་མེད་པར་དངོས་གྲུབ་སྟེར་མཛད་པའི། །ཡེ་ཤེས་མགོན་པོ་ཕྱག་དྲུག་དགོངས་སུ་གསོལ། །དུར་ཁྲོད་ནགས་འདབས་ཆུ་གླིང་བས་མཐའ་རུ། །ཕྱི་ནང་རྟེན་དང་དམ་རྫས་ཚོགས་གྱུར་ནས། །བསྙེན་སྒྲུབ་བསྐང་བཤགས་ཚུལ་བཞིན་མ་གྲུབ་པར། །ལེ་ལོ་གཡེང་བའི་དབང་གྱུར་མཐོལ་ལོ་བཤགས། །ཁྱད་པར་གསང་བའི་རྟེན་མཆོག་བླ་ན་མེད། །བླ་མ་མགོན་པོ་དབྱེར་མེད་བདེ་ཆེན་སྐུ། །ཁྱོད་ལ་ཡིད་ཆེས་མོས་གུས་འབྲལ་མེད་ཀྱིས། །རྣམ་དག་ཆོས་སྐུར་མ་རྟོགས་མཐོལ་ལོ་བཤགས། །བདག་ནི་མ་རིག་འཁྲུལ་པའི་དབང་གྱུར་ཏེ། །བླ་མ་མགོན་པོ་འཁོར་དང་བཅས་རྣམས་ཀྱི། །སྐུ་གསུང་ཐུགས་དང་འགལ་བ་ཅི་མཆིས་པ། །གནོང་ཞིང་འགྱོད་པའི་སེམས་དང་བཅས་ནས་ཀྱང་། །ལྷ་མཆོག་ཁྱོད་ཀྱི་སྤྱན་སྔར་མཐོལ་ལོ་བཤགས། །ཡེ་ཤེས་བཀའ་སྒྲུབ་ལས་ཀྱི་ཕོ་ཉ་མཛད། །ཀྵེ་ཏྲ་པཱ་ལ་ཛི་ན་མི་ཏྲ་དང་། །ཊཱ་ཀྐི་རཱ་ཛ་ཏྲཀྴད་རེ་མ་ཏཱི། །ཕྱོགས་སྐྱོང་བཅུ་དང་གཙང་རིས་དགོངས་སུ་གསོལ། །ཇི་ལྟར་ཁྱེད་ཀྱིས་ཁས་བླངས་དམ་བཅས་བཞིན། །བདག་གི་ཕྲིན་ལས་ཡེངས་མེད་སྒྲུབ་པ་ལ། །ཡིད་ཆད་བགྱིས་ཤིང་ཤ་ཁྲག་གཏོར་ཚོགས་ཀྱིས། །གཏང་རག་དུས་སུ་མ་ཐོངས་མཐོལ་ལོ་བཤགས། མངོན་ཤེས་མེད་པས་ཉེས་སྐྱོན་མ་རྟོགས་པར། །བསྟན་པ་འཇིག་དང་བླ་མའི་སྐུ་དགྲ་ལ། །དྲག་པོའི་ལས་ཀྱིས་ཚར་གཅོད་མ་བགྱིས་པར། །གསང་བ་བསྒྲགས་ཤིང་བྱམས་བགྱིས་མཐོལ་ལོ་བཤགས། །དམ་ཉམས་གཏམ་འདྲེས་གྲིབ་ཕོག་ཟས་ཟོས་དང་། །རྒྱུ་ཆུང་ཕུད་ཉམས་འགལ་འཁྲུལ་ནོར་ལ་སོགས། །ཉེས་སྐྱོན་འཁྲུལ་པའི་ཚོགས་རྣམས་ཅི་མཆིས་པ། །གནོང་ཞིང་འགྱོད་པའི་སྒོ་ནས་མཐོལ་ལོ་བཤགས། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །གསུང་གི༴ ཐུགས་ཀྱི༴ རྩ་བའི༴ ཡན་ལག༴ ཚོར་ཏེ༴ མ་ཚོར༴ ཉམས་གྲིབ་དག་ཕྱིར་བཤགས་པ་འདི་བྱས་པས། །དཔལ་ལྡན་མགོན་པོ་འཁོར་དང་བཅས་རྣམས་ཀྱིས། །ཕ་མ་བུ་ཚ་བཞིན་དུ་བཟོད་བཞེས་ལ། །དངོས་གྲུབ་ཐམས་ཅད་བདག་ལ་དུས་འདིར་སྩོལ། །བཤགས་དང་བཤགས་པར་བྱ་བ་མི་དམིགས་ཀྱང་། །རྣམ་པར་རྟོག་པའི་བག་ཆགས་དག་བྱའི་ཕྱིར། །རྗེ་བཙུན་དམ་པ་ཡུལ་གྱི་མཆོག་རྣམས་ལ། །རབ་ཏུ་བཤགས་པས་བདེ་ཆེན་ཐོབ་གྱུར་ཅིག <span class="tibetan_small">།གསོལ་འདེབས་དང་བཤགས་པའང་མི་སྤྲོ་ན་བོར་བས་ཀྱང་རུང་ངོ་། </span><br /><span class="tibetan_small">།དེ་ནས་བཟླས་པ་ནི།</span> རང་གི་ཐུགས་ཀའི་ཧཱུྃ་ལས་སྔགས་ཀྱི་ཕྲེང་བ་རྣམས་ཁ་དོག་ནག་པོ་འོད་ཟེར་དམར་པོ་འཕྲོ་བ་ཕྲེང་རྡོག་ལྟར་གནས་པ་ལ་འོད་ཟེར་སྣ་ལྔ་ཕྲེང་ཐག་གི་ཚུལ་དུ་བརྒྱུས་པ་རང་གི་ཞལ་ནས་ཐོན་མགོན་པོའི་ཞལ་དུ་ཞུགས། མགོན་པོའི་ཐུགས་ཀའི་ཧཱུྃ་ལ་ཐིམ། ཡང་ཧཱུྃ་ལས་བྱུང་། མགོན་པོའི་ལྟེ་བ་ནས་ཐོན། བདག་གི་ལྟེ་བར་ཞུགས། སྙིང་ཁའི་ཧཱུྃ་ལ་ཐིམ། དེ་ལྟར་རྟག་ཏུ་འཁོར་ལོ་ལྟར་འཁོར་བར་<span class="tibetan_small">བསམས་ལ།</span> ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ན་ཡ་ཀ་ཧཱུཧཱུྃྃ་ཕཊ་ཕཊ་སྭཱ་ཧཱ། <span class="tibetan_small">ཅེས་སྙིང་པོ་ཅི་གྲུབ་བཟླས། དྲག་པོའི་བཟླས་པ་དམིགས་པ་གསལ་བཏབ་ཅིང་།</span> ཨོཾ་ཤྲཱི་མ་ཧཱ་ཀཱ་ལ་ཤཱ་ས་ན། ཨུ་པ་ཧ་རི་ཎི། ཨེ་ཥོ་པཉྩི་མ། ཀཱ་ལོ་ཉ་ཡཾ་ཨི་དཾ་རཏྣ་ཏྲ་ཡཱ་ཡ། ཨ་པ་ཀཱ་རི་ཎཾ། ཡ་ཏི་པྲ་ཏི་ཛྙཱ། སྨ་ར་སི་ཏཱ་དཱ། ཨི་དཾ་དུཥྚཾ་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲྀཧྞ་གྲྀཧྞ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དཱི་ན་མེ་ཀེ་ན་མཱ་ར་ཡ་ཧཱུྃ་ཕཊ། <span class="tibetan_small">ཞེས་པ་ནི་དྲག་སྔགས་ཏེ་འབོད་རྦད་བསད་གསུམ་ཡང་འདི་ལ་ཚང་བར་བཞེད་དོ།</span> །ཨོཾ་ཤྲཱི་དི་ཝཱི་ཧཱུྃ་ཕཊ། <span class="tibetan_small">ལྷ་མོའི་མཚན་སྔགས་སོ།</span> །ཨོཾ་ཀྵེ་ཏྲ་པཱ་ལ་བི་གྷྣཱན་ཧཱུྃ་ཕཊ། ཨོཾ་ཛི་ན་མི་ཏྲ་བ་ཤཾ་ཀུ་རུ་ཧཱུྃ་ཕཊ། ཨོཾ་ཊཀྐི་རཱ་ཛཱ་ས་མ་ཡ་བྷྱོཿདུ་ཛ་ཧཱུྃ་ཕཊ། ཨོཾ་དུ་ཡོག་ཛ་མ་ཧཱ་ཀཱ་ལ་ཏྲཀྴད་ཧཱུྃ་ཕཊ། <span class="tibetan_small">ལས་མཁན་བཞིའི་སྙིང་པོའོ།</span> <br /><span class="tibetan_small">།དེ་ལྟར་བཟླས་པ་ཅི་འགྲུབ་བྱས་ནས། མཐར་མཆོད་གཏོར།</span> བཛྲ་ཨ་མྲྀ་ཏ<span class="tibetan_small">ས་བསང་།</span> སྭ་བྷཱ་ཝ<span class="tibetan_small">ས་སྦྱངས།</span> <br />སྟོང་པའི་ངང་ལས། ཡཾ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་པུ་གསུམ། དེའི་སྟེང་དུ་ཨ་ལས་ཐོད་པ་མཚན་ལྡན་ཡངས་ཤིང་རྒྱ་ཆེ་བའི་ནང་དུ་བྷྲཱུཾ་ཨཱཾ་ཛྲིཾ་ཁཾ་ཧཱུྃ་རྣམས་ལས་ཤ་ལྔ། ལཱྃ་མཱྃ་པཱྃ་ཏཱྃ་བཱྃ་རྣམས་ལས་བདུད་རྩི་ལྔ། སྟེང་གི་ནམ་མཁའ་ལ་ཨོཾ་དཀར་པོ། ཨ་ལས་ཟླ་བ། ཧཱུྃ་ལས་རྡོ་རྗེ་རྣམས་བརྩེགས་པ། རླུང་གཡོས་མེ་སྦར། ཤ་ལྔ་བདུད་རྩི་ལྔ་འོད་དུ་ཞུ། ཡི་གེ་འབྲུ་གསུམ་ལས་བདུད་རྩིའི་རྒྱུན་བབས། དེ་རྣམས་ཀྱི་འོད་ཀྱིས་སངས་རྒྱས་ཐམས་ཅད་ཀྱི་རྡོ་རྗེ་གསུམ་ཡེ་ཤེས་ཀྱི་བདུད་རྩིར་སྤྱན་དྲངས་ཏེ་ཐིམ། ཨོཾ་དང་ཟླ་བ་རྡོ་རྗེ་རྣམས་ཀྱང་འོད་དུ་ཞུ་ཞིང་ཐིམ་པས། ཁ་དོག་དྲི་རོ་ནུས་མཐུ་ཕུན་སུམ་ཚོགས་པ་ཟད་མི་ཤེས་པ་བདུད་རྩིའི་རྒྱ་མཚོར་གྱུར། ཨོཾ་ཨཱཿཧཱུྃ། <span class="tibetan_small">ལན་གསུམ་བརྗོད་པས་བྱིན་རླབས།</span> <br />མགོན་པོ་འཁོར་དང་བཅས་པའི་ལྗགས་ཧཱུྃ་ལས་བྱུང་བའི་རྡོ་རྗེ་དམར་པོའི་འོད་ཀྱི་སྦུ་གུས་གཏོར་མ་དྲངས་ཏེ་གསོལ་བས་ཐུགས་རྒྱུད་ཟག་མེད་ཀྱི་བདེ་བས་ཚིམ་ནས་དགྱེས་པར་གྱུར། <br /><span class="tibetan_small">སྙིང་པོའི་མཐར།</span> ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ནཱ་ཡ་ཀ་ཏྲཀ་རཀྨོ་བ་ལིཾ་ཏ་མཾ་ས་རཀྟ་རུ་ཏི་རཾ་ཁ་ཁ་ཁཱ་ཧི་ཁཱ་ཧི། <span class="tibetan_small">དེ་བཞིན་དུ་འཁོར་རྣམས་ལ་སྙིང་པོའི་མཐར།</span> ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། <span class="tibetan_small">ཞེས་བཏགས་ལ། ལན་གསུམ་གསུམ་གྱིས་ཕུལ།</span> <br />ཨོཾ་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་<span class="tibetan_small">སོགས་ཀྱིས་མཆོད། ནང་མཆོད་སྔར་བཞིན་ཕུལ།</span> <br />དཔལ་ཡེ་ཤེས་ཀྱི་མགོན་པོ་ལེགས་ལྡན་ནག་པོ། བདུད་གཅོད་ཀྱི་སྐྱེས་བུ། སྲོག་གཅོད་ཀྱི་ཤན་པ། བདུད་འདུལ་གྱི་དམག་དཔོན། སྲིན་པོ་ལངྐ་པུ་རིའི་གྲོང་ཁྱེར་སུམ་བརྩེགས་བརླག་པར་མཛད་པ། རྣལ་འབྱོར་གྱི་དགྲ་ལྷ། རིག་འཛིན་གྱི་སྲུང་མ། དམ་ཉམས་ཀྱི་སྲོག་བདུད་ཆེན་པོ་འཁོར་དང་བཅས་པ་རྣམས་དམ་རྫས་རྒྱན་དང་ལྡན་པའི་གཏོར་མ་འདི་བཞེས་ལ། སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་གྱི་ཆོས་འཁོར་སྐྱོངས། བླ་མའི་སྐུ་ཚེ་སྲིངས། ཁྱད་པར་དུ་དཀོན་མཆོག་གསུམ་ལ་གནོད་པར་བྱེད་པ་དང་། བདག་ཅག་འཁོར་དང་བཅས་པ་ལ་བསམ་སྦྱོར་ངན་པར་བྱེད་པ་ཐམས་ཅད་ཞི་བར་མཛོད་ཅིག གལ་ཏེ་ཞི་བས་འདུལ་དུ་མ་འཚལ་ན་བསད་པ་དང་། བསྐྲད་པ་དང་། དབྱེ་བ་དང་། རེངས་པ་དང་། གཟིར་བ་དང་། སྡིགས་ཤིང་དཔའ་སྐོང་བ་ལ་སོགས་པ་དྲག་པོའི་ཕྲིན་ལས་ཀྱིས་ཚར་བཅད་དུ་གསོལ། །བླ་མ་མགོན་པོ་འཁོར་བཅས་ལ། །བདག་གིས་མཆོད་གཏོར་ཕུལ་བ་ཡིས། །དཀོན་མཆོག་དབུ་འཕང་སྨད་པ་དང་། །ཐེག་པ་ཆེན་པོ་སུན་འབྱིན་དང་། བསྟན་པ་འཇིག་དང་དབྱེན་བྱེད་དང་། །བླ་མའི་སྐུ་ལ་བསྡོ་བ་དང་། །རྣལ་འབྱོར་བདག་ལ་སྡང་བ་རྣམས། །དེ་ཀུན་ནག་པོ་ཆེན་པོས་སྒྲོལ། །མཱ་ར་ཡ་ཕཊ། ས་མ་ཡ།<br /><span class="tibetan_small">བསྟོད་པ་ནི།</span> ཧཱུྃ། མྱུར་མཛད་སྤྱན་རས་གཟིགས་ལ་ཕྱག་འཚལ་ལོ། །ཞབས་གདུབ་དང་བཅས་བི་ནཱ་ཡ་ཀ་མནན། །ནག་པོ་ཆེན་པོ་སྟག་གི་ཤམ་ཐབས་ཅན། །ཕྱག་དྲུག་སྦྲུལ་གྱི་རྒྱན་གྱིས་རྣམ་པར་བརྒྱན། །གཡས་པས་གྲི་གུག་བར་པས་ཕྲེང་བ་འཛིན། །ཐ་མས་ཌཱ་མ་རུ་ནི་དྲག་ཏུ་འཁྲོལ། །གཡོན་པས་ཐོད་པ་དང་ནི་མདུང་རྩེ་གསུམ། །དེ་བཞིན་ཞགས་པས་བཟུང་ནས་འཆིང་བར་བྱེད། །དྲག་པོའི་ཞལ་གདངས་མཆེ་བ་རྣམ་པར་གཙིགས། །སྤྱན་གསུམ་དྲག་པོའི་དབུ་སྐྲ་གྱེན་དུ་འབར། །དཔྲལ་བར་སིནྡཱུ་ར་ཡི་ཐིག་ལེ་བྱུགས། །སྤྱི་བོར་མི་བསྐྱོད་རྒྱལ་པོས་རྒྱས་བཏབ་བརྟེན། །ཁྲག་འཛག་མི་མགོ་ལྔ་བཅུའི་དོ་ཤལ་ཅན། །རིན་ཆེན་ཐོད་སྐམ་ལྔ་ཡིས་དབུ་ལ་བརྒྱན། །ཤིང་ལས་བྱོན་ནས་གཏོར་མ་ལེན་མཛད་པའི། །དཔལ་ལྡན་ཕྱག་དྲུག་པ་ལ་ཕྱག་འཚལ་བསྟོད། <br />།བྷྱོཿ ཁྲག་མཚོ་ཆིལ་ཆིལ་ཁོལ་བའི་ཀློང་དཀྱིལ་ན། | + | <span class="main_text">༄༅། །དཔལ་མྱུར་མཛད་ཡེ་ཤེས་ཀྱི་མགོན་པོའི་བྱིན་རླབས་རྗེས་གནང་གི་བཀའ་ཡིག་ཕྱོགས་གཅིག་ཏུ་བསྡེབས་པ་ཙིནྟཱ་མ་ཎིའི་ཕྲེང་བ་ཞེས་བྱ་བ་བཞུགས་སོ།།<br /><br />བླ་མ་དང་མྱུར་མཛད་སྤྱན་རས་གཟིགས་ལ་ཕྱག་འཚལ་ལོ། <br /><span class="tibetan_small">།འགྲོ་བ་ཀུན་ལ་བྱམས་པའི་སྙིང་རྗེའི་སྤྱན། །གདུག་པ་ཅན་ངོར་སྡང་མིག་ལྟར་གཟིགས་པ། །རྒྱལ་བ་ཀུན་བསྐྱེད་བླ་མ་ནག་པོ་ཆེས། །འདི་དང་གཏན་གྱི་བར་ཆད་ཀུན་སོལ་མཛོད། །དཔལ་ལྡན་མགོན་པོའི་རྒྱུད་དང་སྒྲུབ་ཐབས་ཚུལ། །ངོ་མཚར་གསང་བ་ཟབ་མོ་ནམ་མཁའི་མཛོད། །མཚོ་སྐྱེས་རྡོ་རྗེ་བྲམ་ཟེ་ཡབ་སྲས་སོགས། །གྲུབ་མཆོག་ཏུ་མའི་རིམ་པ་ལས་འོངས་ཕྱིར། །མཁས་ཆེན་རྣམས་ཀྱི་ཐུགས་སུའང་མ་བྱོན་པ། །དུས་གསུམ་འབྱོན་པ་སྒྲོལ་བྱེད་ཕྲེང་བ་ལས། །ཤངས་པའི་རིང་ལུགས་རྒྱུ་སྐར་བདག་པོ་གང་། །སྒོ་འབྱེད་བྱིན་རླབས་བཀའ་རྣམས་བཤད་པར་བྱ། <br />།སྙིང་རྗེ་དྲག་པོའི་སྟོབས་སུ་གྱུར་པའི་གསང་བ་གསུམ་གྱིས་རྩོད་པའི་མཐའ་ཡི་གདུལ་བྱ་རིས་སུ་མ་ཆད་པ་མ་གྲོལ་བ་རྣམས་བཙན་ཐབས་སུ་གྲོལ་བར་བྱེད་ཅིང་འདོད་པའི་དོན་ཡིད་བཞིན་དུ་སྩོལ་བ་ལ་ཡེ་ཤེས་དང་། ལས་དང་འཇིག་རྟེན་པའི་ཆོས་སྐྱོང་བ་གང་གིས་ཀྱང་བསྒྲུན་དུ་མེད་ཅིང་སངས་རྒྱས་ཀྱི་གོ་འཕང་མཆོག་སྒྲུབ་པར་བྱེད་པ་མྱུར་མཛད་ཡེ་ཤེས་མགོན་པོའི་ཆོས་སྐོར་[[Khyungpo Neljor|མཁས་གྲུབ་ཁྱུང་པོ་རྣལ་འབྱོར་]]ལ་རྒྱ་གར་གྲུབ་ཐོབ་རྣམ་པ་གཉིས་ཀྱིས་སྩལ་བའི་གདམས་ངག་ཉིད་ཀྱི་ཐུགས་སྲས་གཙོ་བོ་རྣམ་དྲུག་སོགས་ལ་གནང་བ་དང་། ཁྱད་པར་[[Könchok Khar|ལ་སྟོད་པ་དཀོན་མཆོག་མཁར་]]ནས་བརྒྱུད་པའི་སྟོད་ལུགས། [[Mokchokpa Rinchen Tsöndrü|རྨོག་ལྕོག་པ་རིན་ཆེན་བརྩོན་འགྲུས་]]ནས་བརྒྱུད་པའི་སྨད་ལུགས་གཉིས་ཤིན་ཏུ་གྲགས་ཆེ་ཞིང་གྲུབ་མཐའ་ཀུན་གྱིས་ཚད་མར་འཛིན་པ་ལས། མགོན་པོ་སྟོད་ལུགས་ལ་དབང་བསྐུར་རྗེས་གནང་མན་ངག་གི་རྣམ་གྲངས་ཟབ་ལ་རྒྱ་ཆེ་བ་བཞུགས་པར་སྣང་ཡང་དེང་སང་བེ་བུམ་རྩ་བ་ཙམ་གྱི་ལུང་རྒྱུན་དང་། རྗེས་གནང་འགའ་ཞིག་བྱིན་རླབས་ཆུ་བོ་གཅིག་ཏུ་འདྲེས་པ་ཙམ་ལས་རྒྱུན་ཤིན་ཏུ་དཀོན་ཅིང་། སྨད་ལུགས་[[Müchen Namkhé Neljor|མུས་ཆེན་ནམ་མཁའི་རྣལ་འབྱོར་]]ནས་བརྒྱུད་པ་འདི་ཉིད་རྗེ་རིན་པོ་ཆེ་ཡབ་སྲས་ཀྱི་ཕྲིན་ལས་དང་ལྷན་ཅིག་འཛམ་གླིང་ཀུན་ཏུ་ཁྱབ་པས་གངས་ཅན་དུ་བྱོན་པའི་ཆོས་སྐྱོང་ཞིག་ལ་མཆོད་སྒྲུབ་ཀྱི་ཕྲིན་ལས་ཀྱང་མགོན་པོ་འདི་ཉིད་རྒྱ་ཆེ་བར་སྣང་། འདིའི་རྗེས་གནང་གི་བཀའ་སྲོལ་ས་ཀར་སོགས་ལ་རྩ་བ་མཐིང་དཀར་གཉིས་ཙམ་ལས་མི་བཞུགས་ཤིང་། དེའང་གྲུབ་མཐའ་རང་ལུགས་ཀྱི་ལག་ལེན་དང་བསྟུན་པས་རྩ་བའི་གནད་དང་མཐུན་མིན་ཅི་རིགས་འདུག [[Jetsün Taranatha|ཇོ་ནང་རྗེ་བཙུན་ཆེན་པོ་]]གོང་འོག་ལ་རྣམ་པར་དག་པའི་བཀའ་སྲོལ་འགའ་ཞིག་བཞུགས་པར་འདུག་ཀྱང་དེང་སང་རིན་འབྱུང་ནང་གི་བཀའ་ལྔ་པོ་ལས་གཞན་གྱི་རྒྱུན་མི་བཞུགས། [[Gelek Pelsang|མཁས་གྲུབ་དགེ་དཔལ་]]བས་བཀའ་ཆེན་བཅུ་གསུམ་མཐའ་རྟེན་དང་བཅས་པར་བསྡུས་པ་དང་། གཅིག་བརྒྱུད་ཀྱི་བཀའ་གསུམ། བེ་བུམ་ཁྱད་པར་ཅན་གྱི་ལུང་དང་བཅས་པ་དགེ་ཕྱོགས་སུ་དར་སྲོལ་ཆེ་ཞིང་། མགོན་པོ་འདི་ཉིད་བརྟེན་པ་ལ་མེད་དུ་མི་རུང་བར་མཐོང་ནས། ལྷ་མོ་གཅིག་བརྒྱུད་ཀྱི་བཀའ་མ་གཏོགས་གཞན་ཚང་བ་ཁོ་བོས་ཀྱང་ཐམས་ཅད་མཁྱེན་པ་[[Jamyang Khyentsé Wangpo|མཁྱེན་བརྩེའི་དབང་པོ]]འི་ཞལ་སྔ་ནས་བཀའ་དྲིན་དུ་ཐོབ་པ་ཡིན་ནོ། <br />།དེའི་ལུགས་ལ་[[Ngawang Tendzin Trinlé|སྐྱི་ཤོད་སྤྲུལ་སྐུ་བསྟན་འཛིན་ཕྲིན་ལས་]]ཀྱི་ཡིག་ཆ་མཆིས་ནའང་། འདིར་[[རྗེ་བཙུན་ཐམས་ཅད་མཁྱེན་པ]]འི་བཀའ་སྲོལ་རྒྱུན་བཞུགས་པ་རྣམས་འདི་ཉིད་གཙོ་བོར་བྱས། མི་བཞུགས་པ་རྣམས་ཁ་བསྐངས་ཏེ་བཤད་པར་བྱའོ། <br />།དེའང་[[Kyishö Tendzin Trinlé|སྐྱི་ཤོད་པ]]འི་ཡིག་ཆར། རྩ་བ་རྗེས་གནང་བར་ཆད་ཀུན་སེལ། དེ་ལ་དམིགས་པའི་ཁྱད་པར་བསྒྱུར་བ་གཏོར་དབང་བར་ཆད་ཀུན་སེལ། གྲིབ་སེལ་མགོན་པོ། བླ་མགོན་དབྱེར་མེད། གནད་དབབ་དང་མཁའ་འགྲོ་དབང་སྡུད་ལྷན་ཅིག་པ། མགོན་པོ་མཆིན་ཁ། [[Saraha|ས་ར་ཧ]]འི་ལུགས་ཀྱི་ཞལ་གསུམ་ཕྱག་དྲུག །མགོན་པོ་རྒྱན་ཅན་གསང་སྒྲུབ་ཡུམ་ཅན། ལྷ་བཞི་དྲིལ་སྒྲུབ། དབང་གི་རྒྱལ་པོ། ཚེ་བདག་མགོན་པོ། མགོན་པོ་སྙིང་ཞུགས། ཡིད་བཞིན་ནོར་བུ་རྣམས་དང་། <br />སྤྱིའི་མཐའ་རྟེན་བརྟུལ་ཞུགས་ཀྱི་རྗེས་སུ་གནང་བ་བཅས་ཀྱི་གོ་རིམ་དུ་བཞུགས་ནའང་། དེར་མགོན་སེར་བློ་འཕེལ་གྱི་བཀའ་མ་ཚང་བ་དཀྱུས་སུ་བཅུག མགོན་པོ་སྙིང་ཞུགས་གཅིག་བརྒྱུད་ཡིན་པས་ཟུར་དུ་ཕྱེས་པའི་བཅུ་གསུམ་དང་། གོ་རིམ་ཡང་སྒྲུབ་ཐབས་རིན་འབྱུང་རྩ་བར་བྱས། དེར་མ་བཞུགས་པ་རྣམས་ཁ་བསྐངས་ཏེ་བཤད་པར་བྱའོ། །དེ་ལ་ཀུན་གྱི་རྩ་བར་གྱུར་པ་བཀའ་ཆེན་དང་པོ་རྗེས་གནང་བར་ཆད་ཀུན་སེལ་རྗེ་བཙུན་རིན་པོ་ཆེའི་གསུང་རབ་ལས་བྱུང་བ་ལ་ཁ་འཕང་ནག་འགྲོས་སུ་བསྡེབས་པ་ནི།། །།</span><span class="main_text"><br /><br />Dispeller of All Obstacles<br /><br />༼༄༅། །བར་ཆད་ཀུན་སེལ།།༽<br /><span class="tibetan_small">༈ ཨོཾ་སྭ་སྟི། སྤྱན་རས་གཟིགས་དབང་སྒྲོལ་མ་དང་། །རྡོ་རྗེ་ཕག་མོས་ལེགས་བརྒྱན་པ། །བྱིན་རླབས་མགོན་པོ་ཆེར་བཏུད་ནས། །ཏིང་འཛིན་དབང་བསྐུར་ཆོ་ག་བཤད།</span><br /><span class="tibetan_small">བར་ཆད་ཀུན་སེལ་གྱི་བཀའ་བྱེད་པར་འདོད་པས་གནས་དབེན་པར་ཉེར་དགུ་ལ་སོགས་པའི་དུས་བཟང་པོར་མཎྜལ་ཟླུམ་པོའི་དབུས་སུ་ཆོས་འབྱུང་གྲུ་གསུམ་མཐིང་ཁ་མེ་རི་ཅན་རྩེ་མོ་ཚུར་བསྟན་པ། དབུས་སུ་ཉི་གདན་དྲུག་ལ་ཚོམ་བུ་སྐུ་མདོག་དང་མཐུན་པར་འགོད། ཕྱི་རོལ་གྲུ་བཅད་དམར་པོ། ཟླུམ་སྐོར་གྱི་ཕྱི་ལའང་རྡོ་རྭ་མེ་རི་བྱ། དེར་མཉྫིའི་སྟེང་དུ། ཐོད་པའི་སྣོད་གང་ཡང་རུང་བའི་ནང་དུ། བདུད་རྩི་ལྔས་སྦགས་པའི་གཏོར་མ་ནོར་གཟུགས་མ་ཆེ་བ་རེ་འགོད་ཅིང་། འཁོར་གྱི་གཏོར་མ་བཞེངས་ན། སྣོད་དེ་ཉིད་དུ་གནོད་སྦྱིན་ལ་རྩེ་མོ་གཡས་སུ་དཀྱུས་པ་གྲུ་གསུམ། ལས་མགོན་ལ་གྲུ་གསུམ་ཕྲ་མོ། གཞན་གསུམ་ལ་ཟླུམ་པོ་ཕྲ་མོ་རེ་བྱ། གཏོར་མ་ཆེན་པོ་ལ་མདའ་དར་དང་། ཙཀ་ལི་བཙུགས། འབུལ་གཏོར་རྒྱས་པ་བཤམས་ན་གཏོར་སྒྲུབ་ཡིན་ལ། བསྡུ་ན་ཟླུམ་གཏོར་ཆེ་བ་ཞིག་མདུན་དུ་བཤམས། ནང་མཆོད་དང་། མཆོད་པ་གཞན་རྣམས་ཅི་བདེ་བར་བསྒྲིགས། དེ་ནས་སློབ་དཔོན་གྱི་བྱ་བ་ནི། སྔོན་འགྲོ་གཏོར་མ་བཤམས་ལ།</span><br />སུམྦྷ<span class="tibetan_small">ས་བསང་།</span> སྭ་བྷཱ་ཝ<span class="tibetan_small">ས་སྦྱང་།</span> ཨོཾ་ཨཱཿཧཱུྃ་ཧ་ཧོཿཧྲཱིཿ<span class="tibetan_small">ཞེས་བྱིན་གྱིས་བརླབ།</span> ཕཻཾ་བཛྲ་ཨཱ་རལླི་ཧོཿ ཛཿཧཱུྃ་བྃ་ཧོཿ བཛྲ་ཌཱ་ཀི་ནཱི་ས་མ་ཡ་སྟྭཾ། ཌྀ་ཥྱ་ཧོཿ<span class="tibetan_small">ས་མགྲོན་རྣམས་བཀུག</span> ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤཱ་ཙི་ཨུནྨཱ་ད་ཨ་པ་སྨ་ར་ཌཱ་ཀ་ཌཱ་ཀི་ནྱ་ད་ཡཿ ཨི་དཾ་བ་ལིཾ་གྲྀཧྞནྟུ་ས་མ་ཡ་རཀྵནྟུ་མ་མ་སརྦ་སིདྡྷི་མྨེ་པྲ་ཡཙྪནྟུ་ཡ་ཐཻ་བཾ་ཡ་ཐཻཥྚཾ་བྷུཉྫ་ཐ་ཛི་གྷ་ཐ་པི་པ་ཐ་མཱ་ཏི་ཀྲ་མ་ཐ། མ་མ་སརྦ་ཀཱ་ར་ཏ་ཡ་སཏྶུ་ཁཾ་བི་ཤུདྡྷ་ཡེ། ས་ཧཱ་ཡི་ཀཱ་བྷ་ཝནྟུ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། <span class="tibetan_small">ལན་གསུམ་གྱིས་ཕུལ།</span> ཨོཾ་བཛྲ་ཨརྒྷཾ་པྲ་ཏཱིཙྪ་ཧཱུྃ་སྭཱ་ཧཱ། <span class="tibetan_small">དེ་བཞིན་དུ།</span> པཱདྱཾ། བཛྲ་པུཥྤེ་ཨཱཿཧཱུྃ་<span class="tibetan_small">ནས་</span> ཤབྡ<span class="tibetan_small">འི་བར་གྱིས་མཆོད།</span><br />ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །འཇིག་རྟེན་སྐྱོང་བ་བརྒྱད་པོ་དང་། །གནོད་སྦྱིན་ཚོགས་རྣམས་མ་ལུས་དང་། །སྲིན་པོའི་ཚོགས་རྣམས་མ་ལུས་དང་། འབྱུང་པོའི་ཚོགས༴ ཤ་ཟའི་ཚོགས༴ སྨྱོ་བྱེད་ཚོགས༴ རྗེད་བྱེད་ཚོགས༴ མ་མོའི་ཚོགས༴ དེ་ལ་སོགས་ཏེ་འབྱུང་པོའི་ཚོགས། །མ་ལུས་ཇི་སྙེད་ཡོད་པ་རྣམས། །འདིར་གཤེགས་བདག་ལ་དགོངས་སུ་གསོལ། །རྣལ་འབྱོར་བདག་ཅག་འཁོར་བཅས་ལ། <span class="tibetan_small">།ཞེས་པ་ནས།</span> ཡིད་ལ་འདོད་པ་ཀུན་འགྲུབ་ཤོག །དམ་ཅན་ཁྱེད་རྣམས་དཀྱིལ་འཁོར་གྱི། །ལས་ལ་སྲུང་བ་དམ་པ་དང་། །ཡུལ་ཕྱོགས་འདི་དང་སྦྱིན་བདག་དང་། །སློབ་མ་ལ་ཡང་ཤིས་པར་མཛོད། །གསང་སྤྱོད་ལྟ་བར་མི་དབང་བའི། །འབྱུང་པོའི་ཚོགས་རྣམས་གང་ཡིན་པ། །གཏོར་མའི་ལྷག་མ་འདི་ལོངས་ལ། །ད་ལྟ་ཉིད་དུ་གཞན་དུ་དེངས། །ཅི་སྟེ་འགྲོ་བར་མི་བྱེད་ན། །རྡོ་རྗེ་འཛིན་ཆེན་ཁྲོས་པའི་བཀས། །མཚོན་ཆ་འབར་བའི་སྤྲིན་སྤྲོས་ནས། །ལུས་སེམས་རྡུལ་དུ་བརླག་ཏ་རེ། <span class="tibetan_small">ཞེས་གཏོར་མ་ཕྱིར་དོར་ལ་དྲག་སྔགས་རོལ་མོ་བཅས་མཚམས་བཅད། གནས་ཡོ་བྱིན་རླབས་ནི་གོང་ལྟར་བསང་སྦྱང་།</span> <br />སྟོང་པའི་ངང་ལས་ཧཱུྃ་ཡིག་ལས་བྱུང་བའི་སྲུང་འཁོར་གྱི་ནང་དུ་ཆུད་པའི་བྷྲཱུྃ་ལས་གནས་ཁང་གཞལ་མེད་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ། ཨོཾ་ཨཱཿཧཱུྃ་རྣམས་ལས་བྱུང་ཞིང་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་ལ་སོགས་པ་མཆོད་པའི་ཡོ་བྱད་བཟང་ཞིང་གྱ་ནོམ་པ། ཡུལ་དུས་ཆད་པ་མེད་པར་ཡོངས་སུ་ཁྱབ་ཅིང་། རྣམ་འཕྲུལ་བསམ་གྱིས་མི་ཁྱབ་པ་རང་བཞིན་བདེ་སྟོང་གི་ཡེ་ཤེས། རྣམ་པ་མཆོད་རྫས་ཀྱི་སྤྲིན་ཕུང་། བྱེད་ལས་རང་གཞན་མཐའ་དག་ཟག་མེད་ཀྱི་བདེ་བས་ཚིམ་པར་བྱེད་པས་ཕྱི་ནང་ཐམས་ཅད་དུ་གང་བར་གྱུར། <br />ཨོཾ་བཛྲ་ཨརྒྷཾ་སྭཱ་ཧཱ། <span class="tibetan_small">དེ་བཞིན་ཏུ།</span> པཱདྱཾ། ཨོཾ་བཛྲ་པུཥྤེ་ཨཱཿཧཱུྃ། <span class="tibetan_small">དེ་བཞིན་ཏུ།</span> དྷཱུ་པེ། ཨཱ་ལོ་ཀེ། གནྡྷེ། ནཻ་ཝི་དྱ། ཤབྡ་ཨཱཿཧཱུྃ། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨཱ་བརྟ་ཡ་ཨཱ་བརྟ་ཡ་ཧོཿ ཨོཾ་བཛྲ་སྥ་ར་ཎ་ཁཾ། <span class="tibetan_small">རོལ་མོས་བྱིན་འབེབས་ཤིང་།</span> ཨོཾ་བཛྲ་གྷཱཎྜེ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཏྲ་པྲ་ཙཱ་ལི་ཏེ། པྲ་ཛྙཱ་པཱ་ར་མི་ཏཱ་ནཱ་ད་སམྦྷ་ཝ་ཏེ་བཛྲ་དྷརྨ་ཧྲི་ད་ཡ་སནྟོ་ཥ་ནི་ཧཱུྃ་ཧཱུྃ་ཧཱུྃ་ཧོཿཧོཿཧོཿཨཱཿཁཾ་སྭཱ་ཧཱ། <span class="tibetan_small">ཞེས་ལན་གསུམ་བརྗོད།</span> <br /><span class="tibetan_small">དེ་ནས་བདག་བསྐྱེད་ནི། རྟ་མགྲིན་གསང་སྒྲུབ་བམ་རྒྱུད་སྡེ་གང་ཡང་རུང་བ་ལ་བྱ་ཆོག་ཀྱང་། རྒྱུད་སྡེ་ལྔ་གཙོ་བསྡུས་ཀྱི་ལུས་དཀྱིལ་ཙམ་ལ་བརྟེན་པ་ཆེས་ལེགས་པས་དེའི་ཡིག་ཆ་ཟུར་གསལ་ལྟར། བདུད་རྩི་བྱིན་རླབས། སྐྱབས་སེམས་སྲུང་འཁོར་ནས་བརྩམས། བཟླས་པ། བསྡུ་ལྡང་གི་བར་དུ་གྲུབ་པ་དང་། མདུན་བསྐྱེད་</span>ཨ་མྲྀ་ཏ་<span class="tibetan_small">དང་།</span> སྭ་བྷཱ་ཝ<span class="tibetan_small">ས་བསང་སྦྱང་།</span> <br />སྟོང་པའི་ངང་ལས། མདུན་དུ་ཧཱུྃ་ཡིག་ལས་བྱུང་བའི་སྲུང་འཁོར་གྱི་ནང་མི་བཟད་པའི་དུར་ཁྲོད་ཆེན་པོའི་དབུས་སུ། པྃ་ལས་པདྨ་དང་། རྃ་ལས་ཉི་མའི་སྟེང་དུ། གཾ་དཀར་པོ་འོད་དུ་ཞུ་བ་ལས། དཔལ་ཚོགས་ཀྱི་བདག་པོ་སྐུ་མདོག་དཀར་པོ་གླང་པོ་ཆེའི་དབུ་ལ་སྤྱན་གསུམ་པ་ཕྱག་གཡས་སའི་སྙིང་པོ་ལ་ཕུག་ལོ་མ་དང་བཅས་པ་ཞལ་དུ་གསོལ་བ། གཡོན་ཐོད་པ་བདུད་རྩིས་གང་བ་འཛིན་པ། དར་དང་རིན་པོ་ཆེས་བརྒྱན་པ་ཉལ་སྟབས་སུ་གནས་པ། དེའི་སྟེང་དུ་ཧཱུྃ་མཐིང་ནག་ལས་གྲི་གུག་ཧཱུྃ་གིས་མཚན་པ། དེ་ལས་འོད་ཟེར་འཕྲོས། དགྲ་བགེགས་གདུག་པ་ཅན་ཐམས་ཅད་ཚར་བཅད། འཕགས་པ་མཆོད། སེམས་ཅན་གྱི་དོན་བྱས། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། སྐྱེ་འགྲོའི་རེ་བ་ཚུལ་བཞིན་དུ་སྐོང་བ། སྐུ་མདོག་དུས་མཐའི་སྤྲིན་ལྟར་རབ་ཏུ་གནག་པ། ཞལ་གཅིག་ཕྱག་དྲུག་པ། དམར་ལ་ཟླུམ་པའི་སྤྱན་གསུམ་སྡང་མིག་ཏུ་གཟིགས་པ། ཞལ་གདངས་ཤིང་མཆེ་བ་གཙིགས་པ། ལྗགས་འདྲིལ་བ། རབ་ཏུ་བཞད་པ། སྨ་ར་དང་སྨིན་མ་དང་། དབུ་སྐྲ་དམར་སེར་གྱེན་དུ་བརྫེས་པ། དཔྲལ་བར་སིནྡཱུ་རའི་ཐིག་ལེས་བྱུགས་པ། སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ་ཕྱག་གཡས་དང་པོས་རྡོ་རྗེ་གྲི་གུག་དང་། གཡོན་དང་པོས་ཐོད་པ་ཁྲག་གིས་གང་བ་ཐུགས་ཀར་སྟེང་འོག་ཏུ་འཛིན་པ། གཡས་བར་པས་ཐོད་སྐམ་གྱི་ཕྲེང་བ། ཐ་མས་ཌཱ་མ་རུ་དྲག་ཏུ་འཁྲོལ་བ། གཡོན་གཉིས་པ་ན་མདུང་རྩེ་གསུམ་པ། ཐ་མ་ན་རྡོ་རྗེ་ཞགས་པ་བསྣམས་པ། ཞབས་གཉིས་སྲིད་གསུམ་རྣམ་པར་གནོན་པའི་ཤུགས་ཅན་མཉམ་པའི་སྟབས་ཀྲིག་ཀྲིག་ཞབས་ཀྱིས་བགེགས་ཀྱི་རྒྱལ་པོ་མནན་པ། སྟག་ལྤགས་ཀྱི་ཤམ་ཐབས་ལ། དར་ལྗང་གུའི་སྐེ་རགས་བཅིངས་པ། སྦྲུལ་སྔོན་པོས་དབུ་སྐྲ་བཅིངས་ཤིང་། དམར་པོའི་སྙན་ཆ། ཁྲ་བོའི་དཔུང་རྒྱན། དཀར་པོའི་མགུལ་རྒྱན། སེར་པོའི་ལག་གདུབ། ལྗང་གུའི་དོ་ཤལ། དཀར་པོའི་རྐང་གདུབ་དང་སྐ་རགས་ཅན། ཕྱག་ཞབས་ཐམས་ཅད་དྲིལ་བུ་གཡེར་ཁའི་ཕྲེང་བ་དང་ལྡན་པ། སྦོམ་ཐུང་ཡན་ལག་ཧྲག་པ། གཟི་བརྗིད་མཐའ་ཡས་པ། མི་མགོ་སྐམ་པོ་ལྔའི་དབུ་རྒྱན་རིན་པོ་ཆེའི་རྩེ་བྲན་ཅན་དང་། རློན་པ་ཁྲག་འཛག་ལྔ་བཅུའི་དོ་ཤལ་བྱས་པ། རུས་པའི་རྒྱན་དྲུག་གིས་མཛེས་པ། འཇིགས་པའི་ང་རོ་འབྲུག་ལྟར་སྒྲོག་པས། བདུད་དང་བགེགས་ཐམས་ཅད་བརླག་པར་མཛད་པ། བསྐལ་པའི་མེ་ལྟ་བུ་ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་ཤིང་། ཙན་དན་གྱི་སྡོང་པོ་ལ་རྒྱབ་བརྟེན་པའོ། །དེའི་གཡོན་དུ་ཁྲག་ཞག་འཁྲུགས་པའི་རྒྱ་མཚོའི་དབུས་སུ། བྷྱོཿལས་དཔལ་ལྡན་ལྷ་མོ་འདོད་པ་ཁམས་ཀྱི་དབང་ཕྱུག་མ། སྐུ་མདོག་ནག་མོ་ཕྱག་གཡས་བདུད་ཀྱི་ཁྲམ་ཤིང་ནག་པོ་ཕྱར་ཞིང་། གཡོན་ནད་ཀྱི་རྐྱལ་པ་འཛིན་པ། མེ་རླུང་འཚུབ་མའི་དབུས་ན་བཞུགས་ཤིང་། དྲེའུ་རྟ་རྐང་གསུམ་ལ་ཆིབས་པ། འཁོར་ཤ་ཟ་དང་མ་མོ་མཁའ་འགྲོ་འབུམ་སྡེས་བསྐོར་བའོ། །གཙོ་བོའི་མདུན་དུ་ཧཱུྃ་ལས་གནོད་སྦྱིན་ཀྵེ་ཏྲ་པཱ་ལ། སྐུ་མདོག་མཐིང་ནག་ཁ་གདངས་ཤིང་མཆེ་བ་གཙིགས་ནས་དགྲ་ལ་འོ་དོད་འབོད་པ། ཤངས་ནས་དུས་མཐའི་རླུང་ལྡང་བ། ཕྱག་གཡས་གྲི་གུག་ནམ་མཁའ་ལ་ཕྱར་བས་ལྷ་དང་ལྷ་མ་ཡིན་ཐམས་ཅད་སྐྲག་པར་བྱེད་པ། གཡོན་ཐོད་ཁྲག་དགྲ་བགེགས་ཀྱི་སྙིང་དང་བཅས་པ་གཙོ་བོའི་ཞལ་དུ་སྟོབ་པ། དོམ་ནག་སྨྱོན་པ་ལ་ཆིབས་པ། གཡས་སུ་བྷྱོཿལས་དབང་ཕྱུག་ཛི་ན་མི་ཏྲ་སྐུ་མདོག་དམར་ནག གཡས་ཌཱ་མ་རུ་འཁྲོལ་ཞིང་། གཡོན་ཐོད་ཁྲག་འཛིན་པ། རྒྱབ་ཏུ་ཛཿལས་གཤིན་རྗེ་ཊཱཀྐི་རཱ་ཛ་སྐུ་མདོག་དམར་ནག ཕྱག་གཡས་ཞགས་པ་དགྲ་ལ་འཕེན་ཅིང་། གཡོན་སྡིགས་མཛུབ་གནོད་བྱེད་ལ་སྡིགས་པ། གཡོན་དུ་དུ་ལས་བདུད་མགོན་ཆེན་པོ་ཏྲཀྴད་སྐུ་མདོག་ནག་པོ་ཕྱག་གཡས་རུ་མཚོན་མདུང་དམར་རྩེ་གསུམ་པ་དགྲ་བོའི་སྙིང་གར་བསྣུན་པ། གཡོན་ཐོད་པ་ཁྲག་གིས་གང་བ་བསྣམས་པ། ཡ་སོས་མ་མཆུ་མནན་པ། དར་ནག་གི་འཇོལ་བེར་དང་། སག་ཏིའི་ལྷམ་ཡུ་རིང་གསོལ་བ། གསེར་གྱི་སྐེ་རགས་བཅིངས་པ། བདུད་རྟ་ནག་པོ་རྟིང་དཀར་ལ་ཆིབས་པ། བཞི་ཀའང་ཁྲོ་བོ་ལས་མཁན་གྱི་ཆ་བྱད་ཡོངས་སུ་རྫོགས་པའོ། །དེའི་ཕྱི་རོལ་དུ་ཤར་དུ་བརྒྱ་བྱིན། ཤར་ལྷོར་མེ་ལྷ། ལྷོར་གཤིན་རྗེ། ལྷོ་ནུབ་ཏུ་སྲིན་པོ། ནུབ་ཏུ་ཆུ་ལྷ། ནུབ་བྱང་དུ་རླུང་ལྷ། བྱང་དུ་གནོད་སྦྱིན། བྱང་ཤར་དུ་འབྱུང་པོ། སྟེང་དུ་ཚངས་པ། འོག་ཏུ་ས་བདག་སྟེ་ཕྱོགས་སྐྱོང་བཅུ། གཞན་ཡང་ལྷ་ཆེན་པོ་བརྒྱད། ཀླུ་ཆེན་པོ་བརྒྱད། གཟའ་ཆེན་པོ་བརྒྱད། འཇིགས་བྱེད་ཆེན་པོ་དགུ། རྒྱུ་སྐར་ཉི་ཤུ་རྩ་བརྒྱད། རྒྱལ་པོ་ཆེན་པོ་བཞི་སྟེ། གཙང་རིས་ཀྱི་མགོན་པོ་བདུན་ཅུ་རྩ་ལྔ་པོ་ཐམས་ཅད་ཀྱང་འཁོར་བྱེ་བ་བྱེ་བའི་ཚོགས་ཀྱིས་བསྐོར་བ། དེའི་ཕྱི་རོལ་དུ་དམ་ཅན་རྒྱ་མཚོའི་དམག་ཚོགས་ཤ་ལ་དགའ་བ། ཁྲག་ལ་རོལ་བ། སྙིང་རྗེ་མེད་པ། ཁ་གདངས་བ། མིག་རྩ་དམར་བ། ལག་ན་གདུག་པའི་མཚོན་ཆ་སྣ་ཚོགས་པ་ཐོགས་པ་སྐད་ཅིག་ལ་སྐྱེ་འགྲོ་ཐམས་ཅད་ཀྱི་སྲོག་དབུགས་སྡུད་པ། གནོད་སྦྱིན་དང་། སྲིན་པོ་དང་། གཤིན་རྗེ་དང་། བདུད་དང་མ་མོའི་ཆ་ལུགས་ཅན། ས་གཞི་བར་སྣང་ནམ་མཁའི་དབྱིངས་ཐམས་ཅད་ཡོངས་སུ་གང་བ། ཐམས་ཅད་ཀྱང་སྒྲུབ་པ་པོའི་རེ་འདོད་ཚུལ་བཞིན་དུ་སྐོང་བར་མཛད་པའོ།།དེ་ཐམས་ཅད་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ། ཙནྡན་གྱི་ཤིང་རྐང་གཅིག་པའི་དྲུང་ནས། མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། སྟེང་ན་རྩ་བརྒྱུད་ཀྱི་བླ་མ། གཡས་ན་དཔའ་བོ་ངར་དང་བཅས་ཤིང་། གཡོན་ན་དཔའ་མོ་འཛུམ་དང་བཅས་པ། བཀའ་སྡོད་ཞིང་སྐྱོང་ཕོ་ཉ། དམ་ཅན་རྒྱ་མཚོའི་དམག་ཚོགས་དང་བཅས་པ་ཐམས་ཅད་སྐད་ཅིག་ཉིད་ལ་ཌཱ་མ་རུ་དང་དྲིལ་བུ་གཡེར་ཁའི་སྒྲ་སི་ལི་ལི། ཁྲོ་ལོ་ལོ། འུར་འུར་ཆེམ་ཆེམ་བྱོན་པར་གྱུར། <br />ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལ་ཆེ། །དཔལ་ལྡན་མགོན་པོ་འཁོར་དང་བཅས། །དཀྱིལ་འཁོར་གནས་འདིར་གཤེགས་སུ་གསོལ། །ཀྵེ་ཏྲ་པཱ་ལ་ལ་སོགས་པ། །འཁོར་གྱི་བཀའ་ཉན་གནོད་སྦྱིན་ཚོགས། །བསྟན་པ་བསྲུང་བར་ཞལ་བཞེས་པའི། །དམ་ཅན་རྒྱ་མཚོ་གཤེགས་སུ་གསོལ། །དཀྱིལ་འཁོར་གནས་འདིར་གཤེགས་ནས་ཀྱང་། །རྒྱན་གྱི་གཏོར་མ་འདི་བཞེས་ལ། །རྟགས་དང་མཚན་མ་སྟོན་པ་དང་། །བཅོལ་བའི་ཕྲིན་ལས་གྲུབ་པར་མཛོད། <br />ཨོཾ་བཛྲ་མ་ཧཱ་ཀཱ་ལ་ས་པ་རི་ཝཱ་ར་<span class="tibetan_small">ཞེས་པའི་རྗེས་སུ་ཀྵིཾ་རིང་པོ་ཉི་ཤུ་རྩ་གཅིག་བརྗོད། དེ་ནས་</span>ཀྵིཾ་<span class="tibetan_small">གི་གནས་སུ་</span>ཨེ་ཧྱེ་ཧི་<span class="tibetan_small">བཅུག་པ་དང་།</span> བཛྲ་ས་མཱ་ཛཿ<span class="tibetan_small">བཅུག་པ་རྣམས་ལན་གསུམ་གསུམ་བརྗོད་པས། མྱུར་མཛད་འཁོར་བཅས་སྤྱན་དྲངས།</span> ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། <br />ཧཱུྃ། བདུད་འདུལ་དམག་དཔོན་ནག་པོ་ཆེ། །རབ་བརྗིད་འཁོར་གྱི་ཚོགས་དང་བཅས། །དགྲ་བགེགས་མ་ལུས་འདུལ་བའི་ཕྱིར། །ནག་པོ་ཆེན་པོ་བཞུགས་སུ་གསོལ། པདྨ་ཀ་མ་ལ་སྟྭཾ། <br />ཨོཾ་ཤྲཱི་མ་ཧཱ་ཀཱ་ལ་ཡ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། <span class="tibetan_small">དེ་བཞིན་དུ།</span> པཱདྱཾ། པུཥྤེ། དྷུ་པེ། ཨཱ་ལོ་ཀེ། གནྡྷེ། ནཻ་ཝི་དྱ། ཤབྡ་<span class="tibetan_small">ཞེས་སྦྱར་ཏེ། །སྙིང་པོའི་མཐར་འབྲུ་གསུམ་བཏགས་ལ་ནང་མཆོད་འབུལ།</span> <br />ཆོས་དབྱིངས་ངང་ལས་མ་གཡོས་ཀྱང་། །གདུག་པ་འདུལ་ཕྱིར་ཁྲོས་པའི་སྐུ། །བསྟན་པའི་རུ་དྲ་འཇོམས་མཛད་པའི། །ནག་པོ་ཆེ་ལ་ཕྱག་འཚལ་བསྟོད། <br /><span class="tibetan_small">།དེ་ནས་གསོལ་འདེབས་ནི།</span> ན་མོ་བུདྡྷ་ཡ། ན་མོ་གུ་རུ་ཧེ། བཛྲ་བཱི་ར་བཱི་རེ་ཎི། ཤྲཱི་ཌཱ་ཀ་ཌཱ་ཀི་ནི། ཛོ་ག་ཛོ་གི་ནཱི། སརྦ་བུདྡྷ་བོ་དྷི་སཏྭ་ཡ་ཤ་ར་ཎཾ་གཙྪ་མི། ཀྱེ་ཀྱེ་ཕྱོགས་བཅུ་དུས་གསུམ་ན་བཞུགས་པའི་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱིས་བྱིན་གྱིས་རློབས་ཤིག །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱིས་བྱིན་གྱིས་རློབས་ཤིག །དཔའ་བོ་དང་དཔའ་མོར་བཅས་པ་རྣམས་ཀྱིས༴ སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས༴ དཔལ་ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས༴ ཡེ་ཤེས་ལ་སྒྲིབ་པ་མི་མངའ་བ། ཐུགས་རྗེ་ལ་ཕྱི་བཤོལ་མི་མངའ་བ། མཐུ་དང་ནུས་པ་ལ་ཐོགས་པ་མི་མངའ་བ། བྱིན་རླབས་ལ་རྒྱང་རིང་ཐུང་མི་མངའ་བ། ཁྱེད་རྣམས་ཀྱི་སྐུའི་སྒོ་ནས་བྱིན་གྱིས་རློབས་ཤིག །གསུང་གི་སྒོ་ནས༴ ཐུགས་ཀྱི་སྒོ་ནས༴ སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པའི་སྒོ་ནས༴ ད་ལྟ་ཉིད་དུ༴ མྱུར་བ་ཉིད་དུ༴ འདུག་ས་འདི་ཉིད་དུ་བྱིན་གྱིས་བརླབ་ཏུ་གསོལ། <br />བླ་མ་མགོན་པོ་དབྱེར་མེད་ལ། །བདག་ནི་དད་པས་གསོལ་འདེབས་ཀྱི། །བདག་དང་སེམས་ཅན་ཐམས་ཅད་ཀྱི། །ཉོན་མོངས་མ་ལུས་བསལ་བ་དང་། །དངོས་གྲུབ་མ་ལུས་སྩལ་དུ་གསོལ།<br /><span class="tibetan_small">།དེ་ནས་བཤགས་པ་བྱ་བ་ནི། རྡོ་རྗེ་སེམས་དཔའི་ཡི་གེ་བརྒྱ་པ་ལན་ཉི་ཤུ་རྩ་གཅིག་བཟླས་པའི་མཐར།</span> <br />རྡོ་རྗེ་འཆང་དང་དཔལ་ལྡན་[[Shavaripa|ཤཱ་བཱ་རི]]། །རྒྱལ་བ་[[Maitripa|མཻ་ཏྲི་]]གྲུབ་ཆེན་[[Rahula|རཱ་ཧུ་ལ]]། །ཨ་མི་དྷེ་བ་ལོ་ཀེ་ཤྭ་ར་དང་། །ཧ་ཡ་གྲཱི་བ་པདྨ་འབྱུང་གནས་དཔལ། །[[Kyungpo Neljor|ཁྱུང་པོ་ཛོ་ཀི་]][[Mokchokpa Rinchen Tsöndrü|རཏྣ་བིཪྻ་]]དང་། །[[Öntön Kyergangpa|དྷརྨ་སིངྷ་]][[Sangyé Nyentön|དྷརྨ་པྲ་ཛྙཱ་]]དང་། །[[Sangyé Tönpa|བིཪྻ་སིངྷ་]][[མཁས་གྲུབ་ཆོས་རྗེ་]]སོགས། །རིན་ཆེན་བརྒྱུད་པའི་བླ་མ་དགོངས་སུ་གསོལ། །འགྲོ་བའི་རེ་སྐོང་ཡོན་ཏན་རབ་རྫོགས་པའི། །བརྒྱུད་ལྡན་བླ་མ་དུས་གསུམ་སངས་རྒྱས་ལ། །དག་པ་གཉིས་ལྡན་ཆོས་སྐུར་མ་རྟོགས་པར། །འཇིག་རྟེན་རྟོག་བཅས་དབང་གྱུར་མཐོལ་ལོ་བཤགས། སྐུ་གསུང་ཐུགས་དང་ཡོན་ཏན་ཕྲིན་ལས་དང་། །ཕྱི་ནང་གསང་བའི་ལྷ་རྣམས་དགོངས་སུ་གསོལ། །བདག་ཅག་ཐེག་མཆོག་སྔགས་ཀྱི་སྒོར་ཞུགས་ནས། །རྩ་བ་ཡན་ལག་འགལ་ཉམས་མཐོལ་ལོ་བཤགས། །མཐུ་སྟོབས་ནུས་པ་ཕྲིན་ལས་ཕུན་ཚོགས་ཤིང་། །སྐད་ཅིག་དྲན་པས་བར་ཆད་ཐམས་ཅད་སོལ། །འདུ་འབྲལ་མེད་པར་དངོས་གྲུབ་སྟེར་མཛད་པའི། །ཡེ་ཤེས་མགོན་པོ་ཕྱག་དྲུག་དགོངས་སུ་གསོལ། །དུར་ཁྲོད་ནགས་འདབས་ཆུ་གླིང་བས་མཐའ་རུ། །ཕྱི་ནང་རྟེན་དང་དམ་རྫས་ཚོགས་གྱུར་ནས། །བསྙེན་སྒྲུབ་བསྐང་བཤགས་ཚུལ་བཞིན་མ་གྲུབ་པར། །ལེ་ལོ་གཡེང་བའི་དབང་གྱུར་མཐོལ་ལོ་བཤགས། །ཁྱད་པར་གསང་བའི་རྟེན་མཆོག་བླ་ན་མེད། །བླ་མ་མགོན་པོ་དབྱེར་མེད་བདེ་ཆེན་སྐུ། །ཁྱོད་ལ་ཡིད་ཆེས་མོས་གུས་འབྲལ་མེད་ཀྱིས། །རྣམ་དག་ཆོས་སྐུར་མ་རྟོགས་མཐོལ་ལོ་བཤགས། །བདག་ནི་མ་རིག་འཁྲུལ་པའི་དབང་གྱུར་ཏེ། །བླ་མ་མགོན་པོ་འཁོར་དང་བཅས་རྣམས་ཀྱི། །སྐུ་གསུང་ཐུགས་དང་འགལ་བ་ཅི་མཆིས་པ། །གནོང་ཞིང་འགྱོད་པའི་སེམས་དང་བཅས་ནས་ཀྱང་། །ལྷ་མཆོག་ཁྱོད་ཀྱི་སྤྱན་སྔར་མཐོལ་ལོ་བཤགས། །ཡེ་ཤེས་བཀའ་སྒྲུབ་ལས་ཀྱི་ཕོ་ཉ་མཛད། །ཀྵེ་ཏྲ་པཱ་ལ་ཛི་ན་མི་ཏྲ་དང་། །ཊཱ་ཀྐི་རཱ་ཛ་ཏྲཀྴད་རེ་མ་ཏཱི། །ཕྱོགས་སྐྱོང་བཅུ་དང་གཙང་རིས་དགོངས་སུ་གསོལ། །ཇི་ལྟར་ཁྱེད་ཀྱིས་ཁས་བླངས་དམ་བཅས་བཞིན། །བདག་གི་ཕྲིན་ལས་ཡེངས་མེད་སྒྲུབ་པ་ལ། །ཡིད་ཆད་བགྱིས་ཤིང་ཤ་ཁྲག་གཏོར་ཚོགས་ཀྱིས། །གཏང་རག་དུས་སུ་མ་ཐོངས་མཐོལ་ལོ་བཤགས། མངོན་ཤེས་མེད་པས་ཉེས་སྐྱོན་མ་རྟོགས་པར། །བསྟན་པ་འཇིག་དང་བླ་མའི་སྐུ་དགྲ་ལ། །དྲག་པོའི་ལས་ཀྱིས་ཚར་གཅོད་མ་བགྱིས་པར། །གསང་བ་བསྒྲགས་ཤིང་བྱམས་བགྱིས་མཐོལ་ལོ་བཤགས། །དམ་ཉམས་གཏམ་འདྲེས་གྲིབ་ཕོག་ཟས་ཟོས་དང་། །རྒྱུ་ཆུང་ཕུད་ཉམས་འགལ་འཁྲུལ་ནོར་ལ་སོགས། །ཉེས་སྐྱོན་འཁྲུལ་པའི་ཚོགས་རྣམས་ཅི་མཆིས་པ། །གནོང་ཞིང་འགྱོད་པའི་སྒོ་ནས་མཐོལ་ལོ་བཤགས། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །གསུང་གི༴ ཐུགས་ཀྱི༴ རྩ་བའི༴ ཡན་ལག༴ ཚོར་ཏེ༴ མ་ཚོར༴ ཉམས་གྲིབ་དག་ཕྱིར་བཤགས་པ་འདི་བྱས་པས། །དཔལ་ལྡན་མགོན་པོ་འཁོར་དང་བཅས་རྣམས་ཀྱིས། །ཕ་མ་བུ་ཚ་བཞིན་དུ་བཟོད་བཞེས་ལ། །དངོས་གྲུབ་ཐམས་ཅད་བདག་ལ་དུས་འདིར་སྩོལ། །བཤགས་དང་བཤགས་པར་བྱ་བ་མི་དམིགས་ཀྱང་། །རྣམ་པར་རྟོག་པའི་བག་ཆགས་དག་བྱའི་ཕྱིར། །རྗེ་བཙུན་དམ་པ་ཡུལ་གྱི་མཆོག་རྣམས་ལ། །རབ་ཏུ་བཤགས་པས་བདེ་ཆེན་ཐོབ་གྱུར་ཅིག <span class="tibetan_small">།གསོལ་འདེབས་དང་བཤགས་པའང་མི་སྤྲོ་ན་བོར་བས་ཀྱང་རུང་ངོ་། </span><br /><span class="tibetan_small">།དེ་ནས་བཟླས་པ་ནི།</span> རང་གི་ཐུགས་ཀའི་ཧཱུྃ་ལས་སྔགས་ཀྱི་ཕྲེང་བ་རྣམས་ཁ་དོག་ནག་པོ་འོད་ཟེར་དམར་པོ་འཕྲོ་བ་ཕྲེང་རྡོག་ལྟར་གནས་པ་ལ་འོད་ཟེར་སྣ་ལྔ་ཕྲེང་ཐག་གི་ཚུལ་དུ་བརྒྱུས་པ་རང་གི་ཞལ་ནས་ཐོན་མགོན་པོའི་ཞལ་དུ་ཞུགས། མགོན་པོའི་ཐུགས་ཀའི་ཧཱུྃ་ལ་ཐིམ། ཡང་ཧཱུྃ་ལས་བྱུང་། མགོན་པོའི་ལྟེ་བ་ནས་ཐོན། བདག་གི་ལྟེ་བར་ཞུགས། སྙིང་ཁའི་ཧཱུྃ་ལ་ཐིམ། དེ་ལྟར་རྟག་ཏུ་འཁོར་ལོ་ལྟར་འཁོར་བར་<span class="tibetan_small">བསམས་ལ།</span> ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ན་ཡ་ཀ་ཧཱུཧཱུྃྃ་ཕཊ་ཕཊ་སྭཱ་ཧཱ། <span class="tibetan_small">ཅེས་སྙིང་པོ་ཅི་གྲུབ་བཟླས། དྲག་པོའི་བཟླས་པ་དམིགས་པ་གསལ་བཏབ་ཅིང་།</span> ཨོཾ་ཤྲཱི་མ་ཧཱ་ཀཱ་ལ་ཤཱ་ས་ན། ཨུ་པ་ཧ་རི་ཎི། ཨེ་ཥོ་པཉྩི་མ། ཀཱ་ལོ་ཉ་ཡཾ་ཨི་དཾ་རཏྣ་ཏྲ་ཡཱ་ཡ། ཨ་པ་ཀཱ་རི་ཎཾ། ཡ་ཏི་པྲ་ཏི་ཛྙཱ། སྨ་ར་སི་ཏཱ་དཱ། ཨི་དཾ་དུཥྚཾ་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲྀཧྞ་གྲྀཧྞ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དཱི་ན་མེ་ཀེ་ན་མཱ་ར་ཡ་ཧཱུྃ་ཕཊ། <span class="tibetan_small">ཞེས་པ་ནི་དྲག་སྔགས་ཏེ་འབོད་རྦད་བསད་གསུམ་ཡང་འདི་ལ་ཚང་བར་བཞེད་དོ།</span> །ཨོཾ་ཤྲཱི་དི་ཝཱི་ཧཱུྃ་ཕཊ། <span class="tibetan_small">ལྷ་མོའི་མཚན་སྔགས་སོ།</span> །ཨོཾ་ཀྵེ་ཏྲ་པཱ་ལ་བི་གྷྣཱན་ཧཱུྃ་ཕཊ། ཨོཾ་ཛི་ན་མི་ཏྲ་བ་ཤཾ་ཀུ་རུ་ཧཱུྃ་ཕཊ། ཨོཾ་ཊཀྐི་རཱ་ཛཱ་ས་མ་ཡ་བྷྱོཿདུ་ཛ་ཧཱུྃ་ཕཊ། ཨོཾ་དུ་ཡོག་ཛ་མ་ཧཱ་ཀཱ་ལ་ཏྲཀྴད་ཧཱུྃ་ཕཊ། <span class="tibetan_small">ལས་མཁན་བཞིའི་སྙིང་པོའོ།</span> <br /><span class="tibetan_small">།དེ་ལྟར་བཟླས་པ་ཅི་འགྲུབ་བྱས་ནས། མཐར་མཆོད་གཏོར།</span> བཛྲ་ཨ་མྲྀ་ཏ<span class="tibetan_small">ས་བསང་།</span> སྭ་བྷཱ་ཝ<span class="tibetan_small">ས་སྦྱངས།</span> <br />སྟོང་པའི་ངང་ལས། ཡཾ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་པུ་གསུམ། དེའི་སྟེང་དུ་ཨ་ལས་ཐོད་པ་མཚན་ལྡན་ཡངས་ཤིང་རྒྱ་ཆེ་བའི་ནང་དུ་བྷྲཱུཾ་ཨཱཾ་ཛྲིཾ་ཁཾ་ཧཱུྃ་རྣམས་ལས་ཤ་ལྔ། ལཱྃ་མཱྃ་པཱྃ་ཏཱྃ་བཱྃ་རྣམས་ལས་བདུད་རྩི་ལྔ། སྟེང་གི་ནམ་མཁའ་ལ་ཨོཾ་དཀར་པོ། ཨ་ལས་ཟླ་བ། ཧཱུྃ་ལས་རྡོ་རྗེ་རྣམས་བརྩེགས་པ། རླུང་གཡོས་མེ་སྦར། ཤ་ལྔ་བདུད་རྩི་ལྔ་འོད་དུ་ཞུ། ཡི་གེ་འབྲུ་གསུམ་ལས་བདུད་རྩིའི་རྒྱུན་བབས། དེ་རྣམས་ཀྱི་འོད་ཀྱིས་སངས་རྒྱས་ཐམས་ཅད་ཀྱི་རྡོ་རྗེ་གསུམ་ཡེ་ཤེས་ཀྱི་བདུད་རྩིར་སྤྱན་དྲངས་ཏེ་ཐིམ། ཨོཾ་དང་ཟླ་བ་རྡོ་རྗེ་རྣམས་ཀྱང་འོད་དུ་ཞུ་ཞིང་ཐིམ་པས། ཁ་དོག་དྲི་རོ་ནུས་མཐུ་ཕུན་སུམ་ཚོགས་པ་ཟད་མི་ཤེས་པ་བདུད་རྩིའི་རྒྱ་མཚོར་གྱུར། ཨོཾ་ཨཱཿཧཱུྃ། <span class="tibetan_small">ལན་གསུམ་བརྗོད་པས་བྱིན་རླབས།</span> <br />མགོན་པོ་འཁོར་དང་བཅས་པའི་ལྗགས་ཧཱུྃ་ལས་བྱུང་བའི་རྡོ་རྗེ་དམར་པོའི་འོད་ཀྱི་སྦུ་གུས་གཏོར་མ་དྲངས་ཏེ་གསོལ་བས་ཐུགས་རྒྱུད་ཟག་མེད་ཀྱི་བདེ་བས་ཚིམ་ནས་དགྱེས་པར་གྱུར། <br /><span class="tibetan_small">སྙིང་པོའི་མཐར།</span> ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ནཱ་ཡ་ཀ་ཏྲཀ་རཀྨོ་བ་ལིཾ་ཏ་མཾ་ས་རཀྟ་རུ་ཏི་རཾ་ཁ་ཁ་ཁཱ་ཧི་ཁཱ་ཧི། <span class="tibetan_small">དེ་བཞིན་དུ་འཁོར་རྣམས་ལ་སྙིང་པོའི་མཐར།</span> ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། <span class="tibetan_small">ཞེས་བཏགས་ལ། ལན་གསུམ་གསུམ་གྱིས་ཕུལ།</span> <br />ཨོཾ་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་<span class="tibetan_small">སོགས་ཀྱིས་མཆོད། ནང་མཆོད་སྔར་བཞིན་ཕུལ།</span> <br />དཔལ་ཡེ་ཤེས་ཀྱི་མགོན་པོ་ལེགས་ལྡན་ནག་པོ། བདུད་གཅོད་ཀྱི་སྐྱེས་བུ། སྲོག་གཅོད་ཀྱི་ཤན་པ། བདུད་འདུལ་གྱི་དམག་དཔོན། སྲིན་པོ་ལངྐ་པུ་རིའི་གྲོང་ཁྱེར་སུམ་བརྩེགས་བརླག་པར་མཛད་པ། རྣལ་འབྱོར་གྱི་དགྲ་ལྷ། རིག་འཛིན་གྱི་སྲུང་མ། དམ་ཉམས་ཀྱི་སྲོག་བདུད་ཆེན་པོ་འཁོར་དང་བཅས་པ་རྣམས་དམ་རྫས་རྒྱན་དང་ལྡན་པའི་གཏོར་མ་འདི་བཞེས་ལ། སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་གྱི་ཆོས་འཁོར་སྐྱོངས། བླ་མའི་སྐུ་ཚེ་སྲིངས། ཁྱད་པར་དུ་དཀོན་མཆོག་གསུམ་ལ་གནོད་པར་བྱེད་པ་དང་། བདག་ཅག་འཁོར་དང་བཅས་པ་ལ་བསམ་སྦྱོར་ངན་པར་བྱེད་པ་ཐམས་ཅད་ཞི་བར་མཛོད་ཅིག གལ་ཏེ་ཞི་བས་འདུལ་དུ་མ་འཚལ་ན་བསད་པ་དང་། བསྐྲད་པ་དང་། དབྱེ་བ་དང་། རེངས་པ་དང་། གཟིར་བ་དང་། སྡིགས་ཤིང་དཔའ་སྐོང་བ་ལ་སོགས་པ་དྲག་པོའི་ཕྲིན་ལས་ཀྱིས་ཚར་བཅད་དུ་གསོལ། །བླ་མ་མགོན་པོ་འཁོར་བཅས་ལ། །བདག་གིས་མཆོད་གཏོར་ཕུལ་བ་ཡིས། །དཀོན་མཆོག་དབུ་འཕང་སྨད་པ་དང་། །ཐེག་པ་ཆེན་པོ་སུན་འབྱིན་དང་། བསྟན་པ་འཇིག་དང་དབྱེན་བྱེད་དང་། །བླ་མའི་སྐུ་ལ་བསྡོ་བ་དང་། །རྣལ་འབྱོར་བདག་ལ་སྡང་བ་རྣམས། །དེ་ཀུན་ནག་པོ་ཆེན་པོས་སྒྲོལ། །མཱ་ར་ཡ་ཕཊ། ས་མ་ཡ།<br /><span class="tibetan_small">བསྟོད་པ་ནི།</span> ཧཱུྃ། མྱུར་མཛད་སྤྱན་རས་གཟིགས་ལ་ཕྱག་འཚལ་ལོ། །ཞབས་གདུབ་དང་བཅས་བི་ནཱ་ཡ་ཀ་མནན། །ནག་པོ་ཆེན་པོ་སྟག་གི་ཤམ་ཐབས་ཅན། །ཕྱག་དྲུག་སྦྲུལ་གྱི་རྒྱན་གྱིས་རྣམ་པར་བརྒྱན། །གཡས་པས་གྲི་གུག་བར་པས་ཕྲེང་བ་འཛིན། །ཐ་མས་ཌཱ་མ་རུ་ནི་དྲག་ཏུ་འཁྲོལ། །གཡོན་པས་ཐོད་པ་དང་ནི་མདུང་རྩེ་གསུམ། །དེ་བཞིན་ཞགས་པས་བཟུང་ནས་འཆིང་བར་བྱེད། །དྲག་པོའི་ཞལ་གདངས་མཆེ་བ་རྣམ་པར་གཙིགས། །སྤྱན་གསུམ་དྲག་པོའི་དབུ་སྐྲ་གྱེན་དུ་འབར། །དཔྲལ་བར་སིནྡཱུ་ར་ཡི་ཐིག་ལེ་བྱུགས། །སྤྱི་བོར་མི་བསྐྱོད་རྒྱལ་པོས་རྒྱས་བཏབ་བརྟེན། །ཁྲག་འཛག་མི་མགོ་ལྔ་བཅུའི་དོ་ཤལ་ཅན། །རིན་ཆེན་ཐོད་སྐམ་ལྔ་ཡིས་དབུ་ལ་བརྒྱན། །ཤིང་ལས་བྱོན་ནས་གཏོར་མ་ལེན་མཛད་པའི། །དཔལ་ལྡན་ཕྱག་དྲུག་པ་ལ་ཕྱག་འཚལ་བསྟོད། <br />།བྷྱོཿ ཁྲག་མཚོ་ཆིལ་ཆིལ་ཁོལ་བའི་ཀློང་དཀྱིལ་ན། །ཚོ་ཆེན་དྲེའུའི་སྟེང་ན་གཟི་བརྗིད་འབར། །མཐིང་ནག་སྐུ་ལ་ཞལ་གཅིག་ཕྱག་གཉིས་མ། །བདུད་ཀྱི་ཁྲམ་ཤིང་ནད་ཀྱི་རྐྱལ་པ་བསྣམས། །སྐུ་ཡི་སྤྲུལ་པས་སངས་རྒྱས་བསྟན་པ་བསྲུང་། །གསུང་གི་སྤྲུལ་པས་ཁམས་གསུམ་གཡོ་བར་བྱེད། །ཐུགས་ནི་མི་འགྱུར་འགྲོ་བའི་དོན་མཛད་མ། །མ་གཅིག་རེ་མ་ཏཱི་ལ་ཕྱག་འཚལ་ལོ། <br />།ཧཱུྃ། དཔལ་ལྡན་མགོན་པོའི་ཕྱོགས་བཞིའི་བཀའ་ཉན་པ། །ཡེ་ཤེས་བཀའ་སྒྲུབ་ལས་ཀྱི་ཕོ་ཉ་མཛད། །མ་རུངས་ཀུན་འདུལ་སྤྲུལ་པ་སྣ་ཚོགས་འགྱེད། །ལས་བྱེད་ཕོ་ཉ་བཞི་ལ་བདག་ཅག་བསྟོད། །དབང་པོ་གཤིན་རྗེ་ཆུ་ལྷ་གནོད་སྦྱིན་དང་། །མེ་ལྷ་སྲིན་པོ་རླུང་ལྷ་འབྱུང་པོ་དང་། །སྟེང་གི་ཚངས་པ་ས་ཡི་ལྷ་མོ་སྟེ། །སྤྲུལ་པའི་ཕྱོགས་སྐྱོང་བཅུ་ལ་ཕྱག་འཚལ་བསྟོད། །དཔལ་མགོན་བདུན་ཅུ་རྩ་ལྔ་དང་། །དམ་ཅན་རྒྱ་མཚོའི་དམག་ཚོགས་རྣམས། །ཤ་ཁྲག་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ཀྱི། །མི་མཐུན་རྐྱེན་དང་བར་ཆད་སོལ། །མཐུན་པའི་དངོས་གྲུབ་སྩོལ་བ་དང་། །བཅོལ་བའི་ཕྲིན་ལས་གྲུབ་པར་མཛོད། <br /><span class="tibetan_small">།དེ་ནས་འོག་ནས་འབྱུང་བའི་ཏིང་ངེ་འཛིན་གྱི་དབང་བསྐུར་ཉིད་དམིགས་པས་བདག་འཇུག་ཏུ་བླངས། སློབ་མའི་རྒྱུད་བྱིན་གྱིས་བརླབ་པའི་དོན་དུ་འདིར་ཡང་བཟླས་པ་ཅུང་ཟད་བྱ། སློབ་མ་རྣམས་ཁྲུས་བྱ། གྲལ་དུ་འཁོད་པ་ལ་མེ་ཏོག་བཀྱེ་བསྡུ་བྱས་ཏེ། སློབ་དཔོན་གྱིས།</span> <br />ནམ་མཁའ་དང་མཉམ་པའི་སེམས་ཅན་ཐམས་ཅད་དཔལ་ཧེ་རུ་ཀའི་གོ་འཕང་ལ་འགོད་པར་བྱ། དེའི་ཆེད་དུ་གནས་སྐབས་སུ་ཕྱི་ནང་གསང་བའི་བར་ཆད་གདོན་བགེགས་ཐམས་ཅད་ཚར་གཅོད་ཅིང་། རྣམ་བཞིའི་ཕྲིན་ལས་ཅི་འདོད་ལྷུན་གྱིས་གྲུབ་པ་དང་། མཐར་ཐུག་མྱུར་མཛད་སྤྱན་རས་གཟིགས་ཀྱི་གོ་འཕང་མངོན་དུ་བྱ་བའི་སླད་དུ་དཔལ་ཡེ་ཤེས་ཀྱི་མགོན་པོ་ཕྱག་དྲུག་པའི་བཀའ་གཏད་བྱིན་རླབས་ཀྱི་རིམ་པ་གསན་སྙམ་པས་མ་ཡེངས་པར་ལྷག་པའི་ཐུགས་བསྐྱེད་གསལ་བཏབ་སྟེ་གསན་པར་ཞུ། <br />དེ་ཡང་འཕགས་པ་སྤྱན་རས་གཟིགས་དབང་ཕྱུག་ཆེན་པོ་འདི་ཉིད། ངེས་པའི་དོན་དུ་རྒྱལ་བ་ཐམས་ཅད་ཀྱི་འཆར་གཞི་སྟེ་རྒྱལ་བ་ཀུན་གྱི་ཡབ་ཏུ་གྱུར་ཀྱང་། ཐུན་མོང་གི་སྣང་ངོར་རྒྱལ་བའི་སྲས་ཀྱི་ཚུལ་བསྟན་སྐབས། བསྐལ་པ་མང་པོའི་ཚོགས་བསགས་ས་བཅུ་པ་ཁྱད་པར་ཅན་བརྙེས། འོད་ཟེར་ཆེན་པོའི་དབང་བསྐུར་ཐོབ། རྒྱལ་སྲས་ཐུ་བོའི་གྲལ་དུ་བཞུགས། སྐབས་ཤིག་ཐུགས་བསྐྱེད་ཀྱི་དམ་བཅའ་འདི་ལྟ་བུ་མཛད་དེ། ཕྱོགས་བཅུ་རབ་འབྱམས་མུ་མེད་པའི་འཇིག་རྟེན་གྱི་ཁམས་འདིར། བདག་གིས་སེམས་ཅན་གྱི་དོན་བྱ། སེམས་ཅན་ཐམས་ཅད་འཁོར་བ་ལས་བདག་གིས་སྒྲོལ་དགོས་པ་ལས། འཁོར་བའི་གནས་འདིར་སེམས་ཅན་གཅིག་ཀྱང་མ་ལུས་པ་སངས་རྒྱས་ཀྱི་ས་ལ་མ་འཁོད་བར་དུ་བདག་སངས་རྒྱས་འཐོབ་པར་མི་བྱ། སེམས་ཅན་གཅིག་ཀྱང་མ་ལུས་པ་སངས་རྒྱས་ཀྱི་ས་ལ་བཀོད་ཟིན་པ་ན། དེའི་རྗེས་སུ་བདག་ཉིད་སངས་རྒྱས་ཐོབ་ན་ལེགས་ཀྱི། གཞན་དུ་ན་བདག་འཁོར་བ་ཉིད་དུ་གནས་ཏེ་སེམས་ཅན་གྱི་དོན་བྱའོ། <br />།གལ་ཏེ་བདག་དམ་བཅའ་འདི་ལས་འདས་ན་ལུས་ཚལ་པ་སྟོང་དུ་འགས་པར་གྱུར་ཅིག་ཅེས་དབུ་བསྙུང་མཛད། དེ་ནས་བརྩམས་ཏེ་རི་བོ་པོ་ཏ་ལར་བཞུགས་ནས་སྤྲུལ་པ་མཐའ་ཡས་པས་སྐད་ཅིག་རེ་རེར་སེམས་ཅན་དཔག་ཏུ་མེད་པ་སྨིན་གྲོལ་དུ་མཛད་ན་གཞན་ཚད་བཟུང་བར་ག་ལ་ནུས། དེ་ལྟ་བུ་བསྐལ་པ་ཇི་སྙེད་གཅིག་སོང་ནས་དུས་ལན་གཅིག །ད་ནི་སེམས་ཅན་མང་པོ་ཐར་གྲོལ་བྱུང་ཡོད་དགོངས། མངོན་ཤེས་ཀྱིས་གཟིགས་པས། སེམས་ཅན་གྱི་ཁམས་ལ་འཕེལ་འགྲིབ་མེད། ཉུང་དུ་མ་སོང་བའི་ཁར་སེམས་ཅན་རྣམས་སྙིགས་མ་ལྔ་བདོ་བས་གདུལ་དཀའ་བར་གཟིགས་ནས་ད་ནི་བདག་གིས་སེམས་ཅན་གྱི་དོན་བྱ་བར་མི་ནུས་དགོངས་སྔར་གྱི་ཐུགས་བསྐྱེད་དམ་བཅའ་བཏང་བའི་ཚུལ་མཛད་པ་ན་སྐུ་ལུས་ཚལ་པ་སྟོང་དུ་གས་སྐད། དེར་འཕགས་པ་ཉིད་ཀྱི་དགེ་བའི་བཤེས་གཉེན་ནི་འོད་དཔག་མེད་པ་ཡིན་པས་མངོན་གསུམ་དུ་བྱོན་ཏེ། རིགས་ཀྱི་བུ་ཁྱོད་ཀྱིས་དེ་ལྟ་བུའི་སེམས་བསྐྱེད་བཏང་བ་དེ་མ་ལེགས། ད་དམ་བཅའ་སླར་གསོ་བ་སོགས་ཀྱི་དོན་དུ་སྔར་གྱི་དེ་བས་རྒྱ་ཆེ་བའི་སེམས་བསྐྱེད་ཀྱིས་ཤིག་གསུངས། སྐུ་ལུས་ཚལ་པ་སྟོང་དབུ་བཅུ་གཅིག་དང་ཕྱག་སྟོང་དུ་བྱིན་གྱིས་བརླབས་སོ། །དེ་ནས་དགོངས་པ་སླར་ཡང་རྒྱ་བསྐྱེད་དེ་སྙིགས་མ་ལྔ་བདོ་བའི་སེམས་ཅན་མ་རུངས་པ་རྣམས་དྲག་པོས་འདུལ་བ་དང་། ཆོས་བྱེད་རྣམས་ཀྱང་བར་དོའི་འཇིགས་པ་ལས་མི་ཐར་བར་གཟིགས་ནས་བར་དོ་ལས་སྐྱོབ་པ་དང་། སྙིགས་དུས་སྐྱེ་བོ་རྣམས་དབུལ་ཕོངས་ཁོ་ན་སྡུག་བསྔལ་ཆེ་བས་དེའི་གཉེན་པོར་བསམ་པ་ཙམ་གྱིས་དགོས་འདོད་འབྱུང་བ་སྟེ། ཕྲིན་ལས་རྣམ་པ་གསུམ་གྱི་སྒོ་ནས་ཐུགས་བསྐྱེད་སྔ་མ་ལས་ལྷག་པའི་ཚུལ་དུ་དགོངས། འཕགས་པ་སྤྱན་རས་གཟིགས་ཀྱི་ཐུགས་ཀ་ནས་ཧཱུྃ་གཅིག་བྱུང་སྟེ། དེ་ཉིད་མྱུར་མཛད་ཡེ་ཤེས་ཀྱི་མགོན་པོར་གྱུར་པ་ན། ཞིང་ཁམས་ཐམས་ཅད་དུས་རྣམ་པ་དྲུག་ཏུ་གཡོས། བཅོམ་ལྡན་འདས་འོད་དཔག་ཏུ་མེད་པ་ལ་སོགས་པ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་མགྲིན་གཅིག་ཏུ་བསྔགས་པ་བརྗོད། སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་སྤྲུལ་པའི་ཁྲོ་བོ་ཆེན་པོར་དབང་བསྐུར་ཞིང་མངའ་གསོལ་ལོ། །དེ་ནས་བརྩམས་ཏེ་སངས་རྒྱས་ཀྱི་ཞིང་ཁམས་ཐམས་ཅད་དུ་བསྟན་པ་བསྲུང་ཞིང་བཞུགས་པ་ལགས། ཡེ་ཤེས་ཀྱི་མགོན་པོ་ཆེན་པོ་འདི་ཉིད་ཀྱི་སྒྲུབ་སྐོར་འཕགས་བོད་ཀྱི་ཕྱོགས་འདིར་དར་བའི་ཚུལ་དང་། གྲུབ་པའི་སྐྱེས་བུ་རྣམས་ཀྱིས་རྟགས་མངོན་གྱུར་དུ་བསྟན་པའི་ངོ་མཚར་རྣམ་ཐར་བརྗོད་ལས་འདས་ཤིང་། <br />དེ་དག་གི་ལོ་རྒྱུས་རྒྱས་པ་[[རྗེ་བཙུན་ཐམས་ཅད་མཁྱེན་པ]]འི་གསུང་རབ་སོགས་སུ་གསལ་བ་ལ། མདོར་བསྡུ་ན། སངས་རྒྱས་ཤཱཀྱ་ཐུབ་པ་མྱ་ངན་ལས་འདས་ནས་ལོ་དྲུག་བརྒྱར་ཉེ་བ་ན། གྲུབ་ཐོབ་ཆེན་པོ་[[Shavaripa|ཤ་བ་རི་པ་]]བྱོན་ཏེ་གྲུབ་པ་བརྙེས། མགོན་པོ་འདི་ཉིད་ཞལ་གཟིགས་ཏེ་སྲོག་སྔགས་སྒྲུབ་སྐོར་དང་བཅས་པ་གནང་། ཕྲིན་ལས་ཐོགས་མེད་དུ་སྒྲུབ། དཔལ་ཤ་བ་རིས། རྗེ་བཙུན་[[Maitripa|མཻ་ཏྲཱི་པ་]]ལ་གནང་། རྗེ་མཻ་ཏྲི་པ་ནི། [[Vikramashila|བི་ཀྲ་མ་ཤྲཱི་ལ]]ར་བཞུགས་དུས་བསྐྱེད་པའི་རིམ་པ་ལ་བརྟན་པ་ཐོབ་ཀྱང་གནས་ལུགས་ཀྱི་དེ་ཉིད་མ་རྟོགས་ནས། ལྷག་པའི་ལྷ་ལ་གསོལ་བ་བཏབ་པས། ལྷོ་ཕྱོགས་དཔལ་གྱི་རིར་སོང་ཞིག །རི་ཁྲོད་མགོན་པོས་རྗེས་སུ་འཛིན་པར་འགྱུར་ཞེས་ལུང་བསྟན་པ་ལྟར་བྱོན། གྲུབ་ཐོབ་ཤ་བ་རིས་ཀྱང་ཕྱག་རྒྱ་ཆེན་པོའི་གདམས་པ་མཐའ་དག་སྩལ་ཅིང་དབང་སྒྲུབ་སྐོར་རྣམས་གནང་། གནས་ལུགས་ཀྱི་གཟིགས་པ་ནམ་མཁའ་དང་མཉམ། ཆོས་སྐྱོང་བྲན་བཞིན་ཁོལ་བར་གྱུར་ཏོ། །མཻ་ཏྲཱི་པ་ཆེན་པོས། མཁས་གྲུབ་ཆེན་པོ་[[Khyungpo Neljor|ཁྱུང་པོ་ལོ་ཙཱ་བ་]]ལ་གནང་སྟེ། ཁྱུང་པོ་ལོ་ཙཱ་བ་དེ་ནི་རུས་ཁྱུང་པོ། འཁྲུངས་ཡུལ་[[སྙེ་མོ་]]ར་མ། དང་པོར་བོན་དང་། དེ་ནས་ཆོས་རྫོགས་པ་ཆེན་པོ་གསན་ཏེ་ཉན་བཤད་སྒོམ་སྒྲུབ་མཛད། དེ་ནས་[[Kor Nirupa|ཀོར་ནི་རུ་པ་]]བསྟེན། དགྱེས་རྡོར་དང་ཕྱག་ཆེན་གྱི་སྐོར་མཐའ་དག་གསན། དགུང་ལོ་ལྔ་བཅུ་ང་གཉིས་བཞེས་པ་ལ་བལ་པོ་དང་རྒྱ་གར་དུ་ཕེབས། སྔ་ཕྱིར་རྒྱ་བལ་བོད་གསུམ་དུ་འབྱོན་བཞུགས་མཛད། ཐུན་མོང་དང་ཐུན་མོང་མ་ཡིན་པའི་བླ་མ་བརྒྱ་དང་ལྔ་བཅུ་ཙམ་བསྟེན་ཏེ། གཙོ་བོ་[[Dorjé Denpa|རྡོ་རྗེ་གདན་པ་བསོད་ནམས་འབྱུང་གནས]]། [[Maitripa|མཻ་ཏྲི་པ]]། [[Abhayakara|སྦས་པའི་རྣལ་འབྱོར་པ]]། [[Rahula|རཱ་ཧུ་ལ]]། ཡེ་ཤེས་ཀྱི་མཁའ་འགྲོ་མ་ཆེན་མོ་[[Niguma|ནི་གུ་མ]]། [[Sukhasiddhi|སུ་ཁ་སིདྡྷི་]]སྟེ་དྲུག་པོ་དེ་རྣམས་རྩ་བའི་བླ་མ་མཆོག་ཏུ་མཛད་དེ། བླ་མ་དམ་པ་དེ་རྣམས་ཀྱི་ཐུགས་བཅུད་ལོངས་ཤིང་། མདོ་རྒྱུད་གཞུང་ལུགས་མན་ངག་ཐམས་ཅད་ལ་མཁས་གྲུབ་འགྲན་ཟླ་དང་བྲལ་བར་གྱུར། བོད་དུ་བྱོན་ཁར་རྗེ་མཻ་ཏྲཱི་པ་ལ་བདག་ཅག་བོད་ལོངས་སྤྱོད་ཆུང་བས་ནོར་སྒྲུབ་མྱུར་ལ་བྱིན་རླབས་ཆེ་བ་ཞིག་ཞུ་ཞུས་པས། མགོན་པོ་འདིའི་ལོ་རྒྱུས་གསུངས་ཤིང་། གདམས་པ་ཁྱད་པར་ཅན་ཡིད་བཞིན་གྱི་ནོར་བུ་ལྟ་བུ་ཡིན་གསུངས་ཏེ་དབང་མན་ངག་རྣམས་གནང་ཞིང་ལུང་བསྟན་པ་ཡང་མཛད་དོ། །གྲུབ་ཐོབ་ཆེན་པོ་ཁྱུང་པོ་འདི་ནི་སྐུ་ལུས་ཀྱི་བཀོད་པ་བརྒྱ་རྩ་བརྒྱད་ཅིག་ཅར་སྟོན་པ་དང་། བྲག་རི་ལ་ཐོགས་པ་མེད་པར་བཞུགས་པ་དང་། ཡི་དམ་དང་མགོན་པོ་རྟག་ཏུ་ཞལ་གཟིགས། སྤྲུལ་པའི་དམག་བཀྱེ་ནུས་པ་སོགས་རྣམ་ཐར་ངོ་མཚར་དཔག་པར་བཀའ་བ་སྟེ་ཆེས་ཆེ་བའི་གྲུབ་ཐོབ་ཡོངས་སུ་གྲགས་པ་དང་། ཁྱད་པར་མགོན་པོ་འདི་ཉིད་ཞག་བཅུ་གསུམ་སྒྲུབ་པའི་ཚུལ་མཛད་པས་ཞལ་མངོན་སུམ་དུ་བསྟན་ཅིང་། དེ་ཕྱིན་ཆད་བྲན་བཞིན་དུ་འཁོལ་བ་དང་། རྡོ་རྗེ་གདན་པའི་དྲུང་དུ་གསེར་སྲང་བརྒྱད་ཅུའི་ཚོགས་འཁོར་ཆེན་པོས་གྲུབ་ཐོབ་རྣམས་ཉིན་ཞག་མང་དུ་མཆོད་དེ་བླ་མ་ཡི་དམ་མཁའ་འགྲོ་ཆོས་སྐྱོང་གི་སྐལ་པ་ཞུས་པའི་སྐབས་སུའང་། ཐམས་ཅད་གཅིག་བསྡུས་མགོན་པོ་འདི་ཉིད་ཁོ་ན་ཆེད་དུ་བསྔགས་ཤིང་། རིགས་ཀྱི་བུ་ཁྱོད་དང་ཁྱོད་ཀྱི་སློབ་མ་བརྒྱུད་འཛིན་དང་བཅས་པ་ལ་དབང་བསྐུར་བྱིན་གྱིས་བརླབ་ཅིང་ཕྲིན་ལས་རྣམ་པ་ལྔ་བསྒྲུབ་པར་བྱའོ་ཞེས་མི་འགྱུར་རྡོ་རྗེའི་ཚིག་གིས་ཞལ་ཆེས་པས། དཔལ་ལྡན་ཤངས་པ་བཀའ་བརྒྱུད་པ་གཙོ་བོར་གྱུར་པའི་ཡེ་ཤེས་མཁའ་འགྲོ་ནི་གུའི་གདམས་པ་ཉམས་སུ་ལེན་པ་རྣམས་ལ་ཆོས་སྐྱོང་འདིས་མ་བསྒྲུབས་པར་ཡང་ཕྲིན་ལས་རྣམ་བཞི་ཐོགས་མེད་དུ་བསྒྲུབ་པ། སྒྲུབ་པ་པོ་ལ་ཞལ་སྟོན་པ་སོགས་ཆེས་ཆེར་འགོ་བ་ཡིན་ནོ། །དེ་ལྟ་བུའི་ཡེ་ཤེས་མགོན་པོའི་ཆོས་སྐོར་ཕྲན་ཚེགས་ཅི་རིགས་མཁས་གྲུབ་ཁྱུང་པོས་སློབ་མ་གཞན་དང་གཞན་ལ་གནང་བ་ཡོད་མོད་ཀྱང་། [[Könchok Khar|ལ་སྟོད་པ་དཀོན་མཆོག་མཁར]]། [[Shangom Chöseng|རྟོགས་ལྡན་ཞང་སྒོམ་ཆོས་སེང་]]། [[Mokchokpa Rinchen Tsöndrü|རྨོག་ལྕོག་པ་རིན་ཆེན་བརྩོན་འགྲུས་]]གསུམ་ལ་རྫོགས་པར་གནང་བས་སྔ་མ་ལས་བརྒྱུད་པ་ལ་མགོན་པོ་ལྷ་དགུ། ཕྱག་སྟོང་སྤྱན་སྟོང་རྒྱན་ཅན་གྱི་སྐོར་མང་པོ་ལ་སོགས་པ་བྱིན་རླབས་ཀྱི་སྒོ་ཆེན་པོ་དང་ལྡན་པ་མཐའ་ཡས་པར་བཞུགས་པ་ལ་ནི་མགོན་པོ་སྟོད་ལུགས་སུ་གྲགས་ལ། ཕྱི་མ་གཉིས་ཀྱི་གདམས་ངག་མཐའ་དག་[[Öntön Kyergangpa|དབོན་སྟོན་སྐྱེར་སྒང་པ་ཆེན་པོ་]]ལ་འདུས། དེས་[[Sangyé Nyentön|སངས་རྒྱས་གཉན་སྟོན]]། དེས་[[Sangyé Tönpa|འགྲོ་མགོན་སངས་རྒྱས་སྟོན་པ་]]ལ་གནང་། དེ་ནས་གཅིག་བརྒྱུད་ཀྱི་བཀའ་རྒྱ་གྲོལ་བས། མཁས་གྲུབ་[[Tsangma Shangtön|གཙང་མ་ཤངས་སྟོན་]]དང་[[Shönu Drup|བསམ་ལྡིང་པ་གཞོན་ནུ་གྲུབ]]། [[རི་གོང་གདན་ས་པ]]། [[Nenyingpa Aï Sengé|སློབ་དཔོན་ཨའི་སེང་གེ་]]ལ་སོགས་པ་སྐལ་ལྡན་རྣམས་ལ་འཆད་འགྱུར་གྱི་བཀའ་ལ་སོགས་པ་རྒྱ་ཆེར་སྩལ་བ་ལ་མགོན་པོ་སྨད་ལུགས་སུ་གྲགས་པ་སྟེ། དེ་ལྟར་བཀའ་སྲོལ་གཙོ་བོར་གཉིས་ལས་འདིར་སྨད་ལུགས་ཡིན། དེ་ལའང་གདན་ས་པ་ནས་ཕག་མོ་གྲུ་པ་དང་ཚོགས་སྡེ་བཞི་སོགས་ལ་བརྒྱུད་དེ་དབུས་སུ་དར་རྒྱས་ཆེན་པོ་བྱུང་བ་དང་། བསམ་སྡིང་ལུགས་ལ་ལྷོ་གཅོད་གཉིས། ཤངས་སྟོན་སློབ་མ་འཇག་པ་ལ་སྟོད་སྨད་བར་བརྒྱུད་གསུམ་སོགས་བྱུང་། དེ་དག་ལས་མཆེད་དེ་མགོན་པོ་དཀར་མཐིང་གི་སྐོར་རྣམས་ས་དཀར་གཉིས་ཀྱིས་མཚོན་པའི་ཆོས་སྡེ་དུ་མར་འཕེལ། [[Tsongkhapa|རྗེ་བཙུན་ཙོང་ཁ་པ་]]ཡབ་སྲས་ཀྱིས་འཇག་པའི་སློབ་བརྒྱུད་རྣམས་ལས་གསན་ཏེ་མགོན་པོ་འདིའི་ཕྲིན་ལས་བོད་དང་བོད་ཆེན་པོ། རྒྱ་སོག་གི་རྒྱལ་ཁམས་ཚུན་ཆད་དུ་ད་ལྟའི་བར་དུ་རྒྱ་ཆེ་ལ་རྒྱུན་ཆགས་པ་དང་། ཁྱད་པར་རིན་ཆེན་རྣམ་བདུན་ཕྱི་མ་ནས་[[Jetsün Taranatha|ཇོ་ནང་རྗེ་བཙུན་རིན་པོ་ཆེ]]ར་བཀའ་བབས་ཤིང་རྗེ་བཙུན་ཉིད་ཀྱིས་ཐུན་མོང་མ་ཡིན་པའི་ཆོས་སྐྱོང་གི་གཙོ་བོར་མཛད། ད་ལྟའི་བར་དུ་བྱིན་རླབས་ཀྱི་གཟི་བྱིན་མ་ཉམས་པར་བཞུགས་པ་ཡིན་ལ། དེ་ལྟར་མཁས་གྲུབ་ཁྱུང་པོ་ནས་བཟུང་བརྒྱུད་པའི་བླ་མ་རིམ་པར་བྱོན་པ་ཐམས་ཅད་ཀྱང་ཤེས་བྱ་ཀུན་ལ་མཁྱེན་པ་རྒྱས་ཤིང་མཁས་བཙུན་བཟང་པོའི་ཕུལ་དུ་གྱུར། འཇིག་རྟེན་ཆོས་བརྒྱད་ལ་ནི་ཐུགས་ལོག །འཁོར་འདས་ཐམས་ཅད་ནི་སྒྱུ་མ་ལྟ་བུར་གཟིགས། གནས་ལུགས་ཀྱི་རྟོགས་པ་ནམ་མཁའ་དང་མཉམ། བྱམས་སྙིང་རྗེ་ཕྱོགས་མེད་དུ་ཁྱབ། ཡི་དམ་དཔག་ཏུ་མེད་པ་ཞལ་གཟིགས། ཆོས་སྐྱོང་སྲུང་མ་བྲན་བཞིན་འཁོལ། གཞན་ཕན་འགྲོ་དོན་རང་ཤར་ལྷུན་གྱིས་གྲུབ་པ་སྟེ། དེ་ལྟ་བུའི་སྐྱེས་བུ་དམ་པ་དེ་རྣམས་ཀྱིས་ཐུགས་ཉམས་སུ་བཞེས་པའི་ཡེ་ཤེས་ཀྱི་མགོན་པོ་ཆེན་པོ་འདི་ལ་སྒྲུབ་ཐབས་ཀྱི་རིགས་བསམ་གྱིས་མི་ཁྱབ་པ་ཞིག་བཞུགས་ནའང་། རྩ་བར་གྱུར་པ་ནི། དྲག་པོ་མཐུ་སྒྲུབ་དང་། ཞི་བ་ནོར་སྒྲུབ་གཉིས་ལགས། དེ་གཉིས་ཀྱི་ཡང་གཙོ་བོ་དྲག་པོ་མཐུ་སྒྲུབ་ཡིན་ཅིང་། འདི་ལ་ཡང་བཀའ་རིགས་མི་གཅིག་པ་མང་དུ་ཡོད་ནའང་། དེ་རྣམས་ཀྱི་རྩ་བའི་དབང་བཀའ་ནི་བར་ཆད་ཀུན་སེལ་གྱི་བཀའ་འདི་ཉིད་ཡིན་པས། <br />འདི་སྒྲུབ་པར་བྱེད་པ་ལ་སློབ་དཔོན་གྱི་བྱ་བ་རྣམས་སྔོན་དུ་སོང་། སློབ་མའི་ངོ་སྐལ་དུ་གྱུར་པ་ལ་ཡང་སྦྱོར་དངོས་རྗེས་གསུམ་ལས། <br />དང་པོ་སྦྱོར་བ་ལ་ཡང་། མཎྜལ་འབུལ་བ། གསོལ་བ་འདེབས་པ། རྟོག་པ་བསྡུ་བ། ཐུན་མོང་མ་ཡིན་པའི་སྐྱབས་འགྲོ་སེམས་བསྐྱེད་པ། ཐུན་མོང་མ་ཡིན་པའི་གསོལ་བ་གདབ་པ་སྟེ་དྲུག་ཡོད་པ་ལས། <br />དང་པོ་བླ་མ་དང་མགོན་པོ་དབྱེར་མེད་པའི་སྤྱན་སྔར་ཏིང་ངེ་འཛིན་གྱི་དབང་བསྐུར་ཞུ་བའི་དོན་དུ་མཎྜལ་ཕུལ་མཛོད། <br /><span class="tibetan_small">ཅེས་བརྡ་སྦྱར་སློབ་མ་རྣམས་ཀྱིས་ཤངས་ལུགས་མཎྜལ་བཀའ་རྒྱ་མའམ། མི་ཤེས་ན་སྤྱི་འགྲོ་བཞིན་ཕུལ།</span> <br />གཉིས་པ་གསོལ་བ་འདེབས་པ་འདིའི་རྗེས་ཟློས་མཛོད། <br />རྡོ་རྗེ་འཛིན་པ་དགོངས་སུ་གསོལ། །བདག་ནི་འགྲོ་ལ་ཕན་དོན་དུ། །གཙོ་ཆེན་ཁྱོད་ལ་གསོལ་འདེབས་ཀྱི། །མགོན་པོའི་དབང་བསྐུར་བདག་ལ་སྩོལ། <span class="tibetan_small">།ལན་གསུམ།</span> <br />གསུམ་པ་རྟོག་པ་བསྡུ་བ་འདི་གསན་པས་ཁྱབ་བོ། <br />།རྟོག་པ་ཐམས་ཅད་ལེགས་པར་བསྡུས་ནས་ནི། །ཤིན་ཏུ་བསམ་པ་བཟང་དང་ལྡན་པས་ཉོན། །བརྗེད་ངེས་བློ་ལ་རྡོ་རྗེ་སེམས་དཔའ་སོགས། །བདེ་བར་གཤེགས་པ་རྣམས་ཀྱིས་བྱིན་མི་རློབ། ཞེས་དེ་ལྟར་ན་སྣོད་ཀྱི་སྐྱོན་གསུམ་སྤངས་ཏེ་གསན་འཚལ། <br />བཞི་པ་ཁྱད་པར་ཅན་གྱི་སྐྱབས་འགྲོའི་དོན་ནི། བླ་མ་མགོན་པོ་དབྱེར་མེད་ལ་སྐྱབས་སུ་འགྲོ་བ་ཡིན་པས་འདིའི་རྗེས་ཟློས་མཛོད། <br />ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། སློབ་དཔོན་དགོངས་སུ་གསོལ། བདག་རིག་པ་འཛིན་པ་ཞེས་བགྱི་བ། ཕྱོགས་བཅུ་ན་བཞུགས་པའི་བླ་མ་ལ་སྐྱབས་སུ་མཆི། ཕྱོགས་བཅུ་ན་བཞུགས་པའི་སངས་རྒྱས་ལ༴ ཕྱོགས་བཅུ་ན་བཞུགས་པའི་ཆོས་ལ༴ ཕྱོགས་བཅུ་ན་བཞུགས་པའི་དགེ་འདུན་ལ༴ ཡི་དམ་དཀྱིལ་འཁོར་གྱི་ལྷ་ཚོགས་དང་ཆོས་སྐྱོང་ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས་འཁོར་དང་བཅས་པ་རྣམས་ལ་ཕྱག་འཚལ་ཞིང་སྐྱབས་སུ་མཆིའོ། <span class="tibetan_small">།ལན་གསུམ།</span> <br />ལྔ་པ་རྒྱུན་བཤགས་བྱ་བ་འདིའི་རྗེས་ཟློས་མཛོད། <br />དཀོན་མཆོག་གསུམ་ལ་བདག་སྐྱབས་མཆི། <span class="tibetan_small">།སོགས་གསུམ།</span> <br />དྲུག་པ་ཐུན་མོང་མ་ཡིན་པའི་གསོལ་བ་གདབ་པ་ལ་ཡིད་ཀྱིས་སྤྲུལ་པའི་མཆོད་པས་མཆོད་པར་བསམ་ལ་འདིའི་རྗེས་ཟློས་མཛོད། <br />བླ་མ་དང་མྱུར་མཛད་ཡེ་ཤེས་ཀྱི་མགོན་པོ་དབྱེར་མ་མཆིས་པ་ལ། ཕྱི་མེ་ཏོག་བདུག་སྤོས། ནང་ཤ་ལྔ་བདུད་རྩི་ལྔ། གསང་བ་བདེ་སྟོང་གི་ཡེ་ཤེས། ཡང་གསང་དེ་ཁོ་ན་ཉིད་ཀྱི་མཆོད་པ་དམ་པ་རྣམས་འབུལ་ལོ། །བཞེས་ནས་བདག་ལ་དབང་བཞི་རྫོགས་པར་བསྐུར་དུ་གསོལ། <span class="tibetan_small">ལན་གསུམ།</span> <br />དེ་དག་གིས་དབང་གི་སྦྱོར་བ་གྲུབ་པ་ཡིན། <br />གཉིས་པ་དངོས་གཞི་དབང་དངོས་བསྐུར་བ་ལ་ཡང་། ཡེ་ཤེས་དབབ་པ། སྐུ་གསུང་ཐུགས་ཀྱིས་བྱིན་གྱིས་བརླབ་པ། སྐུ་དངོས་ཀྱིས་བྱིན་གྱིས་བརླབ་པ། སྔགས་གཏད་པའི་རྗེས་གནང་སྟེ་བཞི་ཡོད་པ་ལས། <br />དང་པོ་ལ་དཀྱིལ་འཁོར་དུ་གཞུག་ཅིང་ལྷ་ངོ་བསྟན་པའི་དོན་དཀྱིལ་འཁོར་གསལ་འདེབས་པ་དང་། ཡེ་ཤེས་ཕབ་པ་དངོས་གཉིས་ལས། <br />དང་པོ་ནི། སློབ་དཔོན་དང་མདུན་བསྐྱེད་དབྱེར་མ་མཆིས་པ་མགོན་པོ་འཁོར་བཅས་གསལ་འདེབས་པ་ཡིན་ཏེ། ཁྱེད་རང་རྣམས་ཀྱི་མདུན་གྱི་ནམ་མཁར་སྲུང་བའི་འཁོར་ལོའི་ནང་མི་བཟད་པའི་དུར་ཁྲོད་ཆེན་པོའི་དབུས་སུ། པདྨ་དང་ཉི་མའི་སྟེང་དུ་དཔལ་ཚོགས་ཀྱི་བདག་པོ་སྐུ་མདོག་དཀར་པོ་གླང་པོ་ཆེའི་དབུ་ལ་སྤྱན་གསུམ་པ། ཕྱག་གཡས་སའི་སྙིང་པོ་ལ་ཕུག་ལོ་མ་དང་བཅས་པ་ཞལ་དུ་གསོལ་བ། གཡོན་ཐོད་པ་བདུད་རྩིས་གང་བ་འཛིན་པ། དར་དང་རིན་པོ་ཆེས་བརྒྱན་པ་ཉལ་སྟབས་སུ་གནས་པ། དེའི་སྟེང་དུ་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། སྐྱེ་འགྲོའི་རེ་བ་ཚུལ་བཞིན་དུ་སྐོང་བ། སྐུ་མདོག་དུས་མཐའི་སྤྲིན་ལྟར་རབ་ཏུ་གནག་པ། ཞལ་གཅིག་ཕྱག་དྲུག་པ། དམར་ལ་ཟླུམ་པའི་སྤྱན་གསུམ་སྡང་མིག་ཏུ་གཟིགས་པ། ཞལ་གདངས་ཤིང་མཆེ་བ་གཙིགས་པ། ལྗགས་འདྲིལ་བ། རབ་ཏུ་བཞད་པ། སྨ་ར་དང་སྨིན་མ་དབུ་སྐྲ་དམར་སེར་གྱེན་དུ་བརྫེས་པ། དཔྲལ་བར་སིནྡཱུརའི་ཐིག་ལེས་བྱུགས་པ། །སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ། ཕྱག་གཡས་དང་པོས་རྡོ་རྗེ་གྲི་གུག་དང་། གཡོན་དང་པོས་ཐོད་པ་ཁྲག་གིས་གང་བ་ཐུགས་ཀར་སྟེང་འོག་ཏུ་འཛིན་པ། གཡས་བར་པས་ཐོད་སྐམ་གྱི་ཕྲེང་བ། ཐ་མས་ཌཱ་མ་རུ་དྲག་ཏུ་འཁྲོལ་བ། གཡོན་གཉིས་པ་ན་མདུང་རྩེ་གསུམ་པ། ཐ་མ་ན་རྡོ་རྗེ་ཞགས་པ་བསྣམས་པ། ཞབས་གཉིས་སྲིད་གསུམ་རྣམ་པར་མནོན་པའི་ཤུགས་ཅན་མཉམ་པའི་སྟབས་ཀྲིག་ཀྲིག་ཞབས་ཀྱིས་བགེགས་ཀྱི་རྒྱལ་པོ་མནན་པ། སྟག་ལྤགས་ཀྱི་ཤམ་ཐབས་ལ་དར་ལྗང་གུའི་སྐེ་རགས་བཅིངས་པ། སྦྲུལ་སྔོན་པོས་དབུ་སྐྲ་བཅིངས་ཤིང་། དམར་པོའི་སྙན་ཆ། ཁྲ་བོའི་དཔུང་རྒྱན། དཀར་པོའི་མགུལ་རྒྱན། སེར་པོའི་ལག་གདུབ། ལྗང་གུའི་དོ་ཤལ། དཀར་པོའི་རྐང་གདུབ་དང་སྐ་རགས་ཅན། ཕྱག་ཞབས་ཐམས་ཅད་ལ་དྲིལ་བུ་གཡེར་ཁའི་ཕྲེང་བ་དང་ལྡན་པ། སྦོམ་ཐུང་ཡན་ལག་ཧྲག་པ། གཟི་བརྗིད་མཐའ་ཡས་པ། མི་མགོ་སྐམ་པོ་ལྔའི་དབུ་རྒྱན་རིན་པོ་ཆེའི་རྩེ་བྲན་ཅན་དང་། རློན་པ་ཁྲག་འཛག་ལྔ་བཅུའི་དོ་ཤལ་བྱས་པ། རུས་པའི་རྒྱན་དྲུག་གིས་མཛེས་པ། འཇིགས་པའི་ང་རོ་འབྲུག་ལྟར་སྒྲོག་པ། བདུད་དང་བགེགས་ཐམས་ཅད་བརླག་པར་མཛད་པ། བསྐལ་པའི་མེ་ལྟ་བུའི་ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་ཤིང་། ཙན་དན་གྱི་སྡོང་པོ་ལ་རྒྱབ་བརྟེན་པའོ། །དེའི་གཡོན་དུ་ཁྲག་ཞག་འཁྲུགས་པའི་རྒྱ་མཚོའི་དབུས་སུ། དཔལ་ལྡན་ལྷ་མོ་འདོད་པ་ཁམས་ཀྱི་དབང་ཕྱུག་མ། སྐུ་མདོག་ནག་མོ་ཕྱག་གཡས་བདུད་ཀྱི་ཁྲམ་ཤིང་ནག་པོ་ཕྱར་ཞིང་། གཡོན་ནད་ཀྱི་རྐྱལ་པ་འཛིན་པ། མེ་རླུང་འཚུབ་མའི་དབུས་ན་བཞུགས་ཤིང་། དྲེའུ་རྟ་རྐང་གསུམ་ལ་ཆིབས་པ། འཁོར་ཤ་ཟ་དང་མ་མོ་མཁའ་འགྲོ་འབུམ་སྡེས་བསྐོར་བའོ། །གཙོ་བོའི་མདུན་དུ་གནོད་སྦྱིན་ཀྵེ་ཏྲ་པཱ་ལ། སྐུ་མདོག་མཐིང་ནག་ཁ་གདངས་ཤིང་མཆེ་བ་གཙིགས་ནས་དགྲ་ལ་འོ་དོད་འབོད་པ། ཤངས་ནས་དུས་མཐའི་རླུང་ལྡང་བ། ཕྱག་གཡས་གྲི་གུག་ནམ་མཁའ་ལ་ཕྱར་བས་ལྷ་དང་ལྷ་མ་ཡིན་ཐམས་ཅད་སྐྲག་པར་བྱེད་པ། གཡོན་ཐོད་ཁྲག་དགྲ་བགེགས་ཀྱི་སྙིང་དང་བཅས་པ་ཞལ་དུ་སྟོབ་ཅིང་དོམ་ནག་སྨྱོན་པ་ལ་ཆིབས་པ། གཡས་སུ་དབང་ཕྱུག་ཛི་ན་མི་ཏྲ་སྐུ་མདོག་དམར་ནག་གཡས་ཌཱ་མ་རུ་འཁྲོལ་ཞིང་། གཡོན་ཐོད་ཁྲག་འཛིན་པ། རྒྱབ་ཏུ་གཤིན་རྗེ་ཊཱཀྐི་རཱ་ཛ་སྐུ་མདོག་དཀར་ནག ཕྱག་གཡས་ཞགས་པ་དགྲ་ལ་འཕེན་ཅིང་། །གཡོན་སྡིགས་མཛུབ་གནོད་བྱེད་ལ་སྡིགས་པ། གཡོན་དུ་བདུད་མགོན་ཆེན་པོ་ཏྲཀྴད་སྐུ་མདོག་ནག་པོ་ཕྱག་གཡས་རུ་མཚོན་མདུང་དམར་རྩེ་གསུམ་པ་དགྲ་བོའི་སྙིང་ཁར་བསྣུན་པ། གཡོན་ཐོད་པ་ཁྲག་གིས་གང་བ་བསྣམས་པ། ཡ་སོས་མ་མཆུ་མནན་པ། དར་ནག་གི་འཇོལ་བེར་དང་། སག་ཏིའི་ལྷམ་ཡུ་རིང་གསོལ་བ། གསེར་གྱི་སྐེ་རགས་བཅིངས་པ། བདུད་རྟ་ནག་པོ་རྟིང་དཀར་ལ་ཆིབས་པ། བཞི་ཀའང་ཁྲོ་བོའི་ལས་མཁན་གྱི་ཆ་བྱད་ཡོངས་སུ་རྫོགས་པའོ། <br />།དེའི་ཕྱི་རོལ་དུ་ཤར་དུ་བརྒྱ་བྱིན། ཤར་ལྷོར་མེ་ལྷ། ལྷོར་གཤིན་རྗེ། ལྷོ་ནུབ་ཏུ་སྲིན་པོ། ནུབ་ཏུ་ཆུ་ལྷ། ནུབ་བྱང་དུ་རླུང་ལྷ། བྱང་དུ་གནོད་སྦྱིན། བྱང་ཤར་དུ་འབྱུང་པོ། སྟེང་དུ་ཚངས་པ། འོག་ཏུ་ས་བདག་སྟེ་ཕྱོགས་སྐྱོང་བཅུ། གཞན་ཡང་ལྷ་ཆེན་པོ་བརྒྱད། ཀླུ་ཆེན་པོ་བརྒྱད། གཟའ་ཆེན་པོ་བརྒྱད། འཇིགས་བྱེད་ཆེན་པོ་དགུ། རྒྱུ་སྐར་ཉི་ཤུ་རྩ་བརྒྱད། རྒྱལ་པོ་ཆེན་པོ་བཞི་སྟེ། གཙང་རིས་ཀྱི་མགོན་པོ་བདུན་ཅུ་རྩ་ལྔ་པོ་ཐམས་ཅད་ཀྱང་འཁོར་བྱེ་བ་བྱེ་བའི་ཚོགས་ཀྱིས་བསྐོར་བ། དེའི་ཕྱི་རོལ་དུ་དམ་ཅན་རྒྱ་མཚོའི་དམག་ཚོགས་ཤ་ལ་དགའ་བ། ཁྲག་ལ་རོལ་པ། སྙིང་རྗེ་མེད་པ། ཁ་གདངས་པ། མིག་རྩ་དམར་བ། ལག་ན་གདུག་པའི་མཚོན་ཆ་སྣ་ཚོགས་ཐོགས་པ་སྐད་ཅིག་ལ་སྐྱེ་འགྲོ་ཐམས་ཅད་ཀྱི་སྲོག་དབུགས་སྡུད་པ། གནོད་སྦྱིན་དང་། སྲིན་པོ་དང་། གཤིན་རྗེ་དང་། བདུད་དང་མ་མོའི་ཆ་ལུགས་ཅན། ས་གཞི་བར་སྣང་ནམ་མཁའི་དབྱིངས་ཐམས་ཅད་ཡོངས་སུ་གང་བ། ཐམས་ཅད་ཀྱང་སྒྲུབ་པ་པོའི་རེ་འདོད་ཚུལ་བཞིན་དུ་སྐོང་བར་མཛད་པའོ།<br />།དེ་ལྟ་བུའི་བླ་མ་མགོན་པོ་དབྱེར་མེད་པ་ལ། མོས་གུས་དུང་བ་བྱས་པས་ཐུགས་ཀ་ནས་འོད་ཟེར་བུན་གྱིས་འཕྲོས། ཁྱེད་རང་རྣམས་ཀྱི་ལུས་ལ་ཕོག་པས་ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་བསྲེགས། མ་དག་པའི་སྣང་བ་ཐམས་ཅད་སྦྱངས་ནས་འོད་ཕུང་དུ་གྱུར་པའི་མོས་པ་མཛོད། <br />དེ་ཉིད་ལ་སློབ་དཔོན་གྱིས། ཨོཾ་སྭ་བྷཱ་ཝ་<span class="tibetan_small">ནས་</span>ཧཾ། ཞེས་བརྗོད་པས་འོད་གསལ་སྟོང་པ་ཉིད་དུ་གྱུར། སྟོང་ཉིད་དེའི་ངང་ལས་ཁྱེད་རང་རྣམས་ཀྱི་གོ་སར་པྃ་ལས་པདྨ་དང་། རྃ་ལས་ཉི་མའི་སྟེང་དུ། གྃ་དཀར་པོ་འོད་དུ་ཞུ་བ་ལས་དཔལ་ཚོགས་ཀྱི་བདག་པོ་སྐུ་མདོག་དཀར་པོ་གླང་པོ་ཆེའི་དབུ་ལ་སྤྱན་གསུམ་པ་ཕྱག་གཡས་སའི་སྙིང་པོ་ལ་ཕུག་ལོ་མ་དང་བཅས་པ་ཞལ་དུ་གསོལ་བ། གཡོན་ཐོད་པ་བདུད་རྩིས་གང་བ་འཛིན་པ། དར་དང་རིན་པོ་ཆེས་བརྒྱན་པ་ཉལ་སྟབས་སུ་གནས་པ། དེའི་སྟེང་དུ་ཁྱེད་རང་རྣམས་ཀྱི་སེམས་ཉིད་ཧཱུྃ་མཐིང་ནག་ལས་གྲི་གུག་ཧཱུྃ་གིས་མཚན་པ། དེ་ལས་འོད་ཟེར་འཕྲོས། དགྲ་བགེགས་གདུག་པ་ཅན་ཐམས་ཅད་ཚར་བཅད། འཕགས་པ་མཆོད། སེམས་ཅན་གྱི་དོན་བྱས། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། ཁྱེད་རང་རྣམས་མྱུར་མཛད་ཡེ་ཤེས་ཀྱི་མགོན་པོ་<span class="tibetan_small">སོགས་ནས།</span> ཙན་དན་གྱི་སྡོང་པོ་ལ་རྒྱབ་བརྟེན་པའོ། <br />།དེ་ལྟར་གསལ་བའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། སློབ་དཔོན་གྱི་ཐུགས་ཀའི་ཧཱུྃ་ལས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ། ཙན་དན་གྱི་ཤིང་རྐང་གཅིག་པའི་དྲུང་ནས་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། སྟེང་ན་རྩ་བརྒྱུད་ཀྱི་བླ་མ། གཡས་ན་དཔའ་བོ་ངར་དང་བཅས་ཤིང་། གཡོན་ན་དཔའ་མོ་འཛུམ་དང་བཅས་པ། བཀའ་སྡོད་ཞིང་སྐྱོང་ཕོ་ཉ། དམ་ཅན་རྒྱ་མཚོའི་དམག་ཚོགས་དང་བཅས་པ་ཐམས་ཅད་སྐད་ཅིག་ཉིད་ལ། ཌཱ་མ་རུ་དང་དྲིལ་བུ་གཡེར་ཁའི་སྒྲ་སི་ལི་ལི། ཁྲོ་ལོ་ལོ། འུར་འུར་ཆེམ་ཆེམ་བྱོན་ཏེ་ཁྱེད་རང་རྣམས་ཀྱི་ལུས་ལ་གཉིས་སུ་མེད་པར་ཐིམ།<br /><span class="tibetan_small">རོལ་མོའི་སྒྲ་ཆེར་བྱ། དམ་རྫས་སྤོས་ཀྱི་དུད་པ་བརྟུལ།</span> <br />ཨོཾ་བཛྲ་མ་ཧཱ་ཀཱ་ལ་ས་པ་རི་ཝཱ་ར་ཀྵིཾ་ཀྵིཾ་ཀྵིཾ་<span class="tibetan_small">སོགས་ཉེར་གཅིག</span> །ཀྵིཾ་<span class="tibetan_small">གྱི་གནས་སུ་</span>ཨེ་ཧྱ་ཧི་<span class="tibetan_small">བཅུག་པ་དང་།</span> །བཛྲ་ས་མཱ་ཛཿ<span class="tibetan_small">བཅུག་པ་རྣམས་ལན་གསུམ་གསུམ།</span> <br />མྱུར་མཛད་འཁོར་བཅས་སྤྱན་དྲངས། །སློབ་མའི་ལུས་ལ་ཛཿཧཱུྃ་བྃ་ཧོཿ །གཉིས་སུ་མེད་པར་ཐིམ་པར་གྱུར། <span class="tibetan_small">ཞེས་བརྗོད་དེ་ཡེ་ཤེས་དབབ་པའི་རིམ་པའོ།</span> <br />།གཉིས་པ་སྐུ་གསུང་ཐུགས་ཀྱི་བྱིན་གྱིས་བརླབས་པའི་དོན་དུ་དམིགས་པ་འདི་བཞིན་མཛོད།<br />བླ་མ་དང་མདུན་བསྐྱེད་མགོན་པོ་དབྱེར་མ་མཆིས་པའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་མཐིང་ག་གསལ་བཏབ་ལ། དབང་བཞི་རྫོགས་པར་བསྐུར་དུ་གསོལ། <br />ཁྱད་པར་བུམ་པའི་དབང་བསྐུར་དུ་གསོལ་སྙམ་པའི་ཡིད་ཀྱིས་གསོལ་བ་དུང་དུང་བཏབ་པས། བླ་མ་མགོན་པོ་དབྱེར་མེད་ཀྱི་དཔྲལ་བའི་ཨོཾ་ལས་འོད་འཕྲོས། སངས་རྒྱས་ཐམས་ཅད་ཀྱི་སྐུའི་བྱིན་རླབས་ཐམས་ཅད་འོད་ཟེར་དཀར་པོའི་རྣམ་པར་ཚུར་བསྡུས་ཏེ་ཨོཾ་ལ་ཐིམ། ཨོཾ་ལས་འོད་ཟེར་དཀར་པོ་དཔག་ཏུ་མེད་པ་བྱུང་སྟེ་ཁྱེད་རང་རྣམས་ཀྱི་དཔྲལ་བའི་ཨོཾ་ལ་ཐིམ་པས་བུམ་དབང་ཐོབ་པའི་མོས་པ་མཛོད། <span class="tibetan_small">བརྗོད་ལ་རོལ་མོ་བྱ།</span> <br />ཡང་གསང་དབང་བསྐུར་དུ་གསོལ། མགྲིན་པའི་ཨཱཿགསུང་གི་བྱིན་རླབས། མགྲིན་པའི་ཨཱཿལས་འོད་ཟེར་དམར་པོ། <span class="tibetan_small">ཅེས་འདོན་བསྒྱུར་རིགས་འགྲེ།</span> <br />ཤེས་རབ་ཡེ་ཤེས་ཀྱི་དབང་བསྐུར་དུ་གསོལ། ཐུགས་ཀའི་ཧཱུྃ། ཐུགས་ཀྱི་བྱིན་རླབས། ཐུགས་ཀའི་ཧཱུྃ་ལས་འོད་ཟེར་མཐིང་ག །ཁྱེད་རང་རྣམས་ཀྱི་སྙིང་གའི་ཧཱུྃ་ལ་ཐིམ་པས། ཤེར་དབང་ཐོབ་པའི་མོས་པ་མཛོད། <br />ཡང་དབང་བཞི་པ་བསྐུར་དུ་གསོལ་སྙམ་པ་དང་། བླ་མ་མགོན་པོ་དབྱེར་མེད་ལ་མོས་གུས་དུང་བ་བྱས་པས། གནས་གསུམ་གྱི་ཡི་གེ་འབྲུ་གསུམ་པོ་དེ་ཉིད་རྒྱངས་ཀྱིས་ཆད་ནས་བྱོན། ཁྱེད་རང་རྣམས་ཀྱི་གནས་གསུམ་ཡི་གེ་འབྲུ་གསུམ་ལ་ཐིམ། ཁྱེད་རང་རྣམས་ཀྱི་སྙིང་ཁའི་ཧཱུྃ་མགྲིན་པའི་ཨཱཿལ་ཐིམ། དེ་ཡང་སྤྱི་བོའི་ཨོཾ་ལ་ཐིམ། ཨོཾ་ཡང་ནམ་མཁའ་ལ་འཇའ་ཡལ་བ་བཞིན་དུ་གྱུར། དེས་ལུས་ངག་ཡིད་གསུམ་ཐ་དད་དུ་འཛིན་པའི་སྒྲིབ་པ་དག་ནས། དབང་བཞི་པ་ཐོབ་པ་ཡིན་པས། སེམས་སྤྲོས་བྲལ་ཕྱག་རྒྱ་ཆེན་པོ་ལ་ཞོག་མཛོད། <span class="tibetan_small">རོལ་མོ།</span> <br />གསུམ་པ་སྐུ་དངོས་ཀྱི་བྱིན་གྱིས་བརླབ་པ་ནི། <br />གཏོར་མ་འདི་ཉིད་མྱུར་མཛད་ཡེ་ཤེས་ཀྱི་མགོན་པོ་འཁོར་བཅས་སུ་གསལ་བ་ལ་མོས་གུས་དུང་བ་བྱས་པས། འུར་འུར་ཆེམ་ཆེམ་རང་གི་སྤྱི་བོར་བྱོན། བླ་མས་ཁྱེད་རང་རྣམས་ཀྱི་བར་ཆད་བསྲུང་བ་དང་། མཐུན་རྐྱེན་སྒྲུབ་པར་བཀའ་བསྒོས་པའི་ཚེ། ཁྱེད་རང་རྣམས་ཀྱི་ནད་གདོན་དགྲ་བགེགས་ཐམས་ཅད་མགོན་པོའི་ཞལ་དུ་ཤ་ཆོམ་རུས་ཆོམ་དུ་གསོལ་ཞིང་། རིགས་ཀྱི་བུ་ཁྱོད་ཀྱི་བར་ཆད་བསྲུང་བ་དང་། མཐུན་རྐྱེན་བསྒྲུབ་པར་ངས་བྱའོ། །ཞེས་གསུང་ལྷང་ལྷང་བྱོན་པར་སྒོམས་མཛོད། <span class="tibetan_small">ཅེས་གཏོར་མ་སློབ་མའི་སྤྱི་བོར་བཟུང་ལ། རོལ་མོ་དང་བཅས་པའི་བཀའ་བསྒོ་བ་ནི། མགོན་པོ་འཁོར་བཅས་ཀྱི་སྔགས་བརྗོད་པའི་མཐར།</span> <br />དཔལ་ཡེ་ཤེས་ཀྱི་མགོན་པོ་ནག་པོ་ཆེན་པོ་ཕྱག་དྲུག་པ། མ་གཅིག་འདོད་པ་ཁམས་ཀྱི་དབང་ཕྱུག་མ། འཁོར་གནོད་སྦྱིན་ཀྵེ་ཏྲ་པཱ་ལ། དབང་ཕྱུག་ཛི་ན་མི་ཏྲ། གཤིན་རྗེ་ཊཱཀྐི་རཱ་ཛ། བདུད་མགོན་ཏྲཀྴད་ནག་པོ། ཕྱོགས་སྐྱོང་བཅུ། གཙང་རིས་ཀྱི་དཔལ་མགོན་བདུན་ཅུ། དམ་ཅན་རྒྱ་མཚོའི་དམག་ཚོགས་དང་བཅས་པ། ཁྱེད་རྣམས་ཀྱིས་རྒྱལ་བ་ཁྱབ་བདག་རྡོ་རྗེ་འཆང་ཆེན་པོ། [[Shavaripa|དཔལ་ལྡན་ཤ་བ་རི་དབང་ཕྱུག]] །[[Maitripa|གྲུབ་ཆེན་མཻ་ཏྲཱི་པ་ཆེན་པོ]]། [[Rahula|རཱ་ཧུ་ལ་གུཔྟ]]། [[Khyungpo Neljor|མཁས་གྲུབ་ཁྱུང་པོ་ལོ་ཙཱ་བ]]། [[Mokchokpa Rinchen Tsöndrü|རྨོག་ལྕོག་པ་རིན་ཆེན་བརྩོན་འགྲུས]]། [[Öntön Kyergangpa|སྐྱེར་སྒང་པ་ཡེ་ཤེས་སེང་གེ]] །[[Sangyé Nyentön|གཉན་སྟོན་སྦས་པའི་རྣལ་འབྱོར]]། [[Sangyé Tönpa|ཆོས་རྗེ་སངས་རྒྱས་སྟོན་པ]]། [[Tsangma Shangtön|ཤངས་སྟོན་རིན་ཆེན་འབུམ]]། [[Khyungpo Tsültrim Gönpo|ཁྱུང་པོ་ཚུལ་ཁྲིམས་སྙིང་པོ]]། [[Sangyé Sengé|གྲུབ་ཆེན་སངས་རྒྱས་སེང་གེ]] །[[Shangkarwa Rinchen Gyeltsen|མཁས་བཙུན་ཤངས་དཀར་བ་རིན་ཆེན་རྒྱལ་མཚན]]། [[Sangyé Pelsang|ལྐུག་ལུང་པ་སངས་རྒྱས་དཔལ་བཟང་]]། [[Namkha Gyeltsen|གྲུབ་དབང་ནམ་མཁའ་རྒྱལ་མཚན]]། [[Lekpa Gyeltsen|རྒྱ་སྒོམ་ལེགས་པ་རྒྱལ་མཚན]]། [[Künga Drölchok|རྣལ་འབྱོར་སེམས་ཀྱི་མདུད་གྲོལ]]། [[Chöku Lhawang Drakpa|ཆོས་སྐུ་ལྷ་དབང་གྲགས་པ]]། [[Jetsün Taranatha|རྗེ་བཙུན་སྒྲོལ་བའི་མགོན་པོ]]། [[Künga Tenpé Gyeltsen|ཀུན་དགའ་བསྟན་པའི་རྒྱལ་མཚན]]། [[Mokchokpa Ngawang Künga Lhündrup|ངག་དབང་ཀུན་དགའ་ལྷུན་གྲུབ]]། [[Ngawang Trinlé|རྭ་པ་ངག་དབང་ཕྲིན་ལས]]། [[Künzang Wangpo|ཆོས་རྗེ་ཀུན་བཟང་དབང་པོ]]། [[Rigdzin Tsewang Norbu|རིག་འཛིན་ཚེ་དབང་ནོར་བུ]]། [[Drukchen Trinlé Shingta|བཀའ་བརྒྱུད་ཕྲིན་ལས་ཤིང་རྟ]]། [[Tendzin Chökyi Nyima|བསྟན་འཛིན་ཆོས་ཀྱི་ཉི་མ]]། [[Dzigar Dorjé Drakpo|བཀའ་བརྒྱུད་ཕྲིན་ལས་རྣམ་རྒྱལ]]། རྩ་བའི་བླ་མ་བྱམས་མགོན་རྡོ་རྗེ་འཆང་[[Situ Pema Nyinjé Wangpo|པདྨ་ཉིན་བྱེད་དབང་པོ]]འི་བར་དུ་བྱོན་པའི་དཔལ་ལྡན་བླ་མ་དེ་རྣམས་ཀྱི་བཀའ་དང་དམ་ལས་མ་འདའ་བར། རྡོ་རྗེ་སློབ་མ་འདི་དག་གི་ལུས་དང་གྲིབ་མ་བཞིན་དུ་གྲོགས་ལ། འགལ་རྐྱེན་ནད་གདོན་བར་ཆད་མི་མཐུན་པའི་ཕྱོགས་ཐམས་ཅད་ཉེ་བར་ཞི་བ་དང་། མཐུན་རྐྱེན་ཚེ་དང་བསོད་ནམས་འཁོར་དང་ལོངས་སྤྱོད་ཐམས་ཅད་རྒྱས་པ་དང་། མི་དང་མི་མ་ཡིན་པའི་འགྲོ་བ་ཐམས་ཅད་དབང་དུ་འདུ་བ་དང་། དགྲ་དང་བགེགས་ལ་སོགས་པའི་གནོད་བྱེད་ཐམས་ཅད་ཚར་གཅོད་པ་དང་། མདོར་ན་བྱང་ཆུབ་མ་ཐོབ་ཀྱི་བར་དུ་བསྲུང་བ་དང་། བསྐྱབ་པ་དང་། སྦ་བའི་ཕྲིན་ལས་མཛད་ནས། མི་འདོད་པ་ཐམས་ཅད་སོལ། འདོད་དོན་ཐམས་ཅད་སྒྲུབས། ཇི་ལྟར་བཅོལ་བའི་ལས་ཐམས་ཅད་ལ་ཐོགས་པ་མེད་པར་མཛོད་ཅིག <br />བཞི་པ་བཟླས་ལུང་གི་དོན་དུ་སློབ་དཔོན་གྱིས་མདུན་བསྐྱེད་ལ་གསོལ་བ་ལན་གསུམ་འདེབས་དགོས་པ་ཡིན་ཏེ། <br />བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། <span class="tibetan_small">།ལན་གསུམ།</span> <br />དེ་ནས་ཁྱེད་རང་རྣམས་ཀྱིས་ཀྱང་། བླ་མ་མགོན་པོ་དབྱེར་མེད་པའི་ཐུགས་ཀར་པད་ཉི་ལ་ཧཱུྃ་གི་མཐར་སྙིང་པོ་དང་རྩ་སྔགས་ཀྱིས་བསྐོར་བར་བསྒོམ་ལ། མོས་གུས་དུང་བ་དང་བཅས་མེ་ཏོག་འཐོར་བཞིན་དུ་འདིའི་རྗེས་ཟློས་མཛོད། <br />བཅོམ་ལྡན་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། <span class="tibetan_small">།ལན་གསུམ།</span><br />བླ་མ་མགོན་པོ་དབྱེར་མེད་པའི་ཐུགས་ཀའི་སྔགས་ཕྲེང་མེ་འོད་རབ་ཏུ་འབར་བའི་འོད་ཟེར་དམར་ནག་འཕྲོ་བ་དེ་དག་ལས། སྔགས་ཕྲེང་མར་མེ་གཅིག་ལས་གཉིས་ཆད་ཀྱི་ཚུལ་དུ་ཆད་དེ་ཞལ་ནས་འཐོན། ཁྱེད་རང་རྣམས་མགོན་པོར་གསལ་བའི་ཞལ་ནས་ཞུགས། སྙིང་ཁར་ཉི་མའི་སྟེང་དུ་ཧཱུྃ་གི་མཐར་སྔགས་ཐམས་ཅད་ཁ་དོག་ནག་པོ་འོད་ཟེར་དམར་ནག་མེ་འོད་དུ་འཕྲོ་བས་ནད་གདོན་སྡིག་སྒྲིབ་ཐམས་ཅད་སྲེག་པར་བྱེད་པ་དང་བཅས་པའི་སྔགས་ཕྲེང་སྒོར་གྱིས་བྱུང་བའི་མོས་པ་དང་བཅས་པས་འདིའི་རྗེས་ཟློས་མཛོད། <br />ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ནཱ་ཡ་ཀ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། <span class="tibetan_small">ལན་གསུམ།</span> ཨོཾ་ཤྲཱི་མ་ཧཱ་ཀཱ་ལ་ཤཱ་ས་ན། ཨུ་པ་ཧ་རི་ཎི། ཨེ་ཥོ྅་པཉྩི་མ། ཀཱ་ལོ྅་ཡཾ་ཨི་དཾ། རཏྣ་ཏྲ་ཡཱ་ཡ། ཨཱ་པ་ཀཱ་རི་ཎི། ཡ་ཏི་པྲ་ཏི་ཛྙཱ། སྨ་ར་སི་ཏཱ་དཱ། ཨི་དཾ་དུཥྚཾ། ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲྀཧྞ་གྲིཧྞ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དཱི་ན་མེ་ཀེ་ན་མཱ་ར་ཡ་ཧཱུྃ་ཕཊ། <span class="tibetan_small">ལན་གསུམ།</span> ཨོཾ་ཤྲཱི་དེ་ཝཱི་ཧཱུྃ་ཕཊ། <span class="tibetan_small">གསུམ།</span> ཨོཾ་ཀྵེ་ཏྲ་པཱ་ལ་བིགྷྣཱན་ཧཱུྃ་ཕཊ། ཨོཾ་ཛི་ན་མི་ཏྲ་བ་ཤཾ་ཀུ་རུ་ཧཱུྃ་ཕཊ། ཨོཾ་ཊཱཀྐི་རཱ་ཛ་ས་མ་ཡ་བྷྱོཿདུ་ཛ་ཧཱུྃ་ཕཊ། ཨོཾ་དུ་ཡོག་ཛ་མ་ཧཱ་ཀཱ་ལ་ཏྲཀྴད་ཧཱུྃ་ཕཊ། <span class="tibetan_small">ཅེས་པ་རྣམས་ཀྱང་ལན་གསུམ་གསུམ་བཟླའོ།</span> <br />།མཐར་སློབ་དཔོན་གྱི་ཐུགས་ཀའི་སྔགས་ཕྲེང་དེ་ཉིད་རྒྱངས་ཀྱིས་ཆད་ནས་བྱུང་། ཁྱེད་རང་རྣམས་ཀྱི་སྙིང་གའི་ཧཱུྃ་ལ་ཐིམ་པས། བླ་མ་མགོན་པོའི་བྱིན་རླབས་མཐའ་དག་གིས་བརྒྱུད་བརླན་པར་མོས་པ་མཛོད། <br />དེ་ཡན་གྱིས་དངོས་གཞི་གྲུབ་ཟིན། <br />གསུམ་པ་རྗེས་ལ། དམ་ཚིག་བཟུང་བ། ཡོན་དབུལ་བ། སྨོན་ལམ་གདབ་པ་སྟེ་གསུམ་ལས། <br />དང་པོ་ནི། དེང་ཕྱིན་ཆད་ཁྱེད་རྣམས་ཀྱིས་ཡོངས་སུ་བླངས་པའི་བསླབ་པ་ཐམས་ཅད་རྣམ་པར་དག་པ་དང་། ཁྱད་པར་སེམས་བསྐྱེད་ཀྱི་བསླབ་བྱ་དང་། སྔགས་ཀྱི་དམ་ཚིག་མཐའ་དག་མ་ཉམས་པ་གལ་ཆེ། ཡང་སྒོས་མགོན་པོ་ཉིད་ཀྱི་དམ་ཚིག་འབྲུ་ནག་རྗེན་བཏགས་ཀྱི་གཏོར་མ་དང་། དམ་རྫས་ཀྱི་སྤོས་སྦྱོར་མ་ཆད་པར་གྱིས། བྱ་ནག་དང་། ཁྱི་ནག་ལ་རྡོ་མི་རྡེག་ཡིད་ཆེས་པར་གྱིས་ལ། བླ་མ་དང་དབྱེར་མེད་དུ་ལྟོས། འབྱུང་པོ་གཞན་ལ་ཟས་ཕུད་མི་འབུལ། སྡིག་ཅན་གཏུམ་པོ་གྲོགས་སུ་མི་བསྟེན། ཁྱད་པར་ཆོས་སྐྱོང་འདི་ཉིད་གསང་བ་དང་། སྔགས་དང་མན་ངག་གསང་བ་དང་། དུས་རྒྱུན་དང་ཁྱད་པར་གྱི་མཆོད་གཏོར་ལ་བརྩོན་པ་གལ་ཆེ་བ་ལགས་སོ། <br />།དེ་དག་གི་གནས་སྐབས་སུ་ཐོབ་པའི་དམ་ཚིག་དང་སྡོམ་པ་བསྲུང་སྙམ་པས་འདིའི་རྗེས་ཟློས་མཛོད། <br />གཙོ་བོས་<span class="tibetan_small">སོགས་བྱ།</span><br />གཉིས་པ་གཏང་རག་གི་མཎྜལ་ཕུལ། འདིའི་རྗེས་ཟློས་ཀྱང་མཛོད། <br />དེང་ནས་བརྩམས་ཏེ་<span class="tibetan_small">སོགས་གསུམ་བྱ།</span> <br />གསུམ་པ་ཆོས་གསན་པའི་དགེ་བ་རྫོགས་བྱང་དུ་བསྔོ་བ་ཞུ། <br />བསོད་ནམས་འདི་ཡིས་<span class="tibetan_small">སོགས་སམ།</span> <br />བདག་གི་དགེ་བའི་ལས་རྣམས་<span class="tibetan_small">སོགས་སྨོན་ལམ་ཅི་རིགས་པར་བརྗོད་དོ། །འདིར་བདེ་མཆོག་ལྷ་ལྔ་ལྟར་ཚོགས་བྱིན་རླབས་ནས་ལྷག་མའི་བར་བཏང་། དེ་ནས་རྗེས་ཀྱི་མཆོད་པ་བཤམ། སྤྱི་དང་མཐུན་པར་བྱིན་གྱིས་བརླབས།</span> <br />ཨརྒྷཾ་<span class="tibetan_small">ནས་</span>ཤབྡ<span class="tibetan_small">འི་བར་གྱིས་མཆོད། འབྲུ་གསུམ་གྱིས་ནང་མཆོད་ཕུལ།</span> ཆོས་དབྱིངས་ངང་ལས་<span class="tibetan_small">སོགས་ཀྱིས་བསྟོད། ཡིག་བརྒྱ་མང་དུ་བཟླས།</span> <br />མ་འབྱོར་བ་དང་ཉམས་པ་དང་། <span class="tibetan_small">ཞེས་སོགས་དང་།</span><br />མ་རྙེད་ཡོངས་སུ་མ་ཚང་དང་། །གང་ཡང་ནུས་པ་མ་མཆིས་པས། །འདིར་ནི་བྱ་བ་གང་བགྱིས་པ། །དེ་ཀུན་ཁྱེད་ཀྱིས་བཟོད་པར་རིགས། །བླ་མ་མགོན་པོ་དབྱེར་མེད་ལ། །བདག་ནི་གུས་པས་སྐྱབས་སུ་མཆི། །བདག་གིས་སེམས་ཅན་ཐམས་ཅད་ཀྱི། །ཉོན་མོངས་མ་ལུས་སེལ་བར་ཤོག །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། <br /><span class="tibetan_small">།གཏོར་མའི་ཡེ་ཤེས་པ་བྲིས་སྐུའི་ཐུགས་ཀར་ཐིམ།</span> <br />ཨོཾ་བཛྲ་མུཿ གཏོར་མགྲོན་རྣམས་རང་བཞིན་གྱི་གནས་སུ་གཤེགས། །དམ་ཚིག་པ་རང་གི་སྙིང་གར་ཐིམ་པར་གྱུར། <span class="tibetan_small">ཅེས་མོས་ལ། སླར་གཏོར་མ་གོང་ལྟར་བྱིན་གྱིས་བརླབས་ཏེ། བྲིས་སྐུའི་ལྷ་ལ་གཏོར་ཆོག་བཞིན་ཕུལ་ནས། བྲིས་སྐུ་ལ་བརྟན་བཞུགས་བྱ། སྨོན་ལམ་བཏབ་ལ།</span><br />ཡོན་ཏན་རབ་རྫོགས་གངས་ཀྱི་རི་བོ་བཞིན། །བྱིན་རླབས་ཆུ་བོས་སྐལ་ལྡན་ཚིམ་མཛད་ཅིང་། །རང་སེམས་ལྷན་ཅིག་སྐྱེས་པ་སྟོན་མཛད་པའི། །ཆོས་རྗེ་བླ་མ་མཆོག་གི་བཀྲ་ཤིས་ཤོག །སྒྲུབ་པ་པོ་ལ་བུ་བཞིན་གཟིགས་མཛད་ཅིང་། །མི་འབྲལ་ལུས་དང་གྲིབ་མ་ཇི་བཞིན་དུ། །དམ་ཚིག་ཅན་ལ་དངོས་གྲུབ་སྟེར་མཛད་པའི། །ཡི་དམ་ལྷ་ཚོགས་རྣམས་ཀྱི་བཀྲ་ཤིས་ཤོག །དམ་ཅན་སྒྲུབ་པ་པོ་ཡི་རྗེས་འབྲང་ཞིང་། །ཞི་དང་རྒྱས་དང་དབང་དང་མངོན་སྤྱོད་སོགས། །སྣ་ཚོགས་ཕྲིན་ལས་ཚུལ་བཞིན་སྒྲུབ་མཛད་པའི། །ཆོས་སྐྱོང་སྲུང་མ་རྣམས་ཀྱི་བཀྲ་ཤིས་ཤོག །སྣང་སྲིད་རང་གྲོལ་སྒྱུ་མ་རྨི་ལམ་བཞིན། །བདེ་བ་ཆེན་པོ་རྒྱུན་ཆད་མེད་པའི་ཉམས། །ཡིད་ལ་བྱར་མེད་སྟོང་གསལ་ནམ་མཁའི་ངང་། །བདེ་ཆེན་ཕྱག་རྒྱ་ཆེན་པོའི་བཀྲ་ཤིས་ཤོག །སྒྲུབ་པ་པོ་ལ་བརྟེན་ཅིང་མཆོད་པ་དང་། །སྐུར་བ་འདེབས་པའི་སྐྱེ་འགྲོ་གང་ཡིན་པ། །ཐམས་ཅད་བྱང་ཆུབ་ལམ་ལ་འགོད་མཛད་པའི། །མཉམ་མེད་བྱང་ཆུབ་སེམས་ཀྱི་བཀྲ་ཤིས་ཤོག །འཁོར་བ་མྱ་ངན་འདས་པ་ཐམས་ཅད་ཀྱི། །བཀྲ་ཤིས་གོ་འཕང་ཇི་སྙེད་ཡོད་པ་རྣམས། །ཕུན་སུམ་ཚོགས་པ་ཆུ་བོའི་གཞུང་བཞིན་དུ། །སྐྱེ་འགྲོ་ཡོངས་ལ་རྟག་ཏུ་བཀྲ་ཤིས་ཤོག །བསོད་ནམས་དར་རྒྱས་རི་རྒྱལ་ལྷུན་པོ་བཞིན། །སྙན་གྲགས་ཆེན་པོ་ནམ་མཁའ་བཞིན་དུ་ཁྱབ། །ཚེ་རིང་ནད་མེད་གཞན་དོན་ལྷུན་གྱིས་གྲུབ། །ཡོན་ཏན་རྒྱ་མཚོ་མཆོག་གི་བཀྲ་ཤིས་ཤོག <span class="tibetan_small">།ཅེས་བཀྲ་ཤིས་བཀའ་རྒྱ་མ་བརྗོད། </span><br /><span class="tibetan_small">ཡང་འདི་དག་ལ་ལག་ལེན་མི་འདྲ་བའི་ཁྱད་པར་ནི། བླ་མའི་གནས་གསུམ་གྱི་ཡིག་འབྲུ་གསུམ་ལས་མགོན་པོ་དཀར་དམར་མཐིང་གསུམ་སྤྲོ་བ་དང་། བཞི་པ་ལ་སྐུའི་སྟོད་སྨད་ཐམས་ཅད་ནས་དཔའ་བོ་མཁའ་འགྲོའི་ཚོགས་སྤྲོ་བ་ཡང་ལུགས་གཅིག་ཡིན། ཡང་ཡི་གེ་འབྲུ་གསུམ་སྤྲོ་བས་དབང་གསུམ་བྱེད་པའང་ཡོད་ཅིང་། སྐུ་སྤྲོ་བའི་དབང་བཞི། གསུང་ཡིག་འབྲུའི་དབང་བཞི། ཐུགས་འོད་ཟེར་གྱི་དབང་བཞི། ཡོན་ཏན་གཏོར་མའི་དབང་བཞི། ཕྲིན་ལས་ཕྱག་མཚན་གྱི་དབང་བཞི།</span><br /><span class="tibetan_small">ཞེས་ཏིང་ངེ་འཛིན་གྱི་དབང་ཉི་ཤུ་བསྐུར་བ་ནི། ཞང་སྒོམ་ཆེན་པོའི་ཐུན་མོང་མ་ཡིན་པའི་ལུགས་ཡིན་ལ། ཚུལ་དེ་བཞིན་མ་ཤེས་པར་གཏོར་དབང་དཀྱུས་འགྲོ་ཞིག་གི་གཞུག་ཏུ་ཕྱག་མཚན་དྲུག་གི་རྗེས་གནང་ཙམ་བྱེད་པ་ནི་སྙིང་པོ་མེད་དོ། །མགོན་པོ་སྟོད་ལུགས་ལྷ་དགུ་མ་ལ། གནས་རྙིང་པ་ཕྱི་མ་འགས་གསར་རྙིང་གི་ཆོ་ག་ཅི་རིགས་ལ་བརྟེན་ནས་དབང་ཆོག་རྒྱས་པ་སྦྱར་བ་ནི་རང་བཟོར་བྱས་ལ། དེའི་ཡིག་རྙིང་ཁུངས་མ་རྣམས་ཕལ་ཆེར་འདི་ཉིད་དང་མཐུན་པས། ཏིང་ངེ་འཛིན་གྱི་དབང་གི་ཆོ་ག་འདི་ཁོ་ནས་བྱའོ།</span><br /><span class="tibetan_small">།རྗེས་ཆོག་གི་སྐབས་བྲིས་འབུར་སོགས་རྟེན་ཡེ་མེད་ན། གཏོར་མའི་ལྷ་དམ་ཡེ་མ་ཕྱེ་བར་ནམ་མཁར་སྤར་ལ། གཏོར་མ་བྱིན་གྱིས་བརླབས་ཏེ་ཕུལ་ནས། ཡེ་ཤེས་པ་གཤེགས། དམ་ཚིག་པ་བསྡུ་བ་ཡིན་ནོ།</span><br /><span class="tibetan_small">།བསྟན་སྲུང་ཀུན་ལས་ཆེས་ལྷག་པའི། །ཕྱག་དྲུག་མགོན་པོའི་བྱིན་རླབས་ཀྱི། །ལག་ལེན་རབ་ཏུ་དགའ་བའི་ཏོག །སྙིང་པོ་ཙམ་ཞིག་གསལ་བར་བཀོད།</span><br /><span class="tibetan_small">།ཡེ་ཤེས་མགོན་པོ་ཕྱག་དྲུག་པ་བར་ཆད་ཀུན་སེལ་གྱི་བྱིན་རླབས་ཀྱི་ལག་ལེན་གསལ་བར་བཤད་པའི་ལེ་ཚན་ནོ།། །།མངྒ་ལཾ།།</span><br /><br /><span class="tibetan_small">༈ །ཨོཾ་སྭ་སྟི། <br />བཤད་མ་ཐག་པའི་བྱིན་རླབས་ཟབ་མོ་དེ་ནི་བརྒྱུད་འཛིན་ཐུན་མོང་མིན་པ་ལས་གཞན་དུ་བྱ་བ་མ་ཡིན་ལ། ཐུན་མོང་བ་ལ་མི་ཟབ་པའི་ལུགས་ཀྱི་གཏོར་དབང་དཀྱུས་མཐུན་ཙམ་བྱེད་ན། བཤམ་སྔར་དང་འདྲ། གཏོར་མ་ལྷར་བསྐྱེད་ཚུལ་ལ་གཏོར་མའི་སྟེང་དུ་མགོན་པོ་བསྐྱེད་པ་དང་། གཏོར་མ་ཉིད་བསྐྱེད་པ་གཉིས་ཡོད་པ། གཏོར་དབང་གི་ཚེ་ཟབ་མི་ཟབ་ཁྱད་པར་ཆེན་པོ་ཡོད་པ་འདོར་ལེན་གལ་ཆེ་བས་སྐབས་འདིར་སྟེང་དུ་བསྐྱེད། རྗེས་གནང་སྔོན་འགྲོའི་སྐབས་ཐུན་མོང་མ་ཡིན་པའི་གསོལ་གདབ་མི་བྱེད། དངོས་གཞིའི་སྐབས་མདུན་བསྐྱེད་ལ་ཡེ་ཤེས་པ་སྤྱན་འདྲེན་པ་ཙམ་ལས། སློབ་མ་ལ་མགོན་པོ་བསྐྱེད་བསྟིམ་མི་བྱེད། དབང་བཞི་པའི་སྐབས་སློབ་དཔོན་གྱི་གནས་གསུམ་ནས། ཡིག་འབྲུ་གཉིས་པ་ཆད་དེ་བསྟིམ། སློབ་མའི་ཡིག་འབྲུ་གསུམ་འོད་གསལ་དུ་བསྡུ་བ་མི་བྱེད། གཏོར་མའི་བཀའ་བསྒོ་ཚེ།</span> ལུས་དང་གྲིབ་མ་བཞིན་དུ་འགྲོགས། <span class="tibetan_small">།ཞེས་པ་དང་།</span> ཇི་ལྟར་བཅོལ་བའི་ལས་<span class="tibetan_small">སོགས་མི་སྦྱར། གོང་གི་དམིགས་པའི་ཚེ།</span> རིགས་ཀྱི་བུ་ཁྱོད་ཀྱི་<span class="tibetan_small">སོགས་ཞལ་བཞེས་དམིགས་པ་མི་སྦྱར། སྔགས་ཀྱི་བཟླས་ལུང་མི་བྱེད་པའམ། བྱེད་ཀྱང་དཀྱུས་མཐུན་ཙམ་བྱེད་པ་ནི། གཏོར་དབང་བར་ཆད་ཀུན་སེལ་བསྡུས་པའམ། ཐུན་མོང་བ་དཀྱུས་མ་ཡིན་ནོ།</span><br /><span class="tibetan_small">།ཁྱད་པར་ཆོས་བརྒྱུད་སེལ་ཡོད་པ་དང་། ཆོས་སྒོར་མ་ཞུགས་པའི་ཁྱིམ་པ་ལ། གཏོར་དབང་ཟབ་མོའི་ལུགས་སུ་བསྐུར་བ་ནི། ཚེ་འདིར་ཡང་བསྐུར་བར་བྱ་བའི་ཡུལ་ལ་མི་ཕན་ཞིང་། རང་ལ་བཀའ་ཆད་རིན་གྱིས་ཉོ་བ་ཡིན་པས། རྙེད་བཀུར་ལ་སོགས་པའི་དོན་དུ་གཏོར་དབང་ཙམ་བྱེད་ནའང་། མི་ཟབ་པའི་ལུགས་འདི་ཉིད་ལ་ཚིག་ཚོགས་ཀྱི་སྤྲོས་པ་དང་བཅས་པ་བྱས་ན་འཁུ་ལྡོག་ཆུང་བ་ཡིན། སྤྱིར་གསང་སྒྲོག་གི་ཉེས་པ་ལ་ནི་ཁྱད་ཆེར་མེད་དོ།</span><br /><span class="tibetan_small">།གཙོ་རྐྱང་འཇམ་ཞིང་འཁོར་ཅན་བཀའ་གཉན་པ་ཡིན་པས། གཙོ་རྐྱང་ལ་བརྟེན་ནས་གཏོར་དབང་བྱེད་ནའང་དེའི་འདོར་ལེན་ཤེས་པར་བྱའོ།</span><br /><span class="tibetan_small">།འདི་ལ་རྗེ་བཙུན་རིན་པོ་ཆེས་རྗེས་གནང་ཟབ་པ་དང་མི་ཟབ་པའི་ལུགས་ཞེས་པ་ཙམ་ལས་རྣམ་གྲངས་སོ་སོར་འགྲང་བར་མ་མཛད་ཀྱང་། མཁས་གྲུབ་རྗེས་སྔ་མ་ལ་རྗེས་གནང་བར་ཆད་ཀུན་སེལ་དང་། ཕྱི་མ་ལ་གཏོར་དབང་བར་ཆད་ཀུན་སེལ་ཞེས་ཐ་སྙད་དང་རྣམ་གྲངས་སོ་སོར་མཛད་པ། སྔ་མ་ཐོབ་པ་ལ་ཕྱི་མ་ཟུར་དུ་བསྐུར་མི་དགོས་ཀྱང་བསྐུར་ཡུལ་གྱི་དབྱེ་བ་ཕྱེད་པ་ལ་ཟུར་དུ་བགྲང་ན་གོ་བདེ་བར་སྣང་བ་དང་། བཀའ་ཆེན་བཅུ་གསུམ་དུ་འདྲེན་པའི་སྐབས་རྣམ་གྲངས་སུ་བགྲང་བར་སྣང་བས་ཟུར་དུ་བཀོལ་བའོ།། །།མངྒ་ལཾ།།</span><br /><br />Initiation of the White Protector<br /><br />༼༄༅། །མགོན་དཀར་ཡིད་བཞིན་ནོར་བུའི་སྒྲུབ་ཐབས་དང་རྗེས་གནང་།།༽<br /><span class="tibetan_small">།ཨོཾ་སྭ་སྟི། </span><br /><span class="tibetan_small">བླ་མ་མགོན་པོ་དབྱེར་མེད་ནི། །དབང་གི་རྒྱལ་པོ་ཞེས་གྲགས་པ། །མཁའ་འགྲོའི་ཚོགས་བཅས་ལ་བཏུད་དེ། །ཡིད་བཞིན་ནོར་བུའི་སྒྲུབ་ཐབས་བྲི། </span><br /><span class="tibetan_small">།མགོན་བཀའ་གཉིས་པ་མགོན་དཀར་ཡིད་བཞིན་ནོར་བུའི་སྒྲུབ་ཐབས་དང་། རྗེས་གནང་བྱེད་ཚུལ་ཡང་སྙིང་དུ་དྲིལ་བ་ནི།</span><br /><span class="tibetan_small">མདུན་དུ་སྟེགས་བུའི་སྟེང་དུ། རྡུལ་ཚོན་གྱིས་མཎྜལ་ཟླུམ་པོ་མུ་ཁྱུད་དཀར་པོ། དབུས་སུ་ཆོས་འབྱུང་དཀར་པོ། རེ་ཁཱ་དམར། གྲུ་བཅད་ལྗང་གུུ །ཆོས་འབྱུང་གི་དབུས་སུ་ཉི་གདན་ལ་ཚོམ་བུ་དཀར་པོ་ཞིག་བཀོད། དེའི་སྟེང་དུ་མཉྫི་ལ་རྟེན་གྱི་གཏོར་མ་རྒྱན་ཐམས་ཅད་ཀྱིས་བརྒྱན་པ་ཞིག་བཀོད་དེ། དབྱིབས་གྲུ་གསུམ་དུ་བྱེད་པའམ། ནོར་བུའི་དབྱིབས་སུ་བྱེད་ན། ཟན་ཟླུམ་པོའི་སྟེང་དུ། ཟན་རིལ་གསུམ་འཛོམ། དེའི་སྟེང་དུ་ཛཾ་བཤོས་འདྲ་བ་ཞིག་བཀོད་པས། ཕྱོགས་གང་ནས་བལྟས་ཀྱང་ནོར་བུ་མིག་གསུམ་འདྲ་བ་ཞིག་ཡོང་བས་དེ་ལྟར་བྱས་ཀྱང་རུང་། གང་ལྟར་ནའང་རྒྱུ་ཕྱེ་མར་ལ་རིན་པོ་ཆེ་བརྡར་བ་སོགས་ལས་བྱས། མཎྜལ་གྱི་མདུན་དུ་འབུལ་གཏོར་ཟླུམ་པོ་ཟས་བཟང་དགུས་བརྒྱན་པ་དང་། མཆོད་པ་རྣམས་སྤྱི་དང་མཐུན་པར་བཤམས། རྟེན་གཏོར་ལ་ཙཀླི་ཡོད་ན་འཛུགས་ཤིང་མེད་ཀྱང་ཆོག</span><br /><span class="tibetan_small">།དེ་ནས་མཆོད་པ་བྱིན་རླབས་སྤྱི་དང་མཐུན་པར་བྱས་ལ། དངོས་གཞི་ཉམས་ལེན་ནི། བདག་བསྐྱེད་ཡི་དམ་ལ་བྱ་བའི་ལུགས་ཀྱང་ཡོད་མོད་ཀྱི་འདི་ལ་བདག་མདུན་དབྱེར་མེད་གཙོ་ཆེ་ཞིང་། ཕྱག་ལེན་ཡང་བདག་མདུན་དབྱེར་མེད་ལ་མཛད་དེ། དེ་ལྟར་ན་སྐྱབས་འགྲོ་སེམས་བསྐྱེད་ཚད་མེད་བཞི་སྔོན་དུ་འགྲོ་བའི་སྒོ་ནས།</span> <br />ཤཱུ་ནྱ་ཏ<span class="tibetan_small">ས་སྟོང་པར་སྦྱངས།</span> སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་དབུས་སུ། པྃ་ལས་པདྨ་དང་། རྃ་ལས་ཉི་མའི་སྟེང་དུ། གཾ་ལས་ཚོགས་བདག་དཀར་པོ་གླང་པོ་ཆེའི་གདོང་པ་ཅན། ལ་ཕུག་དང་ནེའུ་ལེ་འཛིན་པ་ཁ་བུབ་ཏུ་བསྒྱེལ་བའི་སྟེང་དུ། རང་སེམས་ཆོས་ཉིད་ཀྱི་ཐིག་ལེ་དཀར་དམར་རྒྱ་སྲན་ཙམ། དེའི་དབུས་སུ་ཧཱུྃ་དངུལ་ཆུའི་མདོག་ལྟ་བུ། དེ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་དབུལ་བའི་སྡུག་བསྔལ་བསལ། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། རང་དང་མདུན་བསྐྱེད་དབྱེར་མ་མཆིས་པ། མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་གྱི་ནོར་བུ་དབང་གི་རྒྱལ་པོའི་སྐུར་གྱུར་པ་ནི། སྐུ་མདོག་དཀར་ཞིང་བརྗིད་པ། ཞལ་ཁྲོ་འཛུམ་གྱི་རྣམ་པ་ཅན་རབ་ཏུ་བཞད་པ། སྤྱན་གསུམ་དང་ལྡན་ཞིང་། སྨ་ར་སྨིན་མ། དབུ་སྐྲ་ཁམ་སེར་བརྫེས་པ། དཔྲལ་བར་སིནྡཱུ་རའི་ཐིག་ལེས་བྱུགས་པ། སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ། ཕྱག་གཡས་ཀྱི་དང་པོས་གྲི་གུག་ནམ་མཁའ་ལ་ཕྱར་བ། བར་པས་ནོར་བུ་དབང་གི་རྒྱལ་པོ་ཐུགས་ཀར་གཏོད་པ། ཐ་མས་སེང་ལྡེང་གི་ཌཱ་མ་རུ་འཁྲོལ་བ། གཡོན་གྱི་དང་པོས་བུམ་པ་ནོར་བུས་གང་བ་ཀ་པཱ་ལ་བདུད་རྩིས་གང་བའི་ནང་དུ་བཅུག་སྟེ་བརླ་གཡོན་པ་ལ་བརྟེན་པ། གཉིས་པ་ན་རྩེ་གསུམ། ཐ་མ་ན་ཞགས་པ་འཛིན་པ། ཞབས་འགྲོ་འཆམ་གྱི་སྟབས་ཀྱིས་པད་ཉི་ཚོགས་བདག་གི་གདན་ལ་བཞུགས་པ། དར་སྣ་ཚོགས་ཀྱི་ལྷབ་ལྷུབ་དང་། སྟག་ལྤགས་ཀྱི་ཤམ་ཐབས་ཅན། གླང་པོ་ཆེའི་པགས་པའི་སྟོད་གཡོགས་གསོལ་བ། ཐོད་སྐམ་ལྔའི་དབུ་རྒྱན་དང་། རློན་པ་ལྔ་བཅུའི་དོ་ཤལ་ཅན། རིན་པོ་ཆེའི་རྒྱན་དང་སིལ་ཁྲོལ་དང་། ཆུན་འཕྱང་སྣ་ཚོགས་པས་མཛེས་པ། འཁོར་དབང་སྡུད་ཀྱི་མཁའ་འགྲོ་མ་བྱེ་བ་འབུམ་སྡེའི་ཚོགས་ཀྱིས་བསྐོར་ཏེ་མེ་དཔུང་འབར་བའི་དབུས་ན་བཞུགས་པའོ། <br />།དེ་ནས་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་དབང་སྡུད་ཀྱི་མཁའ་འགྲོ་མ་དམར་མོ་ལྕགས་ཀྱུ་དང་ཐོད་ཁྲག་འཛིན་པ། དེའི་ཐུགས་ཀར་ཆོས་ཉིད་ཀྱི་ཐིག་ལེ། དེའི་དབུས་སུ་ཧཱུྃ་དཀར་པོའོ།<br />།རང་གི་སྙིང་ག་ནས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས་མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་མཁའ་འགྲོའི་ཚོགས་དང་བཅས་པ་ཐམས་ཅད་བཛྲ་ས་མཱ་ཛཿ པདྨ་ཀ་མ་ལ་ཡེ་སྟྭཾ། ཛཿཧཱུྃ་བྃ་ཧོཿ <br />ཨརྒྷཾ་<span class="tibetan_small">ནས།</span> ཤབྡ<span class="tibetan_small">འི་བར་གྱིས་མཆོད།</span><br />མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །འགྲོ་བའི་དབུལ་ཕོངས་མ་ལུས་ཞི་མཛད་པ། །འདོད་དགུའི་དངོས་གྲུབ་སྩོལ་ལ་ཕྱག་འཚལ་བསྟོད། <br />སྙིང་གའི་ཐིག་ལེའི་མཐའ་སྐོར་དུ་སྔགས་ཀྱིས་བསྐོར་བར་བསམས་ལ། གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <span class="tibetan_small">ཅེས་ཅི་ནུས་སུ་བཟླ། གཏོར་མ་བསང་སྦྱངས་ནག་པོའི་མངོན་རྟོགས་སུ་བཤད་པ་ལྟར་བྱིན་གྱིས་བརླབས་ལ།</span> <br />ཡེ་ཤེས་སེམས་དཔའི་ལྷ་ཚོགས་རྣམས་ཀྱི་ལྗགས་རྡོ་རྗེའི་སྦུ་གུས་གཏོར་མ་དྲངས་ནས་གསོལ་བར་གྱུར། <span class="tibetan_small">སྙིང་པོའི་མཐར།</span> ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། <span class="tibetan_small">ཞེས་བཏགས་པ་ལན་བདུན་གྱིས་འབུལ་ཞིང་།</span> ཤཱ་ས་ན་<span class="tibetan_small">ལན་གསུམ་གྱིས་དམ་ཅན་སྤྱི་ལ་འབུལ་བ་ཕྱག་ལེན་ལ་མཛད། དེ་ནས་གོང་བཞིན་མཆོད་བསྟོད།</span> མཆོད་སྦྱིན་གཏོར་མ་འདི་བཞེས་ལ། <span class="tibetan_small">།སོགས་ཀྱིས་འདོད་དོན་ལ་གསོལ་བ་བཏབ། རང་གི་སྒྲུབ་པ་ཉམས་ལེན་ཙམ་ཡིན་ན། སྐབས་འདིར་རྗེས་ཆོག་བྱ། སློབ་མ་རྗེས་བཟུང་ནི། རྗེས་ཆོག་གི་སྔོན་དུ་བྱ་བ་ཡིན་ཏེ། སློབ་མ་རྣམས་ལ་ཆབ་བཏང་། མེ་ཏོག་བཀྱེ་བསྡུ་བྱ། སེམས་བསྐྱེད་གསལ་བཏབ། རྒྱས་པར་སྤྲོ་ན་ཆོས་བཤད་མགོན་པོས་ཐུགས་བསྐྱེད་པའི་ལོ་རྒྱུས་སོགས་རྒྱས་པར་བཤད། བསྡུ་ན།</span> <br />ནམ་མཁའ་དང་མཉམ་པའི་མ་གྱུར་སྐྱེ་དགུ་མཐའ་དག་གི་ཆེད་དུ་བླ་མ་མགོན་པོ་དབྱེར་མེད་ཀྱི་གོ་འཕང་ཐོབ་པར་བྱ། དེའི་ཆེད་དུ་བཅོམ་ལྡན་འདས་མགོན་དཀར་ཡིད་བཞིན་ནོར་བུའི་བཀའ་ཟབ་མོ་ཞུས་ལ་དོན་ཉམས་སུ་བླང་བར་བགྱིའོ་སྙམ་པའི་ཐུགས་བསྐྱེད་གསལ་བཏབ་ནས་གསན་པར་ཞུ། <br />དེ་ལ་གསན་བྱའི་གདམས་ངག །གངས་ཅན་གྱི་ལྗོངས་སུ་གྲགས་ཆེ་བའི་སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་རིང་ལུགས་ལས་ཆེས་ཟབ་ཅིང་ངོ་མཚར་དུ་གྱུར་པ་དཔལ་ལྡན་ཤངས་པ་བཀའ་བརྒྱུད་ལ་ཁྱད་པར་ཅན་གྱི་ཆོས་སྐྱོང་གཅིག་ཆོག་ཁོ་ནར་བཞུགས་པ་ནི་མྱུར་མཛད་ཡེ་ཤེས་ཀྱི་མགོན་པོ་ཉིད་ཡིན་ཏེ། དེའང་འཕགས་མཆོག་སྤྱན་རས་གཟིགས་དབང་ཕྱུག་ཉིད་ཐུགས་བསྐྱེད་དང་ཐུགས་དམ་ཁྱད་པར་ཅན་གྱི་དབང་གིས་དྲག་པོར་ཁྲོས་པའི་སྐུར་བཞེངས་ཤིང་། བསྟན་སྲུང་ཀུན་གྱི་དབང་ཕྱུག་ཏུ་ཕྱོགས་བཅུའི་རྒྱལ་བ་རྣམས་ཀྱིས་དབང་བསྐུར་ཞིང་མངའ་གསོལ། གྲུབ་ཆེན་ཤ་བ་རི། མཻ་ཏྲཱི་པ། རཱ་ཧུ་ལ་གུཔྟ། གྲུབ་ཐོབ་ཆེན་པོ་ཁྱུང་པོ་རྣལ་འབྱོར་སོགས་དཔལ་ལྡན་ཤངས་པ་བཀའ་བརྒྱུད་ཀྱི་སྐྱེས་ཆེན་དམ་པ་རིམ་པར་བྱོན་པ་རྣམས་ཀྱིས་ཞལ་གཟིགས་ཤིང་གྲུབ་པར་མཛད། <br />དེ་ལྟ་བུའི་དཔལ་ཡེ་ཤེས་ཀྱི་མགོན་པོ་ལ་སྒྲུབ་སྐོར་རིམ་པ་མང་པོར་བཞུགས་ནའང་། རྩ་བར་གྱུར་པ། དྲག་པོ་མཐུ་སྒྲུབ་དང་། ཞི་བ་ནོར་སྒྲུབ་གཉིས་སུ་འདུ། དང་པོ་ལའང་གཙོ་རྐྱང་ལྕམ་དྲལ། ལྷ་གསུམ། དྲེགས་པ་སྡེ་ལྔས་བསྐོར་བ་སོགས་དང་། གཞན་ཡང་གཙོ་འཁོར་གྱི་དྲག་སྒྲུབ་མང་པོར་བཤད་པ་དང་། ཞི་བ་ནོར་སྒྲུབ་ལ། མགོན་དཀར། མགོན་སེར། མགོན་དམར། མགོན་ལྗང་ཚེ་བདག་ལ་སོགས་པ་ནང་གསེས་དང་བཅས་པ་བཞུགས་པ་ལས། དྲག་སྒྲུབ་ཀྱི་སྐོར་ནི་གཙོ་བོར་མངའ་བདག་མཻ་ཏྲཱི་པ་ཆེན་པོ་ལས་མཁས་གྲུབ་ཁྱུང་པོ་རྣལ་འབྱོར་གྱིས་གསན་པར་སྣང་ཞིང་། ཞི་སྒྲུབ་ཀྱི་སྐོར་ནི་གཙོ་བོར་གྲུབ་ཆེན་རཱ་ཧུ་ལ་གུཔྟ་བཛྲའི་ཞལ་སྔ་ནས་གསན་པར་སྣང་སྟེ། དེའང་མཁས་གྲུབ་ཁྱུང་པོ་ཉིད་འཕན་ཡུལ་ཀྱོག་པོར་ཆིག་རིར་མཛད་པའི་སྐབས་ཤིག་[[Lenpé Chilbu|ལན་པའི་སྐྱིལ་པོ་དགོན་]]པར་སྐུ་མཚམས་མཛད་པའི་ཚེ། འཇའ་ལུས་རྡོ་རྗེའི་སྐུ་བརྙེས་པའི་གྲུབ་ཆེན་རཱ་ཧུ་ལ་ཆེན་པོ་དེ་ཉིད་ཆེད་དུ་ཕེབས་ནས་རྫུ་འཕྲུལ་བཀོད་པ་ངོ་མཚར་བ་བསྟན། རྒྱུད་དང་གདམས་ངག་སྤྱི་དང་ཁྱད་པར་དུ་གྱུར་པའི་སྨིན་གྲོལ་མཐའ་ཡས་པ་རྣམས་དང་། ཁྱད་པར་མྱུར་མཛད་ཡེ་ཤེས་མགོན་པོའི་ཆོས་སྐོར་སྔར་གྲགས་པ་དང་མ་གྲགས་པ་མང་དུ་གནང་བའི་ཞི་བ་ནོར་སྒྲུབ་ཀྱི་སྐོར་ལས། མགོན་པོ་ཡིད་བཞིན་ནོར་བུ་འདི་ནི་མཁའ་འགྲོ་མ་ཐམས་ཅད་ཀྱི་སྙིང་ནས་སྐུལ་བའི་མན་ངག གསོལ་བ་བཏབ་པ་ཙམ་གྱིས་མཆོག་དང་ཐུན་མོང་གཉིས་ཀ་འབྱུང་བ། དབང་བསྐུར་ཐོབ་པ་ཙམ་གྱིས་ཀྱང་དངོས་གྲུབ་སྣ་རེ་ཐོབ་པ། ཡིག་ཆ་འཆང་བ་ཙམ་གྱིས་ལོངས་སྤྱོད་རང་བཞིན་གྱིས་འདུ་བའི་སྒྲུབ་ཐབས་ཁྱད་པར་དུ་འཕགས་པ་འདི་ཉིད་ཀྱི་རྗེས་གནང་བྱིན་རླབས་ཀྱི་རིམ་པ་བསྒྲུབ་པར་བགྱི་བ་ལ་སློབ་དཔོན་གྱི་བྱ་བ་རྣམས་སྔོན་དུ་གྲུབ་ཟིན་པ་ལགས་པས་ཁྱེད་རང་རྣམས་ཀྱི་ངོ་སྐལ་དུ་གྱུར་པ་མཎྜལ་འབུལ་བར་ཞུ། <span class="tibetan_small">ཅེས་མཚམས་སྦྱར་ནས་མཎྜལ་འབུལ་དུ་གཞུག་ཅིང་།</span> <br />གསོལ་བ་འདེབས་པ་འདིའི་རྗེས་ཟློས་མཛོད། <span class="tibetan_small">བྱས་ལ།</span> རྡོ་རྗེ་འཛིན་པ་དགོངས་སུ་གསོལ། <span class="tibetan_small">།ཅེས་སོགས་ལན་གསུམ། རྟོག་པ་བསྡུ་བ། ཐུན་མོང་མ་ཡིན་པའི་སྐྱབས་འགྲོ། རྒྱུན་བཤགས་ཡན་ལག་ལྔ་པ། ཐུན་མོང་མ་ཡིན་པའི་གསོལ་གདབ་རྣམས་ཕྱག་ལེན་རྒྱས་པའི་ཚེ་མཛད་ཅིང་། མདོར་བསྡུས་པ་ལ་དགའ་ན།</span> དཀོན་མཆོག་གསུམ་ལ་བདག་སྐྱབས་མཆི། <span class="tibetan_small">སོགས་རྒྱུན་བཤགས་ལན་གསུམ་རྗེས་ཟློས་བྱེད་དུ་གཞུག</span><br />།རྗེས་གནང་དངོས་གཞི་ལ་དམིགས་པ་འདི་བཞིན་དུ་མཛོད། <span class="tibetan_small">ཅེས་བརྡ་སྤྲད་ལ།</span> <br />མདུན་གྱི་གཏོར་མ་དང་སློབ་དཔོན་དབྱེར་མ་མཆིས་པ་མགོན་པོ་ཡིད་བཞིན་ནོར་བུར་གསལ་གདབ་དགོས་པ་ཡིན་པས་སྤྱན་དམིགས་འདི་བཞིན་དུ་མཛད་འཚལ། ཨོཾ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། <br />སྟོང་པའི་ངང་<span class="tibetan_small">ཞེས་པ་ནས་</span>བཞུགས་པའོ་<span class="tibetan_small">བར་གོང་བཞིན།</span> དེ་ལྟ་བུའི་སློབ་དཔོན་དང་མདུན་བསྐྱེད་དབྱེར་མ་མཆིས་པ་ལ་མོས་གུས་དུང་བ་བྱས་པས། <br />ཨོཾ་ཤཱུ་ནྱ་<span class="tibetan_small">ནས།</span> ཀོ྅ཧཾ། ཞེས་གསུངས་པའི་རྐྱེན་གྱིས་ཀུན་རྫོབ་རྣམ་ཤེས་ཀྱིས་བསྡུས་པའི་ཆོས་ཐམས་ཅད་མི་དམིགས་ཏེ་སྟོང་པ་ཉིད་དུ་གྱུར། <br />སྟོང་པའི་ངང་ལས་ཁྱེད་རང་རྣམས་ཀྱི་སེམས་ཉིད་ཐིག་ལེ་ཧཱུྃ་དང་བཅས་པ་ཡོངས་སུ་གྱུར་པ་ལས། དཔལ་ཡེ་ཤེས་ཀྱི་མགོན་པོ་ཡིད་བཞིན་གྱི་ནོར་བུ་དབང་གི་རྒྱལ་པོའི་སྐུར་ཁྲོང་གིས་གྱུར་པར་མོས་མཛོད། ཁྱེད་རང་རྣམས་ཀྱི་དཔྲལ་བར་ཨོཾ། <span class="tibetan_small">ཞེས་པ་ནས།</span> ཧཱུྃ་དཀར་པོའོ།<br />།སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས། མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་གྱི་ནོར་བུ་མཁའ་འགྲོའི་ཚོགས་དང་བཅས་པ་ཐམས་ཅད་སྤྱན་དྲངས་ཏེ། སྐད་ཅིག་དེ་ཉིད་ལ་ཌཱ་མ་རུ་དང་དྲིལ་བུ་གཡེར་ཁ་སིལ་སིལ། ཁྲོལ་ཁྲོལ། འུར་འུར། ཆེམ་ཆེམ་བྱོན་ཏེ། ཁྱེད་རང་ལ་གཉིས་སུ་མེད་པར་ཐིམ། <span class="tibetan_small">ཞེས་བརྗོད་ལ་རོལ་མོ་དྲག་ཏུ་བྱ། སྙིང་པོའི་མཐར་</span>ཨ་ཝེ་ཤ་ཡ་ཨཿ <span class="tibetan_small">ཞེས་དྲག་ཏུ་བཟླ། རོལ་མོ་དང་སྔགས་བཟླས་ནི་འོག་མ་རྣམས་ལ་ཡང་རིགས་འདྲེ།</span> <br />དེ་སྐུའི་རྗེས་གནང་བུམ་དབང་གི་དོད་ཡིན་ནོ། <br />།སློབ་དཔོན་གྱི་ཐུགས་ཀའི་ཆོས་ཉིད་ཀྱི་ཐིག་ལེའི་ནང་ཧཱུྃ་གི་མཐའ་བསྐོར་དུ་སྔགས་ཀྱིས་བསྐོར་བར་མོས། སློབ་དཔོན་ལ་མོས་གུས་དུང་བ་བྱས་པས། ཐུགས་ཀའི་སྔགས་ཕྲེང་ལས་སྔགས་ཕྲེང་གཉིས་པ་ཞིག་ཆད། ཞལ་ནས་འཐོན། ཁྱེད་རང་རྣམས་ཀྱི་ཞལ་དུ་ཞུགས་སྙིང་གའི་ཆོས་ཉིད་ཀྱི་ཐིག་ལེའི་ནང་དུ་སྤར་བཏབ་པ་བཞིན་དུ་འཁོད་པར་མོས་ལ། འདིའི་རྗེས་ཟློས་མཛོད། <span class="tibetan_small">སྙིང་པོ་ལན་བཅུ་གསུམ་བཟླ་བ་ཕྱག་ལེན་ལ་མཛད་དེ།</span> <br />གསུང་གི་རྗེས་གནང་གསང་དབང་ཡིན་ནོ། <br />།ཡང་སློབ་དཔོན་ལ་མོས་གུས་དུང་བ་བྱས་པས། ཐུགས་ཀ་ནས་འོད་ཟེར་འཕྲོས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྗེའི་བྱིན་རླབས་མ་ལུས་པ་ཚུར་བསྡུས་ཏེ་ཐུགས་ཀར་ཐིམ། བླ་མ་མགོན་པོ་དབྱེར་མེད་ཀྱི་ཐུགས་ཀའི་ཧཱུྃ་ལས། གྲི་གུག ཐོད་པ། བུམ་པ། ནོར་བུ། ལྕགས་ཀྱུ་ལ་སོགས་པའི་ཕྱག་མཚན་དཔག་ཏུ་མེད་པ་བྱུང་། ཐམས་ཅད་འོད་དུ་ཞུ་ནས་ཁྱེད་རང་རྣམས་ཀྱི་སྙིང་གར་ཐིམ། <span class="tibetan_small">རོལ་མོ།</span> <br />དེ་ཐུགས་ཀྱི་རྗེས་གནང་ཤེས་རབ་ཡེ་ཤེས་ཀྱི་དོད་ཡིན། <br />ཡང་སློབ་དཔོན་ལ་མོས་གུས་དུང་བ་བྱས་པས། སློབ་དཔོན་གྱི་ཐུགས་ཀའི་ཧཱུྃ་ལས། མཁའ་འགྲོ་སྡེ་ལྔ་སྐུ་མདོག་དམར་མོ་ཌཱ་མ་རུ་དང་ཐོད་པ་ཐོགས་པ་དཔག་ཏུ་མེད་པ་སྤྲོས། ཤངས་ཀྱི་བུ་ག་གཡོན་པ་ནས་འཐོན། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་གང་། འཁོར་འདས་སྣོད་བཅུད་ཐམས་ཅད་ཀྱི་བཀྲག་མདངས་བཅུད། དྭངས་མ། ཚེ་སྲོག །ལོངས་སྤྱོད། དབང་ཐང་ཐམས་ཅད་བདུད་རྩིའི་རྣམ་པར་ཚུར་འདུས། ཁྱེད་རང་རྣམས་ཀྱི་སྣ་བུག་གཡོན་པ་ནས་ཞུགས། སྲོག་རྩའི་ལམ་ནས་བརྒྱུད་དེ། སྙིང་ཁའི་ཆོས་ཉིད་ཀྱི་ཐིག་ལེ་ལ་གཉིས་སུ་མེད་པར་ཐིམ། <span class="tibetan_small">རོལ་མོ།</span> <br />དེ་ཡོན་ཏན་གྱི་རྗེས་གནང་དབང་བཞི་པའི་དོད་ཡིན་ནོ། <br />།ཡང་སློབ་དཔོན་ལ་མོས་གུས་དུང་བ་བྱས་པས། བླ་མ་མགོན་པོ་དབྱེར་མེད་ཀྱི་ཞབས་འོག་གི་ཚོགས་བདག་བསྐུལ་བས་ཚོགས་བདག་ལས་རང་དང་འདྲ་བའི་ཚོགས་དཔག་ཏུ་མེད་པ་སྤྲུལ། འབྱུང་པོ་མི་དང་མི་མ་ཡིན་དྲེགས་ལྡན་ཆེ་དགུ་ཐམས་ཅད་དབང་དུ་བསྡུས། ཁྱེད་རང་རྣམས་ཀྱི་བྲན་དུ་ཕུལ་བའི་མོས་པ་མཛོད། ཁྱེད་རང་རྣམས་ཀྱི་རྐང་འོག་གི་ཚོགས་ཀྱི་བདག་པོའི་ཁ་དང་བཤང་ལམ་བ་སྤུའི་བུ་ག་ཐམས་ཅད་ནས། ཡིད་བཞིན་གྱི་ནོར་བུའི་ཆར་ཆེན་པོ་བབས་པས། རང་གི་བང་མཛོད་གནས་ཁང་ཡུལ་ཕྱོགས་ཐམས་ཅད་ཟས་ནོར་ལོངས་སྤྱོད། འདོད་དགུ་སྣ་ཚོགས་པས་ཕྱུར་བུར་གང་བར་གྱུར། <span class="tibetan_small">རོལ་མོ།</span> <br />དེ་ཕྲིན་ལས་ཀྱི་རྗེས་གནང་དབང་གི་མཐའ་བརྟེན་གྱི་དོད་ཡིན་ནོ།<br /><span class="tibetan_small">།ཕྲིན་ལས་གཏོར་མའི་བཀའ་བསྒོ་བ་ནི། མོས་པ་འདི་བཞིན་དུ་མཛོད།</span> <br />གཏོར་མ་འདི་ཉིད་བླ་མ་མགོན་པོ་དབྱེར་མེད། མགོན་དཀར་ཡིད་བཞིན་གྱི་ནོར་བུ་མཁའ་འགྲོ་མའི་ཚོགས་དང་བཅས་པ་གསལ་བཏབ། དེ་རྣམས་ལ་མོས་གུས་དུང་བ་བྱས་པས། འུར་འུར། ཆེམ་ཆེམ་རང་གི་སྤྱི་བོར་བྱོན། རང་གི་ཡིད་ལ་ཇི་ལྟར་འདོད་པའི་དོན་ཐམས་ཅད་བསྒྲུབ་པར་བྱའོ། །ཞེས་གསུང་ལྷང་ལྷང་བྱོན་པར་བསམ་ཞིང་། བྱིན་གྱིས་རློབ་རློབ་ལྟར་བཞུགས་པར་གྱུར། <span class="tibetan_small">རོལ་མོའི་སྒྲ་དང་བཅས་ཏེ།</span> <br />དཔལ་མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་དབང་གི་རྒྱལ་པོ་འཁོར་མཁའ་འགྲོ་མ་བྱེ་བ་འབུམ་སྡེའི་ཚོགས་དང་བཅས་པ་རྣམས་ཀྱིས། ཁྱབ་བདག་རྡོ་རྗེ་འཆང་ཆེན། འཕགས་མཆོག་སྤྱན་རས་གཟིགས་དབང་། གྲུབ་ཆེན་རཱ་ཧུ་ལ་གུཔྟ། མཁས་གྲུབ་ཁྱུང་པོ་རྣལ་འབྱོར་ནས་རྩ་བའི་བླ་མ་རྡོ་རྗེ་འཆང་པདྨ་ཉིན་བྱེད་དབང་པོའི་བར་དུ་བྱོན་པའི་བཀའ་བརྒྱུད་གྲུབ་པའི་དབང་ཕྱུག་རྣམས་ཀྱི་བཀའ་དང་ཐ་ཚིག་གི་རིམ་པ་བསྙེལ་བར་མ་མཛད་པར། དམ་ཚིག་དང་ལྡན་པའི་རྡོ་རྗེ་སློབ་མ་འདི་ལ་ལུས་དང་གྲིབ་མ་བཞིན་དུ་འགྲོགས་ལ། དུས་ད་ནས་བཟུང་སྟེ་བྱང་ཆུབ་མ་ཐོབ་ཀྱི་བར་དུ་མཆོག་ཐུན་མོང་གི་དངོས་གྲུབ་རྩོལ་བ་མེད་པར་ཡིད་བཞིན་དུ་འགྲུབ་པ་སོགས་ཅི་ལྟར་བཅོལ་བའི་ཕྲིན་ལས་མ་ལུས་པ་ཐོགས་མེད་དུ་བསྒྲུབ་པར་མཛད་དུ་གསོལ། <span class="tibetan_small">ཅེས་བཀའ་བསྒོ་དྲག་ཏུ་བྱ།</span> <br />མཐར་བླ་མ་མགོན་པོ་དབྱེར་མེད་འོད་དུ་ཞུ་ནས། ཁྱེད་རང་རྣམས་ལ་ཐིམ་པར་མོས་པ་མཛོད། <br />།དེ་དག་གི་གནས་སྐབས་སུ་ཐོབ་པའི་དམ་ཚིག་དང་། <span class="tibetan_small">ཞེས་པ་ནས།</span> སྤྱད་དུ་གསོལ་<span class="tibetan_small">ཞེས་པའི་བར་ནག་པོའི་རྗེས་གནང་གི་སྐབས་དང་འདྲ། རྗེས་ཀྱི་ཆོ་ག་རྣམས་ཀྱང་མགོན་པོ་ནག་པོ་དང་འདྲ་ཞིང་། འདི་ཉིད་ཀྱི་རྗེས་ཆོག་གི་སྐབས་གཏོར་མའི་ཡེ་ཤེས་པ་ནམ་མཁར་བཏེགས་ནས། གཏོར་མ་དེ་ཉིད་དབུལ་བའི་ལག་ལེན་ཡང་འདུག་མོད་ཀྱི་མགོན་དཀར་གྱི་ཕྱག་ལེན་དཀྱུས་ལ་མི་མཛད་པར་སྣང་ངོ་།</span><br /><span class="tibetan_small">།ནོར་སྒྲུབ་ཀུན་ལས་ཆེས་ལྷག་པ། །དགའ་བར་བསྔགས་པའི་གཡེར་པོ་ཆེ། །མཁའ་འགྲོའི་སྙིང་ནས་བསྐུལ་བའི་ཐབས། །གསལ་པོར་བརྗོད་འདི་ཨེ་མ་མཚར། །མགོན་དཀར་ཡིད་བཞིན་གྱི་ནོར་བུའི་སྒྲུབ་ཐབས་ཀྱི་ལེ་ཚན་ནོ།། །།མངྒ་ལཾ།།</span> <br /><br />Initiation of the Gold Protector<br /><br />༼༄༅། །མགོན་སེར་ཞལ་གསུམ་ཕྱག་དྲུག་པའི་སྒྲུབ་ཐབས་དང་རྗེས་གནང་།།༽<br /><span class="tibetan_small">ན་མོ་གུ་རུ། རྒྱལ་བ་ཀུན་གྱི་བླ་མ་ནི། །རྒྱལ་སྲས་གཞོན་ནུའི་ཚུལ་འཛིན་པ། །འཇིག་རྟེན་མགོན་ལ་རབ་བཏུད་ནས། །མགོན་སེར་སྒྲུབ་ཐབས་བཤད་པར་བྱ།</span><br /><span class="tibetan_small">མགོན་བཀའ་གསུམ་པ་མགོན་སེར་ཞལ་གསུམ་ཕྱག་དྲུག་པའི་སྒྲུབ་ཐབས་དང་རྗེས་གནང་ལག་ཏུ་བླང་བའི་རིམ་པ་ནི།</span><br /><span class="tibetan_small">གཏོར་མ་གྲུ་གསུམ་སེར་པོའམ། ནོར་བུ་འབར་བའི་གཟུགས་ཅན་ཞིག་བྱ། ཆོས་འབྱུང་སེར་པོ་གྲུ་གསུམ་གྱི་སྟེང་དུ་མཉྫི་ལ་འགོད་པ་སོགས་བཤམ་གཞན་དང་འདྲ། མཆོད་པ་བྱིན་རླབས་དང་། སྐྱབས་སེམས་ཚད་མེད་བཞི་རྣམས་སྤྱི་དང་འདྲ།</span> ཤཱུ་ནྱ་ཏ་<span class="tibetan_small">ས་སྟོང་པར་སྦྱང་།</span> <br />སྟོང་པའི་ངང་ལས་ཧཱུྃ་ཡིག་ལས་བྱུང་བའི་སྲུང་འཁོར་གྱི་དབུས་སུ་པད་ཉི་ལ་ཚོགས་བདག་ཕོ་མོ་བསྒྱེལ་བའི་སྟེང་དུ། ཧཱུྃ་སེར་པོ་ཡོངས་སུ་གྱུར་པ་ལས་རང་ཉིད་དཔལ་ཡེ་ཤེས་ཀྱི་མགོན་པོ་སྐུ་མདོག་སེར་ལ་ཅུང་ཟད་དམར་བའི་མདངས་ཅན། ཞལ་གསུམ་ཕྱག་དྲུག་པ། རྩ་ཞལ་སེར་བ། གཡས་ཞལ་དཀར་བ། གཡོན་ཞལ་དམར་བ། སྤྱན་གསུམ་གསུམ་དང་ལྡན་ཞིང་མཆེ་བ་གཙིགས་པ། དབུ་སྐྲ་སེར་པོ་གྱེན་དུ་འཁྱིལ་བ། ཕྱག་གཡས་གཡོན་གྱི་དང་པོ་གཉིས་ཀྱིས་གྲི་གུག་དང་ཐོད་ཁྲག་ཐུགས་ཀར་སྟེང་འོག་ཏུ་འཛིན་པས་ཡུམ་ལ་འཁྱུད་པ། གཡས་ཀྱི་གཉིས་པ་ན་རྒྱལ་མཚན། གསུམ་པ་ན་ཨུཏྤལ། གཡོན་གྱི་གཉིས་པ་ན་ནེའུ་ལེ་དང་། གསུམ་པ་ན་ཞགས་པ་བསྣམས་པ། ཞབས་གཡས་བསྐུམ་གཡོན་བརྐྱང་གི་སྟབས་ཀྱིས་ཚོགས་བདག་ཕོ་མོ་མནན་པ། སྐུ་ལ་དུར་ཁྲོད་ཆས་བརྒྱད་རྫོགས་པ། ཡུམ་ལྷ་མོ་དྲག་མོ་སྐུ་མདོག་དུད་ཁ་གྲི་ཐོད་འཛིན་པས་འཁྱུད་པ། གཉིས་ཀའང་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། རང་གི་སྙིང་ག་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་དུར་ཁྲོད་ཆེན་པོ་བསིལ་བའི་ཚལ་ནས། མྱུར་མཛད་འཁོར་དང་བཅས་པ་བཛྲ་ས་མཱ་ཛཿ ཛ་ཧཱུྃ་བཾ་ཧོཿ རང་དང་གཉིས་སུ་མེད་པར་ཐིམ། སླར་ཡང་ཐུགས་ཀ་ནས་འོད་ཟེར་འཕྲོས། དབང་གི་ལྷ་རིགས་ལྔ་འཁོར་དང་བཅས་པ་བཛྲ་ས་མཱ་ཛཿ ཨོཾ་བཛྲི་བྷ་ཝ་ཨ་བྷི་ཥིཉྩ་ཧཱུྃ། ཞེས་གསུངས་ཤིང་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པའི་དབུ་བརྒྱན། གུ་རུ་མ་ཧཱ་ཀཱ་ལ་ཀྵིཾ་ཨུཥྞི་ཥ་ཡ་ཡཀྵ་ཧཱུྃ། རཏྣ་གྲྀ་སིདྡྷི་ཧཱུྃ། པྲཛྙཱ་ཝརྡྷ་ནི་སྭཱ་ཧཱ། <span class="tibetan_small">ཞེས་ཅི་འགྲུབ་བཟླ། </span><br /><span class="tibetan_small">མདུན་བསྐྱེད་</span>ཨ་མྲྀ་ཏ<span class="tibetan_small">ས་བསང་།</span> སྭ་བྷཱ་ཝ<span class="tibetan_small">ས་སྦྱང་།</span> སྟོང་པའི་ངང་ལས་<span class="tibetan_small">ཞེས་པ་ནས་</span>དབུ་བརྒྱན་<span class="tibetan_small">གྱི་བར་བདག་བསྐྱེད་དང་འདྲ་བ་ལས།</span> རང་སེམས་<span class="tibetan_small">ཞེས་པ་དང་།</span> རང་ཉིད་<span class="tibetan_small">ཅེས་པ་དོར་བ་ནི་ཁྱད་པར་རོ།</span> ཨརྒྷཾ་<span class="tibetan_small">ནས།</span> ཤབྡ<span class="tibetan_small">འི་བར་གྱིས་མཆོད།</span> <br />བྱད་མ་ཟློག་ཅིང་བསྲུང་བ་དང་། །ཚེ་དང་བློ་གྲོས་ཀུན་འཕེལ་ཞིང་། །ཞི་དང་རྒྱས་པའི་ལས་མཛད་པ། །བླ་མ་མགོན་པོ་ཁྱོད་ལ་འདུད། <span class="tibetan_small">།ཅེས་པས་བསྟོད་ལ། </span><br /><span class="tibetan_small">མདུན་བསྐྱེད་ལ་དམིགས་ནས་བཟླས་པ་ཅི་འགྲུབ་བྱ། གཏོར་མ་བྱིན་རླབས་ནག་པོའི་མངོན་རྟོགས་དང་མཚུངས།</span> <br />ཨོཾ་གུ་རུ་མ་ཧཱ་ཀཱ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། <span class="tibetan_small">ལན་བདུན་གྱིས་ཕུལ། གོང་ལྟར་མཆོད་བསྟོད།</span> <br />མཆོད་སྦྱིན་གཏོར་མ་འདི་བཞེས་ལ། <span class="tibetan_small">།སོགས་འདོད་དོན་གསོལ་བ་བཏབ། སློབ་དཔོན་གྱི་བྱ་བའོ།</span><br /><span class="tibetan_small">།སློབ་མ་རྣམས་ཀྱིས་ཡོན་འབུལ་བ་ལ་སོགས་པའི་སྔོན་འགྲོའི་བྱ་བ་མགོན་པོ་དཀར་ནག་གཉིས་ཀྱི་རྗེས་གནང་དང་འདྲ་བ་ལས། སེམས་བསྐྱེད་གསལ་བཏབ་སྐབས།</span> <br />བཅོམ་ལྡན་འདས་མགོན་སེར་ཞལ་གསུམ་ཕྱག་དྲུག་པའི་བཀའ་ཟབ་མོ་<span class="tibetan_small">ཞེས་པ་དང་།</span> གསན་བྱའི་ཆོས་གྲུབ་ཆེན་རཱ་ཧུ་ལ་ཆེན་པོས་མཁས་གྲུབ་ཁྱུང་པོ་རྣལ་འབྱོར་ལ་སྩལ་བའི་མྱུར་མཛད་ཡེ་ཤེས་མགོན་པོ། ཞི་བ་ནོར་སྒྲུབ་ཀྱི་སྐོར་ལས་ཡོན་ཏན་གྱི་མགོན་པོ་སེར་པོ་འདི་ནི། སྤྱིར་བྱད་ཁ་རྦོད་གཏོང་སྲུང་ཞིང་ཟློག་པ་དང་། ཞི་བ་དང་རྒྱས་པའི་ལས་རབ་འབྱམས་འགྲུབ་པར་བྱེད་ཅིང་། ཁྱད་པར་འཆི་མེད་རྡོ་རྗེའི་ཚེ་དང་། ཆགས་ཐོགས་མེད་པའི་བློ་གྲོས་ཀྱི་སྟོབས་འཕེལ་བ་ཟབ་ཅིང་མྱུར་བའི་མཐུ་དང་ལྡན་པ་འདི་ཉིད་ཀྱི་རྗེས་གནང་<span class="tibetan_small">སོགས་སྦྱར་ལ། གསོལ་གདབ་སོགས་གྲུབ་པ་དང་།</span> རྗེས་གནང་དངོས་ལ་དམིགས་པ་འདི་བཞིན་དུ་མཛོད། <span class="tibetan_small">ཅེས་བྱས་ལ།</span> <br />བླ་མ་མགོན་སེར་དུ་གསལ་བའི་ཞལ་ནས། ཨོཾ་ཤཱུ་ནྱ་ཏཱ་ཛྙ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾཿ ཞེས་གསུངས་པའི་རྐྱེན་གྱིས་མ་དག་པའི་སྣང་བ་ཐམས་ཅད་དབྱིངས་སུ་སྦྱང་། སྟོང་པའི་ངང་ལས་ཧཱུྃ་ལས་<span class="tibetan_small">ནས་</span> དབུ་བརྒྱན་<span class="tibetan_small">གྱི་བར་སྒྲུབ་ཐབས་དང་འདྲ་བ་ལས།</span> རང་སེམས་<span class="tibetan_small">ཅེས་པ།</span> ཁྱེད་རང་རྣམས་ཀྱི་<span class="tibetan_small">ཅེས་པ་དང་།</span> རང་ཉིད་<span class="tibetan_small">ཅེས་པ་</span>ཁྱེད་རང་རྣམས་<span class="tibetan_small">ཅེས་འདོན་པ་སྤོ།</span> ཡེ་ཤེས་པ་སྤྱན་དྲངས་ཏེ་བཛྲ་ས་མཱ་ཛཿ ཛཿཧཱུྃ་བཾ་ཧོཿ <span class="tibetan_small">ཞེས་བརྗོད་པའི་མཐར། རོལ་ཆེན་བྱ་ཞིང་། སྙིང་པོའི་མཐར།</span> ཨ་ཝེ་ཤ་ཡ་ཨ། <span class="tibetan_small">ཞེས་བརྗོད་པ་རྣམས་ནི་ཁྱད་པར་རོ།</span><br />།བླ་མའི་དཔྲལ་བ་ནས་ཨོཾ་ཡིག་དཀར་པོ་བྱུང་། ཁྱེད་རང་རྣམས་ཀྱི་དཔྲལ་བར་ཐིམ། བུམ་པའི་དབང་ཐོབ། མགྲིན་པ་ནས་ཨཱཿཡིག་དམར་པོ་བྱུང་། ཁྱེད་རང་རྣམས་ཀྱི་མགྲིན་པར་ཐིམ། གསང་དབང་ཐོབ། ཐུགས་ཀ་ནས་ཧཱུྃ་ཡིག་སྔོན་པོ་བྱུང་། ཁྱེད་རང་རྣམས་ཀྱི་སྙིང་གར་ཐིམ། ཤེས་རབ་ཡེ་ཤེས་ཀྱི་དབང་ཐོབ། གནས་གསུམ་ཆར་ནས་ཨོཾ་ཨཱཿཧཱུྃ་དཀར་དམར་མཐིང་གསུམ་བྱུང་། ཁྱེད་རང་རྣམས་ཀྱི་གནས་གསུམ་དུ་ཐིམ། དབང་བཞི་པ་ཐོབ་པར་མོས་པ་མཛོད། <span class="tibetan_small">འདི་ལ་སྔགས་ཀྱི་བཟླས་ལུང་མི་དགོས། ཕྲིན་ལས་གཏོར་མའི་བཀའ་བསྒོ་བ་ནི།</span><br />གཏོར་མ་འདི་ཉིད་བླ་མ་མགོན་པོ་དབྱེར་མེད་དུ་གསལ་བའི་མཐའ་སྐོར་དུ་སངས་རྒྱས་བྱང་ཆུབ་སེམས་དཔའི་ཚོགས་ཀྱིས་བསྐོར་བར་མོས། རང་གི་སྤྱི་བོར་བྱོན། བླ་མ་མགོན་པོ་དབྱེར་མེད་ཀྱི་སྐུ་ཕྲ་མོ་དཔག་ཏུ་མེད་པ་བྱུང་སྟེ། ཁྱེད་རང་རྣམས་ཀྱི་ལུས་ལ་སིབ་སིབ་ཐིམ་པའི་མོས་པ་མཛོད། <span class="tibetan_small">བྱས་ལ།</span> དཔལ་མྱུར་མཛད་ཡེ་ཤེས་ཀྱི་མགོན་པོ་སེར་པོ་ཡུམ་ལྷ་མོ་དྲག་མོ་སྤྲུལ་པའི་འཁོར་དང་བཅས་པ་རྣམས་ཀྱིས། ཁྱབ་བདག་རྡོ་རྗེ་འཆང་ཆེན་<span class="tibetan_small">སོགས་མགོན་དཀར་ལྟར་ལ།</span> ཐོགས་མེད་དུ་བསྒྲུབ་པ་དང་། ཁྱད་པར་བྱད་ཁ་རྦོད་གཏོང་ཕས་རྒོལ་གྱི་དམོད་ངན་ཐམས་ཅད་ཟློག་ཅིང་སྲུང་བ་དང་། འཆི་བ་མེད་པའི་ཚེ་དང་ཆགས་ཐོགས་མེད་པའི་བློ་གྲོས་ཡར་ཟླ་ལྟར་འཕེལ་བ་དང་། ཆགས་ཆེ་ཉམ་ང་མི་མཐུན་པའི་ཕྱོགས་ཐམས་ཅད་ཞི་ཞིང་འབྱོར་པ་དྲུག་དང་ཉམས་རྟོགས་ཀྱི་ཡོན་ཏན་གོང་ནས་གོང་དུ་རྒྱས་པར་མཛད་དུ་གསོལ། <span class="tibetan_small">།ཅེས་རོལ་ཆེན་དང་བཅས་ཏེ་བཀའ་བསྒོ་དྲག་ཏུ་བྱ། </span><br /><span class="tibetan_small">རྗེས་ཀྱི་བྱ་བ་དམ་ཚིག་བསྲུང་བར་ཁས་བླང་བ་སོགས་རྗེས་ཆོག་ནི་མགོན་པོ་ནག་པོའི་རྗེས་གནང་གི་ཡི་གེར་བྲིས་ཟིན་པ་འདོན་པ་སྤོས་ལ་སྦྱར་བར་བྱའོ། །མགོན་སེར་འདིའང་། བླ་མ་མགོན་པོ་དབྱེར་མེད་སེར་པོ་ཞལ་བརྒྱད་ཕྱག་བཅུ་དྲུག་པ་གཉིས་ལ་མགོན་སེར་བཀའ་གཉིས་ཞེས་ཟེར་ནའང་། མགོན་སེར་དངོས་ནི་འདི་ཁོ་ནའོ།</span><br /><span class="tibetan_small">།ནོར་འཕེལ་བསྲུང་བ་ཀུན་གྱི་མཆོག །ཤེས་རབ་དགའ་བ་སྐྱེད་བྱེད་པ། །མགོན་སེར་སྒྲུབ་ཐབས་རྨད་བྱུང་བ། །ཤིན་ཏུ་དཀོན་པས་སྙིང་པོར་དྲིལ། མགོན་སེར་བློ་འཕེལ་གྱི་སྒྲུབ་ཐབས་ཀྱི་ལེ་ཚན་ནོ།། །།མངྒ་ལཾ།།</span><br /><br />Initiation of the Red Protector<br /><br />༼༄༅། །མགོན་དམར་དབང་གི་རྒྱལ་པོའི་སྒྲུབ་ཐབས་རྗེས་གནང་།།༽<br /><span class="tibetan_small">ན་མོ་གུ་རུ། </span><br /><span class="tibetan_small">སྤྱན་རས་གཟིགས་དབང་ཁྲོ་བོའི་སྐུ། །དབང་སྡུད་ལྷ་ལ་གུས་ཕྱག་འཚལ། །པདྨ་རཱ་གའི་འོད་འཕྲོ་བ། །མགོན་པོའི་སྒྲུབ་ཐབས་བྲི་བར་བྱ།</span><br /><span class="tibetan_small">།མགོན་བཀའ་བཞི་པ་མགོན་དམར་དབང་གི་རྒྱལ་པོའི་སྒྲུབ་ཐབས་རྗེས་གནང་གི་རིམ་པ་ནི། མདུན་དུ་སྟེགས་བུར་མཎྜལ་གྲུ་གསུམ་མཐིང་ནག་མེ་རི་དང་བཅས་པའི་དབུས་སུ། པདྨ་དམར་པོ་འདབ་བརྒྱད་ཀྱི་ལྟེ་བ་ལ། རྡོ་རྗེའི་ལྟེ་བར་ཧཱུྃ་དང་། གྲི་གུག་གི་ལྟེ་བར་ཨཱཿས་མཚན་པ། དེ་ཙམ་བྲིས་མ་ཐུབ་ན་ཚོམ་བུ་དམར་པོ་བཀོད། དེའི་སྟེང་དུ་མཉྫི་ལ་ཐོད་པ་བདུད་རྩིས་གང་བའི་སྟེང་དུ། མེ་ལོང་ལ་སིནྡཱུར་བཙག་ལ་བཀྲམ། དེ་ལ་ཆོས་འབྱུང་གྲུ་གསུམ་གཉིས་བརྩེགས་དབུས་སུ་རྡོ་རྗེ་ཧཱུྃ་དང་། གྲི་གུག་ཨཱཿས་མཚན་པ། ཟུར་དྲུག་པོ་ལ་གཡས་སྐོར་གྱིས་ཧ་རི་ནི་ས་སྭཱ་ཧཱ། ཞེས་པའི་ཡི་གེ་དྲུག་པོ་རྣམས་བྲི། སྟེང་དུ་དར་དམར་པོའི་གུར་ཕུབ། དེའི་གཡས་སུ་དཔལ་གཏོར་ནོར་གཟུགས་མ་དམར་པོ་ཤ་དང་བུ་རམ་སོགས་རྒྱན་ཐམས་ཅད་ཀྱིས་བརྒྱན་པ་ཞིག་དང་། འབུལ་གཏོར་དང་མཆོད་པ་སྤྱི་དང་མཐུན་པར་བཤམ། མཆོད་པ་བྱིན་རླབས་སྤྱི་དང་མཐུན་པར་བྱས་ལ། སྐྱབས་སེམས་ཚད་མེད་བཞི་སྔོན་དུ་འགྲོ་བས།</span> ཤཱུ་ནྱ་ཏ་<span class="tibetan_small">ས་སྟོང་པ་ཉིད་དུ་སྦྱང་།</span> <br />སྟོང་པའི་ངང་ལས། ཨེ་ལས་ཆོས་འབྱུང་མཐིང་གའི་དབུས་སུ། པདྨ་དམར་པོ་དང་། ཉི་མ། བགེགས་ཀྱི་རྒྱལ་པོ་ཁ་བུབ་ཏུ་བསྒྱེལ་བ་རྣམས་བརྩེགས་པའི་སྟེང་དུ། ཧཱུྃ་ལས་རྡོ་རྗེ་གྲི་གུག་ཧཱུྃ་གིས་མཚན་པ་ལས་འོད་འཕྲོས་འདུས་ཡོངས་སུ་གྱུར་པ་ལས། རང་ཉིད་མགོན་དམར་དབང་གི་རྒྱལ་པོའི་སྐུར་གྱུར་པ་ནི། པདྨ་རཱ་ག་ལྟར་དམར་ཞིང་ཞལ་གཅིག་ཕྱག་དྲུག་དང་པོ་གཉིས་གྲི་ཐོད་བཟུང་ནས་ཡུམ་ལ་འཁྱུད་པ། བར་པ་གཉིས་ཅང་ཏེའུ་རྩེ་གསུམ་འཛིན་པ། ཐ་མ་ལྕགས་ཀྱུ་ཞགས་པ་བསྣམས། སྤྱན་གསུམ་སྐྲ་སེར་གྱེན་དུ་བརྫེས། ཐོད་སྐམ་ལྔ་ཡི་དབུ་རྒྱན་དང་། རློན་པ་ལྔ་བཅུའི་དོ་ཤལ་ཅན། སྟག་ལྤགས་གྲོལ་ཞིང་གཡོན་བརྐྱང་སྟབས། མི་རུས་སྦྲུལ་དང་གཡེར་ཁས་བརྒྱན། དུར་ཁྲོད་ཆས་བརྒྱད་སྐུ་ལ་རྫོགས། ཡུམ་ཆེན་པདྨ་མཁའ་འགྲོ་མ། ཆགས་པའི་ཉམས་ཅན་སྐུ་མདོག་དམར། གཅེར་མོ་ཕྱག་རྒྱ་ལྔས་བརྒྱན་མ། གྲི་གུག་ཐོད་བཅས་ཡབ་ལ་འཁྱུད། གཉིས་ཀའང་མེ་དཔུང་ཀློང་ན་བཞུགས། གཙོ་བོ་ཡབ་ཡུམ་གྱི་མདུན་དུ་མ་ཧཱ་ཀཱ་ལ་སྐུ་མདོག་ནག་པོ་གྲི་གུག་དང་ཐོད་པ་འཛིན་པ། གཡས་སུ་ཀྵེ་ཏྲ་པཱ་ལ་དམར་པོ་ཌཱ་མ་རུ་དང་སྡིགས་མཛུབ་མཛད་པ། རྒྱབ་ཏུ་ཛི་ན་མི་ཏྲ་ནག་པོ་གྲི་ཐོད་འཛིན་པ། གཡོན་དུ་ཊཱཀྐི་རཱ་ཛ་སེར་པོ་རྩེ་གསུམ་དང་སྡིགས་མཛུབ་མཛད་པ། ཕྱི་སྐོར་དུ་དམ་ཅན་རྒྱ་མཚོའི་ཚོགས་ཐམས་ཅད་ཀྱིས་བསྐོར་བ། གཙོ་བོའི་ཐུགས་ཀར་རྡོ་རྗེ་ཧཱུྃ་གིས་མཚན་པ། ཡུམ་གྱི་ཐུགས་ཀར་གྲི་གུག་ཨཾ་གིས་མཚན་པ། རང་གི་སྙིང་ག་ནས་འོད་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས་མྱུར་མཛད་ཡེ་ཤེས་ཀྱི་མགོན་པོ་མགོན་དམར་དབང་གི་རྒྱལ་པོ་འཁོར་དང་བཅས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། སླར་ཡང་སྙིང་ཁའི་ས་བོན་གྱི་འོད་ཟེར་གྱིས་དབང་གི་ལྷ་རིགས་ལྔ་འཁོར་དང་བཅས་པ་བཛྲ་ས་མཱ་ཛཿ <br />ཨརྒྷཾ་<span class="tibetan_small">ནས།</span> ཤབྡ་<span class="tibetan_small">འི་བར་གྱིས་མཆོད།</span><br />དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་དུ་གསོལ། ཞེས་གསོལ་བ་བཏབ་པས། ཨོཾ་བཛྲི་བྷ་ཝ་ཨ་བྷི་ཥིཉྩ་ཧཱུྃ། ཞེས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་ཡབ་ཡུམ་གཉིས་ཀ་ལ་འོད་དཔག་མེད་དང་། འཁོར་རྣམས་ལ་གཙོ་བོས་དབུ་བརྒྱན། རང་གི་སྙིང་ཁར་སྔགས་ཀྱི་ཕྲེང་བ་<span class="tibetan_small">བསྒོམ་ལ།</span> ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ནཱ་ཡ་ཀ་ཧཱུྃ་ཧཱུྃ་ཕཊ། ཧཱུྃ་མ་གུ་ཡེ་སྭཱ་ཧཱ། <span class="tibetan_small">ཞེས་ཅི་ནུས་བཟླའོ། </span><br /><span class="tibetan_small">།མདུན་བསྐྱེད་བསང་སྦྱང་།</span> སྟོང་པའི་ངང་ལས་ཨེ་ལས་<span class="tibetan_small">ཞེས་པ་ནས།</span> གཙོ་བོས་དབུ་བརྒྱན་<span class="tibetan_small">གྱིས་བར་བདག་བསྐྱེད་དང་འདྲ་བ་ལས་བདག་ཉིད་ཅེས་པའི་ཚིག་བོར་བ་ནི་ཁྱད་པར་རོ།</span> <br />།ཨོཾ་གུ་རུ་མ་ཧཱ་ཀཱ་ལ་ས་པ་རི་ཝཱ་རེ་བྷྱཿ ཨརྒྷཾ་པྲ་ཏཱིཙྪ་སྭཱ་ཧཱ། <span class="tibetan_small">ནས་</span> ཤབྡ་<span class="tibetan_small">འི་བར་གྱིས་མཆོད།</span><br />བླ་མ་མགོན་པོ་དབྱེར་མེད་བདེ་ཆེན་གསུང་། །རྒྱལ་བ་ཀུན་གྱི་རང་བཞིན་འོད་དཔག་མེད། །ཆོས་རྗེ་འགྲོ་བའི་མགོན་མཛད་སྤྱན་རས་གཟིགས། །དབང་གི་སྐུར་སྟོན་ནག་པོ་ཆེ་ལ་བསྟོད། <br /><span class="tibetan_small">།མདུན་བསྐྱེད་ཀྱི་བཟླས་པའི་དམིགས་པ་གསལ་བཏབ་ལ། བཟླས་པ་ཅི་འགྲུབ་ཏུ་བྱ། གཏོར་མ་བྱིན་རླབས་ནག་པོའི་སྐབས་དང་འདྲ། སྙིང་པོའི་མཐར།</span> ཨི་དཾ་བ་ལིཾ་ཏ་གྲྀཧྞ་གྲྀཧྞ་ཧཱུྃ་ཧཱུྃ་ཕཊ། <span class="tibetan_small">ཅེས་ཕུལ། གོང་བཞིན་མཆོད་བསྟོད། །ཀྱིས་འདོད་དོན་གསོལ་བ་བཏབ། </span><br /><span class="tibetan_small">འོག་ནས་འབྱུང་བ་ལྟར་སློབ་མ་བྱིན་རླབས་ཇི་ལྟར་བྱེད་པ་ཐམས་ཅད་རང་གིས་ཀྱང་བདག་འཇུག་གི་ཚུལ་དུ་དམིགས་པས་བླང་བར་བྱའོ། </span><br /><span class="tibetan_small">།སློབ་མ་རྣམས་ཀྱི་སྔོན་འགྲོའི་བྱ་བ་ཡན་ཆད་ནག་པོའི་སྐབས་དང་འདྲ་བ་ལས། སེམས་བསྐྱེད་གསལ་གདབ་སྐབས།</span> <br />མགོན་དམར་དབང་གི་རྒྱལ་པོའི་བཀའ་ཟབ་མོ་<span class="tibetan_small">ཞེས་དང་།</span> གསན་བྱའི་ཆོས། འཆི་མེད་རྡོ་རྗེའི་སྐུ་བརྙེས་པའི་གྲུབ་ཆེན་སྒྲ་གཅན་འཛིན་སྦས་པའི་རྡོ་རྗེས་མཁས་གྲུབ་ཁྱུང་པོ་ཚུལ་ཁྲིམས་མགོན་པོ་ལ་སྩལ་བའི་མྱུར་མཛད་ཡེ་ཤེས་ཀྱི་མགོན་པོ་ཞི་བ་ནོར་སྒྲུབ་ཀྱི་སྐོར་ལས། མགོན་དམར་དབང་གི་རྒྱལ་པོ་འདི་ནི། གསུང་རྡོ་རྗེ་འོད་དཔག་མེད་ཀྱི་ངོ་བོ་བྱིན་རླབས་ཤིན་ཏུ་མྱུར་ཞིང་ཚེ་དང་དབང་གི་ལས་སྒྲུབ་པ་ལ་གཞན་ལས་མྱུར་ཞིང་སྟོབས་ཆེ་བ། རྩ་བའི་མགོན་པོ་མཐིང་ག་ནང་ལྟར་དུ་སྒྲུབ་པ་ཡིན་ཅིང་ཞག་བདུན་ཙམ་བསྒྲུབས་པས་ཞལ་སྟོན་པར་གསུངས་པ་སོགས་ཡོན་ཏན་ཚད་མེད་པ་དང་ལྡན་པ་འདི་ཉིད་ཀྱི་རྗེས་གནང་<span class="tibetan_small">སོགས་སྦྱར་ལ། གསོལ་གདབ་ནས་རྒྱུན་བཤགས་ཡན་གྲུབ་པ་དང་།</span> ཁྱེད་རང་གི་སྙིང་གར་ཟླ་བའི་སྟེང་དུ། རྡོ་རྗེ་དཀར་པོ་རྩེ་ལྔ་པ་གསལ་བཏབ་ལ་འདིའི་རྗེས་ཟློས་མཛོད། ཨོཾ་སརྦ་ཡོ་ག་ཙིཏྟ་ཨུཏྤཱ་ད་ཡཱ་མི། <span class="tibetan_small">ལན་གསུམ།</span> <br />གསང་སྔགས་འབྱུང་བ་དཀོན་པར་བསྟན་པ་འདི་ལ་གསན་པས་ཁྱབ་པར་གདའ་སྟེ། <br />འཇིག་རྟེན་དུ་ནི་ཀུན་མཁྱེན་དག །རེས་འགའ་འབྱུང་ངམ་མི་འབྱུང་སྲིད། །ཨུ་དུམ་ཝཱ་རའི་མེ་ཏོག་ལྟར། །བརྒྱ་ལམ་ན་ནི་རེས་འགའ་འབྱུང་། །གསང་སྔགས་སྤྱོད་ཚུལ་འབྱུང་བ་ནི། །དེ་བས་ཀྱང་ནི་ཤིན་ཏུ་དཀོན། །གཉིས་མེད་ཟབ་མོའི་སྤྱོད་ཚུལ་འདིས། །སེམས་ཅན་སངས་རྒྱས་བྱེད་པའོ། <span class="tibetan_small">།ཞེས་བརྗོད།</span> <br />དེ་ནས་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ཀྱི་ཐུགས་རྒྱུད་བསྐུལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་མྱུར་མཛད་ཡེ་ཤེས་ཀྱི་མགོན་པོའི་རྣམ་པར་སྤྱན་དྲངས། ཁྱེད་རང་རྣམས་ཀྱི་སྤྱི་བོ་ནས་ཞུགས་ཏེ་གཉིས་སུ་མེད་པར་ཐིམ། <span class="tibetan_small">རོལ་ཆེན་བྱ། </span><br /><span class="tibetan_small">སྙིང་པོའི་མཐར།</span> ཨཱ་ཝེ་ཤ་ཡ་ཨཱཿཨཱཿཨཱཿ <span class="tibetan_small">ཞེས་ལན་བདུན་ནམ། ཉི་ཤུ་རྩ་གཅིག་ཙམ་བཟླ།</span> <br />དེའི་རྐྱེན་གྱིས་ཁྱེད་རང་རྣམས་སྐད་ཅིག་ཙམ་གྱིས་མགོན་དམར་དབང་གི་རྒྱལ་པོའི་སྐུར་གྱུར་པ་ནི། སྐུ་མདོག་དམར་པོ། གྲི་ཐོད་ཌཱ་མ་རུ་རྩེ་གསུམ་ལྕགས་ཀྱུ་ཞགས་པ་རྣམས་འཛིན་པ། ཡུམ་པདྨ་མཁའ་འགྲོ་མ། གྲི་ཐོད་འཛིན་པས་འཁྱུད་པར་གྱུར། <br />ལྷ་ངོ་བསྟན་པ་ནི། འདི་ན་མྱུར་མཛད་ཡེ་ཤེས་ཀྱི་མགོན་པོའི་དཀྱིལ་འཁོར་བཞུགས་པ་ལགས་ཏེ། ཆོས་འབྱུང་མཐིང་གའི་དབུས་སུ་ནས། བརྩེགས་པའི་སྟེང་དུ་མགོན་དམར་དབང་གི་རྒྱལ་པོ་བཞུགས་པ་ནི་པདྨ་རཱ་ག་ལྟར་དམར་བ་<span class="tibetan_small">ཞེས་པ་ནས།</span> ཚོགས་ཐམས་ཅད་ཀྱིས་བསྐོར་བ། དེ་ཐམས་ཅད་ཀྱང་རྩ་བའི་བླ་མ་དང་དབྱེར་མེད་པར་མོས་མཛོད། <br />དབང་གི་དངོས་གཞི་ནི། བླ་མ་མགོན་པོ་དབྱེར་མེད་ལ་མོས་གུས་དུང་བ་བྱས་པས། དེའི་སྤྱི་བོའི་ཨོཾ་དཀར་པོ་ལས་མགོན་པོ་སྐུ་མདོག་དཀར་པོ། སྐུ་ཆུང་ལ་ཡན་ལག་རགས་པ་དཔག་ཏུ་མེད་པ་བྱུང་ནས། ཁྱེད་རང་རྣམས་ཀྱི་སྤྱི་བོར་ཐིམ་པས་བུམ་པའི་དབང་ཐོབ་པར་གྱུར། <span class="tibetan_small">རོལ་མོའི་སྒྲ་བྱ།</span> <br />ཡང་མགྲིན་པའི་ཨཱཿདམར་པོ་ལས་མགོན་པོ་སྐུ་མདོག་དམར་པོ། སྐུ་ཆུང་ལ་ཡན་ལག་རགས་པ་དཔག་ཏུ་མེད་པ་ཆད་ནས། ཁྱེད་རང་རྣམས་ཀྱི་མགྲིན་པར་ཐིམ་པས་གསང་དབང་ཐོབ། <span class="tibetan_small">རོལ་མོ། དེ་བཞིན་དུ་སྦྱར་ནས།</span> <br />ཐུགས་ཀའི་ཧཱུྃ་སྔོན་པོ་ལས། སྔོན་པོ་སྙིང་གར། <span class="tibetan_small">རོལ་མོ།</span><br />ཡང་གནས་གསུམ་གྱི་ཡི་གེ་འབྲུ་གསུམ་ལས་དཀར་དམར་མཐིང་གསུམ། གནས་གསུམ་ཀར་དུ། ཚིག་དབང་རིན་པོ་ཆེ། <span class="tibetan_small">རོལ་མོ།</span> དེ་རྣམས་ཕྱིའི་དབང་བཞི་ལགས། <br />དེ་ནས་ཡང་བླ་མ་མགོན་པོ་དབྱེར་མེད་ལ་མོས་གུས་དུང་བ་བྱས་པས། མགོན་པོ་ཡབ་ཡུམ་རང་གི་སྤྱི་བོར་བྱོན། བྱང་ཆུབ་སེམས་ཀྱི་ངོ་བོ་འོད་དུ་ཞུ། ཁྱེད་རང་རྣམས་ཀྱི་སྤྱི་བོ་ནས་ཞུགས། སྨིན་མཚམས་ཡན་ཆད་གང་། བུམ་དབང་ཐོབ། མགྲིན་པ་ཡན་ཆད་གང་། གསང་དབང་ཐོབ། སྙིང་ཁ་ཡན་ཆད་གང་། ཤེས་རབ་ཡེ་ཤེས་ཀྱི་དབང་ཐོབ། ལུས་ཐམས་ཅད་གང་། ཚིག་དབང་རིན་པོ་ཆེ་བཞི་པ་ཐོབ་པར་མོས་མཛོད། དེ་དག་ནི་ནང་སྐུ་དངོས་ཀྱི་དབང་བཞིའོ། <br /><span class="tibetan_small">།གཏོར་མ་མགོན་པོར་གསལ་བ་སློབ་མའི་སྤྱི་བོར་བཞག་ལ།</span> <br />ཨོཾ། གཟི་བརྗིད་དཔལ་འབར་མགོན་པོ་ཡབ་ཡུམ་སྐུ། །ངོ་མཚར་ལྷུན་གྲུབ་དམ་རྫས་གཏོར་མ་འདི། །དམ་ལྡན་རིགས་ཀྱི་བུ་ལ་དབང་བསྐུར་བས། །མི་འགྱུར་རྡོ་རྗེའི་སྐུ་ལ་ལོངས་སྤྱོད་ཤོག <br /><span class="tibetan_small">།སྙིང་པོའི་མཐར།</span> ཀཱ་ཡ་བཛྲ་ཨ་བྷི་ཥེཉྩ་ཧཱུྃ། <br />དེས་བུམ་པའི་དབང་བསྐུར་ཐོབ་པ་ཡིན་ནོ། <span class="tibetan_small">།ཐོད་པ་བདུད་རྩིས་གང་བ་མགྲིན་པར་གཏད།</span> <br />ཨ། ཟབ་མོ་གསང་སྔགས་མགོན་པོ་ཡབ་ཡུམ་གསུང་། །བདེ་ཆེན་སྣོད་བཅུད་ཟག་མེད་བདུད་རྩི་འདིས། །དམ་ལྡན་རིགས་ཀྱི་བུ་ལ་དབང་བསྐུར་བས། །འགག་མེད་ཚངས་དབྱངས་གསུང་ལ་ལོངས་སྤྱོད་ཤོག །ཀཱ་ཡ་བཛྲི<span class="tibetan_small">འི་གནས་སུ།</span> ཝཱ་ཀ་བཛྲ༴ དེས་གསང་བའི་དབང་བསྐུར་ཐོབ་པ་ཡིན་ནོ། <br /><span class="tibetan_small">།སིནྡཱུ་རའི་དཀྱིལ་འཁོར་སྙིང་ཁར་གཏད་ལ།</span> <br />ཧཱུྃ། གཟུང་འཛིན་ཀུན་བྲལ་མགོན་པོ་ཡབ་ཡུམ་ཐུགས། །དྲི་མེད་སྣང་སྟོང་མེ་ལོང་ཡེ་ཤེས་འདིས། །དམ་ལྡན་རིགས་ཀྱི་བུ་ལ་དབང་བསྐུར་བས། །རྣམ་དག་ཡེ་ཤེས་ཐུགས་ལ་ལོངས་སྤྱོད་ཤོག །ཙིཏྟ་བཛྲ༴ དེས་ཤེས་རབ་ཡེ་ཤེས་ཀྱི་དབང་ཐོབ་པ་ཡིན་ནོ། <br /><span class="tibetan_small">།འདི་སྐབས་སུ་ཡིག་རྙིང་ལས་མ་བཤད་ཀྱང་། སློབ་མ་ལ་ནང་མཆོད་བླུད་པ་དང་། སྙིང་གར་སིནྡཱུ་རའི་ཐིག་ལེ་རེ་མཛད་པ་ཕྱག་ལེན་ལ་གནང་ངོ་།</span> <br />།དེ་ནས་ཁྱེད་རང་རྣམས་རིག་པ་རྟེན་མེད་ཀྱི་ངང་དུ་མཉམ་པར་ཞོག་ཅིག <br />ཧོ། ཆོས་དབྱིངས་མཐའ་བྲལ་སྤྲོས་པ་རབ་ཞིའི་ངང་། །རང་རིག་ཡེ་ཤེས་ཏིང་འཛིན་ཀློང་ཡངས་འདིས། །དམ་ལྡན་རིགས་ཀྱི་བུ་ལ་དབང་བསྐུར་བས། །ཆོས་དབྱིངས་ཡང་དག་དོན་ལ་ལོངས་སྤྱོད་ཤོག །ཛྙཱ་ནཱ་བཛྲ༴ དེས་ཚིག་དབང་བཞི་པ་ཐོབ་པ་ཡིན་ནོ། །དེ་དག་ནི་གསང་བ་དམ་རྫས་ཀྱི་དབང་བཞི་ཡིན་ནོ། <br />བླ་མ་མགོན་པོ་དབྱེར་མེད་ཀྱི་ཐུགས་ཀ་ནས། སྔགས་ཀྱི་ཕྲེང་བའི་ཚོགས་རྣམས་བྱུང་། ཁྱེད་རང་རྣམས་ཀྱི་སྙིང་ཁར་ཐིམ་པར་མོས་ལ་འདིའི་རྗེས་ཟློས་མཛོད། <span class="tibetan_small">སྙིང་པོ་ལན་གསུམ།</span> <br />སློབ་དཔོན་ལ་མེ་ཏོག་འཐོར་བཞིན་པས་འདིའི་རྗེས་ཟློས་མཛོད། <br />བཅོམ་ལྡན་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། <br />།སླར་ཡང་མེ་ཏོག་རྣམས་སྔགས་ཀྱི་ཕྲེང་བར་བྱིན་གྱིས་བརླབས་ལ། ཁྱེད་རང་རྣམས་ལ་གཏོར་བས། སྔགས་ནུས་པ་མཐུ་ཅན་དུ་མོས་མཛོད། <br />བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། <span class="tibetan_small">།ལན་གསུམ།</span> <br />དེ་དག་གི་གནས་སྐབས་སུ་ཐོབ་པའི་དམ་ཚིག་དང་<span class="tibetan_small">ཞེས་སོགས། </span><br /><span class="tibetan_small">སློབ་མའི་རྗེས་ཀྱི་ཆོ་ག་རྣམས་ནི། མགོན་ནག་གི་སྐབས་སུ་བཤད་པ་ཁོ་ནས་གྲུབ་བོ། །ཆོ་གའི་རྗེས་ཆོག་ཀྱང་དེ་དང་མཚུངས་སོ། །མགོན་དམར་གྱི་སྒྲུབ་ཐབས་རྩ་བ་འདི་ཡིན་ཅིང་། ཚེ་སྒྲུབ་ནི་འདིའི་ལས་ཁ་ཚར་གྱི་ལྷ་ཡིན་པར་ཤེས་པར་བྱའོ།</span><br /><span class="tibetan_small">།དབང་སྡུད་ཀུན་ལས་ཆེས་དགའ་བ། །རྨད་བྱུང་སྒྲུབ་ཐབས་སྙིང་པོ་འདི། །ཡིག་རྙིང་མ་གཏོགས་ཕྱིས་བྱུང་གི །ལག་ལེན་དཀོན་ཕྱིར་བྲིས་པ་ཡིན། །མགོན་དམར་དབང་གི་རྒྱལ་པོའི་སྒྲུབ་ཐབས་ཀྱི་ལེ་ཚན་ནོ།། །།མངྒ་ལཾ།།</span><br /><br />Initiation of the Green Protector<br /><br />༼༄༅། །མགོན་ལྗང་ཚེ་བདག་གི་སྒྲུབ་ཐབས།།༽<br /><span class="tibetan_small">ན་མོ་གུ་རུ། </span><br /><span class="tibetan_small">ཚེ་དཔག་མེད་དང་སྤྱན་རས་གཟིགས། །མྱུར་མཛད་མགོན་པོ་ཞེས་བྱ་བ། །དེ་ལ་བཏུད་ནས་སྒྲུབ་ཐབས་བཤད། </span><br /><span class="tibetan_small">།འདིར་མགོན་བཀའ་ལྔ་པ་མགོན་ལྗང་ཚེ་བདག་གི་སྒྲུབ་ཐབས་ནི། སྟེགས་བུའི་སྟེང་དུ་ཆོས་འབྱུང་ལྗང་གུ་མེ་རི་ཅན། དབུས་སུ་ལྷ་གྲངས་དང་མཉམ་པའི་ཚོམ་བུ་བཀོད། དེའི་སྟེང་དུ་མཉྫི་ལ་དཔལ་གཏོར་ནོར་གཟུགས་མ་རྒྱན་གྱིས་བརྒྱན་ལ་བཞག གཡོན་དུ་མཉྫིའི་སྟེང་དུ། ནང་མཆོད་ཀ་པཱ་ལ་བདུད་རྩིས་གང་བ་དང་། དེའི་སྟེང་དུ་སིནྡཱུ་རའི་དཀྱིལ་འཁོར་མགོན་དམར་གྱི་སྐབས་དང་འདྲ་བར་བྲིས་ལ། དར་ལྗང་གི་གུར་ཕུབ། གཡས་སུ་བུམ་པ་སྤྱི་དང་མཐུན་པར་བཤམས། མཆོད་གཏོར་བཤམ་ཚུལ་སྤྱི་དང་འདྲ། མཆོད་པ་བྱིན་རླབས་སྔོན་དུ་འགྲོ་བས། སྐྱབས་སེམས་ཚད་མེད་བཞི་རྣམས་བསྒོམ།</span> སྭ་བྷཱ་ཝ<span class="tibetan_small">ས་སྟོང་པར་སྦྱང་།</span> <br />སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་དབུས་སུ། དུར་ཁྲོད་ཆེན་པོ་བརྒྱད་ཀྱིས་བསྐོར་བའི་ནང་། གཞལ་མེད་ཁང་ཕོ་བྲང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས། ཙན་དན་གྱི་ལྗོན་པའི་དྲུང་དུ། ཨེ་ལས་བྱུང་བའི་ཆོས་ཀྱི་འབྱུང་གནས་ལྗང་གུ། དེའི་དབུས་སུ་པྃ་ལས་པདྨའི་ལྟེ་བར་ཉི་མ་དང་བགེགས་ཀྱི་རྒྱལ་པོའི་གདན་ལ། རང་སེམས་ཧཱུྃ་ལས་གྲི་གུག་ཧཱུྃ་གིས་མཚན་པ་ཡོངས་སུ་གྱུར་པ་ལས། རང་ཉིད་མྱུར་མཛད་ཡེ་ཤེས་ཀྱི་མགོན་པོ་སྐུ་མདོག་ལྗང་གུ་ཞལ་གཅིག་ཕྱག་དྲུག་པ། ཕྱག་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་ཡུམ་ལ་འཁྱུད་པ། བར་པ་གཉིས་ཀྱིས་ཅང་ཏེའུ་དང་ཏྲི་ཤུ་ལ་འཛིན་པ། ཐ་མ་གཉིས་ཀྱིས་བགྲང་ཕྲེང་དང་ཞགས་པ་བསྣམས་པ། སྤྱན་གསུམ་མཆེ་བ་གཙིགས་པ། དབུ་སྐྲ་གྱེན་དུ་བརྫེས་པ། མི་མགོའི་དབུ་རྒྱན་དང་དོ་ཤལ། རུས་པའི་རྒྱན་དྲུག་དང་སྟག་ལྤགས་དང་དྲིལ་བུ་གཡེར་ཁའི་ཕྲེང་བ་སོགས་རྒྱན་ཐམས་ཅད་ཡོངས་སུ་རྫོགས་པ། པང་དུ་ཡུམ་རྡོ་རྗེ་ཌཱ་ཀི་མ་སྐུ་མདོག་སྔོན་མོ་གྲི་གུག་དང་ཐོད་པ་འཛིན་པ། ཐོད་སྐམ་ལྔ་བཅུའི་དོ་ཤལ་ཅན་གྱིས་འཁྱུད་པ། གཙོ་བོའི་མདུན་དུ་བུདྡྷ་ཌཱ་ཀི་དཀར་མོ་འཁོར་ལོ་དང་ཐོད་ཁྲག་འཛིན་པ། ལྷོར་རཏྣ་ཌཱ་ཀི་སེར་མོ་རིན་པོ་ཆེ་དང་ཐོད་ཁྲག་འཛིན་པ། ནུབ་ཏུ་པདྨ་ཌཱ་ཀི་དམར་མོ་པདྨ་དང་ཐོད་ཁྲག་འཛིན་པ། བྱང་དུ་ཀརྨ་ཌཱ་ཀི་ལྗང་གུ་རལ་གྲི་དང་ཐོད་ཁྲག་འཛིན་པ། ཐམས་ཅད་ཀྱང་རུས་པ་དང་མི་མགོའི་ཕྲེང་བ་ཅན་སྒེག་ཅིང་ཆགས་པའི་ཉམས་ཅན། གཡོན་བརྐྱང་གི་སྟབས་ཀྱིས་བཞུགས་པའོ། །དེའི་ཕྱི་རོལ་དུ་མཁའ་འགྲོ་མ་འབུམ་སྡེ་དམ་ཅན་རྒྱ་མཚོའི་ཚོགས་དང་བཅས་པ་འཁོད་པར་གྱུར། ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ལྟེ་བར་སྭཱ། གསང་གནས་སུ་ཧཱ། རང་གི་སྙིང་ག་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་མྱུར་མཛད་ཡེ་ཤེས་ཀྱི་མགོན་པོའི་རྣམ་པར་སྤྱན་དྲངས་ཤིང་། ཁྱད་པར་ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས། མགོན་པོ་མཁའ་འགྲོའི་ཚོགས་དང་བཅས་པ་བཛྲ་ས་མཱ་ཛཿ ཀྵིཾ་<span class="tibetan_small">རིང་པོ་ཉི་ཤུ་རྩ་གཅིག་བརྗོད། དབྱངས་དང་བཅས་པའམ་མེད་ཀྱང་རུང་སྟེ།</span> <br />དཔྲལ་མགྲིན་ཐུགས་ལྟེ་གསང་གནས་ནས། །ཨོཾ་ཨཱཿཧཱུྃ་སྭཱ་ཧཱའི་ཡིག་འབྲུ་ལས། །དཀར་དམར་མཐིང་སེར་ལྗང་བ་ཡི། །འོད་འཕྲོས་ཕྱོགས་བཅུ་ཀུན་ཁྱབ་པས། །རྒྱུད་དྲུག་སེམས་ཅན་སྡིག་སྒྲིབ་སྦྱངས། །སྐྱབས་གསུམ་ཐུགས་རྗེའི་མངའ་བདག་ཅན། །ཡེ་ཤེས་སྤྱན་དྲངས་མ་ལུས་མཆོད། །ཚེ་བདག་ཕྲིན་ལས་མགོན་པོར་གྱུར། །འཕྲོ་འདུ་འོད་ཟེར་ལྔས་བསྐུལ་ཏེ། །དབུས་འགྱུར་རང་བཞིན་མཆོག་སྒྲུབ་ནས། །བསིལ་བ་ཚལ་གྱི་དུར་ཁྲོད་དུ། །དཔལ་ལྡན་འབྱོར་བཅུ་ཚེ་ཡི་བདག །ཕྱག་དྲུག་ཡེ་ཤེས་མགོན་པོའི་ཚོགས། །དུར་ཁྲོད་བརྒྱད་དང་ཉེར་བཞི་ཡི། །དམ་ཅན་འཁོར་བཅས་འདིར་འདུས་ལ། །རྣལ་འབྱོར་བདག་ལ་མཆོག་སྩོལ་ཅིག <span class="tibetan_small">།ཅེས་སྤྱན་དྲངས།</span> ཛཿཧཱུྃ་བྃ་ཧོཿ དམ་ཚིག་པ་དང་གཉིས་སུ་མེད་པར་ཐིམ། སླར་ཡང་རང་གི་སྙིང་གའམ་གནས་ལྔ་ནས་འོད་ཟེར་འཕྲོས། དབང་གི་ལྷ་རིགས་ལྔ་མདུན་གྱི་ནམ་མཁར་སྤྱན་དྲངས། <br />ཨརྒྷཾ་<span class="tibetan_small">ནས་</span> ཤབྡ་<span class="tibetan_small">འི་བར་གྱིས་མཆོད།</span><br />དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་དུ་གསོལ། ཞེས་གསོལ་བ་བཏབ། <br />ཨོཾ་བཛྲི་བྷ་ཝ་ཨ་བྷི་ཥེཉྩ་ཧཱུྃ། ཞེས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས། གཙོ་བོ་ཡབ་ཡུམ་ལ་མི་བསྐྱོད་པ། བུདྡྷ་ཌཱ་ཀི་ལ་རྣམ་སྣང་། རཏྣ་ཌཱ་ཀི་ལ་རིན་འབྱུང་། པདྨ་ཌཱ་ཀི་ལ་སྣང་མཐའ། ཀརྨ་ཌཱ་ཀི་ལ་དོན་གྲུབ་རྣམས་ཀྱིས་དབུ་བརྒྱན། <br /><span class="tibetan_small">གཏོར་མ་ནག་པོའི་མངོན་རྟོགས་ནས་འབྱུང་བ་ལྟར་བྱིན་གྱིས་བརླབ་ལ། ཡེ་ཤེས་ཀྱི་ལྷ་ལ་དམིགས་ཏེ།</span> <br />དཀྱིལ་འཁོར་གྱི་ལྷ་ཚོགས་རྣམས་ཀྱི་ལྗགས་རྡོ་རྗེའི་སྦུ་གུས་གཏོར་མ་དྲངས་ཏེ་གསོལ་བར་གྱུར། <br /><span class="tibetan_small">སྙིང་པོའི་མཐར།</span> ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། <span class="tibetan_small">ཞེས་ལན་བདུན་གྱིས་གཏོར་མ་ཕུལ།</span> <br />གུ་རུ་མ་ཧཱ་ཀཱ་ལ་བི་ཤྭ་ཌཱ་ཀ་ས་པ་རི་ཝ་ར་ཨརྒྷཾ་པྲ་ཏཱིཙྪ་སྭཱ་ཧཱ། <span class="tibetan_small">ནས་</span> ཤབྡ་<span class="tibetan_small">འི་བར་གྱིས་མཆོད་པ་འབུལ།</span> <br />བླ་མ་མགོན་པོ་དབྱེར་མེད་ཕྲིན་ལས་སྐུ། །དུས་གསུམ་སངས་རྒྱས་ཀུན་གྱི་ཕྱག་མཛད་པ། །གང་ལ་གང་འདུལ་དེ་ལ་དེར་སྟོན་པ། །ཕྱག་དྲུག་སྣ་ཚོགས་མཁའ་འགྲོ་ལ་ཕྱག་འཚལ། <span class="tibetan_small">།ཅེས་བསྟོད། བཟླས་པའི་དམིགས་པ་གསལ་བཏབ་ལ།</span> <br />ཨོཾ་བཛྲ་མ་ཧཱ་ཀཱ་ལ་ཧ་རི་ནི་ས་སརྦ་ཨ་ཡུར་ཛྙཱ་ན་སིདྡྷི་ཛཿ <span class="tibetan_small">ཅེས་ཅི་འགྲུབ་བཟླ། འདི་ལ་བདག་མདུན་དམིགས་པས་ཐ་དད་དུ་སྒོམ་པ་ཡིན་ནའང་། བསྐྱེད་ཆོག་ཕྱོགས་གཅིག་ཏུ་མཛད་པ་ཡིན་པས། དེ་ཉིད་ཀྱིས་བདག་མདུན་གཉིས་ཆར་འགྲུབ་བོ། །བུམ་པའི་ནང་དུ།</span> <br />མྱུར་མཛད་མཁའ་འགྲོ་ལྔ་དང་བཅས་པ་སྐད་ཅིག་གིས་གྲུབ་པར་གྱུར། རང་གི་སྙིང་ག་ནས་སྔགས་ཕྲེང་འོད་ཟེར་དང་བཅས་པ་འཕྲོས། མདུན་བསྐྱེད་ཀྱི་ལྷའི་ཐུགས་རྒྱུད་བསྐུལ། སྔགས་ཀྱི་འོད་ཟེར་རྣམས་གཟུངས་ཐག་ལ་འཁྲིལ་ཞིང་། བུམ་པའི་ནང་གི་བཅུད་ལ་ཐིམ། མདུན་བསྐྱེད་ཀྱི་གནས་ལྔ་ནས་འོད་ཟེར་འཕྲོས། སྣོད་བཅུད་ཐམས་ཅད་ཀྱི་བཀྲག་མདངས་དྭངས་མ་རྣམས་བདུད་རྩིའི་རྣམ་པས་བཀུག་སྟེ་ཐིམ་པར་གྱུར། <span class="tibetan_small">བུམ་པ་ལ་དམིགས་ནས་སྙིང་པོ་བརྒྱ་ཙམ་བཟླའོ། །འོག་ཏུ་སློབ་མ་ལ་ཇི་ལྟར་བྱེད་པའི་ཆོ་ག་རྣམས། སྐབས་འདིར་དམིགས་པའི་སྒོ་ནས་བདག་འཇུག་གི་ཚུལ་དུ་བླངས། སློབ་མའི་སྔོན་འགྲོའི་བྱ་བ། ཕྱག་འཚལ་ཁྲུས། མེ་ཏོག་བཀྱེ་བསྡུ་བྱས་ནས། སེམས་བསྐྱེད་གསལ་གདབ་སྐབས།</span> མགོན་ལྗང་ཚེའི་བདག་པོའི་བཀའ་ཟབ་མ། <span class="tibetan_small">ཞེས་དང་། དངོས་གཞི་ལ།</span> <br />གསན་བྱའི་ཆོས། འཕགས་ཡུལ་གྲུབ་པའི་དབང་ཕྱུག་སྒྲ་གཅན་འཛིན་སྦས་པའི་ཞལ་སྔ་ནས། མཁས་གྲུབ་ཁྱུང་པོ་རྣལ་འབྱོར་ལ་ཉེ་བརྒྱུད་དུ་སྩལ་བ་མྱུར་མཛད་ཡེ་ཤེས་ཀྱི་མགོན་པོའི་ཞི་བ་ནོར་དུ་སྒྲུབ་པའི་བྱེ་བྲག་མགོན་ལྗང་ཚེའི་བདག་པོའམ་ཕྱག་དྲུག་སྣ་ཚོགས་མཁའ་འགྲོ་ཞེས་གྲགས་པ་འདི་ནི་རྒྱ་གཞུང་ལས། བར་མཚམས་མེད་པར་ཞག་བདུན་བསྒྲུབ། །ཞལ་མཐོང་དངོས་གྲུབ་རྣམ་གཉིས་འབྱུང་། །ཚེ་འཕེལ་གཞོན་ནུའི་ལང་ཚོ་རྒྱས། །ལུང་བསྟན་འདུ་བ་རྣམ་གསུམ་འབྱུང་། <br />།ཞེས་བསྔགས་པར་མཛད་པ་མགོན་པོ་ཉིད་ཐུན་མོང་མ་ཡིན་པའི་ཚུལ་དུ་སྒྲུབ་པ། མཆོག་ཐུན་མོང་གི་དངོས་གྲུབ་སྤྱི་དང་ཁྱད་པར་ཚེ་སྤེལ་བ་ལ་མཆོག་ཏུ་བསྔགས་པའི་རྗེས་གནང་<span class="tibetan_small">སོགས་སྦྱར་ལ་མཎྜལ་འབུལ། གསོལ་བཏབ་རྣམས་མགོན་བཀའ་སྤྱི་དང་འདྲ། རྒྱས་པ་ལ་དགའ་ན། སྐྱབས་འགྲོ་སེམས་བསྐྱེད་གནང་བ་སྦྱིན་པ། རྟོག་པ་བསྡུ་བ། ཡན་ལག་ལྔ་པ། རིགས་ལྔའི་སྡོམ་བཟུང་རྣམས་བྱས་ལ། བསྡུ་ན།</span> དཀོན་མཆོག་གསུམ་ལ་བདག་སྐྱབས་མཆི། <span class="tibetan_small">།སོགས་གུར་ནས་འབྱུང་བའི་ཡན་ལག་བདུན་པ་ཁོ་ནས་འགྲུབ།</span> འཇིག་རྟེན་དུ་ནི་ཀུན་མཁྱེན་དག <span class="tibetan_small">།ཅེས་མགོན་དམར་གྱི་སྐབས་ནས་འབྱུང་བ་བཞིན་བརྗོད།</span> <br />སློབ་དཔོན་དང་མདུན་བསྐྱེད་དབྱེར་མ་མཆིས་པའི་དཀྱིལ་འཁོར་གསལ་འདེབས་པ་ནི། <br />ཨོཾ་སྭ་བྷཱ་ཝ་<span class="tibetan_small">ནས་</span> འཁོད་པར་གྱུར། <span class="tibetan_small">ཞེས་པའི་བར་མངོན་རྟོགས་བཞིན་བརྗོད།</span> དེ་ལྷ་ངོ་བསྟན་པའི་དོད་ཡིན་ནོ། <br />།ཁྱེད་རང་རྣམས་སྐད་ཅིག་ཙམ་གྱིས་མགོན་ལྗང་ཚེ་བདག་ཡབ་ཡུམ་དུ་གསལ་བའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ལྟེ་བར་སྭཱ། གསང་བར་ཧཱ། སློབ་དཔོན་གྱི་གནས་ལྔ་ནས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས། མྱུར་མཛད་ཡེ་ཤེས་ཀྱི་མགོན་པོ་མཁའ་འགྲོའི་ཚོགས་དང་བཅས་པ། འུར་འུར། ཆེམ་ཆེམ་བྱོན་པ་ཁྱེད་རང་རྣམས་ལ་སིབ་སིབ་ཐིམ་པར་མོས་མཛོད། <span class="tibetan_small">རོལ་ཆེན་དང་བཅས་པས་སྙིང་པོའི་མཐར།</span> ཨ་ཝེ་ཤ་ཡ་ཨཱཿཨཱཿཨཱཿ <span class="tibetan_small">ཞེས་བཏགས་ལ་དྲག་ཏུ་བཟླ།</span> དེ་ཡེ་ཤེས་དབབ་པའི་དོད་ཡིན་ནོ།<br />།དེ་ནས་དངོས་གཞིའི་དོན་དུ་མཎྜལ་འབུལ་དུ་བཅུག་ལ། བླ་མ་མགོན་པོ་དབྱེར་མེད་པས་བདག་ལ་དབང་བཞི་བསྐུར་དུ་གསོལ། <span class="tibetan_small">ཞེས་གསོལ་བཏབ་ལན་གསུམ་རྗེས་ཟློས་བྱེད་དུ་བཅུག</span> <br />།བུམ་བསྐྱེད་ཀྱི་ལྷའི་དཔྲལ་བ་ནས་བདུད་རྩིའི་རྒྱུན་དཀར་པོ་བྱུང་ནས། ཁྱེད་རང་རྣམས་ཀྱི་ཕྱི་ནང་གི་ནད་གདོན་སྡིག་སྒྲིབ་ཐམས་ཅད་བཀྲུས་པར་མོས་མཛོད། <br />བཀྲ་ཤིས་ཚེ་བརྟན་རྣམ་རྒྱལ་བུམ་བཟང་ན། །ཉོན་མོངས་གཏི་མུག་ཡེ་ཤེས་དག་པའི་ལྷ། །རྒྱལ་བའི་འོད་གཟུགས་སྒྲིབ་བྲལ་ལོངས་སྐུ་བཞུགས། །ཕྱག་དྲུག་ཚེ་དཔག་མེད་མགོན་དབང་བསྐུར་བས། །མེ་ལོང་ཡེ་ཤེས་འཕྲོ་འདུའི་འོད་ཟེར་ཅན། །མི་ཤིགས་རྡོ་རྗེའི་སྐུ་ཡི་དབང་ཐོབ་ཤོག <span class="tibetan_small">།སྔགས་བཟླ་བཞིན་པས། བུམ་པ་དཔྲལ་བར་རེག་ཏེ། བུམ་ཆུ་བླུད། དེ་བཞིན་དུ་འོག་མ་རྣམས་ལའང་རིགས་འགྲེས་ཏེ། ཡང་།</span> བུམ་བསྐྱེད་ཀྱི་མགྲིན་པ་ནས། བདུད་རྩི་དམར་པོ༴ ཉོན་མོངས་འདོད་ཆགས་དག་པའི་ཡེ་ཤེས་ལྷ། །རྒྱལ་བའི་ཆོས་ཕུང་བརྒྱད་ཁྲི་བཞི་སྟོང་བཞུགས། །རྩ་སྔགས་སྟོང་ཉིད་སྙིང་པོའི་དབང་བསྐུར་བས། །སོར་རྟོག་ཡེ་ཤེས་འཕྲོ་འདུའི་འོད་ཟེར་ཅན། །གསུང་དབྱངས་ཡན་ལག་དྲུག་ཅུའི་དབང་ཐོབ་ཤོག<br /><span class="tibetan_small">།མགྲིན་པར་རེག་སྟེ།</span> ཐུགས་ཀ་ནས་བདུད་རྩི་འི་རྒྱུན་སྔོན་པོ༴ ༴། །ཉོན་མོངས་ཞེ་སྡང་དག་པའི་ཡེ་ཤེས་ལྷ། །རྒྱལ་བའི་ཐུགས་མཆོག་དཔལ་གྱི་ཡེ་ཤེས་བཞུགས། །མི་འགྱུར་ལྷན་ཅིག་སྐྱེས་དགའི་དབང་བསྐུར་བས། །ཆོས་དབྱིངས་ཡེ་ཤེས༴ །རྣམ་ཀུན་ཐམས་ཅད་མཁྱེན་པའི་དབང་ཐོབ་ཤོག <br /><span class="tibetan_small">།སྙིང་གར།</span> ལྟེ་བ་ནས་བདུད་རྩི་རྩི་འི་རྒྱུན་སེར་པོ༴ ༴། ཉོན་མོངས་ང་རྒྱལ་དག་པའི་ཡེ་ཤེས་ལྷ། །རྒྱལ་བའི་ཡོན་ཏན་ཕན་བདེ་མཆོག་སྩོལ་བཞུགས། །ཆོས་ཀྱི་དབྱིངས་དང་རིག་པ་དབྱེར་མེད་པ། །མཉམ་ཉིད༴ ༴།མཐོང་ཐོས་དྲན་རེག་མྱུར་དུ་སངས་རྒྱས་ཤོག <br /><span class="tibetan_small">།ལྟེ་བར།</span> གསང་བ་ནས་བདུད་རྩིའི་རྒྱུན་ལྗང་གུ༴ ༴ །ཉོན་མོངས་ཕྲག་དོག་དག་པའི་ཡེ་ཤེས་ལྷ། །རྒྱལ་བའི་ཕྲིན་ལས་རྒྱུན་མི་འཆད་པར་བཞུགས། །ལྔ་ལྡན་གསང་རིག་གཟུངས་སྔགས་དབང་བསྒྱུར་ཏེ། །བྱ་གྲུབ་ཡེ་ཤེས་ཆེན་པོའི་དབང་བསྐུར་བས། །ལྷུན་གྲུབ་རབ་འབྱམས་རྒྱལ་བའི་ཞིང་ཐོབ་ཤོག <br /><span class="tibetan_small">།སྙིང་པོའི་སྔགས་བཟླ་བཞིན་དུ། གསང་བའི་ཕྱོགས་སུ་རེག་པ་ལྟར་བྱས། བུམ་ཆུ་བླུད། ཕྱི་མ་རྣམས་ལ་བུམ་ཆུ་འཐོར་བར་མཛད་པའི་ཕྱག་ལེན་ཡང་སྣང་ངོ་།</span><br />།དེ་དག་ནི་བུམ་པའི་དབང་ངོ་། <span class="tibetan_small">།སིནྡཱུ་རའི་དཀྱིལ་འཁོར་གྱི་མེ་ལོང་སྤྱི་བོར་གཏུག །ཐོད་པ་བདུད་རྩིས་གང་བ་སྙིང་གར་རེག་ཞིང་།</span> <br />རྒྱལ་བ་རབ་འབྱམས་རྒྱ་མཚོ་དབྱིངས་བརྒྱུད་པའི། །མཚན་ལྡན་ཐོད་པ་བདུད་རྩིས་གང་བ་དང་། །སྒྲིབ་བྲལ་སྣང་སྟོང་ཟུང་འཇུག་མེ་ལོང་ལ། །སིནྡཱུར་ཆོས་འབྱུང་མཁའ་འགྲོའི་གཞལ་ཡས་ནས། །བདེ་སྟོང་ས་བོན་ཕྱག་ཚན་རྩ་སྔགས་ལྷས། །སྐལ་ལྡན་རིགས་ཀྱི་བུ་ལ་དབང་བསྐུར་རོ། <span class="tibetan_small">།རྩ་སྔགས་བརྗོད་ཅིང་སིནྡཱུ་རས་དཔྲལ་བར་ཐིག་ལེ་བྱ། ནང་མཆོད་བདུད་རྩི་སྦྱིན་ནོ།</span> །དེ་ནི་གསང་བའི་དབང་ངོ་། <span class="tibetan_small">།དེ་ནས་འདི་སྐད་ཅེས་བརྗོད་དེ།</span> <br />གསང་ཡུམ་རྡོ་རྗེ་མཁའ་འགྲོ་མས། །ལྷ་མོ་སྤྲོས་ཏེ་བུ་ལ་གཏད། །སྙོམས་པར་ཞུགས་པའི་བདེ་བས་གང་། །ཐབས་དང་ཤེས་རབ་དབྱེར་མེད་གྱུར། །གང་འདུལ་ལྷ་སྐུ་མཐའ་ཡས་སུ། །སེམས་ཅན་དོན་དུ་བྱེད་གྱུར་ཅིག <br /><span class="tibetan_small">།རྩ་སྔགས་བརྗོད་ལ། དེའི་དོན་བསྒོམ་དུ་གཞུག་གོ</span> །དེ་ནས་ཤེས་རབ་ཡེ་ཤེས་ཀྱི་དབང་ངོ་། <span class="tibetan_small">།ཕྱག་རྒྱ་ཆེན་པོའི་དོན་བསྒོམ་དུ་བཅུག་སྟེ།</span> <br />སྤྲོས་པའི་མཐའ་བྲལ་གཅེར་མཐོང་རང་རིག་འདི། །ནམ་མཁའ་ཆོས་ཀྱི་དབྱིངས་དང་མཉམ་སྦྱོར་བ། སྐལ་ལྡན་རིགས་ཀྱི་བུ་ལ་དབང་བསྐུར་བས། །མ་རིག་འཁོར་བའི་སྡུག་བསྔལ་རྒྱུད་དྲུག་དང་། །འཁྲུལ་རྟོག་ཉོན་མོངས་དུག་ལྔ་རྩད་ཆོད་ནས། །སྐྱབས་གསུམ་ཀུན་འདུས་གོ་འཕང་མཆོག་ཐོབ་ཤོག ཨོཾ་དྷ་རེ་དྷ་རེ་དྷ་ར་ཎ་བྷ་ཏེ་སྭཱ་ཧཱ། <span class="tibetan_small">ཞེས་མེ་ཏོག་གཏོར། </span><br /><span class="tibetan_small">རྒྱས་པ་ལ་སྤྲོ་ན། བཀྲ་ཤིས་བཀའ་རྒྱ་མ་བརྗོད་ཅིང་། མདོར་བསྡུ་ན།</span> ཉིན་མོ་བདེ་ལེགས་<span class="tibetan_small">སོགས་ཤློ་ཀ་གཅིག་བརྗོད། </span><br /><span class="tibetan_small">གཏོར་མའི་བཀའ་བསྒོ་བ་ནི། སྤྱི་བོར་བཟུང་ལ།</span> གཏོར་མ་འདི་ཉིད་བླ་མ་མགོན་པོ་དབྱེར་མེད་དུ་གསལ་བའི་མཐའ་སྐོར་དུ་སངས་རྒྱས་བྱང་ཆུབ་སེམས་དཔའི་ཚོགས་ཀྱིས་བསྐོར་བར་མོས། རང་གི་སྤྱི་བོར་བྱོན། བླ་མ་མགོན་པོ་དབྱེར་མེད་ཀྱི་སྐུ་ཕྲ་མོ་དཔག་ཏུ་མེད་པ་བྱུང་སྟེ། ཁྱེད་རང་རྣམས་ཀྱི་ལུས་ལ་སིབ་སིབ་ཐིམ་པའི་མོས་པ་མཛོད་ཅིག །དཔལ་མྱུར་མཛད་ཡེ་ཤེས་ཀྱི་མགོན་པོ་ལྗང་གུ་ཚེའི་བདག་པོ་སྣ་ཚོགས་མཁའ་འགྲོ་འཁོར་མཁའ་འགྲོ་མ་བྱེ་བ་འབུམ་སྡེའི་ཚོགས་དང་བཅས་པ་སོགས་མགོན་དཀར་ལྟར་ལ། ཐོགས་མེད་དུ་བསྒྲུབ་པ་དང་། ཁྱད་པར་དུ་ཚེ་ལ་གནོད་པའི་བར་དུ་གཅོད་པ་ཐམས་ཅད་སྲུང་ཞིང་ཟློག་པ་དང་། འཆི་བ་མེད་པ་རྡོ་རྗེ་ཚེའི་དངོས་གྲུབ་སྩལ་བར་མཛད་དུ་གསོལ། <span class="tibetan_small">ཅེས་རོལ་མོ་དང་བཅས་ཏེ་བཀའ་བསྒོ་བྱ། དེ་ནས་སྔགས་ཀྱི་བཟླས་ལུང་ནི།</span> <br />བླ་མ་མགོན་པོ་དབྱེར་མེད་ཀྱི་ཐུགས་ཀ་ནས། སྔགས་ཀྱི་ཕྲེང་བའི་ཚོགས་བྱུང་། ཁྱེད་རང་རྣམས་ཀྱི་སྙིང་ཁར་ཐིམ་པར་མོས་ལ་འདིའི་རྗེས་ཟློས་མཛོད། <span class="tibetan_small">སྙིང་པོ་ལན་གསུམ།</span> སློབ་དཔོན་ལ་མེ་ཏོག་འཐོར་བཞིན་པས་འདིའི་རྗེས་ཟློས་མཛོད། <br />བཅོམ་ལྡན་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། <br /><span class="tibetan_small">།སླར་ཡང་མེ་ཏོག་རྣམས་སྔགས་ཀྱི་ཕྲེང་བར་བྱིན་གྱིས་བརླབས་ལ།</span> <br />ཁྱེད་རང་རྣམས་ལ་གཏོར་བས། སྔགས་ནུས་པ་མཐུ་ཅན་དུ་མོས་མཛོད། བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། <span class="tibetan_small">།ལན་གསུམ།</span> <br />དེ་དག་གི་གནས་སྐབས་སུ་ཐོབ་པའི་དམ་ཚིག་དང་། <span class="tibetan_small">།ཞེས་སོགས། སློབ་མའི་རྗེས་ཀྱི་ཆོ་ག་དང་། དཀྱིལ་འཁོར་གྱི་རྗེས་ཀྱི་ཆོ་ག་རྣམས་ནི་མགོན་ནག་གི་སྐབས་སུ་བརྗོད་ཟིན་པ་ལྟར་རོ།</span><br /><span class="tibetan_small">།ཀུན་ལས་ཟབ་མོའི་ཚེ་སྒྲུབ་ནི། །བར་ཆད་བསྲུང་ཐབས་དགའ་བའི་ཏོག །མགོན་ལྗང་སྒྲུབ་ཐབས་སྙིང་པོ་འདི། །གཞན་ལ་ཕན་ཕྱིར་སྦྱར་བ་ཡིན། །མགོན་ལྗང་ཚེ་བདག་གི་སྒྲུབ་ཐབས་ཀྱི་ལེ་ཚན་ནོ།། །།མངྒ་ལཾ།། །།</span><br /><br />Lama Gönpo yerme<br /><br />༼༄༅། །བླ་མ་མགོན་པོ་དབྱེར་མེད་རྗེས་གནང་།།༽<br /><span class="tibetan_small">ཨོཾ་སྭ་སྟི། </span><br /><span class="tibetan_small">རྩ་བརྒྱུད་བླ་མ་རྡོ་རྗེ་ཅན། །ཡེ་ཤེས་མགོན་པོའི་སྐུར་སྣང་བ། །ཞབས་ཀྱི་པད་མོར་ཕྱག་བྱས་ཏེ། །བླ་མགོན་དབྱེར་མེད་རྗེས་གནང་བཤད།</span><br /><span class="tibetan_small">།གནས་དབེན་པར་ས་གཞིར་ཆག་ཆག་དང་ཕྱག་དར་ལེགས་པར་བྱས། དཀོན་མཆོག་གི་རྟེན་དང་ཁྱད་པར་མགོན་པོའི་བྲིས་སྐུ་སོགས་ལེགས་པར་བཤམ། ས་གཞི་དྲི་བཟང་གིས་བྱུགས་པར་ཇི་ཙམ་འཚམས་པའི་ཐིག་གྲུ་བཞི་བཏབ། དེ་གཉིས་ཀྱི་བར་ནག་པོ་བྱས་པ་ལ་དུར་ཁྲོད་གཅིག་བྲིས། དེའི་ནང་དུ་ཟླུམ་པོ་གཉིས་སྐོར། ཟླུམ་སྐོར་དང་གྲུ་བཞིའི་བར་ཤར་དཀར་ལྷོ་སེར་ནུབ་དམར་བྱང་ལྗང་བ་བྱས་ལ་ཟླུམ་སྐོར་གཅིག་གི་བར་སྔོན་པོ། ཟླུམ་པོའི་ནང་ལྗང་ཁུར་བྱས་པའི་དབུས་སུ་ཆོས་འབྱུང་མཐིང་ནག་གྲུ་གསུམ་མེ་རི་དང་བཅས་པའི་དབུས་སུ་ཧཱུྃ་ངམ་གྲི་གུག་གི་ལྟེ་བ་ལ་ཧཱུྃ་གིས་མཚན་པ་བྲིས། དེའི་སྟེང་དུ་མཉྫིའི་ཁར་ནས་ནག་རྗེན་བཏགས་ལས་བྱས་པའི་གཏོར་མ་དཔལ་བཤོས་ཟུར་གསུམ་པ་ལ་མཐའ་མཐེབ་སྐྱུས་བསྐོར་བ་རྒྱན་དང་བཅས་པ་ལ་མདའ་དར་མེ་ལོང་མགོན་པོའི་ཙཀླི་བཏགས་པ་བཙུགས་ལ་བཞག །མཐའ་མཆོད་པ་དང་གཏོར་མ་སྤྱན་གཟིགས་སྣ་ཚོགས་པས་བསྐོར། སྔོན་གཏོར་གནས་ཡོ་བྱིན་རླབས། ཡི་དམ་སྒོམ་བཟླས་སོགས་ནས་བརྩམས། མདུན་བསྐྱེད་སྒྲུབ་ཚུལ་རྩ་བ་བར་ཆད་ཀུན་སེལ་གྱི་སྐབས་སུ་བཤད་པ་ཇི་ལྟ་བ་བཞིན་ལ། ཁྱད་པར་གསོལ་འདེབས་གོང་དུ།</span> <br />མགོན་པོའི་དབུ་གཙུག་ཏུ་དྲིན་ཅན་རྩ་བའི་བླ་མ་སྐུ་མདོག་སེར་པོ་ཉི་མ་འབུམ་གྱི་གཟི་བརྗིད་དང་ལྡན་པ། ཕྱག་གཡས་ཡིད་བཞིན་གྱི་ནོར་བུ་ཐུགས་ཀར་གཏོད་ཅིང་། གཡོན་གསེར་གྱི་དྲིལ་བུ་དཀུར་བརྟེན་པ། རྡོ་རྗེའི་སྐྱིལ་ཀྲུང་གིས་བཞུགས་ཤིང་རྒྱན་ཐམས་ཅད་ཀྱིས་བརྒྱན་པ། རྡོ་རྗེ་འཆང་ནས་བརྩམས་ཏེ་བརྒྱུད་པའི་བླ་མ་ཐམས་ཅད་ཀྱི་ངོ་བོར་གྱུར་པ། བླ་མའི་སྐུ་ལས་འོད་འཕྲོས། མགོན་པོ་འོད་དང་བདེ་བའི་རང་བཞིན་དུ་འུར་འུར་སིལ་སིལ་གར་མཛད། མགོན་པོ་ལས་འོད་འཕྲོས། བླ་མའི་སྐུ་ལ་ཐིམ་པས། བླ་མ་འོད་དང་བདེ་བའི་རང་བཞིན་དུ་གྱུར། དྲིལ་བུ་གཡེར་ཁའི་སྒྲ་སིལ་སིལ། ཁྲོལ་ཁྲོལ་གར་མཛད། བླ་མ་ཉིད་མགོན་པོ། མགོན་པོ་ཉིད་བླ་མ། བླ་མ་དང་མགོན་པོ་དབྱེར་མེད་པར་གྱུར། བདག་དང་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་བླ་མ་མགོན་པོ་དབྱེར་མེད་ལ་གསོལ་བ་འདེབས་སོ། །མགོན་པོ་བླ་མ་དབྱེར་མེད་ལ་གསོལ་བ་འདེབས་སོ། །དྲིན་ཅན་རྩ་བའི་བླ་མ་ལ་གསོལ་བ་འདེབས་སོ། <span class="tibetan_small">།ཞེས་ལན་ཅི་རིགས་དང་།</span> <br />ན་མོ་བུདྡྷ<span class="tibetan_small">འི་གསོལ་འདེབས་ལན་བརྒྱ་རྩ་ལས་མི་ཉུང་བ་དང་། བླ་མགོན་དབྱེར་མེད་གསོལ་འདེབས་ཚིག་རྐང་ལྔ་པོའང་མང་དུ་བརྗོད་ལ། གཞུང་བསྙེན་ཁྱུག་ཙམ་མཐར། གཏོར་འབུལ་ཚིག་ལྷུག་འདོད་གསོལ་མ་སྦྱར་བ་དང་། བསྟོད་པ་ཡན་གྲུབ་པ་དང་། བདག་འཇུག་བླང་། སློབ་མ་རྣམས་ཁྲུས་བྱས། གསེར་གྱི་མཎྜལ་བཅས་མདུན་དུ་འཁོད་པ་ལ། སློབ་དཔོན་གྱིས།</span> <br />འོ་ནམ་མཁའི་མཐའ་དང་མཉམ་པའི་མ་གྱུར་སེམས་ཅན་ཐམས་ཅད་ཀྱི་དོན་དུ་འཇིག་རྟེན་དབང་ཕྱུག་སྤྱན་རས་གཟིགས་ཀྱི་གོ་འཕང་ཅི་ནས་ཀྱང་འཐོབ་པར་བྱ། དེའི་ཆེད་དུ་བླ་མ་མགོན་པོ་དབྱེར་མེད་པའི་བཀའ་ཟབ་མོ་ཞུ་བར་བགྱིའོ་སྙམ་པའི་ཐུགས་བསྐྱེད་ཁྱད་པར་ཅན་གསལ་བཏབ་ནས་གསན་འཚལ། <br />དེ་ལ་རང་ཅག་རྣམས་ཀྱིས་རྙེད་པར་བཀའ་བ་མིའི་ལུས་རྟེན་བཟང་པོ་ཐོབ། མཇལ་བར་དཀའ་བ་སངས་རྒྱས་ཀྱི་བསྟན་པ་རིན་པོ་ཆེ་དང་ནི་མཇལ། བསྟན་པའི་སྙིང་པོ་གསང་སྔགས་རྡོ་རྗེ་ཐེག་པའི་ལམ་ཉམས་སུ་བླང་དུ་ཡོད་པའི་དུས་འདིར། སྙིང་ཐག་པ་ནས་ཆོས་ལ་འབད་དགོས། ཆོས་བསྒྲུབ་པ་ལ་དེང་སང་སྙིགས་མའི་དུས་འདིར་མཐུན་རྐྱེན་ཉུང་ཞིང་འགལ་རྐྱེན་མང་བ་ཡིན་ཏེ། <br />ཡུམ་ལས། རིན་ཆེན་ཆོས་ཀྱང་དཀོན་ལ་དེ་ལ་འཚེ་བ་མང་། །ཞེས་གསུངས་པས། <br />དེའི་གཉེན་པོར་ཆོས་སྐྱོང་ཁྱད་པར་ཅན་རེ་བསྟེན་དགོས། དེ་ལ་མཉམ་མེད་ཤངས་པ་བཀའ་བརྒྱུད་པ་འདིའི་ཕྱག་བཞེས་དང་བོད་ཀྱི་ལྷ་མིན་འདྲེ་མིན་བསྟེན་པའི་ལུགས་མི་གཅིག །གྲུབ་ཐོབ་གཙང་བརྒྱུད་ཀྱི་སྲོལ་སྐྱོང་བ་ཁྱུང་པོ་རྣལ་འབྱོར་གྱི་ཆོས་ལུགས་ཡིན། ཁོང་གིས་མགོན་པོ་ཕྱག་དྲུག་པ་འདི་རྒྱ་གར་ནས་བོད་དུ་སྤྱན་དྲངས་པ་ཡིན་ཏེ། ཁྱུང་པོས་རྒྱ་གར་དུ་བྱོན་ནས། བླ་མ་མཻ་ཏྲཱི་པ་ཀོ་ས་ལ་བྷིཀྵའི་དུར་ཁྲོད་ན་བཞུགས་པ་ལ། གསེར་སྲང་བདུན་ཕུལ་ནས། ངེད་བོད་རྣམས་ལོངས་སྤྱོད་ཆུང་བ་ཡིན་པས། ནོར་སྒྲུབ་མཐུ་མྱུར་ལ་རྟགས་མཚན་ཆེ་བ་གཅིག་ཞུ་ཞུས་པས། མཻ་ཏྲཱི་པའི་ཞལ་ནས། ཡིད་བཞིན་གྱི་ནོར་བུ་ཞེས་ཀྱང་བྱ། མགོན་པོ་ཤིང་ཕུང་ཅན་ཞེས་ཀྱང་བྱ། ཙན་དན་གྱི་མགོན་པོ་ཞེས་ཀྱང་བྱ། ཐུགས་རྗེ་ཆེན་པོ་ནག་པོ་ཞེས་ཀྱང་བྱ། ཡེ་ཤེས་ཀྱི་མགོན་པོ་ཕྱག་དྲུག་ཅེས་ཀྱང་བྱ་བ། ཚེ་འདི་དང་བར་དོའི་འཇིགས་པ་ལས་སྐྱོབ་པ། ལྷ་འདྲེ་མི་གསུམ་དབང་དུ་འདུ་བ། མི་ནོར་རྫས་གསུམ་ཤུགས་ལ་འབྱུང་བ། དགྲ་ཐམས་ཅད་བརླག་པར་བྱེད་པ། ཟློག་པས་མི་ཚུགས་པ། མཆོག་ཐུན་མོང་ཐམས་ཅད་ལོ་ཟླས་འགྲུབ་པ། མཆོག་སྒྲུབ་པས་ཐུན་མོང་ཞོར་ལ་འབྱུང་བ། ཐུན་མོང་བསྒྲུབ་པས་མཆོག་ཞོར་ལ་འབྱུང་བ། གཅིག་ཡོད་པ་དེ་སྦྱིན་གསུངས་སོ། <br />།དེ་བླ་མས་སུ་ལས་ཞུས་བྱས་པས། ཁོ་བོས་དཔལ་ཤ་བ་རི་པ་ལས་ཐོབ། དཔལ་ཤ་བ་རི་པ་ཞེས་བྱ་བ་དེ་ནི་བྲམ་ཟེའི་རིགས་སུ་གྱུར་པ། དཔལ་འབྲས་སྤུངས་དང་ཉེ་བར་གྲོང་ཁྱེར་ཆེན་པོ་སུམ་ཅུ་རྩ་གཉིས་ཡོད་པའི་དབུས་ན། ཏྲི་པ་ལ་བྱ་བ་རོལ་མོ་མཁས་པའི་མཆོག་ཏུ་གྱུར་ནས། སྔོན་སངས་རྒྱས་ལ་གླུ་དང་རོལ་མོའི་མཆོད་པས་མཉེས་པར་བྱས་པ་དེ་དུར་ཁྲོད་ཆེན་པོ་བསིལ་བའི་ཚལ་གྱི་འཇག་མའི་སྤྱིལ་བུ་གཅིག་ན་སྒྲུབ་པ་མཛད་ཅིང་བཞུགས་ཡོད་པའི་ཚེ། ནམ་མཁའ་ལ་ཌཱ་མ་རུ་དང་དྲིལ་བུ་གཡེར་ཁའི་སྒྲ་ཆེན་པོ་གྲགས་ནས་གཟིགས་པ་དང་། ཡེ་ཤེས་ཀྱི་མགོན་པོ་འདི་བྱོན་ནས་རིགས་ཀྱི་བུ་ངའི་སྒྲུབ་ཐབས་ཟུང་ཞིག་གསུངས་ནས་ཤ་བ་རི་པས་སྒྲུབ་ཐབས་འདི་ཡི་གེར་བཀོད། ཡང་རྗེ་བཙུན་རྣལ་འབྱོར་མ་དང་། ཐུགས་རྗེ་ཆེན་པོ་དང་སྒྲོལ་མ་གསུམ་བྱོན་ནས་སྒྲུབ་ཐབས་ཀྱི་ལུང་གསུངས་ཏེ་བསྔགས་པར་མཛད་དོ། །དེ་ལྟ་བུའི་བླ་མ་དེ་ལྷོ་ཕྱོགས་དཔལ་གྱི་རི་ལ་བཞུགས་པའི་དུས་སུ་ཁོ་བོས་ཕྱག་རྒྱ་ཆེན་པོའི་རྒྱུད་དང་གདམས་ངག་ཞུས། དེའི་དུས་སུ་ཕྱག་དྲུག་པ་འདི་གནང་ནས་བསྒྲུབ་པས་ཞག་ཉི་ཤུ་རྩ་གཅིག་ནས་ཞལ་མཐོང་བ་ཡིན་ནོ། <br />།ད་ཁྱུང་པོ་རྣལ་འབྱོར་ཁྱོད་ཀྱིས་ཀྱང་། ཕྱག་དྲུག་པ་འདི་ལ་ནས་ནག་རྗེན་བཏགས་ཀྱི་གཏོར་མ་དང་། སྤོས་སྦྱོར་མ་ཆད་པར་གྱིས། ཁྱི་ནག་པོ་ལ་རྡོ་མ་རྡེག །ཡིད་ཆེས་པར་གྱིས་ལ་བླ་མ་དང་དབྱེར་མེད་དུ་ལྟོས། དེ་ལྟར་བྱས་པས་དངོས་གྲུབ་ཐམས་ཅད་ཚུལ་བཞིན་དུ་སྟེར་བར་འགྱུར་རོ། །ཞེས་ལུང་བསྟན་ནས་བཀའ་བསྒོ་ལན་གསུམ་གྱི་བར་མཛད་ནས་གནང་ངོ་། །གཞན་ཡང་སྔོན་བྱུང་བ་འདས་པའི་དུས་སུ་དུར་ཁྲོད་ཆེན་པོ་མུན་པ་མི་བཟད་པ་ཞེས་བྱ་བར། [[Dhanasamskrita|སློབ་དཔོན་ཆེན་པོ་དྷ་ན་སཾ་སྐྲྀ་ཏ་]]ཞེས་བྱ་བ་ལ། ཡེ་ཤེས་ཀྱི་མགོན་པོ་འདི་ཞལ་མངོན་སུམ་དུ་གཟིགས་ཤིང་། འཁོར་ཚོགས་དབང་དུ་བསྡུས་ནས་ལས་ཐམས་ཅད་བསྒྲུབ་པར་མཛད་པའི་བླ་མ་དེས། རཱ་ཧུ་ལ་གུཔྟ་བཛྲ་ལ་ཞལ་གཟིགས་ཉེ་བརྒྱུད་ཀྱི་ཚུལ་དུ་གནང་། དེས་ཁྱུང་པོ་རྣལ་འབྱོར་འཕན་ཡུལ་ཇོག་པོའི་རི་ལ་བཞུགས་དུས་རྒྱ་གར་ནས་ནམ་ལངས་པ་ལ་ཕེབས་ཏེ། བོད་དུ་ཉི་ཤར་ལ་གདམས་པ་སྒོ་སྐྱེལ་དུ་མཛད་པ་སྟེ། གྲུབ་ཐོབ་རྣམ་པ་གཉིས་ལས་བརྒྱུད་པའི་མྱུར་མཛད་ཡེ་ཤེས་ཀྱི་མགོན་པོའི་གདམས་སྐོར་ལ་རྗེས་གནང་བྱིན་རླབས་ཀྱི་བཀའ་རིགས་མི་གཅིག་པ་མང་དུ་བཞུགས་ནའང་། ཞི་དྲག་གི་སྒྲུབ་ཐབས་ཀུན་གྱི་ཟབ་གནད་སྲོག་སྙིང་ལྟ་བུ་མེད་དུ་མི་རུང་བའི་ཡན་ལག་གི་བཀའ་གསུམ་གྱི་དང་པོ་བླ་མ་མགོན་པོ་དབྱེར་མེད་འདི་ནི། གྲུབ་ཆེན་ཤ་བ་རི་པའི་ཞལ་ནས། སྔགས་དང་གསོལ་འདེབས་ཕྱེ་མར་བྱས་ཤིང་གཏོར་མ་ཕུལ་ན་ཞལ་མྱུར་དུ་སྟོན་པར་འགྱུར་རོ།<br />།དེ་ཡང་སེམས་ཅན་ཐམས་ཅད་དང་ཐུན་མོང་དུ་བྱས་ཤིང་གསོལ་བ་བཏབ་ན་མོས་གུས་ཞུང་ཞུང་བྱེད་པར་བསམ་ན་གཞན་དོན་དཔག་ཏུ་མེད་པ་འབྱུང་བར་འགྱུར་རོ། །བླ་མ་དང་མགོན་པོའི་སྐུ་གང་གསལ་བ་ལ་སེམས་བཟུང་ན་ལོངས་སྐུ་དང་སྤྲུལ་སྐུར་འཚང་རྒྱའོ། །རྟོགས་པ་སྐྱེས་ཚད་སྡོང་པོ་རྩ་བ་ནས་བཅད་པ་བཞིན་དུ་ཐག་བཅད་ན་དག་པའི་ས་གསུམ་ཐོབ་བོ། །གསོལ་བ་བཏབ་པའི་རྗེས་སམ་འགྲོ་འཆག་གང་གི་དུས་སུ་ཡང་ཅིར་སྣང་ཐམས་ཅད་གསལ་ལ་འཛིན་མེད་གླང་པོའི་ལྟ་ལྟངས་སུ་བཞག་ན་ཆོས་སྐུར་འཚང་རྒྱའོ། །མཎྜལ་དང་གཏོར་མ་བཅས་ནས་ཡིད་ཆེས་ཐེ་ཚོམ་མེད་པར་གསོལ་བ་བཏབ་ན་ཐུན་མོང་གི་དངོས་གྲུབ་སྟེར་བར་བྱེད་དོ། །མ་ཡེངས་པར་ཟླ་བ་བདུན་བསྒོམ་ན་དེ་ཉིད་དུ་འཚང་རྒྱ་བར་བྱེད་དོ། །ཐོ་རེངས་ཐུན་རེ་བསྒོམ་ན་འཆི་ཁར་གཟུགས་སྐུ་དང་ཆོས་སྐུ་ཐོབ་བོ། །དབང་དང་འབྲེལ་བ་ལན་གཅིག་ཐོབ་ན་མཚམས་མེད་པ་ལྔ་བྱས་པ་ཡང་བར་དོར་འཚང་མི་རྒྱ་མི་སྲིད་དོ། <br />།བླ་མ་མགོན་པོ་དབྱེར་མེད་ལ། །བདག་ནི་གུས་པས་སྐྱབས་སུ་མཆི། །བདག་ནི་སེམས་ཅན་ཐམས་ཅད་ཀྱི། །ཉོན་མོངས་མ་ལུས་བསལ་བར་ཤོག <br />།ཅེས་པ་ལན་གཅིག་ཐོས་པ་དང་གསེར་ལ་བྲིས་ནས་བཏགས་ན་ཡང་འཆི་ཁར་ཞལ་མཐོང་བར་འགྱུར་རོ། <br />།ཡེ་ཤེས་མགོན་པོ་མདུན་བྱོན་ནས། །བདག་འདྲ་ཤ་བ་རི་པ་ལ། །ལན་གསུམ་བར་དུ་གསུངས་ནས་ཀྱང་། །བཀའ་རྒྱས་བཏབ་ནས་མཁའ་ལ་གཤེགས། །ཨེ་མ་ངོ་མཚར་རྨད་ཀྱི་ཆོས། །ཆིག་བརྒྱུད་དག་ལས་མ་སྤེལ་ཅིག <br />།ཅེས་ཆེད་དུ་བསྔགས་ཤིང་བཀའ་རྒྱས་བཏབ་པའི་གསེར་ཆོས་ཡིན་ལ། སྤྱིར་ཆོས་སྐྱོང་གཞན་དག་ལའང་བླ་མགོན་དབྱེར་མེད་ཀྱི་ཁ་སྐད་ཙམ་རེ་མཆིས་ཀྱང་དེ་དག་ནི་ཆོས་སྐྱོང་ཡེ་ཤེས་པ་ཡིན་པར་སྒྲུབ་པ་དང་བླ་མ་ཉིད་རྩ་གསུམ་ཀུན་འདུས་སུ་ཤེས་དགོས་པའི་གཏན་ཚིག་ཙམ་ཡིན་ལ། འདི་ནི་རྒྱ་གཞུང་གི་ཁུངས་དང་ལྡན་པའི་སྒྲུབ་ཚུལ་ཁྱད་པར་ཅན་བྱིན་རླབས་ཀྱི་བཀའ་དང་བཅས་པ་དམིགས་བསལ་དུ་བཞུགས་པས་འདི་ལྟར་སྒྲུབ་པས་ཉམས་རྟོགས་སྐྱེད་བྱེད་ཀྱི་བླ་སྒྲུབ་ཁྱད་པར་ཅན་དུ་འགྱུར་བ་མ་ཟད། མགོན་པོ་འདི་ལ་རྟེན་བཞི་གནད་གསུམ་ཞེས་བྱ་བ་ཡོད་པས་བླ་མ་མགོན་པོ་དབྱེར་མེད་དུ་བསྒྲུབ་པ་འདི་དེ་ཁོ་ན་ཉིད་ཀྱི་རྟེན་ཞེས་བྱ་བ་མགོན་པོ་འདི་བརྟེན་པ་ལ་མེད་དུ་མི་རུང་བའི་ཡན་ལག་ཀྱང་ཡིན་པས་དེ་ལྟ་བུའི་བཀའ་ཟབ་མོ་ཞུ་བའི་ཡོན་དུ་དམིགས་ཏེ་མཎྜལ་ཕུལ་འཚལ། <span class="tibetan_small">ཞེས་འབུལ་དུ་གཞུག</span> <br />།ཐལ་མོ་མེ་ཏོག་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས་མཛོད། <br />ཁྱོད་ཞབས་པདྨོ་སྤངས་ནས་ནི། །གཙོ་བོ་གཞན་ལ་སྐྱབས་མ་མཆིས། །འགྲོ་བའི་དཔའ་བོ་ཐུབ་ཆེན་པོས། །བདག་ལ་བློ་མཆོག་སྩལ་དུ་གསོལ། <span class="tibetan_small">།ལན་གསུམ། དེ་ནས་ལྷ་ངོ་སྤྲད་པ་ནི།</span> <br />མདུན་གྱི་དཀྱིལ་འཁོར་འདི་ཉིད་སྲུང་བའི་འཁོར་ལོའི་ནང་མི་བཟད་པའི་དུར་ཁྲོད་ཆེན་པོའི་དབུས་སུ་<span class="tibetan_small">སོགས་རྩ་བ་མགོན་མཐིང་གི་རྗེས་གནང་སྐབས་ལྟར།</span> ཚུལ་བཞིན་དུ་སྐོང་བར་མཛད་པ། དེ་དག་གི་སྟེང་དུ་དྲིན་ཅན་རྩ་བ་དང་བརྒྱུད་པའི་བླ་མ་ཐམས་ཅད་སྤྲིན་གཏིབས་པ་བཞིན་དུ་བཞུགས་པའི་སྤྱན་སྔར་རྒྱུན་བཤགས་སྔོན་དུ་འགྲོ་བ་ཅན་གྱི་བྱང་ཆུབ་མཆོག་ཏུ་སེམས་བསྐྱེད་པར་བགྱིའོ་སྙམ་པས་འདིའི་རྗེས་ཟློས་མཛོད། <br />དཀོན་མཆོག་གསུམ་ལ་བདག་སྐྱབས་མཆི་<span class="tibetan_small">སོགས་ལན་གསུམ།</span> <br />ཁྱད་པར་རྡོ་རྗེ་ཐེག་པའི་དམ་ཚིག་དང་སྡོམ་པ་མཐའ་དག་ལེགས་པར་བླངས་ནས་ཚུལ་བཞིན་དུ་བསྲུང་བར་བགྱིའོ་སྙམ་པས་འདིའི་རྗེས་ཟློས། <br />།སངས་རྒྱས་བྱང་ཆུབ་སེམས་དཔའ་ཀུན། །ཇི་ཙམ་དུས་ནས་བཟུང་ནས་སུ། །མ་ལུས་བདག་ལ་དགོངས་སུ་གསོལ། <br />།<span class="tibetan_small">བདག་མིང་འདི་ཞེས་</span>བགྱི་བ་ཡིས། །དུས་འདི་ཉིད་ནས་བཟུང་ནས་སུ། །ནམ་ཞིག་བྱང་ཆུབ་སྙིང་པོ་ལ། །ཡོངས་སུ་གནས་ཀྱི་བར་དག་ཏུ། །བདག་གིས་བྱང་ཆུབ་མཆོག་གི་སེམས། །མ་ལུས་པར་ནི་བསྐྱེད་པར་བགྱི། <br />།ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། <br />།སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། བདག་གིས་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །ནམ་དུ་ཡང་ནི་མི་སྤང་ངོ་། །རྡོ་རྗེའི་རིགས་མཆོག་ཆེན་པོ་ལ། །རྡོ་རྗེ་དྲིལ་བུའི་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་ཡང་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་མ་ལུས་གཟུང་། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང་། །མ་བརྒལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་འགོད། <span class="tibetan_small">ལན་གསུམ།</span> <br />དེ་དག་གིས་འཇུག་པའི་ཆོས་མདོར་བསྡུས་པ་གྲུབ་ནས། དངོས་གཞིའི་བྱིན་རླབས་འབེབས་པའི་སླད་དུ་བླ་མ་མགོན་པོ་དབྱེར་མེད་པ་ལ་མོས་གུས་དུང་བ་<span class="tibetan_small">སོགས་མགོན་མཐིང་གི་སྐབས་ལྟར་ལ།</span> ཐུགས་ཀར་ཧཱུྃ་སྔོན་པོས་མཚན་པར་སྒོམས་ཤིག<br />།དེ་ནས་མདུན་བསྐྱེད་གཏོར་མ་དང་དབྱེར་མེད་པའི་མགོན་པོའི་སྤྱི་བོར་དྲིན་ཅན་རྩ་བའི་བླ་མ་སྐུ་མདོག་སེར་པོ་<span class="tibetan_small">སོགས་དབང་སྒྲུབ་སྐབས་ལྟར་ལ།</span> <br />བླ་མ་དང་མགོན་པོ་དབྱེར་མེད་པའི་བདག་ཉིད་དུ་མོས་པ་དུང་དུང་མཛད་ནས་སྐུའི་བྱིན་རླབས་ཞུ་བའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། <br />ན་མོ་བུདྡྷ་ཡ། ན་མོ་གུ་རུ་ཧེ། བཛྲ་བཱི་ར་བཱི་རི་ཎི། ཤྲཱི་ཌཱ་ཀ་ཌཱ་ཀི་ནཱི། ཛོ་ག་ཛོ་གི་ནཱི། སརྦ་བུདྡྷ་བོ་དྷི་ས་ཏྭ་ཡ་ཤ་ར་ཎཾ། གཙྪ་མི་ཀྱཻ། <span class="tibetan_small">ཞེས་ལན་གསུམ།</span> <br />བདག་དང་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་བླ་མ་མགོན་པོ་དབྱེར་མེད་ལ་གསོལ་བ་འདེབས་སོ། །མགོན་པོ་བླ་མ་དབྱེར་མེད་ལ་གསོལ་བ་འདེབས་སོ། <span class="tibetan_small">།ཞེས་ལན་གསུམ་བརྗོད་དུ་གཞུག</span> <br />།དེ་ལྟར་གསོལ་བ་བཏབ་པས། མགོན་པོའི་སྤྱི་བོ་ན་བཞུགས་པའི་བླ་མའི་སྨིན་མཚམས་ནས་འོད་ཟེར་དཀར་པོ་དང་མགོན་པོའི་སྨིན་མཚམས་ནས་མགོན་པོའི་སྐུ་དཀར་པོ་ཆུང་ལ་ཡན་ལག་རགས་པ་མང་པོ་བྱུང་། ཁྱེད་རང་གི་སྨིན་མཚམས་ནས་ཕར་སིབ་སིབ་ཐིམ་པས་བླ་མ་མགོན་པོ་དབྱེར་མེད་པའི་སྐུའི་བྱིན་རླབས་ཐོབ་སྙམ་པའི་མོས་པ་མཛོད། <span class="tibetan_small">ཅེས་བརྗོད་ལ། བླ་མས་ན་མོ་བུདྡྷ་དང་བཛྲ་མ་ཧཱ་ཀཱ་ལའི་སྔགས་དྲག་ཏུ་བརྗོད་ཅིང་རོལ་མོའི་སྒྲ་དྲག་ཏུ་བྱ།</span> <br />དེས་བླ་མ་དང་མགོན་པོའི་སྐུའི་བྱིན་རླབས་ཐོབ། ཁྱེད་རང་གི་ལུས་ཀྱི་སྒོ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་དག །བུམ་པའི་དབང་བསྐུར་ཐོབ་སྙམ་པའི་མོས་པ་མཛོད་ཅིག <span class="tibetan_small">།གསུང་གི་བྱིན་རླབས་ཞུ་བའི་དོན་དུ་སྔར་ལྟར་གསོལ་བ་གདབ།</span> <br />མགོན་པོའི་སྤྱི་བོ་ན་བཞུགས་པའི་བླ་མའི་མགྲིན་པ་ནས་འོད་ཟེར་དམར་པོ་དང་མགོན་པོའི་མགྲིན་པ་ནས་མགོན་པོའི་སྐུ་དམར་པོ་ཆུང་ལ་ཡན་ལག་རགས་པ་མང་པོ་བྱུང་། ཁྱེད་རང་གི་མགྲིན་པ་ནས་ཕར་སིབ་སིབ་ཐིམ་པས་བླ་མ་དང་མགོན་པོ་དབྱེར་མེད་པའི་གསུང་གི་བྱིན་རླབས་ཐོབ་སྙམ་པའི་མོས་པ་མཛོད། <span class="tibetan_small">ཅེས་བརྗོད་ལ་སྔགས་དང་རོལ་མོ་བྱེད།</span> <br />དེས་བླ་མ་དང་མགོན་པོའི་གསུང་གི་བྱིན་རླབས་ཐོབ། ཁྱེད་རང་གི་ངག་གི་སྒོ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་དག །གསང་བའི་དབང་ཐོབ་སྙམ་པའི་མོས་པ་མཛོད་ཅིག <span class="tibetan_small">།ཐུགས་ཀྱི་བྱིན་རླབས་ཞུ་བའི་དོན་དུ་སྔར་ལྟར་གསོལ་བ་བཏབ།</span> <br />མགོན་པོའི་སྤྱི་བོ་ན་བཞུགས་པའི་བླ་མའི་ཐུགས་ཀ་ནས་འོད་ཟེར་སྔོན་པོ་དང་མགོན་པོའི་ཐུགས་ཀ་ནས་མགོན་པོའི་སྐུ་མཐིང་ག་ཆུང་ལ་ཡན་ལག་རགས་པ་མང་པོ་བྱུང་། ཁྱེད་རང་གི་སྙིང་ཁ་ནས་ཕར་སིབ་སིབ་ཐིམ་པས་བླ་མ་དང་མགོན་པོ་དབྱེར་མེད་པའི་ཐུགས་ཀྱི་བྱིན་རླབས་ཐོབ་སྙམ་པའི་མོས་པ་མཛོད། <span class="tibetan_small">ཅེས་བརྗོད་ལ་སྔགས་དང་རོལ་མོ་བྱེད།</span> <br />དེས་བླ་མ་དང་མགོན་པོའི་ཐུགས་ཀྱི་བྱིན་རླབས་ཐོབ། ཁྱེད་རང་གི་ཡིད་ཀྱི་སྒོ་ནས་བསགས་པའི་སྡིག་སྒྲིབ་ཐམས་ཅད་དག །ཤེས་རབ་ཡེ་ཤེས་ཀྱི་དབང་ཐོབ་སྙམ་པའི་མོས་པ་མཛོད། <br />ཡང་བླ་མ་དང་མགོན་པོ་དབྱེར་མེད་པའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཞུ་བའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད་ཅིག <br />བདག་དང་ནམ་མཁའི་མཐའ་དང་མཉམ་པའི་<span class="tibetan_small">སོགས་གསོལ་འདེབས་ཉེར་གཅིག་དང་།</span> ན་མོ་བུདྡྷ་<span class="tibetan_small">ལན་གསུམ།</span> <br />དེ་ལྟར་གསོལ་བ་བཏབ་པས་མགོན་པོའི་སྤྱི་བོ་ན་བཞུགས་པའི་བླ་མའི་སྐུའི་ཆ་ཐམས་ཅད་ལས་འོད་ཟེར་ཁ་དོག་སྣ་ཚོགས་པ་དཔག་ཏུ་མེད་པ་བྱུང་། མགོན་པོའི་སྐུའི་ཆ་ཐམས་ཅད་ལས་ཀྱང་མགོན་པོའི་སྐུ་ཆུང་ལ་ཡན་ལག་རགས་པ་སྣ་ཚོགས་པའི་མདོག་ཅན་ཌཱ་མ་རུ་དང་གཡེར་ཁའི་སྒྲ་དང་ཧཱུྃ་ཧཱུྃ་ཕཊ་ཕཊ་ཀྱི་སྒྲ་སྒྲོགས་པ་དཔག་ཏུ་མེད་པ་བྱོན་ཏེ། ཁྱེད་རང་གི་ལུས་ཀྱི་སྟོད་སྨད་བར་གསུམ་ནས་ཕར་སིབ་སིབ་ཐིམ་པས་ཁྱེད་རང་གི་ལུས་སེམས་བདེ་བས་གང་། ལུས་ཀྱི་ནང་ན་མགོན་པོ་རྣམས་གར་མཛད་ཅིང་ནད་གདོན་སྡིག་སྒྲིབ་ཐམས་ཅད་ཞལ་དུ་གསོལ། ཁྱོད་ཀྱི་བར་ཆད་ཐམས་ཅད་ངས་སེལ། མཐུན་རྐྱེན་ཐམས་ཅད་ངས་སྒྲུབ་ཅེས་པའི་གསུང་ལྷང་ལྷང་འབྱོན་བཞིན་པ་དང་བཅས་པས་ཁྱེད་རང་གི་ལུས་ཀྱི་ནང་ཐམས་ཅད་གང་བས་བླ་མ་དང་མགོན་པོ་དབྱེར་མེད་པའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཐོབ་སྙམ་པའི་མོས་པ་མཛོད། <span class="tibetan_small">ཅེས་བརྗོད་ལ་སྔགས་དང་རོལ་མོ་དང་བཅས་པས།</span> <br />ཕྱོགས་བཅུ་དུས་གསུམ་ན་བཞུགས་པའི་རྩ་བ་དང་བརྒྱུད་པའི་བླ་མ་དམ་པ་རྣམས་ཀྱིསབྱིན་གྱིས་རློབས་ཤིག །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱིས་བྱིན་གྱིས་རློབས་ཤིག །དཔའ་བོ་དང་དཔའ་མོ་རྣལ་འབྱོར་མ་རྣམས་ཀྱིས་བྱིན་གྱིས་རློབས་ཤིག །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་རློབས་ཤིག །དཔལ་ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས་ཡེ་ཤེས་ལ་སྒྲིབ་པ་མི་མངའ་བ། ཐུགས་རྗེ་ལ་ཕྱི་བཤོལ་མི་མངའ་བ། མཐུ་དང་ནུས་པ་ལ་ཐོགས་པ་མི་མངའ་བ། བྱིན་རླབས་ལ་རྒྱང་རིང་ཐུང་མི་མངའ་བ་ཁྱེད་རྣམས་ཀྱི་སྐུའི་སྒོ་ནས་བྱིན་གྱིས་རློབས་ཤིག །གསུང་གི་སྒོ་ནས་བྱིན་གྱིས་རློབས་ཤིག །ཐུགས་ཀྱི་སྒོ་ནས་བྱིན་གྱིས་རློབས་ཤིག །སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པའི་སྒོ་ནས་བྱིན་གྱིས་རློབས་ཤིག །ད་ལྟ་ཉིད་དུ་བྱིན་གྱིས་རློབས་ཤིག །མྱུར་བ་ཉིད་དུ་བྱིན་གྱིས་རློབས་ཤིག །འདུག་ས་འདི་ཉིད་དུ་བྱིན་གྱིས་རློབས་ཤིག <span class="tibetan_small">།ཅེས་བརྗོད།</span> <br />དེས་བླ་མ་དང་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཐོབ། ཁྱེད་རང་གི་ལུས་ངག་ཡིད་གསུམ་གྱི་སྒོ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་དག །དབང་བཞི་པ་ཐོབ་སྙམ་པའི་མོས་པ་མཛོད་ཅིག <br />།མཐའ་རྟེན་བྱིན་རླབས་གཏོར་མའི་དབང་ཞུ་བའི་སླད་དུ་གསོལ་བ་འདེབས་པ་འདིའི་རྗེས་ཟློས་མཛོད། <br />བླ་མ་མགོན་པོ་དབྱེར་མེད་<span class="tibetan_small">སོགས་ཚིག་རྐང་ལྔ་པོ་ལན་གསུམ།</span> <br />དེ་ལྟར་གསོལ་བ་བཏབ་པས། བླ་མའི་ཐུགས་ཀའི་ཧཱུྃ་གི་འོད་ཟེར་གྱིས་གཏོར་མ་མགོན་པོར་གསལ་བ་དེ་ཉིད་ཁྱེད་རང་རྣམས་ཀྱི་སྤྱི་བོར་སྤྱན་དྲངས། མོས་གུས་དུང་བ་བྱས་ཤིང་བླ་མས་བཀའ་བསྒོས་པའི་ཚེ། སྐུའི་གནས་རྣམས་ནས་བདུད་རྩི་འོད་ཟེར་གྱི་རྣམ་པ་དང་ཁྲོ་ཆུང་མེ་མཚོན་དཔག་ཏུ་མེད་པ་བྱུང་། ཁྱེད་རང་གི་ལུས་ལ་ཞུགས་པས་སྡིག་སྒྲིབ་ནད་གདོན་འགལ་རྐྱེན་ཐམས་ཅད་བ་མོ་ལ་ཉི་ཟེར་ཕོག་པ་བཞིན་དུ་བཅོམ། ཚེ་བསོད་ཉམས་རྟོགས་ལ་སོགས་པ་འཕེལ་ཞིང་རྒྱས་པར་བྱས། བླ་མ་མགོན་པོ་འཁོར་དང་བཅས་པའི་གསང་བ་གསུམ་དང་གཉིས་སུ་མེད་པར་བྱིན་གྱིས་བརླབས་པའི་མོས་པ་མཛོད་ཅིག །དཔལ་ཡེ་ཤེས་ཀྱི་མགོན་པོ་མྱུར་མཛད་སྤྱན་རས་གཟིགས་དབང་། རྩ་བརྒྱུད་བླ་མ། སངས་རྒྱས་བྱང་སེམས། དཔའ་བོ་མཁའ་འགྲོ། དམ་ཅན་རྒྱ་མཚོ། སྤྲུལ་པ་ཡང་སྤྲུལ་འཁོར་དང་བཅས་པ་རྣམས་ཀྱིས། ཇི་ལྟར་ཞལ་གྱིས་བཞེས་པའི་ཐུགས་བསྐྱེད་དམ་ཚིག་གཉེན་པོ་མ་གཡེལ་བར་རྡོ་རྗེ་སློབ་མ་འདི་ལ་མྱུར་བ་ཉིད་དུ་བྱིན་གྱིས་རློབ་པར་མཛད་དུ་གསོལ། མི་འབྲལ་བར་རྟག་ཏུ་དགོངས་ཤིང་འགྲོགས་ལ་མགོན་སྐྱབས་དང་དཔུང་གཉེན་དམ་པ་མཛད་དུ་གསོལ། བྱང་ཆུབ་སྒྲུབ་པའི་འགལ་རྐྱེན་བར་དུ་གཅོད་པ་ཐམས་ཅད་སེལ་ཞིང་དམ་པའི་ཆོས་དང་མཐུན་པའི་འདོད་རྒུའི་དཔལ་འབྱོར་ཡར་ཟླ་ལྟར་འཕེལ་བ་སོགས་ཞི་རྒྱས་དབང་དྲག་གི་ཕྲིན་ལས་ཐོགས་མེད་ཡིད་བཞིན་དུ་འགྲུབ་པར་མཛད་དུ་གསོལ། མདོར་ན་ཐུན་མོང་དང་མཆོག་གི་དངོས་གྲུབ་མ་ལུས་པ་མྱུར་བ་ཉིད་དུ་བདེ་བླག་ཏུ་ཐོབ་པར་མཛད་དུ་གསོལ། <span class="tibetan_small">ཅེས་དང་གཙོ་འཁོར་གྱི་སྔགས་རྣམས་བརྗོད། མཐར།</span> ཛཿཧཱུྃ་བྃ་ཧོཿ <br />ཞེས་བརྗོད་པས་སྟེང་གི་ནམ་མཁར་བཞུགས་པའི་རྩ་བརྒྱུད་བླ་མ་རྣམས་འོད་དུ་བཞུ་ནས་གཏོར་མ་མགོན་པོར་གསལ་བ་ལ་ཐིམ། དེ་ལས་རང་འདྲའི་སྐུ་གཉིས་པ་འཕྲོས། ཁྱེད་རང་ལ་ཐིམ་པས་མགོན་པོའི་སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་པར་བྱིན་གྱིས་བརླབས་པའི་མོས་པ་མཛོད་ཅིག <span class="tibetan_small">།སྤྲོ་ན་གཏོར་མའི་ཆ་ཤས་སྦྱིན་པར་བཤད། བཀྲ་ཤིས་བརྗོད།</span> <br />དེ་ལྟར་དབང་དང་འབྲེལ་བ་ལན་གཅིག་ཐོབ་ན་མཚམས་མེད་པ་ལྔ་བྱས་པའང་བར་དོར་འཚང་མི་རྒྱ་མི་སྲིད་པར་གསུངས་པའི་བླ་མ་མགོན་པོ་དབྱེར་མེད་ཀྱི་བཀའ་ཟབ་མོ་ལེགས་པར་གྲུབ་<span class="tibetan_small">སོགས་ཀྱིས་མཚམས་སྦྱར་ལ། དམ་ཚིག་ཁས་བླངས་མན་ཆད་དང་། དཀྱིལ་འཁོར་རྗེས་ཆོག་རྩ་བའི་མགོན་པོ་ལྟར་རོ།</span><br /><span class="tibetan_small">།ཡོན་ཏན་ཀུན་གྱི་འབྱུང་གནས་ནི། །བླ་མགོན་དབྱེར་མེད་གསོལ་འདེབས་ཡིན། །བྱིན་རླབས་རྒྱ་མཚོར་འཇུག་ནུས་ན། །དོན་གཉིས་ནོར་བུ་ལོན་པར་ངེས། །བླ་མ་མགོན་པོ་དབྱེར་མེད་ཀྱི་རྗེས་གནང་གི་ལེ་ཚན་ནོ།། །།མངྒ་ལཾ།།</span><br /><br />Removal of defilement<br /><br />༼༄༅། །གྲིབ་སེལ་གྱི་རྗེས་གནང་།།༽<br /><span class="tibetan_small">ཨོཾ་སྭ་སྟི། </span><br /><span class="tibetan_small">སྙིང་རྗེའི་དབང་ཕྱུག་སེམས་དཔའ་ཆེ། །སྡིག་སྒྲིབ་འཇོམས་ཕྱིར་ཁྲོས་པའི་ཚུལ། །གང་དེའི་ཞབས་ཀྱི་པདྨོ་ལ། །བཏུད་ནས་གྲིབ་སེལ་རྗེས་གནང་བཀོད། །མཎྜལ་མཆོད་གཏོར་བཤམ་ཚུལ་བར་ཆད་ཀུན་སེལ་དང་འདྲ། སྒྲུབ་ཐབས་ཀྱི་ཕྲིན་ལས་ཀྱང་དེ་དང་མཚུངས་པ་ལས། སྤྱན་འདྲེན་མཆོད་བསྟོད་རྗེས།</span><br />མགོན་པོའི་དབུ་གཙུག་ཏུ་རྩ་བའི་བླ་མ་རྡོ་རྗེ་སེམས་དཔའ་སྐུ་མདོག་དཀར་པོ་ཕྱག་གཡས་ཤེལ་གྱི་རྡོ་རྗེ་རྩེ་ལྔ་པ་ཐུགས་ཀར་གཏོད་པ། གཡོན་པས་མཉམ་གཞག་གི་སྟེང་དུ་ཐོད་པ་བདུད་རྩིས་གང་བ། ཞབས་སྐྱིལ་ཀྲུང་དུ་བཞུགས་པ། སྐུ་ལས་འོད་ཟེར་དཔག་ཏུ་མེད་པ་འཕྲོས། ཐུགས་ཀ་ནས་འོད་ཟེར་འཕྲོས། སངས་རྒྱས་བྱང་སེམས་ཐམས་ཅད་སྐུ་གསུང་ཐུགས་རྡོ་རྗེའི་ལྷ་ཚོགས་ཀྱི་རྣམ་པར་སྤྱན་དྲངས། སྟེང་གི་ནམ་མཁའ་ལ་འཁོད་པར་གྱུར། <br />རྡོ་རྗེ་གསུམ་གྱི་ལྷ་ཚོགས་རྣམས་ཀྱིས་བླ་མའི་སྐུ་གསུང་ཐུགས་ལ་གྲིབ་ཀྱིས་ཕོག་པ་དང་སྐུ་གསུང་ཐུགས་ཀྱི་དམ་ཚིག་ཉམས་ཆག་ཐམས་ཅད་བྱང་ཞིང་དག་པར་མཛད་དུ་གསོལ། <br />ཞེས་གསོལ་བ་བཏབ་པས། རྡོ་རྗེགསུམ་གྱི་ལྷ་ཚོགས་རྣམས་ཀྱི་གནས་གསུམ་ནས་ཡི་གེ་བརྒྱ་པ་དཀར་དམར་མཐིང་གསུམ་གྱི་ཚོགས་འཕྲོས། བླ་མའི་གནས་གསུམ་དུ་ཐིམ་པས་སྐུ་གསུང་ཐུགས་ལ་གྲིབ་ཀྱིས་ཕོག་པ་དང་། སྐུ་གསུང་ཐུགས་ཀྱི་དམ་ཚིག་ཉམས་ཆག་ཐམས་ཅད་བྱང་ཞིང་དག་པར་གྱུར། <span class="tibetan_small">ཡིག་བརྒྱ་བདུན། དེས་འགྲེ་སྟེ།</span> <br />བླ་མ་རིན་པོ་ཆེ། མགོན་པོའི་སྐུ་གསུང་ཐུགས་ལ་<span class="tibetan_small">སོགས་དང་།</span> <br />བླ་མའི་གནས་གསུམ་ནས་ཡི་གེ་བརྒྱ་པ་<span class="tibetan_small">སོགས་ཀྱི་མཐར་ཡིག་བརྒྱ་བདུན།</span> <br />བླ་མ་མགོན་པོ་དབྱེར་མེད། འཁོར་རྣམས་དང་བདག་གི་སྒོ་གསུམ་ལ་གྲིབ་ཀྱིས་ཕོག་པ་དང་སྐུ་གསུང་ཐུགས་ཀྱི་དམ་ཚིག་ཉམས་ཆག་ཐམས་ཅད་བྱང་ཞིང་དག་པར་མཛད་དུ་གསོལ། <br />ཞེས་གསོལ་བ་བཏབ་པས། བླ་མ་མགོན་པོའི་གནས་གསུམ་ནས་ཡི་གེ་བརྒྱ་པ་དཀར་དམར་མཐིང་གསུམ་གྱི་ཚོགས་འཕྲོས། འཁོར་རྣམས་དང་བདག་གི་གནས་གསུམ་དུ་ཐིམ་པས། འཁོར་རྣམས་ཀྱི་སྐུ་གསུང་ཐུགས་ལ་གྲིབ་ཀྱིས་ཕོག་པ་དང་སྐུ་གསུང་ཐུགས་ཀྱི་དམ་ཚིག་ཉམས་ཆག་ཐམས་ཅད་དག །བདག་གི་ལུས་ཀྱི་ནང་ཡི་གེ་བརྒྱ་པའི་འོད་ཟེར་གྱིས་གང་བས་སྡིག་སྒྲིབ་ཉེས་ལྟུང་ཐམས་ཅད་རྩ་བ་ནས་བྱང་ཞིང་དག་པར་གྱུར། <span class="tibetan_small">ཅེས་མོས་ལ་ཡིག་བརྒྱ་བདུན་ནམ་ཉེར་གཅིག་གམ། འགྲུབ་ན་རེ་རེ་ལའང་གྲངས་ཅི་མང་བཟླ། མཐར་བཤགས་པ་དང་གཞུང་བསྙེན་ཁྱུག་ཙམ། གཏོར་འབུལ་བསྟོད་པ་བདག་འཇུག་བཅས་གྲུབ་ནས། སློབ་མ་ལ་ཁྲུས་བྱ། སེམས་བསྐྱེད་གསལ་གདབ་གོང་ལྟར་ལ།</span> <br />དེའི་ཆེད་དུ་ཡེ་ཤེས་མགོན་པོ་སྡིག་སྒྲིབ་སྦྱོང་མཛད་ཀྱི་བཀའ་<span class="tibetan_small">ཞེས་བསྒྱུར།</span> <br />དེ་ལ་འདིར་མྱུར་མཛད་ཡེ་ཤེས་ཀྱི་མགོན་པོ་ཞི་དྲག་གི་སྒྲུབ་ཐབས་སྤྱི་ལ་མེད་དུ་མི་རུང་བའི་ཡན་ལག་གི་བཀའ་གཉིས་པ་གྲིབ་སེལ་མགོན་པོ་འདི་ནི། རྒྱ་གཞུང་ལས། <br />བླ་མ་ཡེ་ཤེས་མགོན་པོ་ལ། །གྲིབ་ཕོག་དམ་ཚིག་འགལ་འགྱུར་ན། །བཤགས་པ་བྱ་ཞིང་དམ་ཚིག་བསྐང་། །དམ་ཚིག་བསྐང་བས་དངོས་གྲུབ་ཐོབ། <br />།ཅེས་གསུངས་པ་སྟེ། དཔེར་ན་རྒྱལ་རིགས་སམ། བྲམ་ཟེ་གཙང་མ་གདོལ་པའི་གནས་མི་གཙང་བ་ལ་འབྱོན་དུ་མི་གཏུབ་པ་ལྟར་རྒྱུད་མ་དག་པའི་སྒྲིབ་པ་ཅན་ལ་བླ་མ་མགོན་པོའི་ཐུགས་རྗེ་དང་བྱིན་རླབས་འཇུག་པར་མི་འགྱུར་ཅིང་། ཁྱད་པར་རྩ་བ་དང་ཡན་ལག་གི་དམ་ཚིག་ལ་འགལ་ཉམས་ཤོར་ན་དངོས་གྲུབ་མི་ཐོབ་པའི་སྟེང་དུ་བར་ཆད་སྣ་ཚོགས་འབྱུང་བར་འགྱུར་ལ། སྒྲིབ་པ་དག་ན་བྱིན་རླབས་རྩོལ་མེད་དུ་འཇུག་པ་དང་། དམ་ཚིག་ཉམས་ཆག་བསྐང་ན་དངོས་གྲུབ་བདེ་བླག་ཏུ་ཐོབ་པར་གྱུར་པ་ཡིན་ཅིང་། དེ་དག་གི་ཐབས་ནི་གསར་རྙིང་ཀུན་ལས་རྡོར་སེམས་ཀྱི་སྒོམ་བཟླས་ལས་ཟབ་པ་གཅིག་ཀྱང་མ་གསུངས་ཤིང་དེ་ལའང་སྐབས་དོན་ཅི་རིགས་པ་ཡོད་པ་ལས། འདིར་ཉམས་ཆག་སྒྲིབ་པ་སྦྱོང་བ་ལ་ཤིན་ཏུ་ཟབ་པའི་གྲིབ་སེལ་གྱི་བཀའ་ཟབ་མོ་བསྒྲུབ་པར་<span class="tibetan_small">སོགས་མཚམས་སྦྱར་ལ་མཎྜལ། </span><br /><span class="tibetan_small">གསོལ་གདབ། ལྷ་ངོ་སྤྲད་པ། རྒྱུན་བཤགས། སྡོམ་བཟུང་། སློབ་མ་ལྷར་བསྐྱེད་ཡན་སྔར་ལྟར་ལ།</span> <br />དེ་ནས་མདུན་བསྐྱེད་གཏོར་མ་དང་དབྱེར་མེད་པའི་མགོན་པོའི་སྤྱི་བོར་དྲིན་ཅན་རྩ་བའི་བླ་མ་རྡོ་རྗེ་སེམས་དཔའ་སྐུ་མདོག་དཀར་པོ་ཕྱག་གཡས་ཤེལ་གྱི་རྡོ་རྗེ་རྩེ་ལྔ་པ་ཐུགས་ཀར་བསྣམས་པ། ཕྱག་གཡོན་བདུད་རྩིས་གང་བའི་ཐོད་པ་མཉམ་བཞག་གི་སྟེང་ན་འཛིན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། སྐུ་ལས་འོད་ཟེར་གྱི་ཚོགས་དཔག་ཏུ་མེད་པ་འཕྲོ་བའི་ཐུགས་ཀ་ནས་འོད་ཟེར་གྱི་ཚོགས་འཕྲོས་པས་ཕྱོགས་བཅུའི་སངས་རྒྱས་ཐམས་ཅད་སྐུ་རྡོ་རྗེ་རྣམ་པར་སྣང་མཛད། གསུང་རྡོ་རྗེ་འོད་དཔག་མེད། ཐུགས་རྡོ་རྗེ་མི་བསྐྱོད་པའི་རྣམ་པར་སྤྱན་དྲངས་ཏེ་མདུན་གྱི་ནམ་མཁའི་ཁམས་ཐམས་ཅད་སྤྲིན་གྱི་ཕུང་པོ་འཁྲིགས་པ་ལྟར་བཞུགས་པའི་མོས་པ་མཛད་ནས་དེ་རྣམས་ལ་མོས་གུས་དྲག་པོ་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས་མཛོད། <br />བླ་མ་ཡི་དམ་སངས་རྒྱས་བྱང་སེམས་རྡོ་རྗེ་གསུམ་གྱི་ལྷ་ཚོགས་རྣམས་ཀྱིས་བདག་གི་རྩ་བརྒྱུད་ཀྱི་བླ་མ་དམ་པ་རྣམས་ཀྱི་སྐུ་གསུང་ཐུགས་ལ་བརྟེན་པའི་དམ་ཚིག་ཉམས་ཆག་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་གསོལ། <span class="tibetan_small">ཞེས་བརྗོད་དུ་གཞུག</span> <br />།དེ་ལྟར་གསོལ་བ་བཏབ་པས་སྐུ་རྡོ་རྗེ་རྣམས་ཀྱི་ཐུགས་ཀ་ནས་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པ་བྱུང་སྟེ། གཏོར་མ་དང་དབྱེར་མེད་ཀྱི་མགོན་པོའི་སྤྱི་བོར་བཞུགས་པའི་བླ་མའི་སྨིན་མཚམས་ནས་ཕར་ཐིམ་པས་བླ་མའི་སྨིན་མཚམས་ཀྱི་ནང་ཐམས་ཅད་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པས་གང་། བླ་མའི་སྐུའི་དམ་ཚིག་ཉམས་ཆག་ཐམས་ཅད་དག་གོ་སྙམ་པའི་མོས་པ་མཛོད་ལ་ཡི་གེ་བརྒྱ་པ་ལན་གསུམ་བརྗོད་པར་ཞུ། <span class="tibetan_small">ཞེས་ཡིག་བརྒྱ་བཟླར་གཞུག །དེས་འགྲེ་སྟེ།</span><br />གསུང་རྡོ་རྗེ་རྣམས་ཀྱི་ཐུགས་ཀ་ནས་ཨཱ་ཡིག་དམར་པོ་ཡིག་བརྒྱ་འོད་ཟེར་དམར་པོ་དང་བཅས་པ་བྱུང་<span class="tibetan_small">སོགས་གོང་མ་ལྟར་ལ།</span> བླ་མའི་མགྲིན་པའི་ནང་ཐམས་ཅད་གང་། གསུང་གི་དམ་ཚིག་ཉམས་ཆག་ཐམས་ཅད་དག་གོ་སྙམ་པ་དང་། <span class="tibetan_small">ཡིག་བརྒྱ་ལན་གསུམ་བཟླ།</span> <br />ཐུགས་རྡོ་རྗེ་རྣམས་ཀྱི་ཐུགས་ཀ་ནས་ཧཱུྃ་ཡིག་སྔོན་པོ་ཡིག་བརྒྱ་འོད་ཟེར་སྔོན་པོ་དང་བཅས་པ་བྱུང་། བླ་མའི་ཐུགས་ཀའི་ནང་ཐམས་ཅད་གང་། ཐུགས་ཀྱི་དམ་ཚིག་ཉམས་ཆག་ཐམས་ཅད་དག་སྙམ་པ་དང་།<span class="main_text"> </span><span class="tibetan_small">ཡིག་བརྒྱ་ལན་གསུམ་བཟླ།</span> <br />ཡང་གསོལ་བ་འདེབས་པ་འདིའི་རྗེས་ཟློས་མཛོད། <br />བླ་མ་རྡོ་རྗེ་གསུམ་གྱི་ལྷ་ཚོགས་རྣམས་ཀྱིས་བདག་དང་སེམས་ཅན་ཐམས་ཅད་ཀྱིས་མྱུར་མཛད་ཡེ་ཤེས་ཀྱི་མགོན་པའི་སྐུ་གསུང་ཐུགས་ལ་བརྟེན་པའི་དམ་ཚིག་ཉམས་ཆག་ཐམས་ཅད་དག་པར་བྱིན་གྱིས་བརླབ་ཏུ་གསོལ། <br />དེ་ལྟར་གསོལ་བ་བཏབ་པས་བླ་མའི་སྤྱི་བོ་ནས་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པ་བྱུང་ནས་གཏོར་མ་དང་དབྱེར་མེད་པའི་མགོན་པོའི་སྨིན་མཚམས་ནས་ཕར་ཐིམ་པས་མགོན་པོའི་སྨིན་མཚམས་ཀྱི་མཛོད་སྤུ་ཨོཾ་ཡིག་ཡིག་བརྒྱ་འོད་ཟེར་དང་བཅས་པས་གང་། མགོན་པོའི་སྐུའི་དམ་ཚིག་ཉམས་ཆག་ཐམས་ཅད་དག་སྙམ་པའི་མོས་པ་མཛོད། <span class="tibetan_small">ཅེས་བརྗོད་ལ་ཡིག་བརྒྱ་ལན་གསུམ་བརྗོད་དུ་གཞུག །དེ་བཞིན་དུ།</span> <br />བླ་མའི་མགྲིན་པ་ནས་ཨཱཿཡིག་དམར་པོ་ཡིག་བརྒྱ་འོད་ཟེར་དམར་མོ་དང་བཅས་པ་བྱུང་། མགོན་པོའི་མགྲིན་པའི་ནང་ཐམས་ཅད་གང་། གསུང་གི་དམ་ཚིག་ཉམས་ཆག་ཐམས་ཅད་དག་སྙམ་པ་དང་<span class="tibetan_small">ཡིག་བརྒྱ་ལན་གསུམ།</span> <br />བླ་མའི་ཐུགས་ཀ་ནས་ཧཱུྃ་ཡིག་སྔོན་པོ་ཡིག་བརྒྱ་འོད་ཟེར་སྔོན་པོ་དང་བཅས་པ་བྱུང་། མགོན་པོའི་ཐུགས་ཀའི་ནང་ཐམས་ཅད་གང་། ཐུགས་ཀྱི་དམ་ཚིག་ཉམས་ཆག་ཐམས་ཅད་དག་སྙམ་པ་དང་<span class="tibetan_small">ཡིག་བརྒྱ་ལན་གསུམ།</span> <br />ཡང་གསོལ་བ་འདེབས་པ་འདིའི་རྗེས་ཟློས་མཛོད། <br />བླ་མ་མགོན་པོ་དབྱེར་མེད་ཀྱིས་བདག་དང་སེམས་ཅན་ཐམས་ཅད་ཀྱིས་འཁོར་རྣམས་ཀྱི་སྐུ་གསུང་ཐུགས་ལ་བརྟེན་པའི་དམ་ཚིག་ཉམས་ཆག་ཐམས་ཅད་དག་པར་བྱིན་གྱིས་བརླབ་ཏུ་གསོལ། <br />ཞེས་གསོལ་བ་བཏབ་པས། མགོན་པོའི་སྤྱི་བོ་ནས་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པ་བྱུང་ནས། གནོད་སྦྱིན་བཞི་དང་ལྷ་མོ་ལ་སོགས་འཁོར་རྣམས་ཀྱི་སྨིན་མཚམས་ནས་ཕར་ཐིམ་པས་འཁོར་རྣམས་ཀྱི་སྨིན་མཚམས་ཀྱི་མཛོད་སྤུ་ཨོཾ་ཡིག་ཡིག་བརྒྱ་འོད་ཟེར་དང་བཅས་པས་གང་། སྐུའི་དམ་ཚིག་ཉམས་ཆག་ཐམས་ཅད་དག་སྙམ་པའི་མོས་པ་མཛོད། <span class="tibetan_small">ཅེས་བརྗོད་ལ་ཡིག་བརྒྱ་ལན་གསུམ་བརྗོད་དུ་གཞུག དེ་བཞིན་དུ།</span> <br />མགོན་པོའི་མགྲིན་པ་ནས་ཨཱཿཡིག་དམར་པོ་ཡིག་བརྒྱ་འོད་ཟེར་དམར་པོ་དང་བཅས་པ་བྱུང་། མགྲིན་པའི་ནང་ཐམས་ཅད་གང་། གསུང་གི་དམ་ཚིག་ཉམས་ཆག་ཐམས་ཅད་དག་སྙམ་པ་དང་<span class="tibetan_small">ཡིག་བརྒྱ་ལན་གསུམ་བརྗོད།</span> <br />མགོན་པོའི་ཐུགས་ཀ་ནས་ཧཱུྃ་ཡིག་སྔོན་པོ་ཡིག་བརྒྱ་འོད་ཟེར་སྔོན་པོ་དང་བཅས་པ་བྱུང་། ཐུགས་ཀའི་ནང་ཐམས་ཅད་གང་། ཐུགས་ཀྱི་དམ་ཚིག་ཉམས་ཆག་ཐམས་ཅད་དག་སྙམ་པ་དང་<span class="tibetan_small">ཡིག་བརྒྱ་ལན་གསུམ་བཟླ།</span> <br />ཡང་གསོལ་བ་འདེབས་པ་འདིའི་རྗེས་ཟློས་མཛོད། <br />བླ་མ་མགོན་པོ་དབྱེར་མེད་འཁོར་དང་བཅས་པ་རྣམས་ཀྱིས་བདག་དང་སེམས་ཅན་ཐམས་ཅད་ཀྱི་ཚེ་འཁོར་བ་ཐོག་མ་མེད་པ་ནས་ལུས་ངག་ཡིད་གསུམ་གྱི་སྒོ་ནས་བསགས་པའི་སྡིག་སྒྲིབ་ཉེས་ལྟུང་ཕྱི་ནང་གྲིབ་དང་མི་གཙང་བའི་གནོད་པ་ཐམས་ཅད་བྱང་ཞིང་དག་པར་མཛད་དུ་གསོལ། <br />དེ་ལྟར་གསོལ་བ་བཏབ་པས་གཏོར་མ་དང་དབྱེར་མེད་པའི་མགོན་པོའི་སྤྱི་བོ་ན་བཞུགས་པའི་བླ་མའི་སྨིན་མཚམས་དང་མགོན་པོའི་སྨིན་མཚམས་ནས་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པ་བྱུང་། ཁྱེད་རང་གི་སྨིན་མཚམས་ནས་ཕར་ཐིམ་པས་སྨིན་མཚམས་ཀྱི་ནང་ཐམས་ཅད་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པས་གང་། བླ་མ་དང་མགོན་པོ་གཉིས་ཀྱི་སྐུའི་བྱིན་རླབས་ཐོབ་བྱུང་སྙམ་པའི་མོས་པ་མཛོད་ལ་ཡིག་བརྒྱ་ལན་གསུམ་གྱི་རྗེས་ཟློས་མཛོད་ཅིག <span class="tibetan_small">།ཅེས་ཡིག་བརྒྱ་ལན་གསུམ་བཟླར་གཞུག །བླ་མས་ཀྱང་ཡིག་བརྒྱ་བརྗོད་ལ་རོལ་མོ་བྱ།</span> <br />དེས་ཁྱེད་རང་གིས་ཚེ་འཁོར་བ་ཐོག་མ་མེད་པ་ནས་བསགས་པའི་ལུས་ཀྱི་ནད་གདོན་སྡིག་སྒྲིབ་དམ་ཚིག་ཉམས་ཆགས་ཐམས་ཅད་དག །བླ་མ་དང་མགོན་པོའི་སྐུ་དང་དབྱེར་མེད་དུ་འགྱུར་བ་ཡིན་ནོ། <br />།ཡང་བླ་མ་དང་མགོན་པོའི་མགྲིན་པ་ནས་ཨཱཿཡིག་དམར་པོ་ཡིག་བརྒྱ་འོད་ཟེར་དམར་པོ་དང་བཅས་པ་བྱུང་། ཁྱེད་རང་གི་མགྲིན་པ་ནས་ཕར་ཐིམ་པས་མགྲིན་པའི་ནང་ཐམས་ཅད་ཨཱཿཡིག་ཡིག་བརྒྱ་འོད་ཟེར་དམར་པོ་དང་བཅས་པས་གང་། བླ་མ་དང་མགོན་པོའི་གསུང་གི་བྱིན་རླབས་ཐོབ་སྙམ་པའི་མོས་པ་མཛོད། <span class="tibetan_small">ཅེས་བརྗོད་ལ་ཡིག་བརྒྱ་རོལ་མོ་སོགས་བྱེད།</span> <br />དེས་ཁྱེད་རང་གིས་ཚེ་འཁོར་བ་ཐོག་མ་མེད་པ་ནས་བསགས་པའི་ངག་གི་ནད་གདོན་སྡིག་སྒྲིབ་དམ་ཚིག་ཉམས་ཆག་ཐམས་ཅད་དག །བླ་མ་དང་མགོན་པོའི་གསུང་དང་དབྱེར་མེད་དུ་འགྱུར་པ་ཡིན་ནོ།<br />།ཡང་བླ་མ་དང་མགོན་པོའི་ཐུགས་ཀ་ནས་ཧཱུྃ་ཡིག་སྔོན་པོ་ཡིག་བརྒྱ་འོད་ཟེར་སྔོན་པོ་དང་བཅས་པ་བྱུང་། ཁྱེད་རང་རྣམས་ཀྱི་སྙིང་ཁ་ནས་ཕར་ཐིམ་པས་སྙིང་ཁའི་ནང་ཐམས་ཅད་ཧཱུྃ་ཡིག་ཡིག་བརྒྱ་འོད་ཟེར་སྔོན་པོ་དང་བཅས་པས་གང་། བླ་མ་དང་མགོན་པོའི་ཐུགས་ཀྱི་བྱིན་རླབས་ཐོབ་སྙམ་པའི་མོས་པ་མཛོད་ཅིག <span class="tibetan_small">།ཅེས་བརྗོད་ལ་ཡིག་བརྒྱ་རོལ་མོ་སོགས་བྱེད།</span> <br />དེས་ཁྱེད་རང་གིས་ཚེ་འཁོར་བ་ཐོག་མ་མེད་པ་ནས་བསགས་པའི་ཡིད་ཀྱི་ནད་གདོན་སྡིག་སྒྲིབ་དམ་ཚིག་ཉམས་ཆག་ཐམས་ཅད་དག །བླ་མ་དང་མགོན་པོའི་ཐུགས་དང་དབྱེར་མེད་དུ་འགྱུར་བ་ཡིན་ནོ།<br />།ཡང་བླ་མ་དང་མགོན་པོའི་གནས་གསུམ་ནས་ཨོཾ་ཨཱཿཧཱུྃ་གསུམ་ཡིག་བརྒྱ་འོད་ཟེར་དཀར་དམར་མཐིང་གསུམ་དང་བཅས་པ་བྱུང་། ཁྱེད་རང་གི་ལུས་ཀྱི་སྟོད་སྨད་ཐམས་ཅད་ནས་ཐིམ་པས་ལུས་ཀྱི་ནང་ཐམས་ཅད་ཨོཾ་ཨཱཿཧཱུྃ་ཡིག་བརྒྱ་འོད་ཟེར་དཀར་དམར་མཐིང་གསུམ་དང་བཅས་པས་གང་། བླ་མ་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཐོབ་སྙམ་པའི་མོས་པ་མཛོད། <span class="tibetan_small">ཅེས་བརྗོད་ལ་ཡིག་བརྒྱ་དང་རོལ་མོ་བྱེད།</span> <br />དེས་ཁྱེད་རང་གིས་ཚེ་འཁོར་བ་ཐོག་མ་མེད་པ་ནས་བསགས་པའི་ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་ཐམས་ཅད་དག །བླ་མ་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་རྣམས་དང་དབྱེར་མེད་དུ་འགྱུར་བ་ཡིན་པས་དེ་ལྟ་བུའི་དགའ་སྤྲོ་དང་ངེས་ཤེས་བསྐྱེད་པར་མཛོད་ཅིག <span class="tibetan_small">།ཅེས་བརྗོད། </span><br /><span class="tibetan_small">དེ་ནས་གཏོར་དབང་། བཀྲ་ཤིས་རྗེས་ཀྱི་རིམ་པ་རྣམས་སྔ་མས་འགྲེ་ཤེས་པར་བྱའོ། །བསོད་ནམས་བློ་གྲོས་ལྡན་རྣམས་ཀྱིས། །བསྒྲུབ་བྱའི་སྙིང་པོ་འདི་ཡིན་པས། །མཐའ་ཡས་འཇིག་རྟེན་རྣམས་སུ་ཡང་། །བརྩོན་པ་ཆེན་པོས་འཚོལ་བར་རིགས། །གྲིབ་སེལ་མགོན་པོའི་རྗེས་གནང་གི་ལེ་ཚན་ནོ།། །།མངྒ་ལཾ།། །།</span><br /><br />Khandro Wangdu<br /><br />༼༄༅། །མཁའ་འགྲོ་དབང་སྡུད།།༽<br /><span class="tibetan_small">ཨོཾ་སྭ་སྟི། </span><br /><span class="tibetan_small">དཔའ་བོ་མཁའ་འགྲོའི་ཚོགས་ཀྱི་རྗེ། །འཁོར་འདས་དབང་དུ་མཛད་དེ་ལ། །བཏུད་ནས་མཁའ་འགྲོ་དབང་སྡུད་ཀྱི། །ངོ་མཚར་གདམས་པའི་སྒོ་འབྱེད་བྲི། </span><br /><span class="tibetan_small">།མཎྜལ་བཅའ་གཞི་སྔར་དང་འདྲ་བ་ལས། རྟེན་གཏོར་མ་འཛོམ་ན་གསང་རྟེན་དང་ལྡན་པའི་མདའ་དར་མེ་ལོང་དང་ལྷན་ཅིག་བཙུག །མ་འཛོམ་ན་མེ་ལོང་ལ་སིནྡཱུ་རས་ཧྲཱིཿབཅུ་གསུམ་བྲིས་པ་བཏགས། སྒྲུབ་ཐབས་ཕྲིན་ལས་རྩ་བ་བར་ཆད་ཀུན་སེལ་ལྟར་ལ། བཟླས་པའི་གོང་དུ།</span> <br />མགོན་པོའི་དབུ་གཙུག་གི་དྲིན་ཅན་རྩ་བའི་བླ་མ་དེ་ཉིད། སྐུ་མདོག་དམར་པོ་གཡས་ཐོད་པའི་ཌཱ་མ་རུ་འཁྲོལ་ཞིང་། གཡོན་བདུད་རྩིས་གང་བའི་ཐོད་པ་ཐུགས་ཀར་འཛིན་པ། བཟོད་པར་དཀའ་བའི་གཟི་བརྗིད་ཅན། སྒེག་ཅིང་ལང་ཚོ་ལ་བབ་པ། ཆགས་པའི་ཉམས་ཅན། སྤྱན་གཟིགས་པ་ཙམ་གྱིས་མཁའ་འགྲོ་དང་སྲིད་གསུམ་དབང་དུ་སྡུད་པ། སྐྱིལ་ཀྲུང་གིས་བཞུགས་པ། མགོན་པོའི་དཔྲལ་བའི་སིནྡཱུ་རའི་ཐིག་ལེ་གྲུ་གསུམ་གྱི་སྟེང་ན་ཡི་གེ་ཧྲཱིཿདམར་པོ་འཕགས་པ་འཇིག་རྟེན་དབང་ཕྱུག་གི་ངོ་བོ་བཅུ་གསུམ་ཡོངས་སུ་གྱུར་པ་ལས། གསང་བའི་མཁའ་འགྲོ་མ་དམར་མོ་ལང་ཚོ་མ། ཞལ་གཅིག་ཕྱག་གཉིས་མ། གཡས་ཅང་ཏེའུ་གཡོན་ཐོད་པ་བདུད་རྩིས་གང་བ་འཛིན་པ། ཞབས་གཡས་བསྐུམས་གཡོན་བརྐྱངས་པའི་གར་སྟབས་ཅན། སྤྱན་གསུམ་ནམ་མཁའ་ལ་ཧྲིག་ཧྲིག་གཟིགས་ཤིང་གར་མཛད་པ་བཅུ་གསུམ་སྒྲོལ་མའི་ངོ་བོ། ཁམས་གསུམ་གྱི་སེམས་ཅན་ཐམས་ཅད་བདག་གིས་དབང་དུ་བསྡུས། དགོས་འདོད་ཐམས་ཅད་ཆར་བཞིན་དུ་བབས་པར་གྱུར། ཨོཾ་བཛྲ་ན་ར་ཀྲིཾ་ཀྲིཾ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། <span class="tibetan_small">ཅེས་པ་བརྒྱ་རྩ་སོགས་ཅི་འགྲུབ་བཟླ། དེ་ནས་གཞུང་གི་བཟླས་པ། གཏོར་འབུལ། བསྟོད་པ། བདག་འཇུག་བཅས་གྲུབ་པ་དང་། སློབ་མ་ལ་ཁྲུས་བྱ། སེམས་བསྐྱེད་གསལ་གདབ་སྐབས།</span><br />དེའི་ཆེད་དུ་ཡེ་ཤེས་མགོན་པོ་མཁའ་འགྲོ་དབང་དུ་སྡུད་པའི་བཀའ་<span class="tibetan_small">ཞེས་བསྒྱུར་ལ།</span> <br />དེ་ལ་འདིར་མྱུར་མཛད་ཡེ་ཤེས་ཀྱི་མགོན་པོ་ཞི་དྲག་གི་སྒྲུབ་ཐབས་སྤྱི་ལ་ཤིན་ཏུ་གལ་གནད་ཆེ་བ་ཡན་ལག་གི་བཀའ་གསུམ་པ་མཁའ་འགྲོ་དབང་སྡུད་འདི་ནི། རྒྱ་གཞུང་རྡོ་རྗེའི་གསུང་ལས། <br />བླ་མ་མགོན་པོ་སིནྡཱུ་རའི། །སྔགས་རྣམས་དབང་གི་མདོག་ལྡན་པས། །མགོན་པོ་དཔའ་བོ་མཁའ་འགྲོ་རྣམས། །དབང་དུ་སྡུད་པའི་གནད་མཆོག་འདིས། །འདི་དང་ཕྱི་མའི་དོན་མཆོག་འགྲུབ། །གཅིག་བརྒྱུད་འདི་ནི་སྲོག་ལྟར་ཆོངས། <br />།ཞེས་གསུངས་ཏེ། ཡེ་ཤེས་མགོན་པོ་འདི་ཉིད་ཀྱི་སྤྲུལ་པའི་རང་གཟུགས་དུར་ཁྲོད་བསིལ་བའི་ཚལ་ན་རྟག་ཏུ་བཞུགས་ཤིང་དུར་ཁྲོད་བརྒྱད་དང་ཡུལ་ཆེན་ཉེར་བཞིའི་དཔའ་བོ་མཁའ་འགྲོ་མ་རྣམས་ཀྱི་ཚོགས་ཀྱི་གཙོ་བོ་མཛད་ཅིང་དབང་བསྒྱུར་བ་ཡིན་པས་རྣལ་འབྱོར་ཟབ་མོ་འདི་ལ་བརྟེན་ནས་གནས་གསུམ་གྱི་མཁའ་འགྲོ་དང་མཁའ་འགྲོ་མ་རྣམས་དང་ཡེ་ཤེས་ལས་དང་འཇིག་རྟེན་གྱི་ཆོས་སྐྱོང་བ་ཐམས་ཅད་གནད་ལ་དབབ་ཅིང་དབང་དུ་འདུས་པས་མཆོག་དང་ཐུན་མོང་གི་དངོས་གྲུབ་ཐམས་ཅད་ལོ་ཟླ་ཙམ་གྱིས་འགྲུབ་པ་དང་། ཕྲིན་ལས་རྣམ་བཞི་ཐོགས་མེད་བསམ་པ་ཙམ་གྱིས་སྒྲུབ་པའི་གནད་ཆིག་བརྒྱུད་ཐུན་མོང་མ་ཡིན་པའི་གདམས་ངག་སྲོག་ལྟར་གཅེས་པ་ཡིན་པས་དེ་ལྟ་བུའི་བྱིན་རླབས་ཀྱི་བཀའ་ཟབ་མོ་བསྒྲུབ་པ་<span class="tibetan_small">སོགས་ཀྱིས་མཚམས་སྦྱར་ནས་མཎྜལ་གསོལ་གདབ་སོགས་ནས། སློབ་མ་ལྷར་བསྐྱེད་ཡན་གོང་དང་མཚུངས།</span><br />དེ་ནས་མདུན་བསྐྱེད་གཏོར་མ་དང་དབྱེར་མེད་པའི་མགོན་པོའི་དབུ་གཙུག་གི་དྲིན་ཅན་རྩ་བའི་བླ་མ་<span class="tibetan_small">སོགས་དང་།</span> བཅུ་གསུམ་སྒྲོལ་མའི་ངོ་བོ་གསལ་ཐོབ་ལ་གསོལ་བ་འདེབས་པ་འདིའི་རྗེས་ཟློས་མཛོད། <br />བླ་མ་རིན་པོ་ཆེ་གནས་གསུམ་གྱི་དཔའ་བོ་མཁའ་འགྲོ་ཐམས་ཅད་དབང་དུ་འདུ་བར་བྱིན་གྱིས་བརླབ་ཏུ་གསོལ། <span class="tibetan_small">ལན་གསུམ།</span> <br />དེ་ལྟར་གསོལ་བ་བཏབ་པས་མགོན་པོའི་སྤྱི་བོ་ན་བཞུགས་པའི་བླ་མའི་སྐུ་ལས་འོད་ཟེར་ལྕགས་ཀྱུ་ལྟ་བུ་འཕྲོས། ཕྱོགས་བཅུ་ན་བཞུགས་པའི་དཔའ་བོ་མཁའ་འགྲོ་ཐམས་ཅད་ལ་ཕོག་པས་དེ་ཐམས་ཅད་འོད་ཟེར་འབར་བའི་རང་བཞིན་ཅན་གྱི་རྣམ་པར་སྤྱན་དྲངས། བླ་མ་མགོན་པོ་མཁའ་འགྲོ་མ་དང་བཅས་པ་ལ་ཐིམ་པས་བླ་མ་འོད་དང་བདེ་བའི་རང་བཞིན་དུ་འབར། མཁའ་འགྲོ་མ་རྣམས་དམར་སྒོར་སྒོར་གར་མཛད། མགོན་པོ་ཡང་ཌཱ་མ་རུ་དང་དྲིལ་བུ་གཡེར་ཁའི་སྒྲ་འུར་འུར་སིལ་སིལ་འཁྲོལ་བའི་སྐུ་ལས་མཁའ་འགྲོ་མ་དཔག་ཏུ་མེད་པ་བྱུང་། སློབ་མ་མགོན་པོར་གསལ་བའི་ལུས་ཐམས་ཅད་དང་ཁྱད་པར་དཔྲལ་བའི་སིནྡཱུ་རའི་སྟེང་དུ་སྟོང་གསུམ་གཡོ་བར་བྱེད་པའི་མཁའ་འགྲོ་མ་བཅུ་གསུམ་དུ་གྱུར་ཅིང་དེ་རྣམས་ཀྱི་སྐུ་ལས་འོད་ཟེར་ལྕགས་ཀྱུ་ལྟ་བུ་ཕྱོགས་བཅུར་འཕྲོས་པའི་འཇིག་རྟེན་དང་འཇིག་རྟེན་ལས་འདས་པའི་དགོས་འདོད་ཐམས་ཅད་བསྡུས་ནས་བྱིན་གྱིས་བརླབས་བྱུང་སྙམ་པའི་མོས་པ་མཛོད། <span class="tibetan_small">བྱས་ལ་ཌཱ་དྲིལ་དང་བཅས་པས་ན་ར་ཀྲིཾ་ཀྲིཾ་བརྗོད།</span><br />དེས་མཁའ་འགྲོ་དབང་སྡུད་ཀྱི་བྱིན་རླབས་གྲུབ་ནས་མགོན་པོ་གནད་ལ་འབེབས་པར་བྱེད་པ་ལ་གསོལ་འདེབས་འདིའི་རྗེས་ཟློས་མཛོད། <br />བླ་མ་རིན་པོ་ཆེ་བདག་ལ་མགོན་པོ་འཁོར་བཅས་གནད་ལ་དབབ་པའི་བྱིན་རླབས་མཛད་དུ་གསོལ། <span class="tibetan_small">ལན་གསུམ།</span><br />དེ་ལྟར་གསོལ་བ་བཏབ་པས། མགོན་པོའི་སྤྱི་བོ་ན་བཞུགས་པའི་བླ་མའི་སྐུ་ལས་འོད་ཟེར་འཕྲོས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཤིན་ཏུ་ཁྲོས་པའི་རྣམ་པར་སྤྱན་དྲངས་བླ་མ་ལ་ཐིམ་པས། བླ་མ་དེ་ཉིད་སྐུ་མདོག་སྨུག་ནག་འོད་ཟེར་དམར་པོ་འཕྲོ་བའི་རྣམ་པ་ཅན་ཤིན་ཏུ་ཁྲོས་པའི་རང་བཞིན་གྱིས་མགོན་པོའི་སྤྱི་བོར་ཆེམ་ཆེམ་འུར་འུར་གར་མཛད་ཅིང་འོད་ཟེར་སྨུག་ནག་འཕྲོས་པས། མགོན་པོ་འཁོར་བཅས་དང་ཁྱད་པར་མགོན་པོའི་སྐུ་ལ་དམར་ལམ་ལམ་ཕོག་པས་མགོན་པོ་འཁོར་བཅས་གནད་ལ་ཕབ་སྟེ་མགོན་པོ་དགྲ་བགེགས་ཀྱི་སྟེང་དུ་མེར་མེར་སིལ་སིལ་གར་མཛད་ཅིང་ཁྲོས་འཁྲུགས་ཞབས་ས་ལ་བརྡབ། ཞལ་ནས་ཧཱུྃ་ཕཊ་ཀྱི་སྒྲ་དྲག་པོ་སྒྲོག །སྤྱན་གསུམ་འཁོར་རྣམས་ལ་ཧྲིག་ཧྲིག་གཟིགས་པས་འཁོར་རྣམས་ཀྱང་རང་དབང་མེད་པར་དྲག་ཏུ་ཁྲོས་ཤིང་དམ་པའི་ཆོས་བསྒྲུབ་པ་ལ་བར་དུ་གཅོད་པའི་གནོད་བྱེད་བསྟན་དགྲ་སྡིག་ཅན་རྣམས་ཀྱི་སྙིང་ཁ་ནས་ལྕགས་ཀྱུས་བཀུག །མགྲིན་པ་ནས་ཞགས་པས་བཅིངས། ཡན་ལག་ལྕགས་སྒྲོག་གིས་བསྡམས་ནས་བསད་བཅད་གཏུབ། དོན་སྙིང་གཙོ་ལ་སྟོབ། ཤ་རུས་ལྷག་མེད་དུ་འཁོར་རྣམས་ཀྱིས་རོལ། གནོད་བྱེད་དགྲ་བགེགས་ཐམས་ཅད་ཐལ་བ་རྡུལ་ཕྲན་བཞིན་དུ་བརླག་པའི་སྒོ་ནས་བྱིན་གྱིས་བརླབ་པའི་མོས་པ་མཛོད་<span class="tibetan_small">བྱས་ལ། ཤ་ཆེན་སྤོས་སྦྱོར་སོགས་བསྲེགས་ཤིང་རོལ་མོའི་སྒྲ་དང་བཅས་པས།</span> <br />ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ན་ཡ་ཀ་ཏྲཀ་རཀྨོ་རཀྵ་རུ་དྷི་རཾ་ཙིཏྟ་ལ་ཨ་དུན་རྦད་ཧཱུྃ་ཧཱུྃ་ཕཊ་ཕཊ། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་ཙིཏྟ་ལ་ཨ་དུན་དུན་བི་བི་ནཱ་ཡ་ཧཱུྃ་ཕཊ།<span class="tibetan_small"> ཅེས་སྲོག་སྔགས་བརྗོད་དོ།</span><br />།དེས་མགོན་པོ་ཉིད་གནད་ལ་དབབ་པའི་བྱིན་རླབས་གྲུབ་ནས་དེ་དག་གི་མཐའ་རྟེན་དུ་སྐུ་གསུང་ཐུགས་ཀྱི་བྱིན་རླབས་རྗེས་སུ་གནང་བ་ལ་དམིགས་པ་འདི་བཞིན་དུ་མཛོད། <br />གཏོར་མ་ཡེ་ཤེས་མགོན་པོར་གསལ་བའི་སྤྱི་བོའི་ཨོཾ་ལས་འོད་ཟེར་དཀར་པོ་བྱུང་། སློབ་མའི་སྤྱི་བོའི་ཨོཾ་ལ་ཕོག་པས་ཨོཾ་ཡིག་དྭངས་གསལ་འོད་ཀྱི་རང་བཞིན་དུ་གྱུར་ཏེ། དེ་ལས་བདུད་རྩིའི་རྒྱུན་བྱུང་། ལུས་ཀྱི་ནང་ཐམས་ཅད་གང་བས་ལུས་ཀྱི་སྒྲིབ་པ་དག །མགོན་པོའི་སྐུའི་བྱིན་རླབས་ཞུགས་པའི་མོས་པ་མཛོད། <span class="tibetan_small">བྱས་ལ་རོལ་མོ་དང་སྤོས་བཏུལ།</span> <br />ཡང་གཏོར་མ་ཡེ་ཤེས་མགོན་པོར་གསལ་བའི་མགྲིན་པའི་ཨཱཿལས་འོད་ཟེར་དམར་པོ་བྱུང་། སློབ་མའི་མགྲིན་པའི་ཨཱཿལ་ཕོག་པས་ཨཱཿཡིག་དྭངས་གསལ་འོད་ཀྱི་རང་བཞིན་དུ་གྱུར་ཏེ། དེ་ལས་བདུད་རྩིའི་རྒྱུན་བྱུང་ལུས་ཀྱི་ནང་ཐམས་ཅད་གང་བས་ངག་གི་སྒྲིབ་པ་དག །མགོན་པོའི་གསུང་གི་བྱིན་རླབས་ཞུགས་པར་མོས་མཛོད། <span class="tibetan_small">སྤོས་རོལ་བྱ།</span> <br />ཡང་གཏོར་མ་ཡེ་ཤེས་མགོན་པོར་གསལ་བའི་ཐུགས་ཀའི་ཧཱུྃ་ལས་འོད་ཟེར་སྔོན་པོ་བྱུང་། སློབ་མའི་སྙིང་གའི་ཧཱུྃ་ལ་ཕོག་པས་ཧཱུྃ་ཡིག་དྭངས་གསལ་འོད་ཀྱི་རང་བཞིན་དུ་གྱུར་ཏེ། དེ་ལས་བདུད་རྩིའི་རྒྱུན་བྱུང་ལུས་ཀྱི་ནང་ཐམས་ཅད་གང་བས་ཡིད་ཀྱི་སྒྲིབ་པ་དག །མགོན་པོའི་ཐུགས་ཀྱི་བྱིན་རླབས་ཞུགས་པའི་མོས་པ་མཛོད། <span class="tibetan_small">སྤོས་རོལ་བྱ།</span> <br />དེ་ནས་མགོན་པོའི་གནས་གསུམ་གྱི་ཨོཾ་དཀར་ཨཱཿདམར་ཧཱུྃ་མཐིང་གསུམ་རྦད་ཀྱིས་ཆད་ནས་ཁྱེད་རང་གི་གནས་གསུམ་གྱི་ཡིག་འབྲུ་གསུམ་ལ་རིམ་གྱིས་ཐིམ། ཨོཾ་དང་ཨཱཿཡང་ཧཱུྃ་ལ་ཐིམ། ཧཱུྃ་གི་ཞབས་ཀྱུ་འ་ཆུང་ལ་ཐིམ། འ་ཆུང་ཧ་ཡིག་ལ། ཧ་མགོ་བོ་ལ། དེ་ཟླ་ཚེས་ལ། དེ་ཐིག་ལེ་ལ། ཐིག་ལེ་ནཱ་ད་ལ། དེའང་ཇེ་ཕྲ་ཇེ་ཕྲར་གྱུར་ཏེ་སྟོང་ཉིད་དུ་ཡལ། འོད་གསལ་ཕྱག་རྒྱ་ཆེན་པོའི་རང་ངོ་ལ་མཉམ་པར་འཇོག་པར་ཞུ། <span class="tibetan_small">ཞེས་ཅུང་ཟད་མཉམ་པར་བཞག །དེ་ནས་གཏོར་དབང་སོགས་རྗེས་ཀྱི་ཆོ་ག་སྔ་མ་ལྟར་རོ།</span><br /><span class="tibetan_small">།ཆོས་འདི་ཡོན་ཏན་ཚད་མེད་པའི། །རྒྱ་མཚོའི་གོས་ཅན་ཀུན་ཏུ་ཁྱབ། །གཞན་ལས་བྱིན་རླབས་སྒོ་མྱུར་བས། །དངོས་གྲུབ་འདོད་རྣམས་བརྟེན་པར་འོས། །མཁའ་འགྲོ་དབང་སྡུད་གནད་དབབ་ལྷན་ཅིག་པའི་རྗེས་གནང་གི་ལེ་ཚན་ནོ།། །།མངྒ་ལཾ།། །།</span><br /><br />Chinkha Sangdrup<br /><br />༼༄༅། །གསང་སྒྲུབ་མཆིན་ཁའི་བྱིན་རླབས།།༽<br /><span class="tibetan_small">ཨོཾ་སྭ་སྟི། </span><br /><span class="tibetan_small">འོད་དཔག་མེད་མགོན་ཐུགས་རྗེའི་སྐུ། །དྲག་པོའི་ཚུལ་སྟོན་ཧེ་རུ་ཀར། །བཏུད་ནས་གསང་སྒྲུབ་མཆིན་ཁ་ཡི། །བྱིན་རླབས་བཀའ་ཡིག་འདི་ལྟར་རོ།</span><br /><span class="tibetan_small">།མཎྜལ་ཆོས་འབྱུང་མཐིང་ནག་གྲུ་གསུམ་མེ་རི་དང་བཅས་པའི་དབུས་སུ་པདྨ་འདབ་བརྒྱད་ཀྱི་ལྟེ་བར་ཧཱུྃ་མཆིན་ཁ་བྲི། རྟེན་གཏོར་མཆོད་གཏོར་བཅའ་གཞི་སོགས་བར་ཆད་ཀུན་སེལ་དང་འདྲ། སྒྲུབ་ཚུལ་བདག་བསྐྱེད་སོགས་དེ་དང་ཁྱད་པར་མེད་པ་ལས། མདུན་བསྐྱེད་བསང་སྦྱང་།</span> <br />སྟོང་པའི་ངང་ལས་མདུན་དུ་ཆོས་འབྱུང་གྲུ་གསུམ་ཡངས་ཤིང་རྒྱ་ཆེ་བ། དེའི་དབུས་སུ་པྃ་ལས་པདྨ། རྃ་ལས་ཉི་མའི་སྟེང་དུ་གྃ་ལས་ཚོགས་བདག་དཀར་པོ་གླང་པོ་ཆེའི་གདོང་པ་ཅན། གཡས་པས་སའི་སྙིང་པོ་ལོ་མ་དང་བཅས་པ་ཞལ་དུ་གསོལ་ཞིང་གཡོན་རིན་པོ་ཆེ་སྣ་ཚོགས་སྐྱུག་པའི་ནེའུ་ལེ་འཛིན་པ། སྤྱན་གསུམ་པ། རིན་པོ་ཆེ་དང་རྒྱན་སྣ་ཚོགས་ཀྱིས་བརྒྱན་པ་གན་རྐྱལ་དུ་བསྒྱེལ་བའི་སྟེང་དུ་ཧཱུྃ་དམར་སྨུག་ལས་གྲི་གུག་ཧཱུྃ་གིས་མཚན་པ་དེ་ལས་འོད་འཕྲོས། གདུག་པ་ཅན་ཐམས་ཅད་ཚར་བཅད། ཚུར་འདུས་ཡོངས་སུ་གྱུར་པ་ལས། མྱུར་མཛད་ཡེ་ཤེས་ཀྱི་མགོན་པོ་སྐྱེ་འགྲོའི་རེ་བ་ཚུལ་བཞིན་དུ་སྐོང་བ། སྐུ་མདོག་མཆིན་ཁ་ནག་ལ་དམར་བའི་མདངས་ཅན། ཞལ་གཅིག་ཕྱག་དྲུག་པ། དམར་ལ་ཟླུམ་པའི་སྤྱན་གསུམ་སྡང་མིག་ཏུ་གཟིགས་པ། ཞལ་གདངས་ཤིང་མཆེ་བ་གཙིགས་པ། ལྗགས་འདྲིལ་བ། རབ་ཏུ་བཞད་པ། སྨ་ར་དང་སྨིན་མ་དང་། དབུ་སྐྲ་དམར་སེར་གྱེན་དུ་བརྫེས་པ། དཔྲལ་བར་སིནྡཱུ་རའི་ཐིག་ལེས་བྱུགས་པ། སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ། ཕྱག་གཡས་དང་པོས་རྡོ་རྗེ་གྲི་གུག་དང་། གཡོན་དང་པོས་ཐོད་པ་ཁྲག་གིས་གང་བ་ཐུགས་ཀར་སྟེང་འོག་ཏུ་འཛིན་པ། གཡས་བར་པས་ཐོད་སྐམ་གྱི་ཕྲེང་བ། ཐ་མས་ཌཱ་མ་རུ་དྲག་ཏུ་འཁྲོལ་བ། གཡོན་གཉིས་པ་ན་མདུང་རྩེ་གསུམ་པ། ཐ་མ་ན་རྡོ་རྗེ་ཞགས་པ་བསྣམས་པ། ཞབས་གཉིས་སྲིད་གསུམ་རྣམ་པར་གནོན་པའི་ཤུགས་ཅན་མཉམ་པའི་སྟབས་ཀྲིག་ཀྲིག་ཞབས་ཀྱིས་བགེགས་ཀྱི་རྒྱལ་པོ་མནན་པ། སྟག་ལྤགས་ཀྱི་ཤམ་ཐབས་ལ། དར་ལྗང་གུའི་སྐ་རགས་བཅིངས་པ། སྦྲུལ་སྔོན་པོས་དབུ་སྐྲ་བཅིངས་ཤིང་། དམར་པོའི་སྙན་ཆ། ཁྲ་བོའི་དཔུང་རྒྱན། དཀར་པོའི་མགུལ་རྒྱན། སེར་པོའི་ལག་གདུབ། ལྗང་གུའི་དོ་ཤལ། དཀར་པོའི་རྐང་གདུབ་དང་སྐ་རགས་ཅན། ཕྱག་ཞབས་ཐམས་ཅད་ལ་དྲིལ་བུ་གཡེར་ཁའི་ཕྲེང་བ་དང་ལྡན་པ། སྦོམ་ཐུང་ཡན་ལག་ཧྲག་པ། གཟི་བརྗིད་མཐའ་ཡས་པ། མི་མགོ་སྐམ་པོའི་ལྔའི་དབུ་རྒྱན་རིན་པོ་ཆེའི་རྩེ་བྲན་ཅན་དང་། རློན་པ་ཁྲག་འཛག་ལྔ་བཅུའི་དོ་ཤལ་བྱས་པ། རུས་པའི་རྒྱན་དྲུག་གིས་མཛེས་པ། འཇིགས་པའི་ང་རོ་འབྲུག་ལྟར་སྒྲོག་པས་བདུད་དང་བགེགས་ཐམས་ཅད་བརླག་པར་མཛད་པ། བསྐལ་པའི་མེ་ལྟ་བུ་ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་པའོ། <br />།དེའི་གཡོན་དུ་རཀྟའི་རྒྱ་མཚོ་ཆེན་པོ་དམར་ལ་དྭངས་པའི་ནང་དུ་དྲེའུ་རྐྱང་སེར་གྭ་པའི་སྟེང་དུ་བྷྱོཿལས་མ་གཅིག་འདོད་པ་ཁམས་ཀྱི་དབང་ཕྱུག་མ་སྐུ་མདོག་ཆར་སྤྲིན་ལྟར་ནག་པ། ཞལ་གཅིག་ཕྱག་བཞིའི་གཡས་དང་པོས་རལ་གྲི། གཉིས་པས་གྲི་གུག གཡོན་དང་པོས་ནལ་བུའི་རྒྱལ་མཚན། གཉིས་པས་སྐྲ་དང་བཅས་པའི་ཐོད་རློན་ཁྲག་གིས་གང་བ་བསྣམས་པ། ཞལ་གདངས་ཤིང་མཆེ་བ་གཙིགས་པ། དབུ་སྐྲ་ཁམ་ནག་གྱེན་དུ་འབར་བའི་གསེབ་ན་རྨ་བྱའི་མདོངས་དང་ཟླ་ཚེས་ཀྱིས་བརྒྱན་པ། སྙན་གཡས་ལ་སེང་གེ་དང་གཡོན་ན་སྦྲུལ་ནག་འཕྱོ་བ། ཐོད་སྐམ་ལྔའི་དབུ་རྒྱན་དང་རློན་པ་ལྔ་བཅུའི་དོ་ཤལ་ཅན། མི་ལྤགས་ཀྱི་སྟོད་གཡོགས་དང་རེ་ལྡེ་སེར་པོའི་ཤམ་ཐབས་ལ་སྦྲུལ་གྱི་སྐ་རགས་བཅིངས་པ། ལྟེ་བའི་དབུས་ན་ཉི་མ་འཆར་བ། དྲེའུའི་སྟེང་ན་ཕྱེད་སྐྱིལ་གྱིས་བཞུགས་པའི་ཞལ་ཕྱི་ལ་གཟིགས་པ། དེའི་མདུན་དུ་ཆུ་སྲིན་གདོང་ཅན་དང་རྒྱབ་ཏུ་སེང་གེའི་གདོང་ཅན། ཕྱི་རོལ་དུ་མ་མོའི་འཁོར་གྱིས་བསྐོར་བའོ། <br />།ཡབ་ཡུམ་གཉིས་ཀྱི་མདུན་དུ་ཧཱུྃ་ལས་གནོད་སྦྱིན་ཀྵེ་ཏྲ་པཱ་ལ་སྨུག་ནག་ཞལ་གཅིག་ཕྱག་གཉིས་གཡས་གྲི་གུག་ཕྱར་ཞིང་དགྲ་སྲོག་གཅོད་པ། གཡོན་བནྡྷ་ཁྲག་གིས་གང་བ་གཙོ་བོའི་ཞལ་དུ་སྟོབ་པ། དོམ་ནག་སྨྱོན་པ་ལ་ཆིབས་པའོ། <br />།གཡས་སུ་ཏྲི་ལྗང་གུ་ལས་ཛི་ན་མི་ཏྲ་སྐུ་མདོག་ལྗང་ནག་ཞལ་གཅིག་ཕྱག་གཉིས་གཡས་ཌཱ་མ་རུ་འཁྲོལ་ཞིང་གཡོན་སྡིགས་མཛུབ་ནམ་མཁའ་ལ་གདེངས་པ་སྟག་ལ་ཆིབས་པའོ། <br />།རྒྱབ་ཏུ་ཛཿལས་གཤིན་རྗེ་ཊཱཀྐི་རཱ་ཛ་སྐུ་མདོག་སྨུག་ནག་ཞལ་གཅིག་ཕྱག་གཉིས་གཡས་རྒྱུ་མའི་ཞགས་པ་གཡོན་སྡིགས་མཛུབ་ནམ་མཁའ་ལ་གདེངས་པ་སྤྱང་ཀི་ལ་ཞོན་པའོ། <br />།ལྷ་མོའི་གཡོན་དུ་ཧཱུྃ་ལས་བདུད་མགོན་ཏྲཀྴད་ནག་པོ་ཞལ་གཅིག་ཕྱག་བཞི་གཡས་དང་པོས་ཐོད་ཁྲག་གཉིས་པས་རུ་མཚོན་དམར་པོ་ཕྱར་བ། གཡོན་དང་པོས་ལྕགས་ཀྱི་ཐོ་ལུམ་དང་གཉིས་པས་ཙན་དན་གྱི་བིང་ཆེན་བསྣམས་པ། ཟ་འོག་སྔོ་ཁྲའི་བེར་དང་སག་ལྷམ་ནག་ཁྲ་གསོལ་ཞིང་རྟ་ནག་རྟིང་དཀར་ལ་ཆིབས་པའོ།<br />།དེ་ཐམས་ཅད་ཀྱང་རྔམས་ཤིང་མཆེ་བ་གཙིགས་པ། སྨ་ར་སྨིན་མ་དབུ་སྐྲ་དམར་སེར་གྱེན་དུ་བརྫེས་པ། སྤྱན་གསུམ་དམར་ཟླུམ་གཡོ་བས་དགྲ་བགེགས་ལ་གཟིར་བ། མི་མགོ་སྐམ་རློན་གྱི་ཕྲེང་བ་འཕྱང་བའོ། <br />།དེ་དག་གི་ཕྱི་རོལ་དུ་ཤར་དུ་བརྒྱ་བྱིན་<span class="tibetan_small">སོགས་རྩ་བའི་ཕྲིན་ལས་དཀྱུས་ལྟར་བཏང་བ་ལས། གསོལ་འདེབས་དང་ཡིག་བརྒྱ་མ་གྲུབ་ཀྱང་ཆོག །གོང་གསལ་གནད་དབབ་སྐབས་ཀྱི་དམིགས་བཟླས་དེ་སྦྱར། དངོས་གཞིའི་བཟླས་པའང་ཤཱ་ས་ན་གཙོ་བོར་བྱེད། གཏོར་འབུལ་བསྟོད་པ་བདག་འཇུག་གྲུབ་ནས། སློབ་མ་ལ་ཁྲུས་དང་། སེམས་བསྐྱེད་གསལ་གདབ་སྐབས།</span><br />དེའི་ཆེད་དུ་མྱུར་མཛད་ཡེ་ཤེས་ཀྱི་མགོན་པོའི་གསང་སྒྲུབ་མཆིན་ཁའི་བཀའ་<span class="tibetan_small">ཞེས་བསྒྱུར།</span> <br />དེ་ལ་འདིར་སངས་རྒྱས་སྣང་བ་མཐའ་ཡས་ཉིད་རྡོ་རྗེའི་ཆོས་སྐྱོང་བའི་སྐུར་བཞེངས་ཏེ་རྡོ་རྗེ་འཆང་གི་མགོན་པོ་ཞེས་གྲགས་པ་མཆོག་ཐུན་མོང་གཉིས་ཀ་ལོ་ཟླ་ཙམ་གྱིས་འགྲུབ་པར་བྱེད་པ་འདི་ལ། ཕྱི་སྒྲུབ་འཇིག་རྟེན་དབང་ཕྱུག །ནང་སྒྲུབ་ཁྲོ་བོ་རྟ་མགྲིན། གསང་སྒྲུབ་ཡེ་ཤེས་མགོན་པོ་ལྟར་སྒྲུབ་པའི་སྐོར་རྒྱུད་དང་གྲུབ་ཐོབ་སོ་སོའི་གདམས་ངག་གི་བཀའ་སྲོལ་མཐའ་ཡས་པ་བཞུགས་པ་རྣམས་ཀྱི་ནང་ནས་མཆོག་ཏུ་གྱུར་པ། སྒྲུབ་བརྒྱུད་ཀྱི་ཤིང་རྟ་ཆེན་པོ་དང་དཔལ་ཤངས་པ་བཀའ་བརྒྱུད་ལ་བཀའ་བབ་པའི་བཀའ་སྲོལ་འདི་ལའང་སྒྲུབ་ཐབས་མི་གཅིག་པ་དུ་མ་བཞུགས་པ་ལས་ད་ལམ་གསང་སྒྲུབ་མཆིན་ཁའི་རྗེས་གནང་བསྒྲུབ་པ་ལ་<span class="tibetan_small">སོགས་མཚམས་སྦྱར་ནས་མཎྜལ་དང་། གསོལ་གདབ་ལྷ་ངོ་བསྟན་པ་སྔར་བཞིན་སོང་ནས།</span> སྤྲིན་གཏིབས་པ་བཞིན་དུ་བཞུགས་པའི་སྤྱན་སྔར་བདག་གཞན་ནམ་མཁའ་དང་མཉམ་པའི་སེམས་ཅན་ཐམས་ཅད་བྱང་ཆུབ་མ་ཐོབ་ཀྱི་བར་དུ་སྐྱབས་སུ་འགྲོ་ཞིང་ཐུན་མོང་གི་སྡོམ་པ་གཟུང་བར་བགྱིའོ་སྙམ་པས་འདིའི་རྗེས་ཟློས་མཛོད། <br />ཕྱོགས་བཅུ་ན་བཞུགས་པའི་སངས་རྒྱས་ལ་སྐྱབས་སུ་མཆིའོ། །ཆོས་ལ༴ དགེ་འདུན་ལ༴ བླ་མ་ཡི་དམ་གྱི་ལྷ་ཚོགས་ལ༴ ཡེ་ཤེས་མགོན་པོའི་ཕྱག་དྲུག་པའི་ལྷ་ཚོགས་འཁོར་དང་བཅས་པ་ལ་སྐྱབས་སུ་མཆིའོ། །བདག་ལ་བྱིན་གྱིས་བརླབ་ཏུ་གསོལ། <span class="tibetan_small">ཞེས་ལན་གསུམ། སློབ་མ་ལྷར་བསྐྱེད་ཚུལ་གོང་གིས་འགྲེ་ཞིང་གནས་གསུམ་འབྲུ་གསུམ་བཅས་གསལ་གདབ།</span> <br />དེ་ནས་ཁྱད་པར་གྱི་གསོལ་འདེབས་འདིའི་རྗེས་ཟློས་མཛོད། <br />བླ་མ་རིན་པོ་ཆེ་བདག་ལ་དཔལ་ཡེ་ཤེས་ཀྱི་མགོན་པོའི་སྐུའི་རྗེས་སུ་གནང་བ་མཛད་དུ་གསོལ། སྐུའི་བྱིན་རླབས་ལུས་ལ་འཇུག་པར་མཛད་དུ་གསོལ། བུམ་པའི་དབང་བསྐུར་དུ་གསོལ། <br />དེ་ལྟར་གསོལ་བ་བཏབ་པས་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བའི་ཐུགས་ཀར་ཕོག་པས་ཐུགས་རྒྱུད་བསྐུལ་ཏེ་དེའི་སྤྱི་བོའི་ཨོཾ་ཡིག་ལས་ཀྱང་འོད་ཟེར་འཕྲོས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱི་སྐུའི་བྱིན་རླབས་ཐམས་ཅད་དང་། ཁྱད་པར་དུ་ཡང་མགོན་པོའི་སྐུའི་བྱིན་རླབས་ཐམས་ཅད་འོད་ཟེར་གྱི་རྣམ་པར་སྤྱན་དྲངས་ཨོཾ་ཡིག་ལ་ཐིམ། དེ་ལས་བདུད་རྩི་མཆིན་ཁའི་རྒྱུན་བབས། སློབ་མའི་སྨིན་མཚམས་ནས་ཞུགས། སྤྱི་བོ་བདེ་ཆེན་གྱི་འཁོར་ལོ་ཁྲིག་མེར་གྱིས་གང་བས་ལུས་ཀྱི་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག །བུམ་པའི་དབང་ཐོབ། ཡེ་ཤེས་མགོན་པོའི་སྐུའི་བྱིན་རླབས་ཐོབ་པའི་མོས་པ་མཛོད། <span class="tibetan_small">བྱས་ལ་ཌཱ་དྲིལ་དང་བཅས་པས་སྔགས་བརྗོད།</span> <br />ཡང་གསོལ་བ་འདེབས་པ་འདིའི་རྗེས་ཟློས་མཛོད། <br />བླ་མ་རིན་པོ་ཆེ་བདག་ལ་དཔལ་ཡེ་ཤེས་ཀྱི་མགོན་པོའི་གསུང་གི་རྗེས་སུ་གནང་བ་མཛད་དུ་གསོལ། གསུང་གི་བྱིན་རླབས་ངག་ལ་འཇུག་པར་མཛད་དུ་གསོལ། གསང་བའི་དབང་བསྐུར་དུ་གསོལ། <br />དེ་ལྟར་གསོལ་བ་བཏབ་པས་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བའི་ཐུགས་ཀར་ཕོག་པས་ཐུགས་རྒྱུད་བསྐུལ་ཏེ་དེའི་མགྲིན་པའི་ཨཱཿལས་ཀྱང་འོད་ཟེར་འཕྲོས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱི་གསུང་གི་བྱིན་རླབས་ཐམས་ཅད་དང་། ཁྱད་པར་དུ་ཡང་མགོན་པོའི་གསུང་གི་བྱིན་རླབས་ཐམས་ཅད་འོད་ཟེར་གྱི་རྣམ་པར་སྤྱན་དྲངས་ཨཱཿལ་ཐིམ། དེ་ལས་བདུད་རྩི་མཆིན་ཁའི་རྒྱུན་བབས། སློབ་མའི་མགྲིན་པ་ནས་ཞུགས། མགྲིན་པ་ལོངས་སྤྱོད་ཀྱི་འཁོར་ལོ་ཁྲིག་མེར་གྱིས་གང་བས་ངག་གི་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག །གསང་བའི་དབང་ཐོབ། ཡེ་ཤེས་མགོན་པོའི་གསུང་གི་བྱིན་རླབས་ཐོབ་པའི་མོས་པ་མཛོད། <span class="tibetan_small">བྱས་ལ་ཌཱ་དྲིལ་དང་སྔགས་བརྗོད།</span> <br />ཡང་གསོལ་བ་འདེབས་པ་འདིའི་རྗེས་ཟློས་མཛོད། <br />བླ་མ་རིན་པོ་ཆེ་བདག་ལ་དཔལ་ཡེ་ཤེས་ཀྱི་མགོན་པོའི་ཐུགས་ཀྱི་རྗེས་སུ་གནང་བ་མཛད་དུ་གསོལ། ཐུགས་ཀྱི་བྱིན་རླབས་ཡིད་ལ་འཇུག་པར་མཛད་དུ་གསོལ། ཤེས་རབ་ཡེ་ཤེས་ཀྱི་དབང་བསྐུར་དུ་གསོལ། <br />དེ་ལྟར་གསོལ་བ་བཏབ་པས་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བའི་ཐུགས་ཀར་ཕོག་པས་ཐུགས་རྒྱུད་བསྐུལ་ཏེ་དེའི་ཐུགས་ཀའི་ཧཱུྃ་ལས་ཀྱང་འོད་ཟེར་འཕྲོས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱི་ཐུགས་ཀྱི་བྱིན་རླབས་ཐམས་ཅད་དང་། ཁྱད་པར་དུ་ཡང་མགོན་པོའི་ཐུགས་ཀྱི་བྱིན་རླབས་ཐམས་ཅད་འོད་ཟེར་གྱི་རྣམ་པར་སྤྱན་དྲངས་ཧཱུྃ་ལ་ཐིམ་པས། དེ་ལས་བདུད་རྩི་མཆིན་ཁའི་རྒྱུན་བབས། སློབ་མའི་སྙིང་ག་ནས་ཞུགས། སྙིང་ག་ཆོས་ཀྱི་འཁོར་ལོའི་ཁྲིག་མེར་གྱིས་གང་བས་ཡིད་ཀྱི་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག །ཤེས་རབ་ཡེ་ཤེས་ཀྱི་དབང་ཐོབ། ཡེ་ཤེས་མགོན་པོའི་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། <span class="tibetan_small">བྱས་ལ་ཌཱ་དྲིལ་དང་བཅས་པས་སྔགས་བརྗོད།</span> <br />ཡང་གསོལ་བ་འདེབས་པ་འདིའི་རྗེས་ཟློས་མཛོད། <br />བླ་མ་རིན་པོ་ཆེ་བདག་ལ་དཔལ་ཡེ་ཤེས་ཀྱི་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་རྗེས་སུ་གནང་བ་མཛད་དུ་གསོལ། སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་བདག་གི་ལུས་ངག་ཡིད་གསུམ་ལ་འཇུག་པར་མཛད་དུ་གསོལ། དབང་བཞི་པ་ཚིག་དབང་རིན་པོ་ཆེ་བསྐུར་དུ་གསོལ། <br />དེ་ལྟར་གསོལ་བ་བཏབ་པས་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བའི་ཐུགས་ཀར་ཕོག་པས་ཐུགས་རྒྱུད་བསྐུལ་ཏེ། དེའི་གནས་གསུམ་གྱི་ཡིག་འབྲུ་གསུམ་ལས་འོད་ཟེར་འཕྲོས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཐམས་ཅད་འོད་ཟེར་གྱི་རྣམ་པར་སྤྱན་དྲངས། མགོན་པོའི་གནས་གསུམ་གྱི་ཡི་གེ་གསུམ་ལ་ཐིམ། དེ་ལས་བདུད་རྩི་རྒྱུན་བབས། སྤྱི་བོ་ནས་རྐང་མཐིལ་གྱི་བར་དུ་གང་བས་ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་སྐད་ཅིག་ཉིད་ལ་སངས་ཀྱིས་དག །ཚིག་དབང་རིན་པོ་ཆེ་ཐོབ། ཡེ་ཤེས་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཐོབ་པའི་མོས་པ་མཛོད། <span class="tibetan_small">བྱས་ལ་སྔགས་བརྗོད།</span> <br />དེ་ནས་སྔགས་དབང་ཞུ་བའི་ཕྱིར་དུ་མེ་ཏོག་འཐོར་བཞིན་དུ་འདིའི་རྗེས་ཟློས་མཛོད། <br />བཅོམ་ལྡན་བདག་གིས་བཟུང་ལགས་ཀྱི། །བདག་ལ་ཉེ་བར་མཛད་དུ་གསོལ། <span class="tibetan_small">།ལན་གསུམ།</span><br />དེ་ལྟར་གསོལ་བ་བཏབ་པས་མདུན་བསྐྱེད་ཀྱི་ཐུགས་ཀའི་སྔགས་ཕྲེང་ལས་སྔགས་ཕྲེང་གཉིས་པ་ཐོན། སློབ་མའི་ཞལ་དུ་ཞུགས། སྙིང་གར་ཉི་གདན་གྱི་སྟེང་དུ་ཧཱུྃ་ཡིག་གི་མཐར་གཡས་སྐོར་དུ་འཁོད་པར་མོས་ལ་འདིའི་རྗེས་ཟློས་མཛོད། <br /><span class="tibetan_small">།བྱས་ལ་སྙིང་པོ་དང་། རྩ་སྔགས་ཤཱ་ས་ན་ལན་གསུམ། སློབ་དཔོན་གྱི་མེ་ཏོག་སྤྱི་བོར་བཞག་སྟེ།</span><br />བཅོམ་ལྡན་འདི་ལ་སྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། <span class="tibetan_small">།ལན་གསུམ། </span><br /><span class="tibetan_small">དེ་ནས་གཏོར་དབང་དང་རྗེས་ཀྱི་བྱ་བ་རྣམས་གོང་དང་མཚུངས་སོ།</span><br /><span class="tibetan_small">།རྒྱ་ཆེ་རབ་ཟབ་བློ་གྲོས་ཅན། །ཁྱུང་པོའི་གདམས་ངག་མཐའ་ཡས་ལས། །གང་འདི་ཡིད་བཞིན་ནོར་མཚུངས་པས། །བསམ་ཀུན་ལྷུན་གྱིས་གྲུབ་བྱེད་དོ། །གསང་སྒྲུབ་མཆིན་ཁའི་རྗེས་གནང་གི་ལེ་ཚན་ནོ།། །།མངྒ་ལཾ།། །།</span><br /><br />Saraha<br /><br />༼༄༅། །མདའ་བསྣུན་ཆེན་པོའི་བཀའ་སྲོལ།།༽<br /><span class="tibetan_small">།ཨོཾ་སྭ་སྟི། </span><br /><span class="tibetan_small">བྱིན་རླབས་མགོན་པོ་སྙིང་གི་དབུས། །མི་ཤིགས་ཐིག་ལེ་བཀོད་ནས་འདིར། །འཕགས་ཡུལ་གྲུབ་པ་ཀུན་གྱི་གཙོ། །མདའ་བསྣུན་ཆེན་པོའི་བཀའ་སྲོལ་འཆད། །མཎྜལ་གཏོར་མའི་བཅའ་གཞི་སོགས་རྗེས་གནང་བར་ཆད་ཀུན་སེལ་གྱི་སྐབས་དང་འདྲ་ཞིང་། སློབ་དཔོན་གྱིས་གནས་ཡོ་ནང་མཆོད་བྱིན་རླབས་བདག་བསྐྱེད་སོགས་སྔར་དང་འདྲ། མདུན་གྱི་མཎྜལ་གཏོར་མ་བསང་སྦྱང་།</span> <br />སྟོང་པའི་ངང་ལས་ཆོས་འབྱུང་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ་རྡོ་རྗེའི་བྲག་སྣ་ཚོགས་པའི་མདོག་ཅན་གྱི་སྟེང་དུ། པྃ་ལས་སྣ་ཚོགས་པདྨ་དང་རྃ་ལས་ཉི་མའི་དཀྱིལ་འཁོར་གྱི་སྟེང་དུ་གྃ་ལས་ཚོགས་ཀྱི་བདག་པོ། དེའི་སྟེང་དུ་ཧཱུྃ་ལས་གྲི་གུག་ཧཱུྃ་གིས་མཚན་པ་ལས་འོད་ཟེར་འཕྲོས་པས་འཕགས་པའི་ཚོགས་ཐམས་ཅད་མཆོད། སེམས་ཅན་ཐམས་ཅད་ཀྱི་སྡིག་སྒྲིབ་དང་ནད་གདོན་ཐམས་ཅད་སྦྱངས། འོད་ཟེར་ཚུར་འདུས་ཡོངས་སུ་གྱུར་པ་ལས། དཔལ་དྲག་པོ་ཡེ་ཤེས་མགོན་པོ་སྐུ་མདོག་མཐིང་ནག་ཞལ་གསུམ་ཕྱག་དྲུག་པ། ཕྱག་དང་པོ་གཉིས་ཀྱིས་གྲི་གུག་དང་ཐོད་ཁྲག་སྟེང་འོག་ཏུ་འཛིན་པ། ལྷག་མ་གཡས་གཉིས་ཀྱིས་ཐོད་པའི་ཕྲེང་བ་དང་ཌཱ་མ་རུ། གཡོན་གཉིས་ཀྱིས་ཁ་ཊྭཱཾ་ག་དང་ཞགས་པ་འཛིན་པ། ཞལ་དབུས་མཐིང་གཡས་དཀར་གཡོན་དམར་བ། །རབ་ཏུ་ཁྲོས་པའི་ཞལ་གསུམ་གདངས་ཤིང་མཆེ་བ་གཙིགས་པ། དམར་ལ་ཟླུམ་པའི་སྤྱན་གསུམ་ཕྱོགས་བཅུར་སྡང་མིག་ཏུ་བལྟ་བ། ཁྲོ་གཉེར་ཤིན་ཏུ་བསྡུས་པ། སྨ་ར་སྨིན་མ་དམར་སེར་གློག་ལྟར་འཁྱུག་ཅིང་དབུ་སྐྲ་ཁམ་སེར་གྱེན་དུ་བརྫེས་པ། ཐོད་པ་སྐམ་པོ་ལྔས་དབུ་ལ་བརྒྱན་ཅིང་། ཁྲག་འཛག་པའི་མགོ་བོ་རློན་པ་ལྔ་བཅུའི་དོ་ཤལ་བྱས་པ། སྙན་རྒྱན་མགུལ་རྒྱན་གདུ་བུ་སྐ་རགས་སོགས་རིན་པོ་ཆེ་དང་རུས་པ་དང་དྲིལ་བུ་གཡེར་ཁ་དང་བཅས་པ། སྦྲུལ་སྣ་ཚོགས་པས་བརྒྱན་པ། སྟག་གི་པགས་པའི་ཤམ་ཐབས་གླང་པོ་ཆེའི་པགས་པའི་སྟོད་གཡོགས་ཅན། ཡན་ལག་རགས་པ་བཟོད་པར་བཀའ་བའི་གཟི་བརྗིད་ཅན། དཔྲལ་བར་སིནྡཱུ་རའི་གཡུང་དྲུང་འཁྱིལ་བ། ཞབས་གཡས་བསྐུམ་ཞིང་གཡོན་བརྐྱངས་པ། སྐུ་ལས་སྐྱེས་པའི་ཡེ་ཤེས་ཀྱི་མེ་དཔུང་རབ་ཏུ་འབར་བའི་དབུས་ན་བཞུགས་པའོ། །དེའི་ཕྱོགས་བཞིར་པདྨ་དང་ཉི་མ་དགྲ་བགེགས་ཀྱི་སྟེང་དུ་མདུན་དུ་ཛཱ་ལས་ཛཱ་ལི་མ་ནག་མོ་ཞལ་གཅིག་ཕྱག་གཉིས་གཡས་གྲི་གུག་དང་གཡོན་ཐོད་ཁྲག་འཛིན་པ། གཡས་སུ་ཀྵེ་ལས་ཀྵེ་ཏྲ་པཱ་ལ་མ་དུ་བའི་མདོག་ཅན་ཞལ་གཅིག་ཕྱག་གཉིས་གཡས་ཌཱ་མ་རུ་དང་གཡོན་སྡིགས་མཛུབ་མཛད་པ། རྒྱབ་ཏུ་མ་ལས་མ་ཧཱ་ཀཱ་ལི་མ་དམར་ནག་ཞལ་གཅིག་ཕྱག་གཉིས་གཡས་གྲི་གུག་དང་གཡོན་ཐོད་ཁྲག་འཛིན་པ། གཡོན་དུ་ཊཱ་ལས་ཊཱཀྐི་རཱ་ཛ་མ་སེར་མོ་གཡས་རྩེ་གསུམ་དང་གཡོན་ཞགས་པ་འཛིན་པ། བཞི་ཀའང་ཤིན་ཏུ་ཁྲོས་ཤིང་སྤྱན་གསུམ་མ། སྨ་ར་དང་སྨིན་མ་དང་དབུ་སྐྲ་ཁམ་སེར་གྱེན་དུ་བརྫེས་པ། རུས་པ་ལ་སོགས་པའི་འཇིགས་པའི་རྒྱན་གྱིས་བརྒྱན་པ། སྐུ་ལས་སྐྱེས་པའི་མེ་འབར་བའི་དབུས་ན་བཞུགས་པ། དེ་དག་གི་ཕྱི་རོལ་དུ་བཀའ་སྡོད་དམ་ཅན་རྒྱ་མཚོའི་ཚོགས་དཔག་ཏུ་མེད་པ་རྣམས་ཀྱིས་བསྐོར་བར་གྱུར་པའི་གཙོ་འཁོར་ཐམས་ཅད་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོའི་འོད་ཟེར་གྱིས་པོ་ཏ་ལ་དང་བསིལ་བའི་ཚལ་ལ་སོགས་པའི་གནས་ནས་མགོན་པོ་འཁོར་དང་བཅས་པ་སྤྱན་དྲངས། <br />ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་ཨེ་ཧྱ་ཧི་ཁྲིཾ་ཁྲིཾ་ཞེས་<span class="tibetan_small">སོགས་ཀྱིས་སྤྱན་དྲངས།</span> ཛཿཧཱུྃ་བྃ་ཧོཿ<span class="tibetan_small">ས་</span> དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུྃ་ལས་འོད་འཕྲོས་པས་དབང་གི་ལྷ་རྣམས་སྤྱན་དྲངས། ཁྱེད་རྣམས་ཀྱིས་དབང་བསྐུར་དུ་གསོལ། ཞེས་བརྗོད་པས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཧཱུྃ། ཞེས་དབང་བསྐུར་བས་ལུས་གང་དྲི་མ་དག །བདེ་བ་ཆེན་པོ་མྱོང་། ཆུའི་ལྷག་མ་སྤྱི་བོར་གནས་པ་ཡོངས་སུ་གྱུར་པ་ལས་གཙོ་བོ་ལ་མི་བསྐྱོད་པ། འཁོར་རྣམས་ལ་ཡེ་ཤེས་མགོན་པོས་དབུ་བརྒྱན་པར་གྱུར། <br />ཨོཾ་ཤྲཱི་བཛྲ་མ་ཧཱ་ཀཱ་ལ་ཡ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་ཧཱུྃ་སྭཱ་ཧཱ། <span class="tibetan_small">དེ་བཞིན་དུ་སྦྱར་ཏེ།</span> པཱདྱཾ་<span class="tibetan_small">ནས།</span> ཤབྡ<span class="tibetan_small">འི་བར་དང་། སྙིང་པོ་ལ་འབྲུ་གསུམ་བཏགས་པས་ནང་མཆོད་འབུལ། བསྟོད་པ་ནི།</span><br />ཁྱོད་སྐུ་ཞལ་གསུམ་ཕྱག་དྲུག་འཇིགས་པའི་གཟུགས། །ཁྱོད་གསུང་ཧཱུྃ་དང་ཕཊ་ཀྱི་ང་རོ་སྒྲོག །ཁྱོད་ཐུགས་མི་བཟད་སྙིང་རྗེ་རབ་འབར་བས། །ཕྱི་ནང་བར་ཆད་ཀུན་འདུལ་ཁྱོད་ལ་བསྟོད། །ཕྱོགས་བཞིའི་ལྷ་མོ་བཞི་པོ་ཁྱེད་རྣམས་ཀྱིས། །དཔལ་ལྡན་ཧེ་རུ་ཀ་ཡི་བཀའ་བཞིན་དུ། །ཞི་རྒྱས་དབང་དྲག་ལ་སོགས་ལས་རྣམས་ནི། །གཡེལ་བ་མེད་པར་ད་ལྟ་བསྒྲུབ་པར་མཛོད། །གཞན་ཡང་མགོན་པོའི་བཀའ་ཉན་འཁོར་བཅས་ཀྱིས། །ཏིང་འཛིན་སྔགས་དང་ཕྱག་རྒྱས་བྱིན་བརླབས་པ། །ཕྱི་ནང་གསང་བའི་མཆོད་ཚོགས་འདི་བཞེས་ལ། །རྣལ་འབྱོར་བདག་གིས་བཅོལ་བའི་ལས་ཀུན་མཛོད། <span class="tibetan_small">།ཅེས་བསྟོད། བཟླས་པའི་སྐབས་སུ།</span> <br />རང་ཡི་དམ་དུ་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས། མགོན་པོ་གཙོ་འཁོར་གྱི་ཐུགས་རྒྱུད་བསྐུལ་ཏེ་ལས་རབ་འབྱམས་བསྒྲུབ་པར་<span class="tibetan_small">བསམ་ཏེ།</span> ཨོཾ་ཤྲཱི་མ་ཧཱ་ཀཱ་ལ་སྭ་སྠི་ཥྛ་ན་མ་མ་ཧཱུྃ་ཕཊ། <span class="tibetan_small">ཅེས་སྙིང་པོ་དང་།</span> བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་<span class="tibetan_small">སོགས་ཉེ་སྙིང་དང་</span>ཤཱ་ས་ན་<span class="tibetan_small">བཟླ། འཁོར་རྣམས་ཀྱི་སྔགས་བཟླ་བར་སྤྲོ་ན།</span> ཨོཾ་མ་ཧཱ་ཀཱ་ལི་ཧཱུྃ་ཧཱུྃ་ཕཊ། ཨོཾ་མ་ཧཱ་ཀཱ་ལི་ཀྵེ་ཏྲ་པཱ་ལ་ཧཱུྃ་ཕཊ། ཨོཾ་རཱ་ཛ་ཊཱཀྐི་རཱ་ཛ་ཧཱུྃ་ཕཊ། ཨོཾ་མ་ཧཱ་ཀཱ་ལི་ནི་ཤ་ཏྲཱུྃ་མ་ར་ཡ་ཧཱུྃ་ཕཊ། <span class="tibetan_small">ཅེས་བཟླས། སླར་མཆོད་བསྟོད་བྱ་ཞིང་བདག་ཉིད་འཇུག །སློབ་མ་ལ་ཁྲུས་བྱ། སེམས་བསྐྱེད་གསལ་གདབ་སྐབས།</span> <br />དེའི་ཆེད་དུ་མྱུར་མཛད་ཡེ་ཤེས་ཀྱི་མགོན་པོ་ཞལ་གསུམ་ཕྱག་དྲུག་པའི་རྗེས་གནང་<span class="tibetan_small">ཞེས་བསྒྱུར།</span> དེའང་སྔོན་དགེ་བསྙེན་ཆེན་པོ་ཞི་བའི་གོ་ཆ་ལྕགས་ཀྱི་བྱིན་པ་ཅན་དུ་གྲགས་པ་དེ་རི་བོ་པོ་ཏ་ལར་ལན་གསུམ་བྱོན། འཕགས་པ་སྤྱན་རས་གཟིགས་དངོས་སུ་མཇལ། སྔ་ཕྱིར་ཕོ་བྲང་གཞལ་མེད་ཁང་གཞན་ཐམས་ཅད་མཇལ་ཞིང་བསྐོར། རྟེན་ཀུན་ལའང་ཕྱག་མཆོད་གྲུབ་པ་ལ། མཐའ་གཅིག་ན་ཁང་བཟང་ཤིན་ཏུ་ཆེ་བ་ནམ་ཡང་སྒོ་མི་འབྱེད་པ་ཞིག་འདུག་པས། དཔའ་བོ་མཁའ་འགྲོ་མ་རྣམས་ལ་སྒོ་འདི་འབྱེད་པར་ཞུ་ཞུས་པས། འདི་སྒོ་ཕྱེས་ན་འཇིག་རྟེན་གསུམ་པོ་མཐའ་དག་དངངས་ཤིང་འཆི་བའམ་འཆི་ལ་ཐུག་པར་འགྱུར་རོ་ཞེས་གསུངས་པས། སླར་འཕགས་པ་སྤྱན་རས་གཟིགས་ཉིད་ལ་ཞུས་ཤིང་གསོལ་བ་བཏབ་པས་སྤྲུལ་པའི་ཕོ་ཉ་ཞིག་མངགས་ཏེ་འཕགས་པའི་བཀས་གནང་བའི་སྟོབས་ཀྱིས་སེམས་ཅན་སུ་ལའང་གནོད་པ་མེད་པར་སྒོ་ཕྱེས། དེར་ཡེ་ཤེས་མགོན་པོ་འདི་ཉིད་མཇལ། གསོལ་བ་བཏབ་པས་རྒྱུད་བྱིན་གྱིས་བརླབས། འཛམ་བུའི་གླིང་དུ་སེམས་ཅན་གྱི་དོན་དུ་སངས་རྒྱས་ཀྱི་བསྟན་པ་སྐྱོང་བ་ལ་འབྱོན་པར་ཞུ་ཞེས་གསོལ་བ་བཏབ་པས་ཞལ་གྱིས་བཞེས་པ་ལྟར། དུར་ཁྲོད་ཆེན་པོ་བསིལ་བ་ཚལ་གྱི་ཤིང་ནྱ་གྲོ་དྷའི་ཕུག་ན་སྤྲུལ་པའི་སྐུ་ཞིག་རྟག་ཏུ་བཞུགས། དེ་ལ་བརྟེན་ནས་དཔལ་ས་ར་ཧ་སོགས་ཀྱིས་སྒྲུབ་ཐབས་མཛད་པར་གྲགས། གཞན་ཡང་ཡེ་ཤེས་ཀྱི་སྐུ་གཅིག་དཔལ་ལྡན་འབྲས་སྤུངས་ཀྱི་མཆོད་རྟེན་ན་བཞུགས་པ་ལས་སློབ་དཔོན་ཀླུ་སྒྲུབ་དང་བྲམ་ཟེ་མཆོག་སྲེད་ཀྱིས་གདན་དྲངས་པའང་བཤད། དེ་དག་ལ་བརྟེན་ནས་འཕགས་པའི་ཡུལ་དུ་གདམས་ངག་གི་བཀའ་སྲོལ་ཅི་རིགས་པ་བྱུང་ཞིང་། བོད་དུའང་གི་ཇོ་ཟླ་བའི་འོད་ཟེར་གྱིས་མགོན་རྐྱང་གི་སྐོར་བསྒྱུར་བ་དང་། སྟེང་བ་ལོ་ཙཱ་བས་མཁའ་འགྲོ་དྲུག་བསྐོར་གྱི་གདམས་པ་བསྒྱུར་བ་དང་། མགར་ཆོས་བཟང་གིས་ས་ར་ཧ་དང་ཤ་བ་རིའི་གཞུང་སོགས་བསྒྱུར་བ་ལས། ཁྱད་པར་དུ་འཕགས་པ་མཁས་གྲུབ་ཁྱུང་པོའི་བཀའ་སྲོལ་ལས་བྱོན་པའི་མྱུར་མཛད་ཡེ་ཤེས་མགོན་པོའི་ཆོས་སྐོར་ལས། བྲམ་ཟེ་ཆེན་པོ་ས་ར་ཧའི་ལུགས་ཀྱི་མགོན་པོ་ཞལ་གསུམ་ཕྱག་དྲུག་པའི་རྗེས་གནང་<span class="tibetan_small">སོགས་མཚམས་སྦྱར་ལ་མཎྜལ་ཕུལ།</span> <br />གསོལ་བ་འདེབས་པ་འདིའི་རྗེས་ཟློས་མཛོད། <br />དུས་གསུམ་སངས་རྒྱས་ཐམས་ཅད་ཀྱི། །ཕྲིན་ལས་དབང་ཕྱུག་ཡེ་ཤེས་སྐུ། །དཔལ་ལྡན་མགོན་པོ་འཁོར་བཅས་ཀྱི། །སྐུ་གསུང་ཐུགས་ཀྱི་རྗེས་གནང་སྩོལ། <span class="tibetan_small">།ཞེས་ལན་གསུམ།</span><br /><span class="tibetan_small">དེ་ནས་ལྷ་ངོ་བསྟན་པ། ཐུན་མོང་ཐུན་མིན་གྱི་སྡོམ་པ་བཟུང་བ། སློབ་མ་ལྷར་བསྐྱེད་བཅས་བླ་མགོན་དབྱེར་མེད་སྐབས་སུ་སྨོས་པ་ལྟར།</span> ཐུགས་ཀར་ཧཱུྃ་སྔོན་པོས་མཚན་པར་སྒོམས་ཤིག་<span class="tibetan_small">ཅེས་པའི་བར་སོང་ནས།</span> <br />དེ་ནས་དཔལ་ཡེ་ཤེས་ཀྱི་མགོན་པོའི་སྐུ་གསུང་ཐུགས་ཀྱི་རྗེས་གནང་ཞུ་བའི་ཕྱིར་དུ་གསོལ་བ་འདེབས་པ་འདིའི་རྗེས་ཟློས་མཛོད། <br />བླ་མ་ཡེ་ཤེས་མགོན་པོ་ཡིས། །དབང་བཞི་རྫོགས་པར་བསྐུར་དུ་གསོལ། །སྒྲིབ་བཞི་དག་པར་མཛད་དུ་གསོལ། །ཕྲིན་ལས་རྣམ་བཞི་འགྲུབ་པ་དང་། །སྐུ་བཞི་ཐོབ་པར་མཛད་དུ་གསོལ། <br />དེ་ལྟར་གསོལ་བ་བཏབ་པས་རང་ཡི་དམ་དུ་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས། ཤར་ལྷོ་བསིལ་བའི་ཚལ་གྱི་དུར་ཁྲོད་ཙན་དན་གྱི་ཤིང་རྐང་གཅིག་པའི་དྲུང་ན་བཞུགས་པའི་མགོན་པོ་འཁོར་བཅས་ཀྱི་ཐུགས་ཀར་ཕོག་པས་ཐུགས་རྒྱུད་བསྐུལ་ཏེ་སྐུའི་ཆ་ཐམས་ཅད་ལས་མགོན་པོ་འཁོར་བཅས་ཀྱི་སྐུ་ཆེ་ཆུང་དཔག་ཏུ་མེད་པ་བྱུང་། <br />གཏོར་མ་མགོན་པོར་གསལ་བའི་དཔྲལ་བ་ལས་ཀྱང་མགོན་པོ་འཁོར་བཅས་ཀྱི་སྐུ་ཆེ་ཆུང་དཔག་ཏུ་མེད་པ། སྐུ་རྔམ་བརྗིད་དང་ལྡན་པ། གསུང་ཧཱུྃ་ཕཊ་དང་ཧ་ཧའི་སྒྲ་དྲག་པོ་སྒྲོག་ཅིང་། རིགས་ཀྱི་བུ་ཁྱེད་རྣམས་ཀྱི་འགལ་རྐྱེན་བར་ཆད་ཐམས་ཅད་ངས་སེལ། མཐུན་རྐྱེན་ཐམས་ཅད་ངས་བསྒྲུབ། ཅེས་གསུང་ལྷང་ལྷང་བྱོན་བཞིན་པ་བསམ་གྱིས་མི་ཁྱབ་པ་བྱུང་བ་རྣམས་སློབ་མའི་དཔྲལ་བ་ནས་ཞུགས། ལུས་ཀྱི་ནང་ཐམས་ཅད་ཁྲིག་མེར་གྱིས་ཁེངས། ལུས་ཀྱི་ནད་གདོན་བར་དུ་གཅོད་པ་ཐམས་ཅད་དགྲ་བགེགས་ཀྱི་ཤ་ཁྲག་གི་རྣམ་པར་ཞལ་དུ་དམར་ཆེམ་ཆེམ་གསོལ་ནས་ཚར་བཅད་པའི་མོས་པ་མཛོད། <span class="tibetan_small">བྱས་ལ། ཌཱ་དྲིལ་དང་སྤོས་དུད་བཅས་ཏེ་སྙིང་པོ་དང་ཉེ་སྙིང་བརྗོད་པ་འོག་མ་རྣམས་ལའང་འགྲེ།</span> <br />དེས་མགོན་པོ་འཁོར་བཅས་ཀྱི་སྐུའི་བྱིན་རླབས་ལུས་ལ་ཞུགས། ལུས་ཀྱི་སྡིག་སྒྲིབ་བར་དུ་གཅོད་པ་ཐམས་ཅད་དག །བུམ་པའི་དབང་ཐོབ། ཁྱེད་རང་རྣམས་ཀྱི་ལུས་དང་མགོན་པོའི་སྐུ་དབྱེར་མེད་དུ་གྱུར་སྙམ་པ་མཛོད་ཅིག <br />།སླར་ཡང་བླ་མ་ཡི་དམ་དབྱེར་མེད་པའི་ཐུགས་ཀའི་ཧཱུྃ་ལས་<span class="tibetan_small">སོགས་སྔར་ལྟར་ལ།</span> <br />གཏོར་མ་མགོན་པོར་གསལ་བའི་མགྲིན་པ༴ <span class="tibetan_small">ཞེས་དང་།</span> སློབ་མའི་མགྲིན་པ་ནས། ངག་གི་ནད་གདོན༴ གསུང་གི་བྱིན་རླབས་ངག་ལ༴ ངག་གི་སྡིག་སྒྲིབ༴ གསང་བའི་དབང་༴ ངག་དང་མགོན་པོའི་གསུང་དབྱེར་མེད༴ <span class="tibetan_small">ཅེས་བསྒྱུར།</span> <br />སླར་ཡང་བླ་མ་ཡི་དམ་<span class="tibetan_small">སོགས་སྔར་ལྟར།</span><br />གཏོར་མ་མགོན་པོར་གསལ་བའི་ཐུགས་ཀ༴ སློབ་མའི་སྙིང་ཁ་ནས༴ ཡིད་ཀྱི་ནད་གདོན༴ ཐུགས་ཀྱི་བྱིན་རླབས་སེམས་ལ༴ ཡིད་ཀྱི་སྡིག་སྒྲིབ༴ ཤེས་རབ་ཡེ་ཤེས་ཀྱི༴ ཡིད་དང་མགོན་པོའི་ཐུགས་དབྱེར་མེད་དུ་<span class="tibetan_small">ཅེས་བསྒྱུར།</span> <br />སླར་ཡང་བླ་མ་ཡི་དམ་<span class="tibetan_small">སོགས་སྔར་ལྟར་ལ།</span> གཏོར་མ་མགོན་པོར་གསལ་བའི་གནས་ལྔ༴ སློབ་མའི་གནས་ལྔར༴ སྒོ་གསུམ་ཆ་སྙོམས་ཀྱི་ནད་གདོན༴ སྐུ་གསུང་ཐུགས་ཀྱི་བྱིན་རླབས་ཡོངས་སུ་རྫོགས་པ་སྒོ་གསུམ་ལ་ཅིག་ཆར་དུ་ཞུགས། ལུས་ངག་ཡིད་གསུམ་གྱི་སྡིག་སྒྲིབ༴ དབང་བཞི་པ་ཐོབ། ཁྱེད་རང་རྣམས་ཀྱི་སྒོ་གསུམ་དང་མགོན་པོའི་སྐུ་གསུང་ཐུགས་དབྱེར་མེད་<span class="tibetan_small">ཅེས་བསྒྱུར།</span> <br />དེ་ནས་སྔགས་ཀྱི་བཟླས་ལུང་ཞུ་བའི་ཕྱིར་དུ་གསོལ་བ་འདེབས་པ་འདི་བཞིན་མཛོད། <br />བཅོམ་ལྡན་བདག་གིས་བཟུང་ལགས་ཀྱི། །བདག་ལ་ཉེ་བར་མཛད་དུ་གསོལ། <span class="tibetan_small">།ལན་གསུམ།</span> <br />དེ་ལྟར་གསོལ་བ་བཏབ་པས་མགོན་པོའི་ཐུགས་ཀར་ཉི་གདན་གྱི་སྟེང་དུ་ཧཱུྃ་ཡིག་གི་མཐར་སྔགས་ཕྲེང་ཁ་དོག་ནག་པོ་འོད་ཟེར་མེ་འོད་འཕྲོ་བས་བསྐོར་བ་དེ་ལས་སྔགས་ཕྲེང་མར་མེ་གཅིག་ལས་གཉིས་ཆད་ཀྱི་ཚུལ་དུ་མགོན་པོའི་ཞལ་ནས་ཐོན། ཁྱེད་རང་རྣམ་པའི་ཞལ་དུ་ཞུགས། སྙིང་གར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་གི་མཐར་གཡས་བསྐོར་དུ་འཁོར། དེ་ལས་དྲག་པོའི་འོད་ཟེར་མེ་འོད་རབ་ཏུ་འབར་བ་འཕྲོས་པས་ནད་གདོན་སྡིག་སྒྲིབ་ཐམས་ཅད་བྱ་སྒྲོ་མེ་ལ་བསྲེགས་པ་བཞིན་དུ་གཞོབ་ཐུལ་ཐུལ་བསྲེགས་ཤིང་ཚར་བཅད་པའི་མོས་པ་བྱས་ནས་འདིའི་རྗེས་ཟློས་མཛོད། <span class="tibetan_small">བྱས་ལ་གཙོ་འཁོར་ཐམས་ཅད་ཀྱི་སྔགས་ལན་གསུམ་རྗེས་ཟློས་བྱེད་དུ་བཅུག །སློབ་མའི་མགོར་མེ་ཏོག་བཞག་ལ།</span> <br />བཅོམ་ལྡན་འདི་ལ་སྦྱིན་ལགས་ཀྱི། །འདི་ལ་ཉེ་བར་མཛད་དུ་གསོལ། <span class="tibetan_small">།ཞེས་ལན་གསུམ་བརྗོད།</span> <br />དེ་ནས་བྱིན་རླབས་ཡོངས་རྫོགས་གཏོར་མས་བཀའ་བསྒོ་བ་ལ་དམིགས་པ་འདི་བཞིན་དུ་མཛོད། གཏོར་མ་འདི་ཉིད་མྱུར་མཛད་ཡེ་ཤེས་ཀྱི་མགོན་པོ་<span class="tibetan_small">སོགས་བར་ཆད་ཀུན་སེལ་གྱི་སྐབས་ལྟར་ལས། བླ་མ་བརྒྱུད་པའི་སྐབས།</span> <br />རྒྱལ་བ་ཁྱབ་བདག་རྡོ་རྗེ་འཆང་ཆེན་པོ། བྲམ་ཟེ་ཆེན་པོ་ས་ར་ཧ། དཔལ་ལྡན་ཤ་བ་རི་དབང་ཕྱུག་<span class="tibetan_small">སོགས་ནས།</span> <br />ཆོས་རྗེ་སངས་རྒྱས་སྟོན་པ་ནས། དྲིན་ཅན་རྩ་བའི་བླ་མའི་བར་དུ་བྱོན་པའི་དཔལ་ལྡན་བླ་མ་དམ་པ་དེ་རྣམས་ཀྱི་<span class="tibetan_small">ཞེས་བསྒྱུར། རྗེས་ཀྱི་བྱ་བ་རྣམས་ཀྱང་དེ་དང་མཚུངས་སོ།</span><br /><span class="tibetan_small">།འཕགས་ཡུལ་གྲུབ་བརྙེས་ཀུན་ལས་ཀྱང་། །ཡོན་ཏན་ཁྱད་འཕགས་བྲམ་ཟེའི་ལུགས། །མཁའ་འགྲོ་བཞི་སྐོར་གྲགས་པ་འདི། །སྒྲུབ་ཐབས་རྒྱ་མཚོའི་སྙིང་པོ་ལགས། །བྲམ་ཟེ་ཆེན་པོ་ས་ར་ཧའི་ལུགས་ཀྱི་མགོན་པོ་ཞལ་གསུམ་ཕྱག་དྲུག་པའི་རྗེས་གནང་གི་ལེ་ཚན་ནོ།། །།མངྒ་ལཾ།། །།</span><br /><br />Gyenchen<br /><br />༼༄༅། །རྒྱན་ཅན།།༽<br /><span class="tibetan_small">ཨོཾ་སྭ་སྟི། </span><br /><span class="tibetan_small">སངས་རྒྱས་ཀུན་གྱི་བསྟན་སྲུང་ཞིང་། །སངས་རྒྱས་ཀུན་དང་དབྱེར་མེད་པ། །མྱུར་མཛད་སྤྱན་རས་གཟིགས་དབང་ལ། །བཏུད་ནས་རྒྱན་ཅན་བཀའ་ཡིག་བྲི། །མཎྜལ་ཆོས་འབྱུང་མཐིང་ནག་མེ་རི་དང་བཅས་པའི་དབུས་སུ་ཧཱུྃ་དང་ཨ་བྲིས། དེའི་དབུས་སུ་རྟེན་གཏོར་མདུན་དུ་མཆོད་གཏོར་རྣམས་སྔར་ལྟར་ལ། གཡས་སུ་བུམ་པ་བདུད་རྩི་དང་དྲི་བཟང་ཆུས་བཀང་བ། ཁ་རྒྱན་མགུལ་ཆིངས་དང་བཅས་པ། །གཡོན་དུ་ཐོད་པའི་བདུད་རྩི་རྣམས་བཤམས། བྱིན་རླབས་རྣམས་དང་བདག་བསྐྱེད་སྔོན་དུ་འགྲོ་བས། མདུན་གྱི་མཎྜལ་བསང་སྦྱང་།</span> <br />སྟོང་པའི་ངང་ལས། ཨེ་ལས་ཆོས་འབྱུང་མཐིང་ནག་མེ་རབ་ཏུ་འབར་བའི་ནང་དུ་སྣ་ཚོགས་པདྨ་དང་ཉི་མ་དང་ཚོགས་ཀྱི་བདག་པོའི་སྟེང་དུ། ཧཱུྃ་ལས་གྲི་གུག་ཧཱུྃ་གིས་མཚན་པ་དང་ཨ་ལས་རྡོ་རྗེ་ཨས་མཚན་པ་གཉིས་ལས་འོད་ཟེར་འཕྲོས། དོན་གཉིས་བྱས་འདུས་པ་ལས་དཔལ་ཡེ་ཤེས་ཀྱི་མགོན་པོ་སྐུ་མདོག་ཤིན་ཏུ་གནག་པ་ཞལ་གཅིག་ཕྱག་དྲུག་པ། ཕྱག་དྲུག་གི་གཡས་གཡོན་གྱི་དང་པོ་གཉིས་ཀྱི་གྲི་གུག་དང་ཐོད་ཁྲག་ཐུགས་ཀར་སྟེང་འོག་ཏུ་འཛིན་པས་ཡུམ་ལ་འཁྱུད་པ། གཡས་འོག་མ་གཉིས་ཀྱིས་ཐོད་པའི་ཕྲེང་བ་དང་ཌཱ་མ་རུ། གཡོན་འོག་མ་གཉིས་ཀྱིས་ཁ་ཊྭཱཾ་ག་དང་རྡོ་རྗེའི་ཞགས་པ་འཛིན་པ། ཞལ་གདངས་ཤིང་མཆེ་བ་གཙིགས་པ། སྤྱན་གསུམ་དམར་པོ་སྡང་མིག་ཏུ་བལྟ་བ། ཁྲོ་གཉེར་བསྡུས་ཤིང་སྨིན་མ་དང་སྨ་ར་དབུ་སྐྲ་ནག་པོ་རྣམས་གྱེན་དུ་བརྫེས་པ། ཐོད་སྐམ་ལྔས་དབུ་ལ་བརྒྱན་ཅིང་ཐོད་རློན་ལྔ་བཅུའི་དོ་ཤལ་བྱས་པ། དཔྲལ་བར་སིནྡཱུ་རས་བྱུགས་པ། སྦྲུལ་དཀར་ཁྲས་དབུ་སྐྲ་བཅིངས་ཤིང་དམར་ཁྲས་སྙན་རྒྱན་བྱས་པ། སེར་པོས་མགུལ་རྒྱན་ལྗང་གུས་ཕྱག་གདུབ་དང་དོ་ཤལ་བྱས་པ། ནག་ཁྲས་ཞབས་གདུབ་དང་སྐ་རགས་བྱས་པ། རུས་པའི་རྒྱན་དྲིལ་བུ་གཡེར་ཁ་དང་བཅས་པས་སྤྲས་པ། སྟག་གི་པགས་པའི་ཤམ་ཐབས་དང་། གླང་པོ་ཆེའི་པགས་པས་སྟོད་གཡོགས་བྱས་པ། ཞབས་གཡས་བསྐུམ་ཞིང་གཡོན་བརྐྱང་བའི་སྟབས་ཀྱིས་སྐུ་ལས་སྐྱེས་པའི་མེའི་ཕུང་པོའི་དབུས་ན་བཞུགས་པ། དེའི་སྤང་ན་ཡུམ་རྡོ་རྗེ་གཅིག་ཤོས་མ་སྐུ་མདོག་ནག་མོ་ཞལ་གཅིག་ཕྱག་གཉིས་ཀྱི་གཡོན་གྱིས་ཐོད་ཁྲག་ཡབ་ལ་སྟོབ་ཅིང་གཡས་པས་གྲི་གུག་བཟུང་ནས་ཡབ་ལ་འཁྱུད་པ། ཐོད་སྐམ་ལྔས་དབུ་རྒྱན་དང་ཐོད་རློན་ལྔ་བཅུའི་དོ་ཤལ་བྱས་པ་ཕྱག་རྒྱ་ལྔས་བརྒྱན་པའོ། །ཕྱོགས་བཞིར་མདུན་དུ་པདྨ་དང་ཉི་མའི་གདན་གྱི་སྟེང་དུ་ཛཱ་ལས་ཛཱ་ལི་མ་ནག་མོ་ཞལ་གཅིག་ཕྱག་གཉིས་ཀྱིས་གཡས་གྲི་གུག་དང་གཡོན་ཐོད་ཁྲག་འཛིན་པ། གཡས་སུ་པདྨ་དང་ཉི་མའི་སྟེང་དུ་ཀྵེ་ལས་ཀྵེ་ཏྲ་པཱ་ལ་མ་དུ་བའི་མདོག་ཅན་གཡས་ཌཱ་མ་རུ་དང་གཡོན་སྡིགས་མཛུབ་མཛད་པ། རྒྱབ་ཏུ་པདྨ་དང་ཉི་མའི་སྟེང་དུ་མ་ལས་མ་ཧཱ་ཀཱ་ལི་མ་དམར་ནག་གཡས་གྲི་གུག་དང་གཡོན་ཐོད་ཁྲག་འཛིན་པ། གཡོན་དུ་པདྨ་དང་ཉི་མའི་སྟེང་དུ་ཊཱ་ལས་ཊཱ་ཀྐི་རཱ་ཛ་མ་སེར་མོ་གཡས་རྩེ་གསུམ་དང་གཡོན་ཞགས་པ་འཛིན་པ། དེ་ཐམས་ཅད་ཀྱང་ཞལ་གཅིག་སྤྱན་གསུམ་མ་མཆེ་བ་གཙིགས་པ། སྨིན་མ་དང་སྨ་ར་འཁྱུགས་ཤིང་དབུ་སྐྲ་གྱེན་དུ་གཡེངས་པ་རུས་པས་བརྒྱན་ཅིང་དྲག་པོའི་གཟུགས་ཅན་ནོ། །དེའི་ཕྱི་རོལ་དུ་བཀའ་སྡོད་དམ་ཅན་རྒྱ་མཚོའི་ཚོགས་ཀྱིས་བསྐོར་བར་གྱུར་པའི་གཙོ་འཁོར་ཐམས་ཅད་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། ཐུགས་ཀའི་ཧཱུྃ་གི་འོད་ཟེར་གྱིས་བསིལ་བའི་ཚལ་ལ་སོགས་པ་ནས་མགོན་པོ་འཁོར་དང་བཅས་པ་སྐད་ཅིག་གིས་སྤྱན་དྲངས། ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་ཨེ་ཧྱེ་ཧི་ཁྲིཾ་ཁྲིཾ་ཞེས་སོགས་བརྗོད་ནས། ཛཿཧཱུྃ་བྃ་ཧོཿས་ཡེ་ཤེས་པ་དང་དམ་ཚིག་པ་གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་དབང་གི་ལྷ་རྣམས་སྤྱན་དྲངས། ཁྱེད་རྣམས་ཀྱིས་དབང་བསྐུར་དུ་གསོལ། ཞེས་བརྗོད་པས་དེ་རྣམས་ཀྱིས་ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་དབང་བསྐུར་བས་ལུས་གང་ཆུའི་ལྷག་མ་སྤྱི་བོར་འཁྱིལ་བ་ལས་གཙོ་བོ་ལ་མི་བསྐྱོད་པ། འཁོར་རྣམས་ལ་གཙོ་བོས་དབུ་བརྒྱན་པར་གྱུར། <br />ཨོཾ་ཤྲཱི་མ་ཧཱ་ཀཱ་ལ་<span class="tibetan_small">སོགས་སྔགས་ཙམ་གྱིས་མཆོད། ནང་མཆོད་འབུལ།</span> ཆོས་དབྱིངས་ངང་ལས་<span class="tibetan_small">སོགས་ཀྱིས་བསྟོད། བཟླས་པའི་དམིགས་པ་གསལ་བཏབ་ལ་སྙིང་པོ་དང་། ཡུམ་ལ།</span> ཨོཾ་ཨཱ་སྭཱ་ཧཱ། <span class="tibetan_small">ཞེས་བཟླ། གཏོར་འབུལ་དང་མཆོད་བསྟོད་མདོར་བསྡུས་བྱ། བུམ་པ་བསང་སྦྱང་།</span><br />སྟོང་པའི་ངང་ལས་པཾ་ལས་རིན་པོ་ཆེའི་བུམ་པ་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་ཨེ་ལས་ཆོས་འབྱུང་ <span class="tibetan_small">ཞེས་པ་ནས་བཟླས་པའི་བར་སྔར་བཞིན་བྱ། བཟླས་པའི་སྐབས་སུ་</span>རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་བུམ་ནང་གི་ལྷ་རྣམས་ཀྱི་ཐུགས་རྒྱུད་བསྐུལ་བས་བདུད་རྩིའི་རྒྱུན་བབས་བུམ་པ་གང་བར་<span class="tibetan_small">བསམ་ལ་གོང་གི་སྔགས་གཉིས་པོ་བཟླ། མཆོད་བསྟོད་གོང་ལྟར་བྱ། མགོན་པོ་གཙོ་འཁོར་ཞུ་བ་ལས་བྱུང་བའི་བདུད་རྩིར་གྱུར་པར་བསམ་ལ་བདག་འཇུག་བླང་། དེ་ནས་སློབ་མ་ཁྲུས་བྱ། སེམས་བསྐྱེད་གསལ་གདབ་སྐབས།</span> <br />དེའི་ཆེད་དུ་ཡེ་ཤེས་མགོན་པོ་རྒྱན་ཅན་གསང་སྒྲུབ་ཀྱི་བཀའ་ཟབ་མོ་<span class="tibetan_small">ཞེས་བསྒྱུར།</span> <br />དེ་ལ་སྤྱིར་སེམས་ཅན་ཐམས་ཅད་ལ་སངས་རྒྱས་ཀྱི་བསྟན་པ་རིན་པོ་ཆེ་གནས་ཤིང་རྒྱས་པ་གལ་ཆེ། བསྟན་པ་སྲུང་བ་ལ་ཆོས་སྐྱོང་ཁྱད་པར་ཅན་ཞིག་ངེས་པར་དགོས་པ་ཡིན་ཅིང་། དེ་ལ་འཕགས་པ་སྤྱན་རས་གཟིགས་ཀྱི་ཐུགས་བསྐྱེད་ཀྱི་དབང་གིས་ཡེ་ཤེས་མགོན་པོ་འདི་ལས་ལྷག་པ་ནམ་དུའང་མེད་པས། སངས་རྒྱས་ཀྱི་བསྟན་པ་ལ་ཞུགས་པ་ཐམས་ཅད་ཀྱིས་ཆོས་སྐྱོང་འདི་ལ་གཏོར་མ་རེ་ཕུལ་ཞིང་བསྟན་པ་སྲུང་བའི་གཉེར་བཅོལ་ན་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པ་དང་། རང་གཞན་གྱི་བར་ཆད་སེལ་ཞིང་བསམ་པ་ཐམས་ཅད་འགྲུབ་པར་གསུངས་པ་དང་། ཁྱད་པར་ཡེ་ཤེས་མཁའ་འགྲོ་ནི་གུའི་གདམས་ངག་འཆད་པ་དང་། ཉན་པ་དང་། ཉམས་སུ་ལེན་པ་རྣམས་ལ་མགོན་པོ་འདི་ཉིད་མ་བསྒྲུབས་ཀྱང་ཤུགས་ལ་འགོ་ཞིང་ཕྲིན་ལས་སྒྲུབ་པར་མཛད་པ་ཡིན་ལ། འདི་ཉིད་ཀྱི་གདམས་པ་མཁས་གྲུབ་ཁྱུང་པོའི་བཀའ་སྲོལ་མཐའ་ཡས་པ་ཞིག་བཞུགས་པ་ལས། སྐབས་འདིར་གསང་སྒྲུབ་རྒྱན་ཅན་དུ་གྲགས་པ་བཀའ་ཟབ་མོ་བསྒྲུབ་པ་ལ་<span class="tibetan_small">སོགས་ཀྱིས་མཚམས་སྦྱར་ནས་མཎྜལ་འབུལ་དུ་གཞུག</span><br />།གསོལ་བ་བཏབ་པ་འདིའི་རྗེས་ཟློས་མཛོད། <br />ན་མོ་བུདྡྷ་ཡ། ན་མོ་དྷརྨཱ་ཡ། ན་མོ་སཾ་གྷ་ཡ། <br />ཀུན་མཁྱེན་ཡེ་ཤེས་སྙིང་པོ་ཅན། །སྲིད་པའི་འཁོར་ལོ་རྣམ་སྦྱོང་བ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། <span class="tibetan_small">།ལན་གསུམ། </span><br /><span class="tibetan_small">ལྷ་ངོ་བསྟན་པ་དང་ཐུན་མོང་དང་ཐུན་མོང་མིན་པའི་སྡོམ་པ་བཟུང་། སློབ་མ་ལྷར་བསྐྱེད། གནས་གསུམ་བྱིན་རླབས་བར་བླ་མགོན་དབྱེར་མེད་ལྟར་བྱ།</span><br />དེ་ནས་སློབ་དཔོན་གྱི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བ་ལ་ཕོག་པས་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་དཔག་མེད་འཕྲོས། ཕྱོགས་བཅུའི་དེ་བཞིན་གཤེགས་པ་རྒྱལ་བ་སྲས་བཅས་ཐམས་ཅད་ཀྱི་སྐུའི་བྱིན་རླབས་ཐམས་ཅད་མགོན་པོ་གཙོ་འཁོར་གྱི་སྐུ་ཆེ་ཆུང་དཔག་ཏུ་མེད་པའི་རྣམ་པར་སྤྱན་དྲངས། སློབ་མའི་སྤྱི་བོ་ནས་ཐིམ་པས་ལུས་ཐམས་ཅད་ལྷ་སྐུ་འོད་ཟེར་དང་བཅས་པས་གང་བ་ལ་བརྟེན་ནས་ལུས་ཀྱི་སྡིག་སྒྲིབ་བར་ཆད་ཐམས་ཅད་སྦྱངས། མགོན་པོའི་སྐུའི་བྱིན་རླབས་ཐོབ་པའི་མོས་པ་མཛོད། <br /><span class="tibetan_small">བྱས་ལ་རྩ་སྔགས་བརྗོད་ཅིང་སྤོས་རོལ་བྱ་བ་འགྲེ།</span> <br />དེས་སྐུའི་རྗེས་གནང་གྲུབ་པ་ལགས། <br />ཡང་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བ་ལ་ཕོག་པས་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་དཔག་མེད་འཕྲོས། ཕྱོགས་བཅུའི་དེ་བཞིན་གཤེགས་པ་རྒྱལ་བ་སྲས་བཅས་ཐམས་ཅད་ཀྱི་གསུང་གི་བྱིན་རླབས་ཐམས་ཅད་མགོན་པོ་གཙོ་འཁོར་གྱི་སྐུ་ཆེ་ཆུང་དཔག་ཏུ་མེད་པའི་རྣམ་པར་སྤྱན་དྲངས། སློབ་མའི་མགྲིན་པ་ནས་ཐིམ་པས་ལུས་ཐམས་ཅད་ལྷ་སྐུ་འོད་ཟེར་དང་བཅས་པས་གང་བ་ལ་བརྟེན་ནས་ངག་གི་སྡིག་སྒྲིབ་བར་ཆད་ཐམས་ཅད་སྦྱངས། མགོན་པོའི་གསུང་གི་བྱིན་རླབས་ཐོབ་པའི་མོས་པ་མཛོད། <br /><span class="tibetan_small">བྱས་ལ་རྩ་སྔགས་བརྗོད་ཅིང་སྤོས་རོལ་བྱ།</span> <br />དེས་གསུང་གི་རྗེས་གནང་གྲུབ་པ་ལགས། <br />ཡང་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བ་ལ་ཕོག་པས་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས། ཕྱོགས་བཅུའི་དེ་བཞིན་གཤེགས་པ་རྒྱལ་བ་སྲས་བཅས་ཐམས་ཅད་ཀྱི་ཐུགས་ཀྱི་བྱིན་རླབས་ཐམས་ཅད་མགོན་པོ་གཙོ་འཁོར་གྱི་སྐུ་ཆེ་ཆུང་དཔག་ཏུ་མེད་པའི་རྣམ་པར་སྤྱན་དྲངས། སློབ་མའི་སྙིང་ཁ་ནས་ཐིམ་པས་ལུས་ཐམས་ཅད་ལྷ་སྐུ་འོད་ཟེར་དང་བཅས་པས་གང་བ་ལ་བརྟེན་ནས་ཡིད་ཀྱི་སྡིག་སྒྲིབ་བར་ཆད་ཐམས་ཅད་སྦྱངས། མགོན་པོའི་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། <br /><span class="tibetan_small">བྱས་ལ་རྩ་སྔགས་བརྗོད་ཅིང་སྤོས་རོལ་བྱ།</span> <br />དེས་ཐུགས་ཀྱི་རྗེས་གནང་གྲུབ་པ་ལགས། <br />དེ་ནས་དབང་བཞི་པ་ཞུ་བའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། <br />བླ་མ་ཡེ་ཤེས་མགོན་པོ་ཡིས། །དབང་བཞི་རྫོགས་པར་བསྐུར་དུ་གསོལ། །སྒྲིབ་བཞི་དག་པར་མཛད་དུ་གསོལ། །ཕྲིན་ལས་རྣམ་བཞི་འགྲུབ་པ་དང་། །སྐུ་བཞི་ཐོབ་པར་མཛད་དུ་གསོལ། <span class="tibetan_small">།གསུམ།</span> <br />དེ་ལ་བུམ་དབང་གི་སླད་དུ་ནམ་མཁའ་གང་བར་བཞུགས་པའི་རྒྱལ་བ་སྲས་དང་བཅས་པ་ཐམས་ཅད་ཀྱིས་བདུད་རྩིའི་ཆུས་གང་བའི་བུམ་པ་ཐོགས་ནས་དབང་བསྐུར་བའི་མོས་པ་གྱིས་ཤིག<br /><span class="tibetan_small">།བུམ་པ་མགོར་བཞག་ལ།</span> <br />ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ། <br />།ཨོཾ་སརྦ་ཏ་ཐཱ་ག་ཏ་ཨ་བྷི་ཥེཉྩ་མི། <span class="tibetan_small">ཞེས་བརྗོད་ལ་བུམ་ཆུ་སྦྱིན།</span> <br />དེ་ལྟར་བུམ་པའི་དབང་བསྐུར་བས་ལུས་ཀྱི་སྒྲིབ་པ་དག བུམ་པའི་དབང་ཐོབ། ལྷ་སྐུ་བསྒོམ་པ་ལ་དབང་། སྤྲུལ་པའི་སྐུ་འགྲུབ་པའི་ནུས་པ་བཞག་པ་ཡིན་ནོ། <br />།དེ་ནས་གསང་བའི་དབང་གི་དོན་དུ་དམིགས་པ་འདི་བཞིན་དུ་མཛོད། <br />སློབ་དཔོན་གྱི་ཐུགས་ཀའི་ཧཱུྃ་གི་འོད་ཟེར་གྱིས་ཕྱོགས་བཅུའི་རྒྱལ་བ་ཡབ་ཡུམ་སྤྱན་དྲངས། མདུན་བསྐྱེད་ཀྱི་མགོན་པོའི་ཞལ་དུ་ཞུགས། ཆགས་པ་ཆེན་པོའི་མེས་ཞུ། རྡོ་རྗེའི་ལམ་ནས་ཡུམ་གྱི་པདྨར་བྱོན་ནས་བདེ་བ་སྐྱེས་ཤིང་། དེ་ལྟ་བུའི་བདེ་བའི་རྟེན་བྱང་སེམས་དེ་ཉིད་ཁྱེད་རང་རྣམ་པའི་ལྗགས་ཐོག་ཏུ་བཞག་ནས་གསང་དབང་བསྐུར་བྱུང་སྙམ་པའི་མོས་པ་མཛོད། <br /><span class="tibetan_small">བྱས་ལ་ནང་མཆོད་དམ་ཐོད་པའི་བདུད་རྩི་སྦྱིན་ལ།</span><br />ཕྱོགས་བཅུའི་རྒྱལ་བ་ཐམས་ཅད་ཀྱི། །གསང་གསུམ་གནས་ལས་བྱུང་བ་ཡི། །ཁམས་གསུམ་ཀུན་གྱིས་ཕྱག་བྱས་པའི། །རྡོ་རྗེ་དབང་བསྐུར་ཆེན་པོ་སྦྱིན། <br />།ཨོཾ་སརྦ་ཏ་ཐཱ་ག་ཏ་གུ་ཧྱ་ཨ་བྷི་ཥེཉྩ་མི། <br />དེ་ལྟ་བུའི་བྱང་སེམས་མྱོང་བ་ལ་བརྟེན་ནས་བདེ་གསལ་མི་རྟོག་པའི་ཉམས་སྐྱེས། དེའི་རང་ངོ་ལ་མཉམ་པར་བཞག་པས་གསལ་སྟོང་དབྱེར་མི་ཕྱེད་པའི་ཡེ་ཤེས་མངོན་དུ་གྱུར་པའི་མོས་པ་མཛོད། <br />དེ་ལྟར་གསང་བའི་དབང་བསྐུར་བས་ངག་གི་སྒྲིབ་པ་དག །གསང་བའི་དབང་ཐོབ། སྔགས་བཟླ་བ་ལ་དབང་། ལོངས་སྐུ་འགྲུབ་པའི་ནུས་པ་བཞག་པ་ཡིན་ནོ། <br />།དེ་ནས་ཤེས་རབ་ཡེ་ཤེས་ཀྱི་དབང་གི་སླད་དུ་དམིགས་པ་འདི་བཞིན་དུ་མཛོད། <br />གཏོར་མ་ཡེ་ཤེས་མགོན་པོ་ཡབ་ཡུམ་དངོས་སུ་གསལ་བའི་ཡུམ་ལས་རང་འདྲ་བའི་ཡུམ་གཉིས་པ་སྤྲོས་པ་ཁྱེད་རང་མགོན་པོར་གསལ་བ་དང་སྙོམས་པར་ཞུགས་པའི་དགའ་བའི་སྒྲས་ཕྱོགས་བཅུའི་རྒྱལ་བ་ཡབ་ཡུམ་སྤྱན་དྲངས། སློབ་མའི་ལུས་ལ་ཞུགས། ཆགས་པ་ཆེན་པོའི་མེས་ཞུ་བའི་དགའ་བཞི་རིམ་བཞིན་དྲངས། རྡོ་རྗེ་ནོར་བུའི་རྩེར་ལྷན་སྐྱེས་ཀྱི་དགའ་བར་བརྟེན་ནས་བདེ་བ་ཆེན་པོ་མཐའ་དབུས་མེད་པ་སྐྱེས། དེའི་རང་ངོ་ལ་མཉམ་པར་བཞག་པས་བདེ་སྟོང་ཟུང་འཇུག་གི་ཡེ་ཤེས་མངོན་ཏུ་བྱས་པར་མོས་མཛོད། <br />གསང་ཡུམ་ཡེ་ཤེས་མཁའ་འགྲོ་མས། །མཁའ་འགྲོ་སྤྲོས་ནས་བུ་ལ་གཏད། །སྙོམས་པར་ཞུགས་པས་བདེ་བས་གང་། །ལྷན་སྐྱེས་ཡེ་ཤེས་ཆེན་པོ་ཐོབ། <br />།ཨོཾ་སརྦ་ཏ་ཐཱ་ག་ཏ་པྲ་ཛྙཱ་ཛྙཱ་ན་ཨ་བྷི་ཥེཉྩ་མཱཾ། <br />དེ་ལྟར་དབང་གསུམ་པ་བསྐུར་བ་ལ་བརྟེན་ནས་ཡིད་ཀྱི་སྒྲིབ་པ་དག །ཤེས་རབ་ཡེ་ཤེས་ཀྱི་དབང་ཐོབ། དངོས་དང་ཡིད་ཀྱི་རིག་མ་བསྟེན་པ་ལ་དབང་། ཆོས་སྐུ་འགྲུབ་པའི་ནུས་པ་བཞག་པ་ཡིན་ནོ། <br />།དབང་བཞི་པའི་དོན་དུ་དམིགས་པ་འདི་བཞིན་དུ་མཛོད། <br />ཁྱེད་རང་ཡེ་ཤེས་མགོན་པོ་གཙོ་འཁོར་སྐད་ཅིག་གིས་གསལ་བའི་ཐུགས་ཀའི་ཧཱུྃ་ལས་འོད་འཕྲོས་སྣོད་བཅུད་ཐམས་ཅད་ལ་ཕོག་པས་སྣོད་ཐམས་ཅད་གཞལ་ཡས་ཁང་དང་བཅུད་ཐམས་ཅད་ཡེ་ཤེས་མགོན་པོར་གྱུར། དེ་རྣམས་འོད་ཀྱི་རྣམ་པར་བཀུག་སྟེ་འཁོར་རྣམས་ལ་ཐིམ། འཁོར་རྣམས་གཙོ་བོ་ལ་ཐིམ། སློབ་མ་མགོན་པོར་གསལ་བ་ཡང་སྐུའི་སྟོད་སྨད་ནས་འོད་དུ་ཞུ་ནས་ཐུགས་ཀའི་ཧཱུྃ་ཡིག་ལ་ཐིམ། དེ་ཡང་ཞབས་ཀྱུ་ནས་རིམ་བཞིན་ཇེ་ཕྲ་ཇེ་ཕྲར་གྱུར་ནས་དབྱིངས་སུ་ཡལ་ཏེ་འོད་གསལ་སྟོང་པ་ཉིད་ཀྱི་ངང་དུ་མཉམ་པར་འཇོག་པར་ཞུ། <span class="tibetan_small">ཞེས་བརྗོད་ལ་དར་ཅིག་མཉམ་པར་འཇོག་ཏུ་བཅུག་ལ།</span> <br />ནམ་མཁའ་སྐྱེ་མེད་མཚོན་པའི་ཕྱིར། །ནམ་མཁའ་ལ་ཡང་མཚན་ཉིད་མེད། །ནམ་མཁའ་མཉམ་པ་ཉིད་སྦྱོར་བས། །རང་སེམས་སྟོང་པ་ཆོས་ཀྱི་སྐུ། །ཚིག་གི་ངོ་བོར་བསྟན་པར་བྱ། །ཆོས་ཐམས་ཅད་སྤྲོས་པའི་མཐའ་ཐམས་ཅད་དང་བྲལ་བ་དེ་དབང་བཞི་པའི་ངོ་བོ་ཡིན་ནོ། <span class="tibetan_small">།ཞེས་ངོ་སྤྲད།</span> <br />དེ་ལྟར་ཚིག་དབང་རིན་པོ་ཆེ་བསྐུར་བས་སྒོ་གསུམ་ཆ་སྙོམས་ཀྱི་སྒྲིབ་པ་དག །དབང་བཞི་པ་ཐོབ། ལམ་ཟུང་འཇུག་སྒོམ་པ་ལ་དབང་། འབྲས་བུ་ངོ་བོ་ཉིད་སྐུ་ཐོབ་པའི་ནུས་པ་བཞག་པ་ཡིན་ནོ། <span class="tibetan_small">།ཞེས་རྟོགས་པ་བསྐྱེད། </span><br /><span class="tibetan_small">དེ་ནས་སྔགས་ཀྱི་བཟླས་ལུང་དང་། གཏོར་དབང་། རྗེས་ཀྱི་བྱ་བ་རྣམས་བྱ་སྟེ་བར་ཆད་ཀུན་སེལ་དུ་བཤད་པ་བཞིན་ནོ།</span><br /><span class="tibetan_small">།སྔོན་སྦྱངས་བློ་གྲོས་དག་པའི་མཁར། །ཆོས་ཟབ་ཟླ་བའི་གཟུགས་བརྙན་འཆར། །དེས་ཀྱང་སྐྱེ་དགུ་མཐའ་ཡས་པའི། །ཡིད་ཀྱི་གདུང་བ་སེལ་བར་བྱེད། །གསང་སྒྲུབ་རྒྱན་ཅན་དུ་གྲགས་པའི་རྗེས་གནང་གི་ལེ་ཚན་ནོ།། །།མངྒ་ལཾ།། །།</span><br /><br />Initiation of the Combined Accomplishment of the Four Deities<br /><br />༼༄༅། །ལྷ་བཞི་དྲིལ་སྒྲུབ།།༽<br /><span class="tibetan_small">ཨོཾ་སྭ་སྟི། </span><br /><span class="tibetan_small">སྤྱན་རས་གཟིགས་དབང་རྣལ་འབྱོར་མ། །སྒྲོལ་མ་མྱུར་མཛད་མགོན་པོ་དང་། །དབྱེར་མེད་བླ་མ་རྡོ་རྗེ་འཆང་། །སྤྱི་བོར་བཀོད་ནས་རྗེས་གནང་བྲི།</span><br /><span class="tibetan_small">།མཎྜལ་པདྨ་འདབ་བཞི་པའི་ལྟེ་བར་ཉི་ཟླའི་གདན་ལ་ཚོམ་བུ་སྔོན་པོ། ཤར་གྱི་པད་འདབ་ལ་ཉི་གདན་ཚོམ་བུ་ནག་པོ། ལྷོའི་པད་འདབ་ལ་དམར་པོ། ནུབ་ཏུ་དཀར་པོ། བྱང་དུ་ལྗང་གུ་སྟེ་ཚོམ་བུ་ལྔ་བཀོད། མཐར་མཆོད་གཏོར་གྱིས་བསྐོར་རོ། །དེ་ནས་སྐྱབས་སེམས་སྤྱི་ལྟར་བྱས་ལ།</span> <br />ཨོཾ་བཛྲ་རཀྵ་རཀྵ་ཧཱུྃ་ཕཊ། ཕྱི་རོལ་དུ་མེ་རི་འབར་བ་དང་བཅས་པའི་སྲུང་བའི་འཁོར་ལོ་རྡོ་རྗེ་རྭ་བ་དང་གུར་རྣམས་སུ་གྱུར། དེའི་ནང་དུ་བདག་ཉིད་ཡི་དམ་གྱི་སྐུར་གསལ་བའི་སྤྱི་བོར་ཆོས་འབྱུང་ཕྱི་དཀར་ལ་ནང་དམར་བ་བདེ་བ་འཆར་ཞིང་རྒྱས་པ་འོད་ཀྱི་རང་བཞིན་ཅན་གྱི་དབུས་སུ་པདྨ་འདབ་མ་བཞི་པ་ལྟེ་བ་ཁྲུ་གང་གིས་མཐོ་བ་ལ་ཉི་ཟླ་གཙེགས་པའི་གདན་ལ་ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན་པ་ལས་རྩ་བའི་བླ་མ་རྡོ་རྗེ་འཆང་སྐུ་མདོག་སྔོན་པོ་ཞལ་གཅིག་ཕྱག་གཉིས་ཀྱིས་གཡས་རྡོ་རྗེ་དང་། གཡོན་དྲིལ་བུ་འཛིན་པས་ཡུམ་རྡོ་རྗེ་དབྱིངས་ཀྱི་དབང་ཕྱུག་མ་གྲི་གུག་དང་ཐོད་པ་འཛིན་པ་ལ་འཁྱུད་པ། གཉིས་ཀའང་རུས་པ་དང་རིན་པོ་ཆེས་བརྒྱན་ཅིང་། དར་གྱི་ན་བཟས་ཀླུབས་པ་ཞབས་རྡོ་རྗེ་སྐྱིལ་ཀྲུང་གིས་བཞུགས་པ་འོད་ཟེར་འཕྲོ་བའོ།<br />།མདུན་གྱི་པད་འདབ་ལ་ཉི་མའི་གདན་ལ། ཧཱུྃ་ལས་གྲི་གུག་ཧཱུྃ་གིས་མཚན་པ་ལས་དཔལ་ཡེ་ཤེས་ཀྱི་མགོན་པོ་སྐུ་མདོག་ཆར་སྤྲིན་ལྟར་གནག་པ། ཞལ་གཅིག་ཕྱག་དྲུག་པ། ཞབས་གཉིས་བཞེངས་པའི་སྟབས་སུ་བཞུགས་པ། ཕྱག་གཡས་ཀྱི་དང་པོས་གྲི་གུག །བར་པས་ཐོད་པའི་ཕྲེང་བ། ཐ་མས་ཌཱ་མ་རུ་དྲག་ཏུ་འཁྲོལ་བ། གཡོན་གྱི་དང་པོས་ཐོད་ཁྲག །བར་པས་རྩེ་གསུམ། ཐ་མས་རྡོ་རྗེའི་ཞགས་པ་བསྣམས་པ། སྤྱན་གསུམ་དམར་ལ་ཟླུམ་པ། ཞལ་བགྲད་ཅིང་མཆེ་བ་གཙིགས་པ། སྨིན་མ་དང་སྨ་ར་ཨག་ཚོམ་བརྗིད་པ། དབུ་སྐྲ་དམར་སེར་གྱེན་དུ་བརྫེས་པ། མི་མགོ་སྐམ་པོ་ལྔས་དབུ་བརྒྱན་པ། རློན་པ་ཁྲག་འཛག་པ་ལྔ་བཅུའི་དོ་ཤལ་ཅན། རུས་པའི་རྒྱན་དྲུག་དང་སྦྲུལ་གྱིས་བརྒྱན་པ། སྟག་གི་པགས་པའི་ཤམ་ཐབས་ལ་དར་ལྗང་གུའི་སྐེ་རགས་བཅིངས་པ། ལྟོ་བ་འཕྱང་ཞིང་ཡན་ལག་རྣམས་སྦོམ་ལ་རགས་པ། དཔྲལ་བར་སིནྡཱུ་རས་བྱུགས་ཤིང་། ཕྱག་དང་ཞབས་རྣམས་དྲིལ་བུ་གཡེར་ཁས་བརྒྱན་པ། གླང་པོ་ཆེའི་པགས་པ་རློན་པ་གོས་སུ་གྱོན་པ། ཡེ་ཤེས་མེ་འབར་བའི་དབུས་ན་ཚོགས་བདག་དཀར་པོ་གན་རྐྱལ་དུ་འགྱེལ་བའི་གདན་ལ་བཞུགས་པའོ། <br />།གཡས་ཀྱི་པད་འདབ་ལ་ཉི་མའི་གདན་ལ་ཧྲཱིཿལས་གྲི་གུག་ཧྲཱིཿས་མཚན་པ་ལས་རྗེ་བཙུན་རྡོ་རྗེ་རྣལ་འབྱོར་མ་སྐུ་མདོག་དམར་མོ། ཞལ་གཅིག་ཕྱག་གཉིས་མ། ལོ་བཅུ་དྲུག་ལོན་པའི་རྣམ་པ་ཅན། ཞལ་འཛུམ་ཞིང་མཆེ་བ་ནས་ཙམ་འབུར་བ། སྤྱན་གསུམ་གཡོན་ཕྱོགས་སུ་གཟིགས་པ། ཕྱག་གཡས་གྲི་གུག་ཐུར་དུ་བརྐྱངས་ནས་འཛིན་པ། གཡོན་ཐོད་པ་བདུད་རྩིས་གང་བ་སྟེང་ཕྱོགས་སུ་བཟུང་ནས་ཞལ་དུ་གསོལ་བ། མཆན་ཁུང་གཡོན་ན་ཁ་ཊྭཱཾ་ག་བསྣམས་པ། ཕྱག་རྒྱ་ལྔས་བརྒྱན་ཅིང་། ཞབས་གཡས་བརྐྱངས་པས་འཇིགས་བྱེད་དང་དུས་མཚན་མནན་པའོ། <br />།རྒྱབ་ཀྱི་པད་འདབ་ལ་ཟླ་བའི་གདན་ལ་ཧྲཱིཿལས་པདྨ་ཧྲཱིཿས་མཚན་པ་ལས་སྤྱན་རས་གཟིགས་སྐུ་མདོག་དཀར་པོ་ཞལ་གཅིག་ཕྱག་གཉིས་ཀྱིས་གཡས་སྐྱབས་སྦྱིན་གྱི་ཕྱག་རྒྱ་དང་བཅས་པའི་བུམ་པ་དང་། གཡོན་པདྨ་དཀར་པོའི་ཡུ་བ་ཐུགས་ཀར་འཛིན་ཅིང་སྙན་གྱི་ཐད་ཀར་ཁ་བྱེ་བ། དབུ་སྐྲ་དཔུང་པའི་སྟེང་ན་ནག་སིལ་ལེ་ཡོད་པ་འོད་དཔག་མེད་ཀྱིས་དབུ་བརྒྱན་པ། ཞབས་གཡས་བརྐྱངས་ཤིང་གཡོན་བསྐུམ་པའི་སྟབས་ཀྱིས་བཞུགས་པའོ། <br />།གཡོན་གྱི་པད་འདབ་ཀྱི་ཟླ་གདན་ལ་ཏཱྃ་ལས་ཨུཏྤ་ལ་ཏཱྃ་གྱིས་མཚན་པ་ལས་རྗེ་བཙུན་སྒྲོལ་མ་སྐུ་མདོག་ལྗང་གུ། ལང་ཚོ་དར་ལ་བབ་ཅིང་། ལོ་བཅུ་དྲུག་ལོན་པའི་རྣམ་པ་ཅན། ཕྱག་གཡས་སྐྱབས་སྦྱིན་དང་། གཡོན་ཨུཏྤ་ལའི་ཡུ་བ་འཛིན་པ། སྤྱི་བོར་དོན་ཡོད་གྲུབ་པས་བརྒྱན་པ། ཞབས་གཡས་བརྐྱངས་ཤིང་གཡོན་བསྐུམ་པའི་སྟབས་ཀྱིས་བཞུགས་པའོ།<br />།དེ་རྣམས་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཧཱུྃ་ལས་འོད་ཟེར་འཕྲོས། བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་མ་ལུས་པ་རྡོ་རྗེ་འཆང་དང་ལྷ་བཞིའི་རྣམ་པར་སྤྱན་དྲངས། ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། སྐྱབས་གནས་ཐམས་ཅད་འདུས་པའི་ངོ་བོར་གྱུར། <br />བླ་མ་ལྷ་བཞིའི་ཚོགས་ལ་ཕྱི་མེ་ཏོག་བདུག་སྤོས། ནང་ཤ་ལྔ་བདུད་རྩི་ལྔ། གསང་བ་སྙོམས་འཇུག་གི་བདེ་བ། དེ་ཁོ་ན་ཉིད་བདེ་སྟོང་གཉིས་སུ་མེད་པའི་ཡེ་ཤེས་ལ་སོགས་པ་མཆོད་པའི་ཁྱད་པར་བསམ་གྱིས་མི་ཁྱབ་པས་མཆོད་ཅིང་མཉེས་པར་བགྱིའོ། །བྱིན་གྱིས་བརླབ་ཏུ་གསོལ། <br />ན་མོ་བུདྡྷ་ཡ། ན་མོ་གུ་རུ་ཧེ། བཛྲ་བཱི་ར་བཱི་རེ་ཎི། ཤྲཱི་ཌཱ་ཀ་ཌཱ་ཀི་ནི། ཛོ་ཀ་ཛོ་ཀི་ནི། སརྦ་བུདྡྷ་བོདྡྷི་སཏྭ་ཡ། ཤ་ར་ཎ་གཙྪ་མི་ཀྱཻ། <span class="tibetan_small">ལན་གསུམ།</span> <br />བླ་མའི་སྐུ་ལས་བདུད་རྩིའི་རྒྱུན་བབས། རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །བླ་མའི་སྐུ་གསུང་ཐུགས་ཀྱི་བྱིན་རླབས་ཐོབ་པར་གྱུར། <br />དེ་བཞིན་དུ་ལྷ་སོ་སོ་ལ་དམིགས་ཏེ་<span class="tibetan_small">རིམ་བཞིན་སྔགས་བརྗོད་པ་ནི།</span> <br />ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ནཱ་ཡ་ཀ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། <span class="tibetan_small">གསུམ།</span> མགོན་པོའི་སྐུ་ལས་བདུད་རྩིའི་རྒྱུན་བབས་<span class="tibetan_small">སོགས་ནས།</span> མགོན་པོའི་སྐུ་གསུང་ཐུགས་ཀྱི་བྱིན་རླབས་ཐོབ་པར་གྱུར། <span class="tibetan_small">ཅེས་རིགས་འགྲེ།</span> <br />ཨོཾ་བཛྲ་ན་ར་ཀྲིཾ་ཀྲིཾ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། <span class="tibetan_small">གསུམ།</span> རྣལ་འབྱོར་མའི་སྐུ་ལས༴<br />ཨོཾ་མ་ཎི་པདྨེ་ཧཱུྃ། ཨོཾ་བཛྲ་རཀྵ་ན་མཿས་མནྟ་ཧཱུྃ་ཕཊ། <span class="tibetan_small">གསུམ།</span> སྤྱན་རས་གཟིགས་ཀྱི་སྐུ་ལས༴ <br />ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། <span class="tibetan_small">གསུམ།</span> སྒྲོལ་མའི་སྐུ་ལས་བདུད་རྩིའི་རྒྱུན་བབས། རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །སྒྲོལ་མའི་སྐུ་གསུང་ཐུགས་ཀྱི་བྱིན་རླབས་ཐོབ་པར་གྱུར། <br />བླ་མ་རྡོ་རྗེ་འཆང་གི་ཐུགས་ཀའི་ཧཱུྃ་ལས་འོད་ཟེར་འཕྲོས། ལྷ་བཞི་སྤྱན་དྲངས་བླ་མའི་སྤྱི་བོར་སྤྱན་རས་གཟིགས། མགྲིན་པར་སྒྲོལ་མ། ཐུགས་ཀར་མགོན་པོ། ལྟེ་བར་རྣལ་འབྱོར་མ་རྣམས་བཞུགས་པར་གྱུར། <br /><span class="tibetan_small">སྔགས་ཚན་ལྔ་སྦྲེལ་ནས་ལན་གསུམ་བཟླ།</span><br />རང་གི་གསང་གནས་ནས་རླུང་གཡོས། ལྟེ་བར་གཏུམ་མོ་ཡེ་ཤེས་ཀྱི་མེ་སྦར། བླ་མའི་སྐུ་ལ་ཕོག་པས་བདེ་བ་ཆེན་པོས་ལྷ་བཞི་བདུད་རྩིར་ཞུ་ནས་སྐུ་ལུས་གང་། གསང་བའི་ལམ་ནས་རང་གི་སྤྱི་བོར་ཞུགས། མགྲིན་པ་ཡན་ཆད་གང་། ལུས་ཀྱི་སྡིག་སྒྲིབ་དག །བུམ་པའི་དབང་ཐོབ། སྐུའི་བྱིན་རླབས་ཞུགས། སྙིང་ཁ་ཡན་ཆད་གང་། ངག་གི་སྡིག་སྒྲིབ་དག །གསང་བའི་དབང་ཐོབ། གསུང་གི་བྱིན་རླབས་ཞུགས། ལྟེ་བ་ཡན་ཆད་གང་། ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ། ཐུགས་ཀྱི་བྱིན་རླབས་ཞུགས། ལུས་ཐམས་ཅད་གང་། སྒོ་གསུམ་གྱི་སྡིག་སྒྲིབ་དག །དབང་བཞི་པ་ཐོབ། སྐུ་གསུང་ཐུགས་ཀྱི་བྱིན་རླབས་ཞུགས། བླ་མ་འོད་དུ་ཞུ། རང་ལ་ཐིམ་པས། རང་ལུས་འོད་དུ་ཡལ། སེམས་མ་བཅོས་པ་ལ་མཉམ་པར་བཞག་གོ <br /><span class="tibetan_small">།དེ་ནས་མཎྜལ་བསང་སྦྱང་།</span><br />སྟོང་པའི་ངང་ལས་པདྨ་འདབ་མ་བཞི་པའི་ལྟེ་བ་ཁྲུ་གང་གི་མཐོ་བ་ལ་ཉི་ཟླ་བརྩེགས་པའི་གདན་ལ་ཧཱུྃ་ལས་རྡོ་རྗེ་ཧཱུྃ་གིས་མཚན་པ་ལས་རྩ་བའི་བླ་མ་རྡོ་རྗེ་འཆང་<span class="tibetan_small">ཞེས་པ་ནས།</span> སྐྱབས་གནས་ཐམས་ཅད་འདུས་པའི་ངོ་བོར་གྱུར། <span class="tibetan_small">ཅེས་པའི་བར་གོང་བཞིན་བརྗོད། མཆོད་པ་བྱིན་རླབས་བྱས་ལ།</span> གུ་རུ་དེ་བ་ཙ་ཏུ་ར་ས་པ་རི་ཝཱ་ར་ཨརྒྷཾ་<span class="tibetan_small">སོགས་ཀྱིས་ཕྱི་མཆོད།</span> ཨོཾ་ཨཱཿཧཱུྃ་<span class="tibetan_small">གིས་ནང་མཆོད། གསང་མཆོད་དང་དེ་ཁོ་ན་ཉིད་ཀྱི་མཆོད་པ་ཡིད་ཀྱིས་བྱ།</span> གང་གིས་དྲིན་གྱིས་<span class="tibetan_small">སོགས་ཤློ་ཀ་གཅིག་དང་།</span> བྱིན་རླབས་མ་ལུས་འབྱུང་བའི་སྒོ། །དངོས་གྲུབ་མ་ལུས་ཐོབ་པའི་གནས། །བར་ཆད་མ་ལུས་སེལ་བའི་ལྷ། །བླ་མ་ལྷ་བཞིའི་ཚོགས་ལ་འདུད། <span class="tibetan_small">།ཅེས་བསྟོད། </span><br /><span class="tibetan_small">གཏོར་མ་ཡོད་ན་ཡི་དམ་སྤྱི་ལྟར་བྱིན་བརླབས།</span> ལྷ་རྣམས་ཀྱི་ལྗགས་འོད་ཟེར་གྱི་སྦུ་གུས་བདུད་རྩིའི་བཅུད་དྲངས་ཏེ་གསོལ་བར་གྱུར། ཨོཾ་གུ་རུ་བཛྲ་དྷ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། <span class="tibetan_small">ལན་གསུམ། མགོན་པོ་སོགས་ལ་སོ་སོའི་རང་སྔགས་མཐར་གཏོར་སྔགས་བཏགས་པ་ལན་གསུམ་གསུམ་གྱིས་ཕུལ། མཆོད་བསྟོད་དང་།</span> མཆོད་སྦྱིན་གཏོར་མ་<span class="tibetan_small">སོགས་ཀྱིས་ཕྲིན་ལས་ཞུ། དེ་ནས་སློབ་མ་ཁྲུས་བྱ། སེམས་བསྐྱེད་གསལ་གདབ་སྐབས།</span> དེའི་ཆེད་དུ་བླ་མ་དང་ལྷ་བཞི་དྲིལ་སྒྲུབ་ཀྱི་བཀའ་ཟབ་མོ་<span class="tibetan_small">ཞེས་བསྒྱུར།</span> <br />དེའང་གྲུབ་ཐོབ་ཆེན་པོ་ཤ་བ་རི་པས་བསིལ་བའི་ཚལ་གྱི་དུར་ཁྲོད་དུ་སྒྲུབ་པ་ལ་བཞུགས་པའི་སྐབས་སུ་ཐོག་མར་དཔལ་ཡེ་ཤེས་ཀྱི་མགོན་པོ་ཉིད་བྱོན་ནས་རང་གི་སྒྲུབ་ཐབས་ལ་སོགས་པ་གསུངས། དེ་ནས་རྗེ་བཙུན་རྡོ་རྗེ་རྣལ་འབྱོར་མ། སྤྱན་རས་གཟིགས། སྒྲོལ་མ་རྣམས་ཀྱང་བྱོན་ནས་རང་རང་གི་སྒྲུབ་ཐབས་གསུངས། བྱིན་རླབས་ལྷ་བཞི་འབྲལ་བ་མེད། ཅེས་བྱ་བ་ཡིན་པས་ལྷ་བཞི་པོ་འདི་ངོ་བོ་དང་ཕྲིན་ལས་གཉིས་ཀའི་སྒོ་ནས་གཅིག་བསྒྲུབས་པས་ཀུན་འགྲུབ་པར་འགྱུར་བའི་ཕྱིར་ནམ་ཡང་ཐ་དད་ཡོད་པ་མ་ཡིན་ཀྱང་། རྣམ་པ་ཙམ་དུའང་བཞི་པོ་ཕྱོགས་གཅིག་ཏུ་དྲིལ་བའི་སྒྲུབ་ཐབས་ཀྱང་མཛད་ནས་མཻ་ཏྲཱི་པ་ལ་གནང་། ལྷོ་ཕྱོགས་ཀྱི་གྲུབ་ཆེན་རཱ་ཧུ་ལ་ཡང་ཡུམ་ལས་འཁྲུངས་མ་ཐག་ལྷ་བཞི་ཞལ་གཟིགས། ཕྱིས་རྡོ་རྗེ་མཁའ་སྤྱོད་མས་སྒྲུབ་ཐབས་རྣམས་གནང་བ་སྟེ། མཁས་གྲུབ་ཁྱུང་པོས་བླ་མ་དམ་པ་དེ་གཉིས་དང་། ཁྱད་པར་ཡེ་ཤེས་ཀྱི་མཁའ་འགྲོ་སུ་ཁ་སིདྡྷི་ལས་གསན་པ་ཡིན་ཅིང་། ཇི་སྐད་དུ། མ་ཡེངས་ཟླ་བ་གསུམ་ནས་འགྲུབ། །ཐོ་རེངས་ཐུན་རེ་མ་ཆག་བསྒོམ། །མཆོག་དང་ཐུན་མོང་དངོས་གྲུབ་འགྲུབ། <br />།ཅེས་གསུངས་ཏེ། དེ་ལྟ་བུའི་བྱིན་གྱིས་བརླབ་པའི་ལྷ་བཞིའི་བཀའ་འབུལ་བར་བྱེད་པ་ལ། སློབ་དཔོན་གྱི་བྱ་བ་སྔོན་དུ་གྲུབ་ཟིན། ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལ་འཇུག་པའི་ཆོས་རྣམས་ཞུ་བའི་ཡོན་དུ་མཎྜལ་ཕུལ་མཛོད། <span class="tibetan_small">ཅེས་བརྡ་སྤྲད།</span> <br />དེ་ནས་གསོལ་བ་འདེབས་པ་འདིའི་རྗེས་ཟློས། <br />དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་པར་འཚལ། <span class="tibetan_small">།ལན་གསུམ།</span> <br />མདུན་བསྐྱེད་བླ་མ་ལྷ་བཞིའི་ལྷ་ཚོགས་རྣམས་ཀྱི་སྤྱན་སྔར་རྒྱུན་བཤགས་དང་སྡོམ་པ་བཟུང་བ་འདིའི་རྗེས་ཟློས་མཛོད། <br />དཀོན་མཆོག་གསུམ་ལ་<span class="tibetan_small">སོགས་གསུམ།</span> <br />དེ་ནས་སློབ་དཔོན་བླ་མ་ལྷ་བཞིའི་ངོ་བོར་བཞུགས་པ་ལ་མོས་གུས་དྲག་པོ་དུང་བ་གཅིག་བྱས་པའི་རྐྱེན་གྱིས་ཐུགས་ཀ་ནས་འོད་ཟེར་འཕྲོས། མདུན་བསྐྱེད་བླ་མ་ལྷ་བཞིའི་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་དཔག་ཏུ་མེད་པ་བྱུང་། ཁྱེད་རང་གི་ལུས་ལ་ཕོག་པ་ཙམ་གྱིས་མ་དག་པའི་སྣང་ཞེན་སྦྱངས་ཏེ། ལུས་འཁོར་ལོ་བདེ་མཆོག་གི་སྐུར་མོས་པ་མཛོད། <br />དེ་ལྟར་ཁྱེད་རང་རྣམས་ཡི་དམ་གྱི་སྐུར་གསལ་བའི་སྤྱི་བོར་ཆོས་འབྱུང་ཕྱི་དཀར་ལ་ནང་དམར་བ་<span class="tibetan_small">ཞེས་པ་ནས།</span> ཐུགས་ཀར་ཧཱུྃ་གིས་མཚན་པ་རྣམས་སུ་གྱུར་པའི་མོས་པ་མཛོད། <span class="tibetan_small">ཅེས་གོང་བཞིན་བསྐྱེད་ཆོག་གི་ཚིག་བརྗོད་ནས་ལྷ་རྣམས་དམ་ཚིག་པའི་ཚུལ་དུ་བསྐྱེད་ལ།</span> <br />དེ་ནས་མདུན་བསྐྱེད་མཎྜལ་གྱི་དབུས་ན་བཞུགས་པའི་བླ་མ་རྡོ་རྗེ་འཆང་ལ་མོས་གུས་དྲག་པོས་གསོལ་བ་བཏབ་པའི་རྐྱེན་གྱིས་དེ་ཉིད་ཡེར་གྱིས་བྱོན། ཁྱེད་རང་གི་སྤྱི་བོའི་རྡོ་རྗེ་འཆང་ལ་ཐིམ། སྐུ་ལས་བདུད་རྩིའི་རྒྱུན་བབས། ཁྱེད་རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །བླ་མའི་སྐུ་གསུང་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། <span class="tibetan_small">སྤོས་དང་ཌཱ་དྲིལ་བྱ་ཞིང་།</span> ན་མོ་བུདྡྷཱ་ཡ<span class="tibetan_small">འི་གསོལ་འདེབས་ཚར་གསུམ་བརྗོད།</span> <br />ཡང་མདུན་བསྐྱེད་ཀྱི་མགོན་པོ་ལ་གསོལ་བ་བཏབ་པས། དེ་ཉིད་ཡེར་གྱིས་བྱོན། ཁྱེད་རང་གི་སྤྱི་བོའི་མགོན་པོ་ལ་ཐིམ། སྐུ་ལས་རང་འདྲ་དཔག་ཏུ་མེད་པ་ཆད། ཁྱེད་རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་ཐམས་ཅད་ཞལ་དུ་དམར་ཆེམ་ཆེམ་གསོལ། མགོན་པོའི་སྐུ་གསུང་ཐུགས་དང་སྒོ་གསུམ་དབྱེར་མེད་དུ་འདྲེས་པའི་མོས་པ་མཛོད། <span class="tibetan_small">སྤོས་དང་ཌཱ་དྲིལ་མགོན་པོའི་སྔགས་ལན་གསུམ་གྱིས་བྱིན་རླབས་འབེབས་པ་འགྲེའོ།</span> <br />།ཡང་རྣལ་འབྱོར་མ་ལ་གསོལ་བ་བཏབ་པས། དེ་ཉིད་ཡེར་གྱིས་བྱོན། ཁྱེད་རང་གི་སྤྱི་བོའི་རྣལ་འབྱོར་མ་ལ་ཐིམ། གསང་གནས་ནས་བདུད་རྩི་དམར་པོའི་རྒྱུན་བབས། ཁྱེད་རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །རྣལ་འབྱོར་མའི་སྐུ་གསུང་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། <span class="tibetan_small">སྤོས་རོལ་སྔགས་ཚར་གསུམ།</span> <br />ཡང་ཐུགས་རྗེ་ཆེན་པོ་ལ་གསོལ་བ་བཏབ་པས། དེ་ཉིད་ཡེར་གྱིས་བྱོན། ཁྱེད་རང་གི་སྤྱི་བོའི་སྤྱན་རས་གཟིགས་དབང་ཕྱུག་ལ་ཐིམ། བུམ་པ་དང་སྐུ་ལས་བདུད་རྩི་དཀར་པོའི་རྒྱུན་བབས། ཁྱེད་རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །ཐུགས་རྗེ་ཆེན་པོའི་སྐུ་གསུང་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། <span class="tibetan_small">སྔགས་བརྗོད་ཅིང་སྤོས་ཌཱ་དྲིལ།</span> <br />ཡང་སྒྲོལ་མ་ལ་གསོལ་བ་བཏབ་པས། དེ་ཉིད་ཡེར་གྱིས་བྱོན། ཁྱེད་རང་གི་སྤྱི་བོའི་འཕགས་མ་སྒྲོལ་མ་ལ་ཐིམ། ཞབས་གཡས་པའི་མཐེ་བོང་ལས་བདུད་རྩིའི་རྒྱུན་བབས། ཁྱེད་རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །སྒྲོལ་མའི་སྐུ་གསུང་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། <span class="tibetan_small">སྔགས་དང་སྤོས་ཌཱ་དྲིལ་བྱ།</span><br />དེ་ནས་དངོས་གཞི་ཞུ་བའི་ཡོན་དུ་མཎྜལ༴ གསོལ་བ་འདེབས་པ་འདིའི་རྗེས་ཟློས་མཛོད། བྱང་ཆུབ་རྡོ་རྗེས་<span class="tibetan_small">སོགས་གསུམ།</span> <br />ཁྱེད་རང་རྣམས་ཀྱི་སྤྱི་བོར་བཞུགས་པའི་བླ་མ་རྡོ་རྗེ་འཆང་གི་ཐུགས་ཀའི་འོད་ཟེར་གྱིས་འཁོར་གྱི་ལྷ་བཞི་སྤྱན་དྲངས་ཏེ་བླ་མའི་སྤྱི་བོར་སྤྱན་རས་གཟིགས། མགྲིན་པར་སྒྲོལ་མ། ཐུགས་ཀར་མགོན་པོ། ལྟེ་བར་རྣལ་འབྱོར་མ་རྣམས་བཞུགས་པ་ལ་མོས་གུས་དང་བཅས་འདིའི་རྗེས་ཟློས་མཛོད།<br />ན་མོ་བུདྡྷཱ་ཡ་<span class="tibetan_small">སོགས་ནས།</span> ཏུ་རེ་སྭཱ་ཧཱ<span class="tibetan_small">འི་བར། སྔགས་ཚན་ལྔ་སྦྲེལ་བ་ལན་གསུམ།</span><br />དེ་ནས་ཁྱེད་རང་གི་རྐང་འོག་གི་རླུང་གཡོས། ལྟེ་བའི་གཏུམ་མོ་ཡེ་ཤེས་ཀྱི་མེ་སྦར་བའི་འོད་ཟེར་བླ་མའི་སྐུ་ལ་ཕོག །ལྷ་བཞི་འོད་དུ་ཞུ། སྐུ་ལུས་ཀྱི་ཆ་ཐམས་ཅད་ནས་ཡེ་ཤེས་ཀྱི་བདུད་རྩིའི་རྒྱུན་བབས། ཁྱེད་རང་གི་སྤྱི་བོར་ཞུགས། མགྲིན་པ་ཡན་ཆད་གང་། ལུས་ཀྱི་སྡིག་སྒྲིབ་དག །བུམ་པའི་དབང་ཐོབ། སྐུའི་བྱིན་རླབས་ཞུགས་པའི་མོས་པ་མཛོད། <span class="tibetan_small">ཌཱ་དྲིལ།</span> <br />བདུད་རྩིའི་རྒྱུན་གྱིས་སྙིང་ཁ་ཡན་ཆད་གང་། ངག་གི་སྡིག་སྒྲིབ་དག །གསང་བའི་དབང་ཐོབ། གསུང་གི་བྱིན་རླབས་ཞུགས་པའི་མོས་པ་མཛོད། <span class="tibetan_small">ཌཱ་དྲིལ།</span> <br />བདུད་རྩིའི་རྒྱུན་གྱིས་ལྟེ་བ་ཡན་ཆད་གང་། ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ། ཐུགས་ཀྱི་བྱིན་རླབས་ཞུགས་པའི་མོས་པ་མཛོད། <span class="tibetan_small">ཌཱ་དྲིལ།</span> <br />བདུད་རྩིའི་རྒྱུན་གྱིས་ལུས་ཐམས་ཅད་གང་། སྒོ་གསུམ་གྱི་སྡིག་སྒྲིབ་དག །དབང་བཞི་པ་ཐོབ། སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཞུགས། <br />མཐར་བླ་མ་འོད་དུ་ཞུ་ནས། ཁྱེད་རང་ལ་ཐིམ་པས་སྒོ་གསུམ་རྡོ་རྗེ་གསུམ་དང་དབྱེར་མེད་དུ་གྱུར་པར་མོས་ལ་སེམས་འཛིན་མེད་དུ་ཅི་གནས་མཉམ་པར་ཞོག་མཛོད། <span class="tibetan_small">ཌཱ་དྲིལ་བག་ཙམ་རེ་བྱ་བ་མ་གཏོགས་གཞན་མི་དགོས།</span> <br />དེས་བྱིན་རླབས་ལྷ་བཞིའི་བཀའ་གྲུབ་པ་ཡིན་པས་འདི་ཉིད་ཡི་དམ་དུ་བཟུང་ཞིང་དམ་ཚིག་ལས་མི་འདའ་བར་བགྱིད་དོ་སྙམ་པས་འདིའི་རྗེས་ཟློས། <br />གཙོ་བོས་ཇི་ལྟར་<span class="tibetan_small">སོགས་དབང་རྗེས་སྤྱི་ལྟར་བྱ། ལྷ་བསྟིམས་ཟིན་པས། ཡིག་བརྒྱ་བཟོད་གསོལ་དང་། ཤིས་བརྗོད་ཙམ་ལས་རྗེས་ཆོག་གཞན་མི་དགོས་སོ།</span><br /><span class="tibetan_small">།ཡོན་ཏན་བསྔགས་པ་མཐའ་ཡས་པས། །དྲིལ་སྒྲུབ་འདི་ནི་སྤྲོས་མེད་ཀྱི། །རྣལ་འབྱོར་ཅན་རྣམས་སྙིང་གི་དཔྱིད། །གདམས་ངག་རྒྱ་མཚོའི་སྙིང་པོ་ཡིན། །ལྷ་བཞི་དྲིལ་སྒྲུབ་ཀྱི་རྗེས་སུ་གནང་བའི་བཀའ་བཤད་པའི་ལེ་ཚན་ནོ།། །།མངྒ་ལཾ།། །།</span><br /><br />Title<br /><br />༄༅། །བརྟུལ་ཞུགས་ཀྱི་རྗེས་གནང་།།<br /><span class="tibetan_small">ཨོཾ་སྭ་སྟི། </span><br /><span class="tibetan_small">བདུད་འཇོམས་ཕྲིན་ལས་ཐོགས་མེད་པ། །ཁྲག་འཐུང་ཆེན་པོས་དེ་རིང་འདིར། །སྙིང་པོའི་བསྟན་པ་རྒྱས་པ་དང་། །ལས་ཀུན་འགྲུབ་པའི་ཤིས་པ་སྩོལ།</span><br /><span class="tibetan_small">།གང་ཞིག་སྤྲོས་པ་ལ་དགའ་ཞིང་ལག་ལེན་རྒྱས་པར་བྱ་བ་དག་གིས། མགོན་པོའི་བཀའ་ཆེན་བཅུ་གསུམ་རྫོགས་པའི་མཐར་བརྟུལ་ཞུགས་ཀྱི་རྗེས་གནང་བྱེད་པའི་སྲོལ་སྣང་ཞིང་། དེའང་[[Kyishö Tendzin Trinlé|སྤྱི་ཤོད་པ]]འི་ཡིག་ཆར་མགོན་དཀར་ཡིད་བཞིན་ནོར་བུ་རྗེས་སུ་བཞག་པས་དེའི་རྗེས་གནང་གི་མཐར་སྦྲེལ་བར་སྣང་ཡང་། འདིར་གོང་གི་གསང་སྒྲུབ་རྒྱན་ཅན་ལ་སྦྲེལ་ན་འཇུག་པ་བདེ་བས་དེ་ལྟར་ན་གཏོར་དབང་གྲུབ་མ་ཐག་པར། འདིའི་བྱིན་རླབས་ནས་འཇུག་ཅིང་སློབ་མ་ལྷར་བསྐྱེད་སྤྱན་འདྲེན་མི་དགོས། འོན་ཀྱང་རྩ་བ་མགོན་མཐིང་གི་བཀའ་ཙམ་རྫོགས་པ་ལའང་འདིའི་རྗེས་གནང་སྦྱོར་དུ་རུང་བ་ཁོ་ན་ཡིན་ཅིང་། དཀར་དམར་སོགས་ལ་སྦྲེལ་ན། དཀྱུས་སུ་བཤད་པའི་སློབ་མ་ལྷར་བསྐྱེད་དགོས་པ་ནི་ཁྱད་པར་རོ། །དེའང་རྗེས་གནང་གང་དང་སྦྲེལ་བ་དེའི་གཤམ་དང་མཉམ་དུ། གྲི་གུག་སོགས་ཕྱག་མཚན་དྲུག་སོ་སོ་བ། དབུ་རྒྱན་ཐོད་ཕྲེང་སྦྲུལ་རྒྱན་གླང་ལྤགས་སྟག་ལྤགས་རུས་པའི་རྒྱན་དྲུག་སིནྡཱུ་ར་རྣམས་སྟ་གོན་བྱས་ལ། བསང་སྦྱང་།</span> <br />སྟོང་པའི་ངང་ལས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཡོངས་སུ་གྱུར་པ་ལས་ངོ་བོ་དཔལ་ཡེ་ཤེས་ཀྱི་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་བདག་ཉིད་ཡིན་པ་ལ་རྣམ་པ་ཕྱག་མཚན་དང་རྒྱན་སོ་སོའི་རྣམ་པར་གྱུར། <span class="tibetan_small">ཅེས་བརྗོད་ཅིང་སྙིང་པོ་ཚར་གསུམ་རེས་བྱིན་གྱིས་བརླབས། དེ་ནས་སློབ་མ་རྣམས་བསང་སྦྱང་།</span> <br />སྟོང་པའི་ངང་ལས་པྃ་ལས་པདྨ་དང་རྃ་ལས་ཉི་མའི་དཀྱིལ་འཁོར་<span class="tibetan_small">ཞེས་མངོན་རྟོགས་ལྟར་མགོན་པོ་འཁོར་བཅས་ཡོངས་རྫོགས་སུ་བསྐྱེད་ལ་སྤྱན་དྲངས།</span> ཛཿཧཱུྃ་བཾ་ཧོཿ དམ་ཚིག་པ་སོ་སོ་དང་གཉིས་སུ་མེད་པར་གྱུར། <span class="tibetan_small">ཞེས་སོགས་བརྗོད།</span> <br />དེ་ལྟར་ཁྱེད་རང་རྣམས་མྱུར་མཛད་ཡེ་ཤེས་ཀྱི་མགོན་པོ་དངོས་སུ་གསལ་བ་ལ། ཕྱག་རྣམས་སུ་རྡོ་རྗེའི་མཚོན་ཆ་རྣམས་དང་། དབུ་ལ་སོགས་པའི་སྐུའི་གནས་རྣམས་སུ་དུར་ཁྲོད་རོལ་པའི་ཆས་ཆེན་རྣམས་ཕུལ་ཏེ་མངའ་གསོལ་བའི་མོས་པ་མཛོད་ཅིག <span class="tibetan_small">།ཅེས་མཚམས་སྦྱར་ཏེ།</span> <br /><span class="tibetan_small">སློབ་མའི་ལག་གཡས་སུ་གྲི་གུག་གཏད་ནས།</span> སྐལ་ལྡན་རིགས་ཀྱི་བུ་ཁྱོད་ལ། །ཕྱག་མཚན་གྲི་གུག་དབང་བསྐུར་བས། །དགྲ་བགེགས་ལུས་ནི་ཁ་འབྱེད་ཅིང་། །བསད་པའི་ལས་རྣམས་ཐོགས་མེད་ཤོག<br /><span class="tibetan_small">།ཐོད་པའི་ཕྲེང་བ་གཏད་ལ།</span> སྐལ་ལྡན་རིགས་ཀྱི་བུ་ཁྱོད་ལ། །མགོ་ཕྲེང་ཁྲག་འཛག་འདི་བྱིན་པས། །དགྲ་བགེགས་དོན་སྙིང་འབྱིན་པ་ཡི། །ལས་ཀྱིས་སྲུང་མ་ཚིམ་བྱེད་ཤོག <br /><span class="tibetan_small">།ཅང་ཏིའུ་གཏད་ལ།</span> སྐལ་ལྡན་རིགས་ཀྱི་བུ་ཁྱོད་ལ། །ཐོད་པའི་ཅང་ཏིའུ་འདི་བྱིན་པས། །དཔའ་བོ་མཁའ་འགྲོ་དབང་སྡུད་ཅིང་། །དགྲ་བགེགས་མྱོས་པའི་ལས་འགྲུབ་ཤོག <br /><span class="tibetan_small">།ཐོད་པ་གཏད་ལ།</span> སྐལ་ལྡན་རིགས་ཀྱི་བུ་ཁྱོད་ལ། །ཕྱག་མཚན་ཐོད་པའི་དབང་བསྐུར་བས། །དགྲ་བགེགས་སྙིང་ཁྲག་རོལ་བྱེད་ཅིང་། །རེངས་པའི་ལས་ལ་ཐོགས་མེད་ཤོག <br /><span class="tibetan_small">།རྩེ་གསུམ་གཏད་ལ།</span> སྐལ་ལྡན་རིགས་ཀྱི་བུ་ཁྱོད་ལ། །ཁ་ཊྭཱཾ་རྩེ་གསུམ་འདི་བྱིན་པས། །དགྲ་བགེགས་གནས་གསུམ་སྣུན་བྱེད་ཅིང་། །སྒྲོལ་དང་སྐྲད་པའི་ལས་རྫོགས་ཤོག <br /><span class="tibetan_small">།རྡོ་རྗེའི་ཞགས་པ་གཏད་ལ།</span> སྐལ་ལྡན་རིགས་ཀྱི་བུ་ཁྱོད་ལ། །རྡོ་རྗེའི་ཞགས་པ་འདི་བྱིན་པས། དགྲ་བགེགས་མ་ལུས་འདྲེན་བྱེད་ཅིང་། །འཆིང་བའི་ལས་རྣམས་རྫོགས་པར་ཤོག <br /><span class="tibetan_small">།ཐོད་སྐམ་ལྔའི་དབུ་རྒྱན་བཀོན་ལ།</span> མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །ཡེ་ཤེས་ལྔ་ལྡན་ཐོད་སྐམ་ལྔ། །སྐལ་ལྡན་བུ་ཡིས་བླང་བར་བགྱི། <br /><span class="tibetan_small">།མགོ་ཕྲེང་གཏད་ལ།</span> མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །བདུད་རིགས་བསྒྲལ་བའི་མགོ་ཕྲེང་འདི། །སྐལ་ལྡན་བུ་ཡིས་བླང་བར་བགྱི། <br /><span class="tibetan_small">།སྦྲུལ་རྒྱན་བཀོན་ལ།</span> མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །དུག་ལྔ་དག་པའི་སྦྲུལ་རྒྱན་རྣམས། །སྐལ་ལྡན་བུ་ཡིས་བླང་བར་བགྱི། <br /><span class="tibetan_small">།གླང་ལྤགས་གཏད་ལ།</span> མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །གཏི་མུག་རྣམ་དག་གླང་ཆེན་ལྤགས། །སྐལ་ལྡན་བུ་ཡིས་བླང་བར་བགྱི། <br /><span class="tibetan_small">།སྟག་ཤམ་གཏད་ལ།</span> མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །ང་རྒྱལ་རྣམ་དག་སྟག་ལྤགས་གོས། །སྐལ་ལྡན་བུ་ཡིས་བླང་བར་བགྱི། <br /><span class="tibetan_small">།རྒྱན་དྲུག་གཏད་ལ།</span> མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །ཕ་རོལ་ཕྱིན་དྲུག་དག་པའི་རྒྱན། །སྐལ་ལྡན་བུ་ཡིས་བླང་བར་བགྱི། <br /><span class="tibetan_small">།དེ་ནས་དཔྲལ་བར་སིནྡཱུ་རའི་ཐིག་ལེ་བྱས་ལ།</span> མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །གསང་བའི་རྫས་མཆོག་སིནྡཱུ་རས། །སྐལ་ལྡན་བུ་ལ་དབང་བསྐུར་བས། །དཔའ་བོ་མཁའ་འགྲོ་དབང་སྡུད་ཤོག <br />དེ་ལྟ་བུའི་སིནྡཱུ་རའི་ཐིག་ལེའི་སྟེང་དུ་ཡི་གེ་ཧྲཱིཿདམར་པོ་རིང་ཆ་ཚེག་དྲག་དང་བཅས་པ་བཅུ་གསུམ་རེ་གསལ་འདེབས་པར་མཛོད། <span class="tibetan_small">།བྱས་ལ།</span> <br />འགྲོ་དྲུག་འདྲེན་པའི་དཔལ་མགོན་ཆེ། །སྤྱན་རས་གཟིགས་དབང་ཐུགས་རྗེའི་བདག །ཧྲཱིཿཡིག་ཐུགས་རྗེ་ཆེན་པོ་འདིས། །སྐལ་ལྡན་བུ་ལ་དབང་བསྐུར་རོ། <span class="tibetan_small">།ཞེས་བརྗོད།</span> <br />དེ་ལྟར་བརྟུལ་ཞུགས་ཀྱི་རྗེས་གནང་བྱིན་པས། ཁྱེད་རང་སྲིད་པ་གསུམ་ན་མཐུ་སྟོབས་གཟི་བརྗིད་འགྲན་ཟླ་ཐམས་ཅད་དང་བྲལ་བ་དམ་ཅན་རྒྱ་མཚོའི་ཚོགས་ཀྱི་རྗེ་བོར་མངའ་ཆེན་གསོལ་བ་ལ། དེ་དག་གིས་མཆོད་པའི་བྱེ་བྲག་སྣ་ཚོགས་པས་མཆོད་ཅིང་། རྡོ་རྗེའི་གླུས་བསྟོད་པ་ཕུལ་བར་མོས་ཤིག <br /><span class="tibetan_small">།མཆོད་པ་གསར་དུ་བཤམས་པ་བྱིན་བརླབས་ནས། ཚིགས་བཅད་དམ་སྔགས་ཙམ་གྱིས་མཆོད། གཙོ་བསྟོད་རྒྱས་བསྡུས་གང་རུང་གིས་བསྟོད།</span> <br />སླར་ཡང་ནམ་མཁའ་གང་བར་བཞུགས་པའི་རྒྱལ་བ་སྲས་དང་བཅས་པ་རྣམས་དང་། སློབ་དཔོན་དང་དཀྱིལ་འཁོར་གྱི་ལྷ་ལྷན་ཅིག་པས་ཤིས་པ་བརྗོད་པས་ཀྱང་ཡེ་ཤེས་འཕེལ་ཞིང་བརྟན་པའི་མངའ་ཆེན་གསོལ་བར་མོས་ཤིག <span class="tibetan_small">།ཅེས་བྱས་ལ་བཀྲ་ཤིས་བཀའ་རྒྱ་མ་བརྗོད་ཅིང་མེ་ཏོག་འཐོར།</span><br />དེ་ལྟར་ན་དེ་དག་རྣམས་ཀྱིས་མྱུར་མཛད་ཡེ་ཤེས་ཀྱི་མགོན་པོའི་བྱིན་རླབས་ཀྱི་བཀའ་རྩ་བ་དང་ཡན་ལག་དེང་སང་རྒྱུན་བཞུགས་ངེས་པ་རྣམས་ལེགས་པར་ཕུལ་གྲུབ་པ་ཡིན་པས། སྤྱིར་རྡོ་རྗེ་ཐེག་པའི་དམ་ཚིག་མཐའ་དག །སྒོས་སུ་མགོན་པོ་འདི་ཉིད་ཀྱི་ཁྱད་པར་གནད་ཀྱི་དམ་ཚིག་ཇི་སྐད་བཤད་པ་མཐའ་དག་མ་ཉམས་པར་བསྲུང་བ་དང་། བསྙེན་སྒྲུབ་ཕྲིན་ལས་ཀྱི་རིམ་པ་ལ་བརྩོན་ཅིང་། བླ་མ་ཡི་དམ་དང་གཉིས་སུ་མེད་པ་རྣམ་དག་ཆོས་སྐུའི་རང་བཞིན་དུ་ཤེས་པས་སྲོག་ལྟར་དུ་བརྟེན་སྙམ་དུ་མོས་ལ་འདིའི་རྗེས་ཟློས། <br />གཙོ་བོས་ཇི་ལྟར་<span class="tibetan_small">ལན་གསུམ། </span><br /><span class="tibetan_small">སློབ་མས་གཏང་རག་གསེར་གྱི་མཎྜལ་དང་། ལུས་ལོངས་སྤྱོད་འབུལ། དགེ་བ་རྫོགས་བྱང་དུ་བསྔོ། </span><br /><span class="tibetan_small">རྗེས་ཚོགས་ཀྱི་འཁོར་ལོས་མཉེས་པར་བྱས་ཤིང་དཔོན་སློབ་རྣམས་ཀྱིས་ལོངས་སྤྱོད། སློབ་དཔོན་གྱིས་གཏང་རག་མཆོད་བསྟོད་བཟོད་གསོལ་སོགས་རྒྱས་པར་བྱའོ།</span><br /><span class="tibetan_small">།བསྟན་ལ་སེམས་པའི་བློ་མཐུ་ཐོབ། །འདུན་གྲོས་ངེས་པར་ལེགས་ལ་ཕྱོགས། །རང་འདོད་ཙམ་མིན་གཞན་གྱི་དོན། །མཐའ་ཡས་བསྒྲུབ་ཕྱིར་འདི་བྱས་སོ། །མཐའ་རྟེན་བརྟུལ་ཞུགས་རྗེས་གནང་གི་ལེ་ཚན་ནོ།། །།</span><br /><br /><span class="tibetan_small">།དེ་ལྟར་ཡེ་ཤེས་མགོན་པོ་འདི་ཉིད་ལྷག་པའི་ཆོས་སྐྱོང་འཛིན་པ་ལ་མེད་དུ་མི་རུང་བའི་རྗེས་གནང་གི་བཀའ་སྲོལ་ཁོ་བོས་ཐོབ་པ་ནི་རེ་ཞིག་དེ་ཙམ་སྟེ། དེའང་རྩ་བ་མགོན་མཐིང་གི་བཀའ་བར་ཆད་ཀུན་སེལ་འདི་ལའང་[[Jetsün Taranatha|ཇོ་ནང་རྗེ་བཙུན་ཆེན་པོ་]]ནས་བརྒྱུད་པ་ཐ་དད་པ་གསུམ། དཀར་མཐིང་གཉིས་ལ་ཕྱག་ལེན་མི་འདྲ་བའི་ཁྱད་པར་ཡོད་པ་བཀའ་བརྒྱུད་ཀཾ་ཚང་དང་། ས་སྐྱ་བའི་ལུགས་སྲོལ་གཉིས་རྣམས་ནོས་ཤིང་། གཞན་རྣམས་ནི་བརྒྱུད་པའི་སྲོལ་གཉིས་ལས་བྱོན་པ་སྟེ། [[Khyungpo Neljor|མཁས་གྲུབ་ཁྱུང་པོ་]]ནས་ད་ལྟའི་བར་དུ་བཀའ་ཡོད་ངེས་ཤིང་བསླད་མ་ཞུགས་པའི་རྣམ་པར་དག་པའོ།། །།</span><br /><br /><span class="tibetan_small">འདི་དང་ཕྱི་མའི་དོན་ཀུན་བདེ་བླག་ཏུ། །གསོལ་བ་བཏབ་ན་ངེས་པར་སྩོལ་མཛད་པ། །བླ་མ་ནག་པོ་ཆེན་པོའི་བྱིན་རླབས་བཀའ། །གསལ་བར་བཀོད་ལ་སླར་ཡང་རྗེས་བརྩོན་མཛོད། །བྱང་ཆུབ་ལམ་གྱི་བར་ཆད་ཞི་བ་དང་། །མཆོག་མཐུན་དཔལ་འབྱོར་དབྱར་གྱི་མཚོ་བཞིན་རྒྱས། །གང་འབྲེལ་ཚོ་འོད་དཔག་མེད་ཞིང་ཁམས་སུ། །ཡེ་ཤེས་མགོན་པོས་ལམ་སྣ་འདྲེན་གྱུར་ཅིག </span><br /><span class="tibetan_small">།ཅེས་པ་འདི་ནི་རང་ཉིད་ནས་འདུན་རྩོལ་ཆེན་པོ་བྱས་པའི་སྣོད་དག་པར། བླ་མ་མགོན་པོ་དབྱེར་མེད་པའི་བྱིན་རླབས་ཀྱི་བཅུད་ཅུང་ཟད་ཐོབ་པ། སྐལ་མཉམ་གཞན་དག་ལའང་བགོ་བཤའ་སྦྱིན་པར་བྱ་སླ་བའི་ཆེད་དུ། བླ་མ་ཡེ་ཤེས་མགོན་པོས་རྗེས་སུ་བཟུང་བའི་ཀུ་སཱ་ལི་[[Jamgön Kongtrül Lodrö Thayé|ཀརྨ་ངག་དབང་ཡོན་ཏན་རྒྱ་མཚོ་བློ་གྲོས་མཐའ་ཡས་]]པའི་སྡེས། མྱུར་མཛད་མགོན་པོའི་བྱིན་རླབས་ཀྱི་སྣང་བས་སྲུང་བའི་གནས་མཆོག་[[Tsadra Rinchen Drak|ཙཱ་འདྲ་རིན་ཆེན་བྲག་གི་སྒྲུབ་སྡེ། ཀུན་བཟང་བདེ་ཆེན་འོད་གསལ་གླིང་]]དུ་བྲིས་པ་དགེ་ལེགས་འཕེལ།།</span></span></span> |
Revision as of 13:35, 23 October 2022
| Resource ID | SCv2p387 |
|---|---|
| Title | dpal myur mdzad ye shes kyi mgon po'i byin rlabs rjes gnang gi bka' yig phyogs gcig tu bsdebs pa tsin+tA ma Ni'i phreng ba |
| Topics | Initiation |
| Sub-Topics | Chadrupa, White protector, Combined Accomplishment of the Four Deities |
| Author | Jamgön Kongtrül Lodrö Thayé |
| Link | BDRC W23922 BDRC W23605 BDRC W8LS16295 (p.723) |
༄༅། །དཔལ་མྱུར་མཛད་ཡེ་ཤེས་ཀྱི་མགོན་པོའི་བྱིན་རླབས་རྗེས་གནང་གི་བཀའ་ཡིག་ཕྱོགས་གཅིག་ཏུ་བསྡེབས་པ་ཙིནྟཱ་མ་ཎིའི་ཕྲེང་བ་ཞེས་བྱ་བ་བཞུགས་སོ།།
བླ་མ་དང་མྱུར་མཛད་སྤྱན་རས་གཟིགས་ལ་ཕྱག་འཚལ་ལོ།
།འགྲོ་བ་ཀུན་ལ་བྱམས་པའི་སྙིང་རྗེའི་སྤྱན། །གདུག་པ་ཅན་ངོར་སྡང་མིག་ལྟར་གཟིགས་པ། །རྒྱལ་བ་ཀུན་བསྐྱེད་བླ་མ་ནག་པོ་ཆེས། །འདི་དང་གཏན་གྱི་བར་ཆད་ཀུན་སོལ་མཛོད། །དཔལ་ལྡན་མགོན་པོའི་རྒྱུད་དང་སྒྲུབ་ཐབས་ཚུལ། །ངོ་མཚར་གསང་བ་ཟབ་མོ་ནམ་མཁའི་མཛོད། །མཚོ་སྐྱེས་རྡོ་རྗེ་བྲམ་ཟེ་ཡབ་སྲས་སོགས། །གྲུབ་མཆོག་ཏུ་མའི་རིམ་པ་ལས་འོངས་ཕྱིར། །མཁས་ཆེན་རྣམས་ཀྱི་ཐུགས་སུའང་མ་བྱོན་པ། །དུས་གསུམ་འབྱོན་པ་སྒྲོལ་བྱེད་ཕྲེང་བ་ལས། །ཤངས་པའི་རིང་ལུགས་རྒྱུ་སྐར་བདག་པོ་གང་། །སྒོ་འབྱེད་བྱིན་རླབས་བཀའ་རྣམས་བཤད་པར་བྱ།
།སྙིང་རྗེ་དྲག་པོའི་སྟོབས་སུ་གྱུར་པའི་གསང་བ་གསུམ་གྱིས་རྩོད་པའི་མཐའ་ཡི་གདུལ་བྱ་རིས་སུ་མ་ཆད་པ་མ་གྲོལ་བ་རྣམས་བཙན་ཐབས་སུ་གྲོལ་བར་བྱེད་ཅིང་འདོད་པའི་དོན་ཡིད་བཞིན་དུ་སྩོལ་བ་ལ་ཡེ་ཤེས་དང་། ལས་དང་འཇིག་རྟེན་པའི་ཆོས་སྐྱོང་བ་གང་གིས་ཀྱང་བསྒྲུན་དུ་མེད་ཅིང་སངས་རྒྱས་ཀྱི་གོ་འཕང་མཆོག་སྒྲུབ་པར་བྱེད་པ་མྱུར་མཛད་ཡེ་ཤེས་མགོན་པོའི་ཆོས་སྐོར་མཁས་གྲུབ་ཁྱུང་པོ་རྣལ་འབྱོར་ལ་རྒྱ་གར་གྲུབ་ཐོབ་རྣམ་པ་གཉིས་ཀྱིས་སྩལ་བའི་གདམས་ངག་ཉིད་ཀྱི་ཐུགས་སྲས་གཙོ་བོ་རྣམ་དྲུག་སོགས་ལ་གནང་བ་དང་། ཁྱད་པར་ལ་སྟོད་པ་དཀོན་མཆོག་མཁར་ནས་བརྒྱུད་པའི་སྟོད་ལུགས། རྨོག་ལྕོག་པ་རིན་ཆེན་བརྩོན་འགྲུས་ནས་བརྒྱུད་པའི་སྨད་ལུགས་གཉིས་ཤིན་ཏུ་གྲགས་ཆེ་ཞིང་གྲུབ་མཐའ་ཀུན་གྱིས་ཚད་མར་འཛིན་པ་ལས། མགོན་པོ་སྟོད་ལུགས་ལ་དབང་བསྐུར་རྗེས་གནང་མན་ངག་གི་རྣམ་གྲངས་ཟབ་ལ་རྒྱ་ཆེ་བ་བཞུགས་པར་སྣང་ཡང་དེང་སང་བེ་བུམ་རྩ་བ་ཙམ་གྱི་ལུང་རྒྱུན་དང་། རྗེས་གནང་འགའ་ཞིག་བྱིན་རླབས་ཆུ་བོ་གཅིག་ཏུ་འདྲེས་པ་ཙམ་ལས་རྒྱུན་ཤིན་ཏུ་དཀོན་ཅིང་། སྨད་ལུགས་མུས་ཆེན་ནམ་མཁའི་རྣལ་འབྱོར་ནས་བརྒྱུད་པ་འདི་ཉིད་རྗེ་རིན་པོ་ཆེ་ཡབ་སྲས་ཀྱི་ཕྲིན་ལས་དང་ལྷན་ཅིག་འཛམ་གླིང་ཀུན་ཏུ་ཁྱབ་པས་གངས་ཅན་དུ་བྱོན་པའི་ཆོས་སྐྱོང་ཞིག་ལ་མཆོད་སྒྲུབ་ཀྱི་ཕྲིན་ལས་ཀྱང་མགོན་པོ་འདི་ཉིད་རྒྱ་ཆེ་བར་སྣང་། འདིའི་རྗེས་གནང་གི་བཀའ་སྲོལ་ས་ཀར་སོགས་ལ་རྩ་བ་མཐིང་དཀར་གཉིས་ཙམ་ལས་མི་བཞུགས་ཤིང་། དེའང་གྲུབ་མཐའ་རང་ལུགས་ཀྱི་ལག་ལེན་དང་བསྟུན་པས་རྩ་བའི་གནད་དང་མཐུན་མིན་ཅི་རིགས་འདུག ཇོ་ནང་རྗེ་བཙུན་ཆེན་པོ་གོང་འོག་ལ་རྣམ་པར་དག་པའི་བཀའ་སྲོལ་འགའ་ཞིག་བཞུགས་པར་འདུག་ཀྱང་དེང་སང་རིན་འབྱུང་ནང་གི་བཀའ་ལྔ་པོ་ལས་གཞན་གྱི་རྒྱུན་མི་བཞུགས། མཁས་གྲུབ་དགེ་དཔལ་བས་བཀའ་ཆེན་བཅུ་གསུམ་མཐའ་རྟེན་དང་བཅས་པར་བསྡུས་པ་དང་། གཅིག་བརྒྱུད་ཀྱི་བཀའ་གསུམ། བེ་བུམ་ཁྱད་པར་ཅན་གྱི་ལུང་དང་བཅས་པ་དགེ་ཕྱོགས་སུ་དར་སྲོལ་ཆེ་ཞིང་། མགོན་པོ་འདི་ཉིད་བརྟེན་པ་ལ་མེད་དུ་མི་རུང་བར་མཐོང་ནས། ལྷ་མོ་གཅིག་བརྒྱུད་ཀྱི་བཀའ་མ་གཏོགས་གཞན་ཚང་བ་ཁོ་བོས་ཀྱང་ཐམས་ཅད་མཁྱེན་པ་མཁྱེན་བརྩེའི་དབང་པོའི་ཞལ་སྔ་ནས་བཀའ་དྲིན་དུ་ཐོབ་པ་ཡིན་ནོ།
།དེའི་ལུགས་ལ་སྐྱི་ཤོད་སྤྲུལ་སྐུ་བསྟན་འཛིན་ཕྲིན་ལས་ཀྱི་ཡིག་ཆ་མཆིས་ནའང་། འདིར་རྗེ་བཙུན་ཐམས་ཅད་མཁྱེན་པའི་བཀའ་སྲོལ་རྒྱུན་བཞུགས་པ་རྣམས་འདི་ཉིད་གཙོ་བོར་བྱས། མི་བཞུགས་པ་རྣམས་ཁ་བསྐངས་ཏེ་བཤད་པར་བྱའོ།
།དེའང་སྐྱི་ཤོད་པའི་ཡིག་ཆར། རྩ་བ་རྗེས་གནང་བར་ཆད་ཀུན་སེལ། དེ་ལ་དམིགས་པའི་ཁྱད་པར་བསྒྱུར་བ་གཏོར་དབང་བར་ཆད་ཀུན་སེལ། གྲིབ་སེལ་མགོན་པོ། བླ་མགོན་དབྱེར་མེད། གནད་དབབ་དང་མཁའ་འགྲོ་དབང་སྡུད་ལྷན་ཅིག་པ། མགོན་པོ་མཆིན་ཁ། ས་ར་ཧའི་ལུགས་ཀྱི་ཞལ་གསུམ་ཕྱག་དྲུག །མགོན་པོ་རྒྱན་ཅན་གསང་སྒྲུབ་ཡུམ་ཅན། ལྷ་བཞི་དྲིལ་སྒྲུབ། དབང་གི་རྒྱལ་པོ། ཚེ་བདག་མགོན་པོ། མགོན་པོ་སྙིང་ཞུགས། ཡིད་བཞིན་ནོར་བུ་རྣམས་དང་།
སྤྱིའི་མཐའ་རྟེན་བརྟུལ་ཞུགས་ཀྱི་རྗེས་སུ་གནང་བ་བཅས་ཀྱི་གོ་རིམ་དུ་བཞུགས་ནའང་། དེར་མགོན་སེར་བློ་འཕེལ་གྱི་བཀའ་མ་ཚང་བ་དཀྱུས་སུ་བཅུག མགོན་པོ་སྙིང་ཞུགས་གཅིག་བརྒྱུད་ཡིན་པས་ཟུར་དུ་ཕྱེས་པའི་བཅུ་གསུམ་དང་། གོ་རིམ་ཡང་སྒྲུབ་ཐབས་རིན་འབྱུང་རྩ་བར་བྱས། དེར་མ་བཞུགས་པ་རྣམས་ཁ་བསྐངས་ཏེ་བཤད་པར་བྱའོ། །དེ་ལ་ཀུན་གྱི་རྩ་བར་གྱུར་པ་བཀའ་ཆེན་དང་པོ་རྗེས་གནང་བར་ཆད་ཀུན་སེལ་རྗེ་བཙུན་རིན་པོ་ཆེའི་གསུང་རབ་ལས་བྱུང་བ་ལ་ཁ་འཕང་ནག་འགྲོས་སུ་བསྡེབས་པ་ནི།། །།
Dispeller of All Obstacles
༼༄༅། །བར་ཆད་ཀུན་སེལ།།༽
༈ ཨོཾ་སྭ་སྟི། སྤྱན་རས་གཟིགས་དབང་སྒྲོལ་མ་དང་། །རྡོ་རྗེ་ཕག་མོས་ལེགས་བརྒྱན་པ། །བྱིན་རླབས་མགོན་པོ་ཆེར་བཏུད་ནས། །ཏིང་འཛིན་དབང་བསྐུར་ཆོ་ག་བཤད།
བར་ཆད་ཀུན་སེལ་གྱི་བཀའ་བྱེད་པར་འདོད་པས་གནས་དབེན་པར་ཉེར་དགུ་ལ་སོགས་པའི་དུས་བཟང་པོར་མཎྜལ་ཟླུམ་པོའི་དབུས་སུ་ཆོས་འབྱུང་གྲུ་གསུམ་མཐིང་ཁ་མེ་རི་ཅན་རྩེ་མོ་ཚུར་བསྟན་པ། དབུས་སུ་ཉི་གདན་དྲུག་ལ་ཚོམ་བུ་སྐུ་མདོག་དང་མཐུན་པར་འགོད། ཕྱི་རོལ་གྲུ་བཅད་དམར་པོ། ཟླུམ་སྐོར་གྱི་ཕྱི་ལའང་རྡོ་རྭ་མེ་རི་བྱ། དེར་མཉྫིའི་སྟེང་དུ། ཐོད་པའི་སྣོད་གང་ཡང་རུང་བའི་ནང་དུ། བདུད་རྩི་ལྔས་སྦགས་པའི་གཏོར་མ་ནོར་གཟུགས་མ་ཆེ་བ་རེ་འགོད་ཅིང་། འཁོར་གྱི་གཏོར་མ་བཞེངས་ན། སྣོད་དེ་ཉིད་དུ་གནོད་སྦྱིན་ལ་རྩེ་མོ་གཡས་སུ་དཀྱུས་པ་གྲུ་གསུམ། ལས་མགོན་ལ་གྲུ་གསུམ་ཕྲ་མོ། གཞན་གསུམ་ལ་ཟླུམ་པོ་ཕྲ་མོ་རེ་བྱ། གཏོར་མ་ཆེན་པོ་ལ་མདའ་དར་དང་། ཙཀ་ལི་བཙུགས། འབུལ་གཏོར་རྒྱས་པ་བཤམས་ན་གཏོར་སྒྲུབ་ཡིན་ལ། བསྡུ་ན་ཟླུམ་གཏོར་ཆེ་བ་ཞིག་མདུན་དུ་བཤམས། ནང་མཆོད་དང་། མཆོད་པ་གཞན་རྣམས་ཅི་བདེ་བར་བསྒྲིགས། དེ་ནས་སློབ་དཔོན་གྱི་བྱ་བ་ནི། སྔོན་འགྲོ་གཏོར་མ་བཤམས་ལ།
སུམྦྷས་བསང་། སྭ་བྷཱ་ཝས་སྦྱང་། ཨོཾ་ཨཱཿཧཱུྃ་ཧ་ཧོཿཧྲཱིཿཞེས་བྱིན་གྱིས་བརླབ། ཕཻཾ་བཛྲ་ཨཱ་རལླི་ཧོཿ ཛཿཧཱུྃ་བྃ་ཧོཿ བཛྲ་ཌཱ་ཀི་ནཱི་ས་མ་ཡ་སྟྭཾ། ཌྀ་ཥྱ་ཧོཿས་མགྲོན་རྣམས་བཀུག ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤཱ་ཙི་ཨུནྨཱ་ད་ཨ་པ་སྨ་ར་ཌཱ་ཀ་ཌཱ་ཀི་ནྱ་ད་ཡཿ ཨི་དཾ་བ་ལིཾ་གྲྀཧྞནྟུ་ས་མ་ཡ་རཀྵནྟུ་མ་མ་སརྦ་སིདྡྷི་མྨེ་པྲ་ཡཙྪནྟུ་ཡ་ཐཻ་བཾ་ཡ་ཐཻཥྚཾ་བྷུཉྫ་ཐ་ཛི་གྷ་ཐ་པི་པ་ཐ་མཱ་ཏི་ཀྲ་མ་ཐ། མ་མ་སརྦ་ཀཱ་ར་ཏ་ཡ་སཏྶུ་ཁཾ་བི་ཤུདྡྷ་ཡེ། ས་ཧཱ་ཡི་ཀཱ་བྷ་ཝནྟུ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ལན་གསུམ་གྱིས་ཕུལ། ཨོཾ་བཛྲ་ཨརྒྷཾ་པྲ་ཏཱིཙྪ་ཧཱུྃ་སྭཱ་ཧཱ། དེ་བཞིན་དུ། པཱདྱཾ། བཛྲ་པུཥྤེ་ཨཱཿཧཱུྃ་ནས་ ཤབྡའི་བར་གྱིས་མཆོད།
ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །འཇིག་རྟེན་སྐྱོང་བ་བརྒྱད་པོ་དང་། །གནོད་སྦྱིན་ཚོགས་རྣམས་མ་ལུས་དང་། །སྲིན་པོའི་ཚོགས་རྣམས་མ་ལུས་དང་། འབྱུང་པོའི་ཚོགས༴ ཤ་ཟའི་ཚོགས༴ སྨྱོ་བྱེད་ཚོགས༴ རྗེད་བྱེད་ཚོགས༴ མ་མོའི་ཚོགས༴ དེ་ལ་སོགས་ཏེ་འབྱུང་པོའི་ཚོགས། །མ་ལུས་ཇི་སྙེད་ཡོད་པ་རྣམས། །འདིར་གཤེགས་བདག་ལ་དགོངས་སུ་གསོལ། །རྣལ་འབྱོར་བདག་ཅག་འཁོར་བཅས་ལ། །ཞེས་པ་ནས། ཡིད་ལ་འདོད་པ་ཀུན་འགྲུབ་ཤོག །དམ་ཅན་ཁྱེད་རྣམས་དཀྱིལ་འཁོར་གྱི། །ལས་ལ་སྲུང་བ་དམ་པ་དང་། །ཡུལ་ཕྱོགས་འདི་དང་སྦྱིན་བདག་དང་། །སློབ་མ་ལ་ཡང་ཤིས་པར་མཛོད། །གསང་སྤྱོད་ལྟ་བར་མི་དབང་བའི། །འབྱུང་པོའི་ཚོགས་རྣམས་གང་ཡིན་པ། །གཏོར་མའི་ལྷག་མ་འདི་ལོངས་ལ། །ད་ལྟ་ཉིད་དུ་གཞན་དུ་དེངས། །ཅི་སྟེ་འགྲོ་བར་མི་བྱེད་ན། །རྡོ་རྗེ་འཛིན་ཆེན་ཁྲོས་པའི་བཀས། །མཚོན་ཆ་འབར་བའི་སྤྲིན་སྤྲོས་ནས། །ལུས་སེམས་རྡུལ་དུ་བརླག་ཏ་རེ། ཞེས་གཏོར་མ་ཕྱིར་དོར་ལ་དྲག་སྔགས་རོལ་མོ་བཅས་མཚམས་བཅད། གནས་ཡོ་བྱིན་རླབས་ནི་གོང་ལྟར་བསང་སྦྱང་།
སྟོང་པའི་ངང་ལས་ཧཱུྃ་ཡིག་ལས་བྱུང་བའི་སྲུང་འཁོར་གྱི་ནང་དུ་ཆུད་པའི་བྷྲཱུྃ་ལས་གནས་ཁང་གཞལ་མེད་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ། ཨོཾ་ཨཱཿཧཱུྃ་རྣམས་ལས་བྱུང་ཞིང་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་ལ་སོགས་པ་མཆོད་པའི་ཡོ་བྱད་བཟང་ཞིང་གྱ་ནོམ་པ། ཡུལ་དུས་ཆད་པ་མེད་པར་ཡོངས་སུ་ཁྱབ་ཅིང་། རྣམ་འཕྲུལ་བསམ་གྱིས་མི་ཁྱབ་པ་རང་བཞིན་བདེ་སྟོང་གི་ཡེ་ཤེས། རྣམ་པ་མཆོད་རྫས་ཀྱི་སྤྲིན་ཕུང་། བྱེད་ལས་རང་གཞན་མཐའ་དག་ཟག་མེད་ཀྱི་བདེ་བས་ཚིམ་པར་བྱེད་པས་ཕྱི་ནང་ཐམས་ཅད་དུ་གང་བར་གྱུར།
ཨོཾ་བཛྲ་ཨརྒྷཾ་སྭཱ་ཧཱ། དེ་བཞིན་ཏུ། པཱདྱཾ། ཨོཾ་བཛྲ་པུཥྤེ་ཨཱཿཧཱུྃ། དེ་བཞིན་ཏུ། དྷཱུ་པེ། ཨཱ་ལོ་ཀེ། གནྡྷེ། ནཻ་ཝི་དྱ། ཤབྡ་ཨཱཿཧཱུྃ། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨཱ་བརྟ་ཡ་ཨཱ་བརྟ་ཡ་ཧོཿ ཨོཾ་བཛྲ་སྥ་ར་ཎ་ཁཾ། རོལ་མོས་བྱིན་འབེབས་ཤིང་། ཨོཾ་བཛྲ་གྷཱཎྜེ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཏྲ་པྲ་ཙཱ་ལི་ཏེ། པྲ་ཛྙཱ་པཱ་ར་མི་ཏཱ་ནཱ་ད་སམྦྷ་ཝ་ཏེ་བཛྲ་དྷརྨ་ཧྲི་ད་ཡ་སནྟོ་ཥ་ནི་ཧཱུྃ་ཧཱུྃ་ཧཱུྃ་ཧོཿཧོཿཧོཿཨཱཿཁཾ་སྭཱ་ཧཱ། ཞེས་ལན་གསུམ་བརྗོད།
དེ་ནས་བདག་བསྐྱེད་ནི། རྟ་མགྲིན་གསང་སྒྲུབ་བམ་རྒྱུད་སྡེ་གང་ཡང་རུང་བ་ལ་བྱ་ཆོག་ཀྱང་། རྒྱུད་སྡེ་ལྔ་གཙོ་བསྡུས་ཀྱི་ལུས་དཀྱིལ་ཙམ་ལ་བརྟེན་པ་ཆེས་ལེགས་པས་དེའི་ཡིག་ཆ་ཟུར་གསལ་ལྟར། བདུད་རྩི་བྱིན་རླབས། སྐྱབས་སེམས་སྲུང་འཁོར་ནས་བརྩམས། བཟླས་པ། བསྡུ་ལྡང་གི་བར་དུ་གྲུབ་པ་དང་། མདུན་བསྐྱེད་ཨ་མྲྀ་ཏ་དང་། སྭ་བྷཱ་ཝས་བསང་སྦྱང་།
སྟོང་པའི་ངང་ལས། མདུན་དུ་ཧཱུྃ་ཡིག་ལས་བྱུང་བའི་སྲུང་འཁོར་གྱི་ནང་མི་བཟད་པའི་དུར་ཁྲོད་ཆེན་པོའི་དབུས་སུ། པྃ་ལས་པདྨ་དང་། རྃ་ལས་ཉི་མའི་སྟེང་དུ། གཾ་དཀར་པོ་འོད་དུ་ཞུ་བ་ལས། དཔལ་ཚོགས་ཀྱི་བདག་པོ་སྐུ་མདོག་དཀར་པོ་གླང་པོ་ཆེའི་དབུ་ལ་སྤྱན་གསུམ་པ་ཕྱག་གཡས་སའི་སྙིང་པོ་ལ་ཕུག་ལོ་མ་དང་བཅས་པ་ཞལ་དུ་གསོལ་བ། གཡོན་ཐོད་པ་བདུད་རྩིས་གང་བ་འཛིན་པ། དར་དང་རིན་པོ་ཆེས་བརྒྱན་པ་ཉལ་སྟབས་སུ་གནས་པ། དེའི་སྟེང་དུ་ཧཱུྃ་མཐིང་ནག་ལས་གྲི་གུག་ཧཱུྃ་གིས་མཚན་པ། དེ་ལས་འོད་ཟེར་འཕྲོས། དགྲ་བགེགས་གདུག་པ་ཅན་ཐམས་ཅད་ཚར་བཅད། འཕགས་པ་མཆོད། སེམས་ཅན་གྱི་དོན་བྱས། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། སྐྱེ་འགྲོའི་རེ་བ་ཚུལ་བཞིན་དུ་སྐོང་བ། སྐུ་མདོག་དུས་མཐའི་སྤྲིན་ལྟར་རབ་ཏུ་གནག་པ། ཞལ་གཅིག་ཕྱག་དྲུག་པ། དམར་ལ་ཟླུམ་པའི་སྤྱན་གསུམ་སྡང་མིག་ཏུ་གཟིགས་པ། ཞལ་གདངས་ཤིང་མཆེ་བ་གཙིགས་པ། ལྗགས་འདྲིལ་བ། རབ་ཏུ་བཞད་པ། སྨ་ར་དང་སྨིན་མ་དང་། དབུ་སྐྲ་དམར་སེར་གྱེན་དུ་བརྫེས་པ། དཔྲལ་བར་སིནྡཱུ་རའི་ཐིག་ལེས་བྱུགས་པ། སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ་ཕྱག་གཡས་དང་པོས་རྡོ་རྗེ་གྲི་གུག་དང་། གཡོན་དང་པོས་ཐོད་པ་ཁྲག་གིས་གང་བ་ཐུགས་ཀར་སྟེང་འོག་ཏུ་འཛིན་པ། གཡས་བར་པས་ཐོད་སྐམ་གྱི་ཕྲེང་བ། ཐ་མས་ཌཱ་མ་རུ་དྲག་ཏུ་འཁྲོལ་བ། གཡོན་གཉིས་པ་ན་མདུང་རྩེ་གསུམ་པ། ཐ་མ་ན་རྡོ་རྗེ་ཞགས་པ་བསྣམས་པ། ཞབས་གཉིས་སྲིད་གསུམ་རྣམ་པར་གནོན་པའི་ཤུགས་ཅན་མཉམ་པའི་སྟབས་ཀྲིག་ཀྲིག་ཞབས་ཀྱིས་བགེགས་ཀྱི་རྒྱལ་པོ་མནན་པ། སྟག་ལྤགས་ཀྱི་ཤམ་ཐབས་ལ། དར་ལྗང་གུའི་སྐེ་རགས་བཅིངས་པ། སྦྲུལ་སྔོན་པོས་དབུ་སྐྲ་བཅིངས་ཤིང་། དམར་པོའི་སྙན་ཆ། ཁྲ་བོའི་དཔུང་རྒྱན། དཀར་པོའི་མགུལ་རྒྱན། སེར་པོའི་ལག་གདུབ། ལྗང་གུའི་དོ་ཤལ། དཀར་པོའི་རྐང་གདུབ་དང་སྐ་རགས་ཅན། ཕྱག་ཞབས་ཐམས་ཅད་དྲིལ་བུ་གཡེར་ཁའི་ཕྲེང་བ་དང་ལྡན་པ། སྦོམ་ཐུང་ཡན་ལག་ཧྲག་པ། གཟི་བརྗིད་མཐའ་ཡས་པ། མི་མགོ་སྐམ་པོ་ལྔའི་དབུ་རྒྱན་རིན་པོ་ཆེའི་རྩེ་བྲན་ཅན་དང་། རློན་པ་ཁྲག་འཛག་ལྔ་བཅུའི་དོ་ཤལ་བྱས་པ། རུས་པའི་རྒྱན་དྲུག་གིས་མཛེས་པ། འཇིགས་པའི་ང་རོ་འབྲུག་ལྟར་སྒྲོག་པས། བདུད་དང་བགེགས་ཐམས་ཅད་བརླག་པར་མཛད་པ། བསྐལ་པའི་མེ་ལྟ་བུ་ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་ཤིང་། ཙན་དན་གྱི་སྡོང་པོ་ལ་རྒྱབ་བརྟེན་པའོ། །དེའི་གཡོན་དུ་ཁྲག་ཞག་འཁྲུགས་པའི་རྒྱ་མཚོའི་དབུས་སུ། བྷྱོཿལས་དཔལ་ལྡན་ལྷ་མོ་འདོད་པ་ཁམས་ཀྱི་དབང་ཕྱུག་མ། སྐུ་མདོག་ནག་མོ་ཕྱག་གཡས་བདུད་ཀྱི་ཁྲམ་ཤིང་ནག་པོ་ཕྱར་ཞིང་། གཡོན་ནད་ཀྱི་རྐྱལ་པ་འཛིན་པ། མེ་རླུང་འཚུབ་མའི་དབུས་ན་བཞུགས་ཤིང་། དྲེའུ་རྟ་རྐང་གསུམ་ལ་ཆིབས་པ། འཁོར་ཤ་ཟ་དང་མ་མོ་མཁའ་འགྲོ་འབུམ་སྡེས་བསྐོར་བའོ། །གཙོ་བོའི་མདུན་དུ་ཧཱུྃ་ལས་གནོད་སྦྱིན་ཀྵེ་ཏྲ་པཱ་ལ། སྐུ་མདོག་མཐིང་ནག་ཁ་གདངས་ཤིང་མཆེ་བ་གཙིགས་ནས་དགྲ་ལ་འོ་དོད་འབོད་པ། ཤངས་ནས་དུས་མཐའི་རླུང་ལྡང་བ། ཕྱག་གཡས་གྲི་གུག་ནམ་མཁའ་ལ་ཕྱར་བས་ལྷ་དང་ལྷ་མ་ཡིན་ཐམས་ཅད་སྐྲག་པར་བྱེད་པ། གཡོན་ཐོད་ཁྲག་དགྲ་བགེགས་ཀྱི་སྙིང་དང་བཅས་པ་གཙོ་བོའི་ཞལ་དུ་སྟོབ་པ། དོམ་ནག་སྨྱོན་པ་ལ་ཆིབས་པ། གཡས་སུ་བྷྱོཿལས་དབང་ཕྱུག་ཛི་ན་མི་ཏྲ་སྐུ་མདོག་དམར་ནག གཡས་ཌཱ་མ་རུ་འཁྲོལ་ཞིང་། གཡོན་ཐོད་ཁྲག་འཛིན་པ། རྒྱབ་ཏུ་ཛཿལས་གཤིན་རྗེ་ཊཱཀྐི་རཱ་ཛ་སྐུ་མདོག་དམར་ནག ཕྱག་གཡས་ཞགས་པ་དགྲ་ལ་འཕེན་ཅིང་། གཡོན་སྡིགས་མཛུབ་གནོད་བྱེད་ལ་སྡིགས་པ། གཡོན་དུ་དུ་ལས་བདུད་མགོན་ཆེན་པོ་ཏྲཀྴད་སྐུ་མདོག་ནག་པོ་ཕྱག་གཡས་རུ་མཚོན་མདུང་དམར་རྩེ་གསུམ་པ་དགྲ་བོའི་སྙིང་གར་བསྣུན་པ། གཡོན་ཐོད་པ་ཁྲག་གིས་གང་བ་བསྣམས་པ། ཡ་སོས་མ་མཆུ་མནན་པ། དར་ནག་གི་འཇོལ་བེར་དང་། སག་ཏིའི་ལྷམ་ཡུ་རིང་གསོལ་བ། གསེར་གྱི་སྐེ་རགས་བཅིངས་པ། བདུད་རྟ་ནག་པོ་རྟིང་དཀར་ལ་ཆིབས་པ། བཞི་ཀའང་ཁྲོ་བོ་ལས་མཁན་གྱི་ཆ་བྱད་ཡོངས་སུ་རྫོགས་པའོ། །དེའི་ཕྱི་རོལ་དུ་ཤར་དུ་བརྒྱ་བྱིན། ཤར་ལྷོར་མེ་ལྷ། ལྷོར་གཤིན་རྗེ། ལྷོ་ནུབ་ཏུ་སྲིན་པོ། ནུབ་ཏུ་ཆུ་ལྷ། ནུབ་བྱང་དུ་རླུང་ལྷ། བྱང་དུ་གནོད་སྦྱིན། བྱང་ཤར་དུ་འབྱུང་པོ། སྟེང་དུ་ཚངས་པ། འོག་ཏུ་ས་བདག་སྟེ་ཕྱོགས་སྐྱོང་བཅུ། གཞན་ཡང་ལྷ་ཆེན་པོ་བརྒྱད། ཀླུ་ཆེན་པོ་བརྒྱད། གཟའ་ཆེན་པོ་བརྒྱད། འཇིགས་བྱེད་ཆེན་པོ་དགུ། རྒྱུ་སྐར་ཉི་ཤུ་རྩ་བརྒྱད། རྒྱལ་པོ་ཆེན་པོ་བཞི་སྟེ། གཙང་རིས་ཀྱི་མགོན་པོ་བདུན་ཅུ་རྩ་ལྔ་པོ་ཐམས་ཅད་ཀྱང་འཁོར་བྱེ་བ་བྱེ་བའི་ཚོགས་ཀྱིས་བསྐོར་བ། དེའི་ཕྱི་རོལ་དུ་དམ་ཅན་རྒྱ་མཚོའི་དམག་ཚོགས་ཤ་ལ་དགའ་བ། ཁྲག་ལ་རོལ་བ། སྙིང་རྗེ་མེད་པ། ཁ་གདངས་བ། མིག་རྩ་དམར་བ། ལག་ན་གདུག་པའི་མཚོན་ཆ་སྣ་ཚོགས་པ་ཐོགས་པ་སྐད་ཅིག་ལ་སྐྱེ་འགྲོ་ཐམས་ཅད་ཀྱི་སྲོག་དབུགས་སྡུད་པ། གནོད་སྦྱིན་དང་། སྲིན་པོ་དང་། གཤིན་རྗེ་དང་། བདུད་དང་མ་མོའི་ཆ་ལུགས་ཅན། ས་གཞི་བར་སྣང་ནམ་མཁའི་དབྱིངས་ཐམས་ཅད་ཡོངས་སུ་གང་བ། ཐམས་ཅད་ཀྱང་སྒྲུབ་པ་པོའི་རེ་འདོད་ཚུལ་བཞིན་དུ་སྐོང་བར་མཛད་པའོ།།དེ་ཐམས་ཅད་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ། ཙནྡན་གྱི་ཤིང་རྐང་གཅིག་པའི་དྲུང་ནས། མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། སྟེང་ན་རྩ་བརྒྱུད་ཀྱི་བླ་མ། གཡས་ན་དཔའ་བོ་ངར་དང་བཅས་ཤིང་། གཡོན་ན་དཔའ་མོ་འཛུམ་དང་བཅས་པ། བཀའ་སྡོད་ཞིང་སྐྱོང་ཕོ་ཉ། དམ་ཅན་རྒྱ་མཚོའི་དམག་ཚོགས་དང་བཅས་པ་ཐམས་ཅད་སྐད་ཅིག་ཉིད་ལ་ཌཱ་མ་རུ་དང་དྲིལ་བུ་གཡེར་ཁའི་སྒྲ་སི་ལི་ལི། ཁྲོ་ལོ་ལོ། འུར་འུར་ཆེམ་ཆེམ་བྱོན་པར་གྱུར།
ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལ་ཆེ། །དཔལ་ལྡན་མགོན་པོ་འཁོར་དང་བཅས། །དཀྱིལ་འཁོར་གནས་འདིར་གཤེགས་སུ་གསོལ། །ཀྵེ་ཏྲ་པཱ་ལ་ལ་སོགས་པ། །འཁོར་གྱི་བཀའ་ཉན་གནོད་སྦྱིན་ཚོགས། །བསྟན་པ་བསྲུང་བར་ཞལ་བཞེས་པའི། །དམ་ཅན་རྒྱ་མཚོ་གཤེགས་སུ་གསོལ། །དཀྱིལ་འཁོར་གནས་འདིར་གཤེགས་ནས་ཀྱང་། །རྒྱན་གྱི་གཏོར་མ་འདི་བཞེས་ལ། །རྟགས་དང་མཚན་མ་སྟོན་པ་དང་། །བཅོལ་བའི་ཕྲིན་ལས་གྲུབ་པར་མཛོད།
ཨོཾ་བཛྲ་མ་ཧཱ་ཀཱ་ལ་ས་པ་རི་ཝཱ་ར་ཞེས་པའི་རྗེས་སུ་ཀྵིཾ་རིང་པོ་ཉི་ཤུ་རྩ་གཅིག་བརྗོད། དེ་ནས་ཀྵིཾ་གི་གནས་སུ་ཨེ་ཧྱེ་ཧི་བཅུག་པ་དང་། བཛྲ་ས་མཱ་ཛཿབཅུག་པ་རྣམས་ལན་གསུམ་གསུམ་བརྗོད་པས། མྱུར་མཛད་འཁོར་བཅས་སྤྱན་དྲངས། ཛཿཧཱུྃ་བྃ་ཧོཿ གཉིས་སུ་མེད་པར་ཐིམ།
ཧཱུྃ། བདུད་འདུལ་དམག་དཔོན་ནག་པོ་ཆེ། །རབ་བརྗིད་འཁོར་གྱི་ཚོགས་དང་བཅས། །དགྲ་བགེགས་མ་ལུས་འདུལ་བའི་ཕྱིར། །ནག་པོ་ཆེན་པོ་བཞུགས་སུ་གསོལ། པདྨ་ཀ་མ་ལ་སྟྭཾ།
ཨོཾ་ཤྲཱི་མ་ཧཱ་ཀཱ་ལ་ཡ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ། པཱདྱཾ། པུཥྤེ། དྷུ་པེ། ཨཱ་ལོ་ཀེ། གནྡྷེ། ནཻ་ཝི་དྱ། ཤབྡ་ཞེས་སྦྱར་ཏེ། །སྙིང་པོའི་མཐར་འབྲུ་གསུམ་བཏགས་ལ་ནང་མཆོད་འབུལ།
ཆོས་དབྱིངས་ངང་ལས་མ་གཡོས་ཀྱང་། །གདུག་པ་འདུལ་ཕྱིར་ཁྲོས་པའི་སྐུ། །བསྟན་པའི་རུ་དྲ་འཇོམས་མཛད་པའི། །ནག་པོ་ཆེ་ལ་ཕྱག་འཚལ་བསྟོད།
།དེ་ནས་གསོལ་འདེབས་ནི། ན་མོ་བུདྡྷ་ཡ། ན་མོ་གུ་རུ་ཧེ། བཛྲ་བཱི་ར་བཱི་རེ་ཎི། ཤྲཱི་ཌཱ་ཀ་ཌཱ་ཀི་ནི། ཛོ་ག་ཛོ་གི་ནཱི། སརྦ་བུདྡྷ་བོ་དྷི་སཏྭ་ཡ་ཤ་ར་ཎཾ་གཙྪ་མི། ཀྱེ་ཀྱེ་ཕྱོགས་བཅུ་དུས་གསུམ་ན་བཞུགས་པའི་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱིས་བྱིན་གྱིས་རློབས་ཤིག །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱིས་བྱིན་གྱིས་རློབས་ཤིག །དཔའ་བོ་དང་དཔའ་མོར་བཅས་པ་རྣམས་ཀྱིས༴ སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས༴ དཔལ་ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས༴ ཡེ་ཤེས་ལ་སྒྲིབ་པ་མི་མངའ་བ། ཐུགས་རྗེ་ལ་ཕྱི་བཤོལ་མི་མངའ་བ། མཐུ་དང་ནུས་པ་ལ་ཐོགས་པ་མི་མངའ་བ། བྱིན་རླབས་ལ་རྒྱང་རིང་ཐུང་མི་མངའ་བ། ཁྱེད་རྣམས་ཀྱི་སྐུའི་སྒོ་ནས་བྱིན་གྱིས་རློབས་ཤིག །གསུང་གི་སྒོ་ནས༴ ཐུགས་ཀྱི་སྒོ་ནས༴ སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པའི་སྒོ་ནས༴ ད་ལྟ་ཉིད་དུ༴ མྱུར་བ་ཉིད་དུ༴ འདུག་ས་འདི་ཉིད་དུ་བྱིན་གྱིས་བརླབ་ཏུ་གསོལ།
བླ་མ་མགོན་པོ་དབྱེར་མེད་ལ། །བདག་ནི་དད་པས་གསོལ་འདེབས་ཀྱི། །བདག་དང་སེམས་ཅན་ཐམས་ཅད་ཀྱི། །ཉོན་མོངས་མ་ལུས་བསལ་བ་དང་། །དངོས་གྲུབ་མ་ལུས་སྩལ་དུ་གསོལ།
།དེ་ནས་བཤགས་པ་བྱ་བ་ནི། རྡོ་རྗེ་སེམས་དཔའི་ཡི་གེ་བརྒྱ་པ་ལན་ཉི་ཤུ་རྩ་གཅིག་བཟླས་པའི་མཐར།
རྡོ་རྗེ་འཆང་དང་དཔལ་ལྡན་ཤཱ་བཱ་རི། །རྒྱལ་བ་མཻ་ཏྲི་གྲུབ་ཆེན་རཱ་ཧུ་ལ། །ཨ་མི་དྷེ་བ་ལོ་ཀེ་ཤྭ་ར་དང་། །ཧ་ཡ་གྲཱི་བ་པདྨ་འབྱུང་གནས་དཔལ། །ཁྱུང་པོ་ཛོ་ཀི་རཏྣ་བིཪྻ་དང་། །དྷརྨ་སིངྷ་དྷརྨ་པྲ་ཛྙཱ་དང་། །བིཪྻ་སིངྷ་མཁས་གྲུབ་ཆོས་རྗེ་སོགས། །རིན་ཆེན་བརྒྱུད་པའི་བླ་མ་དགོངས་སུ་གསོལ། །འགྲོ་བའི་རེ་སྐོང་ཡོན་ཏན་རབ་རྫོགས་པའི། །བརྒྱུད་ལྡན་བླ་མ་དུས་གསུམ་སངས་རྒྱས་ལ། །དག་པ་གཉིས་ལྡན་ཆོས་སྐུར་མ་རྟོགས་པར། །འཇིག་རྟེན་རྟོག་བཅས་དབང་གྱུར་མཐོལ་ལོ་བཤགས། སྐུ་གསུང་ཐུགས་དང་ཡོན་ཏན་ཕྲིན་ལས་དང་། །ཕྱི་ནང་གསང་བའི་ལྷ་རྣམས་དགོངས་སུ་གསོལ། །བདག་ཅག་ཐེག་མཆོག་སྔགས་ཀྱི་སྒོར་ཞུགས་ནས། །རྩ་བ་ཡན་ལག་འགལ་ཉམས་མཐོལ་ལོ་བཤགས། །མཐུ་སྟོབས་ནུས་པ་ཕྲིན་ལས་ཕུན་ཚོགས་ཤིང་། །སྐད་ཅིག་དྲན་པས་བར་ཆད་ཐམས་ཅད་སོལ། །འདུ་འབྲལ་མེད་པར་དངོས་གྲུབ་སྟེར་མཛད་པའི། །ཡེ་ཤེས་མགོན་པོ་ཕྱག་དྲུག་དགོངས་སུ་གསོལ། །དུར་ཁྲོད་ནགས་འདབས་ཆུ་གླིང་བས་མཐའ་རུ། །ཕྱི་ནང་རྟེན་དང་དམ་རྫས་ཚོགས་གྱུར་ནས། །བསྙེན་སྒྲུབ་བསྐང་བཤགས་ཚུལ་བཞིན་མ་གྲུབ་པར། །ལེ་ལོ་གཡེང་བའི་དབང་གྱུར་མཐོལ་ལོ་བཤགས། །ཁྱད་པར་གསང་བའི་རྟེན་མཆོག་བླ་ན་མེད། །བླ་མ་མགོན་པོ་དབྱེར་མེད་བདེ་ཆེན་སྐུ། །ཁྱོད་ལ་ཡིད་ཆེས་མོས་གུས་འབྲལ་མེད་ཀྱིས། །རྣམ་དག་ཆོས་སྐུར་མ་རྟོགས་མཐོལ་ལོ་བཤགས། །བདག་ནི་མ་རིག་འཁྲུལ་པའི་དབང་གྱུར་ཏེ། །བླ་མ་མགོན་པོ་འཁོར་དང་བཅས་རྣམས་ཀྱི། །སྐུ་གསུང་ཐུགས་དང་འགལ་བ་ཅི་མཆིས་པ། །གནོང་ཞིང་འགྱོད་པའི་སེམས་དང་བཅས་ནས་ཀྱང་། །ལྷ་མཆོག་ཁྱོད་ཀྱི་སྤྱན་སྔར་མཐོལ་ལོ་བཤགས། །ཡེ་ཤེས་བཀའ་སྒྲུབ་ལས་ཀྱི་ཕོ་ཉ་མཛད། །ཀྵེ་ཏྲ་པཱ་ལ་ཛི་ན་མི་ཏྲ་དང་། །ཊཱ་ཀྐི་རཱ་ཛ་ཏྲཀྴད་རེ་མ་ཏཱི། །ཕྱོགས་སྐྱོང་བཅུ་དང་གཙང་རིས་དགོངས་སུ་གསོལ། །ཇི་ལྟར་ཁྱེད་ཀྱིས་ཁས་བླངས་དམ་བཅས་བཞིན། །བདག་གི་ཕྲིན་ལས་ཡེངས་མེད་སྒྲུབ་པ་ལ། །ཡིད་ཆད་བགྱིས་ཤིང་ཤ་ཁྲག་གཏོར་ཚོགས་ཀྱིས། །གཏང་རག་དུས་སུ་མ་ཐོངས་མཐོལ་ལོ་བཤགས། མངོན་ཤེས་མེད་པས་ཉེས་སྐྱོན་མ་རྟོགས་པར། །བསྟན་པ་འཇིག་དང་བླ་མའི་སྐུ་དགྲ་ལ། །དྲག་པོའི་ལས་ཀྱིས་ཚར་གཅོད་མ་བགྱིས་པར། །གསང་བ་བསྒྲགས་ཤིང་བྱམས་བགྱིས་མཐོལ་ལོ་བཤགས། །དམ་ཉམས་གཏམ་འདྲེས་གྲིབ་ཕོག་ཟས་ཟོས་དང་། །རྒྱུ་ཆུང་ཕུད་ཉམས་འགལ་འཁྲུལ་ནོར་ལ་སོགས། །ཉེས་སྐྱོན་འཁྲུལ་པའི་ཚོགས་རྣམས་ཅི་མཆིས་པ། །གནོང་ཞིང་འགྱོད་པའི་སྒོ་ནས་མཐོལ་ལོ་བཤགས། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །གསུང་གི༴ ཐུགས་ཀྱི༴ རྩ་བའི༴ ཡན་ལག༴ ཚོར་ཏེ༴ མ་ཚོར༴ ཉམས་གྲིབ་དག་ཕྱིར་བཤགས་པ་འདི་བྱས་པས། །དཔལ་ལྡན་མགོན་པོ་འཁོར་དང་བཅས་རྣམས་ཀྱིས། །ཕ་མ་བུ་ཚ་བཞིན་དུ་བཟོད་བཞེས་ལ། །དངོས་གྲུབ་ཐམས་ཅད་བདག་ལ་དུས་འདིར་སྩོལ། །བཤགས་དང་བཤགས་པར་བྱ་བ་མི་དམིགས་ཀྱང་། །རྣམ་པར་རྟོག་པའི་བག་ཆགས་དག་བྱའི་ཕྱིར། །རྗེ་བཙུན་དམ་པ་ཡུལ་གྱི་མཆོག་རྣམས་ལ། །རབ་ཏུ་བཤགས་པས་བདེ་ཆེན་ཐོབ་གྱུར་ཅིག །གསོལ་འདེབས་དང་བཤགས་པའང་མི་སྤྲོ་ན་བོར་བས་ཀྱང་རུང་ངོ་།
།དེ་ནས་བཟླས་པ་ནི། རང་གི་ཐུགས་ཀའི་ཧཱུྃ་ལས་སྔགས་ཀྱི་ཕྲེང་བ་རྣམས་ཁ་དོག་ནག་པོ་འོད་ཟེར་དམར་པོ་འཕྲོ་བ་ཕྲེང་རྡོག་ལྟར་གནས་པ་ལ་འོད་ཟེར་སྣ་ལྔ་ཕྲེང་ཐག་གི་ཚུལ་དུ་བརྒྱུས་པ་རང་གི་ཞལ་ནས་ཐོན་མགོན་པོའི་ཞལ་དུ་ཞུགས། མགོན་པོའི་ཐུགས་ཀའི་ཧཱུྃ་ལ་ཐིམ། ཡང་ཧཱུྃ་ལས་བྱུང་། མགོན་པོའི་ལྟེ་བ་ནས་ཐོན། བདག་གི་ལྟེ་བར་ཞུགས། སྙིང་ཁའི་ཧཱུྃ་ལ་ཐིམ། དེ་ལྟར་རྟག་ཏུ་འཁོར་ལོ་ལྟར་འཁོར་བར་བསམས་ལ། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ན་ཡ་ཀ་ཧཱུཧཱུྃྃ་ཕཊ་ཕཊ་སྭཱ་ཧཱ། ཅེས་སྙིང་པོ་ཅི་གྲུབ་བཟླས། དྲག་པོའི་བཟླས་པ་དམིགས་པ་གསལ་བཏབ་ཅིང་། ཨོཾ་ཤྲཱི་མ་ཧཱ་ཀཱ་ལ་ཤཱ་ས་ན། ཨུ་པ་ཧ་རི་ཎི། ཨེ་ཥོ་པཉྩི་མ། ཀཱ་ལོ་ཉ་ཡཾ་ཨི་དཾ་རཏྣ་ཏྲ་ཡཱ་ཡ། ཨ་པ་ཀཱ་རི་ཎཾ། ཡ་ཏི་པྲ་ཏི་ཛྙཱ། སྨ་ར་སི་ཏཱ་དཱ། ཨི་དཾ་དུཥྚཾ་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲྀཧྞ་གྲྀཧྞ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དཱི་ན་མེ་ཀེ་ན་མཱ་ར་ཡ་ཧཱུྃ་ཕཊ། ཞེས་པ་ནི་དྲག་སྔགས་ཏེ་འབོད་རྦད་བསད་གསུམ་ཡང་འདི་ལ་ཚང་བར་བཞེད་དོ། །ཨོཾ་ཤྲཱི་དི་ཝཱི་ཧཱུྃ་ཕཊ། ལྷ་མོའི་མཚན་སྔགས་སོ། །ཨོཾ་ཀྵེ་ཏྲ་པཱ་ལ་བི་གྷྣཱན་ཧཱུྃ་ཕཊ། ཨོཾ་ཛི་ན་མི་ཏྲ་བ་ཤཾ་ཀུ་རུ་ཧཱུྃ་ཕཊ། ཨོཾ་ཊཀྐི་རཱ་ཛཱ་ས་མ་ཡ་བྷྱོཿདུ་ཛ་ཧཱུྃ་ཕཊ། ཨོཾ་དུ་ཡོག་ཛ་མ་ཧཱ་ཀཱ་ལ་ཏྲཀྴད་ཧཱུྃ་ཕཊ། ལས་མཁན་བཞིའི་སྙིང་པོའོ།
།དེ་ལྟར་བཟླས་པ་ཅི་འགྲུབ་བྱས་ནས། མཐར་མཆོད་གཏོར། བཛྲ་ཨ་མྲྀ་ཏས་བསང་། སྭ་བྷཱ་ཝས་སྦྱངས།
སྟོང་པའི་ངང་ལས། ཡཾ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་པུ་གསུམ། དེའི་སྟེང་དུ་ཨ་ལས་ཐོད་པ་མཚན་ལྡན་ཡངས་ཤིང་རྒྱ་ཆེ་བའི་ནང་དུ་བྷྲཱུཾ་ཨཱཾ་ཛྲིཾ་ཁཾ་ཧཱུྃ་རྣམས་ལས་ཤ་ལྔ། ལཱྃ་མཱྃ་པཱྃ་ཏཱྃ་བཱྃ་རྣམས་ལས་བདུད་རྩི་ལྔ། སྟེང་གི་ནམ་མཁའ་ལ་ཨོཾ་དཀར་པོ། ཨ་ལས་ཟླ་བ། ཧཱུྃ་ལས་རྡོ་རྗེ་རྣམས་བརྩེགས་པ། རླུང་གཡོས་མེ་སྦར། ཤ་ལྔ་བདུད་རྩི་ལྔ་འོད་དུ་ཞུ། ཡི་གེ་འབྲུ་གསུམ་ལས་བདུད་རྩིའི་རྒྱུན་བབས། དེ་རྣམས་ཀྱི་འོད་ཀྱིས་སངས་རྒྱས་ཐམས་ཅད་ཀྱི་རྡོ་རྗེ་གསུམ་ཡེ་ཤེས་ཀྱི་བདུད་རྩིར་སྤྱན་དྲངས་ཏེ་ཐིམ། ཨོཾ་དང་ཟླ་བ་རྡོ་རྗེ་རྣམས་ཀྱང་འོད་དུ་ཞུ་ཞིང་ཐིམ་པས། ཁ་དོག་དྲི་རོ་ནུས་མཐུ་ཕུན་སུམ་ཚོགས་པ་ཟད་མི་ཤེས་པ་བདུད་རྩིའི་རྒྱ་མཚོར་གྱུར། ཨོཾ་ཨཱཿཧཱུྃ། ལན་གསུམ་བརྗོད་པས་བྱིན་རླབས།
མགོན་པོ་འཁོར་དང་བཅས་པའི་ལྗགས་ཧཱུྃ་ལས་བྱུང་བའི་རྡོ་རྗེ་དམར་པོའི་འོད་ཀྱི་སྦུ་གུས་གཏོར་མ་དྲངས་ཏེ་གསོལ་བས་ཐུགས་རྒྱུད་ཟག་མེད་ཀྱི་བདེ་བས་ཚིམ་ནས་དགྱེས་པར་གྱུར།
སྙིང་པོའི་མཐར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ནཱ་ཡ་ཀ་ཏྲཀ་རཀྨོ་བ་ལིཾ་ཏ་མཾ་ས་རཀྟ་རུ་ཏི་རཾ་ཁ་ཁ་ཁཱ་ཧི་ཁཱ་ཧི། དེ་བཞིན་དུ་འཁོར་རྣམས་ལ་སྙིང་པོའི་མཐར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་བཏགས་ལ། ལན་གསུམ་གསུམ་གྱིས་ཕུལ།
ཨོཾ་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། ནང་མཆོད་སྔར་བཞིན་ཕུལ།
དཔལ་ཡེ་ཤེས་ཀྱི་མགོན་པོ་ལེགས་ལྡན་ནག་པོ། བདུད་གཅོད་ཀྱི་སྐྱེས་བུ། སྲོག་གཅོད་ཀྱི་ཤན་པ། བདུད་འདུལ་གྱི་དམག་དཔོན། སྲིན་པོ་ལངྐ་པུ་རིའི་གྲོང་ཁྱེར་སུམ་བརྩེགས་བརླག་པར་མཛད་པ། རྣལ་འབྱོར་གྱི་དགྲ་ལྷ། རིག་འཛིན་གྱི་སྲུང་མ། དམ་ཉམས་ཀྱི་སྲོག་བདུད་ཆེན་པོ་འཁོར་དང་བཅས་པ་རྣམས་དམ་རྫས་རྒྱན་དང་ལྡན་པའི་གཏོར་མ་འདི་བཞེས་ལ། སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་གྱི་ཆོས་འཁོར་སྐྱོངས། བླ་མའི་སྐུ་ཚེ་སྲིངས། ཁྱད་པར་དུ་དཀོན་མཆོག་གསུམ་ལ་གནོད་པར་བྱེད་པ་དང་། བདག་ཅག་འཁོར་དང་བཅས་པ་ལ་བསམ་སྦྱོར་ངན་པར་བྱེད་པ་ཐམས་ཅད་ཞི་བར་མཛོད་ཅིག གལ་ཏེ་ཞི་བས་འདུལ་དུ་མ་འཚལ་ན་བསད་པ་དང་། བསྐྲད་པ་དང་། དབྱེ་བ་དང་། རེངས་པ་དང་། གཟིར་བ་དང་། སྡིགས་ཤིང་དཔའ་སྐོང་བ་ལ་སོགས་པ་དྲག་པོའི་ཕྲིན་ལས་ཀྱིས་ཚར་བཅད་དུ་གསོལ། །བླ་མ་མགོན་པོ་འཁོར་བཅས་ལ། །བདག་གིས་མཆོད་གཏོར་ཕུལ་བ་ཡིས། །དཀོན་མཆོག་དབུ་འཕང་སྨད་པ་དང་། །ཐེག་པ་ཆེན་པོ་སུན་འབྱིན་དང་། བསྟན་པ་འཇིག་དང་དབྱེན་བྱེད་དང་། །བླ་མའི་སྐུ་ལ་བསྡོ་བ་དང་། །རྣལ་འབྱོར་བདག་ལ་སྡང་བ་རྣམས། །དེ་ཀུན་ནག་པོ་ཆེན་པོས་སྒྲོལ། །མཱ་ར་ཡ་ཕཊ། ས་མ་ཡ།
བསྟོད་པ་ནི། ཧཱུྃ། མྱུར་མཛད་སྤྱན་རས་གཟིགས་ལ་ཕྱག་འཚལ་ལོ། །ཞབས་གདུབ་དང་བཅས་བི་ནཱ་ཡ་ཀ་མནན། །ནག་པོ་ཆེན་པོ་སྟག་གི་ཤམ་ཐབས་ཅན། །ཕྱག་དྲུག་སྦྲུལ་གྱི་རྒྱན་གྱིས་རྣམ་པར་བརྒྱན། །གཡས་པས་གྲི་གུག་བར་པས་ཕྲེང་བ་འཛིན། །ཐ་མས་ཌཱ་མ་རུ་ནི་དྲག་ཏུ་འཁྲོལ། །གཡོན་པས་ཐོད་པ་དང་ནི་མདུང་རྩེ་གསུམ། །དེ་བཞིན་ཞགས་པས་བཟུང་ནས་འཆིང་བར་བྱེད། །དྲག་པོའི་ཞལ་གདངས་མཆེ་བ་རྣམ་པར་གཙིགས། །སྤྱན་གསུམ་དྲག་པོའི་དབུ་སྐྲ་གྱེན་དུ་འབར། །དཔྲལ་བར་སིནྡཱུ་ར་ཡི་ཐིག་ལེ་བྱུགས། །སྤྱི་བོར་མི་བསྐྱོད་རྒྱལ་པོས་རྒྱས་བཏབ་བརྟེན། །ཁྲག་འཛག་མི་མགོ་ལྔ་བཅུའི་དོ་ཤལ་ཅན། །རིན་ཆེན་ཐོད་སྐམ་ལྔ་ཡིས་དབུ་ལ་བརྒྱན། །ཤིང་ལས་བྱོན་ནས་གཏོར་མ་ལེན་མཛད་པའི། །དཔལ་ལྡན་ཕྱག་དྲུག་པ་ལ་ཕྱག་འཚལ་བསྟོད།
།བྷྱོཿ ཁྲག་མཚོ་ཆིལ་ཆིལ་ཁོལ་བའི་ཀློང་དཀྱིལ་ན། །ཚོ་ཆེན་དྲེའུའི་སྟེང་ན་གཟི་བརྗིད་འབར། །མཐིང་ནག་སྐུ་ལ་ཞལ་གཅིག་ཕྱག་གཉིས་མ། །བདུད་ཀྱི་ཁྲམ་ཤིང་ནད་ཀྱི་རྐྱལ་པ་བསྣམས། །སྐུ་ཡི་སྤྲུལ་པས་སངས་རྒྱས་བསྟན་པ་བསྲུང་། །གསུང་གི་སྤྲུལ་པས་ཁམས་གསུམ་གཡོ་བར་བྱེད། །ཐུགས་ནི་མི་འགྱུར་འགྲོ་བའི་དོན་མཛད་མ། །མ་གཅིག་རེ་མ་ཏཱི་ལ་ཕྱག་འཚལ་ལོ།
།ཧཱུྃ། དཔལ་ལྡན་མགོན་པོའི་ཕྱོགས་བཞིའི་བཀའ་ཉན་པ། །ཡེ་ཤེས་བཀའ་སྒྲུབ་ལས་ཀྱི་ཕོ་ཉ་མཛད། །མ་རུངས་ཀུན་འདུལ་སྤྲུལ་པ་སྣ་ཚོགས་འགྱེད། །ལས་བྱེད་ཕོ་ཉ་བཞི་ལ་བདག་ཅག་བསྟོད། །དབང་པོ་གཤིན་རྗེ་ཆུ་ལྷ་གནོད་སྦྱིན་དང་། །མེ་ལྷ་སྲིན་པོ་རླུང་ལྷ་འབྱུང་པོ་དང་། །སྟེང་གི་ཚངས་པ་ས་ཡི་ལྷ་མོ་སྟེ། །སྤྲུལ་པའི་ཕྱོགས་སྐྱོང་བཅུ་ལ་ཕྱག་འཚལ་བསྟོད། །དཔལ་མགོན་བདུན་ཅུ་རྩ་ལྔ་དང་། །དམ་ཅན་རྒྱ་མཚོའི་དམག་ཚོགས་རྣམས། །ཤ་ཁྲག་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ཀྱི། །མི་མཐུན་རྐྱེན་དང་བར་ཆད་སོལ། །མཐུན་པའི་དངོས་གྲུབ་སྩོལ་བ་དང་། །བཅོལ་བའི་ཕྲིན་ལས་གྲུབ་པར་མཛོད།
།དེ་ནས་འོག་ནས་འབྱུང་བའི་ཏིང་ངེ་འཛིན་གྱི་དབང་བསྐུར་ཉིད་དམིགས་པས་བདག་འཇུག་ཏུ་བླངས། སློབ་མའི་རྒྱུད་བྱིན་གྱིས་བརླབ་པའི་དོན་དུ་འདིར་ཡང་བཟླས་པ་ཅུང་ཟད་བྱ། སློབ་མ་རྣམས་ཁྲུས་བྱ། གྲལ་དུ་འཁོད་པ་ལ་མེ་ཏོག་བཀྱེ་བསྡུ་བྱས་ཏེ། སློབ་དཔོན་གྱིས།
ནམ་མཁའ་དང་མཉམ་པའི་སེམས་ཅན་ཐམས་ཅད་དཔལ་ཧེ་རུ་ཀའི་གོ་འཕང་ལ་འགོད་པར་བྱ། དེའི་ཆེད་དུ་གནས་སྐབས་སུ་ཕྱི་ནང་གསང་བའི་བར་ཆད་གདོན་བགེགས་ཐམས་ཅད་ཚར་གཅོད་ཅིང་། རྣམ་བཞིའི་ཕྲིན་ལས་ཅི་འདོད་ལྷུན་གྱིས་གྲུབ་པ་དང་། མཐར་ཐུག་མྱུར་མཛད་སྤྱན་རས་གཟིགས་ཀྱི་གོ་འཕང་མངོན་དུ་བྱ་བའི་སླད་དུ་དཔལ་ཡེ་ཤེས་ཀྱི་མགོན་པོ་ཕྱག་དྲུག་པའི་བཀའ་གཏད་བྱིན་རླབས་ཀྱི་རིམ་པ་གསན་སྙམ་པས་མ་ཡེངས་པར་ལྷག་པའི་ཐུགས་བསྐྱེད་གསལ་བཏབ་སྟེ་གསན་པར་ཞུ།
དེ་ཡང་འཕགས་པ་སྤྱན་རས་གཟིགས་དབང་ཕྱུག་ཆེན་པོ་འདི་ཉིད། ངེས་པའི་དོན་དུ་རྒྱལ་བ་ཐམས་ཅད་ཀྱི་འཆར་གཞི་སྟེ་རྒྱལ་བ་ཀུན་གྱི་ཡབ་ཏུ་གྱུར་ཀྱང་། ཐུན་མོང་གི་སྣང་ངོར་རྒྱལ་བའི་སྲས་ཀྱི་ཚུལ་བསྟན་སྐབས། བསྐལ་པ་མང་པོའི་ཚོགས་བསགས་ས་བཅུ་པ་ཁྱད་པར་ཅན་བརྙེས། འོད་ཟེར་ཆེན་པོའི་དབང་བསྐུར་ཐོབ། རྒྱལ་སྲས་ཐུ་བོའི་གྲལ་དུ་བཞུགས། སྐབས་ཤིག་ཐུགས་བསྐྱེད་ཀྱི་དམ་བཅའ་འདི་ལྟ་བུ་མཛད་དེ། ཕྱོགས་བཅུ་རབ་འབྱམས་མུ་མེད་པའི་འཇིག་རྟེན་གྱི་ཁམས་འདིར། བདག་གིས་སེམས་ཅན་གྱི་དོན་བྱ། སེམས་ཅན་ཐམས་ཅད་འཁོར་བ་ལས་བདག་གིས་སྒྲོལ་དགོས་པ་ལས། འཁོར་བའི་གནས་འདིར་སེམས་ཅན་གཅིག་ཀྱང་མ་ལུས་པ་སངས་རྒྱས་ཀྱི་ས་ལ་མ་འཁོད་བར་དུ་བདག་སངས་རྒྱས་འཐོབ་པར་མི་བྱ། སེམས་ཅན་གཅིག་ཀྱང་མ་ལུས་པ་སངས་རྒྱས་ཀྱི་ས་ལ་བཀོད་ཟིན་པ་ན། དེའི་རྗེས་སུ་བདག་ཉིད་སངས་རྒྱས་ཐོབ་ན་ལེགས་ཀྱི། གཞན་དུ་ན་བདག་འཁོར་བ་ཉིད་དུ་གནས་ཏེ་སེམས་ཅན་གྱི་དོན་བྱའོ།
།གལ་ཏེ་བདག་དམ་བཅའ་འདི་ལས་འདས་ན་ལུས་ཚལ་པ་སྟོང་དུ་འགས་པར་གྱུར་ཅིག་ཅེས་དབུ་བསྙུང་མཛད། དེ་ནས་བརྩམས་ཏེ་རི་བོ་པོ་ཏ་ལར་བཞུགས་ནས་སྤྲུལ་པ་མཐའ་ཡས་པས་སྐད་ཅིག་རེ་རེར་སེམས་ཅན་དཔག་ཏུ་མེད་པ་སྨིན་གྲོལ་དུ་མཛད་ན་གཞན་ཚད་བཟུང་བར་ག་ལ་ནུས། དེ་ལྟ་བུ་བསྐལ་པ་ཇི་སྙེད་གཅིག་སོང་ནས་དུས་ལན་གཅིག །ད་ནི་སེམས་ཅན་མང་པོ་ཐར་གྲོལ་བྱུང་ཡོད་དགོངས། མངོན་ཤེས་ཀྱིས་གཟིགས་པས། སེམས་ཅན་གྱི་ཁམས་ལ་འཕེལ་འགྲིབ་མེད། ཉུང་དུ་མ་སོང་བའི་ཁར་སེམས་ཅན་རྣམས་སྙིགས་མ་ལྔ་བདོ་བས་གདུལ་དཀའ་བར་གཟིགས་ནས་ད་ནི་བདག་གིས་སེམས་ཅན་གྱི་དོན་བྱ་བར་མི་ནུས་དགོངས་སྔར་གྱི་ཐུགས་བསྐྱེད་དམ་བཅའ་བཏང་བའི་ཚུལ་མཛད་པ་ན་སྐུ་ལུས་ཚལ་པ་སྟོང་དུ་གས་སྐད། དེར་འཕགས་པ་ཉིད་ཀྱི་དགེ་བའི་བཤེས་གཉེན་ནི་འོད་དཔག་མེད་པ་ཡིན་པས་མངོན་གསུམ་དུ་བྱོན་ཏེ། རིགས་ཀྱི་བུ་ཁྱོད་ཀྱིས་དེ་ལྟ་བུའི་སེམས་བསྐྱེད་བཏང་བ་དེ་མ་ལེགས། ད་དམ་བཅའ་སླར་གསོ་བ་སོགས་ཀྱི་དོན་དུ་སྔར་གྱི་དེ་བས་རྒྱ་ཆེ་བའི་སེམས་བསྐྱེད་ཀྱིས་ཤིག་གསུངས། སྐུ་ལུས་ཚལ་པ་སྟོང་དབུ་བཅུ་གཅིག་དང་ཕྱག་སྟོང་དུ་བྱིན་གྱིས་བརླབས་སོ། །དེ་ནས་དགོངས་པ་སླར་ཡང་རྒྱ་བསྐྱེད་དེ་སྙིགས་མ་ལྔ་བདོ་བའི་སེམས་ཅན་མ་རུངས་པ་རྣམས་དྲག་པོས་འདུལ་བ་དང་། ཆོས་བྱེད་རྣམས་ཀྱང་བར་དོའི་འཇིགས་པ་ལས་མི་ཐར་བར་གཟིགས་ནས་བར་དོ་ལས་སྐྱོབ་པ་དང་། སྙིགས་དུས་སྐྱེ་བོ་རྣམས་དབུལ་ཕོངས་ཁོ་ན་སྡུག་བསྔལ་ཆེ་བས་དེའི་གཉེན་པོར་བསམ་པ་ཙམ་གྱིས་དགོས་འདོད་འབྱུང་བ་སྟེ། ཕྲིན་ལས་རྣམ་པ་གསུམ་གྱི་སྒོ་ནས་ཐུགས་བསྐྱེད་སྔ་མ་ལས་ལྷག་པའི་ཚུལ་དུ་དགོངས། འཕགས་པ་སྤྱན་རས་གཟིགས་ཀྱི་ཐུགས་ཀ་ནས་ཧཱུྃ་གཅིག་བྱུང་སྟེ། དེ་ཉིད་མྱུར་མཛད་ཡེ་ཤེས་ཀྱི་མགོན་པོར་གྱུར་པ་ན། ཞིང་ཁམས་ཐམས་ཅད་དུས་རྣམ་པ་དྲུག་ཏུ་གཡོས། བཅོམ་ལྡན་འདས་འོད་དཔག་ཏུ་མེད་པ་ལ་སོགས་པ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་མགྲིན་གཅིག་ཏུ་བསྔགས་པ་བརྗོད། སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་སྤྲུལ་པའི་ཁྲོ་བོ་ཆེན་པོར་དབང་བསྐུར་ཞིང་མངའ་གསོལ་ལོ། །དེ་ནས་བརྩམས་ཏེ་སངས་རྒྱས་ཀྱི་ཞིང་ཁམས་ཐམས་ཅད་དུ་བསྟན་པ་བསྲུང་ཞིང་བཞུགས་པ་ལགས། ཡེ་ཤེས་ཀྱི་མགོན་པོ་ཆེན་པོ་འདི་ཉིད་ཀྱི་སྒྲུབ་སྐོར་འཕགས་བོད་ཀྱི་ཕྱོགས་འདིར་དར་བའི་ཚུལ་དང་། གྲུབ་པའི་སྐྱེས་བུ་རྣམས་ཀྱིས་རྟགས་མངོན་གྱུར་དུ་བསྟན་པའི་ངོ་མཚར་རྣམ་ཐར་བརྗོད་ལས་འདས་ཤིང་།
དེ་དག་གི་ལོ་རྒྱུས་རྒྱས་པ་རྗེ་བཙུན་ཐམས་ཅད་མཁྱེན་པའི་གསུང་རབ་སོགས་སུ་གསལ་བ་ལ། མདོར་བསྡུ་ན། སངས་རྒྱས་ཤཱཀྱ་ཐུབ་པ་མྱ་ངན་ལས་འདས་ནས་ལོ་དྲུག་བརྒྱར་ཉེ་བ་ན། གྲུབ་ཐོབ་ཆེན་པོ་ཤ་བ་རི་པ་བྱོན་ཏེ་གྲུབ་པ་བརྙེས། མགོན་པོ་འདི་ཉིད་ཞལ་གཟིགས་ཏེ་སྲོག་སྔགས་སྒྲུབ་སྐོར་དང་བཅས་པ་གནང་། ཕྲིན་ལས་ཐོགས་མེད་དུ་སྒྲུབ། དཔལ་ཤ་བ་རིས། རྗེ་བཙུན་མཻ་ཏྲཱི་པ་ལ་གནང་། རྗེ་མཻ་ཏྲི་པ་ནི། བི་ཀྲ་མ་ཤྲཱི་ལར་བཞུགས་དུས་བསྐྱེད་པའི་རིམ་པ་ལ་བརྟན་པ་ཐོབ་ཀྱང་གནས་ལུགས་ཀྱི་དེ་ཉིད་མ་རྟོགས་ནས། ལྷག་པའི་ལྷ་ལ་གསོལ་བ་བཏབ་པས། ལྷོ་ཕྱོགས་དཔལ་གྱི་རིར་སོང་ཞིག །རི་ཁྲོད་མགོན་པོས་རྗེས་སུ་འཛིན་པར་འགྱུར་ཞེས་ལུང་བསྟན་པ་ལྟར་བྱོན། གྲུབ་ཐོབ་ཤ་བ་རིས་ཀྱང་ཕྱག་རྒྱ་ཆེན་པོའི་གདམས་པ་མཐའ་དག་སྩལ་ཅིང་དབང་སྒྲུབ་སྐོར་རྣམས་གནང་། གནས་ལུགས་ཀྱི་གཟིགས་པ་ནམ་མཁའ་དང་མཉམ། ཆོས་སྐྱོང་བྲན་བཞིན་ཁོལ་བར་གྱུར་ཏོ། །མཻ་ཏྲཱི་པ་ཆེན་པོས། མཁས་གྲུབ་ཆེན་པོ་ཁྱུང་པོ་ལོ་ཙཱ་བ་ལ་གནང་སྟེ། ཁྱུང་པོ་ལོ་ཙཱ་བ་དེ་ནི་རུས་ཁྱུང་པོ། འཁྲུངས་ཡུལ་སྙེ་མོ་ར་མ། དང་པོར་བོན་དང་། དེ་ནས་ཆོས་རྫོགས་པ་ཆེན་པོ་གསན་ཏེ་ཉན་བཤད་སྒོམ་སྒྲུབ་མཛད། དེ་ནས་ཀོར་ནི་རུ་པ་བསྟེན། དགྱེས་རྡོར་དང་ཕྱག་ཆེན་གྱི་སྐོར་མཐའ་དག་གསན། དགུང་ལོ་ལྔ་བཅུ་ང་གཉིས་བཞེས་པ་ལ་བལ་པོ་དང་རྒྱ་གར་དུ་ཕེབས། སྔ་ཕྱིར་རྒྱ་བལ་བོད་གསུམ་དུ་འབྱོན་བཞུགས་མཛད། ཐུན་མོང་དང་ཐུན་མོང་མ་ཡིན་པའི་བླ་མ་བརྒྱ་དང་ལྔ་བཅུ་ཙམ་བསྟེན་ཏེ། གཙོ་བོ་རྡོ་རྗེ་གདན་པ་བསོད་ནམས་འབྱུང་གནས། མཻ་ཏྲི་པ། སྦས་པའི་རྣལ་འབྱོར་པ། རཱ་ཧུ་ལ། ཡེ་ཤེས་ཀྱི་མཁའ་འགྲོ་མ་ཆེན་མོ་ནི་གུ་མ། སུ་ཁ་སིདྡྷི་སྟེ་དྲུག་པོ་དེ་རྣམས་རྩ་བའི་བླ་མ་མཆོག་ཏུ་མཛད་དེ། བླ་མ་དམ་པ་དེ་རྣམས་ཀྱི་ཐུགས་བཅུད་ལོངས་ཤིང་། མདོ་རྒྱུད་གཞུང་ལུགས་མན་ངག་ཐམས་ཅད་ལ་མཁས་གྲུབ་འགྲན་ཟླ་དང་བྲལ་བར་གྱུར། བོད་དུ་བྱོན་ཁར་རྗེ་མཻ་ཏྲཱི་པ་ལ་བདག་ཅག་བོད་ལོངས་སྤྱོད་ཆུང་བས་ནོར་སྒྲུབ་མྱུར་ལ་བྱིན་རླབས་ཆེ་བ་ཞིག་ཞུ་ཞུས་པས། མགོན་པོ་འདིའི་ལོ་རྒྱུས་གསུངས་ཤིང་། གདམས་པ་ཁྱད་པར་ཅན་ཡིད་བཞིན་གྱི་ནོར་བུ་ལྟ་བུ་ཡིན་གསུངས་ཏེ་དབང་མན་ངག་རྣམས་གནང་ཞིང་ལུང་བསྟན་པ་ཡང་མཛད་དོ། །གྲུབ་ཐོབ་ཆེན་པོ་ཁྱུང་པོ་འདི་ནི་སྐུ་ལུས་ཀྱི་བཀོད་པ་བརྒྱ་རྩ་བརྒྱད་ཅིག་ཅར་སྟོན་པ་དང་། བྲག་རི་ལ་ཐོགས་པ་མེད་པར་བཞུགས་པ་དང་། ཡི་དམ་དང་མགོན་པོ་རྟག་ཏུ་ཞལ་གཟིགས། སྤྲུལ་པའི་དམག་བཀྱེ་ནུས་པ་སོགས་རྣམ་ཐར་ངོ་མཚར་དཔག་པར་བཀའ་བ་སྟེ་ཆེས་ཆེ་བའི་གྲུབ་ཐོབ་ཡོངས་སུ་གྲགས་པ་དང་། ཁྱད་པར་མགོན་པོ་འདི་ཉིད་ཞག་བཅུ་གསུམ་སྒྲུབ་པའི་ཚུལ་མཛད་པས་ཞལ་མངོན་སུམ་དུ་བསྟན་ཅིང་། དེ་ཕྱིན་ཆད་བྲན་བཞིན་དུ་འཁོལ་བ་དང་། རྡོ་རྗེ་གདན་པའི་དྲུང་དུ་གསེར་སྲང་བརྒྱད་ཅུའི་ཚོགས་འཁོར་ཆེན་པོས་གྲུབ་ཐོབ་རྣམས་ཉིན་ཞག་མང་དུ་མཆོད་དེ་བླ་མ་ཡི་དམ་མཁའ་འགྲོ་ཆོས་སྐྱོང་གི་སྐལ་པ་ཞུས་པའི་སྐབས་སུའང་། ཐམས་ཅད་གཅིག་བསྡུས་མགོན་པོ་འདི་ཉིད་ཁོ་ན་ཆེད་དུ་བསྔགས་ཤིང་། རིགས་ཀྱི་བུ་ཁྱོད་དང་ཁྱོད་ཀྱི་སློབ་མ་བརྒྱུད་འཛིན་དང་བཅས་པ་ལ་དབང་བསྐུར་བྱིན་གྱིས་བརླབ་ཅིང་ཕྲིན་ལས་རྣམ་པ་ལྔ་བསྒྲུབ་པར་བྱའོ་ཞེས་མི་འགྱུར་རྡོ་རྗེའི་ཚིག་གིས་ཞལ་ཆེས་པས། དཔལ་ལྡན་ཤངས་པ་བཀའ་བརྒྱུད་པ་གཙོ་བོར་གྱུར་པའི་ཡེ་ཤེས་མཁའ་འགྲོ་ནི་གུའི་གདམས་པ་ཉམས་སུ་ལེན་པ་རྣམས་ལ་ཆོས་སྐྱོང་འདིས་མ་བསྒྲུབས་པར་ཡང་ཕྲིན་ལས་རྣམ་བཞི་ཐོགས་མེད་དུ་བསྒྲུབ་པ། སྒྲུབ་པ་པོ་ལ་ཞལ་སྟོན་པ་སོགས་ཆེས་ཆེར་འགོ་བ་ཡིན་ནོ། །དེ་ལྟ་བུའི་ཡེ་ཤེས་མགོན་པོའི་ཆོས་སྐོར་ཕྲན་ཚེགས་ཅི་རིགས་མཁས་གྲུབ་ཁྱུང་པོས་སློབ་མ་གཞན་དང་གཞན་ལ་གནང་བ་ཡོད་མོད་ཀྱང་། ལ་སྟོད་པ་དཀོན་མཆོག་མཁར། རྟོགས་ལྡན་ཞང་སྒོམ་ཆོས་སེང་། རྨོག་ལྕོག་པ་རིན་ཆེན་བརྩོན་འགྲུས་གསུམ་ལ་རྫོགས་པར་གནང་བས་སྔ་མ་ལས་བརྒྱུད་པ་ལ་མགོན་པོ་ལྷ་དགུ། ཕྱག་སྟོང་སྤྱན་སྟོང་རྒྱན་ཅན་གྱི་སྐོར་མང་པོ་ལ་སོགས་པ་བྱིན་རླབས་ཀྱི་སྒོ་ཆེན་པོ་དང་ལྡན་པ་མཐའ་ཡས་པར་བཞུགས་པ་ལ་ནི་མགོན་པོ་སྟོད་ལུགས་སུ་གྲགས་ལ། ཕྱི་མ་གཉིས་ཀྱི་གདམས་ངག་མཐའ་དག་དབོན་སྟོན་སྐྱེར་སྒང་པ་ཆེན་པོ་ལ་འདུས། དེས་སངས་རྒྱས་གཉན་སྟོན། དེས་འགྲོ་མགོན་སངས་རྒྱས་སྟོན་པ་ལ་གནང་། དེ་ནས་གཅིག་བརྒྱུད་ཀྱི་བཀའ་རྒྱ་གྲོལ་བས། མཁས་གྲུབ་གཙང་མ་ཤངས་སྟོན་དང་བསམ་ལྡིང་པ་གཞོན་ནུ་གྲུབ། རི་གོང་གདན་ས་པ། སློབ་དཔོན་ཨའི་སེང་གེ་ལ་སོགས་པ་སྐལ་ལྡན་རྣམས་ལ་འཆད་འགྱུར་གྱི་བཀའ་ལ་སོགས་པ་རྒྱ་ཆེར་སྩལ་བ་ལ་མགོན་པོ་སྨད་ལུགས་སུ་གྲགས་པ་སྟེ། དེ་ལྟར་བཀའ་སྲོལ་གཙོ་བོར་གཉིས་ལས་འདིར་སྨད་ལུགས་ཡིན། དེ་ལའང་གདན་ས་པ་ནས་ཕག་མོ་གྲུ་པ་དང་ཚོགས་སྡེ་བཞི་སོགས་ལ་བརྒྱུད་དེ་དབུས་སུ་དར་རྒྱས་ཆེན་པོ་བྱུང་བ་དང་། བསམ་སྡིང་ལུགས་ལ་ལྷོ་གཅོད་གཉིས། ཤངས་སྟོན་སློབ་མ་འཇག་པ་ལ་སྟོད་སྨད་བར་བརྒྱུད་གསུམ་སོགས་བྱུང་། དེ་དག་ལས་མཆེད་དེ་མགོན་པོ་དཀར་མཐིང་གི་སྐོར་རྣམས་ས་དཀར་གཉིས་ཀྱིས་མཚོན་པའི་ཆོས་སྡེ་དུ་མར་འཕེལ། རྗེ་བཙུན་ཙོང་ཁ་པ་ཡབ་སྲས་ཀྱིས་འཇག་པའི་སློབ་བརྒྱུད་རྣམས་ལས་གསན་ཏེ་མགོན་པོ་འདིའི་ཕྲིན་ལས་བོད་དང་བོད་ཆེན་པོ། རྒྱ་སོག་གི་རྒྱལ་ཁམས་ཚུན་ཆད་དུ་ད་ལྟའི་བར་དུ་རྒྱ་ཆེ་ལ་རྒྱུན་ཆགས་པ་དང་། ཁྱད་པར་རིན་ཆེན་རྣམ་བདུན་ཕྱི་མ་ནས་ཇོ་ནང་རྗེ་བཙུན་རིན་པོ་ཆེར་བཀའ་བབས་ཤིང་རྗེ་བཙུན་ཉིད་ཀྱིས་ཐུན་མོང་མ་ཡིན་པའི་ཆོས་སྐྱོང་གི་གཙོ་བོར་མཛད། ད་ལྟའི་བར་དུ་བྱིན་རླབས་ཀྱི་གཟི་བྱིན་མ་ཉམས་པར་བཞུགས་པ་ཡིན་ལ། དེ་ལྟར་མཁས་གྲུབ་ཁྱུང་པོ་ནས་བཟུང་བརྒྱུད་པའི་བླ་མ་རིམ་པར་བྱོན་པ་ཐམས་ཅད་ཀྱང་ཤེས་བྱ་ཀུན་ལ་མཁྱེན་པ་རྒྱས་ཤིང་མཁས་བཙུན་བཟང་པོའི་ཕུལ་དུ་གྱུར། འཇིག་རྟེན་ཆོས་བརྒྱད་ལ་ནི་ཐུགས་ལོག །འཁོར་འདས་ཐམས་ཅད་ནི་སྒྱུ་མ་ལྟ་བུར་གཟིགས། གནས་ལུགས་ཀྱི་རྟོགས་པ་ནམ་མཁའ་དང་མཉམ། བྱམས་སྙིང་རྗེ་ཕྱོགས་མེད་དུ་ཁྱབ། ཡི་དམ་དཔག་ཏུ་མེད་པ་ཞལ་གཟིགས། ཆོས་སྐྱོང་སྲུང་མ་བྲན་བཞིན་འཁོལ། གཞན་ཕན་འགྲོ་དོན་རང་ཤར་ལྷུན་གྱིས་གྲུབ་པ་སྟེ། དེ་ལྟ་བུའི་སྐྱེས་བུ་དམ་པ་དེ་རྣམས་ཀྱིས་ཐུགས་ཉམས་སུ་བཞེས་པའི་ཡེ་ཤེས་ཀྱི་མགོན་པོ་ཆེན་པོ་འདི་ལ་སྒྲུབ་ཐབས་ཀྱི་རིགས་བསམ་གྱིས་མི་ཁྱབ་པ་ཞིག་བཞུགས་ནའང་། རྩ་བར་གྱུར་པ་ནི། དྲག་པོ་མཐུ་སྒྲུབ་དང་། ཞི་བ་ནོར་སྒྲུབ་གཉིས་ལགས། དེ་གཉིས་ཀྱི་ཡང་གཙོ་བོ་དྲག་པོ་མཐུ་སྒྲུབ་ཡིན་ཅིང་། འདི་ལ་ཡང་བཀའ་རིགས་མི་གཅིག་པ་མང་དུ་ཡོད་ནའང་། དེ་རྣམས་ཀྱི་རྩ་བའི་དབང་བཀའ་ནི་བར་ཆད་ཀུན་སེལ་གྱི་བཀའ་འདི་ཉིད་ཡིན་པས།
འདི་སྒྲུབ་པར་བྱེད་པ་ལ་སློབ་དཔོན་གྱི་བྱ་བ་རྣམས་སྔོན་དུ་སོང་། སློབ་མའི་ངོ་སྐལ་དུ་གྱུར་པ་ལ་ཡང་སྦྱོར་དངོས་རྗེས་གསུམ་ལས།
དང་པོ་སྦྱོར་བ་ལ་ཡང་། མཎྜལ་འབུལ་བ། གསོལ་བ་འདེབས་པ། རྟོག་པ་བསྡུ་བ། ཐུན་མོང་མ་ཡིན་པའི་སྐྱབས་འགྲོ་སེམས་བསྐྱེད་པ། ཐུན་མོང་མ་ཡིན་པའི་གསོལ་བ་གདབ་པ་སྟེ་དྲུག་ཡོད་པ་ལས།
དང་པོ་བླ་མ་དང་མགོན་པོ་དབྱེར་མེད་པའི་སྤྱན་སྔར་ཏིང་ངེ་འཛིན་གྱི་དབང་བསྐུར་ཞུ་བའི་དོན་དུ་མཎྜལ་ཕུལ་མཛོད།
ཅེས་བརྡ་སྦྱར་སློབ་མ་རྣམས་ཀྱིས་ཤངས་ལུགས་མཎྜལ་བཀའ་རྒྱ་མའམ། མི་ཤེས་ན་སྤྱི་འགྲོ་བཞིན་ཕུལ།
གཉིས་པ་གསོལ་བ་འདེབས་པ་འདིའི་རྗེས་ཟློས་མཛོད།
རྡོ་རྗེ་འཛིན་པ་དགོངས་སུ་གསོལ། །བདག་ནི་འགྲོ་ལ་ཕན་དོན་དུ། །གཙོ་ཆེན་ཁྱོད་ལ་གསོལ་འདེབས་ཀྱི། །མགོན་པོའི་དབང་བསྐུར་བདག་ལ་སྩོལ། །ལན་གསུམ།
གསུམ་པ་རྟོག་པ་བསྡུ་བ་འདི་གསན་པས་ཁྱབ་བོ།
།རྟོག་པ་ཐམས་ཅད་ལེགས་པར་བསྡུས་ནས་ནི། །ཤིན་ཏུ་བསམ་པ་བཟང་དང་ལྡན་པས་ཉོན། །བརྗེད་ངེས་བློ་ལ་རྡོ་རྗེ་སེམས་དཔའ་སོགས། །བདེ་བར་གཤེགས་པ་རྣམས་ཀྱིས་བྱིན་མི་རློབ། ཞེས་དེ་ལྟར་ན་སྣོད་ཀྱི་སྐྱོན་གསུམ་སྤངས་ཏེ་གསན་འཚལ།
བཞི་པ་ཁྱད་པར་ཅན་གྱི་སྐྱབས་འགྲོའི་དོན་ནི། བླ་མ་མགོན་པོ་དབྱེར་མེད་ལ་སྐྱབས་སུ་འགྲོ་བ་ཡིན་པས་འདིའི་རྗེས་ཟློས་མཛོད།
ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། སློབ་དཔོན་དགོངས་སུ་གསོལ། བདག་རིག་པ་འཛིན་པ་ཞེས་བགྱི་བ། ཕྱོགས་བཅུ་ན་བཞུགས་པའི་བླ་མ་ལ་སྐྱབས་སུ་མཆི། ཕྱོགས་བཅུ་ན་བཞུགས་པའི་སངས་རྒྱས་ལ༴ ཕྱོགས་བཅུ་ན་བཞུགས་པའི་ཆོས་ལ༴ ཕྱོགས་བཅུ་ན་བཞུགས་པའི་དགེ་འདུན་ལ༴ ཡི་དམ་དཀྱིལ་འཁོར་གྱི་ལྷ་ཚོགས་དང་ཆོས་སྐྱོང་ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས་འཁོར་དང་བཅས་པ་རྣམས་ལ་ཕྱག་འཚལ་ཞིང་སྐྱབས་སུ་མཆིའོ། །ལན་གསུམ།
ལྔ་པ་རྒྱུན་བཤགས་བྱ་བ་འདིའི་རྗེས་ཟློས་མཛོད།
དཀོན་མཆོག་གསུམ་ལ་བདག་སྐྱབས་མཆི། །སོགས་གསུམ།
དྲུག་པ་ཐུན་མོང་མ་ཡིན་པའི་གསོལ་བ་གདབ་པ་ལ་ཡིད་ཀྱིས་སྤྲུལ་པའི་མཆོད་པས་མཆོད་པར་བསམ་ལ་འདིའི་རྗེས་ཟློས་མཛོད།
བླ་མ་དང་མྱུར་མཛད་ཡེ་ཤེས་ཀྱི་མགོན་པོ་དབྱེར་མ་མཆིས་པ་ལ། ཕྱི་མེ་ཏོག་བདུག་སྤོས། ནང་ཤ་ལྔ་བདུད་རྩི་ལྔ། གསང་བ་བདེ་སྟོང་གི་ཡེ་ཤེས། ཡང་གསང་དེ་ཁོ་ན་ཉིད་ཀྱི་མཆོད་པ་དམ་པ་རྣམས་འབུལ་ལོ། །བཞེས་ནས་བདག་ལ་དབང་བཞི་རྫོགས་པར་བསྐུར་དུ་གསོལ། ལན་གསུམ།
དེ་དག་གིས་དབང་གི་སྦྱོར་བ་གྲུབ་པ་ཡིན།
གཉིས་པ་དངོས་གཞི་དབང་དངོས་བསྐུར་བ་ལ་ཡང་། ཡེ་ཤེས་དབབ་པ། སྐུ་གསུང་ཐུགས་ཀྱིས་བྱིན་གྱིས་བརླབ་པ། སྐུ་དངོས་ཀྱིས་བྱིན་གྱིས་བརླབ་པ། སྔགས་གཏད་པའི་རྗེས་གནང་སྟེ་བཞི་ཡོད་པ་ལས།
དང་པོ་ལ་དཀྱིལ་འཁོར་དུ་གཞུག་ཅིང་ལྷ་ངོ་བསྟན་པའི་དོན་དཀྱིལ་འཁོར་གསལ་འདེབས་པ་དང་། ཡེ་ཤེས་ཕབ་པ་དངོས་གཉིས་ལས།
དང་པོ་ནི། སློབ་དཔོན་དང་མདུན་བསྐྱེད་དབྱེར་མ་མཆིས་པ་མགོན་པོ་འཁོར་བཅས་གསལ་འདེབས་པ་ཡིན་ཏེ། ཁྱེད་རང་རྣམས་ཀྱི་མདུན་གྱི་ནམ་མཁར་སྲུང་བའི་འཁོར་ལོའི་ནང་མི་བཟད་པའི་དུར་ཁྲོད་ཆེན་པོའི་དབུས་སུ། པདྨ་དང་ཉི་མའི་སྟེང་དུ་དཔལ་ཚོགས་ཀྱི་བདག་པོ་སྐུ་མདོག་དཀར་པོ་གླང་པོ་ཆེའི་དབུ་ལ་སྤྱན་གསུམ་པ། ཕྱག་གཡས་སའི་སྙིང་པོ་ལ་ཕུག་ལོ་མ་དང་བཅས་པ་ཞལ་དུ་གསོལ་བ། གཡོན་ཐོད་པ་བདུད་རྩིས་གང་བ་འཛིན་པ། དར་དང་རིན་པོ་ཆེས་བརྒྱན་པ་ཉལ་སྟབས་སུ་གནས་པ། དེའི་སྟེང་དུ་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། སྐྱེ་འགྲོའི་རེ་བ་ཚུལ་བཞིན་དུ་སྐོང་བ། སྐུ་མདོག་དུས་མཐའི་སྤྲིན་ལྟར་རབ་ཏུ་གནག་པ། ཞལ་གཅིག་ཕྱག་དྲུག་པ། དམར་ལ་ཟླུམ་པའི་སྤྱན་གསུམ་སྡང་མིག་ཏུ་གཟིགས་པ། ཞལ་གདངས་ཤིང་མཆེ་བ་གཙིགས་པ། ལྗགས་འདྲིལ་བ། རབ་ཏུ་བཞད་པ། སྨ་ར་དང་སྨིན་མ་དབུ་སྐྲ་དམར་སེར་གྱེན་དུ་བརྫེས་པ། དཔྲལ་བར་སིནྡཱུརའི་ཐིག་ལེས་བྱུགས་པ། །སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ། ཕྱག་གཡས་དང་པོས་རྡོ་རྗེ་གྲི་གུག་དང་། གཡོན་དང་པོས་ཐོད་པ་ཁྲག་གིས་གང་བ་ཐུགས་ཀར་སྟེང་འོག་ཏུ་འཛིན་པ། གཡས་བར་པས་ཐོད་སྐམ་གྱི་ཕྲེང་བ། ཐ་མས་ཌཱ་མ་རུ་དྲག་ཏུ་འཁྲོལ་བ། གཡོན་གཉིས་པ་ན་མདུང་རྩེ་གསུམ་པ། ཐ་མ་ན་རྡོ་རྗེ་ཞགས་པ་བསྣམས་པ། ཞབས་གཉིས་སྲིད་གསུམ་རྣམ་པར་མནོན་པའི་ཤུགས་ཅན་མཉམ་པའི་སྟབས་ཀྲིག་ཀྲིག་ཞབས་ཀྱིས་བགེགས་ཀྱི་རྒྱལ་པོ་མནན་པ། སྟག་ལྤགས་ཀྱི་ཤམ་ཐབས་ལ་དར་ལྗང་གུའི་སྐེ་རགས་བཅིངས་པ། སྦྲུལ་སྔོན་པོས་དབུ་སྐྲ་བཅིངས་ཤིང་། དམར་པོའི་སྙན་ཆ། ཁྲ་བོའི་དཔུང་རྒྱན། དཀར་པོའི་མགུལ་རྒྱན། སེར་པོའི་ལག་གདུབ། ལྗང་གུའི་དོ་ཤལ། དཀར་པོའི་རྐང་གདུབ་དང་སྐ་རགས་ཅན། ཕྱག་ཞབས་ཐམས་ཅད་ལ་དྲིལ་བུ་གཡེར་ཁའི་ཕྲེང་བ་དང་ལྡན་པ། སྦོམ་ཐུང་ཡན་ལག་ཧྲག་པ། གཟི་བརྗིད་མཐའ་ཡས་པ། མི་མགོ་སྐམ་པོ་ལྔའི་དབུ་རྒྱན་རིན་པོ་ཆེའི་རྩེ་བྲན་ཅན་དང་། རློན་པ་ཁྲག་འཛག་ལྔ་བཅུའི་དོ་ཤལ་བྱས་པ། རུས་པའི་རྒྱན་དྲུག་གིས་མཛེས་པ། འཇིགས་པའི་ང་རོ་འབྲུག་ལྟར་སྒྲོག་པ། བདུད་དང་བགེགས་ཐམས་ཅད་བརླག་པར་མཛད་པ། བསྐལ་པའི་མེ་ལྟ་བུའི་ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་ཤིང་། ཙན་དན་གྱི་སྡོང་པོ་ལ་རྒྱབ་བརྟེན་པའོ། །དེའི་གཡོན་དུ་ཁྲག་ཞག་འཁྲུགས་པའི་རྒྱ་མཚོའི་དབུས་སུ། དཔལ་ལྡན་ལྷ་མོ་འདོད་པ་ཁམས་ཀྱི་དབང་ཕྱུག་མ། སྐུ་མདོག་ནག་མོ་ཕྱག་གཡས་བདུད་ཀྱི་ཁྲམ་ཤིང་ནག་པོ་ཕྱར་ཞིང་། གཡོན་ནད་ཀྱི་རྐྱལ་པ་འཛིན་པ། མེ་རླུང་འཚུབ་མའི་དབུས་ན་བཞུགས་ཤིང་། དྲེའུ་རྟ་རྐང་གསུམ་ལ་ཆིབས་པ། འཁོར་ཤ་ཟ་དང་མ་མོ་མཁའ་འགྲོ་འབུམ་སྡེས་བསྐོར་བའོ། །གཙོ་བོའི་མདུན་དུ་གནོད་སྦྱིན་ཀྵེ་ཏྲ་པཱ་ལ། སྐུ་མདོག་མཐིང་ནག་ཁ་གདངས་ཤིང་མཆེ་བ་གཙིགས་ནས་དགྲ་ལ་འོ་དོད་འབོད་པ། ཤངས་ནས་དུས་མཐའི་རླུང་ལྡང་བ། ཕྱག་གཡས་གྲི་གུག་ནམ་མཁའ་ལ་ཕྱར་བས་ལྷ་དང་ལྷ་མ་ཡིན་ཐམས་ཅད་སྐྲག་པར་བྱེད་པ། གཡོན་ཐོད་ཁྲག་དགྲ་བགེགས་ཀྱི་སྙིང་དང་བཅས་པ་ཞལ་དུ་སྟོབ་ཅིང་དོམ་ནག་སྨྱོན་པ་ལ་ཆིབས་པ། གཡས་སུ་དབང་ཕྱུག་ཛི་ན་མི་ཏྲ་སྐུ་མདོག་དམར་ནག་གཡས་ཌཱ་མ་རུ་འཁྲོལ་ཞིང་། གཡོན་ཐོད་ཁྲག་འཛིན་པ། རྒྱབ་ཏུ་གཤིན་རྗེ་ཊཱཀྐི་རཱ་ཛ་སྐུ་མདོག་དཀར་ནག ཕྱག་གཡས་ཞགས་པ་དགྲ་ལ་འཕེན་ཅིང་། །གཡོན་སྡིགས་མཛུབ་གནོད་བྱེད་ལ་སྡིགས་པ། གཡོན་དུ་བདུད་མགོན་ཆེན་པོ་ཏྲཀྴད་སྐུ་མདོག་ནག་པོ་ཕྱག་གཡས་རུ་མཚོན་མདུང་དམར་རྩེ་གསུམ་པ་དགྲ་བོའི་སྙིང་ཁར་བསྣུན་པ། གཡོན་ཐོད་པ་ཁྲག་གིས་གང་བ་བསྣམས་པ། ཡ་སོས་མ་མཆུ་མནན་པ། དར་ནག་གི་འཇོལ་བེར་དང་། སག་ཏིའི་ལྷམ་ཡུ་རིང་གསོལ་བ། གསེར་གྱི་སྐེ་རགས་བཅིངས་པ། བདུད་རྟ་ནག་པོ་རྟིང་དཀར་ལ་ཆིབས་པ། བཞི་ཀའང་ཁྲོ་བོའི་ལས་མཁན་གྱི་ཆ་བྱད་ཡོངས་སུ་རྫོགས་པའོ།
།དེའི་ཕྱི་རོལ་དུ་ཤར་དུ་བརྒྱ་བྱིན། ཤར་ལྷོར་མེ་ལྷ། ལྷོར་གཤིན་རྗེ། ལྷོ་ནུབ་ཏུ་སྲིན་པོ། ནུབ་ཏུ་ཆུ་ལྷ། ནུབ་བྱང་དུ་རླུང་ལྷ། བྱང་དུ་གནོད་སྦྱིན། བྱང་ཤར་དུ་འབྱུང་པོ། སྟེང་དུ་ཚངས་པ། འོག་ཏུ་ས་བདག་སྟེ་ཕྱོགས་སྐྱོང་བཅུ། གཞན་ཡང་ལྷ་ཆེན་པོ་བརྒྱད། ཀླུ་ཆེན་པོ་བརྒྱད། གཟའ་ཆེན་པོ་བརྒྱད། འཇིགས་བྱེད་ཆེན་པོ་དགུ། རྒྱུ་སྐར་ཉི་ཤུ་རྩ་བརྒྱད། རྒྱལ་པོ་ཆེན་པོ་བཞི་སྟེ། གཙང་རིས་ཀྱི་མགོན་པོ་བདུན་ཅུ་རྩ་ལྔ་པོ་ཐམས་ཅད་ཀྱང་འཁོར་བྱེ་བ་བྱེ་བའི་ཚོགས་ཀྱིས་བསྐོར་བ། དེའི་ཕྱི་རོལ་དུ་དམ་ཅན་རྒྱ་མཚོའི་དམག་ཚོགས་ཤ་ལ་དགའ་བ། ཁྲག་ལ་རོལ་པ། སྙིང་རྗེ་མེད་པ། ཁ་གདངས་པ། མིག་རྩ་དམར་བ། ལག་ན་གདུག་པའི་མཚོན་ཆ་སྣ་ཚོགས་ཐོགས་པ་སྐད་ཅིག་ལ་སྐྱེ་འགྲོ་ཐམས་ཅད་ཀྱི་སྲོག་དབུགས་སྡུད་པ། གནོད་སྦྱིན་དང་། སྲིན་པོ་དང་། གཤིན་རྗེ་དང་། བདུད་དང་མ་མོའི་ཆ་ལུགས་ཅན། ས་གཞི་བར་སྣང་ནམ་མཁའི་དབྱིངས་ཐམས་ཅད་ཡོངས་སུ་གང་བ། ཐམས་ཅད་ཀྱང་སྒྲུབ་པ་པོའི་རེ་འདོད་ཚུལ་བཞིན་དུ་སྐོང་བར་མཛད་པའོ།
།དེ་ལྟ་བུའི་བླ་མ་མགོན་པོ་དབྱེར་མེད་པ་ལ། མོས་གུས་དུང་བ་བྱས་པས་ཐུགས་ཀ་ནས་འོད་ཟེར་བུན་གྱིས་འཕྲོས། ཁྱེད་རང་རྣམས་ཀྱི་ལུས་ལ་ཕོག་པས་ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་བསྲེགས། མ་དག་པའི་སྣང་བ་ཐམས་ཅད་སྦྱངས་ནས་འོད་ཕུང་དུ་གྱུར་པའི་མོས་པ་མཛོད།
དེ་ཉིད་ལ་སློབ་དཔོན་གྱིས། ཨོཾ་སྭ་བྷཱ་ཝ་ནས་ཧཾ། ཞེས་བརྗོད་པས་འོད་གསལ་སྟོང་པ་ཉིད་དུ་གྱུར། སྟོང་ཉིད་དེའི་ངང་ལས་ཁྱེད་རང་རྣམས་ཀྱི་གོ་སར་པྃ་ལས་པདྨ་དང་། རྃ་ལས་ཉི་མའི་སྟེང་དུ། གྃ་དཀར་པོ་འོད་དུ་ཞུ་བ་ལས་དཔལ་ཚོགས་ཀྱི་བདག་པོ་སྐུ་མདོག་དཀར་པོ་གླང་པོ་ཆེའི་དབུ་ལ་སྤྱན་གསུམ་པ་ཕྱག་གཡས་སའི་སྙིང་པོ་ལ་ཕུག་ལོ་མ་དང་བཅས་པ་ཞལ་དུ་གསོལ་བ། གཡོན་ཐོད་པ་བདུད་རྩིས་གང་བ་འཛིན་པ། དར་དང་རིན་པོ་ཆེས་བརྒྱན་པ་ཉལ་སྟབས་སུ་གནས་པ། དེའི་སྟེང་དུ་ཁྱེད་རང་རྣམས་ཀྱི་སེམས་ཉིད་ཧཱུྃ་མཐིང་ནག་ལས་གྲི་གུག་ཧཱུྃ་གིས་མཚན་པ། དེ་ལས་འོད་ཟེར་འཕྲོས། དགྲ་བགེགས་གདུག་པ་ཅན་ཐམས་ཅད་ཚར་བཅད། འཕགས་པ་མཆོད། སེམས་ཅན་གྱི་དོན་བྱས། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། ཁྱེད་རང་རྣམས་མྱུར་མཛད་ཡེ་ཤེས་ཀྱི་མགོན་པོ་སོགས་ནས། ཙན་དན་གྱི་སྡོང་པོ་ལ་རྒྱབ་བརྟེན་པའོ།
།དེ་ལྟར་གསལ་བའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། སློབ་དཔོན་གྱི་ཐུགས་ཀའི་ཧཱུྃ་ལས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ། ཙན་དན་གྱི་ཤིང་རྐང་གཅིག་པའི་དྲུང་ནས་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། སྟེང་ན་རྩ་བརྒྱུད་ཀྱི་བླ་མ། གཡས་ན་དཔའ་བོ་ངར་དང་བཅས་ཤིང་། གཡོན་ན་དཔའ་མོ་འཛུམ་དང་བཅས་པ། བཀའ་སྡོད་ཞིང་སྐྱོང་ཕོ་ཉ། དམ་ཅན་རྒྱ་མཚོའི་དམག་ཚོགས་དང་བཅས་པ་ཐམས་ཅད་སྐད་ཅིག་ཉིད་ལ། ཌཱ་མ་རུ་དང་དྲིལ་བུ་གཡེར་ཁའི་སྒྲ་སི་ལི་ལི། ཁྲོ་ལོ་ལོ། འུར་འུར་ཆེམ་ཆེམ་བྱོན་ཏེ་ཁྱེད་རང་རྣམས་ཀྱི་ལུས་ལ་གཉིས་སུ་མེད་པར་ཐིམ།
རོལ་མོའི་སྒྲ་ཆེར་བྱ། དམ་རྫས་སྤོས་ཀྱི་དུད་པ་བརྟུལ།
ཨོཾ་བཛྲ་མ་ཧཱ་ཀཱ་ལ་ས་པ་རི་ཝཱ་ར་ཀྵིཾ་ཀྵིཾ་ཀྵིཾ་སོགས་ཉེར་གཅིག །ཀྵིཾ་གྱི་གནས་སུ་ཨེ་ཧྱ་ཧི་བཅུག་པ་དང་། །བཛྲ་ས་མཱ་ཛཿབཅུག་པ་རྣམས་ལན་གསུམ་གསུམ།
མྱུར་མཛད་འཁོར་བཅས་སྤྱན་དྲངས། །སློབ་མའི་ལུས་ལ་ཛཿཧཱུྃ་བྃ་ཧོཿ །གཉིས་སུ་མེད་པར་ཐིམ་པར་གྱུར། ཞེས་བརྗོད་དེ་ཡེ་ཤེས་དབབ་པའི་རིམ་པའོ།
།གཉིས་པ་སྐུ་གསུང་ཐུགས་ཀྱི་བྱིན་གྱིས་བརླབས་པའི་དོན་དུ་དམིགས་པ་འདི་བཞིན་མཛོད།
བླ་མ་དང་མདུན་བསྐྱེད་མགོན་པོ་དབྱེར་མ་མཆིས་པའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་མཐིང་ག་གསལ་བཏབ་ལ། དབང་བཞི་རྫོགས་པར་བསྐུར་དུ་གསོལ།
ཁྱད་པར་བུམ་པའི་དབང་བསྐུར་དུ་གསོལ་སྙམ་པའི་ཡིད་ཀྱིས་གསོལ་བ་དུང་དུང་བཏབ་པས། བླ་མ་མགོན་པོ་དབྱེར་མེད་ཀྱི་དཔྲལ་བའི་ཨོཾ་ལས་འོད་འཕྲོས། སངས་རྒྱས་ཐམས་ཅད་ཀྱི་སྐུའི་བྱིན་རླབས་ཐམས་ཅད་འོད་ཟེར་དཀར་པོའི་རྣམ་པར་ཚུར་བསྡུས་ཏེ་ཨོཾ་ལ་ཐིམ། ཨོཾ་ལས་འོད་ཟེར་དཀར་པོ་དཔག་ཏུ་མེད་པ་བྱུང་སྟེ་ཁྱེད་རང་རྣམས་ཀྱི་དཔྲལ་བའི་ཨོཾ་ལ་ཐིམ་པས་བུམ་དབང་ཐོབ་པའི་མོས་པ་མཛོད། བརྗོད་ལ་རོལ་མོ་བྱ།
ཡང་གསང་དབང་བསྐུར་དུ་གསོལ། མགྲིན་པའི་ཨཱཿགསུང་གི་བྱིན་རླབས། མགྲིན་པའི་ཨཱཿལས་འོད་ཟེར་དམར་པོ། ཅེས་འདོན་བསྒྱུར་རིགས་འགྲེ།
ཤེས་རབ་ཡེ་ཤེས་ཀྱི་དབང་བསྐུར་དུ་གསོལ། ཐུགས་ཀའི་ཧཱུྃ། ཐུགས་ཀྱི་བྱིན་རླབས། ཐུགས་ཀའི་ཧཱུྃ་ལས་འོད་ཟེར་མཐིང་ག །ཁྱེད་རང་རྣམས་ཀྱི་སྙིང་གའི་ཧཱུྃ་ལ་ཐིམ་པས། ཤེར་དབང་ཐོབ་པའི་མོས་པ་མཛོད།
ཡང་དབང་བཞི་པ་བསྐུར་དུ་གསོལ་སྙམ་པ་དང་། བླ་མ་མགོན་པོ་དབྱེར་མེད་ལ་མོས་གུས་དུང་བ་བྱས་པས། གནས་གསུམ་གྱི་ཡི་གེ་འབྲུ་གསུམ་པོ་དེ་ཉིད་རྒྱངས་ཀྱིས་ཆད་ནས་བྱོན། ཁྱེད་རང་རྣམས་ཀྱི་གནས་གསུམ་ཡི་གེ་འབྲུ་གསུམ་ལ་ཐིམ། ཁྱེད་རང་རྣམས་ཀྱི་སྙིང་ཁའི་ཧཱུྃ་མགྲིན་པའི་ཨཱཿལ་ཐིམ། དེ་ཡང་སྤྱི་བོའི་ཨོཾ་ལ་ཐིམ། ཨོཾ་ཡང་ནམ་མཁའ་ལ་འཇའ་ཡལ་བ་བཞིན་དུ་གྱུར། དེས་ལུས་ངག་ཡིད་གསུམ་ཐ་དད་དུ་འཛིན་པའི་སྒྲིབ་པ་དག་ནས། དབང་བཞི་པ་ཐོབ་པ་ཡིན་པས། སེམས་སྤྲོས་བྲལ་ཕྱག་རྒྱ་ཆེན་པོ་ལ་ཞོག་མཛོད། རོལ་མོ།
གསུམ་པ་སྐུ་དངོས་ཀྱི་བྱིན་གྱིས་བརླབ་པ་ནི།
གཏོར་མ་འདི་ཉིད་མྱུར་མཛད་ཡེ་ཤེས་ཀྱི་མགོན་པོ་འཁོར་བཅས་སུ་གསལ་བ་ལ་མོས་གུས་དུང་བ་བྱས་པས། འུར་འུར་ཆེམ་ཆེམ་རང་གི་སྤྱི་བོར་བྱོན། བླ་མས་ཁྱེད་རང་རྣམས་ཀྱི་བར་ཆད་བསྲུང་བ་དང་། མཐུན་རྐྱེན་སྒྲུབ་པར་བཀའ་བསྒོས་པའི་ཚེ། ཁྱེད་རང་རྣམས་ཀྱི་ནད་གདོན་དགྲ་བགེགས་ཐམས་ཅད་མགོན་པོའི་ཞལ་དུ་ཤ་ཆོམ་རུས་ཆོམ་དུ་གསོལ་ཞིང་། རིགས་ཀྱི་བུ་ཁྱོད་ཀྱི་བར་ཆད་བསྲུང་བ་དང་། མཐུན་རྐྱེན་བསྒྲུབ་པར་ངས་བྱའོ། །ཞེས་གསུང་ལྷང་ལྷང་བྱོན་པར་སྒོམས་མཛོད། ཅེས་གཏོར་མ་སློབ་མའི་སྤྱི་བོར་བཟུང་ལ། རོལ་མོ་དང་བཅས་པའི་བཀའ་བསྒོ་བ་ནི། མགོན་པོ་འཁོར་བཅས་ཀྱི་སྔགས་བརྗོད་པའི་མཐར།
དཔལ་ཡེ་ཤེས་ཀྱི་མགོན་པོ་ནག་པོ་ཆེན་པོ་ཕྱག་དྲུག་པ། མ་གཅིག་འདོད་པ་ཁམས་ཀྱི་དབང་ཕྱུག་མ། འཁོར་གནོད་སྦྱིན་ཀྵེ་ཏྲ་པཱ་ལ། དབང་ཕྱུག་ཛི་ན་མི་ཏྲ། གཤིན་རྗེ་ཊཱཀྐི་རཱ་ཛ། བདུད་མགོན་ཏྲཀྴད་ནག་པོ། ཕྱོགས་སྐྱོང་བཅུ། གཙང་རིས་ཀྱི་དཔལ་མགོན་བདུན་ཅུ། དམ་ཅན་རྒྱ་མཚོའི་དམག་ཚོགས་དང་བཅས་པ། ཁྱེད་རྣམས་ཀྱིས་རྒྱལ་བ་ཁྱབ་བདག་རྡོ་རྗེ་འཆང་ཆེན་པོ། དཔལ་ལྡན་ཤ་བ་རི་དབང་ཕྱུག །གྲུབ་ཆེན་མཻ་ཏྲཱི་པ་ཆེན་པོ། རཱ་ཧུ་ལ་གུཔྟ། མཁས་གྲུབ་ཁྱུང་པོ་ལོ་ཙཱ་བ། རྨོག་ལྕོག་པ་རིན་ཆེན་བརྩོན་འགྲུས། སྐྱེར་སྒང་པ་ཡེ་ཤེས་སེང་གེ །གཉན་སྟོན་སྦས་པའི་རྣལ་འབྱོར། ཆོས་རྗེ་སངས་རྒྱས་སྟོན་པ། ཤངས་སྟོན་རིན་ཆེན་འབུམ། ཁྱུང་པོ་ཚུལ་ཁྲིམས་སྙིང་པོ། གྲུབ་ཆེན་སངས་རྒྱས་སེང་གེ །མཁས་བཙུན་ཤངས་དཀར་བ་རིན་ཆེན་རྒྱལ་མཚན། ལྐུག་ལུང་པ་སངས་རྒྱས་དཔལ་བཟང་། གྲུབ་དབང་ནམ་མཁའ་རྒྱལ་མཚན། རྒྱ་སྒོམ་ལེགས་པ་རྒྱལ་མཚན། རྣལ་འབྱོར་སེམས་ཀྱི་མདུད་གྲོལ། ཆོས་སྐུ་ལྷ་དབང་གྲགས་པ། རྗེ་བཙུན་སྒྲོལ་བའི་མགོན་པོ། ཀུན་དགའ་བསྟན་པའི་རྒྱལ་མཚན། ངག་དབང་ཀུན་དགའ་ལྷུན་གྲུབ། རྭ་པ་ངག་དབང་ཕྲིན་ལས། ཆོས་རྗེ་ཀུན་བཟང་དབང་པོ། རིག་འཛིན་ཚེ་དབང་ནོར་བུ། བཀའ་བརྒྱུད་ཕྲིན་ལས་ཤིང་རྟ། བསྟན་འཛིན་ཆོས་ཀྱི་ཉི་མ། བཀའ་བརྒྱུད་ཕྲིན་ལས་རྣམ་རྒྱལ། རྩ་བའི་བླ་མ་བྱམས་མགོན་རྡོ་རྗེ་འཆང་པདྨ་ཉིན་བྱེད་དབང་པོའི་བར་དུ་བྱོན་པའི་དཔལ་ལྡན་བླ་མ་དེ་རྣམས་ཀྱི་བཀའ་དང་དམ་ལས་མ་འདའ་བར། རྡོ་རྗེ་སློབ་མ་འདི་དག་གི་ལུས་དང་གྲིབ་མ་བཞིན་དུ་གྲོགས་ལ། འགལ་རྐྱེན་ནད་གདོན་བར་ཆད་མི་མཐུན་པའི་ཕྱོགས་ཐམས་ཅད་ཉེ་བར་ཞི་བ་དང་། མཐུན་རྐྱེན་ཚེ་དང་བསོད་ནམས་འཁོར་དང་ལོངས་སྤྱོད་ཐམས་ཅད་རྒྱས་པ་དང་། མི་དང་མི་མ་ཡིན་པའི་འགྲོ་བ་ཐམས་ཅད་དབང་དུ་འདུ་བ་དང་། དགྲ་དང་བགེགས་ལ་སོགས་པའི་གནོད་བྱེད་ཐམས་ཅད་ཚར་གཅོད་པ་དང་། མདོར་ན་བྱང་ཆུབ་མ་ཐོབ་ཀྱི་བར་དུ་བསྲུང་བ་དང་། བསྐྱབ་པ་དང་། སྦ་བའི་ཕྲིན་ལས་མཛད་ནས། མི་འདོད་པ་ཐམས་ཅད་སོལ། འདོད་དོན་ཐམས་ཅད་སྒྲུབས། ཇི་ལྟར་བཅོལ་བའི་ལས་ཐམས་ཅད་ལ་ཐོགས་པ་མེད་པར་མཛོད་ཅིག
བཞི་པ་བཟླས་ལུང་གི་དོན་དུ་སློབ་དཔོན་གྱིས་མདུན་བསྐྱེད་ལ་གསོལ་བ་ལན་གསུམ་འདེབས་དགོས་པ་ཡིན་ཏེ།
བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །ལན་གསུམ།
དེ་ནས་ཁྱེད་རང་རྣམས་ཀྱིས་ཀྱང་། བླ་མ་མགོན་པོ་དབྱེར་མེད་པའི་ཐུགས་ཀར་པད་ཉི་ལ་ཧཱུྃ་གི་མཐར་སྙིང་པོ་དང་རྩ་སྔགས་ཀྱིས་བསྐོར་བར་བསྒོམ་ལ། མོས་གུས་དུང་བ་དང་བཅས་མེ་ཏོག་འཐོར་བཞིན་དུ་འདིའི་རྗེས་ཟློས་མཛོད།
བཅོམ་ལྡན་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། །ལན་གསུམ།
བླ་མ་མགོན་པོ་དབྱེར་མེད་པའི་ཐུགས་ཀའི་སྔགས་ཕྲེང་མེ་འོད་རབ་ཏུ་འབར་བའི་འོད་ཟེར་དམར་ནག་འཕྲོ་བ་དེ་དག་ལས། སྔགས་ཕྲེང་མར་མེ་གཅིག་ལས་གཉིས་ཆད་ཀྱི་ཚུལ་དུ་ཆད་དེ་ཞལ་ནས་འཐོན། ཁྱེད་རང་རྣམས་མགོན་པོར་གསལ་བའི་ཞལ་ནས་ཞུགས། སྙིང་ཁར་ཉི་མའི་སྟེང་དུ་ཧཱུྃ་གི་མཐར་སྔགས་ཐམས་ཅད་ཁ་དོག་ནག་པོ་འོད་ཟེར་དམར་ནག་མེ་འོད་དུ་འཕྲོ་བས་ནད་གདོན་སྡིག་སྒྲིབ་ཐམས་ཅད་སྲེག་པར་བྱེད་པ་དང་བཅས་པའི་སྔགས་ཕྲེང་སྒོར་གྱིས་བྱུང་བའི་མོས་པ་དང་བཅས་པས་འདིའི་རྗེས་ཟློས་མཛོད།
ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ནཱ་ཡ་ཀ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ལན་གསུམ། ཨོཾ་ཤྲཱི་མ་ཧཱ་ཀཱ་ལ་ཤཱ་ས་ན། ཨུ་པ་ཧ་རི་ཎི། ཨེ་ཥོ྅་པཉྩི་མ། ཀཱ་ལོ྅་ཡཾ་ཨི་དཾ། རཏྣ་ཏྲ་ཡཱ་ཡ། ཨཱ་པ་ཀཱ་རི་ཎི། ཡ་ཏི་པྲ་ཏི་ཛྙཱ། སྨ་ར་སི་ཏཱ་དཱ། ཨི་དཾ་དུཥྚཾ། ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲྀཧྞ་གྲིཧྞ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དཱི་ན་མེ་ཀེ་ན་མཱ་ར་ཡ་ཧཱུྃ་ཕཊ། ལན་གསུམ། ཨོཾ་ཤྲཱི་དེ་ཝཱི་ཧཱུྃ་ཕཊ། གསུམ། ཨོཾ་ཀྵེ་ཏྲ་པཱ་ལ་བིགྷྣཱན་ཧཱུྃ་ཕཊ། ཨོཾ་ཛི་ན་མི་ཏྲ་བ་ཤཾ་ཀུ་རུ་ཧཱུྃ་ཕཊ། ཨོཾ་ཊཱཀྐི་རཱ་ཛ་ས་མ་ཡ་བྷྱོཿདུ་ཛ་ཧཱུྃ་ཕཊ། ཨོཾ་དུ་ཡོག་ཛ་མ་ཧཱ་ཀཱ་ལ་ཏྲཀྴད་ཧཱུྃ་ཕཊ། ཅེས་པ་རྣམས་ཀྱང་ལན་གསུམ་གསུམ་བཟླའོ།
།མཐར་སློབ་དཔོན་གྱི་ཐུགས་ཀའི་སྔགས་ཕྲེང་དེ་ཉིད་རྒྱངས་ཀྱིས་ཆད་ནས་བྱུང་། ཁྱེད་རང་རྣམས་ཀྱི་སྙིང་གའི་ཧཱུྃ་ལ་ཐིམ་པས། བླ་མ་མགོན་པོའི་བྱིན་རླབས་མཐའ་དག་གིས་བརྒྱུད་བརླན་པར་མོས་པ་མཛོད།
དེ་ཡན་གྱིས་དངོས་གཞི་གྲུབ་ཟིན།
གསུམ་པ་རྗེས་ལ། དམ་ཚིག་བཟུང་བ། ཡོན་དབུལ་བ། སྨོན་ལམ་གདབ་པ་སྟེ་གསུམ་ལས།
དང་པོ་ནི། དེང་ཕྱིན་ཆད་ཁྱེད་རྣམས་ཀྱིས་ཡོངས་སུ་བླངས་པའི་བསླབ་པ་ཐམས་ཅད་རྣམ་པར་དག་པ་དང་། ཁྱད་པར་སེམས་བསྐྱེད་ཀྱི་བསླབ་བྱ་དང་། སྔགས་ཀྱི་དམ་ཚིག་མཐའ་དག་མ་ཉམས་པ་གལ་ཆེ། ཡང་སྒོས་མགོན་པོ་ཉིད་ཀྱི་དམ་ཚིག་འབྲུ་ནག་རྗེན་བཏགས་ཀྱི་གཏོར་མ་དང་། དམ་རྫས་ཀྱི་སྤོས་སྦྱོར་མ་ཆད་པར་གྱིས། བྱ་ནག་དང་། ཁྱི་ནག་ལ་རྡོ་མི་རྡེག་ཡིད་ཆེས་པར་གྱིས་ལ། བླ་མ་དང་དབྱེར་མེད་དུ་ལྟོས། འབྱུང་པོ་གཞན་ལ་ཟས་ཕུད་མི་འབུལ། སྡིག་ཅན་གཏུམ་པོ་གྲོགས་སུ་མི་བསྟེན། ཁྱད་པར་ཆོས་སྐྱོང་འདི་ཉིད་གསང་བ་དང་། སྔགས་དང་མན་ངག་གསང་བ་དང་། དུས་རྒྱུན་དང་ཁྱད་པར་གྱི་མཆོད་གཏོར་ལ་བརྩོན་པ་གལ་ཆེ་བ་ལགས་སོ།
།དེ་དག་གི་གནས་སྐབས་སུ་ཐོབ་པའི་དམ་ཚིག་དང་སྡོམ་པ་བསྲུང་སྙམ་པས་འདིའི་རྗེས་ཟློས་མཛོད།
གཙོ་བོས་སོགས་བྱ།
གཉིས་པ་གཏང་རག་གི་མཎྜལ་ཕུལ། འདིའི་རྗེས་ཟློས་ཀྱང་མཛོད།
དེང་ནས་བརྩམས་ཏེ་སོགས་གསུམ་བྱ།
གསུམ་པ་ཆོས་གསན་པའི་དགེ་བ་རྫོགས་བྱང་དུ་བསྔོ་བ་ཞུ།
བསོད་ནམས་འདི་ཡིས་སོགས་སམ།
བདག་གི་དགེ་བའི་ལས་རྣམས་སོགས་སྨོན་ལམ་ཅི་རིགས་པར་བརྗོད་དོ། །འདིར་བདེ་མཆོག་ལྷ་ལྔ་ལྟར་ཚོགས་བྱིན་རླབས་ནས་ལྷག་མའི་བར་བཏང་། དེ་ནས་རྗེས་ཀྱི་མཆོད་པ་བཤམ། སྤྱི་དང་མཐུན་པར་བྱིན་གྱིས་བརླབས།
ཨརྒྷཾ་ནས་ཤབྡའི་བར་གྱིས་མཆོད། འབྲུ་གསུམ་གྱིས་ནང་མཆོད་ཕུལ། ཆོས་དབྱིངས་ངང་ལས་སོགས་ཀྱིས་བསྟོད། ཡིག་བརྒྱ་མང་དུ་བཟླས།
མ་འབྱོར་བ་དང་ཉམས་པ་དང་། ཞེས་སོགས་དང་།
མ་རྙེད་ཡོངས་སུ་མ་ཚང་དང་། །གང་ཡང་ནུས་པ་མ་མཆིས་པས། །འདིར་ནི་བྱ་བ་གང་བགྱིས་པ། །དེ་ཀུན་ཁྱེད་ཀྱིས་བཟོད་པར་རིགས། །བླ་མ་མགོན་པོ་དབྱེར་མེད་ལ། །བདག་ནི་གུས་པས་སྐྱབས་སུ་མཆི། །བདག་གིས་སེམས་ཅན་ཐམས་ཅད་ཀྱི། །ཉོན་མོངས་མ་ལུས་སེལ་བར་ཤོག །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ།
།གཏོར་མའི་ཡེ་ཤེས་པ་བྲིས་སྐུའི་ཐུགས་ཀར་ཐིམ།
ཨོཾ་བཛྲ་མུཿ གཏོར་མགྲོན་རྣམས་རང་བཞིན་གྱི་གནས་སུ་གཤེགས། །དམ་ཚིག་པ་རང་གི་སྙིང་གར་ཐིམ་པར་གྱུར། ཅེས་མོས་ལ། སླར་གཏོར་མ་གོང་ལྟར་བྱིན་གྱིས་བརླབས་ཏེ། བྲིས་སྐུའི་ལྷ་ལ་གཏོར་ཆོག་བཞིན་ཕུལ་ནས། བྲིས་སྐུ་ལ་བརྟན་བཞུགས་བྱ། སྨོན་ལམ་བཏབ་ལ།
ཡོན་ཏན་རབ་རྫོགས་གངས་ཀྱི་རི་བོ་བཞིན། །བྱིན་རླབས་ཆུ་བོས་སྐལ་ལྡན་ཚིམ་མཛད་ཅིང་། །རང་སེམས་ལྷན་ཅིག་སྐྱེས་པ་སྟོན་མཛད་པའི། །ཆོས་རྗེ་བླ་མ་མཆོག་གི་བཀྲ་ཤིས་ཤོག །སྒྲུབ་པ་པོ་ལ་བུ་བཞིན་གཟིགས་མཛད་ཅིང་། །མི་འབྲལ་ལུས་དང་གྲིབ་མ་ཇི་བཞིན་དུ། །དམ་ཚིག་ཅན་ལ་དངོས་གྲུབ་སྟེར་མཛད་པའི། །ཡི་དམ་ལྷ་ཚོགས་རྣམས་ཀྱི་བཀྲ་ཤིས་ཤོག །དམ་ཅན་སྒྲུབ་པ་པོ་ཡི་རྗེས་འབྲང་ཞིང་། །ཞི་དང་རྒྱས་དང་དབང་དང་མངོན་སྤྱོད་སོགས། །སྣ་ཚོགས་ཕྲིན་ལས་ཚུལ་བཞིན་སྒྲུབ་མཛད་པའི། །ཆོས་སྐྱོང་སྲུང་མ་རྣམས་ཀྱི་བཀྲ་ཤིས་ཤོག །སྣང་སྲིད་རང་གྲོལ་སྒྱུ་མ་རྨི་ལམ་བཞིན། །བདེ་བ་ཆེན་པོ་རྒྱུན་ཆད་མེད་པའི་ཉམས། །ཡིད་ལ་བྱར་མེད་སྟོང་གསལ་ནམ་མཁའི་ངང་། །བདེ་ཆེན་ཕྱག་རྒྱ་ཆེན་པོའི་བཀྲ་ཤིས་ཤོག །སྒྲུབ་པ་པོ་ལ་བརྟེན་ཅིང་མཆོད་པ་དང་། །སྐུར་བ་འདེབས་པའི་སྐྱེ་འགྲོ་གང་ཡིན་པ། །ཐམས་ཅད་བྱང་ཆུབ་ལམ་ལ་འགོད་མཛད་པའི། །མཉམ་མེད་བྱང་ཆུབ་སེམས་ཀྱི་བཀྲ་ཤིས་ཤོག །འཁོར་བ་མྱ་ངན་འདས་པ་ཐམས་ཅད་ཀྱི། །བཀྲ་ཤིས་གོ་འཕང་ཇི་སྙེད་ཡོད་པ་རྣམས། །ཕུན་སུམ་ཚོགས་པ་ཆུ་བོའི་གཞུང་བཞིན་དུ། །སྐྱེ་འགྲོ་ཡོངས་ལ་རྟག་ཏུ་བཀྲ་ཤིས་ཤོག །བསོད་ནམས་དར་རྒྱས་རི་རྒྱལ་ལྷུན་པོ་བཞིན། །སྙན་གྲགས་ཆེན་པོ་ནམ་མཁའ་བཞིན་དུ་ཁྱབ། །ཚེ་རིང་ནད་མེད་གཞན་དོན་ལྷུན་གྱིས་གྲུབ། །ཡོན་ཏན་རྒྱ་མཚོ་མཆོག་གི་བཀྲ་ཤིས་ཤོག །ཅེས་བཀྲ་ཤིས་བཀའ་རྒྱ་མ་བརྗོད།
ཡང་འདི་དག་ལ་ལག་ལེན་མི་འདྲ་བའི་ཁྱད་པར་ནི། བླ་མའི་གནས་གསུམ་གྱི་ཡིག་འབྲུ་གསུམ་ལས་མགོན་པོ་དཀར་དམར་མཐིང་གསུམ་སྤྲོ་བ་དང་། བཞི་པ་ལ་སྐུའི་སྟོད་སྨད་ཐམས་ཅད་ནས་དཔའ་བོ་མཁའ་འགྲོའི་ཚོགས་སྤྲོ་བ་ཡང་ལུགས་གཅིག་ཡིན། ཡང་ཡི་གེ་འབྲུ་གསུམ་སྤྲོ་བས་དབང་གསུམ་བྱེད་པའང་ཡོད་ཅིང་། སྐུ་སྤྲོ་བའི་དབང་བཞི། གསུང་ཡིག་འབྲུའི་དབང་བཞི། ཐུགས་འོད་ཟེར་གྱི་དབང་བཞི། ཡོན་ཏན་གཏོར་མའི་དབང་བཞི། ཕྲིན་ལས་ཕྱག་མཚན་གྱི་དབང་བཞི།
ཞེས་ཏིང་ངེ་འཛིན་གྱི་དབང་ཉི་ཤུ་བསྐུར་བ་ནི། ཞང་སྒོམ་ཆེན་པོའི་ཐུན་མོང་མ་ཡིན་པའི་ལུགས་ཡིན་ལ། ཚུལ་དེ་བཞིན་མ་ཤེས་པར་གཏོར་དབང་དཀྱུས་འགྲོ་ཞིག་གི་གཞུག་ཏུ་ཕྱག་མཚན་དྲུག་གི་རྗེས་གནང་ཙམ་བྱེད་པ་ནི་སྙིང་པོ་མེད་དོ། །མགོན་པོ་སྟོད་ལུགས་ལྷ་དགུ་མ་ལ། གནས་རྙིང་པ་ཕྱི་མ་འགས་གསར་རྙིང་གི་ཆོ་ག་ཅི་རིགས་ལ་བརྟེན་ནས་དབང་ཆོག་རྒྱས་པ་སྦྱར་བ་ནི་རང་བཟོར་བྱས་ལ། དེའི་ཡིག་རྙིང་ཁུངས་མ་རྣམས་ཕལ་ཆེར་འདི་ཉིད་དང་མཐུན་པས། ཏིང་ངེ་འཛིན་གྱི་དབང་གི་ཆོ་ག་འདི་ཁོ་ནས་བྱའོ།
།རྗེས་ཆོག་གི་སྐབས་བྲིས་འབུར་སོགས་རྟེན་ཡེ་མེད་ན། གཏོར་མའི་ལྷ་དམ་ཡེ་མ་ཕྱེ་བར་ནམ་མཁར་སྤར་ལ། གཏོར་མ་བྱིན་གྱིས་བརླབས་ཏེ་ཕུལ་ནས། ཡེ་ཤེས་པ་གཤེགས། དམ་ཚིག་པ་བསྡུ་བ་ཡིན་ནོ།
།བསྟན་སྲུང་ཀུན་ལས་ཆེས་ལྷག་པའི། །ཕྱག་དྲུག་མགོན་པོའི་བྱིན་རླབས་ཀྱི། །ལག་ལེན་རབ་ཏུ་དགའ་བའི་ཏོག །སྙིང་པོ་ཙམ་ཞིག་གསལ་བར་བཀོད།
།ཡེ་ཤེས་མགོན་པོ་ཕྱག་དྲུག་པ་བར་ཆད་ཀུན་སེལ་གྱི་བྱིན་རླབས་ཀྱི་ལག་ལེན་གསལ་བར་བཤད་པའི་ལེ་ཚན་ནོ།། །།མངྒ་ལཾ།།
༈ །ཨོཾ་སྭ་སྟི།
བཤད་མ་ཐག་པའི་བྱིན་རླབས་ཟབ་མོ་དེ་ནི་བརྒྱུད་འཛིན་ཐུན་མོང་མིན་པ་ལས་གཞན་དུ་བྱ་བ་མ་ཡིན་ལ། ཐུན་མོང་བ་ལ་མི་ཟབ་པའི་ལུགས་ཀྱི་གཏོར་དབང་དཀྱུས་མཐུན་ཙམ་བྱེད་ན། བཤམ་སྔར་དང་འདྲ། གཏོར་མ་ལྷར་བསྐྱེད་ཚུལ་ལ་གཏོར་མའི་སྟེང་དུ་མགོན་པོ་བསྐྱེད་པ་དང་། གཏོར་མ་ཉིད་བསྐྱེད་པ་གཉིས་ཡོད་པ། གཏོར་དབང་གི་ཚེ་ཟབ་མི་ཟབ་ཁྱད་པར་ཆེན་པོ་ཡོད་པ་འདོར་ལེན་གལ་ཆེ་བས་སྐབས་འདིར་སྟེང་དུ་བསྐྱེད། རྗེས་གནང་སྔོན་འགྲོའི་སྐབས་ཐུན་མོང་མ་ཡིན་པའི་གསོལ་གདབ་མི་བྱེད། དངོས་གཞིའི་སྐབས་མདུན་བསྐྱེད་ལ་ཡེ་ཤེས་པ་སྤྱན་འདྲེན་པ་ཙམ་ལས། སློབ་མ་ལ་མགོན་པོ་བསྐྱེད་བསྟིམ་མི་བྱེད། དབང་བཞི་པའི་སྐབས་སློབ་དཔོན་གྱི་གནས་གསུམ་ནས། ཡིག་འབྲུ་གཉིས་པ་ཆད་དེ་བསྟིམ། སློབ་མའི་ཡིག་འབྲུ་གསུམ་འོད་གསལ་དུ་བསྡུ་བ་མི་བྱེད། གཏོར་མའི་བཀའ་བསྒོ་ཚེ། ལུས་དང་གྲིབ་མ་བཞིན་དུ་འགྲོགས། །ཞེས་པ་དང་། ཇི་ལྟར་བཅོལ་བའི་ལས་སོགས་མི་སྦྱར། གོང་གི་དམིགས་པའི་ཚེ། རིགས་ཀྱི་བུ་ཁྱོད་ཀྱི་སོགས་ཞལ་བཞེས་དམིགས་པ་མི་སྦྱར། སྔགས་ཀྱི་བཟླས་ལུང་མི་བྱེད་པའམ། བྱེད་ཀྱང་དཀྱུས་མཐུན་ཙམ་བྱེད་པ་ནི། གཏོར་དབང་བར་ཆད་ཀུན་སེལ་བསྡུས་པའམ། ཐུན་མོང་བ་དཀྱུས་མ་ཡིན་ནོ།
།ཁྱད་པར་ཆོས་བརྒྱུད་སེལ་ཡོད་པ་དང་། ཆོས་སྒོར་མ་ཞུགས་པའི་ཁྱིམ་པ་ལ། གཏོར་དབང་ཟབ་མོའི་ལུགས་སུ་བསྐུར་བ་ནི། ཚེ་འདིར་ཡང་བསྐུར་བར་བྱ་བའི་ཡུལ་ལ་མི་ཕན་ཞིང་། རང་ལ་བཀའ་ཆད་རིན་གྱིས་ཉོ་བ་ཡིན་པས། རྙེད་བཀུར་ལ་སོགས་པའི་དོན་དུ་གཏོར་དབང་ཙམ་བྱེད་ནའང་། མི་ཟབ་པའི་ལུགས་འདི་ཉིད་ལ་ཚིག་ཚོགས་ཀྱི་སྤྲོས་པ་དང་བཅས་པ་བྱས་ན་འཁུ་ལྡོག་ཆུང་བ་ཡིན། སྤྱིར་གསང་སྒྲོག་གི་ཉེས་པ་ལ་ནི་ཁྱད་ཆེར་མེད་དོ།
།གཙོ་རྐྱང་འཇམ་ཞིང་འཁོར་ཅན་བཀའ་གཉན་པ་ཡིན་པས། གཙོ་རྐྱང་ལ་བརྟེན་ནས་གཏོར་དབང་བྱེད་ནའང་དེའི་འདོར་ལེན་ཤེས་པར་བྱའོ།
།འདི་ལ་རྗེ་བཙུན་རིན་པོ་ཆེས་རྗེས་གནང་ཟབ་པ་དང་མི་ཟབ་པའི་ལུགས་ཞེས་པ་ཙམ་ལས་རྣམ་གྲངས་སོ་སོར་འགྲང་བར་མ་མཛད་ཀྱང་། མཁས་གྲུབ་རྗེས་སྔ་མ་ལ་རྗེས་གནང་བར་ཆད་ཀུན་སེལ་དང་། ཕྱི་མ་ལ་གཏོར་དབང་བར་ཆད་ཀུན་སེལ་ཞེས་ཐ་སྙད་དང་རྣམ་གྲངས་སོ་སོར་མཛད་པ། སྔ་མ་ཐོབ་པ་ལ་ཕྱི་མ་ཟུར་དུ་བསྐུར་མི་དགོས་ཀྱང་བསྐུར་ཡུལ་གྱི་དབྱེ་བ་ཕྱེད་པ་ལ་ཟུར་དུ་བགྲང་ན་གོ་བདེ་བར་སྣང་བ་དང་། བཀའ་ཆེན་བཅུ་གསུམ་དུ་འདྲེན་པའི་སྐབས་རྣམ་གྲངས་སུ་བགྲང་བར་སྣང་བས་ཟུར་དུ་བཀོལ་བའོ།། །།མངྒ་ལཾ།།
Initiation of the White Protector
༼༄༅། །མགོན་དཀར་ཡིད་བཞིན་ནོར་བུའི་སྒྲུབ་ཐབས་དང་རྗེས་གནང་།།༽
།ཨོཾ་སྭ་སྟི།
བླ་མ་མགོན་པོ་དབྱེར་མེད་ནི། །དབང་གི་རྒྱལ་པོ་ཞེས་གྲགས་པ། །མཁའ་འགྲོའི་ཚོགས་བཅས་ལ་བཏུད་དེ། །ཡིད་བཞིན་ནོར་བུའི་སྒྲུབ་ཐབས་བྲི།
།མགོན་བཀའ་གཉིས་པ་མགོན་དཀར་ཡིད་བཞིན་ནོར་བུའི་སྒྲུབ་ཐབས་དང་། རྗེས་གནང་བྱེད་ཚུལ་ཡང་སྙིང་དུ་དྲིལ་བ་ནི།
མདུན་དུ་སྟེགས་བུའི་སྟེང་དུ། རྡུལ་ཚོན་གྱིས་མཎྜལ་ཟླུམ་པོ་མུ་ཁྱུད་དཀར་པོ། དབུས་སུ་ཆོས་འབྱུང་དཀར་པོ། རེ་ཁཱ་དམར། གྲུ་བཅད་ལྗང་གུུ །ཆོས་འབྱུང་གི་དབུས་སུ་ཉི་གདན་ལ་ཚོམ་བུ་དཀར་པོ་ཞིག་བཀོད། དེའི་སྟེང་དུ་མཉྫི་ལ་རྟེན་གྱི་གཏོར་མ་རྒྱན་ཐམས་ཅད་ཀྱིས་བརྒྱན་པ་ཞིག་བཀོད་དེ། དབྱིབས་གྲུ་གསུམ་དུ་བྱེད་པའམ། ནོར་བུའི་དབྱིབས་སུ་བྱེད་ན། ཟན་ཟླུམ་པོའི་སྟེང་དུ། ཟན་རིལ་གསུམ་འཛོམ། དེའི་སྟེང་དུ་ཛཾ་བཤོས་འདྲ་བ་ཞིག་བཀོད་པས། ཕྱོགས་གང་ནས་བལྟས་ཀྱང་ནོར་བུ་མིག་གསུམ་འདྲ་བ་ཞིག་ཡོང་བས་དེ་ལྟར་བྱས་ཀྱང་རུང་། གང་ལྟར་ནའང་རྒྱུ་ཕྱེ་མར་ལ་རིན་པོ་ཆེ་བརྡར་བ་སོགས་ལས་བྱས། མཎྜལ་གྱི་མདུན་དུ་འབུལ་གཏོར་ཟླུམ་པོ་ཟས་བཟང་དགུས་བརྒྱན་པ་དང་། མཆོད་པ་རྣམས་སྤྱི་དང་མཐུན་པར་བཤམས། རྟེན་གཏོར་ལ་ཙཀླི་ཡོད་ན་འཛུགས་ཤིང་མེད་ཀྱང་ཆོག
།དེ་ནས་མཆོད་པ་བྱིན་རླབས་སྤྱི་དང་མཐུན་པར་བྱས་ལ། དངོས་གཞི་ཉམས་ལེན་ནི། བདག་བསྐྱེད་ཡི་དམ་ལ་བྱ་བའི་ལུགས་ཀྱང་ཡོད་མོད་ཀྱི་འདི་ལ་བདག་མདུན་དབྱེར་མེད་གཙོ་ཆེ་ཞིང་། ཕྱག་ལེན་ཡང་བདག་མདུན་དབྱེར་མེད་ལ་མཛད་དེ། དེ་ལྟར་ན་སྐྱབས་འགྲོ་སེམས་བསྐྱེད་ཚད་མེད་བཞི་སྔོན་དུ་འགྲོ་བའི་སྒོ་ནས།
ཤཱུ་ནྱ་ཏས་སྟོང་པར་སྦྱངས། སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་དབུས་སུ། པྃ་ལས་པདྨ་དང་། རྃ་ལས་ཉི་མའི་སྟེང་དུ། གཾ་ལས་ཚོགས་བདག་དཀར་པོ་གླང་པོ་ཆེའི་གདོང་པ་ཅན། ལ་ཕུག་དང་ནེའུ་ལེ་འཛིན་པ་ཁ་བུབ་ཏུ་བསྒྱེལ་བའི་སྟེང་དུ། རང་སེམས་ཆོས་ཉིད་ཀྱི་ཐིག་ལེ་དཀར་དམར་རྒྱ་སྲན་ཙམ། དེའི་དབུས་སུ་ཧཱུྃ་དངུལ་ཆུའི་མདོག་ལྟ་བུ། དེ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་དབུལ་བའི་སྡུག་བསྔལ་བསལ། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། རང་དང་མདུན་བསྐྱེད་དབྱེར་མ་མཆིས་པ། མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་གྱི་ནོར་བུ་དབང་གི་རྒྱལ་པོའི་སྐུར་གྱུར་པ་ནི། སྐུ་མདོག་དཀར་ཞིང་བརྗིད་པ། ཞལ་ཁྲོ་འཛུམ་གྱི་རྣམ་པ་ཅན་རབ་ཏུ་བཞད་པ། སྤྱན་གསུམ་དང་ལྡན་ཞིང་། སྨ་ར་སྨིན་མ། དབུ་སྐྲ་ཁམ་སེར་བརྫེས་པ། དཔྲལ་བར་སིནྡཱུ་རའི་ཐིག་ལེས་བྱུགས་པ། སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ། ཕྱག་གཡས་ཀྱི་དང་པོས་གྲི་གུག་ནམ་མཁའ་ལ་ཕྱར་བ། བར་པས་ནོར་བུ་དབང་གི་རྒྱལ་པོ་ཐུགས་ཀར་གཏོད་པ། ཐ་མས་སེང་ལྡེང་གི་ཌཱ་མ་རུ་འཁྲོལ་བ། གཡོན་གྱི་དང་པོས་བུམ་པ་ནོར་བུས་གང་བ་ཀ་པཱ་ལ་བདུད་རྩིས་གང་བའི་ནང་དུ་བཅུག་སྟེ་བརླ་གཡོན་པ་ལ་བརྟེན་པ། གཉིས་པ་ན་རྩེ་གསུམ། ཐ་མ་ན་ཞགས་པ་འཛིན་པ། ཞབས་འགྲོ་འཆམ་གྱི་སྟབས་ཀྱིས་པད་ཉི་ཚོགས་བདག་གི་གདན་ལ་བཞུགས་པ། དར་སྣ་ཚོགས་ཀྱི་ལྷབ་ལྷུབ་དང་། སྟག་ལྤགས་ཀྱི་ཤམ་ཐབས་ཅན། གླང་པོ་ཆེའི་པགས་པའི་སྟོད་གཡོགས་གསོལ་བ། ཐོད་སྐམ་ལྔའི་དབུ་རྒྱན་དང་། རློན་པ་ལྔ་བཅུའི་དོ་ཤལ་ཅན། རིན་པོ་ཆེའི་རྒྱན་དང་སིལ་ཁྲོལ་དང་། ཆུན་འཕྱང་སྣ་ཚོགས་པས་མཛེས་པ། འཁོར་དབང་སྡུད་ཀྱི་མཁའ་འགྲོ་མ་བྱེ་བ་འབུམ་སྡེའི་ཚོགས་ཀྱིས་བསྐོར་ཏེ་མེ་དཔུང་འབར་བའི་དབུས་ན་བཞུགས་པའོ།
།དེ་ནས་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་དབང་སྡུད་ཀྱི་མཁའ་འགྲོ་མ་དམར་མོ་ལྕགས་ཀྱུ་དང་ཐོད་ཁྲག་འཛིན་པ། དེའི་ཐུགས་ཀར་ཆོས་ཉིད་ཀྱི་ཐིག་ལེ། དེའི་དབུས་སུ་ཧཱུྃ་དཀར་པོའོ།
།རང་གི་སྙིང་ག་ནས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས་མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་མཁའ་འགྲོའི་ཚོགས་དང་བཅས་པ་ཐམས་ཅད་བཛྲ་ས་མཱ་ཛཿ པདྨ་ཀ་མ་ལ་ཡེ་སྟྭཾ། ཛཿཧཱུྃ་བྃ་ཧོཿ
ཨརྒྷཾ་ནས། ཤབྡའི་བར་གྱིས་མཆོད།
མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །འགྲོ་བའི་དབུལ་ཕོངས་མ་ལུས་ཞི་མཛད་པ། །འདོད་དགུའི་དངོས་གྲུབ་སྩོལ་ལ་ཕྱག་འཚལ་བསྟོད།
སྙིང་གའི་ཐིག་ལེའི་མཐའ་སྐོར་དུ་སྔགས་ཀྱིས་བསྐོར་བར་བསམས་ལ། གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ ཅེས་ཅི་ནུས་སུ་བཟླ། གཏོར་མ་བསང་སྦྱངས་ནག་པོའི་མངོན་རྟོགས་སུ་བཤད་པ་ལྟར་བྱིན་གྱིས་བརླབས་ལ།
ཡེ་ཤེས་སེམས་དཔའི་ལྷ་ཚོགས་རྣམས་ཀྱི་ལྗགས་རྡོ་རྗེའི་སྦུ་གུས་གཏོར་མ་དྲངས་ནས་གསོལ་བར་གྱུར། སྙིང་པོའི་མཐར། ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་བཏགས་པ་ལན་བདུན་གྱིས་འབུལ་ཞིང་། ཤཱ་ས་ན་ལན་གསུམ་གྱིས་དམ་ཅན་སྤྱི་ལ་འབུལ་བ་ཕྱག་ལེན་ལ་མཛད། དེ་ནས་གོང་བཞིན་མཆོད་བསྟོད། མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་འདོད་དོན་ལ་གསོལ་བ་བཏབ། རང་གི་སྒྲུབ་པ་ཉམས་ལེན་ཙམ་ཡིན་ན། སྐབས་འདིར་རྗེས་ཆོག་བྱ། སློབ་མ་རྗེས་བཟུང་ནི། རྗེས་ཆོག་གི་སྔོན་དུ་བྱ་བ་ཡིན་ཏེ། སློབ་མ་རྣམས་ལ་ཆབ་བཏང་། མེ་ཏོག་བཀྱེ་བསྡུ་བྱ། སེམས་བསྐྱེད་གསལ་བཏབ། རྒྱས་པར་སྤྲོ་ན་ཆོས་བཤད་མགོན་པོས་ཐུགས་བསྐྱེད་པའི་ལོ་རྒྱུས་སོགས་རྒྱས་པར་བཤད། བསྡུ་ན།
ནམ་མཁའ་དང་མཉམ་པའི་མ་གྱུར་སྐྱེ་དགུ་མཐའ་དག་གི་ཆེད་དུ་བླ་མ་མགོན་པོ་དབྱེར་མེད་ཀྱི་གོ་འཕང་ཐོབ་པར་བྱ། དེའི་ཆེད་དུ་བཅོམ་ལྡན་འདས་མགོན་དཀར་ཡིད་བཞིན་ནོར་བུའི་བཀའ་ཟབ་མོ་ཞུས་ལ་དོན་ཉམས་སུ་བླང་བར་བགྱིའོ་སྙམ་པའི་ཐུགས་བསྐྱེད་གསལ་བཏབ་ནས་གསན་པར་ཞུ།
དེ་ལ་གསན་བྱའི་གདམས་ངག །གངས་ཅན་གྱི་ལྗོངས་སུ་གྲགས་ཆེ་བའི་སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་རིང་ལུགས་ལས་ཆེས་ཟབ་ཅིང་ངོ་མཚར་དུ་གྱུར་པ་དཔལ་ལྡན་ཤངས་པ་བཀའ་བརྒྱུད་ལ་ཁྱད་པར་ཅན་གྱི་ཆོས་སྐྱོང་གཅིག་ཆོག་ཁོ་ནར་བཞུགས་པ་ནི་མྱུར་མཛད་ཡེ་ཤེས་ཀྱི་མགོན་པོ་ཉིད་ཡིན་ཏེ། དེའང་འཕགས་མཆོག་སྤྱན་རས་གཟིགས་དབང་ཕྱུག་ཉིད་ཐུགས་བསྐྱེད་དང་ཐུགས་དམ་ཁྱད་པར་ཅན་གྱི་དབང་གིས་དྲག་པོར་ཁྲོས་པའི་སྐུར་བཞེངས་ཤིང་། བསྟན་སྲུང་ཀུན་གྱི་དབང་ཕྱུག་ཏུ་ཕྱོགས་བཅུའི་རྒྱལ་བ་རྣམས་ཀྱིས་དབང་བསྐུར་ཞིང་མངའ་གསོལ། གྲུབ་ཆེན་ཤ་བ་རི། མཻ་ཏྲཱི་པ། རཱ་ཧུ་ལ་གུཔྟ། གྲུབ་ཐོབ་ཆེན་པོ་ཁྱུང་པོ་རྣལ་འབྱོར་སོགས་དཔལ་ལྡན་ཤངས་པ་བཀའ་བརྒྱུད་ཀྱི་སྐྱེས་ཆེན་དམ་པ་རིམ་པར་བྱོན་པ་རྣམས་ཀྱིས་ཞལ་གཟིགས་ཤིང་གྲུབ་པར་མཛད།
དེ་ལྟ་བུའི་དཔལ་ཡེ་ཤེས་ཀྱི་མགོན་པོ་ལ་སྒྲུབ་སྐོར་རིམ་པ་མང་པོར་བཞུགས་ནའང་། རྩ་བར་གྱུར་པ། དྲག་པོ་མཐུ་སྒྲུབ་དང་། ཞི་བ་ནོར་སྒྲུབ་གཉིས་སུ་འདུ། དང་པོ་ལའང་གཙོ་རྐྱང་ལྕམ་དྲལ། ལྷ་གསུམ། དྲེགས་པ་སྡེ་ལྔས་བསྐོར་བ་སོགས་དང་། གཞན་ཡང་གཙོ་འཁོར་གྱི་དྲག་སྒྲུབ་མང་པོར་བཤད་པ་དང་། ཞི་བ་ནོར་སྒྲུབ་ལ། མགོན་དཀར། མགོན་སེར། མགོན་དམར། མགོན་ལྗང་ཚེ་བདག་ལ་སོགས་པ་ནང་གསེས་དང་བཅས་པ་བཞུགས་པ་ལས། དྲག་སྒྲུབ་ཀྱི་སྐོར་ནི་གཙོ་བོར་མངའ་བདག་མཻ་ཏྲཱི་པ་ཆེན་པོ་ལས་མཁས་གྲུབ་ཁྱུང་པོ་རྣལ་འབྱོར་གྱིས་གསན་པར་སྣང་ཞིང་། ཞི་སྒྲུབ་ཀྱི་སྐོར་ནི་གཙོ་བོར་གྲུབ་ཆེན་རཱ་ཧུ་ལ་གུཔྟ་བཛྲའི་ཞལ་སྔ་ནས་གསན་པར་སྣང་སྟེ། དེའང་མཁས་གྲུབ་ཁྱུང་པོ་ཉིད་འཕན་ཡུལ་ཀྱོག་པོར་ཆིག་རིར་མཛད་པའི་སྐབས་ཤིག་ལན་པའི་སྐྱིལ་པོ་དགོན་པར་སྐུ་མཚམས་མཛད་པའི་ཚེ། འཇའ་ལུས་རྡོ་རྗེའི་སྐུ་བརྙེས་པའི་གྲུབ་ཆེན་རཱ་ཧུ་ལ་ཆེན་པོ་དེ་ཉིད་ཆེད་དུ་ཕེབས་ནས་རྫུ་འཕྲུལ་བཀོད་པ་ངོ་མཚར་བ་བསྟན། རྒྱུད་དང་གདམས་ངག་སྤྱི་དང་ཁྱད་པར་དུ་གྱུར་པའི་སྨིན་གྲོལ་མཐའ་ཡས་པ་རྣམས་དང་། ཁྱད་པར་མྱུར་མཛད་ཡེ་ཤེས་མགོན་པོའི་ཆོས་སྐོར་སྔར་གྲགས་པ་དང་མ་གྲགས་པ་མང་དུ་གནང་བའི་ཞི་བ་ནོར་སྒྲུབ་ཀྱི་སྐོར་ལས། མགོན་པོ་ཡིད་བཞིན་ནོར་བུ་འདི་ནི་མཁའ་འགྲོ་མ་ཐམས་ཅད་ཀྱི་སྙིང་ནས་སྐུལ་བའི་མན་ངག གསོལ་བ་བཏབ་པ་ཙམ་གྱིས་མཆོག་དང་ཐུན་མོང་གཉིས་ཀ་འབྱུང་བ། དབང་བསྐུར་ཐོབ་པ་ཙམ་གྱིས་ཀྱང་དངོས་གྲུབ་སྣ་རེ་ཐོབ་པ། ཡིག་ཆ་འཆང་བ་ཙམ་གྱིས་ལོངས་སྤྱོད་རང་བཞིན་གྱིས་འདུ་བའི་སྒྲུབ་ཐབས་ཁྱད་པར་དུ་འཕགས་པ་འདི་ཉིད་ཀྱི་རྗེས་གནང་བྱིན་རླབས་ཀྱི་རིམ་པ་བསྒྲུབ་པར་བགྱི་བ་ལ་སློབ་དཔོན་གྱི་བྱ་བ་རྣམས་སྔོན་དུ་གྲུབ་ཟིན་པ་ལགས་པས་ཁྱེད་རང་རྣམས་ཀྱི་ངོ་སྐལ་དུ་གྱུར་པ་མཎྜལ་འབུལ་བར་ཞུ། ཅེས་མཚམས་སྦྱར་ནས་མཎྜལ་འབུལ་དུ་གཞུག་ཅིང་།
གསོལ་བ་འདེབས་པ་འདིའི་རྗེས་ཟློས་མཛོད། བྱས་ལ། རྡོ་རྗེ་འཛིན་པ་དགོངས་སུ་གསོལ། །ཅེས་སོགས་ལན་གསུམ། རྟོག་པ་བསྡུ་བ། ཐུན་མོང་མ་ཡིན་པའི་སྐྱབས་འགྲོ། རྒྱུན་བཤགས་ཡན་ལག་ལྔ་པ། ཐུན་མོང་མ་ཡིན་པའི་གསོལ་གདབ་རྣམས་ཕྱག་ལེན་རྒྱས་པའི་ཚེ་མཛད་ཅིང་། མདོར་བསྡུས་པ་ལ་དགའ་ན། དཀོན་མཆོག་གསུམ་ལ་བདག་སྐྱབས་མཆི། སོགས་རྒྱུན་བཤགས་ལན་གསུམ་རྗེས་ཟློས་བྱེད་དུ་གཞུག
།རྗེས་གནང་དངོས་གཞི་ལ་དམིགས་པ་འདི་བཞིན་དུ་མཛོད། ཅེས་བརྡ་སྤྲད་ལ།
མདུན་གྱི་གཏོར་མ་དང་སློབ་དཔོན་དབྱེར་མ་མཆིས་པ་མགོན་པོ་ཡིད་བཞིན་ནོར་བུར་གསལ་གདབ་དགོས་པ་ཡིན་པས་སྤྱན་དམིགས་འདི་བཞིན་དུ་མཛད་འཚལ། ཨོཾ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ།
སྟོང་པའི་ངང་ཞེས་པ་ནས་བཞུགས་པའོ་བར་གོང་བཞིན། དེ་ལྟ་བུའི་སློབ་དཔོན་དང་མདུན་བསྐྱེད་དབྱེར་མ་མཆིས་པ་ལ་མོས་གུས་དུང་བ་བྱས་པས།
ཨོཾ་ཤཱུ་ནྱ་ནས། ཀོ྅ཧཾ། ཞེས་གསུངས་པའི་རྐྱེན་གྱིས་ཀུན་རྫོབ་རྣམ་ཤེས་ཀྱིས་བསྡུས་པའི་ཆོས་ཐམས་ཅད་མི་དམིགས་ཏེ་སྟོང་པ་ཉིད་དུ་གྱུར།
སྟོང་པའི་ངང་ལས་ཁྱེད་རང་རྣམས་ཀྱི་སེམས་ཉིད་ཐིག་ལེ་ཧཱུྃ་དང་བཅས་པ་ཡོངས་སུ་གྱུར་པ་ལས། དཔལ་ཡེ་ཤེས་ཀྱི་མགོན་པོ་ཡིད་བཞིན་གྱི་ནོར་བུ་དབང་གི་རྒྱལ་པོའི་སྐུར་ཁྲོང་གིས་གྱུར་པར་མོས་མཛོད། ཁྱེད་རང་རྣམས་ཀྱི་དཔྲལ་བར་ཨོཾ། ཞེས་པ་ནས། ཧཱུྃ་དཀར་པོའོ།
།སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས། མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་གྱི་ནོར་བུ་མཁའ་འགྲོའི་ཚོགས་དང་བཅས་པ་ཐམས་ཅད་སྤྱན་དྲངས་ཏེ། སྐད་ཅིག་དེ་ཉིད་ལ་ཌཱ་མ་རུ་དང་དྲིལ་བུ་གཡེར་ཁ་སིལ་སིལ། ཁྲོལ་ཁྲོལ། འུར་འུར། ཆེམ་ཆེམ་བྱོན་ཏེ། ཁྱེད་རང་ལ་གཉིས་སུ་མེད་པར་ཐིམ། ཞེས་བརྗོད་ལ་རོལ་མོ་དྲག་ཏུ་བྱ། སྙིང་པོའི་མཐར་ཨ་ཝེ་ཤ་ཡ་ཨཿ ཞེས་དྲག་ཏུ་བཟླ། རོལ་མོ་དང་སྔགས་བཟླས་ནི་འོག་མ་རྣམས་ལ་ཡང་རིགས་འདྲེ།
དེ་སྐུའི་རྗེས་གནང་བུམ་དབང་གི་དོད་ཡིན་ནོ།
།སློབ་དཔོན་གྱི་ཐུགས་ཀའི་ཆོས་ཉིད་ཀྱི་ཐིག་ལེའི་ནང་ཧཱུྃ་གི་མཐའ་བསྐོར་དུ་སྔགས་ཀྱིས་བསྐོར་བར་མོས། སློབ་དཔོན་ལ་མོས་གུས་དུང་བ་བྱས་པས། ཐུགས་ཀའི་སྔགས་ཕྲེང་ལས་སྔགས་ཕྲེང་གཉིས་པ་ཞིག་ཆད། ཞལ་ནས་འཐོན། ཁྱེད་རང་རྣམས་ཀྱི་ཞལ་དུ་ཞུགས་སྙིང་གའི་ཆོས་ཉིད་ཀྱི་ཐིག་ལེའི་ནང་དུ་སྤར་བཏབ་པ་བཞིན་དུ་འཁོད་པར་མོས་ལ། འདིའི་རྗེས་ཟློས་མཛོད། སྙིང་པོ་ལན་བཅུ་གསུམ་བཟླ་བ་ཕྱག་ལེན་ལ་མཛད་དེ།
གསུང་གི་རྗེས་གནང་གསང་དབང་ཡིན་ནོ།
།ཡང་སློབ་དཔོན་ལ་མོས་གུས་དུང་བ་བྱས་པས། ཐུགས་ཀ་ནས་འོད་ཟེར་འཕྲོས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྗེའི་བྱིན་རླབས་མ་ལུས་པ་ཚུར་བསྡུས་ཏེ་ཐུགས་ཀར་ཐིམ། བླ་མ་མགོན་པོ་དབྱེར་མེད་ཀྱི་ཐུགས་ཀའི་ཧཱུྃ་ལས། གྲི་གུག ཐོད་པ། བུམ་པ། ནོར་བུ། ལྕགས་ཀྱུ་ལ་སོགས་པའི་ཕྱག་མཚན་དཔག་ཏུ་མེད་པ་བྱུང་། ཐམས་ཅད་འོད་དུ་ཞུ་ནས་ཁྱེད་རང་རྣམས་ཀྱི་སྙིང་གར་ཐིམ། རོལ་མོ།
དེ་ཐུགས་ཀྱི་རྗེས་གནང་ཤེས་རབ་ཡེ་ཤེས་ཀྱི་དོད་ཡིན།
ཡང་སློབ་དཔོན་ལ་མོས་གུས་དུང་བ་བྱས་པས། སློབ་དཔོན་གྱི་ཐུགས་ཀའི་ཧཱུྃ་ལས། མཁའ་འགྲོ་སྡེ་ལྔ་སྐུ་མདོག་དམར་མོ་ཌཱ་མ་རུ་དང་ཐོད་པ་ཐོགས་པ་དཔག་ཏུ་མེད་པ་སྤྲོས། ཤངས་ཀྱི་བུ་ག་གཡོན་པ་ནས་འཐོན། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་གང་། འཁོར་འདས་སྣོད་བཅུད་ཐམས་ཅད་ཀྱི་བཀྲག་མདངས་བཅུད། དྭངས་མ། ཚེ་སྲོག །ལོངས་སྤྱོད། དབང་ཐང་ཐམས་ཅད་བདུད་རྩིའི་རྣམ་པར་ཚུར་འདུས། ཁྱེད་རང་རྣམས་ཀྱི་སྣ་བུག་གཡོན་པ་ནས་ཞུགས། སྲོག་རྩའི་ལམ་ནས་བརྒྱུད་དེ། སྙིང་ཁའི་ཆོས་ཉིད་ཀྱི་ཐིག་ལེ་ལ་གཉིས་སུ་མེད་པར་ཐིམ། རོལ་མོ།
དེ་ཡོན་ཏན་གྱི་རྗེས་གནང་དབང་བཞི་པའི་དོད་ཡིན་ནོ།
།ཡང་སློབ་དཔོན་ལ་མོས་གུས་དུང་བ་བྱས་པས། བླ་མ་མགོན་པོ་དབྱེར་མེད་ཀྱི་ཞབས་འོག་གི་ཚོགས་བདག་བསྐུལ་བས་ཚོགས་བདག་ལས་རང་དང་འདྲ་བའི་ཚོགས་དཔག་ཏུ་མེད་པ་སྤྲུལ། འབྱུང་པོ་མི་དང་མི་མ་ཡིན་དྲེགས་ལྡན་ཆེ་དགུ་ཐམས་ཅད་དབང་དུ་བསྡུས། ཁྱེད་རང་རྣམས་ཀྱི་བྲན་དུ་ཕུལ་བའི་མོས་པ་མཛོད། ཁྱེད་རང་རྣམས་ཀྱི་རྐང་འོག་གི་ཚོགས་ཀྱི་བདག་པོའི་ཁ་དང་བཤང་ལམ་བ་སྤུའི་བུ་ག་ཐམས་ཅད་ནས། ཡིད་བཞིན་གྱི་ནོར་བུའི་ཆར་ཆེན་པོ་བབས་པས། རང་གི་བང་མཛོད་གནས་ཁང་ཡུལ་ཕྱོགས་ཐམས་ཅད་ཟས་ནོར་ལོངས་སྤྱོད། འདོད་དགུ་སྣ་ཚོགས་པས་ཕྱུར་བུར་གང་བར་གྱུར། རོལ་མོ།
དེ་ཕྲིན་ལས་ཀྱི་རྗེས་གནང་དབང་གི་མཐའ་བརྟེན་གྱི་དོད་ཡིན་ནོ།
།ཕྲིན་ལས་གཏོར་མའི་བཀའ་བསྒོ་བ་ནི། མོས་པ་འདི་བཞིན་དུ་མཛོད།
གཏོར་མ་འདི་ཉིད་བླ་མ་མགོན་པོ་དབྱེར་མེད། མགོན་དཀར་ཡིད་བཞིན་གྱི་ནོར་བུ་མཁའ་འགྲོ་མའི་ཚོགས་དང་བཅས་པ་གསལ་བཏབ། དེ་རྣམས་ལ་མོས་གུས་དུང་བ་བྱས་པས། འུར་འུར། ཆེམ་ཆེམ་རང་གི་སྤྱི་བོར་བྱོན། རང་གི་ཡིད་ལ་ཇི་ལྟར་འདོད་པའི་དོན་ཐམས་ཅད་བསྒྲུབ་པར་བྱའོ། །ཞེས་གསུང་ལྷང་ལྷང་བྱོན་པར་བསམ་ཞིང་། བྱིན་གྱིས་རློབ་རློབ་ལྟར་བཞུགས་པར་གྱུར། རོལ་མོའི་སྒྲ་དང་བཅས་ཏེ།
དཔལ་མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་དབང་གི་རྒྱལ་པོ་འཁོར་མཁའ་འགྲོ་མ་བྱེ་བ་འབུམ་སྡེའི་ཚོགས་དང་བཅས་པ་རྣམས་ཀྱིས། ཁྱབ་བདག་རྡོ་རྗེ་འཆང་ཆེན། འཕགས་མཆོག་སྤྱན་རས་གཟིགས་དབང་། གྲུབ་ཆེན་རཱ་ཧུ་ལ་གུཔྟ། མཁས་གྲུབ་ཁྱུང་པོ་རྣལ་འབྱོར་ནས་རྩ་བའི་བླ་མ་རྡོ་རྗེ་འཆང་པདྨ་ཉིན་བྱེད་དབང་པོའི་བར་དུ་བྱོན་པའི་བཀའ་བརྒྱུད་གྲུབ་པའི་དབང་ཕྱུག་རྣམས་ཀྱི་བཀའ་དང་ཐ་ཚིག་གི་རིམ་པ་བསྙེལ་བར་མ་མཛད་པར། དམ་ཚིག་དང་ལྡན་པའི་རྡོ་རྗེ་སློབ་མ་འདི་ལ་ལུས་དང་གྲིབ་མ་བཞིན་དུ་འགྲོགས་ལ། དུས་ད་ནས་བཟུང་སྟེ་བྱང་ཆུབ་མ་ཐོབ་ཀྱི་བར་དུ་མཆོག་ཐུན་མོང་གི་དངོས་གྲུབ་རྩོལ་བ་མེད་པར་ཡིད་བཞིན་དུ་འགྲུབ་པ་སོགས་ཅི་ལྟར་བཅོལ་བའི་ཕྲིན་ལས་མ་ལུས་པ་ཐོགས་མེད་དུ་བསྒྲུབ་པར་མཛད་དུ་གསོལ། ཅེས་བཀའ་བསྒོ་དྲག་ཏུ་བྱ།
མཐར་བླ་མ་མགོན་པོ་དབྱེར་མེད་འོད་དུ་ཞུ་ནས། ཁྱེད་རང་རྣམས་ལ་ཐིམ་པར་མོས་པ་མཛོད།
།དེ་དག་གི་གནས་སྐབས་སུ་ཐོབ་པའི་དམ་ཚིག་དང་། ཞེས་པ་ནས། སྤྱད་དུ་གསོལ་ཞེས་པའི་བར་ནག་པོའི་རྗེས་གནང་གི་སྐབས་དང་འདྲ། རྗེས་ཀྱི་ཆོ་ག་རྣམས་ཀྱང་མགོན་པོ་ནག་པོ་དང་འདྲ་ཞིང་། འདི་ཉིད་ཀྱི་རྗེས་ཆོག་གི་སྐབས་གཏོར་མའི་ཡེ་ཤེས་པ་ནམ་མཁར་བཏེགས་ནས། གཏོར་མ་དེ་ཉིད་དབུལ་བའི་ལག་ལེན་ཡང་འདུག་མོད་ཀྱི་མགོན་དཀར་གྱི་ཕྱག་ལེན་དཀྱུས་ལ་མི་མཛད་པར་སྣང་ངོ་།
།ནོར་སྒྲུབ་ཀུན་ལས་ཆེས་ལྷག་པ། །དགའ་བར་བསྔགས་པའི་གཡེར་པོ་ཆེ། །མཁའ་འགྲོའི་སྙིང་ནས་བསྐུལ་བའི་ཐབས། །གསལ་པོར་བརྗོད་འདི་ཨེ་མ་མཚར། །མགོན་དཀར་ཡིད་བཞིན་གྱི་ནོར་བུའི་སྒྲུབ་ཐབས་ཀྱི་ལེ་ཚན་ནོ།། །།མངྒ་ལཾ།།
Initiation of the Gold Protector
༼༄༅། །མགོན་སེར་ཞལ་གསུམ་ཕྱག་དྲུག་པའི་སྒྲུབ་ཐབས་དང་རྗེས་གནང་།།༽
ན་མོ་གུ་རུ། རྒྱལ་བ་ཀུན་གྱི་བླ་མ་ནི། །རྒྱལ་སྲས་གཞོན་ནུའི་ཚུལ་འཛིན་པ། །འཇིག་རྟེན་མགོན་ལ་རབ་བཏུད་ནས། །མགོན་སེར་སྒྲུབ་ཐབས་བཤད་པར་བྱ།
མགོན་བཀའ་གསུམ་པ་མགོན་སེར་ཞལ་གསུམ་ཕྱག་དྲུག་པའི་སྒྲུབ་ཐབས་དང་རྗེས་གནང་ལག་ཏུ་བླང་བའི་རིམ་པ་ནི།
གཏོར་མ་གྲུ་གསུམ་སེར་པོའམ། ནོར་བུ་འབར་བའི་གཟུགས་ཅན་ཞིག་བྱ། ཆོས་འབྱུང་སེར་པོ་གྲུ་གསུམ་གྱི་སྟེང་དུ་མཉྫི་ལ་འགོད་པ་སོགས་བཤམ་གཞན་དང་འདྲ། མཆོད་པ་བྱིན་རླབས་དང་། སྐྱབས་སེམས་ཚད་མེད་བཞི་རྣམས་སྤྱི་དང་འདྲ། ཤཱུ་ནྱ་ཏ་ས་སྟོང་པར་སྦྱང་།
སྟོང་པའི་ངང་ལས་ཧཱུྃ་ཡིག་ལས་བྱུང་བའི་སྲུང་འཁོར་གྱི་དབུས་སུ་པད་ཉི་ལ་ཚོགས་བདག་ཕོ་མོ་བསྒྱེལ་བའི་སྟེང་དུ། ཧཱུྃ་སེར་པོ་ཡོངས་སུ་གྱུར་པ་ལས་རང་ཉིད་དཔལ་ཡེ་ཤེས་ཀྱི་མགོན་པོ་སྐུ་མདོག་སེར་ལ་ཅུང་ཟད་དམར་བའི་མདངས་ཅན། ཞལ་གསུམ་ཕྱག་དྲུག་པ། རྩ་ཞལ་སེར་བ། གཡས་ཞལ་དཀར་བ། གཡོན་ཞལ་དམར་བ། སྤྱན་གསུམ་གསུམ་དང་ལྡན་ཞིང་མཆེ་བ་གཙིགས་པ། དབུ་སྐྲ་སེར་པོ་གྱེན་དུ་འཁྱིལ་བ། ཕྱག་གཡས་གཡོན་གྱི་དང་པོ་གཉིས་ཀྱིས་གྲི་གུག་དང་ཐོད་ཁྲག་ཐུགས་ཀར་སྟེང་འོག་ཏུ་འཛིན་པས་ཡུམ་ལ་འཁྱུད་པ། གཡས་ཀྱི་གཉིས་པ་ན་རྒྱལ་མཚན། གསུམ་པ་ན་ཨུཏྤལ། གཡོན་གྱི་གཉིས་པ་ན་ནེའུ་ལེ་དང་། གསུམ་པ་ན་ཞགས་པ་བསྣམས་པ། ཞབས་གཡས་བསྐུམ་གཡོན་བརྐྱང་གི་སྟབས་ཀྱིས་ཚོགས་བདག་ཕོ་མོ་མནན་པ། སྐུ་ལ་དུར་ཁྲོད་ཆས་བརྒྱད་རྫོགས་པ། ཡུམ་ལྷ་མོ་དྲག་མོ་སྐུ་མདོག་དུད་ཁ་གྲི་ཐོད་འཛིན་པས་འཁྱུད་པ། གཉིས་ཀའང་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། རང་གི་སྙིང་ག་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་དུར་ཁྲོད་ཆེན་པོ་བསིལ་བའི་ཚལ་ནས། མྱུར་མཛད་འཁོར་དང་བཅས་པ་བཛྲ་ས་མཱ་ཛཿ ཛ་ཧཱུྃ་བཾ་ཧོཿ རང་དང་གཉིས་སུ་མེད་པར་ཐིམ། སླར་ཡང་ཐུགས་ཀ་ནས་འོད་ཟེར་འཕྲོས། དབང་གི་ལྷ་རིགས་ལྔ་འཁོར་དང་བཅས་པ་བཛྲ་ས་མཱ་ཛཿ ཨོཾ་བཛྲི་བྷ་ཝ་ཨ་བྷི་ཥིཉྩ་ཧཱུྃ། ཞེས་གསུངས་ཤིང་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པའི་དབུ་བརྒྱན། གུ་རུ་མ་ཧཱ་ཀཱ་ལ་ཀྵིཾ་ཨུཥྞི་ཥ་ཡ་ཡཀྵ་ཧཱུྃ། རཏྣ་གྲྀ་སིདྡྷི་ཧཱུྃ། པྲཛྙཱ་ཝརྡྷ་ནི་སྭཱ་ཧཱ། ཞེས་ཅི་འགྲུབ་བཟླ།
མདུན་བསྐྱེད་ཨ་མྲྀ་ཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་ཞེས་པ་ནས་དབུ་བརྒྱན་གྱི་བར་བདག་བསྐྱེད་དང་འདྲ་བ་ལས། རང་སེམས་ཞེས་པ་དང་། རང་ཉིད་ཅེས་པ་དོར་བ་ནི་ཁྱད་པར་རོ། ཨརྒྷཾ་ནས། ཤབྡའི་བར་གྱིས་མཆོད།
བྱད་མ་ཟློག་ཅིང་བསྲུང་བ་དང་། །ཚེ་དང་བློ་གྲོས་ཀུན་འཕེལ་ཞིང་། །ཞི་དང་རྒྱས་པའི་ལས་མཛད་པ། །བླ་མ་མགོན་པོ་ཁྱོད་ལ་འདུད། །ཅེས་པས་བསྟོད་ལ།
མདུན་བསྐྱེད་ལ་དམིགས་ནས་བཟླས་པ་ཅི་འགྲུབ་བྱ། གཏོར་མ་བྱིན་རླབས་ནག་པོའི་མངོན་རྟོགས་དང་མཚུངས།
ཨོཾ་གུ་རུ་མ་ཧཱ་ཀཱ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་བདུན་གྱིས་ཕུལ། གོང་ལྟར་མཆོད་བསྟོད།
མཆོད་སྦྱིན་གཏོར་མ་འདི་བཞེས་ལ། །སོགས་འདོད་དོན་གསོལ་བ་བཏབ། སློབ་དཔོན་གྱི་བྱ་བའོ།
།སློབ་མ་རྣམས་ཀྱིས་ཡོན་འབུལ་བ་ལ་སོགས་པའི་སྔོན་འགྲོའི་བྱ་བ་མགོན་པོ་དཀར་ནག་གཉིས་ཀྱི་རྗེས་གནང་དང་འདྲ་བ་ལས། སེམས་བསྐྱེད་གསལ་བཏབ་སྐབས།
བཅོམ་ལྡན་འདས་མགོན་སེར་ཞལ་གསུམ་ཕྱག་དྲུག་པའི་བཀའ་ཟབ་མོ་ཞེས་པ་དང་། གསན་བྱའི་ཆོས་གྲུབ་ཆེན་རཱ་ཧུ་ལ་ཆེན་པོས་མཁས་གྲུབ་ཁྱུང་པོ་རྣལ་འབྱོར་ལ་སྩལ་བའི་མྱུར་མཛད་ཡེ་ཤེས་མགོན་པོ། ཞི་བ་ནོར་སྒྲུབ་ཀྱི་སྐོར་ལས་ཡོན་ཏན་གྱི་མགོན་པོ་སེར་པོ་འདི་ནི། སྤྱིར་བྱད་ཁ་རྦོད་གཏོང་སྲུང་ཞིང་ཟློག་པ་དང་། ཞི་བ་དང་རྒྱས་པའི་ལས་རབ་འབྱམས་འགྲུབ་པར་བྱེད་ཅིང་། ཁྱད་པར་འཆི་མེད་རྡོ་རྗེའི་ཚེ་དང་། ཆགས་ཐོགས་མེད་པའི་བློ་གྲོས་ཀྱི་སྟོབས་འཕེལ་བ་ཟབ་ཅིང་མྱུར་བའི་མཐུ་དང་ལྡན་པ་འདི་ཉིད་ཀྱི་རྗེས་གནང་སོགས་སྦྱར་ལ། གསོལ་གདབ་སོགས་གྲུབ་པ་དང་། རྗེས་གནང་དངོས་ལ་དམིགས་པ་འདི་བཞིན་དུ་མཛོད། ཅེས་བྱས་ལ།
བླ་མ་མགོན་སེར་དུ་གསལ་བའི་ཞལ་ནས། ཨོཾ་ཤཱུ་ནྱ་ཏཱ་ཛྙ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾཿ ཞེས་གསུངས་པའི་རྐྱེན་གྱིས་མ་དག་པའི་སྣང་བ་ཐམས་ཅད་དབྱིངས་སུ་སྦྱང་། སྟོང་པའི་ངང་ལས་ཧཱུྃ་ལས་ནས་ དབུ་བརྒྱན་གྱི་བར་སྒྲུབ་ཐབས་དང་འདྲ་བ་ལས། རང་སེམས་ཅེས་པ། ཁྱེད་རང་རྣམས་ཀྱི་ཅེས་པ་དང་། རང་ཉིད་ཅེས་པ་ཁྱེད་རང་རྣམས་ཅེས་འདོན་པ་སྤོ། ཡེ་ཤེས་པ་སྤྱན་དྲངས་ཏེ་བཛྲ་ས་མཱ་ཛཿ ཛཿཧཱུྃ་བཾ་ཧོཿ ཞེས་བརྗོད་པའི་མཐར། རོལ་ཆེན་བྱ་ཞིང་། སྙིང་པོའི་མཐར། ཨ་ཝེ་ཤ་ཡ་ཨ། ཞེས་བརྗོད་པ་རྣམས་ནི་ཁྱད་པར་རོ།
།བླ་མའི་དཔྲལ་བ་ནས་ཨོཾ་ཡིག་དཀར་པོ་བྱུང་། ཁྱེད་རང་རྣམས་ཀྱི་དཔྲལ་བར་ཐིམ། བུམ་པའི་དབང་ཐོབ། མགྲིན་པ་ནས་ཨཱཿཡིག་དམར་པོ་བྱུང་། ཁྱེད་རང་རྣམས་ཀྱི་མགྲིན་པར་ཐིམ། གསང་དབང་ཐོབ། ཐུགས་ཀ་ནས་ཧཱུྃ་ཡིག་སྔོན་པོ་བྱུང་། ཁྱེད་རང་རྣམས་ཀྱི་སྙིང་གར་ཐིམ། ཤེས་རབ་ཡེ་ཤེས་ཀྱི་དབང་ཐོབ། གནས་གསུམ་ཆར་ནས་ཨོཾ་ཨཱཿཧཱུྃ་དཀར་དམར་མཐིང་གསུམ་བྱུང་། ཁྱེད་རང་རྣམས་ཀྱི་གནས་གསུམ་དུ་ཐིམ། དབང་བཞི་པ་ཐོབ་པར་མོས་པ་མཛོད། འདི་ལ་སྔགས་ཀྱི་བཟླས་ལུང་མི་དགོས། ཕྲིན་ལས་གཏོར་མའི་བཀའ་བསྒོ་བ་ནི།
གཏོར་མ་འདི་ཉིད་བླ་མ་མགོན་པོ་དབྱེར་མེད་དུ་གསལ་བའི་མཐའ་སྐོར་དུ་སངས་རྒྱས་བྱང་ཆུབ་སེམས་དཔའི་ཚོགས་ཀྱིས་བསྐོར་བར་མོས། རང་གི་སྤྱི་བོར་བྱོན། བླ་མ་མགོན་པོ་དབྱེར་མེད་ཀྱི་སྐུ་ཕྲ་མོ་དཔག་ཏུ་མེད་པ་བྱུང་སྟེ། ཁྱེད་རང་རྣམས་ཀྱི་ལུས་ལ་སིབ་སིབ་ཐིམ་པའི་མོས་པ་མཛོད། བྱས་ལ། དཔལ་མྱུར་མཛད་ཡེ་ཤེས་ཀྱི་མགོན་པོ་སེར་པོ་ཡུམ་ལྷ་མོ་དྲག་མོ་སྤྲུལ་པའི་འཁོར་དང་བཅས་པ་རྣམས་ཀྱིས། ཁྱབ་བདག་རྡོ་རྗེ་འཆང་ཆེན་སོགས་མགོན་དཀར་ལྟར་ལ། ཐོགས་མེད་དུ་བསྒྲུབ་པ་དང་། ཁྱད་པར་བྱད་ཁ་རྦོད་གཏོང་ཕས་རྒོལ་གྱི་དམོད་ངན་ཐམས་ཅད་ཟློག་ཅིང་སྲུང་བ་དང་། འཆི་བ་མེད་པའི་ཚེ་དང་ཆགས་ཐོགས་མེད་པའི་བློ་གྲོས་ཡར་ཟླ་ལྟར་འཕེལ་བ་དང་། ཆགས་ཆེ་ཉམ་ང་མི་མཐུན་པའི་ཕྱོགས་ཐམས་ཅད་ཞི་ཞིང་འབྱོར་པ་དྲུག་དང་ཉམས་རྟོགས་ཀྱི་ཡོན་ཏན་གོང་ནས་གོང་དུ་རྒྱས་པར་མཛད་དུ་གསོལ། །ཅེས་རོལ་ཆེན་དང་བཅས་ཏེ་བཀའ་བསྒོ་དྲག་ཏུ་བྱ།
རྗེས་ཀྱི་བྱ་བ་དམ་ཚིག་བསྲུང་བར་ཁས་བླང་བ་སོགས་རྗེས་ཆོག་ནི་མགོན་པོ་ནག་པོའི་རྗེས་གནང་གི་ཡི་གེར་བྲིས་ཟིན་པ་འདོན་པ་སྤོས་ལ་སྦྱར་བར་བྱའོ། །མགོན་སེར་འདིའང་། བླ་མ་མགོན་པོ་དབྱེར་མེད་སེར་པོ་ཞལ་བརྒྱད་ཕྱག་བཅུ་དྲུག་པ་གཉིས་ལ་མགོན་སེར་བཀའ་གཉིས་ཞེས་ཟེར་ནའང་། མགོན་སེར་དངོས་ནི་འདི་ཁོ་ནའོ།
།ནོར་འཕེལ་བསྲུང་བ་ཀུན་གྱི་མཆོག །ཤེས་རབ་དགའ་བ་སྐྱེད་བྱེད་པ། །མགོན་སེར་སྒྲུབ་ཐབས་རྨད་བྱུང་བ། །ཤིན་ཏུ་དཀོན་པས་སྙིང་པོར་དྲིལ། མགོན་སེར་བློ་འཕེལ་གྱི་སྒྲུབ་ཐབས་ཀྱི་ལེ་ཚན་ནོ།། །།མངྒ་ལཾ།།
Initiation of the Red Protector
༼༄༅། །མགོན་དམར་དབང་གི་རྒྱལ་པོའི་སྒྲུབ་ཐབས་རྗེས་གནང་།།༽
ན་མོ་གུ་རུ།
སྤྱན་རས་གཟིགས་དབང་ཁྲོ་བོའི་སྐུ། །དབང་སྡུད་ལྷ་ལ་གུས་ཕྱག་འཚལ། །པདྨ་རཱ་གའི་འོད་འཕྲོ་བ། །མགོན་པོའི་སྒྲུབ་ཐབས་བྲི་བར་བྱ།
།མགོན་བཀའ་བཞི་པ་མགོན་དམར་དབང་གི་རྒྱལ་པོའི་སྒྲུབ་ཐབས་རྗེས་གནང་གི་རིམ་པ་ནི། མདུན་དུ་སྟེགས་བུར་མཎྜལ་གྲུ་གསུམ་མཐིང་ནག་མེ་རི་དང་བཅས་པའི་དབུས་སུ། པདྨ་དམར་པོ་འདབ་བརྒྱད་ཀྱི་ལྟེ་བ་ལ། རྡོ་རྗེའི་ལྟེ་བར་ཧཱུྃ་དང་། གྲི་གུག་གི་ལྟེ་བར་ཨཱཿས་མཚན་པ། དེ་ཙམ་བྲིས་མ་ཐུབ་ན་ཚོམ་བུ་དམར་པོ་བཀོད། དེའི་སྟེང་དུ་མཉྫི་ལ་ཐོད་པ་བདུད་རྩིས་གང་བའི་སྟེང་དུ། མེ་ལོང་ལ་སིནྡཱུར་བཙག་ལ་བཀྲམ། དེ་ལ་ཆོས་འབྱུང་གྲུ་གསུམ་གཉིས་བརྩེགས་དབུས་སུ་རྡོ་རྗེ་ཧཱུྃ་དང་། གྲི་གུག་ཨཱཿས་མཚན་པ། ཟུར་དྲུག་པོ་ལ་གཡས་སྐོར་གྱིས་ཧ་རི་ནི་ས་སྭཱ་ཧཱ། ཞེས་པའི་ཡི་གེ་དྲུག་པོ་རྣམས་བྲི། སྟེང་དུ་དར་དམར་པོའི་གུར་ཕུབ། དེའི་གཡས་སུ་དཔལ་གཏོར་ནོར་གཟུགས་མ་དམར་པོ་ཤ་དང་བུ་རམ་སོགས་རྒྱན་ཐམས་ཅད་ཀྱིས་བརྒྱན་པ་ཞིག་དང་། འབུལ་གཏོར་དང་མཆོད་པ་སྤྱི་དང་མཐུན་པར་བཤམ། མཆོད་པ་བྱིན་རླབས་སྤྱི་དང་མཐུན་པར་བྱས་ལ། སྐྱབས་སེམས་ཚད་མེད་བཞི་སྔོན་དུ་འགྲོ་བས། ཤཱུ་ནྱ་ཏ་ས་སྟོང་པ་ཉིད་དུ་སྦྱང་།
སྟོང་པའི་ངང་ལས། ཨེ་ལས་ཆོས་འབྱུང་མཐིང་གའི་དབུས་སུ། པདྨ་དམར་པོ་དང་། ཉི་མ། བགེགས་ཀྱི་རྒྱལ་པོ་ཁ་བུབ་ཏུ་བསྒྱེལ་བ་རྣམས་བརྩེགས་པའི་སྟེང་དུ། ཧཱུྃ་ལས་རྡོ་རྗེ་གྲི་གུག་ཧཱུྃ་གིས་མཚན་པ་ལས་འོད་འཕྲོས་འདུས་ཡོངས་སུ་གྱུར་པ་ལས། རང་ཉིད་མགོན་དམར་དབང་གི་རྒྱལ་པོའི་སྐུར་གྱུར་པ་ནི། པདྨ་རཱ་ག་ལྟར་དམར་ཞིང་ཞལ་གཅིག་ཕྱག་དྲུག་དང་པོ་གཉིས་གྲི་ཐོད་བཟུང་ནས་ཡུམ་ལ་འཁྱུད་པ། བར་པ་གཉིས་ཅང་ཏེའུ་རྩེ་གསུམ་འཛིན་པ། ཐ་མ་ལྕགས་ཀྱུ་ཞགས་པ་བསྣམས། སྤྱན་གསུམ་སྐྲ་སེར་གྱེན་དུ་བརྫེས། ཐོད་སྐམ་ལྔ་ཡི་དབུ་རྒྱན་དང་། རློན་པ་ལྔ་བཅུའི་དོ་ཤལ་ཅན། སྟག་ལྤགས་གྲོལ་ཞིང་གཡོན་བརྐྱང་སྟབས། མི་རུས་སྦྲུལ་དང་གཡེར་ཁས་བརྒྱན། དུར་ཁྲོད་ཆས་བརྒྱད་སྐུ་ལ་རྫོགས། ཡུམ་ཆེན་པདྨ་མཁའ་འགྲོ་མ། ཆགས་པའི་ཉམས་ཅན་སྐུ་མདོག་དམར། གཅེར་མོ་ཕྱག་རྒྱ་ལྔས་བརྒྱན་མ། གྲི་གུག་ཐོད་བཅས་ཡབ་ལ་འཁྱུད། གཉིས་ཀའང་མེ་དཔུང་ཀློང་ན་བཞུགས། གཙོ་བོ་ཡབ་ཡུམ་གྱི་མདུན་དུ་མ་ཧཱ་ཀཱ་ལ་སྐུ་མདོག་ནག་པོ་གྲི་གུག་དང་ཐོད་པ་འཛིན་པ། གཡས་སུ་ཀྵེ་ཏྲ་པཱ་ལ་དམར་པོ་ཌཱ་མ་རུ་དང་སྡིགས་མཛུབ་མཛད་པ། རྒྱབ་ཏུ་ཛི་ན་མི་ཏྲ་ནག་པོ་གྲི་ཐོད་འཛིན་པ། གཡོན་དུ་ཊཱཀྐི་རཱ་ཛ་སེར་པོ་རྩེ་གསུམ་དང་སྡིགས་མཛུབ་མཛད་པ། ཕྱི་སྐོར་དུ་དམ་ཅན་རྒྱ་མཚོའི་ཚོགས་ཐམས་ཅད་ཀྱིས་བསྐོར་བ། གཙོ་བོའི་ཐུགས་ཀར་རྡོ་རྗེ་ཧཱུྃ་གིས་མཚན་པ། ཡུམ་གྱི་ཐུགས་ཀར་གྲི་གུག་ཨཾ་གིས་མཚན་པ། རང་གི་སྙིང་ག་ནས་འོད་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས་མྱུར་མཛད་ཡེ་ཤེས་ཀྱི་མགོན་པོ་མགོན་དམར་དབང་གི་རྒྱལ་པོ་འཁོར་དང་བཅས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། སླར་ཡང་སྙིང་ཁའི་ས་བོན་གྱི་འོད་ཟེར་གྱིས་དབང་གི་ལྷ་རིགས་ལྔ་འཁོར་དང་བཅས་པ་བཛྲ་ས་མཱ་ཛཿ
ཨརྒྷཾ་ནས། ཤབྡ་འི་བར་གྱིས་མཆོད།
དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་དུ་གསོལ། ཞེས་གསོལ་བ་བཏབ་པས། ཨོཾ་བཛྲི་བྷ་ཝ་ཨ་བྷི་ཥིཉྩ་ཧཱུྃ། ཞེས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་ཡབ་ཡུམ་གཉིས་ཀ་ལ་འོད་དཔག་མེད་དང་། འཁོར་རྣམས་ལ་གཙོ་བོས་དབུ་བརྒྱན། རང་གི་སྙིང་ཁར་སྔགས་ཀྱི་ཕྲེང་བ་བསྒོམ་ལ། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ནཱ་ཡ་ཀ་ཧཱུྃ་ཧཱུྃ་ཕཊ། ཧཱུྃ་མ་གུ་ཡེ་སྭཱ་ཧཱ། ཞེས་ཅི་ནུས་བཟླའོ།
།མདུན་བསྐྱེད་བསང་སྦྱང་། སྟོང་པའི་ངང་ལས་ཨེ་ལས་ཞེས་པ་ནས། གཙོ་བོས་དབུ་བརྒྱན་གྱིས་བར་བདག་བསྐྱེད་དང་འདྲ་བ་ལས་བདག་ཉིད་ཅེས་པའི་ཚིག་བོར་བ་ནི་ཁྱད་པར་རོ།
།ཨོཾ་གུ་རུ་མ་ཧཱ་ཀཱ་ལ་ས་པ་རི་ཝཱ་རེ་བྷྱཿ ཨརྒྷཾ་པྲ་ཏཱིཙྪ་སྭཱ་ཧཱ། ནས་ ཤབྡ་འི་བར་གྱིས་མཆོད།
བླ་མ་མགོན་པོ་དབྱེར་མེད་བདེ་ཆེན་གསུང་། །རྒྱལ་བ་ཀུན་གྱི་རང་བཞིན་འོད་དཔག་མེད། །ཆོས་རྗེ་འགྲོ་བའི་མགོན་མཛད་སྤྱན་རས་གཟིགས། །དབང་གི་སྐུར་སྟོན་ནག་པོ་ཆེ་ལ་བསྟོད།
།མདུན་བསྐྱེད་ཀྱི་བཟླས་པའི་དམིགས་པ་གསལ་བཏབ་ལ། བཟླས་པ་ཅི་འགྲུབ་ཏུ་བྱ། གཏོར་མ་བྱིན་རླབས་ནག་པོའི་སྐབས་དང་འདྲ། སྙིང་པོའི་མཐར། ཨི་དཾ་བ་ལིཾ་ཏ་གྲྀཧྞ་གྲྀཧྞ་ཧཱུྃ་ཧཱུྃ་ཕཊ། ཅེས་ཕུལ། གོང་བཞིན་མཆོད་བསྟོད། །ཀྱིས་འདོད་དོན་གསོལ་བ་བཏབ།
འོག་ནས་འབྱུང་བ་ལྟར་སློབ་མ་བྱིན་རླབས་ཇི་ལྟར་བྱེད་པ་ཐམས་ཅད་རང་གིས་ཀྱང་བདག་འཇུག་གི་ཚུལ་དུ་དམིགས་པས་བླང་བར་བྱའོ།
།སློབ་མ་རྣམས་ཀྱི་སྔོན་འགྲོའི་བྱ་བ་ཡན་ཆད་ནག་པོའི་སྐབས་དང་འདྲ་བ་ལས། སེམས་བསྐྱེད་གསལ་གདབ་སྐབས།
མགོན་དམར་དབང་གི་རྒྱལ་པོའི་བཀའ་ཟབ་མོ་ཞེས་དང་། གསན་བྱའི་ཆོས། འཆི་མེད་རྡོ་རྗེའི་སྐུ་བརྙེས་པའི་གྲུབ་ཆེན་སྒྲ་གཅན་འཛིན་སྦས་པའི་རྡོ་རྗེས་མཁས་གྲུབ་ཁྱུང་པོ་ཚུལ་ཁྲིམས་མགོན་པོ་ལ་སྩལ་བའི་མྱུར་མཛད་ཡེ་ཤེས་ཀྱི་མགོན་པོ་ཞི་བ་ནོར་སྒྲུབ་ཀྱི་སྐོར་ལས། མགོན་དམར་དབང་གི་རྒྱལ་པོ་འདི་ནི། གསུང་རྡོ་རྗེ་འོད་དཔག་མེད་ཀྱི་ངོ་བོ་བྱིན་རླབས་ཤིན་ཏུ་མྱུར་ཞིང་ཚེ་དང་དབང་གི་ལས་སྒྲུབ་པ་ལ་གཞན་ལས་མྱུར་ཞིང་སྟོབས་ཆེ་བ། རྩ་བའི་མགོན་པོ་མཐིང་ག་ནང་ལྟར་དུ་སྒྲུབ་པ་ཡིན་ཅིང་ཞག་བདུན་ཙམ་བསྒྲུབས་པས་ཞལ་སྟོན་པར་གསུངས་པ་སོགས་ཡོན་ཏན་ཚད་མེད་པ་དང་ལྡན་པ་འདི་ཉིད་ཀྱི་རྗེས་གནང་སོགས་སྦྱར་ལ། གསོལ་གདབ་ནས་རྒྱུན་བཤགས་ཡན་གྲུབ་པ་དང་། ཁྱེད་རང་གི་སྙིང་གར་ཟླ་བའི་སྟེང་དུ། རྡོ་རྗེ་དཀར་པོ་རྩེ་ལྔ་པ་གསལ་བཏབ་ལ་འདིའི་རྗེས་ཟློས་མཛོད། ཨོཾ་སརྦ་ཡོ་ག་ཙིཏྟ་ཨུཏྤཱ་ད་ཡཱ་མི། ལན་གསུམ།
གསང་སྔགས་འབྱུང་བ་དཀོན་པར་བསྟན་པ་འདི་ལ་གསན་པས་ཁྱབ་པར་གདའ་སྟེ།
འཇིག་རྟེན་དུ་ནི་ཀུན་མཁྱེན་དག །རེས་འགའ་འབྱུང་ངམ་མི་འབྱུང་སྲིད། །ཨུ་དུམ་ཝཱ་རའི་མེ་ཏོག་ལྟར། །བརྒྱ་ལམ་ན་ནི་རེས་འགའ་འབྱུང་། །གསང་སྔགས་སྤྱོད་ཚུལ་འབྱུང་བ་ནི། །དེ་བས་ཀྱང་ནི་ཤིན་ཏུ་དཀོན། །གཉིས་མེད་ཟབ་མོའི་སྤྱོད་ཚུལ་འདིས། །སེམས་ཅན་སངས་རྒྱས་བྱེད་པའོ། །ཞེས་བརྗོད།
དེ་ནས་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ཀྱི་ཐུགས་རྒྱུད་བསྐུལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་མྱུར་མཛད་ཡེ་ཤེས་ཀྱི་མགོན་པོའི་རྣམ་པར་སྤྱན་དྲངས། ཁྱེད་རང་རྣམས་ཀྱི་སྤྱི་བོ་ནས་ཞུགས་ཏེ་གཉིས་སུ་མེད་པར་ཐིམ། རོལ་ཆེན་བྱ།
སྙིང་པོའི་མཐར། ཨཱ་ཝེ་ཤ་ཡ་ཨཱཿཨཱཿཨཱཿ ཞེས་ལན་བདུན་ནམ། ཉི་ཤུ་རྩ་གཅིག་ཙམ་བཟླ།
དེའི་རྐྱེན་གྱིས་ཁྱེད་རང་རྣམས་སྐད་ཅིག་ཙམ་གྱིས་མགོན་དམར་དབང་གི་རྒྱལ་པོའི་སྐུར་གྱུར་པ་ནི། སྐུ་མདོག་དམར་པོ། གྲི་ཐོད་ཌཱ་མ་རུ་རྩེ་གསུམ་ལྕགས་ཀྱུ་ཞགས་པ་རྣམས་འཛིན་པ། ཡུམ་པདྨ་མཁའ་འགྲོ་མ། གྲི་ཐོད་འཛིན་པས་འཁྱུད་པར་གྱུར།
ལྷ་ངོ་བསྟན་པ་ནི། འདི་ན་མྱུར་མཛད་ཡེ་ཤེས་ཀྱི་མགོན་པོའི་དཀྱིལ་འཁོར་བཞུགས་པ་ལགས་ཏེ། ཆོས་འབྱུང་མཐིང་གའི་དབུས་སུ་ནས། བརྩེགས་པའི་སྟེང་དུ་མགོན་དམར་དབང་གི་རྒྱལ་པོ་བཞུགས་པ་ནི་པདྨ་རཱ་ག་ལྟར་དམར་བ་ཞེས་པ་ནས། ཚོགས་ཐམས་ཅད་ཀྱིས་བསྐོར་བ། དེ་ཐམས་ཅད་ཀྱང་རྩ་བའི་བླ་མ་དང་དབྱེར་མེད་པར་མོས་མཛོད།
དབང་གི་དངོས་གཞི་ནི། བླ་མ་མགོན་པོ་དབྱེར་མེད་ལ་མོས་གུས་དུང་བ་བྱས་པས། དེའི་སྤྱི་བོའི་ཨོཾ་དཀར་པོ་ལས་མགོན་པོ་སྐུ་མདོག་དཀར་པོ། སྐུ་ཆུང་ལ་ཡན་ལག་རགས་པ་དཔག་ཏུ་མེད་པ་བྱུང་ནས། ཁྱེད་རང་རྣམས་ཀྱི་སྤྱི་བོར་ཐིམ་པས་བུམ་པའི་དབང་ཐོབ་པར་གྱུར། རོལ་མོའི་སྒྲ་བྱ།
ཡང་མགྲིན་པའི་ཨཱཿདམར་པོ་ལས་མགོན་པོ་སྐུ་མདོག་དམར་པོ། སྐུ་ཆུང་ལ་ཡན་ལག་རགས་པ་དཔག་ཏུ་མེད་པ་ཆད་ནས། ཁྱེད་རང་རྣམས་ཀྱི་མགྲིན་པར་ཐིམ་པས་གསང་དབང་ཐོབ། རོལ་མོ། དེ་བཞིན་དུ་སྦྱར་ནས།
ཐུགས་ཀའི་ཧཱུྃ་སྔོན་པོ་ལས། སྔོན་པོ་སྙིང་གར། རོལ་མོ།
ཡང་གནས་གསུམ་གྱི་ཡི་གེ་འབྲུ་གསུམ་ལས་དཀར་དམར་མཐིང་གསུམ། གནས་གསུམ་ཀར་དུ། ཚིག་དབང་རིན་པོ་ཆེ། རོལ་མོ། དེ་རྣམས་ཕྱིའི་དབང་བཞི་ལགས།
དེ་ནས་ཡང་བླ་མ་མགོན་པོ་དབྱེར་མེད་ལ་མོས་གུས་དུང་བ་བྱས་པས། མགོན་པོ་ཡབ་ཡུམ་རང་གི་སྤྱི་བོར་བྱོན། བྱང་ཆུབ་སེམས་ཀྱི་ངོ་བོ་འོད་དུ་ཞུ། ཁྱེད་རང་རྣམས་ཀྱི་སྤྱི་བོ་ནས་ཞུགས། སྨིན་མཚམས་ཡན་ཆད་གང་། བུམ་དབང་ཐོབ། མགྲིན་པ་ཡན་ཆད་གང་། གསང་དབང་ཐོབ། སྙིང་ཁ་ཡན་ཆད་གང་། ཤེས་རབ་ཡེ་ཤེས་ཀྱི་དབང་ཐོབ། ལུས་ཐམས་ཅད་གང་། ཚིག་དབང་རིན་པོ་ཆེ་བཞི་པ་ཐོབ་པར་མོས་མཛོད། དེ་དག་ནི་ནང་སྐུ་དངོས་ཀྱི་དབང་བཞིའོ།
།གཏོར་མ་མགོན་པོར་གསལ་བ་སློབ་མའི་སྤྱི་བོར་བཞག་ལ།
ཨོཾ། གཟི་བརྗིད་དཔལ་འབར་མགོན་པོ་ཡབ་ཡུམ་སྐུ། །ངོ་མཚར་ལྷུན་གྲུབ་དམ་རྫས་གཏོར་མ་འདི། །དམ་ལྡན་རིགས་ཀྱི་བུ་ལ་དབང་བསྐུར་བས། །མི་འགྱུར་རྡོ་རྗེའི་སྐུ་ལ་ལོངས་སྤྱོད་ཤོག
།སྙིང་པོའི་མཐར། ཀཱ་ཡ་བཛྲ་ཨ་བྷི་ཥེཉྩ་ཧཱུྃ།
དེས་བུམ་པའི་དབང་བསྐུར་ཐོབ་པ་ཡིན་ནོ། །ཐོད་པ་བདུད་རྩིས་གང་བ་མགྲིན་པར་གཏད།
ཨ། ཟབ་མོ་གསང་སྔགས་མགོན་པོ་ཡབ་ཡུམ་གསུང་། །བདེ་ཆེན་སྣོད་བཅུད་ཟག་མེད་བདུད་རྩི་འདིས། །དམ་ལྡན་རིགས་ཀྱི་བུ་ལ་དབང་བསྐུར་བས། །འགག་མེད་ཚངས་དབྱངས་གསུང་ལ་ལོངས་སྤྱོད་ཤོག །ཀཱ་ཡ་བཛྲིའི་གནས་སུ། ཝཱ་ཀ་བཛྲ༴ དེས་གསང་བའི་དབང་བསྐུར་ཐོབ་པ་ཡིན་ནོ།
།སིནྡཱུ་རའི་དཀྱིལ་འཁོར་སྙིང་ཁར་གཏད་ལ།
ཧཱུྃ། གཟུང་འཛིན་ཀུན་བྲལ་མགོན་པོ་ཡབ་ཡུམ་ཐུགས། །དྲི་མེད་སྣང་སྟོང་མེ་ལོང་ཡེ་ཤེས་འདིས། །དམ་ལྡན་རིགས་ཀྱི་བུ་ལ་དབང་བསྐུར་བས། །རྣམ་དག་ཡེ་ཤེས་ཐུགས་ལ་ལོངས་སྤྱོད་ཤོག །ཙིཏྟ་བཛྲ༴ དེས་ཤེས་རབ་ཡེ་ཤེས་ཀྱི་དབང་ཐོབ་པ་ཡིན་ནོ།
།འདི་སྐབས་སུ་ཡིག་རྙིང་ལས་མ་བཤད་ཀྱང་། སློབ་མ་ལ་ནང་མཆོད་བླུད་པ་དང་། སྙིང་གར་སིནྡཱུ་རའི་ཐིག་ལེ་རེ་མཛད་པ་ཕྱག་ལེན་ལ་གནང་ངོ་།
།དེ་ནས་ཁྱེད་རང་རྣམས་རིག་པ་རྟེན་མེད་ཀྱི་ངང་དུ་མཉམ་པར་ཞོག་ཅིག
ཧོ། ཆོས་དབྱིངས་མཐའ་བྲལ་སྤྲོས་པ་རབ་ཞིའི་ངང་། །རང་རིག་ཡེ་ཤེས་ཏིང་འཛིན་ཀློང་ཡངས་འདིས། །དམ་ལྡན་རིགས་ཀྱི་བུ་ལ་དབང་བསྐུར་བས། །ཆོས་དབྱིངས་ཡང་དག་དོན་ལ་ལོངས་སྤྱོད་ཤོག །ཛྙཱ་ནཱ་བཛྲ༴ དེས་ཚིག་དབང་བཞི་པ་ཐོབ་པ་ཡིན་ནོ། །དེ་དག་ནི་གསང་བ་དམ་རྫས་ཀྱི་དབང་བཞི་ཡིན་ནོ།
བླ་མ་མགོན་པོ་དབྱེར་མེད་ཀྱི་ཐུགས་ཀ་ནས། སྔགས་ཀྱི་ཕྲེང་བའི་ཚོགས་རྣམས་བྱུང་། ཁྱེད་རང་རྣམས་ཀྱི་སྙིང་ཁར་ཐིམ་པར་མོས་ལ་འདིའི་རྗེས་ཟློས་མཛོད། སྙིང་པོ་ལན་གསུམ།
སློབ་དཔོན་ལ་མེ་ཏོག་འཐོར་བཞིན་པས་འདིའི་རྗེས་ཟློས་མཛོད།
བཅོམ་ལྡན་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ།
།སླར་ཡང་མེ་ཏོག་རྣམས་སྔགས་ཀྱི་ཕྲེང་བར་བྱིན་གྱིས་བརླབས་ལ། ཁྱེད་རང་རྣམས་ལ་གཏོར་བས། སྔགས་ནུས་པ་མཐུ་ཅན་དུ་མོས་མཛོད།
བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །ལན་གསུམ།
དེ་དག་གི་གནས་སྐབས་སུ་ཐོབ་པའི་དམ་ཚིག་དང་ཞེས་སོགས།
སློབ་མའི་རྗེས་ཀྱི་ཆོ་ག་རྣམས་ནི། མགོན་ནག་གི་སྐབས་སུ་བཤད་པ་ཁོ་ནས་གྲུབ་བོ། །ཆོ་གའི་རྗེས་ཆོག་ཀྱང་དེ་དང་མཚུངས་སོ། །མགོན་དམར་གྱི་སྒྲུབ་ཐབས་རྩ་བ་འདི་ཡིན་ཅིང་། ཚེ་སྒྲུབ་ནི་འདིའི་ལས་ཁ་ཚར་གྱི་ལྷ་ཡིན་པར་ཤེས་པར་བྱའོ།
།དབང་སྡུད་ཀུན་ལས་ཆེས་དགའ་བ། །རྨད་བྱུང་སྒྲུབ་ཐབས་སྙིང་པོ་འདི། །ཡིག་རྙིང་མ་གཏོགས་ཕྱིས་བྱུང་གི །ལག་ལེན་དཀོན་ཕྱིར་བྲིས་པ་ཡིན། །མགོན་དམར་དབང་གི་རྒྱལ་པོའི་སྒྲུབ་ཐབས་ཀྱི་ལེ་ཚན་ནོ།། །།མངྒ་ལཾ།།
Initiation of the Green Protector
༼༄༅། །མགོན་ལྗང་ཚེ་བདག་གི་སྒྲུབ་ཐབས།།༽
ན་མོ་གུ་རུ།
ཚེ་དཔག་མེད་དང་སྤྱན་རས་གཟིགས། །མྱུར་མཛད་མགོན་པོ་ཞེས་བྱ་བ། །དེ་ལ་བཏུད་ནས་སྒྲུབ་ཐབས་བཤད།
།འདིར་མགོན་བཀའ་ལྔ་པ་མགོན་ལྗང་ཚེ་བདག་གི་སྒྲུབ་ཐབས་ནི། སྟེགས་བུའི་སྟེང་དུ་ཆོས་འབྱུང་ལྗང་གུ་མེ་རི་ཅན། དབུས་སུ་ལྷ་གྲངས་དང་མཉམ་པའི་ཚོམ་བུ་བཀོད། དེའི་སྟེང་དུ་མཉྫི་ལ་དཔལ་གཏོར་ནོར་གཟུགས་མ་རྒྱན་གྱིས་བརྒྱན་ལ་བཞག གཡོན་དུ་མཉྫིའི་སྟེང་དུ། ནང་མཆོད་ཀ་པཱ་ལ་བདུད་རྩིས་གང་བ་དང་། དེའི་སྟེང་དུ་སིནྡཱུ་རའི་དཀྱིལ་འཁོར་མགོན་དམར་གྱི་སྐབས་དང་འདྲ་བར་བྲིས་ལ། དར་ལྗང་གི་གུར་ཕུབ། གཡས་སུ་བུམ་པ་སྤྱི་དང་མཐུན་པར་བཤམས། མཆོད་གཏོར་བཤམ་ཚུལ་སྤྱི་དང་འདྲ། མཆོད་པ་བྱིན་རླབས་སྔོན་དུ་འགྲོ་བས། སྐྱབས་སེམས་ཚད་མེད་བཞི་རྣམས་བསྒོམ། སྭ་བྷཱ་ཝས་སྟོང་པར་སྦྱང་།
སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་དབུས་སུ། དུར་ཁྲོད་ཆེན་པོ་བརྒྱད་ཀྱིས་བསྐོར་བའི་ནང་། གཞལ་མེད་ཁང་ཕོ་བྲང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས། ཙན་དན་གྱི་ལྗོན་པའི་དྲུང་དུ། ཨེ་ལས་བྱུང་བའི་ཆོས་ཀྱི་འབྱུང་གནས་ལྗང་གུ། དེའི་དབུས་སུ་པྃ་ལས་པདྨའི་ལྟེ་བར་ཉི་མ་དང་བགེགས་ཀྱི་རྒྱལ་པོའི་གདན་ལ། རང་སེམས་ཧཱུྃ་ལས་གྲི་གུག་ཧཱུྃ་གིས་མཚན་པ་ཡོངས་སུ་གྱུར་པ་ལས། རང་ཉིད་མྱུར་མཛད་ཡེ་ཤེས་ཀྱི་མགོན་པོ་སྐུ་མདོག་ལྗང་གུ་ཞལ་གཅིག་ཕྱག་དྲུག་པ། ཕྱག་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་ཡུམ་ལ་འཁྱུད་པ། བར་པ་གཉིས་ཀྱིས་ཅང་ཏེའུ་དང་ཏྲི་ཤུ་ལ་འཛིན་པ། ཐ་མ་གཉིས་ཀྱིས་བགྲང་ཕྲེང་དང་ཞགས་པ་བསྣམས་པ། སྤྱན་གསུམ་མཆེ་བ་གཙིགས་པ། དབུ་སྐྲ་གྱེན་དུ་བརྫེས་པ། མི་མགོའི་དབུ་རྒྱན་དང་དོ་ཤལ། རུས་པའི་རྒྱན་དྲུག་དང་སྟག་ལྤགས་དང་དྲིལ་བུ་གཡེར་ཁའི་ཕྲེང་བ་སོགས་རྒྱན་ཐམས་ཅད་ཡོངས་སུ་རྫོགས་པ། པང་དུ་ཡུམ་རྡོ་རྗེ་ཌཱ་ཀི་མ་སྐུ་མདོག་སྔོན་མོ་གྲི་གུག་དང་ཐོད་པ་འཛིན་པ། ཐོད་སྐམ་ལྔ་བཅུའི་དོ་ཤལ་ཅན་གྱིས་འཁྱུད་པ། གཙོ་བོའི་མདུན་དུ་བུདྡྷ་ཌཱ་ཀི་དཀར་མོ་འཁོར་ལོ་དང་ཐོད་ཁྲག་འཛིན་པ། ལྷོར་རཏྣ་ཌཱ་ཀི་སེར་མོ་རིན་པོ་ཆེ་དང་ཐོད་ཁྲག་འཛིན་པ། ནུབ་ཏུ་པདྨ་ཌཱ་ཀི་དམར་མོ་པདྨ་དང་ཐོད་ཁྲག་འཛིན་པ། བྱང་དུ་ཀརྨ་ཌཱ་ཀི་ལྗང་གུ་རལ་གྲི་དང་ཐོད་ཁྲག་འཛིན་པ། ཐམས་ཅད་ཀྱང་རུས་པ་དང་མི་མགོའི་ཕྲེང་བ་ཅན་སྒེག་ཅིང་ཆགས་པའི་ཉམས་ཅན། གཡོན་བརྐྱང་གི་སྟབས་ཀྱིས་བཞུགས་པའོ། །དེའི་ཕྱི་རོལ་དུ་མཁའ་འགྲོ་མ་འབུམ་སྡེ་དམ་ཅན་རྒྱ་མཚོའི་ཚོགས་དང་བཅས་པ་འཁོད་པར་གྱུར། ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ལྟེ་བར་སྭཱ། གསང་གནས་སུ་ཧཱ། རང་གི་སྙིང་ག་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་མྱུར་མཛད་ཡེ་ཤེས་ཀྱི་མགོན་པོའི་རྣམ་པར་སྤྱན་དྲངས་ཤིང་། ཁྱད་པར་ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས། མགོན་པོ་མཁའ་འགྲོའི་ཚོགས་དང་བཅས་པ་བཛྲ་ས་མཱ་ཛཿ ཀྵིཾ་རིང་པོ་ཉི་ཤུ་རྩ་གཅིག་བརྗོད། དབྱངས་དང་བཅས་པའམ་མེད་ཀྱང་རུང་སྟེ།
དཔྲལ་མགྲིན་ཐུགས་ལྟེ་གསང་གནས་ནས། །ཨོཾ་ཨཱཿཧཱུྃ་སྭཱ་ཧཱའི་ཡིག་འབྲུ་ལས། །དཀར་དམར་མཐིང་སེར་ལྗང་བ་ཡི། །འོད་འཕྲོས་ཕྱོགས་བཅུ་ཀུན་ཁྱབ་པས། །རྒྱུད་དྲུག་སེམས་ཅན་སྡིག་སྒྲིབ་སྦྱངས། །སྐྱབས་གསུམ་ཐུགས་རྗེའི་མངའ་བདག་ཅན། །ཡེ་ཤེས་སྤྱན་དྲངས་མ་ལུས་མཆོད། །ཚེ་བདག་ཕྲིན་ལས་མགོན་པོར་གྱུར། །འཕྲོ་འདུ་འོད་ཟེར་ལྔས་བསྐུལ་ཏེ། །དབུས་འགྱུར་རང་བཞིན་མཆོག་སྒྲུབ་ནས། །བསིལ་བ་ཚལ་གྱི་དུར་ཁྲོད་དུ། །དཔལ་ལྡན་འབྱོར་བཅུ་ཚེ་ཡི་བདག །ཕྱག་དྲུག་ཡེ་ཤེས་མགོན་པོའི་ཚོགས། །དུར་ཁྲོད་བརྒྱད་དང་ཉེར་བཞི་ཡི། །དམ་ཅན་འཁོར་བཅས་འདིར་འདུས་ལ། །རྣལ་འབྱོར་བདག་ལ་མཆོག་སྩོལ་ཅིག །ཅེས་སྤྱན་དྲངས། ཛཿཧཱུྃ་བྃ་ཧོཿ དམ་ཚིག་པ་དང་གཉིས་སུ་མེད་པར་ཐིམ། སླར་ཡང་རང་གི་སྙིང་གའམ་གནས་ལྔ་ནས་འོད་ཟེར་འཕྲོས། དབང་གི་ལྷ་རིགས་ལྔ་མདུན་གྱི་ནམ་མཁར་སྤྱན་དྲངས།
ཨརྒྷཾ་ནས་ ཤབྡ་འི་བར་གྱིས་མཆོད།
དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་དུ་གསོལ། ཞེས་གསོལ་བ་བཏབ།
ཨོཾ་བཛྲི་བྷ་ཝ་ཨ་བྷི་ཥེཉྩ་ཧཱུྃ། ཞེས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས། གཙོ་བོ་ཡབ་ཡུམ་ལ་མི་བསྐྱོད་པ། བུདྡྷ་ཌཱ་ཀི་ལ་རྣམ་སྣང་། རཏྣ་ཌཱ་ཀི་ལ་རིན་འབྱུང་། པདྨ་ཌཱ་ཀི་ལ་སྣང་མཐའ། ཀརྨ་ཌཱ་ཀི་ལ་དོན་གྲུབ་རྣམས་ཀྱིས་དབུ་བརྒྱན།
གཏོར་མ་ནག་པོའི་མངོན་རྟོགས་ནས་འབྱུང་བ་ལྟར་བྱིན་གྱིས་བརླབ་ལ། ཡེ་ཤེས་ཀྱི་ལྷ་ལ་དམིགས་ཏེ།
དཀྱིལ་འཁོར་གྱི་ལྷ་ཚོགས་རྣམས་ཀྱི་ལྗགས་རྡོ་རྗེའི་སྦུ་གུས་གཏོར་མ་དྲངས་ཏེ་གསོལ་བར་གྱུར།
སྙིང་པོའི་མཐར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་ལན་བདུན་གྱིས་གཏོར་མ་ཕུལ།
གུ་རུ་མ་ཧཱ་ཀཱ་ལ་བི་ཤྭ་ཌཱ་ཀ་ས་པ་རི་ཝ་ར་ཨརྒྷཾ་པྲ་ཏཱིཙྪ་སྭཱ་ཧཱ། ནས་ ཤབྡ་འི་བར་གྱིས་མཆོད་པ་འབུལ།
བླ་མ་མགོན་པོ་དབྱེར་མེད་ཕྲིན་ལས་སྐུ། །དུས་གསུམ་སངས་རྒྱས་ཀུན་གྱི་ཕྱག་མཛད་པ། །གང་ལ་གང་འདུལ་དེ་ལ་དེར་སྟོན་པ། །ཕྱག་དྲུག་སྣ་ཚོགས་མཁའ་འགྲོ་ལ་ཕྱག་འཚལ། །ཅེས་བསྟོད། བཟླས་པའི་དམིགས་པ་གསལ་བཏབ་ལ།
ཨོཾ་བཛྲ་མ་ཧཱ་ཀཱ་ལ་ཧ་རི་ནི་ས་སརྦ་ཨ་ཡུར་ཛྙཱ་ན་སིདྡྷི་ཛཿ ཅེས་ཅི་འགྲུབ་བཟླ། འདི་ལ་བདག་མདུན་དམིགས་པས་ཐ་དད་དུ་སྒོམ་པ་ཡིན་ནའང་། བསྐྱེད་ཆོག་ཕྱོགས་གཅིག་ཏུ་མཛད་པ་ཡིན་པས། དེ་ཉིད་ཀྱིས་བདག་མདུན་གཉིས་ཆར་འགྲུབ་བོ། །བུམ་པའི་ནང་དུ།
མྱུར་མཛད་མཁའ་འགྲོ་ལྔ་དང་བཅས་པ་སྐད་ཅིག་གིས་གྲུབ་པར་གྱུར། རང་གི་སྙིང་ག་ནས་སྔགས་ཕྲེང་འོད་ཟེར་དང་བཅས་པ་འཕྲོས། མདུན་བསྐྱེད་ཀྱི་ལྷའི་ཐུགས་རྒྱུད་བསྐུལ། སྔགས་ཀྱི་འོད་ཟེར་རྣམས་གཟུངས་ཐག་ལ་འཁྲིལ་ཞིང་། བུམ་པའི་ནང་གི་བཅུད་ལ་ཐིམ། མདུན་བསྐྱེད་ཀྱི་གནས་ལྔ་ནས་འོད་ཟེར་འཕྲོས། སྣོད་བཅུད་ཐམས་ཅད་ཀྱི་བཀྲག་མདངས་དྭངས་མ་རྣམས་བདུད་རྩིའི་རྣམ་པས་བཀུག་སྟེ་ཐིམ་པར་གྱུར། བུམ་པ་ལ་དམིགས་ནས་སྙིང་པོ་བརྒྱ་ཙམ་བཟླའོ། །འོག་ཏུ་སློབ་མ་ལ་ཇི་ལྟར་བྱེད་པའི་ཆོ་ག་རྣམས། སྐབས་འདིར་དམིགས་པའི་སྒོ་ནས་བདག་འཇུག་གི་ཚུལ་དུ་བླངས། སློབ་མའི་སྔོན་འགྲོའི་བྱ་བ། ཕྱག་འཚལ་ཁྲུས། མེ་ཏོག་བཀྱེ་བསྡུ་བྱས་ནས། སེམས་བསྐྱེད་གསལ་གདབ་སྐབས། མགོན་ལྗང་ཚེའི་བདག་པོའི་བཀའ་ཟབ་མ། ཞེས་དང་། དངོས་གཞི་ལ།
གསན་བྱའི་ཆོས། འཕགས་ཡུལ་གྲུབ་པའི་དབང་ཕྱུག་སྒྲ་གཅན་འཛིན་སྦས་པའི་ཞལ་སྔ་ནས། མཁས་གྲུབ་ཁྱུང་པོ་རྣལ་འབྱོར་ལ་ཉེ་བརྒྱུད་དུ་སྩལ་བ་མྱུར་མཛད་ཡེ་ཤེས་ཀྱི་མགོན་པོའི་ཞི་བ་ནོར་དུ་སྒྲུབ་པའི་བྱེ་བྲག་མགོན་ལྗང་ཚེའི་བདག་པོའམ་ཕྱག་དྲུག་སྣ་ཚོགས་མཁའ་འགྲོ་ཞེས་གྲགས་པ་འདི་ནི་རྒྱ་གཞུང་ལས། བར་མཚམས་མེད་པར་ཞག་བདུན་བསྒྲུབ། །ཞལ་མཐོང་དངོས་གྲུབ་རྣམ་གཉིས་འབྱུང་། །ཚེ་འཕེལ་གཞོན་ནུའི་ལང་ཚོ་རྒྱས། །ལུང་བསྟན་འདུ་བ་རྣམ་གསུམ་འབྱུང་།
།ཞེས་བསྔགས་པར་མཛད་པ་མགོན་པོ་ཉིད་ཐུན་མོང་མ་ཡིན་པའི་ཚུལ་དུ་སྒྲུབ་པ། མཆོག་ཐུན་མོང་གི་དངོས་གྲུབ་སྤྱི་དང་ཁྱད་པར་ཚེ་སྤེལ་བ་ལ་མཆོག་ཏུ་བསྔགས་པའི་རྗེས་གནང་སོགས་སྦྱར་ལ་མཎྜལ་འབུལ། གསོལ་བཏབ་རྣམས་མགོན་བཀའ་སྤྱི་དང་འདྲ། རྒྱས་པ་ལ་དགའ་ན། སྐྱབས་འགྲོ་སེམས་བསྐྱེད་གནང་བ་སྦྱིན་པ། རྟོག་པ་བསྡུ་བ། ཡན་ལག་ལྔ་པ། རིགས་ལྔའི་སྡོམ་བཟུང་རྣམས་བྱས་ལ། བསྡུ་ན། དཀོན་མཆོག་གསུམ་ལ་བདག་སྐྱབས་མཆི། །སོགས་གུར་ནས་འབྱུང་བའི་ཡན་ལག་བདུན་པ་ཁོ་ནས་འགྲུབ། འཇིག་རྟེན་དུ་ནི་ཀུན་མཁྱེན་དག །ཅེས་མགོན་དམར་གྱི་སྐབས་ནས་འབྱུང་བ་བཞིན་བརྗོད།
སློབ་དཔོན་དང་མདུན་བསྐྱེད་དབྱེར་མ་མཆིས་པའི་དཀྱིལ་འཁོར་གསལ་འདེབས་པ་ནི།
ཨོཾ་སྭ་བྷཱ་ཝ་ནས་ འཁོད་པར་གྱུར། ཞེས་པའི་བར་མངོན་རྟོགས་བཞིན་བརྗོད། དེ་ལྷ་ངོ་བསྟན་པའི་དོད་ཡིན་ནོ།
།ཁྱེད་རང་རྣམས་སྐད་ཅིག་ཙམ་གྱིས་མགོན་ལྗང་ཚེ་བདག་ཡབ་ཡུམ་དུ་གསལ་བའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ལྟེ་བར་སྭཱ། གསང་བར་ཧཱ། སློབ་དཔོན་གྱི་གནས་ལྔ་ནས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས། མྱུར་མཛད་ཡེ་ཤེས་ཀྱི་མགོན་པོ་མཁའ་འགྲོའི་ཚོགས་དང་བཅས་པ། འུར་འུར། ཆེམ་ཆེམ་བྱོན་པ་ཁྱེད་རང་རྣམས་ལ་སིབ་སིབ་ཐིམ་པར་མོས་མཛོད། རོལ་ཆེན་དང་བཅས་པས་སྙིང་པོའི་མཐར། ཨ་ཝེ་ཤ་ཡ་ཨཱཿཨཱཿཨཱཿ ཞེས་བཏགས་ལ་དྲག་ཏུ་བཟླ། དེ་ཡེ་ཤེས་དབབ་པའི་དོད་ཡིན་ནོ།
།དེ་ནས་དངོས་གཞིའི་དོན་དུ་མཎྜལ་འབུལ་དུ་བཅུག་ལ། བླ་མ་མགོན་པོ་དབྱེར་མེད་པས་བདག་ལ་དབང་བཞི་བསྐུར་དུ་གསོལ། ཞེས་གསོལ་བཏབ་ལན་གསུམ་རྗེས་ཟློས་བྱེད་དུ་བཅུག
།བུམ་བསྐྱེད་ཀྱི་ལྷའི་དཔྲལ་བ་ནས་བདུད་རྩིའི་རྒྱུན་དཀར་པོ་བྱུང་ནས། ཁྱེད་རང་རྣམས་ཀྱི་ཕྱི་ནང་གི་ནད་གདོན་སྡིག་སྒྲིབ་ཐམས་ཅད་བཀྲུས་པར་མོས་མཛོད།
བཀྲ་ཤིས་ཚེ་བརྟན་རྣམ་རྒྱལ་བུམ་བཟང་ན། །ཉོན་མོངས་གཏི་མུག་ཡེ་ཤེས་དག་པའི་ལྷ། །རྒྱལ་བའི་འོད་གཟུགས་སྒྲིབ་བྲལ་ལོངས་སྐུ་བཞུགས། །ཕྱག་དྲུག་ཚེ་དཔག་མེད་མགོན་དབང་བསྐུར་བས། །མེ་ལོང་ཡེ་ཤེས་འཕྲོ་འདུའི་འོད་ཟེར་ཅན། །མི་ཤིགས་རྡོ་རྗེའི་སྐུ་ཡི་དབང་ཐོབ་ཤོག །སྔགས་བཟླ་བཞིན་པས། བུམ་པ་དཔྲལ་བར་རེག་ཏེ། བུམ་ཆུ་བླུད། དེ་བཞིན་དུ་འོག་མ་རྣམས་ལའང་རིགས་འགྲེས་ཏེ། ཡང་། བུམ་བསྐྱེད་ཀྱི་མགྲིན་པ་ནས། བདུད་རྩི་དམར་པོ༴ ཉོན་མོངས་འདོད་ཆགས་དག་པའི་ཡེ་ཤེས་ལྷ། །རྒྱལ་བའི་ཆོས་ཕུང་བརྒྱད་ཁྲི་བཞི་སྟོང་བཞུགས། །རྩ་སྔགས་སྟོང་ཉིད་སྙིང་པོའི་དབང་བསྐུར་བས། །སོར་རྟོག་ཡེ་ཤེས་འཕྲོ་འདུའི་འོད་ཟེར་ཅན། །གསུང་དབྱངས་ཡན་ལག་དྲུག་ཅུའི་དབང་ཐོབ་ཤོག
།མགྲིན་པར་རེག་སྟེ། ཐུགས་ཀ་ནས་བདུད་རྩི་འི་རྒྱུན་སྔོན་པོ༴ ༴། །ཉོན་མོངས་ཞེ་སྡང་དག་པའི་ཡེ་ཤེས་ལྷ། །རྒྱལ་བའི་ཐུགས་མཆོག་དཔལ་གྱི་ཡེ་ཤེས་བཞུགས། །མི་འགྱུར་ལྷན་ཅིག་སྐྱེས་དགའི་དབང་བསྐུར་བས། །ཆོས་དབྱིངས་ཡེ་ཤེས༴ །རྣམ་ཀུན་ཐམས་ཅད་མཁྱེན་པའི་དབང་ཐོབ་ཤོག
།སྙིང་གར། ལྟེ་བ་ནས་བདུད་རྩི་རྩི་འི་རྒྱུན་སེར་པོ༴ ༴། ཉོན་མོངས་ང་རྒྱལ་དག་པའི་ཡེ་ཤེས་ལྷ། །རྒྱལ་བའི་ཡོན་ཏན་ཕན་བདེ་མཆོག་སྩོལ་བཞུགས། །ཆོས་ཀྱི་དབྱིངས་དང་རིག་པ་དབྱེར་མེད་པ། །མཉམ་ཉིད༴ ༴།མཐོང་ཐོས་དྲན་རེག་མྱུར་དུ་སངས་རྒྱས་ཤོག
།ལྟེ་བར། གསང་བ་ནས་བདུད་རྩིའི་རྒྱུན་ལྗང་གུ༴ ༴ །ཉོན་མོངས་ཕྲག་དོག་དག་པའི་ཡེ་ཤེས་ལྷ། །རྒྱལ་བའི་ཕྲིན་ལས་རྒྱུན་མི་འཆད་པར་བཞུགས། །ལྔ་ལྡན་གསང་རིག་གཟུངས་སྔགས་དབང་བསྒྱུར་ཏེ། །བྱ་གྲུབ་ཡེ་ཤེས་ཆེན་པོའི་དབང་བསྐུར་བས། །ལྷུན་གྲུབ་རབ་འབྱམས་རྒྱལ་བའི་ཞིང་ཐོབ་ཤོག
།སྙིང་པོའི་སྔགས་བཟླ་བཞིན་དུ། གསང་བའི་ཕྱོགས་སུ་རེག་པ་ལྟར་བྱས། བུམ་ཆུ་བླུད། ཕྱི་མ་རྣམས་ལ་བུམ་ཆུ་འཐོར་བར་མཛད་པའི་ཕྱག་ལེན་ཡང་སྣང་ངོ་།
།དེ་དག་ནི་བུམ་པའི་དབང་ངོ་། །སིནྡཱུ་རའི་དཀྱིལ་འཁོར་གྱི་མེ་ལོང་སྤྱི་བོར་གཏུག །ཐོད་པ་བདུད་རྩིས་གང་བ་སྙིང་གར་རེག་ཞིང་།
རྒྱལ་བ་རབ་འབྱམས་རྒྱ་མཚོ་དབྱིངས་བརྒྱུད་པའི། །མཚན་ལྡན་ཐོད་པ་བདུད་རྩིས་གང་བ་དང་། །སྒྲིབ་བྲལ་སྣང་སྟོང་ཟུང་འཇུག་མེ་ལོང་ལ། །སིནྡཱུར་ཆོས་འབྱུང་མཁའ་འགྲོའི་གཞལ་ཡས་ནས། །བདེ་སྟོང་ས་བོན་ཕྱག་ཚན་རྩ་སྔགས་ལྷས། །སྐལ་ལྡན་རིགས་ཀྱི་བུ་ལ་དབང་བསྐུར་རོ། །རྩ་སྔགས་བརྗོད་ཅིང་སིནྡཱུ་རས་དཔྲལ་བར་ཐིག་ལེ་བྱ། ནང་མཆོད་བདུད་རྩི་སྦྱིན་ནོ། །དེ་ནི་གསང་བའི་དབང་ངོ་། །དེ་ནས་འདི་སྐད་ཅེས་བརྗོད་དེ།
གསང་ཡུམ་རྡོ་རྗེ་མཁའ་འགྲོ་མས། །ལྷ་མོ་སྤྲོས་ཏེ་བུ་ལ་གཏད། །སྙོམས་པར་ཞུགས་པའི་བདེ་བས་གང་། །ཐབས་དང་ཤེས་རབ་དབྱེར་མེད་གྱུར། །གང་འདུལ་ལྷ་སྐུ་མཐའ་ཡས་སུ། །སེམས་ཅན་དོན་དུ་བྱེད་གྱུར་ཅིག
།རྩ་སྔགས་བརྗོད་ལ། དེའི་དོན་བསྒོམ་དུ་གཞུག་གོ །དེ་ནས་ཤེས་རབ་ཡེ་ཤེས་ཀྱི་དབང་ངོ་། །ཕྱག་རྒྱ་ཆེན་པོའི་དོན་བསྒོམ་དུ་བཅུག་སྟེ།
སྤྲོས་པའི་མཐའ་བྲལ་གཅེར་མཐོང་རང་རིག་འདི། །ནམ་མཁའ་ཆོས་ཀྱི་དབྱིངས་དང་མཉམ་སྦྱོར་བ། སྐལ་ལྡན་རིགས་ཀྱི་བུ་ལ་དབང་བསྐུར་བས། །མ་རིག་འཁོར་བའི་སྡུག་བསྔལ་རྒྱུད་དྲུག་དང་། །འཁྲུལ་རྟོག་ཉོན་མོངས་དུག་ལྔ་རྩད་ཆོད་ནས། །སྐྱབས་གསུམ་ཀུན་འདུས་གོ་འཕང་མཆོག་ཐོབ་ཤོག ཨོཾ་དྷ་རེ་དྷ་རེ་དྷ་ར་ཎ་བྷ་ཏེ་སྭཱ་ཧཱ། ཞེས་མེ་ཏོག་གཏོར།
རྒྱས་པ་ལ་སྤྲོ་ན། བཀྲ་ཤིས་བཀའ་རྒྱ་མ་བརྗོད་ཅིང་། མདོར་བསྡུ་ན། ཉིན་མོ་བདེ་ལེགས་སོགས་ཤློ་ཀ་གཅིག་བརྗོད།
གཏོར་མའི་བཀའ་བསྒོ་བ་ནི། སྤྱི་བོར་བཟུང་ལ། གཏོར་མ་འདི་ཉིད་བླ་མ་མགོན་པོ་དབྱེར་མེད་དུ་གསལ་བའི་མཐའ་སྐོར་དུ་སངས་རྒྱས་བྱང་ཆུབ་སེམས་དཔའི་ཚོགས་ཀྱིས་བསྐོར་བར་མོས། རང་གི་སྤྱི་བོར་བྱོན། བླ་མ་མགོན་པོ་དབྱེར་མེད་ཀྱི་སྐུ་ཕྲ་མོ་དཔག་ཏུ་མེད་པ་བྱུང་སྟེ། ཁྱེད་རང་རྣམས་ཀྱི་ལུས་ལ་སིབ་སིབ་ཐིམ་པའི་མོས་པ་མཛོད་ཅིག །དཔལ་མྱུར་མཛད་ཡེ་ཤེས་ཀྱི་མགོན་པོ་ལྗང་གུ་ཚེའི་བདག་པོ་སྣ་ཚོགས་མཁའ་འགྲོ་འཁོར་མཁའ་འགྲོ་མ་བྱེ་བ་འབུམ་སྡེའི་ཚོགས་དང་བཅས་པ་སོགས་མགོན་དཀར་ལྟར་ལ། ཐོགས་མེད་དུ་བསྒྲུབ་པ་དང་། ཁྱད་པར་དུ་ཚེ་ལ་གནོད་པའི་བར་དུ་གཅོད་པ་ཐམས་ཅད་སྲུང་ཞིང་ཟློག་པ་དང་། འཆི་བ་མེད་པ་རྡོ་རྗེ་ཚེའི་དངོས་གྲུབ་སྩལ་བར་མཛད་དུ་གསོལ། ཅེས་རོལ་མོ་དང་བཅས་ཏེ་བཀའ་བསྒོ་བྱ། དེ་ནས་སྔགས་ཀྱི་བཟླས་ལུང་ནི།
བླ་མ་མགོན་པོ་དབྱེར་མེད་ཀྱི་ཐུགས་ཀ་ནས། སྔགས་ཀྱི་ཕྲེང་བའི་ཚོགས་བྱུང་། ཁྱེད་རང་རྣམས་ཀྱི་སྙིང་ཁར་ཐིམ་པར་མོས་ལ་འདིའི་རྗེས་ཟློས་མཛོད། སྙིང་པོ་ལན་གསུམ། སློབ་དཔོན་ལ་མེ་ཏོག་འཐོར་བཞིན་པས་འདིའི་རྗེས་ཟློས་མཛོད།
བཅོམ་ལྡན་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ།
།སླར་ཡང་མེ་ཏོག་རྣམས་སྔགས་ཀྱི་ཕྲེང་བར་བྱིན་གྱིས་བརླབས་ལ།
ཁྱེད་རང་རྣམས་ལ་གཏོར་བས། སྔགས་ནུས་པ་མཐུ་ཅན་དུ་མོས་མཛོད། བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །ལན་གསུམ།
དེ་དག་གི་གནས་སྐབས་སུ་ཐོབ་པའི་དམ་ཚིག་དང་། །ཞེས་སོགས། སློབ་མའི་རྗེས་ཀྱི་ཆོ་ག་དང་། དཀྱིལ་འཁོར་གྱི་རྗེས་ཀྱི་ཆོ་ག་རྣམས་ནི་མགོན་ནག་གི་སྐབས་སུ་བརྗོད་ཟིན་པ་ལྟར་རོ།
།ཀུན་ལས་ཟབ་མོའི་ཚེ་སྒྲུབ་ནི། །བར་ཆད་བསྲུང་ཐབས་དགའ་བའི་ཏོག །མགོན་ལྗང་སྒྲུབ་ཐབས་སྙིང་པོ་འདི། །གཞན་ལ་ཕན་ཕྱིར་སྦྱར་བ་ཡིན། །མགོན་ལྗང་ཚེ་བདག་གི་སྒྲུབ་ཐབས་ཀྱི་ལེ་ཚན་ནོ།། །།མངྒ་ལཾ།། །།
Lama Gönpo yerme
༼༄༅། །བླ་མ་མགོན་པོ་དབྱེར་མེད་རྗེས་གནང་།།༽
ཨོཾ་སྭ་སྟི།
རྩ་བརྒྱུད་བླ་མ་རྡོ་རྗེ་ཅན། །ཡེ་ཤེས་མགོན་པོའི་སྐུར་སྣང་བ། །ཞབས་ཀྱི་པད་མོར་ཕྱག་བྱས་ཏེ། །བླ་མགོན་དབྱེར་མེད་རྗེས་གནང་བཤད།
།གནས་དབེན་པར་ས་གཞིར་ཆག་ཆག་དང་ཕྱག་དར་ལེགས་པར་བྱས། དཀོན་མཆོག་གི་རྟེན་དང་ཁྱད་པར་མགོན་པོའི་བྲིས་སྐུ་སོགས་ལེགས་པར་བཤམ། ས་གཞི་དྲི་བཟང་གིས་བྱུགས་པར་ཇི་ཙམ་འཚམས་པའི་ཐིག་གྲུ་བཞི་བཏབ། དེ་གཉིས་ཀྱི་བར་ནག་པོ་བྱས་པ་ལ་དུར་ཁྲོད་གཅིག་བྲིས། དེའི་ནང་དུ་ཟླུམ་པོ་གཉིས་སྐོར། ཟླུམ་སྐོར་དང་གྲུ་བཞིའི་བར་ཤར་དཀར་ལྷོ་སེར་ནུབ་དམར་བྱང་ལྗང་བ་བྱས་ལ་ཟླུམ་སྐོར་གཅིག་གི་བར་སྔོན་པོ། ཟླུམ་པོའི་ནང་ལྗང་ཁུར་བྱས་པའི་དབུས་སུ་ཆོས་འབྱུང་མཐིང་ནག་གྲུ་གསུམ་མེ་རི་དང་བཅས་པའི་དབུས་སུ་ཧཱུྃ་ངམ་གྲི་གུག་གི་ལྟེ་བ་ལ་ཧཱུྃ་གིས་མཚན་པ་བྲིས། དེའི་སྟེང་དུ་མཉྫིའི་ཁར་ནས་ནག་རྗེན་བཏགས་ལས་བྱས་པའི་གཏོར་མ་དཔལ་བཤོས་ཟུར་གསུམ་པ་ལ་མཐའ་མཐེབ་སྐྱུས་བསྐོར་བ་རྒྱན་དང་བཅས་པ་ལ་མདའ་དར་མེ་ལོང་མགོན་པོའི་ཙཀླི་བཏགས་པ་བཙུགས་ལ་བཞག །མཐའ་མཆོད་པ་དང་གཏོར་མ་སྤྱན་གཟིགས་སྣ་ཚོགས་པས་བསྐོར། སྔོན་གཏོར་གནས་ཡོ་བྱིན་རླབས། ཡི་དམ་སྒོམ་བཟླས་སོགས་ནས་བརྩམས། མདུན་བསྐྱེད་སྒྲུབ་ཚུལ་རྩ་བ་བར་ཆད་ཀུན་སེལ་གྱི་སྐབས་སུ་བཤད་པ་ཇི་ལྟ་བ་བཞིན་ལ། ཁྱད་པར་གསོལ་འདེབས་གོང་དུ།
མགོན་པོའི་དབུ་གཙུག་ཏུ་དྲིན་ཅན་རྩ་བའི་བླ་མ་སྐུ་མདོག་སེར་པོ་ཉི་མ་འབུམ་གྱི་གཟི་བརྗིད་དང་ལྡན་པ། ཕྱག་གཡས་ཡིད་བཞིན་གྱི་ནོར་བུ་ཐུགས་ཀར་གཏོད་ཅིང་། གཡོན་གསེར་གྱི་དྲིལ་བུ་དཀུར་བརྟེན་པ། རྡོ་རྗེའི་སྐྱིལ་ཀྲུང་གིས་བཞུགས་ཤིང་རྒྱན་ཐམས་ཅད་ཀྱིས་བརྒྱན་པ། རྡོ་རྗེ་འཆང་ནས་བརྩམས་ཏེ་བརྒྱུད་པའི་བླ་མ་ཐམས་ཅད་ཀྱི་ངོ་བོར་གྱུར་པ། བླ་མའི་སྐུ་ལས་འོད་འཕྲོས། མགོན་པོ་འོད་དང་བདེ་བའི་རང་བཞིན་དུ་འུར་འུར་སིལ་སིལ་གར་མཛད། མགོན་པོ་ལས་འོད་འཕྲོས། བླ་མའི་སྐུ་ལ་ཐིམ་པས། བླ་མ་འོད་དང་བདེ་བའི་རང་བཞིན་དུ་གྱུར། དྲིལ་བུ་གཡེར་ཁའི་སྒྲ་སིལ་སིལ། ཁྲོལ་ཁྲོལ་གར་མཛད། བླ་མ་ཉིད་མགོན་པོ། མགོན་པོ་ཉིད་བླ་མ། བླ་མ་དང་མགོན་པོ་དབྱེར་མེད་པར་གྱུར། བདག་དང་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་བླ་མ་མགོན་པོ་དབྱེར་མེད་ལ་གསོལ་བ་འདེབས་སོ། །མགོན་པོ་བླ་མ་དབྱེར་མེད་ལ་གསོལ་བ་འདེབས་སོ། །དྲིན་ཅན་རྩ་བའི་བླ་མ་ལ་གསོལ་བ་འདེབས་སོ། །ཞེས་ལན་ཅི་རིགས་དང་།
ན་མོ་བུདྡྷའི་གསོལ་འདེབས་ལན་བརྒྱ་རྩ་ལས་མི་ཉུང་བ་དང་། བླ་མགོན་དབྱེར་མེད་གསོལ་འདེབས་ཚིག་རྐང་ལྔ་པོའང་མང་དུ་བརྗོད་ལ། གཞུང་བསྙེན་ཁྱུག་ཙམ་མཐར། གཏོར་འབུལ་ཚིག་ལྷུག་འདོད་གསོལ་མ་སྦྱར་བ་དང་། བསྟོད་པ་ཡན་གྲུབ་པ་དང་། བདག་འཇུག་བླང་། སློབ་མ་རྣམས་ཁྲུས་བྱས། གསེར་གྱི་མཎྜལ་བཅས་མདུན་དུ་འཁོད་པ་ལ། སློབ་དཔོན་གྱིས།
འོ་ནམ་མཁའི་མཐའ་དང་མཉམ་པའི་མ་གྱུར་སེམས་ཅན་ཐམས་ཅད་ཀྱི་དོན་དུ་འཇིག་རྟེན་དབང་ཕྱུག་སྤྱན་རས་གཟིགས་ཀྱི་གོ་འཕང་ཅི་ནས་ཀྱང་འཐོབ་པར་བྱ། དེའི་ཆེད་དུ་བླ་མ་མགོན་པོ་དབྱེར་མེད་པའི་བཀའ་ཟབ་མོ་ཞུ་བར་བགྱིའོ་སྙམ་པའི་ཐུགས་བསྐྱེད་ཁྱད་པར་ཅན་གསལ་བཏབ་ནས་གསན་འཚལ།
དེ་ལ་རང་ཅག་རྣམས་ཀྱིས་རྙེད་པར་བཀའ་བ་མིའི་ལུས་རྟེན་བཟང་པོ་ཐོབ། མཇལ་བར་དཀའ་བ་སངས་རྒྱས་ཀྱི་བསྟན་པ་རིན་པོ་ཆེ་དང་ནི་མཇལ། བསྟན་པའི་སྙིང་པོ་གསང་སྔགས་རྡོ་རྗེ་ཐེག་པའི་ལམ་ཉམས་སུ་བླང་དུ་ཡོད་པའི་དུས་འདིར། སྙིང་ཐག་པ་ནས་ཆོས་ལ་འབད་དགོས། ཆོས་བསྒྲུབ་པ་ལ་དེང་སང་སྙིགས་མའི་དུས་འདིར་མཐུན་རྐྱེན་ཉུང་ཞིང་འགལ་རྐྱེན་མང་བ་ཡིན་ཏེ།
ཡུམ་ལས། རིན་ཆེན་ཆོས་ཀྱང་དཀོན་ལ་དེ་ལ་འཚེ་བ་མང་། །ཞེས་གསུངས་པས།
དེའི་གཉེན་པོར་ཆོས་སྐྱོང་ཁྱད་པར་ཅན་རེ་བསྟེན་དགོས། དེ་ལ་མཉམ་མེད་ཤངས་པ་བཀའ་བརྒྱུད་པ་འདིའི་ཕྱག་བཞེས་དང་བོད་ཀྱི་ལྷ་མིན་འདྲེ་མིན་བསྟེན་པའི་ལུགས་མི་གཅིག །གྲུབ་ཐོབ་གཙང་བརྒྱུད་ཀྱི་སྲོལ་སྐྱོང་བ་ཁྱུང་པོ་རྣལ་འབྱོར་གྱི་ཆོས་ལུགས་ཡིན། ཁོང་གིས་མགོན་པོ་ཕྱག་དྲུག་པ་འདི་རྒྱ་གར་ནས་བོད་དུ་སྤྱན་དྲངས་པ་ཡིན་ཏེ། ཁྱུང་པོས་རྒྱ་གར་དུ་བྱོན་ནས། བླ་མ་མཻ་ཏྲཱི་པ་ཀོ་ས་ལ་བྷིཀྵའི་དུར་ཁྲོད་ན་བཞུགས་པ་ལ། གསེར་སྲང་བདུན་ཕུལ་ནས། ངེད་བོད་རྣམས་ལོངས་སྤྱོད་ཆུང་བ་ཡིན་པས། ནོར་སྒྲུབ་མཐུ་མྱུར་ལ་རྟགས་མཚན་ཆེ་བ་གཅིག་ཞུ་ཞུས་པས། མཻ་ཏྲཱི་པའི་ཞལ་ནས། ཡིད་བཞིན་གྱི་ནོར་བུ་ཞེས་ཀྱང་བྱ། མགོན་པོ་ཤིང་ཕུང་ཅན་ཞེས་ཀྱང་བྱ། ཙན་དན་གྱི་མགོན་པོ་ཞེས་ཀྱང་བྱ། ཐུགས་རྗེ་ཆེན་པོ་ནག་པོ་ཞེས་ཀྱང་བྱ། ཡེ་ཤེས་ཀྱི་མགོན་པོ་ཕྱག་དྲུག་ཅེས་ཀྱང་བྱ་བ། ཚེ་འདི་དང་བར་དོའི་འཇིགས་པ་ལས་སྐྱོབ་པ། ལྷ་འདྲེ་མི་གསུམ་དབང་དུ་འདུ་བ། མི་ནོར་རྫས་གསུམ་ཤུགས་ལ་འབྱུང་བ། དགྲ་ཐམས་ཅད་བརླག་པར་བྱེད་པ། ཟློག་པས་མི་ཚུགས་པ། མཆོག་ཐུན་མོང་ཐམས་ཅད་ལོ་ཟླས་འགྲུབ་པ། མཆོག་སྒྲུབ་པས་ཐུན་མོང་ཞོར་ལ་འབྱུང་བ། ཐུན་མོང་བསྒྲུབ་པས་མཆོག་ཞོར་ལ་འབྱུང་བ། གཅིག་ཡོད་པ་དེ་སྦྱིན་གསུངས་སོ།
།དེ་བླ་མས་སུ་ལས་ཞུས་བྱས་པས། ཁོ་བོས་དཔལ་ཤ་བ་རི་པ་ལས་ཐོབ། དཔལ་ཤ་བ་རི་པ་ཞེས་བྱ་བ་དེ་ནི་བྲམ་ཟེའི་རིགས་སུ་གྱུར་པ། དཔལ་འབྲས་སྤུངས་དང་ཉེ་བར་གྲོང་ཁྱེར་ཆེན་པོ་སུམ་ཅུ་རྩ་གཉིས་ཡོད་པའི་དབུས་ན། ཏྲི་པ་ལ་བྱ་བ་རོལ་མོ་མཁས་པའི་མཆོག་ཏུ་གྱུར་ནས། སྔོན་སངས་རྒྱས་ལ་གླུ་དང་རོལ་མོའི་མཆོད་པས་མཉེས་པར་བྱས་པ་དེ་དུར་ཁྲོད་ཆེན་པོ་བསིལ་བའི་ཚལ་གྱི་འཇག་མའི་སྤྱིལ་བུ་གཅིག་ན་སྒྲུབ་པ་མཛད་ཅིང་བཞུགས་ཡོད་པའི་ཚེ། ནམ་མཁའ་ལ་ཌཱ་མ་རུ་དང་དྲིལ་བུ་གཡེར་ཁའི་སྒྲ་ཆེན་པོ་གྲགས་ནས་གཟིགས་པ་དང་། ཡེ་ཤེས་ཀྱི་མགོན་པོ་འདི་བྱོན་ནས་རིགས་ཀྱི་བུ་ངའི་སྒྲུབ་ཐབས་ཟུང་ཞིག་གསུངས་ནས་ཤ་བ་རི་པས་སྒྲུབ་ཐབས་འདི་ཡི་གེར་བཀོད། ཡང་རྗེ་བཙུན་རྣལ་འབྱོར་མ་དང་། ཐུགས་རྗེ་ཆེན་པོ་དང་སྒྲོལ་མ་གསུམ་བྱོན་ནས་སྒྲུབ་ཐབས་ཀྱི་ལུང་གསུངས་ཏེ་བསྔགས་པར་མཛད་དོ། །དེ་ལྟ་བུའི་བླ་མ་དེ་ལྷོ་ཕྱོགས་དཔལ་གྱི་རི་ལ་བཞུགས་པའི་དུས་སུ་ཁོ་བོས་ཕྱག་རྒྱ་ཆེན་པོའི་རྒྱུད་དང་གདམས་ངག་ཞུས། དེའི་དུས་སུ་ཕྱག་དྲུག་པ་འདི་གནང་ནས་བསྒྲུབ་པས་ཞག་ཉི་ཤུ་རྩ་གཅིག་ནས་ཞལ་མཐོང་བ་ཡིན་ནོ།
།ད་ཁྱུང་པོ་རྣལ་འབྱོར་ཁྱོད་ཀྱིས་ཀྱང་། ཕྱག་དྲུག་པ་འདི་ལ་ནས་ནག་རྗེན་བཏགས་ཀྱི་གཏོར་མ་དང་། སྤོས་སྦྱོར་མ་ཆད་པར་གྱིས། ཁྱི་ནག་པོ་ལ་རྡོ་མ་རྡེག །ཡིད་ཆེས་པར་གྱིས་ལ་བླ་མ་དང་དབྱེར་མེད་དུ་ལྟོས། དེ་ལྟར་བྱས་པས་དངོས་གྲུབ་ཐམས་ཅད་ཚུལ་བཞིན་དུ་སྟེར་བར་འགྱུར་རོ། །ཞེས་ལུང་བསྟན་ནས་བཀའ་བསྒོ་ལན་གསུམ་གྱི་བར་མཛད་ནས་གནང་ངོ་། །གཞན་ཡང་སྔོན་བྱུང་བ་འདས་པའི་དུས་སུ་དུར་ཁྲོད་ཆེན་པོ་མུན་པ་མི་བཟད་པ་ཞེས་བྱ་བར། སློབ་དཔོན་ཆེན་པོ་དྷ་ན་སཾ་སྐྲྀ་ཏ་ཞེས་བྱ་བ་ལ། ཡེ་ཤེས་ཀྱི་མགོན་པོ་འདི་ཞལ་མངོན་སུམ་དུ་གཟིགས་ཤིང་། འཁོར་ཚོགས་དབང་དུ་བསྡུས་ནས་ལས་ཐམས་ཅད་བསྒྲུབ་པར་མཛད་པའི་བླ་མ་དེས། རཱ་ཧུ་ལ་གུཔྟ་བཛྲ་ལ་ཞལ་གཟིགས་ཉེ་བརྒྱུད་ཀྱི་ཚུལ་དུ་གནང་། དེས་ཁྱུང་པོ་རྣལ་འབྱོར་འཕན་ཡུལ་ཇོག་པོའི་རི་ལ་བཞུགས་དུས་རྒྱ་གར་ནས་ནམ་ལངས་པ་ལ་ཕེབས་ཏེ། བོད་དུ་ཉི་ཤར་ལ་གདམས་པ་སྒོ་སྐྱེལ་དུ་མཛད་པ་སྟེ། གྲུབ་ཐོབ་རྣམ་པ་གཉིས་ལས་བརྒྱུད་པའི་མྱུར་མཛད་ཡེ་ཤེས་ཀྱི་མགོན་པོའི་གདམས་སྐོར་ལ་རྗེས་གནང་བྱིན་རླབས་ཀྱི་བཀའ་རིགས་མི་གཅིག་པ་མང་དུ་བཞུགས་ནའང་། ཞི་དྲག་གི་སྒྲུབ་ཐབས་ཀུན་གྱི་ཟབ་གནད་སྲོག་སྙིང་ལྟ་བུ་མེད་དུ་མི་རུང་བའི་ཡན་ལག་གི་བཀའ་གསུམ་གྱི་དང་པོ་བླ་མ་མགོན་པོ་དབྱེར་མེད་འདི་ནི། གྲུབ་ཆེན་ཤ་བ་རི་པའི་ཞལ་ནས། སྔགས་དང་གསོལ་འདེབས་ཕྱེ་མར་བྱས་ཤིང་གཏོར་མ་ཕུལ་ན་ཞལ་མྱུར་དུ་སྟོན་པར་འགྱུར་རོ།
།དེ་ཡང་སེམས་ཅན་ཐམས་ཅད་དང་ཐུན་མོང་དུ་བྱས་ཤིང་གསོལ་བ་བཏབ་ན་མོས་གུས་ཞུང་ཞུང་བྱེད་པར་བསམ་ན་གཞན་དོན་དཔག་ཏུ་མེད་པ་འབྱུང་བར་འགྱུར་རོ། །བླ་མ་དང་མགོན་པོའི་སྐུ་གང་གསལ་བ་ལ་སེམས་བཟུང་ན་ལོངས་སྐུ་དང་སྤྲུལ་སྐུར་འཚང་རྒྱའོ། །རྟོགས་པ་སྐྱེས་ཚད་སྡོང་པོ་རྩ་བ་ནས་བཅད་པ་བཞིན་དུ་ཐག་བཅད་ན་དག་པའི་ས་གསུམ་ཐོབ་བོ། །གསོལ་བ་བཏབ་པའི་རྗེས་སམ་འགྲོ་འཆག་གང་གི་དུས་སུ་ཡང་ཅིར་སྣང་ཐམས་ཅད་གསལ་ལ་འཛིན་མེད་གླང་པོའི་ལྟ་ལྟངས་སུ་བཞག་ན་ཆོས་སྐུར་འཚང་རྒྱའོ། །མཎྜལ་དང་གཏོར་མ་བཅས་ནས་ཡིད་ཆེས་ཐེ་ཚོམ་མེད་པར་གསོལ་བ་བཏབ་ན་ཐུན་མོང་གི་དངོས་གྲུབ་སྟེར་བར་བྱེད་དོ། །མ་ཡེངས་པར་ཟླ་བ་བདུན་བསྒོམ་ན་དེ་ཉིད་དུ་འཚང་རྒྱ་བར་བྱེད་དོ། །ཐོ་རེངས་ཐུན་རེ་བསྒོམ་ན་འཆི་ཁར་གཟུགས་སྐུ་དང་ཆོས་སྐུ་ཐོབ་བོ། །དབང་དང་འབྲེལ་བ་ལན་གཅིག་ཐོབ་ན་མཚམས་མེད་པ་ལྔ་བྱས་པ་ཡང་བར་དོར་འཚང་མི་རྒྱ་མི་སྲིད་དོ།
།བླ་མ་མགོན་པོ་དབྱེར་མེད་ལ། །བདག་ནི་གུས་པས་སྐྱབས་སུ་མཆི། །བདག་ནི་སེམས་ཅན་ཐམས་ཅད་ཀྱི། །ཉོན་མོངས་མ་ལུས་བསལ་བར་ཤོག
།ཅེས་པ་ལན་གཅིག་ཐོས་པ་དང་གསེར་ལ་བྲིས་ནས་བཏགས་ན་ཡང་འཆི་ཁར་ཞལ་མཐོང་བར་འགྱུར་རོ།
།ཡེ་ཤེས་མགོན་པོ་མདུན་བྱོན་ནས། །བདག་འདྲ་ཤ་བ་རི་པ་ལ། །ལན་གསུམ་བར་དུ་གསུངས་ནས་ཀྱང་། །བཀའ་རྒྱས་བཏབ་ནས་མཁའ་ལ་གཤེགས། །ཨེ་མ་ངོ་མཚར་རྨད་ཀྱི་ཆོས། །ཆིག་བརྒྱུད་དག་ལས་མ་སྤེལ་ཅིག
།ཅེས་ཆེད་དུ་བསྔགས་ཤིང་བཀའ་རྒྱས་བཏབ་པའི་གསེར་ཆོས་ཡིན་ལ། སྤྱིར་ཆོས་སྐྱོང་གཞན་དག་ལའང་བླ་མགོན་དབྱེར་མེད་ཀྱི་ཁ་སྐད་ཙམ་རེ་མཆིས་ཀྱང་དེ་དག་ནི་ཆོས་སྐྱོང་ཡེ་ཤེས་པ་ཡིན་པར་སྒྲུབ་པ་དང་བླ་མ་ཉིད་རྩ་གསུམ་ཀུན་འདུས་སུ་ཤེས་དགོས་པའི་གཏན་ཚིག་ཙམ་ཡིན་ལ། འདི་ནི་རྒྱ་གཞུང་གི་ཁུངས་དང་ལྡན་པའི་སྒྲུབ་ཚུལ་ཁྱད་པར་ཅན་བྱིན་རླབས་ཀྱི་བཀའ་དང་བཅས་པ་དམིགས་བསལ་དུ་བཞུགས་པས་འདི་ལྟར་སྒྲུབ་པས་ཉམས་རྟོགས་སྐྱེད་བྱེད་ཀྱི་བླ་སྒྲུབ་ཁྱད་པར་ཅན་དུ་འགྱུར་བ་མ་ཟད། མགོན་པོ་འདི་ལ་རྟེན་བཞི་གནད་གསུམ་ཞེས་བྱ་བ་ཡོད་པས་བླ་མ་མགོན་པོ་དབྱེར་མེད་དུ་བསྒྲུབ་པ་འདི་དེ་ཁོ་ན་ཉིད་ཀྱི་རྟེན་ཞེས་བྱ་བ་མགོན་པོ་འདི་བརྟེན་པ་ལ་མེད་དུ་མི་རུང་བའི་ཡན་ལག་ཀྱང་ཡིན་པས་དེ་ལྟ་བུའི་བཀའ་ཟབ་མོ་ཞུ་བའི་ཡོན་དུ་དམིགས་ཏེ་མཎྜལ་ཕུལ་འཚལ། ཞེས་འབུལ་དུ་གཞུག
།ཐལ་མོ་མེ་ཏོག་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས་མཛོད།
ཁྱོད་ཞབས་པདྨོ་སྤངས་ནས་ནི། །གཙོ་བོ་གཞན་ལ་སྐྱབས་མ་མཆིས། །འགྲོ་བའི་དཔའ་བོ་ཐུབ་ཆེན་པོས། །བདག་ལ་བློ་མཆོག་སྩལ་དུ་གསོལ། །ལན་གསུམ། དེ་ནས་ལྷ་ངོ་སྤྲད་པ་ནི།
མདུན་གྱི་དཀྱིལ་འཁོར་འདི་ཉིད་སྲུང་བའི་འཁོར་ལོའི་ནང་མི་བཟད་པའི་དུར་ཁྲོད་ཆེན་པོའི་དབུས་སུ་སོགས་རྩ་བ་མགོན་མཐིང་གི་རྗེས་གནང་སྐབས་ལྟར། ཚུལ་བཞིན་དུ་སྐོང་བར་མཛད་པ། དེ་དག་གི་སྟེང་དུ་དྲིན་ཅན་རྩ་བ་དང་བརྒྱུད་པའི་བླ་མ་ཐམས་ཅད་སྤྲིན་གཏིབས་པ་བཞིན་དུ་བཞུགས་པའི་སྤྱན་སྔར་རྒྱུན་བཤགས་སྔོན་དུ་འགྲོ་བ་ཅན་གྱི་བྱང་ཆུབ་མཆོག་ཏུ་སེམས་བསྐྱེད་པར་བགྱིའོ་སྙམ་པས་འདིའི་རྗེས་ཟློས་མཛོད།
དཀོན་མཆོག་གསུམ་ལ་བདག་སྐྱབས་མཆི་སོགས་ལན་གསུམ།
ཁྱད་པར་རྡོ་རྗེ་ཐེག་པའི་དམ་ཚིག་དང་སྡོམ་པ་མཐའ་དག་ལེགས་པར་བླངས་ནས་ཚུལ་བཞིན་དུ་བསྲུང་བར་བགྱིའོ་སྙམ་པས་འདིའི་རྗེས་ཟློས།
།སངས་རྒྱས་བྱང་ཆུབ་སེམས་དཔའ་ཀུན། །ཇི་ཙམ་དུས་ནས་བཟུང་ནས་སུ། །མ་ལུས་བདག་ལ་དགོངས་སུ་གསོལ།
།བདག་མིང་འདི་ཞེས་བགྱི་བ་ཡིས། །དུས་འདི་ཉིད་ནས་བཟུང་ནས་སུ། །ནམ་ཞིག་བྱང་ཆུབ་སྙིང་པོ་ལ། །ཡོངས་སུ་གནས་ཀྱི་བར་དག་ཏུ། །བདག་གིས་བྱང་ཆུབ་མཆོག་གི་སེམས། །མ་ལུས་པར་ནི་བསྐྱེད་པར་བགྱི།
།ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི།
།སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། བདག་གིས་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །ནམ་དུ་ཡང་ནི་མི་སྤང་ངོ་། །རྡོ་རྗེའི་རིགས་མཆོག་ཆེན་པོ་ལ། །རྡོ་རྗེ་དྲིལ་བུའི་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་ཡང་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་མ་ལུས་གཟུང་། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང་། །མ་བརྒལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་འགོད། ལན་གསུམ།
དེ་དག་གིས་འཇུག་པའི་ཆོས་མདོར་བསྡུས་པ་གྲུབ་ནས། དངོས་གཞིའི་བྱིན་རླབས་འབེབས་པའི་སླད་དུ་བླ་མ་མགོན་པོ་དབྱེར་མེད་པ་ལ་མོས་གུས་དུང་བ་སོགས་མགོན་མཐིང་གི་སྐབས་ལྟར་ལ། ཐུགས་ཀར་ཧཱུྃ་སྔོན་པོས་མཚན་པར་སྒོམས་ཤིག
།དེ་ནས་མདུན་བསྐྱེད་གཏོར་མ་དང་དབྱེར་མེད་པའི་མགོན་པོའི་སྤྱི་བོར་དྲིན་ཅན་རྩ་བའི་བླ་མ་སྐུ་མདོག་སེར་པོ་སོགས་དབང་སྒྲུབ་སྐབས་ལྟར་ལ།
བླ་མ་དང་མགོན་པོ་དབྱེར་མེད་པའི་བདག་ཉིད་དུ་མོས་པ་དུང་དུང་མཛད་ནས་སྐུའི་བྱིན་རླབས་ཞུ་བའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད།
ན་མོ་བུདྡྷ་ཡ། ན་མོ་གུ་རུ་ཧེ། བཛྲ་བཱི་ར་བཱི་རི་ཎི། ཤྲཱི་ཌཱ་ཀ་ཌཱ་ཀི་ནཱི། ཛོ་ག་ཛོ་གི་ནཱི། སརྦ་བུདྡྷ་བོ་དྷི་ས་ཏྭ་ཡ་ཤ་ར་ཎཾ། གཙྪ་མི་ཀྱཻ། ཞེས་ལན་གསུམ།
བདག་དང་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་བླ་མ་མགོན་པོ་དབྱེར་མེད་ལ་གསོལ་བ་འདེབས་སོ། །མགོན་པོ་བླ་མ་དབྱེར་མེད་ལ་གསོལ་བ་འདེབས་སོ། །ཞེས་ལན་གསུམ་བརྗོད་དུ་གཞུག
།དེ་ལྟར་གསོལ་བ་བཏབ་པས། མགོན་པོའི་སྤྱི་བོ་ན་བཞུགས་པའི་བླ་མའི་སྨིན་མཚམས་ནས་འོད་ཟེར་དཀར་པོ་དང་མགོན་པོའི་སྨིན་མཚམས་ནས་མགོན་པོའི་སྐུ་དཀར་པོ་ཆུང་ལ་ཡན་ལག་རགས་པ་མང་པོ་བྱུང་། ཁྱེད་རང་གི་སྨིན་མཚམས་ནས་ཕར་སིབ་སིབ་ཐིམ་པས་བླ་མ་མགོན་པོ་དབྱེར་མེད་པའི་སྐུའི་བྱིན་རླབས་ཐོབ་སྙམ་པའི་མོས་པ་མཛོད། ཅེས་བརྗོད་ལ། བླ་མས་ན་མོ་བུདྡྷ་དང་བཛྲ་མ་ཧཱ་ཀཱ་ལའི་སྔགས་དྲག་ཏུ་བརྗོད་ཅིང་རོལ་མོའི་སྒྲ་དྲག་ཏུ་བྱ།
དེས་བླ་མ་དང་མགོན་པོའི་སྐུའི་བྱིན་རླབས་ཐོབ། ཁྱེད་རང་གི་ལུས་ཀྱི་སྒོ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་དག །བུམ་པའི་དབང་བསྐུར་ཐོབ་སྙམ་པའི་མོས་པ་མཛོད་ཅིག །གསུང་གི་བྱིན་རླབས་ཞུ་བའི་དོན་དུ་སྔར་ལྟར་གསོལ་བ་གདབ།
མགོན་པོའི་སྤྱི་བོ་ན་བཞུགས་པའི་བླ་མའི་མགྲིན་པ་ནས་འོད་ཟེར་དམར་པོ་དང་མགོན་པོའི་མགྲིན་པ་ནས་མགོན་པོའི་སྐུ་དམར་པོ་ཆུང་ལ་ཡན་ལག་རགས་པ་མང་པོ་བྱུང་། ཁྱེད་རང་གི་མགྲིན་པ་ནས་ཕར་སིབ་སིབ་ཐིམ་པས་བླ་མ་དང་མགོན་པོ་དབྱེར་མེད་པའི་གསུང་གི་བྱིན་རླབས་ཐོབ་སྙམ་པའི་མོས་པ་མཛོད། ཅེས་བརྗོད་ལ་སྔགས་དང་རོལ་མོ་བྱེད།
དེས་བླ་མ་དང་མགོན་པོའི་གསུང་གི་བྱིན་རླབས་ཐོབ། ཁྱེད་རང་གི་ངག་གི་སྒོ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་དག །གསང་བའི་དབང་ཐོབ་སྙམ་པའི་མོས་པ་མཛོད་ཅིག །ཐུགས་ཀྱི་བྱིན་རླབས་ཞུ་བའི་དོན་དུ་སྔར་ལྟར་གསོལ་བ་བཏབ།
མགོན་པོའི་སྤྱི་བོ་ན་བཞུགས་པའི་བླ་མའི་ཐུགས་ཀ་ནས་འོད་ཟེར་སྔོན་པོ་དང་མགོན་པོའི་ཐུགས་ཀ་ནས་མགོན་པོའི་སྐུ་མཐིང་ག་ཆུང་ལ་ཡན་ལག་རགས་པ་མང་པོ་བྱུང་། ཁྱེད་རང་གི་སྙིང་ཁ་ནས་ཕར་སིབ་སིབ་ཐིམ་པས་བླ་མ་དང་མགོན་པོ་དབྱེར་མེད་པའི་ཐུགས་ཀྱི་བྱིན་རླབས་ཐོབ་སྙམ་པའི་མོས་པ་མཛོད། ཅེས་བརྗོད་ལ་སྔགས་དང་རོལ་མོ་བྱེད།
དེས་བླ་མ་དང་མགོན་པོའི་ཐུགས་ཀྱི་བྱིན་རླབས་ཐོབ། ཁྱེད་རང་གི་ཡིད་ཀྱི་སྒོ་ནས་བསགས་པའི་སྡིག་སྒྲིབ་ཐམས་ཅད་དག །ཤེས་རབ་ཡེ་ཤེས་ཀྱི་དབང་ཐོབ་སྙམ་པའི་མོས་པ་མཛོད།
ཡང་བླ་མ་དང་མགོན་པོ་དབྱེར་མེད་པའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཞུ་བའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད་ཅིག
བདག་དང་ནམ་མཁའི་མཐའ་དང་མཉམ་པའི་སོགས་གསོལ་འདེབས་ཉེར་གཅིག་དང་། ན་མོ་བུདྡྷ་ལན་གསུམ།
དེ་ལྟར་གསོལ་བ་བཏབ་པས་མགོན་པོའི་སྤྱི་བོ་ན་བཞུགས་པའི་བླ་མའི་སྐུའི་ཆ་ཐམས་ཅད་ལས་འོད་ཟེར་ཁ་དོག་སྣ་ཚོགས་པ་དཔག་ཏུ་མེད་པ་བྱུང་། མགོན་པོའི་སྐུའི་ཆ་ཐམས་ཅད་ལས་ཀྱང་མགོན་པོའི་སྐུ་ཆུང་ལ་ཡན་ལག་རགས་པ་སྣ་ཚོགས་པའི་མདོག་ཅན་ཌཱ་མ་རུ་དང་གཡེར་ཁའི་སྒྲ་དང་ཧཱུྃ་ཧཱུྃ་ཕཊ་ཕཊ་ཀྱི་སྒྲ་སྒྲོགས་པ་དཔག་ཏུ་མེད་པ་བྱོན་ཏེ། ཁྱེད་རང་གི་ལུས་ཀྱི་སྟོད་སྨད་བར་གསུམ་ནས་ཕར་སིབ་སིབ་ཐིམ་པས་ཁྱེད་རང་གི་ལུས་སེམས་བདེ་བས་གང་། ལུས་ཀྱི་ནང་ན་མགོན་པོ་རྣམས་གར་མཛད་ཅིང་ནད་གདོན་སྡིག་སྒྲིབ་ཐམས་ཅད་ཞལ་དུ་གསོལ། ཁྱོད་ཀྱི་བར་ཆད་ཐམས་ཅད་ངས་སེལ། མཐུན་རྐྱེན་ཐམས་ཅད་ངས་སྒྲུབ་ཅེས་པའི་གསུང་ལྷང་ལྷང་འབྱོན་བཞིན་པ་དང་བཅས་པས་ཁྱེད་རང་གི་ལུས་ཀྱི་ནང་ཐམས་ཅད་གང་བས་བླ་མ་དང་མགོན་པོ་དབྱེར་མེད་པའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཐོབ་སྙམ་པའི་མོས་པ་མཛོད། ཅེས་བརྗོད་ལ་སྔགས་དང་རོལ་མོ་དང་བཅས་པས།
ཕྱོགས་བཅུ་དུས་གསུམ་ན་བཞུགས་པའི་རྩ་བ་དང་བརྒྱུད་པའི་བླ་མ་དམ་པ་རྣམས་ཀྱིསབྱིན་གྱིས་རློབས་ཤིག །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱིས་བྱིན་གྱིས་རློབས་ཤིག །དཔའ་བོ་དང་དཔའ་མོ་རྣལ་འབྱོར་མ་རྣམས་ཀྱིས་བྱིན་གྱིས་རློབས་ཤིག །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་རློབས་ཤིག །དཔལ་ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས་ཡེ་ཤེས་ལ་སྒྲིབ་པ་མི་མངའ་བ། ཐུགས་རྗེ་ལ་ཕྱི་བཤོལ་མི་མངའ་བ། མཐུ་དང་ནུས་པ་ལ་ཐོགས་པ་མི་མངའ་བ། བྱིན་རླབས་ལ་རྒྱང་རིང་ཐུང་མི་མངའ་བ་ཁྱེད་རྣམས་ཀྱི་སྐུའི་སྒོ་ནས་བྱིན་གྱིས་རློབས་ཤིག །གསུང་གི་སྒོ་ནས་བྱིན་གྱིས་རློབས་ཤིག །ཐུགས་ཀྱི་སྒོ་ནས་བྱིན་གྱིས་རློབས་ཤིག །སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པའི་སྒོ་ནས་བྱིན་གྱིས་རློབས་ཤིག །ད་ལྟ་ཉིད་དུ་བྱིན་གྱིས་རློབས་ཤིག །མྱུར་བ་ཉིད་དུ་བྱིན་གྱིས་རློབས་ཤིག །འདུག་ས་འདི་ཉིད་དུ་བྱིན་གྱིས་རློབས་ཤིག །ཅེས་བརྗོད།
དེས་བླ་མ་དང་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཐོབ། ཁྱེད་རང་གི་ལུས་ངག་ཡིད་གསུམ་གྱི་སྒོ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་དག །དབང་བཞི་པ་ཐོབ་སྙམ་པའི་མོས་པ་མཛོད་ཅིག
།མཐའ་རྟེན་བྱིན་རླབས་གཏོར་མའི་དབང་ཞུ་བའི་སླད་དུ་གསོལ་བ་འདེབས་པ་འདིའི་རྗེས་ཟློས་མཛོད།
བླ་མ་མགོན་པོ་དབྱེར་མེད་སོགས་ཚིག་རྐང་ལྔ་པོ་ལན་གསུམ།
དེ་ལྟར་གསོལ་བ་བཏབ་པས། བླ་མའི་ཐུགས་ཀའི་ཧཱུྃ་གི་འོད་ཟེར་གྱིས་གཏོར་མ་མགོན་པོར་གསལ་བ་དེ་ཉིད་ཁྱེད་རང་རྣམས་ཀྱི་སྤྱི་བོར་སྤྱན་དྲངས། མོས་གུས་དུང་བ་བྱས་ཤིང་བླ་མས་བཀའ་བསྒོས་པའི་ཚེ། སྐུའི་གནས་རྣམས་ནས་བདུད་རྩི་འོད་ཟེར་གྱི་རྣམ་པ་དང་ཁྲོ་ཆུང་མེ་མཚོན་དཔག་ཏུ་མེད་པ་བྱུང་། ཁྱེད་རང་གི་ལུས་ལ་ཞུགས་པས་སྡིག་སྒྲིབ་ནད་གདོན་འགལ་རྐྱེན་ཐམས་ཅད་བ་མོ་ལ་ཉི་ཟེར་ཕོག་པ་བཞིན་དུ་བཅོམ། ཚེ་བསོད་ཉམས་རྟོགས་ལ་སོགས་པ་འཕེལ་ཞིང་རྒྱས་པར་བྱས། བླ་མ་མགོན་པོ་འཁོར་དང་བཅས་པའི་གསང་བ་གསུམ་དང་གཉིས་སུ་མེད་པར་བྱིན་གྱིས་བརླབས་པའི་མོས་པ་མཛོད་ཅིག །དཔལ་ཡེ་ཤེས་ཀྱི་མགོན་པོ་མྱུར་མཛད་སྤྱན་རས་གཟིགས་དབང་། རྩ་བརྒྱུད་བླ་མ། སངས་རྒྱས་བྱང་སེམས། དཔའ་བོ་མཁའ་འགྲོ། དམ་ཅན་རྒྱ་མཚོ། སྤྲུལ་པ་ཡང་སྤྲུལ་འཁོར་དང་བཅས་པ་རྣམས་ཀྱིས། ཇི་ལྟར་ཞལ་གྱིས་བཞེས་པའི་ཐུགས་བསྐྱེད་དམ་ཚིག་གཉེན་པོ་མ་གཡེལ་བར་རྡོ་རྗེ་སློབ་མ་འདི་ལ་མྱུར་བ་ཉིད་དུ་བྱིན་གྱིས་རློབ་པར་མཛད་དུ་གསོལ། མི་འབྲལ་བར་རྟག་ཏུ་དགོངས་ཤིང་འགྲོགས་ལ་མགོན་སྐྱབས་དང་དཔུང་གཉེན་དམ་པ་མཛད་དུ་གསོལ། བྱང་ཆུབ་སྒྲུབ་པའི་འགལ་རྐྱེན་བར་དུ་གཅོད་པ་ཐམས་ཅད་སེལ་ཞིང་དམ་པའི་ཆོས་དང་མཐུན་པའི་འདོད་རྒུའི་དཔལ་འབྱོར་ཡར་ཟླ་ལྟར་འཕེལ་བ་སོགས་ཞི་རྒྱས་དབང་དྲག་གི་ཕྲིན་ལས་ཐོགས་མེད་ཡིད་བཞིན་དུ་འགྲུབ་པར་མཛད་དུ་གསོལ། མདོར་ན་ཐུན་མོང་དང་མཆོག་གི་དངོས་གྲུབ་མ་ལུས་པ་མྱུར་བ་ཉིད་དུ་བདེ་བླག་ཏུ་ཐོབ་པར་མཛད་དུ་གསོལ། ཅེས་དང་གཙོ་འཁོར་གྱི་སྔགས་རྣམས་བརྗོད། མཐར། ཛཿཧཱུྃ་བྃ་ཧོཿ
ཞེས་བརྗོད་པས་སྟེང་གི་ནམ་མཁར་བཞུགས་པའི་རྩ་བརྒྱུད་བླ་མ་རྣམས་འོད་དུ་བཞུ་ནས་གཏོར་མ་མགོན་པོར་གསལ་བ་ལ་ཐིམ། དེ་ལས་རང་འདྲའི་སྐུ་གཉིས་པ་འཕྲོས། ཁྱེད་རང་ལ་ཐིམ་པས་མགོན་པོའི་སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་པར་བྱིན་གྱིས་བརླབས་པའི་མོས་པ་མཛོད་ཅིག །སྤྲོ་ན་གཏོར་མའི་ཆ་ཤས་སྦྱིན་པར་བཤད། བཀྲ་ཤིས་བརྗོད།
དེ་ལྟར་དབང་དང་འབྲེལ་བ་ལན་གཅིག་ཐོབ་ན་མཚམས་མེད་པ་ལྔ་བྱས་པའང་བར་དོར་འཚང་མི་རྒྱ་མི་སྲིད་པར་གསུངས་པའི་བླ་མ་མགོན་པོ་དབྱེར་མེད་ཀྱི་བཀའ་ཟབ་མོ་ལེགས་པར་གྲུབ་སོགས་ཀྱིས་མཚམས་སྦྱར་ལ། དམ་ཚིག་ཁས་བླངས་མན་ཆད་དང་། དཀྱིལ་འཁོར་རྗེས་ཆོག་རྩ་བའི་མགོན་པོ་ལྟར་རོ།
།ཡོན་ཏན་ཀུན་གྱི་འབྱུང་གནས་ནི། །བླ་མགོན་དབྱེར་མེད་གསོལ་འདེབས་ཡིན། །བྱིན་རླབས་རྒྱ་མཚོར་འཇུག་ནུས་ན། །དོན་གཉིས་ནོར་བུ་ལོན་པར་ངེས། །བླ་མ་མགོན་པོ་དབྱེར་མེད་ཀྱི་རྗེས་གནང་གི་ལེ་ཚན་ནོ།། །།མངྒ་ལཾ།།
Removal of defilement
༼༄༅། །གྲིབ་སེལ་གྱི་རྗེས་གནང་།།༽
ཨོཾ་སྭ་སྟི།
སྙིང་རྗེའི་དབང་ཕྱུག་སེམས་དཔའ་ཆེ། །སྡིག་སྒྲིབ་འཇོམས་ཕྱིར་ཁྲོས་པའི་ཚུལ། །གང་དེའི་ཞབས་ཀྱི་པདྨོ་ལ། །བཏུད་ནས་གྲིབ་སེལ་རྗེས་གནང་བཀོད། །མཎྜལ་མཆོད་གཏོར་བཤམ་ཚུལ་བར་ཆད་ཀུན་སེལ་དང་འདྲ། སྒྲུབ་ཐབས་ཀྱི་ཕྲིན་ལས་ཀྱང་དེ་དང་མཚུངས་པ་ལས། སྤྱན་འདྲེན་མཆོད་བསྟོད་རྗེས།
མགོན་པོའི་དབུ་གཙུག་ཏུ་རྩ་བའི་བླ་མ་རྡོ་རྗེ་སེམས་དཔའ་སྐུ་མདོག་དཀར་པོ་ཕྱག་གཡས་ཤེལ་གྱི་རྡོ་རྗེ་རྩེ་ལྔ་པ་ཐུགས་ཀར་གཏོད་པ། གཡོན་པས་མཉམ་གཞག་གི་སྟེང་དུ་ཐོད་པ་བདུད་རྩིས་གང་བ། ཞབས་སྐྱིལ་ཀྲུང་དུ་བཞུགས་པ། སྐུ་ལས་འོད་ཟེར་དཔག་ཏུ་མེད་པ་འཕྲོས། ཐུགས་ཀ་ནས་འོད་ཟེར་འཕྲོས། སངས་རྒྱས་བྱང་སེམས་ཐམས་ཅད་སྐུ་གསུང་ཐུགས་རྡོ་རྗེའི་ལྷ་ཚོགས་ཀྱི་རྣམ་པར་སྤྱན་དྲངས། སྟེང་གི་ནམ་མཁའ་ལ་འཁོད་པར་གྱུར།
རྡོ་རྗེ་གསུམ་གྱི་ལྷ་ཚོགས་རྣམས་ཀྱིས་བླ་མའི་སྐུ་གསུང་ཐུགས་ལ་གྲིབ་ཀྱིས་ཕོག་པ་དང་སྐུ་གསུང་ཐུགས་ཀྱི་དམ་ཚིག་ཉམས་ཆག་ཐམས་ཅད་བྱང་ཞིང་དག་པར་མཛད་དུ་གསོལ།
ཞེས་གསོལ་བ་བཏབ་པས། རྡོ་རྗེགསུམ་གྱི་ལྷ་ཚོགས་རྣམས་ཀྱི་གནས་གསུམ་ནས་ཡི་གེ་བརྒྱ་པ་དཀར་དམར་མཐིང་གསུམ་གྱི་ཚོགས་འཕྲོས། བླ་མའི་གནས་གསུམ་དུ་ཐིམ་པས་སྐུ་གསུང་ཐུགས་ལ་གྲིབ་ཀྱིས་ཕོག་པ་དང་། སྐུ་གསུང་ཐུགས་ཀྱི་དམ་ཚིག་ཉམས་ཆག་ཐམས་ཅད་བྱང་ཞིང་དག་པར་གྱུར། ཡིག་བརྒྱ་བདུན། དེས་འགྲེ་སྟེ།
བླ་མ་རིན་པོ་ཆེ། མགོན་པོའི་སྐུ་གསུང་ཐུགས་ལ་སོགས་དང་།
བླ་མའི་གནས་གསུམ་ནས་ཡི་གེ་བརྒྱ་པ་སོགས་ཀྱི་མཐར་ཡིག་བརྒྱ་བདུན།
བླ་མ་མགོན་པོ་དབྱེར་མེད། འཁོར་རྣམས་དང་བདག་གི་སྒོ་གསུམ་ལ་གྲིབ་ཀྱིས་ཕོག་པ་དང་སྐུ་གསུང་ཐུགས་ཀྱི་དམ་ཚིག་ཉམས་ཆག་ཐམས་ཅད་བྱང་ཞིང་དག་པར་མཛད་དུ་གསོལ།
ཞེས་གསོལ་བ་བཏབ་པས། བླ་མ་མགོན་པོའི་གནས་གསུམ་ནས་ཡི་གེ་བརྒྱ་པ་དཀར་དམར་མཐིང་གསུམ་གྱི་ཚོགས་འཕྲོས། འཁོར་རྣམས་དང་བདག་གི་གནས་གསུམ་དུ་ཐིམ་པས། འཁོར་རྣམས་ཀྱི་སྐུ་གསུང་ཐུགས་ལ་གྲིབ་ཀྱིས་ཕོག་པ་དང་སྐུ་གསུང་ཐུགས་ཀྱི་དམ་ཚིག་ཉམས་ཆག་ཐམས་ཅད་དག །བདག་གི་ལུས་ཀྱི་ནང་ཡི་གེ་བརྒྱ་པའི་འོད་ཟེར་གྱིས་གང་བས་སྡིག་སྒྲིབ་ཉེས་ལྟུང་ཐམས་ཅད་རྩ་བ་ནས་བྱང་ཞིང་དག་པར་གྱུར། ཅེས་མོས་ལ་ཡིག་བརྒྱ་བདུན་ནམ་ཉེར་གཅིག་གམ། འགྲུབ་ན་རེ་རེ་ལའང་གྲངས་ཅི་མང་བཟླ། མཐར་བཤགས་པ་དང་གཞུང་བསྙེན་ཁྱུག་ཙམ། གཏོར་འབུལ་བསྟོད་པ་བདག་འཇུག་བཅས་གྲུབ་ནས། སློབ་མ་ལ་ཁྲུས་བྱ། སེམས་བསྐྱེད་གསལ་གདབ་གོང་ལྟར་ལ།
དེའི་ཆེད་དུ་ཡེ་ཤེས་མགོན་པོ་སྡིག་སྒྲིབ་སྦྱོང་མཛད་ཀྱི་བཀའ་ཞེས་བསྒྱུར།
དེ་ལ་འདིར་མྱུར་མཛད་ཡེ་ཤེས་ཀྱི་མགོན་པོ་ཞི་དྲག་གི་སྒྲུབ་ཐབས་སྤྱི་ལ་མེད་དུ་མི་རུང་བའི་ཡན་ལག་གི་བཀའ་གཉིས་པ་གྲིབ་སེལ་མགོན་པོ་འདི་ནི། རྒྱ་གཞུང་ལས།
བླ་མ་ཡེ་ཤེས་མགོན་པོ་ལ། །གྲིབ་ཕོག་དམ་ཚིག་འགལ་འགྱུར་ན། །བཤགས་པ་བྱ་ཞིང་དམ་ཚིག་བསྐང་། །དམ་ཚིག་བསྐང་བས་དངོས་གྲུབ་ཐོབ།
།ཅེས་གསུངས་པ་སྟེ། དཔེར་ན་རྒྱལ་རིགས་སམ། བྲམ་ཟེ་གཙང་མ་གདོལ་པའི་གནས་མི་གཙང་བ་ལ་འབྱོན་དུ་མི་གཏུབ་པ་ལྟར་རྒྱུད་མ་དག་པའི་སྒྲིབ་པ་ཅན་ལ་བླ་མ་མགོན་པོའི་ཐུགས་རྗེ་དང་བྱིན་རླབས་འཇུག་པར་མི་འགྱུར་ཅིང་། ཁྱད་པར་རྩ་བ་དང་ཡན་ལག་གི་དམ་ཚིག་ལ་འགལ་ཉམས་ཤོར་ན་དངོས་གྲུབ་མི་ཐོབ་པའི་སྟེང་དུ་བར་ཆད་སྣ་ཚོགས་འབྱུང་བར་འགྱུར་ལ། སྒྲིབ་པ་དག་ན་བྱིན་རླབས་རྩོལ་མེད་དུ་འཇུག་པ་དང་། དམ་ཚིག་ཉམས་ཆག་བསྐང་ན་དངོས་གྲུབ་བདེ་བླག་ཏུ་ཐོབ་པར་གྱུར་པ་ཡིན་ཅིང་། དེ་དག་གི་ཐབས་ནི་གསར་རྙིང་ཀུན་ལས་རྡོར་སེམས་ཀྱི་སྒོམ་བཟླས་ལས་ཟབ་པ་གཅིག་ཀྱང་མ་གསུངས་ཤིང་དེ་ལའང་སྐབས་དོན་ཅི་རིགས་པ་ཡོད་པ་ལས། འདིར་ཉམས་ཆག་སྒྲིབ་པ་སྦྱོང་བ་ལ་ཤིན་ཏུ་ཟབ་པའི་གྲིབ་སེལ་གྱི་བཀའ་ཟབ་མོ་བསྒྲུབ་པར་སོགས་མཚམས་སྦྱར་ལ་མཎྜལ།
གསོལ་གདབ། ལྷ་ངོ་སྤྲད་པ། རྒྱུན་བཤགས། སྡོམ་བཟུང་། སློབ་མ་ལྷར་བསྐྱེད་ཡན་སྔར་ལྟར་ལ།
དེ་ནས་མདུན་བསྐྱེད་གཏོར་མ་དང་དབྱེར་མེད་པའི་མགོན་པོའི་སྤྱི་བོར་དྲིན་ཅན་རྩ་བའི་བླ་མ་རྡོ་རྗེ་སེམས་དཔའ་སྐུ་མདོག་དཀར་པོ་ཕྱག་གཡས་ཤེལ་གྱི་རྡོ་རྗེ་རྩེ་ལྔ་པ་ཐུགས་ཀར་བསྣམས་པ། ཕྱག་གཡོན་བདུད་རྩིས་གང་བའི་ཐོད་པ་མཉམ་བཞག་གི་སྟེང་ན་འཛིན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། སྐུ་ལས་འོད་ཟེར་གྱི་ཚོགས་དཔག་ཏུ་མེད་པ་འཕྲོ་བའི་ཐུགས་ཀ་ནས་འོད་ཟེར་གྱི་ཚོགས་འཕྲོས་པས་ཕྱོགས་བཅུའི་སངས་རྒྱས་ཐམས་ཅད་སྐུ་རྡོ་རྗེ་རྣམ་པར་སྣང་མཛད། གསུང་རྡོ་རྗེ་འོད་དཔག་མེད། ཐུགས་རྡོ་རྗེ་མི་བསྐྱོད་པའི་རྣམ་པར་སྤྱན་དྲངས་ཏེ་མདུན་གྱི་ནམ་མཁའི་ཁམས་ཐམས་ཅད་སྤྲིན་གྱི་ཕུང་པོ་འཁྲིགས་པ་ལྟར་བཞུགས་པའི་མོས་པ་མཛད་ནས་དེ་རྣམས་ལ་མོས་གུས་དྲག་པོ་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས་མཛོད།
བླ་མ་ཡི་དམ་སངས་རྒྱས་བྱང་སེམས་རྡོ་རྗེ་གསུམ་གྱི་ལྷ་ཚོགས་རྣམས་ཀྱིས་བདག་གི་རྩ་བརྒྱུད་ཀྱི་བླ་མ་དམ་པ་རྣམས་ཀྱི་སྐུ་གསུང་ཐུགས་ལ་བརྟེན་པའི་དམ་ཚིག་ཉམས་ཆག་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་གསོལ། ཞེས་བརྗོད་དུ་གཞུག
།དེ་ལྟར་གསོལ་བ་བཏབ་པས་སྐུ་རྡོ་རྗེ་རྣམས་ཀྱི་ཐུགས་ཀ་ནས་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པ་བྱུང་སྟེ། གཏོར་མ་དང་དབྱེར་མེད་ཀྱི་མགོན་པོའི་སྤྱི་བོར་བཞུགས་པའི་བླ་མའི་སྨིན་མཚམས་ནས་ཕར་ཐིམ་པས་བླ་མའི་སྨིན་མཚམས་ཀྱི་ནང་ཐམས་ཅད་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པས་གང་། བླ་མའི་སྐུའི་དམ་ཚིག་ཉམས་ཆག་ཐམས་ཅད་དག་གོ་སྙམ་པའི་མོས་པ་མཛོད་ལ་ཡི་གེ་བརྒྱ་པ་ལན་གསུམ་བརྗོད་པར་ཞུ། ཞེས་ཡིག་བརྒྱ་བཟླར་གཞུག །དེས་འགྲེ་སྟེ།
གསུང་རྡོ་རྗེ་རྣམས་ཀྱི་ཐུགས་ཀ་ནས་ཨཱ་ཡིག་དམར་པོ་ཡིག་བརྒྱ་འོད་ཟེར་དམར་པོ་དང་བཅས་པ་བྱུང་སོགས་གོང་མ་ལྟར་ལ། བླ་མའི་མགྲིན་པའི་ནང་ཐམས་ཅད་གང་། གསུང་གི་དམ་ཚིག་ཉམས་ཆག་ཐམས་ཅད་དག་གོ་སྙམ་པ་དང་། ཡིག་བརྒྱ་ལན་གསུམ་བཟླ།
ཐུགས་རྡོ་རྗེ་རྣམས་ཀྱི་ཐུགས་ཀ་ནས་ཧཱུྃ་ཡིག་སྔོན་པོ་ཡིག་བརྒྱ་འོད་ཟེར་སྔོན་པོ་དང་བཅས་པ་བྱུང་། བླ་མའི་ཐུགས་ཀའི་ནང་ཐམས་ཅད་གང་། ཐུགས་ཀྱི་དམ་ཚིག་ཉམས་ཆག་ཐམས་ཅད་དག་སྙམ་པ་དང་། ཡིག་བརྒྱ་ལན་གསུམ་བཟླ།
ཡང་གསོལ་བ་འདེབས་པ་འདིའི་རྗེས་ཟློས་མཛོད།
བླ་མ་རྡོ་རྗེ་གསུམ་གྱི་ལྷ་ཚོགས་རྣམས་ཀྱིས་བདག་དང་སེམས་ཅན་ཐམས་ཅད་ཀྱིས་མྱུར་མཛད་ཡེ་ཤེས་ཀྱི་མགོན་པའི་སྐུ་གསུང་ཐུགས་ལ་བརྟེན་པའི་དམ་ཚིག་ཉམས་ཆག་ཐམས་ཅད་དག་པར་བྱིན་གྱིས་བརླབ་ཏུ་གསོལ།
དེ་ལྟར་གསོལ་བ་བཏབ་པས་བླ་མའི་སྤྱི་བོ་ནས་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པ་བྱུང་ནས་གཏོར་མ་དང་དབྱེར་མེད་པའི་མགོན་པོའི་སྨིན་མཚམས་ནས་ཕར་ཐིམ་པས་མགོན་པོའི་སྨིན་མཚམས་ཀྱི་མཛོད་སྤུ་ཨོཾ་ཡིག་ཡིག་བརྒྱ་འོད་ཟེར་དང་བཅས་པས་གང་། མགོན་པོའི་སྐུའི་དམ་ཚིག་ཉམས་ཆག་ཐམས་ཅད་དག་སྙམ་པའི་མོས་པ་མཛོད། ཅེས་བརྗོད་ལ་ཡིག་བརྒྱ་ལན་གསུམ་བརྗོད་དུ་གཞུག །དེ་བཞིན་དུ།
བླ་མའི་མགྲིན་པ་ནས་ཨཱཿཡིག་དམར་པོ་ཡིག་བརྒྱ་འོད་ཟེར་དམར་མོ་དང་བཅས་པ་བྱུང་། མགོན་པོའི་མགྲིན་པའི་ནང་ཐམས་ཅད་གང་། གསུང་གི་དམ་ཚིག་ཉམས་ཆག་ཐམས་ཅད་དག་སྙམ་པ་དང་ཡིག་བརྒྱ་ལན་གསུམ།
བླ་མའི་ཐུགས་ཀ་ནས་ཧཱུྃ་ཡིག་སྔོན་པོ་ཡིག་བརྒྱ་འོད་ཟེར་སྔོན་པོ་དང་བཅས་པ་བྱུང་། མགོན་པོའི་ཐུགས་ཀའི་ནང་ཐམས་ཅད་གང་། ཐུགས་ཀྱི་དམ་ཚིག་ཉམས་ཆག་ཐམས་ཅད་དག་སྙམ་པ་དང་ཡིག་བརྒྱ་ལན་གསུམ།
ཡང་གསོལ་བ་འདེབས་པ་འདིའི་རྗེས་ཟློས་མཛོད།
བླ་མ་མགོན་པོ་དབྱེར་མེད་ཀྱིས་བདག་དང་སེམས་ཅན་ཐམས་ཅད་ཀྱིས་འཁོར་རྣམས་ཀྱི་སྐུ་གསུང་ཐུགས་ལ་བརྟེན་པའི་དམ་ཚིག་ཉམས་ཆག་ཐམས་ཅད་དག་པར་བྱིན་གྱིས་བརླབ་ཏུ་གསོལ།
ཞེས་གསོལ་བ་བཏབ་པས། མགོན་པོའི་སྤྱི་བོ་ནས་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པ་བྱུང་ནས། གནོད་སྦྱིན་བཞི་དང་ལྷ་མོ་ལ་སོགས་འཁོར་རྣམས་ཀྱི་སྨིན་མཚམས་ནས་ཕར་ཐིམ་པས་འཁོར་རྣམས་ཀྱི་སྨིན་མཚམས་ཀྱི་མཛོད་སྤུ་ཨོཾ་ཡིག་ཡིག་བརྒྱ་འོད་ཟེར་དང་བཅས་པས་གང་། སྐུའི་དམ་ཚིག་ཉམས་ཆག་ཐམས་ཅད་དག་སྙམ་པའི་མོས་པ་མཛོད། ཅེས་བརྗོད་ལ་ཡིག་བརྒྱ་ལན་གསུམ་བརྗོད་དུ་གཞུག དེ་བཞིན་དུ།
མགོན་པོའི་མགྲིན་པ་ནས་ཨཱཿཡིག་དམར་པོ་ཡིག་བརྒྱ་འོད་ཟེར་དམར་པོ་དང་བཅས་པ་བྱུང་། མགྲིན་པའི་ནང་ཐམས་ཅད་གང་། གསུང་གི་དམ་ཚིག་ཉམས་ཆག་ཐམས་ཅད་དག་སྙམ་པ་དང་ཡིག་བརྒྱ་ལན་གསུམ་བརྗོད།
མགོན་པོའི་ཐུགས་ཀ་ནས་ཧཱུྃ་ཡིག་སྔོན་པོ་ཡིག་བརྒྱ་འོད་ཟེར་སྔོན་པོ་དང་བཅས་པ་བྱུང་། ཐུགས་ཀའི་ནང་ཐམས་ཅད་གང་། ཐུགས་ཀྱི་དམ་ཚིག་ཉམས་ཆག་ཐམས་ཅད་དག་སྙམ་པ་དང་ཡིག་བརྒྱ་ལན་གསུམ་བཟླ།
ཡང་གསོལ་བ་འདེབས་པ་འདིའི་རྗེས་ཟློས་མཛོད།
བླ་མ་མགོན་པོ་དབྱེར་མེད་འཁོར་དང་བཅས་པ་རྣམས་ཀྱིས་བདག་དང་སེམས་ཅན་ཐམས་ཅད་ཀྱི་ཚེ་འཁོར་བ་ཐོག་མ་མེད་པ་ནས་ལུས་ངག་ཡིད་གསུམ་གྱི་སྒོ་ནས་བསགས་པའི་སྡིག་སྒྲིབ་ཉེས་ལྟུང་ཕྱི་ནང་གྲིབ་དང་མི་གཙང་བའི་གནོད་པ་ཐམས་ཅད་བྱང་ཞིང་དག་པར་མཛད་དུ་གསོལ།
དེ་ལྟར་གསོལ་བ་བཏབ་པས་གཏོར་མ་དང་དབྱེར་མེད་པའི་མགོན་པོའི་སྤྱི་བོ་ན་བཞུགས་པའི་བླ་མའི་སྨིན་མཚམས་དང་མགོན་པོའི་སྨིན་མཚམས་ནས་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པ་བྱུང་། ཁྱེད་རང་གི་སྨིན་མཚམས་ནས་ཕར་ཐིམ་པས་སྨིན་མཚམས་ཀྱི་ནང་ཐམས་ཅད་ཨོཾ་ཡིག་དཀར་པོ་ཡིག་བརྒྱ་འོད་ཟེར་དཀར་པོ་དང་བཅས་པས་གང་། བླ་མ་དང་མགོན་པོ་གཉིས་ཀྱི་སྐུའི་བྱིན་རླབས་ཐོབ་བྱུང་སྙམ་པའི་མོས་པ་མཛོད་ལ་ཡིག་བརྒྱ་ལན་གསུམ་གྱི་རྗེས་ཟློས་མཛོད་ཅིག །ཅེས་ཡིག་བརྒྱ་ལན་གསུམ་བཟླར་གཞུག །བླ་མས་ཀྱང་ཡིག་བརྒྱ་བརྗོད་ལ་རོལ་མོ་བྱ།
དེས་ཁྱེད་རང་གིས་ཚེ་འཁོར་བ་ཐོག་མ་མེད་པ་ནས་བསགས་པའི་ལུས་ཀྱི་ནད་གདོན་སྡིག་སྒྲིབ་དམ་ཚིག་ཉམས་ཆགས་ཐམས་ཅད་དག །བླ་མ་དང་མགོན་པོའི་སྐུ་དང་དབྱེར་མེད་དུ་འགྱུར་བ་ཡིན་ནོ།
།ཡང་བླ་མ་དང་མགོན་པོའི་མགྲིན་པ་ནས་ཨཱཿཡིག་དམར་པོ་ཡིག་བརྒྱ་འོད་ཟེར་དམར་པོ་དང་བཅས་པ་བྱུང་། ཁྱེད་རང་གི་མགྲིན་པ་ནས་ཕར་ཐིམ་པས་མགྲིན་པའི་ནང་ཐམས་ཅད་ཨཱཿཡིག་ཡིག་བརྒྱ་འོད་ཟེར་དམར་པོ་དང་བཅས་པས་གང་། བླ་མ་དང་མགོན་པོའི་གསུང་གི་བྱིན་རླབས་ཐོབ་སྙམ་པའི་མོས་པ་མཛོད། ཅེས་བརྗོད་ལ་ཡིག་བརྒྱ་རོལ་མོ་སོགས་བྱེད།
དེས་ཁྱེད་རང་གིས་ཚེ་འཁོར་བ་ཐོག་མ་མེད་པ་ནས་བསགས་པའི་ངག་གི་ནད་གདོན་སྡིག་སྒྲིབ་དམ་ཚིག་ཉམས་ཆག་ཐམས་ཅད་དག །བླ་མ་དང་མགོན་པོའི་གསུང་དང་དབྱེར་མེད་དུ་འགྱུར་པ་ཡིན་ནོ།
།ཡང་བླ་མ་དང་མགོན་པོའི་ཐུགས་ཀ་ནས་ཧཱུྃ་ཡིག་སྔོན་པོ་ཡིག་བརྒྱ་འོད་ཟེར་སྔོན་པོ་དང་བཅས་པ་བྱུང་། ཁྱེད་རང་རྣམས་ཀྱི་སྙིང་ཁ་ནས་ཕར་ཐིམ་པས་སྙིང་ཁའི་ནང་ཐམས་ཅད་ཧཱུྃ་ཡིག་ཡིག་བརྒྱ་འོད་ཟེར་སྔོན་པོ་དང་བཅས་པས་གང་། བླ་མ་དང་མགོན་པོའི་ཐུགས་ཀྱི་བྱིན་རླབས་ཐོབ་སྙམ་པའི་མོས་པ་མཛོད་ཅིག །ཅེས་བརྗོད་ལ་ཡིག་བརྒྱ་རོལ་མོ་སོགས་བྱེད།
དེས་ཁྱེད་རང་གིས་ཚེ་འཁོར་བ་ཐོག་མ་མེད་པ་ནས་བསགས་པའི་ཡིད་ཀྱི་ནད་གདོན་སྡིག་སྒྲིབ་དམ་ཚིག་ཉམས་ཆག་ཐམས་ཅད་དག །བླ་མ་དང་མགོན་པོའི་ཐུགས་དང་དབྱེར་མེད་དུ་འགྱུར་བ་ཡིན་ནོ།
།ཡང་བླ་མ་དང་མགོན་པོའི་གནས་གསུམ་ནས་ཨོཾ་ཨཱཿཧཱུྃ་གསུམ་ཡིག་བརྒྱ་འོད་ཟེར་དཀར་དམར་མཐིང་གསུམ་དང་བཅས་པ་བྱུང་། ཁྱེད་རང་གི་ལུས་ཀྱི་སྟོད་སྨད་ཐམས་ཅད་ནས་ཐིམ་པས་ལུས་ཀྱི་ནང་ཐམས་ཅད་ཨོཾ་ཨཱཿཧཱུྃ་ཡིག་བརྒྱ་འོད་ཟེར་དཀར་དམར་མཐིང་གསུམ་དང་བཅས་པས་གང་། བླ་མ་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཐོབ་སྙམ་པའི་མོས་པ་མཛོད། ཅེས་བརྗོད་ལ་ཡིག་བརྒྱ་དང་རོལ་མོ་བྱེད།
དེས་ཁྱེད་རང་གིས་ཚེ་འཁོར་བ་ཐོག་མ་མེད་པ་ནས་བསགས་པའི་ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་ཐམས་ཅད་དག །བླ་མ་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་རྣམས་དང་དབྱེར་མེད་དུ་འགྱུར་བ་ཡིན་པས་དེ་ལྟ་བུའི་དགའ་སྤྲོ་དང་ངེས་ཤེས་བསྐྱེད་པར་མཛོད་ཅིག །ཅེས་བརྗོད།
དེ་ནས་གཏོར་དབང་། བཀྲ་ཤིས་རྗེས་ཀྱི་རིམ་པ་རྣམས་སྔ་མས་འགྲེ་ཤེས་པར་བྱའོ། །བསོད་ནམས་བློ་གྲོས་ལྡན་རྣམས་ཀྱིས། །བསྒྲུབ་བྱའི་སྙིང་པོ་འདི་ཡིན་པས། །མཐའ་ཡས་འཇིག་རྟེན་རྣམས་སུ་ཡང་། །བརྩོན་པ་ཆེན་པོས་འཚོལ་བར་རིགས། །གྲིབ་སེལ་མགོན་པོའི་རྗེས་གནང་གི་ལེ་ཚན་ནོ།། །།མངྒ་ལཾ།། །།
Khandro Wangdu
༼༄༅། །མཁའ་འགྲོ་དབང་སྡུད།།༽
ཨོཾ་སྭ་སྟི།
དཔའ་བོ་མཁའ་འགྲོའི་ཚོགས་ཀྱི་རྗེ། །འཁོར་འདས་དབང་དུ་མཛད་དེ་ལ། །བཏུད་ནས་མཁའ་འགྲོ་དབང་སྡུད་ཀྱི། །ངོ་མཚར་གདམས་པའི་སྒོ་འབྱེད་བྲི།
།མཎྜལ་བཅའ་གཞི་སྔར་དང་འདྲ་བ་ལས། རྟེན་གཏོར་མ་འཛོམ་ན་གསང་རྟེན་དང་ལྡན་པའི་མདའ་དར་མེ་ལོང་དང་ལྷན་ཅིག་བཙུག །མ་འཛོམ་ན་མེ་ལོང་ལ་སིནྡཱུ་རས་ཧྲཱིཿབཅུ་གསུམ་བྲིས་པ་བཏགས། སྒྲུབ་ཐབས་ཕྲིན་ལས་རྩ་བ་བར་ཆད་ཀུན་སེལ་ལྟར་ལ། བཟླས་པའི་གོང་དུ།
མགོན་པོའི་དབུ་གཙུག་གི་དྲིན་ཅན་རྩ་བའི་བླ་མ་དེ་ཉིད། སྐུ་མདོག་དམར་པོ་གཡས་ཐོད་པའི་ཌཱ་མ་རུ་འཁྲོལ་ཞིང་། གཡོན་བདུད་རྩིས་གང་བའི་ཐོད་པ་ཐུགས་ཀར་འཛིན་པ། བཟོད་པར་དཀའ་བའི་གཟི་བརྗིད་ཅན། སྒེག་ཅིང་ལང་ཚོ་ལ་བབ་པ། ཆགས་པའི་ཉམས་ཅན། སྤྱན་གཟིགས་པ་ཙམ་གྱིས་མཁའ་འགྲོ་དང་སྲིད་གསུམ་དབང་དུ་སྡུད་པ། སྐྱིལ་ཀྲུང་གིས་བཞུགས་པ། མགོན་པོའི་དཔྲལ་བའི་སིནྡཱུ་རའི་ཐིག་ལེ་གྲུ་གསུམ་གྱི་སྟེང་ན་ཡི་གེ་ཧྲཱིཿདམར་པོ་འཕགས་པ་འཇིག་རྟེན་དབང་ཕྱུག་གི་ངོ་བོ་བཅུ་གསུམ་ཡོངས་སུ་གྱུར་པ་ལས། གསང་བའི་མཁའ་འགྲོ་མ་དམར་མོ་ལང་ཚོ་མ། ཞལ་གཅིག་ཕྱག་གཉིས་མ། གཡས་ཅང་ཏེའུ་གཡོན་ཐོད་པ་བདུད་རྩིས་གང་བ་འཛིན་པ། ཞབས་གཡས་བསྐུམས་གཡོན་བརྐྱངས་པའི་གར་སྟབས་ཅན། སྤྱན་གསུམ་ནམ་མཁའ་ལ་ཧྲིག་ཧྲིག་གཟིགས་ཤིང་གར་མཛད་པ་བཅུ་གསུམ་སྒྲོལ་མའི་ངོ་བོ། ཁམས་གསུམ་གྱི་སེམས་ཅན་ཐམས་ཅད་བདག་གིས་དབང་དུ་བསྡུས། དགོས་འདོད་ཐམས་ཅད་ཆར་བཞིན་དུ་བབས་པར་གྱུར། ཨོཾ་བཛྲ་ན་ར་ཀྲིཾ་ཀྲིཾ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཅེས་པ་བརྒྱ་རྩ་སོགས་ཅི་འགྲུབ་བཟླ། དེ་ནས་གཞུང་གི་བཟླས་པ། གཏོར་འབུལ། བསྟོད་པ། བདག་འཇུག་བཅས་གྲུབ་པ་དང་། སློབ་མ་ལ་ཁྲུས་བྱ། སེམས་བསྐྱེད་གསལ་གདབ་སྐབས།
དེའི་ཆེད་དུ་ཡེ་ཤེས་མགོན་པོ་མཁའ་འགྲོ་དབང་དུ་སྡུད་པའི་བཀའ་ཞེས་བསྒྱུར་ལ།
དེ་ལ་འདིར་མྱུར་མཛད་ཡེ་ཤེས་ཀྱི་མགོན་པོ་ཞི་དྲག་གི་སྒྲུབ་ཐབས་སྤྱི་ལ་ཤིན་ཏུ་གལ་གནད་ཆེ་བ་ཡན་ལག་གི་བཀའ་གསུམ་པ་མཁའ་འགྲོ་དབང་སྡུད་འདི་ནི། རྒྱ་གཞུང་རྡོ་རྗེའི་གསུང་ལས།
བླ་མ་མགོན་པོ་སིནྡཱུ་རའི། །སྔགས་རྣམས་དབང་གི་མདོག་ལྡན་པས། །མགོན་པོ་དཔའ་བོ་མཁའ་འགྲོ་རྣམས། །དབང་དུ་སྡུད་པའི་གནད་མཆོག་འདིས། །འདི་དང་ཕྱི་མའི་དོན་མཆོག་འགྲུབ། །གཅིག་བརྒྱུད་འདི་ནི་སྲོག་ལྟར་ཆོངས།
།ཞེས་གསུངས་ཏེ། ཡེ་ཤེས་མགོན་པོ་འདི་ཉིད་ཀྱི་སྤྲུལ་པའི་རང་གཟུགས་དུར་ཁྲོད་བསིལ་བའི་ཚལ་ན་རྟག་ཏུ་བཞུགས་ཤིང་དུར་ཁྲོད་བརྒྱད་དང་ཡུལ་ཆེན་ཉེར་བཞིའི་དཔའ་བོ་མཁའ་འགྲོ་མ་རྣམས་ཀྱི་ཚོགས་ཀྱི་གཙོ་བོ་མཛད་ཅིང་དབང་བསྒྱུར་བ་ཡིན་པས་རྣལ་འབྱོར་ཟབ་མོ་འདི་ལ་བརྟེན་ནས་གནས་གསུམ་གྱི་མཁའ་འགྲོ་དང་མཁའ་འགྲོ་མ་རྣམས་དང་ཡེ་ཤེས་ལས་དང་འཇིག་རྟེན་གྱི་ཆོས་སྐྱོང་བ་ཐམས་ཅད་གནད་ལ་དབབ་ཅིང་དབང་དུ་འདུས་པས་མཆོག་དང་ཐུན་མོང་གི་དངོས་གྲུབ་ཐམས་ཅད་ལོ་ཟླ་ཙམ་གྱིས་འགྲུབ་པ་དང་། ཕྲིན་ལས་རྣམ་བཞི་ཐོགས་མེད་བསམ་པ་ཙམ་གྱིས་སྒྲུབ་པའི་གནད་ཆིག་བརྒྱུད་ཐུན་མོང་མ་ཡིན་པའི་གདམས་ངག་སྲོག་ལྟར་གཅེས་པ་ཡིན་པས་དེ་ལྟ་བུའི་བྱིན་རླབས་ཀྱི་བཀའ་ཟབ་མོ་བསྒྲུབ་པ་སོགས་ཀྱིས་མཚམས་སྦྱར་ནས་མཎྜལ་གསོལ་གདབ་སོགས་ནས། སློབ་མ་ལྷར་བསྐྱེད་ཡན་གོང་དང་མཚུངས།
དེ་ནས་མདུན་བསྐྱེད་གཏོར་མ་དང་དབྱེར་མེད་པའི་མགོན་པོའི་དབུ་གཙུག་གི་དྲིན་ཅན་རྩ་བའི་བླ་མ་སོགས་དང་། བཅུ་གསུམ་སྒྲོལ་མའི་ངོ་བོ་གསལ་ཐོབ་ལ་གསོལ་བ་འདེབས་པ་འདིའི་རྗེས་ཟློས་མཛོད།
བླ་མ་རིན་པོ་ཆེ་གནས་གསུམ་གྱི་དཔའ་བོ་མཁའ་འགྲོ་ཐམས་ཅད་དབང་དུ་འདུ་བར་བྱིན་གྱིས་བརླབ་ཏུ་གསོལ། ལན་གསུམ།
དེ་ལྟར་གསོལ་བ་བཏབ་པས་མགོན་པོའི་སྤྱི་བོ་ན་བཞུགས་པའི་བླ་མའི་སྐུ་ལས་འོད་ཟེར་ལྕགས་ཀྱུ་ལྟ་བུ་འཕྲོས། ཕྱོགས་བཅུ་ན་བཞུགས་པའི་དཔའ་བོ་མཁའ་འགྲོ་ཐམས་ཅད་ལ་ཕོག་པས་དེ་ཐམས་ཅད་འོད་ཟེར་འབར་བའི་རང་བཞིན་ཅན་གྱི་རྣམ་པར་སྤྱན་དྲངས། བླ་མ་མགོན་པོ་མཁའ་འགྲོ་མ་དང་བཅས་པ་ལ་ཐིམ་པས་བླ་མ་འོད་དང་བདེ་བའི་རང་བཞིན་དུ་འབར། མཁའ་འགྲོ་མ་རྣམས་དམར་སྒོར་སྒོར་གར་མཛད། མགོན་པོ་ཡང་ཌཱ་མ་རུ་དང་དྲིལ་བུ་གཡེར་ཁའི་སྒྲ་འུར་འུར་སིལ་སིལ་འཁྲོལ་བའི་སྐུ་ལས་མཁའ་འགྲོ་མ་དཔག་ཏུ་མེད་པ་བྱུང་། སློབ་མ་མགོན་པོར་གསལ་བའི་ལུས་ཐམས་ཅད་དང་ཁྱད་པར་དཔྲལ་བའི་སིནྡཱུ་རའི་སྟེང་དུ་སྟོང་གསུམ་གཡོ་བར་བྱེད་པའི་མཁའ་འགྲོ་མ་བཅུ་གསུམ་དུ་གྱུར་ཅིང་དེ་རྣམས་ཀྱི་སྐུ་ལས་འོད་ཟེར་ལྕགས་ཀྱུ་ལྟ་བུ་ཕྱོགས་བཅུར་འཕྲོས་པའི་འཇིག་རྟེན་དང་འཇིག་རྟེན་ལས་འདས་པའི་དགོས་འདོད་ཐམས་ཅད་བསྡུས་ནས་བྱིན་གྱིས་བརླབས་བྱུང་སྙམ་པའི་མོས་པ་མཛོད། བྱས་ལ་ཌཱ་དྲིལ་དང་བཅས་པས་ན་ར་ཀྲིཾ་ཀྲིཾ་བརྗོད།
དེས་མཁའ་འགྲོ་དབང་སྡུད་ཀྱི་བྱིན་རླབས་གྲུབ་ནས་མགོན་པོ་གནད་ལ་འབེབས་པར་བྱེད་པ་ལ་གསོལ་འདེབས་འདིའི་རྗེས་ཟློས་མཛོད།
བླ་མ་རིན་པོ་ཆེ་བདག་ལ་མགོན་པོ་འཁོར་བཅས་གནད་ལ་དབབ་པའི་བྱིན་རླབས་མཛད་དུ་གསོལ། ལན་གསུམ།
དེ་ལྟར་གསོལ་བ་བཏབ་པས། མགོན་པོའི་སྤྱི་བོ་ན་བཞུགས་པའི་བླ་མའི་སྐུ་ལས་འོད་ཟེར་འཕྲོས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཤིན་ཏུ་ཁྲོས་པའི་རྣམ་པར་སྤྱན་དྲངས་བླ་མ་ལ་ཐིམ་པས། བླ་མ་དེ་ཉིད་སྐུ་མདོག་སྨུག་ནག་འོད་ཟེར་དམར་པོ་འཕྲོ་བའི་རྣམ་པ་ཅན་ཤིན་ཏུ་ཁྲོས་པའི་རང་བཞིན་གྱིས་མགོན་པོའི་སྤྱི་བོར་ཆེམ་ཆེམ་འུར་འུར་གར་མཛད་ཅིང་འོད་ཟེར་སྨུག་ནག་འཕྲོས་པས། མགོན་པོ་འཁོར་བཅས་དང་ཁྱད་པར་མགོན་པོའི་སྐུ་ལ་དམར་ལམ་ལམ་ཕོག་པས་མགོན་པོ་འཁོར་བཅས་གནད་ལ་ཕབ་སྟེ་མགོན་པོ་དགྲ་བགེགས་ཀྱི་སྟེང་དུ་མེར་མེར་སིལ་སིལ་གར་མཛད་ཅིང་ཁྲོས་འཁྲུགས་ཞབས་ས་ལ་བརྡབ། ཞལ་ནས་ཧཱུྃ་ཕཊ་ཀྱི་སྒྲ་དྲག་པོ་སྒྲོག །སྤྱན་གསུམ་འཁོར་རྣམས་ལ་ཧྲིག་ཧྲིག་གཟིགས་པས་འཁོར་རྣམས་ཀྱང་རང་དབང་མེད་པར་དྲག་ཏུ་ཁྲོས་ཤིང་དམ་པའི་ཆོས་བསྒྲུབ་པ་ལ་བར་དུ་གཅོད་པའི་གནོད་བྱེད་བསྟན་དགྲ་སྡིག་ཅན་རྣམས་ཀྱི་སྙིང་ཁ་ནས་ལྕགས་ཀྱུས་བཀུག །མགྲིན་པ་ནས་ཞགས་པས་བཅིངས། ཡན་ལག་ལྕགས་སྒྲོག་གིས་བསྡམས་ནས་བསད་བཅད་གཏུབ། དོན་སྙིང་གཙོ་ལ་སྟོབ། ཤ་རུས་ལྷག་མེད་དུ་འཁོར་རྣམས་ཀྱིས་རོལ། གནོད་བྱེད་དགྲ་བགེགས་ཐམས་ཅད་ཐལ་བ་རྡུལ་ཕྲན་བཞིན་དུ་བརླག་པའི་སྒོ་ནས་བྱིན་གྱིས་བརླབ་པའི་མོས་པ་མཛོད་བྱས་ལ། ཤ་ཆེན་སྤོས་སྦྱོར་སོགས་བསྲེགས་ཤིང་རོལ་མོའི་སྒྲ་དང་བཅས་པས།
ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ན་ཡ་ཀ་ཏྲཀ་རཀྨོ་རཀྵ་རུ་དྷི་རཾ་ཙིཏྟ་ལ་ཨ་དུན་རྦད་ཧཱུྃ་ཧཱུྃ་ཕཊ་ཕཊ། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་ཙིཏྟ་ལ་ཨ་དུན་དུན་བི་བི་ནཱ་ཡ་ཧཱུྃ་ཕཊ། ཅེས་སྲོག་སྔགས་བརྗོད་དོ།
།དེས་མགོན་པོ་ཉིད་གནད་ལ་དབབ་པའི་བྱིན་རླབས་གྲུབ་ནས་དེ་དག་གི་མཐའ་རྟེན་དུ་སྐུ་གསུང་ཐུགས་ཀྱི་བྱིན་རླབས་རྗེས་སུ་གནང་བ་ལ་དམིགས་པ་འདི་བཞིན་དུ་མཛོད།
གཏོར་མ་ཡེ་ཤེས་མགོན་པོར་གསལ་བའི་སྤྱི་བོའི་ཨོཾ་ལས་འོད་ཟེར་དཀར་པོ་བྱུང་། སློབ་མའི་སྤྱི་བོའི་ཨོཾ་ལ་ཕོག་པས་ཨོཾ་ཡིག་དྭངས་གསལ་འོད་ཀྱི་རང་བཞིན་དུ་གྱུར་ཏེ། དེ་ལས་བདུད་རྩིའི་རྒྱུན་བྱུང་། ལུས་ཀྱི་ནང་ཐམས་ཅད་གང་བས་ལུས་ཀྱི་སྒྲིབ་པ་དག །མགོན་པོའི་སྐུའི་བྱིན་རླབས་ཞུགས་པའི་མོས་པ་མཛོད། བྱས་ལ་རོལ་མོ་དང་སྤོས་བཏུལ།
ཡང་གཏོར་མ་ཡེ་ཤེས་མགོན་པོར་གསལ་བའི་མགྲིན་པའི་ཨཱཿལས་འོད་ཟེར་དམར་པོ་བྱུང་། སློབ་མའི་མགྲིན་པའི་ཨཱཿལ་ཕོག་པས་ཨཱཿཡིག་དྭངས་གསལ་འོད་ཀྱི་རང་བཞིན་དུ་གྱུར་ཏེ། དེ་ལས་བདུད་རྩིའི་རྒྱུན་བྱུང་ལུས་ཀྱི་ནང་ཐམས་ཅད་གང་བས་ངག་གི་སྒྲིབ་པ་དག །མགོན་པོའི་གསུང་གི་བྱིན་རླབས་ཞུགས་པར་མོས་མཛོད། སྤོས་རོལ་བྱ།
ཡང་གཏོར་མ་ཡེ་ཤེས་མགོན་པོར་གསལ་བའི་ཐུགས་ཀའི་ཧཱུྃ་ལས་འོད་ཟེར་སྔོན་པོ་བྱུང་། སློབ་མའི་སྙིང་གའི་ཧཱུྃ་ལ་ཕོག་པས་ཧཱུྃ་ཡིག་དྭངས་གསལ་འོད་ཀྱི་རང་བཞིན་དུ་གྱུར་ཏེ། དེ་ལས་བདུད་རྩིའི་རྒྱུན་བྱུང་ལུས་ཀྱི་ནང་ཐམས་ཅད་གང་བས་ཡིད་ཀྱི་སྒྲིབ་པ་དག །མགོན་པོའི་ཐུགས་ཀྱི་བྱིན་རླབས་ཞུགས་པའི་མོས་པ་མཛོད། སྤོས་རོལ་བྱ།
དེ་ནས་མགོན་པོའི་གནས་གསུམ་གྱི་ཨོཾ་དཀར་ཨཱཿདམར་ཧཱུྃ་མཐིང་གསུམ་རྦད་ཀྱིས་ཆད་ནས་ཁྱེད་རང་གི་གནས་གསུམ་གྱི་ཡིག་འབྲུ་གསུམ་ལ་རིམ་གྱིས་ཐིམ། ཨོཾ་དང་ཨཱཿཡང་ཧཱུྃ་ལ་ཐིམ། ཧཱུྃ་གི་ཞབས་ཀྱུ་འ་ཆུང་ལ་ཐིམ། འ་ཆུང་ཧ་ཡིག་ལ། ཧ་མགོ་བོ་ལ། དེ་ཟླ་ཚེས་ལ། དེ་ཐིག་ལེ་ལ། ཐིག་ལེ་ནཱ་ད་ལ། དེའང་ཇེ་ཕྲ་ཇེ་ཕྲར་གྱུར་ཏེ་སྟོང་ཉིད་དུ་ཡལ། འོད་གསལ་ཕྱག་རྒྱ་ཆེན་པོའི་རང་ངོ་ལ་མཉམ་པར་འཇོག་པར་ཞུ། ཞེས་ཅུང་ཟད་མཉམ་པར་བཞག །དེ་ནས་གཏོར་དབང་སོགས་རྗེས་ཀྱི་ཆོ་ག་སྔ་མ་ལྟར་རོ།
།ཆོས་འདི་ཡོན་ཏན་ཚད་མེད་པའི། །རྒྱ་མཚོའི་གོས་ཅན་ཀུན་ཏུ་ཁྱབ། །གཞན་ལས་བྱིན་རླབས་སྒོ་མྱུར་བས། །དངོས་གྲུབ་འདོད་རྣམས་བརྟེན་པར་འོས། །མཁའ་འགྲོ་དབང་སྡུད་གནད་དབབ་ལྷན་ཅིག་པའི་རྗེས་གནང་གི་ལེ་ཚན་ནོ།། །།མངྒ་ལཾ།། །།
Chinkha Sangdrup
༼༄༅། །གསང་སྒྲུབ་མཆིན་ཁའི་བྱིན་རླབས།།༽
ཨོཾ་སྭ་སྟི།
འོད་དཔག་མེད་མགོན་ཐུགས་རྗེའི་སྐུ། །དྲག་པོའི་ཚུལ་སྟོན་ཧེ་རུ་ཀར། །བཏུད་ནས་གསང་སྒྲུབ་མཆིན་ཁ་ཡི། །བྱིན་རླབས་བཀའ་ཡིག་འདི་ལྟར་རོ།
།མཎྜལ་ཆོས་འབྱུང་མཐིང་ནག་གྲུ་གསུམ་མེ་རི་དང་བཅས་པའི་དབུས་སུ་པདྨ་འདབ་བརྒྱད་ཀྱི་ལྟེ་བར་ཧཱུྃ་མཆིན་ཁ་བྲི། རྟེན་གཏོར་མཆོད་གཏོར་བཅའ་གཞི་སོགས་བར་ཆད་ཀུན་སེལ་དང་འདྲ། སྒྲུབ་ཚུལ་བདག་བསྐྱེད་སོགས་དེ་དང་ཁྱད་པར་མེད་པ་ལས། མདུན་བསྐྱེད་བསང་སྦྱང་།
སྟོང་པའི་ངང་ལས་མདུན་དུ་ཆོས་འབྱུང་གྲུ་གསུམ་ཡངས་ཤིང་རྒྱ་ཆེ་བ། དེའི་དབུས་སུ་པྃ་ལས་པདྨ། རྃ་ལས་ཉི་མའི་སྟེང་དུ་གྃ་ལས་ཚོགས་བདག་དཀར་པོ་གླང་པོ་ཆེའི་གདོང་པ་ཅན། གཡས་པས་སའི་སྙིང་པོ་ལོ་མ་དང་བཅས་པ་ཞལ་དུ་གསོལ་ཞིང་གཡོན་རིན་པོ་ཆེ་སྣ་ཚོགས་སྐྱུག་པའི་ནེའུ་ལེ་འཛིན་པ། སྤྱན་གསུམ་པ། རིན་པོ་ཆེ་དང་རྒྱན་སྣ་ཚོགས་ཀྱིས་བརྒྱན་པ་གན་རྐྱལ་དུ་བསྒྱེལ་བའི་སྟེང་དུ་ཧཱུྃ་དམར་སྨུག་ལས་གྲི་གུག་ཧཱུྃ་གིས་མཚན་པ་དེ་ལས་འོད་འཕྲོས། གདུག་པ་ཅན་ཐམས་ཅད་ཚར་བཅད། ཚུར་འདུས་ཡོངས་སུ་གྱུར་པ་ལས། མྱུར་མཛད་ཡེ་ཤེས་ཀྱི་མགོན་པོ་སྐྱེ་འགྲོའི་རེ་བ་ཚུལ་བཞིན་དུ་སྐོང་བ། སྐུ་མདོག་མཆིན་ཁ་ནག་ལ་དམར་བའི་མདངས་ཅན། ཞལ་གཅིག་ཕྱག་དྲུག་པ། དམར་ལ་ཟླུམ་པའི་སྤྱན་གསུམ་སྡང་མིག་ཏུ་གཟིགས་པ། ཞལ་གདངས་ཤིང་མཆེ་བ་གཙིགས་པ། ལྗགས་འདྲིལ་བ། རབ་ཏུ་བཞད་པ། སྨ་ར་དང་སྨིན་མ་དང་། དབུ་སྐྲ་དམར་སེར་གྱེན་དུ་བརྫེས་པ། དཔྲལ་བར་སིནྡཱུ་རའི་ཐིག་ལེས་བྱུགས་པ། སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ། ཕྱག་གཡས་དང་པོས་རྡོ་རྗེ་གྲི་གུག་དང་། གཡོན་དང་པོས་ཐོད་པ་ཁྲག་གིས་གང་བ་ཐུགས་ཀར་སྟེང་འོག་ཏུ་འཛིན་པ། གཡས་བར་པས་ཐོད་སྐམ་གྱི་ཕྲེང་བ། ཐ་མས་ཌཱ་མ་རུ་དྲག་ཏུ་འཁྲོལ་བ། གཡོན་གཉིས་པ་ན་མདུང་རྩེ་གསུམ་པ། ཐ་མ་ན་རྡོ་རྗེ་ཞགས་པ་བསྣམས་པ། ཞབས་གཉིས་སྲིད་གསུམ་རྣམ་པར་གནོན་པའི་ཤུགས་ཅན་མཉམ་པའི་སྟབས་ཀྲིག་ཀྲིག་ཞབས་ཀྱིས་བགེགས་ཀྱི་རྒྱལ་པོ་མནན་པ། སྟག་ལྤགས་ཀྱི་ཤམ་ཐབས་ལ། དར་ལྗང་གུའི་སྐ་རགས་བཅིངས་པ། སྦྲུལ་སྔོན་པོས་དབུ་སྐྲ་བཅིངས་ཤིང་། དམར་པོའི་སྙན་ཆ། ཁྲ་བོའི་དཔུང་རྒྱན། དཀར་པོའི་མགུལ་རྒྱན། སེར་པོའི་ལག་གདུབ། ལྗང་གུའི་དོ་ཤལ། དཀར་པོའི་རྐང་གདུབ་དང་སྐ་རགས་ཅན། ཕྱག་ཞབས་ཐམས་ཅད་ལ་དྲིལ་བུ་གཡེར་ཁའི་ཕྲེང་བ་དང་ལྡན་པ། སྦོམ་ཐུང་ཡན་ལག་ཧྲག་པ། གཟི་བརྗིད་མཐའ་ཡས་པ། མི་མགོ་སྐམ་པོའི་ལྔའི་དབུ་རྒྱན་རིན་པོ་ཆེའི་རྩེ་བྲན་ཅན་དང་། རློན་པ་ཁྲག་འཛག་ལྔ་བཅུའི་དོ་ཤལ་བྱས་པ། རུས་པའི་རྒྱན་དྲུག་གིས་མཛེས་པ། འཇིགས་པའི་ང་རོ་འབྲུག་ལྟར་སྒྲོག་པས་བདུད་དང་བགེགས་ཐམས་ཅད་བརླག་པར་མཛད་པ། བསྐལ་པའི་མེ་ལྟ་བུ་ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་པའོ།
།དེའི་གཡོན་དུ་རཀྟའི་རྒྱ་མཚོ་ཆེན་པོ་དམར་ལ་དྭངས་པའི་ནང་དུ་དྲེའུ་རྐྱང་སེར་གྭ་པའི་སྟེང་དུ་བྷྱོཿལས་མ་གཅིག་འདོད་པ་ཁམས་ཀྱི་དབང་ཕྱུག་མ་སྐུ་མདོག་ཆར་སྤྲིན་ལྟར་ནག་པ། ཞལ་གཅིག་ཕྱག་བཞིའི་གཡས་དང་པོས་རལ་གྲི། གཉིས་པས་གྲི་གུག གཡོན་དང་པོས་ནལ་བུའི་རྒྱལ་མཚན། གཉིས་པས་སྐྲ་དང་བཅས་པའི་ཐོད་རློན་ཁྲག་གིས་གང་བ་བསྣམས་པ། ཞལ་གདངས་ཤིང་མཆེ་བ་གཙིགས་པ། དབུ་སྐྲ་ཁམ་ནག་གྱེན་དུ་འབར་བའི་གསེབ་ན་རྨ་བྱའི་མདོངས་དང་ཟླ་ཚེས་ཀྱིས་བརྒྱན་པ། སྙན་གཡས་ལ་སེང་གེ་དང་གཡོན་ན་སྦྲུལ་ནག་འཕྱོ་བ། ཐོད་སྐམ་ལྔའི་དབུ་རྒྱན་དང་རློན་པ་ལྔ་བཅུའི་དོ་ཤལ་ཅན། མི་ལྤགས་ཀྱི་སྟོད་གཡོགས་དང་རེ་ལྡེ་སེར་པོའི་ཤམ་ཐབས་ལ་སྦྲུལ་གྱི་སྐ་རགས་བཅིངས་པ། ལྟེ་བའི་དབུས་ན་ཉི་མ་འཆར་བ། དྲེའུའི་སྟེང་ན་ཕྱེད་སྐྱིལ་གྱིས་བཞུགས་པའི་ཞལ་ཕྱི་ལ་གཟིགས་པ། དེའི་མདུན་དུ་ཆུ་སྲིན་གདོང་ཅན་དང་རྒྱབ་ཏུ་སེང་གེའི་གདོང་ཅན། ཕྱི་རོལ་དུ་མ་མོའི་འཁོར་གྱིས་བསྐོར་བའོ།
།ཡབ་ཡུམ་གཉིས་ཀྱི་མདུན་དུ་ཧཱུྃ་ལས་གནོད་སྦྱིན་ཀྵེ་ཏྲ་པཱ་ལ་སྨུག་ནག་ཞལ་གཅིག་ཕྱག་གཉིས་གཡས་གྲི་གུག་ཕྱར་ཞིང་དགྲ་སྲོག་གཅོད་པ། གཡོན་བནྡྷ་ཁྲག་གིས་གང་བ་གཙོ་བོའི་ཞལ་དུ་སྟོབ་པ། དོམ་ནག་སྨྱོན་པ་ལ་ཆིབས་པའོ།
།གཡས་སུ་ཏྲི་ལྗང་གུ་ལས་ཛི་ན་མི་ཏྲ་སྐུ་མདོག་ལྗང་ནག་ཞལ་གཅིག་ཕྱག་གཉིས་གཡས་ཌཱ་མ་རུ་འཁྲོལ་ཞིང་གཡོན་སྡིགས་མཛུབ་ནམ་མཁའ་ལ་གདེངས་པ་སྟག་ལ་ཆིབས་པའོ།
།རྒྱབ་ཏུ་ཛཿལས་གཤིན་རྗེ་ཊཱཀྐི་རཱ་ཛ་སྐུ་མདོག་སྨུག་ནག་ཞལ་གཅིག་ཕྱག་གཉིས་གཡས་རྒྱུ་མའི་ཞགས་པ་གཡོན་སྡིགས་མཛུབ་ནམ་མཁའ་ལ་གདེངས་པ་སྤྱང་ཀི་ལ་ཞོན་པའོ།
།ལྷ་མོའི་གཡོན་དུ་ཧཱུྃ་ལས་བདུད་མགོན་ཏྲཀྴད་ནག་པོ་ཞལ་གཅིག་ཕྱག་བཞི་གཡས་དང་པོས་ཐོད་ཁྲག་གཉིས་པས་རུ་མཚོན་དམར་པོ་ཕྱར་བ། གཡོན་དང་པོས་ལྕགས་ཀྱི་ཐོ་ལུམ་དང་གཉིས་པས་ཙན་དན་གྱི་བིང་ཆེན་བསྣམས་པ། ཟ་འོག་སྔོ་ཁྲའི་བེར་དང་སག་ལྷམ་ནག་ཁྲ་གསོལ་ཞིང་རྟ་ནག་རྟིང་དཀར་ལ་ཆིབས་པའོ།
།དེ་ཐམས་ཅད་ཀྱང་རྔམས་ཤིང་མཆེ་བ་གཙིགས་པ། སྨ་ར་སྨིན་མ་དབུ་སྐྲ་དམར་སེར་གྱེན་དུ་བརྫེས་པ། སྤྱན་གསུམ་དམར་ཟླུམ་གཡོ་བས་དགྲ་བགེགས་ལ་གཟིར་བ། མི་མགོ་སྐམ་རློན་གྱི་ཕྲེང་བ་འཕྱང་བའོ།
།དེ་དག་གི་ཕྱི་རོལ་དུ་ཤར་དུ་བརྒྱ་བྱིན་སོགས་རྩ་བའི་ཕྲིན་ལས་དཀྱུས་ལྟར་བཏང་བ་ལས། གསོལ་འདེབས་དང་ཡིག་བརྒྱ་མ་གྲུབ་ཀྱང་ཆོག །གོང་གསལ་གནད་དབབ་སྐབས་ཀྱི་དམིགས་བཟླས་དེ་སྦྱར། དངོས་གཞིའི་བཟླས་པའང་ཤཱ་ས་ན་གཙོ་བོར་བྱེད། གཏོར་འབུལ་བསྟོད་པ་བདག་འཇུག་གྲུབ་ནས། སློབ་མ་ལ་ཁྲུས་དང་། སེམས་བསྐྱེད་གསལ་གདབ་སྐབས།
དེའི་ཆེད་དུ་མྱུར་མཛད་ཡེ་ཤེས་ཀྱི་མགོན་པོའི་གསང་སྒྲུབ་མཆིན་ཁའི་བཀའ་ཞེས་བསྒྱུར།
དེ་ལ་འདིར་སངས་རྒྱས་སྣང་བ་མཐའ་ཡས་ཉིད་རྡོ་རྗེའི་ཆོས་སྐྱོང་བའི་སྐུར་བཞེངས་ཏེ་རྡོ་རྗེ་འཆང་གི་མགོན་པོ་ཞེས་གྲགས་པ་མཆོག་ཐུན་མོང་གཉིས་ཀ་ལོ་ཟླ་ཙམ་གྱིས་འགྲུབ་པར་བྱེད་པ་འདི་ལ། ཕྱི་སྒྲུབ་འཇིག་རྟེན་དབང་ཕྱུག །ནང་སྒྲུབ་ཁྲོ་བོ་རྟ་མགྲིན། གསང་སྒྲུབ་ཡེ་ཤེས་མགོན་པོ་ལྟར་སྒྲུབ་པའི་སྐོར་རྒྱུད་དང་གྲུབ་ཐོབ་སོ་སོའི་གདམས་ངག་གི་བཀའ་སྲོལ་མཐའ་ཡས་པ་བཞུགས་པ་རྣམས་ཀྱི་ནང་ནས་མཆོག་ཏུ་གྱུར་པ། སྒྲུབ་བརྒྱུད་ཀྱི་ཤིང་རྟ་ཆེན་པོ་དང་དཔལ་ཤངས་པ་བཀའ་བརྒྱུད་ལ་བཀའ་བབ་པའི་བཀའ་སྲོལ་འདི་ལའང་སྒྲུབ་ཐབས་མི་གཅིག་པ་དུ་མ་བཞུགས་པ་ལས་ད་ལམ་གསང་སྒྲུབ་མཆིན་ཁའི་རྗེས་གནང་བསྒྲུབ་པ་ལ་སོགས་མཚམས་སྦྱར་ནས་མཎྜལ་དང་། གསོལ་གདབ་ལྷ་ངོ་བསྟན་པ་སྔར་བཞིན་སོང་ནས། སྤྲིན་གཏིབས་པ་བཞིན་དུ་བཞུགས་པའི་སྤྱན་སྔར་བདག་གཞན་ནམ་མཁའ་དང་མཉམ་པའི་སེམས་ཅན་ཐམས་ཅད་བྱང་ཆུབ་མ་ཐོབ་ཀྱི་བར་དུ་སྐྱབས་སུ་འགྲོ་ཞིང་ཐུན་མོང་གི་སྡོམ་པ་གཟུང་བར་བགྱིའོ་སྙམ་པས་འདིའི་རྗེས་ཟློས་མཛོད།
ཕྱོགས་བཅུ་ན་བཞུགས་པའི་སངས་རྒྱས་ལ་སྐྱབས་སུ་མཆིའོ། །ཆོས་ལ༴ དགེ་འདུན་ལ༴ བླ་མ་ཡི་དམ་གྱི་ལྷ་ཚོགས་ལ༴ ཡེ་ཤེས་མགོན་པོའི་ཕྱག་དྲུག་པའི་ལྷ་ཚོགས་འཁོར་དང་བཅས་པ་ལ་སྐྱབས་སུ་མཆིའོ། །བདག་ལ་བྱིན་གྱིས་བརླབ་ཏུ་གསོལ། ཞེས་ལན་གསུམ། སློབ་མ་ལྷར་བསྐྱེད་ཚུལ་གོང་གིས་འགྲེ་ཞིང་གནས་གསུམ་འབྲུ་གསུམ་བཅས་གསལ་གདབ།
དེ་ནས་ཁྱད་པར་གྱི་གསོལ་འདེབས་འདིའི་རྗེས་ཟློས་མཛོད།
བླ་མ་རིན་པོ་ཆེ་བདག་ལ་དཔལ་ཡེ་ཤེས་ཀྱི་མགོན་པོའི་སྐུའི་རྗེས་སུ་གནང་བ་མཛད་དུ་གསོལ། སྐུའི་བྱིན་རླབས་ལུས་ལ་འཇུག་པར་མཛད་དུ་གསོལ། བུམ་པའི་དབང་བསྐུར་དུ་གསོལ།
དེ་ལྟར་གསོལ་བ་བཏབ་པས་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བའི་ཐུགས་ཀར་ཕོག་པས་ཐུགས་རྒྱུད་བསྐུལ་ཏེ་དེའི་སྤྱི་བོའི་ཨོཾ་ཡིག་ལས་ཀྱང་འོད་ཟེར་འཕྲོས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱི་སྐུའི་བྱིན་རླབས་ཐམས་ཅད་དང་། ཁྱད་པར་དུ་ཡང་མགོན་པོའི་སྐུའི་བྱིན་རླབས་ཐམས་ཅད་འོད་ཟེར་གྱི་རྣམ་པར་སྤྱན་དྲངས་ཨོཾ་ཡིག་ལ་ཐིམ། དེ་ལས་བདུད་རྩི་མཆིན་ཁའི་རྒྱུན་བབས། སློབ་མའི་སྨིན་མཚམས་ནས་ཞུགས། སྤྱི་བོ་བདེ་ཆེན་གྱི་འཁོར་ལོ་ཁྲིག་མེར་གྱིས་གང་བས་ལུས་ཀྱི་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག །བུམ་པའི་དབང་ཐོབ། ཡེ་ཤེས་མགོན་པོའི་སྐུའི་བྱིན་རླབས་ཐོབ་པའི་མོས་པ་མཛོད། བྱས་ལ་ཌཱ་དྲིལ་དང་བཅས་པས་སྔགས་བརྗོད།
ཡང་གསོལ་བ་འདེབས་པ་འདིའི་རྗེས་ཟློས་མཛོད།
བླ་མ་རིན་པོ་ཆེ་བདག་ལ་དཔལ་ཡེ་ཤེས་ཀྱི་མགོན་པོའི་གསུང་གི་རྗེས་སུ་གནང་བ་མཛད་དུ་གསོལ། གསུང་གི་བྱིན་རླབས་ངག་ལ་འཇུག་པར་མཛད་དུ་གསོལ། གསང་བའི་དབང་བསྐུར་དུ་གསོལ།
དེ་ལྟར་གསོལ་བ་བཏབ་པས་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བའི་ཐུགས་ཀར་ཕོག་པས་ཐུགས་རྒྱུད་བསྐུལ་ཏེ་དེའི་མགྲིན་པའི་ཨཱཿལས་ཀྱང་འོད་ཟེར་འཕྲོས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱི་གསུང་གི་བྱིན་རླབས་ཐམས་ཅད་དང་། ཁྱད་པར་དུ་ཡང་མགོན་པོའི་གསུང་གི་བྱིན་རླབས་ཐམས་ཅད་འོད་ཟེར་གྱི་རྣམ་པར་སྤྱན་དྲངས་ཨཱཿལ་ཐིམ། དེ་ལས་བདུད་རྩི་མཆིན་ཁའི་རྒྱུན་བབས། སློབ་མའི་མགྲིན་པ་ནས་ཞུགས། མགྲིན་པ་ལོངས་སྤྱོད་ཀྱི་འཁོར་ལོ་ཁྲིག་མེར་གྱིས་གང་བས་ངག་གི་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག །གསང་བའི་དབང་ཐོབ། ཡེ་ཤེས་མགོན་པོའི་གསུང་གི་བྱིན་རླབས་ཐོབ་པའི་མོས་པ་མཛོད། བྱས་ལ་ཌཱ་དྲིལ་དང་སྔགས་བརྗོད།
ཡང་གསོལ་བ་འདེབས་པ་འདིའི་རྗེས་ཟློས་མཛོད།
བླ་མ་རིན་པོ་ཆེ་བདག་ལ་དཔལ་ཡེ་ཤེས་ཀྱི་མགོན་པོའི་ཐུགས་ཀྱི་རྗེས་སུ་གནང་བ་མཛད་དུ་གསོལ། ཐུགས་ཀྱི་བྱིན་རླབས་ཡིད་ལ་འཇུག་པར་མཛད་དུ་གསོལ། ཤེས་རབ་ཡེ་ཤེས་ཀྱི་དབང་བསྐུར་དུ་གསོལ།
དེ་ལྟར་གསོལ་བ་བཏབ་པས་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བའི་ཐུགས་ཀར་ཕོག་པས་ཐུགས་རྒྱུད་བསྐུལ་ཏེ་དེའི་ཐུགས་ཀའི་ཧཱུྃ་ལས་ཀྱང་འོད་ཟེར་འཕྲོས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱི་ཐུགས་ཀྱི་བྱིན་རླབས་ཐམས་ཅད་དང་། ཁྱད་པར་དུ་ཡང་མགོན་པོའི་ཐུགས་ཀྱི་བྱིན་རླབས་ཐམས་ཅད་འོད་ཟེར་གྱི་རྣམ་པར་སྤྱན་དྲངས་ཧཱུྃ་ལ་ཐིམ་པས། དེ་ལས་བདུད་རྩི་མཆིན་ཁའི་རྒྱུན་བབས། སློབ་མའི་སྙིང་ག་ནས་ཞུགས། སྙིང་ག་ཆོས་ཀྱི་འཁོར་ལོའི་ཁྲིག་མེར་གྱིས་གང་བས་ཡིད་ཀྱི་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག །ཤེས་རབ་ཡེ་ཤེས་ཀྱི་དབང་ཐོབ། ཡེ་ཤེས་མགོན་པོའི་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། བྱས་ལ་ཌཱ་དྲིལ་དང་བཅས་པས་སྔགས་བརྗོད།
ཡང་གསོལ་བ་འདེབས་པ་འདིའི་རྗེས་ཟློས་མཛོད།
བླ་མ་རིན་པོ་ཆེ་བདག་ལ་དཔལ་ཡེ་ཤེས་ཀྱི་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་རྗེས་སུ་གནང་བ་མཛད་དུ་གསོལ། སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་བདག་གི་ལུས་ངག་ཡིད་གསུམ་ལ་འཇུག་པར་མཛད་དུ་གསོལ། དབང་བཞི་པ་ཚིག་དབང་རིན་པོ་ཆེ་བསྐུར་དུ་གསོལ།
དེ་ལྟར་གསོལ་བ་བཏབ་པས་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བའི་ཐུགས་ཀར་ཕོག་པས་ཐུགས་རྒྱུད་བསྐུལ་ཏེ། དེའི་གནས་གསུམ་གྱི་ཡིག་འབྲུ་གསུམ་ལས་འོད་ཟེར་འཕྲོས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཐམས་ཅད་འོད་ཟེར་གྱི་རྣམ་པར་སྤྱན་དྲངས། མགོན་པོའི་གནས་གསུམ་གྱི་ཡི་གེ་གསུམ་ལ་ཐིམ། དེ་ལས་བདུད་རྩི་རྒྱུན་བབས། སྤྱི་བོ་ནས་རྐང་མཐིལ་གྱི་བར་དུ་གང་བས་ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་སྐད་ཅིག་ཉིད་ལ་སངས་ཀྱིས་དག །ཚིག་དབང་རིན་པོ་ཆེ་ཐོབ། ཡེ་ཤེས་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཐོབ་པའི་མོས་པ་མཛོད། བྱས་ལ་སྔགས་བརྗོད།
དེ་ནས་སྔགས་དབང་ཞུ་བའི་ཕྱིར་དུ་མེ་ཏོག་འཐོར་བཞིན་དུ་འདིའི་རྗེས་ཟློས་མཛོད།
བཅོམ་ལྡན་བདག་གིས་བཟུང་ལགས་ཀྱི། །བདག་ལ་ཉེ་བར་མཛད་དུ་གསོལ། །ལན་གསུམ།
དེ་ལྟར་གསོལ་བ་བཏབ་པས་མདུན་བསྐྱེད་ཀྱི་ཐུགས་ཀའི་སྔགས་ཕྲེང་ལས་སྔགས་ཕྲེང་གཉིས་པ་ཐོན། སློབ་མའི་ཞལ་དུ་ཞུགས། སྙིང་གར་ཉི་གདན་གྱི་སྟེང་དུ་ཧཱུྃ་ཡིག་གི་མཐར་གཡས་སྐོར་དུ་འཁོད་པར་མོས་ལ་འདིའི་རྗེས་ཟློས་མཛོད།
།བྱས་ལ་སྙིང་པོ་དང་། རྩ་སྔགས་ཤཱ་ས་ན་ལན་གསུམ། སློབ་དཔོན་གྱི་མེ་ཏོག་སྤྱི་བོར་བཞག་སྟེ།
བཅོམ་ལྡན་འདི་ལ་སྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །ལན་གསུམ།
དེ་ནས་གཏོར་དབང་དང་རྗེས་ཀྱི་བྱ་བ་རྣམས་གོང་དང་མཚུངས་སོ།
།རྒྱ་ཆེ་རབ་ཟབ་བློ་གྲོས་ཅན། །ཁྱུང་པོའི་གདམས་ངག་མཐའ་ཡས་ལས། །གང་འདི་ཡིད་བཞིན་ནོར་མཚུངས་པས། །བསམ་ཀུན་ལྷུན་གྱིས་གྲུབ་བྱེད་དོ། །གསང་སྒྲུབ་མཆིན་ཁའི་རྗེས་གནང་གི་ལེ་ཚན་ནོ།། །།མངྒ་ལཾ།། །།
Saraha
༼༄༅། །མདའ་བསྣུན་ཆེན་པོའི་བཀའ་སྲོལ།།༽
།ཨོཾ་སྭ་སྟི།
བྱིན་རླབས་མགོན་པོ་སྙིང་གི་དབུས། །མི་ཤིགས་ཐིག་ལེ་བཀོད་ནས་འདིར། །འཕགས་ཡུལ་གྲུབ་པ་ཀུན་གྱི་གཙོ། །མདའ་བསྣུན་ཆེན་པོའི་བཀའ་སྲོལ་འཆད། །མཎྜལ་གཏོར་མའི་བཅའ་གཞི་སོགས་རྗེས་གནང་བར་ཆད་ཀུན་སེལ་གྱི་སྐབས་དང་འདྲ་ཞིང་། སློབ་དཔོན་གྱིས་གནས་ཡོ་ནང་མཆོད་བྱིན་རླབས་བདག་བསྐྱེད་སོགས་སྔར་དང་འདྲ། མདུན་གྱི་མཎྜལ་གཏོར་མ་བསང་སྦྱང་།
སྟོང་པའི་ངང་ལས་ཆོས་འབྱུང་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ་རྡོ་རྗེའི་བྲག་སྣ་ཚོགས་པའི་མདོག་ཅན་གྱི་སྟེང་དུ། པྃ་ལས་སྣ་ཚོགས་པདྨ་དང་རྃ་ལས་ཉི་མའི་དཀྱིལ་འཁོར་གྱི་སྟེང་དུ་གྃ་ལས་ཚོགས་ཀྱི་བདག་པོ། དེའི་སྟེང་དུ་ཧཱུྃ་ལས་གྲི་གུག་ཧཱུྃ་གིས་མཚན་པ་ལས་འོད་ཟེར་འཕྲོས་པས་འཕགས་པའི་ཚོགས་ཐམས་ཅད་མཆོད། སེམས་ཅན་ཐམས་ཅད་ཀྱི་སྡིག་སྒྲིབ་དང་ནད་གདོན་ཐམས་ཅད་སྦྱངས། འོད་ཟེར་ཚུར་འདུས་ཡོངས་སུ་གྱུར་པ་ལས། དཔལ་དྲག་པོ་ཡེ་ཤེས་མགོན་པོ་སྐུ་མདོག་མཐིང་ནག་ཞལ་གསུམ་ཕྱག་དྲུག་པ། ཕྱག་དང་པོ་གཉིས་ཀྱིས་གྲི་གུག་དང་ཐོད་ཁྲག་སྟེང་འོག་ཏུ་འཛིན་པ། ལྷག་མ་གཡས་གཉིས་ཀྱིས་ཐོད་པའི་ཕྲེང་བ་དང་ཌཱ་མ་རུ། གཡོན་གཉིས་ཀྱིས་ཁ་ཊྭཱཾ་ག་དང་ཞགས་པ་འཛིན་པ། ཞལ་དབུས་མཐིང་གཡས་དཀར་གཡོན་དམར་བ། །རབ་ཏུ་ཁྲོས་པའི་ཞལ་གསུམ་གདངས་ཤིང་མཆེ་བ་གཙིགས་པ། དམར་ལ་ཟླུམ་པའི་སྤྱན་གསུམ་ཕྱོགས་བཅུར་སྡང་མིག་ཏུ་བལྟ་བ། ཁྲོ་གཉེར་ཤིན་ཏུ་བསྡུས་པ། སྨ་ར་སྨིན་མ་དམར་སེར་གློག་ལྟར་འཁྱུག་ཅིང་དབུ་སྐྲ་ཁམ་སེར་གྱེན་དུ་བརྫེས་པ། ཐོད་པ་སྐམ་པོ་ལྔས་དབུ་ལ་བརྒྱན་ཅིང་། ཁྲག་འཛག་པའི་མགོ་བོ་རློན་པ་ལྔ་བཅུའི་དོ་ཤལ་བྱས་པ། སྙན་རྒྱན་མགུལ་རྒྱན་གདུ་བུ་སྐ་རགས་སོགས་རིན་པོ་ཆེ་དང་རུས་པ་དང་དྲིལ་བུ་གཡེར་ཁ་དང་བཅས་པ། སྦྲུལ་སྣ་ཚོགས་པས་བརྒྱན་པ། སྟག་གི་པགས་པའི་ཤམ་ཐབས་གླང་པོ་ཆེའི་པགས་པའི་སྟོད་གཡོགས་ཅན། ཡན་ལག་རགས་པ་བཟོད་པར་བཀའ་བའི་གཟི་བརྗིད་ཅན། དཔྲལ་བར་སིནྡཱུ་རའི་གཡུང་དྲུང་འཁྱིལ་བ། ཞབས་གཡས་བསྐུམ་ཞིང་གཡོན་བརྐྱངས་པ། སྐུ་ལས་སྐྱེས་པའི་ཡེ་ཤེས་ཀྱི་མེ་དཔུང་རབ་ཏུ་འབར་བའི་དབུས་ན་བཞུགས་པའོ། །དེའི་ཕྱོགས་བཞིར་པདྨ་དང་ཉི་མ་དགྲ་བགེགས་ཀྱི་སྟེང་དུ་མདུན་དུ་ཛཱ་ལས་ཛཱ་ལི་མ་ནག་མོ་ཞལ་གཅིག་ཕྱག་གཉིས་གཡས་གྲི་གུག་དང་གཡོན་ཐོད་ཁྲག་འཛིན་པ། གཡས་སུ་ཀྵེ་ལས་ཀྵེ་ཏྲ་པཱ་ལ་མ་དུ་བའི་མདོག་ཅན་ཞལ་གཅིག་ཕྱག་གཉིས་གཡས་ཌཱ་མ་རུ་དང་གཡོན་སྡིགས་མཛུབ་མཛད་པ། རྒྱབ་ཏུ་མ་ལས་མ་ཧཱ་ཀཱ་ལི་མ་དམར་ནག་ཞལ་གཅིག་ཕྱག་གཉིས་གཡས་གྲི་གུག་དང་གཡོན་ཐོད་ཁྲག་འཛིན་པ། གཡོན་དུ་ཊཱ་ལས་ཊཱཀྐི་རཱ་ཛ་མ་སེར་མོ་གཡས་རྩེ་གསུམ་དང་གཡོན་ཞགས་པ་འཛིན་པ། བཞི་ཀའང་ཤིན་ཏུ་ཁྲོས་ཤིང་སྤྱན་གསུམ་མ། སྨ་ར་དང་སྨིན་མ་དང་དབུ་སྐྲ་ཁམ་སེར་གྱེན་དུ་བརྫེས་པ། རུས་པ་ལ་སོགས་པའི་འཇིགས་པའི་རྒྱན་གྱིས་བརྒྱན་པ། སྐུ་ལས་སྐྱེས་པའི་མེ་འབར་བའི་དབུས་ན་བཞུགས་པ། དེ་དག་གི་ཕྱི་རོལ་དུ་བཀའ་སྡོད་དམ་ཅན་རྒྱ་མཚོའི་ཚོགས་དཔག་ཏུ་མེད་པ་རྣམས་ཀྱིས་བསྐོར་བར་གྱུར་པའི་གཙོ་འཁོར་ཐམས་ཅད་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོའི་འོད་ཟེར་གྱིས་པོ་ཏ་ལ་དང་བསིལ་བའི་ཚལ་ལ་སོགས་པའི་གནས་ནས་མགོན་པོ་འཁོར་དང་བཅས་པ་སྤྱན་དྲངས།
ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་ཨེ་ཧྱ་ཧི་ཁྲིཾ་ཁྲིཾ་ཞེས་སོགས་ཀྱིས་སྤྱན་དྲངས། ཛཿཧཱུྃ་བྃ་ཧོཿས་ དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུྃ་ལས་འོད་འཕྲོས་པས་དབང་གི་ལྷ་རྣམས་སྤྱན་དྲངས། ཁྱེད་རྣམས་ཀྱིས་དབང་བསྐུར་དུ་གསོལ། ཞེས་བརྗོད་པས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཧཱུྃ། ཞེས་དབང་བསྐུར་བས་ལུས་གང་དྲི་མ་དག །བདེ་བ་ཆེན་པོ་མྱོང་། ཆུའི་ལྷག་མ་སྤྱི་བོར་གནས་པ་ཡོངས་སུ་གྱུར་པ་ལས་གཙོ་བོ་ལ་མི་བསྐྱོད་པ། འཁོར་རྣམས་ལ་ཡེ་ཤེས་མགོན་པོས་དབུ་བརྒྱན་པར་གྱུར།
ཨོཾ་ཤྲཱི་བཛྲ་མ་ཧཱ་ཀཱ་ལ་ཡ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་ཧཱུྃ་སྭཱ་ཧཱ། དེ་བཞིན་དུ་སྦྱར་ཏེ། པཱདྱཾ་ནས། ཤབྡའི་བར་དང་། སྙིང་པོ་ལ་འབྲུ་གསུམ་བཏགས་པས་ནང་མཆོད་འབུལ། བསྟོད་པ་ནི།
ཁྱོད་སྐུ་ཞལ་གསུམ་ཕྱག་དྲུག་འཇིགས་པའི་གཟུགས། །ཁྱོད་གསུང་ཧཱུྃ་དང་ཕཊ་ཀྱི་ང་རོ་སྒྲོག །ཁྱོད་ཐུགས་མི་བཟད་སྙིང་རྗེ་རབ་འབར་བས། །ཕྱི་ནང་བར་ཆད་ཀུན་འདུལ་ཁྱོད་ལ་བསྟོད། །ཕྱོགས་བཞིའི་ལྷ་མོ་བཞི་པོ་ཁྱེད་རྣམས་ཀྱིས། །དཔལ་ལྡན་ཧེ་རུ་ཀ་ཡི་བཀའ་བཞིན་དུ། །ཞི་རྒྱས་དབང་དྲག་ལ་སོགས་ལས་རྣམས་ནི། །གཡེལ་བ་མེད་པར་ད་ལྟ་བསྒྲུབ་པར་མཛོད། །གཞན་ཡང་མགོན་པོའི་བཀའ་ཉན་འཁོར་བཅས་ཀྱིས། །ཏིང་འཛིན་སྔགས་དང་ཕྱག་རྒྱས་བྱིན་བརླབས་པ། །ཕྱི་ནང་གསང་བའི་མཆོད་ཚོགས་འདི་བཞེས་ལ། །རྣལ་འབྱོར་བདག་གིས་བཅོལ་བའི་ལས་ཀུན་མཛོད། །ཅེས་བསྟོད། བཟླས་པའི་སྐབས་སུ།
རང་ཡི་དམ་དུ་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས། མགོན་པོ་གཙོ་འཁོར་གྱི་ཐུགས་རྒྱུད་བསྐུལ་ཏེ་ལས་རབ་འབྱམས་བསྒྲུབ་པར་བསམ་ཏེ། ཨོཾ་ཤྲཱི་མ་ཧཱ་ཀཱ་ལ་སྭ་སྠི་ཥྛ་ན་མ་མ་ཧཱུྃ་ཕཊ། ཅེས་སྙིང་པོ་དང་། བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་སོགས་ཉེ་སྙིང་དང་ཤཱ་ས་ན་བཟླ། འཁོར་རྣམས་ཀྱི་སྔགས་བཟླ་བར་སྤྲོ་ན། ཨོཾ་མ་ཧཱ་ཀཱ་ལི་ཧཱུྃ་ཧཱུྃ་ཕཊ། ཨོཾ་མ་ཧཱ་ཀཱ་ལི་ཀྵེ་ཏྲ་པཱ་ལ་ཧཱུྃ་ཕཊ། ཨོཾ་རཱ་ཛ་ཊཱཀྐི་རཱ་ཛ་ཧཱུྃ་ཕཊ། ཨོཾ་མ་ཧཱ་ཀཱ་ལི་ནི་ཤ་ཏྲཱུྃ་མ་ར་ཡ་ཧཱུྃ་ཕཊ། ཅེས་བཟླས། སླར་མཆོད་བསྟོད་བྱ་ཞིང་བདག་ཉིད་འཇུག །སློབ་མ་ལ་ཁྲུས་བྱ། སེམས་བསྐྱེད་གསལ་གདབ་སྐབས།
དེའི་ཆེད་དུ་མྱུར་མཛད་ཡེ་ཤེས་ཀྱི་མགོན་པོ་ཞལ་གསུམ་ཕྱག་དྲུག་པའི་རྗེས་གནང་ཞེས་བསྒྱུར། དེའང་སྔོན་དགེ་བསྙེན་ཆེན་པོ་ཞི་བའི་གོ་ཆ་ལྕགས་ཀྱི་བྱིན་པ་ཅན་དུ་གྲགས་པ་དེ་རི་བོ་པོ་ཏ་ལར་ལན་གསུམ་བྱོན། འཕགས་པ་སྤྱན་རས་གཟིགས་དངོས་སུ་མཇལ། སྔ་ཕྱིར་ཕོ་བྲང་གཞལ་མེད་ཁང་གཞན་ཐམས་ཅད་མཇལ་ཞིང་བསྐོར། རྟེན་ཀུན་ལའང་ཕྱག་མཆོད་གྲུབ་པ་ལ། མཐའ་གཅིག་ན་ཁང་བཟང་ཤིན་ཏུ་ཆེ་བ་ནམ་ཡང་སྒོ་མི་འབྱེད་པ་ཞིག་འདུག་པས། དཔའ་བོ་མཁའ་འགྲོ་མ་རྣམས་ལ་སྒོ་འདི་འབྱེད་པར་ཞུ་ཞུས་པས། འདི་སྒོ་ཕྱེས་ན་འཇིག་རྟེན་གསུམ་པོ་མཐའ་དག་དངངས་ཤིང་འཆི་བའམ་འཆི་ལ་ཐུག་པར་འགྱུར་རོ་ཞེས་གསུངས་པས། སླར་འཕགས་པ་སྤྱན་རས་གཟིགས་ཉིད་ལ་ཞུས་ཤིང་གསོལ་བ་བཏབ་པས་སྤྲུལ་པའི་ཕོ་ཉ་ཞིག་མངགས་ཏེ་འཕགས་པའི་བཀས་གནང་བའི་སྟོབས་ཀྱིས་སེམས་ཅན་སུ་ལའང་གནོད་པ་མེད་པར་སྒོ་ཕྱེས། དེར་ཡེ་ཤེས་མགོན་པོ་འདི་ཉིད་མཇལ། གསོལ་བ་བཏབ་པས་རྒྱུད་བྱིན་གྱིས་བརླབས། འཛམ་བུའི་གླིང་དུ་སེམས་ཅན་གྱི་དོན་དུ་སངས་རྒྱས་ཀྱི་བསྟན་པ་སྐྱོང་བ་ལ་འབྱོན་པར་ཞུ་ཞེས་གསོལ་བ་བཏབ་པས་ཞལ་གྱིས་བཞེས་པ་ལྟར། དུར་ཁྲོད་ཆེན་པོ་བསིལ་བ་ཚལ་གྱི་ཤིང་ནྱ་གྲོ་དྷའི་ཕུག་ན་སྤྲུལ་པའི་སྐུ་ཞིག་རྟག་ཏུ་བཞུགས། དེ་ལ་བརྟེན་ནས་དཔལ་ས་ར་ཧ་སོགས་ཀྱིས་སྒྲུབ་ཐབས་མཛད་པར་གྲགས། གཞན་ཡང་ཡེ་ཤེས་ཀྱི་སྐུ་གཅིག་དཔལ་ལྡན་འབྲས་སྤུངས་ཀྱི་མཆོད་རྟེན་ན་བཞུགས་པ་ལས་སློབ་དཔོན་ཀླུ་སྒྲུབ་དང་བྲམ་ཟེ་མཆོག་སྲེད་ཀྱིས་གདན་དྲངས་པའང་བཤད། དེ་དག་ལ་བརྟེན་ནས་འཕགས་པའི་ཡུལ་དུ་གདམས་ངག་གི་བཀའ་སྲོལ་ཅི་རིགས་པ་བྱུང་ཞིང་། བོད་དུའང་གི་ཇོ་ཟླ་བའི་འོད་ཟེར་གྱིས་མགོན་རྐྱང་གི་སྐོར་བསྒྱུར་བ་དང་། སྟེང་བ་ལོ་ཙཱ་བས་མཁའ་འགྲོ་དྲུག་བསྐོར་གྱི་གདམས་པ་བསྒྱུར་བ་དང་། མགར་ཆོས་བཟང་གིས་ས་ར་ཧ་དང་ཤ་བ་རིའི་གཞུང་སོགས་བསྒྱུར་བ་ལས། ཁྱད་པར་དུ་འཕགས་པ་མཁས་གྲུབ་ཁྱུང་པོའི་བཀའ་སྲོལ་ལས་བྱོན་པའི་མྱུར་མཛད་ཡེ་ཤེས་མགོན་པོའི་ཆོས་སྐོར་ལས། བྲམ་ཟེ་ཆེན་པོ་ས་ར་ཧའི་ལུགས་ཀྱི་མགོན་པོ་ཞལ་གསུམ་ཕྱག་དྲུག་པའི་རྗེས་གནང་སོགས་མཚམས་སྦྱར་ལ་མཎྜལ་ཕུལ།
གསོལ་བ་འདེབས་པ་འདིའི་རྗེས་ཟློས་མཛོད།
དུས་གསུམ་སངས་རྒྱས་ཐམས་ཅད་ཀྱི། །ཕྲིན་ལས་དབང་ཕྱུག་ཡེ་ཤེས་སྐུ། །དཔལ་ལྡན་མགོན་པོ་འཁོར་བཅས་ཀྱི། །སྐུ་གསུང་ཐུགས་ཀྱི་རྗེས་གནང་སྩོལ། །ཞེས་ལན་གསུམ།
དེ་ནས་ལྷ་ངོ་བསྟན་པ། ཐུན་མོང་ཐུན་མིན་གྱི་སྡོམ་པ་བཟུང་བ། སློབ་མ་ལྷར་བསྐྱེད་བཅས་བླ་མགོན་དབྱེར་མེད་སྐབས་སུ་སྨོས་པ་ལྟར། ཐུགས་ཀར་ཧཱུྃ་སྔོན་པོས་མཚན་པར་སྒོམས་ཤིག་ཅེས་པའི་བར་སོང་ནས།
དེ་ནས་དཔལ་ཡེ་ཤེས་ཀྱི་མགོན་པོའི་སྐུ་གསུང་ཐུགས་ཀྱི་རྗེས་གནང་ཞུ་བའི་ཕྱིར་དུ་གསོལ་བ་འདེབས་པ་འདིའི་རྗེས་ཟློས་མཛོད།
བླ་མ་ཡེ་ཤེས་མགོན་པོ་ཡིས། །དབང་བཞི་རྫོགས་པར་བསྐུར་དུ་གསོལ། །སྒྲིབ་བཞི་དག་པར་མཛད་དུ་གསོལ། །ཕྲིན་ལས་རྣམ་བཞི་འགྲུབ་པ་དང་། །སྐུ་བཞི་ཐོབ་པར་མཛད་དུ་གསོལ།
དེ་ལྟར་གསོལ་བ་བཏབ་པས་རང་ཡི་དམ་དུ་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས། ཤར་ལྷོ་བསིལ་བའི་ཚལ་གྱི་དུར་ཁྲོད་ཙན་དན་གྱི་ཤིང་རྐང་གཅིག་པའི་དྲུང་ན་བཞུགས་པའི་མགོན་པོ་འཁོར་བཅས་ཀྱི་ཐུགས་ཀར་ཕོག་པས་ཐུགས་རྒྱུད་བསྐུལ་ཏེ་སྐུའི་ཆ་ཐམས་ཅད་ལས་མགོན་པོ་འཁོར་བཅས་ཀྱི་སྐུ་ཆེ་ཆུང་དཔག་ཏུ་མེད་པ་བྱུང་།
གཏོར་མ་མགོན་པོར་གསལ་བའི་དཔྲལ་བ་ལས་ཀྱང་མགོན་པོ་འཁོར་བཅས་ཀྱི་སྐུ་ཆེ་ཆུང་དཔག་ཏུ་མེད་པ། སྐུ་རྔམ་བརྗིད་དང་ལྡན་པ། གསུང་ཧཱུྃ་ཕཊ་དང་ཧ་ཧའི་སྒྲ་དྲག་པོ་སྒྲོག་ཅིང་། རིགས་ཀྱི་བུ་ཁྱེད་རྣམས་ཀྱི་འགལ་རྐྱེན་བར་ཆད་ཐམས་ཅད་ངས་སེལ། མཐུན་རྐྱེན་ཐམས་ཅད་ངས་བསྒྲུབ། ཅེས་གསུང་ལྷང་ལྷང་བྱོན་བཞིན་པ་བསམ་གྱིས་མི་ཁྱབ་པ་བྱུང་བ་རྣམས་སློབ་མའི་དཔྲལ་བ་ནས་ཞུགས། ལུས་ཀྱི་ནང་ཐམས་ཅད་ཁྲིག་མེར་གྱིས་ཁེངས། ལུས་ཀྱི་ནད་གདོན་བར་དུ་གཅོད་པ་ཐམས་ཅད་དགྲ་བགེགས་ཀྱི་ཤ་ཁྲག་གི་རྣམ་པར་ཞལ་དུ་དམར་ཆེམ་ཆེམ་གསོལ་ནས་ཚར་བཅད་པའི་མོས་པ་མཛོད། བྱས་ལ། ཌཱ་དྲིལ་དང་སྤོས་དུད་བཅས་ཏེ་སྙིང་པོ་དང་ཉེ་སྙིང་བརྗོད་པ་འོག་མ་རྣམས་ལའང་འགྲེ།
དེས་མགོན་པོ་འཁོར་བཅས་ཀྱི་སྐུའི་བྱིན་རླབས་ལུས་ལ་ཞུགས། ལུས་ཀྱི་སྡིག་སྒྲིབ་བར་དུ་གཅོད་པ་ཐམས་ཅད་དག །བུམ་པའི་དབང་ཐོབ། ཁྱེད་རང་རྣམས་ཀྱི་ལུས་དང་མགོན་པོའི་སྐུ་དབྱེར་མེད་དུ་གྱུར་སྙམ་པ་མཛོད་ཅིག
།སླར་ཡང་བླ་མ་ཡི་དམ་དབྱེར་མེད་པའི་ཐུགས་ཀའི་ཧཱུྃ་ལས་སོགས་སྔར་ལྟར་ལ།
གཏོར་མ་མགོན་པོར་གསལ་བའི་མགྲིན་པ༴ ཞེས་དང་། སློབ་མའི་མགྲིན་པ་ནས། ངག་གི་ནད་གདོན༴ གསུང་གི་བྱིན་རླབས་ངག་ལ༴ ངག་གི་སྡིག་སྒྲིབ༴ གསང་བའི་དབང་༴ ངག་དང་མགོན་པོའི་གསུང་དབྱེར་མེད༴ ཅེས་བསྒྱུར།
སླར་ཡང་བླ་མ་ཡི་དམ་སོགས་སྔར་ལྟར།
གཏོར་མ་མགོན་པོར་གསལ་བའི་ཐུགས་ཀ༴ སློབ་མའི་སྙིང་ཁ་ནས༴ ཡིད་ཀྱི་ནད་གདོན༴ ཐུགས་ཀྱི་བྱིན་རླབས་སེམས་ལ༴ ཡིད་ཀྱི་སྡིག་སྒྲིབ༴ ཤེས་རབ་ཡེ་ཤེས་ཀྱི༴ ཡིད་དང་མགོན་པོའི་ཐུགས་དབྱེར་མེད་དུ་ཅེས་བསྒྱུར།
སླར་ཡང་བླ་མ་ཡི་དམ་སོགས་སྔར་ལྟར་ལ། གཏོར་མ་མགོན་པོར་གསལ་བའི་གནས་ལྔ༴ སློབ་མའི་གནས་ལྔར༴ སྒོ་གསུམ་ཆ་སྙོམས་ཀྱི་ནད་གདོན༴ སྐུ་གསུང་ཐུགས་ཀྱི་བྱིན་རླབས་ཡོངས་སུ་རྫོགས་པ་སྒོ་གསུམ་ལ་ཅིག་ཆར་དུ་ཞུགས། ལུས་ངག་ཡིད་གསུམ་གྱི་སྡིག་སྒྲིབ༴ དབང་བཞི་པ་ཐོབ། ཁྱེད་རང་རྣམས་ཀྱི་སྒོ་གསུམ་དང་མགོན་པོའི་སྐུ་གསུང་ཐུགས་དབྱེར་མེད་ཅེས་བསྒྱུར།
དེ་ནས་སྔགས་ཀྱི་བཟླས་ལུང་ཞུ་བའི་ཕྱིར་དུ་གསོལ་བ་འདེབས་པ་འདི་བཞིན་མཛོད།
བཅོམ་ལྡན་བདག་གིས་བཟུང་ལགས་ཀྱི། །བདག་ལ་ཉེ་བར་མཛད་དུ་གསོལ། །ལན་གསུམ།
དེ་ལྟར་གསོལ་བ་བཏབ་པས་མགོན་པོའི་ཐུགས་ཀར་ཉི་གདན་གྱི་སྟེང་དུ་ཧཱུྃ་ཡིག་གི་མཐར་སྔགས་ཕྲེང་ཁ་དོག་ནག་པོ་འོད་ཟེར་མེ་འོད་འཕྲོ་བས་བསྐོར་བ་དེ་ལས་སྔགས་ཕྲེང་མར་མེ་གཅིག་ལས་གཉིས་ཆད་ཀྱི་ཚུལ་དུ་མགོན་པོའི་ཞལ་ནས་ཐོན། ཁྱེད་རང་རྣམ་པའི་ཞལ་དུ་ཞུགས། སྙིང་གར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་གི་མཐར་གཡས་བསྐོར་དུ་འཁོར། དེ་ལས་དྲག་པོའི་འོད་ཟེར་མེ་འོད་རབ་ཏུ་འབར་བ་འཕྲོས་པས་ནད་གདོན་སྡིག་སྒྲིབ་ཐམས་ཅད་བྱ་སྒྲོ་མེ་ལ་བསྲེགས་པ་བཞིན་དུ་གཞོབ་ཐུལ་ཐུལ་བསྲེགས་ཤིང་ཚར་བཅད་པའི་མོས་པ་བྱས་ནས་འདིའི་རྗེས་ཟློས་མཛོད། བྱས་ལ་གཙོ་འཁོར་ཐམས་ཅད་ཀྱི་སྔགས་ལན་གསུམ་རྗེས་ཟློས་བྱེད་དུ་བཅུག །སློབ་མའི་མགོར་མེ་ཏོག་བཞག་ལ།
བཅོམ་ལྡན་འདི་ལ་སྦྱིན་ལགས་ཀྱི། །འདི་ལ་ཉེ་བར་མཛད་དུ་གསོལ། །ཞེས་ལན་གསུམ་བརྗོད།
དེ་ནས་བྱིན་རླབས་ཡོངས་རྫོགས་གཏོར་མས་བཀའ་བསྒོ་བ་ལ་དམིགས་པ་འདི་བཞིན་དུ་མཛོད། གཏོར་མ་འདི་ཉིད་མྱུར་མཛད་ཡེ་ཤེས་ཀྱི་མགོན་པོ་སོགས་བར་ཆད་ཀུན་སེལ་གྱི་སྐབས་ལྟར་ལས། བླ་མ་བརྒྱུད་པའི་སྐབས།
རྒྱལ་བ་ཁྱབ་བདག་རྡོ་རྗེ་འཆང་ཆེན་པོ། བྲམ་ཟེ་ཆེན་པོ་ས་ར་ཧ། དཔལ་ལྡན་ཤ་བ་རི་དབང་ཕྱུག་སོགས་ནས།
ཆོས་རྗེ་སངས་རྒྱས་སྟོན་པ་ནས། དྲིན་ཅན་རྩ་བའི་བླ་མའི་བར་དུ་བྱོན་པའི་དཔལ་ལྡན་བླ་མ་དམ་པ་དེ་རྣམས་ཀྱི་ཞེས་བསྒྱུར། རྗེས་ཀྱི་བྱ་བ་རྣམས་ཀྱང་དེ་དང་མཚུངས་སོ།
།འཕགས་ཡུལ་གྲུབ་བརྙེས་ཀུན་ལས་ཀྱང་། །ཡོན་ཏན་ཁྱད་འཕགས་བྲམ་ཟེའི་ལུགས། །མཁའ་འགྲོ་བཞི་སྐོར་གྲགས་པ་འདི། །སྒྲུབ་ཐབས་རྒྱ་མཚོའི་སྙིང་པོ་ལགས། །བྲམ་ཟེ་ཆེན་པོ་ས་ར་ཧའི་ལུགས་ཀྱི་མགོན་པོ་ཞལ་གསུམ་ཕྱག་དྲུག་པའི་རྗེས་གནང་གི་ལེ་ཚན་ནོ།། །།མངྒ་ལཾ།། །།
Gyenchen
༼༄༅། །རྒྱན་ཅན།།༽
ཨོཾ་སྭ་སྟི།
སངས་རྒྱས་ཀུན་གྱི་བསྟན་སྲུང་ཞིང་། །སངས་རྒྱས་ཀུན་དང་དབྱེར་མེད་པ། །མྱུར་མཛད་སྤྱན་རས་གཟིགས་དབང་ལ། །བཏུད་ནས་རྒྱན་ཅན་བཀའ་ཡིག་བྲི། །མཎྜལ་ཆོས་འབྱུང་མཐིང་ནག་མེ་རི་དང་བཅས་པའི་དབུས་སུ་ཧཱུྃ་དང་ཨ་བྲིས། དེའི་དབུས་སུ་རྟེན་གཏོར་མདུན་དུ་མཆོད་གཏོར་རྣམས་སྔར་ལྟར་ལ། གཡས་སུ་བུམ་པ་བདུད་རྩི་དང་དྲི་བཟང་ཆུས་བཀང་བ། ཁ་རྒྱན་མགུལ་ཆིངས་དང་བཅས་པ། །གཡོན་དུ་ཐོད་པའི་བདུད་རྩི་རྣམས་བཤམས། བྱིན་རླབས་རྣམས་དང་བདག་བསྐྱེད་སྔོན་དུ་འགྲོ་བས། མདུན་གྱི་མཎྜལ་བསང་སྦྱང་།
སྟོང་པའི་ངང་ལས། ཨེ་ལས་ཆོས་འབྱུང་མཐིང་ནག་མེ་རབ་ཏུ་འབར་བའི་ནང་དུ་སྣ་ཚོགས་པདྨ་དང་ཉི་མ་དང་ཚོགས་ཀྱི་བདག་པོའི་སྟེང་དུ། ཧཱུྃ་ལས་གྲི་གུག་ཧཱུྃ་གིས་མཚན་པ་དང་ཨ་ལས་རྡོ་རྗེ་ཨས་མཚན་པ་གཉིས་ལས་འོད་ཟེར་འཕྲོས། དོན་གཉིས་བྱས་འདུས་པ་ལས་དཔལ་ཡེ་ཤེས་ཀྱི་མགོན་པོ་སྐུ་མདོག་ཤིན་ཏུ་གནག་པ་ཞལ་གཅིག་ཕྱག་དྲུག་པ། ཕྱག་དྲུག་གི་གཡས་གཡོན་གྱི་དང་པོ་གཉིས་ཀྱི་གྲི་གུག་དང་ཐོད་ཁྲག་ཐུགས་ཀར་སྟེང་འོག་ཏུ་འཛིན་པས་ཡུམ་ལ་འཁྱུད་པ། གཡས་འོག་མ་གཉིས་ཀྱིས་ཐོད་པའི་ཕྲེང་བ་དང་ཌཱ་མ་རུ། གཡོན་འོག་མ་གཉིས་ཀྱིས་ཁ་ཊྭཱཾ་ག་དང་རྡོ་རྗེའི་ཞགས་པ་འཛིན་པ། ཞལ་གདངས་ཤིང་མཆེ་བ་གཙིགས་པ། སྤྱན་གསུམ་དམར་པོ་སྡང་མིག་ཏུ་བལྟ་བ། ཁྲོ་གཉེར་བསྡུས་ཤིང་སྨིན་མ་དང་སྨ་ར་དབུ་སྐྲ་ནག་པོ་རྣམས་གྱེན་དུ་བརྫེས་པ། ཐོད་སྐམ་ལྔས་དབུ་ལ་བརྒྱན་ཅིང་ཐོད་རློན་ལྔ་བཅུའི་དོ་ཤལ་བྱས་པ། དཔྲལ་བར་སིནྡཱུ་རས་བྱུགས་པ། སྦྲུལ་དཀར་ཁྲས་དབུ་སྐྲ་བཅིངས་ཤིང་དམར་ཁྲས་སྙན་རྒྱན་བྱས་པ། སེར་པོས་མགུལ་རྒྱན་ལྗང་གུས་ཕྱག་གདུབ་དང་དོ་ཤལ་བྱས་པ། ནག་ཁྲས་ཞབས་གདུབ་དང་སྐ་རགས་བྱས་པ། རུས་པའི་རྒྱན་དྲིལ་བུ་གཡེར་ཁ་དང་བཅས་པས་སྤྲས་པ། སྟག་གི་པགས་པའི་ཤམ་ཐབས་དང་། གླང་པོ་ཆེའི་པགས་པས་སྟོད་གཡོགས་བྱས་པ། ཞབས་གཡས་བསྐུམ་ཞིང་གཡོན་བརྐྱང་བའི་སྟབས་ཀྱིས་སྐུ་ལས་སྐྱེས་པའི་མེའི་ཕུང་པོའི་དབུས་ན་བཞུགས་པ། དེའི་སྤང་ན་ཡུམ་རྡོ་རྗེ་གཅིག་ཤོས་མ་སྐུ་མདོག་ནག་མོ་ཞལ་གཅིག་ཕྱག་གཉིས་ཀྱི་གཡོན་གྱིས་ཐོད་ཁྲག་ཡབ་ལ་སྟོབ་ཅིང་གཡས་པས་གྲི་གུག་བཟུང་ནས་ཡབ་ལ་འཁྱུད་པ། ཐོད་སྐམ་ལྔས་དབུ་རྒྱན་དང་ཐོད་རློན་ལྔ་བཅུའི་དོ་ཤལ་བྱས་པ་ཕྱག་རྒྱ་ལྔས་བརྒྱན་པའོ། །ཕྱོགས་བཞིར་མདུན་དུ་པདྨ་དང་ཉི་མའི་གདན་གྱི་སྟེང་དུ་ཛཱ་ལས་ཛཱ་ལི་མ་ནག་མོ་ཞལ་གཅིག་ཕྱག་གཉིས་ཀྱིས་གཡས་གྲི་གུག་དང་གཡོན་ཐོད་ཁྲག་འཛིན་པ། གཡས་སུ་པདྨ་དང་ཉི་མའི་སྟེང་དུ་ཀྵེ་ལས་ཀྵེ་ཏྲ་པཱ་ལ་མ་དུ་བའི་མདོག་ཅན་གཡས་ཌཱ་མ་རུ་དང་གཡོན་སྡིགས་མཛུབ་མཛད་པ། རྒྱབ་ཏུ་པདྨ་དང་ཉི་མའི་སྟེང་དུ་མ་ལས་མ་ཧཱ་ཀཱ་ལི་མ་དམར་ནག་གཡས་གྲི་གུག་དང་གཡོན་ཐོད་ཁྲག་འཛིན་པ། གཡོན་དུ་པདྨ་དང་ཉི་མའི་སྟེང་དུ་ཊཱ་ལས་ཊཱ་ཀྐི་རཱ་ཛ་མ་སེར་མོ་གཡས་རྩེ་གསུམ་དང་གཡོན་ཞགས་པ་འཛིན་པ། དེ་ཐམས་ཅད་ཀྱང་ཞལ་གཅིག་སྤྱན་གསུམ་མ་མཆེ་བ་གཙིགས་པ། སྨིན་མ་དང་སྨ་ར་འཁྱུགས་ཤིང་དབུ་སྐྲ་གྱེན་དུ་གཡེངས་པ་རུས་པས་བརྒྱན་ཅིང་དྲག་པོའི་གཟུགས་ཅན་ནོ། །དེའི་ཕྱི་རོལ་དུ་བཀའ་སྡོད་དམ་ཅན་རྒྱ་མཚོའི་ཚོགས་ཀྱིས་བསྐོར་བར་གྱུར་པའི་གཙོ་འཁོར་ཐམས་ཅད་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། ཐུགས་ཀའི་ཧཱུྃ་གི་འོད་ཟེར་གྱིས་བསིལ་བའི་ཚལ་ལ་སོགས་པ་ནས་མགོན་པོ་འཁོར་དང་བཅས་པ་སྐད་ཅིག་གིས་སྤྱན་དྲངས། ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་ཨེ་ཧྱེ་ཧི་ཁྲིཾ་ཁྲིཾ་ཞེས་སོགས་བརྗོད་ནས། ཛཿཧཱུྃ་བྃ་ཧོཿས་ཡེ་ཤེས་པ་དང་དམ་ཚིག་པ་གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་དབང་གི་ལྷ་རྣམས་སྤྱན་དྲངས། ཁྱེད་རྣམས་ཀྱིས་དབང་བསྐུར་དུ་གསོལ། ཞེས་བརྗོད་པས་དེ་རྣམས་ཀྱིས་ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་དབང་བསྐུར་བས་ལུས་གང་ཆུའི་ལྷག་མ་སྤྱི་བོར་འཁྱིལ་བ་ལས་གཙོ་བོ་ལ་མི་བསྐྱོད་པ། འཁོར་རྣམས་ལ་གཙོ་བོས་དབུ་བརྒྱན་པར་གྱུར།
ཨོཾ་ཤྲཱི་མ་ཧཱ་ཀཱ་ལ་སོགས་སྔགས་ཙམ་གྱིས་མཆོད། ནང་མཆོད་འབུལ། ཆོས་དབྱིངས་ངང་ལས་སོགས་ཀྱིས་བསྟོད། བཟླས་པའི་དམིགས་པ་གསལ་བཏབ་ལ་སྙིང་པོ་དང་། ཡུམ་ལ། ཨོཾ་ཨཱ་སྭཱ་ཧཱ། ཞེས་བཟླ། གཏོར་འབུལ་དང་མཆོད་བསྟོད་མདོར་བསྡུས་བྱ། བུམ་པ་བསང་སྦྱང་།
སྟོང་པའི་ངང་ལས་པཾ་ལས་རིན་པོ་ཆེའི་བུམ་པ་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་ཨེ་ལས་ཆོས་འབྱུང་ ཞེས་པ་ནས་བཟླས་པའི་བར་སྔར་བཞིན་བྱ། བཟླས་པའི་སྐབས་སུ་རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་བུམ་ནང་གི་ལྷ་རྣམས་ཀྱི་ཐུགས་རྒྱུད་བསྐུལ་བས་བདུད་རྩིའི་རྒྱུན་བབས་བུམ་པ་གང་བར་བསམ་ལ་གོང་གི་སྔགས་གཉིས་པོ་བཟླ། མཆོད་བསྟོད་གོང་ལྟར་བྱ། མགོན་པོ་གཙོ་འཁོར་ཞུ་བ་ལས་བྱུང་བའི་བདུད་རྩིར་གྱུར་པར་བསམ་ལ་བདག་འཇུག་བླང་། དེ་ནས་སློབ་མ་ཁྲུས་བྱ། སེམས་བསྐྱེད་གསལ་གདབ་སྐབས།
དེའི་ཆེད་དུ་ཡེ་ཤེས་མགོན་པོ་རྒྱན་ཅན་གསང་སྒྲུབ་ཀྱི་བཀའ་ཟབ་མོ་ཞེས་བསྒྱུར།
དེ་ལ་སྤྱིར་སེམས་ཅན་ཐམས་ཅད་ལ་སངས་རྒྱས་ཀྱི་བསྟན་པ་རིན་པོ་ཆེ་གནས་ཤིང་རྒྱས་པ་གལ་ཆེ། བསྟན་པ་སྲུང་བ་ལ་ཆོས་སྐྱོང་ཁྱད་པར་ཅན་ཞིག་ངེས་པར་དགོས་པ་ཡིན་ཅིང་། དེ་ལ་འཕགས་པ་སྤྱན་རས་གཟིགས་ཀྱི་ཐུགས་བསྐྱེད་ཀྱི་དབང་གིས་ཡེ་ཤེས་མགོན་པོ་འདི་ལས་ལྷག་པ་ནམ་དུའང་མེད་པས། སངས་རྒྱས་ཀྱི་བསྟན་པ་ལ་ཞུགས་པ་ཐམས་ཅད་ཀྱིས་ཆོས་སྐྱོང་འདི་ལ་གཏོར་མ་རེ་ཕུལ་ཞིང་བསྟན་པ་སྲུང་བའི་གཉེར་བཅོལ་ན་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པ་དང་། རང་གཞན་གྱི་བར་ཆད་སེལ་ཞིང་བསམ་པ་ཐམས་ཅད་འགྲུབ་པར་གསུངས་པ་དང་། ཁྱད་པར་ཡེ་ཤེས་མཁའ་འགྲོ་ནི་གུའི་གདམས་ངག་འཆད་པ་དང་། ཉན་པ་དང་། ཉམས་སུ་ལེན་པ་རྣམས་ལ་མགོན་པོ་འདི་ཉིད་མ་བསྒྲུབས་ཀྱང་ཤུགས་ལ་འགོ་ཞིང་ཕྲིན་ལས་སྒྲུབ་པར་མཛད་པ་ཡིན་ལ། འདི་ཉིད་ཀྱི་གདམས་པ་མཁས་གྲུབ་ཁྱུང་པོའི་བཀའ་སྲོལ་མཐའ་ཡས་པ་ཞིག་བཞུགས་པ་ལས། སྐབས་འདིར་གསང་སྒྲུབ་རྒྱན་ཅན་དུ་གྲགས་པ་བཀའ་ཟབ་མོ་བསྒྲུབ་པ་ལ་སོགས་ཀྱིས་མཚམས་སྦྱར་ནས་མཎྜལ་འབུལ་དུ་གཞུག
།གསོལ་བ་བཏབ་པ་འདིའི་རྗེས་ཟློས་མཛོད།
ན་མོ་བུདྡྷ་ཡ། ན་མོ་དྷརྨཱ་ཡ། ན་མོ་སཾ་གྷ་ཡ།
ཀུན་མཁྱེན་ཡེ་ཤེས་སྙིང་པོ་ཅན། །སྲིད་པའི་འཁོར་ལོ་རྣམ་སྦྱོང་བ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། །ལན་གསུམ།
ལྷ་ངོ་བསྟན་པ་དང་ཐུན་མོང་དང་ཐུན་མོང་མིན་པའི་སྡོམ་པ་བཟུང་། སློབ་མ་ལྷར་བསྐྱེད། གནས་གསུམ་བྱིན་རླབས་བར་བླ་མགོན་དབྱེར་མེད་ལྟར་བྱ།
དེ་ནས་སློབ་དཔོན་གྱི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བ་ལ་ཕོག་པས་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་དཔག་མེད་འཕྲོས། ཕྱོགས་བཅུའི་དེ་བཞིན་གཤེགས་པ་རྒྱལ་བ་སྲས་བཅས་ཐམས་ཅད་ཀྱི་སྐུའི་བྱིན་རླབས་ཐམས་ཅད་མགོན་པོ་གཙོ་འཁོར་གྱི་སྐུ་ཆེ་ཆུང་དཔག་ཏུ་མེད་པའི་རྣམ་པར་སྤྱན་དྲངས། སློབ་མའི་སྤྱི་བོ་ནས་ཐིམ་པས་ལུས་ཐམས་ཅད་ལྷ་སྐུ་འོད་ཟེར་དང་བཅས་པས་གང་བ་ལ་བརྟེན་ནས་ལུས་ཀྱི་སྡིག་སྒྲིབ་བར་ཆད་ཐམས་ཅད་སྦྱངས། མགོན་པོའི་སྐུའི་བྱིན་རླབས་ཐོབ་པའི་མོས་པ་མཛོད།
བྱས་ལ་རྩ་སྔགས་བརྗོད་ཅིང་སྤོས་རོལ་བྱ་བ་འགྲེ།
དེས་སྐུའི་རྗེས་གནང་གྲུབ་པ་ལགས།
ཡང་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བ་ལ་ཕོག་པས་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་དཔག་མེད་འཕྲོས། ཕྱོགས་བཅུའི་དེ་བཞིན་གཤེགས་པ་རྒྱལ་བ་སྲས་བཅས་ཐམས་ཅད་ཀྱི་གསུང་གི་བྱིན་རླབས་ཐམས་ཅད་མགོན་པོ་གཙོ་འཁོར་གྱི་སྐུ་ཆེ་ཆུང་དཔག་ཏུ་མེད་པའི་རྣམ་པར་སྤྱན་དྲངས། སློབ་མའི་མགྲིན་པ་ནས་ཐིམ་པས་ལུས་ཐམས་ཅད་ལྷ་སྐུ་འོད་ཟེར་དང་བཅས་པས་གང་བ་ལ་བརྟེན་ནས་ངག་གི་སྡིག་སྒྲིབ་བར་ཆད་ཐམས་ཅད་སྦྱངས། མགོན་པོའི་གསུང་གི་བྱིན་རླབས་ཐོབ་པའི་མོས་པ་མཛོད།
བྱས་ལ་རྩ་སྔགས་བརྗོད་ཅིང་སྤོས་རོལ་བྱ།
དེས་གསུང་གི་རྗེས་གནང་གྲུབ་པ་ལགས།
ཡང་བླ་མའི་ཐུགས་ཀའི་ཧཱུྃ་ལས་འོད་ཟེར་འཕྲོས། གཏོར་མ་མགོན་པོར་གསལ་བ་ལ་ཕོག་པས་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས། ཕྱོགས་བཅུའི་དེ་བཞིན་གཤེགས་པ་རྒྱལ་བ་སྲས་བཅས་ཐམས་ཅད་ཀྱི་ཐུགས་ཀྱི་བྱིན་རླབས་ཐམས་ཅད་མགོན་པོ་གཙོ་འཁོར་གྱི་སྐུ་ཆེ་ཆུང་དཔག་ཏུ་མེད་པའི་རྣམ་པར་སྤྱན་དྲངས། སློབ་མའི་སྙིང་ཁ་ནས་ཐིམ་པས་ལུས་ཐམས་ཅད་ལྷ་སྐུ་འོད་ཟེར་དང་བཅས་པས་གང་བ་ལ་བརྟེན་ནས་ཡིད་ཀྱི་སྡིག་སྒྲིབ་བར་ཆད་ཐམས་ཅད་སྦྱངས། མགོན་པོའི་ཐུགས་ཀྱི་བྱིན་རླབས་ཐོབ་པའི་མོས་པ་མཛོད།
བྱས་ལ་རྩ་སྔགས་བརྗོད་ཅིང་སྤོས་རོལ་བྱ།
དེས་ཐུགས་ཀྱི་རྗེས་གནང་གྲུབ་པ་ལགས།
དེ་ནས་དབང་བཞི་པ་ཞུ་བའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད།
བླ་མ་ཡེ་ཤེས་མགོན་པོ་ཡིས། །དབང་བཞི་རྫོགས་པར་བསྐུར་དུ་གསོལ། །སྒྲིབ་བཞི་དག་པར་མཛད་དུ་གསོལ། །ཕྲིན་ལས་རྣམ་བཞི་འགྲུབ་པ་དང་། །སྐུ་བཞི་ཐོབ་པར་མཛད་དུ་གསོལ། །གསུམ།
དེ་ལ་བུམ་དབང་གི་སླད་དུ་ནམ་མཁའ་གང་བར་བཞུགས་པའི་རྒྱལ་བ་སྲས་དང་བཅས་པ་ཐམས་ཅད་ཀྱིས་བདུད་རྩིའི་ཆུས་གང་བའི་བུམ་པ་ཐོགས་ནས་དབང་བསྐུར་བའི་མོས་པ་གྱིས་ཤིག
།བུམ་པ་མགོར་བཞག་ལ།
ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ།
།ཨོཾ་སརྦ་ཏ་ཐཱ་ག་ཏ་ཨ་བྷི་ཥེཉྩ་མི། ཞེས་བརྗོད་ལ་བུམ་ཆུ་སྦྱིན།
དེ་ལྟར་བུམ་པའི་དབང་བསྐུར་བས་ལུས་ཀྱི་སྒྲིབ་པ་དག བུམ་པའི་དབང་ཐོབ། ལྷ་སྐུ་བསྒོམ་པ་ལ་དབང་། སྤྲུལ་པའི་སྐུ་འགྲུབ་པའི་ནུས་པ་བཞག་པ་ཡིན་ནོ།
།དེ་ནས་གསང་བའི་དབང་གི་དོན་དུ་དམིགས་པ་འདི་བཞིན་དུ་མཛོད།
སློབ་དཔོན་གྱི་ཐུགས་ཀའི་ཧཱུྃ་གི་འོད་ཟེར་གྱིས་ཕྱོགས་བཅུའི་རྒྱལ་བ་ཡབ་ཡུམ་སྤྱན་དྲངས། མདུན་བསྐྱེད་ཀྱི་མགོན་པོའི་ཞལ་དུ་ཞུགས། ཆགས་པ་ཆེན་པོའི་མེས་ཞུ། རྡོ་རྗེའི་ལམ་ནས་ཡུམ་གྱི་པདྨར་བྱོན་ནས་བདེ་བ་སྐྱེས་ཤིང་། དེ་ལྟ་བུའི་བདེ་བའི་རྟེན་བྱང་སེམས་དེ་ཉིད་ཁྱེད་རང་རྣམ་པའི་ལྗགས་ཐོག་ཏུ་བཞག་ནས་གསང་དབང་བསྐུར་བྱུང་སྙམ་པའི་མོས་པ་མཛོད།
བྱས་ལ་ནང་མཆོད་དམ་ཐོད་པའི་བདུད་རྩི་སྦྱིན་ལ།
ཕྱོགས་བཅུའི་རྒྱལ་བ་ཐམས་ཅད་ཀྱི། །གསང་གསུམ་གནས་ལས་བྱུང་བ་ཡི། །ཁམས་གསུམ་ཀུན་གྱིས་ཕྱག་བྱས་པའི། །རྡོ་རྗེ་དབང་བསྐུར་ཆེན་པོ་སྦྱིན།
།ཨོཾ་སརྦ་ཏ་ཐཱ་ག་ཏ་གུ་ཧྱ་ཨ་བྷི་ཥེཉྩ་མི།
དེ་ལྟ་བུའི་བྱང་སེམས་མྱོང་བ་ལ་བརྟེན་ནས་བདེ་གསལ་མི་རྟོག་པའི་ཉམས་སྐྱེས། དེའི་རང་ངོ་ལ་མཉམ་པར་བཞག་པས་གསལ་སྟོང་དབྱེར་མི་ཕྱེད་པའི་ཡེ་ཤེས་མངོན་དུ་གྱུར་པའི་མོས་པ་མཛོད།
དེ་ལྟར་གསང་བའི་དབང་བསྐུར་བས་ངག་གི་སྒྲིབ་པ་དག །གསང་བའི་དབང་ཐོབ། སྔགས་བཟླ་བ་ལ་དབང་། ལོངས་སྐུ་འགྲུབ་པའི་ནུས་པ་བཞག་པ་ཡིན་ནོ།
།དེ་ནས་ཤེས་རབ་ཡེ་ཤེས་ཀྱི་དབང་གི་སླད་དུ་དམིགས་པ་འདི་བཞིན་དུ་མཛོད།
གཏོར་མ་ཡེ་ཤེས་མགོན་པོ་ཡབ་ཡུམ་དངོས་སུ་གསལ་བའི་ཡུམ་ལས་རང་འདྲ་བའི་ཡུམ་གཉིས་པ་སྤྲོས་པ་ཁྱེད་རང་མགོན་པོར་གསལ་བ་དང་སྙོམས་པར་ཞུགས་པའི་དགའ་བའི་སྒྲས་ཕྱོགས་བཅུའི་རྒྱལ་བ་ཡབ་ཡུམ་སྤྱན་དྲངས། སློབ་མའི་ལུས་ལ་ཞུགས། ཆགས་པ་ཆེན་པོའི་མེས་ཞུ་བའི་དགའ་བཞི་རིམ་བཞིན་དྲངས། རྡོ་རྗེ་ནོར་བུའི་རྩེར་ལྷན་སྐྱེས་ཀྱི་དགའ་བར་བརྟེན་ནས་བདེ་བ་ཆེན་པོ་མཐའ་དབུས་མེད་པ་སྐྱེས། དེའི་རང་ངོ་ལ་མཉམ་པར་བཞག་པས་བདེ་སྟོང་ཟུང་འཇུག་གི་ཡེ་ཤེས་མངོན་ཏུ་བྱས་པར་མོས་མཛོད།
གསང་ཡུམ་ཡེ་ཤེས་མཁའ་འགྲོ་མས། །མཁའ་འགྲོ་སྤྲོས་ནས་བུ་ལ་གཏད། །སྙོམས་པར་ཞུགས་པས་བདེ་བས་གང་། །ལྷན་སྐྱེས་ཡེ་ཤེས་ཆེན་པོ་ཐོབ།
།ཨོཾ་སརྦ་ཏ་ཐཱ་ག་ཏ་པྲ་ཛྙཱ་ཛྙཱ་ན་ཨ་བྷི་ཥེཉྩ་མཱཾ།
དེ་ལྟར་དབང་གསུམ་པ་བསྐུར་བ་ལ་བརྟེན་ནས་ཡིད་ཀྱི་སྒྲིབ་པ་དག །ཤེས་རབ་ཡེ་ཤེས་ཀྱི་དབང་ཐོབ། དངོས་དང་ཡིད་ཀྱི་རིག་མ་བསྟེན་པ་ལ་དབང་། ཆོས་སྐུ་འགྲུབ་པའི་ནུས་པ་བཞག་པ་ཡིན་ནོ།
།དབང་བཞི་པའི་དོན་དུ་དམིགས་པ་འདི་བཞིན་དུ་མཛོད།
ཁྱེད་རང་ཡེ་ཤེས་མགོན་པོ་གཙོ་འཁོར་སྐད་ཅིག་གིས་གསལ་བའི་ཐུགས་ཀའི་ཧཱུྃ་ལས་འོད་འཕྲོས་སྣོད་བཅུད་ཐམས་ཅད་ལ་ཕོག་པས་སྣོད་ཐམས་ཅད་གཞལ་ཡས་ཁང་དང་བཅུད་ཐམས་ཅད་ཡེ་ཤེས་མགོན་པོར་གྱུར། དེ་རྣམས་འོད་ཀྱི་རྣམ་པར་བཀུག་སྟེ་འཁོར་རྣམས་ལ་ཐིམ། འཁོར་རྣམས་གཙོ་བོ་ལ་ཐིམ། སློབ་མ་མགོན་པོར་གསལ་བ་ཡང་སྐུའི་སྟོད་སྨད་ནས་འོད་དུ་ཞུ་ནས་ཐུགས་ཀའི་ཧཱུྃ་ཡིག་ལ་ཐིམ། དེ་ཡང་ཞབས་ཀྱུ་ནས་རིམ་བཞིན་ཇེ་ཕྲ་ཇེ་ཕྲར་གྱུར་ནས་དབྱིངས་སུ་ཡལ་ཏེ་འོད་གསལ་སྟོང་པ་ཉིད་ཀྱི་ངང་དུ་མཉམ་པར་འཇོག་པར་ཞུ། ཞེས་བརྗོད་ལ་དར་ཅིག་མཉམ་པར་འཇོག་ཏུ་བཅུག་ལ།
ནམ་མཁའ་སྐྱེ་མེད་མཚོན་པའི་ཕྱིར། །ནམ་མཁའ་ལ་ཡང་མཚན་ཉིད་མེད། །ནམ་མཁའ་མཉམ་པ་ཉིད་སྦྱོར་བས། །རང་སེམས་སྟོང་པ་ཆོས་ཀྱི་སྐུ། །ཚིག་གི་ངོ་བོར་བསྟན་པར་བྱ། །ཆོས་ཐམས་ཅད་སྤྲོས་པའི་མཐའ་ཐམས་ཅད་དང་བྲལ་བ་དེ་དབང་བཞི་པའི་ངོ་བོ་ཡིན་ནོ། །ཞེས་ངོ་སྤྲད།
དེ་ལྟར་ཚིག་དབང་རིན་པོ་ཆེ་བསྐུར་བས་སྒོ་གསུམ་ཆ་སྙོམས་ཀྱི་སྒྲིབ་པ་དག །དབང་བཞི་པ་ཐོབ། ལམ་ཟུང་འཇུག་སྒོམ་པ་ལ་དབང་། འབྲས་བུ་ངོ་བོ་ཉིད་སྐུ་ཐོབ་པའི་ནུས་པ་བཞག་པ་ཡིན་ནོ། །ཞེས་རྟོགས་པ་བསྐྱེད།
དེ་ནས་སྔགས་ཀྱི་བཟླས་ལུང་དང་། གཏོར་དབང་། རྗེས་ཀྱི་བྱ་བ་རྣམས་བྱ་སྟེ་བར་ཆད་ཀུན་སེལ་དུ་བཤད་པ་བཞིན་ནོ།
།སྔོན་སྦྱངས་བློ་གྲོས་དག་པའི་མཁར། །ཆོས་ཟབ་ཟླ་བའི་གཟུགས་བརྙན་འཆར། །དེས་ཀྱང་སྐྱེ་དགུ་མཐའ་ཡས་པའི། །ཡིད་ཀྱི་གདུང་བ་སེལ་བར་བྱེད། །གསང་སྒྲུབ་རྒྱན་ཅན་དུ་གྲགས་པའི་རྗེས་གནང་གི་ལེ་ཚན་ནོ།། །།མངྒ་ལཾ།། །།
Initiation of the Combined Accomplishment of the Four Deities
༼༄༅། །ལྷ་བཞི་དྲིལ་སྒྲུབ།།༽
ཨོཾ་སྭ་སྟི།
སྤྱན་རས་གཟིགས་དབང་རྣལ་འབྱོར་མ། །སྒྲོལ་མ་མྱུར་མཛད་མགོན་པོ་དང་། །དབྱེར་མེད་བླ་མ་རྡོ་རྗེ་འཆང་། །སྤྱི་བོར་བཀོད་ནས་རྗེས་གནང་བྲི།
།མཎྜལ་པདྨ་འདབ་བཞི་པའི་ལྟེ་བར་ཉི་ཟླའི་གདན་ལ་ཚོམ་བུ་སྔོན་པོ། ཤར་གྱི་པད་འདབ་ལ་ཉི་གདན་ཚོམ་བུ་ནག་པོ། ལྷོའི་པད་འདབ་ལ་དམར་པོ། ནུབ་ཏུ་དཀར་པོ། བྱང་དུ་ལྗང་གུ་སྟེ་ཚོམ་བུ་ལྔ་བཀོད། མཐར་མཆོད་གཏོར་གྱིས་བསྐོར་རོ། །དེ་ནས་སྐྱབས་སེམས་སྤྱི་ལྟར་བྱས་ལ།
ཨོཾ་བཛྲ་རཀྵ་རཀྵ་ཧཱུྃ་ཕཊ། ཕྱི་རོལ་དུ་མེ་རི་འབར་བ་དང་བཅས་པའི་སྲུང་བའི་འཁོར་ལོ་རྡོ་རྗེ་རྭ་བ་དང་གུར་རྣམས་སུ་གྱུར། དེའི་ནང་དུ་བདག་ཉིད་ཡི་དམ་གྱི་སྐུར་གསལ་བའི་སྤྱི་བོར་ཆོས་འབྱུང་ཕྱི་དཀར་ལ་ནང་དམར་བ་བདེ་བ་འཆར་ཞིང་རྒྱས་པ་འོད་ཀྱི་རང་བཞིན་ཅན་གྱི་དབུས་སུ་པདྨ་འདབ་མ་བཞི་པ་ལྟེ་བ་ཁྲུ་གང་གིས་མཐོ་བ་ལ་ཉི་ཟླ་གཙེགས་པའི་གདན་ལ་ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན་པ་ལས་རྩ་བའི་བླ་མ་རྡོ་རྗེ་འཆང་སྐུ་མདོག་སྔོན་པོ་ཞལ་གཅིག་ཕྱག་གཉིས་ཀྱིས་གཡས་རྡོ་རྗེ་དང་། གཡོན་དྲིལ་བུ་འཛིན་པས་ཡུམ་རྡོ་རྗེ་དབྱིངས་ཀྱི་དབང་ཕྱུག་མ་གྲི་གུག་དང་ཐོད་པ་འཛིན་པ་ལ་འཁྱུད་པ། གཉིས་ཀའང་རུས་པ་དང་རིན་པོ་ཆེས་བརྒྱན་ཅིང་། དར་གྱི་ན་བཟས་ཀླུབས་པ་ཞབས་རྡོ་རྗེ་སྐྱིལ་ཀྲུང་གིས་བཞུགས་པ་འོད་ཟེར་འཕྲོ་བའོ།
།མདུན་གྱི་པད་འདབ་ལ་ཉི་མའི་གདན་ལ། ཧཱུྃ་ལས་གྲི་གུག་ཧཱུྃ་གིས་མཚན་པ་ལས་དཔལ་ཡེ་ཤེས་ཀྱི་མགོན་པོ་སྐུ་མདོག་ཆར་སྤྲིན་ལྟར་གནག་པ། ཞལ་གཅིག་ཕྱག་དྲུག་པ། ཞབས་གཉིས་བཞེངས་པའི་སྟབས་སུ་བཞུགས་པ། ཕྱག་གཡས་ཀྱི་དང་པོས་གྲི་གུག །བར་པས་ཐོད་པའི་ཕྲེང་བ། ཐ་མས་ཌཱ་མ་རུ་དྲག་ཏུ་འཁྲོལ་བ། གཡོན་གྱི་དང་པོས་ཐོད་ཁྲག །བར་པས་རྩེ་གསུམ། ཐ་མས་རྡོ་རྗེའི་ཞགས་པ་བསྣམས་པ། སྤྱན་གསུམ་དམར་ལ་ཟླུམ་པ། ཞལ་བགྲད་ཅིང་མཆེ་བ་གཙིགས་པ། སྨིན་མ་དང་སྨ་ར་ཨག་ཚོམ་བརྗིད་པ། དབུ་སྐྲ་དམར་སེར་གྱེན་དུ་བརྫེས་པ། མི་མགོ་སྐམ་པོ་ལྔས་དབུ་བརྒྱན་པ། རློན་པ་ཁྲག་འཛག་པ་ལྔ་བཅུའི་དོ་ཤལ་ཅན། རུས་པའི་རྒྱན་དྲུག་དང་སྦྲུལ་གྱིས་བརྒྱན་པ། སྟག་གི་པགས་པའི་ཤམ་ཐབས་ལ་དར་ལྗང་གུའི་སྐེ་རགས་བཅིངས་པ། ལྟོ་བ་འཕྱང་ཞིང་ཡན་ལག་རྣམས་སྦོམ་ལ་རགས་པ། དཔྲལ་བར་སིནྡཱུ་རས་བྱུགས་ཤིང་། ཕྱག་དང་ཞབས་རྣམས་དྲིལ་བུ་གཡེར་ཁས་བརྒྱན་པ། གླང་པོ་ཆེའི་པགས་པ་རློན་པ་གོས་སུ་གྱོན་པ། ཡེ་ཤེས་མེ་འབར་བའི་དབུས་ན་ཚོགས་བདག་དཀར་པོ་གན་རྐྱལ་དུ་འགྱེལ་བའི་གདན་ལ་བཞུགས་པའོ།
།གཡས་ཀྱི་པད་འདབ་ལ་ཉི་མའི་གདན་ལ་ཧྲཱིཿལས་གྲི་གུག་ཧྲཱིཿས་མཚན་པ་ལས་རྗེ་བཙུན་རྡོ་རྗེ་རྣལ་འབྱོར་མ་སྐུ་མདོག་དམར་མོ། ཞལ་གཅིག་ཕྱག་གཉིས་མ། ལོ་བཅུ་དྲུག་ལོན་པའི་རྣམ་པ་ཅན། ཞལ་འཛུམ་ཞིང་མཆེ་བ་ནས་ཙམ་འབུར་བ། སྤྱན་གསུམ་གཡོན་ཕྱོགས་སུ་གཟིགས་པ། ཕྱག་གཡས་གྲི་གུག་ཐུར་དུ་བརྐྱངས་ནས་འཛིན་པ། གཡོན་ཐོད་པ་བདུད་རྩིས་གང་བ་སྟེང་ཕྱོགས་སུ་བཟུང་ནས་ཞལ་དུ་གསོལ་བ། མཆན་ཁུང་གཡོན་ན་ཁ་ཊྭཱཾ་ག་བསྣམས་པ། ཕྱག་རྒྱ་ལྔས་བརྒྱན་ཅིང་། ཞབས་གཡས་བརྐྱངས་པས་འཇིགས་བྱེད་དང་དུས་མཚན་མནན་པའོ།
།རྒྱབ་ཀྱི་པད་འདབ་ལ་ཟླ་བའི་གདན་ལ་ཧྲཱིཿལས་པདྨ་ཧྲཱིཿས་མཚན་པ་ལས་སྤྱན་རས་གཟིགས་སྐུ་མདོག་དཀར་པོ་ཞལ་གཅིག་ཕྱག་གཉིས་ཀྱིས་གཡས་སྐྱབས་སྦྱིན་གྱི་ཕྱག་རྒྱ་དང་བཅས་པའི་བུམ་པ་དང་། གཡོན་པདྨ་དཀར་པོའི་ཡུ་བ་ཐུགས་ཀར་འཛིན་ཅིང་སྙན་གྱི་ཐད་ཀར་ཁ་བྱེ་བ། དབུ་སྐྲ་དཔུང་པའི་སྟེང་ན་ནག་སིལ་ལེ་ཡོད་པ་འོད་དཔག་མེད་ཀྱིས་དབུ་བརྒྱན་པ། ཞབས་གཡས་བརྐྱངས་ཤིང་གཡོན་བསྐུམ་པའི་སྟབས་ཀྱིས་བཞུགས་པའོ།
།གཡོན་གྱི་པད་འདབ་ཀྱི་ཟླ་གདན་ལ་ཏཱྃ་ལས་ཨུཏྤ་ལ་ཏཱྃ་གྱིས་མཚན་པ་ལས་རྗེ་བཙུན་སྒྲོལ་མ་སྐུ་མདོག་ལྗང་གུ། ལང་ཚོ་དར་ལ་བབ་ཅིང་། ལོ་བཅུ་དྲུག་ལོན་པའི་རྣམ་པ་ཅན། ཕྱག་གཡས་སྐྱབས་སྦྱིན་དང་། གཡོན་ཨུཏྤ་ལའི་ཡུ་བ་འཛིན་པ། སྤྱི་བོར་དོན་ཡོད་གྲུབ་པས་བརྒྱན་པ། ཞབས་གཡས་བརྐྱངས་ཤིང་གཡོན་བསྐུམ་པའི་སྟབས་ཀྱིས་བཞུགས་པའོ།
།དེ་རྣམས་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཧཱུྃ་ལས་འོད་ཟེར་འཕྲོས། བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་མ་ལུས་པ་རྡོ་རྗེ་འཆང་དང་ལྷ་བཞིའི་རྣམ་པར་སྤྱན་དྲངས། ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། སྐྱབས་གནས་ཐམས་ཅད་འདུས་པའི་ངོ་བོར་གྱུར།
བླ་མ་ལྷ་བཞིའི་ཚོགས་ལ་ཕྱི་མེ་ཏོག་བདུག་སྤོས། ནང་ཤ་ལྔ་བདུད་རྩི་ལྔ། གསང་བ་སྙོམས་འཇུག་གི་བདེ་བ། དེ་ཁོ་ན་ཉིད་བདེ་སྟོང་གཉིས་སུ་མེད་པའི་ཡེ་ཤེས་ལ་སོགས་པ་མཆོད་པའི་ཁྱད་པར་བསམ་གྱིས་མི་ཁྱབ་པས་མཆོད་ཅིང་མཉེས་པར་བགྱིའོ། །བྱིན་གྱིས་བརླབ་ཏུ་གསོལ།
ན་མོ་བུདྡྷ་ཡ། ན་མོ་གུ་རུ་ཧེ། བཛྲ་བཱི་ར་བཱི་རེ་ཎི། ཤྲཱི་ཌཱ་ཀ་ཌཱ་ཀི་ནི། ཛོ་ཀ་ཛོ་ཀི་ནི། སརྦ་བུདྡྷ་བོདྡྷི་སཏྭ་ཡ། ཤ་ར་ཎ་གཙྪ་མི་ཀྱཻ། ལན་གསུམ།
བླ་མའི་སྐུ་ལས་བདུད་རྩིའི་རྒྱུན་བབས། རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །བླ་མའི་སྐུ་གསུང་ཐུགས་ཀྱི་བྱིན་རླབས་ཐོབ་པར་གྱུར།
དེ་བཞིན་དུ་ལྷ་སོ་སོ་ལ་དམིགས་ཏེ་རིམ་བཞིན་སྔགས་བརྗོད་པ་ནི།
ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ནཱ་ཡ་ཀ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། གསུམ། མགོན་པོའི་སྐུ་ལས་བདུད་རྩིའི་རྒྱུན་བབས་སོགས་ནས། མགོན་པོའི་སྐུ་གསུང་ཐུགས་ཀྱི་བྱིན་རླབས་ཐོབ་པར་གྱུར། ཅེས་རིགས་འགྲེ།
ཨོཾ་བཛྲ་ན་ར་ཀྲིཾ་ཀྲིཾ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། གསུམ། རྣལ་འབྱོར་མའི་སྐུ་ལས༴
ཨོཾ་མ་ཎི་པདྨེ་ཧཱུྃ། ཨོཾ་བཛྲ་རཀྵ་ན་མཿས་མནྟ་ཧཱུྃ་ཕཊ། གསུམ། སྤྱན་རས་གཟིགས་ཀྱི་སྐུ་ལས༴
ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། གསུམ། སྒྲོལ་མའི་སྐུ་ལས་བདུད་རྩིའི་རྒྱུན་བབས། རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །སྒྲོལ་མའི་སྐུ་གསུང་ཐུགས་ཀྱི་བྱིན་རླབས་ཐོབ་པར་གྱུར།
བླ་མ་རྡོ་རྗེ་འཆང་གི་ཐུགས་ཀའི་ཧཱུྃ་ལས་འོད་ཟེར་འཕྲོས། ལྷ་བཞི་སྤྱན་དྲངས་བླ་མའི་སྤྱི་བོར་སྤྱན་རས་གཟིགས། མགྲིན་པར་སྒྲོལ་མ། ཐུགས་ཀར་མགོན་པོ། ལྟེ་བར་རྣལ་འབྱོར་མ་རྣམས་བཞུགས་པར་གྱུར།
སྔགས་ཚན་ལྔ་སྦྲེལ་ནས་ལན་གསུམ་བཟླ།
རང་གི་གསང་གནས་ནས་རླུང་གཡོས། ལྟེ་བར་གཏུམ་མོ་ཡེ་ཤེས་ཀྱི་མེ་སྦར། བླ་མའི་སྐུ་ལ་ཕོག་པས་བདེ་བ་ཆེན་པོས་ལྷ་བཞི་བདུད་རྩིར་ཞུ་ནས་སྐུ་ལུས་གང་། གསང་བའི་ལམ་ནས་རང་གི་སྤྱི་བོར་ཞུགས། མགྲིན་པ་ཡན་ཆད་གང་། ལུས་ཀྱི་སྡིག་སྒྲིབ་དག །བུམ་པའི་དབང་ཐོབ། སྐུའི་བྱིན་རླབས་ཞུགས། སྙིང་ཁ་ཡན་ཆད་གང་། ངག་གི་སྡིག་སྒྲིབ་དག །གསང་བའི་དབང་ཐོབ། གསུང་གི་བྱིན་རླབས་ཞུགས། ལྟེ་བ་ཡན་ཆད་གང་། ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ། ཐུགས་ཀྱི་བྱིན་རླབས་ཞུགས། ལུས་ཐམས་ཅད་གང་། སྒོ་གསུམ་གྱི་སྡིག་སྒྲིབ་དག །དབང་བཞི་པ་ཐོབ། སྐུ་གསུང་ཐུགས་ཀྱི་བྱིན་རླབས་ཞུགས། བླ་མ་འོད་དུ་ཞུ། རང་ལ་ཐིམ་པས། རང་ལུས་འོད་དུ་ཡལ། སེམས་མ་བཅོས་པ་ལ་མཉམ་པར་བཞག་གོ
།དེ་ནས་མཎྜལ་བསང་སྦྱང་།
སྟོང་པའི་ངང་ལས་པདྨ་འདབ་མ་བཞི་པའི་ལྟེ་བ་ཁྲུ་གང་གི་མཐོ་བ་ལ་ཉི་ཟླ་བརྩེགས་པའི་གདན་ལ་ཧཱུྃ་ལས་རྡོ་རྗེ་ཧཱུྃ་གིས་མཚན་པ་ལས་རྩ་བའི་བླ་མ་རྡོ་རྗེ་འཆང་ཞེས་པ་ནས། སྐྱབས་གནས་ཐམས་ཅད་འདུས་པའི་ངོ་བོར་གྱུར། ཅེས་པའི་བར་གོང་བཞིན་བརྗོད། མཆོད་པ་བྱིན་རླབས་བྱས་ལ། གུ་རུ་དེ་བ་ཙ་ཏུ་ར་ས་པ་རི་ཝཱ་ར་ཨརྒྷཾ་སོགས་ཀྱིས་ཕྱི་མཆོད། ཨོཾ་ཨཱཿཧཱུྃ་གིས་ནང་མཆོད། གསང་མཆོད་དང་དེ་ཁོ་ན་ཉིད་ཀྱི་མཆོད་པ་ཡིད་ཀྱིས་བྱ། གང་གིས་དྲིན་གྱིས་སོགས་ཤློ་ཀ་གཅིག་དང་། བྱིན་རླབས་མ་ལུས་འབྱུང་བའི་སྒོ། །དངོས་གྲུབ་མ་ལུས་ཐོབ་པའི་གནས། །བར་ཆད་མ་ལུས་སེལ་བའི་ལྷ། །བླ་མ་ལྷ་བཞིའི་ཚོགས་ལ་འདུད། །ཅེས་བསྟོད།
གཏོར་མ་ཡོད་ན་ཡི་དམ་སྤྱི་ལྟར་བྱིན་བརླབས། ལྷ་རྣམས་ཀྱི་ལྗགས་འོད་ཟེར་གྱི་སྦུ་གུས་བདུད་རྩིའི་བཅུད་དྲངས་ཏེ་གསོལ་བར་གྱུར། ཨོཾ་གུ་རུ་བཛྲ་དྷ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། ལན་གསུམ། མགོན་པོ་སོགས་ལ་སོ་སོའི་རང་སྔགས་མཐར་གཏོར་སྔགས་བཏགས་པ་ལན་གསུམ་གསུམ་གྱིས་ཕུལ། མཆོད་བསྟོད་དང་། མཆོད་སྦྱིན་གཏོར་མ་སོགས་ཀྱིས་ཕྲིན་ལས་ཞུ། དེ་ནས་སློབ་མ་ཁྲུས་བྱ། སེམས་བསྐྱེད་གསལ་གདབ་སྐབས། དེའི་ཆེད་དུ་བླ་མ་དང་ལྷ་བཞི་དྲིལ་སྒྲུབ་ཀྱི་བཀའ་ཟབ་མོ་ཞེས་བསྒྱུར།
དེའང་གྲུབ་ཐོབ་ཆེན་པོ་ཤ་བ་རི་པས་བསིལ་བའི་ཚལ་གྱི་དུར་ཁྲོད་དུ་སྒྲུབ་པ་ལ་བཞུགས་པའི་སྐབས་སུ་ཐོག་མར་དཔལ་ཡེ་ཤེས་ཀྱི་མགོན་པོ་ཉིད་བྱོན་ནས་རང་གི་སྒྲུབ་ཐབས་ལ་སོགས་པ་གསུངས། དེ་ནས་རྗེ་བཙུན་རྡོ་རྗེ་རྣལ་འབྱོར་མ། སྤྱན་རས་གཟིགས། སྒྲོལ་མ་རྣམས་ཀྱང་བྱོན་ནས་རང་རང་གི་སྒྲུབ་ཐབས་གསུངས། བྱིན་རླབས་ལྷ་བཞི་འབྲལ་བ་མེད། ཅེས་བྱ་བ་ཡིན་པས་ལྷ་བཞི་པོ་འདི་ངོ་བོ་དང་ཕྲིན་ལས་གཉིས་ཀའི་སྒོ་ནས་གཅིག་བསྒྲུབས་པས་ཀུན་འགྲུབ་པར་འགྱུར་བའི་ཕྱིར་ནམ་ཡང་ཐ་དད་ཡོད་པ་མ་ཡིན་ཀྱང་། རྣམ་པ་ཙམ་དུའང་བཞི་པོ་ཕྱོགས་གཅིག་ཏུ་དྲིལ་བའི་སྒྲུབ་ཐབས་ཀྱང་མཛད་ནས་མཻ་ཏྲཱི་པ་ལ་གནང་། ལྷོ་ཕྱོགས་ཀྱི་གྲུབ་ཆེན་རཱ་ཧུ་ལ་ཡང་ཡུམ་ལས་འཁྲུངས་མ་ཐག་ལྷ་བཞི་ཞལ་གཟིགས། ཕྱིས་རྡོ་རྗེ་མཁའ་སྤྱོད་མས་སྒྲུབ་ཐབས་རྣམས་གནང་བ་སྟེ། མཁས་གྲུབ་ཁྱུང་པོས་བླ་མ་དམ་པ་དེ་གཉིས་དང་། ཁྱད་པར་ཡེ་ཤེས་ཀྱི་མཁའ་འགྲོ་སུ་ཁ་སིདྡྷི་ལས་གསན་པ་ཡིན་ཅིང་། ཇི་སྐད་དུ། མ་ཡེངས་ཟླ་བ་གསུམ་ནས་འགྲུབ། །ཐོ་རེངས་ཐུན་རེ་མ་ཆག་བསྒོམ། །མཆོག་དང་ཐུན་མོང་དངོས་གྲུབ་འགྲུབ།
།ཅེས་གསུངས་ཏེ། དེ་ལྟ་བུའི་བྱིན་གྱིས་བརླབ་པའི་ལྷ་བཞིའི་བཀའ་འབུལ་བར་བྱེད་པ་ལ། སློབ་དཔོན་གྱི་བྱ་བ་སྔོན་དུ་གྲུབ་ཟིན། ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལ་འཇུག་པའི་ཆོས་རྣམས་ཞུ་བའི་ཡོན་དུ་མཎྜལ་ཕུལ་མཛོད། ཅེས་བརྡ་སྤྲད།
དེ་ནས་གསོལ་བ་འདེབས་པ་འདིའི་རྗེས་ཟློས།
དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་པར་འཚལ། །ལན་གསུམ།
མདུན་བསྐྱེད་བླ་མ་ལྷ་བཞིའི་ལྷ་ཚོགས་རྣམས་ཀྱི་སྤྱན་སྔར་རྒྱུན་བཤགས་དང་སྡོམ་པ་བཟུང་བ་འདིའི་རྗེས་ཟློས་མཛོད།
དཀོན་མཆོག་གསུམ་ལ་སོགས་གསུམ།
དེ་ནས་སློབ་དཔོན་བླ་མ་ལྷ་བཞིའི་ངོ་བོར་བཞུགས་པ་ལ་མོས་གུས་དྲག་པོ་དུང་བ་གཅིག་བྱས་པའི་རྐྱེན་གྱིས་ཐུགས་ཀ་ནས་འོད་ཟེར་འཕྲོས། མདུན་བསྐྱེད་བླ་མ་ལྷ་བཞིའི་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་དཔག་ཏུ་མེད་པ་བྱུང་། ཁྱེད་རང་གི་ལུས་ལ་ཕོག་པ་ཙམ་གྱིས་མ་དག་པའི་སྣང་ཞེན་སྦྱངས་ཏེ། ལུས་འཁོར་ལོ་བདེ་མཆོག་གི་སྐུར་མོས་པ་མཛོད།
དེ་ལྟར་ཁྱེད་རང་རྣམས་ཡི་དམ་གྱི་སྐུར་གསལ་བའི་སྤྱི་བོར་ཆོས་འབྱུང་ཕྱི་དཀར་ལ་ནང་དམར་བ་ཞེས་པ་ནས། ཐུགས་ཀར་ཧཱུྃ་གིས་མཚན་པ་རྣམས་སུ་གྱུར་པའི་མོས་པ་མཛོད། ཅེས་གོང་བཞིན་བསྐྱེད་ཆོག་གི་ཚིག་བརྗོད་ནས་ལྷ་རྣམས་དམ་ཚིག་པའི་ཚུལ་དུ་བསྐྱེད་ལ།
དེ་ནས་མདུན་བསྐྱེད་མཎྜལ་གྱི་དབུས་ན་བཞུགས་པའི་བླ་མ་རྡོ་རྗེ་འཆང་ལ་མོས་གུས་དྲག་པོས་གསོལ་བ་བཏབ་པའི་རྐྱེན་གྱིས་དེ་ཉིད་ཡེར་གྱིས་བྱོན། ཁྱེད་རང་གི་སྤྱི་བོའི་རྡོ་རྗེ་འཆང་ལ་ཐིམ། སྐུ་ལས་བདུད་རྩིའི་རྒྱུན་བབས། ཁྱེད་རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །བླ་མའི་སྐུ་གསུང་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། སྤོས་དང་ཌཱ་དྲིལ་བྱ་ཞིང་། ན་མོ་བུདྡྷཱ་ཡའི་གསོལ་འདེབས་ཚར་གསུམ་བརྗོད།
ཡང་མདུན་བསྐྱེད་ཀྱི་མགོན་པོ་ལ་གསོལ་བ་བཏབ་པས། དེ་ཉིད་ཡེར་གྱིས་བྱོན། ཁྱེད་རང་གི་སྤྱི་བོའི་མགོན་པོ་ལ་ཐིམ། སྐུ་ལས་རང་འདྲ་དཔག་ཏུ་མེད་པ་ཆད། ཁྱེད་རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་ཐམས་ཅད་ཞལ་དུ་དམར་ཆེམ་ཆེམ་གསོལ། མགོན་པོའི་སྐུ་གསུང་ཐུགས་དང་སྒོ་གསུམ་དབྱེར་མེད་དུ་འདྲེས་པའི་མོས་པ་མཛོད། སྤོས་དང་ཌཱ་དྲིལ་མགོན་པོའི་སྔགས་ལན་གསུམ་གྱིས་བྱིན་རླབས་འབེབས་པ་འགྲེའོ།
།ཡང་རྣལ་འབྱོར་མ་ལ་གསོལ་བ་བཏབ་པས། དེ་ཉིད་ཡེར་གྱིས་བྱོན། ཁྱེད་རང་གི་སྤྱི་བོའི་རྣལ་འབྱོར་མ་ལ་ཐིམ། གསང་གནས་ནས་བདུད་རྩི་དམར་པོའི་རྒྱུན་བབས། ཁྱེད་རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །རྣལ་འབྱོར་མའི་སྐུ་གསུང་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། སྤོས་རོལ་སྔགས་ཚར་གསུམ།
ཡང་ཐུགས་རྗེ་ཆེན་པོ་ལ་གསོལ་བ་བཏབ་པས། དེ་ཉིད་ཡེར་གྱིས་བྱོན། ཁྱེད་རང་གི་སྤྱི་བོའི་སྤྱན་རས་གཟིགས་དབང་ཕྱུག་ལ་ཐིམ། བུམ་པ་དང་སྐུ་ལས་བདུད་རྩི་དཀར་པོའི་རྒྱུན་བབས། ཁྱེད་རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །ཐུགས་རྗེ་ཆེན་པོའི་སྐུ་གསུང་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། སྔགས་བརྗོད་ཅིང་སྤོས་ཌཱ་དྲིལ།
ཡང་སྒྲོལ་མ་ལ་གསོལ་བ་བཏབ་པས། དེ་ཉིད་ཡེར་གྱིས་བྱོན། ཁྱེད་རང་གི་སྤྱི་བོའི་འཕགས་མ་སྒྲོལ་མ་ལ་ཐིམ། ཞབས་གཡས་པའི་མཐེ་བོང་ལས་བདུད་རྩིའི་རྒྱུན་བབས། ཁྱེད་རང་གི་སྤྱི་བོ་ནས་ཞུགས། ལུས་གང་བས་ནད་གདོན་སྡིག་སྒྲིབ་དག །སྒྲོལ་མའི་སྐུ་གསུང་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། སྔགས་དང་སྤོས་ཌཱ་དྲིལ་བྱ།
དེ་ནས་དངོས་གཞི་ཞུ་བའི་ཡོན་དུ་མཎྜལ༴ གསོལ་བ་འདེབས་པ་འདིའི་རྗེས་ཟློས་མཛོད། བྱང་ཆུབ་རྡོ་རྗེས་སོགས་གསུམ།
ཁྱེད་རང་རྣམས་ཀྱི་སྤྱི་བོར་བཞུགས་པའི་བླ་མ་རྡོ་རྗེ་འཆང་གི་ཐུགས་ཀའི་འོད་ཟེར་གྱིས་འཁོར་གྱི་ལྷ་བཞི་སྤྱན་དྲངས་ཏེ་བླ་མའི་སྤྱི་བོར་སྤྱན་རས་གཟིགས། མགྲིན་པར་སྒྲོལ་མ། ཐུགས་ཀར་མགོན་པོ། ལྟེ་བར་རྣལ་འབྱོར་མ་རྣམས་བཞུགས་པ་ལ་མོས་གུས་དང་བཅས་འདིའི་རྗེས་ཟློས་མཛོད།
ན་མོ་བུདྡྷཱ་ཡ་སོགས་ནས། ཏུ་རེ་སྭཱ་ཧཱའི་བར། སྔགས་ཚན་ལྔ་སྦྲེལ་བ་ལན་གསུམ།
དེ་ནས་ཁྱེད་རང་གི་རྐང་འོག་གི་རླུང་གཡོས། ལྟེ་བའི་གཏུམ་མོ་ཡེ་ཤེས་ཀྱི་མེ་སྦར་བའི་འོད་ཟེར་བླ་མའི་སྐུ་ལ་ཕོག །ལྷ་བཞི་འོད་དུ་ཞུ། སྐུ་ལུས་ཀྱི་ཆ་ཐམས་ཅད་ནས་ཡེ་ཤེས་ཀྱི་བདུད་རྩིའི་རྒྱུན་བབས། ཁྱེད་རང་གི་སྤྱི་བོར་ཞུགས། མགྲིན་པ་ཡན་ཆད་གང་། ལུས་ཀྱི་སྡིག་སྒྲིབ་དག །བུམ་པའི་དབང་ཐོབ། སྐུའི་བྱིན་རླབས་ཞུགས་པའི་མོས་པ་མཛོད། ཌཱ་དྲིལ།
བདུད་རྩིའི་རྒྱུན་གྱིས་སྙིང་ཁ་ཡན་ཆད་གང་། ངག་གི་སྡིག་སྒྲིབ་དག །གསང་བའི་དབང་ཐོབ། གསུང་གི་བྱིན་རླབས་ཞུགས་པའི་མོས་པ་མཛོད། ཌཱ་དྲིལ།
བདུད་རྩིའི་རྒྱུན་གྱིས་ལྟེ་བ་ཡན་ཆད་གང་། ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ། ཐུགས་ཀྱི་བྱིན་རླབས་ཞུགས་པའི་མོས་པ་མཛོད། ཌཱ་དྲིལ།
བདུད་རྩིའི་རྒྱུན་གྱིས་ལུས་ཐམས་ཅད་གང་། སྒོ་གསུམ་གྱི་སྡིག་སྒྲིབ་དག །དབང་བཞི་པ་ཐོབ། སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་ཞུགས།
མཐར་བླ་མ་འོད་དུ་ཞུ་ནས། ཁྱེད་རང་ལ་ཐིམ་པས་སྒོ་གསུམ་རྡོ་རྗེ་གསུམ་དང་དབྱེར་མེད་དུ་གྱུར་པར་མོས་ལ་སེམས་འཛིན་མེད་དུ་ཅི་གནས་མཉམ་པར་ཞོག་མཛོད། ཌཱ་དྲིལ་བག་ཙམ་རེ་བྱ་བ་མ་གཏོགས་གཞན་མི་དགོས།
དེས་བྱིན་རླབས་ལྷ་བཞིའི་བཀའ་གྲུབ་པ་ཡིན་པས་འདི་ཉིད་ཡི་དམ་དུ་བཟུང་ཞིང་དམ་ཚིག་ལས་མི་འདའ་བར་བགྱིད་དོ་སྙམ་པས་འདིའི་རྗེས་ཟློས།
གཙོ་བོས་ཇི་ལྟར་སོགས་དབང་རྗེས་སྤྱི་ལྟར་བྱ། ལྷ་བསྟིམས་ཟིན་པས། ཡིག་བརྒྱ་བཟོད་གསོལ་དང་། ཤིས་བརྗོད་ཙམ་ལས་རྗེས་ཆོག་གཞན་མི་དགོས་སོ།
།ཡོན་ཏན་བསྔགས་པ་མཐའ་ཡས་པས། །དྲིལ་སྒྲུབ་འདི་ནི་སྤྲོས་མེད་ཀྱི། །རྣལ་འབྱོར་ཅན་རྣམས་སྙིང་གི་དཔྱིད། །གདམས་ངག་རྒྱ་མཚོའི་སྙིང་པོ་ཡིན། །ལྷ་བཞི་དྲིལ་སྒྲུབ་ཀྱི་རྗེས་སུ་གནང་བའི་བཀའ་བཤད་པའི་ལེ་ཚན་ནོ།། །།མངྒ་ལཾ།། །།
Title
༄༅། །བརྟུལ་ཞུགས་ཀྱི་རྗེས་གནང་།།
ཨོཾ་སྭ་སྟི།
བདུད་འཇོམས་ཕྲིན་ལས་ཐོགས་མེད་པ། །ཁྲག་འཐུང་ཆེན་པོས་དེ་རིང་འདིར། །སྙིང་པོའི་བསྟན་པ་རྒྱས་པ་དང་། །ལས་ཀུན་འགྲུབ་པའི་ཤིས་པ་སྩོལ།
།གང་ཞིག་སྤྲོས་པ་ལ་དགའ་ཞིང་ལག་ལེན་རྒྱས་པར་བྱ་བ་དག་གིས། མགོན་པོའི་བཀའ་ཆེན་བཅུ་གསུམ་རྫོགས་པའི་མཐར་བརྟུལ་ཞུགས་ཀྱི་རྗེས་གནང་བྱེད་པའི་སྲོལ་སྣང་ཞིང་། དེའང་སྤྱི་ཤོད་པའི་ཡིག་ཆར་མགོན་དཀར་ཡིད་བཞིན་ནོར་བུ་རྗེས་སུ་བཞག་པས་དེའི་རྗེས་གནང་གི་མཐར་སྦྲེལ་བར་སྣང་ཡང་། འདིར་གོང་གི་གསང་སྒྲུབ་རྒྱན་ཅན་ལ་སྦྲེལ་ན་འཇུག་པ་བདེ་བས་དེ་ལྟར་ན་གཏོར་དབང་གྲུབ་མ་ཐག་པར། འདིའི་བྱིན་རླབས་ནས་འཇུག་ཅིང་སློབ་མ་ལྷར་བསྐྱེད་སྤྱན་འདྲེན་མི་དགོས། འོན་ཀྱང་རྩ་བ་མགོན་མཐིང་གི་བཀའ་ཙམ་རྫོགས་པ་ལའང་འདིའི་རྗེས་གནང་སྦྱོར་དུ་རུང་བ་ཁོ་ན་ཡིན་ཅིང་། དཀར་དམར་སོགས་ལ་སྦྲེལ་ན། དཀྱུས་སུ་བཤད་པའི་སློབ་མ་ལྷར་བསྐྱེད་དགོས་པ་ནི་ཁྱད་པར་རོ། །དེའང་རྗེས་གནང་གང་དང་སྦྲེལ་བ་དེའི་གཤམ་དང་མཉམ་དུ། གྲི་གུག་སོགས་ཕྱག་མཚན་དྲུག་སོ་སོ་བ། དབུ་རྒྱན་ཐོད་ཕྲེང་སྦྲུལ་རྒྱན་གླང་ལྤགས་སྟག་ལྤགས་རུས་པའི་རྒྱན་དྲུག་སིནྡཱུ་ར་རྣམས་སྟ་གོན་བྱས་ལ། བསང་སྦྱང་།
སྟོང་པའི་ངང་ལས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཡོངས་སུ་གྱུར་པ་ལས་ངོ་བོ་དཔལ་ཡེ་ཤེས་ཀྱི་མགོན་པོའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་བདག་ཉིད་ཡིན་པ་ལ་རྣམ་པ་ཕྱག་མཚན་དང་རྒྱན་སོ་སོའི་རྣམ་པར་གྱུར། ཅེས་བརྗོད་ཅིང་སྙིང་པོ་ཚར་གསུམ་རེས་བྱིན་གྱིས་བརླབས། དེ་ནས་སློབ་མ་རྣམས་བསང་སྦྱང་།
སྟོང་པའི་ངང་ལས་པྃ་ལས་པདྨ་དང་རྃ་ལས་ཉི་མའི་དཀྱིལ་འཁོར་ཞེས་མངོན་རྟོགས་ལྟར་མགོན་པོ་འཁོར་བཅས་ཡོངས་རྫོགས་སུ་བསྐྱེད་ལ་སྤྱན་དྲངས། ཛཿཧཱུྃ་བཾ་ཧོཿ དམ་ཚིག་པ་སོ་སོ་དང་གཉིས་སུ་མེད་པར་གྱུར། ཞེས་སོགས་བརྗོད།
དེ་ལྟར་ཁྱེད་རང་རྣམས་མྱུར་མཛད་ཡེ་ཤེས་ཀྱི་མགོན་པོ་དངོས་སུ་གསལ་བ་ལ། ཕྱག་རྣམས་སུ་རྡོ་རྗེའི་མཚོན་ཆ་རྣམས་དང་། དབུ་ལ་སོགས་པའི་སྐུའི་གནས་རྣམས་སུ་དུར་ཁྲོད་རོལ་པའི་ཆས་ཆེན་རྣམས་ཕུལ་ཏེ་མངའ་གསོལ་བའི་མོས་པ་མཛོད་ཅིག །ཅེས་མཚམས་སྦྱར་ཏེ།
སློབ་མའི་ལག་གཡས་སུ་གྲི་གུག་གཏད་ནས། སྐལ་ལྡན་རིགས་ཀྱི་བུ་ཁྱོད་ལ། །ཕྱག་མཚན་གྲི་གུག་དབང་བསྐུར་བས། །དགྲ་བགེགས་ལུས་ནི་ཁ་འབྱེད་ཅིང་། །བསད་པའི་ལས་རྣམས་ཐོགས་མེད་ཤོག
།ཐོད་པའི་ཕྲེང་བ་གཏད་ལ། སྐལ་ལྡན་རིགས་ཀྱི་བུ་ཁྱོད་ལ། །མགོ་ཕྲེང་ཁྲག་འཛག་འདི་བྱིན་པས། །དགྲ་བགེགས་དོན་སྙིང་འབྱིན་པ་ཡི། །ལས་ཀྱིས་སྲུང་མ་ཚིམ་བྱེད་ཤོག
།ཅང་ཏིའུ་གཏད་ལ། སྐལ་ལྡན་རིགས་ཀྱི་བུ་ཁྱོད་ལ། །ཐོད་པའི་ཅང་ཏིའུ་འདི་བྱིན་པས། །དཔའ་བོ་མཁའ་འགྲོ་དབང་སྡུད་ཅིང་། །དགྲ་བགེགས་མྱོས་པའི་ལས་འགྲུབ་ཤོག
།ཐོད་པ་གཏད་ལ། སྐལ་ལྡན་རིགས་ཀྱི་བུ་ཁྱོད་ལ། །ཕྱག་མཚན་ཐོད་པའི་དབང་བསྐུར་བས། །དགྲ་བགེགས་སྙིང་ཁྲག་རོལ་བྱེད་ཅིང་། །རེངས་པའི་ལས་ལ་ཐོགས་མེད་ཤོག
།རྩེ་གསུམ་གཏད་ལ། སྐལ་ལྡན་རིགས་ཀྱི་བུ་ཁྱོད་ལ། །ཁ་ཊྭཱཾ་རྩེ་གསུམ་འདི་བྱིན་པས། །དགྲ་བགེགས་གནས་གསུམ་སྣུན་བྱེད་ཅིང་། །སྒྲོལ་དང་སྐྲད་པའི་ལས་རྫོགས་ཤོག
།རྡོ་རྗེའི་ཞགས་པ་གཏད་ལ། སྐལ་ལྡན་རིགས་ཀྱི་བུ་ཁྱོད་ལ། །རྡོ་རྗེའི་ཞགས་པ་འདི་བྱིན་པས། དགྲ་བགེགས་མ་ལུས་འདྲེན་བྱེད་ཅིང་། །འཆིང་བའི་ལས་རྣམས་རྫོགས་པར་ཤོག
།ཐོད་སྐམ་ལྔའི་དབུ་རྒྱན་བཀོན་ལ། མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །ཡེ་ཤེས་ལྔ་ལྡན་ཐོད་སྐམ་ལྔ། །སྐལ་ལྡན་བུ་ཡིས་བླང་བར་བགྱི།
།མགོ་ཕྲེང་གཏད་ལ། མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །བདུད་རིགས་བསྒྲལ་བའི་མགོ་ཕྲེང་འདི། །སྐལ་ལྡན་བུ་ཡིས་བླང་བར་བགྱི།
།སྦྲུལ་རྒྱན་བཀོན་ལ། མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །དུག་ལྔ་དག་པའི་སྦྲུལ་རྒྱན་རྣམས། །སྐལ་ལྡན་བུ་ཡིས་བླང་བར་བགྱི།
།གླང་ལྤགས་གཏད་ལ། མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །གཏི་མུག་རྣམ་དག་གླང་ཆེན་ལྤགས། །སྐལ་ལྡན་བུ་ཡིས་བླང་བར་བགྱི།
།སྟག་ཤམ་གཏད་ལ། མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །ང་རྒྱལ་རྣམ་དག་སྟག་ལྤགས་གོས། །སྐལ་ལྡན་བུ་ཡིས་བླང་བར་བགྱི།
།རྒྱན་དྲུག་གཏད་ལ། མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །ཕ་རོལ་ཕྱིན་དྲུག་དག་པའི་རྒྱན། །སྐལ་ལྡན་བུ་ཡིས་བླང་བར་བགྱི།
།དེ་ནས་དཔྲལ་བར་སིནྡཱུ་རའི་ཐིག་ལེ་བྱས་ལ། མྱུར་མཛད་ཡེ་ཤེས་མགོན་པོ་ཡི། །རྒྱན་དང་ཆ་ལུགས་རབ་འབར་བ། །གསང་བའི་རྫས་མཆོག་སིནྡཱུ་རས། །སྐལ་ལྡན་བུ་ལ་དབང་བསྐུར་བས། །དཔའ་བོ་མཁའ་འགྲོ་དབང་སྡུད་ཤོག
དེ་ལྟ་བུའི་སིནྡཱུ་རའི་ཐིག་ལེའི་སྟེང་དུ་ཡི་གེ་ཧྲཱིཿདམར་པོ་རིང་ཆ་ཚེག་དྲག་དང་བཅས་པ་བཅུ་གསུམ་རེ་གསལ་འདེབས་པར་མཛོད། །བྱས་ལ།
འགྲོ་དྲུག་འདྲེན་པའི་དཔལ་མགོན་ཆེ། །སྤྱན་རས་གཟིགས་དབང་ཐུགས་རྗེའི་བདག །ཧྲཱིཿཡིག་ཐུགས་རྗེ་ཆེན་པོ་འདིས། །སྐལ་ལྡན་བུ་ལ་དབང་བསྐུར་རོ། །ཞེས་བརྗོད།
དེ་ལྟར་བརྟུལ་ཞུགས་ཀྱི་རྗེས་གནང་བྱིན་པས། ཁྱེད་རང་སྲིད་པ་གསུམ་ན་མཐུ་སྟོབས་གཟི་བརྗིད་འགྲན་ཟླ་ཐམས་ཅད་དང་བྲལ་བ་དམ་ཅན་རྒྱ་མཚོའི་ཚོགས་ཀྱི་རྗེ་བོར་མངའ་ཆེན་གསོལ་བ་ལ། དེ་དག་གིས་མཆོད་པའི་བྱེ་བྲག་སྣ་ཚོགས་པས་མཆོད་ཅིང་། རྡོ་རྗེའི་གླུས་བསྟོད་པ་ཕུལ་བར་མོས་ཤིག
།མཆོད་པ་གསར་དུ་བཤམས་པ་བྱིན་བརླབས་ནས། ཚིགས་བཅད་དམ་སྔགས་ཙམ་གྱིས་མཆོད། གཙོ་བསྟོད་རྒྱས་བསྡུས་གང་རུང་གིས་བསྟོད།
སླར་ཡང་ནམ་མཁའ་གང་བར་བཞུགས་པའི་རྒྱལ་བ་སྲས་དང་བཅས་པ་རྣམས་དང་། སློབ་དཔོན་དང་དཀྱིལ་འཁོར་གྱི་ལྷ་ལྷན་ཅིག་པས་ཤིས་པ་བརྗོད་པས་ཀྱང་ཡེ་ཤེས་འཕེལ་ཞིང་བརྟན་པའི་མངའ་ཆེན་གསོལ་བར་མོས་ཤིག །ཅེས་བྱས་ལ་བཀྲ་ཤིས་བཀའ་རྒྱ་མ་བརྗོད་ཅིང་མེ་ཏོག་འཐོར།
དེ་ལྟར་ན་དེ་དག་རྣམས་ཀྱིས་མྱུར་མཛད་ཡེ་ཤེས་ཀྱི་མགོན་པོའི་བྱིན་རླབས་ཀྱི་བཀའ་རྩ་བ་དང་ཡན་ལག་དེང་སང་རྒྱུན་བཞུགས་ངེས་པ་རྣམས་ལེགས་པར་ཕུལ་གྲུབ་པ་ཡིན་པས། སྤྱིར་རྡོ་རྗེ་ཐེག་པའི་དམ་ཚིག་མཐའ་དག །སྒོས་སུ་མགོན་པོ་འདི་ཉིད་ཀྱི་ཁྱད་པར་གནད་ཀྱི་དམ་ཚིག་ཇི་སྐད་བཤད་པ་མཐའ་དག་མ་ཉམས་པར་བསྲུང་བ་དང་། བསྙེན་སྒྲུབ་ཕྲིན་ལས་ཀྱི་རིམ་པ་ལ་བརྩོན་ཅིང་། བླ་མ་ཡི་དམ་དང་གཉིས་སུ་མེད་པ་རྣམ་དག་ཆོས་སྐུའི་རང་བཞིན་དུ་ཤེས་པས་སྲོག་ལྟར་དུ་བརྟེན་སྙམ་དུ་མོས་ལ་འདིའི་རྗེས་ཟློས།
གཙོ་བོས་ཇི་ལྟར་ལན་གསུམ།
སློབ་མས་གཏང་རག་གསེར་གྱི་མཎྜལ་དང་། ལུས་ལོངས་སྤྱོད་འབུལ། དགེ་བ་རྫོགས་བྱང་དུ་བསྔོ།
རྗེས་ཚོགས་ཀྱི་འཁོར་ལོས་མཉེས་པར་བྱས་ཤིང་དཔོན་སློབ་རྣམས་ཀྱིས་ལོངས་སྤྱོད། སློབ་དཔོན་གྱིས་གཏང་རག་མཆོད་བསྟོད་བཟོད་གསོལ་སོགས་རྒྱས་པར་བྱའོ།
།བསྟན་ལ་སེམས་པའི་བློ་མཐུ་ཐོབ། །འདུན་གྲོས་ངེས་པར་ལེགས་ལ་ཕྱོགས། །རང་འདོད་ཙམ་མིན་གཞན་གྱི་དོན། །མཐའ་ཡས་བསྒྲུབ་ཕྱིར་འདི་བྱས་སོ། །མཐའ་རྟེན་བརྟུལ་ཞུགས་རྗེས་གནང་གི་ལེ་ཚན་ནོ།། །།
།དེ་ལྟར་ཡེ་ཤེས་མགོན་པོ་འདི་ཉིད་ལྷག་པའི་ཆོས་སྐྱོང་འཛིན་པ་ལ་མེད་དུ་མི་རུང་བའི་རྗེས་གནང་གི་བཀའ་སྲོལ་ཁོ་བོས་ཐོབ་པ་ནི་རེ་ཞིག་དེ་ཙམ་སྟེ། དེའང་རྩ་བ་མགོན་མཐིང་གི་བཀའ་བར་ཆད་ཀུན་སེལ་འདི་ལའང་ཇོ་ནང་རྗེ་བཙུན་ཆེན་པོ་ནས་བརྒྱུད་པ་ཐ་དད་པ་གསུམ། དཀར་མཐིང་གཉིས་ལ་ཕྱག་ལེན་མི་འདྲ་བའི་ཁྱད་པར་ཡོད་པ་བཀའ་བརྒྱུད་ཀཾ་ཚང་དང་། ས་སྐྱ་བའི་ལུགས་སྲོལ་གཉིས་རྣམས་ནོས་ཤིང་། གཞན་རྣམས་ནི་བརྒྱུད་པའི་སྲོལ་གཉིས་ལས་བྱོན་པ་སྟེ། མཁས་གྲུབ་ཁྱུང་པོ་ནས་ད་ལྟའི་བར་དུ་བཀའ་ཡོད་ངེས་ཤིང་བསླད་མ་ཞུགས་པའི་རྣམ་པར་དག་པའོ།། །།
འདི་དང་ཕྱི་མའི་དོན་ཀུན་བདེ་བླག་ཏུ། །གསོལ་བ་བཏབ་ན་ངེས་པར་སྩོལ་མཛད་པ། །བླ་མ་ནག་པོ་ཆེན་པོའི་བྱིན་རླབས་བཀའ། །གསལ་བར་བཀོད་ལ་སླར་ཡང་རྗེས་བརྩོན་མཛོད། །བྱང་ཆུབ་ལམ་གྱི་བར་ཆད་ཞི་བ་དང་། །མཆོག་མཐུན་དཔལ་འབྱོར་དབྱར་གྱི་མཚོ་བཞིན་རྒྱས། །གང་འབྲེལ་ཚོ་འོད་དཔག་མེད་ཞིང་ཁམས་སུ། །ཡེ་ཤེས་མགོན་པོས་ལམ་སྣ་འདྲེན་གྱུར་ཅིག
།ཅེས་པ་འདི་ནི་རང་ཉིད་ནས་འདུན་རྩོལ་ཆེན་པོ་བྱས་པའི་སྣོད་དག་པར། བླ་མ་མགོན་པོ་དབྱེར་མེད་པའི་བྱིན་རླབས་ཀྱི་བཅུད་ཅུང་ཟད་ཐོབ་པ། སྐལ་མཉམ་གཞན་དག་ལའང་བགོ་བཤའ་སྦྱིན་པར་བྱ་སླ་བའི་ཆེད་དུ། བླ་མ་ཡེ་ཤེས་མགོན་པོས་རྗེས་སུ་བཟུང་བའི་ཀུ་སཱ་ལི་ཀརྨ་ངག་དབང་ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེས། མྱུར་མཛད་མགོན་པོའི་བྱིན་རླབས་ཀྱི་སྣང་བས་སྲུང་བའི་གནས་མཆོག་ཙཱ་འདྲ་རིན་ཆེན་བྲག་གི་སྒྲུབ་སྡེ། ཀུན་བཟང་བདེ་ཆེན་འོད་གསལ་གླིང་དུ་བྲིས་པ་དགེ་ལེགས་འཕེལ།།
This work is licensed under a Creative Commons Attribution-Non Commercial-ShareAlike 3.0 Unported License
